Tag: CharlieHebdo

Charlie hebdo ၊ Teo Seng Chan နှင့် အရက်ပုလင်းပေါ်က ရွှေတိဂုံစေတီတော်ပုံ တံဆိပ်

ဧပြီ ၂၁၊ ၂၀၁၅
M-Media
ခင်မောင်တိုး ရေးသည်။

ဒီကနေ့ အွန်လိုင်းမီဒီယာထက်မှာ လတ်တလောနေရာယူထားတဲ့ သတင်းက မလေးရှားနိုင်ငံထုတ် အရက်ပုလင်းပေါ်မှာ ကျွန်တော်တို့ မြန်မာတွေ အလေးအမြတ်ထားရာ ရွှေတိဂုံစေတီတော်ပုံကို တံဆိပ်အနေနဲ့ အသုံးပြုထားတဲ့ကိစ္စဘဲဖြစ်ပါတယ်။

ဒီဓါတ်ပုံနဲ့ ဒီအရက်ပုလင်းတွေသတင်းက အရင်တုန်းကလည်း မကြာခဏတွေ့ဖူးနေပေမယ့် အခုတစ်ကြိမ်မှာတော့ အရင်ကထက် ပိုမိုအရေးတယူ ပြောဆိုနေကြတာ တွေ့ရပါတယ်။ ထူးခြားချက်တစ်ခုအနေနဲ့ သတိပြုမိတာကတော့ ယခုဒီသတင်းကို FB ပေါ်မှာ Please Share This Post ဆိုပြီး ဖေ့စ်ဘွတ်လူမှုကွန်ယက်မှာ ဖြန့်ဝေသူကတော့ Tomorrow ဂျာနယ် Contributor တစ်ယောက်ဖြစ်တဲ့ ကိုကျော်စွာမြင့် ဖြစ်ပါတယ်။

ဆက်လက်ပြီး ကိုကျော်စွာမြင့်ရဲ့ ဖေစ်ဘွတ် လူမှုကွန်ယက်မှာ “ကျနော်တို့ရဲ့ အထွဋ်အမြတ် ရွှေတိဂုံ စေတီတော်ကို မဖွယ်မရာ မလုပ်သင့်ပါဘူး။ အစိုးရအနေနဲ့လည်း ဒီကုမ္ပဏီကို ရှာဖွေပြီး တခုခု အရေးယူ ပေးစေလိုပါတယ်” လို့လည်း ဖော်ပြထားသည်။

ဒီသတင်းနဲ့ ပတ်သက်ပြီး နေ့စဉ်ထုတ်သတင်းစာတွေ၊ သတင်းဌာနတွေရဲ့တရားဝင် အွန်လိုင်း စာမျက်နှာတွေ၊ သတင်းနှင့် စာနယ်ဇင်းလောက ကနာမည်ကြီး ပုဂ္ဂိုလ်တွေ ရေးသားပြောဆိုနေကြတာတွေ၊ သူတို့ဆိုလိုရင်းတွေကို ဆန်းစစ်ကြည့်တဲ့အခါ

“ ကိုးကွယ်ယုံကြည်ရာ ဘာသာတစ်ခုရဲ့ အထွဋ်အမြတ်ထားရာတွေကို အခုလို အရက်ပုလင်းမှာ တံဆိပ်ကပ်လိုက်တဲ့အခါ သက်ဆိုင်ရာ ဘာသာဝင်တွေရဲ့ စိတ်ခံစားချက်ဟာ အမျက်ဒေါသကိုဖြစ်ပေါ်စေတယ်၊ ဒါမျိုးမလုပ်သင့်ဘူး၊ မလိုလားအပ်တဲ့ တုန့်ပြန်မှုမျိုး ကြုံရနိုင်ပါတယ်၊ ” ဆိုပြီး အနှစ်ချုပ် သဘောပေါက်မိပါတယ်။

ခံစားချက်ပြင်းထန်သူအချို့ကတော့ ဒီသတင်းအပေါ် စီစစ်သုံးသပ်ခြင်းအလျဉ်းမရှိဘဲ မလေးနိုင်ငံထုတ် ဆိုတာနဲ့တင် “မြန်မာပြည်မှာရှိတဲ့ ကုလားတွေအကုန်သတ်” ဆိုတဲ့အထိ ပေါက်ကွဲသံစဉ်တွေကို တွေ့ရပါတယ်။

ကျွန်တော့်ပြောချင်တာက အခုလို ဘာသာတရားတစ်ခုရဲ့ အထွဋ်အမြတ်ထားရာတွေကို သူတို့ရဲ့ စီးပွားရေးအတွက် မဖွယ်မရာ အသုံးချတာကို ပြင်းပြင်းထန်ထန် ကန့်ကွက် ရှုံ့ချပါတယ်။ မည်သည့်ဘာသာရဲ့ အထွဋ်အမြတ်ထားရာမဆို လုံးဝမလုပ်သင့်တဲ့ ကိစ္စလို့ဘဲ ရှုမြင်မိပါတယ်။

အဲဒီလိုဘဲ သိပ်မကြာသေးခင်ကာလက ပြင်သစ်နိုင်ငံ Charlie Hebdo သတင်းဌာနရဲ့ လုပ်ရပ် ရှုံ့ချသလို လက်တုန့်ပြန်တဲ့ မွတ်ဆလင်တွေကိုလည်း အထင်သေး ရှုတ်ချပါတယ်။ Charlie Hebdo သတင်းစာတိုက်က လူဘယ်နှစ်ယောက်ပဲသေသေ သူတို့အတွက် စီးပွားရေး အမြတ်အစွန်း ကြီးကြီးမားမားရလိုက်ပါတယ်။ ဘာသာတစ်ခုရဲ့ အထွဋ်အမြတ်ထားရာ ပုဂ္ဂိုလ် အရှင်သူမြတ်တွေကို ထိခိုက်စော်ကားပြီး အဲဒီဘာသာဝင်တွေရဲ့ အကြမ်းဖက် တုန့်ပြန်မှု လုပ်အောင်ကို တမင် ရည်ရွယ်ချက်ရှိရှိ လုပ်သွားတာပါ။ ရွှေတောင်ကြားက Gastro Bar က ဗုဒ္ဓပုံတော်ကို နားကြပ် တပ်ပေးတဲ့ ကိစ္စလည်း အတူတူပါဘဲ။

မသမာသူတွေရဲ့ အကျိုးစီးပွား ရှာဖွေမှုမှာ သားကောင်ဖြစ်ခံရသူများဟာ ပုံစံသာခြားပါတယ်။ မင်းတို့က ဘာမို့လို့ခံရတာ ခံပါစေ၊ ငါ့ကျတော့ ဒါမျိုးလုပ်တာ မကောင်းဘူးဆိုရင် သူများ မိဘတွေသေတုန်းက တရားပြပြီး ကိုယ့်အမေသေတော့ ငိုလို့မ၀တဲ့ ဘုန်းကြီး ပုံပြင်လို ဖြစ်သွားပါလိမ့်မယ်။

ကျွန်တော်ပြောချင်တဲ့ လိုရင်းက မြန်မာ စာနယ်ဇင်းလောကက ပုဂ္ဂိုလ်တွေအနေနဲ့ Charlie Hebdo သတင်းစာတိုက် အကြမ်းဖက် တိုက်ခိုက်ခံရတုန်းက လွတ်လပ်စွာ ရေးသားဖေါ်ပြခွင့် အတွက် I am Charlie ဆိုပြီး Charlie Hebdo သတင်းစာတိုက်ဘက်က ရပ်တည်ခဲ့သလိုမျိုး အခုအချိန်အခါမှာ လွတ်လပ်စွာ စီးပွားရှာခွင့်အတွက် I am Song Shigha လို့များ ရေးတင်ပြီး Teo Seng Chan ကုမ္ပဏီဘက်က ရည်တည်နိုင်ကြပါ သလားလို့ မေးချင်ပါတယ်။

လူဆိုတာ မိမိကိုယ်တိုင် ခံစားဖူးမှ ကိုယ်ချင်းစာတတ်ကြပါတယ်။ သူများတွေခံရတုန်းကတော့ I am Charlie, We stand with you. လုပ်နိုင်ခဲ့ကြပေမယ့်။ ကိုယ့်အလှည့်ရောက်လာတဲ့အခါမှာတော့ အရင်က ခံဖူးသူတွေကို ကိုယ်ချင်းစာနိုင်ကြလိမ့်မယ်ထင်ပါတယ်။ ကိုယ်ချင်းစာနာတတ်ခြင်းဟာ တရားစစ် တရားမှန်ဖြစ်တယ်ဆိုတဲ့ အဆိုရှိတယ် မဟုတ်လားခင်ဗျာ။

.
ကျွန်တော့်အနေနဲ့ ရွှေတိဂုံစေတီတော်မြတ်ကြီးကို အခုလို ၀ိသမလောဘသားတွေရဲ့ အသုံးချခံရမှုအပေါ် ညီနောင်ဗုဒ္ဓဘာသာဝင်တို့ရဲ့ ရင်ထဲကနာကျင်မှုထက် မလျော့တဲ့ ခံပြင်းမှုရှိပါတယ်။ အစိုးရအနေနဲ့ ပဲ ဖြစ်ဖြစ်၊ မဟန အနေနဲ့ပဲဖြစ်ဖြစ် တရားဝင်ကန့်ကွက်ရန် လိုအပ်ကြောင်း ပြောကြားလိုပါတယ်။

ခင်မောင်တိုး
၂၁-၄-၂၀၁၅

April 21, 2015
Charlie Hebdo ၏ တမန်တော် မိုဟာမက် ကာတွန်း တူရကီတွင် ပိတ်ပင်ပေးရန် Facebook သဘောတူ

ဇန်န၀ါရီ ၂၉၊ ၂၀၁၅
M-Media

– ပြင်သစ်မဂ္ဂဇင်း Charlie Hebdo တွင်ဖော်ပြထားသည့် တမန်တော်မိုဟာမက် ကာတွန်းအား တူရကီရှိ Facebook သုံးစွဲသူများအတွက် ပိတ်ပင်ပေးထားရန် Facebook က သဘောတူညီခဲ့သည်ဟု သိရသည်။

`ဒီကုမ္ပဏီဟာ အမေရိကန် အခြေစိုက်ဖြစ်ပေမယ့် သူ့ကိုအသုံးပြုသူတွေက ကမ္ဘာတစ်ဝှမ်းမှာရှိနေပါတယ်။ ဒါ့ကြောင့် သူတို့ဟာ ဒေသတွေရဲ့ ရိုးရာယဉ်ကျေးမှုနဲ့ ဓလေ့ထုံးတမ်းတွေကို လေးစားရပါမယ်။ တိုင်းပြည်ရဲ့ ဥပဒေကို သူတို့ မဖြစ်မနေလိုက်နာရပါမယ်။ အဓိက ကတော့ ပွင့်လင်းမြင်သာမှုပါပဲ´ ဟု ဆာရေး တက္ကသိုလ်မှ ဆိုက်ဘာလုံခြုံရေး ကျွမ်းကျင်သူ ပါမောက္ခ ဒေါက်တာ အလန်ဝုဒ်ဝါ့ဒ်က ပြောကြားခဲ့သည်။

အဆိုပါကာတွန်းအား မပိတ်ပေးပါက Facebook တစ်ခုလုံးကို ပိတ်ပစ်မည်ဟု တူရကီတရားရုံးက ပြောကြားခဲ့ပြီးနောက်ပိုင်း Facebook မှ ယခုကဲ့သို့ သဘောတူညီခဲ့ခြင်းဖြစ်သည်။ တူရကီတွင် Facebook သုံးစွဲသူအရေအတွက်မှာ သန်း ၄၀ ၀န်းကျင်ရှိမည်ဟု ခန့်မှန်းရပြီး လူငယ်လူဦးရေ မြင့်တက်လာမှုနှင့် စီပွားရေးတိုးတက်လာမှုတို့ကြောင့် ထိုအရေအတွက်မှာ တိုးလာဖွယ်ရှိနေသည်။

Facebook သုံးစွဲသူများအတွက် ဖော်ပြမှုအချို့ကို ကန့်သတ်ပေးရန် ကမ္ဘာတစ်ဝှမ်းမှ နိုင်ငံများ၏ တောင်းဆိုမှုနှင့်ပတ်သက်၍ အစီရင်ခံစာတစ်စောင်ကို Facebook က ထုတ်ပြန်ခဲ့ပြီး ထိုထုတ်ပြန်မှုတွင် တူရကီက ပြီးခဲ့သည့်နှစ် ဇန်န၀ါရီမှ ဇွန်လအထိ အကြိမ်ပေါင်း ၁၈၉၃ ကြိမ် ကန့်သတ်ရန် တောင်းဆိုခဲ့သည်ဟု ဖော်ပြထားသည်။ ၂၀၁၄ အစောပိုင်းကလည်း တူရကီမှာ Twitter နှင့် Youtube နှစ်ခုစလုံးကို ခေတ္တ ပိတ်ပင်ခဲ့ဖူးသည်။

Ref: onislam

January 29, 2015
ချာလီဟဘ်ဒိုနဲ့ စကားစမြည်

ဇန်နဝါရီ ၂၀၁၅
ဧရာဝတီမှ ကူးယူဖော်ပြသည်။

တမန်တော်မိုဟာမက်က လွန်ခဲ့သော နှစ်ပေါင်း တထောင့်ငါးရာလောက်ကတည်းက မရှိတော့တာပါ။ ယေရှု ခရစ်လည်း လွန်ခဲ့တဲ့ နှစ်ပေါင်းနှစ်ထောင်ကတည်းက မရှိတော့ပါ။ အလားတူပဲ ဗုဒ္ဓလည်း နှစ်ပေါင်းနှစ်ထောင့်ငါးရာကျော်လောက်ကတည်းက ပရိနိဗ္ဗာန်စံဝင်သွားပါပြီ။ ဒါပေမယ့် ယနေ့ ခေတ်လူတွေဟာ တခြားသူတွေ အထွဋ်အမြတ်ထား ယုံကြည်တဲ့ လွန်လေပြီးသော ဘုရားတွေ တမာန်တော်တွေကို ပုတ်ခတ် စော်ကားပြီး အရသာခံနေတာဟာ တကယ်တော့ ရူးကြောင်ကြောင်ဖြစ်ရပ်မျိုးပဲဖြစ်တယ်လို့ ထင်ပါတယ်။

အထူးသဖြင့် ယနေ့ ခေတ် ဆိုရှယ်မီဒီယာတွေမှာ အဲလိုမျိုး ရေးတဲ့စာတွေ ဖိုတိုရှော့ တွေနဲ့ ဖြတ်ညှပ်ကပ်လုပ် ထားတဲ့ ဘုရား၊ တမာန်တော်အစရှိတဲ့ ဘာသာရေး အထွဋ်အမြတ်တွေကို နေ့ စဉ်နှင့်အမျှ စော်ကားနေတာဟာ ဘယ်ဘာသာရေးဆိုင်ရာ ကျင့်ဝတ်နဲ့ မှ မညီညွတ်ပါဘူး။ ဒီလို အမုန်းတရားပို့ စ်တွေ တင်တဲ့လူတွေရဲ့ နောက်ကွယ်မှာ ကြီးမားတဲ့ ရည်ရွယ်ချက်တွေ ရှိနေတာကို သတိပြုဖို့ လိုပါတယ်။ လူသားတယောက်အနေနှင့် ပုဂ္ဂိုလ်ရေးအရ လူအချို့ ကိုမုန်းခြင်းမှာ သဘာဝကျပေမယ့်လို့ လူ့ အဖွဲ့ အစည်း တခုက မတူကွဲပြားသော တခြားလူ့ အဖွဲ့ အစည်းတခုကို မုန်းတီးစေခြင်းက လက်ခံလိုလားအပ်စရာ မဟုတ်ပါ။

လူတိုင်းဟာ လွတ်လွပ်စွာ ကိုးကွယ်ပိုင်ခွင့်ရှိသလို လွတ်လပ်စွာ မကိုးကွယ်ပိုင်ခွင့်လည်း ရှိပါတယ်။ ကိုးကွယ်သူဟာ ဘာသာမဲ့သူကို ဒိဌိလို့ ပြောတာလည်း တကယ်တော့ သဘာဝမကျသလို ဘာသာမဲ့များဟာလည်း သူတို့ မယုံကြည်တဲ့ တခြား ကိုးကွယ်ရာ ဘာသာရေး အထွဋ်အမြတ် ခေါင်းဆောင်တွေကို ပုတ်ခတ်စော်ကားတာဟာလည်း လက်မခံသင့်တဲ့ အယူအဆပါ။

ချာလီဟဘ်ဒိုမှာဖြစ်ခဲ့တဲ့ အကြမ်းဖက်တွေဟာ အဲဒီမှာ အခြေခံပါတယ်။ တမန်တော်ကို သရော်ထားတဲ့ ကာတွန်းတွေ မလုပ်ဖို့ အကြိမ်ကြိမ် သတိပေးခဲ့ပေမယ့် ဆက်လုပ်တဲ့အကျိုးဆက်ကြောင့် ဖြစ်ခဲ့တာပါ။ အမှန်တော့ ဒီလိုသတင်းစာမျိုး မရှိသင့်ဘူးလို့ ထင်ပါတယ်။ နိုင်ငံရေး ခေါင်းဆောင် လူမျိုးရေး ခေါင်းဆောင်တွေနဲ့ မတူတဲ့ ဘာသာရေးခေါင်းဆောင်မျိုးကို သရော်ခြင်းဟာ ကျနော်တို့  လူ့ အဖွဲ့ အစည်းအတွက် အချင်းချင်းမုန်းတီးမှုနဲ့  အဆိုးကျော့ သံသရာက ရုန်းထွက်နိုင်မှာမဟုတ်ပါဘူး။

ဥရောပခေါင်းဆောင်တွေ လက်ချင်းချိတ်ဆက်ပြီး လူထုနဲ့ အတူ အကြမ်းဖက်ဝါဒကို ဆန့် ကျင်ကြောင်း တွေ့ လိုက်ရတဲ့အခါ စာသင်ကျောင်းက ကလေးတွေကို သေနတ်နဲ့  ၀င်ပစ်တဲ့ အမေရိကန် လူဖြူ ခရစ်ယာန် တွေအတွက်တော့ ခေါင်းဆောင်ကြီးများ လက်ချင်းချိတ်ဆက်ပြီး ကန့် ကွက်ဖို့ ပျက်ကွက်ခဲ့တာလည်း သတိထားမိပါတယ်။

ရေနံအတွက် တိုက်ရတဲ့စစ်ပွဲတွေအတွက် ပြည်သူများစွာသေကြေရတဲ့ အရှေ့အလယ်ပိုင်းက လုပ်ရပ်အတွက် ဥရောပခေါင်းဆောင်တွေ လက်ချင်း ချိတ်ဆက်ဖို့  မေ့လျော့ခဲ့ပါတယ်။ တဖက်မှာလည်း အစ္စလာန်မစ်နဲ့  အစွန်းရောက်ဆိုတဲ့စကားလုံးကို ခွဲခြားပစ်ဖို့ ဥရောပ သမဂ္ဂမှာ ဒစ်ပလိုမေစီနည်း အရ ကြိုးစားလုပ်ဆောင်နေပါတယ်။

အကြမ်းဖက်မှုဆိုတာကို ဘာသာတခုခု သို့ မဟုတ် လူမျိုးတမျိုးမျိုးကို ပုံချ ဖော်ပြတတ်တဲ့ ကျင့်ဝတ်မညီတဲ့ မီဒီယာတွေရဲ့ ဘက်လိုက်မှုနဲ့  မမြင်ရတဲ့လက်တွေကိုလည်း သတိပြုသင့်ပါတယ်။ ဒါပေမယ့် ဥရောပခေါင်း ဆောင်တွေ မေ့လျော့နေတာက အမုန်းတရားများကို ဖြန့် ဖြူးပေးတဲ့ ဘာသာများ အားလုံးကို စော်ကားနေတဲ့ ချာလီဟဘ်ဒို လိုသတင်းစာမျိုးကို freedom of expression ဆိုတဲ့ခေါင်းစဉ်အောက်မှာ ဆက်လက်ခွင့်ပြုနေခြင်းပါပဲ။

အခုလည်း Charlie Hebdo သတင်းစာတိုက် ပြန်ဖွင့်ပြီး အရင်လိုမျိုး ကာတွန်းတွေ သရော်စာတွေကို ဆက်လက်ထုတ်ဝေပါတယ်။ ကျနော့်အနေနဲ့တော့ နောက်တကြိမ် အခုလိုမျိုး တိုက်ခိုက်ခံရရင်တော့ သိပ်ပြီး အံသြမှာ မဟုတ်တော့ပါဘူး။

ဒီနေရာမှာ တခု သတိပြုစေချင်တာက အကြမ်းဖက်မှုဆိုတာဟာ ဘာသာရေးတခုတည်းကို အခြေခံတာ မဟုတ်ပါဘူး။ လူမျိုးရေး၊ စီးပွားရေးနဲ့ လူမှုရေး စတဲ့အကြောင်းအရာတွေကိုလည်း အခြေခံနိုင်ပါတယ်။ ချေချင်ညာ ခွဲထွက်ရေးသမားတွေ ၀င်စီးတဲ့ မော်စကိုက ဇာတ်ရုံ၊ တမီးကျား သူပုန်တွေဗုံးခွဲတဲ့ ကိုလံဘို၊ တရုတ်နိုင်ငံ ဇင်းကျန်းပြည်နယ်မှာ ဖြစ်ခဲ့တဲ့ အကြမ်းဖက်မှု စတဲ့ များစွာသော အကြမ်းဖက်မှုတွေဟာ တခုနဲ့ တခု မတူညီတဲ့နောက်ခံတွေ ဖြစ်ပါတယ်။

တချို့ ကိစ္စတွေမှာတော့ အကြမ်းဖက်မှုဆိုတဲ့ စကားလုံးဟာ အာဏာရှိသူတွေက သူတွေက တဖက်သက် တံဆိပ်ကပ်ခြင်းပါ။ တိဗက်ပြည် လာဆာမှာ ဖြစ်ခဲ့တဲ့ တိဗက်လွတ်မြောက်ရေး ခုခံမှုတွေအတွက် တိဗက်ခေါင်းဆောင်တွေဟာ အကြမ်းဖက်သူများအဖြစ် တရုတ်အစိုးရက ဖော်ပြခဲ့မှုလိုမျိုးကို ဥပမာပြနိုင်ပါတယ်။

ကျနော်တို့  လူ့ အဖွဲ့ အစည်းရဲ့  နေရာတိုင်းမှာ(Marginalized people) ခွဲခြားဆက်ဆံခံရတဲ့ လူနည်းစုတွေရဲ့ ခံစားချက်မျိုး၊ နာကျဉ်းချက်မျိုးတွေဟာ အချိန်မရွေး ဒေါသအဖြစ်ကို ရောက်လွယ်နိုင်ပါတယ်။ လူမျိုးကြီးတမျိုး၊ အုပ်စုကြီးတစုက အခြားအုပ်စုငယ်တစုကို ခွဲခြားဆက်ဆံခြင်းမျိုးနဲ့  နိုင်လို့ ရလို့ နိုင်ထားခဲ့ရင် အဲဒီလူအဖွဲ့ အစည်းဟာ အကြမ်းဖက်မှုတွေနဲ့  ဆက်နွယ်ပြီး မတည်မငြိမ်ဖြစ်နေမှာပါပဲ။ မြန်မာပြည်မှာရှိတဲ့ တိုင်းရင်းသားလူနည်းစုတွေဖက်က ဗမာလူမျိုးကို အမုန်းတရားကြီးမှုနဲ့  သံသယကြီးမှုတွေဟာ ခွဲခြားဆက်ဆံမှုနဲ့  တန်းတူမညီမျှမှုဆိုတဲ့ အကြောင်းတရားက အခြေခံလာတာ ဖြစ်ပါတယ်။

ငြိမ်းချမ်းရေးတို့ သဟာဇာတဖြစ်ရေးတို့ ဘယ်လောက်ပဲ အော်နေအော်နေ၊ ညီညွတ်မျှတတဲ့ လူ့ ဘောင်တရပ်ကို တည်ဆောက်ဖို့ ဆိုရင် အနည်းဆုံးတော့ လူတွေမှာ တဦးနဲ့ တဦး ခွဲခြားဆက်ဆံတတ်တဲ့ မကောင်းတဲ့စိတ်တွေ လျော့ချပစ်ပြီး တန်းတူညီမျှတဲ့ သမာသမတ်ကျတဲ့ စိတ်ထားမျိုးထားနိုင်မှသာလျှင် ဖြစ်နိုင်မှာပါ။

လူတိုင်းအတွက် ပညာတွေ ချက်ချင်းလက်ငင်း တတ်လာနိုင်မှာ မဟုတ်သလို တနေ့ တာ ၀င်ငွေလည်း ချက်ချင်း တိုးပေးလာနိုင်မှာ မဟုတ်ပါဘူး။ ဒါပေမယ့် တရားမျှတမှုနဲ့ ဉာဏ်ပညာ အခြေပြုတဲ့ သင့်လျော်တဲ့ ဥပဒေမျိုးရှိဖို့  အရေးကြီးပါတယ်။

အဲဒီဥပဒေတွေ ရှိလာပြန်ရင်လည်း လူတိုင်း အခြေခံစိတ်ထားတွေ ကောင်းမွန်ရေးက လိုအပ်လာပြန်ပါတယ်။ “သူ့ နေရာမှာ ငါသာဆို”ဆိုတဲ့ ကိုယ်ချင်းစာစိတ်လေး ကျနော်တို့ အားလုံး စိတ်ထားကြပါစို့ ။

(အောင်ထွန်းသည် ထိုင်း-မြန်မာ နယ်စပ်ရှိ လူထုပညာရေးဝန်ထမ်း တဦးဖြစ်သည်)

http://burma.irrawaddy.org/opinion/viewpoint/2015/01/20/70091.html

January 20, 2015
Charlie မဂ္ဂဇင်း တိုက်ခိုက်မှု အနောက်ကမ္ဘာမှ ထောက်လမ်းရေး လက်ချက်ဟု ပြင်သစ် Front National (FN) ပါတီ တည်ထောင်သူပြော

ဇန်နဝါရီ ၂၀ ၊ ၂၀၁၅
M-Media

– ပြင်သစ်နိုင်ငံ ပဲရစ်မြို့က Charlie Hebdo မဂ္ဂဇင်းတိုက် တိုက်ခိုက်ခံရမှုဟာ ထောက်လှမ်းရေး အေဂျင်စီ တစ်ခုရဲ့ ဆောင်ရွက်ချက်ဖြစ်ပြီး၊ ပြင်သစ်အာဏာပိုင်တွေက မသိကျိုးကျွန်ပြုနေတာလို့ ပြင်သစ် လက်ယာစွန်းရောက်ပါတီ Front National (FN) ကို တည်ထောင်သူ ဂျင်းမာရီ လီပန် က ပြောလိုက်ပါတယ်။

အနောက်ဆန့်ကျင်ရေး ရုရှား သတင်းစာ တစ်စောင်နဲ့ အင်တာဗျူးမှာ အသက် ၈၆ နှစ်အရွယ် လီပန်တစ်ယောက် ဒီလိုပြောလိုက်တာပါ။ အစ္စလာမ်နဲ့ အနောက်နိုင်ငံအကြားမှာ စစ်ပွဲတစ်ခုဖြစ်လာဖို့ ဒီတိုက်ခိုက်မှုကို အမေရိကန် ဒါမှမဟုတ် အစ္စရေး အေးဂျင့်တွေက လျှို့ဝှက်စစ်ဆင်ရေး အဖြစ် ဆောင်ရွက်ခဲ့တာဖြစ်တယ်လို့ အင်တာနက်မှာပြန့်နှံ့နေတဲ့ သီအိုရီကိုလည်း ယုံကြည်လက်ခံတယ်လို့ လီပန်က ဆိုပါတယ်။

သူ့ရဲ့ ဒီမှတ်ချက်က ပြင်သစ်နိုင်ငံရေး သမားတွေကြား ဂယက်ရိုက်သွားစေခဲ့ပါတယ်။ လီပန်နဲ့ FN ခေါင်းဆောင်နေရာကို ဆက်ထားတဲ့ လီပန်ရဲ့ သမီးဖြစ်သူတို့နဲ့ ပတ်သက်ပြီး နိုင်ငံရေးသမားတွေက ဒေါသထွက်ခဲ့ကြပါတယ်။ လီပန်ရဲ့ သမီးဖြစ်သူကတော့ ဖင်ခင်ရဲ့ ဒီမှတ်ချက်တွေဟာ ပါတီနဲ့ ဘာမှမဆိုင်ဘူးဆိုတာမျိုး ဖြစ်အောင်တော့ ကြိုစားနေပါတယ်။

လွန်ခဲ့ ၃ နှစ်လောက်က ပါတီခေါင်းဆောင်ကနေ ဆင်းပေးခဲ့တဲ့ လီပန်ဟာ ရာသက်ပန် ဥက္ကဌအဖြစ် ရှိနေဦးမှာပါ။ ပြင်သစ်က အကြမ်းဖက်ပြဿနာအတွက် အမေရိကန်ကို အပြစ်တင် ရေးသားခဲ့တဲ့ ရုရှားသတင်းစာ Komsomolskaïa Pravda နဲ့ အင်တာဗျူးမှာမှာ လီပန်က

`Charled Hebdo တိုက်ခိုက်မှုဟာ လျှို့ဝှက်ထောက်လှမ်းရေးအဖွဲ့ရဲ့ လုပ်ရပ်မျိုးနဲ့ ဆင်တူပါတယ်။ ဒါပေမယ့် ကျွန်တော်တို့မှာ သက်သေအထောက်အထားတော့ မရှိပါဘူး။ ဒီကိစ္စကို ပြင်သစ်အာဏာပိုင်တွေက စီစဉ်တယ်လို့တော့ ကျွန်တော်မထင်ပါဘူး။ ဒါပေမယ့် ဒီပြစ်မှု ကျူးလွန်ဖို့ အတွက်တော့ သူတို့ ခွင့်ပေးခဲ့ကြပါတယ်။ အခုအချိန်မှာတော့ ဒါဟာ မှန်းဆမှု သက်သက်ပဲပေါ့ဗျာ´ လို့ ဖြေခဲ့ပါတယ်။

သူ့ရဲ့မှတ်ချက် မှန်ကန်ကြောင်းသက်သေပြဖို့ မစ္စတာလီပန်က မဂ္ဂဇင်းတိုက်ကို တိုက်ခိုက်သွားတဲ့ သေနတ်သမားတွေဖြစ်တဲ့ ကောက်ရှီ ညီအကိုရဲ့ မှတ်ပုံတင် ကားထဲမှာ ကျန်ခဲ့တာကို လီပန်က ထောက်ပြခဲ့ပါတယ်။ ပြီးတော့ လျှို့ဝှက် စစ်ဆင်ရေး ပညာရှင်တွေ နှစ်သက်တဲ့ ဒီ `ထူးဆန်းအံ့ဖွယ်အချက်´ ကို ၂၀၀၁ ခုနှစ် စက်တင်ဘာ ၁၁ ရက်နေ့ နယူးယောက်က World Trade Centre အဆောက်အဦးနှစ်ခု ကို လေယာဉ် ၂ စင်း ၀င်တိုက်သွားပြီးတဲ့နောက် လေယာဉ်ပြန်ပေးဆွဲသမားတွေရဲ့ နိုင်ငံကူးလက်မှတ်တစ်ခုကို နယူးယောက်ကတစ်နေရာမှာ တွေ့ခဲ့တယ်ဆိုတဲ့ အချက်နဲ့ နှိုင်းယှဉ်ဖော်ပြခဲ့ပါတယ်။

မစ္စတာလီပန်တစ်ယောက် အဲဒီအင်တာဗျူးမှာ ပွဲဆူစေတဲ့ နောက်ထပ် မှတ်ချက် ၂ ခုကိုလည်း ပေးခဲ့ပါသေးတယ်။ ဒါကတော့ ပါရီမှာ အမုန်းတရားတွေကို ဆန့်ကျင်တဲ့ ချီတက်ပွဲမှာ ပါဝင်ခဲ့တဲ့ လူ တစ်သန်းခွဲလောက်ဟာ `ချာလီ´(မဂ္ဂဇင်းတိုက်ကို ကိုယ်စားပြုသူ)တွေ မဟုတ်ကြဘဲ `ချာလီချက်ပလင်´ (ဟာသသရုပ်ဆောင်) တွေသာဖြစ်ကြတယ် လို့ ပြောခဲ့ပါတယ်။ နောက်ပြီး ပြင်သစ်က မွတ်စလင်အရေအတွက်ဟာ ၁ သန်းခွဲလောက်ကနေ သန်း ၂၀ လောက်ရှိပြီး တရားဝင်တွက်ချက်ထားတဲ့ အစ္စလာမ် ဘာသာဝင်ဦးရေ ၅ သန်း ဆိုတာထက် ၃၊ ၄ ဆလောက် ပိုများတယ်လို့လည်း ပြောခဲ့ပါတယ်။

ဇန်န၀ါရီ ၁၇ ရက်နေ့ ပြင်သစ်သတင်းစာ Le Monde နဲ့ အင်တာဗျူးမှာတော့ သေနတ်သမား ညီအကို ကားပေါ်မှာကျန်ခဲ့တဲ့ မှတ်ပုံတင်ကိစ္စနဲ့ ပတ်သက်ပြီး သူ့ရဲ့ သံသယရှိမှုကို လီပန်က ထပ်ပြောခဲ့ပေမယ့် ရုရှားသတင်းစာကို ပြောခဲ့တဲ့ ဒီတိုက်ခိုက်မှုဟာ လျှို့ဝှက်ထောက်လှမ်းရေးက လုပ်တာပါဆိုတာကိုတော့ ထည့်မပြောခဲ့ပါဘူး။

မစ္စတာလီပန်ရဲ့ ဒီမှတ်ချက်တွေနဲ့ပတ်သက်ပြီး သူ့ရဲ့ သမီးနဲ့ သူ့ရဲ့ပါတီတို့က တိုက်ရိုက် တုန့်ပြန်တာမျိုး လုပ်ခဲ့ပါတယ်။ ပဲရစ်က Charlie Hebdo မဂ္ဂဇင်းနဲ့ ဂျူးရပ်ကွက်က စူပါမားကတ်တစ်ခု တိုက်ခိုက်ခံရတာကို လူဝင်မှုကြီးကြပ်ရေးနဲ့ ဥရောပ နယ်နမိတ်ကို ဖွင့်လှစ်ထားခြင်းကြောင့် ဖြစ်လာတဲ့ ရန်သူတွေကို ပြစ်သစ်က ရင်ဆိုင်ရတဲ့ နောက်ဆုံး သက်သေပြချက်လို့ ပြောခဲ့ပါတယ်။

လီပန်က ထောက်ခံပြောကြားတဲ့ လျှို့ဝှက် ပူးပေါင်းကြံစည်မှုဆိုတဲ့ သီအိုရီမျိုးဟာ မဂ္ဂဇင်းတိုက် တိုက်ခိုက်ခံရမှုဖြစ်ပြီး နာရီပိုင်းအကြာမှာပဲ အင်တာနက် စာမျက်နှာတွေပေါ်မှာ ပြန့်နှံ့ခဲ့ပါတယ်။ ဒီသီအိုရီကို ပြင်သစ်က မွတ်စလင် လူငယ်အချို့ကလည်း ပြီးခဲ့ရက်တွေ့အထိ အင်တာနက် စာမျက်နှာတွေမှာ ရေးသားပြောဆိုကြတုန်းပါပဲ။ ကောက်ရှီ ညီအကိုကို ဖော်ထုတ်မှုနဲ့ ပတ်သက်ပြီး ကွာဟချက်တွေကိုလည်း ထောက်ပြ ခဲ့ကြပြီး သူတို့ညီအကို ၂ ဦးဟာ ပြင်သစ်အာဏာပိုင်၊ ၀ါရှင်တန်နဲ့ အစ္စရေးတို့ရဲ့ လက်ကိုင်တုတ်တွေလို့ အခိုင်အမာ ပြောကြားတာတွေလည်း ရှိနေပါတယ်။

လျှို့ဝှက်ကြံစည်မှု သီအိုရီပိုင်း ဆိုင်ရာ ပြင်သစ် ကျွမ်းကျင်သူဖြစ်ပြီး ယခုလက်ရှိ ဒမတ်စကတ်မှာအခြေစိုက်တဲ့ သီယာရီ မီယက်ဆန်ကတော့ Charlie Hebdo တိုက်ခိုက်မှုကို စစ်လိုလားတဲ့ အမေရိကန်က ရီပတ်ဘလစ်ကန် ပါတီနဲ့ နိုင်ငံရေးမှာ အင်အားသုံးဖို့ စိတ်အား ထက်သန်ကြသူတွေရဲ့ အမိန့်ပေး လုပ်ဆောင်မှုသာဖြစ်တယ်လို့ဆိုပါတယ်။ အမေရိကန် လျှို့ဝှက်စစ်ဆင်ရေးဘက်က မက်လက်ချီကတော့ တိုက်ခိုက်မှုပြုလုပ်ခဲ့တဲ့ ကောက်ရှိ ညီအစ်ကို ၂ ဦးဟာ ပြင်သစ် ထောက်လှမ်းရေး အတွက် လုပ်ပေး သူတွေလို့ ပြောကြားခဲ့ပါတယ်။

Sourse: Independent

January 20, 2015
Charlie Hebdo မဂ္ဂဇင်း အသစ်ရှိ တမန်တော်အား လှောင်ပြောင်သည့် ကာတွန်း အတွက် မွတ်စလင်ပညာရှင်များ ရှုတ်ချ

ဇန်န၀ါရီ ၁၄၊ ၂၀၁၅
M-Media

– ပဲရစ်ရှိ မဂ္ဂဇင်းတိုက်တွင် တိုက်ခိုက်မှု ဖြစ်ပွားပြီးနောက် ထုတ်ဝေခဲ့သည့် Charlie Hebdo မဂ္ဂဇင်း မျက်နှာဖုံးတွင် တမန်တော် မိုဟာမက်၏ ကာတွန်းပုံအား ထပ်မံထည့်သွင်းထားခြင်းနှင့် ပတ်သက်၍ အစ္စလာမ်ဘာသာရေးခေါင်းဆောင်များက ဝေဖန်ပြစ်တင် ခဲ့ကြသည်။

`Charlie Hebdo အနေနဲ့ မဂ္ဂဇင်းထုတ်ဝေခွင့်ရှိသလိုမျိုး ကျွန်တော်တို့ဘာသာတရားရဲ့ ဥသျှောင်နဲ့ပတ်သက်ပြီး အဖျက်သဘောပါတဲ့ ဖော်ပြချက်အတွက် ငြိမ်းချမ်းစွာ တုံ့ပြန်ဖို့ ကျွန်တော်တို့မှာလည်း အခွင့်အရေးရှိပါတယ်။ (အဲဒီလုပ်ရပ်ကို) မကြိုက်ဘူးလို့ ပြောတာမျိုးဟာ အကြမ်းဖက် တိုက်ခိုက်တာမျိုးတော့ မဖြစ်သင့်ပါဘူး။ ဒါပေမယ့် သည်းခံစိတ်ရှိဖို့နဲ့ အပြန်အလှန်နားလည်မှု တိုးမြင့်စေဖို့ဆိုတဲ့ စကားတွေကိုတော့ အများကြီး ပြောရပါမယ်´ ဟု အမေရိကန်-အစ္စလာမ် ဆက်ဆံရေးကောင်စီ CAIR မှ နိုင်လုံးဆိုင်ရာ အမှုဆောင်ဒါရိုက်တာ နီဟတ် အ၀ဒ်က ပြောကြားခဲ့သည်။

ယနေ့တွင် ထုတ်ဝေခဲ့သော Charlie Hebdo မဂ္ဂဇင်းကာဗာတွင် တမန်တော်မိုဟာမက်၏ ပါးမှ မျက်ရည်ကျနေကာ `Je suis Charled´ ဟုသော စာတမ်းအား ကိုင်ဆောင်ထားပုံ ကာတွန်းကို ရေးဆွဲထားသည်။ ထို့ပြင် ခေါင်းစဉ်ကိုလည်း `All Is Forgiven´ (အားလုံးခွင့်လွတ်လိုက်ပြီ) ဟု အမည်ပေးထားသည်။

အ၀ဒ်ကမူ အစ္စလာမ်သာသနာမှာ လွတ်လပ်စွာပြောဆိုခွင့်ကို ကာကွယ်ပေးထားပြီး အမြင်မတူသည့် အချိန်ကာလမျိုးတွင်ပင် အခြားသူများ၏ ၀င်ရောက်ပြောကြားမှုကို အလေးထားကြောင်း ပြောကြားခဲ့သည်။ သို့သော်လည်း ပုဂ္ဂိုလ်ရေးအရ
တိုက်ခိုက်စော်ကားမှုများကိုမူ ခွင့်ပြုထားခြင်းမရှိဟု ဆိုသည်။

အခြားသော မွတ်စလင်ခေါင်းဆောင်များကလည်း ထိုမဂ္ဂဇင်း၏ ကာဗာအတွက် ဝေဖန်ခဲ့ကြသည်။

`ဒါမျိုးဖော်ပြချက် ထည့်သွင်းလာတဲ့အတွက် အကျိုးဆက် အနည်းငယ်တော့ ရှိမှာပါ။ ဘာ့ကြောင့်လည်းဆိုတော့ ဒါဟာ စော်ကားတဲ့ပုံစံမျိုးနဲ့ တမင်တကာ လှုံ့ဆော်ပေးတဲ့ ပုံစံမျိုး ဖြစ်နေတာကြောင့်ပါ´ ဟု မီချီဂန် CAIR အဖွဲ့မှ အမှုဆောင်ဒါရိုက်တာ ဒါဝူးလ်ဝါလစ်ဒ်က CNN သတင်းဌာနသို့ ပြောကြားခဲ့သည်။

ဆိုရှယ်စာမျက်နှာများတွင် မွတ်စလင်များက Charlie Hebdo မဂ္ဂဇင်း၏ ထိုဖော်ပြချက်ကို ဝေဖန်ခဲ့ကြပြီး ညီညွတ်ခြင်း သတင်းစကားကို ဖြန့်ဖြူးခြင်း ဆိုသည့် ပြောစကားနှင့် ဆန့်ကျင်နေသည်ဟု ပြောကြားခဲ့သည်။

`ငြိမ်းချမ်းစွာနေကြတဲ့ သန်း ၁၆၀၀ သောလူတွေကို ပုဂ္ဂိုလ်ရေး အရစော်ကားပြီး ဘယ်လိုများ ပျော်ရွှင်နိုင်ကြသလဲ ဆိုတာ စဉ်းစားလို့ကို မရပါဘူး။ သန်း ၁၆၀၀ ရှိတဲ့ မွတ်စလင်တွေက ရာဇ၀တ်မှုတစ်ခုကို ညီညီညွတ်ညွတ် ဆန့်ကျင်ခဲ့ကြပါတယ်။ ဒါပေမယ့် ခင်ဗျားတို့ (Charlie Hebdo) ကတော့ မွတ်စလင်တွေ ဒီလိုဆန့်ကျင်ပြီး (တမန်တော်၏ ရုပ်ပြောင်ကာတွန်းလို) လှောင်ပြောင်သရော်မှုကို လက်ခံရမယ်လို့ ပြောနေသလိုပါပဲ။ ဒါမျိုးကတော့ No ပါ´ ဟု @Libyaliberty အမည်ဖြင့် Twitter အကောင့် ပိုင်ရှင်က ရေးသားဖော်ပြခဲ့သည်။

အမေရိကန်မှ ကျော်ကြားသည့် အစ္စလာမ့် ဓမ္မပညာရှင် ယာစီရ် ကွာဒ်ဟီကလည်း မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) နှင့် ပတ်သက်၍ မည်သည့် ကာတွန်းမျိုး ရေးခြင်းကို မဆို မကြိုက်ကြောင်း၊ မိမိအနေဖြင့် လွတ်လပ်စွာ ပြောဆိုဖော်ပြခွင့်ကို လေးစားသော်လည်း အနောက်နိုင်ငံ လူ့အဖွဲ့အစည်းနှင့် Hebdo မဂ္ဂဇင်း တို့ကမူ ထိုအခွင့်အရေးကို စံနှစ်မျိုးသတ်မှတ်ကာ ပြောင်လှောင် သရော်မှုအတွက် အသုံးချနေကြောင်း ပြောကြားခဲ့သည်။

`ကာတွန်းဆရာတွေ သေသွားတာကို လှောင်ပြောင်တဲ့ ကာတွန်းမျိုး၊ သူတို့ရဲ့ လုပ်ရပ်နဲ့ ကြိုးစားအားထုတ်မှုတွေကို သရော်တဲ့ ကာတွန်းမျိုး သူတို့ ဆွဲဖူးကြလား´ (သူတို့ကို လှောင်ပြောင်တာ သူတို့ မကြိုက်ကြဘူး) ဟု ကွာဒ်ဟီ က ပြောကြားခဲ့သည်။

ပြင်သစ် မွတ်စလင်ကောင်စီနှင့် ပြင်သစ်အစ္စလာမ် အသင်းအဖွဲ့များ သမဂ္ဂတို့ကမူ ယမန်နေ့က ကြေညာချက်တစ်စောင် ထုတ်ပြန်ခဲ့ပြီး ထိုကြေညာချက်တွင် ပြင်သစ်မွတ်စလင်များ အနေဖြင့် တည်ငြိမ်စွာနေကြရန်နှင့် စိတ်ခံစားမှုကို ရှေ့တန်းမတင်ကြရန် တိုက်တွန်းခဲ့သည်။

Ref : Onislam

January 14, 2015