News @ M-Media

Tag: Boko Haram

  • ဘိုကိုဟရမ်အဖွဲ့မှာ ကုရ်အာန်မဖတ်တတ်သလို၊ အစ္စလာမ်ကိုလည်း လိုက်နာကျင့်သုံးခြင်းမရှိဟု နိုက်ဂျီးရီးယားစစ်တပ် ပြောကြား

    ဘိုကိုဟရမ်အဖွဲ့မှာ ကုရ်အာန်မဖတ်တတ်သလို၊ အစ္စလာမ်ကိုလည်း လိုက်နာကျင့်သုံးခြင်းမရှိဟု နိုက်ဂျီးရီးယားစစ်တပ် ပြောကြား

    သြဂုတ် ၃၁၊ ၂၀၁၅
    M-Media

    nige

    – ဘိုကိုဟရမ် အစွန်းရောက်အဖွဲ့မှာ အစ္စလာမ်၏ အမည်နာမအား အလွဲသုံးစားလုပ်ခြင်းသာဖြစ်ပြီး ၎င်းတို့မှာ ကုရ်အာန်ကျမ်းတော်မြတ်အား မဖတ်တတ်သလို သာသနာကိုလည်း လိုက်နာကျင့်သုံးခြင်းမရှိဟု နိုက်ဂျီးရီးယားစစ်တပ်မှ အကြီးတန်းအရာရှိတစ်ဦးက ပြောကြားလိုက်သည်။

    “နိုက်ဂျီးရီးယားစစ်တပ်က ဖမ်းဆီးရမိခဲ့တဲ့ ဘိုကိုဟရမ်အကြမ်းဖက်သမား အများစုဟာ ကုရ်အာန်မဖတ်တတ်ပါဘူး။ သူတို့ထဲကအချို့ဆိုရင် ကျမ်းတော်မြတ်ရဲ့ ပထမဆုံးကဏ္ဍ အလ်ဖာသေဟာကိုတောင်မှ မရပါဘူး။ ဒါပေမယ့် သူတို့က အစ္စလာမ့်နိုင်ငံထူထောင်ချင်တယ်လို့ ကျွေးကြော်ကြပါတယ်” ဟု နိုက်ဂျီးရီးယားစစ်တပ် ပြည်သူ့ဆက်ဆံရေးဌာနမှ ဗိုလ်ှမှူးကြီး ဆာနီ ကူကာရှီကာ အူစမန်က Facebook စာမျက်နှာတွင် ရေးသားဖော်ပြခဲ့သည်။

    ထို့ပြင် ၎င်းတို့၏ လုပ်ရပ်များမှာ အလွန်အမင်း ရှက်စရာကောင်းပြီး၊ နိုက်ဂျီးရီးယားစစ်တပ်က ဘိုကိုဟရမ်၏ စခန်းများနှင့် လေ့ကျင့်ရေးနေရာများကို သိမ်းပိုက်ရာတွင် ကုရ်အာန်ကျမ်းတော်မြတ်၊ ဟဒီးစ်စာအုပ်နှင့် အစ္စလာမ့်ရေးရာ စာအုပ်စာပေများကို လုံးဝ မတွေ့ခဲ့ရဟု ထည့်သွင်းပြောကြားခဲ့သည်။

    “နိုက်ဂျီးရီးယားအရှေ့ပိုင်း ဘော်နိုပြည်နယ် ဆမ်ဆီဆာသစ်တောထဲက သူတို့ရဲ့ ဒေသတွေမှာ တွေ့တာတွေအားလုံးက လက်နက်ခဲယမ်းတွေ၊ ကွန်ဒုံးတွေနဲ့ ကာမအားတိုးဆေးပါအ၀င် ဆေးဝါးအစုံပါပဲ” ဟု အူစမန်က ထပ်လောင်းပြောကြားခဲ့သည်။

    အူစမန်၏ Facebook မှ အဆိုပါပို့စ်ကို အသုံးပြုသူရာပေါင်းများစွာက ဘိုကိုဟရမ် အကြမ်းဖက်အုပ်စုမှာ အစ္စလာမ်၏ပုံရိပ်ကို မှေးမှိန်ညှိုးနွမ်းစေသည်ဟူသော မှတ်ချက်များဖြင့် ပြန်လည်မျှဝေခဲ့ကြသည်။

    “တကယ်တော့ သူတို့တွေဟာ အစ္စလာမ်ဘာသာဝင်တွေ မဟုတ်ကြဘူးဆိုတာ ကျွန်တော်တို့အားလုံး ရှင်းရှင်းလင်းလင်း သိကြပါတယ်။ ဘာ့ကြောင့်လည်းဆိုတော့ ကျွန်တော်တို့သိတဲ့ အစ္စလာမ်ဘာသာဝင်ကောင်းဆိုတာ သူတို့ရဲ့ အပေါင်းအဖော် လူသားတွေကို အနောက်တိုင်းပညာရေးဆိုတဲ့ ခေါင်းစဉ်အောက်ကနေ ခေါင်းဖြတ်သတ်ရလောက်အောင် အကြင်နာတရား မမဲ့နိုင်တာကြောင့်ပါပဲ” ဟု အဆိုပါသတင်းနှင့်ပတ်သက်၍ Naij.com ၌ အသုံးပြုသူတစ်ယောက်က ရေးသားထားသည်။

    အခြား အွန်လိုင်းအသုံးပြုသူတစ်ယောက်ကလည်း “စိတ်ဝင်စားစရာပဲ – ကျွန်တော်တို့ အမြစ်ကိုလှန်ပြီး သူတို့ကို စပွန်ဆာပေးနေတဲ့သူတွေ၊ ဘဏ္ဍာရေးထောက်ပံ့နေတဲ့သူတွေကို လိုက်ရပါမယ်” ဟု မှတ်ချက်ပေးခဲ့သည်။

    ထို့ပြင် နိုက်ဂျီးရီးယားစစ်တပ်မှ အရာရှိဟောင်းတစ်ဦးဖြစ်သူ စတီဖင် အန်ဒိုးကလည်း ဘိုကိုဟရမ်မှာ မည်သည့်အခါကမှ မွတ်စလင်မဟုတ်ခဲ့ဟု ဆိုသည်။

    “အစကတည်းက သူတို့ဟာ မွတ်စလင်တွေမဟုတ်ဘူးဆိုတာ ထင်ရှားပါတယ်။ သူတို့ကြောင့် နိုက်ဂျီးရီးယားဟာ ညီညွတ်လာမှာဖြစ်ပြီး ဘာသာရေး၊ လူမျိုးစုခြားနားမှုနဲ့ အခြားသော အမျိုးကောင်းစားရေးဝါဒတွေကို ဘေးဖယ်ထားဖို့ အကူအညီဖြစ်စေမယ်လို့ ကျွန်တော်ကတော့ မြင်ပါတယ်။ ကျွန်တော်တို့ ဒါကို မဖြစ်မနေ ရင်ဆိုင်ရမယ်။ ဒီပြဿနာက မြောက်ပိုင်းတစ်ပိုင်းတည်းမဟုတ်ပါဘူး။
    နိုက်ဂျီးရီးယားတစ်ခုလုံးကို ရိုက်ခတ်မှာပါ။ ဒီ ဆိုးရွားတဲ့လူတွေကို ရှုတ်ချဖို့ ကျွန်တော်တို့အားလုံးက တစ်သံတည်းထွက်ဖို့ လိုပါတယ်” ဟု အန်ဒိုးက ထည့်သွင်းပြောကြားခဲ့သည်။

    ပြီးခဲ့သည့်နှစ်များအတွင်း နိုက်ဂျီးရီးယားအစိုးရမှာ နိုင်ငံအရှေ့မြောက်ပိုင်းတွင် အခြေစိုက်သည့် ဘိုကိုဟရမ်အဖွဲ့ကို ရင်ဆိုင်ရန် ရုန်းကန်ခဲ့ရပြီး တိုက်ခိုက်မှုများကြောင့် လူထောင်ပေါင်းများစွာ သေဆုံးခဲ့ရသည်။

    Ref: Onislam

  • နိုက်ဂျီးရီးယားရှိ ဗလီများသို့ ဘိုကိုဟရမ် ၀င်ရောက်ပစ်ခတ်၊ လူ ၈၀ ကျော်သေဆုံး

    နိုက်ဂျီးရီးယားရှိ ဗလီများသို့ ဘိုကိုဟရမ် ၀င်ရောက်ပစ်ခတ်၊ လူ ၈၀ ကျော်သေဆုံး

    ဇူလိုင် ၃၊ ၂၀၁၅
    M-Media

    nig

    – နိုင်ဂျီးရီးယားနိုင်ငံမြောက်ပိုင်းရှိ ဗလီဝတ်ကျောင်းတော်များအား ရမ်ဇာန်ဥပုသ်လအတွင်း ဘိုကိုဟရမ် အကြမ်းဖက်အဖွဲ့က ၀င်ရောက်ပစ်ခတ်မှုကြောင့် အနည်းဆုံး လူ ၈၀ သေဆုံးခဲ့သည်ဟု ပြည်သူ့စစ်အဖွဲ့ဝင်များက ပြောကြားခဲ့သည်။

    ဝေးလံခေါင်သီသည့် ကူကာဝါမြို့တွင် အသတ်ခံရသူအများစုမှာ အမျိုးသားများဖြစ်ကြပြီး သေဆုံးသူအရေအတွက်မှာ မြင့်တက်လာဖွယ် ရှိနေသည်။

    ဘိုကိုဟရမ်ဖွဲ့များမှာ ကား ၇ စီးနှင့် ဆိုင်ကယ် ၉ စီးတို့ဖြင့် ကူကာဝါမြို့သို့ ၀င်ရောက်လာကာ ဗလီဝတ်ကျောင်းတော်များသို့ ၀င်ရောက်ပစ်ခတ်ခဲ့ခြင်းဖြစ်ပြီး ထိုမြို့နှင့် ၁၁ ကီလိုမီတာ အကွာအဝေးတွင် နိုက်ဂျီးရီးယားစစ်သား ၁၀၀၀ ခန့် ရှိနေသော်လည်း
    လာရောက်ကယ်ဆယ်ခဲ့ခြင်းမရှိဟု ဒေသခံများက ပြောကြားခဲ့သည်။

    ထိုတိုက်ခိုက်မှုမှာ ဗုဒ္ဓဟူးနေ့ ညပိုင်းက ဖြစ်ပွားခဲ့သော်လည်း ကြာသာပတေးနေ့မနက်မှ သိရှိခဲ့ရသည်။ ကူကာဝါမြို့မှ ပြည်သူများမှာ ၀ါဖြေချိန်မတိုင်မီ ဗလီဝတ်ကျောင်းတော်အတွင်း၌ ၀တ်ပြုဆုတောင်းနေကြစဉ် တိုက်ခိုက်မှု ဖြစ်ပွားခဲ့ခြင်းဖြစ်သည်ဟု တာဝန်ရှိသူတစ်ဦးက ယမန်နေ့တွင် ပြောကြားခဲ့သည်။

    တိုက်ခိုက်ရေးသမားအချို့မှာ လူနေအိမ်များသို့ ၀င်ရောက်ကာ ၀ါဖြေရန်အတွက် ပြင်ဆင်နေသော အမျိုးသမီးများနှင့် ကလေးငယ်များကို သတ်ဖြတ်ခဲ့သည်ဟု ကူကာဝါရှိ တာဝန်ရှိသူများက ပြောကြားခဲ့သည်။

    အင်္ဂါနေ့ကလည်း ကူကာဝါမြို့နှင့် ၃၅ ကီလိုမီတာကွာဝေးသည့် ရွာတစ်ရွာတွင် ဘိုကိုဟရမ်များ ၀င်ရောက်ပစ်ခတ်မှုကြောင့် အမျိုသားနှင့် ယောင်္ကျားလေးစုစုပေါင်း ၄၈ ဦး သေဆုံးခဲ့သည်။

    ကာကူဝါမြို့မှာ နိုက်ဂျီးရီးယား အရှေ့မြောက်ပိုင်းရှိ အကြီးဆုံးဖြစ်သော မိုင်ဒူဂူရီမြို့မှ အရှေ့မြောက်ဘက် ကီလိုမီတာ ၁၈၀ အကွာတွင်ရှိသည့် မြို့တစ်ခုဖြစ်ပြီး ဘိုကိုဟရမ်အဖွဲ့ စတင်ရာ နေရာလည်းဖြစ်သည်။

    ဗုဒ္ဓဟူးနေ့က ဖြစ်ပွားခဲ့သော အဆိုပါတိုက်ခိုက်မှုမှာ IS အဖွဲ့က ရမ်ဇာန်လအတွင်း အကြမ်းဖက်တိုက်ခိုက်မှုများ ပိုမိုတိုးမြှင့်ဆောင်ရွက်ရန် ညွှန်ကြားချက်ကြောင့် ဖြစ်ပေါ်လာခြင်းဖြစ်သည်။ ဘိုကိုဟရမ်မှာ ယခုနှစ်အတွင်း IS အဖွဲ့အား သစ္စာခံခဲ့သည်။

    Ref: Aljazeera

  • ဘိုကိုဟရမ် လက်အောက်မှ တုန်လှုပ်ဖွယ်အတွေ့အကြုံ များ

    ဘိုကိုဟရမ် လက်အောက်မှ တုန်လှုပ်ဖွယ်အတွေ့အကြုံ များ

    မေ ၁၄ ၊ ၂၀၁၅
    M-MediaA woman rescued from Boko Haram in Sambisa forest is seen celebrating her freedom at Malkohi camp for Internally Displaced People in Yola, Adamawa State, Nigeria May 3, 2015. REUTERS/Afolabi Sotunde

    – ဘိုကိုဟရမ်များမှာ လူငယ်လေးများနှင့် အမျိုးသားကြီးများကို ၎င်းတို့၏ မိသားစုများရှေ့၌ သတ်ဖြတ်ခဲ့ကာ အမျိုးသမီးများနှင့် ကလေးငယ်များကို တောထဲသို့ခေါ် သွားခဲ့ပြီးတောထဲအရောက်တွင် အများစုမှာ အစာရေစာပြတ်လတ်ခြင်းနှင့် ရောဂါ ဘယများကြောင့် သေဆုံးခဲ့ရသည်ဟု ဘိုကိုဟရမ်လက်မှ လွတ်မြောက်လာသူများက အစိုးရ ဒုက္ခသည် စခန်းသို့ ပြန်လည်ရောက် လာပြီးနောက် တနင်္ဂနွေနေ့တွင် ပြောကြားခဲ့သည်။

    နိုက်ဂျီးရီးယားစစ်တပ်မှာ နိုင်ငံမြောက်ပိုင်း ဆမ်ဘီဆာ သစ်တောအတွင်း ပြုလုပ်သော အဓိက စစ်ဆင်ရေးတွင် ရာနှင့်ချီသော အမျိုးသမီးနှင့် ကလေးငယ်များကို ဘိုကိုဟရမ်များလက်မှ ပြီးခဲ့သည့် သီတင်းပတ်တွင် ကယ်ဆယ်နိုင်ခဲ့သည်။ ပြန်ပေးဆွဲ ခံထားရသူများအရေးနှင့် ပတ်သက်၍ ထိုစစ်ဆင်ရေးကို နိုင်ငံတကာက အာရုံစိုက်ကြသည်။

    ကယ်ဆယ်နိုင်ခဲ့သူများကို ထရပ်ကားများဖြင့် တင်ဆောင်ကာ ပြီးခဲ့သည့် တနင်္ဂနွေနေ့က နိုင်ငံ အရှေ့ပိုင်း ယိုလာမြို့ရှိ ဒုက္ခသည်စခန်းတွင် အာဏာပိုင်များ လက်သို့ အပ်နှံခဲ့ပြီး ကျွေးမွေးခြင်း၊ ပြုစုကုသခြင်းတို့ကို ဆောင်ရွက်ပေးခဲ့သည်။ ၎င်းတို့မှာ သတင်းထောက်များအား ပထမဆုံး အကြိမ်အဖြစ် စကားပြောနိုင်ခဲ့သည်။

    “ကျွန်မတို့ကို တစ်လက်မတောင် ရွေ့ဖို့ မပေးပါဘူး။ အိမ်သာသွားချင်တယ် ဆိုရင်တောင်မှ သူတို့က အနောက်ကလိုက်ပါတယ်။ ကျွန်မတို့ကို နေရာတစ်ခုထဲမှာ ဖမ်းထားတယ်။ ကျွန်မတို့ အကျဉ်းသားဘ၀ ရောက်ခဲ့တာပါ” ဟု လွတ်မြောက်လာ သူများထဲမှ တစ်ဦးဖြစ်သူ အာဆာဘီ အူမာရူက သူမအဖမ်းခံခဲ့ရသည့် အခြေအနေကို ပြောပြခဲ့သည်။

    “ဒီနေ့ အသက်ရှင်ခွင့်ရတဲ့အတွက် ဘုရားသခင်ကို ကျေးဇူးတင်ပါတယ်။ ကျွန်မတို့ရဲ့ အသက်တွေကို ကယ်တင်ပေးခဲ့တဲ့ အတွက်လည်း နိုက်ဂျီးရီးယားစစ်တပ်ကို ကျွန်မတို့ ကျေးဇူးတင်ပါတယ်” ဟု သူမက ထပ်လောင်းပြောကြားခဲ့သည်။

    Cicilia Abel (2nd L), from the local government of Michika, rests with her children at the Malkohi camp for the Internally Displaced People after being rescued from Boko Haram in Sambisa forest, in Yola, Adamawa State, Nigeria, May 3, 2015. REUTERS/Afolabi Sotunde

    အမျိုသမီးများနှင့် ကလေးငယ် ၂၇၅ ဦးမှာ စနေနေ့နှောင်းပိုင်းက ဒုက္ခသည်စခန်းသို့ ရောက်လာခဲ့ကြပြီး ၎င်းတို့ထဲမှ အချို့မှာ ဦးခေါင်းနှင့် ခြေလက်များတွင် ပတ်တီးများ စီးထားကြသည်။

    ပြီးခဲ့သည့်တစ်ပတ် အင်္ဂါနေ့မှစ၍ ကြာသာပတေးနေ့ အထိ ဘိုကိုဟရမ်၏ ခြေကုပ် စခန်းဖြစ်သည့် အဆိုပါ တောထဲမှ အမျိုးသမီး ၇၀၀ကျော်ကို ကယ်တင်နိုင်ခဲ့ပြီး နောက်ဆုံး အသုတ်အဖြစ် ပြီးခဲ့သည့် တစ်ပတ် သောကြာနေ့တွင် အမျိုသမီးနှင့် ကလေးငယ် ၂၃၄ ဦးကို ထပ်မံ ကယ်တင်နိုင်ခဲ့သည်။

    “စစ်သားတွေကို တွေ့တဲ့အခါ အကူအညီရဖို့ အတွက် ကျွန်မတို့ လက်တွေကို ဝှေ့ယမ်းပြ ခဲ့ပါတယ်။ အစောင့်ချထားတဲ့ ဘိုကိုဟရမ်တွေက ကျွန်မတို့ကို ခဲတွေနဲ့ ပစ်ပေါက်ခဲ့ပြီး နောက်ထပ် ပုန်းခိုဖို့နေရာကို သွားဖို့ ခေါ်ပါတယ်။ ဒါပေမယ့် ကျွန်မတို့ ငြင်းဆို ခဲ့ပါတယ်။ ဘာ့ကြောင့်လည်းဆိုတော့ စစ်သားတွေက ကျွန်မတို့ကို ကယ်တင်မှာမို့လိုပါပဲ” ဟု အသက် ၂၄ နှစ်အရွယ် ကလေး ၂ ယောက်မိခင် အူမာရူက ပြောကြားခဲ့သည်။

    ဘိုကိုဟရမ်လက်တွင် ဖမ်းဆီးခံထားရသူများမှာ အဟာရချို့တဲ့ခြင်းနှင့် ရောဂါဘယများကို ခံစားနေကြရသည်။

    “နေ့တိုင်း ကျွန်မတို့ထဲက တစ်ယောက်စီ သေတာကို ကျွန်မတို့ မြင်နေရပြီး ကိုယ့်အလှည့်ကို စောင့်နေကြရပါတယ်” ဟု အူမာရူက ထည့်သွင်းပြောကြားခဲ့သည်။

    အခြား အဖမ်းဆီးခံတစ်ဦးဖြစ်သူ စီစီလီယာ အဘဲလ်က သူမနှင့် ကျန်ရှိသည် ကလေးငယ် ၈ ယောက်ကို စစ်သွေးကြွများက တောထဲသို့ အတင်းအဓမ္မ ဖမ်းဆီခေါ်ဆောင်သွားခြင်းမပြုမီ သူမ၏ ခင်ပွန်းနှင့် အကြီးဆုံးသားအား ၎င်းတို့ရှေ့မှာပင် ဘိုကိုဟရမ်တို့က သတ်ပစ်ခဲ့သည်ဟု ပြောကြားခဲ့သည်။

    Women and children rescued from Islamist militant group Boko Haram in the Sambisa forest by the Nigerian military arrive at an internally displaced people's camp in Yola, Adamawa State, Nigeria, May 2, 2015. REUTERS/Afolabi Sotunde.

    စစ်တပ်များ ရောက်မလာခင် နှစ်ပတ်အရင်က သူမမှာ အစားသောက်ကို ပြည့်ပြည့်၀၀ မစားခဲ့ရ။

    “ကျွန်မတို့ကို နေ့လည်ပိုင်းမှာ ပြောင်းဖူးခြောက်ပဲ ကျွေးပါတယ်။ ဒါဟာ လူတွေအတွက်မကောင်းပါဘူး။ ဖမ်းဆီးခံထားရတဲ့ ကျွန်မတို့ထဲက တော်တော်များများဟာ ဆမ်ဘီဆာ သစ်တောထဲမှာ သေခဲ့ရပါတယ်။ ကျွန်မတို့ကို ကယ်တင်ပြီးတာတောင်မှာ ဒီနေရာကိုလာတဲ့လမ်းမှာ ၁၀ ယောက်လောက် သေဆုံးခဲ့ပါတယ်” ဟု အဘဲလ်က ပြောကြားခဲ့သည်။

    အထူးကုသမှု

    ဘိုကိုဟရမ်လက်မှ လွတ်မြောက်လာသူများ အစိုးရ ကယ်ဆယ်ရေးစခန်းသို့ ရောက်ရှိပြီးပြီးချင်း ပေါင်မုန့်များကြွေးကာ လက်ဖက်ရည်ကို မတ်ခွက်နှင့် တိုက်ခဲ့သည်။ ၎င်းတို့ထဲမှ ၁၉ ဦးမှာ အထူးကြပ်မတ် ကုသရန် အတွက် ဆေးရုံတင်ခဲ့ရသည်ဟု အဒါမာဝါပြည်နယ် အရေးပေါ် စီမံ ခန့်ခွဲရေးအေဂျင်စီမှ ဒေါက်တာ မိုဟာမက် အာမင်နူ ဆူလေမန်နီက Reuters သတင်းဌာနသို့ ပြောကြားခဲ့သည်။

    နိုက်ဂျီးရီးယားစစ်တပ်က ၎င်းတို့မှာ ပြီးခဲ့သည့်တစ်ပတ် စနေနေ့က အာဒါမာဝါပြည်နယ်တွင် ကင်းလှည့်နေစဉ် အမျိုးသမီးနှင့် ကလေးငယ် ၂၆၀ ကို တွေ့ရှိခဲ့သည်ဟု ပြောကြားခဲ့သည်။ ထိုအထဲမှ အချို့က စစ်တပ်နှင့် ဘိုကိုဟရမ်တို့ တိုက်ခိုက်မှုများ ဖြစ်ပွားနေစဉ် ၎င်းတို့၏ အိုးအိမ်များကို စွန့်ခွာထွက်ပြေခဲ့ကြပြီး အချို့မှာ ပြန်ပေးဆွဲခံခဲ့ရသော်လည်း ဘိုကိုဟရမ်တို့၏ လက်မှ ထွက်ပြေးလွတ်မြောက်ခဲ့သည်။

    နိုက်ဂျီးရီးယားစစ်တပ်က ပြီးခဲ့သည့်တစ်ပတ် တနင်္ဂနွေနေ့တွင် ဘိုကိုဟရမ်အား အစားသောက်နှင့် လောင်စာဆီ ထောက်ပံ့နေသူ တစ်ဦးကို ဖမ်းဆီးခဲ့သည်ဟု ကြေညာချက်တွင် ဖော်ပြထားသည်။

    နိုင်ငံတကာ လူ့အခွင့်အရေးအဖွဲ့တစ်ခုဖြစ်သည့် Amnesty International ကမူ နိုက်ဂျီးရီးယား အနောက်ပိုင်းအား သိမ်းပိုက် အုပ်ချုပ်ချင်သည့် ဘိုကိုဟရမ်တို့ ၂၀၁၄ ခုနှစ် အစပိုင်းမှစ၍ ဖမ်းဆီးထားသူ အမျိုးသမီးနှင့် မိန်းကလေးငယ် အရေအတွက်မှာ ၂၀၀၀ ကျော်ရှိသည်ဟု ခန့်မှန်း တွက်ချက်ထားသည်။ အများစုမှာ ထမင်းချက်များ၊ လိင်ကျွန်များ သို့မဟုတ် လူသားတံတိုင်းအဖြစ် အသုံးပြုခံခဲ့ရသည်။

    ယခု လွတ်မြောက်လာခဲ့သူများတွင် လွန်ခဲ့သည့် တစ်နှစ်က ချီဘွတ်ဒေသရှိ စာသင်ကျောင်းမှ ဖမ်းဆီးသွားသည့် ကျောင်းသူ ၂၀၀ ကျော် မပါဝင်သေးပေး။ ထိုပြန်ပေးဆွဲမှုက ၆ နှစ်ကြာ သူပုန်ထနေခဲ့သည့် ဘိုကိုဟရမ်အဖွဲ့အား တစ်ကမ္ဘာလုံးမှ အာရုံစိုက်လာခဲ့သည့် ကိစ္စဖြစ်သည်။

    အူမာရူကမူ ၎င်းတို့အုပ်စုမှာ ချီဘွတ်မှ မိန်းကလေးများနှင့် အဆက်အသွယ်မရဟု ပြောကြားခဲ့သည်။

    အိမ်နီးချင်း ချဒ်၊ ကင်မရွန်း၊ နိုင်ဂျာနိုင်ငံတို့မှ စစ်တပ်များနှင့်အတူ နိုက်ဂျီးရီးယား တပ်ဖွဲ့များမှာ ပြီးခဲ့သည့် ၂ လအတွင် ဘိုကိုဟရမ်များလက်မှ ပိုင်နက်တော်တော်များများကို ပြန်သိမ်းနိုင်ခဲ့သည်။

    ပြီးခဲ့သည့်နှစ်တွင် ဘိုကိုဟရမ်မှာ ၎င်းတို့၏ သြဇာကို ဘယ်လ်ဂျီယံနိုင်ငံ ထက် ပိုကြီးသည့် ဧရိယာအထိ ဖြန့်ကျက်နိုင်ခဲ့သည်။ သို့သော်လည်း ဇန်န၀ါရီလက စတင် ခဲ့သည့် တန်ပြန်ချေမှုန်းမှုများက ၎င်းတို့အား ဆမ်ဘီဆာ သစ်တောအတွင်းသို့ ရောက်ရှိစေ ခဲ့သည်။ နိုက်ဂျီးယားစစ်တပ်က ဘိုကိုဟရမ်အဖွဲ့မှာ ချောင်ပိတ်မိသွားပြီဟု ယုံကြည်နေပြီး ၎င်းတို့အား ရှင်းလင်းရန် ကြိုးပမ်းမှုမှာ မြေမြှုပ်မိုင်းများကြောင့် နှောင့်နှေးနေသည်။

    မိုဟာမက် ဘူဟာရီအား ရွေးကောက်ပွဲတွင် ရှုံးနိမ့်ပြီးနောက် မေလကုန်ပိုင်းတွင် ရာထူးမှဆင်းတော့မည့် သမ္မတ ဂွဒ်လက် ဂျိုနသန်က နိုက်ဂျီးရီးယားမှာ အကြမ်းဖက် ခြေကုပ်ယူမှု ကင်းစင်သည့် ဒေသအဖြစ်နှင့် အာဏာအား လွှဲအပ်ပေးသွားမည်ဟု ကတိပြုခဲ့သည်။

    ချစားမှုကြီးမားခြင်းနှင့် မြောက်ဘက်ပိုင်းရှိ သူပုန်ထမှုကို ရှင်းလင်းရန် မဆောင်ရွက်နိုင်ခြင်းက ဂျိုနသန်တစ်ယောက် ဘူဟာရီအား ရှုံးနိမ့်ခဲ့ရခြင်း အကြောင်းအရင်းလည်း ဖြစ်နေပေသည်။

    ref: Reuters
    လေးမောင် ဆီလျော်အောင်ဘာသာပြန်ဆိုသည်။

  • ဘိုကိုဟရမ် ကျဆုံးတော့မည်ဟု နိုင်ဂျီးရီးယား မွတ်စလင်ခေါင်းဆောင် ပြော

    ဘိုကိုဟရမ် ကျဆုံးတော့မည်ဟု နိုင်ဂျီးရီးယား မွတ်စလင်ခေါင်းဆောင် ပြော

    ဒီဇင်ဘာ ၁၇၊ ၂၀၁၄
    M-Media

    Emir of Kano, Muhammed Sanusi II, leads evening prayers at Kano Central Mosque as part of his visit to inspect the premises in Kano
    – နိုင်ဂျီးရီးယားမြောက်ပိုင်းတွင် အကြမ်းဖက်မှုများ ပြုလုပ်နေသည့် ဘိုကိုဟရမ် လက်နက်ကိုင် အဖွဲ့မှာ ကျဆုံးတော့မည်ဟု နိုင်ဂျီးရီးယားရှိ သြဇာကြီးမားသော မွတ်စလင်ခေါင်းဆောင်များထဲမှ တစ်ဦးဖြစ်သူ မုဟမ္မဒ် ဆာနူဆီ က ပြောကြားလိုက်သည်။

    `အကူအညီတွေလာနေပြီလို့ ကျွန်တော်ပြောပါတယ်။ အကြမ်းဖက်မှုဟာ ကျဆုံးတော့မှာပါ။ အားလုံးအတွက် လိုအပ်နေတာက ခေါင်းဆောင်ကောင်းတွေ၊ ထူးခြားတဲ့ သတ္တိတွေနဲ့ မတွန့်ဆုတ်တဲ့ ဆုံးဖြတ်ချက်တွေပါပဲ။ အောင်နိုင်မှုဟာ ကျွန်တော်တို့အတွက် ဖြစ်မှာပါ´ ဟု ဆာနူဆီက ပြီးခဲ့သည့် စနေနေ့တွင် ၎င်း၏ Twitter စာမျက်နှာ၌ ရေးသား ဖော်ပြခဲ့သည်။

    နိုင်ဂျီးရီးယား ဗဟိုဘဏ် အကြီးအကဲဟောင်းဖြစ်ခဲ့သည့် ဆာနူဆီမှာ နိုင်ဂျီးယားမြောက်ပိုင်း ကာနိုပြည်နယ်ရှိ မွတ်စလင်ခေါင်းဆောင် အဖြစ် ယခုနှစ် အစောပိုင်းက ခန့်အပ်ခြင်း ခံခဲ့ရသူဖြစ်သည်။

    ဆာနူဆီမှာ ဘိုကိုဟရမ်အဖွဲ့၏ အကြမ်းဖက်လုပ်ရပ်များကို ပြင်းပြင်းထန်ထန် ရှုတ်ချသူ တစ်ဦး ဖြစ်ပြီး နိုင်ဂျီးယားပြည်သူများက ဘိုကိုဟရမ်အဖွဲ့အား တွန်းလှန်တိုက်ခိုက်မှုကိုလည်း အားပေးသူတစ်ဦးဖြစ်သည်။

    ငါးနှစ်တာကြာမြင့်နေပြီဖြစ်သည့် ဘိုကိုဟရမ်အဖွဲ့၏ လက်နက်ကိုင် တိုက်ခိုက်မှုများ အတွင်း လူပေါင်း ၁၃၀၀၀ ကျော် သေဆုံးခဲ့ပြီးဖြစ်သည်။

    AFP

    ဓါတ်ပုံအညွှန်း- ကိုနိုပြည်နယ် ဗဟိုဗလီဝတ်ကျောင်းတွင် ဦးဆောင်ဝတ်ပြုနေသည့်  မုဟမ္မဒ် ဆာနူဆီ

  • အပစ်ရပ်ရေးနှင့် ကျောင်းသူများအား ပြန်လွှတ်ပေးရေး နိုက်ဂျီးရီးယား အစိုးရနှင့် ဘိုကိုဟရမ်တို့ သဘောတူညီချက် ရရှိ

    အပစ်ရပ်ရေးနှင့် ကျောင်းသူများအား ပြန်လွှတ်ပေးရေး နိုက်ဂျီးရီးယား အစိုးရနှင့် ဘိုကိုဟရမ်တို့ သဘောတူညီချက် ရရှိ

    အောက်တိုဘာ ၁၈ ၊ ၂၀၁၄
    M-Media
    665003303001_3845857983001_201491694937442734-20
    – နိုင်ငံအတွင်း အပစ်ရပ်ရေးနှင့် ပြန်ပေးဆွဲခဲ့သော ကျောင်းသူ ၂၀၀ကျော်အား ပြန်လွှတ်ပေးရေးအတွက် သူပုန်အဖွဲ့ဖြစ်သည့် ဘိုကိုဟရမ်နှင့် သဘောတူညီမှု ရရှိခဲ့သည်ဟု နိုက်ဂျီးရီးယားအား အာဏာပိုင်များက ပြောကြားလိုက်သည်။

    ယမန်နေ့က မြို့တော် အဘူဂျာတွင် ပြုလုပ်ခဲ့သော နိုက်ဂျီးရီးယားနှင့် ကင်မရွန်းမှ အကြီးတန်း စစ်ဖက်အရာရှိများ အစည်းအဝေးတွင် နိုက်ဂျီးရီးယား လေတပ်မှ အကြီးအကဲ အဲလက်စ် ဘာဒဟ်က ပြောကြားခဲ့ခြင်းဖြစ်သည်။

    ထိုကဲ့သို့ ကြေညာခြင်းမပြုမီ နိုက်ဂျီးရီးယား သမ္မတ ဂွဒ်လက် ဂျိုနသန်၏ အကြီးတန်အကြံပေး တစ်ဦးဖြစ်သူ ဟာဆန် တူကူရ်ကလည်း ကျောင်းသူ ၂၁၉ ဦးအား လွှတ်ပေးရေးအပါအ၀င် တိုက်ခိုက်မှုများ ရပ်တန့်ရန်အတွက် ဘိုကိုဟရမ်နှင့် ဆွေးနွေးမှုများပြုလုပ်နေကာ သဘောတူညီချက်ရရှိခဲ့သည်ဟု AFP သတင်းဌာနသို့ ပြောကြားခဲ့သည်။

    ဆွေးနွေးညှိနှိုင်းမှုများတွင် တိုးတက်မှုများရှိနေသော်လည်း ပြန်ပေးဆွဲခံထားရသည့် ကျောင်းသူ ၂၀၀ ကျော်အား ပြန်လွှတ်ပေးရေးအတွက် တိကျသော သဘောတူညီချက် မရသေးဟု အချို့သတင်းရင်းမြစ်များက ဖော်ပြကြသည်။

    ref_ Al Jazeera and agencies