Tag: Cholia Muslim Religious Fund

ကျိုလီယာမွတ်စလင်မ် သာသနာသနာရန်ပုံငွေအဖွဲ့မှ ၁၃-ကြိမ်မြောက် ပညာဒါန သင်တန်းများ ဖွင့်မည်

အောက်တိုဘာ ၁၂၊ ၂၀၁၅
M-Media

၂၀၁၃ ခုနှစ် ပညာဒါန သင်တန်းဆင်းပွဲမှ ပုံရိပ်တစ်ခု

– ကျိုလီယာမွတ်စလင်မ် သာသနာ့ရန်ပုံငွေအဖွဲ့က ဦးစီးပြီး ၁၃-ကြိမ်မြောက် ပညာဒါန သင်တန်းတွေကို လာမယ့် နိုဝင်ဘာလဆန်းပိုင်းမှာ ဖွင့်လှစ်တော့မှာဖြစ်ပြီး လူမျိုး၊ ဘာသာမရွေး တက်ရောက်နိုင်တယ်လို့ သိရပါတယ်။

နိုဝင်ဘာ ၂ ရက်နေ့မှာ ဖွင့်လှစ်မယ့် အဲဒီ ပညာဒါနသင်တန်းတွေထဲမှာ ကွန်ပျူတာ၊ အင်္ဂလိပ်စာနဲ့ စက်ချုပ်သင်တန်းတွေ ပါဝင်မှာဖြစ်ပါတယ်။

ကွန်ပျူတာသင်တန်းတွေမှာတော့ အခြေခံ၊ စာစီစာရိုက်၊ ဒီဇိုင်း၊ A+ Hardware နဲ့ အင်တာနက်အသုံးပြုနည်း သင်တန်းတွေ ပါဝင်မှာဖြစ်ပြီး၊ အင်္ဂလိပ်စာ သင်တန်းတွေမှာတော့ အခြေခံ အင်္ဂလိပ်စာ Level 1,2၊ အင်္ဂလိပ် 4 Skills၊ IELTS (Preparation Course)၊ အင်္ဂလိပ်သဒ္ဒါနဲ့ စီးပွားရေးသုံး အင်္ဂလိပ်စာသင်တန်းတွေ ပါဝင်မှာဖြစ်ပါတယ်။ စက်ချုပ်သင်တန်းကိုလည်း လုပ်ငန်းခွင်ဝင်လို့ရတဲ့အထိ သင်ပေးသွားမှာ ဖြစ်ပါတယ်။

ကျိုလီယာမွတ်စလင်မ် သာသနာ့ရန်ပုံငွေအဖွဲ့က အဲဒီ ပညာဒါန သင်တန်းတွေကိုတော့ အမှတ် (၁)၊ သုခလမ်း၊ ခ ရပ်ကွက်၊ သင်္ကန်းကျွန်းမြို့နယ်၊ ရန်ကုန်မြို့မှာ သင်ကြားပေးသွားမှာဖြစ်ပြီး စိတ်ဝင်စားသူ မည်သူမဆို အောက်ပါ ဖုန်းနံပါတ်တွေကို ဆက်သွယ်မေးမြန်းနိုင်ပါတယ်။

ဖုန်း – ၅၇၇၄၇၃၊ ၈၅၅၁၁၉၁၊ ၀၉-၇၃၁၃၇၅၃၊ ၀၉-၇၉၇၅၄၂၅၉၀၊ ၀၉-၇၉၇၅၄၂၅၉၁

October 12, 2015
တက္ကသိုလ်ဝင်တန်းများ အတွက် ပညာသင်ဒါနကျောင်း ဖွင့်လှစ်

သြဂုတ် ၁၃၊ ၂၀၁၅
M-Media
မိုးစက်

ရန်ကုန်။ ။ ရန်ကုန်မြို့ သင်္ဃန်းကျွန်းမြို့နယ်တွင် ကျူလီယာ မွတ်စလင်သာသနာ့ ရန်ပုံငွေအဖွဲ့ မှ လူမျိုးဘာသာမရွေး သင်ကြားနိုင်သော ၂၀၁၅-၂၀၁၆ ပညာသင်နှစ် အတွက် တက္ကသိုလ်ဝင်တန်းကျောင်းသား ကျောင်းသူများအား ပညာဒါန အခမဲ့ သင်တန်းတစ်ရပ်ကို စက်တင်ဘာလ (၁) ရက်နေ့တွင် စတင် ဖွင့်လှစ်သွားမည်ဖြစ်ကြောင်း သိရသည်။

အဆိုပါသင်တန်းကို ဘာသာရပ်တစ်ခုချင်းဆီမှ ဝါရင့်ဆရာ/ ဆရာမကြီးများကိုယ်တိုင် လာရောက်သင်ကြားပေးမည်ဖြစ်ကြောင်းလည်း သိရသည်။ သင်တန်းကာလမှာ ခြောက်လဖြစ်ပြီး တစ်ပတ်လျှင် ခြောက်ရက် တက်ရောက် သင်ကြားရမည်ဖြစ်သည်။

နေ့လည် (၁) နာရီမှ ညနေ (၆) နာရီမှ သင်တန်းသားများ တက်ရောက် သင်ကြားရမည်ဖြစ်သည်။ ယနေ့မှစတင်ကာ သင်တန်းဝင်ခွင့်များကို လက်ခံနေပြီဖြစ်ကြောင်းလည်း သိရသည်။

ယင်းသင်တန်းအား ကျိုလီယာ မွတ်စလင်မ် သာသနာ့ရန်ပုံငွေ အဖွဲ့မှ ဦးစီးသော အဖွားများသုခရိပ်သာ အမှတ်(၁) သုခလမ်း၊ ခ ရပ်ကွက် သင်္ဃကျွန်းမြို့နယ် ရန်ကုန်မြို့တွင် လူမျိုးဘာသာမရွေး တက်ရောက် သင်ကြားနိုင်သည်။

အဆိုပါအဖွဲ့မှဦးစီးပြီး အခြားသော စက်ချုပ်သင်တန်း၊ ကွန်ပျူတာသင်တန်း၊ အင်္ဂလိပ် စကားပြော သင်တန်းများကိုလည်း လူမျိုးဘာသာမရွေး သုံးလတစ်ကြိမ် ဖွင့်လှစ်လျှက်ရှိသည်။

August 13, 2015
လူမျိုး၊ဘာသာမရွေး တက်ရောက်နိုင်သည့် ပညာဒါန သင်တန်းများ သြဂုတ်လ ၃ ရက်နေ့တွင် ထပ်မံဖွင့်လှစ်မည်။

ဇူလိုင် ၂၈၊ ၂၀၁၅
M-Media
မိုးစက်

ရန်ကုန်။ ။ရန်ကုန်မြို့ သင်္ဃန်းကျွန်းမြို့နယ်တွင် ကျူလီယာ မွတ်စလင်သာသနာ့ ရန်ပုံငွေအဖွဲ့ မှ လူမျိုးဘာသာ မရွေး သင်ကြားနိုင်ရန် ဖွင့်လှစ်ထားသော ပညာဒါန သင်တန်းကျောင်းတွင် (၁၂) ကြိမ်မြောက် ပညာဒါန အခမဲ့ သင်တန်းများအား သြဂုတ်လ (၃) ရက်နေ့တွင် ဖွင့်လှစ်သွားမည်ဖြစ်ကြောင်း သိရသည်။

အဆိုပါသင်တန်းတွင် ကွန်ပျူတာနှင့် ပတ်သက်သည့် ဘာသာရပ်များဖြစ်သော Windows, Microsoft Office, PageMaker, CorelDraw, E-mail, Internet, Adobe Photoshop, Abdoe Illustrator,Abdoe Indesign, A+Hardware ၊ အင်္ဂလိပ်စာ သင်တန်းများဖြစ်သော Basic English Level 1,2, English 4 Skiills, IELTS(Prepartion Course) Grammar Foundation, English for Business နှင့် စက်ချုပ်-မော်တာသင်တန်းများကို အခမဲ့ သင်ကြားပေးသွားမည်ဖြစ်ကြောင်း သိရပါသည်။

ယင်းသင်တန်းအား ကျိုလီယာမွတ်စလင်မ် သာသနာ့ ရန်ပုံငွေအဖွဲ့မှ ဦးစီးသော အဖွားများ သုခရိပ်သာ အမှတ်(၁) သုခလမ်း၊ ခ ရပ်ကွက် သင်္ဃကျွန်းမြို့နယ် ရန်ကုန်မြို့တွင် လူမျိုးဘာသာ မရွေးတက်ရောက် သင်ကြားနိုင်ကြောင်းသိရှိရသည်။

ကျူလီယာ မွတ်စလင် သာသနာ့ ရန်ပုံငွေအဖွဲ့မှ ထိုသင်တန်းများအား သုံးလတစ်ကြိမ် ဖွင့်လှစ်လျှက်ရှိပြီး တစ်ကြိမ်တွင် သင်တန်းသူ သင်တန်းသားများ ၃၀၀ နီးပါး တက်ရောက်၍ ပညာများကို ဆည်းပူးလေ့ရှိကြောင်း သိရပါသည်။

အဆိုပါ ပညာဒါန သင်တန်းကျောင်းမှ သင်တန်းသူ သင်တန်းသား ၃၀၀၀ နီးပါးကို မွေးထုတ်နိုင်ခဲ့ပြီဖြစ်ကြောင်း သိရှိရသည်။

July 28, 2015
သင်တန်းသား ၃၀၀၀ ကျော်မွေးထုတ်ပြီးဖြစ်တဲ့ ကျူလီယာ မွတ်စလင်သာသနာ့ ရံပုံငွေအဖွဲ့ ၏ နဝမအကြိမ်မြောက် ပညာဒါန သင်တန်းဆင်းပွဲ

ဇန်နဝါရီ ၁၇၊ ၂၀၁၄
M-Media
သတင်း/ဓါတ်ပုံ- မိုးစက်
ကျူလီယာ မွတ်စလင်သာသနာ့ ရံပုံငွေအဖွဲ့ မှ လူမျိုး ဘာသာ မရွေး သင်ကြားနိုင်ရန် ဖွင့်လှစ်ထားသော ပညာဒါန သင်တန်းကျောင်းတွင် သင်တန်းသူ သင်တန်းသား ၃၀၀၀ နီးပါးကို မွေးထုတ်နိုင်ခဲ့ပြီဖြစ်

ရန်ကုန်။ ။ ရန်ကုန်မြို့ သင်္ဃန်းကျွန်း မြို့နယ်တွင် ကျူလီယာ မွတ်စလင်သာသနာ့ ရံပုံငွေအဖွဲ့ မှ လူမျိုးဘာသာ မရွေးသင်ကြားနိုင်ရန် ဖွင့်လှစ်ထားသော ပညာဒါနသင်တန်းကျောင်းတွင် သင်တန်းသူ သင်တန်းသား ၃၀၀၀ နီးပါးကို မွေးထုတ်နိုင်ခဲ့ပြီဖြစ်ကြောင်း န၀မအကြိမ်မြောက် သင်တန်းဆင်းပွဲတွင် ကျူလီယာ မွတ်စလင်သာသနာ့ ရံပုံငွေအဖွဲ့ မှ စာရင်းစစ်မှူး ဦးလှရွှေကပြောဆိုခဲ့သည်။

ယင်းမှ ဆက်လက်ပြီး “သင်တန်းကို အတတ်နိုင်ဆုံး ပြည့်စုံအောင် သင်ထောက်ကူ ပစ္စည်းတွေ စုံလင်အောင်လည်း ဖြည့်ဆည်း ပေးထားပါတယ်။ အလှူရှင်များရဲ့ ပံ့ပိုးကူညီမှုနဲ့ ပညာလိုလားတဲ့ လူငယ်တွေ အတွက် အခွင့်အလမ်းတွေ ရရှိအောင် အခုလိုသင်တန်းတွေကို ဖွင့်လှစ်ထားခြင်းဖြစ်ပါတယ်” ဟု သင်တန်းများ ဖွင့်လှစ်ရခြင်းနှင့် ပတ်သက်ပြီး ဆက်လက်ပြောဆိုခဲ့သည်။

ယင်းသင်တန်းကျောင်းတွင် ကွန်ပျူတာ သင်တန်း အခြေခံမှစတင်ကာ လုပ်ငန်းခွင် ဝင်နိုင်သည့် အတတ်ပညာများအထိ သင်ကြားပေးခြင်း၊ ထို့အပြင် စက်ချုပ်သင်တန်းအားလည်း အခြေခံမှစကာ ကိုယ်ပိုင်ဒီဇိုင်းမျာ တီထွင်ပြီး လုပ်ငန်း နယ်ပယ်တွင် ကျွမ်းကျင်သူများအဖြစ် ရပ်တည်နိုင်ရန်အတွက်မူ အဆင်မြင့် စက်ချုပ်ပညာများကိုပါ သင်ကြားပို့ချလျှက်ရှိသည်။ ၎င်းသင်တန်းများအပြင် အင်္ဂလိပ်စာ သင်တန်းများကိုလည်း စနစ်တကျ အခြေခံမှစကာ အဆင်မြင့်အတန်းများထိ ပို့ချလျှက်ကြောင်း သိရပါသည်။

“ကျွန်တော်အခုဒီသင်တန်းက ဆင်းပြီးတော့ လုပ်ငန်းခွင်ဝင်ဖို့ ကျွန်တော် ပညာတစ်ခုကို တတ်မြောက်နေပါပြီ။ ဒီမှာဆရာတွေကလည်း စိတ်ရှည်လက်ရှည်နဲ့ သင်ကြားပေးတယ်။ အခုလိုကျွန်တော်တို့ကိုပညာတွေ ဆည်းပူးခွင့်ပေးတဲ့ ဒီအဖွဲ့ကိုလည်း ကျေးဇူးတင်မိပါတယ်” ဟု နဝမအကြိမ်မြောက် သင်တန်းဆင်း ကွန်ပျူတာသင်တန်းမှ ကျောင်းသားတစ်ဦးက ပီတိစကားဆိုခဲ့သည်။

ထိုသင်တန်းတွင် အင်္ဂလိပ်စာ သင်တန်းအား ပို့ချသင်ကြားလျှက်ရှိသော ဆရာဦးသန်းအောင်ကလည်း လူငယ်များအနေနှင့် ယနေ့ခေတ်တွင် ပညာရပ်တစ်ခုကို တတ်မြောက်မှ စိန်ခေါ်မှုရှိသည့် လူ့အဖွဲ့အစည်း အလယ်တွင် ရပ်တည်နိုင်မည်ဖြစ်ပြီး အခုလိုအထောက်အကူပြုတဲ့ သင်တန်းတွေကိုတက်ရောက်ပြီး လက်တွေ့နယ်ပယ်မှာ ကောင်းမွန်စွာ အသုံးချနိုင်ရင် အလွန်ကောင်းမွန်ကြောင်း ပြောပါသည်။

ကျူလီယာမွတ်စလင်သာသနာ့ရန်ပုံငွေအဖွဲ့မှ ထိုသင်တန်းများအား သုံးလတစ်ကြိမ် ဖွင့်လှစ်လျှက်ရှိပြီး တစ်ကြိမ်တွင် သင်တန်းသူ သင်တန်းသားများ ၃၀၀ နီးပါးတက်ရောက်၍ ပညာများကိုဆည်းပူးလေ့ရှိကြောင်း သိရသည်။

January 18, 2015
လူမျိုး/ဘာသာမရွေး တက်နိုင်သည့် တက္ကသိုလ်ဝင်တန်း ပညာဒါန သင်တန်း ကျိုလီယာ မွတ်စလင် အသင်းမှ ဖွင့်လှစ်မည်

စက်တင်ဘာ ၅၊ ၂၀၁၄
M-Media
လမင်း

၂၀၁၄-၂၀၁၅ ပညာသင်နှစ် တက္ကသိုလ်ဝင်တန်း (၁၀-တန်း) ဖြေဆိုမည့် ကျောင်းသားကျောင်းသူများအတွက် ပညာဒါန သင်တန်းတစ်ရပ်ကို ကျိုလီယာ မွတ်စလင်မ်သာသနာ့ ရန်ပုံငွေအဖွဲ့မှ ဖွင့်လှစ်မည် ဖြစ်ကြောင်း သိရသည်။

၎င်းတက္ကသိုလ်ဝင်တန်း ပညာဒါနသင်တန်းအတွက် မည်သည့်ငွေကြေးတစ်စုံတစ်ရာမှ ပေးဆောင်ရန်မလိုအပ်ပဲ ၀ါရင့်ဆရာ/ဆရာမများမှ သင်ကြားပို့ချပေးမည်ဖြစ်ပြီး၊ ၁၀-တန်းအတွက် ငွေကြေးအခက်အခဲရှိနေသော ကလေးငယ်များ အဆင်ပြေစေရန်နှင့် သင်္ဃန်းကျွန်းမြို့နယ်အတွင်းမှ မဟုတ်ဘဲ မည်သည့်ဒေသတွင် နေထိုင်သည်ဖြစ်စေ လူမျိုးဘာသာမရွေး တက်ရောက်နိုင်စေရန် ရည်ရွယ်ဖွင့်လှစ်ခြင်းဖြစ်ကြောင်း ကျိုလီယာမွတ်စလင်မ်သာသနာ့ရန်ပုံငွေအဖွဲ့မှ ဟာဂျီဦးလှဋ္ဌေးက ပြောသည်။

အဆိုပါ သင်တန်းအား တစ်ပတ်လျှင် ၆-ရက်ဖြင့် နေ့လည် ၁း၃၀ နာရီမှ ညနေ ၆း၀၀ နာရီအထိ တက်ရောက်ရမည်ဖြစ်ပြီး၊ အမှတ်(၁)၊ သုခလမ်း၊ ခ-ရပ်ကွက်၊ သင်္ဃန်းကျွန်းမြို့နယ်၊ ရန်ကုန်မြို့တွင် ဖွင့်လှစ်မည်ဖြစ်သည်။

သင်တန်းကိစ္စနှင့် ပတ်သက်၍ သိလိုသည်များရှိပါက ၀၁-၅၇၇၄၇၃၊ ၀၁-၈၅၅၁၁၉၁၊ ၀၉-၂၅၉၂၉၁၅၅၃၊ ၀၉-၂၅၉၂၉၁၅၅၄၊ ၀၉-၃၂၃၄၃၀၂၄၊ ၀၉-၇၃၁၃၇၅၃၂ တို့သို့ ဆက်သွယ်နိုင်ကြောင်း သိရသည်။

September 5, 2014