Tag: Belgian muslim

မတ် ၂၃၊ ၂၀၁၆
M-Media

– ယမန်နေ့က ဘယ်လ်ဂျီယံနိုင်ငံ မြို့တော် ဘရပ်ဆဲလ်တွင် ဖြစ်ပွားခဲ့သည့် ဗုံးခွဲတိုက်ခိုက်မှုများကို ဘယ်လ်ဂျီယံနှင့် ဥရောပတစ်ဝှမ်းရှိ မွတ်စလင်အဖွဲ့အစည်းများနှင့် ပြည်သူများက ရှုတ်ချပြောဆိုလိုက်သည်။

လေဆိပ်နှင့် ဘူတာရုံတို့တွင် ဖြစ်ပွားခဲ့သည့် ဗုံးပေါက်ကွဲမှု ၃ ခုကြောင့် အနည်းဆုံး လူ ၃၅ ဦး သေဆုံးခဲ့ပြီး ၂၀၀ နီးပါးခန့် ဒဏ်ရာရရှိခဲ့သည်။ IS အဖွဲ့ကမူ ထိုဖောက်ခွဲမှုမှာ ၎င်းတို့လက်ချက်ဟု ပြောကြားခဲ့သည်။

“ဒါဟာ လူမဆန်တဲ့လုပ်ရပ်တွေပါ။ ကျွန်တော်တို့ ဒီလိုလူမျိုးတွေကို မထောက်ခံပါဘူး။ သူတို့ တရားဥပဒေအတိုင်း ပြစ်ဒဏ်ခံစားရဖို့ ကျွန်တော်တို့ မျှော်လင့်ပါတယ်” ဟု ဥရောပ အစ္စလာမ့်အဖွဲ့အစည်းများသမဂ္ဂမှ ဒါရိုက်တာဖြစ်သူ ဆအစ်ဒ် ကမ်လီက ပြောကြားခဲ့သည်။

ထို့ပြင် IS အဖွဲ့နှင့် ၎င်းတို့၏ ရက်စက်ကြမ်းကြုတ်သော လုပ်ရပ်များက အစ္စလာမ်ကို ကိုယ်စားမပြုဟုလည်း ၎င်းက ထည့်သွင်းပြောကြားခဲ့သည်။

ပရဟိတလုပ်ငန်များ ဆောင်ရွက်နေသော ဘယ်လ်ဂျီယံမွတ်စလင်ကော်မတီ EMB ကလည်း ကြေငြာချက်တစ်စောင် ထုတ်ပြန်ခဲ့ပြီး မိမိတို့မှာ ထိုလုပ်ရပ်ကို ခြွင်းချက်မရှိ ရှုတ်ချကြောင်း၊ အပြစ်မဲ့အရပ်သားများအား ဆိုးဆိုးဝါးဝါး ရက်ရက်စက်စက် ကျူးလွန်ခြင်းသာဖြစ်ကြောင်း ဖော်ပြခဲ့သည်။

“ဥရောပရဲ့ နှလုံးသည်းပွတ်နေရာမှာ ဖြစ်ပွားခဲ့တဲ့ ဒီလိုဆိုးရွားတဲ့ အဖြစ်အပျက်တွေဟာ EMB နဲ့ မွတ်စလင်လူ့အဖွဲ့အစည်းတစ်ခုလုံးက ကြိုးစားပမ်းစား ဆောင်ရွက်နေတဲ့ သဟဇာတဖြစ်စွာ အတူယှဉ်တွဲနေထိုင်ရေးကို သဲထဲရေသွန်သလို ဖြစ်စေပါတယ်”

ထို့ပြင် အကြမ်းဖက်ဝါဒအား တိုက်ဖျက်ရန်အတွက် စုစည်းညီညွတ်ကြရန်လည်း အဆိုပါကြေငြာချက်တွင် ဆော်သြခဲ့ပြီး ဘယ်လ်ဂျီယံမွတ်စလင်များအနေဖြင့် ဒီမိုကရေစီတန်ဖိုးကို ထိန်းသိမ်းရန်၊ လုံခြုံရေးတပ်ဖွဲ့များအား ထောက်ပံ့ကူညီပေးရန်လည်း EMB က တိုက်တွန်းခဲ့သည်။

ထို့ကဲ့သို့ တိုက်ခိုက်မှုများကို အကြောင်းပြု၍ နိုင်ငံအတွင်းရှိ မွတ်စလင်လူ့အဖွဲ့အစည်းအပေါ် ပစ်မှတ်ထားခံရမည်ကိုလည်း စိုးရိမ်မှုများ ရှိနေသည်။

“ဒီအကြမ်းဖက်လုပ်ရပ်တွေကို မွတ်စလင်တွေလည်း ခံစားနေရပါတယ်။ ဒီလုပ်ရပ်ကိုအကြောင်းပြုပြီး မွတ်စလင်အားလုံးအပေါ် အပြစ်တင်တာမျိုး မဖြစ်ဖို့တော့ ကျွန်တော်တို့ မျှော်လင့်ပါတယ်။ လူ့အဖွဲ့အစည်းတွေ တစ်ဖက်နဲ့တစ်ဖက် ရန်စောင်ကြတာကို အကြမ်းဖက်သမားတွေက လိုချင်ကြတာပါ” ဟု EMB ဥက္ကဌ အီချာလာအူက ဘယ်လ်ဂျီယံသတင်းစာ De Standaard သို့ ပြောကြားခဲ့သည်။

ဘယ်လ်ဂျီယံမွတ်စလင်များအပြင် ဥရောပနှင့် ကမ္ဘာတစ်ဝှမ်းရှိ မွတ်စလင်များကလည်း ထိုလုပ်ရပ်ကို ရှုတ်ချကြောင်း ထိခိုက်ခံစားရသူများနှင့်အတူ ၀မ်းနည်းကြေကွဲရကြောင်း ပြောကြားခဲ့ကြသည်။

Ref: politico.eu, Religionnews

မတ် ၄၊ ၂၀၁၅
M-Media

– ဘယ်လ်ဂျီယံနိုင်ငံတောင်ပိုင်း အာလွန်မြို့ရှိ သမိုင်းဝင် ရှေးဟောင်း ဂျူးဘုရားကျောင်းတစ်ခု ပြန်လည် ပြုပြင်မွမ်းမံရန်အတွက် ရန်ပုံငွေရရှိရေး လှုပ်ရှားမှုကို မွတ်စလင်အသိုင်းအ၀ိုင်းက ဆောင်ရွက်ပေးမည်ဟု သိရသည်။

“အကူအညီဖြစ်စေဖို့နဲ့ ကျွန်တောတို့ရဲ့ ညီညွတ်မှုကို လူအများကို သက်သေပြဖို့အတွက် ရန်ပုံငွေရှာဖို့ ကျွန်တော်တို့ ဆုံးဖြတ်ခဲ့တာပါ။ အလှူဒါနရက်ရောမှုနဲ့ အပြန်အလှန်ကူညီဖေးမှုတွေနဲ့အတူ အာလွန်က မွတ်စလင်လူ့အဖွဲ့စည်းဟာ အများအကျိုးဖြစ်မယ့် ဒီစီမံကိန်းအတွက် ကူညီဖို့ ဆန္ဒရှိပါတယ်” ဟု အာလွန်မွတ်စလင်အသင်းမှ အထွေထွေအတွင်းရေးမှူး မိုဟာမက် ဘူဇ်မာနီက ဥရောပဂျူးသတင်းစာ EJP သို့ မတ်လ ၂ ရက် တနင်္ဂနွေနေ့က ပြောကြားခဲ့သည်။

သေးငယ်သော ဂျူးအသိုင်းအ၀ိုင်းရှိရာ ဘယ်လ်ဂျီယံ၏ ဗိသုကာနှင့် ဘာသာရေးဆိုင်ရာ အမွေအနှစ်ဖြစ်သော အာလွန်မြို့ရှိ အဆိုပါ ဂျူးဘုရားကျောင်း၏ ဆိုးရွားသည့်အခြေအနေကို ကြားသိခဲ့ရပြီးနောက် မွတ်စလင်များက ဂျူးဘုရားကျောင်း ပြန်လည်ပြုပြင်မွမ်းမံရေး အတွက် ရန်ပုံငွေရရှိရေး လှုပ်ရှားမှုကို ဆောင်ရွက်ခဲ့ကြခြင်း ဖြစ်သည်။

“အတူတကွနေထိုင်ထာ ကြာလာပြီးတဲ့နောက်မှာ ကျွန်တော်တို့ဟာ “အတူတကွ လုပ်ဆောင်မှု” ကို တည်ဆောက်ချင်ပါတယ်” ဟူ ဘူဇ်မာနီက ထပ်လောင်းပြောကြားခဲ့သည်။

လွန်ခဲ့သည့် နှစ် ၁၀၀ အရင်က ဆောက်လုပ်ခဲ့သော အဆိုပါ ဂျူးဘုရားကျောင်းမှာ ၀ါလိုနီယာဒေသ၏ အဓိက သမိုင်းဝင်အမွေအနှစ်အဖြစ် ၂၀၀၅ ခုနှစ်က သတ်မှတ်ခြင်း ခံခဲ့ရသည်။ သို့သော်လည်း ပြီးခဲ့သည့် နွေရာသီက ခြောက်သွေ့ဆွေးမြေ့ပြီး အစိုပြန်မှုများကြောင့် ပြိုကျမည့်အန္တရာကို စိုးရိမ်ရ၍ ပိတ်ပစ်ခဲ့ရသည်။

အဆိုပါ ဂျူးဘုရားကျောင်း ပြုပြင်မွမ်းမံရေးအတွက် ယူရို ၄ သိန်းခန့် လိုအပ်မည်ဖြစ်ပြီး မွတ်စလင်လူ့အဖွဲ့အစည်းက ထိုငွေပမာဏအထိ ရရှိအောင်ဆောင်ရွက်ရန် ရည်ရွယ်ထားသည်။

ဘယ်လ်ဂျီယံ၏ ၁၁.၃ သန်းသောလူဦးရေတွင် အစ္စလာမ်ဘာသာဝင် အရေအတွက်မှာ ၆၃၈၀၀၀ ခန့်ရှိမည်ဟု Pew သုတေသနစင်တာက ၂၀၁၀ ခုနှစ်တွင် ထုတ်ပြန်သော စာရင်း၌ ဖော်ပြထားသည်။

ဘရက်ဆဲလ်မြို့တွင်ပင် အစ္စလာမ်ဘာသာဝင် အရေအတွက်မှာ ၂၅ ရာခိုင်နှုန်းရှိပြီး ဗလီဝတ်ကျောင်းတော်နှင့် ၀တ်ပြုဆောင် ၇၇ လုံးရှိကာ နိုင်ငံတစ်ဝှမ်းတွင် ၃၀၀ ကျော် ရှိနေသည်။

Ref:Onislam