Tag: Ban Ki-moon

သြဂုတ် ၃၁ ၊ ၂၀၁၆
M-Media
သတင်း-မြတ်သူအောင်
..
၂၁ ရာစု ပင်လုံညီလာခံ တက်ရောက်ရန် ရောက်ရှိနေသည့် ကုလသမဂ္ဂ အတွင်းရေးမှူး ချုပ် ဘန်ကီမွန်းသည် ၊ သာသနာရေးနှင့် ယဉ်ကျေးမှု ပြည်ထောင်စု ဝန်ကြီး သူရ ဦးအောင်ကို၊ ဘာသာပေါင်းစုံမှ ဘာသာရေးခေါင်းဆောင်များနှင့်  သြဂုတ် ၃၁ ရက်နေ့က နေပြည်တော်ရှိ Kempinski ဟိုတယ် တွင် နံနက် ၈ နာရီမှ ၉ နာရီ ထိ တွေ့ဆုံ ဆွေးနွေးနွေးခဲ့ကြပါသည်။
.
ထိုသို့ တွေ့ဆုံရာတွင် ဘာသာတခုကို ၃ မိနစ်ခန့် စကားပြောခွင့်ရခဲ့ကြောင်း သိရသည်။ တွေ့ဆုံ ပွဲသို့ အစ္စလာမ်ဘာသာအဖွဲ့ မှ ၄ ဦး တက်ရောက်ခွင့်ရရှိခဲ့ပြီး အစ္စလာမ်ဘာသာ ကိုယ်စားပြုပြီး မြန်မာနိုင်ငံလုံး ဆိုင်ရာ အစ္စလာမ်ဘာ သာရေးအဖွဲ့ချုပ်နှင့် အဖွဲ့ဝင်၊ ဗဟိုအလုပ်အမှုဆောင်ကော်မတီ၊ ပြည်ထောင်စု သမ္မတ မြန်မာနိုင်ငံတော် အိုလမာအစ္စလာမ်သာသနာ့ ပညာရှင်များ အဖွဲ့ချုပ်ကိုယ်စားလှယ် ဦးကျော်ငြိမ်း မှ အားလုံး ကိုယ်စား စကားပြောကြားခဲ့ကြောင်း သိရသည်။
.
ထိုသို့တင်ပြ ပြောဆိုရာတွင်
.
မြန်မာနိုင်ငံရှိ ဗုဒ္ဓဘာသာဝင်များနှင့် မွတ်စလင်များအကြား သမိုင်းကြောင်းအရ အငြိုးအတေးများမ၇ှိကြောင်း၊ မြန်မာ မွတ်စလင်မ်တွေဟာ အေးချမ်းစွာ ဥပဒေကို လေးစားလိုက်နာသူတွေပဲဖြစ်တယ်။ နိုင်ငံကို အကျိုးပြုတဲ့ ကဏ္ဍတွေမှာ ကြီးမားတဲ့အခန်းကဏ္ဍကနေပါဝင်ခဲ့သူတွေသာဖြစ်ကြောင်း ၊ ပဋိပက္ခတွေ ဖြစ်ခဲ့သမျှမှာ နိုင်ငံအရ သွေးထိုး လှုံဆော်မှုတွေကြောင့် ဖြစ်ခဲ့တာဖြစ်ကြောင်း၊ ၂၀၁၁ ၊ ၂၀၁၂ မွတ်စလင်မ်တွေနဲ့ အမျိုးစုံအောင် လှုံဆော်မှုတွေရှိခဲ့ကြောင်း၊ အဲဒါတွေက အမုန်းတရားတွေကို ဦးတည်စေခဲ့ကြောင်း
.
မြန်မာနိုင်ငံတွင် အစ္စလာမ်ဘာသာဝင်များမှာ နိုင်ငံအနောက်ပိုင်း ကမ်းရိုးတမ်းဒေသတွင်သာ နေထိုင်သည် မဟုတ်ဘဲ၊ နိုင်ငံတစ်ဝှမ်းလုံးတွင် အခြားသော လူ့အဖွဲ့အစည်းများနှင့်အတူ ယှဉ်တွဲနေထိုင်နေကြပြီး အလယ်အလတ်အမြင်ရှိသူများ၊
လူ့အဖွဲ့အစည်းနှင့် လိုက်လျော ညီထွေဖြစ်ကြသူများ ဖြစ်ကြောင်း၊  မြန်မာမွတ်စလင်များကို တရားမ၀င် ခိုးဝင်သူတွေမဟုတ်၊ နိုင်ငံခြားသားများမဟုတ် သစ္စာစောင့်သိသည့် နိုင်ငံသားများအဖြစ်သာ ရှုမြင်သင့်ပါကြောင်း၊
.
၂၀၀၈ ခုနှစ် အခြေခံဥပဒေတွင် ပုဒ်မ ၃၄၇ တွင် မည်သူမဆို ဥပဒေရှေ့မှောက်တွင် တူညီသော ခံစားခွင့်ရှိကြောင်း၊ ဥပဒေအရ တူညီသောကာကွယ်မှုမျိုး ပေးအပ်ရမည်ဟု အာမခံပေးထားကြောင်း၊ သို့သော်လည်း ထိုအခွင့်အရေးနှင့် အကာကွယ်အ
ကွယ်များက စာအုပ်ထဲတွင်သာရှိပြီး လက်တွေ့တွင် သက်ရောက်ခြင်းမရှိကြောင်း။ မိမိတို့ မြန်မာမွတ်စလင်မ်တွေ အဖြစ်က  မြန်မာစကားပုံတစ်ခုဖြစ်သော “တုတ်ဝေတုန်းက ပါခဲ့ပြီး၊ မုန့်ဝေတော့ မပါ” ဆိုသလို ဖြစ်နေကြောင်း ၊
.
မိမိတို့အနေဖြင့် ခွဲခြားဆက်ဆံမှုပုံစံအားလုံးကို မဖြစ်မနေ ကျော်ဖြတ်ရမည်ဖြစ်ပြီး ၊တန်းတူညီမျှ အခွင့်အရေးများ၊ ဒီမိုကရေစီက အာမခံပေးထားသည့် လူ့အခွင့်အရေးများကို ပေးအပ်ရမည်ဖြစ်ကြောင်း ဒါမှ တိုင်းပြည်တိုးတက်မှာ ဖြစ်ကြောင်း၊
.
ဘာသာပေါင်းစုံမှ တရားပြမှုတစ်ခုတည်းဖြင့် ထိုအရာများကို တားဆီးရန် မလုံလောက်ဘဲ၊ ဥပဒေပိုင်းဆိုင်ရာ ကာကွယ်မှု လုပ်ငန်းများ၊ အရေးယူမှုလုပ်ငန်းများကိုလည်း ဆောင်ရွက်သင့်ကြောင်း၊ ဥပဒေစိုးမိုးရေး အဖွဲ့များ၏ လုပ်နိုင်စွမ်းကိုလည်း ခိုင်မာအောင် ဆောင်ရွက်ပေးရမှာဖြစ်ကြောင်း၊
.
မြန်မာမွတ်စလင်များ ကြုံတွေ့နေရသည့် ကြီးမားသည့် ပြဿနာတစ်ခုက နိုင်ငံသားစီစစ်ရေး ပြဿနာဖြစ်ကြောင်း၊ အစ္စလာမ်ဘာသကို ကိုးကွယ်ခြင်းနှင့် ကပြားဖြစ်ခြင်းတို့ကို အကြောင်းပြကာ လူဝင်မှုကြီးကြပ်ရေး တာဝန်ရှိသူများ၊
အာဏာပိုင်များက မိမိ တို့အား နိုင်ငံသား စီစစ်ရေးကဒ်ပြား ထုတ်ပေးရန် ငြင်းဆိုလျက်ရှိကြောင်း၊
.
မွတ်စလင်ကျောင်းသားများ အသက်မွေးဝမ်းကြောင်း တက္ကသိုလ်များ တက်ဖို့ အဆင့်မှီသော်လည်း  နိုင်ငံသားစီစစ်ရေးကဒ်ပြားကို လူဝင်မှုကြီးကြပ်ရေးက ထုတ်မပေးသောကြောင့် တက်ရောက်ခွင့်မရကြောင်း၊  ထိုကဒ်ပြားမရှိခြင်းကြောင့် ဘွဲ့လက်မှတ် မထုတ်ပေးသည့် အဖြစ်အပျက်တစ်ချို့လည်း ရှိနေကြောင်း၊
.
ပဋိပက္ခများ မဖြစ်တော့သော်လည်း အပိတ်ခံထားရသော ဗလီဝတ်ကျောင်းတော်များ၊ ပြန်လည်ဖွင့်လှစ်ရန် တောင်းဆိုမှုများကို အစိုးရက လက်မခံကြောင်း၊
.
ထို့ကြောင့် မြန်မာမွတ်စလင် နိုင်ငံသားများ ရင်ဆိုင်ကြုံတွေ့နေရသော ပြဿနာများကို ထည့်သွင်းစဉ်းစားပေးရန်အတွက် ၊မစ္စတာ ဘန်ကီမွန်း၊ မိမိတို့၏ခေါင်းဆောင်ဖြစ်သော နိုင်ငံတော်၏ အတိုင်ပင်ခံပုဂ္ဂိုလ်၊ ပြည်ထောင်ဝန်ကြီးများအား အလေးအနက်
တိုက်တွန်းလိုက်ပါကြောင်း၊
.
စသည့် အကြောင်းအရာကို တင်ပြ ခဲ့ကြောင်း သိရှိရပါသည်။
.
ကုလသမဂ္ဂ အတွင်းရေးမှူး ချုပ် ဘန်ကီမွန်းက ” ဖြစ်ပေါ်ခဲ့တဲ့ ပဋိပက္ခတွေ ကို ကြားသိရပါကြောင်း၊ ဘာသာတခုရဲ့ အခွင့်အေ၇းကို တခြား ဘာသာတခုက နစ်နာအောင် မပြုသင့်ကြောင်း၊ အချင်းချင်း အပြန်အလှန်လေးစားဖို့လိုအပ်ကြောင်း ၊ဘာသာရေး ခေါင်းဆောင်တွေ ဖြစ်နေတဲ့ အပေါ်မိမိတို့ နောက်လိုက်များကို သြဇာရှိတဲ့ သူဖြစ်တာနှင့်အညီ မြန်မာပြည်ရဲ့ ငြိမ်းချမ်းရေး လုပ်ငန်းစဉ်တွေ အောင်မြင်ဖို့အတွက် ဘာသာရေး ခေါင်းဆောင်တွေမှာလည်း တာဝန်ရှိကြောင်း၊သူ  မြန်မာပြည် လာရောက်ခဲ့သည်မှာ ၅ ကြိမ်ရှိပြီဖြစ်ကြောင်း ၊ နောက် ၄ လဆိုလျင် သူ အနားယူတော့ မှာ ဖြစ်ကြောင်း၊ မြန်မာပြည်ရဲ့ အေ၇းပြသနာ အားလုံး အဆင်ပြေအောင် သူအနေနဲ့ အထူးကြိုးစားခဲ့တယ် ပြောကြားခဲ့ကြောင်း” ဆွေးနွေးပွဲကို တက်ရောက်ခဲ့တဲ့  မြန်မာ- မွတ်စလင် လူငယ်များအဖွဲ့ချုပ် ဥက္ကဋ္ဌ ဦးမြင့်ထွန်းက M-Media ကို ပြောကြားခဲ့ပါသည်။
.
ကုလသမဂ္ဂ အတွင်းရေးမှူး ချုပ် ဘန်ကီမွန်း သည် ဘာသာရေး ကိုယ်စားလှယ်များ၊ ဘာသာပေါင်းစုံ ချစ်ကြည်ေ၇း ကိုယ်စားလှယ်များနှင့်လည်း  တွေ့ဆုံခဲ့ကြောင်းသိရှိရသည်။
.
မစ္စတာ ဘန်ကီမွန်း ၂၁ ရာစုပင်လုံညီလာခံသို့ တက်ရောက်ရန် မြန်မာနိုင်ငံသို့ လာရောက်ခြင်းဖြစ်ပြီး ဘာသာပေါင်းစုံမှ ဘာသာရေးခေါင်းဆောင်များနှင့် တွေ့ဆုံလိုကြောင်း မေတ္တာ ရပ်ခံလာသည့်အတွက် အစိုးရ တာဝန်ရှိသူများမှ စီစဉ်ပေးခဲ့ခြင်းဖြစ်သည်။

သြဂုတ်လ ၂၈ ၊ ၂၀၁၆
.
၂၁ ရာစု ပင်လုံ ညီလာခံသို့ ဧည့်သည်တော်အဖြစ် တက်ရောက်ရန် ကုလ အထွေထွေ အတွင်းရေးမှူးချူပ် မစ္စတာ ဘန်ကီမွန်း ဦးဆောင်သည့် ကိုယ်စားလှယ်အဖွဲ့ သြဂုတ်လ (၃၀-၃၁) တွင် မြန်မာနိုင်ငံသို့ လာရောက်မည့် ဟု သိရှိရသည်။
.
အဆိုပါ ခရီးစဉ်တွင် မစ္စတာ ဘန်ကီမွန်းမှ ဘာသာပေါင်းစုံမှ ဘာသာရေးခေါင်းဆောင်များနှင့် ဘာသာပေါင်းစုံ ချစ်ကြည့်ညီညွှတ်ရေး အဖွဲ့မှ ကိုယ်စားလှယ်များကို တွေ့ဆုံ ဆွေးနွေးလိုကြောင်း မေတ္တာရပ်ခံသဖြင့်  ဘာသာပေါင်းစုံမှ ကိုယ်စားလှယ်များသို့ နိုင်ငံခြားရေး ဝန်ကြီးဌာနမှ ဖိတ်ကြားလျက်ရှိကြောင်း ဖိတ်ကြားခံသည့် မြဝတီ ဆရာတော်၏ လူမှုကွန်ယက်စာမျက်နှာ တွင် ဖော်ပြထားချက်အရ သိရှိရပါသည်။
.
တွေ့ဆုံပွဲကို သြဂုတ်လ ၃၁ ရက်နေ့ တွင် နေပြည်တော် Kempinski Hotel ၌ ပြုလုပ်မည်ဟု သိရသည်။
.
နိုင်ငံခြားရေး ဝန်ကြီးဌာနမှ ဖိတ်ကြားထားသည့် ဘာသာရေး ခေါင်းဆောင်များ မှာ အောက်ပါအတိုင်းဖြစ်သည်။
.
ဗုဒ္ဓဘာသာမှ
————
၁) ဒေါက်တာ အရှင်ဥာဏိဿရ (သီတဂူဆရာတော်)
၂) အရှင် ဆေကိန္န (ဓမ္မဓူတ ဆရာတော်)
၃) ဦးအရိယာ ဘိဝံသ (မြဝတီဆရာတော်)
၎) အရှင် ဥာနိန္ဒ (မစိုးရိမ် တိုက်ဟောင်း မန္တလေး)
၅) ဒေါ်ကေတုမာလာ (Ph.D ဘွဲ့သင်တန်းသား- ဗုဒ္ဓ တက္ကသိုလ် သီရိလင်္ကာ)
၆) ဦးပညာ သီဟ (သီတဂူကျောင်း)
.
ခရစ်ယာန်ဘာသာ
——————–
၁) ဦးစောပတ်ထရစ်လူနီ (ဥက္ကဌ မြန်မာနိုင်ငံခရစ်ယာန်အသင်းတော် ကောင်စီ)
၂) သိက္ခာတော်ရ ဆရာ မန်းပယ်လ်မာစတန် (အထွေထွေ အတွင်းရေးမှူး ၊ မြန်မာနိုင်ငံခရစ်ယာန်အသင်းတော် ကောင်စီ)
၃) ရဟန်းအမတ် ချားလ်စ်ဘို (လက်ထောက်ဆရာတော် – (ရန်ကုန်) ကက်သလစ်အသင်းတော်)
၎) သာသနာပိုင်ချူပ် စတီဖန် သန်းမြင့်ဦး (မြန်မာနိုင်ငံ ခရစ်ယာန် အသင်းတော် (အင်္ဂလီကန်))
၅) သိက္ခာတော်ရ စောဆမ်ဆန်လတ် (တွဲဖက် အထွေထွေ အတွင်းရေးမှူး မြန်မာနိုင်ငံနှစ်ခြင်း ခရစ်ယာန် အဖွဲ့ချူပ်)
.
အစ္စလာမ်ဘာသာ
—————-
၁)- ဦးကျော်ငြိမ်း (ကိုယ်စားလှယ် မြန်မာနိုင်ငံလုံး ဆိုင်ရာ အစ္စလာမ်ဘာသာရေး အဖွဲ့ချူပ်နှင့် အဖွဲ့ဝင်၊ ဗဟိုအလုပ်အမှုဆောင် ကော်မတီ ၊ ပြည်ထောင်စု သမ္မတ မြန်မာနိုင်ငံတော် အစ္စလာမ် အိုလမာသာသနာ့ ပညာရှင်များအဖွဲ့ချူပ်)
၂) ဦးမြင့်ထွန်း (ဥက္ကဌ မြန်မာမွတ်စလင်မ် လူငယ်များအဖွဲ့ချူပ်)
၃) ဦးကိုလေး (ဓမ္မသတ်မှူး)
၎) အလ်ဟဂ်ျဦးအေးလွင်
.
ဟိန္ဒူ ဘာသာ
——————
၁) ဦးမောင်သိန်း (ဥက္ကဌ မြန်မာနိုင်ငံလုံးဆိုင်ရာ ဟိန္ဒူ ဘာသာရေး အဖွဲ့ချူပ်)
၂) ဒေါက်တာလှထွန်း
၃) ဦးဇော်ဝင်း
.
ဂျူးဘာသာ
————-
၁) ဦးဆယ်မီဆယ်မျူရယ် (မန်နေဂျင်းဒါရိုက်တာ)
.
ဘာဟာအီဘာသာ
—————-
၁) ဦးတင်ကြိုင် (ဥက္ကဌ မြန်မာနိုင်ငံလုံးဆိုင်ရာ ဘာဟာအီသာသနာအဖွဲ့ချူပ်)
.
သတင်း- သီဟ (M-Media)

ဗွီအိုအေ မှ ကူးယူဖော်ပြသည်။
.
ကုလသမဂ္ဂ အတွင်းရေးမှူးချုပ် ဘန်ကီမွန်းနဲ့ ဘာသာပေါင်းစုံက ခေါင်းဆောင်တွေ ဒီလကုန် မြန်မာနိုင်ငံမှာ တွေ့ဆုံဖို့ရာ ရန်ကုန်မှာရှိတဲ့ ကုလသမဂ္ဂ ဌာနေကိုယ်စားလှယ်ရုံးက ဖိတ်ကြားထားတယ်လို့ အမေရိကန်ပြည်ထောင်စုမှာ ခေတ္တရောက်ရှိနေတဲ့ ကာဒီနယ် ဘုန်းတော်ကြီး Charles Maung Bo က ဗွီအိုအေ ကို ပြောဆိုလိုက်ပါတယ်။

ဒီလိုတွေ့ဆုံတဲ့အခါ မြန်မာနိုင်ငံမှာ ဖြစ်ပျက်နေတဲ့ ဘာသာရေး၊ လူမျိုးရေးပဋိပက္ခတွေ အပါအ၀င် လူအချင်းချင်းကြား သင့်မြတ်စွာ နေထိုင်နိုင်ရေး ဘာသာရေးခေါင်းဆောင်တွေ အတူတကွ လုပ်ဆောင် နေတဲ့အကြောင်း မစ္စတာ ဘန်ကီမွန်းကို အဓိက တင်ပြသွားဖို့ရှိတယ်လို့လည်း ကာဒီနယ် ဘုန်းတော်ကြီးက ပြောကြားခဲ့ပါတယ်။ အသေးစိတ်ကိုတော့ မနန္ဒာချမ်း က ဆက်ပြောပြပါမယ်။

မြန်မာနိုင်ငံမှာ သြဂုတ်လ ၃၁ ရက်နေ့ကျင်းပမယ့် ၂၁ ရာစု ပင်လုံညီလာခံကို ကုလသမဂ္ဂ အတွင်းရေးမှူးချုပ် ဘန်ကီမွန်း တက်ရောက် လိမ့်မယ်လို့ သတင်းတွေ ထွက်ပေါ်နေချိန်မှာပဲ – ရန်ကုန်အခြေစိုက် ကုလသမဂ္ဂဌာနေကိုယ်စားလှယ်ရုံးကနေ မြန်မာနိုင်ငံမှာရှိတဲ့ ဘာသာပေါင်းစုံက ခေါင်းဆောင်တွေနဲ့ မစ္စတာ ဘန်ကီမွန်း နေပြည်တော်မှာ တွေ့ဆုံဖို့ရာ ဖိတ်ကြားခဲ့တယ်လို့ – ကာဒီနယ်ဘုန်းတော်ကြီး Charles Maung Bo က ပြောဆိုခဲ့တာပါ။ လောလောဆယ် Texas ပြည်နယ် Houston မြို့မှာ ရောက်ရှိနေတဲ့ ကာဒီနယ်ဘုန်းတော်ကြီးအနေနဲ့ ဖိတ်စာကို မနေ့ အင်္ဂါနေ့မနက်ကပဲ အီးမေးလ်နဲ့ ရရှိခဲ့တာဖြစ်တယ်လို့ ဗွီအိုအေကို အခုလို ပြောပြပါတယ်။

“သြဂုတ်လ ၃၁ ရက်နေ့မှာ ယူအန်အတွင်းရေးမှူးချုပ် ဘန်ကီမွန်း လာစရာရှိတယ်ပြောတယ်။ အဲဒါ ဘာသာရေးခေါင်းဆောင်တွေနဲ့ နေပြည်တော်မှာ တွေ့ဖို့အတွက်ဆိုပြီးတော့ သူ ဖိတ်ခေါ်ထားတာရှိတယ်။ ဂျက်နက်ဆိုတဲ့တယောက်လေ ယူအန်ကပဲ အမျိုးသမီးအခွင့်အရေး အဖွဲ့အစည်းကနဲ့တူတယ်။ ယူအန်ကပဲ သူက မနက်ကပဲ ဖိတ်ထားတယ်။ ဖိတ်ခေါ်ပြီးတဲ့နောက်ပေါ့နော် အားလုံး ဗုဒ္ဓဘာသာ၊ မူဆလင်၊ ခရစ်ယာန်၊ ဟိန္ဒူ ခေါ်ပြီးတော့ပေါ့နော် သူတို့ အခြေအနေလေး ဘာလေး ဆွေးနွေးမေးချင်တယ်၊ နောက်ပြီးတော့ ဘယ်လို ကူညီပေးနိုင်မလဲ၊ သူတို့ပြောမှာကတော့ ဘာသာရေးခေါင်းဆောင် များအနေနဲ့ ကချင်ပြည်နယ်မှာဆိုရင် ဘယ်လိုလုပ်ပြီးတော့ ၀ိုင်းဝန်းအားပေးနိုင်ကြမလဲဆိုတာ ပြောမယ်ထင်တယ်၊ နောက်ပြီးတော့ ရခိုင်ပြည်နယ်မှာရှိ တဲ့ ဘင်္ဂလားဒေ့ရ်ှက ပုဂ္ဂိုလ်တွေနဲ့ နိုင်ငံရေး၊ ဘာသာရေးဘက်မှာ ဘယ်လို အေးအေးဆေးဆေး နေနိုင်မလဲ ဆိုတဲ့ဟာတွေလည်း မေးမယ့် ဆွေးနွေးမယ့် ပုံစံပါပဲ။ ဆရာတော်အနေနဲ့ကတော့ သြဂုတ်လ ၃၁ ရက်နေ့အမီ မသွားနိုင်တော့ဘူးပေါ့။”

မေး – ဆရာတော့်အစားရော ဘယ်သူသွားဖို့ရှိမလဲ။

ဖြေ – “သူတို့အနေနဲ့ ခွင့်ပြုတယ်၊ လက်ခံတယ်ဆိုရင် ကိုယ်စားလှယ်တပါး လွှတ်လိုက်မယ်လို့ စဉ်းစားထားတယ်။”

မေး – ဆရာတော်တို့ဘက်ကရော ဘယ်သူ့ကို လွှတ်ဖို့ ရွေးပြီးပြီလား။

ဖြေ – “ကိုယ်စားလှယ် သူတို့ဘက်က လက်ခံတယ်ဆိုရင် ဘာသာရေးပေါင်းစုံ ဦးဆောင်နေတဲ့ Father ဂျိုးဇက်မောင်ဝေးကို ကိုယ်စားလှယ်အနေနဲ့ လွှတ်မယ်လို့ စဉ်းစားထားတာပေါ့နော်။”

တကယ်လို့ ဆရာတော့် ကိုယ်စားပေါ့လေ Father ဂျိုးဇက် သွားတက်ခွင့်ရခဲ့မယ်ဆိုရင် ဘယ်လိုအကြောင်းအရာမျိုးကို အဓိကထား ပြောမလဲ။

ဖြေ – “အဓိကကတော့ မြန်မာနိုင်ငံမှာ လက်ရှိပေါ့နော် ဘာသာပေါင်းစုံ ခေါင်းဆောင်တွေ၊ အထူးသဖြင့် ဘာသာရေးခေါင်းဆောင်တွေ အတတ်နိုင်ဆုံး လက်တွဲ လုပ်ဆောင်နေကြတယ်ဆိုတာနဲ့ နောက်တခုက Religious for Peace ဆိုပြီးတော့ နိုင်ငံတကာအဖွဲ့အစည်းထဲမှာလည်း ပါဝင်နေတဲ့အတွက် ကြောင့် သူတို့အနေနဲ့ ဘယ်လိုလုပ်ပြီးတော့ ၀ိုင်းဝန်းကူညီပေးနိုင်မလဲဆိုတဲ့ဟာပေါ့နော် ၀ိုင်းဝန်းပြောဆိုပေးဖို့ရာအတွက် အဓိက ဖြစ်ပါတယ်။”

ကာဒီနယ်ဘုန်းတော်ကြီး Charles Maung Bo ဟာ သြဂုတ်လလယ်မှာ ကနေဒါ၊ အမေရိကန်ပြည်ထောင်စုနဲ့ မက်ဆီကို ၃ နိုင်ငံခရီး ထွက်ခွာလာတာ ဖြစ်ပြီး၊ ကနေဒါခရီးစဉ်အတွင်း – အစိုးရတာဝန်ရှိသူတွေ၊ လွှတ်တော်အမတ်တွေနဲ့ တွေ့ဆုံစဉ် မြန်မာနိုင်ငံရဲ့ လက်ရှိ ငြိမ်းချမ်းရေးလုပ်ငန်းစဉ်တွေကို ဆက်လက် အားပေးကူညီသွားဖို့၊ ပြုပြင်ပြောင်းလဲရေးလုပ်ဆောင်နေစဉ် အစိုးရသစ်အပေါ် ဖိအားပေးဝေဖန်တာမျိုးတွေကိုလည်း သိပ်ပြီး မလုပ်ဆောင် ကြဖို့တွေကို ပြောကြားခဲ့တယ်လို့ ကာဒီနယ်ဘုန်းတော်ကြီးက ဆိုပါတယ်။ မကြာသေးခင် နာရီပိုင်းကတော့ Texas ပြည်နယ် Houston မြို့မှာ မြန်မာမိသားစုတွေနဲ့ ကာဒီနယ်ဘုန်းတော်ကြီး တွေ့ဆုံခဲ့ပြီး ဆုတောင်းပွဲ ကျင်းပခဲ့ပါတယ်။ အမေရိကန်ဒေသစံတော်ချိန် ဗုဒ္ဓဟူးနေ့မနက်ကျရင်တော့ မက်ဆီကိုနိုင်ငံကို ခေတ္တ သွားရောက်လည်ပတ်မှာဖြစ်ပြီး၊ စက်တင်ဘာ ၂ ရက်နေ့မှာ အမေရိကန်ပြည်ထောင်စုကနေ မြန်မာနိုင်ငံကို ပြန်လည် ထွက်ခွာမှာလည်း ဖြစ်ပါတယ်။

သက်တော် ၆၈ နှစ်ရှိပြီဖြစ်တဲ့ ကာဒီနယ်ဘုန်းတော်ကြီး Charles Maung Bo ဟာ ရန်ကုန် ရိုမန်ကက်သလစ် ဂိုဏ်းချုပ်ကြီးအဖြစ် ၂၀၀၃ ခုနှစ်ကနေ တာဝန်ထမ်းဆောင်ခဲ့ရာက ၂၀၁၅ ခုနှစ်မှာ ပုပ်ရဟန်းမင်းကြီး Francis က သူ့ကို ရဟန်းမင်းကြီး အမတ် လို့ခေါ်တဲ့ ကာဒီနယ်အဖြစ် ရွေးချယ် တင်မြှောက်ခဲ့တာ ဖြစ်ပါတယ်။ ကာဒီနယ် ဘုန်းတော်ကြီးတွေဟာ ရိုမန်ကက်သလစ် ဘာသာအတွင်း ပုပ်ရဟန်းမင်းကြီးပြီးရင် အာဏာရှိတဲ့သူတွေ ဖြစ်ပြီး၊ ပုပ်ရဟန်းမင်းကြီးကို ရွေးချယ်ရာမှာလည်း မဲပေးနိုင်တဲ့ ပုဂ္ဂိုလ်တွေ ဖြစ်ကြပါတယ်ရှင်။

http://burmese.voanews.com/a/ban-ki-moon-meets-religious-leaders/3478473.html?nocache=1