Tag: Arsenal

စက်တင်ဘာ ၁၄၊ ၂၀၁၅
M-Media

– ပုံစံကောင်းများ ပြသနေသည့် မိမိတို့အသင်းအား ပြိုင်ဘက်များက ပို၍ ပို၍ စိုးရိမ်ရလိမ့်မည်ဟု အာဆင်နယ်အသင်း တိုက်စစ်မှူး သီယိုဝေါလ်ကော့က ပြောကြားလိုက်သည်။

စနေနေ့က ကစားခဲ့သည့်ပွဲတွင် စတုတ်စီးတီးအသင်းအား ၂ ဂိုးပြတ်ဖြင့် အနိုင်ရရှိခဲ့ပြီးနောက် ကစားပြီးခဲ့သည့် ပရီးမီးယားလိဂ် ၅ ပွဲတွင် အာဆင်နယ်မှာ ၃ ပွဲနိုင်ထားပြီး တတိယနေရာမှ မန်ယူအသင်းနှင့် ရမှတ်တူ ဂိုးကွာခြားချက်ဖြင့် စတုတ္ထနေရာတွင် ရှိနေသည်။

ရာသီအစတွင် အာဆင်နယ်အသင်းမှာ တိုက်စစ်ပြဿနာကြောင့် ဝေဖန်မှုများ ခံခဲ့ရသည်။ ဝေါလ်ကော့ကမူ ယခုအချိန်တွင် ရမှတ်သာ အရေးကြီပြီး၊ အာဆင်နယ်အသင်း၏ တိုးတက်လာသော ပုံစံကောင်းက ချန်ပီယံဘွဲ့ မျှော်လင့်နေသည့် အသင်းများအတွက် စိုးရိမ်စရာ ဖြစ်လာမည်ဟု ဆိုသည်။

“လူတွေက ကျွန်တော်တို့ ကစားပုံမကောင်းဘူးလို့ ပြောတော့ – ကျွန်တော်တို့ လိုချင်တဲ့နေရာကိုရောက်ဖို့ ကျွန်တော်တို့ စသွားနေတာပါ။ ပြီးတော့ ကျွန်တော်တို့ ဒီလိုသာဆက်သွားရင် လူတွေက ကျွန်တော်တို့ကို ပိုပိုပြီး စိုးရိမ်လာမှာပါ” ဟု ဝေါလ်ကော့က သတင်းထောက်များအား ပြောကြားခဲ့သည်။

အသင်း၏ စွမ်းဆောင်ရည်အပေါ် ကျေနပ်မှုမရှိသည့် ပရိတ်သတ်များအတွက်လည်း ဝေါလ်ကော့က တုန့်ပြန်ပြောဆိုခဲ့ပြီး မိမိတို့မှာ ဂိုးမပေးရသည့်အခြေအနေကို ထိန်းသိမ်းထားနိုင်ကာ၊ အခွင့်အရေး များစွာကိုလည်း ဖန်းတီးနိုင်သည်ဟု ပြောကြားခဲ့သည်။

“အထူးသဖြင့် ဂိုးမပေးရတဲ့ပွဲအတွက် ကျွန်တော်တို့ ကျေနပ်ပါတယ်။ ကျွန်တော်တို့ တော်တော်လေး တောင့်တင်းလာပါတယ်။ ပြီးတော့ အခွင့်အရေးတွေကို လက်လွတ်ခံမှာမဟုတ်ပါဘူး”

အာဆင်နယ်မှာ ဗုဒ္ဓဟူးနေ့တွင် ချန်ပီယံလိဂ် အုပ်စုအဖွင့်ပွဲစဉ်အဖြစ် အဝေးကွင်းတွင် ဒိုင်နမို ဇာဂရဘ်နှင့် ကစားရမည်ဖြစ်ပြီး စနေနေ့တွင် ချယ်ဆီးအသင်းနှင့် ပရီးမီးယားလိဂ် ပွဲစဉ် ၆ ကို ကစားရမည်ဖြစ်သည်။

Ref: Goal

သြဂုတ် ၂၃၊ ၂၀၁၅
M-Media

– အသင်းရှိ တိုက်စစ်မှူး အလက်ဇစ် ဆန်းချက်ဇ်မှာ ဘာစီလိုနာတိုက်စစ်မှူး လူးဝစ်ဆွာရက်ဇ်ကဲ့သို့ အဆင့်ရှိသည်ဟု အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။

ဘာစီလိုနာမှ ပေါင် ၃၅ သန်းဖြင့် ပြီးခဲ့သည့်နှစ်က ပြောင်းရွှေ့လာခဲသော ချီလီတိုက်စစ်မှူး ဆန်းချက်မှာ ၎င်း၏ ပထမဆုံးရာသီမှာပင် ခြေစွမ်းကောင်းများကို ပြသခဲ့ပြီး အသင်းအတွက် ၂၅ ဂိုးသွင်းပေးကာ ၁၂ ဂိုး ဖန်တီးပေးနိုင်ခဲ့သည်။

ဝင်းဂါးကမူ ဆန်းချက်မှာ ကမ္ဘာ့ဘောလုံးလောကတွင် အကောင်းဆုံး ကစားသမားများထဲမှ တစ်ဦးဟု ယုံကြည်နေပြီး ၂၀၁၅-၁၆ ဘောလုံးရာသီတွင် ဖလားသုံးလုံးရရှိခဲ့သည့် ဘာစီလိုနာအသင်းတွင် အဓိက ကစားသမားဖြစ်ခဲ့သော ဆွာရက်ဇ်၏ စွမ်းရည်မျိုးရှိသည်ဟု ဆိုသည်။

“ဆန်းချက်နဲ့ ဆွာရက်ဇ်တို့ဟာ အဆင့်တူကြပါတယ်။ ဆွာရက်ဇ်က တိုက်စစ်အလယ်လူဖြစ်ပြီး ဆန်းချက်ဇ်ကတော့ အတက်အဆင်းကစားရတာကိုကြိုက်တဲ့ စွယ်စုံရ ကစားသမားပါ။ ပြီးတော့ အလိမ်အခေါက်လည်း ရပါသေးတယ်။ ဒါပေမယ့် သူတို့နှစ်ယောက်မှာ တူညီမှုတွေ ရှိနေပါတယ်” ဟု ၀င်းဂါးက သတင်းထောက်များအား ပြောကြားခဲ့သည်။

အာဆင်နယ်မှာ မနက်ဖြန်တွင် လီဗာပူးလ်အသင်းနှင့် ပရီးမီးယားလိဂ်ပွဲစဉ် ၃ အဖြစ် ယှဉ်ပြိုင်ရမည်ဖြစ်ပြီး ၀င်းဂါးကမူ ဆွာရက်ဇ်အား ဘာစီလိုနာသို့ လီဗာပူးလ်က ရောင်းလိုက်သည့်အခါတွင် ဆန်းချက်ဇ်မှာ အန်ဖီးလ်သို့ပြောင်းမည်ဟု ထင်ခဲ့မိပြီး မိမိအနေဖြင့် ရလိမ့်မည်ဟု မမျှော်လင့်ခဲ့ကြောင်း ၀န်ခံခဲ့သည်။

“သူရောက်လာတဲ့အခါမှာ ပိုတောင်ကောင်းလာပါတယ်။ သူတို့ရဲ့ အဆုံးသတ်ပိုင်းမှာဆိုရင် တိုးတက်ဖို့ ရှိနေပါသေးတယ်။ သူ့ရဲ့ ပေးပို့မှုမှာ ပိုကောင်းလာပြီး အကွက်မြင်မှုကလည်း တော်တော်ကောင်းကာ ကွက်ကျော်လည်း မြင်တတ်ပါတယ်” ဟု ၀င်းဂါက ထပ်လောင်းပြောကြားခဲ့သည်။

Ref: Goal

သြဂုတ် ၁၆၊ ၂၀၁၅
M-Media

– မိမိတို့အသင်းမှာ ယနေ့ပွဲတွင် အလွန်အမင်း ကောင်းမွန်ရမည်ဟု အာဆင်နယ်နည်းပြ အာဆင်ဝင်းဂါးက ပြောကြားလိုက်ပြီး အဖွင့်ပွဲ ၀က်စ်ဟမ်းနှင့်ပွဲတွင် အသင်းမှာ လုံလောက်သည့်နိုင်လိုစိတ် ပျောက်ဆုံးခဲ့သည်ဟု ၀န်ခံခဲ့သည်။

ရာသီအစ ကွန်မြူနတီဒိုင်းပြိုင်ပွဲတွင် ချယ်ဆီးကို အနိုင်ရခဲ့သည့် အာဆင်နယ်မှာ ပရီးမီးယားလိဂ်အဖွင့်ပွဲတွင် ၀က်စ်ဟမ်းအား ဂိုးပြတ်ဖြင့် အရှုံးပေးခဲ့ရသည်။

ဝင်းဂါးကမူ ကစားသမားများမှာ ၀င်ဘလေကွင်း၌ ချယ်ဆီးအား အနိုင်ရခဲ့ပြီးနောက်တွင် ယုံကြည်မှု အလွန်ပိုသွားခဲ့ပြီး တနင်္ဂနွေနေ့တွင်ကစားမည့် ခရစ္စတယ်ပဲလေ့စ်နှင့်ပွဲတွင် အသင်းမှာ အကောင်းဆုံးဖြစ်ရန် လိုအပ်သည်ဟု ပြောကြားခဲ့သည်။

“တစ်ခါတစ်ရံမှာ ကျွန်တော်တို့ဟာ တော်တော်လေး ကောင်းနိုင်ရပါမယ်။ ပြီးခဲ့တဲ့ တနင်္ဂနွေနေ့က ကျွန်တော်တို့ရဲ့ နိုင်လိုစိတ်အဆင့်ဟာ မလုံလောက်ဖူးလို့ ပြောရင် အဲဒါကို ကျွန်တော် သဘောတူပါတယ်။ အဲဒါဟာ ဒီပွဲကို ဘယ်လိုပဲ ဖြစ်ဖြစ်နိုင်မှာပဲဆိုတဲ့ ယုံကြည်မှုလွန်ကဲခြင်းနဲ့ ဆက်စပ်နိုင်ပြီး၊ ၀က်စ်ဟမ်းက ကောင်းတာကြောင့်လည်း ဖြစ်နိုင်ပါတယ်” ဟု ၀င်းဂါးက ပြောကြားခဲ့သည်။

တနင်္ဂနွေနေ့တွင် ကစားမည့် ခရစ္စတယ်ပဲလေ့စ်နှင့်ပွဲတွင်မှု မိမိတို့အသင်းမှာ အကောင်းဆုံးအနေအထားရှိရန် လိုအပ်ပြီး မတူညီသော စွမ်းဆောင်ရည်ကို ပြသရမည်ဖြစ်ကြောင်း၊ မိမိတို့အသင်း အဆင်သင့်မဖြစ်ပါက ဘာဖြစ်မည်ဆိုသည်ကို မိမိတို့ သိရှိပြီးဖြစ်ကြောင်း ၎င်းက ထပ်လောင်းပြောကြားခဲ့သည်။

Ref: Goal