News @ M-Media

Tag: BBS

  • သွေးကြွသူတစ်စုကြောင့် ထေရ၀ါဒသာသနာ ညှိုးနွမ်းတော့မှာလား

    သွေးကြွသူတစ်စုကြောင့် ထေရ၀ါဒသာသနာ ညှိုးနွမ်းတော့မှာလား

    ဇူလိုင် ၁၄၊ ၂၀၁၉
    M-Media

    သီရိလင်္ကာရောက် သီတဂူဆရာတော်

    -ဗုဒ္ဓဘာသာဘုန်းကြီးတစ်ပါး တပျင်ခွေထိုင်ကာ အစ္စလာမ်သာသနာအကြောင်း မကောင်းပြောနေစဉ်မှာပဲ အနီးအနား နေရာတစ်ခုက မီးလောင်ဗုံးပစ်သံ ပေါ်ထွက်လာပါတယ်။

    ဒါပေမယ့် ဘုန်းတော်ကြီး Ambalangoda Sumedhananda Thero တစ်ယောက် ဒီအသံကို မသိလိုက် မသိဖာသာပဲ နေလိုက်ပါတယ်။ ညဘက်တိုက်ခတ်လာတဲ့ လေအေးအေးနဲ့အတူ ပါလာတဲ့ ခြင်တစ်အုပ်ကို လက်နဲ့ ဝှေ့ယမ်းဖယ်ရှားပြီး မွတ်စလင်မုန်းတီးရေး တရားကို သူက ဆက်ဟောနေပါတယ်။ သီရိလင်္ကာနိုင်ငံ တောင်ပိုင်း Gontota မြို့မှာဖြစ်ပြီး မွတ်စလင်တွေဟာ အကြမ်းဖက်သမားတွေ၊ ကျူးကျော်သိမ်းပိုက်သူတွေလို့ သူက ပြောနေတာပါ။

    “မွတ်စလင်တွေရဲ့ ရည်ရွယ်ချက်က ငါတို့တိုင်းပြည်ကို သိမ်းဖို့နဲ့ ငါတို့တန်ဖိုးထားတဲ့အရာတွေ အားလုံးကို လုယူဖို့ပဲ။ တစ်ချိန်က ဗုဒ္ဓဘာသာနိုင်ငံတွေဖြစ်ခဲ့တဲ့ အာဖဂန်နစ္စတန်၊ ပါကစ္စတန်၊ ကက်ရ်ှမီးယား၊ အင်ဒိုနီးရှားတို့ ဘာဖြစ်သွားလဲဆိုတာကို ကြည့်လိုက်။ အစ္စလာမ်က အဲဒီနိုင်ငံတွေအားလုံးကို ဖျက်ဆီးခဲ့တာ”

    မိနစ်အနည်းငယ်အကြားမှာ ကပ္ပိယတစ်ဦးက ဘုန်းတော်ကြီးအနားကို ကပျာကယာ ၀င်ရောက်လာပြီး အနီးအနားက ဗလီတစ်လုံး မီးလောင်ဗုံးနဲ့ မီးရှို့ခံလိုက်ရတဲ့သတင်းကို ပြောပြခဲ့ပါတယ်။ ဘုန်းတော်ကြီးကတော့ လက်ကိုခါပြကာ ပခုံးတွန့်ပြလိုက်တာပါပဲ။

    သူဟာ လူများစု ဗုဒ္ဓဘာသာဝင်တွေအတွက်ပဲ တာဝန်ရှိပြီး တိုင်းပြည်လူဦးရေရဲ့ ၁၀ ရာခိုင်နှုန်းသာရှိတဲ့ မွတ်စလင်တွေကတော့ သူနဲ့မဆိုင်ဘူးလို့ ယူဆပုံပါ။

    Sumedhananda Thero လို့ သြဇာကြီးတဲ့ ဘုန်းကြီးအုပ်စုတွေရဲ့ လှုံ့ဆော်မှုနဲ့အတူ ဗုဒ္ဓဘာသာဝင်တစ်ချို့ သွေးကြွတဲ့ခေတ်ကို ၀င်ရောက်လာခဲ့ပြီး သူတို့ကတော့ ပြင်ပ ပရောဂါတွေကနေ ဘာသာတရားကို ကာကွယ်နေတဲ့ ဘာသာရေးသူရဲကောင်းကြီးတွေအဖြစ် ကိုယ့်ကိုယ်ကို မှတ်ယူနေကြပါတယ်။

    သူတို့ရဲ့ ဒီအတွေးအခေါ်တွေဟာ တကယ်တော့ သမ္မာဒိဌိ မကျသလို၊ ဖြစ်နိုင်ချေလည်း မရှိပါဘူး။ အစွန်းရောက် ဘာသာရေး-လူမျိုးရေး လှုပ်ရှားမှုတွေ လုပ်ဆောင်ရာမှာ ရှေ့တန်းကိုရောက်လာတဲ့ သီရိလင်္ကာနဲ့ မြန်မာနိုင်ငံတို့မှာ ဗုဒ္ဓဘာသာဝင်တွေက လူများစု ဖြစ်ပါတယ်။

    ဒါပေမယ့် အချို့ ဗုဒ္ဓဘာသာဝင်တွေ – အထူးသဖြင့် ထေရ၀ါဒသန့်သန့်ကိုမှ လိုက်နာကြတဲ့ ဗုဒ္ဓဘာသာဝင်တွေကတော့ သူတို့ဟာ အစ္စလာမ်ဘာသာရဲ့ ခြိမ်းခြောက်မှုကို ခံနေရပြီလို့ ယုံကြည်နေကြပါတယ်။ တကယ်တော့ အစ္စလာမ်သာသနာ ကိုယ်တိုင်က အစွန်းရောက်နောက်လိုက်တွေရဲ့ဒဏ်ကို အလူးအလဲ ခံစားနေရတာ ဖြစ်ပါတယ်။

    အမည်ခံ ဗုဒ္ဓဘာသာနဲ့ အမည်ခံအစ္စလာမ်တို့ ထိပ်တိုက်တွေကြတဲ့အခါမှာတော့ ဗုဒ္ဓဘာသာဝင်အချို့ဟာ သူတို့ ဘာသာသာသနာရဲ့ ငြိမ်းချမ်းတဲ့ အဆုံးအမတွေကို စွန့်လွှတ်လိုက်ကြပါတယ်။ ပြီးခဲ့တဲ့နှစ်အနည်းငယ်အတွင်း ဗုဒ္ဓဘာသာဝင်တွေဟာ လူနည်းစု မွတ်စလင်တွေအပေါ် ဆိုးဆိုးဝါးဝါး တိုက်ခိုက်မှုတွေ လုပ်ဆောင်လာကြပါတယ်။

    ဗုဒ္ဓဘာသာ အမျိုးသားရေး ၀ါဒီတွေကလည်း အစွန်းရောက် ဘုန်းကြီးတွေရဲ့ သြဇာကို အသုံးချပြီး လူထုရဲ့ ထောက်ခံမှုကို ရယူလာကြပါတယ်။

    “အရင်တုန်းက ဗုဒ္ဓဘာသာဝင်တွေဟာ ကျွန်တော်တို့ကို အခုလို မမုန်းပါဘူး။ အခုတော့ ဘုန်းကြီးတွေက ကျွန်တော်တို့ဟာ ဒီနိုင်ငံနဲ့မဆိုင်ဘူး၊ ကျွန်တော်တို့ကို မောင်းထုတ်သင့်တယ်လို့ ၀ါဒဖြန့်ကြတယ်။ ဒါပေမယ့် ကျွန်တော်တို့ ဘယ်သွားရမလဲ။ ဒါက ကျွန်တော်တို့အိမ်ပဲ” လို့ Gintota မြို့ Hillur ဗလီက ရှေ့ဆောင်အီမာမ် မိုဟာမက် နာဆီရ်က ပြောကြားခဲ့ပါတယ်။ Hillur ဗလီကို ဗုဒ္ဓဘာသာလူအုပ်က ၂၀၁၇ ခုနှစ်မှာ တိုက်ခိုက်ခဲ့ပါတယ်။

    ပြီးခဲ့တဲ့လတုန်းကလည်း သြဇာကြီးတဲ့ ဘုန်းကြီးတစ်ပါး အစာငတ်ခံ ဆန္ဒပြတဲ့အတွက် သီရိလင်္ကာအစိုးရအဖွဲ့ဝင် မွတ်စလင်ဝန်ကြီး ၅ ဦး ရာထူးကနေ နှုတ်ထွက်ပေးခဲ့ရပါတယ်။ ဧပြီလက အီစတာနေ့မှာ ခရစ်ယာန်ဘုရားကျောင်းတွေနဲ့ ဟိုတယ်တွေကို IS အကြမ်းဖက်အဖွဲ့က တိုက်ခိုက်မှုမှာ မွတ်စလင်နိုင်ငံရေးသမားတွေ ပူးပေါင်းပါဝင်ခဲ့တယ်လို့ အဲဒီဘုန်းကြီးက ပြောကြားခဲ့ပါတယ်။ တိုက်ခိုက်မှုအတွင်း လူ ၂၅၀ ကျော် သေဆုံးခဲ့ပါတယ်။

    မြန်မာနိုင်ငံမှာလည်း လူမျိုးစုလိုက် ရှင်းလင်းရေး လှုပ်ရှားမှုကြောင့် နိုင်ငံအတွင်းက မွတ်စလင်တော်တော်များများ အစုလိုက်အပြုံလိုက် ထွက်ပြေးခဲ့ရပါတယ်။ မွတ်စလင်တွေဟာ နိုင်ငံလူဦးရေရဲ့ ၅ ရာခိုင်နှုန်းအောက်သာ ရှိပေမယ့် ဘုန်းကြီးတွေကတော့ အစ္စလာမ့်မစ် ကျူးကျော်မှုကို သတိထားရမယ်လို့ လှုံ့ဆော်နေပါတယ်။

    မေလက ရမ်ဇာန်ဥပုသ်လမှာလည်း ဗုဒ္ဓဘာသာလူအုပ်က ၀တ်ပြုဆောင်တွေကို လာဝိုင်းလို့ မွတ်စလင်ဝတ်ပြုသူတွေ ထွက်ပြေးခဲ့ရပါတယ်။

    ခန္တီစ သည်းခံခြင်းတရားတွေ၊ မေတ္တာတရားတွေနဲ့ ထုံးမွှမ်းထားတဲ့ သွန်သင်မှုတွေကြောင့် ဗုဒ္ဓဘာသာရဲ့ ပုံရိပ်ဟာ အရင်က ရန်လို သွေးကြွမှုတွေနဲ့ ဆက်နွယ်တာမျိုး မရှိခဲ့ပါဘူး။ ဒါပေမယ့် ‘ငြိမ်းချမ်းရေး’ ဆိုတာကို ဘယ်ဘာသာကမှ အကြာကြီး မောင်ပိုင်စီးထားလို့ မရပါဘူး။ ဗုဒ္ဓဘာသာဝင်တစ်ချို့လည်း စစ်ဆာလာနေကြပါပြီ။

    “သူတို့ဟာ အကြမ်းဖက်မှုတွေနဲ့ ဘယ်တုန်းကမှ မပတ်သက်ဘူးလို့ ဗုဒ္ဓဘာသာဘုန်းကြီးတွေက ပြောကြလိမ့်မယ်။ ဒါပေမယ့် ဗုဒ္ဓဘာသာနဲ့ ဗုဒ္ဓဘာသာနိုင်ငံတွေကို ဘယ်လိုနည်းနဲ့မဆို ကာကွယ်ရမယ်လို့ ပြောတာလည်း သူတို့ပါပဲ” လို့ ဒိန်းမတ်နိုင်ငံ Aarhus တက္ကသိုလ်က မနုဿဗေဒပညာရှင် ဒေါက်တာ မီကေးလ် ဂရာဗားစ်က ပြောကြားခဲ့ပါတယ်။ သူဟာ ဗုဒ္ဓဘာသာနဲ့ အမျိုးသားရေးဝါဒတို့ရဲ့ ဆုံမှတ်ကို လေ့လာနေသူတစ်ဦး ဖြစ်ပါတယ်။

    တစ်ကျိပ်တည်း တစ်ဉာဏ်တည်း

    ပြီးခဲ့တဲ့မေလ ရန်ကုန်မြို့မှာ လူထောင်ချီပါဝင်တဲ့ ဆန္ဒပြမှုအတွင်း အရှင်ဝီရသူက စစ်တပ်ကို ချီးကျူးပြောဆိုခဲ့ပါတယ်။ အရှင်ဝီရသူဟာ တစ်ချိန်က အမုန်းစကားပြောကြားမှုကြောင့် ထောင်ကျခဲ့ဖူးသူ ဖြစ်ပါတယ်။

    ၂၀၁၇ ခုနှစ် သြဂုတ်လကစလို့ မြန်မာနိုင်ငံက ရိုဟင်ဂျာ ၇ သိန်းကျော်လောက်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။ စစ်တပ်နဲ့ သူ့ကိုထောက်ခံတဲ့အုပ်စုတွေရဲ့ လူမျိုးစုလိုက် သုတ်သင်ရှင်းလင်းမှု အစီအစဉ်ကြောင့် ဒီလို ထွက်ပြေးခဲ့ရတာဖြစ်ပါတယ်။ ဗုဒ္ဓဘာသာလူအုပ်စုတွေနဲ့ လုံခြုံရေးတပ်ဖွဲ့တွေက ရိုဟင်ဂျာတွေကို သတ်ဖြတ်တာ၊ အဓမ္မကျင့်တာ၊ ရာနဲ့ချီတဲ့ ရွာတွေကို
    ပြောင်ရှင်းနေအောင် မီးရှို့ဖျက်ဆီးတာတွေ လုပ်ဆောင်ခဲ့တယ်လို့ သတင်းတွေလည်း ထွက်ခဲ့ပါတယ်။

    အရှင်ဝီရသူဟာ ဗုဒ္ဓဘာသာရဲ့ အကြမ်းမဖက်တဲ့ သင်ကြားမှုတွေကို ဆန့်ကျင်သူပါ။ လွှတ်တော်ထဲက စစ်တပ်ကိုယ်စားလှယ်တွေကို ဘုရားလို ကိုးကွယ်ရမယ်လို့လည်း သူက ချီတက်ပွဲမှာ ပြောကြားခဲ့ပါတယ်။

    “အမျိုး၊ ဘာသာ၊ သာသနာကို ကာကွယ်တာ စစ်တပ်တစ်ခုပဲရှိတယ်”

    ရိုဟင်ဂျာတွေကို ဖိနှိပ်ချုပ်ချယ်မှုနဲ့ပတ်သက်ပြီး စစ်တပ်ကို တရားစွဲဆိုဖို့ တိုက်တွန်းတဲ့ နိုင်ငံတကာ ရာဇ၀တ်ခုံရုံး (ICC) ရဲ့ ဆုံးဖြတ်ချက်ကို ပြီးခဲ့တဲ့နှစ် အောက်တိုဘာလကပြုလုပ်ခဲ့တဲ့ ဆန္ဒပြပွဲတစ်ခုမှာ အရှင်ဝီရသူက ရှုတ်ချခဲ့ပါတယ်။

    ဒီဘုန်းကြီးဟာ လက်နက်ကိုင်မယ်လို့တောင် ကြုံးဝါးခဲ့သူပါ။

    “ICC လာတဲ့နေ့ဟာ ၀ီရသူ သေနတ်ကိုင်တဲ့နေ့ပဲ” လို့ New York Times သတင်းစာနဲ့ အင်တာဗျူးမှာ ပြောကြားခဲ့ပါတယ်။

    အရှင်ဝီရသူလို ဘုန်းကြီးတွေဟာ အစွန်းရောက် ဗုဒ္ဓဘာသာ အမျိုးသားရေးဝါဒရဲ့ ကိုင်းဖျားကိုင်းနားလောက်သာ ဖြစ်ပြီး လူအများ လေးစားကြည်ညိုခြင်းခံရတဲ့ ဘုန်းကြီးတွေလည်း ဒီကိစ္စမှာ ပါဝင်နေပါတယ်။

    အဲဒီအထဲမှာ သက်တော် ၈၂ နှစ်ရှိပြီး မြန်မာနိုင်ငံက သြဇာအကြီးဆုံး ဘုန်းတော်ကြီးဖြစ်တဲ့ အရှင်ညာဏိဿရလည်း ပါဝင်ပါတယ်။ သူ့ကို သီတဂူဆရာတော်လို့ သိကြပါတယ်။

    ရွာတွေမီးရှို့ခံရလို့ သိန်းချီတဲ့ ရိုဟင်ဂျာမွတ်စလင်တွေ ထွက်ပြေးနေရချိန် သီတဂူဆရာတော်က စစ်တပ်အကြီးအကဲတွေကို “မွတ်စလင်တွေက ကုလသမဂ္ဂကို ၀ယ်လိုက်ပြီ” ဆိုတဲ့ တရားမျိုး ဟောသူပါ။

    စစ်တပ်နဲ့ ဘုန်းကြီးတွေရဲ့ တစ်ကျိပ်တည်း တစ်ဉာဏ်တည်းဇာတ်လမ်းဟာ ဆက်ရှိနေအုံးမှာ ဖြစ်ပါတယ်။

    ပြီးခဲ့တဲ့နှစ်မေလက စစ်တပ်နဲ့ ဆက်နွယ်နေတဲ့ Facebook ပေ့ခ်ျမှာ စစ်သားတွေကြား ရယ်မောနေတဲ့ သီတဂူဆရာတော်ရဲ့ပုံ ပေါ်လာပါတယ်။ အမျိုးသားရေးအတွက် ဘာသာရေးစစ်သားမျိုး ဖန်တီးပေးမယ်လို့တောင် သူက ကမ်းလှမ်းခဲ့ဖူးပြီး ဘာသာရေးအတွက် အကြီးမားဆုံး ပေးဆပ်မှုလို့ သူက ယူဆနေပုံပါ။

    “မြန်မာနိုင်ငံမှာ သံဃာ ၄ သိန်းရှိတယ်။ မင်းတို့လိုအပ်ရင် သူတို့ကိုထည့်ပေးလိုက်မယ်။ လွယ်ပါတယ်” လို့ ကာကွယ်ရေးဦးစီးချုပ်ကို ဆရာတော်က ပြောကြားဖူးပါတယ်။

    “သီတဂူဆရာတော်လို ကြည်ညိုခံရတဲ့ ဘုန်းကြီးတွေက ပြောမယ်ဆိုရင် လူတစ်စုကို နှိမ့်ချစော်ကားတဲ့စကားမျိုး ဖြစ်ပေမယ့်လည်း လူတွေက လက်ခံကြတယ်။ သူ့ရဲ့စကားတွေက အမုန်းတရားကို တရားဝင်အောင် လုပ်တာမျိုးပါ” လို့ အောက်စဖို့ဒ်တက္ကသိုလ်က မြန်မာနိုင်ငံဖွား လူမှုမနုဿဗေဒပညာရှင် ဒေါက်တာ ခင်မာမာကြည်က ပြောကြားခဲ့ပါတယ်။

    ဗုဒ္ဓဘာသာများ၏ အခွင့်အရေး

    သီရိလင်္ကာနိုင်ငံက ခရစ်ယာန်ဘုရားကျောင်းတွေ ဟိုတယ်တွေကို IS အကြမ်းဖက်သမားတွေက အီစတာနေ့မှာ ဗုံးခွဲတိုက်ခိုက်လိုက်တဲ့အခါ ဗုဒ္ဓဘာသာ အမျိုးသားရေးဝါဒီတွေက သူတို့မလွန်ဘူးဆိုတဲ့ အသံမျိုး ထွက်လာပါတယ်။

    “မွတ်စလင်အစွန်းရောက်တွေဟာ အမျိုးသားလုံခြုံရေးရဲ့ အန္တရာယ်ဖြစ်တယ်လို့ ကျုပ်တို့ နှစ်ပေါင်းများစွာ သတိပေးလာတယ်။ အစွန်းရောက်အစ္စလာမ်ဝါဒကို လစ်လျူရှုလိုက်တဲ့အတွက် အစိုးရလက်မှာ သွေးစွန်းသွားပါပြီ” လို့ သီရိလင်္ကာက အကြီးဆုံး အမျိုးသားရေးအဖွဲ့ Bodu Bala Sena (BBS) က အကြီးတန်း တာဝန်ရှိသူ Dilanthe Withanage က ပြောပါတယ်။

    နှစ်အနည်းငယ်လောက် အလယ်အလတ်ကျတဲ့ မဟာမိတ်အုပ်စိုးမှု ရှိလာခဲ့ပြီးတဲ့နောက်မှာတော့ ဘာသာရေးနဲ့ ထကြွလိုတဲ့ဝါဒ ပေါင်းစပ်ထားတဲ့ လှုပ်ရှားမှုတစ်ခု သီရိလင်္ကာနိုင်ငံမှာ မြင့်တက်လာခဲ့ပါတယ်။ ဒီလှုပ်ရှားမှုကို ဦးဆောင်သူက ကာကွယ်ရေးဝန်ကြီးဟောင်း Gotabaya Rajapaksa ဖြစ်ပါတယ်။ သူဟာ အခုနှစ်အတွင်းပြုလုပ်မယ့် သမ္မတရွေးကောက်ပွဲမှာ ၀င်ရောက် ယှဉ်ပြိုင်ဖို့လည်း ရှိနေပါတယ်။

    တိုင်းပြည်မှာ သမိုင်းတစ်လျှောက် တည်တံ့ခဲ့တဲ့ ဗုဒ္ဓဘာသာပုံရိပ်ကို ကာကွယ်သွားမယ်လို့ Gotabaya က ကတိပြုထားပါတယ်။ လူနည်းစု တမီလ်တွေနဲ့ နှစ်ပေါင်း ၃၀ ကြာ ပြည်တွင်းစစ်အတွင်း ပုံဖော်ခဲ့တဲ့ ‘လုံခြုံရေးနိုင်ငံ’ ကို ပြန်လည်တည်ဆောက်သွားဖို့ သူက စိတ်ပိုင်းဖြတ်ထားပါတယ်။

    ၂၀၀၅ ခုနှစ်ကနေ ၂၀၁၅ ခုနှစ်အတွင်း သီရိလင်္ကာနိုင်ငံကို Gotabaya ရဲ့ အစ်ကို Mahinda Rajapaksa က တိုင်းပြည်ကို ဦးဆောင်ခဲ့တာပါ။ Mahinda ဟာ မျက်နှောင်ပြောင်တိုက်တတ်တဲ့ အမျိုးသားရေးသမားတစ်ဦးဖြစ်ပြီး ပြည်တွင်းစစ်မှာ ရက်ရက်စက်စက် ဆောင်ရွက်ခဲ့မှုတွေကို တရားသယောင်ယောင်ပြောကာ မိမိသာလျှင် ဘာသာရေးကို ကယ်တင်ခဲ့သူလို့ ၀ါဒဖြန့်ခဲ့သူလည်း ဖြစ်ပါတယ်။

    ဘုန်းကြီးကျောင်းတွေမှာ သူတို့ညီအစ်ကိုနှစ်ယောက်ရဲ့ ပုံတွေကို နံရံပြည့် ပုံဖော်ထားကြပါတယ်။ မွတ်စလ်တွေ အသတ်ခံရတဲ့ ဘာသာရေးအဓိကရုဏ်းတွေမှာ အောင်ပွဲခံလေ့ရှိတဲ့ အစွန်းရောက် ဗုဒ္ဓဘာသာအုပ်စုတွေကိုလည်း သူတို့ညီအစ်ကိုက ငွေကြေးတွေ ထောက်ပံ့ခဲ့ပါတယ်။
    မြို့တော်ကိုလံဘိုက အထပ်မြင့် ဗုဒ္ဓယဉ်ကျေးမှုစင်တာကို ‘ဗုဒ္ဓဘာသာတပ်ဖွဲ့’ လို့ အဓိပ္ပါယ်ရတဲ့ Bodu Bala Sena ကို တည်ထောင်သူတစ်ဦးက ဆောက်လုပ်ထားတာပါ။ တန်ဖိုးကြီးတဲ့ အဲဒီမြေကွက်ကို Rajapaksa ညီအစ်ကိုနှစ်ဦးက လှူဒါန်းထားတာ ဖြစ်ပါတယ်။

    အစိုးရပိုင် ဆက်သွယ်ရေးလုပ်ငန်းကလည်း သူတို့ရဲ့ ဖုန်း ringtones တွေထဲမှာ BBS ရဲ့ သီချင်းကို ထည့်သွင်းပေးခဲ့ပါတယ်။

    ပြီးခဲ့တဲ့နှစ်က BBS ခေါင်းဆောင် Galagoda Aththe Gnanasara Thero ကို အစိုးရက ထောင်ဒဏ် ၆ နှစ် ချခဲ့ပေမယ့် အခုနှစ်မေလအတွင်း သမ္မတရဲ့လွတ်ငြိမ်းချမ်းသာခွင့်နဲ့ ပြန်လွှတ်ပေးခဲ့ပါတယ်။ ဇူလိုင်လ ၇ ရက်နေ့မှာ ဒီဘုန်းကြီးက သံဃာ ထောင်ချီပါဝင်တဲ့ ချီတက်ပွဲတစ်ခုကို ပြုလုပ်ခဲ့ပြီး မကြာခင်ပြုလုပ်တော့မယ့် ရွေးကောက်ပွဲမှာ ပါဝင်မယ့် သူတို့ရဲ့ နိုင်ငံရေးအင်အားကို ထုတ်ပြလိုက်တာလည်း ဖြစ်ပါတယ်။

    ထောင်မကျခင်လေးမှာပဲ Gnanasara Thero က သူတို့သာလျှင် သမိုင်းတစ်လျှောက် ဗုဒ္ဓဘာသာကို ကာကွယ်စောင့်ရှောက်သူဖြစ်ကြောင်း ကြုံးဝါးခဲ့ပါတယ်။

    “ဗုဒ္ဓဘာသာကို ကျုပ်တို့စောင့်ရှောက်လာတာ နှစ်ပေါင်း ၂၅၀၀ လောက်ရှိပြီ။ ကျုပ်တို့ရဲ့ ငြိမ်းချမ်းတဲ့ ကျွန်းလေးကို အစ္စလာမ်ရန်ကနေ ကာကွယ်ဖို့အတွက် တိုက်ပွဲဝင်ရမယ့်တာဝန်ဟာ ကျုပ်တို့ရဲ့တာဝန် ဖြစ်သလို မြန်မာနိုင်ငံက ဘုန်းကြီးတွေရဲ့ တာဝန်လည်း ဖြစ်ပါတယ်” လို့ Times သတင်းဌာနနဲ့ အင်တာဗျူးမှာ သူက ထည့်သွင်းပြောကြားခဲ့ပါတယ်။

    Ref: NEW YORK TIMES

    (NEW YORK TIMES သတင်းဌာနတွင် ဖော်ပြထားသည့် ‘Our duty to fight’: The rise of militant Buddhism’ ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်။ ဆောင်းပါးပါအချက်များသည် မူရင်းဆောင်းပါးရှင်၏ အတွေးအမြင်များသာဖြစ်ပြီး M-Media ၏ အာဘော်မဟုတ်ပါ)

  • ဦးဝီရသူနဲ့ ရင်းနှီးတဲ့ သီရိလင်္ကာ ဆရာတော် အရေးယူခံရ

    ဦးဝီရသူနဲ့ ရင်းနှီးတဲ့ သီရိလင်္ကာ ဆရာတော် အရေးယူခံရ

    ဇွန် ၂၃ ၊ ၂၀၁၇

    မစိုးရိမ်တိုက်ဆရာတော် အရှင်ဝီရသူနဲ့ ရင်းနှီးတဲ့ သီရိလင်္ကာဘုန်းတော်ကြီးတစ်ပါးကို မွတ်စလင်လူနည်းစုတွေ အပေါ် အမုန်းတရားဟောကြား လှုံ့ဆော်ခဲ့မှုအတွက် ဖမ်းဝရမ်းထုတ်ထားပြီးနောက် မနေ့က လာရောက် အဖမ်းခံခဲ့ကြောင်း ရဲကပြောပါတယ်။ အဲဒီ Galagodaatte Gnanasara ဂလာဂိုဒတ္တ ဂနာနာဆာရ ဆိုတဲ့ ဆရာတော်ကို အမုန်းတရားဟောကြားခြင်း မပြုဖို့ သက်ဆိုင်ရာက ညွန်ကြားပြီးနောက် အမေရိကန် ဒေါ်လာ ၈ဝဝဝ နဲ့ အာမခံပေးလိုက်ပါတယ်။

    ဗုဒ္ဓဘာသာဝင်အများစုနေထိုင်တဲ့ သီရိလင်္ကာနိုင်ငံမှာ အဲဒီ ဆရာတော်က ကိုရမ်ကျမ်းစာကို ပုတ်ခတ်ဟောကြားခဲ့ပြီးနောက်ပိုင်း ပြီးခဲ့တဲ့ ဧပြီလမှာ မွတ်စလင်ဆန့်ကျင်ရေး ပဋိပက္ခတွေဖြစ်ပွားလို့ မွတ်စလင်တွေရဲ့ ရာနဲ့ချီတဲ့ နေအိမ်တွေ ဈေးဆိုင်တွေ ဗလီဝပ်ကျောင်းတွေ သချိုင်းတွေ မီးရှို့ဖျက်ဆီးခံခဲ့ရတဲ့အတွက် ဆရာတော်ကို မေလမှာ ဖမ်းဝရမ်းထုတ်ခဲ့တာ ဖြစ်ပါတယ်။

    ဆရာတော် ဦးဆောင်ဖွဲ့စည်းခဲ့တဲ့ BBS ဗုဒ္ဓဘာသာအင်အားစုအဖွဲ့က သံဃာတပါးနဲ့ လူ ၁၄ ဦးကိုလည်း အကြမ်းဖက်မှုတွေမှာ ပါဝင်မှုအတွက် အခု ဖမ်းဆီးထားပါတယ်။

    ဆရာတော် Gnanasara ဟာ၂ဝ၁၄ ခုနှစ်က စပြီး မွတ်စလင် အမုန်းတရားတွေ ဟောကြားခဲ့တယ်လို့ ဆိုပါတယ်။ အဲဒီနှစ်ကဖြစ်ပွားတဲ့ မွတ်စလင်ဆန့်ကျင်ရေး အဓိကရုဏ်းတွေမှာလည်း လူ ၄ ဦးသေဆုံးပြီး မွတ်စလင်ပိုင် အိုးအိမ်ရာပေါင်းများစွာ ဖျက်ဆီးခံခဲ့ရကြောင်းနဲ့ ဆူပူမှုတွေဖြစ်ပြီးမကြာခင် အဲဒီနှစ်ထဲမှာပဲ အရှင်ဝီရသူဟာ ဆရာတော်ရဲ့ ဖိတ်ကြားချက်နဲ့ သီရိလင်္ကာနိုင်ငံကို သွားရောက်လည်ပတ်ခဲ့ကြောင်း သိရပါတယ်။

    RFA မှ ကူးယူဖော်ပြပါသည်။

  • သီရိလင်္ကာ သမ္မတသစ် အစွန်းရောက် BBS အဖွဲ့ ၏ အကြမ်းဖက် လှုံ့ဆော်မှုများ အဆုံးသတ် နိုင်မလား

    သီရိလင်္ကာ သမ္မတသစ် အစွန်းရောက် BBS အဖွဲ့ ၏ အကြမ်းဖက် လှုံ့ဆော်မှုများ အဆုံးသတ် နိုင်မလား

    မတ် ၁၉ ၊ ၂၀၁၅
    M-Media
    မြင့်မိုရ်မောင်မောင် ဘာသာပြန်သည်။

    SRILANKA-superJumbo

    မြန်မာနှင့် သီရိလင်္ကာနိုင်ငံရှိ လက်ျာစွန်းရောက် ဗုဒ္ဓဘာသာဝင် အမျိုးသားရေးဝါဒီတို့၏ လက်ရှိမွတ်စ်လင်မ် ဆန့်ကျင်ရေးအကြမ်းဖက်မှုများအပေါ် နိုင်ငံတကာဗုဒ္ဓဘာသာအသိုင်းအ၀ိုင်းမှ ဆန့်ကျင်စကားများ ပေါ်ထွက်လျက်ရှိချိန်မှာပင် အဆိုပါနိုင်ငံအသီးသီးရှိ ယင်း အမာခံအုပ်စုကြီးထွားနေခြင်းကို ရပ်တန့်အောင် ကျယ်ပြန့်စွာ မစွမ်းဆောင်နိုင်သေးချေ။

    ပြီးခဲ့သည့်နိုဝင်ဘာလတွင် Jack Kornfield ၊ Tara Brach ၊ Joseph Goldstein ကဲ့သို့ အကျော်အမော်များအပါအ၀င် အမေရိကန်ဗုဒ္ဓဘာသာဝင်ဆရာများ ၃၈၁ ဦးသည ဗုဒ္ဓဘာသာဝင်တို့၏ ရန်စ အကြမ်းဖက်မှုနှင့် ပတ်သက်ပြီး အသံမြှင့်တင်ရန် တိုက်တွန်းသည့် စာတစ်စောင်ကို မြန်မာနိုင်ငံ သံတမန်ရေး ခရီးစဉ်၌ သမ္မတအိုဘားမားထံ ပို့ခဲ့ကြသည်။ ဒရိုင်းလားမားမှ “အလားတူဒုစရိုက်မျိုး မကျူးလွန်မီ ဗုဒ္ဓရှင်တော်မြတ်၏ပုံရိပ်ကို မြင်ယောင်တွေးဆအပ်သည်” ဟုဆိုလျက် မြန်မာနှင့် သီရိလင်္ကာနိုင်ငံတွင်းရှိ အစွန်းရောက်သမားတို့အား ပြတ်ပြတ်သားသား ရှုတ်ချသော တရားဝင်ကြေငြာချက်တစ်ရပ် ထုတ်ပြန်ပြီး လအနည်းငယ်အကြာတွင် အဆိုပါတိုက်တွန်းစာ ရေးပို့ခြင်းဖြစ်သည်။

    ယင်းနှစ်နိုင်ငံစလုံး၌ သံဃာ ဦးဆောင်လှုံဆော် နေသော ဘာသာရေး စော်ကားချက်အမြင်ပေါ် မူတည်နေကြသော်လည်း ပင်မအခြေခံအားဖြင့် နိုင်ငံရေးကိစ္စသာဖြစ်နေသည်။ Human Rights Watch နှင့် Amnesty International ကဲ့သို့ အစိုးရမဟုတ်သည့်အဖွဲ့အစည်းများက ရက်စက်မှုများအဆုံးသတ်ဖို့အတွက် လောဆော်ထားပြီးဖြစ်၏။ သို့သော်လည်း သက်ဆိုင်ရာအာဏာပိုင်အစိုးရမှ ကိုယ်ပိုင်ဆုံးဖြတ်ချက် အခိုင်အမာဖြင့် အရေးမယူသေးသမျှ သက်ဆိုင်ရာနိုင်ငံမှ လှုံ့ဆော်သည့် သံဃာများကမူ သူတို့၏လုပ်ရပ်များကို ရပ်တန့်လိမ့်မည်မဟုတ်ချေ။

    မြန်မာနိုင်ငံသည် နှစ်ပေါင်းငါးဆယ် စစ်အုပ်ချုပ်ရေးအဆုံးသတ်ပြီး လစ်ဘရယ်လမ်းကြောင်းသို့ ရွေ့လှမ်းလာပြီးနောက် မြန်မာ မွတ်စ်လင်မ်တို့  အပေါ် အုပ်စုဖွဲ့အကြမ်းဖက်မှုသည် ရခိုင်ပြည်နယ်တွင် ၂၀၁၂ ခုနှစ်က ပွင့်ထွက်ဖြစ်ပွားခဲ့သည်။ သို့တစေ ရှေ့ဆက်နေသော ရက်စက်ကြမ်းကြတ်မှုများကို ဖြတ်တောက်ရပ်တန့်ရမည့်အစား ရဲတပ်ဖွဲ့ဝင်တို့က လူမိုက်အားပေးအလုပ် လုပ်ဆောင်ခဲ့ကြ၏။ လက်ရှိအစိုးရလက်အောက်တွင် (အကြမ်းဖက်မှုများကို) ဖြိုခွဲရေးမှာ တွေးမြင်၍ မရနိုင်သေး။

    SirisenaImageTwo
    ရွေးချယ်တင်မြှောက်ခံရသည့် သီရိလင်္ကာနိုင်ငံ၏ သမ္မတသစ် Maithripala Sirisena (ပုံ)

    အလားတူစွာ သီရိလင်္ကာနိုင်ငံ၏ ဗုဒ္ဓအစွန်းရောက်အုပ်စု BBS – Bodu Bala Sena အား ကိုင်တွယ်အရေးယူမှုအတွက် အခွင့်အလမ်းဟူ၍ ပါးလျနေဆဲပင်။ ၂၀၁၂ ခုနှစ်ကတည်းက တည်ထောင်သော BBS သည် အငြင်းပွားဖွယ်ရာစစ်သွေးကြွအုပ်စုအဖြစ် လူထုမှ ဝေဖန်ခဲ့ကြပြီး သမ္မတဟောင်း Mahinda Rajapaksa ၏ ပုဂ္ဂလထောက်ခံမှု ရှိနေခဲ့၏။ ထိုသူတို့မှ တိုက်ခိုက်မှု ပြုလုပ်စဉ် Mahinda Rajapaksa ၏ ရဲတပ်ဖွဲ့များက ဘေးထွက်ရပ်ကြည့်နေကြသလို သူကိုယ်တိုင်ကလည်း လူထုမိန့်ခွန်း၌ ယင်းအဖွဲ့အစည်းအပေါ်လက်မခံနိုင်ခြင်းအား ခပ်ပျော့ပျော့လေးသာ ထည့်သွင်းပြောကြားခဲ့သည်။

    သာဓကအားဖြင့် သူ၏ ၂၀၁၃ ခုနှစ် ဖေဖော်ဝါရီ ၄ ရက် သီရိလင်္ကာလွတ်လပ်ရေးနေ့မိန့်ခွန်းတွင် ဘာသာရေးအသွင်ပြုအကြမ်းဖက်မှုကို သတိထားကြရန် BBS အား သွယ်ဝိုက်သတိပေးပြောဆိုခဲ့၏။

    “သီရိလင်္ကာမှာ ဘာသာရေးအကြောင်းပြု ပုန်ကန်ထကြွမှုလုပ်ဖို့ ကြိုးစားတဲ့သူ ဘယ်သူပဲဖြစ်ဖြစ် (အဲ့ဒီလုပ်ရပ်တွေဟာ) ဘာသာရေးကိုကိုယ်စားပြုတာ မဟုတ်ပါဘူး။ ခွဲထွက်ရေးရည်မှန်းချက်သာ ဖြစ်ပါတယ်” ဟု ဆိုသည်။

    “Fashion Bug နဲ့ No Limit တို့က ခင်ဗျားတို့ရဲ့ (ဗုဒ္ဓဘာသာဝင်) သမီးမိန်းကလေးတွေကို ဘာလုပ်နေကြသလဲဆိုတဲ့ အပုပ်သတင်းအချက်အလက်နဲ့ အထောက်အထားအားလုံး ကျွန်တော်တို့ဆီမှာရှိတယ်။ မွတ်စ်လင်မ်တွေကို ကျွန်တော်တို့ ပြန်လုပ်တာ ဘာအပြစ်ရှိလို့လဲ” ဟုဆိုကာ BBS အုပ်စု၏ အထွေထွေအတွင်းရေးမှူး Gnanasara Thera က ၀န်ထမ်းအမျိုးသမီးတို့အား အစ္စလာမ်သို့ အဓမ္မကူးပြောင်းစေသည်ဟု မွတ်စ်လင်မ်ပိုင် Fashion Bug နှင့် No Limit အထည် ကုမ္ပဏီနှစ်ခုကို မတရားစွပ်စွဲခဲ့ပြီး ထိုအဖွဲ့သည်  Kandy မြို့လယ်၌ တစ်လခွဲမျှ လှုံ့ဆော် ထကြွခဲ့ကြသည်။ ၎င်းကို တရားဝင် တားဆီးထိန်းသိမ်းမှု မပြုခဲ့။

    နှစ်ပတ်အကြာ စီးပွားရေးမြို့တော် ကိုလံဘိုတွင် ဗုဒ္ဓဘာသာဝင် သံဃာများသည် လူ ၅၀၀ ၀န်းကျင်ကို ဦးဆောင်၍ Fashion Bug ပိုင် အရောင်းဆိုင်တစ်ဆိုင်အား တိုက်ခိုက်ကြသည်။ လူအုပ်ကြီး၏ အဆောက်အဦဖျက်ဆီးခြင်း၊ တံခါးချိုးဖျက်ခြင်း၊ အတွင်းရှိ မွတ်စ်လင်မ် လုပ်သားများအပေါ် မဖွယ်မရာဆက်ဆံခြင်းများကို ရဲများက ရပ်ကြည့်နေခဲ့သည်။ တစ်နာရီကျော်ကြာမြင့်ပြီးနောက်မှာမှ ယင်းသောင်းကျန်းမှုကို ရဲတပ်ဖွဲ့က လူစုခွဲခဲ့သည်။ ဥပဒေစိုးမိုးရေးအရာရှိများက သံဃာ ၃ ဦးအပါအ၀င် သံသယရှိသူ ၁၇ ယောက်ကို ထိန်းသိမ်းခဲ့သည်။ သို့သော် ဒဏ်ငွေပေးဆောင်မည်ဆိုသည်နှင့် ထိုသူတို့အားလုံးကို မဆိုင်းမတွ လွှတ်ပေးလိုက်ကြသည်။

    ထိုလထဲမှာပင် သမ္မတ Rajapaksa ၏ညီဖြစ်သူ ကာကွယ်ရေးဝန်ကြီး Gotabhaya Rajapaksa က BBS လေ့ကျင့်ရေး စင်တာဖွင့်ပွဲအခမ်းအနားသို့တက်ရောက်ပြီး ထိုအဖွဲ့၏လုပ်ရပ်လမ်းစဉ်ကို အားပါးတရ ဂုဏ်ယူစကားဆိုခဲ့သည်။

    “ငါတို့ရဲ့နိုင်ငံ၊ အမျိုး၊ ဘာသာသာသနာကိုကာကွယ်နေတာ ဒီရဟန်းသံဃာတွေဖြစ်တယ်။ ဒီဘုန်းတော်ကြီးတွေအပေါ် ဘယ်သူမှ သံသယအမြင်တွေ မထားအပ်ဘူး။ သူတို့ကို အားပေးရပ်တည်ဖို့ ငါတို့ ဒီကိုရောက်လာခြင်းဖြစ်တယ်”။

    ထိုအကြမ်းဖက်အုပ်စုသည် Rajapaksa အစိုးရအဖွဲ့ထံမှ ထိရောက်သည့်အရေးယူမှု ကျရောက်ဖွယ်မရှိကြောင်း သိရှိပြီး စိုးရိမ်ကြောက်လန့်မှု မဖြစ်ကြောင်း ထိုစကားရပ်အားဖြင့် လုံလောက်နေသည်ဟု ဆိုနိုင်ပါ၏။

    သို့သော် မိမိကိုယ်ကို မရှိမဖြစ်ဟုအထင်ရောက်နေသော နှစ်ဖက်ခွသမ္မတ Rajapaksa သည် ဇန္န၀ါရီ ၈ ရက်၌ ပြန်လည်အရွေးခံသည့်အခါ မဲအပြတ်အသတ်ဖြင့် ရှုံးနိမ့်သွားပါသည်။ ကျန်းမာရေးဝန်ကြီးဟောင်း Maithripala Sirisena သည် လူနည်းစုဝင်များဖြစ်သော တမီလ်နှင့် မွတ်စ်လင်မ်တို့၏ ဧရာမ မဲအင်အားဖြင့် အာဏာရယူနိုင်ခဲ့ပြီး သီရိလင်္ကာနိုင်ငံ၏ သမ္မတသစ် ဖြစ်လာပေသည်။

    Maithripala Sirisena က ကာလရှည်ညှင်းဆဲခံ အုပ်စုများကို ကာကွယ်၍ အခွင့်အလမ်းတံခါးဖွင့်ပေးမည့် ဒီမိုကရက်တစ်ပြုပြင်ပြောင်းလဲမှု ဆောင်ရွက်ရန် ကတိပြုထားသည်။ သူ့ဆိုစကားအရ BBS အား ဖြိုလှဲရေး လုပ်ငန်းစဉ် ပါဝင်နေကြောင်း သိရပေသည်။

    ဇန္န၀ါရီရွေးကောက်ပွဲ၌ Rajapaksa ၏ ကျော်ကြားမှုအား ယှဉ်ပြိုင်လှဲချနိုင်သည့် အခွင့်အရေးတစ်ရပ်ကို Sirisena မှ လက်ကိုင်ပြုလိုက်ခြင်းကလည်း အကြောင်းတစ်ရပ်ဖြစ်သည်။ BBS ၏အကြမ်းဖက်မှုများကို ထိရောက်စွာ ကိုယ်တွယ်တုန့်ပြန်နိုင်စွမ်းမရှိမှုက Rajapaksa ပြုတ်ကျသွားစေသည့် အဓိကထောက်ကွက်လမ်းကြောင်းပင်။ ယမန်နှစ်ဇွန်လအတွင်း အနောက်တောင်ပိုင်းရှိ Aluthgama မြို့၌ မွတ်စ်လင်မ်တို့ကို တိုက်ခိုက်မှုတစ်ရပ်ဖြစ်ပွားရာ လူ ၃ ဦးသေဆုံးပြီး ၈၀ ဒဏ်ရာရခဲ့သည်။ ယာယီကာဖျူးအမိန့်ထုတ်ခြင်းမှအပ ချက်ခြင်းတုန့်ပြန်မှုဟူ၍ လောက်လောက်လားလား မရှိခဲ့။

    ထိုစော်ကားတိုက်ခိုက်မှု၏နောက်ပိုင်း အချိန်အတန်ကြာပြီးမှ လူ ၄၁ ဦးသာ ဖမ်းဆီးခဲ့သည်။ အကြမ်းဖက်တွင်ပါဝင်သူ အနည်းငယ်သာပါဝင်ပြီး ကျန်သူများက ကာဖျူးအမိန့်ချိုးဖောက်သူများဖြစ်နေသည်။ သို့ရာတွင် တိုက်ခိုက်မှုမတိုင်မီ Aluthgama နယ်တစ်ဝိုက်တွင် အမုန်းတရားအခြေတည်အကြမ်းဖက်ရန် BBS မှ အပြင်းအထန်သွေးထိုးလှုံ့ဆော်သည့် ဗီဒီယိုမှတ်တမ်း ထင်ထင်ရှားရှားရှိနေလင့်ကစား BBS ခေါင်းဆောင်ပိုင်းတစ်ဦးမျှ ဖမ်းဆီးခံရခြင်း မရှိခဲ့ချေ။

    အကြမ်းဖက်မှု၌ပါဝင်အားပေးသူ စင်ဟာလာဗုဒ္ဓဘာသာဝင်များအား တရားစီရင်ရန် အကြိမ်ကြိမ် ရှောင်လွှဲပျက်ကွက်နေခြင်း၊ မဆိုင်သည့်အကြောင်းဖြင့် မဆိုင်သူအား စီရင်ခြင်းက Rajapaksa ၏ (မိမိ၏ဘက်တော်သားလူတစ်စုသာကောင်းစားရေး) ခရိုနီသင်္ကေတအား ဖော်ကျူးလိုက်ပေသည်။ ထို့ပြင် သီရိလင်္ကာနိုင်ငံလူဦးရေပမာဏ ၁၀ ရာခိုင်နှုန်းအထိရှိနေသော မွတ်စ်လင်မ်လူထုအကြား သူ့အမည်နာမ သုံးစားမရတော့ပေ။

    Rajapaksa အား လူကြိုက်နည်းသွားရခြင်း၏အဓိကရင်းမြစ်မှာ BBS နှင့်စပ်လျဉ်းသော သူ့အနေအထားကြောင့် မဟုတ်။ မိမိ၏ရာထူးနေရာအတွက် အမြင်ကျဉ်းမြောင်းစွာဖြင့် အာဏာတည်ဆောက်မှု ကြီးထွားလာသောကြောင့်သာဖြစ်သည်။ သီရိလင်္ကာနိုင်ငံသားအများအပြားက အခြေခံကုန်စည်များတွက်ပင်လျှင် ရုန်းကန်နေရသော ဖွံ့ဖြိုးမှုမဲ့စီးပွားရေးအခြေအနေ ထပ်ဆင့်လာသောအခါ Rajapaksa ၏ ဒီမိုကရေစီအံတုလမ်းစဉ်သည် သူ၏အတွင်းပိုင်း မိသားစု၊ မိတ်ဆွေ၊ ဘက်တော်သားအုပ်စုပြင်ပရှိ လူပေါင်းများစွာတို့အား စိတ်ပျက်လက်ပျက်ဖြင့် ယုံကြည်မှုကင်းမဲ့သွားစေသည်။

    ယင်းသို့တစ်ဖက်သတ်ဆန်ဆန် စီမံထားမှုလမ်းကြောင်းများက Rajapaksa ၏ ကိုယ်ပိုင်နိုင်ငံရေးပါတီဝင်များ၊ သူ့အတွင်းစည်းမှ အခရာအင်အားစုဖြစ်သည့် သီရိလင်္ကာသား စင်ဟာလာဗုဒ္ဓဘာသာဝင် ၇၀ ရာခိုင်နှုန်းကိုပင် သူစိမ်းဆန်သွားစေခဲ့သည်။ အချုပ်ဆိုရလျှင် Rajapaksa ကဲ့သို့ အမျိုးသားနိုင်ငံရေးဝါဒီအများစုသည် လူမျိုးရေးအကြောင်းပြ ခေါင်းစဉ်အောက်စုစည်းခြင်းအပေါ် မှီခိုနေခြင်းဖြစ်သည်။ ကနဦးပိုင်းက အားထားခဲ့သည့် မဲအင်အားစု ပြိုကွဲပြီး ညွှန့်ပေါင်းအဖွဲ့၏လားရာ ပြောင်းလဲသွားသည်၌ ခေါင်းမာသူကြီးအဖို့ ကယ်ကူရာမဲ့ဖြစ်သွားလေသည်။

    ရွေးကောက်ပွဲနေ့မတိုင်မှီ ငါးနှစ်ခွဲအလို ဆင်ဟာလာဗုဒ္ဓဘာသာဝင်လူများစုနှင့် ဟိန္ဒူတမီလ်လူနည်းတို့အကြားဖြစ်ပွားသော ၂၅ နှစ်ကြာ ပြည်တွင်းစစ်ကို အဆုံးသတ်ပေးနိုင်ခြင်းက Rajapaksa ၏ အထွဋ်အထိပ်နိုင်ငံရေးအောင်မြင်မှု ဖြစ်ခဲ့သည်။ မဝေးကွာလှသေးသည့် အတိတ်အောင်မြင်မှုလည်း ရေစုန်မျောရချေပြီ။ သီရိလင်္ကာသားတို့အဖို့ စစ်မက်ကင်းဝေးရုံမျှဖြင့် မလုံလောက်နိုင်သေးသောကြောင့်ဖြစ်သည်။

    Rajapaksa အဖတ်ဆည်မရအောင် ထိုးကျသွားရသည့် အထင်ရှားဆုံးဖြစ်နေချေအကြောင်းရင်းမှာ ပြည်တွင်းစစ်ကာလအတွင်း ကျူးလွန်သော စစ်ရာဇ၀တ်အတွက် ဆင့်ခေါ်စစ်ဆေးခြင်းကို ငြင်းပယ်မှုဟု ဆိုရပါမည်။ Rajapaksa သည် ထိုအတိတ်ကိုပြန်မဖော်ဘဲ ပြည်ဖုံးကားချလိုခြင်းမှာ သူနှင့် ညီဖြစ်သူ ကာကွယ်ရေးဦးစီးတို့၏ ထဲထဲဝင်ပါဝင်ပတ်သက်မှုရှိနေနိုင်ကြောင်း မည်သူမဆို တွေးဆကြည့်နိုင်မည်ဖြစ်သည်။ သို့သော် ထိုငြင်းပယ်သည့်ဆုံးဖြတ်ချက်က ပြည်တွင်းစစ်နောက်ဆုံးကာလများအတွင်း သတ်ဖြတ်ခံလိုက်ရသည့် တမီလ်အရပ်သား လေးသောင်းဝန်းကျင်တို့၏ မိသားစုဝင်များ၊ မိတ်ဆွေများကို ဒေါသနှိုးဆွလိုက်ပေသည်။

    ထိုတွန်းအားပေးမှုသည် နှစ်ဖက်စလုံးမှ ရာဇ၀တ်မှုကျူးလွန်သူတို့အား စုံစမ်းစစ်ဆေးရန် ကုလလူ့အခွင့်အရေးကောင်စီမှ ခြေလှမ်းစတင်စေခဲ့သည်။ သို့သော် New York Review of Books တွင် ဂျာနယ်လစ် Joshua Hammer က Rajapaksa အစိုးရအဖွဲ့သည် စုံစမ်းစစ်ဆေးရေးအရာရှိများကို ပြည်ဝင်ခွင့် မပေးခဲ့ကြောင်း၊ Skype မှတဆင့် ၀န်ခံထွက်ဆိုသူ မျက်မြင်သက်သေများကို ခြိမ်းခြောက်ပြီး ဂျီနီဗာရှိ လူ့အခွင့်အရေးကောင်စီဋ္ဌာနချုပ်မှ စွဲချက်တင်မှု ပယ်ဖျက်ရန် ပြောဆိုလိုက်ကြောင်း ဖော်ပြခဲ့သည်။

    ယင်းသို့ အသည်းအမည်းငြင်းဆန်မှုသည် သီရိလင်္ကာကို နိုင်ငံတကာအလယ် ဂုဏ်သိက္ခာကျဆင်းသွားစေသည့်အပြင် နိုင်ငံမြောက်ပိုင်း တမီလ်ဒေသနှင့် ရင်ကြားစေ့ရေးခြေလှမ်းများအား ကြိုပိတ်တားဆီးလိုက်ခြင်းဖြစ်သည်။ ရင်ကြားစေ့ရေးလုပ်ငန်းစဉ်၌ အစိုးရသိမ်းပိုက်နယ်မြေများ ပြန်ပေးရေး၊ သတင်းစာလွတ်လပ်ခွင့်၊ အတိုင်းအတာတစ်ရပ်အထိ ကိုယ်ပိုင်စီမံအုပ်ချုပ်မှုအခွင့်အာဏာ စသည်တို့ ပါဝင်နေ၏။

    sri-lanka_1

    အထက်ပါအကြောင်းအချက်များက သမ္မတ Rajapaksa စီစဉ်သည့် လျှပ်တစ်ပြက်ရွေးကောက်ပွဲမတိုင်မီ သုံးလအလိုတွင် သူ၏ ရေရှည်နိုင်ငံရေးလက်တွဲဖော်ဖြစ်သော Maithripala Sirisena အား ဆန့်ကျင်ဖက်လမ်းလျှောက်ရန် ဆုံးဖြတ်သွားစေသည်။ သို့ဖြင့် Rajapaksa ၏သစ္စာခံ ဆင်ဟာလာအင်အားစုအကြား ခံစားခဲ့ရသည့် ဆုံးရှုံးနစ်နာမှုများကို ပြန်လည်အောင်နိုင်ရန် Sirisena မှ တမီလ်နှင့်မွတ်စ်လင်မ်များအကြားရှိ လုံလောက်သော အားပေးထောက်ခံမှုပေါ်မူတည်လျက် လောင်းကြေးထပ်လိုက်ပေသည်။

    သို့သော် ဖြစ်စဉ်ရလဒ် ထူးခြားခဲ့သည်။ ဆင်ဟာလာနိုင်ငံရေးသမားတို့က ဆွယ်လုံးများပေးနေလင့်ကစား တမီလ်နှင့်မွတ်စ်လင်မ်တို့သည် Sirisena ၀င်ပြိုင်အရွေးခံခြင်းဖက်မှ ရပ်တည်အားပေးခဲ့ကြသည်။ Rajapaksa ၏ လူတစ်စုကောင်းစားရေးဝါဒကြောင့် သီရိလင်္ကာ၏ အကြီးမားဆုံး မွတ်စ်လင်မ်ပါတီ၏ခေါင်းဆောင် ရာအူးဖ်ဟကီးမ် Rauf Hakeem သည် တရားရေးဝန်ကြီးရာထူးမှနှုတ်ထွက်ပြီး Sirisena ဖက်သို့ ဘက်ပြောင်းလိုက်ပါသည်။ အချိန်တိုလေးအတွင်း ပင်မ တမီလ်နိုင်ငံရေးပါတီသည် သူနှင့် တစ်သွေးတစ်သံတည်း ဖြစ်သွားခဲ့၏။

    ညွှန့်ပေါင်းအင်အားစု
    ———————-
    Sirisena ၏ မွတ်စ်လင်မ်နှင့်တမီလ် ပြန်လည်ပေါင်းစည်းမှု ထင်ရှားလာခြင်းမှာ အံ့သြစရာ အလျဉ်းမရှိချေ။ “ရန်သူ၏ရန်သူသည် မိတ်ဆွေဖြစ်သည်” ဟူသော အဆိုရှိနေသည်မဟုတ်လော။ အမှန်တကယ် ပါးစပ်အဟောင်းဖြစ်သွားစေသည့်ပုံဟန်သည်ကား အလယ်အလတ်လမ်းစဉ်လိုက် ဗုဒ္ဓဘာသာဝင်များ၏ပါတီ National Heritage Party (JHU) သည်လည်း Sirisena အား ထောက်ခံလိုက်ခြင်းပင်တည်း။ သီရိလင်္ကာပါလီမန်အမတ်နေရာ ၂၂၅ အနက် သုံးနေရာသာရထားသော်လည်း ၎င်းပါတီသည် နိုင်ငံအတွင်းဗုဒ္ဓဘာသာအသိုင်းအ၀ိုင်း၏ နိုင်ငံရေးအသံအား ကိုယ်စားပြုထားပေသည်။

    JHU ခေါင်းဆောင် Omalpe Sobitha သည် Rajapaksa အားထောက်ခံမှုမှ နှုတ်ထွက်ကျောခိုင်းရခြင်းအကြောင်းကို ဤသို့ရင်ဖွင့်ပြောကြားသည်။

    “ဒီလိုနှုတ်ထွက်ခြင်းဟာ ရန်သူအင်အားစုဆီကလာတဲ့ စိန်ခေါ်ချက်တစ်ရပ်ကြောင့် မဟုတ်ပါဘူး။ မိမိလမ်းကြောင်းတွေကို ပြန်လည်တည့်မတ်ဖို့ သမ္မတကိုပေးတဲ့ မွေးနေ့လက်ဆောင်တစ်ခုပါ။ ဒါဟာ ဗုဒ္ဓအဆုံးအမအရ မိတ်ဆွေတစ်ကို သွန်သင်လမ်းပြခြင်း ဖြစ်ပါတယ်”။

    သို့သော် ခြားနားစွာတည်ရှိသော ဗုဒ္ဓဘာသာနိုင်ငံရေးအုပ်စု BBS ၏ထောက်ခံမှုကို Rajapaksa မှ ကိုင်ဆွဲထားဆဲပင်။ BBS အဖွဲ့မှ Rajapaksa အား ပြန်လည်တင်မြှောက်ရေးဆုံးဖြတ်ချက်ကို ကြေငြာရာတွင် ထိုအုပ်စု၏ စီအီးအို Dr. Dilanthe Withananage က အတိုက်အခံအင်အားစုတို့ကို အပြင်းအထန်ဝေဖန်ခဲ့သည်။

    “အမည်ခံအုပ်ချုပ်ရေးစနစ်ကောင်း၊ ဒီမိုကရေစီနဲ့တရားဥပဒေစိုးမိုးရေး၊ အစိုးရမဟုတ်တဲ့အဖွဲ့အစည်းတွေရဲ့ ကြွေးကြော်သံအပေါင်း၊ ကမ္ဘာ့ဘဏ်၊ ကုလသမဂ္ဂတို့ဟာ သာမန်ယှဉ်ဖက် Maithripala Sirisena ကို အပေါ်ယံလျှပ်ပြီး အကဲဖြတ်နေကြတာပါ”။

    BBS ၏ မဟာဗျူဟာမှာ Maithripala Sirisena အား “သီရိလင်္ကာဗဟိုချက်မ လူ့အဖွဲ့အစည်းဖြစ်သော ဆင်ဟာလာဗုဒ္ဓဘာသာဝင်တို့အား မျက်ရည်ချောင်းစီးအောင် လျှို့ဝှက်ရည်ရွယ်ထားသည့် နိုင်ငံတကာပြည်ပအားကိုးသူ” အဖြစ် ပုံဖော်လိုခြင်းဖြစ်သည်။

    Rajapaska မှ ယင်းကဲ့သို့ ၀ါဒမှိုင်းတိုက်ခြင်းကို လက်ခံကြိုဆိုခဲ့ခြင်းက လွဲချက်နာရပေသည်။ အဆုံးသတ်သော် သူ၏အမာခံထောက်ခံသူများက အင်အားသာသော်လည်းအမြင်ကျဉ်းအယူသည်းလှသည့် လူများစုအပေါ် သူ၏မှီခိုနေမှု (နှင့်) ဘာသာခြားတိုင်းရင်းအုပ်စုငယ်တအုံတကျင်း၏ Sirisena အပေါ် ရပ်တည်ချက်တို့အကြား ကွဲပြားခြားနားမှုကို ပုံကြီးချဲ့ခဲ့ကြသည်။ သို့ဖြင့် လက်တစ်ဆုပ်စာမျိုးတူအုပ်စုမှထိန်းချုပ်ထားသော အစိုးရနှင့် မျိုးကွဲညွှန့်ပေါင်းအုပ်စုကြီးအကြား ရွေးချယ်မှုတစ်ခုအဖြစ် ရွေးကောက်ပွဲက အသွင်ပြောင်းသွားလေသည်။ သို့သော် ထိုသူတို့မှာ Rajapaksa အတွက် အလုပ်ဖြစ်အောင် မစွမ်းဆောင်နိုင်ခဲ့ချေ။ ရွေးကောက်ပွဲရောက်ရန် သုံးရက်မျှသာလိုသောအခါကျမှ  “ဆင်ဟာလာဖြစ်စေ၊ တမီလ်ဖြစ်စေ၊ မွတ်စ်လင်မ်ဖြစ်စေ ဒီနိုင်ငံကမည်သူ့ကိုမဆို ကျွန်တော် အကာအကွယ်ပေးပါမယ်” ဟု Rajapaksa က အမြင်ယှဉ်ပြိုင်နိုင်ဖို့ ကြိုးစားပမ်းစား ပြောကြားခဲ့သည်။ ဤကတိအား အပြည့်အ၀သက်သေပြနိုင်ခြင်း ရှိမည်မဟုတ်သလို အခါလွန်မိုး ဖြစ်ခဲ့ပြီတည့်။

    သီရိလင်္ကာသမိုင်း၌ မဲဝင်ပေးသူပမာဏအများဆုံးဖြစ်စဉ်သည် ဇန္န၀ါရီ ၈ ရက်တွင် ပေါ်ပေါက်ခဲ့သည်။ တရားဝင်မဲပေးခွင့်ရှိသူများ၏ ၈၁.၅ ရာခိုင်နှုန်းအထိ မဲပေးခဲ့ကြသည်။ အမေရိကန်သမ္မတရွေးကောက်ပွဲ၌ (နောက်ဆုံးနှစ်ကြိမ်ဖြစ်သော) ၂၀၀၈ နှင့် ၂၀၁၂ ခုနှစ်တွင် မဲထည့်သူဦးရေ ၅၇ နှင့် ၅၄ ရာခိုင်နှုန်း အသီးသီးသာ ရှိခဲ့ခြင်နှင့် နှိုင်းယှဉ်ကြည့်နိုင်ပါသည်။ မဲပမာဏအားလုံး၏ ၅၁ ရာခိုင်နှုန်းဖြင့် Sirisena မှ နှာတစ်ဖျားအသာ အနိုင်ရသွားခဲ့သည်။ မွတ်စ်လင်မ်နှင့်တမီလ်တို့၏ ၇၀ ရာခိုင်နှုန်းသော မဲဝေစုက ဆင်ဟာလာဗုဒ္ဓဘာသာဝင်များအကြား ရှိနေခြင်းကြောင့်ဟု ဆိုရပေမည်။

    သို့သော် နိုင်ငံရေးအဆောက်အဦ၌ အုပ်ချုပ်ရေးစနစ်ကောင်းချမှတ်ခြင်းထက် မှိုင်းတိုက်ခြင်းက ပိုမို တာသွားတတ်လေ့ရှိရာ ထိုရွေးကောက်ပွဲမှ အဓိကမေးခွန်းတစ်ရပ် ထွက်ပေါ်လာပါသည်။ Sirisena ၏ မတည်ငြိမ်သေးသော မဲဆန္ဒရှင်အုပ်စုများသည် နောက်ကွယ်မူဝါဒများဖြင့် မည်သို့ စခန်းသွားကြမည်နည်း ? ထို့ပြင် ဤစည်းဝိုင်းအတွင်းကစားကွက်သည် BBS အပေါ်ထားရှိသော အစိုးရပေါ်လစီအား မည်သို့သက်ရောက်စေမည်နည်း ?

    ရွေးကောက်ပွဲဝင်စဉ် နှစ်လတာအတောအတွင်းမှစပြီး Sirisena က သိသာထင်ရှားသော ပြန်လည်ပြုပြင်မှုအချို့အား စီမံထားပြီးဖြစ်သည်။ ၎င်း၌ BBS အားအရေးယူရန် ဆန္ဒရှိနေကြောင်း အရိပ်အမြွက်ပါဝင်နေသည်။ သို့သော် ရွေးကောက်ပွဲမတိုင်မီ သုံးလအလိုအထိ Sirisena သည် Rajapaksa လက်အောက်မှ ကျန်းမာရေးဝန်ကြီးတာဝန်ထမ်းဆောင်နေခဲ့သော သူ့ပါတီဝင်ဖြစ်ခဲ့ခြင်းကြောင့် ယင်းအလားအလာများကို စောင့်ကြည့်ရပေဦးမည်။

    ရွေးကောက်ပွဲအပြီး ပျော်ရွှင်အောင်ပွဲခံနေခြင်းကြားမှ International Crisis Group အဖွဲ့ဝင် Brian Keenan သည် တက်ကြွလှုပ်ရှားနေကြသူများအား “Sirisena မှာ Rajapaksa ထက်ပင် နားလည်ရခက်သူဖြစ်၏။ သို့သော် မည်သို့ပင်ဖြစ်စေ ဆင်ဟာလာအမျိုးသားရေးဝါဒ၏အရောင်စွန်းထင်းမှု မဆိုစလောက်တော့ ရှိပါသည်” ဟု သတိပေးခဲ့သည်။ Guardian သတင်းစာအယ်ဒီတာအဖွဲ့က “သီရိလင်္ကာဖြစ်စဉ်ဟာ တော်လှန်ရေးတစ်ရပ် မဟုတ်ခဲ့ပါဘူး။ အတိတ်ကာလရဲ့ ဒီမိုကရေစီချိန်ခွင်လျှာကို ပြန်လည်ညှိနှိုင်းထိန်းသိမ်းလိုက်တာမျိုးလည်း မဟုတ်ပါဘူး။ Rajapaksas ရဲ့ အထိန်းအကွပ်မဲ့ အာဏာအလွဲသုံးစားပုံဟန်ကိုဆန့်ကျင်ပြီး အာဏာရပါတီအတွင်းထဲကနေ ဦးချိုးလိုက်ခြင်းသာ ဖြစ်တယ်” ဟု ဆိုကြသည်။  Sirisena သည် BBS ၏ထောက်ခံမှုရရန် ကြိုးစားခဲ့ကြောင်း ထိုအုပ်စုခေါင်းဆောင်တို့၏အဆိုအရ သိရသည်။

    Sirisena သည် စတင်တာဝန်ထမ်းဆောင်သည့် လအနည်းငယ်အတွင်း သူ့အပေါ်ရှိသောသံသယအားလုံး ချေဖျက်ရန် တတ်နိုင်သမျှ ကြိုးစားခဲ့သည်။ ဒီမိုကရေစီလမ်းကြောင်းနှင့်စပ်လျဉ်း၍ ဇွန်လ၌ လွှတ်တော်အတွင်း ရွေးကောက်ပွဲလုပ်ရန် မဲဆွယ်ကတိပေးထားပြီးဖြစ်ရာ သူ၏တစစအားကောင်းလာသော ညွှန့်ပေါင်းအဖွဲ့မှာ အတိုက်အခံတို့၏စိန်ခေါ်ချက်ဒဏ် ခံရဖွယ်ရှိနေသည်။

    အုပ်ချုပ်ရေးစနစ်ကောင်းနှင့်စပ်လျဉ်း၍ Rajapaksa အုပ်ချုပ်ရေးကာလအကျင့်ပျက်မှုများမှ လာဘ်စားမှုတစ်ရပ်ကို သူက ကြေငြာခဲ့သည်။ တရားစီရင်ရေးနှင့် အလွတ်တန်းကော်မရှင်အဖွဲ့များအတွက် လွတ်လပ်စွာကျင့်သုံးနိုင်ရန်အလို့ငှာ ၁၉ ကြိမ်မြောက် သီရိလင်္ကာဖွဲ့စည်းအုပ်ချုပ်ပုံစည်းမျဉ်းပြင်ဆင်ရေးဖြစ်မြောက်ဖို့လည်း အားထုတ်ထားသည်။ ပြန်လည်ပြုပြင်တည်ဆောက်မှုမှာ တစ်ခုတည်းသာ ရှိ၏။ လောင်စာအခွန်အခကို အစိုးရဖက်မှ ၂၂ ရာခိုင်နှုန်းအထိ ဖြတ်တောက်လိုက်ခြင်းဖြစ်သည်။ ၎င်းက လူထုသယ်ယူပို့ဆောင်ရေးစားရိတ်၌ ၈ ရာခိုင်နှုန်းမှ ၁၀ ရာခိုင်နှုန်းအထိ လျော့ကျသွားစေပြီး သီရိလင်္ကာပြည်သူတို့၏ နေ့တစ်ဓူဝဘ၀များအပေါ် အကြီးမားဆုံး အကျိုးသက်ရောက်စေခဲ့သည်။ ဤလုပ်ဆောင်ချက်က အလယ်အလတ်နှင့် အောက်ခြေအဆင့်ဝင်ငွေရှိ သီရိလင်္ကာနိုင်ငံသားတို့ ခါးစည်းခံနေရသော စီးပွားရေးဝန်ထုပ်အား လျော့ပေါ့သွားစေပါသည်။

    တမီလ်ရင်ကြားစေ့ရေးကိစ္စတွင် Sirisena က ကျန်ရှိနိုင်ငံရေးအကျဉ်းသားများကိုလွတ်ရန်၊ ပြည်တွင်းစစ်အတွင်း စစ်တပ်မှသိမ်းယူခဲ့သည့် မြေယာများ ပြန်ပေးရန် သဘောတူခဲ့သည်။
    စိုးရိမ်စရာရှိနေသေးသည့်ကိစ္စတစ်ရပ်မှာ စစ်အတွင်း လူ့အခွင့်အရေးချိုးဖောက်မှုများဆိုင်ရာ ကုလသမဂ္ဂအစီရင်ခံစာထုတ်ပြန်ချက်အပေါ် ခြောက်လတာမျှ ဆုတ်ဆိုင်းထားချက်ဖြစ်သည်။ သို့သော်လည်း လူ့အခွင့်အရေးဆိုင်ရာ ကုလအထူးကော်မရှင်နာမင်းကြီး Zeid Raad Al-Hussein ၏အဆိုအရ ထိုကြားကာလလွန်လျှင် စစ်ရာဇ၀တ်မှုများအား စုံစမ်းစစ်ဆေးဆောင်ရွက်သွားရန် သမ္မတမှ ရှင်းရှင်းလင်းလင်း ကတိပြုခဲ့ကြောင်း သိရသည်။

    ဤပြန်လည်ပြုပြင်မှုများနှင့်လျာထားချက်များက Sirisena ၏အားထုတ်မှုကဏ္ဍအပေါ် ယုံကြည်နိုင်စရာအဖြစ် ထောက်ပြနေပေသည်။ သို့သော် BBS အား စုံညီအရေးယူရန်အတွက်မှု ၎င်းတို့က အာမ မခံသေးပေ။ ဤအရေးဆိုင်ရာတွင် Sirisena အဖို့ ပြသစရာလက္ခဏာ တစ်ရပ်သာ ဆောင်ရွက်ထားသေး၏။ ဗလီဝတ်ကျောင်းတော်တစ်ခုသို့သွားရောက်ကာ “အစိုးရသစ်ရဲ့တာဝန်ဟာ ပြည်သူတေအကြောက်တရားနဲ့သံသယမရှိဘဲ ငြိမ်းချမ်းစွာ၊ သဟဇာတဖြစ်စွာ ညီနောင်ရင်းချာပမာ အတူယှဉ်တွဲနေထိုင်သွားမယ့် တိုင်းပြည်ဖြစ်အောင် ဖန်တီးရေးပဲဖြစ်တယ်” ဟူ၍ အခိုင်အမာပြောဆိုခဲ့ခြင်းဖြစ်သည်။ BBS အဖွဲ့၏ လှုံ့ဆော်အကြမ်းဖက်မှုအား ရည်ညွှန်းသည့်သဘောဖြင့် “ကလေးငယ်တွေရဲ့အနာဂတ်အပေါ် အမှောင်ဖုံးသွားစေမယ့် အတိတ်ကအရိပ်မည်းတွေကို ခွင့်ပြုမှာ မဟုတ်တော့ဘူး” ဟုလည်း ကတိပေးခဲ့သည်။ ဤစကားလုံးများက Rajapaksa ၏ လျစ်လျူရှုခံရမှုကို မွတ်စ်လင်မ်တို့ထံမှ ထွက်ခွာသွားစေသော်လည်း အခြေအနေက ယခင်အတိုင်းပင်။

    ဤအတည်ပြုချက်များအရ ဗုဒ္ဓဘာသာဝင်များ၏ရန်စအကြမ်းဖက်ဖြစ်စဉ်များ အထူးသဖြင့် ယမန်နှစ်ဇွန်လ Aluthgama တွင်ဖြစ်ပွားသော တုန်လှုပ်ဖွယ် စုပြုံသတ်ဖြတ်မှုများအတွင်း ကျူးလွန်ခဲ့သည့်ဒုစရိုက်များအပေါ် အာဏာပိုင်များမှ စုံစမ်းစစ်ဆေးမှုတစ်ရပ် ပြုလုပ်ရန် အကြောင်းရှိနေသည်။ ယင်းသို့အရေးယူမှုများက Sirisena ၏ သက်တမ်းနု ထိလွယ်ရှလွယ် လက်ျာစွန်းရောက်အဖွဲ့ဝင်အချို့ကို အမျက်သိုစေမည်မှာ မလွဲပေ။ သို့သော် Sirisena ၏ အောင်မြင်မှုသည် သီရိလင်္ကာရှိလူနည်းစုများအပေါ် ကာကွယ်ရေးအပါအ၀င် ဒီမိုကရေစီလမ်းကြောင်းဖော်ခြင်းအတွက် ထင်ရှားသည့်အခွင့်အာဏာတစ်ရပ်အား ကိုယ်စားပြုနေပါသည်။ သီရိလင်္ကာနိုင်ငံသည် ဒီမိုကရက်တစ်ပြုပြင်ရေးကိုဖော်ဆောင်လျှင် လူနည်းစုဝင်အုပ်စုများအဖို့ ကိုယ်စားလှယ်နေရာများစွာ ရရှိမည်ဖြစ်သည်။ ယင်းအုပ်စုများ အာဏာရလာပါက BBS အပေါ်စုံစမ်းစစ်ဆေးရေးကဲ့သို့သော ကြိုတင်ကာကွယ်ရေးအစီအမံများအတွက် ပိုမိုတွန်းအားပေးနိုင်မည်ဖြစ်သည်။ ဤအကြောင်းနှစ်ရပ်က အပြန်အလှန်ဆက်နွှယ်နေပေသည်။

    သို့သော် BBS အား အမြန်ဖြိုခွင်းရေးအတွက် သီရိလင်္ကာမွတ်စ်လင်မ်များမှ တောင်းဆိုနိုင်သည်။ သူတို့သည် ညွှန့်ပေါင်းအဖွဲ့၏အဓိကအစိတ်အပိုင်းဖြစ်နေခြင်းကြောင့် Sirisena ရွေးချယ်တင်မြှောက်ခံရခြင်းဖြစ်သည်။

    သူ၏အနိုင်ရရှိမှုက နိုင်ငံတကာဗုဒ္ဓဘာသာဝင်များအတွက် BBS ကို အားထုတ်ယှဉ်ပြိုင်ရန် ဗျူဟာသစ်တစ်ရပ်ကိုလည်း အချက်ပြလျက်ရှိသည်။ ဗုဒ္ဓဘာသာဝင်များက မွတ်စ်လင်မ်အုပ်စုများကို ၎င်း၏ညွှန့်ပေါင်းစည်းဝိုင်းအတွင်းမှ မြှင့်တင်ကူညီပေးခြင်းသည် အွန်လိုင်းပေါ်တွင် လက်မှတ်ထိုးတောင်းဆိုတင်ပြချက်များထက် ပိုမိုလက်တွေ့ကျပေသည်။ ဤသို့သော ရပ်တည်တွန်းအားပေးမှုဥပမာတစ်ရပ် လွန်ခဲ့ရက်သတ္တပတ်အနည်းငယ်၌ ဖြစ်ပေါ်ခဲ့၏။ ၎င်းမှာ တောင်အာရှနှင့်အရှေ့တောင်အာရှနိုင်ငံပေါင်း ၁၅ ခုမှ မွတ်စ်လင်မ်နှင့်ဗုဒ္ဓဘာသာဝင် ခေါင်းဆောင်တို့သည် အကြမ်းဖက်မှုကိုရှုတ်ချသည့်၊ ၎င်းပြင် လူနည်းစုဝင်ဘာသာရေးအုပ်စုများ ဘေးကင်းလုံခြုံမှုရှိအောင် အစိုးရအရေးယူမှုကိုတောင်းဆိုသည့် ပူးပေါင်းကြေငြာချက်တစ်ရပ် ထုတ်ပြန်နိုင်ခဲ့သည်။

    Rajapaksa ၏ ဆင်ဟာလာဗုဒ္ဓဘာသာအမျိုးသားရေးဝါဒနှင့် ၎င်း၏လက်ပွား BBS အား ပြတ်ပြတ်သားသား ပယ်လှန်ကြသော (သာသနာညှိုးနွမ်းစေမှုအား ကာကွယ်လိုက်ကြသော) သီရိလင်္ကာနိုင်ငံသားများကို ကမ္ဘာတစ်ဝှမ်း ဗုဒ္ဓဘာသာဝင်များအနေနှင့် ကျေးဇူးတင်ရပေမည်။ သီရိလင်္ကာ၌ အစွန်းရောက်ဗုဒ္ဓ၀ါဒအား အမြစ်ဖြတ်မည့် အခွင့်အလမ်းမှာ ကျွန်ုပ်တို့အပေါ် မူတည်နေပါသည်။ Sirisena အာဏာရခြင်းမရခြင်း၊ သီရိလင်္ကာတွင်းရှိ BBS ဆန့်ကျင်ရေးအင်အားစုနှင့်ပြည်ပနေများမှ သူ့ကို အင်အားသုံးစေခြင်းမသုံးစေခြင်းသည် ပြဿနာတစ်ရပ် မဟုတ်တော့ပါလေ။

    xxxxxxxxxxxxxxxxxxxxx

    Tricycle ၏ လက်ထောက်အယ်ဒီတာ Max Zahn ၏ The Jig Is Up ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုသည်။

    ဆက်စပ်ပိုစ်များ ဖတ်ရန်
    ————————
    မြန်မာပြည်က လူမျိုးရေး အကြမ်းဖက်မှုများအပေါ် ကမ္ဘာ ဗုဒ္ဓဘာသာ ခေါင်းဆောင်များရဲ့ တုံ့ပြန်မှု့
    http://www.m-mediagroup.com/news/8838

    မြန်မာနဲ့ သီရိလင်္ကာက ဗုဒ္ဓဘာသာတွေ အကြမ်းဖက်မှု ရပ်ကြဖို့ ဒလိုင်းလားမား တိုက်တွန်း
    http://www.m-mediagroup.com/news/29572

  • မြန်မာ-သီရိလင်္ကာ သာသနာရေးကို ဦးဝီရသူ အိုးမဲသုတ် ဟု မွန်လူမျိုး သံဃာတော် တပါးပြောကြား

    မြန်မာ-သီရိလင်္ကာ သာသနာရေးကို ဦးဝီရသူ အိုးမဲသုတ် ဟု မွန်လူမျိုး သံဃာတော် တပါးပြောကြား

    စက်တင်ဘာ ၃၀ ၊ ၂၀၁၄
    M-Media

    တနင်္ဂနွေနေ့က ကိုလံဘိုလေဆိပ်မှာ တွေ့ရတဲ့ ဒေသခံ အစွန်းရောက် Bodu Bala Sena အုပ်စု နဲ့ ဦးဝီရသူ (Photo-The Republic Square)

    ဗုဒ္ဓဘာသာတွေဟာ မူစလင်တွေရဲ့ အကြမ်းဖက်မှုကို ခံနေကြရပြီး  သီရိလင်္ကာမှာရှိတဲ့ Bodu Bala Sena လို့ ခေါ်တဲ့ ဗုဒ္ဓဘာသာ အင်အားစု နဲ့ ၉၆၉ လှုပ်ရှားမှု အင်အားစုတို့ လက်တွဲ ဆောင်ရွက်သွားကြမယ်လို့ ပြောကြားခဲ့တဲ့ ဦးဝီရသူရဲ့ မိန့်ခွန်း အပေါ် မွန်လူမျိုး သံဃာတော်တပါးဖြစ်တဲ့ U Ravika က သူသဘောထားအမြင်ကို ၄င်းရဲ့ FB စာမျက်နှာမှာ ရေးသားခဲ့ပါတယ်။ U Ravika ရဲ့ ရေးသားမှုကို M-Media စာဖတ်ပ၇ိတ်သတ် ဖတ်ရှုနိုင်အောင် မူရင်းအတိုင်း ကူးပြီးတင်ပြပေးလိုက်ပါတယ်။

    မြန်မာ-သီရိလကာင်္ သာသနာရေးကို ဆရာတော်ဝီရသူ အိုးမဲသုတ်

    အရှင်ပန်စတေးတပ်စ်ကို မန့်ဖို့ စိတ်ကူးပေမဲ့ စကားက နည်းနည်းရှည်နေလို့ ကိုယ့်စတေးတပ်စ်အဖြစ်နဲ့ ရေးတင်လိုက်ပါတယ်။
    ဆရာတော်ဝီရသူကို ဖိတ်ကြားတဲ့ Bodu Bala Sena အဖွဲ့ဟာ မူစလင်ဆန့်ကျင်ရေးအဖွဲ့အစည်းတစ်ခု ဖြစ်လို့ ပွဲကို တက်ရောက်ဖို့ ဖိတ်ကြားပေမဲ့ မကုဋာရာမမြန်မာကျောင်းနာယကဆရာတော်များက ငြင်းဆိုခဲ့ကြောင်း အရှင်ပန်က ရေးတယ်။

    ဆရာတော်ဦးဝီရသူ မိန့်ခွန်းကို မနေ့ကပဲ နားထောင်ခဲ့ပါတယ်။ ထူးထူးခြားခြား မပါလို့ စိတ်မဝင်စားသလို သူ့အကြောင်းကို မန့်ရင် အလကားသက်သက် ၉၆၉ အတွက် အားဆေးတစ်ခွက် ဖြစ်နေမှာစိုးလို့ မရေးခဲ့ပါ။

    ဆရာတော် မိန့်သလိုသာ ဗုဒ္ဓဘာသာတွေဟာ မူစလင်တွေရဲ့ အကြမ်းဖက်မှုကို ခံနေကြရရင် ဒီတစ်ခုကို ထောက်ပြစရာ ရှိတယ်။ မကုဋာရာမကျောင်းဆိုတာ မူစလင်ရပ်ကွက်မှာ ရှိနေတာ ဖြစ်တယ်။ မူစလင်တွေကြားမှာ နေနေရတာ ဖြစ်တယ်။ မိမိကိုယ်တိုင်လည်း နေခဲ့ဖူးတဲ့ ကျောင်းဖြစ်တယ်။ မကုဋာရာမအရေးကို ရင်လေးကြောင်း ဆိုပြီး မဟနက မြန်မာသံရုံးကတစ်ဆင့် သိမ်းဖို့ ကြိုးစားရာ ခုခံသူထဲမှာ မိမိပါခဲ့ပါတယ်။ အရှင်ပန်လည်း ဒီအကြောင်းကို အသိဆုံးပါ။

    ဆရာတော် မိန့်သလိုသာ ဗုဒ္ဓဘာသာတွေဟာ မူစလင်တွေရဲ့ အကြမ်းဖက်မှုကို ခံနေကြရရင် ဒီတစ်ခုကို ထောက်ပြစရာ ရှိတယ်။ မကုဋာရာမကျောင်းဆိုတာ မူစလင်ရပ်ကွက်မှာ ရှိနေတာ ဖြစ်တယ်။ မူစလင်တွေကြားမှာ နေနေရတာ ဖြစ်တယ်။ မိမိကိုယ်တိုင်လည်း နေခဲ့ဖူးတဲ့ ကျောင်းဖြစ်တယ်။

    ဝါသနာ ပါသပဆိုရင် မူစလင်မလေးတွေ နောက်ဖေးမှာ အဝတ်လျှော် အဝတ်လှန် လုပ်ရင် မျက်စိစားပွဲထိုး လုပ်လို့ ရတယ်။ တံတိုင်းတစ်ခုပဲ ခြားတဲ့ မူစလင်အိမ်တွေပါ။ ဒါပေမဲ့ ဘုန်းကြီးများက မူစလင်မလေးများကို စိတ်မဝင်စားသလို မူစလင်များကလည်း မြန်မာကျောင်းကို မျက်စိဒေါက်ထောက် ကြည့်မနေကြပါ။ ဘုန်းတော်ကြီးများက မူစလင်တွေ ရောင်းတဲ့ ဘိုရယာနီ ထမင်းထုပ်ကိုပဲ ဝင်ဆွဲကြပါတယ်။
    ဆရာတော်ဝီရသူက မူစလင်တို့ ကန့်ကွက်နေတဲ့ကြားမှာ သူ့ကို ခွင့်ပြုခဲ့တဲ့ သီရိလကာင်္သမ္မတ မဟိန္ဒရာဇပက္ခကို ကျေးဇူးတင်ကြောင်း မိန့်ကြားခဲ့ပါတယ်။ ဆရာတော်ဝီရသူ သီရိလကာင်္ရောက်တာနဲ့ ချိန်ကိုက်ပြီး စစ်တပ်အားပေး ဒီမိုယောင်ယောင် လစ်ဘရယ် ဟန်ဆောင်သူ တစ်ယောက်ဟာ သီရိလကာင်္ သမ္မတကို မျိုးချစ်တစ်ဦး အဖြစ် သတ်မှတ်ပြီး ပြည်တွင်းစစ်ကို အဆုံးသတ်နိုင်ခဲ့သူ ဖြစ်လို့ အာဇနည်တစ်ဦးဖြစ်ကြောင်း အမွှန်းတင်ခဲ့ပါတယ်။

    သူက ဆက်ပြီး မြန်မာတိုင်းရင်းသားတော်လှန်ရေးအဖွဲ့အစည်းများကို သူပုန်လို့ သတ်မှတ်ပြီး မြန်မာပြည်ကို ကရင်ပြည်မဖြစ်အောင် ကာကွယ်နိုင်ခဲ့တဲ့ မြန်မာ့ တပ်မတော်ကို ကျေးဇူးတင်သင့်ကြောင်း ဖော်ညွှန်းခဲ့ပါတယ်။ တိုင်းရင်းသားများကို အပြုတ်တိုက်ပြီး ငြိမ်းချမ်းရေးဖော်ဆောင်ဖို့ ဆော်အော်ခဲ့ရာ ကြိုက်သူထဲမှာ ဒီမိုအချို့တောင် ရောပါသွားခဲ့ပါတယ်။

    ဒီတော့ ဆရာတော်ဝီရသူမစ်ရှင်ဟာ ငြိမ်းချမ်းရေးမစ်ရှင်တစ်ခု မဟုတ်ဘူး။ ပုဂံခေတ်က ရှိခဲ့တဲ့ မွန်ဆရာတော်များရဲ့ မစ်ရှင်များ၊ မြန်မာဆရာတော်များရဲ့မစ်ရှင်များ၊ ဟံသာဝတီခေတ်က မွန်ဆရာတော်များရဲ့ မစ်ရှင်များ၊ အင်းဝခေတ်ရှိမြန်မာဆရာတော်များရဲ့ မစ်ရှင်များ၊ ကုန်းဘောင်ခေတ်က ရာမညနိကာယမွန်ဆရာတော်များရဲ့ မစ်ရှင်များ၊ အမရပူရ မြန်မာဆရာတော်များရဲ့ မစ်ရှင်များ၊ အင်္ဂလိပ်ခေတ်က မကုဋာရာမစတဲ့ မြန်မာကျောင်းများကို တည်ထောင်ခဲ့တဲ့ မွန်မြန်မာဆရာတော်များရဲ့ မစ်ရှင်များ၊ ရွှေကျင်သာသနာကို စတင်ခဲ့တဲ့ မြန်မာဆရာတော်များရဲ့ မစ်ရှင်များကို မှေးမှိန်စေပါတယ်။

    သူဟာ ၂၀၀၇ ရွှေဝါရောင်တုန်းက ရခဲ့တဲ့ ရဟန်းများရဲ့ ကမ္ဘာ့ထောက်ခံမှုကို ပျက်စီးအောင် လုပ်ခဲ့သူ ဖြစ်တယ်။ အာဏာရှင်စနစ်ကို ဆန့်ကျင်နေတဲ့ ကျောင်းသား၊ တိုင်းသူပြည်သား၊ ဘုရားသား(၃)မျိုးထဲမှာ ဘုရားသားတော်ဖြစ်တဲ့ သံဃာတော်များက ဒီမိုကရေစီတိုက်ပွဲကို စိတ်မဝင်စားဘဲ စစ်အာဏာရှင်စနစ်ကို ထောက်ခံလာအောင် စည်းရုံးနေသူ ဖြစ်တယ်။ ဘုရားသားတော်များကို အသုံးချလို့ ပြည်သူပြည်သားများကိုလည်း နိုင်ငံရေးကို စိတ်မဝင်စားစေဘဲ သိန်းစိန်ကို ထောက်ခံအောင် စည်းရုံးနေသူ ဖြစ်တယ်။ အခု မြန်မာသီရိလကာင်္မှာ ရှိနေခဲ့တဲ့ သာသနာရေးဆိုင်ရာကူးလူးဆက်ဆံမှုကိုပါ အိုးမဲသုတ်ခဲ့ပါပြီ။

    မူရင်းလင်ခ် =>https://www.facebook.com/ven.ravika/posts/568065456655027

  • သီရိလင်္ကာတွင် မွတ်စလင်များအား အကြမ်းဖက်မှုကို ဆန့်ကျင်သည့် ဘုန်းကြီး တပါး ကိုယ်လုံးတီးချွတ် ရိုက်နှက်ခံရ

    ဇွန်လ ၂၁ ရက်၊ ၂၀၁၄
    M-Media
    201406182300
    – အစ္စလာမ်ဘာသာဝင်များကို တိုက်ခိုက်သည်ဟု အပြစ်တင်ခြင်းခံနေရသည့် သဘောထားတင်းမာသော BBS အဖွဲ့ကို ပြင်းပြင်းထန်ထန်ဝေဖန်ခဲ့သည့် သီရိလင်္ကာ ဘုန်းတော်ကြီးတစ်ပါးမှာ ပြန်ပေးဆွဲခံခဲ့ရပြီး၊ ရိုက်နှက်ခံခဲ့ရသည်ဟု သိရသည်။

    သီရိလင်္ကာ ဇတ္တိကဗလသိန အဖွဲ့ခေါင်းဆောင် ဘုန်းတော်ကြီး ဗာတာရိက ဗိဇိသ သီရိုမှာ အစ္စလာမ်မုန်းတီးရေး လှုပ်ရှားမှုများကို ဆောင်ရွက်နေပြီး သီရိလင်္ကာရှိ အစ္စလာမ်ဘာသာဝင်များအား တိုက်ခိုက်မှုများတွင် ကြိုးကိုင်နေသည်ဟု အပြစ်တင်ခြင်းခံနေရသော ဆင်ဟာလာ ဗုဒ္ဓဘာသာအဖွဲ့ ဘူဒေါဗလသိန BBS ၏ လုပ်ရပ်များကို ဆန့်ကျင်ခဲ့သောကြောင့် ဗုဒ္ဓဟူးနေ့ညက မြို့တော်ကိုလံဘို ဆင်ခြေဖုံးဒေသတွင် ပြန်ပေးဆွဲ၊ ရိုက်နှက်ခံခဲ့ရခြင်းဖြစ်သည်။

    ဘုန်းတော်ကြီး သီရိုကို ပါနာဒူရာမြို့လမ်းဘေးတွင် လက်များ၊ ခြေထောက်များကို ကြိုးဖြင့်ချည်နှောင်လျက် ကိုယ်လုံးတီးတွေ့ခဲ့ရခြင်းဖြစ်ပြီး ၎င်း၏ သင်္ကန်းနှင့် ပိုက်ဆံအိတ်ကို အနီးနားတွင် တွေ့ရှိခဲ့ရသည်။ အဆိုပါ ဘုန်းတော်ကြီးအား ကြာသာပတေးနေ့ နံနက်ပိုင်းက ကားတစ်စီးပေါ်မှ လာရောက်ပစ်ချသွားသည်ဟု အနီးအနားတွင် နေထိုင်သူ ရှီဟန် ကာပူဂျီက ပြောကြားခဲ့သည်။

    ဘုန်းတော်ကြီး သီရိုအား ကိုလံဘိုမြို့ရှိ အမျိုးသားဆေးရုံးကြီးသို့ ပင့်ဆောင်ကာ ဆေးကုသပေးနေသည်ဟု အဆိုပါဆေးရုံ လက်ထောက်ဒါရိုက်တာ ဒေါက်တာ ပရာဆဒ် အရိယာဝန်ရှာက အလ်ဂျာဇီးရား သတင်းဌာနသို့ ပြောကြားခဲ့သည်။ သီရိုမှာ သီရိလင်္ကာ အာဏာရပါတီ၏ အဖွဲ့ဝင်တစ်ဦးဖြစ်ပြီး၊ အစိုးရအဖွဲ့ဝင်တစ်ဦးလည်းဖြစ်သည်။

    Ref: Al Jazeera