အောက်တိုဘာ ၁၈၊ ၂၀၁၃
M-Media
အငယ်လေး
ရန်ကုန် ။ ။ မကြာခင်ရက်ပိုင်းများက ဖြစ်ပွားခဲ့သော ပဲခူး၊ ရန်ကုန်၊ မန္တလေး၊ တောင်ငူ၊ နမ့်ခမ်းမြို့များတွင် ဗုံးပေါက်ကွဲမှုများ ဖြစ်ပွားခဲ့ပြီးနောက် ၎င်းဗုံးပေါက်ကွဲမှု ဖြစ်စဉ်များနှင့်ပတ်သက်၍ သတင်းစာရှင်းလင်းပွဲကို ရန်ကုန်တိုင်းဒေသကြီး လွှတ်တော်ရုံးတွင် ယနေ့ နေ့လည် ၂-နာရီက ပြုလုပ်ခဲ့ပါတယ်။ ၎င်းသတင်းစာရှင်းလင်းပွဲသို့ ပြန်ကြားရေးဝန်ကြီး ဦးရဲထွဋ်၊ ရဲချုပ်ဦးဇော်ဝင်း အပါအ၀င် ရဲတပ်ဖွဲ့ဝင်များ၊ သတင်းမီဒီယာများ တက်ရောက်ခဲ့ကြပါတယ်။
ရန်ကုန်တိုင်းဒေသကြီးလွှတ်တော်ရုံးတွင် ပြန်ကြားရေးဝန်ကြီးဌာန ဝန်ကြီး ဦးရဲထွဋ် မှ ပေါက်ကွဲမှုဖြစ်စဉ်များနှင့် ပတ်သက်၍ ရန်ကုန်၊ မန္တလေး၊ တောင်ငူ မြို့များမှာ ဖြစ်ပွားခဲ့သည့် ဗုံးပေါက်ကွဲမှုဖြစ်စဉ်များနှင့်ပက်သက်ပြီး သံသယရှိသူများကို ဖမ်းဆီးရရှိခဲ့ပြီး ဆက်လက်၍ ထွက်ပြေးလွတ်မြောက်နေသည့် သံသယရှိသူများကိုလည်း လိုက်လံရှာဖွေနေဆဲ ဖြစ်ပါတယ်လို့ပြောပါတယ်။
ထို့နောက် မြန်မာနိုင်ငံရဲတပ်ဖွဲ့ ရဲချူပ်ဇော်ဝင်းကလည်း “ဒီကနေ့ ရှင်းလင်းချက်နဲ့ ပတ်သက်ပြီးတော့ ကျွန်တော်တို့ အထူးသတိပေးချင်တာက ဗုံးပေါက်ကွဲမှုနဲ့ ပတ်သက် ပြီး သံသယရှိသူများ၏ လုပ်ဆောင်ချက်များကို ပြောပြတဲ့အခါမှာ ကျွန်တော်တို့အနေနဲ့အဖွဲ့အစည်းတစ်ချို့ရဲ့ အမည်များကို တင်ပြပေးရမှာ ဖြစ်ပါတယ်။ ဒီလို အဖွဲ့အစည်းများရဲ့အမည်ကို ထည့်သွင်း တင်ပြပေးရခြင်းဟာ သံသယရှိသူများရဲ့ လုပ်ဆောင်ချက်ကို ရှင်းလင်းစွာသိရှိနိုင်ဖို့အတွက် ဖြစ်ပါတယ်။ အဲ့ဒီ အဖွဲ့အစည်းများ ရဲ့ နာမည်များကို ရည်ညွန်း ထည့်သွင်းပြောကြားခြင်းကြောင့် အဲ့ဒီ အဖွဲ့အစည်းအနေနဲ့ ယခုပေါက်ကွဲမှုများမှာ ပါဝင်ရှိတယ်လို့ ဆိုလိုတာမဟုတ်ကြောင်း အလေး အနက်တင်ပြအပ်ပါတယ်။ လက်ရှိရရှိပြီးသားဖြစ်တဲ့ အထောက်အထားများအရ သံသယရှိသူများရဲ့လုပ်ဆောင်ချက်များဟာ လူအချို့ရဲ့ သီးခြားလုပ်ဆောင်ချက်များ ဖြစ်တယ်လို့ ကျွန်တော်တို့ သတ်မှတ်ထားပါတယ်။ ဒီအချက်တွေကိုလည်း စာနယ်ဇင်းသမားများအနေနဲ့ အထူးပြုပြီး တင်ပြပေးဖို့အတွက် ကျွန်တော် တင်ပြပေး အပ်ပါတယ်”လို့ ပြောကြားခဲ့ပါတယ်။
ဆက်လက်၍ “ဒီသတင်းစာရှင်းလင်းပွဲ ပြုလုပ်ရခြင်းရဲ့ရည်ရွှယ်ချက်ကတော့ ယခုရက်ပိုင်းအတွင်းမှာ ရန်ကုန်၊ တောင်ငူ၊ မန္တလေး၊ စစ်ကိုင်းမြို့များမှာ ပေါက်ကွဲမှု ဖြစ်စဉ်များ နှင့်ဆက်လျဉ်း၍ မြန်မာနိုင်ငံရဲတပ်ဖွဲ့နှင့် ပြည်သူလူထုတို့ ပူးပေါင်းပြီး ပြည်သူများနှင့် သတင်းမီဒီယာများ သိရှိဖို့အတွက် ရည်ရွှယ်ပြီး ပြုလုပ်ရခြင်းဖြစ်ပါ တယ်။ မြန်မာနိုင်ငံအတွင်း အောက်တိုဘာလ အတွင်းမှာ ပေါက်ကွဲမှုများလုပ်ဆောင်ခဲ့ကြပြီး ပေါက်ကွဲမှု ၆-ကြိမ်၊ မိုင်းများ ဖော်ထုတ်နိုင်တာက ၄-ကြိမ် အားလုံး စုစုပေါင်းမှာ မိုင်း ၁၀-ကြိမ် ဖြစ်ပွားခဲ့ပြီး ၎င်းဖြစ်စဉ်မှာ အပြစ်မဲ့ပြည်သူတစ်ဦး သေဆုံးပြီး ၃-ဦးဒဏ်ရာရရှိခဲ့ပါတယ်”ဟု မြန်မာနိုင်ငံ ရဲတပ်ဖွဲ့ ရဲချူပ်ဦးဇော်ဝင်းမှပဲ ပြောကြားခဲ့ပါတယ်။
၎င်းနောက် သတင်းစာရှင်းလင်းပွဲသို့ လာရောက်ကြတဲ့ အနယ်နယ်အရပ်ရပ်က မီဒီယာများမှာ မိမိတို့ သိရှိလိုသည်များကိုမေးမြန်းကြပြီး သတင်းစာရှင်းလင်းပွဲကို ညနေ ၅-နာရီမှာ ရပ်နားခဲ့ပါတယ်။
