News @ M-Media

Tag: anti muslim in Sri Lanka

  • ဖျက်ဆီးခံရသည့် မွတ်စလင်တို့၏ အဆောက်အအုံများ ပြန်ဆောက်ရန် ဘတ်ဂျက် ဒေါ်လာ (၁.၅)သန်း သီရိလင်္ကာ အစိုးရထုတ်ပေး

    ဇွန်လ ၂၈ ရက်၊ ၂၀၁၄
    M-Media
    Sri Lanka deploys 700 army to rebuild homes, shops damaged in communal clashes
    – ပြီးခဲ့သည့် သီတင်းပတ်က သီရီလင်္ကာတောင်ပိုင်း အလုသ်ဂါမာနှင့် ဘီရူဝါလာမြို့တို့တွင် ဖြစ်ပွားခဲ့သည့် ဘာသာရေး အခြေခံသော တိုက်ခိုက်မှုများတွင် ပျက်ဆီးသွားခဲ့သော အဆောက်အဦးများအား ပြန်လည်ဆောက်လုပ်ပေးရန် စစ်သား ၇၀၀ ကျော်ကို အစိုးရက ယနေ့တွင် တပ်ဖြန့်ချထားခဲ့သည်ဟု သိရသည်။

    သဘောထား တင်းမာသည့် ဗုဒ္ဓဘာသာအဖွဲ့ BBS က ထိုဒေသတွင် လူမျိုးရေး တိုက်ခိုက်သော ဟောပြောမှုများကို ပြုလုပ်ခဲ့ပြီးနောက် အစ္စလာမ်ဘာသာဝင်များကို ပစ်မှတ်ထားသည့် အကြမ်းဖက် တိုက်ခိုက်မှုများ ဖြစ်ပွားခဲ့ခြင်းဖြစ်ပြီး နေအိမ်များ၊ ဗလီဝတ် ကျောင်းတော်များနှင့် ဆိုင်ခန်းများစွာ မီးရှို့ဖျက်ဆီးခံခဲ့ရသည်။ ထိုကဲ့သို့ မီးရှို့မှုများတွင် ဘုန်းကြီးများလည်း ပါဝင်ခဲ့သည်။

    အခြေအနေ တည်ငြိမ်စေရန် အတွက် အစိုးရက သုံးရက်ဆက်တိုက် ကာဖျူး အမိန့်ထုတ်ခဲ့ရပြီး ထိုပြဿနာအား သီရိလင်္ကာအစိုးရ၏ ကိုင်တွယ်မှုနှင့် ပတ်သက်၍ နိုင်ငံတကာ အသိုင်းအ၀ိုင်းက ဝေဖန်ရှုတ်ချခဲ့သည်။ သမ္မတ မာဟင်ဒါ ရာဂျာပါ့က်ဆာကမူ ထိုပြဿနာအား ဆောင်ရွက်သူများကို ဥပဒေအရ အရေးယူမည်ဟု ကတိပြုထားသည်။

    ပျက်ဆီးသွားသည့် အဆောက်အဦးများ ပြန်လည် ဆောက်လုပ်ရန်အတွက် ရူပီး သန်း ၂၀၀ (ကန်ဒေါ်လာ ၁.၅ သန်း) ကို အစိုးရက ယမန်နေ့တွင် ထုတ်ပေးခဲ့ပြီး ဆောက်လုပ်ရေလုပ်ငန်းများအတွက် စစ်တပ်အား တာဝန်ပေးထားသည်။

    ဘာသာရေးကိုအခြေခံပြီး အစ္စလာမ်ဘာသာဝင်များနှင့် ခရစ်ယာန်ဘာသာဝင်များကို ပစ်မှတ်ထားသော တိုက်ခိုက်မှုများမှာ သီရိလင်္ကာနိုင်ငံတွင် မကြာခဏဖြစ်ပွားလေ့ရှိပြီး အစိုးရကမူ ပြတ်ပြတ်သားသား ကိုင်တွယ်ခြင်းမရှိပေ။

    ဆင်ဟွာ

  • သီရိလင်္ကာတွင် မွတ်စလင်များအား အကြမ်းဖက်မှုကို ဆန့်ကျင်သည့် ဘုန်းကြီး တပါး ကိုယ်လုံးတီးချွတ် ရိုက်နှက်ခံရ

    ဇွန်လ ၂၁ ရက်၊ ၂၀၁၄
    M-Media
    201406182300
    – အစ္စလာမ်ဘာသာဝင်များကို တိုက်ခိုက်သည်ဟု အပြစ်တင်ခြင်းခံနေရသည့် သဘောထားတင်းမာသော BBS အဖွဲ့ကို ပြင်းပြင်းထန်ထန်ဝေဖန်ခဲ့သည့် သီရိလင်္ကာ ဘုန်းတော်ကြီးတစ်ပါးမှာ ပြန်ပေးဆွဲခံခဲ့ရပြီး၊ ရိုက်နှက်ခံခဲ့ရသည်ဟု သိရသည်။

    သီရိလင်္ကာ ဇတ္တိကဗလသိန အဖွဲ့ခေါင်းဆောင် ဘုန်းတော်ကြီး ဗာတာရိက ဗိဇိသ သီရိုမှာ အစ္စလာမ်မုန်းတီးရေး လှုပ်ရှားမှုများကို ဆောင်ရွက်နေပြီး သီရိလင်္ကာရှိ အစ္စလာမ်ဘာသာဝင်များအား တိုက်ခိုက်မှုများတွင် ကြိုးကိုင်နေသည်ဟု အပြစ်တင်ခြင်းခံနေရသော ဆင်ဟာလာ ဗုဒ္ဓဘာသာအဖွဲ့ ဘူဒေါဗလသိန BBS ၏ လုပ်ရပ်များကို ဆန့်ကျင်ခဲ့သောကြောင့် ဗုဒ္ဓဟူးနေ့ညက မြို့တော်ကိုလံဘို ဆင်ခြေဖုံးဒေသတွင် ပြန်ပေးဆွဲ၊ ရိုက်နှက်ခံခဲ့ရခြင်းဖြစ်သည်။

    ဘုန်းတော်ကြီး သီရိုကို ပါနာဒူရာမြို့လမ်းဘေးတွင် လက်များ၊ ခြေထောက်များကို ကြိုးဖြင့်ချည်နှောင်လျက် ကိုယ်လုံးတီးတွေ့ခဲ့ရခြင်းဖြစ်ပြီး ၎င်း၏ သင်္ကန်းနှင့် ပိုက်ဆံအိတ်ကို အနီးနားတွင် တွေ့ရှိခဲ့ရသည်။ အဆိုပါ ဘုန်းတော်ကြီးအား ကြာသာပတေးနေ့ နံနက်ပိုင်းက ကားတစ်စီးပေါ်မှ လာရောက်ပစ်ချသွားသည်ဟု အနီးအနားတွင် နေထိုင်သူ ရှီဟန် ကာပူဂျီက ပြောကြားခဲ့သည်။

    ဘုန်းတော်ကြီး သီရိုအား ကိုလံဘိုမြို့ရှိ အမျိုးသားဆေးရုံးကြီးသို့ ပင့်ဆောင်ကာ ဆေးကုသပေးနေသည်ဟု အဆိုပါဆေးရုံ လက်ထောက်ဒါရိုက်တာ ဒေါက်တာ ပရာဆဒ် အရိယာဝန်ရှာက အလ်ဂျာဇီးရား သတင်းဌာနသို့ ပြောကြားခဲ့သည်။ သီရိုမှာ သီရိလင်္ကာ အာဏာရပါတီ၏ အဖွဲ့ဝင်တစ်ဦးဖြစ်ပြီး၊ အစိုးရအဖွဲ့ဝင်တစ်ဦးလည်းဖြစ်သည်။

    Ref: Al Jazeera

  • BBC : သီရိလင်္ကာတွင် မွတ်စလင်များကို ပစ်မှတ်ထား အကြမ်းဖက်မှု တိုက်ခိုက်မှုများ ဆက်လက်ဖြစ်ပွား

    ဇွန်လ ၁၇ ၊ ၂၀၁၄
    BBC မြန်မာပိုင်း
    _75582626_75582622
    သီရိလင်္ကာနိုင်ငံ တောင်ပိုင်းမှာ ဖြစ်ပေါ်ခဲ့တဲ့ အကြမ်းဖက် ဖြစ်ရပ်တွေအတွင်း မွတ်ဆလင်တွေ အများစု ပိုင်ဆိုင်တဲ့ အိမ်တွေ စီးပွားရေး လုပ်ငန်းတွေ အတော်များများ မီးတင်ရှို့ခံခဲ့ရတာဟာ သဘောထား တင်းမာတဲ့ ဗုဒ္ဓဘာသာ ဘုန်းကြီးတွေရဲ့ လက်ချက်ဆိုပြီး အပြစ်တင်မှုတွေ ထွက်ပေါ်နေပါတယ်။

    Aluthgama မြို့အနီးမှာ မွတ်ဆလင်ပိုင် လုပ်ငန်းရဲ့ အစောင့် ၁ ဦး အသတ်ခံခဲ့ရပြီး အခုဖြစ်ပေါ်နေတဲ့ ပဋိပက္ခတွေအတွင်း သေဆုံးသူ ဦးရေ စုစုပေါင်း ၄ ဦးထိ ရှိသွားပြီ ဖြစ်ပါတယ်။



    အဲဒီ ဒေသမှာ အာဏာပိုင်တွေက လုံးဝ အပြင်မထွက်ရ ကာဖျူးအမိန့် ထုတ်ထားတဲ့ ကြားထဲက အခုလို တိုက်ခိုက်မှုတွေ ဖြစ်ပေါ်ခဲ့တာပါ။

    ပြီးခဲ့တဲ့ တနင်္ဂနွေနေ့က BBS လို့ခေါ်တဲ့ အစွန်းရောက် ဗုဒ္ဓဘာသာ အဖွဲ့ Bodu Bala Sena ရဲ့ မွတ်ဆလင် ဆန့်ကျင်ရေး ချီတက် လှည့်လည်မှုတွေ ပြုလုပ်ခဲ့ကြပြီး နောက်ပိုင်း ဒီလို အကြမ်းဖက် ဖြစ်ရပ်တွေ ပေါ်ပေါက်လာတာ ဖြစ်ပါတယ်။

  • ကုရ်အာန်ကျမ်းကို စော်ကားဖျက်ဆီးရန် ကြိုးစားခဲ့သော သီရိလင်္ကာ ဘုန်းတော်ကြီးများ ရုံးတင်ခံရ

    မေ ၇ ၊ ၂၀၁၄
    M-Media

    ကိုလံဘို။             ။ ကုရ်အာန်ကျမ်းအား စော်ကားဖျက်ဆီးမှုဖြင့် စွဲချက်ဖြင့်တနင်္လာနေ့က ရဲတပ်ဖွဲ့၏ရုံးတင်မှု ခံရသော အယူသည်းဘုန်းတော်ကြီး တစ်စုအား ငွေဒဏ် ချမှတ်၍ ပြန်လွှတ်ပေး ခဲ့သည်။ ထိုဖြစ်စဉ်သည် သီရိလင်္ကာမှ အစွန်းရောက် ဗုဒ္ဓဘာသာဝင်များ အပေါ် ပထမဆုံး တရားဝင်အရေးယူမှု ဖြစ်သည်။

    SriLankaMonks-Tried-over-Quran-Desecration

    “ တရားဟော ဘုန်းကြီးလေးပါးနဲ့တစ်ကွ နောက်လိုက်နှစ်ဦးကို ဒီနေ့မှာ တရားရုံးက ဆင့်ဆိုခေါ်ယူပြီး တစ်ဦးချင်းကို ဒေါ်လာ ၇၇၀ စီ ငွေဒဏ်ချမှတ်ခဲ့ပါတယ်။ တရားစီရင်သူက သူတို့ကို အလားတူ လုပ်ရပ်မျိုး ထပ်မံမကျူးလွန်ဖို့ သတိပေးခဲ့ပါတယ်။ နောက်လအမှုချိန်းမှာ ဒဏ်ငွေတပ်ပေးဆောင်ခိုင်းမှာ ဖြစ်ပါတယ် ” ဟု ရဲဌာနပြောခွင့်ရသူ Ajith Rohana မှ AFP သတင်းဌာနသို့ မေလ ၅ ရက် တနင်္လာနေ့က ပြောကြားသည်။

    ဧပြီလတွင် ကျင်းပခဲ့သော ဘာသာရေးခေါင်းဆောင်များအစည်းအဝေးတစ်ခုအတွင်း အမျိုးသားရေး အစွန်းရောက် BBS အဖွဲ့ဝင် ဘုန်းတော်ကြီးများက အစ္စလာမ်ဆန့်ကျင်ရေး မှတ်ချက်များ ဖော်ပြပြော ဆိုခဲ့သည်။

    ၎င်းအပြင် သီရိလင်္ကာကျွန်းဆွယ်အတွင်း ဘာသာရေး သင့်မြတ်မှုဖော်ဆောင်သော BBS ဘုန်းတော်ကြီးများ အပေါ် ထိုဘုန်းကြီးများမှ ပြစ်တင်ရှုတ်ချခြင်းနှင့် ခြိမ်းခြောက်ခြင်း ကိုပါ ပြုလုပ်ခဲ့ကြောင်း ရဲတပ်ဖွဲ့၏အဆိုအရ သိရသည်။

    လူများစု ဗုဒ္ဓဘာသာဝင်တို့နှင့် တင်းမာမှုမြင့်တက်စေရန် မွတ်စ်လင်မ်တို့အား ဟလာလ်တံဆိပ်ကို စွန့်လွှတ်စေပြီး BBS အဖွဲ့သည် သီရိလင်္ကာ၌ ဟလာလ်အစားအသောက်များ ဆန့်ကျင်ရေး လှုပ်ရှားမှု ပြုလုပ်ပြီးနောက် ၂၀၁၃ ခုနှစ် မတ်လတွင် Kuragala ရှိ ၁၀ ရာစုနှစ်ရှေးဟောင်း ဗလီတစ်လုံးကို ဖျက်ဆီးပစ်ရန် လှုံ့ဆော်ခဲ့သည်။

    ဇွန်လတွင် ကိုလံဘိုမြို့ဆင်ခြေဖုံးရှိ Dehiwala ရှိ အငယ်စားအစ္စလာမ့်စင်တာကို ဒါဇင်နှင့်ချီသော ဗုဒ္ဓဘာသာဘုန်းတော်ကြီးများ ဦးဆောင်သည့် ဆန္ဒပြသူ ၂၀၀ ခန့်မှ ၀ိုင်းရံခဲ့သည်။ ဗလီဝတ်ကျောင်း ၀င်ပေါက်အပေါ် အသားပုပ်များ၊ ကျောက်ခဲများဖြင့် ပစ်ပေါက်ကာ မွတ်စ်လင်မ်တို့၏ ၀တ်ပြုရာဌာနအား ပိတ်လိုက်ရန် ကြွေးကြော်သံများဖြင့် တောင်းဆိုခဲ့ကြသည်။

    ဧပြီလတွင် Dambulla ကျေးရွာ၌ မွတ်စ်လင်မ်တို့၏၀တ်ပြုမှုကို ဗုဒ္ဓဘာသာဝင်သံဃာများ တားမြစ် ပိတ်ပင်သည်။ ၁၉၆၂ ခုနှစ်တွင် တည်ဆောက်ခဲ့သော ယင်းဗလီဝတ်ကျောင်းတော်မှာ တရားမ၀င် ဟု တိုက်ခိုက်သူများက ဆိုသည်။

    ရက်သတ္တပတ်အနည်းငယ်ကြာမြင့်ပြီးနောက် Kurunegala မြို့ဝန်းကျင်မှ မွတ်စ်လင်မ်တို့အား ၀တ်ပြုခြင်းအမှု ရပ်တန့်ရမည်ဟု ခြိမ်းခြောက်စာရေးသားပေးပို့ခဲ့သည်။

    မွတ်စ်လင်မ်တို့၏ အထွဋ်အမြတ် ထားသောကျမ်းဂန်အား စော်ကားသည်ဟု ရဲဌာန၏စွဲချက်ကို ချေပသည့် အနေနှင့် အဆိုပါသံဃာများက စော်ကားရန်ကြိုတင်ကြံစည်မှု မရှိခဲ့ကြောင်း ငြင်းဆိုခဲ့သည်။

    “ အပြစ်မရှိကြောင်း အယူခံ ၀င်လိုခဲ့ပေမယ့် တရားရုံးတော်ထဲမှာ စကားပြောဆိုခွင့် မရရှိခဲ့ပါဘူး။ ဇွန်လ ၉ ရက်မှာ ကြားနာဖို့သာ ဆင့်ခေါ်ခံရပါတယ် ” ဟု BBS ခေါင်းဆောင် Galagodaatte Gnanasara မှ ပြောကြားသည်။

    မွတ်စ်လင်မ်တို့အား အကြိမ်ကြိမ်တိုက်ခိုက်မှုများ ကြုံတွေ့နေရသဖြင့် နိုင်ငံတွင်း မွတ်စ်လင်မ် ဆန့်ကျင်ရေး အစွန်းရောက်လှိုင်း မြင့်တက်လာမှုအပေါ် သုံးသပ်စဉ်းစားပေးပါရန် ပြီးခဲ့သည့်ဧပြီလတွင် မွတ်စ်လင်မ်ခေါင်းဆောင်များက သမ္မတထံသို့ မေတ္တာရပ်ခံခဲ့ကြသည်။
    အစွန်းရောက် ဗုဒ္ဓဘာသာဝင်များ၏ အမုန်းတရားလှုပ်ရှားမှုတို့ကို လူသိရှင်ကြား ကန့်ကွက်ရှုတ်ချပေးပါရန် မွတ်စ်လင်မ်အပေါင်းတို့ကလည်း သမ္မတအား တိုက်တွန်းပန်ကြားခဲ့ကြသည်။

    “Moors” ဟု လူသိများသော သီရိလင်္ကာမွတ်စ်လင်မ်တို့သည် နိုင်ငံ၏တတိယမြောက် အကြီးမားဆုံး တိုင်းရင်းနွယ်များဖြစ်ကြသည်။ လူဦးရေပမာဏာ၏ ၇၀ ရာခိုင်နှုန်းမှာ ဆင်ဟာလီများဖြစ်၍ တမီလ်တို့မှာ ၁၂.၅ ရာခိုင်နှုန်း ရှိကြသည်။

    လူမျိုးရေးပြဿနာဖြစ်လေတိုင်း အစိုးရအစဉ်အဆက်တို့မှာ လူများစုဗုဒ္ဓဘာသာဝင်တို့၏ ဖိအားပေးခံကြရသည်ဟု သုတေသီများက ဆိုသည်။

    News Agencies