အောက်တိုဘာ၊ ၃၁၊ ၂၀၁၂
Ko Navana/FaceBook
ဒုတိယကမ္ဘာစစ်ကြီး ဖြစ်တော့.. အင်္ဂလန်နဲ့ဂျာမဏီ.. သဲသဲမဲမဲ တိုက်တယ်..။ အထူးသဖြင့်.. ဝေဟင်ကနေ.. လေယာဉ်တွေနဲ့ သူ့ဖက်ကိုယ့်ဖက် မြို့ကြီးတွေကို အပြိုင်အဆိုင် ဗုံးကြဲတယ်..။ အင်္ဂလန်ဖက်ခြမ်းက လန်ဒန်မြို့ ကြီး.. ဂျာမန်တွေရဲ့  ဗုံးဒဏ်အောက်မှာ.. ဖွတ်ဖွတ်ကြေရသလို- ဘာလင်၊ မြူးနစ်အစရှိတဲ့ ဂျာမန်မြို့ ကြီးတွေလည်း.. အထိနာရရှာတယ်..။ ဒါပေမယ့်.. အဲသလောက် သဲကြီးမဲကြီး တိုက်ခိုက်နေတဲ့ကြား မှာပဲ.. အင်္ဂလန် နဲ့ ဂျာမဏီ သဘောတူညီချက်တစ်ခု ထားရှိတယ်..။
ဂျာမန်တွေက.. အောက်စဖို့ နဲ့ ကိန်းဗရစ် ကို လုံးဝ ဗုံးမကြဲဘူး..။ အပြန်အလှန်အားဖြင့်.. ဟိုက်ဒဲလ်ဘတ် နဲ့ ဂေါ့တင်ဂျင် ဆိုတဲ့ ဂျာမန်မြို့ ကြီးနှစ်မြို့ ကိုလည်း အင်္ဂလိပ်က ဗုံးမကြဲရဘူး..။
အဲဒီ သဘောတူညီချက်ကို နှစ်ဦးနှစ်ဖက် အပြည့်အ၀ လိုက်နာကြတယ်..။ စစ်မက်ဆိုတာ.. မရှိစကောင်းတာမှန်ပေမယ့်.. မရှောင်သာလို့ ဖြစ်ကြရပြီဆိုသော်မှ- တဖက်နဲ့တဖက် အပြန်အလှန်တန်ဘိုးထားကြတာ ဟာ.. သိပ်လေးစားစရာကောင်းတဲ့ လူ့ယဉ်ကျေးမှုတစ်ခုလို့ မြင်မိတယ်..။
ငယ်တုံးက.. ” နိုင်ငံကြီးသား ပီသကြ ” ဆိုတဲ့စကားကို ယောင်တောင်ပေါင်တောင် ကြားမိတော့.. နိုင်ငံကြီးသားဆိုတာ- နိုင်ငံအကြီးကြီးက လူတွေလို့ ထင်ခဲ့တယ်..။ နောက်မှ.. နိုင်ငံကြီးသားဆိုတာ.. မြေဧရိယာကျယ်ဝန်းတာနဲ့မဆိုင်ဘဲ.. စိတ်ဓါတ်ရေးရာ ကျယ်ဝန်းတာနဲ့ဆိုင်မှန်း သိလာရတယ်..။
ဒုတိယကမ္ဘာစစ်ကြီး ပြီးခါနီး.. မြန်မာနိုင်ငံထဲက ဂျပန်တွေကို.. အင်္ဂလိပ်ဦးဆောင်တဲ့မဟာမိတ်တပ်တွေက ပြန်တိုက်ထုတ်ဖို့ အိန္ဒိယမှာ.. အစည်းအဝေးလုပ်တယ်..။ အဲဒီ အစည်းအဝေးမှာ.. တစ်ယောက်က ထ-အကြံပေးတယ်..။ ” ဖက်ဆစ်ဂျပန်တွေက.. မြန်မာလူမျိုးတွေ အထွတ်အမြတ်ထားတဲ့.. ရွှေတိဂုံစေတီတော်ထဲက ဌာပနာတွေဖောက်သွားတယ် ” လို့ သတင်းလွှင့်လိုက်ရင် မကောင်းဘူးလားတဲ့..။ ဒီဖက်ခေတ်အထိ.. မကြာမကြာ ကြားရလေ့ရှိတဲ့.. မန္တလေး မဟာမြတ်မုနိ ဘုရားကြီး ဗိုက်ဖောက်ခံရတယ် ဆိုတာမျိုးပေါ့..။
အဲသလို သတင်းမျိုးဟာ.. ဗုဒ္ဓဘာသာမြန်မာလူမျိုးများအတွက် ဆတ်ဆတ်ထိမခံ-နာနာကြည်းကြည်း ဖြစ်မယ်ဆိုတာ သေချာသိလို့.. အကြံပေးသူက အညှာထကိုင်တာပဲ..။ ဒါပေမယ့်.. အဲဒီအကြံကို ကျန်သူတွေက ” အောက်တန်းကျတဲ့ အကြံ ” အဖြစ် သတ်မှတ်ပြီး.. အဲဒီအဆိုကို ပယ်ချခဲ့ကြတယ်..။ ရန်သူဖြစ်ပစေ.. စိတ်ဓါတ်ရေးရာ-ကျယ်ဝန်းတာကို လေးစားဦးညွှတ်အတုယူသင့်တယ်..။ မိတ်ဆွေ ဖြစ်ပစေ.. စိတ်ဓါတ်ရေးရာ-ကျဉ်းမြောင်းရင်.. မထောက်ခံသင့်ဘူး..။
အဲဒါဟာ.. နိုင်ငံကြီးသား ပီသတာပါပဲ..။
ဒီနေ့ 7 days News မှာ.. ဘင်္ဂလားဒေ့ရ်ှက.. အဖျက်အဆီးခံရတဲ့ ဗုဒ္ဓသာသနိကအဆောက်အဦတွေကို ၀န်ကြီးချုပ်ကိုယ်တိုင်.. ပြန်လည်တည်ဆောက်ပေးမယ်လို့ အာမခံတဲ့ သတင်း ဖတ်ရတယ်..။ ဘင်္ဂလားဒေ့ရှ် ၀န်ကြီးချုပ်ဟာ.. မွတ်ဆလင်ဖြစ်ပေမယ့်.. အစိုးရဟာ.. မွတ်ဆလင်မဟုတ်ဘူးဆိုတာကို အဲဒီသတင်းက.. သက်သေပြလိုက်တာပဲ..။
ဟိုးလွန်ခဲ့တဲ့.. လေးငါးလလောက်က.. မြန်မာနိုင်ငံအလယ်ပိုင်းကျောက်ပန်းတောင်းမြို့ မှာ.. ဗလီလို့ ထင်မြင်ယူဆရတဲ့.. မွတ်ဆလင်နေအိမ်တစ်လုံးကို.. မြို့ ခံ လူထုက.. စက်ကိရိယာစုံစုံလင်လင်နဲ့ ၀ိုင်းဝန်းဖြိုဖျက်ပစ်ခဲ့တယ်..။ တွေ့မြင်နေကျ ဗလီတွေရဲ့ ဗိသုကာ လက်ရာမျိုး.. အဲဒီအိမ်မှာ.. မရှိနေတာတော့ သေချာတယ်..။ သို့သော်.. ဒေါသထွက်-မခံမရပ်နိုင်ဖြစ်နေတဲ့ ဗုဒ္ဓဘာသာဝင်လူအများကို ဖျောင်းဖျ ပေးနေတဲ့ မြို့ ခံ ဆရာတော်ကြီးကိုယ်တိုင် အိမ်အတွင်းဝင်သေချာစစ်ဆေးပြီး အဲဒီအိမ်ဟာ.. ဗလီအင်္ဂါရပ်များနဲ့ ညီညွတ်ကိုက်ညီကြောင်း သုံးသပ်ဆုံးဖြတ်ပေးခဲ့တယ်လို့ သိရတယ်..။
အကျိုးဆက်ကတော့.. ၀ိုင်းဝန်းဖြိုဖျက်ပွဲကို.. တည်တည်ငြိမ်ငြိမ် အေးအေးချမ်းချမ်းနဲ့.. စိတ်ကြိုက်လုပ်ဆောင်ခွင့် ရခဲ့တယ်..။
နိုင်ငံတော် ဥပဒေအရ.. ကျောက်ပန်းတောင်းမှာ.. ဗလီဆောက်ခွင့် ရှိချင်မှ ရှိမယ်..။ မရှိဘူးပဲထား..။ ဗလီလို့ ထင်မြင်ယူဆရတဲ့ အိမ်တစ်လုံးကို.. ဥပဒေပ- စိတ်ကြိုက်ဖြိုဖျက်လို့တော့.. ဘယ်ဖြစ်မလဲ..။ ဥပဒေ ရှိရင်.. ဥပဒေအတိုင်း.. စစ်ဆေး၊အတည်ပြုပြီး ဆောင်ရွက်သင့်တာ ဆောင်ရွက်ကြရမှာပေါ့..။
အုပ်ချုပ်သူ.. အာဏာပိုင်အဖွဲ့အစည်း အဆင့်ဆင့်ကလည်း.. အခုလိုမျိုး ဥပဒေပ စိတ်ကြိုက်ဖြိုဖျက်တာကို.. ရေငုံနှုတ်ပိတ်မနေသင့်ဘူး..။ အစိုးရအဖွဲ့ဝင်- လူကြီးမင်းများဟာ.. ဗုဒ္ဓဘာသာဝင် သူတော်စင်များ ဖြစ်သည့်တိုင်.. အစိုးရဟာ.. ဗုဒ္ဓဘာသာအစိုးရ ဖြစ်လို့မရဘူး..။ နိုင်ငံတော်အစိုးရဆိုတာ.. နိုင်ငံတော်ထဲက.. ပြည်သူအားလုံးကို ကိုယ်စားပြုတာမို့.. အင်အားကြီးတဲ့ လူမျိုးတစ်မျိုး-ဘာသာတစ်ခုကို ကွက်ပြီး ကိုယ်စားပြုလိုက်လို့ မရဘူး..။
ဒီလိုတွေ ပြောလို့.. မွတ်ဆလင်တွေမှန်တယ်လို့ ဇွတ်ကြေငြာနေတာ-ဇွတ်ထောက်ခံနေတာ မဟုတ်ဘူး..။ ကိုယ်က အင်အားကြီးလို့ နိုင်စားတော့.. ကိုယ်အင်အားနည်းတဲ့နေရာတွေမှာ.. ပြန်ပြီး နိုင်စားခံရမှာတွေ သိနေလို့.. ပြောနေရတာပဲ။ မင်းတို့က.. ဒီလိုလား။ ငါတို့က ဒီလိုကွ နဲ့ အပြန်အလှန်ဖျက်ဆီးနေကြလို့ကတော့.. ထွက်ပေါက်မမြင်ထင်ရာတိုးဝှေ့ပြီး အားလုံးအလဲလဲအပြိုပြို နဲ့ ကျဉ်းမြောင်းတဲ့စိတ်ဓါတ်တွေကို မြေတောင်မြှောက်ပေးသလို ဖြစ်နေကြမှာပဲ..။
ယဉ်ကျေးတဲ့လူ့အဖွဲ့အစည်းမှာ… စစ်ဖြစ်တာတောင် စည်းနဲ့ကမ်းနဲ့ ဖြစ်တယ်။ မယဉ်ကျေးတဲ့ လူ့အဖွဲ့အစည်းကတော့.. ယဉ်ကျေးအောင်သွန်သင်ပေးတယ်လို့တဖွဖွအာမခံနေတဲ့ ဘာသာတရားတွေကို ဦးထိပ်ပန်ဆင်ပြီး.. အဲဒီဘာသာတရားတွေကြောင့်ပဲ.. စည်းမဲ့ကမ်းမဲ့-ပရမ်းပတာ ရန်ပွဲတွေဆင်နွဲကြတယ်..။
ကိုယ်က နိုင်စားလိုက်ရတော့.. ပျော်တယ်..။ ကိုယ့်အနိုင်စား ခံရတော့.. ခံပြင်းဒေါသထွက်တယ်ဆိုတာ.. မယဉ်ကျေးတဲ့အဖွဲ့အစည်းရဲ့  သရုပ်သကန်ပဲ..။ လောကမှာ.. ကိုယ်ကအမြဲနိုင်စားရတယ် ဆိုတာ.. ဘယ်တုံးကမှ မရှိသလို-ဘယ်တော့မှလည်း ရှိလာမှာ မဟုတ်ဘူး..။ ခံရသူဟာ.. ချက်ခြင်းအခွင့်မသာတောင်မှ.. အချိန်ယူ-အင်အားစု-နိုင်ချေပေါ်တာနဲ့ ပြန်ချမှာမို့.. တချိန်ချိန်၊ တနေရာရာမှာ.. ပြန်ပေးဆပ်ရဖို့ ရှိတယ်..။
ဒီလိုပြောလို့.. သူတို့လုပ်သမျှ ကျုပ်တို့က ငြိမ်ခံနေရမှာလား လို့ စောဒက တက်ချင်စရာရှိတယ်..။ ကိုယ်က အင်အားကြီးနေပြီး ကိုယ့်ဖက်က.. သဘောထားကြီးရင် အင်အားနည်းသူအနေနဲ့ အလိုလို နောက်ဆုတ်သွားမှာပဲ..။ သူ့ဖက်က ဆိုးလာသည့်တိုင်.. အခြေအနေအရပ်ရပ်ကို ထောက်ချင့်ပြီး မှန်မှန်ကန်ကန် တုန့်ပြန်နိုင်ဖို့ သိပ်အရေးကြီးပါတယ်..။ နို့မို့ဆိုလို့ကတော့.. ဆင်လည်း ဆင်အထာ-ဆိတ်လည်း ဆိတ်အထာ နဲ့.. အပြန်အလှန်ဖျက်ဆီးနိုင်တာမို့.. နှစ်ဦးနှစ်ဖက် အထိနာဖို့ပဲ ရှိပါတယ်..။
မြောက်ကိုရီးယားက.. မကြာခင်က.. တောင်ကိုရီးယား စစ်သဘောင်္တစ်စီးကို နှစ်မြုပ်ပစ်လိုက်တယ်..။ နယ်စပ်ကနေ အမြှောက်နဲ့လည်း မကြာမကြာ လှမ်းပစ်လေ့ရှိတယ်..။ တကယ်တမ်း စစ်တိုက်ရင်.. မြောက်ကိုရီးယား သေချာပေါက်နိုင်မယ်လို့ ပြောမရသလို- တောင်ကိုရီးယားရှုံးမယ်လို့လည်း ကံသေကံမ မဆိုနိုင်ပါဘူး..။ သို့သော်.. ဖြစ်ပေါ်လာနိုင်ဖွယ် အကျိုးဆက်အရပ်ရပ်ကို ထောက်ချင့်ပြီး.. မင်းတစ်စီး-ငါတစ်စီး ပြန်မြုပ်၊ မင်းတစ်ချက်.. ငါတစ်ချက် ပြန်ပစ်.. တောင်ကိုရီးယားမလုပ်ဘူး..။
တဖက်က အဆိုးနဲ့ပြုမူရန်စလာသည့်တိုင်.. အခြေအနေကို မှန်မှန်ကန်ကန် သုံးသပ်ပြီး.. ရှောင်သင့်ရှောင်-ရှားသင့်ရှား တာဟာ.. သူရဲဘောနည်းတာ-ကြောက်တာမဟုတ်ဘူး..။ အမျှော်အမြင်ကြီးတာသာ ဖြစ်တယ်..။
ဆိုတော့.. မြန်မာပြည်သူအများ.. ဒီမိုကရေစီလမ်းကြောင်းပေါ်လျှောက်လမ်းရာမှာ.. အင်အားကြီးသူ-ကြီးသူအလျှောက်၊ အင်အားနည်းသူ-နည်းသူအလျှောက်.. လူမျိုးရေး-ဘာသာရေး စိတ်နေစိတ်ဓါတ်ကျယ်ဝန်းသူများ ဖြစ်ပါမှ.. မြန်ပြည်တလွှား-ငြိမ်းချမ်းသာယာတဲ့ အနာဂါတ်ကို တည်ဆောက်နိုင်မှာ ဖြစ်ပါကြောင်း..။
မူရင်း ရေးသားသူ … Ko Navana
မူရင်းလင့်ခ် … http://www.facebook.com/ko.navana/posts/4825296471937
