News @ M-Media

Tag: BBS

  • သိရိလင်္ကာတွင် ဘုန်းကြီးများ ဦးဆောင် အကြမ်းဖက်မှုကြောင့် မွတ်စလင် ၃ ဦး သေဆုံး အများအပြား ဒဏ်ရာရ

    ဇွန်လ ၁၆ ရက် ၊ ၂၀၁၄
    M-Media
    _75544335_mayday129
    – သီရိလင်္ကာနိုင်ငံတွင် ဆင်ဟာလာ ဗုဒ္ဓဘာသာ ဘုန်းကြီးများ ဦးဆောင်သည့် လူအုပ်မှ အကြမ်းဖက် တိုက်ခိုက်မှုများကြောင့် အစ္စလာမ်ဘာသာဝင် အနည်းဆုံး ၃ ဦးသေဆုံးခဲ့ကာ နေအိမ်များ ဆိုင်ခန်းများလည်း ဖျက်ဆီးခံခဲ့ရသည်ဟု သိရသည်။

    နိုင်ငံ၏ ထင်ရှားသော အပန်းဖြေ ကမ်းခြေမြို့များဖြစ်သည့် အလူသ်ဂါမာနှင့် ဘီရူဝါလာမြို့တို့တွင် ယနေ့နံနက်ပိုင်းက ဖြစ်ပွားခဲ့ခြင်းဖြစ်ပြီး အကြမ်းဖက်သမားများမှာ ဗလီဝတ်ကျောင်းတော်များနှင့် အစ္စလာမ်ဘာသာဝင်များ၏ နေအိမ်များ၊ ဆိုင်ခန်းများကို မီးရှို့ ဖျက်ဆီးခဲ့ကြသည်။

    ထိုအကြမ်းဖက်တိုက်ခိုက်မှုမှာ လသူဂါနာမြို့ကိုလည်း ပြန့်နှံ့သွားခဲ့ပြီး ထိုဒေသများတွင် ရဲတပ်ဖွဲ့က မျက်ရည်ယိုဗုံးများ အသုံးပြုကာ လူစုခွဲခဲ့ပြီး ကာဖျူးအမိန့်လည်း ထုတ်ပြန်ထားသည်။ အဆိုပါ အကြမ်းဖက်မှုများကြောင့် ဒဏ်ရာရသူမှာ ၈၀ ကျော်ရှိသည်။

    သီရိလင်္ကာ မွတ်စလင်ကောင်စီမှ ပြောရေးဆိုခွင့်ရှိသူ ဟီလ်မီ အဟ်မဒ်ကမူ လက်ရှိတွင် အခြေအနေမှာ ပိုတည်ငြိမ်လာသော်လည်း ဖျက်ဆီးခံရမှုမှာ များပြားပြီး အလူသ်ဂါမာတွင် အစ္စလာမ်ဘာသာဝင်အိမ် ၄၀ ခန့်၊ ဆိုင်ခန်း အနည်းဆုံး ၉ ဆိုင်နှင့် ဗလီဝင်ကျောင်းတော်များ ဖျက်ဆီးခံရသည်ဟု ဆိုသည်။

    အစွန်းရောက် ဗုဒ္ဓဘာသာအဖွဲ့ဖြစ်သည့်  Bodu Bala Sena (BBS) အဖွဲ့ဝင်များက အစ္စလာမ်ဘာသာဝင်အများစုရှိရာ ထိုဒေသများသို့ ယမန်နေ့ ညနေပိုင်းက သွားရောက်ခဲ့ပြီးနောက် ယခုကဲ့သို့ တိုက်ခိုက်မှုများ ဖြစ်ပွားခဲ့ရခြင်းဖြစ်သည်ဟု ရဲတပ်ဖွဲ့ ပြောရေးဆိုခွင့် ရှိသူက ပြောကြားခဲ့သည်။

    တရားရေးဝန်ကြီး ရာအုဖ် ဟကင်မ်ကမူ မွတ်စလင်လူနည်းစုအား BBS အဖွဲ့မှ တိုက်ခိုက်နေခြင်းကို  အစိုးရက ဟန့်တားနိုင်ခြင်းမရှိဟု ဝေဖန်ခဲ့သည်။ ထိုအဖွဲ့မှာ မွတ်စလင်ဆန့်ကျင်ရေးလုပ်ငန်းများကို လွန်ခဲ့သည့် နှစ်အနည်းငယ်ကတည်းက လုပ်ဆောင်နေခဲ့သည်။

    ဒုတိယ၀န်ကြီးတစ်ဦးဖြစ်သူ ဖိုင်ဆာ မွတ်စတာဖာမှာလည်း နေအိမ်စွန့်ခွာထွက်ပြေးနေရသည့် အစ္စလာမ်ဘာသာဝင်များနှင့်အတူ စာသင်ကျောင်းတစ်ခုအတွင်း ပုန်းအောင်းနေရပြီး ကွန်မန်ဒိုများက သွားရောက်ကယ်တင်ခဲ့ရသည်။

    “အချို့ ဗုဒ္ဓဘာသာဝင်တွေဟာ မွတ်စလင်တွေကို တမင်တကာ ပစ်မှတ်ထား တိုက်ခိုက်နေကြပါတယ်။ ဒါပေမယ့် ရဲတွေကတော့ လူနည်းစုတွေကို မကာကွယ်ပါဘူး” ဟု မွတ်စလင်ကောင်စီမှ အဟ်မဒ်က ပြောကြားခဲ့သည်။

    ထိုဒေသများတွင် ကာဖျူးအမိန့် ထုတ်ထားသော်လည်း  BBS အဖွဲ့ဝင်များမှာ အစ္စလာမ်ဘာသာဝင်များကို ဆက်လက်တိုက်ခိုက်နေဆဲဟု အဟ်မဒ်က ထည့်သွင်းပြောကြားခဲ့သည်။

    Ref: Al Jazeera and agencies

  • လမ်းချော်နေတဲ့ မ,သူတော်တို့ရဲ့ မဟာမိတ်

    ဧပြီ ၁၈၊ ၂၀၁၄
    M-Media
    ဘာသာပြန်ဆိုသူ-O’Laie Manzu
    Gnanasara-and-Wirathu
    ဗုဒ္ဓမြတ်စွာဘုရားလို့ ထင်ပေါ်လာခဲ့တဲ့ သိဒ္ဓတ္ထ ဂေါတမ မြတ်စွာဘုရားဟာ လွန်ခဲ့တဲ့ နှစ် ၂၅၀၀ ခန့်လောက်က နီပေါ နိုင်ငံမှာ ဖွားမြင်ခဲ့တာပါ။ ဘဝအကြောင်း နားလည်သဘောပေါက်ပြီး ပွင့်လင်းဖြောင့်မှတ်တဲ့ သဗ္ဗညုတ ညဏ်တော် ကို ရရှိခဲ့တဲ့ ဘုရားရှင်လည်းဖြစ်ပါတယ်။ တချိန်က သဗ္ဗေညုတ ညဏ်တော် ရရှိစေဖို့အတွက် ညောင်ပင်ရင်းမှာ ရက်ပေါင်း ၄၀ နေရောညပါ သီတင်းသုံး ကျင့်ကြံအား ထုတ်တော်မူခဲ့ပြီ လောဘ၊ ဒေါသ၊ မောဟ တို့ကနေ လွတ်မြောက်ခဲ့တယ်။ ညဏ်အမြော်အမြင်၊ ဂရုဏာတရား၊ ခွင့်လွတ်သီးခံမှုနဲ့ လွတ်လွတ်လပ်မှုတွေကို တိုးပွားခဲ့တယ်။ သက်တော်ထင်ရှားရှိခဲ့စဉ် ကျန်ရှိတဲ့ ဘုရားရှင်ရဲ့ (၄၅) ဝါ ကာလပတ်လုံး တရားဓမ္မတွေဟောပြောတော်မူခဲ့တယ်။

    ကံမကောင်း အကြောင်းမလှစွာနဲ့ဘဲ ရာစုနှစ်ပေါင်းများစွာ ကြာမြင့်လာတဲ့အခါမှာ တချို့သော ဗုဒ္ဓမြတ်စွာ ဘုရားရဲ့ နောက်လိုက်တွေ၊ ဒါမှမဟုတ် တချို့သော ဗုဒ္ဓဘာသာဝင်တွေဟာ ဗုဒ္ဓမြတ်စွာဘုရားသွန်သင်ပေးခဲ့တဲ့ တရားဓမ္မတွေဆီက သွေဖီလာခဲ့ကြတယ်။ သူတို့တွေဟာ မကောင်းမှုတွေနဲ့ အကြမ်းဖက်မှုတွေ ဖိတ်ခေါ်သူတွေဖြစ် လာတယ်။ လက်ရှိမှာတော့ ဗုဒ္ဓမြတ်စွာဘုရားရဲ့ သွန်သင်မှုတွေကို လိုက်နာကျင့်သုံးဆဲဖြစ်တဲ့ အခြားသော အုပ်စုတွေကနေ အုပ်စု နှစ်စု ကွဲထွက်လာခဲ့ပါတယ်။

    တစ်စုကတော့ မြန်မာနိုင်ငံက ထောင်ပေါင်းများစွာသော ရိုဟင်ဂျာ မွတ်စလင်တွေကို နိုင်ထက် စီးနင်းလုပ်ပြီး သွေးစာစာနဲ့ သတ်ဖြတ်နေကြတဲ့ အရှင်ဝီရသူ တို့ရဲ့ ဗုဒ္ဓဘာသာဝင်အုပ်စု တစ်စုဘဲ ဖြစ်တယ်။ နိုင်ငံရေး အရ ရိုဟင်ဂျာတွေ ပြောင်းရွှေ့ခြင်းခံရတဲ့အထိ ဖြစ်လာတာတောင် ၁၉၉၁ ခုနှစ်မှာ ငြိမ်းချမ်းရေး နိုဘလ်ဆုကို ဆွတ်ခူးရရှိခဲ့တဲ့ မြန်မာ့ အတိုက်အခံခေါင်းဆောင် ဒေါ်အောင်ဆန်းစုကြည်တောင်မှ သူတို့ရဲ့လုပ်ရဲ့တွေအပေါ် မတုန့်ပြန်ရဲလောက်အောင် ပါဘဲ။ မြန်မာနိုင်ငံမှာနေထိုင်ကြတဲ့ မွတ်စလင်ထုကြီး တစ်ရပ်လုံးကို နိုင်နှင်းဖို့ကြိုးစားနေတဲ့ ဗုဒ္ဓဘာသာ အကြမ်းဖက်အုပ်စုကြီး အပေါ် ဒေါ်စုကိုယ်တိုင် ထောက်ခံနေ သလားလို့ မေးစရာတွေပေါ်လာ တာတောင်မှ နိုင်ငံအတွင်း သတ်ဖြတ်မှုတွေနဲ့ ပါတ်သက်ပြီး ဒေါ်စု အပေါ် ဝေဖန်မှုတွေကနေ အဟန့်အတားရှိနေသလိုပါဘဲ။

     မြန်မာနိုင်ငံနဲ့ သိရီလင်္ကာနိုင်ငံက ဗုဒ္ဓဘာသာဝင် အကြမ်းဖက်အုပ်စု နှစ်စုရဲ့ ခေါင်းဆောင်တွေ တွေ့ဆုံခြင်းဟာ သိရီလင်္ကာမှာရှိနေတဲ့ လူနည်းစုတွေအတွက် စိတ်မချမ်းမြေ့ဖွယ်ရာပါဘဲ။ မြန်မာနိုင်ငံမှာဆိုရင် အကြီးအကျယ် ရက်စက်ကြမ်းကြုတ်မှုတွေကြောင့် အချို့အရပ်ဒေသတွေမှာ လူနည်းစုတွေ ပျောက်လုနီးနီး အခြေအနေကို ရောက်ရှိလာနေပါပြီ။ သိရီလင်္ကာမှာကတော့ ဒီလုပ်ရပ်တွေက သိပ်ပြီး မခက်ထန်ပေမယ့် ဒီ မ,သူတော် မဟာမိတ်ကြောင့် အခြေအနေတွေ ဆိုးရွားလာနိုင်ပါတယ်။

    ဒီလိုဘဲ အလားသဏ္ဍန်တူတဲ့ အခြားသော အကြမ်းဖက် တစ်စုကတော့ တမီလ်၊ မွတ်စလင်နဲ့ ခရစ္စယာန် လူနည်းစုတွေအပေါ် အကြမ်းဖက်လှုပ်ရှားမှုတွေ စတင်လာခဲ့တဲ့ သိရီလင်္ကာနိုင်ငံက Bodu Bala Sena (BBS) အဖွဲ့ဘဲ ဖြစ်ပါတယ်။

    ပြီးခဲ့တဲ့ လက သိရီလင်္ကာမှာ စိတ်မချမ်းမြေ့စရာ တစ်ခုဖြစ်ခဲ့ပါတယ်။ ဒါကတော့ ထောင်ချီတဲ့ ရိုဟင်ဂျာ ဒုက္ခသည်တွေကို သတ်ဖြတ်ပြီး အစ္စလာမ် ဆန့်ကျင်ရေး လှုပ်ရှားမှုကို လုပ်ကိုင်နေတဲ့ ၉၆၉ လှုပ်ရှားမှုရဲ့ ခေါင်းဆောင် အရှင်ဝီရသူကို သိရီလင်္ကာနိုင်ငံသို့ ဖိတ်ခေါ်လိုက်ခြင်းဘဲဖြစ်ပါတယ်။ Time Magazine က “ကြောက်မတ်ဖွယ်ရာ ဗုဒ္ဓဘာသာဝင်မျက်နှာ” လို့ ဝီရသူကို မှန်မှန်ကန်ကန် တင်စားဖော်ပြခဲ့ပါသေးတယ်။

    မြန်မာနိုင်ငံနဲ့ သိရီလင်္ကာနိုင်ငံက ဗုဒ္ဓဘာသာဝင် အကြမ်းဖက်အုပ်စု နှစ်စုရဲ့ ခေါင်းဆောင်တွေ တွေ့ဆုံခြင်းဟာ သိရီလင်္ကာမှာရှိနေတဲ့ လူနည်းစုတွေအတွက် စိတ်မချမ်းမြေ့ဖွယ်ရာပါဘဲ။ မြန်မာနိုင်ငံမှာဆိုရင် အကြီးအကျယ် ရက်စက်ကြမ်းကြုတ်မှုတွေကြောင့် အချို့အရပ်ဒေသတွေမှာ လူနည်းစုတွေ ပျောက်လုနီးနီး အခြေအနေကို ရောက်ရှိလာနေပါပြီ။ သိရီလင်္ကာမှာကတော့ ဒီလုပ်ရပ်တွေက သိပ်ပြီး မခက်ထန်ပေမယ့် ဒီ မ,သူတော် မဟာမိတ်ကြောင့် အခြေအနေတွေ ဆိုးရွားလာနိုင်ပါတယ်။

    ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး Navi Pillay ရဲ့ ထောက်ခံမှုကြောင့် သိရီလင်္ကာရဲ့ ပြည်တွင်းစစ်နဲ့ တမီလ် လူနည်းစုတွေအပေါ် ကျူးလွန်ခဲ့တဲ့ စစ်ရာဇဝတ်မှု လုပ်ရပ်တွေကို ကုလသမဂ္ဂရဲ့ လူ့အခွင့်အရေးဆိုင်ရာ အထက်တန်းရုံးက စတင် စစ်ဆေးမှုတွေပြုလုပ်တဲ့အချိန်မှာ Bodu Bala Sena အဖွဲ့ရဲ့ အထွေထွေအတွင်းရေးမှူးက “ဒီဟာမကို အရှင်လက်လက် အရည်ခွံခွာ လိမ့်မယ်” လို့ Navi Pillay ကို ကြုံးဝါးဟစ်ကြွေးခဲ့ပါတယ်။ သူဟာ ပြီးခဲ့တဲ့လမှာ ဝီရသူဆီက အထူးမွေးနေ့လက်ဆောင် လက်ခံရယူဖို့အတွက် မြန်မာပြည်ကို သွားရောက်ခဲ့သူလည်းဖြစ်ပါတယ်။

    ဒီအကြမ်းဖက်နှစ်စုကြောင့် သိရီလင်္ကာရဲ့ လူများစုဖြစ်တဲ့ Sinhalese လူမျိုးတွေက စိုးရိမ်မှုတွေပွားနေရသလို အကြမ်းဖက်မှုတွေကို မြင့်တွေ့ခဲ့ရပြီးဖြစ်တဲ့ လူနည်းစုတွေကလည်း သူတို့ရဲ့လူတွေ၊ ဘာသာရေး အဆောက်အဦးတွေနဲ့ စီးပွားရေးလုပ်ငန်းတွေ အန္တရာယ်ပြု ရန်မူမှုတွေနဲ့ ရင်ဆိုင်ကြရမလားဆိုတာ စိတ် အနှောက်အယှက်ဖြစ်နေကြပါတယ်။ အမှန်တကယ်တော့ ဒါဟာ ဗုဒ္ဓမြတ်စွာဘုရားရဲ့ သွန်သင်မှုတွေမဟုတ်ပါဘူး။

    မြန်မာပြည်က ရိုဟင်ဂျာတွေ အကြမ်းဖက် သတ်ဖြတ်မှုတွေ ကြုံတွေ့ရသလို မ,သူတော် နှစ်ဖွဲ့ပေါင်းစည်းတဲ့ မဟာမိတ် ကြောင့် သိရီလင်္ကာ ကျွန်းပေါ်က လူနည်းစုတွေလည်း ဒီအဖြစ်မျိုးကြုံတွေ့ကြရမလားလို့ စိုးရိမ်နေကြရပါတယ်။ ဒီလိုသာဆိုရင် မ,သူတော်တွေရဲ့ မဟာမိတ်ကြီးက သိရီလင်္ကာနိုင်ငံအတွက် ဘေးအန္တရာယ်ကြီး ဖိတ်ခေါ်နေ သလိုပါဘဲ။

    မှတ်ချက်။ Tariq A. Al-Maeena ရေးသားပြီး Sri Lanka Guardian မှာဖော်ပြခဲ့တဲ့ An Unholy Alliance of Buddhist Terrorists ဆောင်းပါးကို O’Laie Manzu မှ ဆီလျှော်အောင် ဘာသာပြန်ထားပါတယ်။