Tag: Chelsea

သြဂုတ် ၂၀၊ ၂၀၁၅
M-Media

– မန်ယူမှ ခေါ်ယူရန် ကြိုးစားနေသည့် ဘာစီလိုနာတိုက်စစ်မှူး ပက်ဒရိုအား ချယ်ဆီးက ခေါ်ယူရန် သဘောတူညီချက်ရရှိခဲ့ပြီဟု သိရသည်။

နည်းပြမော်ရင်ဟိုက ပက်ဒရိုအား သီးသန့် ဖုန်းခေါ်ခဲ့ပြီးနောက် ပက်ဒရိုကိုယ်တိုင် ချယ်ဆီးသို့ ပြောင်းရွှေ့ရန် သဘောတူညီခဲ့ခြင်းဖြစ်ပြီး ကနဦးပြောင်းရွှေ့ကြေး ပေါင် ၁၉ သန်း ပေးရမည်ဖြစ်ပြီး စုစုပေါင်း ပြောင်းရွှေ့ကြေးမှာ ပေါင် ၂၁.၁ သန်းဖြင့် အပြောင်းအရွှေ့ ဖြစ်ခဲ့ခြင်းဖြစ်သည်။

ထိုပြောင်းရွှေ့ကြေးမှာ မန်ယူမှ ကမ်းလှမ်းထားသည့် ပြောင်းရွှေ့ကြေးထက်ပိုသော ပမာဏလည်းဖြစ်သည်။ ပက်ဒရိုမှာ ယနေ့တွင် ချယ်ဆီးသို့ လာရောက်၍ ဆေးစစ်မှု ခံယူမည်ဖြစ်ပြီး လာမည့် တနင်္ဂနွေနေ့ ၀က်စ်ဘရွန်းနှင့်ပွဲတွင် ပါဝင်ကစားနိုင်ဖွယ် ရှိနေသည်။

ယခုကဲ့သို့ ခေါ်ယူမှုမှာ မန်စီးတီးအား ၃ ဂိုးပြတ်ဖြင့် ရှုံးနိမ့်ခဲ့ပြီးနောက် ချယ်ဆီးအသင်း၏ ဒုတိယမြောက် ခေါ်ယူမှုဖြစ်ပြီး အော့စ်ဘာ့ဂ်အသင်းမှ ဘယ်နောက်ခံလူ ရာဘာရဟ်မန်ကိုလည်း ပေါင် ၂၂ သန်းဖြင့် ယခုတစ်ပတ်အတွင်း ခေါ်ယူထားသည်။

မက်ဆီ၊ နေးမာ၊ ဆွာရက်ဇ်တို့ ရှိနေသည့်အတွက်ကြောင့် နေရာရရန် အခွင့်အရေးမရှိသည့် ပက်ဒရိုမှာ ဘာစီလိုနာမှ ပြောင်းရွှေ့ချင်နေသူ ဖြစ်သည်။ ဇန်န၀ါရီလအတွင်းက မော်ရင်ဟိုမှာ ပက်ဒရိုအား ခေါ်ယူရန် ငြင်းဆန်ခဲ့ဖူးသည်။

Ref: Dailymail

သြဂုတ် ၁၇၊ ၂၀၁၅
M-Media

– မန်စီးတီးနှင့်ပွဲ ပထမ ၁၀ စက္ကန့်အပြီးမှာပင် မိမိတို့အသင်းမှာ ပြဿနာရှိနေသည်ကို သိခဲ့သည်ဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

အီတီဟတ်တွင် ယမန်နေ့က ကစားခဲ့သည့် ထိုပွဲ၌ ချယ်ဆီးမှာ ကစားကွက်အသာမရခဲ့ပဲ ၃ ဂိုးပြတ်ဖြင့် ရှုံးနိမ့်ခဲ့ရပြီး ဂိုးသမား လက်စွမ်းပြနိုင်ခြင်းကြောင့်သာ ဂိုးမပြတ်ခဲ့ရခြင်းဖြစ်သည်။ မော်ရင်ဟိုကမူ အသင်း မဟန်ကြောင်း ပွဲအစမှာပင် သိခဲ့သည်ဟု ဆိုသည်။

“ပွဲစပြီး ၁၀ စက္ကန့်နောက်ပိုင်းမှာ အဂူရို ခံစစ်လိုင်းကို ရောက်လာခဲ့ပြီး၊ (ဂိုးသမား) ဘီဂိုဗစ်က ရင်ဆိုင်ခဲ့ရတဲ့အခါ အစမကောင်းဘူဆိုတာ ချက်ချင်းပဲ ခင်ဗျားတို့ သိမှာပါ။ အဲဒီနောက်မှာ ခံစစ်ပျက်သွားတာကြောင့် သူ(ဘီဂိုဗစ်) ဟာ ၂ လုံး ၃ လုံးလောက် ကာကွယ်ခဲ့ရပါတယ်။ ကျွန်တော်ဟာ ပထမဆုံး စိတ်ပျက်ခဲ့ရသူပါ” ဟု မော်ရင်ဟိုက ပြောကြားခဲ့ပြီး ပထမပိုင်းတွင် ခံစစ်ပိုင်းမှာ ဆိုးရွားခဲ့သည်ဟုလည်း ၎င်းက ၀န်ခံခဲ့သည်။

ဒုတိယပိုင်းတွင်မူ မော်ရင်ဟိုမှာ အဓိကခံစစ်မှူး ဂျွန်တယ်ရီကို ကာ့တ်ဇူးမားနှင့် လူစားလဲခဲ့ပြီး ဂျွန်တယ်ရီမှာ မော်ရင်ဟိုလက်ထက် ၁၇၇ ပွဲတွင် ပထမဆုံး လူစားလဲခံရခြင်းလည်း ဖြစ်သည်။

“တကယ်က ဂျွန်(တယ်ရီ) ကိုထုတ်ပြီး ဇူးမားကို ထည့်တာမျိုး မဟုတ်ပါဘူး။ ကျွန်တော်ဟာ အလျင်မြန်ဆုံး ကစားသမားကို အရန်ခုံမှမဟုတ်ဘဲ ကွင်းထဲမှာ ရှိချင်တာပါ။ ဇူးမား ကစားရမယ်ဆိုတာ ကျွန်တော် ရှင်းရှင်းလင်း သိပါတယ်။ တစ်ယောက်ကို ထုတ်ရမယ်ဆိုတော့ အသင်းခေါင်းဆောင်ကို ထုတ်လိုက်တာပါ” ဟု မော်ရင်ဟိုက ပြောကြားခဲ့သည်။

ထိုကဲ့သို့ လူစားလဲခဲ့မှုကြောင့် အသက်အရွယ်ရလာပြီဖြစ်သည့် ဂျွန်တယ်ရီ၏ ချယ်ဆီး၌ ရေရှည်နေရာရရန်မှာ မသေချာတော့ဟု ပြောကြားမှုများလည်း ရှိနေသည်။

Ref: Goal

သြဂုတ် ၁၄၊ ၂၀၁၅
M-Media

– ချယ်ဆီးအသင်း၏ ပရီးမီးယားလိဂ်အဖွင့်ပွဲစဉ်၌ အသင်းဆရာဝန်နှင့် အချေအအတင်ဖြစ်ရာတွင် မော်ရင်ဟိုက ဆဲရေးတိုင်းထွာသည့် ဗီဒီယိုမှတ်တမ်းကို Sky Sport ရုပ်သံက ထုတ်ပြန်ခဲ့ပြီးနောက် မော်ရင်ဟိုအပေါ် ဝေဖန်မှုများ မြင့်တက်လာခဲ့သည်။

ဆွမ်းဆီးအသင်းနှင့် ၂ ဂိုးစီသရေကျခဲ့သည့် အဆိုပါပွဲတွင် ပွဲပြီးကာနီး ၁၀ ယောက်ဖြင့် ကစားနေရချိန် ကွင်းလယ်လူ ဟာဇာ့ဒ် လဲကျသွားခဲ့သည့်အခါ အသင်းဆရာဝန် အီဗာ ကာရိုနီနှင့် ဆေးအဖွဲ့မှာ ကွင်းအတွင်းသို့ ပြေးဝင်သွားခဲ့ပြီး ဟာဇာ့ဒ်အား ကွင်းပြင်သို့ခေါ်ထုတ်ကာ ဆေးကုသမှု ပြုလုပ်ပေးခဲ့သည်။

ကွင်အတွင်း ၉ ယောက်ဖြစ်သွားမည်ကို စိုးရိမ်ခဲ့သည့် မော်ရင်ဟိုက ဟာဇာ့ဒ်မှာ ထိခိုက်ဒဏ်ရာရခြင်းမရှိဘဲ မောပန်း၍သာဖြစ်သည်ဟုဆိုကာ ကာရိုနီ၏ လုပ်ရပ်အတွက် မကျေမချမ်းဖြစ်၍ အချေအတင် စကားများခဲ့သည်။

ထိုသို့စကားများရာတွင် မော်ရင်ဟိုမှာ ကာရိုနီအား ပေါ်တူဂီဘာသာစကားဖြင့် filho da puta (son of a b***h) ဟု ဆဲရေးတိုင်းထွာခဲ့ပြီး ထိုအဖြစ်အပျက်ကို ဖမ်းယူရိုက်ကူးထားသည့် ဗီဒီယိုကို Sky Sports က ယမန်နေ့တွင် ထုတ်ပြန်ခဲ့သည်။

ကာရိုနီအပြင်၊ ကြံ့ခိုင်မှုပိုင်းဆိုင်ရာ ဆရာဝန်တစ်ဦးဖြစ်သူ ဂျွန် ဖီအန်ကိုလည်း မော်ရင်ဟိုက အော်ငေါက်ခဲ့ကြောင်း ထိုဗီဒီယိုတွင် တွေ့ခဲ့ရသည်။ ထိုပြင် မော်ရင်ဟိုမှာ အခြားသော ရိုင်းပြသည့်စကားများဖြင့်လည်း ဆေးအဖွဲ့အား ဟစ်အော်ပြောဆိုခဲ့သည်။

ထိုအဖြစ်အပျက်ကြောင့် အသင်းဆရာဝန် ကာရိုနီအား အသင်း၏ ပွဲများတွင် ပါဝင်ခြင်းမပြုရန် မော်ရင်ဟိုက အမိန့်ထုတ်ခဲ့သည်။ ချယ်ဆီးပရိတ်သတ်များကမူ ကာရိုနီအား ဆိုရှယ်မီဒီယာမှတစ်ဆင့် အားပေးနှစ်သိမ့်မှုများ ပြုလုပ်ခဲ့ပြီး မော်ရင်ဟို၏ ထိုလုပ်ရပ်အတွက်လည်း ဝေဖန်ပြောဆိုခဲ့ကြသည်။

မော်ရင်ဟိုမှာ တီဗွီနှင့် ရေဒီယိုများတွင်လည်း ကာရိုနီအား ဝေဖန်မှုများပြုလုပ်ခဲ့ပြီး၊ ၎င်းမှာ အတွေ့အကြုံနှင့် ကျွမ်းကျင်မှုရှိသော်လည်း ပွဲတစ်ပွဲ၏ အခြေခံအချက်ကို နားမလည်ဟု ထည့်သွင်းပြောကြားခဲ့သည်။ အသင်းအတွင်း ထိုကဲ့သို့ မပြေလည်မှုများအတွက် ပိုင်ရှင် ရိုမန် အေဗရာမိုဗစ်ခ်ျကလည်း စိတ်ကသိကအောက် ဖြစ်နေသည်။

အင်္ဂလိပ် အားကစားသတင်းစာ Sportsmail ကမူ မော်ရင်ဟိုမှာ ယခုတစ်လောတွင် ကစားသမားများနှင့် အသင်းရှိဝန်ထမ်းများအား ပစ်မှတ်ထား၍ ပြစ်တင်မှုများ ပြုလုပ်နေပြီး ထိုကိစ္စအတွက် ကစားသမားများကလည်း အနည်းငယ် မကျေမနပ်ဖြစ်နေသည်ဟု ဖော်ပြခဲ့သည်။

Ref: Dialymail