Tag: Brazil

မတ် ၁၆၊ ၂၀၁၅
M-Media

– တိုင်းပြည်၏ စီးပွားရေး ယိုင်နဲ့မှုအား မကျေနပ်သည့်အချိန်တွင် ချစားမှုနှင့် ပတ်သက်၍ သတင်းများ ထွက်ပေါ်လာသောကြောင့် ဘရာဇီးလ်၏ အမျိုးသမီးသမ္မတ ဒီလ်မာ ရူးဆက်ဖ်အား ဆန့်ကျင်သည့် ဆန္ဒပြပွဲကို ဘရာဇီးလ်ပြည်သူများက ယမန်နေ့တွင် ပြုလုပ်ခဲ့ကြသည်ဟု သိရသည်။

မြို့တော် ရီယို ဒီဂျနေရိုးအပါအ၀င် နိုင်ငံတစ်ဝှမ်း မြို့ကြီးများ၌ ပြုလုပ်ခဲ့သည့် ဆန္ဒပြမှုများတွင် စုစုပေါင်း လူ ၁ သန်းခန့် ပါဝင်ခဲ့ကြသည်ဟု ရဲတပ်ဖွဲ့က ခန့်မှန်းတွက်ချက်ခဲ့သည်။ တိုင်းပြည်၏ စီးပွားရေး ကျဆင်းမှုအား ထိထိရောက်ရောက် မဖြေရှင်းနိုင်သည့်အတွက် ပြည်သူများက မနှစ်မြို့နေချိန်တွင် နိုင်ငံပိုင် ပက်ထရိုဘရက်စ် ကုမ္ပဏီနှင့် ချစစားမှုများ ရှိခဲ့သည်ဆိုသည့် ကောလဟာလများက ထိုကဲ့သို့ ဆန္ဒပြမှုများအထိ ဦးတည်စေခဲ့ခြင်းဖြစ်သည်။

ဆန္ဒပြပြည်သူများကမူ ရူးဆက်ဖ်အား တရားစွဲဆိုရန် တောင်းဆိုခဲ့ကြပြီး၊ ရာထူးမှနှုတ်ထွက်ရေး ကျွေးကြော်သံများကိုလည်း ကျွေးကြော်ခဲ့ကြသည်။ ထို့ပြင် ဆန္ဒပြသူအချို့ကမူ အလုပ်သမားပါတီ၏ ၁၂ နှစ် ကြာ အာဏာဆုပ်ကိုင်ထားမှုကို အဆုံးသတ်ရေးအတွက် စစ်တပ်က ကြားဝင်ရန် တိုက်တွန်းခဲ့ကြသည်။

ရူးဆက်ဖ်မှာ ပြီးခဲ့သည့် ၂၀၁၄ နှစ်ကုန်ပိုင်းကမှ ရွေးကောက်ပွဲတွင် ပြန်လည်အနိုင်ရခဲ့ကာ ၎င်း၏ သမ္မတ ဒုတိယသက်တမ်းကို ထမ်းဆောင်နေခြင်း ဖြစ်သည်။

ပက်ထရိုဘရက်စ်ကုမ္ပဏီနှင့် ချစားမှုပြဿနာအတွက် ရူးဆက်ဖ်၏ မဟာမိတ်များအပါအ၀င် နိုင်ငံရေးသမားများ၊ ပက်ထရိုဘရက်စ်ကုမ္ပဏီမှ အမှုဆောင်များကို စုံစမ်းစစ်ဆေးမှုများ ပြုလုပ်နေသည်။ သို့သော်လည်း မည်သူ့ကိုမှ စွဲချက်တင်ထားခြင်း မရှိချေ။ အချို့ကမူ ထိုချစားမှုပြဿနာမှာ ရူးဆက်ဖ်က ပက်ထရိုဘရက်စ်ဘုတ်အဖွဲ့၏ ဥက္ကဌအဖြစ် တာဝန်ထမ်းဆောင်နေချိန်တွင် ဖြစ်ပွားခဲ့ခြင်းဖြစ်သည်ဟု
ပြောကြားခဲ့ကြသည်။

Ref: Aljazeera

ဖေဖော်ဝါရီ ၂၇၊ ၂၀၁၅
M-Media

– ပြီးခဲ့သည့်တစ်ပတ်က အသက် ၁၅ နှစ်အရွယ် လူငယ်တစ်ဦးကို ဘရာဇီးလ်ရဲတပ်ဖွဲ့က ပစ်သတ်ခဲ့သည့် အဖြစ်အပျက်အား မှတ်တမ်းတင်ထားသည့် ဗီဒီယိုတစ်ခုမှာ ယမန်နေ့တွင် ထွက်ပေါ်ခဲ့သည်ဟု သိရသည်။

ရီယိုဒီဂျနေရိုးတွင် ဖြစ်ပွားခဲ့သည့် အဆိုပါဖြစ်ရပ်တွင် သေဆုံးသွားသူမှာ အလန် ဒီ ဆူဇာ လီမာဆိုသူဖြစ်ပြီး ရဲတပ်ဖွဲ့ကမူ မိမိတို့မှာ မူးယစ်မှောင်ခိုသမားများအား ပစ်မှတ်ထားသည့် စစ်ဆင်ရေးတွင် မှားယွင်းပစ်ခတ်မိခြင်းဟု ပြောကြားခဲ့သည်။

သို့သော်လည်း သေဆုံးသွားသူ လီမာ၏ မိုဘိုင်းဖုန်းဖြင့် ရိုက်ကူးထားသည့် အခင်းဖြစ်ပွားရာ ဗီဒီယိုကို G1 Globo သတင်းဌာနက ထုတ်လွှင့်ခဲ့ခြင်းဖြစ်ပြီး ပစ်ခတ်မှုမဖြစ်ပွားခင် လူငယ် ၃ ဦးမှာ ဆော့ကစားနေသည်ကို တွေ့ရှိခဲ့ရသည်။

ထိုအချိန်တွင် လူတစ်ယောက် ၎င်းတို့သုံးဦးအား “အဘယ့်ကြောင့် ထွက်ပြေးနေသလဲ”ဟု မေးမြန်းခဲ့ရာ ၎င်းတို့က “ကစားနေတာပါ”ဟု ပြန်လည်ဖြေကြားခဲ့သည်။ ထို့နောက် လီမာနှင့် ၎င်း၏ သူငယ်ချင်း ချူအန် ဂျမ်ဘရီတို့မှာ သေနတ်ဖြင့် ပစ်ခတ်ခြင်းခံခဲ့ရပြီး ဖုန်းက အောက်သို့လွတ်ကျကာ ဆက်လက် မှတ်တမ်းတင်နေခဲ့သည်။

အဆိုပါဗီဒီယို ပေါ်ထွက်လာပြီးနောက် တာဝန်ရှိသူများက မိမိတို့အနေဖြင့် စုံစမ်းစစ်ဆေးမှုများကို ပြုလုပ်နေပြီး
ရဲတပ်ဖွဲ့ဝင်အများအပြားကိုလည်း ရာထူးမှအနားပေးထားသည်ဟု ပြောကြားခဲ့သည်။

“ဒီဗီဒီယိုကို ဆန်းစစ်ပြီးတဲ့နောက်မှာ စစ်ရဲ တပ်မှူး ကာနယ် အလ်ဘာတို ပင်ဟီရိုနီတိုက စုံစမ်းစစ်ဆေးမှုတွေ ချက်ခြင်းလုပ်ဖို့ အမိန့်ပေးခဲ့ပါတယ်။ ရဲအရာရှိ ၉ ဦးကိုတော့ ရာထူးက အနားပေးထားပါတယ်” ဟု ဘရာဇီးလ် စစ်ရဲဌာနမှ ထုတ်ပြန်သော ကြေညာချက်တွင် ဖော်ပြထားသည်။

ဒဏ်ရာရရှိခဲ့သည့် ဂျမ်ဘရီကမူ ရဲတပ်ဖွဲ့၏ စောစောပိုင်းပြောကြားချက်ကို ငြင်းဆိုခဲ့ပြီး ၎င်း၏ သူငယ်ချင်းလီမာမှာ တမင်သက်သက် ပစ်မှတ်ထားခံခဲ့ရခြင်းဖြစ်သည်ဟု ဆိုသည်။ အဆိုပါ ဗီဒီယိုကို ဂျမ်ဘရီကိုယ်တိုင် သတင်းဌာနသို့ ပေးအပ်ခဲ့ခြင်းဖြစ်သည်။

ထိုပစ်ခတ်မှုကြောင့် ပြီးခဲ့သည့် စနေနေ့က မြို့တော် ရီယိုဒီဂျနေရိုးတွင် ဆန္ဒပြမှုများ ဖြစ်ပွားခဲ့ပြီး ဘတ်စ်ကားများနှင့် ထရပ်ကားများကို ဆန္ဒပြသူများက မီးရှို့ခဲ့ကြသည်။

Ref:Channelnewsasia

ဖေဖော်ဝါရီ ၈၊ ၂၀၁၅
M-Media

– ဘရာဇီးလ်ရှိ အကျဉ်းထောင်တစ်ခုတွင် ပြင်ပမှ အမျိုးသမီး ၃ ဦး၏ အကူအညီဖြင့် ထောင်သား ၂၈ ဦး ထောင်ဖောက်ထွက်ပြေးခဲ့သည်ဟု သိရသည်။

ဘရာဇီးအလယ်ပိုင်းရှိ Nova Mutum အကျဉ်းထောင်တွင် ဖြစ်ပွားခဲ့ခြင်းဖြစ်ပြီး ကိုယ်လုံးတီးဖြင့် လက်ထိပ်ခပ် ခံထားရသော ထောင်အစောင့် ၃ ဦးကို ကြာသာပတေးနေ့ နံနက်ပိုင်းက တွေ့ရှိခဲ့ရသည်။ စုံစမ်းစစ်ဆေးမှုများအရ အဆိုပါထောင်မှ အကျဉ်းသားတစ်ဦး၏ ချစ်သူအပါအ၀င် မလုံ့တလုံ ရဲဝတ်စုံကို ၀တ်ထားသော အမျိုးသမီး သုံးဦးမှာ ကြာသာပတေးနေ့ နံနက် ၃ နာရီအချိန်က အဆိုပါ အကျဉ်းထောင်သို့ ရောက်လာခဲ့ပြီး အစောင့်များကို ၀ီစကီများတိုက်ကာ ၎င်းတို့နှင့် ပျော်ပါးတော့မည်ဟု ယုံကြည်စေရန် ဆွဲဆောင်ခဲ့သည်။

ထို့နောက် အစောင့်များအား ၀န်ထမ်းများအိပ်သော နေရာသို့ ခေါ်ဆောင်သွားပြီး လက်ထိပ်ခတ်၍ ၎င်းတို့ထံမှ သော့များကို ယူဆောင်ကာ အကျဉ်းခန်းများအား ဖွင့်ပေးခဲ့၍ အကျဉ်းသား ၂၈ ဦးမှာ ထွက်ပြေးသွားခဲ့ကြသည်။ အကျဉ်းသားများမှာ အဆိုပါထောင်မှ သေနတ်များနှင့် လက်နက်ခဲယမ်းများကိုလည်း ယူဆောင်သွားခဲ့ကြသည်။

ထိုအမျိုးသမီးများ ၀တ်ဆင်သည်ဟု ယူဆရသည့် မလုံ့တလုံ အမျိုးသမီးရဲဝတ်စုံများကို နောက်ပိုင်းတွင် ရဲတပ်ဖွဲ့က တွေ့ရှိခဲ့ရပြီး ထောင်မှူး အိန်ဂျလာ ဒီ အန်ဒရာဒက်စ်ကမူ အဆိုအပါအမျိုးသမီးများတိုက်ခဲ့သော ၀ီစကီတွင် မူးယစ်စေတတ်သော ပစ္စည်းများ ထည့်ထားပြီး အစောင့်များမှာ ထိုဝီစကီကို သောက်ပြီးနောက် မည်သည်ကိုမှ မသိတော့ကြောင်း၊ ထိုအစီအစဉ်ကို အမျိးသမီး သုံးဦးထဲမှ တစ်ဦး၏ ထောင်ကျနေသော ချစ်သူက စီစဉ်ဆောင်ရွက်ခြင်းဖြစ်မည်ဟု ယုံကြည်ရကြောင်း ပြောကြားခဲ့သည်။

ထောင်ဖောက်ပြေးသွားပြီးနောက် သောကြာနေ့တွင် ရဲတပ်ဖွဲ့က ပိုက်စိပ်တိုက် ရှာဖွေမှုများ ပြုလုပ်ခဲ့ရာ အကျဉ်းသား ၈ ဦးကို ပြန်လည်ဖမ်းဆီးရမိခဲ့သည်။ ထိုအထဲမှ တစ်ဦးမှာ ထောင်မှယူသွားသော သေနတ်ကိုကိုင်ကာ အရက်မူးပြီး လျှောက်သွားနေစဉ် ဖမ်းဆီးရမိခဲ့ခြင်းဖြစ်သည်။

အစောင့်သုံးဦးကိုမူ ဖမ်းဆီးထားကာ ထောင်ဖောက်ပြေးရာတွင် အားပေးကူညီမှု၊ လုပ်ပိုင်ခွင့်အလွဲသုံးစားလုပ်မှုတို့ဖြင့် တရားစွဲဆိုထားကြောင်း ထောင်မှူးက ထည့်သွင်းပြောကြားခဲ့သည်။

Ref: mirror