Tag: Brazil

သြဂုတ် ၁၇၊ ၂၀၁၅
M-Media

– ဘရာဇီးလ်နိုင်ငံတစ်ဝှမ်းတွင် ထောင်ပေါင်းများစွာသော ပြည်သူများမှာ ယမန်နေ့က အစိုးရအား ဆန့်ကျင်သော ဆန္ဒပြမှုများ ပြုလုပ်ခဲ့ကြပြီး သမ္မတ ဒီလ်မာရူးဆက်ဖ် နှုတ်ထွက်ရန် တောင်းဆိုခဲ့ကြသည်။

အဆိုပါဆန္ဒပြမှုမှာ မြို့တော်ဘရာစီလီယာတွင် ယမန်နေ့က စတင်ခဲ့ခြင်းဖြစ်ပြီး လူပေါင်း ၄၅၀၀၀ ခန့် ပါဝင်ခဲ့ကြသည်။ ၂၀၁၆ ခုနှစ် အိုလံပစ်ပြိုင်ပွဲ ကျင်းပမည့် ရီယိုဒီဂျနေရိုးတွင် လူထောင်ပေါင်းများစွာမှာ ချီတက်ဆန္ဒပြမှုများ ပြုလုပ်ခဲ့သောကြောင့် အိုလံပစ် စက်ဘီးပြိုင်ပွဲ စမ်းသပ်မှုအတွက် လမ်းကြောင်းများကို ရွှေ့ပြောင်းခဲ့ရသည်။

နိုင်ငံ၏ ဘဏ္ဍာရေးမြို့ဖြစ်သော ဆာပေါ်လိုတွင်လည်း အစိုးရဆန့်ကျင်ရေး ဆန္ဒပြမှုများကို ပြုလုပ်ခဲ့ပြီး လူ ၂၀၀ ခန့် တက်ရောက်ခဲ့ကြသည်ဟု စီစဉ်သူများက ပြောကြားခဲ့သည်။ ထို့ပြင် ဘရာဇီးလ်ရှိ အခြားသော မြို့များတွင်လည်း ဆန္ဒပြမှုများကို ပြုလုပ်ခဲ့ကြသည်။

ဆန္ဒပြမှုအတွင်း ပြည်သူများမှာ အစိုးရဆန့်ကျင်ရေး ကြွေးကြော်သံများ၊ ပိုစတာများကို ကိုင်ဆောင်ကြွေးကြော်ခဲ့ကြပြီး သမ္မတရူးဆက်ဖ် နှုတ်ထွက်ရန် တောင်းဆိုခဲ့ကြသည်။ ထို့ပြင် ရူးဆက်ဖ်မှာ ချစားမှုများရှိခဲ့ပြီး တိုင်းပြည်စီးပွားရေးကို မတည်မငြိမ်ဖြစ်အောင် လုပ်သည်ဟုလည်း ပြည်သူများက ပြစ်တင်ပြောဆိုခဲ့ကြသည်။

နိုင်ငံတစ်ဝှမ်း သမ္မတရူးဆက်ဖ်အား ဆန့်ကျင်သော ဆန္ဒပြမှုမှာ ယခုအကြိမ်သည့် ယခုနှစ်အတွင်း တတိယအကြိမ်ဖြစ်ပြီး မတ်လနှင့် ဧပြီလများအတွင်းကလည်း ဆန္ဒပြမှုများ ပြုလုပ်ခဲ့ကြသည်။

ရေနံကုမ္ပဏီ Petrobras ၏ ချစားမှုကိစ္စများတွင် သူမ၏ အလုပ်သမားပါတီမှ နိုင်ငံရေးသမားများ ပါဝင်ပတ်သက်မှု၊ စီးပွားရေး ဖရိုဖရဲဖြစ်မှု၊ ငွေကြေး တန်ဖိုးကျဆင်းမှုနှင့် ဖောင်းပွမှုများကြောင့် သမ္မတ ရူးဆက်ဖ်မှာ သူမ၏ နိုင်ငံရေးဘ၀အတွက် တိုက်ပွဲဝင်နေရသူဖြစ်သည်။

Ref: Aljazeera

ဧပြီ ၁၃၊ ၂၀၁၅
M-Media

– ဘရာဇီးလ်သမ္မတ ဒီလ်မာ ရူးဆက်ဖ်ကို ဆန့်ကျင်သော ဆန္ဒပြပွဲကို ဘရာဇီလ်းပြည်သူများက နိုင်ငံတစ်ဝှမ်းရှိ မြို့ပေါင်း ၁၀၀ ကျော်တွင် ယမန်နေ့က ပြုလုပ်ခဲ့ပြီး နိုင်ငံ၏ စီးပွားရေးကျဆင်းမှု၊ နိုင်ငံပိုင် ရေနံကုမ္ပဏီ၏ ချစားမှုပြဿနာတို့နှင့်ပတ်သက်၍ ပြစ်တင်ပြောဆိုခဲ့ကြသည်။

မတ်လ ၁၅ ရက်နေ့တွင် ထိုကဲ့သို့ ဆန္ဒပြမှုပြီးနောက် အချိန် ၁ လခန့်အတွင်း ဒုတိယမြောက်ဖြစ်ပြီး မြို့ပေါင်း ၁၉၅ မြို့တွင် ဆန္ဒပြသူအရေအတွက် ၆၈၂၀၀၀ ခန့်ရှိမည်ဟု ရဲတပ်ဖွဲ့က ပြောကြားခဲ့သည်။ အဆိုပါ ဆန္ဒပြပွဲကို စီစဉ်ကျင်းပသူများကမူ ဆန္ဒပြသူအရေအတွက် ၁.၅ သန်းခန့်ရှိသည်ဟု ဆိုသည်။ ထိုပမာဏမှ ထက်ဝက်ခန့်မှာ မြို့တော် ဆော်ပေါ်လိုရှိ စီးပွားရေးစင်တာတွင်ပြုလုပ်သော အကြီးဆုံး စုဝေးဆန္ဒပြမှုတွင် တက်ရောက်ခဲ့ခြင်းဖြစ်သည်။

“ဘယ်အရာမဆို ဒီလ်မာထက်တော့ ပိုကောင်းပါတယ်။ ဒီလ်မာကလွဲရင် ဘာပဲဖြစ်ဖြစ် ကျွန်တော်တို့ လိုချင်ပါတယ်” ဟု ဆန္ဒပြပွဲတွင် ပါဝင်ခဲ့သည့် စီးပွားရေးသမားတစ်ဦးဖြစ်သူ အလ်ဗီနို မီလိုက ပြောကြားခဲ့သည်။

အဆိုပါဆန္ဒပြမှုမှာ နိုင်ငံပိုင်ရေနံကုမ္ပဏီ Petrobras ၏ ချစားမှုပြဿနာ၊ စီးပွားရေး ကျဆင်းမှု၊ ငွေကြေးတန်ဖိုး ဖောင်းကြွမှုနှင့် နိုင်ငံရေးပြိုင်ဆိုင်မှုများကြောင့် ဖြစ်ပွားလားခြင်းဖြစ်ပြီး မကြာသေးမီက ပြုလုပ်ခဲ့သော စစ်တမ်းများအရ ဘရာဇီးလ်ပြည်သူ ၆၃ ရာခိုင်နှုန်းမှာ သမ္မတရူးဆက်ဖ်အား တရားစွဲဆိုကာ ရာထူးမှ ဖယ်ရှားချင်နေသည်။ သမ္မတ ရူးဆက်ဖ်မှာ အောက်တိုဘာရွေးကောက်ပွဲတွင် ပြန်လည်အနိုင်ရရှိခဲ့သူ ဖြစ်သည်။

“သူ့သက်တမ်းကိုတော့ သူ အဆုံးထိ ထမ်းဆောင်သွားပါလိမ့်မယ်။ ဒါပေမယ့် ကျွန်တော်တို့အတွက် အရမ်းအရေးကြီးတာက ကိုယ် မကြိုက်ဘူးဆိုတာ ပြဖို့ပါပဲ။ အစိုးရကို ကျွန်တော်တို့ မကြိုက်ပါဘူး” ဟု ဆန္ဒပြသူ ၀ီလ်ဆင် မာတင်က ပြောကြားခဲ့သည်။

သမ္မတ ရူးဆက်ဖ်ကမူ ၂၀၀၃ ခုနှစ်မှ ၂၀၁၀ ခုနှစ် သူမ၏ ပထမသက်တမ်းအတွင်း ရေနံကုမ္ပဏီ၏ လာဘ်ငွေပြဿနာနှင့် အခွန်ရှောင်မှုတို့အတွက် မိမိအနေဖြင့် မည်သည်ကိုမှ မသိရှိခဲ့ဟု စောစောပိုင်းက ပြောကြားထားသည်။

Ref: Aljazeera, Reuters