Tag: Bangladesh

ဖေဖော်၀ါရီ ၂၈၊ ၂၀၂၃

M-Media 

-ဘင်္ဂလားဒေ့ရှ်နိုင်ငံသားတွေ တစ်ခြားနိုင်ငံသားခံယူခွင့်ရမယ့် နိုင်ငံတွေစာရင်းမှာ အစိုးရက နောက်ထပ် ၄၄ နိုင်ငံ ထပ်တိုးလိုက်ပါတယ်။ 

ဘင်္ဂလားဒေ့ရှ်နိုင်ငံသားတွေဟာ မိခင်နိုင်ငံရဲ့ နိုင်ငံသားဖြစ်မှုကို စွန့်လွှတ်စရာမလိုဘဲ နောက်ထပ်နိုင်ငံတစ်ခုရဲ့ နိုင်ငံသားအဖြစ် ခံယူခွင့်ရှိမှာဖြစ်ပြီး ဒီစာရင်းမှာ စုစုပေါင်း ၁၀၁ နိုင်ငံ ရှိလာပြီ ဖြစ်ပါတယ်။ 

အခုထပ်ပေါင်းလိုက်တဲ့ ၄၄ နိုင်ငံစာရင်းမှာ အာဖရိက ၁၉ နိုင်ငံ၊ တောင်အမေရိက ၁၂ နိုင်ငံ၊ ကာရစ်ဘီယံကျွန်းနဲ့ သမုဒ္ဒရာပိုင်းဒေသက စုစုပေါင်း ၁၂ နိုင်ငံ ပါ၀င်ပါတယ်။ 

အီဂျစ်၊ တောင်အာဖရိက၊ ကင်ညာ၊ အလ်ဂျီးရီးယား၊ ဆူဒန်၊ ဘရာဇီလ်း၊ ဘိုလစ်ဗီးယား၊ အာဂျင်တီးနား၊ ပီရူး၊ ချီလီ၊ ကျူးဘား၊ ထရီနီဒတ်နှင့် တိုဘေဂို၊ ဘာဘေဒိုးစ်နဲ့ ဖီဂျီနိုငံတွေ စာရင်းထဲမှာ ပါ၀င်လာပါတယ်။ 

ထပ်တိုးစာရင်းကို ပြည်ထဲရေး၀န်ကြီးဌာနရဲ့ လုံခြုံရေးဌာနခွဲက အဆိုပြုတာဖြစ်ပြီး အစိုးရက တနင်္လာနေ့မှာ အတည်ပြုခဲ့တာ ဖြစ်ပါတယ်။ 

ဘင်္ဂလားဒေ့ရှ်နွယ်ဖွားဖြစ်ပြီး တစ်ခြားနိုင်ငံသား ခံယူထားသူတွေ ဘင်္ဂလားဒေ့ရှ်နိုင်ငံသားအဖြစ် ပြန်လည်လျှောက်ထားမှုကိုလည်း အခြေအနေတစ်ခုချင်းစီအပေါ်လိုက်ကာ လက်ခံပေးတယ်လို့ အစိုးရရဲ့ ထုတ်ပြန်ချက်မှာ ဖော်ပြထားပါတယ်။ 

Ref: Newsonair

ဇန်န၀ါရီ ၃၁၊ ၂၀၂၃

M-Media 

– ဘင်္ဂလားဒေ့ရှ်က လျှောက်ထားတဲ့ ချေးငွေ ကန်ဒေါ်လာ ၄.၇ ဘီလီယံကို ခွင့်ပြုကြောင်း နိုင်ငံတကာ ငွေကြေးရန်ပုံငွေအဖွဲ့ IMF က တနင်္လာနေ့မှာ ထုတ်ပြန်ကြေငြာပါတယ်။ 

ဒါဟာ ငွေကြေးဖောင်းပွမှု၊ စီးပွားရေးကျဆင်းမှုတွေနဲ့ ရင်ဆိုင်နေရတဲ့ ဘင်္ဂလားဒေ့ရှ်အတွက် အသက်ရှူချောင်စေမှာ ဖြစ်ပါတယ်။ 

ချေးငွေ ၄.၇ ဘီလီယံမှာ ၃.၃ ဘီလီယံက ကြွေးမြီနဲ့သက်ဆိုင်တဲ့ ကိစ္စရပ်တွေမှာ အသုံးပြုရမှာဖြစ်ပြီး၊ ၁.၄ ဘီလီယံက ရာသီဥတုပြောင်းလဲမှုနဲ့ ပတ်သက်တဲ့ ကာကွယ်ရေးလုပ်ငန်းတွေမှာ အသုံးပြုရမှာ ဖြစ်ပါတယ်။ 

IMF ရဲ့ ထုတ်ပြန်ချက်မှာ ချေးငွေဟာ ၄၂ လ သက်တမ်းရှိမှာဖြစ်ပြီး ဘင်္ဂလားဒေ့ရှ်စီးပွားရေးတည်ငြိမ်ဖို့၊ ဘေးအန္တရာယ် ခံစားရလွယ်သူတွေကို ကာကွယ်ဖို့၊ ရာသီဥတုဖောက်ပြန်မှု ကာကွယ်ရေး အစီအမံတွေကို ပိုမိုအားကောင်းစေဖို့ အထောက်အကူဖြစ်လိမ့်မယ်လို့ ဖော်ပြထားပါတယ်။ 

နိုင်ငံရဲ့ ဘဏ္ဍာရေးအခြေအနေကို အားကောင်းစေမယ့် ဖွံဖြိုးတိုးတက်ရေးလုပ်ငန်းတွေကို ဒီချေငွေးနဲ့ လုပ်ဆောင်ကာ ပြုပြင်ပြောင်းလဲရေးတွေ ဖော်ဆောင်ဖို့လည်း IMF က တိုက်တွန်ထားပါတယ်။ 

ဘင်္ဂလားဒေ့ရှ်ဟာ တောင်အာရှ်မှာ စီးပွားရေးတိုးတက်မှု အလျင်မြန်ဆုံး တိုင်းပြည်ဖြစ် သတ်မှတ်ခံထားရပြီး တစ်ဦးချင်း GDP မှာ အိမ်နီးချင်း အိန္ဒိယနဲ့ ပါကစ္စတန်တို့ကို ကျော်တက်သွားပြီ ဖြစ်ပါတယ်။ 

Ref: Reuters 

သြဂုတ် ၃၀၊ ၂၀၂၂
M-Media

-ဗီယက်နမ်၊ အိန္ဒိယ၊ မြန်မာနဲ့ ရုရှားတို့ကနေ ဆန်နဲ့ ဂျုံတန်ချိန် သိန်းချီ တင်သွင်းဖို့ ဘင်္လားဒေ့ရှ်က စီစဥ်နေပါတယ်။

တိုင်းပြည်မှာရှိနေတဲ့ အရန်ဆန်ပမာဏကို ဖြည့်တင်းဖို့နဲ့ ဆန်စျေးတက်မှုကို ထိန်းချုပ်ဖို့ ရည်ရွယ်တာ ဖြစ်ပါတယ်။

မြန်မာကနေ ဆန်တန်ချိန် ၂ သိန်း တင်သွင်းမှာဖြစ်ပြီး စစ်ကောင်စီ တာ၀န်ရှိသူတွေနဲ့ မနေ့က တွေ့ဆုံ သဘောတူညီချက် ရယူခဲ့ပါတယ်။ ဗီယက်နမ်ကနေ တန်ချိန် ၂ သိန်း ၃ သောင်း၊ အန္ဒိယကနေ တန်ချိန် ၁ သိန်း ၀ယ်ယူဖို့ သဘောတူညီချက်လည်း ရတော့မှာ ဖြစ်ပါတယ်။

လက်ရှိ ဘင်္လားဒေ့ရှ်မှာ ဆန်စျေးကြီးမြင့်နေပြီး ၀န်ကြီးချုပ် ရှိခ်ဟာဆီနာအစိုးရက ဆန်တွေကို စျေးချိုချိုနဲ့ ရောင်းပေးဖို့ စီစဥ်နေပါတယ်။

အခုတင်သွင်းမယ့်ဆန်ကို နိုင်ငံတစ်၀ှမ်း စျေးတစ်မျိုးတည်းနဲ့ ဘင်္လားဒေ့ရှ်အစိုးရက ရောင်းမှာပါ။ ရုရှားထံကနေ ဂျုံတန်ချိန် ၅ သိန်း ၀ယ်ယူမှာဖြစ်ပြီး ဒါကိုလည်း စျေးသက်သက်သာသာနဲ့ ပြန်ရောင်းပေးမှာ ဖြစ်ပါတယ်။

Ref: Arab News

သြဂုတ် ၁၉၊ ၂၀၂၂
M-Media

-နိုင်ငံအတွင်းက ဟိန္ဒူဘာသာ၀င်တိုင်းဟာ သူရတဲ့အခွင့်အရေးမျိုး တန်းတူ ရရှိခံစားရမယ်လို့ ဘင်္ဂလားဒေ့ရှ်၀န်ကြီးချုပ် ရှိခ်ဟာဆီနာက ပြောကြားလိုက်ပြီး အားငယ်ဖို့လည်း အားပေးခဲ့ပါတယ်။

ဟိန္ဒူဘာသာ၀င်တွေရဲ့ မနေ့ကကျရောက်တဲ့ Durga Puja ပွဲတော်ကို ရှိခ်ဟာဆီနာဟာ အွန်လိုင်းကနေ ပါ၀င်ပြီး မိန့်ခွန်းပြောကြားခဲ့တာ ဖြစ်ပါတယ်။

“ဘာသာ၀င်တိုင်းအားလုံး တန်းတူအခွင့်အရေးရတာမျိုးပဲ ဖြစ်ရမယ်။ ဟိန္ဒူတွေအားလုံးဟာ ဒီနိုင်ငံရဲ့ နိုင်ငံသူ၊ နိုင်ငံသားတွေဖြစ်တယ်။ ကျွန်မနဲ့ ရှင်တို့အားလုံးရဲ့ အခွင့်အရေးဟာ တန်းတူပါပဲ။ ဘင်္ဂလားဒေ့ရှ်နိုင်ငံသား ဖြစ်တဲ့အတွက် အခြားလူတွေအားလုံနဲ့ တန်းတူအခွင့်အရေး ခံစားခွင့်ရှိတယ်ဆိုတာမျိုး ရှင်တို့ကိုယ်တိုင်လည်း မှတ်ယူထားရပါမယ်”

အိမ်နီးချင်း အိန္ဒိယနိုင်ငံမှာ အာဏာရ ဟိန္ဒူအမျိုးသားရေးပါတီရဲ့ လှုံ့ဆော်မှုကြောင့် အစ္စလာမ်ဘာသာ၀င်တွေအပေါ် ရန်လိုမှု၊ တိုက်ခိုက်မှုတွေ မြင့်တက်လာတာဟာ ဆယ်စုနှစ်တစ်ခုနီးပါ ရှိနေပြီ ဖြစ်ပါတယ်။

အစ္စလာမ်ဘာသာ၀င်အများစုရှိတဲ့ ဘင်္ဂလားဒေ့ရှ်နိုင်ငံမှာ အိန္ဒိယက ဟိန္ဒူအမျိုးရေးအဖွဲ့တွေရဲ့ လုပ်ရပ်ကို ဆန့်ကျင်တဲ့ ဆန္ဒပြမှုတွေ အကြီးအကျယ် ဖြစ်ပေါ်ခဲ့ပါတယ်။

ဟိန္ဒူတွေအနေနဲ့ အားမငယ်ဖို့လည်း ၀န်ကြီးချုပ် ရှိခ်ဟာဆီနာက အားပေး တိုက်တွန်းခဲ့ပါတယ်။

“ကိုယ့်ကိုယ်ကို အားမငယ်နဲ့ စိတ်ဓာတ်မကျနဲ့။ ဒီနိုင်ငံမှာမွေးတဲ့ ရှင်တို့အားလုံးဟာ ဒီနိုင်ငံသားတွေပါပဲ”

မိမိတို့အစိုးရကလည်း နိုင်ငံအတွင်းက ဘယ်ဘာသာတရားကိုမှ အထင်အမြင်သေးမှု မရှိဘူးလို့လည်း ရှိခ်ဟာဆီနာက ထည့်သွင်းပြောဆိုခဲ့ပါတယ်။

Ref: Indian Express