News @ M-Media

Tag: Buddhist extremists

  • အစွန်းရောက်အုပ်စုတွေကြောင့် ညှိုးနွမ်းလာတဲ့ ဗုဒ္ဓသာသနာ

    အစွန်းရောက်အုပ်စုတွေကြောင့် ညှိုးနွမ်းလာတဲ့ ဗုဒ္ဓသာသနာ

    ဇွန် ၂၅၊ ၂၀၁၈
    M-Media

    သီရိလင်္ကာမှ အစွန်းရောက်ဘုန်းကြီးများနှင့်အတူ တွေ့ရသည့် ဦးဝီရသူ

    ခန္တီစ သည်းခံခြင်းတရား၊ မေတ္တာဂရုဏာတို့ဆိုတာ ဗုဒ္ဓဘာသာနဲ့ မကြာခနဆိုသလို ယှဉ်တွဲတွေ့မြင်ရတဲ့ အရည်အချင်းကောင်းတွေ ဖြစ်ပါတယ်။ ဒါပေမယ့် ဘာသာတရားဟာ ခြိမ်းခြောက်ခံနေရပြီး၊ ကာကွယ်စောင့်ရှောက်ဖို့ လိုအပ်လာပြီဆိုတဲ့ အယူအဆကို အခြေခံကာ ဗုဒ္ဓဘာသာရေးရာ လှုပ်ရှားမှုအသစ်တွေ အာရှဒေသတစ်ဝှမ်း ပေါ်ထွက်လာပြီးနောက်ပိုင်း အကြမ်းဖက်တိုက်ခိုက်မှုတွေကို ဆက်တိုက် မြင်လာရပါတယ်။ ဗုဒ္ဓဘာသာရဲ့ အမှတ်သညာ ခိုင်မာရေးဆိုတဲ့ အယူအဆကို အမျိုးသားရေးနဲ့ လူမျိုးရေး စိုးရိမ်ကြောင့်ကြမှုတွေ ထပ်ပိုးထားတဲ့ ဒေသမှုပြု ဒီ ဗုဒ္ဓဘာသာပုံစံဟာ ငြိမ်းချမ်းမှု၊ ဉာဏ်အလင်းပေါက်မြောက်မှုဆိုတဲ့ ဗုဒ္ဓသာသနာရဲ့ မူလဘူတ သဘောတရားနဲ့ လုံးလုံးဆန့်ကျင်တဲ့ သည်းမခံနိုင်မှု၊ ခွဲခြားဆက်ဆံမှု သဘောထားတွေကို ဖြစ်ပေါ်စေပါတယ်။

    ပြီးခဲ့တဲ့နှစ်မှာ ရိုဟင်ဂျာမွတ်စလင်တွေ ထောင်နဲ့ချီ အသတ်ခံရ၊ ထွက်ပြေးခဲ့ရတဲ့ မြန်မာနိုင်ငံမှာ ဗုဒ္ဓဘာသာဝင်အုပ်စုတွေဟာ သူတို့ရဲ့ အမှတ်သညာဆိုင်ရာ ပြဿနာတွေအတွက် အစွန်းရောက်နည်းလမ်းတွေနဲ့ တုန့်ပြန်လာကြပါတယ်။ အဲဒီအထဲက အထင်ရှားဆုံးတစ်ခုက ‘အမျိုးဘာသာသာသနာ စောင့်ရှောက်ရေးအသင်း’ လို့ခေါ်တဲ့ ‘မဘသ’ အဖွဲ့ကို ဖွဲ့စည်းမှု ဖြစ်ပါတယ်။ ထင်ရှားတဲ့ဘုန်းကြီး အရှင်ဝီရသူ ဦးဆောင်တဲ့ အဲဒီအဖွဲ့ဟာ “ဗုဒ္ဓ ဓမ္မ ပရဟိတ ဖောင်ဒေးရှင်း” အဖြစ် အမည်ပြောင်းခဲ့ကာ ထောက်ခံမှုကိုလည်း ကျယ်ကျယ်ပြန့်ပြန် ရရှိထားပါတယ်။

    “၉၆၉ လှုပ်ရှားမှု” အပါအ၀င် စောစောပိုင်းက ရှိခဲ့တဲ့ အဖွဲ့အမျိုးအမျိုးကနေ သန္ဓေတည်ပြီး မဘသအဖွဲ့ ပေါ်ပေါက်လာတာဖြစ်ပါတယ်။

    “၉၆၉ လှုပ်ရှားမှု” က ဗုဒ္ဓဘာသာဝင်တွေအနေနဲ့ ဗုဒ္ဓဘာသာဝင်တွေ ပိုင်ဆိုင်တဲ့ စီးပွားရေးလုပ်ငန်းတွေကို အားပေးဖို့၊ ဗုဒ္ဓဘာသာဝင်ပိုင်ဆိုင်တယ်လို့ ဖော်ပြနေတဲ့ ၉၆၉ အမှတ်တံဆိပ်ကပ် ဆိုင်တွေက ကုန်ပစ္စည်းတွေကို ၀ယ်ယူဖို့အတွက် တိုက်တွန်းအားပေးပါတယ်။ ဒီလှုပ်ရှားမှုရဲ့ သင်္ကေတဟာ သာသနာ့အလံပေါ်မှာ ၉၆၉
    တံဆိပ် ရိုက်နှိပ်ထားတာ ဖြစ်ပါတယ်။

    “မဘသ” လို အုပ်စုတွေ၊ ၉၆၉ လှုပ်ရှားမှုတွေဟာ လူမျိုးရေးနဲ့ အမျိုးသားရေးအမှတ်သညာကို အဓိကအခြေတည်ပြီး ထေရ၀ါဒဗုဒ္ဓဘာသာကို အယူဝါဒရေးရာ မောင်းနှင်အားတစ်ခုအဖြစ် အသုံးပြုတဲ့ ထူခြားတဲ့အခြေအနေတစ်ရပ်ရဲ့ အစိတ်အပိုင်းတွေ ဖြစ်ပါတယ်။ ဒီကနေတစ်ဆင့် လူမျိုးရေးနဲ့ ဘာသာရေး ပေါင်းစပ်ထားတဲ့ြ
    ဖစ်တည်မှုအပေါ် အခြေခံကာ ပဋိပက္ခတွေ၊ သည်းမခံနိုင်တဲ့၊ ခွဲခြားဆက်ဆံတဲ့ သဘောထားတွေ၊ တစ်ခါတစ်ရံမှာ သိသာတဲ့ အစ္စလာမ်ကြောက်ရောဂါတွေအထိ ဦးတည်သွားပါတယ်။ ဒါဟာ ‘ပိဋကတ်တော်’ လို့ခေါ်တဲ့ ဗုဒ္ဓဘာသာဝင်အများစု လက်ခံထားတဲ့ ဗုဒ္ဓဒေသနာ မဟုတ်ပါဘူး။ ဉာဏ်ပညာနဲ့ စိတ်ငြိမ်းချမ်းမှုရရှိေ
    အာင် ကြိုးပမ်းဖို့၊ မေတ္တာတရားပွားများဖို့ထက် ဗုဒ္ဓဘာသာ (သာသနာ) ကို ထိန်းသိမ်းကာကွယ်ဖို့ကို ပိုမိုအလေးပေးတဲ့ ၀ါဒမျိုး ဖြစ်ပါတယ်။ (ထေရ၀ါဒဆိုတာ တောင်အာရှနဲ့ အရှေ့တောင်အာရှနိုင်ငံတွေမှာ ကျင့်သုံးတဲ့ ဗုဒ္ဓဘာသာ ကျောင်းတော်ဝါဒတစ်ခု ဖြစ်ပါတယ်။)

    ဒါဟာ လူအများ မြတ်နိုးတန်ဖိုးထားတဲ့ ဗုဒ္ဓသာသနာရဲ့ အယူအဆနဲ့လည်း ကိုက်ညီမှု မရှိပါဘူး။ တကယ်လို့ ဗုဒ္ဓသာသနာရဲ့ အင်မတန်နှစ်လိုဖွယ်ကောင်းတဲ့ အယူအဆကို ပစ်ပယ်လိုက်ရင် ဗုဒ္ဓဘာသာထဲက အခုမှပေါ်ပေါက်လာတဲ့ အယူအဆတွေဟာ ကျွန်တော်တို့အတွက် ဘယ်လောက် အံ့အားသင့်စရာကောင်းသလဲ ကြည့် ရအောင်။ အခုပေါ်ထွက်လာတဲ့ ဗုဒ္ဓဘာသာပုံစံသစ်ကို ထည့်မတွက်ဘူးဆိုရင်လည်း သမိုင်းတစ်လျှောက် ဗုဒ္ဓဘာသာ အသိုင်းအ၀ိုင်းတွေမှာ လူသားအားလုံး တန်းတူညီမျှရေးဝါဒ၊ လစ်ဘရယ်ဝါဒ၊ လူမျိုးစုံဘာသာစုံဝါဒ၊ ဘာသာရေးမနွယ်တဲ့ဝါဒတွေ ထွန်းကားတယ်ဆိုတဲ့ အထောက်အထားဟာ မရှိသလောက်ပါပဲ။ ဒါဟာ ဗုဒ္ဓဘာသာယဉ်ကျေးမှုမှာ မဘသလို အစွန်းရောက် လှုပ်ရှားမှုတွေ ပုံမှန်ရှိခဲ့တယ်ဆိုတာမျိုး ညွှန်းဆိုတာ မဟုတ်ပေမယ့် ဗုဒ္ဓဘာသာအသိုင်းအ၀ိုင်းမှာ လူမျိုးရေးနဲ့ ဘာသာရေးဆိုင်ရာ အမှတ်သညာတွေကို ဦးစားပေးတဲ့ သဘောထားမျိုး မရှိဘူးလို့လည်း ငြင်းမရပါဘူး။ အချိန်ကာလ ကြာလာတဲ့အမျှ ဒီသဘောထားတွေဟာ ကျွန် တော်တို့ လက်ခံထားတဲ့ ဗုဒ္ဓဘာသာရဲ့ ရိုးရှင်းလွယ်ကူတဲ့ အယူအဆတွေနဲ့ မကိုက်ညီတဲ့ ရှုပ်ထွေးတဲ့ သဘောထားတွေ ဖြစ်လာစေပါတယ်။

    ဗုဒ္ဓဘာသာဝင်တွေဟာ အကြမ်းဖက်လာပြီ၊ ဒါမှမဟုတ် လူမျိုးကြီးဝါဒကို ထောက်ခံလာပြီဆိုရင် “စစ်မှန်တဲ့ ဗုဒ္ဓသာသနာ” ကနေ သွေဖီသွားပြီလို့ မှတ်ယူလို့ ရပါတယ်။ မြန်မာနိုင်ငံမှာ ဗုဒ္ဓစ်အစွန်းရောက်ဝါဒ မြင့်တက်လာတာက စစ်မှန်တဲ့ ဗုဒ္ဓသာသနာကို ထိခိုက်လာပြီး၊ ဒီအခြေအနေကို နားလည်အောင် ဖော်ပြဖို့အတွက် ဗုဒ္ဓသာသနာနဲ့ ဘယ်လိုမှ သက်ဆိုင်ခြင်းမရှိတဲ့ အသုံးအနှုန်းအသစ်တွေကို သုံးလာရတဲ့အထိ ဖြစ်လာပါတယ်။ ဗုဒ္ဓစ်အကြမ်းဖက်မှု၊ ဗုဒ္ဓစ်အမျိုးသားရေးဝါဒ၊ မတရားမှု၊ ခွဲခြားဆက်ဆံမှု ဒါတွေဟာလုံးဟာ ဗုဒ္ဓစ်အစွန်းရောက်ဝါဒကို ဖြစ်တည်စေတဲ့ အစိတ်အပိုင်းတွေ ဖြစ်ပါတယ်။ ခေတ်သစ်အာရှက ဗုဒ္ဓသာသနာကို နားလည်ဖို့ဆိုရင် ကျွန်တော်တို့ဟာ ဒီအယူအဆတွေကို လက်ခံဖို့ အခုအချိန်မှာ လိုအပ်လာပါပြီ။

    မြန်မာနိုင်ငံနဲ့ အာရှက ဗုဒ္ဓဘာသာထွန်းကားတဲ့ အခြားဒေသတွေမှာ ဗုဒ္ဓဘာသာဝင်တွေနဲ့ အခြားဘာသာဝင်တွေကို ခွဲခြားဖော်ပြတဲ့ လူမျိုးရေးနဲ့ အမျိုးသားရေး အမှတ်သညာတွေ၊ ယဉ်ကျေးမှုနဲ့ လူမျိုးရေးဆိုင်ရာ ၀ိသေသလက္ခဏာတွေကို နည်းလမ်းမျိုးစုံနဲ့ အသုံးချကြပါတယ်။ ဥပမာအားဖြင့် ထိုင်းနိုင်ငံမှာ “အမျိုး၊ သာသနာ၊
    တော်ဝင်မိသားစု” ဆိုတဲ့ အယူအဆရှိပြီး မြန်မာနိုင်ငံမှာ “အမျိုး၊ ဘာသာ၊ သာသနာ” ဆိုတဲ့ အယူအဆ ဖြစ်ပါတယ်။ ဒီအခြေအနေ နှစ်ခုစလုံးကိုကြည့်ရင် အမှတ်သညာဖြစ်တည်လာဖို့ အကြောင်းအချက်တွေထဲမှာ ဗုဒ္ဓဘာသာကို လိုက်နာဖို့၊ သစ္စာရှိဖို့အဆိုတဲ့ အယူအဆလည်း ပါဝင်ပါတယ်။ ဘာသာတရားကို ကာကွယ်တာဟာ အမျိုးသားရေးနဲ့ လူမျိုးရေးဆိုင်ရာ အမှတ်သညာရဲ့ အခြားအကြောင်းအရာတွေကို ကာကွယ်တာနဲ့ ဆက်စပ်နေပါတယ်။ တစ်ခုကို ကာကွယ်တာဟာ နောက်တစ်ခုကို ကာကွယ်တာမျိုးပါ။

    အာရှက ဗုဒ္ဓဘာသာနိုင်ငံတွေမှာ အများစုဟာ သူတို့ဘာသာကို အစ္စလာမ်ဘာသာက ခြိမ်းခြောက်နေတယ်လို့ မှတ်ယူကြပါတယ်။ အရှင်ဝီရသူလို ဗုဒ္ဓဘာသာခေါင်းဆောင်တွေဟာ သူတို့ကိုယ်သူတို့ ဗုဒ္ဓဘာသာကို ကာကွယ်စောင့်ရှောက်သူတွေအဖြစ် အမွှမ်းတင်ကြပါတယ်။ ဗုဒ္ဓဘာသာကို ကာကွယ်မယ်လို့ ကျွေးကျော်ကြတဲ့ ဒီပုဂ္ဂိုလ်တွေဟာ ဗုဒ္ဓဘာသာ အသင်းအဖွဲ့တွေကို ကာကွယ်ဖို့အတွက် ရန်လိုတဲ့နည်းလမ်းတွေကို အသုံးပြုတာ တရားကြောင်း အကြောင်းပြချက်တွေ ပေးကြပါတယ်။ ဗုဒ္ဓဘာသာနဲ့ အမျိုးသားရေးအမှတ်သညာအကြား ဆက်နွယ်မှုလို့ မြန်မာနိုင်ငံမှာ လတ်တလော ကျယ်ကျယ်လောင်လောင် ပြောကြားမှုမှာ ဗုဒ္ဓဘာသာကို ကာ ကွယ်ရေးဆိုတာ အဓိကသော့ချက်တစ်ခု ဖြစ်နေပါတယ်။ နောက်ပြီး ဗမာဗုဒ္ဓ အမျိုးသားရေးဝါဒီတွေရဲ့ အဆက်မပြတ် တိုက်တွန်းဆော်သြမှုတွေကို ဖြစ်စေသလို၊ မြန်မာပီသရေးကို ရည်ရွယ်ရာမှာလည်း ဒါက အဓိက ဖြစ်နေပါတယ်။

    ဗုဒ္ဓဘာသာဝင်မဟုတ်သူတွေအပေါ် အကြမ်းဖက်တာဟာ တရားကြောင်း တစ်ချို့သော ဗုဒ္ဓဘာသာခေါင်းဆောင်တွေက အကြောင်းပြချက် ပေးကြပါတယ်။ သီတဂူဆရာတော်ဟာ မြန်မာနိုင်ငံမှာ လေစားကြည်ညိုခံရဆုံး ဆရာတော်တွေထဲက တစ်ပါးဖြစ်ပြီး သူ့ရဲ့တရားတွေ၊ ပရဟိတလုပ်ငန်းတွေကြောင့် ကျော်ကြားပါတယ်။ မကြာသေးခင်က ဟောကြားခဲ့တဲ့ တရားမှာ သူက ဗုဒ္ဓဘာသာမဟုတ်သူတွေဟာ ဗုဒ္ဓဘာသာရဲ့ အယူအဆတွေကို လက်မခံ၊ ဗုဒ္ဓမြတ်စွာဘုရားရဲ့ အရိပ်အာဝသအောက်၊ ဗုဒ္ဓရဲ့ သင်ကြားမှုအောက်၊ ရဟန်းသံဃာတွေရဲ့ သွန်သင်ဆုံးမမှုအောက်မှာ မခိုလှုံသူတွေ ဖြစ်တာကြောင့် လူသားမမည်ဘဲ သူတို့ကို သတ်ဖြတ်တာဟာ တရားကြောင်း ရှင်းရှင်းလင်းလင်းကို ရည်ညွှန်းပြောကြားခဲ့ပါတယ်။ ဗုဒ္ဓဘာသာဝင်မဟုတ်ရင် သူတို့အပေါ် အကြမ်းဖက်တာဟာ တရားတယ် ဆိုတာမျိုးပါ။

    ဒီလို အကြမ်းဖက်မှုဖြစ်လာဖို့ မျိုးစေ့တွေဟာ ဗုဒ္ဓဘာသာ စာပေကျမ်းဂန်တွေမှာ ခိုင်ခိုင်မာမာ ပါဝင်နေပါတယ်။ ဥပမာအားဖြင့် ဗုဒ္ဓမြတ်စွာဘုရားရဲ့ တရားဒေသနာတွေ ဆုတ်ယုတ်ကျဆင်းကာ၊ တစ်ဖြည်းဖြည်းနဲ့ တစ်ချိန်ကျရင် ပျောက်ကွယ်သွားမယ် ဆိုတာမျိုးပါ။ ဒီအချက်ကို အသုံးချကာ မျိုးဆက်သစ်တွေအတွက် ဗုဒ္ဓဘာ
    သာကို ထိန်းသိမ်းရမယ်၊ တိုက်ခိုက်မှုတွေကနေ ဗုဒ္ဓဘာသာကို ကာကွယ်ရမယ်ဆိုတာမျိုး ဖြစ်လာတာပါ။ ဒေသတစ်ခုမှာသာ ကျန်ရှိတော့မယ့် စစ်မှန်တဲ့ ဗုဒ္ဓဘာသာကို ထိန်းသိမ်းရမယ်ဆိုတဲ့ ကျမ်းဂန်လာ အယူအဆတစ်ရပ်လည်း ရှိပြီး အဲဒီအယူအဆမှာ ဗုဒ္ဓဘာသာကို စော်ကားမှု၊ မလေးမစားလုပ်မှုကနေ ကာကွယ်ဖို့ ပါဝ
    င်ပါတယ်။ ဒီအချက်တွေဟာ ဗုဒ္ဓဘာသာကို အလျင်အမြန်ကာကွယ်စောင့်ရှောက်ရေး၊ ဗုဒ္ဓစ်အကြမ်းဖက်မှု ဖြစ်လာရေးတွေအထိ ဦးတည်သွားပါတယ်။ လက်ရှိအချိန်အထိ ဗုဒ္ဓဘာသာဝင်တွေရဲ့ တိုက်ခိုက်မှုမှာ အဓိကပစ်မှတ်ဟာ အစ္စလာမ်ဘာသာ ဖြစ်နေပေမယ့် အခြား လူနည်းစုတွေအတွက်လည်း အာမခံချက် မရှိပါဘူး။ြ
    မန်မာနိုင်ငံမှာ ရိုဟင်ဂျာတွေတင်မကဘဲ ခရစ်ယာန်ဘာသာဝင် ကချင်တွေအပေါ်မှာ လူမျိုးတုန်း တိုက်ခိုက်မှုတွေ ရှိနေတယ်ဆိုတဲ့ သတင်းတွေလည်း ထွက်နေပါတယ်။

    ဗုဒ္ဓစ်အစွန်းရောက် လှုပ်ရှားမှုတွေဟာ မြန်မာနိုင်ငံမှာ ဆက်လက်ကြီးထွားလာမယ့် အလားအလာ ရှိနေပါတယ်။ အဲဒီလှုပ်ရှားမှုက အကြောင်းပြချက်တွေကို အမျိုးသားရေးအုပ်စုတွေက အသုံးချပြီး မျိုးချစ်စိတ်၊ ဘာသာတရားအပေါ် သစ္စာရှိမှုဆိုတာတွေနဲ့ ရောနှောကာ လူပြိန်းကြိုက်ဝါဒတစ်ခုကို ဖန်တီးကြပါတယ်။ မြန်မာ့နိုင်ငံရေးစင်မြင့်မှာ သူတို့ဟာ တကယ်ကို အသုံးချလို့ကောင်းတဲ့သူတွေဖြစ်ပြီး ၂၀၂၀ ရွေးကောက်ပွဲမှာ အဓိကနေရာကနေ ပါဝင်လာမယ့် အလားအလာလည်း ရှိနေပါတယ်။

    လတ်တလော ကျွန်တော်တို့ လက်တွေ့မျက်မြင် ကြုံနေရတဲ့ မြန်မာနိုင်ငံက သွေးချောင်းစီးမှုတွေ၊ သီရိလင်္ကာမှာ လူနည်းစုတွေအပေါ် ဟိုတစ်စ ဒီတစ်စ တိုက်ခိုက်မှုတွေ၊ ထိုင်းနိုင်ငံမှာ ဗုဒ္ဓဘာသာဆိုတဲ့ အမှတ်သညာကို ခိုင်မာအောင် လုပ်ဆောင်လာမှုတွေဟာ အာရှတိုက်အနေနဲ့ ရှေ့လျှောက် ရင်ဆိုင်ကြုံတွေ့လာရမယ့် ဗုဒ္ဓဘာသာရဲ့ ပိုမိုဆိုးရွားတဲ့ပုံစံက နမိတ်လက္ခဏာတွေဖြစ်ပြီး ကမ္ဘာကြီးကလည်း ဗုဒ္ဓဘာသာ အယူအဆသစ်တစ်ရပ်ကို မျက်ဝါးထင်ထင် မြင်တွေ့လာရတော့မှာ ဖြစ်ပါတယ်။

    Ref: South China Morning Post

    (South China Morning Post တွင် ဆောင်းပါးရှင် Paul Fuller ရေးသားထားသည့် BLOOD SUTRA: WHATEVER HAPPENED TO BUDDHISM, RELIGION OF PEACE AND COMPASSION? ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။ ဆောင်းပါးပါ ရေးသားချက်များသည့် ဆောင်းပါးရှင်၏ အာဘော်သာ ဖြစ်ပါသည်။)

  • အခြားအမည်ဖြင့် Facebook ဆက်သုံးမည်ဟု အကောင့်ပိတ်ခံရသည့် ဘုန်းကြီးများပြော

    အခြားအမည်ဖြင့် Facebook ဆက်သုံးမည်ဟု အကောင့်ပိတ်ခံရသည့် ဘုန်းကြီးများပြော

    ဇွန် ၉၊ ၂၀၁၈
    M-Media

    ၂၀၁၇ ခုနှစ် ဇန်န၀ါရီလက ရန်ကုန်မြို့ YMCA ခန်းမတွင် အစိုးရခွင့်ပြုမိန့်ဖြင့် ကျင်းပသည့် မွတ်စလင်တို့၏ တမန်တော်နေ့အခမ်းအနားကို ဦးသုစိတ္တ(အသံချဲ့စက်ကိုင်ထားသူ) ဦးဆောင်သည့် အဖွဲ့က လာရောက်နှောက်ယှက်စဉ်

    – Facebook က အကောင့်တွေကို ပိတ်ပစ်လိုက်ပေမယ့် အခြားအမည်တွေနဲ့ ဆက်ရှိသွားမယ်လို့ မြန်မာနိုင်ငံက အစွန်းရောက်ဘုန်းကြီးတစ်ချို့က ပြောကြားလိုက်ပါတယ်။

    ဆိုရှယ်မီဒီယာကို အသုံးပြုပြီး အမုန်းတရားဖြန့်ဝေမှုတွေ မြန်မာနိုင်ငံမှာ မြင့်တက်လာတာကို အရေးယူဆောင်ရွက်ခြင်းမရှိဘူးလို့ Facebook ကို နိုင်ငံတကာက ဝေဖန်ခဲ့ပြီးတဲ့နောက် မြန်မာနိုင်ငံက အမုန်းဝါဒီတွေရဲ့ အကောင့်တစ်ချို့ကို Facebook က ပြီးခဲ့တဲ့ သီတင်းပတ်တွေမှာ ပိတ်ပစ်ခဲ့ပါတယ်။

    အစွန်းရောက်ဘုန်းကြီး ၀ီရသူရဲ့အကောင့်ကို ဇန်န၀ါရီလမှာ ပိတ်ပစ်ခဲ့ပြီးတဲ့နောက်၊ အခြား အစွန်းရောက်ဘုန်း ကြီးဖြစ်ကြတဲ့ ဦးသုစိတ္တနဲ့ ဦးပါမောက္ခတို့ရဲ့ အကောင့်တွေ၊ မဘသအဖွဲ့ရဲ့ အကောင့်တွေကို ပိတ်ပစ်လိုက်ကြောင်း ပြီးခဲ့တဲ့ရက်ပိုင်းမှာ Facebook က ကြေငြာခဲ့ပါတယ်။

    “ဒါဟာ လွတ်လပ်စွာပြောဆိုခွင့်ကို ချိုးဖောက်မှုပါ။ ပြည်သူတွေကို အမှန်တရားကို ပြောဖို့အတွက် အခြားအမည်တွေ၊ အကောင့်တွေနဲ့ ငါတို့ Facebook ဆက်သုံးသွားမယ်” လို့ မျိုးချစ်ရဟန်းတော်များ သမ္မဂက အဖွဲ့ဝင်တစ်ဦးဖြစ်သူ ဦးသုစိတ္တက ပြောကြားခဲ့ပါတယ်။

    ဦးသုစိတ္တဟာ နိုင်ငံတော်က တရားဝင်အသိအမှတ်ပြုထားတဲ့ ဘာသာလေးခုထဲက အစ္စလာမ်ဘာသာကို လူသိရှင်ကြား စော်ကားပြောဆိုခဲ့သူဖြစ်ပြီး၊ ရန်ကုန်မြို့က အစ္စလာမ်ဘာသာဝင်တွေရဲ့ အခမ်းအနားတစ်ချို့နဲ့ အစ္စလာမ်ဘာသာဝင်တွေရှိရာ ရက်ကွက်တစ်ချို့မှာ လူအုပ်နဲ့ ရမ်းကားနှောက်ယှက်၊ ဆူပူခဲ့သူဖြစ်ပါတယ်။

    ဆူပူအောင်လှုံ့ဆော်မှုနဲ့ ရဲတပ်ဖွဲ့က ဦးသုစိတ္တကို ဖမ်းဝရမ်းထုတ်ထားပေမယ့် အခုအချိန်အထိ လွတ်လပ်စွာ သွားလာခွင့်ရနေပါတယ်။

    ရဟန်းတော်များသမဂ္ဂက အခြားဘုန်းကြီးတစ်ဦးဖြစ်တဲ့ ဦးပညာဝရကလည်း သူ့ရဲ့ပို့စ်တွေကိုဖျက်ပစ်ဖို့ Facebook က အကြိမ်ကြိမ် ပြောကြားခဲ့ပြီးတဲ့နောက် သူ့ရဲ့အကောင့်ကို မေလအတွင်းမှာ Deactivate လုပ်လိုက်ကြောင်း၊ အခြားအမည်တွေနဲ့ ဖွင့်လှစ်ထားပြီး အမှန်တရားကို ရေးသားသွားမှာဖြစ်ကြောင်း ပြောကြားခဲ့ပါတယ်။

    Reuters က အီးမေးလ်နဲ့ မေးမြန်းမှုအတွင်း Facebook က ‘မြန်မာနိုင်ငံက ထူးခြားတဲ့ နည်းစနစ်ပိုင်းဆိုင်ရာ အခက်အခဲတွေကို နားလည်ဖို့နဲ့ တုန့်ပြန်ဖို့’ အတွက် ‘မြန်မာအဖွဲ့မှာ ရင်းနှီးမြှုပ်နှံမှု ပိုလုပ်သွားမှာဖြစ်တယ်’ လို့ ဖြေကြားခဲ့ပါတယ်။

    “ဒီလို ထပ်တလဲလဲကျူးလွန်သူတွေကို တားဆီးနှိမ်နှင်းဖို့အတွက် ကျွန်တော်တို့လုပ်နိုင်တာတွေ အများကြီး ရှိပါတယ်။ သူတို့ကို Facebook ကနေ အမြန်ဆုံးဖယ်ရှားဖို့အတွက် ရှာဖွေရေးနည်းလမ်းတွေ တိုးတက်အောင်လုပ်ဖို့ ကျွန်တော်တို့ စိတ်ပိုင်းဖြတ်ထားပါတယ်”

    မြန်မာဘာသာစကားနဲ့ပတ်သက်ပြီး ဉာဏ်ရည်တုနည်းပညာ (AI) အတွက် ငွေကြေးပိုမိုသုံးစွဲသွားမှာဖြစ်ကြောင်း၊ မသသအဖွဲ့နဲ့ ရိုဟင်ဂျာတွေအပေါ် မုန်းတီးရေးဝါဖြန့်နေတဲ့ အဖွဲ့တွေ၊ ဘုန်းကြီးတွေကို ‘အမုန်းဝါဒီတွေ၊ အဖွဲ့တွေအဖြစ်’ သတ်မှတ်ထားကြောင်း၊ အန္တရာယ်ရှိပြီး၊ စံနှုန်းတွေချိုးဖောက်တဲ့ သူတို့ရဲ့ပို့စ် အများအပြားကို ဖျက်ပစ်ခဲ့ကြောင်း Facebook ရဲ့ ပြန်ကြားစာမှာ ဖော်ပြထားပါတယ်။

    Facebook ရဲ့ community standards တွေကို မြန်မာဘာသာစကားနဲ့ ပြန်ဆိုရာမှာ ကူညီပေးနေတဲ့ ‘ဖန်တီးရာ’ အဖွဲ့က မန်နေဂျာဖြစ်သူ မအိမြတ်နိုးခင်က ဘက်လိုက်မှုမရှိဘဲ မြန်မာဘာသာစကားကို နားလည်တဲ့ လူတွေကို ပိုခန့်ဖို့ Facebook ကို တိုက်တွန်းခဲ့ပါတယ်။

    ဦးဝီရသူ၊ ဦးသုစိတ္တနဲ့ ဦးပါမောက္ခတို့ဟာ ရိုဟင်ဂျာတွေအပေါ် မုန်းတီးလာအောင်၊ အကြမ်းဖက်မှုတွေဖြစ်လာအောင် လှုံ့ဆော်နေတာကြောင့် သူတို့ရဲ့အကောင့်တွေကို ပိတ်သိမ်းရတာဖြစ်တယ်လို့ Facebook က ပြောကြားခဲ့ပေမယ့် မဘသအဖွဲ့နဲ့ ဒီဘုန်းကြီးတွေဟာ ရခိုင်ပြည်နယ်မှာ ရိုဟင်ဂျာပြဿနာ မပေါ်ပေါက်ခင်ကတည်းက နိုင်ငံအတွင်းက အစ္စလာမ်ဘာသာဝင်အပေါ် မုန်းတီးအောင် လှုံ့ဆော်နေကြသူတွေ ဖြစ်ပါတယ်။

    သူတို့ရဲ့ လုပ်ကြံဝါဒဖြန့်လှုံ့ဆော်မှုကြောင့် ၂၀၁၃၊ ၂၀၁၄နဲ့ ၂၀၁၅ ခုနှစ်တွေမှာ ရန်ကုန်၊ မိတ္ထီလာ၊ ပဲခူးတိုင်းအနောက်ခြမ်း၊ မန္တလေး၊ ဥက္ကံနဲ့ မြန်မာနိုင်ငံအလယ်ပိုင်းက နေရာတစ်ချို့မှာ အစ္စလာမ်ဘာသာဝင်တွေအပေါ် ပစ်မှတ်ထားတဲ့ အကြမ်းဖက်တိုက်ခိုက်မှုတွေ ခပ်စိပ်စိပ် ဖြစ်ခဲ့ပါတယ်။

    Ref: Reuters

  • မဘသအဖွဲ့နှင့် အစွန်းရောက်ဘုန်းကြီးနှစ်ဦး၏ အကောင့်များကို Facebook ပိတ်သိမ်း

    မဘသအဖွဲ့နှင့် အစွန်းရောက်ဘုန်းကြီးနှစ်ဦး၏ အကောင့်များကို Facebook ပိတ်သိမ်း

    ဇွန် ၇၊ ၂၀၁၈
    M-Media

    အကောင့်ပိတ်သိမ်းခံလိုက်ရသည့် ၀ရမ်းပြေဘုန်းကြီး ဦးသုစိတ္တ (မိုက်ခရိုဖုန်းကိုင်ကာ လက်အုပ်ချီထားသူ)

    – မဘသအဖွဲ့နဲ့ အဲဒီအဖွဲ့က အစွန်းရောက်ဘုန်းကြီးနှစ်ဦးရဲ့ အကောင့်တွေကို ဖျက်သိမ်းလိုက်တယ်လို့ Facebook က ဒီကနေ့မှာ ကြေငြာလိုက်ပါတယ်။

    အသုံးပြုသူ ၁၈ သန်းလောက်ရှိတဲ့ မြန်မာနိုင်ငံက Facebook ရေစီးကြောင်းမှာ အမုန်းစကားတွေ ကြီးထွားလာမှုနဲ့ပတ်သက်ပြီး နိုင်ငံတကာရဲ့ ဝေဖန်မှုကို ခံလာရပြီးတဲ့နောက် Facebook ဟာ အမုန်းဝါဒဖြန့်မှု နှိမ်နှင်းရေးကို အရှိန်မြှင့်လာတာ ဖြစ်ပါတယ်။

    မွတ်စလင်ဆန့်ကျင်ရေး အစွန်းရောက်ဘုန်းကြီး ၀ီရသူရဲ့အကောင့်ကို ဇန်န၀ါရီလမှာ ပိတ်သိမ်းခဲ့ပြီး၊ ပြီးခဲ့တဲ့ရက်ပိုင်းမှာလည်း ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက လွှတ်တော်အမတ်ဟောင်းဖြစ်ကာ Facebook စာမျက်နှာမှာ လူမျိုးရေးဘာသာရေး လှုံ့ဆော်မှုတွေလုပ်နေတဲ့ ဦးလှဆွေရဲ့ အကောင့်ကို ပိတ်သိမ်းခဲ့ပါတယ်။

    ပြီးခဲ့တဲ့တစ်ပတ်မှာ Facebook က တာဝန်ရှိသူ အဖွဲ့တစ်ခု မြန်မာနိုင်ငံကို လာရောက်ခဲ့ပြီး အစိုးရနဲ့ ဆွေးနွေးမှုတွေ လုပ်ခဲ့ပါတယ်။

    Facebook ဟာ အခုတစ်ပတ်အတွင်း မဘသအဖွဲ့ရဲ့ အကောင့်တွေကို ပိတ်ပစ်ခဲ့သလို၊ အစွန်းရောက်ဘုန်းကြီးတွေဖြစ်တဲ့ ဦးပါမောက္ခနဲ့ ဦးသုစိတ္တတို့ရဲ့ အကောင့်တွေကိုလည်း ဖယ်ရှားခဲ့ပါတယ်။

    ဦးသုစိတ္တဟာ မွတ်စလင်ဆန့်ကျင်ရေး အစွန်းရောက်ဘုန်းကြီးဖြစ်ပြီး အခြေခံဥပဒေမှာ တရားဝင် အသိအမှတ်ပြုထားတဲ့ အစ္စလာမ်ဘာသာကို လူသိရှင်ကြား စော်ကားခဲ့သလို၊ ရန်ကုန်မြို့က အစ္စလာမ်ဘာသာဝင်တွေရဲ့ အခမ်းအနားတစ်ချို့ကို လူအုပ်စုနဲ့ ၀ိုင်းကာ အင်အားပြ ရမ်းကားခြိမ်းခြောက်ခဲ့ဖူးသူပါ။ ရဲတပ်ဖွဲ့က သူ့ကို ဖမ်းဝရမ်းထုတ်ထားပေမယ့် အခုအချိန်အထိ ပေါ်ပေါ်ထင်ထင် သွားလာလှုပ်ရှားခွင့် ရနေသူလည်း ဖြစ်ပါတယ်။

    “သူတို့တွေကို Facebook မှာ ရှိခွင့်မပြုပါဘူး။ ဒီလူတွေ၊ အဖွဲ့တွေကို ထောက်ခံတဲ့၊ ချီးကျူးတဲ့၊ ကိုယ်စားပြုတဲ့ ဘယ်လိုအကောင့်မျိုး၊ အကြောင်းအရာမျိုးကိုမဆို ကျွန်တော်တို့ ဖယ်ရှားသွားမှာ ဖြစ်ပါတယ်” လို့ Facebook ရဲ့ အကြောင်းအရာဆိုင်ရာမူဝါဒ မန်နေရာ ဒေးဗစ် ကာရဂ်လီယာနိုက ပြောကြားခဲ့ပါတယ်။

    ဦးဝီရသူ၊ ဦးသုစိတ္တနဲ့ ဦးပါမောက္ခတို့ဟာ ရိုဟင်ဂျာတွေအပေါ် မုန်းတီးလာအောင်၊ အကြမ်းဖက်မှုတွေဖြစ်လာအောင် လှုံ့ဆော်နေတာကြောင့် သူတို့ရဲ့အကောင့်တွေကို ပိတ်သိမ်းရတာဖြစ်တယ်လို့ Facebook က ပြောကြားခဲ့ပေမယ့် မဘသအဖွဲ့နဲ့ ဒီဘုန်းကြီးတွေဟာ ရခိုင်ပြည်နယ်မှာ ရိုဟင်ဂျာပြဿနာ မပေါ်ပေါက်ခင်ကတည်းက နိုင်ငံအတွင်းက အစ္စလာမ်ဘာသာဝင်အပေါ် မုန်းတီးအောင် လှုံ့ဆော်နေကြသူတွေ ဖြစ်ပါတယ်။

    သူတို့ရဲ့ လုပ်ကြံဝါဒဖြန့်လှုံ့ဆော်မှုကြောင့် ၂၀၁၃၊ ၂၀၁၄နဲ့ ၂၀၁၅ ခုနှစ်တွေမှာ ရန်ကုန်၊ မိတ္ထီလာ၊ ပဲခူးတိုင်းအနောက်ခြမ်း၊ မန္တလေး၊ ဥက္ကံနဲ့ မြန်မာနိုင်ငံအလယ်ပိုင်းက နေရာတစ်ချို့မှာ အစ္စလာမ်ဘာသာဝင်တွေအပေါ် ပစ်မှတ်ထားတဲ့ အကြမ်းဖက်တိုက်ခိုက်မှုတွေ ခပ်စိပ်စိပ် ဖြစ်ခဲ့ပါတယ်။

    Ref: AFP

  • မြန်မာနဲ့ ဇာတ်ညွှန်းတူ၊ ဒါရိုက်တာကွဲတဲ့ သီရိလင်္ကာက မွတ်စလင်ဆန့်ကျင်ရေး လုပ်ဇာတ်များ

    မြန်မာနဲ့ ဇာတ်ညွှန်းတူ၊ ဒါရိုက်တာကွဲတဲ့ သီရိလင်္ကာက မွတ်စလင်ဆန့်ကျင်ရေး လုပ်ဇာတ်များ

    မတ် ၁၁၊ ၂၀၁၈
    M-Media

    အကြမ်းဖက်တိုက်ခိုက်ခံရသည့် ဗလီဝတ်ကျောင်းတော်တစ်ခု

    – သီရိလင်္ကာနိုင်ငံအလယ်ပိုင်း တောင်ပေါ်မြို့လေးမှာ မွတ်စလင်ဆန့်ကျင်ရေးလူအုပ်ကြီးက တိုက်ခိုက်မှုတွေ မလုပ်ခင် တစ်ရပ်အလိုမှာ ဆင်ဟာလီအမျိုးသားရေးအုပ်စုရဲ့ ခေါင်းဆောင်တစ်ယောက်ဟာ မြို့လယ်ကောင်မှာ ခေါက်တုန့်ခေါက်ပြန်လျှောက်ပြီး လှုံ့ဆော်မှုတွေ လုပ်ခဲ့ပါတယ်။

    “ငါတို့ဟာ လက်ကမ်းစာစောင်တွေ ဝေနေတာပါ။ အခုဆိုရင် ဒီဂါနာကိုရောက်ပါပြီ။ ဒါပေမယ့် ပြဿနာက ငါတို့တွေ့တဲ့ ဆင်ဟာလီဆိုင်အရေအတွက်ဟာ ၂၀ တောင်မကျော်ပါဘူး” လို့ အေမစ် ၀ီရဆင်းဂီဟာ ဖုန်းကင်မရာနဲ့ သူ့ကိုယ်သူရိုက်ပြီး ပြောကြားခဲ့ပါတယ်။

    စိုးရိမ်စရာအသံနဲ့ သူက “ဒီမြို့ကို မွတ်စလင်တွေ ပိုင်သွားပါပြီ။ ဒီကိစ္စကို အရင်ကတည်းက ငါတို့ ဖြေရှင်းသင့်တာပါ။ ငါတို့ဆင်ဟာလီလူမျိုးတွေကိုပဲ အပြစ်တင်ရမယ်။ ဒီဂါနာနဲ့ အနီးတစ်ဝိုက်မှာ ဆင်ဟာလီတွေရှိရင် လာပူးပေါင်းပါ” လို့ ဆက်ပြောပါတယ်။

    Facebook၊ YouTube နဲ့ Twitter စာမျက်နှာတွေမှာ လွှင့်တင်ခဲ့တဲ့ အဲဒီဗီဒီယိုကို ကျယ်ကျယ်ပြန့်ပြန့် ပြန်လည်မျှဝေခဲ့ကြပါတယ်။

    ဒီဂါနာမြို့ရှိတဲ့ ကန်ဒီခရိုင်မှာ မွတ်စလင်တွေကို ပစ်မှတ်ထားတဲ့ တိုက်ခိုက်ဖျက်ဆီးမှုတွေ၊ မီးရှို့မှုတွေ မလုပ်ခင်အရင် ဒီဗီဒီယို ပြန့်နှံ့ခဲ့တာ ဖြစ်ပါတယ်။ တိုက်ခိုက်မှုတွေကြောင့် စစ်တပ်ကို ချထားခဲ့ရပြီး အရေးပေါ်အခြေအနေကြေငြာတာ၊ အင်တာနက် ပိတ်ပစ်တာတွေကိုလည်း အစိုးရက ဆောင်ရွက်ခဲ့ပါတယ်။

    ကားလမ်းကြောင်းကိစ္စ စကားများမှုအတွင်း ဆင်ဟာလီတစ်ယောက်ကို မွတ်စလင်အမျိုးသားတစ်စုက ရိုက်နှက်မှုကနေ ဒီအကြမ်းဖက်တိုက်ခိုက်မှု ဖြစ်ခဲ့တာဖြစ်ပြီး အနည်းဆုံး လူ ၂ ဦးသေဆုံးကာ၊ ဗလီဝတ်ကျောင်းတော်တွေ၊ နေအိမ်နဲ့ စီးပွားရေးလုပ်ငန်း ဒါဇင်နဲ့ချီ ဖျက်ဆီး၊ မီးရှို့ခံခဲ့ရပါတယ်။

    ဒီကိစ္စဟာ ဆယ်စုနှစ်နဲ့ချီ ပြည်တွင်းစစ်ဒဏ်ကို အလူးအလဲခံစားခဲ့ရတဲ့ သီရိလင်္ကာနိုင်ငံမှာ မတည်ငြိမ်မှု ထပ်ဖြစ်မလားဆိုတဲ့ စိုးရိမ်မှုတွေကို ဖြစ်စေခဲ့ပါတယ်။

    တမီလ်ခွဲထွက်ရေးသမားတွေနဲ့ ဖြစ်ပွားခဲ့တဲ့ စစ်ပွဲဟာ ၂၀၀၉ ခုနှစ်မှာ အဆုံးသတ်သွားပေမယ့် သီရိလင်္ကာမှာ နောက်ထပ်ပြဿနာတစ်ခု ထပ်ပေါ်လာပါတယ်။ ဒီတစ်ကြိမ်မှာတော့ တိုင်းပြည်ရဲ့ လူဦးရေ ၂၁ သန်းမှာ ၇၅ ရာခိုင်နှုန်းရှိတဲ့ ဆင်ဟာလီ ဗုဒ္ဓဘာသာဝင်တွေနဲ့ ၉ ရာခိုင်နှုန်းသာရှိတဲ့ မွတ်စလင်တွေအကြား ဘာသာရေးသွေးကွဲမှု ဖြစ်ပါတယ်။

    ခြိမ်းခြောက်နေတဲ့ လူနည်းစုတွေ

    ပြီးခဲ့သည့်ရက်ပိုင်းအတွင်း အကြမ်းဖက်တိုက်ခိုက်မှုဖြစ်ခဲ့သည့် ကန်ဒီမြို့

    တိုင်းပြည်သက်တမ်းတစ်လျှောက်လုံးနီးပါးမှာ ဒီလူ့အဖွဲ့အစည်းနှစ်ခုဟာ သဟဇာတဖြစ်စွာ နေထိုင်လာခဲ့တာပါ။ ဒါပေမယ့် မလုံခြုံဘူးဆိုတဲ့ ခံစားချက်က ဆင်ဟာလီလူ့အဖွဲ့အစည်းမှာ မြင့်တက်လာပါတယ်။ လူထုအတွင်း မကြာသေးခင်က ဖြစ်ခဲ့တဲ့ စီးပွားရေးနဲ့ လူမှုရေး အပြောင်းအလဲတွေကလည်း အမုန်းအခြေခံ ဆင်ဟာလီ ဗုဒ္ဓဘာသာ အမျိုးသားရေးဝါဒကို မြင့်တက်လာစေတယ်လို့ လေ့လာဆန်းစစ်သူတွေက ပြောပါတယ်။

    ကိုလံဘိုအခြေစိုက် အမျိုးသားငြိမ်းချမ်းရေးကောင်စီရဲ့ အမှုဆောင်ဒါရိုက်တာဖြစ်သူ ဂျီဟန် ပီရီရာက ‘မွတ်စလင်တွေဟာ ခြိမ်းခြောက်နေတဲ့ လူနည်းစုဆိုပြီး ဆင်ဟာလီတွေမှာ သမိုင်းနဲ့ချီ ကိန်းအောင်းခဲ့တဲ့ မလုံခြုံဘူးဆိုတဲ့ စိတ်တွေ’ နဲ့ မွတ်စလင်ဆန့်ကျင်ရေး သဘောထားတွေဟာ အများကြီး ဆက်စပ်ပတ်သက်နေတယ်လို့ ပြောကြားခဲ့ပါတယ်။

    တမီလ်ခွဲထွက်ရေးသမားတွေကို အိမ်နီးချင်း အိန္ဒိယက တမီလ်နာဒူးပြည်နုယ်နဲ့ သွားပေါင်းမယ့်သူတွေအဖြစ် မြင်ခဲ့ပြီး မွတ်စလင်တွေကိုတော့ ‘ကမ္ဘာ့ မွတ်စလင်လူ့အဖွဲ့အစည်းနဲ့ ပူးပေါင်းကာ တစ်နေ့ကျရင် သီရိလင်္ကာနိုင်ငံကို သိမ်းမယ်’ ဆိုပြီး ရှုမြင်နေကြတယ်လို့လည်း ပီရီရာက ပြောပါတယ်။

    မွတ်စလင်လူဦးရေတိုးလာမယ်၊ သန္ဓေတားဆေးကျွေးတာပါအ၀င် ဆင်ဟာလီတွေရဲ့မွေးနှုန်းလျော့အောင် မွတ်စလင်တွေက စီစဉ်တယ်ဆိုတဲ့ စွပ်စွဲပြောဆိုမှုတွေကလည်း အပေါ်ကစိုးရိမ်မှုတွေကို မြင့်တက်စေပါတယ်။

    အဲဒီ သွားပုပ်လေလွင့်ပြောကြားမှုကြောင့် ဖေဖော်ဝါရီလအတွင်းမှာ နိုင်ငံအရှေ့ပိုင်းက မွတ်စလင်လုပ်ငန်းတွေ မီးရှို့ဖျက်ဆီးခံခဲ့ရပါတယ်။ မွတ်စလင်စားဖိုမှူးက ဆင်ဟာလီတွေလာရင် အစားအစာတွေထဲမှာ ‘သန္ဓေတားဆေးတွေ’ ထည့်တယ်ဆိုတဲ့ စွပ်စွဲချက်ရဲ့ နောက်ဆက်တွဲပါ။

    “ဒါတွေက လုံးဝ လုပ်ကြံဖန်တီးထားတဲ့ ဇာတ်လမ်းတွေပါ” လို့ ပီရီရာက ပြောပါတယ်။

    မွတ်စလင်ဆန့်ကျင်ရေးသဘောထားကို လှုံ့ဆော်ပေးတဲ့ နောက်ထပ် အကြောင်းအရင်းတစ်ခုက မွတ်စလင်တွေဟာ စီးပွားရေးကို လက်ဝါးကြီးအုပ်သွားမယ်ဆိုတဲ့ မနာလိုဝန်တိုမှုဖြစ်တယ်လို့ သီရိလင်္ကာ မွတ်စလင်ကောင်စီဥက္ကဌ နီဇာမွတ်ဒင် မိုဟာမဒ် အေမင်က ပြောပါတယ်။

    “ဒါကလည်း လုပ်ကြံပြောဆိုမှုဗျ။ မြို့တော်တော်များများမှာ ဆိုင်သေးသေးလေးတွေကို မွတ်စလင်တွေက ပိုင်တယ်။ သူတိုတွေဟာ မျိုးနဲ့ရိုးနဲ့ စီးပွားရေးလုပ်လာတဲ့သူတွေ။ ဒါမေယ့် လုပ်ငန်းသေးသေးလေးတွေဖြစ်ပြီး နေ့စဉ်လိုအပ်တဲ့ပစ္စည်းတွေကို ရောင်းတာပါ”

    နောက်ထပ် ယုံကြည်မှုပျက်သုဉ်းရတဲ့ အကြောင်းအရင်းတွေထဲမှာ ပြီးခဲ့တဲ့နှစ်တွေအတွင်း သီရိလင်္ကာမွတ်စလင်တွေအပေါ် အာရပ်ယဉ်ကျေးမှု ပိုမိုလွှမ်းမိုးလာတယ်ဆိုတဲ့ အမြင်လည်း ပါဝင်တယ်လို့ အေမင်နဲ့ ပီရီရာတို့က ပြောကြားခဲ့ပါတယ်။

    နိုင်ငံခြား- အထူးသဖြင့် အရှေ့အလယ်ပိုင်းနိုင်ငံတွေကို – ထွက်ပြီး အလုပ်လုပ်တဲ့ သီရိလင်္ကာနိုင်ငံသား တစ်သန်းကျော်မှာ မွတ်စလင်အရေအတွက်ဟာ မပြောပလောက်တဲ့ အနေအထားပါ။ သူတို့ပြန်လာတဲ့အခါကျရင် ရှာထားဖွေထားတဲ့ ငွေတွေအပြင်၊ ထွက်သွားတုန်းကထက်ပိုတဲ့ အာရပ်အတွေးအခေါ်တွေ ယူဆောင်လာကြ တယ်’ လို့ ပီရီရာက ပြောပါတယ်။

    “တစ်ခုက အာရပ်နိုင်ငံတွေကငွတွေဟာ သီရိလင်္ကာထဲဝင်လာတယ်။ ဗလီတွေဆောက်ကြတယ်။ မွတ်စလင်အမျိုးသမီး တော်တော်များများကလည်း အရင်တုန်းကနဲ့မတူဘဲ နီကဘ်တွေဝတ်လာကြပါတယ်” လို့ မွတ်စလင်အမျိုးသမီးတွေ မျက်နှာအပါအ၀င် တစ်ကိုယ်လုံးဖုံးထားတဲ့ ၀တ်ရုံတွေကိုရည်ညွှန်းပြီး ပီရီရာက ထပ်လောင်းပြောကြားခဲ့ပါတယ်။

    အေမင်ကလည်း “ကျွန်တော်တို့အမေတွေလက်ထက်က ပုဝါဆောင်းတာလောက်ပဲရှိပြီး နီကဘ်မ၀တ်ပါဘူး။ အခုဆိုရင် မွတ်စလင်တွေရဲ့ အ၀တ်အစားတွေဟာ ပြောင်းလဲသွားပြီး ဆင်ဟာလီတွေက မွတ်စလင်တွေဟာ ဆော်ဒီနဲ့ အခြားအာရပ်နိုင်ငံတွေရဲ့ ပုံစံကို လိုက်နေတယ်လို့ ထင်လာကြပါတယ်” လို့ ပြောကြားခဲ့ပါတယ်။

    အဖမ်းပြလိုက်၊ လွှတ်လိုက်

    ဒီလို အမြင်တွေ၊ သွားပုပ်လေလွင့်စကားတွေကို ဆိုရှယ်မီဒီယာမှာ ဖြတ်ညှပ်ကပ်ပုံတွေ၊ ဗီဒီယိုတွေနဲ့ ချဲ့ကားပြောဆိုလာကြပြီး အထူးသဖြင့် ဆင်ဟာလီ အမျိုးသားရေးအုပ်စုတွေကိုင်တဲ့ Facebook စာမျက်နှာတွေမှာဖြစ်တယ်လို့ လေ့လာသူတွေက ပြောကြားခဲ့ပါတယ်။

    အဲဒီထဲမှာ ၀ီရဆင်ဆင်းဟီ ဦးဆောင်တဲ့ Mahason Balakaya နဲ့ ဗုဒ္ဓဘာသာဘုန်းကြီး ဂါလာဂိုဒါ အတ္တီ ဂနာဆရ ဦးဆောင်တဲ့ Bodu Bala Sen (BBS) အဖွဲ့တို့က ထင်ရှားပါတယ်။ BBS ဟာ မြန်မာနိုင်ငံက သဘောထားတင်းမာတဲ့ ဗုဒ္ဓဘာသာအဖွဲ့ မဘသနဲ့ အချိတ်အဆက်ရှိပါတယ်။

    ပီရီရာက BBS နဲ့ Mahason Balakaya အဖွဲ့တို့ဟာ နိုင်ငံအတွင်းမှာ လူထုထောက်ခံမှု သိပ်မရပေမယ့် သူတို့ရဲ့ မွတ်စလင်ဆန့်ကျင်ရေး လှုံ့ဆော်မှုကိုတော့ လူများစုဆင်ဟာလီတွေက ဖြန့်ဝေကြတယ်လို့ ပြောပါတယ်။

    လှုံ့ဆော်မှုတွေ၊ အမုန်းစကားတွေ ပြောနေတာကို သမ္မတဟောင်း မိုင်သရီပါလာ ဆရီဆီနာ အစိုးရက ထိရောက်တဲ့ အရေးယူဆောင်ရွက်မှုတွေ မလုပ်တာကြောင့် ဒီအုပ်စုတွေဟာ အတင့်ရဲလာတယ်လို့ အခြား တက်ကြွလှုပ်ရှားသူတွေက ပြောပါတယ်။

    ဥပမာအားဖြင့် ၂၀၁၄ ခုနှစ် အလုသ်ဂမာမှာ လူ ၄ ဦးသေဆုံးပြီး အနည်းဆုံး ၈၀ လောက် ဒဏ်ရာရခဲ့တဲ့ မွတ်စလင်ဆန့်ကျင်ရေး တိုက်ခိုက်မှုဟာ ဂနာဆရရဲ့ လှုံ့ဆော်မှုကြောင့်ဖြစ်တယ်လို့ ကျယ်ကျယ်ပြန့်ပြန့် ပြောဆိုခဲ့ကြပေမယ့် အဲဒီတုန်းက ဖမ်းဆီးမှုတွေ မလုပ်ခဲ့ပါဘူး။

    အမုန်းစကားအတွက် တရားရုံးမှာ လာရောက်ဖြေကြားဖို့ ဆင့်ခေါ်မှုကို မလာရောက်တာကြောင့် ၂၀၁၇ ခုနှစ်နှောင်းပိုင်းမှာ ရဲတပ်ဖွဲ့က သူ့ကို ၀ရမ်းပြေးအဖြစ် ကြေငြာခဲ့ပါတယ်။

    နောက်ပိုင်း ဒီဘုန်းကြီးဟာ သူ့ဟာသူ လာအဖမ်းခံခဲ့ပေမယ့် အမာခံနဲ့ ပြန်လွတ်သွားပါတယ်။ အမှုက ဆက်သွားနေတုန်းပါ။

    ကန်ဒီက တိုက်ခိုက်မှုတွေမှာ သီရိလင်္ကာ အာဏာပိုင်တွေဟာ ၀ီရဆင်းဟီနဲ့ သူ့တပည့် ၉ ဦးကို ဖမ်းခဲ့ပေမယ့် ကျွမ်းကျင်သူတွေကတော့ ဒီအရေးယူမှုဟာ သိပ်မထိရောက်ဘဲ နောက်လည်းနောက်ကျတယ်လို့ ပြောကြားခဲ့ပါတယ်။

    သီရိလင်္ကာ လူ့အခွင့်အရေး တက်ကြွလှုပ်ရှားသူ သာဂျီ ရူဝမ်ပသီရာက ၀ီရဆင်းဟီကို ဖမ်းဆီးတာဟာ မလုံလောက်ဘူးလို့ ဆိုပါတယ်။

    အရင်ကတိုက်ခိုက်မှုတွေမှာ ဖမ်းဆီးတာတွေ လုပ်ခဲ့ပေမယ့် ပြစ်ဒဏ်ချတာမျိုး သိပ်မတွေ့တာကိုလည်း သူမက ထောက်ပြပါတယ်။

    “အစိုးရ၊ ဥပဒေစိုးမိုးရေး အာဏာပိုင်တွေအနေနဲ့ ဒီလို အဖမ်းပြလိုက် လွှတ်လိုက်နဲ့ သံသရာလည်နေတာကို အဆုံးသတ်တာ၊ တိုင်းရင်းသားနဲ့ ဘာသာရေးလူနည်းစုတွေအပေါ် အကြမ်းဖက်မှုကို ထိုင်ကြည့်နေတာတွေ မရှိခဲ့ဘူးဆိုရင် နောက်ကွယ်က လက်မဲတွေဟာ ဒီလောက်အတင့်ရဲမှာ မဟုတ်ပါဘူး”

    လူနည်းစုတွေအပေါ် အကြမ်းဖက်မှုကို သည်းခံမှာမဟုတ်ဘူး၊ တိုင်းပြည်အတွင်းမှာ ဘယ်လူမျိုး၊ ဘယ်ဘာသာကမှ တစ်ခြားလူတွေအပေါ် အနိုင်ကျင့်ဗိုလ်ကျလို့မရဘူးဆိုတာ လူထုသိအောင် ဘာသာရေးနဲ့ နိုင်ငံခေါင်းဆောင်တွေက မဖြစ်မနေ ချပြဖို့ လိုအပ်တယ်လို့လည်း ရူဝမ်ပသီရာက ပြောကြားခဲ့ပါတယ်။

    Ref: Aljazeera

    (Aljazeera သတင်းဌာနတွင် ဖော်ပြထားသည့် In Sri Lanka, hate speech and impunity fuel anti-Muslim violence ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • သီရိလင်္ကာတွင် အစွန်းရောက်ဘုန်းကြီးများက တမီလ်လူနည်းစုများကို နှိပ်ကွပ်ရန် ကြိုးစား

    သီရိလင်္ကာတွင် အစွန်းရောက်ဘုန်းကြီးများက တမီလ်လူနည်းစုများကို နှိပ်ကွပ်ရန် ကြိုးစား

    ဇူလိုင် ၁၀၊ ၂၀၁၇
    M-Media

    အစွန်းရောက်ဘုန်းကြီး Maagalkande Sudaththa

    – လူနည်းစု တမီလ်လူမျိုးများအား ကိုယ်ပိုင်အုပ်ချုပ်ခွင့်ပိုပေးရေး အစိုးရ၏ ဆောင်ရွက်မှုကို တားဆီးရန် အတတ်နိုင်ဆုံး ဆောင်ရွက်သွားမည်ဟု သီရိလင်္ကာရှိ အစွန်းရောက်ဘုန်းကြီးများက ပြောကြားလိုက်သည်။

    သီရိလင်္ကာအစိုးရမှာ တမီလ်လူမျိုးများနှင့် အာဏာမျှဝေရေး သဘောတူညီချက်သစ်တစ်ခု ရယူကာ မူကြမ်းကိုလွှတ်တော်တွင် တင်သွင်းဆွးနွေးနေပြီး နာမည်ကြီး အစွန်းရောက်ဘုန်းကြီး Maagalkande Sudaththa က သီရိလင်္ကာ၏ လူများစု ဆင်ဟာလီလူမျိုးများ၏ အကျိုးစီးပွားအတွက် အဆိုပါဆောင်ရွက်ချက်ကို တားဆီးသွားမည်ဟု ယနေ့တွင် ပြောကြားခဲ့သည်။

    “ဒီအဆိုပြုထားတဲ့ မူကြမ်းရဲ့ အန္တရာယ်တွေနဲ့ပတ်သက်ပြီး ဘုန်းကြီးတွေက တစ်နေရာပြီးတစ်နေရာ သွားကာ နောက်လိုက်တွေကို ပညာပေးမှာပါ” ဟု Sudaththa က ကိုလံဘိုတွင် သတင်းထောက်များအား ပြောကြားခဲ့သည်။

    ထို့ပြင် လွှတ်တော်တွင် ထိုမူကြမ်းကို တင်သွင်းသည့် ဆင်ဟာလီအမတ်များမှာ အသိဉာဏ်ကင်းမဲ့ပြီး၊ ပညာမတတ်သူများဖြစ်သည်ဟုလည်း အဆိုပါဘုန်းကြီးက ထည့်သွင်းပြောဆိုခဲ့သည်။

    “အရေးပါတဲ့ကိစ္စတွေကို ဆွေးနွေးတဲ့အချိန်မှာ လွှတ်တော်က အမတ် ၇၀ ရာခိုင်နှုန်းက အိပ်ပျော်နေကြပါတယ်” သီရိလင်္ကာသမ္မတ မိုင်သရီပါလာ ဆရီဆီနာက လူနည်းစု တမီလ်များနှင့် အာဏာခွဲဝေရေး သဘောတူညီခဲ့ပြီးနောက် အမတ် ၂၅၅ ဦးပါဝင်သည့် လွှတ်တော်က ဥပဒေမူကြမ်းကို ဆွေးနွေးနေခြင်းဖြစ်သည်။

    ဗုဒ္ဓဘာသာဝင်နှင့် ဆင်ဟာလီတစ်ဦးဖြစ်ပြီး ၂၀၁၅ ခုနှစ်တွင် အာဏာရခဲ့သည့် ဆရီဆီနာမှ တမီလ်လူမျိုးများကို ထောက်ခံသူဖြစ်ပြီး ၎င်း၏ ကတိက၀တ်က သီရိလင်္ကာနိုင်ငံ ရေရှည်ငြိမ်းချမ်းရန်အတွက် နည်းလမ်းတစ်ခုဖြစ်သည်ဟု ပြောကြားခဲ့သည်။

    ထို့ပြင် ထိုနိုင်ငံရေးစနစ်သစ်က ၁၉၇၂ ခုနှစ်မှ ၂၀၀၉ ခုနှစ်အထိ လူပေါင်း ၁ သိန်းခန့်သေဆုံးခဲ့သည့် အစိုးရနှင့် တမီလ်ကျားသူပုန်များအကြား သွေချောင်းစီးစစ်ပွဲမျိုး ထိပ်မဖြစ်စေရေး တားဆီးနိုင်မည်ဟု သမ္မတက ဆိုသည်။

    ဗုဒ္ဓဘာသာဝင် ၇၀ ရာခိုင်နှုန်းရှိသည့် သီရိလင်္ကာနိုင်ငံ တမီလ်လူမျိုးများမှာ မြောက်ပိုင်းနှင့် အရှေ့ပိုင်းတို့တွင် နေထိုင်ကြသည်။

    ဗုဒ္ဓဘာသာ အစွန်းရောက်ဘုန်းကြီးများမှာ တမီလ်များနှင့် မွတ်စလင်အများအပါအ၀င် အခြားသော တိုင်းရင်းသား လူနည်းစုများအတွက် အခွင့်အရေးပေးမှုကို တစ်စိုက်မတ်မတ် ဆန့်ကျင်ကန့်ကွက်လာကာ နိုင်ငံ၏ နိုင်ရေးနှင့် လူမှုရေးစနစ်တွင် ၀င်ရောက်စွက်ဖက်ခဲ့ကြသည်။

    Ref: Press TV