News @ M-Media

Tag: Buddhist extremists

  • သွေးကြွသူတစ်စုကြောင့် ထေရ၀ါဒသာသနာ ညှိုးနွမ်းတော့မှာလား

    သွေးကြွသူတစ်စုကြောင့် ထေရ၀ါဒသာသနာ ညှိုးနွမ်းတော့မှာလား

    ဇူလိုင် ၁၄၊ ၂၀၁၉
    M-Media

    သီရိလင်္ကာရောက် သီတဂူဆရာတော်

    -ဗုဒ္ဓဘာသာဘုန်းကြီးတစ်ပါး တပျင်ခွေထိုင်ကာ အစ္စလာမ်သာသနာအကြောင်း မကောင်းပြောနေစဉ်မှာပဲ အနီးအနား နေရာတစ်ခုက မီးလောင်ဗုံးပစ်သံ ပေါ်ထွက်လာပါတယ်။

    ဒါပေမယ့် ဘုန်းတော်ကြီး Ambalangoda Sumedhananda Thero တစ်ယောက် ဒီအသံကို မသိလိုက် မသိဖာသာပဲ နေလိုက်ပါတယ်။ ညဘက်တိုက်ခတ်လာတဲ့ လေအေးအေးနဲ့အတူ ပါလာတဲ့ ခြင်တစ်အုပ်ကို လက်နဲ့ ဝှေ့ယမ်းဖယ်ရှားပြီး မွတ်စလင်မုန်းတီးရေး တရားကို သူက ဆက်ဟောနေပါတယ်။ သီရိလင်္ကာနိုင်ငံ တောင်ပိုင်း Gontota မြို့မှာဖြစ်ပြီး မွတ်စလင်တွေဟာ အကြမ်းဖက်သမားတွေ၊ ကျူးကျော်သိမ်းပိုက်သူတွေလို့ သူက ပြောနေတာပါ။

    “မွတ်စလင်တွေရဲ့ ရည်ရွယ်ချက်က ငါတို့တိုင်းပြည်ကို သိမ်းဖို့နဲ့ ငါတို့တန်ဖိုးထားတဲ့အရာတွေ အားလုံးကို လုယူဖို့ပဲ။ တစ်ချိန်က ဗုဒ္ဓဘာသာနိုင်ငံတွေဖြစ်ခဲ့တဲ့ အာဖဂန်နစ္စတန်၊ ပါကစ္စတန်၊ ကက်ရ်ှမီးယား၊ အင်ဒိုနီးရှားတို့ ဘာဖြစ်သွားလဲဆိုတာကို ကြည့်လိုက်။ အစ္စလာမ်က အဲဒီနိုင်ငံတွေအားလုံးကို ဖျက်ဆီးခဲ့တာ”

    မိနစ်အနည်းငယ်အကြားမှာ ကပ္ပိယတစ်ဦးက ဘုန်းတော်ကြီးအနားကို ကပျာကယာ ၀င်ရောက်လာပြီး အနီးအနားက ဗလီတစ်လုံး မီးလောင်ဗုံးနဲ့ မီးရှို့ခံလိုက်ရတဲ့သတင်းကို ပြောပြခဲ့ပါတယ်။ ဘုန်းတော်ကြီးကတော့ လက်ကိုခါပြကာ ပခုံးတွန့်ပြလိုက်တာပါပဲ။

    သူဟာ လူများစု ဗုဒ္ဓဘာသာဝင်တွေအတွက်ပဲ တာဝန်ရှိပြီး တိုင်းပြည်လူဦးရေရဲ့ ၁၀ ရာခိုင်နှုန်းသာရှိတဲ့ မွတ်စလင်တွေကတော့ သူနဲ့မဆိုင်ဘူးလို့ ယူဆပုံပါ။

    Sumedhananda Thero လို့ သြဇာကြီးတဲ့ ဘုန်းကြီးအုပ်စုတွေရဲ့ လှုံ့ဆော်မှုနဲ့အတူ ဗုဒ္ဓဘာသာဝင်တစ်ချို့ သွေးကြွတဲ့ခေတ်ကို ၀င်ရောက်လာခဲ့ပြီး သူတို့ကတော့ ပြင်ပ ပရောဂါတွေကနေ ဘာသာတရားကို ကာကွယ်နေတဲ့ ဘာသာရေးသူရဲကောင်းကြီးတွေအဖြစ် ကိုယ့်ကိုယ်ကို မှတ်ယူနေကြပါတယ်။

    သူတို့ရဲ့ ဒီအတွေးအခေါ်တွေဟာ တကယ်တော့ သမ္မာဒိဌိ မကျသလို၊ ဖြစ်နိုင်ချေလည်း မရှိပါဘူး။ အစွန်းရောက် ဘာသာရေး-လူမျိုးရေး လှုပ်ရှားမှုတွေ လုပ်ဆောင်ရာမှာ ရှေ့တန်းကိုရောက်လာတဲ့ သီရိလင်္ကာနဲ့ မြန်မာနိုင်ငံတို့မှာ ဗုဒ္ဓဘာသာဝင်တွေက လူများစု ဖြစ်ပါတယ်။

    ဒါပေမယ့် အချို့ ဗုဒ္ဓဘာသာဝင်တွေ – အထူးသဖြင့် ထေရ၀ါဒသန့်သန့်ကိုမှ လိုက်နာကြတဲ့ ဗုဒ္ဓဘာသာဝင်တွေကတော့ သူတို့ဟာ အစ္စလာမ်ဘာသာရဲ့ ခြိမ်းခြောက်မှုကို ခံနေရပြီလို့ ယုံကြည်နေကြပါတယ်။ တကယ်တော့ အစ္စလာမ်သာသနာ ကိုယ်တိုင်က အစွန်းရောက်နောက်လိုက်တွေရဲ့ဒဏ်ကို အလူးအလဲ ခံစားနေရတာ ဖြစ်ပါတယ်။

    အမည်ခံ ဗုဒ္ဓဘာသာနဲ့ အမည်ခံအစ္စလာမ်တို့ ထိပ်တိုက်တွေကြတဲ့အခါမှာတော့ ဗုဒ္ဓဘာသာဝင်အချို့ဟာ သူတို့ ဘာသာသာသနာရဲ့ ငြိမ်းချမ်းတဲ့ အဆုံးအမတွေကို စွန့်လွှတ်လိုက်ကြပါတယ်။ ပြီးခဲ့တဲ့နှစ်အနည်းငယ်အတွင်း ဗုဒ္ဓဘာသာဝင်တွေဟာ လူနည်းစု မွတ်စလင်တွေအပေါ် ဆိုးဆိုးဝါးဝါး တိုက်ခိုက်မှုတွေ လုပ်ဆောင်လာကြပါတယ်။

    ဗုဒ္ဓဘာသာ အမျိုးသားရေး ၀ါဒီတွေကလည်း အစွန်းရောက် ဘုန်းကြီးတွေရဲ့ သြဇာကို အသုံးချပြီး လူထုရဲ့ ထောက်ခံမှုကို ရယူလာကြပါတယ်။

    “အရင်တုန်းက ဗုဒ္ဓဘာသာဝင်တွေဟာ ကျွန်တော်တို့ကို အခုလို မမုန်းပါဘူး။ အခုတော့ ဘုန်းကြီးတွေက ကျွန်တော်တို့ဟာ ဒီနိုင်ငံနဲ့မဆိုင်ဘူး၊ ကျွန်တော်တို့ကို မောင်းထုတ်သင့်တယ်လို့ ၀ါဒဖြန့်ကြတယ်။ ဒါပေမယ့် ကျွန်တော်တို့ ဘယ်သွားရမလဲ။ ဒါက ကျွန်တော်တို့အိမ်ပဲ” လို့ Gintota မြို့ Hillur ဗလီက ရှေ့ဆောင်အီမာမ် မိုဟာမက် နာဆီရ်က ပြောကြားခဲ့ပါတယ်။ Hillur ဗလီကို ဗုဒ္ဓဘာသာလူအုပ်က ၂၀၁၇ ခုနှစ်မှာ တိုက်ခိုက်ခဲ့ပါတယ်။

    ပြီးခဲ့တဲ့လတုန်းကလည်း သြဇာကြီးတဲ့ ဘုန်းကြီးတစ်ပါး အစာငတ်ခံ ဆန္ဒပြတဲ့အတွက် သီရိလင်္ကာအစိုးရအဖွဲ့ဝင် မွတ်စလင်ဝန်ကြီး ၅ ဦး ရာထူးကနေ နှုတ်ထွက်ပေးခဲ့ရပါတယ်။ ဧပြီလက အီစတာနေ့မှာ ခရစ်ယာန်ဘုရားကျောင်းတွေနဲ့ ဟိုတယ်တွေကို IS အကြမ်းဖက်အဖွဲ့က တိုက်ခိုက်မှုမှာ မွတ်စလင်နိုင်ငံရေးသမားတွေ ပူးပေါင်းပါဝင်ခဲ့တယ်လို့ အဲဒီဘုန်းကြီးက ပြောကြားခဲ့ပါတယ်။ တိုက်ခိုက်မှုအတွင်း လူ ၂၅၀ ကျော် သေဆုံးခဲ့ပါတယ်။

    မြန်မာနိုင်ငံမှာလည်း လူမျိုးစုလိုက် ရှင်းလင်းရေး လှုပ်ရှားမှုကြောင့် နိုင်ငံအတွင်းက မွတ်စလင်တော်တော်များများ အစုလိုက်အပြုံလိုက် ထွက်ပြေးခဲ့ရပါတယ်။ မွတ်စလင်တွေဟာ နိုင်ငံလူဦးရေရဲ့ ၅ ရာခိုင်နှုန်းအောက်သာ ရှိပေမယ့် ဘုန်းကြီးတွေကတော့ အစ္စလာမ့်မစ် ကျူးကျော်မှုကို သတိထားရမယ်လို့ လှုံ့ဆော်နေပါတယ်။

    မေလက ရမ်ဇာန်ဥပုသ်လမှာလည်း ဗုဒ္ဓဘာသာလူအုပ်က ၀တ်ပြုဆောင်တွေကို လာဝိုင်းလို့ မွတ်စလင်ဝတ်ပြုသူတွေ ထွက်ပြေးခဲ့ရပါတယ်။

    ခန္တီစ သည်းခံခြင်းတရားတွေ၊ မေတ္တာတရားတွေနဲ့ ထုံးမွှမ်းထားတဲ့ သွန်သင်မှုတွေကြောင့် ဗုဒ္ဓဘာသာရဲ့ ပုံရိပ်ဟာ အရင်က ရန်လို သွေးကြွမှုတွေနဲ့ ဆက်နွယ်တာမျိုး မရှိခဲ့ပါဘူး။ ဒါပေမယ့် ‘ငြိမ်းချမ်းရေး’ ဆိုတာကို ဘယ်ဘာသာကမှ အကြာကြီး မောင်ပိုင်စီးထားလို့ မရပါဘူး။ ဗုဒ္ဓဘာသာဝင်တစ်ချို့လည်း စစ်ဆာလာနေကြပါပြီ။

    “သူတို့ဟာ အကြမ်းဖက်မှုတွေနဲ့ ဘယ်တုန်းကမှ မပတ်သက်ဘူးလို့ ဗုဒ္ဓဘာသာဘုန်းကြီးတွေက ပြောကြလိမ့်မယ်။ ဒါပေမယ့် ဗုဒ္ဓဘာသာနဲ့ ဗုဒ္ဓဘာသာနိုင်ငံတွေကို ဘယ်လိုနည်းနဲ့မဆို ကာကွယ်ရမယ်လို့ ပြောတာလည်း သူတို့ပါပဲ” လို့ ဒိန်းမတ်နိုင်ငံ Aarhus တက္ကသိုလ်က မနုဿဗေဒပညာရှင် ဒေါက်တာ မီကေးလ် ဂရာဗားစ်က ပြောကြားခဲ့ပါတယ်။ သူဟာ ဗုဒ္ဓဘာသာနဲ့ အမျိုးသားရေးဝါဒတို့ရဲ့ ဆုံမှတ်ကို လေ့လာနေသူတစ်ဦး ဖြစ်ပါတယ်။

    တစ်ကျိပ်တည်း တစ်ဉာဏ်တည်း

    ပြီးခဲ့တဲ့မေလ ရန်ကုန်မြို့မှာ လူထောင်ချီပါဝင်တဲ့ ဆန္ဒပြမှုအတွင်း အရှင်ဝီရသူက စစ်တပ်ကို ချီးကျူးပြောဆိုခဲ့ပါတယ်။ အရှင်ဝီရသူဟာ တစ်ချိန်က အမုန်းစကားပြောကြားမှုကြောင့် ထောင်ကျခဲ့ဖူးသူ ဖြစ်ပါတယ်။

    ၂၀၁၇ ခုနှစ် သြဂုတ်လကစလို့ မြန်မာနိုင်ငံက ရိုဟင်ဂျာ ၇ သိန်းကျော်လောက်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။ စစ်တပ်နဲ့ သူ့ကိုထောက်ခံတဲ့အုပ်စုတွေရဲ့ လူမျိုးစုလိုက် သုတ်သင်ရှင်းလင်းမှု အစီအစဉ်ကြောင့် ဒီလို ထွက်ပြေးခဲ့ရတာဖြစ်ပါတယ်။ ဗုဒ္ဓဘာသာလူအုပ်စုတွေနဲ့ လုံခြုံရေးတပ်ဖွဲ့တွေက ရိုဟင်ဂျာတွေကို သတ်ဖြတ်တာ၊ အဓမ္မကျင့်တာ၊ ရာနဲ့ချီတဲ့ ရွာတွေကို
    ပြောင်ရှင်းနေအောင် မီးရှို့ဖျက်ဆီးတာတွေ လုပ်ဆောင်ခဲ့တယ်လို့ သတင်းတွေလည်း ထွက်ခဲ့ပါတယ်။

    အရှင်ဝီရသူဟာ ဗုဒ္ဓဘာသာရဲ့ အကြမ်းမဖက်တဲ့ သင်ကြားမှုတွေကို ဆန့်ကျင်သူပါ။ လွှတ်တော်ထဲက စစ်တပ်ကိုယ်စားလှယ်တွေကို ဘုရားလို ကိုးကွယ်ရမယ်လို့လည်း သူက ချီတက်ပွဲမှာ ပြောကြားခဲ့ပါတယ်။

    “အမျိုး၊ ဘာသာ၊ သာသနာကို ကာကွယ်တာ စစ်တပ်တစ်ခုပဲရှိတယ်”

    ရိုဟင်ဂျာတွေကို ဖိနှိပ်ချုပ်ချယ်မှုနဲ့ပတ်သက်ပြီး စစ်တပ်ကို တရားစွဲဆိုဖို့ တိုက်တွန်းတဲ့ နိုင်ငံတကာ ရာဇ၀တ်ခုံရုံး (ICC) ရဲ့ ဆုံးဖြတ်ချက်ကို ပြီးခဲ့တဲ့နှစ် အောက်တိုဘာလကပြုလုပ်ခဲ့တဲ့ ဆန္ဒပြပွဲတစ်ခုမှာ အရှင်ဝီရသူက ရှုတ်ချခဲ့ပါတယ်။

    ဒီဘုန်းကြီးဟာ လက်နက်ကိုင်မယ်လို့တောင် ကြုံးဝါးခဲ့သူပါ။

    “ICC လာတဲ့နေ့ဟာ ၀ီရသူ သေနတ်ကိုင်တဲ့နေ့ပဲ” လို့ New York Times သတင်းစာနဲ့ အင်တာဗျူးမှာ ပြောကြားခဲ့ပါတယ်။

    အရှင်ဝီရသူလို ဘုန်းကြီးတွေဟာ အစွန်းရောက် ဗုဒ္ဓဘာသာ အမျိုးသားရေးဝါဒရဲ့ ကိုင်းဖျားကိုင်းနားလောက်သာ ဖြစ်ပြီး လူအများ လေးစားကြည်ညိုခြင်းခံရတဲ့ ဘုန်းကြီးတွေလည်း ဒီကိစ္စမှာ ပါဝင်နေပါတယ်။

    အဲဒီအထဲမှာ သက်တော် ၈၂ နှစ်ရှိပြီး မြန်မာနိုင်ငံက သြဇာအကြီးဆုံး ဘုန်းတော်ကြီးဖြစ်တဲ့ အရှင်ညာဏိဿရလည်း ပါဝင်ပါတယ်။ သူ့ကို သီတဂူဆရာတော်လို့ သိကြပါတယ်။

    ရွာတွေမီးရှို့ခံရလို့ သိန်းချီတဲ့ ရိုဟင်ဂျာမွတ်စလင်တွေ ထွက်ပြေးနေရချိန် သီတဂူဆရာတော်က စစ်တပ်အကြီးအကဲတွေကို “မွတ်စလင်တွေက ကုလသမဂ္ဂကို ၀ယ်လိုက်ပြီ” ဆိုတဲ့ တရားမျိုး ဟောသူပါ။

    စစ်တပ်နဲ့ ဘုန်းကြီးတွေရဲ့ တစ်ကျိပ်တည်း တစ်ဉာဏ်တည်းဇာတ်လမ်းဟာ ဆက်ရှိနေအုံးမှာ ဖြစ်ပါတယ်။

    ပြီးခဲ့တဲ့နှစ်မေလက စစ်တပ်နဲ့ ဆက်နွယ်နေတဲ့ Facebook ပေ့ခ်ျမှာ စစ်သားတွေကြား ရယ်မောနေတဲ့ သီတဂူဆရာတော်ရဲ့ပုံ ပေါ်လာပါတယ်။ အမျိုးသားရေးအတွက် ဘာသာရေးစစ်သားမျိုး ဖန်တီးပေးမယ်လို့တောင် သူက ကမ်းလှမ်းခဲ့ဖူးပြီး ဘာသာရေးအတွက် အကြီးမားဆုံး ပေးဆပ်မှုလို့ သူက ယူဆနေပုံပါ။

    “မြန်မာနိုင်ငံမှာ သံဃာ ၄ သိန်းရှိတယ်။ မင်းတို့လိုအပ်ရင် သူတို့ကိုထည့်ပေးလိုက်မယ်။ လွယ်ပါတယ်” လို့ ကာကွယ်ရေးဦးစီးချုပ်ကို ဆရာတော်က ပြောကြားဖူးပါတယ်။

    “သီတဂူဆရာတော်လို ကြည်ညိုခံရတဲ့ ဘုန်းကြီးတွေက ပြောမယ်ဆိုရင် လူတစ်စုကို နှိမ့်ချစော်ကားတဲ့စကားမျိုး ဖြစ်ပေမယ့်လည်း လူတွေက လက်ခံကြတယ်။ သူ့ရဲ့စကားတွေက အမုန်းတရားကို တရားဝင်အောင် လုပ်တာမျိုးပါ” လို့ အောက်စဖို့ဒ်တက္ကသိုလ်က မြန်မာနိုင်ငံဖွား လူမှုမနုဿဗေဒပညာရှင် ဒေါက်တာ ခင်မာမာကြည်က ပြောကြားခဲ့ပါတယ်။

    ဗုဒ္ဓဘာသာများ၏ အခွင့်အရေး

    သီရိလင်္ကာနိုင်ငံက ခရစ်ယာန်ဘုရားကျောင်းတွေ ဟိုတယ်တွေကို IS အကြမ်းဖက်သမားတွေက အီစတာနေ့မှာ ဗုံးခွဲတိုက်ခိုက်လိုက်တဲ့အခါ ဗုဒ္ဓဘာသာ အမျိုးသားရေးဝါဒီတွေက သူတို့မလွန်ဘူးဆိုတဲ့ အသံမျိုး ထွက်လာပါတယ်။

    “မွတ်စလင်အစွန်းရောက်တွေဟာ အမျိုးသားလုံခြုံရေးရဲ့ အန္တရာယ်ဖြစ်တယ်လို့ ကျုပ်တို့ နှစ်ပေါင်းများစွာ သတိပေးလာတယ်။ အစွန်းရောက်အစ္စလာမ်ဝါဒကို လစ်လျူရှုလိုက်တဲ့အတွက် အစိုးရလက်မှာ သွေးစွန်းသွားပါပြီ” လို့ သီရိလင်္ကာက အကြီးဆုံး အမျိုးသားရေးအဖွဲ့ Bodu Bala Sena (BBS) က အကြီးတန်း တာဝန်ရှိသူ Dilanthe Withanage က ပြောပါတယ်။

    နှစ်အနည်းငယ်လောက် အလယ်အလတ်ကျတဲ့ မဟာမိတ်အုပ်စိုးမှု ရှိလာခဲ့ပြီးတဲ့နောက်မှာတော့ ဘာသာရေးနဲ့ ထကြွလိုတဲ့ဝါဒ ပေါင်းစပ်ထားတဲ့ လှုပ်ရှားမှုတစ်ခု သီရိလင်္ကာနိုင်ငံမှာ မြင့်တက်လာခဲ့ပါတယ်။ ဒီလှုပ်ရှားမှုကို ဦးဆောင်သူက ကာကွယ်ရေးဝန်ကြီးဟောင်း Gotabaya Rajapaksa ဖြစ်ပါတယ်။ သူဟာ အခုနှစ်အတွင်းပြုလုပ်မယ့် သမ္မတရွေးကောက်ပွဲမှာ ၀င်ရောက် ယှဉ်ပြိုင်ဖို့လည်း ရှိနေပါတယ်။

    တိုင်းပြည်မှာ သမိုင်းတစ်လျှောက် တည်တံ့ခဲ့တဲ့ ဗုဒ္ဓဘာသာပုံရိပ်ကို ကာကွယ်သွားမယ်လို့ Gotabaya က ကတိပြုထားပါတယ်။ လူနည်းစု တမီလ်တွေနဲ့ နှစ်ပေါင်း ၃၀ ကြာ ပြည်တွင်းစစ်အတွင်း ပုံဖော်ခဲ့တဲ့ ‘လုံခြုံရေးနိုင်ငံ’ ကို ပြန်လည်တည်ဆောက်သွားဖို့ သူက စိတ်ပိုင်းဖြတ်ထားပါတယ်။

    ၂၀၀၅ ခုနှစ်ကနေ ၂၀၁၅ ခုနှစ်အတွင်း သီရိလင်္ကာနိုင်ငံကို Gotabaya ရဲ့ အစ်ကို Mahinda Rajapaksa က တိုင်းပြည်ကို ဦးဆောင်ခဲ့တာပါ။ Mahinda ဟာ မျက်နှောင်ပြောင်တိုက်တတ်တဲ့ အမျိုးသားရေးသမားတစ်ဦးဖြစ်ပြီး ပြည်တွင်းစစ်မှာ ရက်ရက်စက်စက် ဆောင်ရွက်ခဲ့မှုတွေကို တရားသယောင်ယောင်ပြောကာ မိမိသာလျှင် ဘာသာရေးကို ကယ်တင်ခဲ့သူလို့ ၀ါဒဖြန့်ခဲ့သူလည်း ဖြစ်ပါတယ်။

    ဘုန်းကြီးကျောင်းတွေမှာ သူတို့ညီအစ်ကိုနှစ်ယောက်ရဲ့ ပုံတွေကို နံရံပြည့် ပုံဖော်ထားကြပါတယ်။ မွတ်စလ်တွေ အသတ်ခံရတဲ့ ဘာသာရေးအဓိကရုဏ်းတွေမှာ အောင်ပွဲခံလေ့ရှိတဲ့ အစွန်းရောက် ဗုဒ္ဓဘာသာအုပ်စုတွေကိုလည်း သူတို့ညီအစ်ကိုက ငွေကြေးတွေ ထောက်ပံ့ခဲ့ပါတယ်။
    မြို့တော်ကိုလံဘိုက အထပ်မြင့် ဗုဒ္ဓယဉ်ကျေးမှုစင်တာကို ‘ဗုဒ္ဓဘာသာတပ်ဖွဲ့’ လို့ အဓိပ္ပါယ်ရတဲ့ Bodu Bala Sena ကို တည်ထောင်သူတစ်ဦးက ဆောက်လုပ်ထားတာပါ။ တန်ဖိုးကြီးတဲ့ အဲဒီမြေကွက်ကို Rajapaksa ညီအစ်ကိုနှစ်ဦးက လှူဒါန်းထားတာ ဖြစ်ပါတယ်။

    အစိုးရပိုင် ဆက်သွယ်ရေးလုပ်ငန်းကလည်း သူတို့ရဲ့ ဖုန်း ringtones တွေထဲမှာ BBS ရဲ့ သီချင်းကို ထည့်သွင်းပေးခဲ့ပါတယ်။

    ပြီးခဲ့တဲ့နှစ်က BBS ခေါင်းဆောင် Galagoda Aththe Gnanasara Thero ကို အစိုးရက ထောင်ဒဏ် ၆ နှစ် ချခဲ့ပေမယ့် အခုနှစ်မေလအတွင်း သမ္မတရဲ့လွတ်ငြိမ်းချမ်းသာခွင့်နဲ့ ပြန်လွှတ်ပေးခဲ့ပါတယ်။ ဇူလိုင်လ ၇ ရက်နေ့မှာ ဒီဘုန်းကြီးက သံဃာ ထောင်ချီပါဝင်တဲ့ ချီတက်ပွဲတစ်ခုကို ပြုလုပ်ခဲ့ပြီး မကြာခင်ပြုလုပ်တော့မယ့် ရွေးကောက်ပွဲမှာ ပါဝင်မယ့် သူတို့ရဲ့ နိုင်ငံရေးအင်အားကို ထုတ်ပြလိုက်တာလည်း ဖြစ်ပါတယ်။

    ထောင်မကျခင်လေးမှာပဲ Gnanasara Thero က သူတို့သာလျှင် သမိုင်းတစ်လျှောက် ဗုဒ္ဓဘာသာကို ကာကွယ်စောင့်ရှောက်သူဖြစ်ကြောင်း ကြုံးဝါးခဲ့ပါတယ်။

    “ဗုဒ္ဓဘာသာကို ကျုပ်တို့စောင့်ရှောက်လာတာ နှစ်ပေါင်း ၂၅၀၀ လောက်ရှိပြီ။ ကျုပ်တို့ရဲ့ ငြိမ်းချမ်းတဲ့ ကျွန်းလေးကို အစ္စလာမ်ရန်ကနေ ကာကွယ်ဖို့အတွက် တိုက်ပွဲဝင်ရမယ့်တာဝန်ဟာ ကျုပ်တို့ရဲ့တာဝန် ဖြစ်သလို မြန်မာနိုင်ငံက ဘုန်းကြီးတွေရဲ့ တာဝန်လည်း ဖြစ်ပါတယ်” လို့ Times သတင်းဌာနနဲ့ အင်တာဗျူးမှာ သူက ထည့်သွင်းပြောကြားခဲ့ပါတယ်။

    Ref: NEW YORK TIMES

    (NEW YORK TIMES သတင်းဌာနတွင် ဖော်ပြထားသည့် ‘Our duty to fight’: The rise of militant Buddhism’ ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်။ ဆောင်းပါးပါအချက်များသည် မူရင်းဆောင်းပါးရှင်၏ အတွေးအမြင်များသာဖြစ်ပြီး M-Media ၏ အာဘော်မဟုတ်ပါ)

  • မွတ်စလင်များကို အကြမ်းဖက်တိုက်ခိုက်ရန် သီရိလင်္ကာ ထိပ်တန်းဘုန်းကြီး တိုက်တွန်း

    မွတ်စလင်များကို အကြမ်းဖက်တိုက်ခိုက်ရန် သီရိလင်္ကာ ထိပ်တန်းဘုန်းကြီး တိုက်တွန်း

    ဇွန် ၂၃၊ ၂၀၁၉
    M-Media

    မွတ်စလင်များအပေါ် အကြမ်းဖက်တိုက်ခိုက်ရန် တိုက်တွန်းခဲ့သည့် ဘုန်းတော်ကြီး
    Warakagoda Sri Gnanarathana Thero

    -နိုင်ငံအတွင်းက အစ္စလာမ်ဘာသာဝင် ဆရာဝန်တွေဟာ ဗုဒ္ဓဘာသာဝင် အမျိုးသမီးတွေ မြုံအောင် လုပ်ဆောင်နေတယ်လို့ စွပ်စွဲကာ သီရိလင်္ကာနိုင်ငံရဲ့ ထိပ်တန်းဘုန်းကြီးတစ်ပါးက အစ္စလာမ်ဘာသာဝင်တွေအပေါ် အကြမ်းဖက်တိုက်ခိုက်ဖို့ တိုက်တွန်း ဆော်သြလိုက်ပါတယ်။

    ဧပြီလအတွင်းက ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုတို့ကို IS အဖွဲ့က အသေခံဗုံးခွဲတိုက်ခိုက်မှုနောက်ပိုင်း သီရိလင်္ကာနိုင်ငံအတွင်း မွတ်စလင်တွေအပေါ် ပစ်မှတ်ထားတိုက်ခိုက်မှုတွေ မြင့်တက်လာတဲ့အချိန် ထိပ်တန်းဘုန်းကြီးတစ်ပါးရဲ့ ဒီအမုန်းစကား ပေါ်ထွက်လာ ဖြစ်ပါတယ်။

    သီရိလင်္ကာရဲ့ သက်တမ်းအရင့်ဆုံးနဲ့ အကြီးဆုံး ဗုဒ္ဓဘာသာဂိုဏ်းတစ်ခုဖြစ်တဲ့ Asgiriya ကို ဦးဆောင်နေသူ ဘုန်းတော်ကြီး Warakagoda Sri Gnanarathana Thero က ပြီးခဲ့တဲ့တစ်ပတ် နိုင်ငံအလယ်ပိုင်း ကန်ဒီမြို့ တရားပွဲမှာ မွတ်စလင်မုန်းတီးရေးစကားတွေကို ပြောကြားခဲ့ပါတယ်။ အလယ်ပိုင်း ကူရူနီဂါလာခရိုင်မှာ မွတ်စလင်ဆရာဝန်တွေက ဗုဒ္ဓဘာသာဝင်အမျိုးသမီး ၄၀၀၀ လောက်ကို မြုံအောင် လုပ်ခဲ့တယ်လို့ သူက စွပ်စွဲခဲ့ပါတယ်။

    “ဒကာမတစ်ချို့က (ဆရာဝန်တွေလိုလူတွေကို) ခဲနဲ့ပေါက်သတ်ရမယ်လို့ ပြောကြတယ်။ ကျုပ်ကတော့ ဒီလိုမပြောပါဘူး။ ဒါပေမယ့် ဒါမျိုးကတော့ လုပ်ရမယ်”

    အစ္စလာမ်ဘာသာဝင်တွေ ဖွင့်လှစ်ထားတဲ့ စားသောက်ဆိုင်တွေဟာ ဗုဒ္ဓဘာသာဝင် စားသုံးသူတွေလာစာရင်း မြုံဆေးတွေ ထည့်ပြီးကျွေးတယ်ဆိုတဲ့ ကောလဟာလတွေဟာ သီရိလင်္ကာနိုင်ငံတစ်ဝှမ်း အချိန်အတော်ကြာကတည်းက ပြန့်နှံနေပြီး ဒါတွေကို ယုံကြည်နေသူလည်း ရှိနေပါတယ်။ ဘုန်းတော်ကြီး Gnanarathana က ပြီးခဲ့တဲ့တစ်ပတ် တရားမှာ မွတ်စလင်စားသောက်ဆိုင်တွေကို သပိတ်မှောက်ဖို့ ထပ်မံ တိုက်တွန်းခဲ့ပါတယ်။

    “မွတ်စလင်ဆိုင်တွေမှာ မစားကြနဲ့။ အဲဒီဆိုင်တွေမှာစားတဲ့သူတွေဟာ နောက်ပိုင်းမှာ ကလေးရမှာ မဟုတ်တော့ဘူး”

    Gnanarathana ရဲ့ ဒီတရားပွဲကို နိုင်ငံပိုင် ရုပ်သံကနေ ထုတ်လွှင့်ပြသခဲ့ပါတယ်။ သူတရားဟောခဲ့တဲ့ ကန်ဒီမြို့မှာ ပြီးခဲ့တဲ့နှစ်က ဒီကောလဟာလကြောင့် အစ္စလာမ်ဘာသာဝင်တွေအပေါ် အကြမ်းဖက်တိုက်ခိုက်မှုတွေ ရက်ဆက် ဖြစ်ပွားခဲ့ပါတယ်။

    ဘုန်းတော်ကြီး Gnanarathana က လူထုထင်မြင်ယူဆနေတဲ့ သဘောထားနဲ့အညီ ဒီလို ပြောတာဖြစ်တယ်လို့ စနေနေ့မှာ ကာကွယ်ပြောကြားခဲ့ပါတယ်။

    သီရိလင်္ကာနိုင်ငံရဲ့ လူဦးရေ ၂၁ သန်းမှာ ဗုဒ္ဓဘာသာဝင်ဦးရေက ၇၀ ရာခိုင်နှုန်းကျော်ရှိပြီး အစ္စလာမ်ဘာသာဝင်အရေအတွက်က ၁၀ ရာခိုင်နှုန်းသာ ရှိပါတယ်။

    စိုးရိမ်မှု မြင့်တက်

    တက်ကြွလှုပ်ရှားသူတွေက ဘုန်းကြီး Gnanarathana ရဲ့ ဒီစကားဟာ အမုန်းစကားဖြစ်ပြီး၊ အရေးယူဆောင်ရွက်ဖို့ သမ္မတ မိုင်သရီပါလာ ဆရီစီနာကို တိုက်တွန်းခဲ့ပါတယ်။ သီရိလင်္ကာက အစ္စလာမ်ဘာသာဝင်အသိုင်းအဝိုင်းကတော့ သူ့အပေါ် အကြမ်းဖက်တိုက်ခိုက်မှုတွေ မြင့်တက်လာမလားဆိုပြီး စိုးရိမ်နေကြပါတယ်။

    ဧပြီလ ၂၁ ရက်နေ့က နေရာ ၈ ခုမှာ ဗုံးခွဲမှုအတွင်း လူ ၂၅၀ သေဆုံးခဲ့ပြီး ၅၀၀ လောက် ဒဏ်ရာရခဲ့ပါတယ်။ ဒီတိုက်ခိုက်မှုဟာ နိုင်ငံအတွင်း လူသိနည်းတဲ့ မွတ်စလင်အဖွဲ့နှစ်ခု ပူးပေါင်းလုပ်ဆောင်တာဖြစ်တယ်လို့ သီရိလင်္ကာအစိုးရက ထုတ်ပြန်ခဲ့ပြီး၊ IS ကတော့ ဆီးရီးယားမှာ နယ်မြေဆုံးရှုံးမှုကို လက်တုန့်ပြန်တဲ့အနေနဲ့ တိုက်ခိုက်မှုကို သူတို့ လုပ်ဆောင်ခဲ့တာဖြစ်တယ်လို့
    ပြောကြားခဲ့ပါတယ်။

    တိုက်ခိုက်မှုအသေးစိတ်ကို အိန္ဒိယထောက်လှမ်းရေးက သီရိလင်္ကာ အာဏာပိုင်တွေထံ ကြိုတင်သတင်းပေးပို့ခဲ့ပေမယ့် တားဆီးကာကွယ်မှုတွေ မလုပ်ခဲ့ပါဘူး။ သမ္မတ ဆရီဆီနာက ဒီကိစ္စအတွက် ရဲတပ်ဖွဲ့ကို အပြစ်တင်ခဲ့ပေမယ့် သီရိလင်္ကာ ရဲတပ်ဖွဲ့ တာဝန်ရှိသူတွေက သူတို့ အချိန်မီ သတင်းပေးပို့ခဲ့ပေမယ့် သမ္မတက လစ်လျူရှုခဲ့တာဖြစ်တယ်လို့ တရားရုံးချုပ်ရဲ့ စုံစမ်းစစ်ဆေးမှုမှာ ထွက်ဆိုထားပါတယ်။

    ဒီကိစ္စရဲ့ နောက်ဆက်တွဲအဖြစ် သီရိလင်္ကာနိုင်ငံ မြောက်ပိုင်းမှာ မေလအတွင်းက မွတ်စလင်တွေအပေါ် ပစ်မှတ်ထားတဲ့ အကြမ်းဖက်တိုက်ခိုက်မှုတွေ ဖြစ်ပွားခဲ့ပြီး လူတစ်ချို့သေဆုံးကာ မွတ်စလင်ပိုင် အိမ်တွေ၊ ဆိုင်တွေ၊ ဗလီဝတ်တွေနဲ့ အစီးအနင်းတွေ ဖျက်ဆီးခံခဲ့ရပါတယ်။

    Ref: Aljazeera

  • ၂၀၂၀ ရွေးကောက်ပွဲ အမုန်းစကားနှင့် အကြမ်းဖက်လှုံ့ဆော်ရေး ရေခံမြေခံဖြစ်လာမည်ဟု သုတေသနအဖွဲ့တစ်ခု သတိပေး

    ၂၀၂၀ ရွေးကောက်ပွဲ အမုန်းစကားနှင့် အကြမ်းဖက်လှုံ့ဆော်ရေး ရေခံမြေခံဖြစ်လာမည်ဟု သုတေသနအဖွဲ့တစ်ခု သတိပေး

    နိုဝင်ဘာ ၇၊ ၂၀၁၈
    M-Media

    – ၂၀၂၀ ရွေးကောက်ပွဲဟာ လူမျိုးရေး ဘာသာရေး ‘အကြမ်းဖက်မှုကို လှုံ့ဆော်ဖို့’ ရေခံမြေခံဖြစ်လာနိုင်တဲ့အတွက် အခုကတည်းက ပြင်ဆင်ထားဖို့ အမေရိကန်အခြေစိုက် စောင့်ကြည့်လေ့လာရေးအဖွဲ့ Business for Social Responsibility (BSR) က မနေ့မှာ Facebook ကို သတိပေးလိုက်ပါတယ်။

    ဒီမိုကရေစီ အသွင်ကူးပြောင်းရေး စတင်ခဲ့တဲ့ ၂၀၁၀ ခုနှစ်နောက်ပိုင်း မြန်မာနိုင်ငံမှာ ဆိုရှယ်မီဒီယာအသုံးပြုမှု ပိုမိုတွင်ကျယ်လာခဲ့ပြီး လက်ရှိ Facebook သုံးစွဲသူပေါင်း သန်း ၂၀ လောက် ရှိနေပါတယ်။

    နိုင်ငံအတွင်း အမျိုးသားရေးအစွန်းရောက်တွေဟာ အစ္စလာမ်ဘာသာဝင်တွေနဲ့ ရိုဟင်ဂျာတွေအပေါ် မုန်းတီးအောင်၊ အကြမ်းဖက်အောင် Facebook ကို အသုံးပြု လှုံ့ဆော်နေပြီး၊ Facebook ကလည်း ဒီ အမုန်းဝါဒဖြန့်မှုတွေကို ထိထိရောက်ရောက် ဟန့်တားနိုင်ခြင်းမရှိဘူးလို့ တက်ကြွလှုပ်ရှားသူတွေက ဝေဖန်ထားပါတယ်။

    ပြီးခဲ့တဲ့လတွေအတွင်း Facebook ဟာ မြန်မာနိုင်ငံမှာ အမုန်းဝါဒဖြန့်မှုတွေကို တားဆီးနိုင်ရေးအတွက် ပိုမိုလုပ်ဆောင်လာပြီး သဘောထားတင်းမာတဲ့ ဘုန်းကြီးတွေ၊ အမျိုးသားရေးအစွန်းရောက်တွေနဲ့ သူတို့အဖွဲ့တွေရဲ့ အကောင့်တွေ၊ ပေ့ခ်ျတွေ၊ မြန်မာစစ်တပ်နဲ့ ဆက်နွယ်နေတဲ့ ၀ါဒဖြန့်အကောင့်တွေ၊ ပေ့ခ်ျတွေ တော်တော်များများကို ဖယ်ရှားခဲ့ပါတယ်။

    ဒါ့အပြင် မြန်မာနိုင်ငံက Facebook အသုံးပြုမှု အခြေအနေကို စုံစမ်းသုံးသပ်ပေးဖို့အတွက် ကယ်လီဖိုးနီးယားအခြေစိုက် BSR အဖွဲ့ကို တာဝန်ပေးခဲ့ပါတယ်။

    ၂၀၁၈ ခုနှစ် မေလကနေ စက်တင်ဘာလအထိ BSR အဖွဲ့က ပြုလုပ်ခဲ့တဲ့ သုံးသပ်မှုအတွင်း မြန်မာနိုင်ငံမှာ Facebook ကို ” အကြမ်းဖက်ရေး လှုံ့ဆော်ဖို့ အသုံးပြုနေပြီး၊ မြေပြင်မှာ ထိခိုက်မှုတွေ ရှိတယ်” ဆိုတာကို တွေ့ရကြောင်း မနေ့က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

    မြန်မာနိုင်ငံက Facebook ပြဿနာဟာ ပြေလည်ဖို့ တော်တော်လိုသေးတယ်လို့လည်း BSR အဖွဲ့က သတိပေးခဲ့ပါတယ်။

    ၂၀၂၀ မှာ ပြုလုပ်မယ့် ရွေးကောက်ပွဲဟာ “အမုန်းစကား၊ အရှက်တကွဲအကျိုးနည်းအောင်လုပ်မှု၊ သတင်းအမှားဖြန့်ဝေမှု၊ အကြမ်းဖက်အောင် လှုံ့ဆော်မှုနဲ့ နိုင်ငံရေးလုပ်ငန်းစဉ် ပျက်ဆီးအောင် ရည်ရွယ်တဲ့ လုပ်ရပ်တွေ အထွပ်အထိပ်ကို ရောက်နိုင်မယ့် အနေအထား ဖြစ်လာဖွယ်ရှိတဲ့” အတွက် Facebook အနေနဲ့ အခုကတည်းက ဖြစ်နိုင်ချေတွေအတွက် ကြိုတင်ပြင်ဆင်ထားဖို့လည်း BSR က တိုက်တွန်းခဲ့ပါတယ်။

    အာဏာပိုင်တွေနဲ့ အမျိုးသားရေးသမားတွေဟာ အရပ်ဖက်အဖွဲ့အစည်းတွေနဲ့ တက်ကြွလှုပ်ရှားသူတွေရဲ့ အကောင့်တွေကို ပစ်မှတ်ထားတိုက်ခိုက်ရာမှာ နောက်ဆုံးပေါ် နည်းလမ်းသစ်တွေကို သုံးလာတယ်ဆိုတာကို လေ့လာမှုမှာ တွေ့ခဲ့ရပြီး၊ နိုင်ငံအတွင်း သုံးစွဲနေသူတွေဟာ Facebook app ကို update မလုပ်တာကြောင့် မလုံခြုံတဲ့ အကောင့်တော်တော်များများ ရှိနေပြီး စောင့်ကြည့်ရမယ့်အနေအထား ဖြစ်တယ်လို့လည်း BSR က သူတို့ရဲ့ အစီရင်ခံစာမှာ ထည့်သွင်းဖော်ပြခဲ့ပါတယ်။

    Facebook ကတော့ သူတို့အနေနဲ့ ၂၀၂၀ ရွေးကောက်ပွဲတွေမတိုင်ခင် ဒီလိုတလွဲအသုံးပြုမှုတွေကို ရှင်းလင်းသွားမှာ ဖြစ်ပေမယ့် အကြမ်းဖက်မှုဖြစ်အောင် လှုံ့ဆော်မှုတွေကို ထိထိရောက် မတားဆီးနိုင်ဘူးလို့ ၀န်ခံခဲ့ပါတယ်။

    “ကျွန်တော်တို့ရဲ့ ပလက်ဖောင်းကို အသုံးပြုပြီး သွေးကွဲအောင်၊ မြေပြင်မှာ အကြမ်းဖက်မှု ဖြစ်လာအောင် လှုံ့ဆော်တာတွေကို အခုနှစ် မတိုင်ခင်အထိ ကျွန်တော်တို့ ထိထိရောက်ရောက်မဟန့်တားနိုင်ခဲ့ဘူးလို့ အစီရင်ခံစာမှာ သုံးသပ်ထားပါတယ်။ မှန်ပါတယ်။ ကျွန်တော်တို့ ပိုမိုဆောင်ရွက်ရပါမယ်” လို့ Facebook ရဲ့ ပေါ်လစီမန်နေဂျာ အဲလက်စ် ၀ါရို့ဖ်ကာက ပြောကြားခဲ့ပါတယ်။

    အင်္ဂါနေ့က Facebook ရဲ့ ထုတ်ပြန်ချက်မှာ သူတို့အနေနဲ့ ပြီးခဲ့တဲ့နှစ်နှောင်းပိုင်းကထက် အမုန်းစကားတွေကို ၄ ဆ ဖယ်ရှားနိုင်ခဲ့ပြီး ၂၀၁၈ ခုနှစ်အတွင်း မြန်မာစကားပြော စောင့်ကြည့် စစ်ဆေးသူတွေကို ပိုမိုခန့်ထားသွားမယ်လို့ ဖော်ပြထားပါတယ်။

    Ref: CNA

  • အစွန်းရောက်ဘုန်းကြီးနှင့် ကာချုပ်တို့၏ အကောင့်များကို VK က အပြီးတိုင် ပိတ်သိမ်း

    အစွန်းရောက်ဘုန်းကြီးနှင့် ကာချုပ်တို့၏ အကောင့်များကို VK က အပြီးတိုင် ပိတ်သိမ်း

    စက်တင်ဘာ ၁၇၊ ၂၀၁၈
    M-Media

    တိုင်းမ်စ်မဂ္ဂဇင်းမျက်နှာဖုံးတွင် တွေ့ရသည့် အစွန်းရောက်ဘုန်းကြီး ၀ီရသူ၏ ပုံ

    – ရုရှား နာမည်ကြီး ဆိုရှယ်မီဒီယာတစ်ခုဖြစ်တဲ့ VK က သူတို့အနေနဲ့ အစွန်းရောက်ဘုန်းကြီး ၀ီရသူရဲ့အကောင့်နဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ရဲ့ အကောင့်တွေကို ပိတ်ပစ်လိုက်တယ်လို့ ထုတ်ဖော်ပြောဆိုလိုက်ပါတယ်။

    အမုန်းစကားဖြန့်ချီမှုအတွက် ကာကွယ်ရေးဦးစီးချုပ်အပါအ၀င် မြန်မာစစ်ခေါင်းဆောင်တစ်ချို့ရဲ့ အကောင့်တွေ၊ စစ်တပ်ရဲ့ ၀ါဒဖြန့်ချီရေး အကောင့်တွေ၊ ပေ့ခ်ျတွေကို ဖျက်ပစ်လိုက်တယ်လို့ Facebook က ပြီးခဲ့တဲ့လမှာ ကြေငြာခဲ့ပြီးနောက်ပိုင်း မြန်မာစစ်တပ်အသိုင်းအ၀ိုင်းနဲ့ ပြည်သူတစ်ချို့ဟာ VK ကို ပြောင်းလဲသုံးစွဲခဲ့ကြတာ ဖြစ်ပါတယ်။

    VK က ကာကွယ်ရေးဦးစီးချုပ်ရဲ့ အကောင်သစ်ဟာ လျင်လျင်မြန်မြန်ပဲ follower ၃၇၀၀၀ အထိ ရောက်လာခဲ့ပါတယ်။ ဒါပေမယ့် ပြီးခဲ့တဲ့ရက်ပိုင်းမှာ VK က ကာချုပ်ရဲ့အကောင့် အပိတ်ခံလိုက်ရပြီး၊ နောက်ပိုင်းမှာ အကောင့်အသစ် ထပ်တက်လာခဲ့ပေမယ့် ဒီကနေ့မှာ ထပ်မံ အပိတ်ခံလိုက်ရပါတယ်။

    VK က သူတို့ဟာ အသုံးပြုသူတွေထံကနေ တိုင်ကြားမှုတွေ ရတာကြောင့် ကာကွယ်ရေးဦးစီးချုပ် အကောင့်နဲ့ ဦးဝီရသူတို့ရဲ့အကောင့်တွေကို အပြီးတိုင် ဖျက်ပစ်လိုက်ကြောင်း၊ မြန်မာလိုတင်တဲ့ ပို့စ်တွေကို စောင့်ကြည့်ဖို့ မြန်မာဝန်ထမ်းတွေကို ခန့်ထားကြောင်း AFP သတင်းဌာနကို ပြောကြားခဲ့ပါတယ်။

    မွတ်စလင်ဆန့်ကျင်ရေး အမုန်းစကားတွေကြောင့် မကောင်းသတင်းနဲ့ကျော်ကြားတဲ့ အစွန်းရောက်ဘုန်းကြီး ဦးဝီရသူရဲ့ Facebook အကောင့်ဟာ ဇန်န၀ါရီလမှာ အပြီးတိုင် ပိတ်ပစ်ခဲ့ပါတယ်။

    Ref: CNA

  • သင်္ကန်းပါဝါဖြင့် တရားရေးကိုဝင်စွက်သည့် အစွန်းရောက်ဘုန်းကြီးကို သီရိလင်္ကာက ထောင် ၆ နှစ်ချ

    သင်္ကန်းပါဝါဖြင့် တရားရေးကိုဝင်စွက်သည့် အစွန်းရောက်ဘုန်းကြီးကို သီရိလင်္ကာက ထောင် ၆ နှစ်ချ

    သြဂုတ် ၉၊ ၂၀၁၈
    M-Media

    အစွန်းရောက်ဘုန်းကြီး Galagoda Aththe Gnanasara

    – မွတ်စလင်တွေနဲ့ ခရစ်ယာန်တွေကို မုန်းတီးရေး၊ အကြမ်းဖက်ရေး လှုံ့ဆော်တဲ့ အစွန်းရောက်ဘုန်းကြီးကို တရားရုံးမထိလေးစားမှုနဲ့ သီရိလင်္ကာက မနေ့မှာ ထောင်ဒဏ် ၆ နှစ် ချမှတ်လိုက်ပါတယ်။

    ဗုဒ္ဓဘာသာအစွန်းရောက်အဖွဲ့ Bodu Bala Sena (BBS) ရဲ့ ခေါင်းဆောင် Galagoda Aththe Gnanasara ဆိုသူဖြစ်ပြီး ၂၀၁၆ ခုနှစ် ဂျာနယ်လစ် Eknaligoda ကို စစ်ထောက်လှမ်းရေးတွေက ပြန်ပေးဆွဲတဲ့ကိစ္စအတွက် တရားရုံးရဲ့ ကြားနာမှုကို နှောက်ယှက်ဟန့်တားခဲ့တာ ဖြစ်ပါတယ်။

    Gnanasara ဟာ ဖမ်းဆီးထားတဲ့ စစ်ထောက်လှမ်းရေးတွေကို အာမခံမပေးတဲ့အတွက် တရားရုံးကို အော်ဟစ်ပြင်တင်ခဲ့ပြီး Eknaligoda ရဲ့ ဇနီးကိုလည်း သတ်ပစ်မယ်လို့ ခြိမ်းခြောက်ခဲ့ပါတယ်။

    “တရားခံဟာ တရားရေးကို ပျက်စီးစေဖို့ ရည်ရွယ်ချက်ရှိရှိ ကျူးလွန်ခဲ့တာ ဖြစ်ပါတယ်။ ဘာမှ သံသယဖြစ်စရာမရှိဘဲနဲ့ စွဲချက်အားလုံးအတွက် အပြစ်ရှိကြောင်း တွေ့ရှိခဲ့ရပါတယ်” လို့ မနေ့က အမိန့်ချမှတ်မှုမှာ အယူခံတရားရုံးအကြီးအကဲ Preethi Padman Surasena က ပြောကြားခဲ့ပါတယ်။

    Galagoda Aththe Gnanasara ဟာ နိုင်ငံအတွင်းက လူနည်းစု ခရစ်ယာန်တွေ၊ မွတ်စလင်တွေကို အကြမ်းဖက်ဖို့ လှုံ့ဆော်မှုတွေ လုပ်ခဲ့တယ်လို့ ပြည်တွင်း၊ ပြည်ပ လေ့လာဆန်းစစ်သူတွေက စွပ်စွဲပြောကြားထားပြီး သူကတော့ ဒီစွဲချက်တွေကို ငြင်းဆိုပါတယ်။

    တရားရုံး မထီမဲ့မြင်ပြုတဲ့ စွဲချက် ၄ ခုစလုံးအတွက် အပြစ်ရှိကြောင်း တွေ့ခဲ့ရတာဖြစ်ပြီး စွဲချက်နှစ်ခုအတွက် ထောင်ဒဏ် ၄ နှစ်၊ တတိယစွဲချက်အတွက် ထောင်ဒဏ် ၆ နှစ်၊ စတုတ္ထစွဲချက်အတွက် ထောင်ဒဏ် ၅ နှစ် တစ်ပေါင်းတည်းကျခံဖို့ တရားရုံးက ဆုံးဖြတ်ခဲ့ပါတယ်။

    BBS အဖွဲ့ တာဝန်ရှိသူတစ်ဦးက ဒီပြစ်ဒဏ်အတွက် အယူခံဝင်သွားမယ်လို့ ရိုက်တာသတင်းဌာနကို ပြောကြားခဲ့ပါတယ်။

    နေမကောင်းဘူးလို့ဆိုကာ လက်ရှိမှာ ဆေးရုံတက်နေတဲ့ Galagoda Aththe Gnanasara ဟာ ဂျာနယ်လစ် Eknaligoda ရဲ့ ဇနီးကို ခြိမ်းခြောက်မှုအတွက် ဇွန်လ ၁၄ ရက်နေ့မှာ ထောင်ဒဏ် ၆ လ ကျခံဖို့၊ ဒဏ်ငွေ ရူပီး ၁၅၀၀ (ကန်ဒေါ်လာ ၉.၃၉ ဒေါ်လာ)၊ နစ်နာကြေး ရူပီး ၅ သောင်း (ကန်ဒေါ်လာ ၃၁၃ ဒေါ်လာ) ပေးဆောင်ဖို့ အမိန့်ချမှတ်ခံထားရပါတယ်။

    Galagoda Aththe Gnanasara ဟာ မြန်မာနိုင်ငံမှာ နာမည်ဆိုးနဲ့ကျော်ကြားတဲ့ အစွန်းရောက်ဘုန်းကြီး ဦးဝီရသူနဲ့ ၂၀၁၄ ခုနှစ်မှာ စာချုပ်တစ်ခုကို ချုပ်ဆိုထားသူလည်း ဖြစ်ပါတယ်။

    Ref: CNA