News @ M-Media

Tag: Australia Muslim

  • သြဇီရှိ မွတ်စလင်မိဘများက ကလေးများအား အစ္စလာမ့်မစ်ကျောင်းများတွင် ပိုမို အပ်နှံလာကြ

    သြဇီရှိ မွတ်စလင်မိဘများက ကလေးများအား အစ္စလာမ့်မစ်ကျောင်းများတွင် ပိုမို အပ်နှံလာကြ

    မေ ၂၇၊ ၂၀၁၅
    M-Media

    ဆစ်ဒနီမြို့ရှိ The Malek Fahd အစ္စလာမ့်မစ်စာသင်ကျောင်း

    – ကလေးငယ်များ၏ပညာရေး ပိုကောင်းစေရန်နှင့် အနိုင်ကျင့်ခံရခြင်းနှင့် အရှက်တကွဲပြု ခံရခြင်းတို့မှ ရှောင်ရှားရန်အတွက် သြစတေးလျရှိ မွတ်စလင်မိဘများမှာ ၎င်းတို့၏ကလေးများကို နိုင်ငံတကာအဆင့်အတန်းမှီ အစ္စလာမ့်မစ်ကျောင်းများ၌ အပ်နှံလာမှုများ မြင့်တက်လာသည်ဟု သိရသည်။

    “ပညာရေးအတွက် အာရုံစိုက်မှုက မိဘတွေ ကျွန်တော်တို့ကျောင်းကို ရွေးချယ်ရတဲ့ အကြောင်းအရင်းတွေထဲက တစ်ခုဖြစ်ပေမယ့် ကျွန်တော်တို့ကျောင်းကပေးတဲ့ တန်ဖိုးတွေနဲ့ ဘာသာရေးဆိုင်ရာ သင်ကြားပေးမှုတွေက အဓိက အကြောင်းအရင်းပါပဲ။ အချို့ကျောင်းတွေဟာ ပညာရေးပိုင်းဆိုင်ရာမှာ တော်တော်လေးကောင်းပါတယ်” ဟု သြစတေးလျ အစ္စလာ့မ်မစ်ကျောင်းများအသင်း ဥက္ကဌ အဘ်ဒူလာခန်းက The Australian သို့ ပြောကြားခဲ့သည်။

    ဖက်ဒရယ်ပညာရေးဌာနမှ ထုတ်ပြန်သော ကိန်းဂဏန်းများအရ နိုင်ငံတစ်ဝှမ်းရှိ အစ္စလာမ့်မစ်ကျောင်းပေါင်း ၃၂ ကျောင်း၌ ပြီးခဲ့သည့်နှစ်တွင် တက်ရောက်နေသည့် ကျောင်းသားအရေအတွက်မှာ ၂၈၂၆၇ ဦး ရှိနေသည်ဟု သိရသည်။ ၂၀၀၉ ခုနှစ်တွင် ၁၅၅၀၃
    ဦးရှိခဲ့ရာမှာ ၈၂ ရာခိုင်နှုန်း တက်လာခြင်းလည်း ဖြစ်သည်။

    သြစတေးလျ အစ္စလာမ့်ကောင်စီများအဖွဲ့ချုပ်က ကြီးကြပ်သော အစ္စလာမ့်မစ်ကျောင်းပေါင်း ၆ ကျောင်းမှာ သြစတေးလျအစိုးရထံမှ ရန်ပုံငွေ ၈၀ ရာခိုင်နှုန်း ရရှိပြီး ထိုကျောင်းများတွင် တက်ရောက်သူများမှာ ပြီးခဲ့သည့် ၅ နှစ်အတွင်း ၅၃ ရာခိုင်နှုန်း တိုးလာခဲ့သည်။

    ခန်းကမူ မွတ်စလင်ကျောင်းသား ၄ ယောက်တွင် ၃ ယောက်မှာ ကိုယ်ပိုင်ကျောင်းများကို တက်ရောက်ကြပြီး အစ္စလာမ့်မစ်ကျောင်းများတွင် ကျောင်းအပ်မှုတိုးလာခြင်းမှာ မွတ်စလင်လူဦးရေ တိုးလာမှု၏ ရလဒ်ကြောင့်ဖြစ်သည်ဟု ပြောကြားခဲ့သည်။

    လုံခြုံသောကျောင်းများ

    အစ္စလာမ့်ပညာရေးနှင်ပတ်သက်၍ စာတမ်းပြုစုရန်အတွက် သြစတေးလျရှိ အစ္စလာမ့်မစ်ကျောင်းများတွင် သုတေသများ ပြုလုပ်ခဲ့သူ ကျောင်းဆရာ ပီတာဂျုန်းစ်ကမူ ထိုကျောင်းများတွင် မွတ်စလင်ကလေးများ ကျောင်းအပ်မှု မြင့်တက်လာခြင်းမှာ အပြင်ကျောင်းများ၌
    အနိုင်ကျင့်ခံရမှုကို ရှောင်ရှားလိုသောကြောင့်ဖြစ်သည်ဟု ဆိုသည်။

    “ကျောင်းသားတွေနဲ့ ကျောင်းသားမိဘအများစုက ဒီကျောင်းတွေဟာ ပိုပြီး လုံခြုံတယ်လို့ ခံစားရပါတယ်။ ရန်လိုမှုရှိတဲ့ အသိုင်းအ၀ိုင်းကနေ ပိုပြီးကာကွယ်မှုရှိတယ်လို့ သူတို့ ခံစားရပါတယ်။ လူတွေက သူတို့ကို ဟိဂျဘ်တွေဆွဲချွတ်တာ၊ တံတွေးထွေးတာတွေ လုပ်လာကြလို့ပါ” ဟု ခန်းက ထပ်လောင်းပြောကြားခဲ့သည်။

    အစ္စလာမ်ဘာသာဝင်များမှာ လွန်ခဲ့သည့် နှစ်ပေါင်း ၂၀၀ ကျော်ကပင် သြစတေးလျတွင် ရှိနေခြင်းဖြစ်ပြီး နိုင်ငံလူဦးရေ သန်း ၂၀ ၏ ၁.၇ ရာခိုင်နှုန်းမှာ အစ္စလာမ်ဘာသာကို သက်ဝင်ယုံကြည်ကြသူများဖြစ်သည်။

    Ref: Onislam

  • လူမျိုးရေးစော်ကားမှုကို မားမားမတ်မတ် ရပ်တည်ဆန့်ကျင်ပေးခဲ့တဲ့ သြစတေးလျမှ အမျိုးသမီး

    လူမျိုးရေးစော်ကားမှုကို မားမားမတ်မတ် ရပ်တည်ဆန့်ကျင်ပေးခဲ့တဲ့ သြစတေးလျမှ အမျိုးသမီး

    ဧပြီ ၁၆၊ ၂၀၁၅
    M-Media

    australia muslim

    – သြစတေးလျက ရထားတစ်စီးပေါ်မှာ မွတ်စလင်အမျိုးသမီးကို စော်ကားပြောဆိုတဲ့ ခရီးသွားတစ်ယောက်ကို ရင်ဆိုင်ဟန့်တားခဲ့တဲ့ အမျိုးသမီးတစ်ယောက်ဟာ “သူရဲကောင်း” အဖြစ် သြစေတေးလျ ပြည်သူတွေကြားထဲမှာ ချီးကျူးခံခဲ့ရပါတယ်။

    မနေ့ကဖြစ်ပွားခဲ့တဲ့ အဲဒီအဖြစ်အပျက်မှာ ၀င်ရောက်ဟန့်တားခဲ့သူကတော့ ဆစ်ဒနီမှာနေတဲ့ စတေစီ အေဒင်ဆိုသူ ဖြစ်ပါတယ်။ မျက်နှာချင်းဆိုင်မှာ ထိုင်နေတဲ့ အသက်ကြီးကြီး အမျိုးသမီးတစ်ယောက်က သူဘေးနားက မွတ်စလင်အမျိုးသားနဲ့ အမျိုးသမီးတစ်ဦးကို IS ထောက်ခံသူတွေလို့ စတင် စွပ်စွဲစော်ကားခဲ့ပါတယ်။

    နောက်ပြီး ၁၀ မိနစ်လောက် ရိုင်းရိုင်းစိုင်းစိုင်းတွေပြောဆိုခဲ့ပြီး ဟီဂျဘ်ဝတ်ဆင်ထားတဲ့ အဲဒီ မွတ်စလင်အမျိုးသမီးကို “၆ နှစ်ကလေးမလေးကို အိမ်ထောင်ပြုခဲ့တဲ့ သူအတွက် နင်ဘာ့ကြောင့် ဒါကိုဝတ်တာလဲ” လို့ မေးခဲ့ပါတယ်။

    ကလေးငယ်ထည့်ထားတဲ့ လှည်းနဲ့အတူ ထိုင်နေတဲ့ မွတ်စလင်အမျိုးသမီးနဲ့ အမျိုးသားကတော့ ဘာမှ ပြန်မပြောခဲ့ပါဘူး။ ဒါပေမယ့် အေဒင်ကတော့ မနေနိုင်ဘဲ “သူဟာသူဝတ်ထားတာပဲ၊ ဟုတ်တယ်မှတ်လား။ သူ့ရဲ့ခန္ဓာကိုယ်ကို လုံလုံခြုံခြုံရှိစေချင်လို့ ၀တ်ထားတာပဲ။ ရှင့်လို လူမျိုးတွေ အဲဒီမှာထိုင်ပြီး မလေးမစားလုပ်ဖို့မဟုတ်ဘူးလို့” ပြန်လည် ပြောဆိုခဲ့ပါတယ်။

    အေဒင်က အဲဒီလိုပြောနေတုန်းမှာပဲ အမျိုးသမီးကြီးက “နင်တို့ကလေးတွေ ဆီးရီးယားမှာ ခေါင်းဖြတ်နေတယ် …. သတင်းစာကို ဖတ်ကြည့်၊ ကင်ညာမှာ ခရစ်ယာန် ၁၄၈ ဦး အသတ်ခံရတယ်။ ဆီးရီးယားမှာလည်း သူတို့ တစ်ယောက်နဲ့တစ်ယောက် သတ်နေကြတယ်လို့” ထပ်ပြောခဲ့ပါတယ်။

    အဲဒီအချိန်မှာတော့ အေဒင်က စိတ်ဆိုးမာန်ဆိုးနဲ့ “ဒါတွေနဲ့ဘာမှ မပတ်သက်တဲ့လူတစ်ယောက်ကို စော်ကားဖို့ဆိုရင် ရှင် ဒီမှာမထိုင်ပါနဲ့။ နည်းနည်းလောက် ရိုသေသမှုရှိပါ။ စကားအကောင်း ပြောစရာမရှိဘူးဆိုရင် ပါးစပ် ပိတ်နေပါ” လို့ ပြတ်ပြတ်သားသား ပြောခဲ့ပါတယ်။ အဲဒီနောက်ပိုင်းမှာတော့ အဲဒီအမျိုးသမီးကြီးက ဘာမှ ပြန်မပြောတော့ပါဘူး။

    ဒီအဖြစ်အပျက်ကို အေဒင်ကိုယ်တိုင် ဗီဒီယိုရိုက်ကူးကာ အင်တာနက်ပေါ် လွှင့်တင်ခဲ့တာဖြစ်ပြီး အချိန်အနည်းငယ်အတွင်းမှာပဲ လူတွေရဲ့စိတ်ဝင်စားမှုကို ရခဲ့ပါတယ်။ ပြီးတော့ မွတ်စလင်အမျိုးသမီးတစ်ဦး အရှက်တကွဲအကျိုးနည်းဖြစ်မှာကို ၀င်ရောက်ရပ်တည်ပေးခဲ့တဲ့ သူမရဲ့ လုပ်ရပ်နဲ့ ပတ်သက်လို့လည်း ချီးကျူးသြဘာပေးခြင်း ခံခဲ့ရပါတယ်။

    သြစတေးလျ အစ္စလာမ်ကြောက်ရောဂါ မှတ်တမ်းတင်ရေးအဖွဲ့က မာရီယမ် ဗီစ်ဇာဒါဟ်ကတော့ မစ် အေဒင်ရဲ့ အဲဒီလို ရပ်တည်ပေးတာနဲ့ပတ်သက်လို့ အရမ်းပဲ အားတက်ရတယ်လို့ ပြောကြားခဲ့ပါတယ်။

    “သူမရဲ့ ဒီလုပ်ရပ်က လူမျိုးရေးနဲ့ ဘာသာရေး စော်ကားပြောဆိုမှုတွေကို ဆန့်ကျင် ရပ်တည်ဖို့ အခြားသူတွေ အတုယူစရာဖြစ်မယ်လို့ မျှော်လင့်ပါတယ်”

    မစ် အေဒစ်ကလည်း အဲဒီဗီဒီယိုအတွက် သူမအနေနဲ့ အပြုသဘောဆောင်တဲ့ တုံ့ပြန်မှုတွေ အများအပြားရခဲ့တယ်လို့ ဆိုပါတယ်။

    “ဒီလို သေးသေးကွေးကွေးလေးဟာ အရမ်းအရေးပါလာလိမ့်မယ်လို့ ကျွန်မ ထင်မထားပါဘူး။ လူတွေပို့တဲ့ မက်ဆေ့ခ်ျတွေကိုဖတ်ပြီး မျက်ရည်တောင် ကျမိပါတယ်ရှင်” လို့ သူရဲ့ပီတိကို Facebook စာမျက်နှာမှာ ရေးသား ဖော်ပြခဲ့ပါတယ်။

    Ref: Independent

  • မွတ်စလင်များမှာ ပတ်ဝန်းကျင်နှင့် ပိုမိုထိတွေ့ရမည်ဟု သြစတေးလျ မွတ်စလင်ခေါင်းဆောင်တစ်ဦး ပြောကြား

    မွတ်စလင်များမှာ ပတ်ဝန်းကျင်နှင့် ပိုမိုထိတွေ့ရမည်ဟု သြစတေးလျ မွတ်စလင်ခေါင်းဆောင်တစ်ဦး ပြောကြား

    မတ် ၁၀၊ ၂၀၁၅
    M-Media

    ausie

    – အစ္စလာမ်၊ မွတ်စလင်တို့နှင့်ပတ်သက်၍ နားလည်မှုလွဲမှားခြင်းများ မြင့်တက်လာသည့် ယခုအချိန်တွင် လူနည်းစု မွတ်စလင်များ အနေဖြင့် လူ့အဖွဲ့အစည်းနှင့် ပိုမိုဆက်သွယ်ရမည်ဖြစ်ပြီး သို့မှသာ အဆိုပါနားလည်မှု လွဲမှားခြင်းများကို ချေဖျက်နိုင်မည်ဟု သြစတေးလျရှိ ထင်ရှားသော မွတ်စလင်ခေါင်းဆောင် ၀ါစီမ်း ရာဇ်ဗီက ပြောကြားလိုက်သည်။

    “တစ်ယောက်နဲ့တစ်ယောက် တွေ့ကြဆုံကြမယ်၊ ခေါ်ကြပြောကြမယ်ဆိုရင် မြင့်တက်လာနိုင်တဲ့ ကြောက်ရွံ့မှုတွေဟာ လျော့ကျသွားမှာပါ။ ဒီလှုပ်ရှားမှုကို အစပျိုးနေတယ်လို့ ကျွန်တော်ထင်ပေမယ့် ဗလီထဲမှာပဲ အချိန်ကုန်မနေဘဲ အပြင်ထွက်ပြီး ခရစ်ယာန်ဘုရားကျောင်းမှာ ပြုလုပ်တဲ့ ပွဲတွေကို သွားရောက်လေ့လာတာ၊ မက်ကေးမှာလုပ်နေတဲ့ ယဉ်ကျေးမှုပေါင်းစုံပွဲတွေကို တက်ရောက်တာမျိုးတွေလည်း ဒီလှုပ်ရှားမှုတွေထဲမှာ ပေါင်းထည့်ရပါလိမ့်မယ်” ဟု ၎င်းက ဆိုသည်။

    ရာဇ်ဗီမှာ အစ္စလာမ့်သုတေသနနှင့် ပညာရေးအကယ်ဒမီ၏ ဥက္ကဌဖြစ်ပြီး မက်ကေး ဗလီဝတ်ကျောင်းတော်တွင် တနင်္ဂနွေနေ့က ပြုလုပ်ခဲ့သော လူထုတွေ့ဆုံပွဲ အခမ်းအနားတွင် အထက်ပါစကားများကို ပြောကြားခဲ့ခြင်းဖြစ်သည်။ ထို့ပြင် မက်ကေးလူ့အဖွဲ့အစည်း၏ ဆက်ဆံရေး ပို၍နက်ရှိုင်းသည်ကို တွေ့မြင်ချင်သည်ဟု ၎င်းက ထည့်သွင်း ပြောကြားခဲ့သည်။

    အဆိုပါ လူထုတွေ့ဆုံပွဲ အခမ်းအနားသို့ ပြည်သူများ၊ တာဝန်ရှိသူများနှင့် ၎င်းတို့၏ မိသားစုများ တက်ရောက်ခဲ့ကြကာ ဗလီဝတ်ကျောင်းတော်ကို လှည့်လည် ကြည့်ရှုခဲ့ကြပြီး အစ္စလာမ်၊ မွတ်စလင်တို့နှင့် ပတ်သက်၍ သိလိုသည်များကိုလည်း မေးမြန်းခဲ့ကြသည်။

    “ကျွန်တော်တို့ဟာ ရဲတပ်ဖွဲ့နဲ့ ပုံမှန်တွေ့ဆုံလေ့ ရှိပါတယ်။ ပတ္တယောင်ကားတွေကလည်း ဒီနားတစ်ဝိုက်မှာ တစ်ချိန်လုံးလှည့်နေပြီး ကျွန်တော်တို့ လုံခြုံတယ်လို့ ခံစားရစေပါတယ်။ တကယ်လို့ ကျွန်တော်တို့ အကူအညီတစ်ခုခု လိုပြီဆိုရင် သူတို့ကို ဖုန်းထိုးလိုက်တာပါပဲ” ဟု မက်ကေး ဗလီဝတ်ကျောင်းတော်မှ ရှေ့ဆောင်အီမာမ်ဖြစ်သူ အက်ရ်ှဖက် အက်ဘာရ်က ပြောကြားခဲ့သည်။

    ချီးကျူးမှု

    မက်ကေးဗလီဝတ်ကျောင်းတော်မှ ပြုလုပ်သည့် အဆိုပါ လူထုတွေ့ဆုံပွဲကို ရဲတပ်ဖွဲ့ဝင်များကလည်း ချီးကျူးခဲ့ပြီး ဗလီဝတ်ကျောင်းတော်သို့ ရဲအရာရှိများ ပိုမိုလာရောက်လည်ပတ်မှု၊ လူထုနှင့် ပူးပေါင်းဆောင်ရွက်မှုတို့အတွက် တွန်းအားဖြစ်စေသည်ဟုလည်း ဆိုသည်။

    “အမြဲတမ်းပြောသလိုပါပဲ။ နားလည်မှုဟာ သည်းခံနိုင်စွမ်းကို ဖန်တီးပေးပါတယ်။ တစ်ခါတစ်လေမှာ လူတွေဟာ နားလည်မှု မရှိတော့ဘူးဆိုရင် သည်းမခံနိုင်မှုက ဖြစ်ထွန်းလာတာပါပဲ။ ဒါ့ကြောင့် ကျွန်တော်တို့လုပ်နိုင်တာက ဒီနားလည်မှုကို လူထုအတွင်းမှာ ဖန်တီးပေးပြီး ဒါကို အခြားသူတွေသိအောင် ပြုလုပ်ပေးဖို့ပါပဲ။ ဒါဟာ ပိုကောင်းပါတယ်” ဟု အင်စပက်တာ ခရေ့ဂ်ျ ဆန်ဒါဆန်က ပြောကြားခဲ့သည်။

    ပြီးခဲ့သည့်နှစ် ဒီဇင်ဘာလကလည်း ကွင်းစလန်းအလယ်ပိုင်းရှိ အစ္စလာမ်အသင်းမှာ ထိုကဲ့သို့ လူထုတွေ့ဆုံပွဲတစ်ခုကို ပြုလုပ်ခဲ့ပြီး အစ္စလာမ်အပေါ်ရှိနေသည့် မှန်းဆမှုများနှင့်ပတ်သက်၍ ဖြေရှင်းပြခဲ့ကာ၊ နားလည်မှုနှင့် သည်းခံမှုတို့ကိုလည်း မြှင့်တင်ပေးခဲ့သည်။

    အင်စပက်တာ ဆန်ဒါဆန်ကမူ ထိုကဲ့သို့သော အခမ်းအနားများက လူတစ်ဦးချင်းစီနှင့် စကားပြောဆိုနိုင်သည့် အခွင့်အလမ်းကို ရစေပြီး ၎င်းတို့၏ ဘာသာတရားနှင့် ပတ်သက်၍သော်လည်း အဆိုပါဘာသာတရားတွင်ရှိနေသည့် ဆက်သွယ်ချက်များနှင့် ပတ်သက်၍သော်လည်းကောင်း စစ်မှန်သည့် နားလည်မှုများကို ရရှိစေသည်ဟု ထည့်သွင်းပြောကြားခဲ့သည်။

    အစ္စလာမ်ဘာသာကို သက်ဝင်ယုံကြည်သူများမှာ လွန်ခဲ့သည့် နှစ်ပေါင်း ၂၀၀ ခန့်မှစ၍ သြစေတးလျတွင် ရှိနေခဲ့ပြီး ယခုအချိန်တွင် သြစတေးလျရှိ စုစုပေါင်း လူဦးရေ၏ ၁.၇ ရာခိုင်နှုန်း ရှိနေသည်။

    Ref: Onislam

  • သြစတေးလျမွတ်စလင်လူငယ် အမျိုးသမီးတစ်ဦး ပြည်နယ်ဂုဏ်ပြုဆုရရှိ

    သြစတေးလျမွတ်စလင်လူငယ် အမျိုးသမီးတစ်ဦး ပြည်နယ်ဂုဏ်ပြုဆုရရှိ

    ဖေဖော်ဝါရီ ၁၁၊ ၂၀၁၅
    M-Media

    yasamine

    – သြစတေးလျလူငယ်များအတွက် လူမှုအကျိုးပြုလုပ်ငန်းများကို နှစ်ပေါင်းများစွာ စွမ်းစွမ်းတမံ ဆောင်ရွက်ခဲ့သည့် ကွင်းစလန်းပြည်နယ်မှ မွတ်စလင်အမျိုးသမီးတစ်ဦးမှာ ၂၀၁၅ ကွင်းစလန်း အထူးချွန်ဆုံးလူငယ်ဆု ( 2015 Queensland Young Australian of the Year) ရရှိခဲ့သည်ဟု သိရသည်။

    ဆုရရှိခဲ့သူ မွတ်စလင်အမျိုးသမီးမှာ ယာစမင်း အဘ်ဒဲလ် မဂျီဒ်းဆိုသူဖြစ်ပြီး အသက် ၁၆ နှစ်အရွယ်ကတည်းက Youth Without Borders အဖွဲ့ကိုဖွဲ့စည်းကာ လူငယ်များ ဖွံ့ဖြိုးတိုးတက်ရေးအတွက် လုပ်ဆောင်ပေးခဲ့သူဖြစ်သည်။

    “Youth Without Borders အဖွဲ့ကို ဖွဲ့စည်းရတဲ့ရည်ရွယ်ချက်က သူတို့ရဲ့လူ့အဖွဲ့အစည်းအတွက် အပြုသဘောဆောင်တဲ့
    အကျိုးပြုမှုတွေ ဖြစ်စေတဲ့ စီမံကိန်းတွေမှာ လူငယ်တွေ ပါဝင်အလုပ်လုပ်ဖို့ပါပဲ။ ကျွန်မတို့ လုပ်ဆောင်ပေးခဲ့တဲ့ အရာတွေကတော့ လူငယ်တွေအတွက် ညီမျှတဲ့အခွင့်အလမ်းတွေ ဖန်တီးပေးခဲ့တာပဲဖြစ်ပါတယ်။ ဘယ်လောက် အသက်အရွယ် ရှိနေပါစေ။ ဘယ်မှာပဲမွေးပါစေ။ သူတို့ရဲ့ပတ်ဝန်းကျင်ကို ပြောင်းလဲနိုင်တဲ့ စွမ်းအားတော့ သူတို့မှာ ရှိပါတယ်” ဟု  2015 Queensland Young Australian of the Year ဆုကို ရရှိခဲ့သူ ယာစမင်း အဘ်ဒဲလ် မဂျီးဒ်က ပြောကြားခဲ့သည်။

    ထို့ပြင် ရေနံနှင့်သဘာဓာတ်ငွေ့ အင်ဂျင်နီယာဖြစ်သူ မဂျီဒ်းက အဆိုပါဆုကို ရရှိခဲ့ခြင်းမှာ မိမိအဖွဲ့ ချဲ့ထွင်မှုအတွက်
    အထောက်အကူဖြစ်စေသည်ဟု ထည့်သွင်းပြောကြားခဲ့သည်။

    “ဒီလိုဆုမျိုးရရှိတာဟာ နောက်ထပ်လူတွေအများကြီးကို စည်းရုံးဖို့အတွက် အခွင့်အရေးပေးလိုက်တာပါပဲ”

    သြစတေးလျတွင် လွန်ခဲသည့် နှစ်ပေါင်း ၂၀၀ ကျော်ကတည်းက ရှိခဲ့သည့် အစ္စလာမ်ဘာသာဝင်များမှာ နိုင်ငံလူဦးရေ သန်း
    ၂၀ ၏ ၁.၇ ရာခိုင်နှုန်းရှိသည်။ ၉/၁၁ နောက်ပိုင်း သြစတေးလျရှိ မွတ်စလင်များမှာ သံသယများနှင့် ရင်ဆိုင်ခဲ့ပြီး ၎င်းတို့၏
    တိုင်းပြည်ချစ်စိတ်အတွက် မေးခွန်းထုတ်ခြင်း ခံခဲ့ရသည်။

    “သြစတေးလျ ဒါမှမဟုတ် အနောက်နိုင်ငံတွေမှာ ကြီးပြင်းခဲ့ကြတဲ့ ဘယ်လို မွတ်စလင်မျိုးမဆို ၀ါလုံးသိမ်းအရမ်းခံရတဲ့ ဘ၀မျိုးနဲ့ ကြုံတွေ့ခဲ့ရတာပါပဲ။ ကျွန်မဟာ မကောင်းဆိုးဝါးကို ကိုယ်စားပြုတယ်လို့ လူတွေက မြင်ပါတယ်။ ဒီအခြေအနေကနေ ကျွန်မတို့ဟာ တစ်ဖြည်းဖြည်း ပြန်လာခဲ့ရပြီး ဒါဟာ တကယ့်အခြေအနေမှန်ပါပဲ” ဟု မဂျီဒ်းက ပြောကြားခဲ့သည်။

    ထို့ပြင် မွတ်စလင်နှင့် မွတ်စလင်မဟုတ်သူများအားလုံး စုစည်းသည့် လူသားကမ္ဘာ၊ လူ့အဖွဲ့အစည်းနှင့် ပတ်သက်၍ အာရုံစိုက်ရန် လိုအပ်ကြောင်း သူမက ထပ်လောင်းပြောကြားခဲ့သည်။

    အများအကျိုး စွမ်းစွမ်းတမံဆောင်ရွက်မှုအတွက် ထိုကဲ့သို့ ဆုရရှိခဲ့သည့် သြစတေးလျ မွတ်စလင်အမျိုးသမီးထဲတွင် အဘ်ဒဲလ် မဂျီးဒ်မှာ ပထမဆုံးမဟုတ်ဘဲ၊ သြစတေးလျအမျိုးသမီးများ၏ အခွင့်အရေးနှင့် ယဉ်ကျေးမှုပေါင်းစုံရှိသည့် လူ့အဖွဲ့အစည်းအကျိုးအတွက် ၂၅ နှစ်ကျော်ကြာ စွမ်းစွမ်းတမံ ဆောင်ရွက်ပေးခဲ့သည့် မွတ်စလင်အမျိုးသမီး တစ်ဦးမှာလည်း ပြီးခဲ့သည့် သြဂုတ်လက 2014 New South Wales Human Rights Award ဆု ကို ရရှိခဲ့သည်။

    Ref: onislam

  • ဟိဂျဘ် ဝတ်ခြင်းကြောင့် ခွဲခြား ဆက်ဆံမှုများကို သြဇီမှ မွတ်စလင် ဆရာဝန်အမျိုးသမီး တဦး ဆန့်ကျင်သွားမည်။

    ဟိဂျဘ် ဝတ်ခြင်းကြောင့် ခွဲခြား ဆက်ဆံမှုများကို သြဇီမှ မွတ်စလင် ဆရာဝန်အမျိုးသမီး တဦး ဆန့်ကျင်သွားမည်။

    ဒီဇင်ဘာ ၄ ၊ ၂၀၁၄
    M-Media
    28-11-14_Aussie-Doctors-Hijab-Fights-Racism
    – အစ္စလာမ်ကြောက်ရောဂါမှ ဖြစ်ပွားလာသည့် တိုက်ခိုက်မှုများကြောင့် မွတ်စလင် အမျိုးသမီးများစုမှာ ၎င်းတို့ဝတ်ဆင်ထားသည့် ဟိဂျဘ်များကို ချွတ်လိုက်ကြသော်လည်း သြစတေးလျရှိ မွတ်စလင် ဆရာဝန် အမျိုးသမီးတစ်ဦးမှာ အစ္စလာမ်သာသနာအား အသုံးချခံရမှုကို ရပ်တန့်ရန်အတွက် ဟိဂျဘ်ဝတ်ဆင်ရန် ဆုံးဖြတ်ခဲ့သည်။

    `ကျွန်မဟာ မွတ်စလင်တွေနဲ့အတူ ကျွန်မရဲ့အမှတ်သညာကို ဖော်ပြချင်ပါတယ်။ အမြဲတမ်းဒီလိုလုပ်ချင်ခဲ့တာပါ။ ဒါပေမယ့် တစ်ခုခုလုပ်ဖို့အတွက် ခံယူချက်ဆိုတာတော့ လိုပါတယ်´ ဟု ဒေါက်တာ ဂူလ် အီး ရာနာက နိုဝင်ဘာ ၂၈ ရက် သောကြာနေ့တွင် Daily Mercury သတင်းစာသို့ ပြောကြားခဲ့သည်။

    လွန်ခဲ့သည့် တစ်နှစ်က ဟိဂျဘ်ဝတ်ဆင်ခြင်းမရှိခဲ့သည့် သူမမှာ နိုင်ငံရပ်ခြားတွင် အစ္စလာမ်အမည်ခံ၍ ကျူးလွန်နေကြသော စစ်သွေးကြွ တိုက်ခိုက်မှုများ၊ အဓိကအားဖြင့် ISIL မှ ကျူးလွန်နေသော တိုက်ခိုက်မှုများ ပေါ်ပေါက်လာပြီးနောက် အစ္စလာမ်ကြောက်ရောဂါမှ ပေါက်ဖွားလာသည့် တိုက်ခိုက်မှုများ တိုးလာခဲ့ခြင်းက သူမ၏ စိတ်ဓာတ်အား အပြောင်းအလဲ ဖြစ်စေခဲ့သည်။

ုထို့ပြင် မွတ်စလင်အမျိုးသမီးတစ်ယောက်၏ အမှတ်သညာနှင့် ဟိဂျဘ်ဝတ်ဆင်ခြင်း အကြောင်းတို့ကို အခြားမွတ်စလင်အမျိုးသမီးတစ်ဦးထံမှ ကြားသိခဲ့ရခြင်းကလည်း ဒေါက်တာ ဂူလ်၏ ဟိဂျဘ်ဝတ်ဆင်မှုစတင်ရန် ဆုံးဖြတ်ချက်ကို ခိုင်မာစေခဲ့လေသည်။

    သူမ၏ ဟီဂျဘ်မှာ အစ္စလာမ်သာသနာအား ဂုဏ်ယူဖွယ် ရောင်ပြန်ဟပ်မှုအဖြစ် ရှုမြင်နေသည့် ဒေါက်တာဂူလ်မှာ ထိုဝတ်ဆင်မှုက ၎င်း၏ လုပ်ငန်းခွင်တွင် ဂယက်ရိုက်မလားဟုလည်း စိုးရိမ်သောက ဖြစ်ခဲ့သည်။

    ထိုအထဲမှ အကြီးဆုံးသော စိုးရိမ်ပူပန်မှုက လူနာများအနေဖြင့် ၎င်းအား ယုံကြည်မှု၊ လေးစားမှု ဆက်ရှိနေမည်လား ဆိုသည်ပင် ဖြစ်လေသည်။

    `သာမန်လိုပါပဲ။ ကိုယ်နဲ့သင့်တော်တဲ့ ဆုံးဖြတ်ချက်တွေကိုချတဲ့အခါ ကိုယ်နဲ့ပတ်သက်တဲ့ အပြုသဘောဆောင်တဲ့အရာတွေ ရရှိမှာဖြစ်ပြီး အရာရာတိုင်းက အလုပ်ဖြစ်ပါတယ်။ ဘယ်နည်းနဲ့မှ ကိုယ့်ရဲ့ အမှတ်သညာကို ဖယ်ရှားလို့မရပါဘူး။ ဒါ့ကြောင့် ဒါကို ပိုင်ဆိုင်သင့်ပါတယ်။ ကျွန်မဟာ ဘယ်လိုအမုန်းတရားကိုမှ ရင်မဆိုင်ခဲ့ရပါဘူး´ ဟု ဒေါက်တာဂူလ်က ပထမဆုံး ဟိဂျဘ်ဝတ်ဆင်သည့်နေ့နှင့် ပတ်သက်၍ ပြောကြားခဲ့သည်။

    အစ္စလာမ့်ပြင်ပမှဖြစ်ခြင်း

    ဒေါက်တာဂူလ်က သူမမှာ အစ္စလာမ်နှင့်ပတ်သက်၍ ချစ်စိတ်ပြင်းပြပြီး ရာနှုန်းပြည့် ငြိမ်းချမ်းရေးတရား ရှိနေသည်ဟု ယုံကြည်ကြောင်း ဆိုသည်။ ထို့ပြင် ရာဇ၀တ်မှုများနှင့်ပတ်သက်၍ ဖတ်ရှုရပြီးနောက် လူများမှာ အစ္စလာမ်သာသနာအား ကြောက်ရွံ့လာသည်ကို မိမိအနေဖြင့် နားလည်ကြောင်း ၎င်းက ထည့်သွင်းပြောကြားခဲ့သည်။

    `(ရာဇ၀တ်မှုတွေ) မီဒီယာတွေမှာ တစ်ခုပြီးတစ်ခုပါလာတဲ့အခါ ကျွန်မတိုနဲ့ပတ်သက်ပြီး လူတွေက ကြောက်ရွံ့ကြမှာ သဘာဝပါပဲ။ ကျွန်မတို့ဟာ မွတ်စလင်တွေဖြစ်နေတာကြောင့် ဒါတွေက ကျွန်မတို့ကို စိတ်ပျက်စေပါတယ်။ ဘယ်ဘာသာတရားကမှ မကောင်းတာတွေလုပ်ဖို့ မသွန်သင်ပါဘူး။ ဒီလူတွေ ဘာတွေကိုဖတ်ပြီး ဘာတွေကို လုပ်နေကြတာလဲ? ဒီလုပ်ရပ်တွေဟာ မှန်ကန်မှုမရှိပါဘူး´ ဟု သူမက ဆိုသည်။

    ထို့ပြင် အစ္စလာမ်သာသနာအား အချိန်ပေးလေ့လာသူများနှင့် မွတ်စလင်များအများစုကို နားလည်ကြသူများက အဆိုပါ အစွန်းရောက် အပြုအမူများကို သဘောမတူကြဟုလည်း သူမက ဖွင့်ဟခဲ့သည်။

    `လူတွေကို ကျွန်မတို့ ရှင်းပြချင်ပါတယ်။ ကျွန်မတို့အယူဝါဒဟာ ကျွန်မတို့အတွက် သီးသန့်ချည်း မဟုတ်ပါဘူး။ ကျွန်မတို့အားလုံးဟာ လူသားတွေဖြစ်ပြီး တစ်ယောက်နဲ့တစ်ယောက် နားလည်ဖို့လိုပါတယ်´ ဟု ဒေါက်တာဂူလ်က နိဂုံးချုပ်အနေဖြင့် ပြောကြားခဲ့သည်။

    အစ္စလာမ်သာသနာမှာ သြစေတးလျသို့ လွန်ခဲ့သည့်နှစ်ပေါင်း ၂၀၀ ကျော်ကတည်းကရောက်ရှိလာခဲ့ခြင်းဖြစ်ပြီး ယခုလက်ရှိတွင် နိုင်ငံလူဦးရေ၏ ၁.၇ ရာခိုင်နှုန်းမှာ အစ္စလာမ်ကို သက်ဝင်ယုံကြည်ကြသူများ ဖြစ်ကြသည်။

    ၉/၁၁ တိုက်ခိုက်မှုများပြီးနောက် သြစတေးလျ မွတ်စလင်များမှာ မသင်္ကာမှုများဖြင့် ရင်ဆိုင်ခဲ့ရပြီး ၎င်းတို့၏ တိုင်းပြည်ချစ်စိတ်နှင့် ပတ်သက်၍ မေးခွန်းထုတ်ခြင်း ခံခဲ့ရသည်။

    OnIslam