News @ M-Media

Tag: Australia Muslim

  • သြစတေးလျတွင် ဗလီဝတ်ကျောင်း ဆောက်လုပ်မှု ကန့်ကွက်ချက်များ အာဏာပိုင်များနှင့် ပြည်သူများက လက်မခံ

    သြစတေးလျတွင် ဗလီဝတ်ကျောင်း ဆောက်လုပ်မှု ကန့်ကွက်ချက်များ အာဏာပိုင်များနှင့် ပြည်သူများက လက်မခံ

    ဒီဇင်ဘာ ၃ ၊ ၂၀၁၄
    M-Media
    Australian mosque project
    – သြစတေးလျနိုင်ငံ ဗစ်တီုးရီးယားပြည်နယ် ဘန်ဒီဂိုတွင် ဆောက်လုပ်ရန် စီစဉ်ထားသည့် ဗလီဝတ်ကျောင်းတော်အား ကန့်ကွက်မှုအချို့ ရှိနေသော်လည်း အာဏာပိုင်များနှင့် ပြည်သူများကလည်း ထိုကန့်ကွက်မှုကို လက်မခံဟု သိရသည်။

    ဘန်ဒီဂိုမြို့၏ ပထမဆုံးဗလီဝတ်ကျောင်းတော်ဖြစ်လာမည့် အဆိုပါ ဗလီဝတ်ကျောင်းတော် ဆောက်လုပ်ခွင့်ကို မြို့တော်ကောင်စီက ဇွန်လတွင် ချပေးခဲ့သည်။

    ထိုသို့ခွင့်ပြုခဲ့ပြီးနောက် လုပ်ကြံရေးထားသည့် အကြောင်းအရာများပါဝင်သော မွတ်စလင်ဆန့်ကျင်ရေး လက်ကမ်းစာစောင်များ ဝေငှခြင်း၊ အဆိုပါ ဗလီဝတ်ကျောင်းတော်ဆောက်လုပ်မှုကို ထောက်ခံသူများအိမ်ရှေ့တွင် အနက်ရောက် ပူဖောင်းများချိတ်ဆွဲခြင်း စသည့် လှုပ်ရှားမှုတို့ဖြင့် ဗလီဝတ်ကျောင်းတော် ဆောက်လုပ်မှုကို ဆန့်ကျင်မှုများ ရှိလာခဲ့သည်။

    ထိုလှုပ်ရှားမှုများကို အဖွဲ့အစည်းအချို့က ငွေကြေးများ ထောက်ပံ့ကာ ဆောင်ရွက်ခိုင်းခြင်းဖြစ်ပြီး ဗလီဝတ်ကျောင်းတော်ဆောက်လုပ်မှုကို ပိတ်ပင်ရန် ၎င်းတို့က ပံ့ပိုးမှုများ ပြုလုပ်နေသည်။

    ဗလီဝတ်ကျောင်းတော် ဆောက်လုပ်မှုအတွက် ထိုကဲ့သို့ ဆန့်ကျင်မှုများရှိခဲ့ပြီးနောက် ဘန်ဒီဂိုမြို့မှ ခေါင်းဆောင်များမှာ သည်းခံမှုရှိကြရန် ပြည်သူများအား တိုက်တွန်းခဲ့ပြီး အမုန်းတရားများနှင့် ပတ်သက်၍ ခွင့်လွှတ်မည်မဟုတ်ဟုလည်း သတိပေးခဲ့သည်။

    ဗစ်တိုးရီးယားပြည်နယ် အစ္စလာမ်အသင်းမှ အတွင်းရေးမှူး ဒေါက်တာ ဆရက် ရှရိဖ်ဒင်းကမူ ထိုကဲ့သို့ ဆန့်ကျင်မှုများမှာ မွတ်စလင်ဆန့်ကျင်ရေး လှုံ့ဆော်မှုများကြောင့် ဖြစ်ကြောင်း၊ ဗလီဝတ်ကျောင်းတော် တည်ဆောက်မှုကို ဆန့်ကျင်ရေး ဆောင်ရွက်သူများမှာ ဘန်ဒီဂို မြို့ခံများမဟုတ်ကြကြောင်း၊ ၎င်းတို့မှာ ၀တ်ပြုနေရာကို အကြမ်းဖက်ဝါဒနှင့် ကြိုးကြောင်းဆီလျော်မှုမရှိဘဲ ဆက်စပ်နေကြကြောင်း ပြောကြားခဲ့သည်။

    `ဒီလိုလုပ်ရပ်တွေဟာ လူမျိုးရေးခွဲခြားမှု စစ်စစ်ပါပဲ။ ကျွန်တော်တို့ဟာ ဒီမိုကရေစီနည်လမ်းတကျ၊ ဒီနိုင်ငံရဲ့ ဥပဒေမူဘောင်တွေနဲ့အညီ ဗလီဝတ်ကျောင်းတော်ဆောက် လုပ်ခွင့် တောင်းဆိုခဲ့တာပါ။ အများနဲ့မတူ တစ်မူထူးအောင် တောင်းဆိုခဲ့တာမျိုး မဟုတ်ပါဘူး။ ဗလီဝတ်ကျောင်းတော် ဆောက်လုပ်ဖို့ လက်ခံ၊ လက်မခံအတွက် မြို့တော်ကောင်စီကို လျှောက်လွှာတင်ခဲ့တယ်။ သူတို့ မေတ္တာရပ်ခံတဲ့ပုံစံအတိုင်း ဗလီဝတ်ကျောင်းတော်ရဲ့ဒီဇိုင်းကို ပြင်ခဲ့တယ်။ ပြီးတော့ တည်ဆောက်ခွင့် ရခဲ့ပါတယ်´ ဟု ရှရိဖ်ဒင်းက AA သတင်းဌာနသို့ ပြောကြားခဲ့သည်။

    ဘန်ဒီဂိုမြို့ရှိ ပြည်သူများကလည်း ဘာသာအယူဝါဒအားလုံးကို အားပေးသည့်အနေဖြင့် ရောင်စုံဘောလုံးများကို ကိုင်မြှောက်ကာ မတူကွဲပြားမှုကို ထောက်ခံသည့် ချီတက်လမ်းလျှောက်မှုများကို ဇွန်လအတွင်း ပြုလုပ်ခဲ့ကြသည်။

    ရှရိဖ်ဒင်းက ဘန်ဒီဂိုမြို့တွင် မတူညီသော အယူဝါဒများမှ နောက်လိုက်များအားလုံး ညီညွတ်ကြပြီး အီးဒ်ပွဲတော်ကဲ့သို့ အစ္စလာမ့်ပွဲတော် အခမ်းအနားများကိုလည်း ထိုမြို့တွင် စည်းကားသိုက်မြိုက်စွာ ကျင်းပသည်ဟု ပြောကြားခဲ့သည်။

    `နိုင်ငံရေးသမားတွေ၊ ရပ်မိရပ်ဖတွေ၊ မြို့တော်ကာင်စီကလူတွေ၊ ပြည်သူတွေကို ဖိတ်ခဲ့ပြီး သူတို့အားလုံးလည်း လာရောက်ခဲ့ကြပါတယ်။ ပြီးတော့ ဘန်ဒီဂိုမှာ ယဉ်ကျေးမှုမျိုးစုံရှိနေတာကို မြင်ချင်တယ်လို့လည်း သူတို့ ပြောခဲ့ကြပါတယ်´ ဟု ၎င်းက ဆိုသည်။

    အဆိုပါဗလီဝတ်ကျောင်းတော် စတင်ဆောက်လုပ်ရန်အတွက် တရားရုံးဆုံးဖြတ်ချက်ကို စောင့်ဆိုင်းနေပြီး ယခုသီတင်းပတ် အဆုံးပိုင်းတွင် ရရှိမည်ဟု သိရသည်။

    World Bulletin

  • အထင်မြင် လွဲမှားမှုများ ချေဖျက်ရန် ဗလီမှ ဟောပြောမှုများ မည်သူမဆို နားထောင်နိုင်ရန် သြဇီ မွတ်စလင်များ စီစဉ်

    အထင်မြင် လွဲမှားမှုများ ချေဖျက်ရန် ဗလီမှ ဟောပြောမှုများ မည်သူမဆို နားထောင်နိုင်ရန် သြဇီ မွတ်စလင်များ စီစဉ်

    စက်တင်ဘာ ၂၀ ၊ ၂၀၁၄
    M-Media
    AussieMuslims-Open-Mosques,-Defeat-Fear
    – အစ္စလာမ်သာသနာနှင့် ပတ်သက်၍ နိုင်ငံအတွင်း အထင်လွဲမှုများ မြင့်တက်လာနေသည့်အတွက် မိမိတို့ သာသနာအား ပိုမိုနားလည်စေရန်နှင့် အထင်အမြင် လွဲမှားမှုများကို ဖြေရှင်းရန် မည်သူမဆို လာရောက်နားထောင်နိုင်မည့် အစ္စလာမ်အကြောင်း ဟောပြောမှုများကို ကွင်းစ်လန်းရှိ ဗလီဝတ်ကျောင်းတော်များတွင် ပုံမှန် စီစဉ်သွားမည်ဟု သိရသည်။

    “ကွင်းစ်လန်း ဗလီဝတ်ကျောင်းတော်နေ့ကို ကျွန်တော်တို့ ဆောင်ရွက်ချင်ပါတယ်။ အဲဒီနေ့မှာ အစ္စလာမ်နဲ့ ပတ်သက်တဲ့ အချက်အလက်တွေကို တင်ပြသွားမှာဖြစ်ပြီး ရက် အတိအကျကို မကြာခင်ကြေညာသွားပါမယ်” ဟု ကွင်းစ်လန်းရှိ Holland Park နှင့် Logan မွတ်စလင်အဖွဲ့မှ ပြောရေးဆိုခွင့်ရှိသူ အလီကဒ်ရီက Brisbane Times သတင်းစာသို့ ယမန်နေ့တွင် ပြောကြားခဲ့သည်။

    အရှေ့အလယ်ပိုင်းရှိ လူမျိုစုများကြား အာဏာလုပွဲများ အဆက်မပြတ်ဖြစ်ပေါ်နေသည့် ဂယက်ကြောင့် သြစေတြေးလျတွင် အစ္စလာမ်အပေါ် အထင်အမြင် လွဲမှားမှုများမှာလည်း မြင့်တက်လာခဲ့ပြီး ယခုလအစောပိုင်းက လိုဂန်ဒေသရှိ ဗလီဝတ်ကျောင်းတော် အပြင်ဘက်တွင် မွတ်စလင်ဆန့်ကျင်ရေး စာရွက်များကို ကြဲချခဲ့ကြသည်။

    “ပြဿနာက ကျွန်တော်တို့ဟာ အစ္စလာမ်ဘာသာဝင်တွေကို အစ္စလာမ်ရဲ့ စစ်မှန်တဲ့ တရားဓမ္မကို မသင်ပေးဘူးဆိုရင်၊ အစွန်းရောက်တွေကပြောတဲ့ လွဲမှားတဲ့ ပုံစံတွေကို YouTube ကနေ တဆင့် သူတို့ သိရှိသွားပါလိမ့်မယ်။ ဒါ့ကြောင့် လူတွေ ဗလီကိုလာပြီး အစ္စလာမ်ရဲ့ မှန်ကန်တဲ့ အဓိပ္ပါယ်ကို သင်ကြားစေချင်ပါတယ်။ တကယ်လုိ့ ခင်ဗျားဟာ ဆေးပညာကို လေ့လာချင်တယ်ဆိုရင် ဆေးတက္ကသိုလ်ကို သွားရမှာပါ။ ကားဂိုးထောင်ထဲ သွားလို့မရပါဘူး” ဟု အလီကဆိုသည်။

    ထိုအစီအစဉ်နှင့်ပတ်သက်၍ သြစတေးလျဝန်ကြီးချုပ် ကမ်းဘဲလ် နယူးမန်းက ကြိုဆိုခဲ့ပြီး ကွင်းစ်လန်းပြည်သူများကိုလည်း အဆိုပါ အစီစဉ်သို့ သွားရောက်ရန် တိုက်တွန်းခဲ့သည်။ ထို့ပြင် မွတ်စလင်များအား အားပေးသည့်နေဖြင့် သောကြာနေ့တွင်ပြုလုပ်မည့် အဆိုပါအစီအစဉ်သို့ တက်ရောက်မည်ဟု ၎င်းက ကတိပြုခဲ့သည်။

    “ဒီမိုကရေစီနဲ့၊ လူမျိုးဘာသာပေါင်းစုံရှိတဲ့ ကျွန်တော်တို့လူ့အဖွဲ့အစည်းကို ချစ်မြတ်နိုးတဲ့ ကွင်းစ်လန်း ပြည်သူတွေအနေနဲ့ အယူဝါဒကောင်းတစ်ခုရဲ့ လက္ခာပုံရိပ်တွေကို ရှာဖွေဖို့စူးစမ်းဖို့ တိုက်တွန်းပါတယ်” ဟု နယူးမန်းကဆိုသည်။

    IS အဖွဲ့ဝင်များက သြစတေးလျတွင် အကြမ်းဖက်သတ်ဖြတ်မှုများပြုလုပ်မည်ဟု သတင်းများရရှိခဲ့သောကြောင့် ပြီးခဲ့သည့် ရက်ပိုင်းအတွင်းကပင် သြစတေးလျ လုံခြုံရေးတပ်ဖွဲ့ဝင်များက ဆစ်ဒနီနှင့် ဘရစ္စဘိန်းမြို့များတွင် အကြမ်းဖက်တိုက်ဖျက်ရေး စီးနင်းမှုကို ပြုလုပ်ခဲ့ပြီး သံသယရှိသူ ၁၅ ဦးကို ဖမ်းဆီးခဲ့သည်။

    နယူးမန်းကမူ မွတ်စလင်ဆန့်ကျင်ရေး စာရွက်များဖြန့်ဝေမှုကိုဝေဖန်ခဲ့ပြီး ထိုလုပ်ရပ်မှာ မိမိတို့လူ့အဖွဲ့အစည်းကို ပြိုကွဲအောင် ဆောင်ရွက်ခြင်းဖြစ်ကြောင်း၊ မိမိတို့အနေဖြင့် အစ္စလာမ်ဘာသာအား အသုံးချနေသည့် ရာဇ၀တ်ကောင်များနှင့် ပတ်သက်၍သာ စီးနင်းမှုများကို ပြုလုပ်ခြင်းဖြစ်ကြောင်း ထပ်လောင်းပြောကြားခဲ့သည်။

    “ပြဿနာက အစ္စလာမ်ကြောင့်မဟုတ်ပါဘူး။ ပထ၀ီနိုင်ငံရေးကြောင့်၊ ပြီးတော့ လက်ရှိအချိန် ဖြစ်နေတဲ့ နိုင်ငံတကာ ဆက်ဆံရေးကြောင့် ပါပဲ” ဟု အရှေ့အလယ်ပိုင်းဒေသ မတည်ငြိမ်မှုများနှင့် ပတ်သက်၍ အလီက မှတ်ချက်ပြုခဲ့သည်။

    ထို့ပြင် လွန်ခဲ့သည့် နှစ်ပေါင်း ၁၄၀၀ ထဲက ပေါ်ထွက်လာခဲ့သည့် အစ္စလာမ်သာသနာအား ခေတ်ပေါ် အကြမ်းဖက်ဝါဒကိုကြည့်၍ ဆုံးဖြတ်၍ မရကြောင်း၊ အကြမ်းဖက်သူ အရေအတွက်မှာ အနည်းငယ်သာရှိပြီး သန်းထောင်ချီသော အစ္စလာမ်သာသာဝင် အများစုမှာ ကမ္ဘာတစ်ဝှမ်းတွင် ငြိမ်းချမ်းစွာ နေထိုင်ကြကြောင်း ၎င်းက ထည့်သွင်းပြောကြားခဲ့သည်။

  • မွတ်စ်လင်မ် လူ့အဖွဲ့အစည်း အပေါ် အားပေးရေး လှုပ်ရှားမှု ဂျူးနှင့် ခရစ်ယာန် ခေါင်းဆောင်များ ပြုလုပ်

    မွတ်စ်လင်မ် လူ့အဖွဲ့အစည်း အပေါ် အားပေးရေး လှုပ်ရှားမှု ဂျူးနှင့် ခရစ်ယာန် ခေါင်းဆောင်များ ပြုလုပ်

    သြဂုတ် ၂၅ ၊ ၂၀၁၄
    M-Media

    ခွဲခြားဆက်ဆံမှုအား ဆန့်ကျင်ပြီး မွတ်စ်လင်မ် လူ့အဖွဲ့အစည်း အပေါ် အားပေးရေး လှုပ်ရှားမှု  သြစတေးလျ ဂျူးနှင့် ခရစ်ယာန် ခေါင်းဆောင်များ ပြုလုပ်

    0540f78a-017a-46b2-85e1-586ada38d5d9-460x98
    မွတ်စ်လင်မ်လူ့အဖွဲ့အစည်းကို အားပေးရန်အတွက် “မွတ်စ်လင်မ်တုိ့အပေါ် ကျွန်ုပ်တို့၏ နှစ်တစ်ရာ မေတ္တာ” – “We’ll love Muslims 100 years” ဟု ခေါ်တွင်သော ကမ်ပိန်းတစ်ရပ်တွင် မိမိတို့နှင့်အတူ ပူးပေါင်းပါဝင်ရန်အတွက် သြစတေးလျ လူထုအား ခရစ်ယာန်နှင့် ဂျူးခေါင်းဆောင်များက ဖိတ်ခေါ် တိုက်တွန်းလိုက်သည်။

    သြစတေးလျမွတ်စ်လင်မ်များအပေါ် အားပေးထောက်ခံခြင်းကို သောကြာနေ့တွင် နျူးဆောက်ဝေးလ်၊ သြစတေးလျတောင်ပိုင်း နှင့် အနောက်ပိုင်း၌ သြစတေးလျ ခရစ်ယာန်ကျောင်းတော် ဂိုဏ်းအုပ်များဖြစ်သော Brad Chilcott ၊ Tim Costello နှင့် အခြားခေါင်းဆောင်များမှ ကြေညာရန် စီစဉ်ခဲ့သည်။ ယင်းအစီအစဉ်များ၌ က  ပူးပေါင်းပါဝင်သည်။

    ဂျူးဘုန်းတော်ကြီး Zalman Kastel
    ဂျူးဘုန်းတော်ကြီး Zalman Kastel

    (၂၁)ရာစု၏ ကျန်ရှိသောကာလတစ်လျှောက် အစွန်းရောက်အစ္စလာမ်ကို စစ်ဆင်ရန် သြစတေးလျမှ ကြိုတင်ပြင်ဆင်ထားရမည် ဟူသော စစ်ဦးစီးဟောင်း Peter Leahy ၏ မျက်ကန်းအဆိုအား ယင်းခေါင်းစဉ်ဖြင့် တန်ပြန်လိုက်ခြင်းဖြစ်သည်။ ၎င်းသူသည် “ငါတို့နှင့် သူတို့” ဟူသော ခွဲခြားရေးအသုံးအနှုန်းဖြင့် ဖော်ပြခဲ့ပြီး၊ သတ်ဖြတ်ခံရသည့် ခရစ်ယာန်တို့နှင့် ပတ်သက်၍ အသံထုတ်ခဲ့ခြင်းဖြစ်ကာ ယာဇီဒီနှင့် မွတ်စ်လင်မ်များမှာလည်း ပစ်မှတ်ထားခံခဲ့ရကြောင်းကိုမူ အသိအမှတ်မပြုခဲ့ချေ။

    နိုင်ငံတော်အဆင့် နိုင်ငံရေးအချေအတင်ဆွေးနွေးပွဲ၌  အရှေ့အလယ်ပိုင်းမှ အကြမ်းဖက်ဝါဒအပေါ် တုန့်ပြန်ခြင်းဖြင့် မွတ်စ်လင်မ်ခေါင်းဆောင်များက နှုတ်ဆိတ် မနေကြောင်း ပြသခဲ့ပြီးဖြစ်သည်။

    “ဒီလိုပြောဆိုချက်ကြောင့် ဘ၀လမ်းကြောင်းအသီးသီးက မွတ်စ်လင်မ်လူငယ်တွေအနေနဲ့ မိမိတို့ဟာ ခွဲခြားဖယ်ကြဉ်ခံရတယ်လို့ ခံစားနေကြရတယ်။ သူတို့အားလုံးဟာ သြစတေးလျ ရှင်သန်မှုအတွက် (ကျရာနေရာက) အကျိုးပြုနေတဲ့ ကျောင်းသူ/ကျောင်းသားတွေ၊ အင်ဂျင်နီယာတွေ၊ ဆရာဝန်တွေပါ ” ဟု Welcome to Australia ၏ ဒါရိုက်တာချုပ် Chilcott မှ ပြောသည်။

    “ နေ့စဉ်နဲ့အမျှ သြစတေးလျမှာ ဘာသာတရားများ နားလည်မှုလုပ်ငန်းစဉ်တွေ တစ်ပုံတစ်ပင်ရှိနေလင့်ကစား လူမှုရေးမှာရော၊ အထွေထွေကဏ္ဍများမှာပါ ရုန့်ရင်းကြမ်းတမ်းတဲ့အပြောအဆိုတွေ တွေ့နေရမှုအပေါ် ကျွန်တော် စိုးရိမ်မိခဲ့ပါတယ်။ ကျွန်တော်တို့အားလုံးဟာ တစ်လှေတည်းစီး
    တစ်ခရီးတည်း သွားနေသူတွေပါ။ အကျိုးရလဒ်ကတော့ လွန်ခဲ့တဲ့နှစ် အနည်းငယ်အတွင်း အကြမ်းဖက်သမားတွေလို့ ထင်အောင် ဖန်တီးခံရတဲ့ မွတ်စ်လင်မ်တွေ ရှိလာတယ်။ ၉/၁၁ နှောင်းပိုင်းကာလများအတိုင်း သူတို့က ပတ်ဝန်းကျင်ကို တင်ပြနေကြပါတယ်။ယဉ်ကျေးမှုတစ်ခုနားမလည်ပေးနိုင်ခြင်းရဲ့ အဖြေလို့သာ ပြောရပါလိမ့်မယ်။ တကယ်လို့များ ငြိမ်းချမ်းရေးဆိုတဲ့ ရလဒ်ကိုသာ တကယ်ရမယ်ဆိုရင် အဲ့ဒီစကားလုံးကို ကျွန်တော် အသုံးပြုကောင်းပြုမိပါလိမ့်မယ်” ဟု မီဒီယာများ၏ မွတ်စ်လင်မ်ဆန့်ကျင်မှုသွားပုပ်လေလွင့်စကားများအတိုင်း ကျင့်ဆောင်မိမတတ် ဖြစ်သွားကြောင်း Kastel  က ဆိုသည်။ Kastel သည် အယူသည်း ရှေးရိုးစွဲ ဂျူးအသိုင်းအ၀ိုင်းမှ ကြီးပြင်းလာသူဖြစ်ပြီး၊ Together for Humanity Foundation အမည်ရှိ ဘာသာပေါင်းစုံအဖွဲ့အစည်း၏ ဒါရိုက်တာချုပ် ဖြစ်၏။

    ၂၀၀၁ စက်တင်ဘာ ၁၁ ၏ နိမိတ်ဆိုး ဖြစ်လာတော့မယောင် အစိုးရ၏၀ါဒဖြန့်ချက်နှင့် မွတ်စ်လင်မ်လူ့အဖွဲ့အစည်းအား မကောင်းပုံဖော်ချက်များမှာ စည်းလုံးမှုပြိုကွဲခြင်း နှင့် အကြွင်းမဲ့တစ်ယူသန်အစွန်းရောက်ခြင်းဖက်သို့သာ ဦးတည်သွားစေမည့် အခြေအနေတို့ကို ဖန်တီးရာရောက်ကြောင်း Chilcott မှ အောက်ပါကဲ့သို့ ဆိုပါသည်။

    “ခင်ဗျားတို့အနေနဲ့ လူတစ်စုကို အလုပ်လက်မဲ့ဖြစ်လို့၊ အသက်ငယ်လို့၊ မသန်စွမ်းလို့ဖြစ်စေ – အယူဝါဒကွဲပြားနေလို့ဖြစ်စေ ဖယ်ကြဉ်စိမ်းကားခြင်းဟာ အာဏာပိုင်တွေကို ပြည်သူတွေ အယုံကြည်ကင်းမဲ့စေတဲ့ အခြေအနေများကို ဖန်တီးလိုက်တာပါပဲ။ သူတို့ဟာ အလွှာစုံလူ့အသိုင်းအ၀န်းကနေ
    ခွဲထွက်သွားတတ်ပါတယ်။ အထီးကျန်စေခြင်းက အမျက်ဒေါသနဲ့ မတည်ငြိမ်မှုကို ဖြစ်ပေါ်လာစေပါတယ်”။

    မွတ်စ်လင်မ်လူ့အဖွဲ့အစည်းကို အားပေးရပ်တည်ဖို့ လက်မှတ်ထိုးထုတ်ပြန်နိုင်ရေးအတွက် အဆိုပါ ကမ်ပိန်းမှ လှုံ့ဆော်တိုက်တွန်းလျက်ရှိသည်။

    Ref : The Guardian

  • မနက်ဖြန် ဖွင့်လှစ်တော့မည့် သြစတြေးလျနိုင်ငံရဲ့ အစ္စလာမ့် အနုပညာနှင့် သမိုင်းပြတိုက်

    မတ်- ၂၊ ၂၀၁၄
    M-Media
    ဘာသာပြန်ဆိုသူ – ETZ

    islamic-museum-victoria

    သြစတေးလျနိုင်ငံ၏ ပထမဆုံးသော အစ္စလာမ် သမိုင်းပြတိုက်ကို ပြည်တွင်းပြည်ပ မှ လေ့လာလို သူများ အတွက် ၂၀၁၄ မတ်လ ၃ ရက်နေ့တွင် ဖွင့်လှစ်တော့မှာ ဖြစ်ပါသည်။ သြစတေးလျ မွတ်စလင်များ၏ ယဉ်ကျေးမှု၊ အနုပညာ၊ သမိုင်းကြောင်းနှင့် နေစဥ့်ဘဝများကိုလေ့လာနိုင်မှာပါ။

    ၄င်းပြတိုက်သည် မဲလ်ဘုမ်း မြို့၏မြောက် ဘက်တွင်တည်ရှိ ပြီး အပါတ်စဉ် တနင်္လာ နေ့မှ ကြာသာပတေးနေ့ အထိ နံနက် ၁၀ နာရီမှ ညနေ ၄နာရီအထိနှင့် သောကြာနေ့များတွင် နံနက် ၁၀ နာရီမှ ည ၉နာရီ အတွင်း ဝင်ရောက်လေ့လာနိုင်မှာပါ။

    အဆိုပြတိုက်တွင် အဓိက ပြခန်း ၅ ခန်း ပါဝင်ပြီး နိုင်ငံတကာနှင့် ဒေသတွင်း ဆိုင်ရာ ပြခန်းနေရာများ၊ ကော်ဖီဘား၊ ကျောင်းများ အတွက် ပညာရေးဆိုင်ရာ အရင်းအမြစ်များ၊ ဘုံသုံးစင်တာ အကြီးစားနှင့် ရုပ်ရှင်ရုံ အငယ်စား တို့ဖြစ်ကြပါသည်။

    အစ္စလာမ့်သမိုင်းပြတိုက်၏ ရည်ရွယ်ချက်မှာ ယဉ်ကျေးမှုများနှင့် ဘာသာတရားများ အကြား အပြန်အလှန် နားလည်မှုနှင့် သဟဇာတဖြစ်မှုကို အားပေးမြှင့်တင်သွားရန် ဖြစ်ကြောင်း သိရပါသည်။

    အကျိုးအမြတ် အတွက် မရည်ရွယ်သော ထိုပြတိုက်သည် သြစတေးလျနိုင်ငံ၏ ခေတ်အဆက်ဆက် လူမှုအဖွဲ့အစည်း တည်ထောင်မှုနှင့် ယဉ်ကျေးမှု ကဏ္ဍ များတွင် မွတ်စလင်များမှ များစွာ ပါဝင် လုပ်ဆောင်ခဲ့ပုံ ကို မီးမောင်းထိုးပြထားကာ သြစတြေးလျ မွတ်စလင်တို့ ကြွယ်ဝလှသော အနုပညာ ယဉ်ကျေးမှု အမွေအနှစ်များကို မျှဝေနေသော အနုပညာ အိမ်ကြီးဖြစ်ကြောင်း သိရှိရပါသည်။

    အစ္စလာမ် သမိုင်းပြတိုက်ကလည်း သြစတေးလျနိုင်ငံ တွင် အစ္စလာမ်သာသနာ စတင်ရောက်ရှိလာရာမှစပြီး နိုင်ငံ တည်ထောင်ရေး လုပ်ငန်းများတွင်လည်း မွတ်စလင်များ ပါဝင်ခဲ့တယ် ဆိုတာကို သက်သေထူနေတဲ့နေရာပါ”

    အစ္စလာမ့်သမိုင်းပြတိုက်သည် သြစတြေးလျ လူငယ်ဘဏ်လုပ်ငန်းရှင် မွတ်စ်တဖါ ဖာဟ်ဝါ၏ အတွေးအကြံပြီး  သူက “ နိုင်ငံတစ်နိုင်ငံမှာ ပညာရေးဟာ အရေးကြီးတဲ့ ကဏ္ဍမှာ ပါဝင်ပါတယ်။ ဘာသာ တစ်ခုကို နားလည်ဖို့ရာမှာလည်း ပညာရေးက အဓိကကျပါတယ်။ ဒီပြတိုက်မှာ ကျောင်းသား လူငယ်များအတွက် အနုပညာနှင့် ယဉ်ကျေးမှုကိုသာမက ပညာရေးဆိုင်ရာ များကိုပါ တစ်နေရာတည်းမှာ တွေ့မြင်ရမှာဖြစ်ပါတယ်” ဟုပြောပြခဲ့သည်။

    “ဒါ့အပြင် မတူကွဲပြားတဲ့ ယဉ်ကျေးမှု နဲ့ လူ့အသိုင်းအဝိုင်းတစ်ခုလုံးကောင်းစားရေးကို မြှင့်တင်ရန် အတွက် အထိရောက်ဆုံး နည်းလမ်း တစ်ခုကတော့ ကမ္ဘာကြီးရဲ့ ဘုံ ဘာသာ စကားဖြစ်တဲ့ အနုပညာနှင့် ပညာရေးတို့ပါပဲ” ဟု ထပ်လောင်းပြောပြခဲ့သည်။

    “သြစတေးလျနိုင်ငံမှာ အစ္စလာမ်သာသနာကို လေ့လာလိုသူများ အတွက် လွတ်လပ်ပွင့်လင်းစွာ လေ့လာ လို့ရမယ့်နေရာ မရှိသေးပါဘူး။ ဒီပြတိုက်က ကိုးကွယ်ယုံကြည်မှု နှင့်ယဉ်ကျေးမှု ဆိုင်ရာ ဟန်ချက်ညီစေရန်နှင့် နားလည်မှုခိုင်မာစေရန်ရည် ရွယ်ပါတယ်။ ပြတိုက်များက ခေတ်အဆက်ဆက် ယဉ်ကျေးမှုနဲ့ လူနေမှုဘဝတွေ ကို တစ်စုတစည်းတည်း ဖေါ်ပြထားတဲ့နေရာများဖြစ်ပါတယ်။ အစ္စလာမ် သမိုင်းပြတိုက်ကလည်း သြစတေးလျနိုင်ငံ တွင် အစ္စလာမ်သာသနာ စတင်ရောက်ရှိလာရာမှ စပြီး နိုင်ငံ တည်ထောင်ရေး လုပ်ငန်းများတွင်လည်း မွတ်စလင်များ ပါဝင်ခဲ့တယ် ဆိုတာကို သက်သေထူနေတဲ့နေရာပါ” လို့မွတ်စ်တဖါ က ပြောပြသွားသည်။

    ယခုအခါမှာတော့ အစိုးရ၊ လူ့အသိုင်းအဝိုင်း၊ စက်မှုလုပ်ငန်းများ၊ နိုင်ငံတကာနှင့် သြစတြေးလျ အကြီးစားစီးပွားရေး လုပ်ငန်းစုများ၏ ကူညီထောက်ခံမှုဖြင့် မွတ်စ်တဖါ၏  အိပ်မက်မှာ အမှန်တကယ်ဖြစ်တည်လာခဲ့ပါပြီ။

    Ref: faithvictoria.org.au

  • သြစတေးလျမှ ထွန်းတောက်လာသည့် မွတ်စ်လင်မ်ခေါင်းဆောင်အား ဂုဏ်ပြု

    နိုဝင်ဘာ- ၂၂ ၂၀၁၃
    M-Media

    Australia-Honors-Emerging-Muslim-Leader
    ကိုင်ရို(CAIRO)။    ။ ကရ်ှမီးယား(Kashmiri) နွယ်ဖွား သြစတေးလျမွတ်စ်လင်မ်တစ်ဦးသည် ဆစ်ဒနီစီးပွားရေး တက္ကသိုလ်(University of Sydney Business School) တွင် တက်ရောက်ရန်အတွက် ၂၀၁၄ ခုနှစ် MBA Scholarship ပညာသင်ဆုရရှိပြီးနောက်တွင် သြစတေးလျ၏ ထွန်းတောက်လာသော ထိပ်တန်းခေါင်းဆောင် အဖြစ် အသိမှတ်ပြုခံခဲ့ရသည်။

    “ ဒီအချိန်ဟာ ကျွန်တော့်အတွက် အလွန်ကို ဂုဏ်ယူစရာ အချိန်သမယပါ။ ဒီဆုဟာ ကျွန်တော့်နှလုံးသားနဲ့ အသွေးအသားထဲ ရှိနေတဲ့ ဇာတိမြေ ကရ်ှမီးယားအတွက် ဂုဏ်ဆောင်ပေးနိုင်မယ် ထင်ပါတယ်။ ကျွန်တော် သြစတေးလျမှာ နေထိုင်လာတာ ဆယ်စုနှစ်နှစ်ခုပင် ရှိလာသော်ငြား ကျွန်တော့်ဇာတိ အမိမြေ ကရ်ှမီးယားကို တစ်ချက်မှမမေ့ပါဘူး ” ဟု Kashmir Reader သို့ နိုဝင်ဘာလ ၁၉ ရက် အင်္ဂါနေ့တွင် အသက် ၃၄ နှစ်အရွယ်ရှိ အိုမာခန်း(Omar Khan) က ပြောကြားခဲ့သည်။

    ၄င်း ဒေါ်လာ ၆၀,၀၀၀ တန် ဆုအား Australian Financial Review’s BOSS နှင့် ဆစ်ဒနီစီးပွားရေး တက္ကသိုလ်တို့မှ တာဝန်ယူချီးမြှင့်ခဲ့ခြင်းဖြစ်သည်။

    ၄င်းချီးမြှင့်မှုအတွင်း BOSS ၏ ထွန်းတောက်လာသောခေါင်းဆောင်များ ပရိုဂရမ် (BOSS Emerging Leaders Program)၏ အဖွဲ့ဝင်ဖြစ်မှုလည်းပါဝင်သည်။ ထိုပရိုဂရမ်သည် Australian Financial Review ၏ မီဒီယာဆိုင်ရာ သင်တန်းနှင့်တစ်ကွ သြစတေးလျ၏ ထိပ်တန်းခေါင်းဆောင်မှုဆိုင်ရာ ပို့ချသူများက သင်ကြားပေးမည့် ဘွဲ့လွန်အတန်း တစ်ခုဖြစ်သည်။

    ခန်းသည် သြစတေးလျ၏ အဆင့်တန်းအမြင့်ဆုံး ပုဂ္ဂိုလ်အချို့နှင့်အတူ ခေါင်းဆောင်များ ဧည့်ခံပွဲ(Leadership Lunch)သို့ ပါဝင်ရန်လည်း ဖိတ်ကြားခံရသည်။

    ခန်းသည် အစ္စလာမ့် ရင်းနှီးမြှပ်နှံမှုလုပ်ငန်း Crescent Wealth တွင် နည်းဗျူဟာနှင့်ဖွံ့ဖြိုးရေးဆိုင်ရာ ဦးဆောင် ဒါရိုက်တာ တစ်ဦးဖြစ်သည့်အပြင်၊ မိုဘိုင်းလ်ဖုန်းနည်းပညာ ထူထောင်မှုလုပ်ငန်း YoYo Button တွင်လည်း အလုပ်အမှုဆောင် ဒါရိုက်တာ နေရာကိုလည်း ရယူထားသည်။

    သြစတေးလျသို့ အသက် ၁၂ နှစ်အရွယ်က ထွက်ခွာလာခဲ့သော ခန်းသည် ယခုအခါ သြစတေးလျ၌နေထိုင်လာသည်မှာ နှစ်ပေါင်း ၂၀ ကျော် ရှိပြီဖြစ်၏။

    “ ကျွန်တော် အသက် ၁၂ အရွယ်ကစပြီး အထက်တန်းကျောင်းပြီးတဲ့ အထိ ကျွန်တော့်အဖေနဲ့ တစ်ခါမှ မဆုံတွေ့နိုင်ခဲ့ဘူး။ ခက်ခဲကြပ်တည်းမှုနဲ့ ရင်ဆိုင်ရတဲ့အခါတိုင်း သြစတေးလျကို လာရောက်ပြီး စာသင်ယူနိုင်ခဲ့တဲ့ အံ့သြ၀မ်းမြောက်ဖွယ် အခွင့်အလမ်း ရရှိခဲ့ပါလားဆိုပြီး ပြန်ပြောင်းတွေးမြင်ခဲ့လေ့ရှိပါတယ် ”ဟု ခန်းက ဆိုကြောင်း The Australian Financial Review မှ တင်ပြခဲ့သည်။

    သြစတေးလျနိုင်ငံတွင် ခန်းသည် ဒစ်ကင်းတက္ကသိုလ်(Deakin University) နှင့် မဲလ်ဘုန်းတက္ကသိုလ် (University of Melbourne) များတွင် ကုန်သွယ်စီးပွား နှင့် ဥပဒေ ပညာများကို သင်ကြားရယူခဲ့သည်။ ၄င်းနောက် ခန်းသည် သြစတေးလျ ဘဏ္ဍာရေးနှင့် ရင်းနှီးမြှပ်နှံမှုဆိုင်ရာ ဌာနတွင်လည်း တာဝန်ထမ်းဆောင်ခဲ့သည်။
    အရည်အသွေးပြည့်မှီသူ လက်တစ်ဆုပ်စာထဲ ပါဝင်ပြီးနောက် ၂၀၁၁ ခုနှစ်တွင် လူငယ်စွန့်ဦးစီးပွားရေး လုပ်ငန်းရှင် ခန်းသည် အစ္စလာမ့်စီးပွားရေး နည်းလမ်းများနှင့် အညီဆောင်ရွက်သော သြစတေးလျ၏ ပထမဆုံးရင်းနှီးမြှုပ်နှံမှုအဖွဲ့ Crescent Wealth သို့ ၀င်ရောက်ပူးပေါင်းခဲ့သည်။

    ခေါင်းဆောင်မှု၌ ကျွမ်းကျင်ခြင်း
    ——————————
    အလွန်တင်းကြပ်သည့် စည်းမျဉ်များအသုံးပြုထားသည့် ရွေးချယ်ရေးအဖွဲ့သည် နောက်ဆုံးဆန်ကာတင် လူ ၁၁ ဦးအနက် ထူးထူးခြားခြားခေါင်းဆောင်မှု ကျွမ်းကျင်သည့်အတွက် ခန်းအား ရွေးချယ်၍ ဆုချီးမြှင့်ခဲ့ခြင်းဖြစ်သည်။

    “ ဒီသုတေသနပြုစိစစ်ခြင်းက သာမန်ထက်ပညာရည်မြင့်မားတဲ့သူကို ဦးတည်ပြီး ရှာဖွေတာမဟုတ်ဘူး။ ဦးဆောင်မှုအရည်အချင်းစစ်ကို ကိုယ်စားပြုနိုင်တဲ့သူကို ရှာဖွေခြင်းပဲဖြစ်ပါတယ်။ ဒီလူဟာ ဦးဆောင်မှုလုပ်ငန်းစဉ်မှာ မြင့်မြင့်မားမားရည်မှန်းဆုံးဖြတ်ထားသူလို့ ကျွန်တော်တို့ ယုံကြည်တယ်။ ထို့အတူ သူဟာ တိုးတက်မှုဖော်ဆောင်ရေးအတွက် ခံစားချက်အစစ်အမှန်ကို ပြသနိုင်ရပါမယ်။ ဒီအရည်အချင်းတွေက ဒီလိုလူစားတွေကို ခေါင်းဆောင်ကောင်း အဖြစ် ရောက်ရှိစေခဲ့တာပါပဲ ” ဟု စီးပွားရေးတက္ကသိုလ်၊ စီမံခန့်ခွဲမှုပညာရေးဌာန တွဲဖက် ဦးဆောင်သူ (Associate Dean Management Education at the Business School) မှ ပါမောက္ခ ရစ်ချက်ဟောလ် (Richard Hall) က ဆိုသည်။

    စိစစ်ရွေးချယ်မှုအဖွဲ့တွင် ငွေကြေးစီမံခန့်ခွဲရေးဆိုင်ရာ ကျွမ်းကျင်ပညာရှင်များ၊ ဒါရိုက်တာများ နှင့် ဆစ်ဒနီစီးပွားရေး တက္ကသိုလ်မှပါမောက္ခများ အပြင်၊ မွတ်စ်လင်မ်လူငယ်ခေါင်းဆောင်အတွက် အလားလာကောင်းသည့် သက်မွေးဝမ်းမှု လုပ်ငန်းတစ်ခုရရှိရန်မျှော်လင့်ထားသော Australian Financial Review’s BOSS လည်း ပါဝင်ကြောင်း သိရသည်။

    “ မစ္စတာ ခန်းမှာ အခုဆိုယင် နောက်ခံအနေအထားအသီးသီးက အခြားခေါင်းဆောင်လောင်းလျာများနဲ့အတူ ရင်ဘောင်တန်းလျှောက်လှမ်းဖို့ ဘ၀တစ်ဆစ်ချိုးပြောင်းလဲစေမယ့် အခွင့်ရေးတစ်ခုကို ပိုင်ဆိုင်ထားပြီဖြစ်တယ် ” ဟု စီးပွားရေးတက္ကသိုလ်မှ တွဲဖက်ဌာနမှူး ပါမောက္ခ တိုင်ရွန်း ကာလင်း(Tyrone Carlin) က ဆိုသည်။

    “ Emerging Leaders Scholarship ဟာ မျိုးဆက်သစ်ခေါင်းဆောင်များ အတွက် သူတို့ရဲ့ဦးဆောင်မှုအရည်အချင်းကို အထွဋ်အထိပ်ရောက်အောင်မြင့်တင်ပေးမယ့် ရှားပါးအခွင့်အရေးတစ်ခု ဖြစ်ပါတယ် ” ဟု စီးပွားရေးတက္ကသိုလ်မှ တွဲဖက်ဌာနမှူးနောက်တစ်ဦး ပါမောက္ခ ဒေးဗစ် ဂရန့်(David Grant) က ပြောပြခဲ့သည်။

    သြစတေးလျနိုင်ငံအတွင်း မွတ်စ်လင်မ်များ နေထိုင်ခဲ့သည်မှာ နှစ်ပေါင်း ၂၀၀ ကျော်ရိနေပြီး၊ နိုင်ငံ့လူဦးရေသန်း ၂၀ အနက် ၁.၇ ရာခိုင်နှုန်း ပါဝင်သည်။

    ခရစ်ယာန်ဘာသာပြီးလျှင် အစ္စလာမ်သည် နိုင်ငံအတွင်း ဒုတိယအကြီးမားဆုံးဘာသာအဖြစ် ရပ်တည်လျက်ရှိသည်။

    Ref: OnIslam