မောင်ယဿ ရေးသည်။
ပြီးခဲ့တဲ့သီတင်းပတ် တနင်္ဂနွေက တပည့်တစ်ယောက် မင်္ဂလာဆောင်ကိုသွားခဲ့တယ်။ စာရေးသူရဲ့ထုံးစံအတိုင်း တတိယတန်း တက်နေတဲ့ သမီးရင်နွေငြိမ်းရယ်၊ သူငယ်တန်း တက်နေတဲ့ သား ဆောင်းအေးချမ်းရယ် ၃ ယောက်သား ဆိုင်ကယ်စီးပြီး မင်္ဂလာဆောင်ကို သွားခဲ့တယ်။ ဟိုရောက်တော့ မနက် (၁၁:၀၀ )နာရီဆိုတော့ ရန်ကုန် မင်္ဂလာဆောင်ထုံးစံ အတိုင်း ဒန်ပေါက်နှင့်ရေခဲမုန့် ကျွေးပါတယ်။ ဗိုက်ဆာနေလို့ စာရေးသူက ဒန်ပေါက်ကို အားရပါးရစားနေချိန်မှာ သားနှင့်သမီးက ဒန်ပေါက်ကိုထိတောင်မထိပဲ ရေခဲမုန့်ချည်းပဲ စားနေကြတယ်။ စာရေးသူက ပန်းကန် တစ်ဝက်လောက်ကျိုးတော့ ခေါင်းမော့ကြည့်လိုက်တဲ့အခါ သားနှင့်သမီးဒန်ပေါက် မစားတာကို တွေ့သွားတယ်။ အံ့အားသင့်သွားတယ်။ သူတို့နှစ်ယောက်လုံး ဒန်ပေါက်ကြိုက်တာကိုသိတယ်။ ပြီးခဲ့တဲ့နှစ်ကဆိုရင် စာမူခ ကောင်းကောင်းရလို့ သူတို့နဲ့ဆိုင်မှာ တစ်ခါဝယ်စားဖူးတယ်။ အငယ်ကောင်ကပြင်ပွဲတင် မဝလို့ လိုက်ပွဲ ၂ ပွဲမှာစားခဲ့တယ်။ အခုတော့ လက်နဲ့တောင် မတို့လို့ စားရေးသူမေးရပြီပေါ့။
“သားနှင့်သမီး ဒန်ပေါက်စားလေ၊ ပြီးမှ ရေခဲမုန့်စားရတယ်”
“ဟင့်အင်း” ဆိုပြီး ၂ ယောက်စလုံး ခေါင်းခါငြင်းတယ်။
ဘာဖြစ်လို့လဲစာရေးသူအမေးကို စကားသွက်တဲ့ အငယ်ကောင် သူငယ်တန်းကျောင်းသားကဖြေတယ်။ “ဒံပေါက်က ကုလားခြေဆေးရေနဲ့ ချက်ထားတယ် ဖေဖေရဲ့။ သားတို့ကရွံလို့မစားတာ” ဟု ပြောသည်။
“သားကိုဘယ်သူပြောတာတုန်း”
“မမ”
“ဟုတ်လား သမီး”
“အင်း”
“သမီးကိုရော ဘယ်သူကပြောတာလဲ”
“ကျောင်းကသူငယ်ချင်းတွေပြောတာ”
“သွားပြီ” ဆိုတာကို စာရေးသူ ဘာသာသိလိုက်သည်။ စာသင်ကျောင်းက ဒီစကားတွေ ကလေးတွေကြားထဲကို ပျံ့နှံ့လာပြီး ဒီအတိုင်းဆိုရင် မဟုတ်တော့ချေ။ မိဘပြည်သူတွေ သိအောင် ချပြဖို့လိုလာပြီလို့ သုံးသပ်လို့ ဒီစာကိုရေးလိုက်ရတာပါ။
တိုင်းပြည်မှာ နိုင်ငံရေးလက်နက်ကို မူလတန်းအထိ သွေးထိုးနေတဲ့ ပုံစံဖြစ်လာပြီ။ သမီးနဲ့သားကတော့ ကလေးတွေမို့ ထားလိုက်ပါတော့။ သမီးနဲ့သားရဲ့ သူငယ်ချင်းတွေကလည်း ကလေးတွေပါပဲ။ ဒီလိုဝါဒဖြန့်မှုတွေက ဥပမယ်လူသားမမြောက်သေးတဲ့ ကလေးတွေရဲ့အတွေးထဲကို ဝင်ရောက်စေတာ နိုင်ငံရဲ့အနာဂတ်ကို စိုးရိမ်စရာအခြေအနေဖြစ်နေပါတယ်။ ကုလားတွေခြေဆေးတဲ့ရေနဲ့ ချက်ထားတဲ့ ဒံပေါက်ဆိုတဲ့ စကားလုံးက တော်တော်ကို လူသား မဆန်တဲ့ ဝါဒဖြန့်မှုအသွင်တစ်ခုပဲ။ ဒီစကားလုံးတွေနဲ့ကြီးပြင်းလာမဲ့ကလေးတွေက လာမယ့် ၁၀ နှစ်ဆိုရင် လူမျိုးရေးအထိကရုဏ်းကိုဖန်တီးမယ့် သူတွေ ဖြစ်လာနိုင်ပါတော့မယ်။ တိုင်းပြည် မငြိမ်းချမ်းအောင်လို့ စကားလုံးတွေနဲ့ ဆေး မထိုးကြပါနဲ့။ အထူးသဖြင့် ကလေးတွေရဲ့ဖြူစင်တဲ့နှလုံးသားထဲကို မဟားတရား အယူအဆတွေ မသွတ်သွင်းမိပါစေနဲ့။ မျိုးချစ်တာကိုကောင်းကောင်း နားလည်ပါတယ်။
သူများလိုပါးစပ်ကနေ အမျိုးစောင့်တာ မဟုတ်ပါဘူး။ အခွင့်အရေးရပေမယ့် အဆင်းရဲခံပြီး မြန်မာအမျိုးသမီး စစ်စစ်နှင့် အိမ်ထောင်ပြုခဲ့တာပါ။ အခုတော့ မျိုးချစ်စိတ်ကို ဟန်ပြပြီး အကြမ်းဖက်ဝါဒဆီကို ဦးတည်စေတတ်တဲ့ အသိအမြင်တွေ ကလေးတွေကြားထဲ အထိ ဖြန့်ဖြူးနေတာကိုတွေ့ရလို့ စိတ်မကောင်းဖြစ်မိပါတယ်။ ကျန်တဲ့နည်းနဲ့ တားလို့ရပါတယ်။ ဝံသာနုရက္ခိ စိတ်ဓာတ်မွေးမြူတတ်အောင် သင်ရမှာပါ။ အမျိုးကိုစောင့်တတ်ဖို့ အမျိုးကို ချစ်တတ်အောင်သင်ကြားပေးတာ ကောင်းပေမယ့် တစ်ဖက်ကို ဘယ်လို အကြောင်းပြချက်နဲ့မှ မနှိမ်သင့်ပါဘူး။
အခုစာရေးသူသိလိုက်ရတဲ့ ပုံစံမျိုးလိုပေါ့။ လူမျိုးခြားကို မုန်းတတ်အောင်သင်တဲ့ အယူအဆကရေရှည်မှာကြည့်ရင် တကယ်မကောင်းတာပါ။
စာရေးသူတို့ရဲ့အသက်အရွယ်က မကြာခင် ကုန်လွန်သွားတော့မှာပါ။ စာရေးသူတို့ရဲ့ သားတွေ သမီးတွေ မြေးတွေကို လူမျိုးရေး ပဋိပက္ခတွေမထားခဲ့ချင်ရင် သူ့ကိုကိုယ်သတ်၊ ကိုယ့်ကိုသူသတ်နဲ့ တကယ့်ကြမ်းတမ်းတဲ့ လူ့အသိုက်အဝန်းမှာ ရင်သွေးငယ်တွေကို မထားခဲ့ချင်ရင် ကိုယ့်ရင်သွေးတွေကိုကိုယ်ချစ်တယ်ဆိုရင် ဒီအယူအဆတွေကို ကလေးတွေရဲ့ စိတ်သဏ္ဍန်ပုံမဖော်ခဲ့ကြပါနဲ့လို့ ဆိုလိုက်ပါရစေခင်ဗျား။
The Hot News
Vol.5No.217 ပါဆောင်းပါးကို ကူးယူဖော်ပြပါသည်။
