ဖေဖော်ဝါရီ ၁၅၊ ၂၀၁၅
M-Media
– အစ္စလာမ်ကြောက်ရောဂါကြောင့် ဖြစ်ပွားလာသည်ဟု ယူဆရသည့် မွတ်စလင်တစ်ဦးအား သေနတ်ဖြင့်ပစ်ခတ်မှုတစ်ခု ကနေဒါနိုင်ငံ အလ်ဘာတာပြည်နယ်တွင် ပြီးခဲ့သည့် သီတင်းပတ်အတွင်း ဖြစ်ပွားခဲ့ပြီး ထိုသတ်ဖြတ်မှုအတွက် မီဒီယာများ၏ နှုတ်ဆိတ်နေမှုကို ဝေဖန်မှုများ ရှိနေသည်။
သေဆုံးသွားသူမှာ မက်မာရေးမြို့တွင်နေထိုင်သည့် အသက် ၂၈ နှစ်အရွယ် မွတ်စ်တာဖာ မက်တန်ဆိုသူဖြစ်ပြီး ဖေဖော်ဝါရီ ၁၂ ရက်နေ့က ၎င်းနေထိုင်ရာအိမ်သို့ တံခါးလာခေါက်သောကြောင့် ဖွင့်ပေးရန်သွားရောက်စဉ် တံခါးအပြင်ဘက်မှ သေနတ်ဖြင့် ပစ်သတ်ခံခဲ့ရခြင်းဖြစ်သည်။
“ကျွန်တော့်ရဲ့ညီဟာ အိမ်တံခါးမဖွင့်ခင် တံခါးအပြင်ကနေ သေနတ်နဲ့ ပစ်သတ်ခံလိုက်ရတာပါ။ တံခါးတောင်မဖွင့်ရသေးပါဘူးဗျာ။ ဒါ့ကြောင့် သေနတ်သမားဟာ ကျွန်တော်တို့ဒီမှာနေတာကလွဲလို့ ဘယ်သူ့ကို ပစ်သတ်လိုက်လဲဆိုတာ သိမှာတောင်မဟုတ်ပါဘူး” ဟု မွတ်စ်တာဖာ မက်တန်၏ ညီဖြစ်သူ အဟ်မဒ်မက်တန်က ပြောကြားခဲ့သည်။
မွတ်စ်တာဖာမှာ လွန်ခဲ့သည် တစ်လခန့်ကမှ မက်မာရေးသို့ အိုတာဝါမြို့မှ ပြောင်းရွှေ့လာသူဖြစ်ပြီး အမုန်းတရားအခြေခံသည့် သတ်ဖြတ်မှုဟု ယူဆရသော ၎င်း အသတ်ခံရမှုအား မီဒီယာများ၏ လစ်လျူရှုမှုအတွက် ကနေဒါမွတ်စလင်အသိုင်းအ၀ိုင်းက ဝေဖန်မှုများ ရှိနေသည်။
“မွတ်စ်တာဖာမက်တန် သေဆုံးမှုကို မီဒီယာတွေနဲ့ ဆိုရှယ်မီဒီယာတွေကပါ လစ်လျူရှုခဲ့ကြပါတယ်” ဟု Twitter အသုံးပြုသူတစ်ဦးက ရေးသားခဲ့ပြီး အခြားတစ်ဦးကလည်း “မွတ်စ်တာဖာဟာ (အမေရိကန်၊ မြောက်ကယ်ရိုလိုင်းနားက) ချက်ပဲလ်ဟေးလ် သေနတ်ပစ်မှုမတိုင်ခင် ၁ ရက်အလိုမှာ ဖြစ်ခဲ့တာပါ။ ဒီပစ်ခတ်မှုအတွက် မီဒီယာမှာ ဖော်ပြတာကို မတွေ့ရပါဘူး။ ဘာ့ကြောင့်ပါလဲ” ဟု ရေးသားဖော်ပြခဲ့သည်။
သတို့သားလောင်း
မွတ်စလင်တာဖာမှာ ဆေးသိပ္ပံဖြင့် ဘွဲ့ရထားသူတစ်ယောက်ဖြစ်ပြီး အိမ်ထောင်ပြုရန်အတွက် ပိုက်ဆံစုရန် မက်မာရေးရှိ အလုပ်အသစ်တစ်ခုသို့ ပြောင်းရွှေ့လာခြင်းဖြစ်သည်ဟု မိသားစုများက ပြောကြားခဲ့သည်။
“သူဟာ တွေ့ဖူးသမျှလူတွေထဲမှာ အကောင်းဆုံး၊ အအေးဆုံး၊ ရှက်ကြောက်တတ်ဆုံး၊ နှိမ့်ချမှုအရှိဆုံး လူတစ်ယောက်ပါ။ ပြီးတော့ မကြာသေးမီကမှ ကျွန်တော်တို့ဆီ ရောက်လာတာပါ” ဟု အစ်ကိုဖြစ်သူက ပြောကြားခဲ့သည်။
၎င်း၏ သူငယ်ချင်များကလည်း မွတ်စ်တာဖာနှင့်ပတ်သက်၍ ထိုကဲ့သို့ပင် ပြောကြားခဲ့သည်။
“ဒီ(အိမ်ထောင်ပြုဖို့) ရည်ရွယ်ချက်တစ်ခုတည်းနဲ့ သူ အဲဒီကိုသွားခဲ့တာပါ။ သူဟာ နူးညံ့သူတစ်ယောက်ပါ။ (သေနတ်ပစ်သတ်ခံရလိမ့်မယ်လို့) ကျွန်တော်တို့ ထင်တောင်မထင်ခဲ့ပါဘူး။ ဒီအကြောင်း ဗလီမှာကြားတော့ လူတိုင်းက တုန်လှုပ်ခဲ့ကြပါတယ်” ဟု အိုတာဝါမှ မွတ်စ်တာဖာ၏ သူငယ်ချင်းဖြစ်သူ အဘ်ဒီ အိုမာရ်က ဆိုသည်။
မွတ်စ်တာဖာ၏ ငယ်သူငယ်ချင်းတစ်ဦးကလည်း ၎င်း၏ မိသားစုအား ကူညီရန်အတွက် အလှူငွေ ကန်ဒေါ်လာ ၄၉၀၀ ကို ကောက်ခံပေးခဲ့သည်။ ညီမဖြစ်သူ ဆလ်မာ မက်တန်ကလည်း အကိုသေဆုံးသွားသည့်အတွက် ၀မ်းနည်းမိသည်ဟု ဆိုသည်။
“ကျွန်မတို့ သာသနာက သင်ကြားသမျှကို အစ်ကိုက ဖ၀ါးခြေထပ်လိုက်နာပြီး အေးအေးဆေးဆေး နေတာပါ။ သစ္စာသိပ်ရှိပြီး
အရမ်းလည်း ရိုးသားပါတယ်” ဟု ဆလ်မာက CTV သတင်းဌာနသို့ ပြောကြားခဲ့သည်။
မက်တန်မှာ အိုတာဝါ တက္ကသိုလ်မှ ဘွဲ့ရခဲ့သူဖြစ်ပြီး ၎င်းသေဆုံးမှုက ဝေခွဲ၍မရဖြစ်နေသည်။ ကနေဒါ ရဲတပ်ဖွဲ့ကမူ မက်တန်သေဆုံးမှုကို လူသတ်မှုအဖြစ် သတ်မှတ်ထားသည်။ ပြီးခဲ့သည့် လများက အိုတာဝါနှင့် စိန့်ဂျင်း ဆာရ် ရစ်ချက်လီတွင် တိုက်ခိုက်မှု၊ ပြင်သစ်နိုင်ငံ ပဲရစ်မြို့တွင် တိုက်ခိုက်မှုများပြီးနောက် ကနေဒါတွင် အစ္စလာမ်ဆန့်ကျင်ရေး တိုက်ခိုက်မှုများမှာ မြင့်တက်လာခဲ့ပြီး ဗလီဝတ်ကျောင်းတော် အများအပြားမှာ ဖျက်ဆီးခံခဲ့ရသည်။
ကနေဒါ၏ ၃၂.၈ သန်းသော လူဦးရေတွင် အစ္စလာမ်ဘာသာဝင်အရေအတွက်မှာ ၂.၈ ရာခိုင်နှုန်းရှိပြီး၊ မကြာသေးမီက ပြုလုပ်ခဲ့သော စစ်တမ်းများအရ ကနေဒါမွတ်စလင်များမှာ ကနေဒါနိုင်ငံသားဖြစ်ရသည်ကို ဂုဏ်ယူကြပြီး ပညာတတ်ရာခိုင်နှုန်းမှာလည်း အခြားသော လူ့အဖွဲ့အစည်းများထက် ပိုမိုများပြားသည်။
Ref: onislam
