News @ M-Media

Tag: Anti-Terrorism

  • အကြမ်းဖက်ဝါဒကိုဆန့်ကျင်သည့် ဆန္ဒပြမှု ဘင်္ဂလားဒေ့ရ်ှကျောင်းသားများ ပြုလုပ်

    အကြမ်းဖက်ဝါဒကိုဆန့်ကျင်သည့် ဆန္ဒပြမှု ဘင်္ဂလားဒေ့ရ်ှကျောင်းသားများ ပြုလုပ်

    သြဂုတ် ၃၊ ၂၀၀၁၆
    M-Media

    ဘညေါဘညေါbang (2)ang

    – နိုင်ငံအတွင်း အကြမ်းဖက်တိုက်ခိုက်မှုများနှင့် အစွန်းရောက်ဝါဒ မြင့်တက်လာမှုကို ဆန့်ကျင်သည့်အနေဖြင့် ဘင်္ဂလားဒေ့ရ်ှရှိ ကျောင်းသားပေါင်း ၁ သိန်းကျော်က တနင်္လာနေ့တွင် နိုင်ငံတစ်ဝှမ်း ဆန္ဒပြခဲ့ကြသည်ဟု သိရသည်။

    ကောလိပ်နှင့် တက္ကသိုလ်ရာပေါင်းများစွာမှ ကျောင်းသားများ ပါဝင်ခဲ့ပြီး မြို့တော်ဒါကာနှင့် အခြားသော မြို့ကြီးများတွင် ဆန္ဒပြခဲ့ကြခြင်းဖြစ်ကာ နိုင်ငံအတွင်း အစွန်းရောက်ဝါဒ ကြီးထွားလာမှုနှင့်ပတ်သက်၍ သတိမူမိစေရန် ပြုလုပ်သည့် လှုပ်ရှားမှု၏ တစ်စိတ်တစ်ပိုင်းလည်းဖြစ်သည်။

    ဆန္ဒပြသူ ကျောင်းသားများမှာ “ဘင်္ဂလားဒေ့ရ်ှဟာ အကြမ်းဖက်ဝါဒကို ဆန့်ကျင်ပါတယ်” “ငါတို့ ငြိမ်းချမ်းရေးကိုလိုချင်တယ်။ အကြမ်းဖက်ဝါဒအတွက်နေရာမရှိ” စသည့် ဆိုင်းဘုတ်များကို ကိုင်ဆောင်ခဲ့ကြသည်။

    စီစဉ်သူများကမူ ပြီးခဲ့သည့်လအတွင်းက သံတမန်ရပ်ကွက်ရှိ စားသောက်ဆိုင်တွင် ဖြစ်ပွားခဲ့သော အကြမ်းဖက်တိုက်ခိုက်မှုတွင် ပါဝင်သူများမှာ ကျောင်းသားများနှင့် လူငယ်များဖြစ်သောကြောင့် ယခုဆန္ဒပြပွဲကို ကျောင်းသားများက ဦးဆောင်ရန် ဆန္ဒရှိခြင်းဖြစ်သည်ဟု ပြောကြားခဲ့သည်။

    “ဘယ်လိုအစွန်းရောက်ဝါဒပုံစံမျိုးကိုမဆို ကျွန်တော်တို့ ဆန့်ကျင်ပါတယ်။ အကြမ်းဖက်ဝါဒကိုလည်း ကျွန်တော်တို့ ရှုတ်ချပါတယ်။ ဒီနေ့ ဆန္ဒပြမှုမှာ ကျောင်းသားတွေ၊ ကျောင်းသူတွေ အများကြီးပါဝင်တဲ့အတွက် အားတက်မိပါတယ်” ဟု ဆန္ဒပြပွဲ စီစဉ်သူများထဲမှ တစ်ဦးဖြစ်သူ တန်ဗီရ်ရှာကီလ် ဂျွိုင်းက ပြောကြားခဲ့သည်။

    ကျောင်းသားများမှာ ဒါကာမြို့တွင် နေရာ ၅၀ ၌ ဆန္ဒပြခဲ့ကြခြင်းဖြစ်ပြီး၊ အခြာသော မြို့ကြီးများနှင့် ခရိုင်များတွင်လည်း ဆန္ဒပြခဲ့ကြသည်။

    ဆန္ဒပြမှုအဖြစ် အစွန်းရောက်ဝါဒကိုဆန့်ကျင်သည့် လက်မှတ်ထိုးလှုပ်ရှားမှုကိုလည်း ပညာရေးအသင်းအဖွဲ့အားလုံးတွင် စတင်ခဲ့သည်ဟု ဂျွိုင်းက ထပ်လောင်းပြောကြားခဲ့သည်။

    ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာကမူ နိုင်ငံအတွင်း အစွန်းရောက်ဝါဒကို တိုက်ဖျက်သွားမည်ဟု ကတိပြုထားပြီး အကြမ်းဖက်ဝါဒ၏ အန္တရာယ်ကို ပြည်သူများက သိရှိအောင် ဆောင်ရွက်ရန်လည်း တိုက်တွန်းခဲ့သည်။

    Ref: Washington Post

  • ပြည်ခရိုင်တွင် အဓိကရုဏ်းများ ဆန့်ကျင်ရေးနှင့် တားဆီးရေး ကွန်ရက် ပြန်လည်ဖွဲ့စည်း

    ပြည်ခရိုင်တွင် အဓိကရုဏ်းများ ဆန့်ကျင်ရေးနှင့် တားဆီးရေး ကွန်ရက် ပြန်လည်ဖွဲ့စည်း

    ဇွန်၂၇၊ ၂၀၁၆
    M-Media
    မိုးစက်
    Pyi
    ပြည်။    ။ ဘာသာရေး အဓိကရုဏ်း များကို ကာကွယ်နိုင်ပြီး ၂၁ ပင်လုံညီလာခံကို နှောင့်ယှက်ဖျက်ဆီးခြင်းမှ ကင်းဝေးရန်အတွက် ဘာသာရေး အဓိကရုဏ်းများ ဆန့်ကျင်ရေးနှင့် တားဆီးရေး ကွန်ရက် (ပြည်ခရိုင်) ကို ဇွန်လ ၂၆ ရက်နေ့က ပြန်လည်ဖွဲ့စည်း ခဲ့ပါတယ်။

    ယခုအချိန်သည် ၂၁ ရာစုညီလာခံအတွက် တိုင်းရင်းသားတွေ လက်နက်ကိုင်အဖွဲ့အစည်းတွေက စည်းလုံးမှုရရန်အတွက် ကြိုးစားနေချိန်ဖြစ်ပြီး အဆိုပါ ကြိုးစားမှုများကို မလိုလားသူများက ဘာသာရေးမှိုင်းတိုက်ပြီး ဆူပှုမှုများဖြစ်အောင် ကြိုးပမ်းနေကြတဲ့အတွက် ယခုလို အဖွဲ့ကို ပြန်လည်ဖွဲ့စည်းလိုက်ခြင်းလည်း ဖြစ်ပါတယ်။

    “ကျွန်တော်တို့အဖွဲ့က ပြည်ခရိုင်မှာ တစ်ခုခု ပြစ်မှုကျူးလွန်တာနဲ့ အဲ့လူကို ချက်ချင်းဖမ်းဆီးဖို့ အရေးယူဖို့ ရဲတွေနဲ့ သက်ဆိုင်ရာတွေကို တောင်းဆိုမယ်၊ မလိုလားအပ်တဲ့ ပြသာနာတွေမရှိလာအောင် ပြည်ခရိုင်မှာ တာဝန်ရှိ အစိုးရအဖွဲ့နဲ့ ပူးပေါင်းလုပ်ဆောင်သွားဖို့တွေ ရှိပါတယ်” လို့  အဓိကရုဏ်းများ  ဆန့်ကျင်ရေးနှင့် တားဆီးရေး ကွန်ရက်က တာဝန်ရှိသူတစ်ဦးက ကွန်ယက်ပြန်လည်ဖွဲ့စည်းရခြင်းနှင့် ပတ်သတ်ပြီး ပြောဆိုပါတယ်။

    ဘာသာရေးအဓိကရုဏ်း  တွေဖြစ်မှ ပင်လုံညီလာခံပျက်သွားမယ်ဆိုတဲ့ အကြံအစည်နဲ့ လုပ်နေကြတာကြောင့် အမျိုးသားရင်ကြားစေ့ရေး၊ တိုင်းရင်းသား စည်းလုံးညီညွတ်ရေးတို့ကို ထိခိုက်အောင် လုပ်နေသူများကို ဖွဲ့စည်းပုံ အခြေခံဥပဒေများအတိုင်း အရေးယူနိုင်အောင် လွှတ်တော် ကိုယ်စားလှယ်များ၊ မြန်မာနိုိင်ငံရဲ့တပ်ဖွဲ့တို့နှင့် ပူးပေါင်းဖော်ထုတ်သွားမယ်လို့  ဇွန်လ (၂၆) ရက်နေ့က အဓိကရုန်းများ ဆန့်ကျင်ရေးနှင့် တားဆီးရေးကွန်ရက်က ထုတ်ပြန်သော ကြေငြာချက်မှာ ပါရှိပါတယ်။

    လွန်ခဲ့သော ရက်ပိုင်းများအတွင်းက အစ္စလာမ်ဘာသာဝင်တစ်ဦး၏ အိမ်ရှေ့တွင် မီးလောင်မှု တခု ဖြစ်ပွားခဲ့ပါသေးတယ်။ အဆိုပါည ညဥ့်နက်အချိန်တွင် ဆိုက်ကယ်များစီးပြီး လူတစ်စုက ရှို့မီးဖြင့် မီးရှို့ခဲ့တာလို့ သတင်းတွေထွက်ပေါ်ခဲ့ပါတယ်။။ တရားခံများကို ရဲမှ အမှုဖွင့်ထားပြီး ယနေ့တိုင် တရားခံတစ်စုံတစ်ယောက်မှ မိခြင်း မရှိသေးကြောင်းပါ။

  • လူ ၅၀ သေဆုံးခဲ့သည့် အော်လန်ဒိုသေနတ်ပစ်မှုကို အမေရိကန် မွတ်စလင်များ ရှုတ်ချ

    လူ ၅၀ သေဆုံးခဲ့သည့် အော်လန်ဒိုသေနတ်ပစ်မှုကို အမေရိကန် မွတ်စလင်များ ရှုတ်ချ

    ဇွန် ၁၃၊ ၂၀၁၆
    M-Media

    orlando

    – အမေရိကန်ပြည်ထောင်စု ဖလော်ရီဒါပြည်နယ် အော်လန်ဒိုမြို့ရှိ လိင်တူချစ်သူများစုဝေးရာ နိုက်ကလပ်တွင် ဖြစ်ပွားခဲ့သော သေနတ်ဖြင့်ပစ်ခတ်မှုအတွက် အမေရိကန် မွတ်စလင်အဖွဲ့အစည်းများက ရှုတ်ချခဲ့ကြသည်။

    မနက်အစောပိုင်း ဖြစ်ပွားခဲ့သည့် အဆိုပါ ပစ်ခတ်မှုအတွင်း လူ ၅၀ ခန့် သေဆုံးခဲ့ပြီး ၆၀ ၀န်းကျင် ဒဏ်ရာရရှိခဲ့သည်။ သေနတ်သမားမှာ အိုမာရ် မာတင်းဆိုသူဖြစ်ပြီး ရဲတပ်ဖွဲ့၏ အပြန်အလှန်ပစ်ခတ်မှုအတွင်း သေဆုံးခဲ့သည်။ IS ကမူ မာတင်းမှာ မိမိတို့ အဖွဲ့ဝင်တစ်ဦးဖြစ်ပြီး ထိုပစ်ခတ်မှုမှာ မိမိတို့လက်ချက်ဖြစ်သည်ဟု ပြောဆိုခဲ့သည်။

    အိုမာရ် မာတင်း၏ ဇနီးဟောင်းဖြစ်သူ ဆီတိုရာ ယူဆူဖီက မာတင်းမှာ စိတ်ပိုင်းဆိုင်ရာအရ ဂဏာမငြိမ်ဘဲ၊ အလွန်အမင်းပျော်ရွှင်မှု သို့မဟုတ် ဒေါသထွက်မှုကြောင့် စိတ်မတည်မငြိမ်ဖြစ်တတ်သည့် စိတ်ကျရောဂါမျိုး ရှိနေကြောင်း၊ တစ်ခါတစ်ရံတွင် လိင်တူချစ်သူများအား မနှစ်မြို့သည့် လက္ခဏာများ ပြတတ်ကြောင်း ၀ါရှင်တန်ပို့စ်သတင်းစာသို့ ပြောကြားခဲ့သည်။

    “ပထမဆုံး ခံစားရတာကတော့ ၀မ်းနည်းမှုပါပဲ။ ဒီတိုက်ခိုက်မှုအတွင်းမှာ အသက်ဆုံးရှုံးခဲ့ရသူတွေ၊ သူတို့ရဲ့မိသားစုတွေနဲ့အတူ ထပ်တူထပ်မျှ ကြေကွဲဝမ်းနည်းရပါတယ်။ နောက်ထပ်ပြောချင်တာကတော့ ဒီလူတွေ (ကျူးလွန်သူ)ဟာ ကျွန်တေ်ာတို့ သာသနာကို ညှိုးနွမ်းစေသူတွေ ဖြစ်တယ်ဆိုတာပါပဲ” ဟု ဖီလာဒဲလ်ဖီးယားပြည်နယ် ဂျာမန်တောင်းမြို့ရှိ ဂျာမန်တောင်း ဗလီဝတ်ကျောင်းတော်မှ ရှေ့ဆောင်အီမာမ်ဖြစ်သူ ဟာဆန် အဘ်ဒီက ပြောကြားခဲ့သည်။

    တက္ကဆက်ပြည်နယ် ဒါးလက်စ်မြို့ရှိ ဘိုက်သွလ် အစ်က္ကရမ် ဗလီဝတ်ကျောင်းတော်ကလည်း တနင်္ဂနွေနေ့ညပိုင်းတွင် အထူးဝတ်ပြုဆုတောင်းမှုတစ်ခုပြုလုပ်ကာ တိုက်ခိုက်မှုအတွင်း ထိခိုက်ခဲ့သူများအတွက် ဆုမွန်ကောင်းတောင်းပေးခဲ့ကြသည်။ ထို့ပြင် ထိုပစ်ခတ်မှုကိုလည်း ရှုတ်ချခဲ့သည်။

    “ဒီလူတွေကတော့ သူတို့ကိုသူတို့ မွတ်စလင်လို့ ခေါ်ကြတယ်။ ဒါပေမယ့် ဒါမျိုးသွန်သင်မှုတွေ သူတို့ ဘယ်ကယူသလဲတော့ ကျွန်တော် မပြောတတ်ပါဘူး” ဟု ဒါးလက်စ်မြို့ရှိ မွတ်စလင် လူအဖွဲ့စည်းစင်တာမှ ဥက္ကဌဖြစ်သူ ဆူဟေးလ် ကူဆာရ်က ပြောကြားခဲ့သည်။

    ၀တ်ပြုဆုတောင်းမှုတွင် ပါဝင်ခဲ့သူ အစ်ရ်ဖန်း ရဘ်ဘာနီက ထိုအဖြစ်အပျက်မှာ အကြမ်းဖက်ဝါဒကို ရှုတ်ချကာ အစ္စလာမ့်ပုံရိပ်အစစ်အမှန်ကို မြှင့်တင်နေသောသူများအား ထိခိုက်စေသည်ဟု ဆိုသည်။

    “သူတို့တွေက အစ္စလာမ့်ရဲ့ ငြိမ်းချမ်းတဲ့သတင်းစကားပြန်နှံ့ဖို့ နေ့ရောညပါ ကြိုးစားနေကြပါတယ်။ ဒီလိုအဖြစ်အပျက်မျိုးက ဒီအလုပ်ကို ခြေလှမ်းထောင်ပေါင်းများစွာ အနောက်ပြန်ရောက်သွားစေပါတယ်။ ပြီးတော့ လူ့အဖွဲ့အစည်းအတွင်း အတူတကွ တစ်ညီတစ်ညွတ်တည်းရှိဖို့ ကျွန်တော်တို့ အစကနေ ပြန်စရပါတော့မယ်။ တော်တော်လေး ထိခိုက်တယ်ဗျာ”

    ကူဆာရ်ကမူ မိမိတို့အနေဖြင့် အတူယှဉ်တွဲနေထိုင်ရမည်ဖြစ်ပြီး တစ်ဦးနှင့်တစ်ဦး ချစ်ခြင်းမေတ္တာ၊ ဂရုဏာများ ထားရှိရမည်ဖြစ်ကြောင်း၊ ထိုစကားမှာ မိမိတို့ပေးချင်သော သတင်းစကားဖြစ်ကြောင်း ထပ်လောင်းပြောကြားခဲ့သည်။

    တန်နက်ဆီးပြည်နယ် ဂရိတ်တားချက်တာနူဂါ မြို့ရှိ ဗလီဝတ်ကျောင်းတော်အပြင်ဘက်တွင်လည်း မွတ်စလင်လူငယ်အဖွဲ့တစ်ခုက ယမန်နေ့ညတွင် စုဝေးခဲ့ကြကာ အော်လန်ဒိုတိုက်ခိုက်မှုအတွင်း သေဆုံးသူများအတွက် ဆုတောင်းခဲ့ကြသည်။

    “ဒါမျိုးဖြစ်သွားတဲ့အတွက် ကျွန်တော်တို့ တော်တော်လေး စိတ်မကောင်းပါဘူး။ ဒါမျိုးဖြစ်တဲ့အခါတိုင်း ကျွန်တော်တို့ ပုခုံးမှာ ၀န်ထုတ်ဝန်ပိုးတွေ ပိုများလာတယ်လို့ ခံစားရတယ်။ ဒါက ကျွန်တော်တို့အပြစ်တော့ မဟုတ်ဘူးပေါ့လေ။ ကျွန်တော်တို့ ဘာသာဝင်ထဲကတစ်ယောက်က ဒါမျိုးလုပ်တော့ ၀န်ထုတ်ဝန်ပိုးလို့ ခံစားရတာပါ။ တစ်ခုခုတော့ မှားနေပြီလို့လည်း ကျွန်တော်တို့ ခံစားရပါတယ်။ ဒါပေမယ့် မွတ်စလင်အများစုကတော့ ငြိမ်းချမ်းရေးမြတ်နိုးသူတွေဆိုတာ ခင်ဗျားတို့ တွေ့မှာပါ” ဟု ဗလီဝတ်ကျောင်းတော်၏ ဘုတ်အဖွဲ့ဝင်တစ်ဦးဖြစ်သူ အာရစ်ဖ် ရှာဖီက ပြောကြားခဲ့သည်။

    Ref: RT, IINA

  • ဘာသာတရား ပြသနာ မဟုတ်သည့် လူသားဝါဒ နှင့် လူရိုင်းဝါဒတို့ကြား ထိပ်တိုက် ပဋိပက္ခ

    ဘာသာတရား ပြသနာ မဟုတ်သည့် လူသားဝါဒ နှင့် လူရိုင်းဝါဒတို့ကြား ထိပ်တိုက် ပဋိပက္ခ

    ဒီဇင်ဘာ ၂၂ ၊ ၂၀၁၅
    M-Media
    muslims1-1170x711
    အီရတ်နှင့် လက်ဘနွန်ရှိ အစ္စလာမ့် နိုင်ငံတော်(ISIL) ဟု  အမည်ပေးထားသူများအပါအဝင် အကြမ်းဖက်တို့၏ ရက်စက်ကြမ်းကြုတ်မှုများကို မယုံနိုင်စရာရင်ဆိုင်ကြုံတွေ့ရသည့်အတွက် စကားလုံးများဖြင့် မဖော်ပြနိုင်တော့အောင်ပင် ဝမ်းနည်းစိတ်မသက်မသာဖြစ်ရမိပါသည်။

    အဆိုပါအုပ်စုများသည် ယင်းတို့၏ ဖောက်လွဲဖောက်ပြန် အတွေးအခေါ်များကို ဘာသာရေးအသွင် အရောင်ဆိုးရင်း အကြမ်းဖက်နေကြသူများ သာဖြစ်ကြောင်း ကမ္ဘာတဝန်းရှိ သန်းပေါင်း၁၅၀၀ကျော်သော မွတ်စလင်မ်တို့အား လေးလေးနက်နက် ဝမ်းနည်းစွာ အသိပေးလိုပါသည်။ ကျွန်ုပ်တို့ မွတ်စလင်များ အနေဖြင့် ယင်း အစွန်းရောက်အကြမ်းဖက်တို့ရန်မှ ကမ္ဘာကိုကယ်တင်ရန် လူသားချင်းလက်တွဲဆောင်ရွက်ကြရုံမျှမက ယင်းသူတို့ကြောင့် မှေးမှိန်ပျက်ယွင်းနေရသည့် ကျွန်ုပ်တို့ယုံကြည်မှု ဘာသာတရား၏ ပုံရိပ်မှန်ကို ပြန်လည် တည်ဆောက်ပေးကြရန်လည်း တာဝန်ရှိနေပါပြီ။

    စာအားဖြင့်လည်းကောင်း ပုံသဏ္ဍန်အားဖြင့်လည်းကောင်း အသွင်ဆောင်ခြင်းဖြင့် မိမိတို့သည် ဤဤထိုထို လူ့အစုအဝေး တစ်ရပ်မှဖြစ်ကြောင်း ကြေညာရန် လွယ်လှပါသည်။  ယင်းသူတို့၏ အသွင်ဆောင်ကြေညာချက် အစစ်အမှန် ဟုတ်မဟုတ်ကိုမူကား သူတို့ မိမိကိုယ်ကို ကြေညာ ထားကြသော အစုအဖွဲ့၏ အခြေခံအနှစ်သာရများနှင့် ယင်းသူတို့၏လက်တွေ့လုပ်ရပ်များ ကိုက်ညီမှုရှိမရှိ နှိုင်းယှဉ် တိုင်းတာကြ ရပေမည်။ ယုံကြည်ချက်တစ်ရပ်၏ မှတ်ကျောက်သည် ပုံစံတစ်မျိုးမျိုးဖြင့် ဝတ်စားဆင်ယင်ကာ ကြွေးကြော်ကြေညာခြင်း အပေါ် အခြေမခံ။ မှတ်ကျောက်အစစ်သည်ကား သူတပါးအသက်ကို တန်ဖိုးထားခြင်း လူသားထုတစ်ရပ်လုံး၏ ဂုဏ် သိက္ခာကို လေးစားကြည်ညိုခြင်း စသည့် ကမ္ဘာ့ဘာသာတရားအသီးသီး၏ အခြေခံ အနှစ်သာရများကို လေးစား လိုက်နာကျင့်သုံးခြင်း ရှိမရှိပင်ဖြစ်သည်။

    ကျွန်ုပ်တို့အနေဖြင့် အကြမ်းဖက်သမားတို့ပုံဖော်လာသော အတွေးအခေါ်အယူအဆလွဲ မှန်သမျှအား ခြွင်းချက်မရှိ ဆန့်ကျင်ကာ အားလုံးတူညီ ငြိမ်းချမ်းစွာအတူလက်တွဲနေထိုင်တတ်သော အတွေးအခေါ်များကို ခိုင်ခိုင်မြဲမြဲ နှစ်နှစ်ကာကာ ယုံကြည် တည်ဆောက်ကြရန် လိုသည်။ စင်စစ်အားဖြင့် “လူမျိုး” “နိုင်ငံသား” “ဘာသာတရား” စသည့် သတ်မှတ်ချက်များထက်အရင် ပိုအရေးပါသည်က အကြမ်းဖက်မှုနှင့် ကြုံဆုံရတိုင်း နောက်ရောက်မှေးမှိန်သွားရစမြဲဖြစ်နေရသည့်  “လူသား” ဟူသည့် သတ်မှတ်ချက်ပင်။ ပဲရစ်မြို့တွင် အသက်ဆုံးရှုံးခဲ့ကြရသော ပြင်သစ်နိုင်ငံသားများသည်လည်းကောင်း ၊ ယင်းမတိုင်မီ တစ်ရက်က ဘေရွတ်မြို့တွင် သေဆုံးခဲ့ကြရသော လက်ဘနွန်နိုင်ငံသား ရှိအဟ် မွတ်စလင်မ်များသည်လည်းကောင်း၊ ယင်းအကြမ်းဖက်သမားတို့၏ လက်ချက်ကြောင့်ပင် အသက်ဆုံးရှုံးခဲ့ကြရသော အီရတ်နိုင်ငံသား စွန္နီ မွတ်စလင်မ် အမြောက်အများတို့သည်လည်းကောင်း အကယ်စင်စစ် “လူသား” များပင်။ လူသားများ ခံစားနေရသော ဘေးဒုက္ခများအား အမျိုးဘာသာမခွဲဘဲ ကိုယ်ချင်းစာစိတ်ဖြင့် တန်းတူ ဝမ်းနည်းကာ တန်းတူရည်တူ မတုန့်ပြန်တတ်ကြသေးသရွေ့တော့ ကျွန်ုပ်တို့လူ့ဘောင် တိုးတက်ကြမည်မဟုတ်ချေ။

    အခြားသူများက မိမိတို့အသွင်ယူ လုပ်ကြံကာ မိမိတို့ကို ပုံဖျက်နေကြသည်ဆိုသော conspiracy theories များကို ယုံကြည်နေခြင်းအားလည်း မွတ်စလင်မ်တို့အနေဖြင့် ငြင်းပယ်ရှောင်ရှားကြသင့်ပါပြီ။ ဤသို့ ယုံနေကြခြင်းကြောင့်လည်း ကျွန်ုပ်တို့ ကြုံတွေ့နေရသော လူမှုဘဝပြဿနာများကို ထိပ်တိုက် ရင်ဆိုင်ဖြေရှင်းရန်ကို ရှောင်ဖယ်မိနေကြခြင်း ဖြစ်သည်။ ထို့အစား ကျွန်ုပ်တို့အနေဖြင့် အောက်ပါ ပြဿနာတို့ကို အဖြေရှာကြရန်လိုနေပါသည်။  ကျွန်ုပ်တို့ လူ့အစုအဝေးများသည် မိမိတို့အတွင်း၌ မသိမသာ ကိန်းအောင်းလျက်ရှိနေကြသော အာဏာရှင်ဝါဒ၊ အိမ်တွင်း ကိုယ်ထိလက်ရောက် အကြမ်းဖက်မှု၊ လူငယ်များအား လစ်လျူရှုထားမှု၊ ဘက်စုံထူးချွန်သောပညာရေး အားနည်းမှုတို့ကြောင့် အာဏာရှင် အုပ်စုများအား မွေးထုတ်ပေးရာ ဖြစ်နေလေသလား။ ကျွန်ုပ်တို့အနေဖြင့် လူ့အခွင့်အရေးနှင့် လွတ်လပ်ခွင့်များအား စနစ်တကျ မပျိုးထောင်နိုင်ခဲ့မှု၊ ကျွန်ုပ်တို့လူ့အဖွဲ့အစည်းများအတွင်း တရားဥပဒေစိုးမိုးမှုနှင့် ငြိမ်းချမ်းစွာ စုပေါင်း အတူလက်တွဲနေထိုင်ရေးတို့ကို အောင်မြင်စွာ မဖော်ဆောင်နိုင်ခဲ့မှုများက ဒုက္ခတွေ့နေသူများအား အခြားလမ်းသို့ တွန်းပို့ခဲ့ရာ ရောက်နေရသည်လား။

    ပဲရစ်မြို့၏ဝမ်းနည်းဖွယ်ဖြစ်ရပ်သည် ဘာသာရေးအထူးပြုလေ့လာသူ ဓမ္မသတ်မှူးများ အတွက်သာ မက အများပြည်သူ မွတ်စလင်မ်တို့အတွက်လည်း ကျွန်ုပ်တို့၏သာသနာကို ခုတုံးလုပ်လီဆယ် ထားသော အဆိုပါအကြမ်းဖက်မှုတို့အား ပြင်းပြင်းထန်ထန် ဆန့်ကျင်ဝေဖန် ကန့်ကွက်ကြရန် လိုကြောင်း သတိပေးသံတစ်ရပ်ပင်။ သို့သော် ဤနေရာတွင် ဆန့်ကျင်ဝေဖန် ကန့်ကွက်ကြခြင်း သက်သက်က မလုံလောက်တော့ဘဲ တိုင်းပြည်အုပ်ချုပ်သူ တာဝန်ရှိသူများ ဘာသာရေး ခေါင်းဆောင်များနှင့် လူထုတို့ အခန်းကဏ္ဍစုံ ပူးပေါင်းလက်တွဲလျက် မွတ်စလင်မ် လူ့အစုအဝေးများ အတွင်း အကြမ်းဖက်ဝါဒ တိုးပွားမလာစေရေး အစွမ်းကုန် ကာကွယ် တွန်းလှန်ကြရန် လိုအပ်လျက် ရှိနေပါပြီ။ အစွန်းရောက် အကြမ်းဖက်ဝါဒ မွေးဖွားကြီးထွားစေရာ မှန်သမျှအား စိစစ်အဖြေရှာ အမြစ်ဖြတ်နိုင်ရန် လူ့အဖွဲ့အစည်းတစ်ရပ်လုံး ပါဝင်ကြိုးပမ်းကြရပေမည်။

    လူငယ်ထုအတွင်း လမ်းမှားရောက်သွားနိုင်ချေရှိနေသူများကို သိရှိရွေးချယ်နိုင်ကာ မိသားစုများကို နှစ်သိမ့်ဆွေးနွေး ပညာပေး နွေးထွေးကူညီမှုပေးခြင်းများဖြင့် ယင်းသူတို့ မိမိကိုကိုယ် ပျက်စီးရာပျက်စီးကြောင်း ကြံနိုင်ကြမည့် လမ်းစဉ်ကိုရွေးချယ်ကြခြင်းမှ ရှောင်ကျဉ်နိုင်စေရန် လူထုအားဖြင့် စနစ်တကျ စီစည်ဆောင်ရွက်ကြရပါမည်။ အကြမ်းဖက်ဝါဒ တိုက်ဖျက်ရေးအတွက် ဆွေးနွေးညှိနှိုင်း အကောင်အထည်ဖော်ဆောင်ရွက်ကြရာတွင် သက်ဆိုင်ရာ မွတ်စလင်မ်နိုင်ငံသားများ အနေဖြင့် တစ်စားပွဲထဲထိုင်ကာ ပူးပေါင်းပါဝင်ခွင့်ရစေရေးအတွက် အစိုးရတာဝန်ရှိသူများဘက်မှ ကြိုတင်စီစဉ်မှုများ လုပ်သင့်ပါသည်။ လူငယ်များအနေဖြင့် ထောက်ခံခြင်း ဆန့်ကျင်ခြင်းတို့ကို ဒီမိုကရေစီနည်းကျကျ မည်သို့မည်ပုံ ပါဝင်လုပ်ဆောင်နိုင်ကြကြောင်း သင်ကြားပေးခြင်း ခံထားကြသင့်ပါသည်။ ဒီမိုကရေစီ၏ အနှစ်သာရများကို ကျောင်းသင်ခန်းစာများတွင် ငယ်စဉ်ကတည်းက သင်ကြားပေးထားခြင်းသည် လူငယ်တို့အတွင်း ဒီမိုကရေစီယဉ်ကျေးမှု ထွန်းကားစေရေးအတွက် အလွန် အရေးပါလှပေသည်။

    အထက်ပါကဲ့သို့သော ဝမ်းနည်းဖွယ် အကြမ်းဖက်မှုများ ဖြစ်ပွားအပြီးတွင် သမိုင်းစဉ်ဆက် အခိုင်အမာရှိခဲ့သော တုန့်ပြန်မှုများ ရုပ်လုံးပေါ်လာပြန်သည်။ မွတ်စလင်မ်ဆန့်ကျင်ရေး  ဘာသာရေးအမုန်းပွားမှု အယူအဆများသည်လည်းကောင်း၊ အစိုးရများက အစ္စလာမ်ဘာသာဝင် နိုင်ငံသားများအား လုံခြုံရေးအကြောင်းပြချက်ဖြင့် ခွဲခြားဆက်ဆံမှုသည်လည်းကောင်း ထိရောက်သောရလဒ်ကောင်း မဖြစ်စေနိုင်ပါ။ ဥရောပနိုင်ငံသား မွတ်စလင်မ်များသည် ငြိမ်းချမ်းသာယာစွာ နေလိုကြ သူများ ဖြစ်ကြပါသည်။ မလိုလားမှုများ ရှိအံ့ငြားသော်လည်း သူတို့အနေဖြင့် မိမိတို့လူ့အဖွဲ့အစည်းနှင့် ပတ်ဝန်းကျင် လူ့ဘောင်အသိုင်းအဝိုင်း တစ်ပေါင်းတစ်စည်းတည်း ပိုမိုဖြစ်လာစေရေးအတွက် အတူတကွပါဝင်နိုင်စေရေး စီမံကိန်းများ အကောင်အထည်ဖော်စေနိုင်ရန် သက်ဆိုင်ရာ အစိုးရများကို ဆထက်ထမ်းပိုး ပူးပေါင်းကူညီကြရပါမည်။

    ကျွန်ုပ်တို့ မွတ်စလင်မ်များကလည်း အစ္စလာမ်ကို ကျွန်ုပ်တို့ နားလည်ကျင့်သုံး ဆောက်တည် နေကြပုံကို လက်ရှိ ခေတ်စနစ်၏ လိုအပ်ချက်၊ သမိုင်းကပေးခဲ့သော သင်ခန်းစာများကို အခြေခံလျက် သေချာ ပြန်လည်သုံးသပ်ချိန် တန်ပါပြီ။ ဤသို့ဆိုရာတွင် အစ္စလာမ့် ထုံးတမ်းစဉ်လာအမွေအနှစ် များကို ပြစ်ပယ်ဖို့ရာ ဆိုလိုခြင်းမဟုတ်ပါ။ ကျွန်ုပ်တို့၏ ဘိုးဘေးဘီဘင် မွတ်စလင်မ်တို့ အကောင်အထည်ဖော် ခဲ့ကြသော အစ္စလာမ့်သွန်သင်ချက်မှတ်ကျောက်များဖြစ်သည့် ကျမ်းမြတ်ကုရ်အာန် နှင့် မဟာတမန်တော်မြတ်၏ ဓလေ့တော်များအတိုင်း ဟုတ်မဟုတ် ပြန်လည် စမ်းစစ် မေးခွန်းထုတ် တိုက်ဆိုင်စစ်ဆေးကြကာ အတည်ပြုနိုင်ကြစေရန်ကို ဆိုလိုရင်း ဖြစ်ပါသည်။ မတော်မတရားဝါဒများအား သာသနာ့သွန်သင်ချက်အဖြစ် ပုံဖော် အသုံးချနေကြသော  အခြေအမြစ်မရှိသည့် မခိုင်မာသည့် သွန်သင်ချက်များအား ဂရုတစိုက်ဖြင့် လျစ်လျူရှု စွန့်ပယ် ကြရပါမည်။ မွတ်စလင်မ် ပညာရှင်များ အနေဖြင့်လည်း နိုင်ငံရေးနှင့် ဘာသာရေးကို ရောထွေး ကျင့်သုံးနေကြစဉ် အလယ်ပိုင်းခေတ်က ချမှတ်ထားခဲ့သော ဓမ္မသတ်ဖြတ်ထုံးများ ဥပဒေသများကို အဖက်ဖက်မှ သုံးသပ် ပြန်လည်စိစစ်ရန် လိုအပ်နေပါသည်။ အခြေခံအုတ်မြစ် သွန်သင်ချက်များနှင့် တရားသေမျက်ကန်း ယုံကြည်မှုအကြား ခွဲခြားနိုင်ကြရပါမည်။ သာသနာ၏ အုတ်မြစ် ပရမတ္တသစ္စာများကို မလွဲဦးသုန် လိုက်နာလျက်  အစ္စလာမ့် ဥာဏ်သစ်လောင်းတော်လှန်ရေး၏ အစပထမဖြစ်ခဲ့သော အသိဥာဏ်အမြော်အမြင်ကို အခြေခံ လွတ်လပ်စွာတွေးခေါ်ခွင့် ပြန်လည် ရှင်သန်လာစေရန်သည် ဖြစ်နိုင်ချေရှိသောအရာတစ်ခုဖြစ်ရုံမျှသာမကဘဲ အကယ်စင်စစ် မရှိမဖြစ် လိုအပ်ချက်တစ်ရပ်ပင် ဖြစ်တော့သည်။ ဤအခြေအနေတွင်ရှိမှသာ မွတ်စလင်မ်တို့အနေဖြင့် လူမဆန်သော ကြမ်းတမ်းသော အစွန်းရောက်မှုကို ထိထိရောက်ရောက် တွန်းလှန်နိုင်ပေမည်။

    မကြာသေးမီက အဖြစ်အပျက်များအပြီးတွင် ယဉ်ကျေးမှုများကြား ထိပ်တိုက်တွေ့သည့် ပဋိပက္ခ အယူအဆများကို တုန်လှုပ်ဝမ်းနည်းစွာ မျက်ဝါးထင်ထင် ကြုံတွေ့နေရပါပြီ။ ဤအယူအဆကို စတင်ဖော်ထုတ်ခဲ့သူ တို့က ကြိုတင်တွေဆ မြင်ယောင်ကာ လိုလိုလားလား ဆိုခဲ့ကြသည်လား ဆိုသည်ကိုတော့ ကျွန်ုပ် မသိ။ သေချာသည်ကတော့ ဤထိပ်တိုက်ပဋိပက္ခဝါဒ ယနေ့ခေတ်တွင် ပြန်လည် ဦးထောင်လာခြင်းသည် အကြမ်းဖက်သမားတို့၏ ကွန်ယက်ကို ပိုမိုအားကောင်းစေဖို့အတွက် အထောက်အပံ့ ဖြစ်စေသည် ဆိုသည့်အချက်ပင်။ ကျွန်ုပ် အခိုင်အမာ ဆိုချင်သည်ကတော့ ယနေ့ခေတ် ကြုံတွေ့နေရသည်တို့သည် ယဉ်ကျေးမှုခြင်း ထိပ်တိုက်တွေ့ ပဋိပက္ခဖြစ်ခြင်း မဟုတ်ဘဲ ဘုံယဉ်ကျေးမှုအသိုင်းအဝိုင်းအတွင်း လူသားဝါဒ နှင့် လူရိုင်းဝါဒတို့အကြား ထိပ်တိုက်တွေ့သည့် ပဋိပက္ခဆိုသည်ကိုပင်။

    ကျွန်ုပ်တို့ မွတ်စလင်မ်များ၏ တာဝန်သည်ကား ကျွန်ုပ်တို့ ဝမ်းနည်းအားငယ်ဖွယ် ကြုံနေရငြားသော်လည်း အဖြေထုတ်ကြနိုင်စေရေး တစ်စိတ်တစ်ပိုင်း ပါဝင်ကြရန်ပင်ဖြစ်သည်။ လူသားတို့၏ အသက်များကို ကယ်တင်ကာကွယ်လိုပါက၊ ကမ္ဘာတဝန်းရှိမွတ်စလင်မ်တို့၏ တရားမျှတ လွတ်လပ်မှုကို ကာကွယ်လိုပါက၊ မည်သည့်ဘာသာဝင်အတွက်မဆို လူသားတိုင်း၏ အေးချမ်းသာယာဝပြောရေးကို ကာကွယ်လိုပါက နိုင်ငံရေး စီးပွားရေး လူမှုရေး ဘာသာရေး ကဏ္ဍစုံတွင်ရှိနေနိုင်သည့် အစွန်းရောက် အကြမ်းဖက်မှု ပြဿနာများကို ယခုပင် အချိန်မဆိုင်းဘဲ စတင်ဖြေရှင်းသင့်ပါပြီ။

    ကျွန်ုပ်တို့၏ နေ့စဉ်ဘဝတွင် စံနမူနာပြ ကိုယ်ကျင့်သိက္ခာ ဆောက်တည်ပြခြင်း၊ ဘာသာရေး အဆုံးအမများကို အစွန်းရောက် ဖွင့်ဆိုထားသည်တို့အား လစ်လျူရှု စွန့်ပယ်ခြင်း၊ ထိုအစွန်းရောက်သွန်သင်ချက်များ လူငယ်ထုအပေါ်သက်ရောက်မှု မရှိစေရန် ဂရုစိုက် ကာကွယ်ပေးခြင်း၊ ငယ်စဉ်ကတည်းကပင် ပညာရေးတွင် ဒီမိုကရေစီ၏ အနှစ်သာရများ သွန်သင်ပေးခြင်း စသည့် နည်းလမ်းတို့ဖြင့် အကြမ်းဖက်မှု အစွန်းရောက်မှုများသာမက ထိုလမ်းစဉ်များသို့ ဦးတည်စေသည့် အာဏာရှင်စနစ်ကိုပါ တွန်းလှန်နိုင်ကြပါမည်။

    (တူရကီပညာရှင် ဖသ်ဟုလ္လာဟ် ဂုလန် ၏ Le Monde တွင် ဒီဇင်ဘာ ၁၇ရက် ၂၀၁၅တွင် ပထမဆုံးအကြိမ် ဖော်ပြခဲ့သည့် Muslims, we have to critically review our understanding of Islam ဆောင်းပါးကို “သဲတပွင့်” ဘာသာပြန်ပါသည်။ )

  • အစွန်းရောက် ကင်ဆာရောဂါနှင့် စစ်ခင်းရန် နည်းလမ်း ၆  ရပ်

    အစွန်းရောက် ကင်ဆာရောဂါနှင့် စစ်ခင်းရန် နည်းလမ်း ၆ ရပ်

    နိုဝင်ဘာ ၃၀ ၊ ၂၀၁၅
    M-Media
    banner-1
    – မိမိကိုယ်ကို အစ္စလာမ့်နိုင်ငံတော် Islamic State ဟု အမည်ပေးထားပြီး၊ ISIS အဖြစ် ကျော်ကြားသောအုပ်စုသည် အရှေ့အလယ်ပိုင်း၌ လူသတ်ပွဲကြီးကို ရှေ့ဆက်နေဆဲဖြစ်သည်။ မွတ်စ်လင်မ်တို့အနေဖြင့် အကြွင်းမဲ့အာဏာရှင်စနစ်၏ အဘိဓမ္မာများကို သက်ဝင်လှုပ်ရှားနေစေသည့် အဆိုပါအဖွဲ့နှင့်တစ်ကွ အခြားသောအကြမ်းဖက်အုပ်စုများကို ထိပ်တိုက်ရင်ဆိုင်ရပေမည်။ အကြမ်းဖက်သမားတိုင်း၏ စည်းမျဉ်းကား အစ္စလာမ်အမည်နှင့် ထွက်ပေါ်လာပြီး နိုင်ငံသား အချင်းချင်း သွေးကွဲစေခြင်း၊ အစ္စလာမ့် ယုံကြည်ချက် လက္ခဏာများကို အမြင်မှားစေခြင်းတို့ဖြင့်  မွတ်စ်လင်မ်အပေါင်းကို ပြင်းထန်လွန်းစွာ ထိခိုက်နစ်နာစေသည်ချည်းပင်။

    အစွန်းရောက် အကြမ်းဖက်သူတို့၏ ယုတ်မာရက်စက်ခြင်းများအတွက် အစ္စလာမ်သာသနာကို ပြစ်တင်ရှုတ်ချခြင်းမှာ တရားမျှတမှု မရှိပါ။ အကြမ်းဖက်သမားများက မွတ်စ်လင်မ်ဝတ်ရုံခြုံ၍ မွတ်စ်လင်မ်တို့၏လက္ခဏာကို ပြသကာ မွတ်စ်လင်မ်ဟု အမည်ခံကြွေးကြော်ခြင်း သက်သက်သာလျှင် ဖြစ်၏။ သို့ဖြစ်ရကား ကျွန်ုပ်တို့၏ လူ့အသိုင်းအ၀ိုင်း၌ ဤကင်ဆာရောဂါ နောက်တစ်ဆင့် တက်မလာအောင် ကာကွယ်ရန် အီမာန်ရှင်(သက်ဝင်ယုံကြည်သူ)များအဖို့ ရသည့်နည်းနှင့် တားဆီးကာကွယ်ရပါမည်။ အကယ်၍ ကျွန်ုပ်တို့မှ မပြုလုပ်ခဲ့ပါလျှင် ကျွန်ုပ်တို့ယုံကြည်ရာ ဘာသာတရားအပေါ် အမည်းစက်စွန်းထင်းလာမှုအတွက် ကျွန်ုပ်တို့လည်း တစ်စိတ်တစ်ပိုင်းအားဖြင့် တာဝန်ရှိသွားပေမည်။

    ပထမဆုံးအားဖြင့် ကျွန်ုပ်တို့မှ အကြမ်းဖက်ဖြစ်စဉ်များကို ကန့်ကွက်ရှုတ်ချရပါမည်။ အကြမ်းဖက်သမားဟူသော ထောင်ချောက်ထဲ ပါဝင်မသွားအောင် သတိထားရပါမည်။ အဖိနှိပ်ခံရခြင်းသည် အကြမ်းဖက်သမားဖြစ်လာအောင် လမ်းဖွင့်ပေးသည့် တံခါးပေါက် မဟုတ်၊ အကြမ်းဖက်ဝါဒကို ပြစ်တင် ရှုတ်ချရန်လည်း မပျက်ကွက်အပ်ပေ။ အကြမ်းဖက်သမားများမှာ အစ္စလာမ်အမည်ကို အသုံးချ၍ အကျည်းတန်ဒုစရိုက်များကျူးလွန်နေပါသည်ဟု ကျွန်ုပ်၏အတွေးသက်သက်မျှဖြင့် ဆိုနေခြင်း မဟုတ်ပါ။ သာသနာ၏ အခြေခံရင်းမြစ်ကြီးများဖြစ်သော ကျမ်းမြတ်ကုရ်အာန်နှင့် တမန်တော် မုဟမ္မဒ်(ငြိမ်းချမ်းပါစေသား)၏ ဘ၀ဖြစ်စဉ်ရေးရာများကို ဖြူစင် စိတ်အရင်းတည်၍ ဖတ်ရှုခြင်းဖြင့် ဤကောက်ချက်အား မလွဲမသွေ တွေ့ရမည်ဖြစ်ပါသည်။ တမန်တော့်သြ၀ါဒနှင့်ကျင့်ရပ်များအပေါ် ရာစုနှစ်ပေါင်းများစွာ တန်ဖိုးထား လက်ဆင့်ကမ်းလာခဲ့သည့် ဤအရင်းအမြစ်များ၏ ပင်မစည်းမျဉ်းများ (နှင့်) ကျမ်းမြတ်ကုရ်အာန် လက်ရာရှင်၏ အလိုသဘောများကို ကြည့်ရှုလျှင် အကြမ်းဖက်သမားများဖန်တီးနေသည့် ဘာသာရေးကျင့်ထုံးတို့နှင့် ဖီလာဆန့်ကျင်လျက်ရှိပါသည်။

    ဒုတိယအားဖြင့် အစ္စလာမ့်နောက်လိုက်များသည် မတူကွဲပြားသည့် နောက်ခံအကြောင်းခြင်းရာတို့ပေါ် မူတည်ပြီး လှုပ်သာလှည့်သာရှိသော အကြောင်းအလုံးစုံ သိနားလည်နိုင်ရေးအတွက် တိုးမြှင့်ဆောင်ရွက်ရပါမည်။ အစ္စလာမ်၏ ဗဟိုချက်ကျင့်ဝတ်များမှာ ဘာသာပြန် ဖွင့်ဆိုချက်များပေါ်၌သာ ကျန်နေရစ်ရမည့်အရာများ မဟုတ်။ “အပြစ်မဲ့ အသက်တစ်ချောင်းကို အကြောင်းမဲ့သတ်ဖြတ်ပါလျှင် လူသားမျိုးနွယ်တစ်ရပ်လုံးအား သတ်ဖြတ်ခြင်းမည်၏ (ကုရ်အာန် – ၅း၃၂)”  ဟူသည်မှာလည်း အလားတူကျင့်ဝတ်များအနက် အပါအ၀င်တစ်ခု ဖြစ်သည်။ မလွဲမရှောင်သာ ပြန်လည်ခုခံရသောစစ်ပွဲများမှာပင်လျှင် အမျိုးသမီး၊ ကလေးငယ်၊ ဘာသာရေးဆိုင်ရာကျောင်းဂန်နှင့်အကြီးအကဲများ စသော မသက်ဆိုင်သူများကို တိုက်ခိုက်ပိုင်ခွင့် အလျဉ်း မရှိကြောင်း တမန်တော်မြတ်(ငြိမ်းချမ်းစေသား)မှ အထူးအားဖြင့် သွန်သင်တော်မူခဲ့ပေသည်။

    ကျွန်ုပ်တို့သည် ဤသာသနာ့တန်ဖိုးများကို ကမ္ဘာတစ်ဝှန်းရှိ ငြိမ်းချမ်းရေးလိုလားသူများနှင့်လက်တွဲ၍ ညီညွတ်စွာ ခင်းကျင်းပြသပေးရပေမည်။ လူသားတို့၏စိတ္တဗေဒနှင့် ပေါ်ပင်သတင်းများကိုကြည့်လျှင် လူများကြိုက်မီဒီယာတို့သည် အစွန်းရောက်အကြောင်းများထက် အခြားအရာတို့ကို ထိပ်တန်းတင်လိုခြင်း မရှိကြောင်း သိသာထင်ရှားလှသည်။ သို့ပါသော်လည်း ကျွန်ုပ်တို့သည် မီဒီယာများကို ပြစ်တင်နေခြင်းအစား ကျွန်ုပ်တို့၏အသံများကို ကြားသိနိုင်စေမည့် နည်းလမ်းများကို ရှာကြံဆည်းပူးအပ်ပေသည်။

    တတိယအားဖြင့် မွတ်စ်လင်မ်တို့သည် ဂုဏ်သိက္ခာ၊ ရှင်သန်ရပ်တည်ခြင်းနှင့် လွတ်လပ်ခြင်းတည်းဟူသော လူ့အခွင့်အရေးများကို လူသိရှင်ကြား တိုးမြှင့်ဖော်ဆောင်ပေးရမည်ဖြစ်သည်။ ဤအချက်များမှာ အစ္စလာမ့်တန်ဖိုးများအနက် အခြေခံအကျဆုံးဖြစ်၏။ နိုင်ငံရေးခေါင်းဆောင်ဖြစ်စေ၊ ဘာသာရေးခေါင်းဆောင်ဖြစ်စေ၊ မည်သူပင်ဖြစ်စေကာမူ ထိုအရာတို့ကို ဖယ်ထုတ်နိုင်သော အခွင့်အာဏာ မရှိပါ။ ကျွန်ုပ်တို့၏ ယုံကြည်ချက်အနှစ်သာရသည် ယဉ်ကျေးမှု၊ လူမှုရေး၊ ဘာသာရေး၊ နိုင်ငံရေး အစရှိသော ရှုထောင့်ပေါင်းစုံ၌ တည်ရှိရှင်သန်လျက်ရှိပါသည်။ တစ်နည်းအားဖြင့် မတူကွဲပြားမှုတို့ကို လေးစားသမှု ရှိရပါမည်။ မတူကွဲပြားမှု၏ အခြေခံပန်းတိုင်မှာ တစ်ဦးနှင့်တစ်ဦး သိမြင်နားလည်နိုင်ရေး ဖြစ်သည်(ကြည့် – ကုရ်အာန် ၄၉း၁၃)။ လူသားတိုင်းကို အလ္လာဟ်အရှင်မြတ်၏ဖန်ဆင်းခံအဖြစ် တန်ဖိုးထားလေးစားခြင်းသည် အရှင်မြတ်အား လေးစားသမှုထားခြင်းပင် ဖြစ်ကြောင်း ကုရ်အာန်(၁၇း၇၀)၏ သဘောတရားတွင် လေ့လာနိုင်ပါသည်။

    စတုတ္ထအားဖြင့် မွတ်စ်လင်မ်လူ့အဖွဲ့အစည်းမှန်သမျှ မိမိတို့၏လူ့အဖွဲ့အစည်းဝင်တိုင်းကို ပညာရေးဆိုင်ရာ အခွင့်အလမ်းများ ဖော်ဆောင်ပေး ရပါမည်။ သိပ္ပံ၊ စာနာထောက်ထားခြင်းအသိအမြင်၊ အနုပညာ စသည်တို့အား လေ့လာသင်ယူခြင်းက သက်ရှိသတ္တ၀ါတိုင်းအပေါ် တန်ဖိုးထားတတ်သည့် ယဉ်ကျေးမှုကို စွဲမြဲစေပါသည်။ မွတ်စ်လင်မ်ကမ္ဘာအတွင်းရှိ အာဏာပိုင်အစိုးရများအနေဖြင့် ဒီမိုကရေစီစံနှုန်းကို ပျိုးထောင်ပေးသော သင်ရိုးညွှန်းတမ်းများအား စီမံပြဋ္ဌာန်းရပါမည်။ အပြန်အလှန်လေးစားလက်ခံမှုဖော်ဆောင်ခြင်းနှင့်စပ်လျဉ်း၍ အရပ်ဖက်လူ့အဖွဲ့အစည်းများမှာလည်း အရေးပါသောအခန်းကဏ္ဍ၌ ပါဝင်သည်။ ဤအကြောင်းရင်းကြောင့် “ဟိဇ်မသ် Hizmet လှုပ်ရှားမှု”၏အဖွဲ့သားတို့သည် နိုင်ငံပေါင်း ၁၅၀ ကျော်၌ စာသင်ကျောင်းများ၊ နည်းပြစင်တာများ၊ အပြန်အလှန်ဆွေးနွေးရေးအသင်းအဖွဲ့များကို တည်ထောင်ထားခဲ့ခြင်းဖြစ်သည်။

    ပဉ္စမအားဖြင့် မိမိတို့၏ ကလိန်ကကျစ် သဘောတရားရေးရာများကို လက်နက်တစ်ခုကဲ့သို့ ဖြန့်ဖြူးနေကြသည့် အစွန်းရောက်များ ဖယ်ရှားနိုင်ရန် မွတ်စ်လင်မ်တို့ထံ သာသနာ့ပညာရေးအား မှန်ကန်စွာ သင်ကြားပေးရန် အထူးအရေးကြီးပါသည်။ မွတ်စ်လင်မ်လောက အချို့၌ ဆယ်စုနှစ်များစွာ ဘာသာရေးလွတ်လပ်ခွင့် ငြင်းပယ်ခံရသဖြင့် အရည်အသွေးမပြည့်မှီသော၊ တစ်ယူသန်သော နာမည်ကြီးပုဂ္ဂိုလ်တို့၏ဖွင့်ဆိုတင်ပြချက်အောက်တွင် ဘာသာတရားမှာ လောင်းရိပ်မိသွားခဲ့ရသည်။

    နောက်ဆုံးအနေဖြင့် မွတ်စ်လင်မ်တို့သည် အမျိုးသားနှင့်အမျိုးသမီးအခွင့်အရေးများ တန်းတူရအောင် မဖြစ်မနေ ဆောင်ရွက်ပေးရပါမည်။ အမျိုးသမီးများ၏ တန်းတူအခွင့်အရေးများကို ငြင်းပယ်သော လူမှုဖိအားတို့မှ ကင်းလွတ်စေပြီး အခွင့်အလမ်းများ ဖော်ဆောင်ပေးရပါမည်။ မွတ်စ်လင်မ်တို့ထံ၌ အကောင်းဆုံး စံနမူနာတစ်ရပ် ရှိပါသည်။ ၎င်းမှာ တမန်တော်မြတ် မုဟမ္မဒ်(ငြိမ်းချမ်းစေသား)၏ ကြင်ယာတော် – အာအိရှဟ် သခင်မ (အလ္လာဟ်အရှင်မြတ်မှ သူမအား နှစ်သက်လက်ခံတော်မူပါစေ) သည် ထိပ်တန်းအဆင့်မြင့်ပညာရှင်ကြီးတစ်ပါး၊ ၎င်းအပြင် သင်ကြားလမ်းညွှန်သူ၊ ၎င်းအပြင် သူ့ခေတ်သူ့အခါ၏ ထင်ရှားသော လူထုခေါင်းဆောင် ဖြစ်နေခဲ့ခြင်းပင်။

    အကြမ်းဖက်ဝါဒသည် ဘက်ပေါင်းစုံမှ ရင်ဆိုင်ရမည့် ပြဿနာဖြစ်သည်။ ထို့ကြောင့် နိုင်ငံရေး၊ စီးပွားရေး၊ လူမှုရေး၊ ဘာသာရေး အလွှာပေါင်းစုံ၌ အဖြေရှာနိုင်ရပါမည်။ ဘာသာရေးပြဿနာလျှော့ချနိုင်ရေး နည်းလမ်းများကို လမ်းလွဲရောက်လုနီးသော လူငယ်တို့ထံ ကမ္ဘာ့အဆင့်ထိ ပြုလုပ်သွားဖို့ လိုအပ်သည်။ နိုင်ငံတကာအသိုင်းအ၀ိုင်းကလည်း မွတ်စ်လင်မ်များမှာ အကြမ်းဖက်မှု၏ပင်တိုင် ဓားစာခံဖြစ်နေရကြောင်း မြင်သာနားလည်လာအောင် စာပေအားဖြင့်ဖြစ်စေ၊ အမှတ်သညာဖော်ကျူးချက် အားဖြင့်ဖြစ်စေ ပြုလုပ်ဆောင်ရွက် သင့်ပေသည်။ အကြောင်းသော် ၎င်းတို့သည် အကြမ်းဖက်သမားများအား ဖယ်ရှားသန့်စင်ခြင်းနှင့် အင်အားစုဆောင်းမှုအား တားဆီးခြင်း တို့ကို ပြုလုပ်နိုင်၍ဖြစ်သည်။ သို့ဖြစ်ရာ အာဏာပိုင်အစိုးရတို့မှ မွတ်စ်လင်မ်တို့အပေါ် ဖယ်ကြဉ်မှုဖြစ်စေမည့် ပြောဆိုဆောင်ရွက်ချက်များကို ရှောင်ကြဉ်အပ်ပေသည်။

    အစွန်းရောက်အကြမ်းဖက်ဝါဒီများထံ၌ သာသနာ/ဘာသာတရား ဟူ၍ မရှိကြပါ။ ထိုသူတို့သည် ဘာသာတရား၏ အကြောင်းခြင်းရာများအား အခါခပ်သိမ်း ကြိုးကိုင်ခြယ်လှယ်နေသူများသာဖြစ်သည်။ ခရစ်ယာန်ဘာသာဝင်များသည် ကုရ်အာန်စာအုပ်မီးရှို့ခြင်း သို့မဟုတ် အစွန်းရောက်ကေသုံးလုံးဂိုဏ်း Ku Klux Klan ၏ လုပ်ရပ်များကို အားပေးထောက်ခံခြင်း မရှိကြ။ ကမ္ဘာ့ဗုဒ္ဓဘာသာဝင်များသည်လည်း ရိုဟင်ဂျာမွတ်စ်လင်မ်များအား ယုတ်မာရက်စက်ခြင်းတို့ကို အားပေးထောက်ခံခြင်း မရှိကြ။ အလားတူစွာပင် မွတ်စ်လင်မ် အများစုသည်လည်း အကြမ်းဖက်မှုကို အားပေးထောက်ခံခြင်း မပြုကြပါလေ။

    မွတ်စ်လင်မ်တို့သည် ကမ္ဘာ့လူ့ယဉ်ကျေးမှုထွန်းကားရေးအတွက် သမိုင်းနှင့်ချီ၍ ပေးဆပ်ခဲ့၊ ပေးဆပ်လျက် ရှိကြသည်။ ကျွန်ုပ်တို့၏ အကောင်းဆုံးစွမ်းဆောင်မှုများမှာ ဘာသာတရားအချင်းချင်း အပြန်အလှန်လေးစားမှု၊ လွတ်လပ်မှု၊ တရားမျှတမှုအပေါ် အားပေးခဲ့ကြသည့်ခေတ်ကာလများ၌ ပေါ်လွင်ခဲ့ကြသည်။ အစ္စလာမ့်ပုံရိပ်အပေါ် အမည်းစက်စွန်းထင်းသွားမှုကို ပြန်လည်သန့်စင်ရန် အတော်အတန် ခက်ခဲမည်ဖြစ်သော်လည်း – မွတ်စ်လင်မ်ဟူသည် မိမိတို့၏လူမှုအသိုင်းအ၀ိုင်းများအတွင်၌ ငြိမ်းချမ်းရေးနှင့်တည်ငြိမ်ရေး၏ မီးပြတိုက်များ ဖြစ်နိုင်ပါသေးသည် မဟုတ်လော။

    xxxxxxxxxxxxxxxxxxxxxxxxxxxx

    The Wall Street Journal တွင် ဖော်ပြခဲ့သော Muslims must combat the extremist cancer ဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုသည်။
    ဆောင်းပါးရှင် တူရကီနိုင်ငံသား Fethullah Gulen သည် ၂၀ ရာစု မွတ်စ်လင်မ်ကမ္ဘာ၏ အထင်ရှားဆုံး တွေးခေါ်ရှင်၊ ကလောင်ရှင်၊ လူသားချင်းစာနာထောက်ထားမှုနှင့် တရားမျှတမှုအရေး လှုပ်ရှားသူများအနက် အပါအ၀င်ဖြစ်သည်။