Cold Lake မှ အိမ်နီးချင်းကောင်း ပီသသူများကို ကျေးဇူးတင် အခမ်းအနား ကနေဒါ မွတ်စလင်များ ပြုလုပ်

နိုဝင်ဘာ ၂၈ ၊ ၂၀၁၄
M-Media

– ဗလီဝတ်ကျောင်းအား လူရမ်းကားများက ဖျက်ဆီးခဲ့သော်လည်း အိမ်နီးချင်းကောင်းပီသစွာ ပြန်လည်ပြုပြင်ကာ ရပ်တည်ပေးခဲ့သည့် Cold Lake ပြည်သူများ၏ အပြုအမူအတွက် ကျေးဇူးတုံ့ပြန်သည့် အခမ်းအနားတစ်ခုကို ကနေဒါ မွတ်စလင်များက ကျင်းပပြုလုပ်ခဲ့သည်ဟု သိရသည်။

အဆိုပါအခမ်းအနားကို Cold Lake ဗလီဝတ်ကျောင်းတော်မှ ဦးဆောင်ကာ အဆိုပါမြို့ရှိ Enery ခန်းမတွင် နိုဝင်ဘာ ၂၃ ရက်နေ့က ပြုလုပ်ခဲ့ခြင်းဖြစ်ပြီး မြို့သူမြို့သားများ၊ တော်ဝင်ကနေဒါ ရဲတပ်ဖွဲ့မှ တာဝန်ရှိသူများ၊ Cold Lake မြို့တော်ဝန်နှင့် ခရစ်ယာန် ခေါင်းဆောင်များ တက်ရောက်ခဲ့ကြသည်။

`Clod Lake ဟာ အကောင်းဆုံး ကနေဒါနိုင်ငံသားတွေရဲ့ အမှတ်အသားပါပဲ။ ကျေးဇူး အထူးတင်ရှိပါတယ်။ ခင်ဗျားတို့ဟာ ကျွန်တော်တို့ရဲ့ အိမ်နီးချင်း အစစ်ပါပဲ´ ဟု ကနေဒါ အစ္စလာမ့်မစ် ဖောင်ဒေးရှင်းဥက္ကဌ ဒေါက်တာ ဂျမားလ် ဘာဒါဝီက ပြောကြားခဲ့သည်။

MAC Islamic Cnetre ဟု အမည်ပေးထာသည့် Cold Lake ဗလီဝတ်ကျောင်းတော်ကို အောက်တိုလအတွင်းတွင် လူရမ်းကားများက ၀င်ရောက်ကာ မှန်များ၊ တံခါးများကို ရိုက်ချိုးဖျက်ဆီး၍ နံရံများတွင်လည်း အမုန်းစကား ဂရက်ဖစ်တီများကို ရေးသားခဲ့ကြသည်။

သို့သော်လည်း ထိုအဖြစ်အပျက် ဖြစ်ပွားပြီး နောက်တစ်နေ့တွင် Cold Lake မြို့သူမြို့သားများက လာရောက်ကာ အဆိုပါ ဗလီဝတ်ကျောင်း၏ ပျက်စီးမှုများကို ပြင်ဆင်ပေးခဲ့ပြီး၊ ဂရက်ဖစ်တီများကိုလည်း ဖျက်ပေးခဲ့ကြသည်။

`မကြာသေးမီက ကျွန်တော်တို့ ဗလီဝတ်ကျောင်းတော်မှာ ဖြစ်ပွားခဲ့တဲ့ အဖြစ်အပျက်အတွက် ကျွန်တော်တို့မြို့က လူ့အဖွဲ့အစည်းရဲ့ တုံ့ပြန်မှုကို ကျေးဇူးတင်တဲ့အနေ့နဲ့ ကျွန်တော်တို့ဟာ ဒီလိုအခမ်းအနားကို ကျင်းပခဲ့ခြင်းဖြစ်ပြီး Cold Lake က ချီးကျူးဂုဏ်ပြုထိုက်တဲ့ ပြည်သူအားလုံးကို ကြိုဆိုခဲ့ပါတယ်´ ဟု အဆိုပါ အခမ်းအနားကို ကျင်းပခဲ့သည့် Cold Lake ဗလီဝတ်ကျောင်းတော်မှ အခမ်းအနားစီစဉ်သူတစ်ဦးက ပြောကြားခဲ့သည်။

ဘာဒါဝီကမူ ယဉ်ကျေးမှုစုံလင်သော မိမိတို့ လူ့အသိုင်းအ၀ိုင်း အန္တရာယ်ကင်းရေးအတွက် ပတ်ဝန်းကျင်လူ့အဖွဲ့အစည်းများ၌ စုပေါင်းတာဝန်ရှိမှုကိုလည်း ထောက်ပြ ပြောဆိုသွားခဲ့သည်။

`ဘယ်သူမဆို သူ့ရဲ့ အသိုင်းအ၀ိုင်းကို နာကျင်အောင် မလုပ်ရပါဘူး။ ဒီအမြင်ဟာ ကမ္ဘာတစ်ခုလုံးကို တိုးချဲ့ရောက်ရှိသွားမယ်လို့ ကျွန်တော်ယုံကြည်ပါတယ်။ ပြီးတော့ အားလုံးဟာ အတူတူပဲဖြစ်တာမို့ လူသားအားလုံးကို စောင့်ရှောက်ဖို့လည်း ပါဝင်ပါတယ်။ ဒါဟာ အယူအဆ တစ်ခုမဟုတ်ပါဘူး။ ကုရ်န်အာန်က ရှင်းရှင်းလင်းလင်းပြောထားတဲ့ အရာပါပဲ။ တကယ်လို့ လူတစ်ယောက်က အခြားသူတစ်ယောက်ရဲ့ အသက်ကို ကယ်တင်မယ်ဆိုရင် လူသားအားလုံးရဲ့ အသက်ကို ကယ်တင်တာနဲ့ အတူတူပဲလို့ သွန်သင်ထားပါတယ်´ ဟု ၎င်းက ထပ်လောင်းပြောကြားခဲ့သည်။

မျှဝေခြင်း

ထို့ပြင် ဘာဒါဝီမှာ အစ္စလာမ်နှင့်ပတ်သက်၍ မိမိတို့ နိုင်ငံသားများအား မျှဝေအသိပေးရန်နှင့် မိမိတို့အပေါ် ထားရှိခဲ့သည့် ကြင်နာမှုများကို ပြန်လည်တုံ့ပြန်ရန်အတွက်လည်း မွတ်စလင်များကို တိုက်တွန်းခဲ့သည်။

`အစ္စလာမ်အပေါ် မှားယွင်းတဲ့အမြင်တွေနဲ့ ပတ်သက်ပြီး မှန်ကန်အောင်လုပ်ပေးဖို့၊ ပညာပေးဖို့နဲ့ လူတွေကိုအသိပေးဖို့ ကျွန်တော်တို့ မဖြစ်မနေ လုပ်ဆောင်ရပါမယ်´ ဟု ၎င်းက ဆိုသည်။

Colde Lake မွတ်စလင်များကလည်း မိမိတို့အနေဖြင့် ထိုတိုက်တွန်းမှုကို အကောင်အထည် ဖော်သွားမည်ဟု ကတိပေးခဲ့သည်။

`ကျွန်တော်တို့ သာသနာရဲ့ တန်ဖိုးတွေကို မျှဝေခြင်းနဲ့အတူ ကျွန်တော်တို့ဆီက လူ့အဖွဲ့အစည်းနဲ့ နားလည်မှု၊ ပူးပေါင်းဆောင်ရွက်မှု တံတားတွေကို ခိုင်မြဲအောင်တည်ဆောက်ဖို့က ကျွန်တော်တို့ရဲ့ ရည်ရွယ်ချက်ပါပဲ´ ဟု Cold Lake ဗလီဝတ်ကျောင်းတော်မှ တာဝန်ရှိသူတစ်ဦးက ပြောကြားခဲ့သည်။

အဆိုပါဗလီဝတ်ကျောင်းတော်အား ဖျက်ဆီးမှုနှင့် ပတ်သက်၍ စုံစမ်းစစ်ဆေးမှုများ ပြုလုပ်နေသော်လည်း ယခုအချိန် သံသယရှိသူများအား ဖမ်းဆီးနိုင်ခြင်း မရှိသေးပေ။

ကနေဒါ၏ ၃၂.၈ သန်းသော လူဦးရေတွင် အစ္စလာမ်ဘာသာကို သက်ဝင်ယုံကြည်ကြသူများမှာ ၂.၈ ရာခိုင်နှုန်းရှိပြီး ခရစ်ယာန်သာသနာပြီးနောက် အစ္စလာမ်မှာ နိုင်ငံ၏ ဒုတိယ ယုံကြည်ကိုးကွယ်မှုအများဆုံး အယူဝါဒလည်းဖြစ်သည်။

ဆက်စပ် ဆောင်းပါးနှင့် သတင်းများဖတ်ရန်
———————————————
အမုန်းတရားများ မပြန့်ပွားစေရန် ကနေဒါရှိ မွတ်စလင်နှင့် မွတ်စလင် မဟုတ်သူများ အပြန်အလှန် ဆောင်ရွက်နေ

အမုန်းတရားများ မပြန့်ပွားစေရန် ကနေဒါရှိ မွတ်စလင်နှင့် မွတ်စလင် မဟုတ်သူများ အပြန်အလှန် ဆောင်ရွက်နေ

ကနေဒါ လွှတ်တော်အတွင်း ပစ်ခတ်မှုအပေါ် ကနေဒါပြည်သူတို့  ရင့်ကျက်တဲ့ တုန့် ပြန်ချက်များ

ကနေဒါ လွှတ်တော်အတွင်း ပစ်ခတ်မှုအပေါ် ကနေဒါပြည်သူတို့  ရင့်ကျက်တဲ့ တုန့် ပြန်ချက်များ