Tag: article

Rule Of Law (တရားဥပဒေ စိုးမိုးရေး)

မတ်လ၊ ၂၇ ၊ ၂၀၁၃
M-Media
ရေးသူ- ဥပဒေပညာရှင်တစ်ဥိး

ကမ္ဘာပေါ်တွင်မည်သည့်တိုင်းပြည်၊ မည်သည့်လူမျိ်ုး၊ မည်သည့်ဘာသာမဆို အေးချမ်းစွာနေထိုင် ပြီး ကောင်းမွန်သော စီးပွားရေးကို ရှာဖွေ စားသောက်ကာ နေထိုင်သော လူကောင်းများရှိသကဲ့သို့ ပြစ်မှုများကို ကျူးလွန်သော လူဆိုးသူခိုးများလည်း ရှိပါသည်။ထိုလူဆိုး သူခိုး ပြစ်မှုကျူးလွန်သူ များကို သက်ဆိုင်ရာပြစ်မှုဆိုင်ရာဥပဒေများနှင့်အညီ ပြစ်ဒဏ်ပေးခြင်းပြုလုပ်ရပါသည်။ ထိုပြစ်ဒဏ် များထဲတွင် သေဒဏ်၊ ထောင်ဒဏ်၊ ငွေဒဏ် စသဖြင့် ကျူးလွန်သော   ပစ်မှုကိုလိုက်ပြီး အပြစ်ပေး အရေးယူရပါသည်။ သို့မှသာ တရားဥပဒေစိုးမိုးမှု(Rule of Law) ကို ဖြစ်စေပါသည်။ မည်သည့်ဘာသာဝင် တစ်ဦးတစ်ယောက်(သို့)လူတစ်စုက ပြစ်မှုများ (မုဒိန်းမှု၊ ခိုးမှု၊ ရိုက်နှက်မှု) စသည့် တို့ကျူးလွန်သဖြင့် ထိုသူတို့နှင့်ဘာသာတူသည့် သူများ၏ အသက်၊အိုးအိမ်၊စည်းစိမ်၊ဘာသာသာသနာ အဆောက်အဦးတို့ကို ဖျက်ဆီးခြင်းမပြု လုပ်ရပါ။ ထို သို့ ပြုလုပ်သူများသည်ပင်လျှင် ပြစ်မှုများကျူးလွန်သူများဖြစ်ပြီး ဥပဒေပါအတိုင်း အရေယူဆောင်ရွက်မှသာ တိုင်းပြည်၏ တရားဥပဒေစိုးမိုးမှု (Rule of Law) ဖြစ်ပေါ်လာမည်သာဖြစ်ပါသည်။

မိမိတို့ နိုင်ငံသည်ဒီမိုကရေစီ ခေတ်သို့ ဦးတည်လျှောက်လှမ်းနေသော နိုင်ငံဖြစ်ပါသည်။(ဒီမိုကရေစီဆိုသည်မှာ အခွင့်အရေးရှိသလို တာဝန်များလည်းရှိသည်။) မည်သည့် ဥပဒေတွင်ဖြစ်စေ အခွင့်အရေးနှင့်တာဝန် ၂ ရပ် ပူးတွဲ တည်ရှိနေပါသည်။ နိုင်ငံသားတိုင်း    အခွင့်အရေးရှိသလို လိုက်နာရမည့် တာဝန်ဝတ္တရားများလည်းရှိသည်။ ၂၀၀၈ ခုနှစ် ပြည်ထောင်စု မြန်မာနိုင်ငံတော်ဖွဲ့ စည်းပုံ အခြေခံဥပဒေ ပုဒ်မ ၆ (င) တွင် “နိုင်ငံတော်သည် …. နိုင်ငံတော်၌ တရားမျှတခြင်း၊ လွတ်လပ်ခြင်း နှင့် ညီမျှခြင်းတည်းဟူသော လောကပါလတရားများ ပိုမိုထွန်းကားရေး…..တို့ ကို အစဉ်တစိုက်ဦးတည်သည် ” ဟု ပြဌာန်း ထားပါသည်။

၎င်း ပြင် ပုဒ်မ ၃၄ တွင် “ ငြိမ်ဝပ်ပိပြားရေးနှင့်သော်လည်းကောင်း၊ ပြည့်သူ့ ကိုယ်ကျင့်တရားနှင့်သော်လည်းကောင်း၊ ဤ ဖွဲ့ စည်းပုံအခြေခံ ဥပဒေပါ အခြားပြဌာန်း ချက်တို့ နှင့်သော်လည်းကောင်း မဆန့် ကျင်လျှင် နိုင်ငံသားတိုင်းသည်ဘာသာ သာသနာရေးတွင် လွတ်လပ်စွာကိုးကွယ်ဆောက်တည်နိုင်သော အခွင့်အရေးတို့ ကို အညီအမျှရရှိစေရမည်။”

ပုဒ်မ ၃၆ဝ (က) တွင် “ဘာသာသာသနာရေးဆိုင်ရာ ကိုးကွယ်ဆောက်တည်မှု သည်စီးပွားရေး၊ ဘဏ္ဍာရေး၊ နိုင်ငံရေး၊ အခြားလောကီရေးရာ ဆောင်ရွကမှုတစ်ခုခုနှင့်ဆက်စပ်နေပါက ပုဒ်မ ၃၄ ပါ ဘာသာ သာသနာရေးဆိုင်ရာ လွတ်လပ်ခွင့်များတွင် မပါဝင်စေရ၊”

ပုဒ်မ ၃၆ဝ (ခ)တွင် “ ထို့ သို့ ဘာသာသာသနာရေးနှင့် စပ်လျဉ်း၍ လွတ်လပ်သော အခွင့်အရေးများကို ပေးထားသော်လည်း အများပြည်သူအကျိုးကိစ္စနှင့် ပြုပြင်ရေးကိစ္စတို့ အတွက် နိုင်ငံတော်၏ ဥပဒေပြု ခြင်း ကို မတားမြစ်ရ။”

ပုဒ်မ ၃၆၁ တွင် “ နိုင်ငံတော်သည် ဗုဒ္ဓဘာသာသာသနာတော်ကို နိုင်ငံတော်၏ ဂုဏ်ထူးဝိသေသနနှင့်ပြည့်စုံသည့်ဘာသာသာသနာဖြစ်သည်ဟု နိုင်ငံတော်က အသိအမှတ်ပြုသည်။”

ပုဒ်မ ၃၆၂ တွင် “ နိုင်ငံတော်သည် ခရစ်ယာန် ဘာသာသာသနာ၊ အစ္စလာမ်ဘာသာသာသနာ၊ ဟိန္ဒူဘာသာသာသနာနှင့် နတ်ကိုးကွယ်သောဘာသာတို့ ကို ဤဖွဲ့ စည်းပုံအခြေခံဥပဒေအာဏာတည်သောနေ့ ဠ် နိုင်ငံတော်တွင်ရှိနေကြ သော ကိုးကွယ်ရာဘာသာများဟူ၍ အသိအမှတ်ပြုသည်။”
ပုဒ်မ ၃၆၃ တွင် “နိုင်ငံတော်သည် အသိအမှတ်ပြု ထားသော ဘာသာသာသနာများကို တတ်နိုင်သမျှ ကူညီစောင့်ရှောက်မည်။”

ပုဒ်မ ၃၆၄ “နိုင်ငံရေးကိစ္စ အလို့ ငှာ ဘာသာသာသနာကို အလွဲသုံးစားမပြုရ။ ထို့ ပြင် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း တစ်ဖက်နှင့်တစ်ဖက်၊ တစ် ဂိုဏ်း နှင့်တစ်ဂိုဏ်း မုန်းတီးခြင်း၊ ရန်မူခြင်း. စိတ်ဝမ်းကွဲခြင်းတစ်မျိုးမျိုး ပေါ်ပေါက်လာစေရန် ရည်ရွယ်သော သို့ မဟုတ် ပေါ်ပေါက်လာရန်အကြောင်းရှိသော အပြုအမူသည် ဤ ဖွဲ့ စည်းပုံ အခြေခံဥပဒေနှင့် ဆန့် ကျင် သည်။ထို အပြုအမူမျိုးအတွက် ပြစ်ဒဏ်ပေးနိုင်ရန် ဥပဒေပြ ဋ္ဌာန်း နိုင်သည်။” ထို့ ကြောင့် နိုင်ငံသားများ၏ လွတ်လပ်ခွင့်၊ လုပ်ပိုင်ခွင့်၊ ခံစားပိုင်ခွင့်၊ တာဝန်နှင့် တားမြစ်ချက်များ ထိရောက်ခိုင်မာပြည်စုံစေရန် လိုအပ်သောဥပဒေ ပြ ဌာန်း ရမည်ဟု ၂၀၀၈ ခုနှစ်ဖွဲ့ စည်းပုံ အခြေခံဥပဒေ ပုဒ်မ ၂၁(ဃ) တွင် ပြဌာန်းထားသည့်အပြင် ပုဒ်မ ၃၆၄ ပါ ပြဌာန်းချက်များအရ လိုအပ်နေသော “ဘာသာသာသနာများကို ကာကွယ်စောင့်ရှောက်သော ဥပဒေ” အား ပြည်ထောင်စုလွှတ် တော်မှ့ အမြန်ဆုံး ပြဌာန်းပေးပါရန် လေးစားစွာ တိုက်တွန်း အပ်ပါသည်။ မြန်မာနိုင်ငံ၏ ပြစ်မှု ဆိုင်ရာ ဥပဒေ ( ရာဇသတ်ကြီး Penal Code) အခန်း ၁၅ – ပုဒ်မ ၂၉၅ ၊ ၂၉၅ (က)၊ ပုဒ်မ ၂၉၆ ၊ ပုဒ်မ ၂၉၇၊ ပုဒ်မ ၂၉၈ တို့ တွင် ဘာသာသာသနာနှင့် ဆိုင် သော ပြစ်မှုများကို ပြစ်ဒဏ်များနှင့်တကွ ပြ ဌာန်း ထားပါ သည်။ ၄င်း ပုဒ်မ များ အပြည့်အစုံ မှာ အောက်ပါအတိုင်းဖြစ်သည်။

ရာဇသတ်ကြီး ပုဒ်မ ၂၉၅ အရ ။ ။- လူတစားကိုးကွယ်သည့်ဘာသာသာသနာကို စော်ကားရန် အကြံဖြင့်ဖြစ်စေ၊ကိုးကွယ်ဝတ်ပြုသော နေရာကိုသော်၎င်း၊ အထွဋ်အမြတ်ထားသော အရာဝတ္ထုကိုသော်၎င်း၊ ဖျက်ဆီးခြင်းသည်၊ သို့ တည်းမဟုတ် ပျက်စီးနစ်နာစေခြင်းသည်၊သို့ တည်းမဟုတ် ယုတ်ညံ့စေခြင်းသည်၊ ထို ဘာသာသာသနာကို စော်ကားသည်ဟု လူတစားက ယူဆတန်ရာသည်ကို သိလျက်နှင့်ဖြစ်စေ မည်သူမဆို၊ ထိုလူတစားက ဘာသာသာသနာရေးဆိုင်ရာ ကိုးကွယ်ဝတ်ပြု သော နေရာကိုသော်၎င်း၊ အထွဋ်အမြတ်ထားသောအရာဝတ္ထု ကို သော်၎င်း၊ ဖျက်ဆီးလျှင်၊ သို့ တည်းမဟုတ် ပျက်စီးနစ်နာစေ လျှင်၊သို့ တည်းမဟုတ် ယုတ်ညံ့စေလျှင်၊   ထိုသူကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ရာဇသတ်ကြီးပုဒ်မ ၂၉၅ (က) ။ ။ ပြည်ထောင်စု နိုင်ငံတော်တွင် နေထိုင်သော လူတစား၏ဘာသာရေးစိတ် ကို နာကြည်းစေရန် တမင်မသမာသော အကြံဖြင့် မည်သူမဆို၊ စကားဖြင့်ဖြစ်စေ၊ စာဖြင့်ဖြစ်စေ၊ ထင်ရှားသောပုံသဏ္ဌာန်ဖြင့် ဖြစ်စေ၊ထို လူတစားကိုးကွယ်သည့် ဘာသာသာသနာကို သော်၎င်း၊ ဘာသာသာသနာရေးယုံကြညမှုကိုသော်၎င်း၊ စော်ကားလျှင်၊သို့ တည်းမဟုတ် စော်ကားရန်အားထုတ်လျှင်၊ ထိုသုကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်ရမည်။

ရာဇသတ်ကြီး ပုဒ်မ ၂၉၆။ ။ ဥပဒေနှင့်အညီ ဘာသာသာသနာရေးဆိုင်၇ာ ကိုးကွယ်ဝတ်ပြုခြင်းပြုနေသော၊ သို့ တည်းမဟုတ် ဘာသာသာသနာရေးဆိုင်ရာ အခမ်းအနားကို ကျင်းပနေသော အစုအဝေး တခုခုအား မည်သူမဆို၊ မိမိအလိုအလျောက် အနှောင့်အယှက်ဖြစ်စေလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ရာဇသတ်ကြီး ပုဒ်မ ၂၉၇။ ။ တဦးတယောက်သောသူ၏ စိတ်ကိုနာစေရန် အကြံဖြင့်ဖြစ်စေ၊တဦးတယောက် ကိုးကွယ်သည့်ဘာသာသာသနာကို စော်ကားရန် အကြံဖြင့်ဖြစ်စေ တဦး တယောက်သောသူ၏ စိတ်ကို နာစေတန်ရာသည်ကို၊ သို့ တည်းမဟုတ် တဦးတယောက်သောသူ ကိုးကွယ်သည့် ဘာသာသာသနာကို စော်ကားတန်ရာသည်ကို သိလျက်နှင့်ဖြစ်စေ မည်သူမဆို၊ ကိုးကွယ်ဝတ်ပြုသောနေရာ၌ သော်၎င်း၊ သင်္ချိုင်း၌ သော်၎င်း၊ မသာအခမ်းအနား ဆောင်ရွက်ရန်သီးသန့် ထားသည့် နေရာ၌သော်၎င်း၊ လူသေအလောင်းထားရန်သီးသန့် နေရာ၌သော်၎င်း ကျူးကျော်စော်ကားလျှင်၊ သို့ တည်းမဟုတ် လူသေအလောင်းကို မဖွယ်မရာပြုလျှင်၊ သို့ တည်းမဟုတ် မသာအခမ်းအနားကျင်းပဆောင်ရွက်ရန် စုဝေနေသူတို့ ကို အနှောင့်အယှက်ဖြစ်စေလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ရာဇသတ်ကြီး ပုဒ်မ ၂၉၈။ ။ တဦးတယောက်သောသူ၏ ဘာသာရေးစိတ်ကို နာစေရန် တမင်ကြံ၍ ၊ မည်သူမဆို၊ ထိုသူကြားလောက်သောနေရာ၌ စကားပြောဆိုလျှင်၊သို့ တည်းမဟုတ် အသံတခုခုကို ပြုလျှင်၊ သို့ တည်းမဟုတ် ထိုသူမြင်လောက်သောနေရာ၌ ကိုယ်အမူအရာတခုခုကိုပြုလျှင်၊ သို့ တည်းမဟုတ် အရာဝတ္ထုတခုခုကိုထားလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

အခြေခံဥပဒေ ၂၁ (က)   ။နိုင်ငံသားတိုင်းသည် ဤဖွဲ့ စည်းပုံ အခြေခံဥပဒေတွင် သတ်မှတ်ပြဌာန်းထားသည့် တန်းတူညီမျှ အခွင့်အရေး၊ လွတ်လပ်မှု အခွင့်အရေး၊ တရားမျှတမှုအခွင့်အရေး တို့ ခံစားခွင့်ရှိသည်။
၂၁(ဂ) ။ ပြည်သူတို့ ၏အေးချမ်းသာယာရေးနှင့် တရားဥပဒေစိုးမိုးရေးတို့ သည် နိုင်ငံသားတိုင်း၏ တာဝန် ဖြစ်သည်။
ဘာသာသာသနာတစ် ရပ်ရပ်အား ထိခိုက်ပုတ်ခတ်စော်ကားသော ဟောပြောမှု ထိုဟောပြောသော တရားခွေ VCD / DVD ခွေများကို တရားမဝင် လွတ်လပ်စွာ ရောင်းချဖြန့် ဖြူး နေမှု များသည် နိုင်ငံတော်အားဆူ ပူအုံကြွမှုဖြစ်ပေါ်စေရန် အဓိကလှုံ ဆော်ဆောင်ရွက်မှု အကြောင်းရင်းတစ်ရပ်ဖြစ်ပါသည်။ ထို ဆောင်ရွက်ဖြန့် ဖြူး ချက် များကို နိုင်ငံတော်အစိုးရ ( ပြည်ထဲရေး နှင့် ဘာသာရေးဝန်ကြီး ဌာန ရဲ အရာရှိများ၊ တရားစီရင်ရေးဆိုင်ရာ တရားရုံးများ)နှင့် တကွ တာဝန်သိ ပြည်သူတစ်ရပ်လုံးမှ ဝိုင်းဝန်းဖော်ထုတ်ဟန့် တား အရေးယူ ဆောင်ရွက်ပေးမှသာလျှင် နိုင်ငံသားတို့ ၏ အသက် အိုးအိမ်စည်းစိမ်၊ ဘာသာသာသနာ အ ဆောက်အဦးတို့ အား ကာကွယ်စောင့် ရှောက်နိုင်မည်ဖြစ်ကြောင်း နှင့် ကမ္ဘာအလယ်တွင် လူ့ အခွင့်အရေး ကို လေးစားလိုက်နာသော နိုင်ငံတစ်ခုအဖြစ် သိက္ခာရှိစွာ ရပ်တည်နိုင်မည်ဖြစ်ပါသည်။

March 26, 2013
ကမ္ဘာ့မီဒီယာမှန်ချပ်ပေါ်က ၉၆၉ ပုံလွှာ (ပရိတ်သတ်တစ်ဦး၏ ရင်ကွဲသံ)

မတ်လ-၂၆ ၊ ၂၀၁၃
ရေးသားသူ – သာကီ ထက်ကောင်း

ကျွန်တော် မြန်မာသတင်းဆိုဒ်တွေ သိပ်မဖတ်ဖြစ်တော့ပါဘူး။ ဖွတာတွေ အရိုးအရွက်ဖုံးတာတွေ မုန့်ကြိုးလိမ် သတင်းဖော်ပြချက်တွေ ကျင့်ဝတ်မညီတဲ့အရေးအသားတွေက သတင်းအမှန်ငတ်မွတ်နေသူတွေအတွက် အလွန်အင်မတန် စိတ်ပျက်သွားစေပါတယ်။ နှလုံးသား နဲ့ အတွေးအခေါ်တွေကို တမင် အရောင်လိုက်ဆိုးနေသလားလို့ ထင်ရတယ်။ နိုင်ငံခြားကိုမှအထင်ကြီးတာမျိုး မဟုတ်ပေမယ့် နိုင်ငံတကာ သတင်းဆိုဒ်တွေကို မြှားဦးလှည့်ဖြစ်တာ ကြာသွားပါပြီ။ သူတို့ဆီမှာက မီဒီယာကျင့်ဝတ်ကို အလေးထားကြတော့ အချက်အလက်အကြောင်းအရာပိုင်းမှာ (အားလုံးမဟုတ်ပေမယ့် အများစုက) ခိုင်မာမှု ရှိကြတယ်။ ကျွန်တော်တို့ဆီမှာလည်း ခိုင်မာမှန်ကန်တဲ့သတင်းများကို အချိန်နဲ့တစ်ပြေးညီ တင်ဆက်ပေးတဲ့ဆိုဒ်တွေလည်း လက်တစ်ဆုပ်စာ ရှိနေပါရဲ့။ ဒါပေမယ့် ညစ်ပတ်ရိုင်းစိုင်းလွန်းစွာ ၀င်ပေးနေကြတဲ့ ကွန့်မန့်တွေမြင်ရတာ စိတ်မချမ်းသာစရာကောင်းချက်ကတော့ ကမ်းကုန်ဘဲဗျာ။ လက်ရှိပြင်ပမှာ ဖြစ်ပျက်နေတာတွေက စိတ်ချမ်းသာစရာ တစ်ကွက်မှ မရှိသေးတာလည်း အားလုံးက သိကြမှာပါ။

ဒီနေ့ ၂၆.၃.၂၀၁၃ အင်္ဂါနေ့၊ The Straits Times ရဲ့ Asia reports မှာ ဖတ်ကြည့်တော့ ထုံးစံအတိုင်း မြန်မာသတင်းက ဦးစားပေးဖော်ပြချက်မှာပါနေတယ်။ 18,000 displaced’ in Myanmar riots ခေါင်းစဉ်နဲ့ပါ။ NLD က လွှတ်တော်အမတ် ဦးဝင်းထိန်ရဲ့ မျက်မြင် ကိုယ်တွေ့ ပြောကြားချက်၊ ဒေသခံတို့ရဲ့ပြောကြားချက်နဲ့တစ်ကွ မိတ္ထီလာပြဿနာ အကြောင်း၊ ပြီးခဲ့တဲ့နှစ် ရခိုင်က ရိုဟင်ဂျာတွေကို ဘင်္ဂလားကခိုးဝင်လာသူလို့စွပ်စွဲပြီး အစွန်းရောက်ဗုဒ္ဓ၀ါဒီတွေရဲ့ တစ်ဖက်သတ်နှိပ်စက်တဲ့အကြောင်း၊ ပြီးခဲ့တဲ့ တနင်္ဂနွေနေ့က မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ်က လာရောက်ကြည့်ရှုသုံးသပ်မှုအကြောင်း – ဒီသတင်းတွေက သိရှိထားပြီးသားမို့ သိပ်မထူးလှပါဘူး။ အဲ့ – နောက်ဆက်တွဲ ရေးသားဖော်ပြမှုတွေမှာတော့ ၉၆၉ အကြောင်းပါလာတာတွေ့ရတယ်။

မူဆလင်တွေရဲ့ ၇၈၆ ကိုဆန့်ကျင်ဖို့ ဗုဒ္ဓဘာသာတရားသဘောတွေထည့်သွင်းထားတဲ့ ၉၆၉ နံပါတ်ကိုအသုံးပြု၊ သြဇာကြီးမားတဲ့ အင်အားစုများကို ကျောထောက်နောက်ခံပြုထားပုံရတဲ့ ဗုဒ္ဓဘာသာဝင်အုပ်စု တစ်စုဟာ မကြာသေးခင် လများအတွင်း ပေါ်ထွန်းလာပါတယ်တဲ့။ သဘောထားပြင်းထန်တဲ့ မန္တလေးမြို့က ဦးဝီရသူဟာ မွတ်စ်လင်မ်ဆန့်ကျင်မှု မုန်းတီးရေးတရားတွေကို ဟောပြောနေတုန်းပါဘဲတဲ့။ အင်္ဂလိပ်လို တိုက်ရိုက်ဖတ်ချင်ယင်တော့ ဒီနေရာမှာ ဖတ်ကြည့်နိုင်ပါတယ်။

တစ်ခါ International Bussiness Time ကို ၀င်ကြည့်ပြန်တော့ ဒီစာမျက်နှာ မှာ မြန်မာပြည်က အကြမ်းဖက်မှု နောက်ကွယ်က ကြိုးကိုင်သူဟာ ဦးဝီရသူလား လို့ခေါင်းစဉ်တပ် သတင်းဆောင်းပါးကို တွေ့ရပြန်ရော။ အဲ့ဒီမှာ ဦးဝီရသူကို ကြံကြံဖန်ဖန် “ မြန်မာဘင်လာဒင် ” ဆိုတဲ့ tittle တပ်ထားတာ ကျွန်တော့်မှာ ရယ်ရအခက် ငိုရအခက် ဖြစ်သွားတယ်။ ဘင်လာဒင်ကို အကောင်းမြင်တဲ့ မူဆလင်အုပ်စု တစ်ချို့ကတော့ နှိုင်းရကောင်းလားဆိုပြီး ထအော်ဦးမှာ သေချာသဗျို့။ ဓါးတရမ်းရမ်းနဲ့ ဗုဒ္ဓဘာသာဘုန်းတော်ကြီးများက ဂျာနယ်လစ်တွေရဲ့ကင်မရာမင်မိုရီကဒ်တွေကို ခြိမ်းချောက်တောင်းယူတာ၊ Burma Campaign UK’s director Mark Farmaner က “ ရိုဟင်ဂျာဆန့်ကျင်ရေး ဖြစ်မလာခင်ကတည်းက မူဆလင်ဆန့်ကျင်ရေးအုပ်စုဖွဲ့ခဲ့တဲ့ အဖွဲ့အစည်းတွေရှိနေခဲ့ကြတယ် ” လို့ IBTimes UK ကို ပြောတာ၊ ဦးဝီရသူဦးဆာင်တဲ့ မြန်မာပြည်တစ်ခွင် မူဆလင်ဆန့်ကျင်ရေးတရားပွဲတွေ လုပ်ပြီးသွားတဲ့ ဒေသတိုင်း ဒီလိုအဓိကရုဏ်းတွေ မီးခိုးကြွက်လျှောက် ဆက်တိုက်ဖြစ်ပေါ်လာတာ၊ ဗုဒ္ဓဘာသာဘုန်းတော်ကြီးကျောင်းတွေကလည်း မူဆလင်တွေအပေါ် ရမယ်မျိုးစုံရှာပြီး ဝေဖန်ရှုတ်ချတဲ့ စာရွက်စာတမ်း လက်ကမ်းစာစောင်တွေကို လပေါင်းများစွာ ဒိုင်ခံဖြန့်ချိနေတာ စသဖြင့် လိုတိုရှင်းဖော်ပြထားတာ တွေ့လိုက်ရတယ်။ ဒါက နာမည်ကြီးမီဒီယာ အချို့သာရှိပါသေးတယ်။ အတိုချုပ်ဆိုရယင် ကမ္ဘာ့မီဒီယာမှန်ချပ်ထဲက ဘယ်နေရာကြည့်ကြည့် 969 group/gang တို့၊ Extremist Buddhist Nationalism တို့၊ Neo-NarzI Buddhism တို့၊ Burmese Buddhist monks တို့ စတင် ပလူပျံနေပါပြီ။ နိုင်ငံတော်ပြုပြင်ပြောင်းလဲမှုအပေါ် တစ်ကမ္ဘာလုံးစောင့်ကြည့်နေချိန်ကျမှ နိုင်ငံတကာမီဒီယာနံရံထဲ ဒီသံတစ်ချောင်း ရိုက်သွင်းလိုက်သလိုဖြစ်ကုန်ပါပြီ။ ဒီပုံရိပ်တွေ ဒီအက်ကြောင်းတွေကို ဘယ်လိုပယ်ဖျက်လို့ရနိုင်တော့မလဲ။ The Golden Land လို့ဂုဏ်ယူဝင့်ကြွားနိုင်ခဲ့တဲ့ ကျွန်တော်တို့နိုင်ငံဟာ မကြာခင် The Bloody Land & Hands အဖြစ် အမည်တွင်တော့မှာလား။ ဘာသာရေး၊ လူမျိုးရေး ဆိုတာတွေကို ဘေးဖယ်ချထားပြီး မြန်မာပြည်သားတစ်ယောက် လူသားတစ်ယောက် အနေနဲ့ကြည့်မြင်ရင်တောင်မှ ရှက်စရာကောင်းလွန်းနေပါပြီ။

ခုတစ်လော နိုင်ငံရပ်ခြားမှာရှိနေတဲ့ဗုဒ္ဓဘာသာဝင်အချို့ကို Are you traditional Buddhist or 969 Myanmar Buddhist ? လို့ မေးတဲ့အဆင့်ထိရောက်နေပြီလို့ သိရတယ်။ ပြည်တွင်းနေသူများအဖို့ သိပ်မသိသာသေးပေမယ့် နိုင်ငံရပ်ခြားက မြန်မာအလုပ်သမားတွေ တဖြည်းဖြည်းခေါင်း မဖော်နိုင်တဲ့ဘ၀ကို ရောက်ဖို့အလွန်နီးစပ်နေပါပြီ။ တကယ့်လက်တွေ့အခြေအနေကို ကြည့်ယင်လည်း ဗုဒ္ဓဘာသာ ဘုန်းတော်ကြီးကျောင်း/စာသင်ကျောင်းတွေကို မူဆလင်တွေ လိုက်ဖျက်ဆီးတာ၊ ဗုဒ္ဓဘာသာဝင်တွေရဲ့အိုးအိမ်လုပ်ငန်းတွေကို မူဆလင်တွေက အုပ်စုဖွဲ့ ရန်စမီးရှို့လုယက်တာ ဘာတစ်ခုမှ မတွေ့ရသေးပါဘူး။ မူဆလင်တွေက ၇၈၆ ဂိုဏ်းအမည်နဲ့ သောင်းကျန်းတာ အစုလိုက်အပြုံလိုက် ရမ်းကားသတ်ဖြတ်တာလည်း မကြားဖူးပါဘူး။ မူဆလင်တွေက ဗုဒ္ဓဘာသာဝင်တွေကိုစော်ကားနေတယ်ဆိုတဲ့ ဇာတ်လမ်းဇာတ်ကွက်တွေကိုလည်း မမြင်ဖူးပါဘူး။ အဲ့ဒါနဲ့ဆန့်ကျင်ဖက်တွေကိုဘဲ တွေ့မြင်ကြားသိနေရတယ်။

ဒီနေရာမှာ အလွန်ထူးခြားတဲ့အချက် ၂ ချက် သတိထားမိတယ်။ (အစစ်လား အတုလား မသိတဲ့) သံဃာတော်အချို့နဲ့အတူ အကြမ်းဖက်သမားများဟာ မိမိကိုယ်ကို ၉၆၉ အဖွဲ့သားလို့ တရားဝင်ကြွေးကြော်နေသော်လည်း – (ဦးဝီရသူ အပါအ၀င်) ၉၆၉ ဦးသျှောင်သံဃာတော်များက လက်ရှိအကြမ်းဖက်မှုများဟာ မိမိတို့နဲ့မပတ်သက်ကြောင်း ငြင်းဆိုမှုလုံးဝမရှိယုံမက မုန်းတီးရေးတရားပွဲတွေ ပိုလို့အရှိန်မြှင့်လာတာက တစ်ချက်။ နောက်တစ်ချက်က ထေရ၀ါဒ ဗုဒ္ဓဘာသာဝင်တိုင်း၊ ဘုန်းတော်ကြီးတိုင်းက ဒီအယူအဆနဲ့ဂိုဏ်းဂဏကို လိုလားမှုရှိမနေတာက တစ်ချက်။
ဆိုတော့ကာ …… ၉၆၉ ဆိုတာ မူလဗုဒ္ဓဘာသာ လမ်းကြောင်းကနေ ထပ်မံ လမ်းခွဲထွက်ပေါ်လာသော ၂၁ရာစုရဲ့ဗုဒ္ဓဂိုဏ်းကွဲတစ်ခုအဖြစ် သတ်မှတ်ရမလို ဖြစ်လာပါပြီ။
ဘာကြောင့်လဲဆိုယင် တခြားဗုဒ္ဓဂိုဏ်းကွဲတွေ အားလုံးက မေတ္တာ၊ ခွင့်လွှတ်မှု၊ ငြိမ်းချမ်းရေး စတဲ့ တန်ဖိုးများနဲ့တည်ဆောက်ထားပေမယ့် ၉၆၉ မှာ အာဃာတ၊ နိုင့်ထက်စီးနင်းအမူအကျင့်၊ ပျက်လိုဖျက်ဆီး စတဲ့ ပူလောင်ခြင်းအချက်တွေပေါ် အခြေခံထားလို့ပါဘဲ။

ပေါ်ထွန်းလာသမျှသော ဘာသာတရားအသစ်၊ ဂိုဏ်းဂဏအသစ်တွေဟာ မိမိတို့ရဲ့ ကျင့်ရပ်၊လမ်းစဉ်တွေ မတူကွဲပြားကြောင်း ချပြနိုင်ကြတယ်။ ဒါပေမယ့် လက်ရှိ ၉၆၉ ကျတော့ ဘုရားရှင်လက်ထက် ဒေ၀ဒတ္တဂိုဏ်းသားတွေလို ရောထွေးရပ်တည်နေတော့ ခက်တယ်။ ကျွန်တော်အဖြေရှာကြည့်မိတယ်။ ဘယ်လိုခွဲခြားသတ်မှတ်ရမလဲပေါ့။ အဲ့ဒီအဖြေကလည်း ဘုရားရှင်လက်ထက်ကအဖြစ်အပျက်တွေထဲမှာဘဲ ပြန်တွေ့လိုက်ရတယ်။ မာရ်နတ်ရဲ့ဘက်တော်သား ဒေ၀ဒတ္တဂိုဏ်းသားတွေဟာ သူတို့ရဲ့လုပ်ရပ်၊ အပြုအမူတွေကြောင့်သာ အလဇ္ဖီရဟန်းတုများဖြစ်ကြောင်း ကွဲပြားသွားခဲ့ရတယ်။ ရဟန်းတု ရဟန်းယောင်တွေရဲ့ ဦးဆောင်မှုက ဘယ်လောက်အန္တရာယ်ကြီးတယ်ဆိုတာ ရာဇ၀င်မှာ အထင်အရှားပါ။ ကွဲကွဲပြားပြားဖြစ်အောင် အလျဉ်မီ မရှင်းနိုင်ယင်တော့ သမိုင်းနဲ့ချီပြီး ကောင်းရနံ့သင်းပျံ့ခဲ့တဲ့ ကျွန်တော်တို့မြန်မာပြည်က ဗုဒ္ဓသာသနာ့ဂုဏ်ရောင်ကြီး ရေစုန်မျောရတော့မှာလားလို့ ကျွန်တော် ၀မ်းနည်းသွားရပါတယ်။ ကမ္ဘာ့ဗုဒ္ဓသမိုင်းစဉ်တစ်လျှောက်မှာလည်း ဤမျှလောက်ရက်စက်ကြမ်းကြုတ်တဲ့ အယူအဆနဲ့လုပ်ရပ်တွေ မဖြစ်ပေါ်ခဲ့ဖူးဘူး။ အစွန်းရောက်အကြမ်းဖက်ဗုဒ္ဓဘာသာဝင်တွေလို့လည်း တစ်ကြိမ်တစ်ခါမျှ ခေါင်းစဉ်အတပ်မခံခဲ့ဖူးပါဘူး။ ဘာသာတရားတစ်ခုထဲ – မသိနားမလည်တဲ့လူကြားထဲ နိုင်ငံရေးလှည့်ကွက်တွေ မုသားမှိုင်းလုံးတွေ အတင်းအဓမ္မအင်အားသုံးသွတ်သွင်းလို့ အကြမ်းဖက် အကောင်အထည်ဖော်နေမှုတွေကို ကျွန်တော်တို့ ကန့်ကွက်တားဆီးရမယ့်အချိန်တန်ပြီဖြစ်ပါတယ်။ မူဆလင်တွေ ခရစ်ယျာန်တွေဖက်ကို အမြဲမပြတ် မျက်စေ့ဒေါက်ထောက်ကြည့်ပြီး အ၀ိဇ္ဖာပွားနေမယ့် အစား မိမိရဲ့အမျိုးဘာသာသာသနာကို နည်းမှန်လမ်းမှန်ထိန်းသိမ်းစောင့်ရှောက်မှသာ ဗုဒ္ဓတရားတော်နဲ့ ညီညွတ်တင့်တယ်မှာမို့လို့ သံဃာ့အကြီးအကဲများ၊ သာသနာ့ဒါယကာနိုင်ငံခေါင်းဆောင်များ အထူးသတိထားရတော့မယ့်ကာလရောက်သွားပြီလို့ ကျွန်တော် မြင်မိပါတယ်။ ဒီပြဿနာကို အမြစ်လှန်ပြီး အမှန်တကယ် ထိထိရောက်ရောက် ဖော်ထုတ်အရေးယူခြင်း ရှိရပါတော့မယ်။ အကြမ်းဖက်မှု/မတရားမှုကို မတားဆီးသူဟာ မတရားမှုကို အသံတိတ် အကာအကွယ်ပေးမြှောက်စားသူ ဖြစ်တယ်လို့ ပညာရှိစကားတွေမှာ ကြားဖူးပါတယ်။ အာဏာရူးမျက်ကန်းတစ်စုရဲ့ပုံဖော်မှုကြောင့် မတော်တဆ နိုင်ငံတော်ရဲ့ဦးတည်လမ်းကြောင်း နောက်ပြန်လှည့်သွားယင်တော့ မြန်မာ့သမိုင်းမှာ ရုပ်အဆိုးဆုံးကိစ္စအဖြစ် တကယ်ကို အစိပ်စိပ်အမြွာမြွာ ကွဲထွက်ကုန်မယ့်အနေအထားအထိ ရောက်သွားနိုင်ပါတယ်။

ဘာသာရေး၊ လူမျိုးရေးကိုခုတုံးလုပ်မိတဲ့ နိုင်ငံတိုင်း၊ ပုဂ္ဂိုလ်ကျော်တိုင်း ကမ္ဘာ့ပုံရိပ်မှာ ဦးကျိုးအမြီးပြတ်လို့ အမည်းစက်စွန်းထင်း ပေကျံခဲ့ရစမြဲ ………
တစ်လွဲအသုံးချမီဒီယာတိုင်းကလည်း ကမ္ဘာ့မီဒီယာစင်မြင့်ထက်က ကြိုးစင်ကိုတက်သွားရစမြဲ ……………..
အမှန်တရားဆိုတဲ့မှတ်ကျောက်ရှေ့မှာ အတုအယောင်များ ပြယ်လွင့်ပျောက်ကွယ်ရစမြဲပါ။
ကျွန်တော်တို့အမိမြန်မာပြည်ကြီး ဒီသံသရာစက်ဝိုင်းထဲက မလွတ်ကျွတ်နိုင်တော့ဘူးလား လို့ အားပျော့ပျော့တွေးမိယင်း …
အချိန်ရှိပါသေးတယ် – အချိန်မှီဖို့ဘဲ လိုအပ်ပါတယ် လို့ ငြီးတွားယင်း …
ရင်ဖွင့်ခံစားရေးသားမိပါတယ်ခင်ဗျား။

(စာရေးသူရဲ့ အမြင်နှင့် အာဘော်သာဖြစ်ပါသည်။)

March 26, 2013
ဆရာကြီး ၀မ်းအိုဝမ်း ကျော်ဝင်းမောင် (၉၃)နှစ်ပြည့် မွေးနေ့ အမှတ်တရ

ဖေဖော်ဝါရီလ ၁၆ရက်၊၂၀၁၃
M-Media
ပသီဆောင်းနှင်းမှုံ

မြန်မာ့ သမိုင်း၊ ကမ္ဘာ့ သမိုင်းတွေမှာ သင်ခန်းစာ ယူစရာ၊ဂုဏ်ယူ စရာ၊အားကျ အတုယူစရာ၊ မျိုးချစ်စိတ် တဖွားဖွား ပေါ်စရာတွေ ပြည့်ှနှံ့နေတဲ့ အတိတ်ကာလများစွာနဲ့ တည်ဆောက်ထားတာပါ။ကျွန်မတို့ရဲ့ မြန်မာ့ သမိုင်း စာမျက်နှာကို ပြန်လှန်ကြည့်ရင်လည်း မြန်မာ့ အာဇာနည်တို့ ဇွဲမရှိခဲ့ပါလျှင် မြန်မာ့ မြေပုံသည် ကမ္ဘာ့ဘုံမှ ပျောက်ကုန်သွားမည် ဖြစ်ကြောင်း မှတ်သား ရဖူးပါတယ်။

ဘယ်သူမှ အားမကိုးဘူး သူပါသူ စာ ရေးမယ်တဲ့

ဒုတိယ ကမ္ဘာစစ်အတွင်းက တကယ့်ဖြစ်ရပ် ပုံရိပ်များကို အပတ်တကုပ် စိုက်လိုက်မတ်တတ် စုဆောင်းရေးသားသူ တစ်ဦးဖြစ်သော ဆရာကြီး ၀မ်းအိုဝမ်းကျော်ဝင်းမောင်ဟာ သမိုင်းမှာ အကျည်းတန် အရုပ်ဆိုးတဲ့ လူသိမများခဲ့တဲ့ မွန်ပြည်နယ်၊ ကျိုက်မရော မြို့နယ်၊ ကုလားကုန်း ကျေးရွာသူ ကျေးရွာသား အားလုံးနီးပါး ရွာလုံးကျွတ် လူကြီးလူငယ် အဘိုးအို အမယ်အိုကစပြီး ရင်နှစ်သည်းချာ ကလေးတွေအထိ အရှင်လတ်လတ် ရက်စက်မူ သရဖူ ဆောင်းခဲ့တဲ့ လူသတ်ပွဲကြီး သမိုင်းကို ဆရာကြီးဟာ စာတစ်အုပ် ပေတဖွဲ့ အနေနဲ့တိုင်းပြည်မှာ ရှိဖို့လိုတယ်လို့ ခံယူပြီး သူဟာ အန္တရယ်တွေကြားက အသက်ကို ဖက်နဲ့ထုပ်ပြီး သွားကာ သမိုင်းမှတ်တမ်းတင်ခဲ့ပါတယ်။ဆရာကြီးဟာ ထိုစာအုပ်ကို ” ကျိုက်မရောနယ်ရဲ့ အလှကို အကျဉ်းတန် အရုပ်ဆိုးစေတဲ့ သမိုင်းဖြစ်ရပ်” လို့ အမည်ပေးခဲ့ပါတယ်။ ကုလားကုန်း ရွာသားတွေဟာ အဲဒီဒေသတွင် လှုပ်ရှားသော မြန်မာ့ တော်လှန်ရေး ပြောက်ကျားတပ်သားများနဲ့ ဗြိတိသျှ လေထီး တပ်သားများကို အကူအညီပေးခဲ့လို့ ဂျပန်တွေက ရွာလုံးကျွတ် ရက်ရက် စက်စက်သတ်ဖြတ်ခဲ့ခြင်း ဖြစ်ပါတယ်။ထိုသမိုင်းကို ဖတ်ရှု့ရခြင်းဖြင့် ကုလားကုန်းရွာသား အစ္စလာမ်ဘာသာဝင်တွေဟာ တိုင်းပြည်ပေါ် ဘယ်လောက်ထိ ချစ်ခင်လဲ ဘယ်လောက်ထိတိုင်းပြည်ပေါ်မှာ တာဝန်ကျေခဲ့ ကြသလဲ ဆိုတာကို ဆရာကြီးဟာ စာပေဖြင့် မီးမှောင်းထိုးပြနိုင်ခဲ့ပါတယ်။။

ဆရာကြီးဝမ်းအိုဝမ်းကျော်ဝင်းမောင်ကို ပသီအမျိုးသား အစ္စလာမ် ဘာသာဝင် အဖဦးဟာနစ်၊အမိ ဒေါ်စိန်ညွှန့်တို့မှ ၁၆-၂-၁၉၂၀ ခုနှစ်တွင် မွေးဖွားခဲ့သည်။ ဆရာကြီးဟာ ကချင်ပြည်နယ်၊ဗန်းမော်သားပါ။အင်္ဂလိပ်-မြန်မာ (၁၀)တန်းထိ ပညာသင်ကြားခဲံပါတယ်။ပန်းချီ ၀ါသနာ ပါသူဖြစ်ပါတယ်။ဆရာကြီးဟာ ဘီဒီအေ(ဗမာ့ ကာကွယ်ရေး တပ်မတော်)၊လေယာဉ်ပစ် အမြောက်ကြီးတပ်၊ဘီဒီအေ မင်္ဂလာဒုံ စစ်တက္ကသိုလ် တတိယ အပတ် ဗိုလ်သင်တန်း တက်ခဲ့ပါတယ်။ ဗိုလ်သင်တန်းတက်နေတုန်း ဂျပန်တော်လှန်ရေး အတွက် ဗိုလ်ချုပ်အောင်ဆန်းရဲ့ တာဝန်ပေးချက်နဲ့ မြန်မာပြည် မြောက်ပိုင်းရောက်နေတဲ့ မဟာမ်ိတ်တွေနဲ့ သွားရောက် ဆက်သွယ်ခဲ့ပါတယ်။ မဟာမိတ်တွေနဲ့ သွားရောက်ဆက်သွယ်ရင်း လမ်းခုလပ်မှာ ဂျပန်တွေရဲ့ ဖမ်းဆီးခြင်းကို ခံခဲ့ရပါတယ်။မြေအောက် ရဲဘော်တွေရဲ့ အကူအညီနဲ့ ဆရာကြီးဟာ အချုပ်ခန်းကို သော့တူနဲ့ ဖွင့်ပြီး ထွက်ပြေးလွတ်မြောက်ခဲ့ပါတယ်။ဂျပန်ဖက်ဆစ်တွေရဲ့ သမိုင်းမှာ ဒီလို လှောင်အိမ် အချုပ်ခန်းထဲမှာ သေဒဏ်ပေးခံရပြီး ထွက်ပြေး လွတ်မြောက်သွားတဲ့ လူ သူတို့သမိုင်းမှာ အင်မတန် ရှားမယ်လို့ သိရပါတယ်။ဒါကြောင့် ဆရာကြီးဟာ ဒီအကြောင်းတွေကို မြန်မာ့ သမိုင်းမှာ စာတတန် ပေတဖွဲ့ အနေနဲ့ ကျန်ရစ်ခဲ့အောင်ဆိုတဲ့ ရည်ရွယ်ချက်နဲ့ “၀မ်းအိုဝမ်းနဲ့ မြန်မာ့မြေအောက် တော်လှန်ရေး”ဆိုတဲ့ စာအုပ်ကို ရေးပြီး စာပေလောကထဲ ၀င်ခဲ့ပါတယ်။

ထိုစာအုပ်နှင့် ပတ်သက်ပြီးစာရေးဆရာ သတင်းစာဆရာ ဆရာမောင်ဝံသက“သက်ကြီဝါရင့် နိုင်ငံရေး သမားကြီးတွေ မှတ်ညဏ်ကောင်းတုန်း ကိုယ်တွေ့တွေကို ပြန်ရေးကြတာ ကျွန်တော်တို့ အလွန်ကျေးဇူးတင်တယ်။အသက် ၃၀အောက် လူငယ်တွေကို အဲသလို နိုင်ငံရေး ကိုယ်တွေ့ မှတ်တမ်းတွေ ဖတ်စေချင်တယ်။ဆရာကျော်ဝင်းမောင်ရေးတဲ့ “၀မ်းအိုဝမ်းနဲ့ မြန်မာ့ မြေအောက်တော်လှန်ရေး ”လိုစာအုပ်မျိုးက သမိုင်းမှတ်တမ်း အရေးအသားတွေထက် လူငယ်တွေကို ပိုပြီး ဆွဲဆောင်မယ်လို့ ကျွန်တော် ယူဆပါတယ်”ဟု ပထမတန်းစား နိုင်ငံ ပထမတန်းစား စိတ်ဓာတ် စာအုပ်တွင် ရေးသားတာကို တွေ့ရပါတယ်။ဆက်လက်ပြီး ထိုစာအုပ်တွင် ဆရာမောင်ဝံသမှ “ယနေ့ခေတ် နိုင်ငံရေးစိတ်ထက်သန်တဲ့ လူငယ်တွေကို ၀မ်းအိုဝမ်းကျော်ဝင်းမောင်ရဲ့ စာအုပ်တွေ ဖတ်စေချင်ပါတယ်။သူတို့ခေတ်က လူငယ်တွေ နိုင်ငံရေးထဲ ဘယ်လိုပါခဲ့ကြတယ်၊ ဘယ်လို စွန့်စားခဲ့ရတယ်၊ဘယ်လို လှိုင်းတံပိုးတွေကို ရင်ဆိုင်ခဲ့ရတယ် စတာတွေကို တွေ့ရပါလိမ့်မယ်။ ငါတို့သာ တိုင်းပြည်ကို ချစ်တယ်၊ငါတို့သာ တိုင်းပြည်အကျိုးကို ကိုယ်ကျိုးစွန့်ပြီး လုပ်ဆောင်နေတာလို့ တစ်လွဲမာန်တက်နေသူတွေလည်း ဖတ်ဖြစ်အောင် ဖတ်စေချင်တယ်။နိုင်ငံရေး သမားဆိုတာ တိုင်းသူပြည်သား လူအများ အသာစံဖို့အတွက် မိမိတို့ရဲ့ဘ၀ အနာခံပြီး လုပ်ပေးရသူဆိုတဲ့ အနက်အဓိပယ်ကို ဦးကျော်ဝင်းမောင်ရဲ့ နိုင်ငံရေး ဘ၀ထဲမှာ တွေ့လာရပါလိမ့်မယ်”ဟု ရေးသားထားသည်ကို တွေ့ရပါတယ်။

အာဇာနည်ခေါင်းဆောင်ဆရာကြီး ဦးရာဇာတ်စာအုပ် ထွန်းဖောင်ဒေးရှင် စာပေဆု ရတုန်းက အမှတ်တရ

သက်တော်ရှည် စာပေပညာရှင်ကြီးဝမ်းအိုဝမ်း ရဲ့ဘ၀အောင်မြင်မူ မှတ်တိုင်တစ်ခုကတော့ အသက်၈၈နှစ်အရွယ်မှာ အာဇာနည် ခေါင်းဆောင် ဆရာကြီးဦးရာဇာစာအုပ်နှင့် ထွန်းဖောင်းဒေးရှင်း အတ္ထုပတိစာပေဆု ရရှိခဲ့ပါတယ်။အဲဒီတုန်းက ဆရာကြီးဟာ “၀မ်းသာလွန်းလို့ ငိုချင်တယ်”ဆိုတဲ့ ဆောင်းပါးကို Weekly Eleven ဂျာနယ်တွင် ရေးသားပြီး ပြည်သူတွေကို သူ့ရင်ထဲက စကားသံတွေ ပြောပြခဲ့တာ တွေ့ရပါတယ်။

ဆရာကြီးဟာ အတိတ်ကာလ၊ပစ္စုပန်ကာလ နှစ်ခုမှာ ဘယ်ပေတံနှင့် တိုင်းတိုင်း ဘယ်မှတ်ကျောက်နှင့် တင်တင် ဒေါင်ဒေါင်မြည် အစမ်းသပ်ခံနိုင် ခဲ့တဲ့ နိုင်ငံရေး သမား တစ်ယောက်၊နိုင်ငံရေး ခေါင်းဆောင် တစ်ယောက်ဆိုတာ ပေါ်လွင်ထင်ရှားလှပါတယ်။ဆရာကြီးတို့ တပ်မတော်ထဲ ၀င်တုန်းက ပသီခေါ် မြန်မာ မွတ်စလင်အမျိုးသားတွေ ဖြစ်တဲ့အတွက် အခြား တိုင်းရင်းသား လူမျိုးတွေထက် အစားအသောက် အဆင်းရဲခံပြီး ၀င်ခဲ့ရပါတယ်။

ဆရာကြီး အသက်ရှင်စဉ်ချိန်ကာလကနေ အခုသေဆုံးချိန်ထိ ပိုင်ဆိုင်ထားတဲ့ အောင်မြင်ခြင်း၊ထင်ရှားခြင်း၊ကျော်ကြားခြင်းတွေဟာ တခဏ တစ်ခုန် တစ်လှမ်းနဲ့ ရခဲ့တာ မဟုတ်ပါဘူး။သူဟာ ခိုင်မာသော ယုံကြည်ချက်ပေါ် တစိုက်မတ်မတ်နဲ့ မဆုတ်မနစ်တဲ့ ဇွဲလုံလကို အရင်းတည်ပြီး အဖန်ဖန် တလဲလဲ ကြိုးစားခြင်းရဲ့ ရလာဒ်တွေသာ ဖြစ်ပါတယ်။

ဆရာကြီးရဲ့ ဘ၀ကို လေ့လာကြည့်တဲ့ အခါ အကြိမ်ကြိမ်အခါခါ ရှုံးနိမ့်ခဲ့ဖူးပေ့မယ့် ရေဆန်လမ်းမှာ လက်ပန်းမကျသလို လေထန် ရေဆန်တတ်တဲ့ လောကဓံကို ကြံကြံခိုင် ရင်ဆိုင် တွန်းလှန်ကျော်ဖြတ်ခဲ့လို့ ရောက်ရှိလာရတဲ့ ပန်းတိုင်ပဲဖြစ်ပါတယ်။

ဆရာကြီးဟာ သူလုပ်ဆောင်စရာရှိတာတွေကို သမိုင်းပေး တာဝန်တစ်ခု အနေနဲ့ ကျေပွန်စွာ ထမ်းဆောင်ခဲ့ပါတယ်။သူ့အကျိုးစီးပွားအတွက် မျှော်မှန်းပြီး မလုပ်ခဲ့ပါဘူး။ ဂျပန်တော်လှန်ရေး ပျက်ပြားသွားမှာကိုတော့ သူ အထိမခံနိုင် အပျက်မခံနိုင် သူ့အသက်ကိုသာ လွတ်လပ်ရေး ကန်ဘောင်ရိုးမှာ စတေးခံဖို့ ဆုံးဖြတ်ခဲ့သူပါ။စွန့်လွှတ်စွန်စား လုပ်ချင်တဲ့စိတ် အနစ်နာခံ စွန့်လွှတ်ရဲတဲ့ သတ္တိမျိုး သူ့မှာ အပြည့်ပါ။

ဆရာကြီးဟာ လူတွေအပေါ် ခွင့်လွှတ်သည်းခံတတ်ခြင်း၊သူ ယုံကြည်ရာ အပေါ် တယူတန် စွဲလန်းခြင်း၊အားနည်းသူတွေကို သူစားမယ့်ထဲက ခွဲဝေပေးတတ်ခြင်း၊ အနစ်နာခံတတ်ခြင်း၊ကိုယ့်ကျိုးစွန့်လွှတ်တတ်ခြင်း၊နိမ့်ချစွာ နေထိုင်တတ်ခြင်း၊သူတစ်ပါးကို ကြီးငယ်မရွေး ယဉ်ကျေးဖော်ရွေ လေးစားစွာ ဆက်ဆံတတ်ခြင်း၊မဆုတ်မနစ်သော ဇွဲ၊လုံ့လရှိခြင်း၊ရိုးသားခြင်း၊ သစ္စာရှိခြင်း၊ဒေါသဆို မြူမှုန့်မရှိ ပကတိ တည်ငြိမ်အေးချမ်းခြင်း၊ တင်းတိမ် ရောင်ရဲခြင်း၊စိတ်ကောင်း စေတနာကောင်း ရှိခြင်း၊မမြှောက်ပင့် တတ်ခြင်းတွေဟာ စံနမူနာ အတုယူထိုက်စရာတွေကို ဆရာကြီးရဲ့ ဘ၀ထဲမှာ တွေ့ရပါတယ်။ဆရာကြီးရဲ့ ဘ၀မှာ ကိုင်စွဲလျှောက်လှမ်းတဲ့ ဆောင်ပုဒ်လေးကတော့ “လိုလျှင် ကြံဆ နည်းလမ်းရ” လို့အမြဲပြောလေ့ရှိခဲ့တယ်။

ဆရာကြီး လူငယ်တွေကို အမြဲရွတ်ဆိုပေးပြီး ချရေးခိုင်းလေ့ရှိတဲ့ ဆောင်ပုဒ်လေးတစ်ခု ရှိပါသေးတယ်။အဲဒါလေးကတော့
“ငါ့မှာ တာဝန်တွေ များစွာရှိတယ်
       ကုန်းပေါ်မှာ သေသေ
       ရေထဲမှာ သေသေ
       လေထဲမှာ ကြေကြေ
       အထိပ်အထိပ်မှာ ငါနေမယ်
       လာမည့်ဘေး ပြေး၍ မရှောင်
       တွေ့အောင် ငါသွားမယ်
       ဧည်သည် အိမ်သည်ကို မစော်ကားရ ”ဆိုတဲ့ ဂျပန်ခေတ်က ဒီကြွေးကြော်သံလေးကို ချရေးခိုင်း တတ်သလို၊လူငယ် လူရွယ်တွေရဲ့ နှလုံးသားထဲထိ စွဲနစ်သွားအောင် ရိုက်သွင်းပေးပြီး စိတ်ဓာတ် အမွေပေးခဲ့ပါတယ်။ပြီး ဘ၀မှာ လက်တွေ့အသုံးချဖို့ လမ်းညွှန်ပေးခဲ့တာကို တွေ့ရပါတယ်။

၂၀၁၂ ခုနှစ် ဇန်နဝါရီလက ကျင်းပခဲ့သည့် ပထမအကြိမ်မြောက် ဆရာကြီးဦးရာဇတ်နေ့ အခမ်းအနား မန္တလေးတွင် အမှတ်တရ စကားပြောကြားနေစဉ်

သူ့ရဲ့စိတ်အားထက်သန်မူတွေဟာ အသက်အရွယ်နဲ့မလိုက်အောင် ရှေ့သို့ရောက်နေသော်လည်း ဇာရာရဲ့ ဖိစီးမူတွေက ဆရာကြီးရဲ့ခြေထောက်ကို အနောက်မှာ ကျန်ရစ်စေခဲ့ပါတယ်(ဆရာကြီးရဲ့ လမ်းလျှောက်ပုံကို မြင်တွေ့ဖူးသူတိုင်း ပြန်လည် မြင်ယောင်မိနိုင် ပါလိမ့်မယ်)။ မြန်မာ့ပြည်ရဲ့အရေး၊ တိုင်းရင်းသားတွေရဲ့အရေး၊ ပသီခေါ် မြန်မာမွတ်စလင်တွေရဲ့ အရေးတွေအတွက် သောကတွေ ပိုက်ထွေးရင်း ကွယ်လွန်မည့် နေ့ရက် တစ်ရက်ကလွဲရင်း ကလောင်ကို လက်ကမချ ခဲ့သူလို့ သိရပါတယ်။ သူ့ရဲ့ဘ၀ကို ဇွဲ၊ လုံးလ ၊၀ိရိယတွေနဲ့ တည်ဆောက် ထားတာလို့ သုံးသပ်မိပါတယ်။

ဆရာကြီးရဲ့ အလ္လာဟ်ဆီသို့ပြန်ရာလမ်း မှာ သေချင်းနှင့်စီးချင်းထိုးနေရတဲ့အချိန်မှာတောင် မီးဇကုန် ရေခန်းလို့ လာရာလမ်းသို့ပြန်ရပေမယ့် သေမင်းကို အံ့တု စိန်ခေါ် အရှုံးမပေးခဲ့သူပါ။

ကျွန်မတို့လို မျက်မှောက် ကာလ လူငယ်လူရွယ်တွေနှင့် နောက်လာမယ့် အနာဂတ်ရဲ့ သားကောင်းရတနာ သမီးကောင်းရတနာတွေ အတွက်ထိပါ သမိုင်းကို ရှု့မြင် ဆင်ခြင်နိုင်ဖို့၊အကောင်းနှင့်အဆိုး၊အမှန်နှင့်အမှားကို ပိုင်းခြားပြီး သင်ခန်းစာ ယူဖွယ် လေ့လာ မှတ်သားဖွယ် အတုယူဖွယ်ရာ သမိုင်းစာအုပ်တွေကို သဲသဲမဲမဲ ဇွဲနပဲ ကြီးစွာဖြင့် အခက်အခဲအမျိုးစုံကို ကျော်လွှားပြီး စာရေးဆရာတစ်ယောက် လုပ်သင့်တဲ့ အလုပ်တာဝန်တွေကို လုပ်ခဲ့သူရဲ့ ယနေ့ မှာ ကျရောက်တဲ့ ဆရာကြီးရဲ့ (၉၅)နှစ်ပြည့် မွေးနေ့ အမှတ်တရ အနေဖြင့် M-Media မှ ဂုဏ်ပြုမှတ်တမ်း တင်လိုက်ပါတယ်။

** ဓါတ်ပုံအချို့ကို ဆရာကြီးမိသားစုထံမှာ ကင်မရာဖြင့် ပြန်လည် ရိုက်ကူးသောကြောင့် ယနေ့ နေ့စွဲဖြစ်နေခြင်းဖြစ်ပါသည်။

February 16, 2013
အမေ့ခံလို့ မရတဲ့ မြန်မာမွတ်ဆလင်တို့၏ ပုံရိပ်များ

ဇန်နဝါရီ ၄၊၂၀၁၃
M-Media
မောင်သမာဓိ

ခေတ်အဆက်ဆက် မြန်မာမွတ်ဆလင်တို့၏ ပုံရိပ်သည် နိုင်ငံအတွက် အကောင်းများသာဖြစ်ခဲ့၏။ မြန်မာ့သမိုင်း စာမျက်နှာများမှ မြန်မာမွတ်ဆလင်တို့၏ ပုံရိပ်များကို မလိုတမာ လူတစ်စုက ရည်ရွယ်ချက်ရှိရှိ ဆွဲစုတ် ပြစ်ခဲ့ကြ၏။ သို့သော် စာရွက်များသာ ပြဲခဲ့ပြီး မြန်မာမွတ်ဆလင် သမိုင်းကတော့ ပျောက်မသွားခဲ့ပါ။

၁။ အနှစ် ၅၀ ကြာ သမိုင်းအမှောင်ချခဲ့သည့် ဆိုးကျိုး။

ယနေ့တိုင်ဖြစ်ပွားနေသော ရခိုင် ရိုဟင်ဂျာ ပြဿနာ၏ အခြေခံအကျဆုံး အကြောင်းအရင်းမှာ နှစ်ဖက်လူမျိုးစုများနှင့် အာဏာပိုင် အဖွဲ့အစည်း အသီးသီးမှ ပုဂ္ဂိုလ်များသည် မြန်မာ့သမိုင်း၊ ရခိုင်သမိုင်းနှင့် ရိုဟင်ဂျာ သမိုင်း ကို ပြည့်ပြည့်၀၀ မှန်မှန်ကန်ကန် မသိရှိ၍ ပြတ်ပြတ်သားသား မဆုံးဖြတ်နိုင်ခြင်း ပင်ဖြစ် ပါသည်။

တနည်းအားဖြင့် စစ်အစိုးရ အဆက်ဆက် နှစ်ရှည်လများ သမိုင်းအမှောင်ချခဲ့သည့်၊ (ဝါ) သမိုင်းကို ဆင်ဆာ လုပ်ခဲ့သည့် အကျိုးဆက်အဖြစ် လူမျိုးရေး အကြမ်းဖက်မှုဟူသော ဆိုးကျိုးများ ပေါ်ပေါက် လာရပါသည်။

အဘယ်ကြောင့်ဆိုသော် ယနေ့ အသက် ၆၀ ပတ်ဝန်းကျင်ရှိသူများနှင့် ထိုအသက်ထက် ငယ်သူတိုင်းသည် ၄င်းတို့၏ ငယ်ဘ၀ ကျောင်းသင်ခန်းစာများတွင် မပြည့်မစုံ ထိမ်ချန် ဖြတ်တောက် ပြုပြင်ထားသော မြန်မာ့သမိုင်းများကိုသာ လေ့လာခွင့်ရခဲ့သောကြောင့် ပြင်ပစာပေများ ဖြည့်စွက် မလေ့လာ ခဲ့လျှင် ဆရာကြီး ဦးသန်းထွန်းစကားဖြင့်ပြောပါက လူအ များဖြစ်မှန်းမသိ ဖြစ်နေပါသည်။

ထိုကြောင့် ပြည်သူအများ “မအ” ရလေအောင် ပြည့်စုံမှန်ကန်သော မူရင်းသမိုင်းဆိုင်ရာ အချက်အလက်များနှင့် လက်ပွန်းတတီးရှိစေရန်နှင့် လက်ငင်းကမ္ဘာ့ အခြေအနေများကို အချိန်နှင့် တပြေးညီ သိရှိနိုင်စေရန် အတွက် (ဆဌမ သင်္ဂါံရတနာတင်ခြင်းနှင့် ဗန်ဒေါင်းစာချုပ်အ ကြောင်းပြောလျှင် ဦးနု၏အမည် ကို တမင်တကာ ချန်ထားလေ့ရှိသော၊ မြန်မာ့တပ်မတော် သမိုင်းပြောလျှင် ဗိုလ်ချုပ်ကြီး စောမောင် အကြောင်းကို ချန်ထားလေ့ရှိသော၊ အာရဗ်နွေဦးကို မထုတ်လွှင့်သော်လည်း နိုင်ငံအ၀ှမ်း ဗုဒ္ဓဘာသာနှင့် မွတ်ဆလင် အထိကရုံး ဖြစ်ရန်အတွက်ကိုတော့ လှုံ့ဆော်သော၊ ယနေ့ ဆီးရီးယားနိုင်ငံ အကြောင်း အပြည့်အဝမရေးသား မပြောဆိုသော၊ ဘင်္ဂံလားဒေ့ရှ် နိုင်ငံဝန်ကြီးချုပ် ရှိ်တ်ဟာစီနား၏ လတ်တလော အကြမ်းဖက်ခံရသော ဘင်္ဂံလားဒေရှ် နိုင်ငံသား ဗုဒ္ဓဘာသာဝင်များကိုပြောသော မိန့်ခွန်းနှင့် နိုင်နင်းစွာ ကိုင်တွယ်ဖြေရှင်းပုံများကို လုံးဝ မဖေါ်ပြသော) မြန်မာ့အသံ ရေဒီယိုနှင့် ရုပ်မြင်သံကြား ဆင်ဆာ အဖွဲ့အပြင် နေ့စဉ်ထုတ် သတင်းစာများ၏ ဆင်ဆာအဖွဲ့များကိုလည်း အမြန်ဆုံးဖျက်သိမ်း ပေးသင့်ပါသည်။

၂။ အရေးကြုံတိုင်း တနိုင်ငံလုံးကို ခြုံငုံဖိတ်ခေါ်။

သမ္မတကြီး ဦးသိန်းစိန်၏ ရေဒီယိုမှပြောကြားသော ၂၀၁၃ နှစ်သစ်ကူးမိန့်ခွန်းတွင် မြန်မာ့ လူ့အဖွဲ့အစည်း အနေဖြင့် လွတ်လပ်ရေးရယူနိုင်ခဲ့စဉ်က စုစည်းနိုင်ခဲ့တဲ့ ညီညွတ်မှုအင်အားများအတိုင်း နိုင်ငံသား တစ်ဦးချင်း၊ တယောက်ချင်းစီက လက်တွဲ လုပ်ဆောင်နိုင်မည်ဆိုပါလျှင် ယခုကြုံတွေ့နေရတဲ့ အပြောင်းအလဲတွေနဲ့ စိန်ခေါ်မှုတွေကို မလွဲမသွေ ကျော်လွှားနိုင်မယ် လို့ဆိုတယ်ခင်ဗျာ့။

အထွေအထူးဖိတ်ခေါ်စရာမလိုဘဲ မြန်မာမူဆလင် တွေဟာ လွတ်လပ်ရေးကြိုးပမ်းမှုမှာ တာဝန်သိသိ ပါဝင်ခဲ့လို့ ဗိုလ်ချုပ်အောင်ဆန်းနဲ့ ဒီးဒုတ်ဦးဘချိုက မြန်မာမူဆလင် များကို တိုင်းရင်းသားအဖြစ်သတ်မှတ်ရုံမက ပြည်နယ်ပေးဖို့အဆင့်အထိ ကမ်းလှမ်းခဲ့ပေမဲ့ လွတ်လပ်ရေး ရပြီးနောက်ပိုင်း မြန်မာမွတ်ဆလင်များဟာ အမေ့ခံပုံရိပ်များဖြစ်ခဲ့ကြရလို့ မြန်မာနိုင်ငံလွတ်လပ်ရေးကြိုးပမ်းမှုမှာ မြန်မာမွတ်ဆလင် ဘယ်သူတွေ၊ ဘယ်အဖွဲ့အစည်းတွေ ပါခဲ့တယ်ဆိုတဲ့ သမိုင်းကို တိတိကျကျ ပြည့်ပြည့်စုံစုံ ဖေါ်ထုတ်ဖို့ အထူးလိုပြီပေါ့။

ကြုံသည့်အခိုက် ကြော်ငြာဝင်ချင်ပါသည်။ မြန်မာမွတ်ဆလင် သမိုင်းနှင့်ပတ်သက်၍ စာပေ သမားများ အတွက် ကိုးကားလို့ရလောက်အောင် အထောက်အထားများနှင့် တကွ ပြည့်ပြည့်စုံစုံ မှတ်တမ်း တင်ထားတဲ့ နေရာတစ်ခုကတော့ M-Media Web Site (http://www.m-mediagroup.com) ဘဲဖြစ်တယ်ခင်ဗျာ့။ သက်ဆိုင်သူအားလုံးကို သမိုင်းတာဝန်ကျေသူများဟု ဂုဏ်ပြုခေါ်ဝေါချင်ပါသည်။

       မြန်မာမွတ်ဆလင်များဟာ တိုင်းပြည်အတွက် အရေးကြီးတဲ့အချိန်တိုင်းမှာ ဘယ်သူမှ ဖိတ်ခေါ်နေစရာ မလိုဘဲ ကိုယ့်အသိစိတ်ဓါတ်နဲ့ကိုယ် တာဝန်သိခဲ့ကြတာကိုက ဂုဏ်ယူစရာဖြစ်ပါတယ်။

၃။ ပြည့်စုံမှန်ကန်သော သမိုင်းကို ပြည်သူများထံ ဖေါ်ထုတ်တင်ပြဖို့ တာဝန်ရှိပြီ။

ယခုအခါ စာပေစိစစ်ရေး အဖွဲ့ကို ဖျက်သိမ်းလိုက်ပြီဖြစ်လို့ မြန်မာနိုင်ငံအနေဖြင့် ကဏ္ဏအသီးသီးတွင် တိုးတက်ရန် လမ်းစများ ပွင့်သွားပြီဟုဆိုနိုင်သည့် အပြင် တရုတ်ထက် ခြေတစ်လှမ်း သာသွားပြီ ဟုလည်း ဆိုနိုင်ပါသည်။ စာပေကင်ပေတိုင် ဖျက်သိမ်းသည်ကို အခွင့်ကောင်းယူပြီး ကိုအောင်ထွန်း၏ ကျောင်းသား သမိုင်း စာအုပ်ကဲ့သို့ မြန်မာမွတ်ဆလင် သမိုင်းစာအုပ်ကိုလည်း အကိုးအကား ခိုင်ခိုင်မာမာနှင့် ပြုစုထုတ်ဝေဖို့ အချိန်တန်ပြီဖြစ်၏။

ထို့အပြင် ပညာရေးဝန်ကြီးဌာနအနေဖြင့် ကျောင်းသုံးမြန်မာ့သမိုင်းဖတ် စာအုပ်များပါ အထူးသဖြင့် ရခိုင်အင်ပါယာသမိုင်း၊ ရိုဟင်ဂျာသမိုင်း နှင့် မြန်မာ့လွတ်လပ်ရေးကြိုးပမ်းမှု သမိုင်း ကို ပြည့်ပြည့်စုံစုံ ပြန်လည်ရေးသားပြီး သမ္မတကြီး အသစ်ဖွင့်လှစ်ပေးမည့် ရခိုင်နှင့် ရိုဟင်ဂျာဒေသရှိ ကျောင်းများတွင် သင်ကြားပေးသင့်ပါသည်။

သမိုင်းဘွဲ့လွန်ကျောင်းသားများအတွက် (Thesis/Dissertation) ကျမ်းပြုရာတွင် မြန်မာမွတ်ဆလင် တို့၏ လွတ်လပ်ကြိုးပမ်းမှုသမိုင်း၊ ပုဂံခေတ်နှင့် မြန်မာမွတ်ဆလင်၊ ကုန်းဘောင်ခေတ်နှင့် မြန်မာမွတ်ဆလင် စသည်ဖြင့် ခေါင်းစဉ်များ ချပေးခြင်းဖြင့် နိုင်ငံသားအချင်းချင်း ချစ်ကြည်ရင်းနှီးစေမည်ဟု ထင်ပါသည်။

မြန်မာ့လွတ်လပ်ရေး ကြိုးပမ်းမှု သမိုင်းတွင် ဗိုလ်ချုပ်အောင်ဆန်းနှင့် ဦးနု၏ အကြောင်းသာမက သခင်စိုး၊ သခင်သန်းထွန်း၊ သိန်းဖေမြင့်၊ သမ္မတ မန်းဝင်းမောင်၊ ဦးဥတ္တမ၊ ကျောင်းသား ခေါင်းဆောင် များဖြစ်ကြသော ဦးထွန်းစိန်(သံတွဲ)နှင့် ဦးရာရှစ်၊ ပင်လုံစာချုပ် အတွင်းရေးမှူး ဦးဖေခင်တို့အပြင် အမျိုးသား ကျောင်းဆရာကြီး ဦးရာဇတ် စသည့်လူပုဂ္ဂိုလ်တို့၏ အကြောင်းများနှင့် ဖ.ဆ.ပ.လ အဖွဲ့ကြီးနှင့် လက်တွဲလုပ်ဆောင်ခဲ့တဲ့ မြန်မာမွတ်ဆလင် ကွန်ဂရက် (ဗ.မ.က) ၊ YMBA၊ GCBA အသင်းများအကြောင်းကို ကျယ်ကျယ်ပြန့်ပြန့် ဖြည့်စွက် ရေးသားသင့်ပါသည်။

       ထိုအချိန်က လွတ်လပ်ရေး မယူလိုဘဲ ဗြိတိသျှတို့နှင့် ဓနသဟာရနိုင်ငံအဖြစ် ဆက်၍ တွဲနေလိုသော အုပ်စု၏ အမြှော်အမြင်ကြီးမှုကိုလည်း အသိအမှတ်ပြုကာ သမိုင်းတွင် မှန်မှန်ကန်ကန် သုံးသပ်ပြ ရပါလိမ့်မည်။

နောက်ဆုံးအနေဖြင့် အကြံပြုလိုသည်မှာ သမိုင်းအမှောင်ချခေတ်မှ အလင်းခေတ်သို့ ပြောင်းစေရန် မြန်မာ့သမိုင်း ကျောင်းသင်ရိုးညွှန်းတမ်း ရေးဆွဲရေးအဖွဲ့၏ လုပ်ထုံး လုပ်နည်းများကို ပြန်လည်ပြင်ဆင် သတ်မှတ်ပေးပြီး၊ သမိုင်းနှင့် သတင်းအမှောင်ချ ပြန်ကြားရေး ၀န်ကြီးဌာန ရေဒီယို၊ ရုပ်မြင်သံကြားနှင့် သတင်းစာ ဆင်ဆာအ ဖွဲ့ကိုလည်း အမြန်ဆုံးဖျက်သိမ်းခြင်းဖြင့် မြန်မာနိုင်ငံမှာ နောက်ထပ် လူမျိုးရေး အဓိကရုန်းများ မဖြစ်အောင် ကာကွယ်နိုင်ပါသည် ခင်ဗျား။

၎။ ဂုဏ်ယူစရာ မြန်မာမွတ်ဆလင်များသည် အမေ့ခံ ပုံရိပ် မဖြစ်သင့်။

                  ဆိုလိုချင်တာက ဒီမိုကရေစီ ပြုပြင်ပြောင်းလဲရေးကာလ (Transitional Period) အတွင်း လွတ်လပ်ရေး ကြိုးပမ်းစဉ်ကာလ ကဲ့သို့ ဒုက္ခခံဖို့ ပြည်သူအားလုံး (Whole Community) ကို သမ္မတကြီးက ဖိတ်ခေါ်ခဲ့သော်လည်း အခွင့်အရေး (Privilege) ပေးဖို့၊ (ဝါ) အကာအကွယ် (Safeguard) ပေးဖို့ အချိန် ရောက်ရင် မြန်မာမွတ်ဆလင်များဟာ အမေ့ခံပုံရိပ်ဖြစ်မှာ စိုးရိမ်ပါတယ်။ မြန်မာမွတ်ဆလင်တို့ရဲ့ သမိုင်းပုံရိပ် ဘယ်လိုဘဲ ကောင်းကောင်း နိုင်ငံအရေး ဆုံးဖြတ်ပိုင်ခွင့် ရှိသူတွေရဲ့ အသိအမှတ်ပြုခံရဖို့ကလည်း အရေးကြီး ပါတယ်။

လွှတ်တော်သို့ တင်သွင်းသော သမ္မတကြီး၏ ရခိုင်ပဋိပက္ခဆိုင်ရာ ပထမ သဝဏ်လွှာနှင့်အတူ ပူးတွဲ ပေးပို့လာသော သတင်းဖြစ်စဉ် မှတ်တမ်းကို တာဝန်မယူသော သမ္မတနှင့် သူ့ရုံးအဖွဲ့ဝင်များ၏ နိုင်ငံကို ဦးဆောင်နိုင်မှု၊ တာဝန်ယူနိုင်မှု နှင့် နိုင်ငံအရေး ဆုံးဖြတ်နိုင်မှုပေါ် သံသယဝင်မိပါသည်။ တစ်ခါတစ်ရံ ခေါင်းဆောင်ဆိုသူများသည် ကွန်မြူနစ်ဝေါဟာရကို ငှားသုံးလျှင် ဖေါက်ပြန်တတ်သော သဘောရှိ၏။

စစ်အစိုးရလက်ထက်တွင် အစ္စလာမ်ဘာသာဝင် ဝန်ထမ်းများကို ရာထူးတိုးပေးရန်အတွက် ခွဲခြား ဆက်ဆံခြင်း ခံကြရ၏။ လွတ်လပ်ရေးကြိူးပမ်းမှုမှာ တာဝန်သိ သိပါခဲ့တဲ့ မြန်မာမွတ်ဆလင်တွေကို ပြည်တွင်းနေ အစ္စလာမ် ဘာသာဝင် လို့ သုံးနှုံးပြီး ဒီမိုကရေစီပြုပြင်ပြောင်းလဲရေး ဦးသိန်းစိန်အစိုးရက ကျေးဇူးဆပ်ဖူးတယ်။

နိုင်ငံတော်အာဏာ မရမီက ရိုဟင်ဂျာတွေကို မဲဆွယ်စည်းရုံးခဲ့တဲ့ ဦးသိန်းစိန်နှင့် RNDP ဒေါက်တာ အေးမောင်တို့သည် ရွေးကောက်တင်မြှောက်ခံရပြီးနောက် ရိုဟင်ဂျာတွေကို ခြံခတ်ပြီး တတိယ နိုင်ငံကို တင်ပို့မယ်လို့ ပြောခဲ့ကြတယ်။

(၈) လေးလုံးဒီမိုကရေစီ တိုက်ပွဲတွင် တက်ကြွစွာပါဝင်ခဲ့သော မြန်မာမွတ်ဆလင်များကို မင်းတို့ ကုလားတွေနဲ့ ဒီမိုကရေစီ ဘာဆိုင်လို့လဲဟု စစ်ထောက်လှမ်းရေးက မေးမေးပြီးရိုက်၏။ မွတ်ဆလင် အာဇာနည် ခေါင်းဆောင်ကြီး ဦးရာဇတ်ကို ရည်ညွှန်းကိုးကား ဂုဏ်ယူပြောကြားသူများကို ပိုမိုနှိပ်စက်ခဲ့ကြ၏။ ယ္ခုအခါ ပြည်သူများဆန္ဒအရ ဒီမိုကရေစီစနစ်သို့ ကူးပြောင်းသည်ဟု ကမ္ဘာကိုကြေငြာ၏။

၈ လေးလုံးအရေးတော်ပုံကာလ ရွှေတိဂုံစေတီတော် အနောက်ဖက်မုဒ်တွင် ဗိုလ်မှူးဘသော် (မောင်သော်က) ခြံရံလျှက် ပြည်သူအားလုံးပါဝင်ရန် ဒေါ်အောင်ဆန်းစုကြည်၏ ဖိတ်ခေါ်မှုကြောင့် ထိုအချိန်က စစ်တွေမြို့ ဆန္ဒပြမှုများတွင် တက်ကြွစွာပါဝင်ခဲ့ဘူးသော ရိုဟင်ဂျာများကို ၂၄ နှစ်ကြာသောအခါ မေ့သွား၏။ အင်္ဂံလန် မြေပေါ်တွင် I don’t know rohingya ဟုပြောခဲ့ဘူး၏။

ဒီမိုကရေစီ ဘယ်တော့လောက်ရမလဲလို့ မေးတိုင်း အမေစုဖြေတာက တစ်မျိုးသားလုံးပါဝင်မှု (National Commitment) ကအရေးကြီတယ်၊ လူတိုင်းလူတိုင်း ဒီမိုကရေစီရဖို့ ဘယ်လောက်လုပ်ပြီးပြီလဲ လို့ပြန်မေးလေ့ရှိတယ်။ NLD ကိုထောက်ခံပြီး အမေစုကို ဝိုင်းရံထားသူတွေ၊ ဒီမိုကရေစီအရေး ကြိုးပမ်းသူတွေ အထဲမှာ မွတ်ဆလင်တွေ အများကြီးပါလို့ အမေစုအတွက် မြန်မာမွတ်ဆလင်တွေဟာ အမေ့ခံပုံရိပ် မဖြစ်သင့်ဘူးလို့ မြင်ပါတယ်။

လူထုခေါင်းဆောင်၊ နိုင်ငံခေါင်းဆောင် ဆိုသူများသည် အသုံးချလိုသောအခါ ချွင်းချက်မရှိ ဖိတ်ခေါ်လေ့ ရှိကြပြီးလျှင် အခွင့်အရေးပေးရန်၊ ရပိုင်ခွင့်များကို ခံစားစေရန်အတွက်မူ ဘက်လိုက်တတ်သည့် သဘောကို ကျွန်ုပ်တို့ကိုယ်တိုင် တွေ့ကြုံခဲ့ကြဘူးပါသည်။ (Political leader’s Invitation to whole community unconditionally in case of shortage but right and privilege to specific small group and bias afterward.) ဤသဘာဝကို Min Ba Din blog post တစ်ခုတွင်လည်း ဖတ်ခဲ့ ဘူးပါသည်။ ထို့ကြောင့် ထိုအဖြစ်မျိုး နောက်ထပ်မဖြစ်ရလေအောင် ကျွန်ုပ်တို့ ပခုံးပေါ်တွင် တာဝန်ရှိလာပါသည်။

၅။ လိုလျှင်တစ်မျိုး၊ မလိုလျှင်တစ်မျိုးပြော၏။

        လဝက ပြည်ထောင်စုဝန်ကြီး ဦးခင်ရီက ရခိုင်လူမျိုးများနှင့် ဘင်္ဂါံလီ ရိုဟင်ဂျာ များသည် ပြည်တွင်းမှာ အစဉ်အဆက် တစ်အိမ်တည်းနေ ညီအစ်ကိုတွေဖြစ်လို့ ကုလသမဂ္ဂမှ ဝင်ရောက် စစ်ဆေးရန် မလိုပါဟု သုံးနှုံးပြောဆိုဘူးပါသည်။

ထို့ကြောင့် လ.ဝ.က ဝန်ကြီး ဦးခင်ရီပြောသည့် သွေးနှင့်ဆုံးဖြတ်ပါသည်ဆိုသော မြန်မာနိုင်ငံ၏ နိုင်ငံသားပြုမှု ဥပဒေအရ ရခိုင်နှင့် ညီအစ်ကိုတော်သော ရိုဟင်ဂျာများသည် အလိုအလျှောက် မွေးရာပါ နိုင်ငံသားများဖြစ်ကြ၏။ လ.ဝ.က ဝန်ကြီး တစ်ဦး၏ နုတ်ထွက်စကားသည် လူဝင်မှုဥပဒေနှင့် လိုက်လျှော် ညီထွေရှိသင့်သည်။

၆။ မြန်မာမွတ်ဆလင် သတင်းစာတိုက်နှင့် Islamic Bank တည်ထောင်သင့်သည်။

နိုင်ငံရေးခေါင်းဆောင်များက ပြည်သူတစ်ရပ်လုံးကို ပါဝင်ရန်ဖိတ်ခေါ်တိုင်း ထိုအထဲတွင် အစ္စလာမ် ဘာသာဝင် မွတ်ဆလင်များ ပါ၊ မပါ မေးရန် စတုတ္ထမဏ္ဍိုင် မြန်မာမွတ်ဆလင် သတင်းစာခေါင်းကြီးလို၏။ တနည်းအားဖြင့် ဖေါက်ပြန်တတ်သော ခေါင်းဆောင်များနှင့် အိပ်ချင်ယောင်ဆောင်နေသူများကို သတိပေးရန် သတင်းစာ အာဘော်သည် ကလောင် ထက်၏။ အိပ်ချင်ယောင်ဆောင်နေသူများကို ရေလောင်းပြီး ပြောရန်လိုတယ်လို့ ၈ လေးလုံး မျိုးဆက် ပွင့်လင်းလူ့အဖွဲ့အစည်းက ဆို၏။

ဘာသာရေး။ နိုင်ငံရေး၊ လူမှုရေး၊ ပညာရေး၊ စီးပွားရေး၊ ကျန်းမာရေးနှင့် အားကစား ကဏ္ဍအသီးသီး ဖွံ့ဖြိုးစေရန် ရည်ရွယ်၍ ပုဂ္ဂလိက သတင်းစာတိုက်များ တည်ထောင်ခွင့်ပြုနေချိန်တွင် မြန်မာမွတ်ဆလင် သတင်းစာ တိုက်ကို တည်ထောင်ရန် ကျွန်ုပ်တို့တွင် တာဝန်ရှိ၏။ ရိုဟင်ဂျာများကလည်း သတင်းစာထုတ်ဝေဘူးပါသည်။ ရည်ရွယ်သည်မှာ မြန်မာမွတ်ဆလင်များ အမေ့ခံပုံရိပ် မဖြစ်စေရန်ဖြစ်၏။

သတင်းစာအထိ မလှမ်းနိုင်မီ မြန်မာမွတ်ဆလင် မဂ္ဂဇင်းနှင့် ဂျာနယ်တို့ ထုတ်ဝေနိုင်ရန် မျှော်မှန်း လုပ်ဆောင်သင့်သည်ဟု မြင်ပါသည်။

ရန်ကုန်နှင့် မန္တလေးတွင် အခွင့်အရေးပေးလျှင် အစ္စလာမ်တရားတော်နှင့် ညီသော ဘဏ်တစ်ခုစီ ဖွင့်သင့်သည်။ ထိုဘဏ်များမှရမည့် တရားတော်နှင့်အညီပေးသော အမြတ်ငွေများကို သုံးနိုင်၊ လှူနိုင်၊ နိုင်ငံဖွံ့ဖြိုးရေး လုပ်ငန်းများတွင် ထိရောက်စွာ သုံးစွဲနိုင်မည်ဖြစ်၍ မြန်မာမွတ်ဆလင်တို့၏ ပုံရိပ်ကို ကောင်းစေမည့် ကိစ္စတစ်ခု ဟုမြင်ပါသည်။ ယ္ခုအခါ မလွဲသာမရှောင်သာ ဘဏ်နှင့်ဆက်ဆံ၍ ရလာသော အတိုးငွေများသည် စားမရ၊ လှူမရနှင့် မြန်မာမွတ်ဆလင်တို့အတွက် အဟောသိကံ ဖြစ်ရ၏။

၇။ မြန်မာမွတ်ဆလင်များ၏ ပုံရိပ်ကို အမေ့မခံရလေအောင် ပြည်ထောင်စုလွှတ်တော်တွင် မဲခွဲဆုံးဖြတ်ပါ။

        သမ္မတကြီး ဦးသိန်းစိန် ဦးဆောင်သော အစိုးရအဖွဲ့အနေဖြင့် ဘင်္ဂါံလီ ရိုဟင်ဂျာများသည် ဒေသခံ တိုင်းရင်းသား (သို့မဟုတ်) မြန်မာနိုင်ငံသားများ ဟုတ်၊ မဟုတ်၊ ယတိဖြတ် မဆုံးဖြတ်နိုင်လျှင် ပြည်ထောင်စု လွှတ်တော်သို့ တင်သွင်းကာ လွှတ်တော် ကိုယ်စားလှယ်ကြီးများကလည်း မြန်မာ့သမိုင်း၊ ရခိုင်အင်ပါယာ သမိုင်းနှင့် ရိုဟင်ဂျာသမိုင်းကို ယှဉ်တွဲလေ့လာရန်နှင့် ကမ္ဘာ့ သမိုင်း ပညာရှင်များနှင့် တွေ့ဆုံဆွေးနွေးရန်    လုံလောက်သော အချိန်ကာလတစ်ခုကို တောင်းဆို ပြီးနောက် မဲခွဲဆုံးဖြတ် လိုက်လျှင် အမှန်အကန်ဆုံးနှင့် အထိရောက်ဆုံး အဖြေကို ကျိန်းသေတွေ့မည်ဟု ယုံကြည်မိပါသည် ခင်ဗျား။

လေးစားစွာဖြင့်

မောင်သမာဓိ

January 4, 2013
ငါတို့သိနေတယ်

မပြောချင်လည်း ပြောရဦးမယ်၊- မြန်မာနိုင်ငံအတွက် ရင်လေးလွန်းလို့-၊ မြန်မာပြည်ကို ဦးဆောင်တဲ့ ခေါင်း ဆောင်များ မွတ်ဆလင် သုတ်သင်ရေး၊ မွတ်ဆလင်မျာအား နှိပ်ကွပ်ရေး၊ အစ္စလာမ်သာသနာကို ၀င်မိရင် သိမ် ငယ်နေစေရေးတွေကို ဆက်တိုက်လုပ်ဦးမှာ ကမ္ဘာတစ်ခုလုံးက သိနေတယ်။ သူတို့ရဲ့ အတွင်းစိတ်ကိုယ်တိုင်က သူတို့ ရပ်တည်နေတဲ့ ဘာသာတရားပေါ်မှာ မျက်လုံးစုံမှိတ် အယူသည်းနေတာလား၊ သို့မဟုတ် လူအများစုကြီး ကိုလှည့်စားပြီး- မိမိအာဏာတည်အောင် လုပ်ဆောင်နေတာလား ဆိုတာတော့ သူတို့ကိုယ်တိုင် အသိဖြစ်မှာပါ။

ရခိုင်နယ်က အစုံလိုက် အပြုံလိုက် အကြမ်းဖက်သတ်ဖြတ် မောင်းထုတ်ခံရမှုမှာ- ဘယ်သူတွေ တာဝန်မကင်း ဘူးဆိုတာ သိနေလျှက်-၊ ပြတ်ပြတ်သားသား အရေးယူပေးပါမယ် ကတိတွေ အကြိမ်ကြိမ်ပေးလျှက်-၊ တစ် ကယ်တမ်း ဖမ်းဆီးနှိပ်ကွပ်နေတာက တရားခံအစစ်များ တစ်ယောက်မှ မပါသေးဘူး။ ဒီကြားထဲ မွတ်ဆလင် တွေကပဲ အကြမ်းဖက်သလို၊ နိုင်ငံတစ်ကာ အကြမ်းဖက်များနဲ့ အဆက်အသွယ်ရှိသလို ၀ါဒတွေက ဆက်တိုက် ဖြန့်ချီဦးမယ်။ လက်သပ်မွေး လူဆိုးလူမိုက်များ သို့မဟုတ် လက်သပ်မွေး တပ်စိတ်တစ်ခုလောက်ကို မွတ်ဆ လင်ယောင်ဆောင်ခိုင်း- မုတ်ဆိတ်မွေးတွေ တပ်ပေး- အင်္ကျီရှည်ကြီးတွေ ၀တ်ပေး၊ ခေါင်းပေါင်းတွေ ပေါင်းပေး ပြီး- အစိုးရစစ်တပ် သို့မဟုတ် ရဲတပ်ဖွဲ့တစ်ခုလောက်ကို ၀င်ပစ်ခိုင်းမယ်၊ တိုက်ပွဲအတုတွေ ဖန်တီးဦးမယ်။- ပြီးရင် နိုင်ငံအတွင်းမှာ ကုလားဆိုး သောင်းကျန်းသူတွေ ထကြွနေပြီ ဆိုပြီး အကြီးအကျယ် ၀ါဒဖြန့်မယ်။ နိုင်ငံ တစ်ကာကိုလည်း လှည့်ပတ် လိမ်ဦးမယ်။ — ဒါတွေကို အားလုံး ငါတို့လည်းသိနေသလို၊ နိုင်ငံတစ်ကာကလည်း သိနေပါတယ်။ လိမ်ကွက်တွေကို လက်ပူးလက်ကျ ဖမ်းဘို့ စောင့်နေသူတွေလည်း ရှိနေပါတယ်။

ကမ္ဘာ့နိုင်ငံကြီးတွေက မြန်မာနိုင်ငံဟာ တရုတ်လက်ထဲကို မရောက်သွားအောင် ဒီမိုကရေစီ လမ်းစအောက်မှာ အတင်းဝင်ရောက်ကူညီပြီး- ဒီမိုကရေစီဘက်ကို တွန်းပို့ ကူညီနေတာကို ပုံမှားရိုက်ပြီး- ငါတို့ကိုတော့ နိုင်ငံတစ် ကာနဲ့ ကုလသမဂ္ဂကတောင် ကူညီနေပြီ-၊ ငါတို့ ဒီမိုကရေစီကို အရောင်ပြပြီး လူနည်းစုကို အပြီး ကြိတ်လိုက် မယ် တော့ စိတ်ကူး မမှားဘို့ လိုတယ်။

နိုင်ငံတစ်ကာက ကူညီနေတာက “ဒီမိုကရေစီ လမ်းကြောင်းအတွက် ဖြစ်တယ်။” ဦးသိန်းစိန် ဦးဆောင်တဲ့ သမ္မတ အဖွဲ့ကို အာဏာမြဲစေဘို့၊ လူဆိုးလူမိုက်တွေ ဖွံ့ဖြိုးရှင်သန်စေဘို့ မဟုတ်ဘူး ဆိုတာတော့- မြန်မာခေါင်း ဆောင်တွေ သိစေဘို့ လိုအပ်ပါတယ်။

ပြီးတော့ မွတ်ဆလင် စီးပွားရေး သမားတွေကို နာမည်ပျက်စာရင်းသွင်းနေတာ၊ စီးပွားရေး လုပ်ပိုင်ခွင့်များ ပိတ် ဆို့ဘို့ ကြိုးစားနေတာ၊ အတွင်းပေါ်လစီချပြီး- မွတ်ဆလင်တွေရဲ့ ဥစ္စာပစ္စည်းများကို အတင်းသိမ်းပိုက်ဘို့ စီမံ ချက်ချထားတာ၊- နိုင်ငံအနှံ့မှာ လက်သပ်မွေး သင်္ကန်းဝတ်တွေကို မွတ်ဆလင်ဆန့်ကျင်ရေး လှုံ့ဆော်ခိုင်းထား တာ- ဒါတွေအားလုံးဟာ ကမ္ဘာ့မျက်လုံးရဲ့ အောက်မှာ ရှိနေပါတယ်။ ဒါတွေကို ချက်ချင်း ရပ်သွားအောင် လုပ် ဆောင်နိုင်ပေမယ့်- လွှတ်ပေးထားတာ ကိုယ်တိုင်က ကမ္ဘာ့ ခုံရုံး တရားခံဟာ ဘယ်သူ ဖြစ်သလဲလို့ ထပ်ပြန် တစ်လဲလဲ သက်သေခံနေခြင်းသာ ဖြစ်ပါတယ်။

မြန်မာ့ရာဇ၀င်မှာ ကမ္ဘာ့ခုံရုံးကို တက်ရသူ မရှိသေးဘူး ဆိုတဲ့ သမိုင်းက ပြောင်းတော့မှာပါ။- ဒီတင်မက-၊ မွတ် ဆလင်များကို camp သွင်းပြီး လှောင်ပိတ်ထားမယ့် သူတွေကိုယ်တိုင်လည်း မိမိရဲ့ ရပ်ရွာထဲက အပြင်ကို မထွက်နိုင်တဲ့ camp ထဲကို ၀င်ရတော့မှာပါ။ ကိုယ့်ရွာမှာ ကိုယ်သူဌေးလုပ်နေချင်ရင်တော့ အဆင်ပြေနိုင်ပါ တယ်။ သားစဉ်မြေးဆက် နိုင်ငံရပ်ခြားမှာ ပညာသင်ခွင့်၊ စီးပွားရေး လုပ်ပိုင်ခွင့်တွေပါ ပိတ်သွားစေရပါမယ်။ နိုင်ငံအပြင်ကို ထွက်တာနဲ့ နိုင်ငံတကာရဲ့ ဥပဒေ သက်ရောက်မှု စက်ဝန်းထဲကို ရောက်သွားပြီ ဆိုတာကိုလည်း ခံစားစေရပါမယ်။

Freedom of Speech (လွတ်လပ်စွာ ပြောဆိုခွင့်)နဲ့ Hate Speech (အမုန်းတရား လှုံ့ဆော်စကား) ကွဲပြား တယ် ဆိုတာများကိုလည်း မကြာမှီ သိလာရပါတော့မယ်။

လူသားချင်းအကြား မတော်မတရား စီမံသူ၊ ညွှန်ကြားသူ၊ ၀ါဒဖြန့်သူ၊ ကိုယ်ထိလက်ရောက် ကျူးလွန်သူ၊ ထောက်ခံအားပေးသူ၊ တာဝန်ရှိသူ- အားလုံး- ကမ္ဘာ့ဥပဒေ ဆိုတာဘာလဲ၊ ဥပဒေ သက်ရောက်မှု ဘယ်လောက် ရှိသလဲ- ဆိုတာကို ကြုံရတဲ့နေ့များမှာ ပြေးလွတ်နေရင်တောင် “ငါဟာ ကမ္ဘာရဲ့ ရာဇ၀တ်သားကောင်ပါလား၊”လို့ တစ်သက်လုံး ယူကြုံးမရ ဖြစ်သွားရတော့မှာပါ။– အဲ့ဒီနေ့ရက်များကို လက်ချိုးရေတွက် စောင့်နေလိုက်ပါ-လို့ သတိပေးလိုပါတယ်။

ဌေးလွင်ဦး

MMCRM

(ဆောင်းပါးရှင်၏ အမြင်နှင့် အာဘော်သာဖြစ်ပါသည်။)

November 8, 2012