News @ M-Media

Tag: Cholia Muslim Religious Fund

  • လူမျိုး/ဘာသာ မခွဲခြားဘဲ လက်ခံ သင်ကြားပေးတဲ့ ပညာဒါန သတ္တမ အကြိမ်မြောက် သင်တန်းဆင်းပွဲ ကျင်းပ

    ဇွန် ၂၄၊ ၂၀၁၄
    M-Media
    ဆူးထက်

    ဘာသာပေါင်းစုံ လူငယ်များ အလုပ်အကိုင် အခွင့်အလမ်းအတွက် ပညာဒါန သင်တန်းများ ဖွင့်လှစ် နေသော ကျိုလီယာ မွတ်စလင်(မ်) သာသနာ့ ရံပုံငွေ အဖွဲ့

    ff36308ba1496f8c43c87747d0667a42bbbf7d29038ed01518bd528bbd9d2c66

    မြန်မာနိုင်ငံအတွင်းရှိ ဘာသာပေါင်းစုံ လူငယ်လူရွယ်များ အလုပ်အကိုင် အခွင့်အလမ်းများ လွယ်ကူ ချောမွေ့စေရေးအတွက် ရည်ရွယ်၍ ကျူလီယာ မွတ်စလင် သာသနာ့ ရံပုံငွေ အဖွဲ့မှ စဉ်ဆက် မပြတ် ပညာဒါန သင်တန်းများ ဖွင့်လှစ်သင်ကြားပေးရာ ဇွန်၂၂ ရက်နေ့က သင်တန်းဆင်းပွဲ ကျင်းပခဲ့ကြောင်း သိရသည်။

    “အလုပ်ရှင်တွေ၊ အထည်ချုပ်၊ ကုမ္ပဏီတွေနဲ့ ကျွန်တော်တုိ့ ဆက်သွယ်ထားတယ်။ ဥပမာ အပ်ချုပ် သင်တန်း ၃လပြီးရင် တစ်လကို ၈ သောင်းနဲ့ ၀င်ဝင်ချင်း အလုပ်ရတယ်။ သင်တန်းတက်နေရရင်းနဲ့ အလုပ်ရသွားတာတွေလည်း ရှိတယ်။ သင်တန်းတစ်ခေါက်ပြီးတိုင်း တအားဝမ်းသာမိတယ်။ အိုးမကွာ၊ အိမ်မကွာနဲ့ မိသားစုနဲ့အတူ နိုင်ငံ မခြားဘဲ နေထိုင်ပြီး စိတ်ချမ်းမြေ့စွာ စားနိုင်သောက်နိုင် ဖို့ပါပဲ” ဟု ကျိုလီ ယာ မွတ်စလင်(မ်) သာသနာ့ ရံပုံငွေအဖွဲ့မှ ဟာဂျီ ဦးလှဌေး (အတွင်းရေးမှူး) က ပြောသည်။

    ညီမ ၁၂ နှစ်သမီး အရွယ်ထဲက အထည်ဆိုင်တွေမှာ အရင်က လခ တစ်သောင်း၊တစ်သောင်းခွဲ ထဲက စလုပ်ခဲ့တာ။ အခု ဒီသင်တန်း မတက်ခင် အထိ လခ ၃သောင်းခွဲကျော်၊ လေးသောင်းထိ ရပါတယ်။ လမ်းစရိတ် ပေးပေမယ့် ထမင်းချိုင့် ထည့်ရသေးတာဆိုတော့ မိသားစု စားဝတ်နေရေး မပြေလည်ပါဘူး။ မောင်နှမ ၃ယောက်မှာ အလတ်ပါ။ အဖေ မရှိတော့ပါဘူး။ အတန်းပညာက ၆ တန်းပဲ ရှိတာမို့ စက်ချုပ် သင်တန်း လာတက်ပြီး အလုပ်ကောင်းကောင်း ရအောင် ကြိုးစားပါတယ်” ဟု အသက် ၂၁ နှစ် အရွယ် သင်္ဃန်းကျွန်းမြို့နယ်နေ ဟိန္ဒူ ဘာသာဝင် မထက်ထက်က ဆိုသည်။

    ယင်းအပြင် အသက် ၃၃နှစ် အရွယ် ခရစ်ယာန်ဘာသာဝင် သီလရှင် မအေးအေးမော်က သူမ အနေနှင့် ကွန်ပျူတာ ၀ါသနာပါ၍ Level 1 to 4 အထိ လာရောက် သင်ယူခဲ့ခြင်း ဖြစ်ကြောင်း၊ ဘုရား ကျောင်းမှာ ပါဝါပွိုင့် အသုံးပြုခြင်း၊ သီချင်း၊ ဓာတ်ပုံ ဒီဇိုင်နာများ ပြုလုပ်ရာတွင် အသုံးဝင်ကြောင်း၊ ပညာဒါန ဆိုသော်လည်း အလကား သင်ပေးတာဆိုပြီး အဖြစ်သဘောမျိုး သင်ကြားပေးခြင်း မဟုတ်ဘဲ သင်ရိုးညွန်း တမ်းနဲ့ စစည်းစနစ်ကျကျ သင်ပေးကြောင်း သူငယ်ချင်းတွေထဲမှာ သင်တန်းပြီးသွားလို့ အလုပ်ရှာတဲ့ အခါ မှာလည်း ဒီအဖွဲ့အစည်းက လူကြီးတွေနဲ့ ဆရာ ဆရာမတွေက ၀ိုင်းကူရှာပေးတာ တွေ့ရတဲ့အတွက် အများ ကြီး ၀မ်းသာမိကြောင်း ပြောသည်။

    အဆိုပါ အခမ်းအနားတွင် အပ်ချုပ်သင်တန်း စာမေးပွဲ ဖြေရာရာ၌ ထူးချွန်သူများအား ရွေးချယ်၍ ဆုပေးရာ ပထမဆု ရရှိခဲ့သော အသက် ၄၂ နှစ်အရွယ် ဘောတနီ ဘွဲ့ရ တရုတ်လူမျိုး ဗုဒ္ဓဘာသာဝင် မစိုးစိုးခင်က ဒီသင်တန်းတွေဟာ မိခင်ရ င်ခွင်ထဲက ထွက်လာပြီး မိမိဘ၀ကို ရပ်တည် လျှောက်လှမ်းနိုင်ဖို့ အပင်လေး ရှင်သန်ဖို့ မျိုးစေ့ချကာ မြေတောင်မြှောက်ပေးခဲ့တာပါ။ ဒီမှာရှိတဲ့ လူကြီးတွေနဲ့ ဆရာတွေက ကိုယ့်ဘာသာ လူမျိုးတွေပဲ တက်မြောက်ရမယ်ဆိုတဲ့ ကျောသားရင်သား ခွဲခြားမှု မရှိဘဲ တကယ် တတ် မြောက်တဲ့ အထိ စေတနာထားပြီး သင်ပေးတယ်”ဟု ဆိုသည်။

    ယင်း သတ္တမ အကြိမ်မြောက် သင်တန်းဆင်းပွဲ အခမ်းအနားတွင် ကွန်ပျူတာ သင်တန်း ၁၅၆ ယောက်၊ စက်ချုပ်သင်တန်း ၇၅ ယောက်၊ မော်တာ ၂၄ ယောက်အား သင်တန်းအောင်လက်မှတ်များ ချီးမြှင့်ခဲ့သည်။

    ဆက်လက်၍ လာမည့် ဇူလိုင်လ (၁)ရက်နေ့တွင် အဋ္ဌမ အကြိမ်မြောက် သင်တန်းဖွင့်လှစ်မည်ဖြစ် ရာ ပုံမှန် သင်တန်းများအပြင် ပထမဆုံးအကြိမ်မြောက် အင်္ဂလိပ်စကားပြော သင်တန်းပါ ထပ်တိုးချဲ့ ဖွင့်လှစ်မည် ဖြစ်ရာ ယနေ့မှ စ၍ စာရင်းပေးသွင်း နိုင်မည်ဖြစ်ကြောင်း သိရသည်။

  • ကျိူလီယာ မွတ်စလင် အသင်းရဲ့ လူမျိုးဘာသာမခွဲခြားတဲ့ ပညာဒါန သင်တန်းဆင်းပွဲ အခမ်းအနားကျင်းပ

    နိုဝင်ဘာ ၂၃.၂၀၁၃
    M-Media
    A.N.Lay

    ကျိုလီယာမွတ်စလင်မ် သာသနာ့ရန်ပုံငွေအဖွဲ့၏ လူမျိုး/ဘာသာမခွဲခြားသော ပညာဒါန ကွန်ပျူတာနှင့် စက်ချုပ် သင်တန်းဆင်းပွဲ အခမ်းအနားကျင်းပ

    DSC01206a
    ရန်ကုန်။ ။ ရန်ကုန်မြို့ ကျိုလီယာမွတ်စလင်မ် သာသနာ့ ရန်ပုံငွေအဖွဲ့မှ ဦးဆောင်၍ ပြုလုပ်သော ပဉ္စမအကြိမ် ကွန်ပျူတာနှင့် စက်ချုပ်သင်တန်း လူမျိုး/ဘာသာမခွဲခြားသော ပညာဒါန သင်တန်းဆင်းပွဲအခမ်းအနားကို နံနက် ၉း၃၀ အချိန်တွင် သင်္ဃန်းကျွန်းမြို့နယ် ကျိုလီယာမွတ်စလင်မ် သာသနာ့ရန်ပုံငွေအဖွဲ့ ခန်းမ၌ပြုလုပ်ခဲ့ကြောင်းသိရှိရသည်။

    ကုန်အာန်ကျမ်းတော်မြတ် ရွတ်ဖတ်၍ အခမ်းအနားအား ဖွင့်လှစ်ခဲ့ပြီးနောက် ကွန်ပျူတာသင်တန်း level 1.2.3၊ Advance Excel နှင့် စက်ချုပ်သင်တန်းမှ ဆုရရှိသူများနှင့် အောင်မြင်သူများကို ဆုများအသီသီးချီးမြှင့်ခဲ့သည်။

    ၎င်းနောက် ဆရာတော်တစ်ဦးကလည်း “ဦးဇင်းက ကွန်ပျူတာကို အရမ်းစိတ်ဝင်စားလို့ လှိုင်သာယာနေတောင် ဒီအထိ ကြိုးကြိုးစားစားနဲ့ လာတက်တာပါ။ အဲဒီလို တက်လို့ရအောင်သင်တန်းကိုဖွင့်ပေးတဲ့ ကျိူလီယာမွတ်စလင် သာသနာ့ ရန်ပုံငွေအဖွဲ့မှ ဆရာများ ကွန်ပျူတာဘာသာရပ်ကို လူမျိုးမရွေး၊ ဘာသာမရွေး သင်ကြားပေးတဲ့ ဆရာများ၊ သင်တန်းမှဦးဇင်း မသိတာတွေ ပြောပြပေးတဲ့ ဆရာများအားလုံးကို ကျေးဇူးတင်ပါတယ်” ဟု ပြောကြားခဲ့သည်။

    ဆက်လက်၍ ကျိူလီယာ မွတ်စလင်မ် သာသနာ့ရန်ပုံငွေ အဖွဲ့မှ တာဝန်ရှိသူတစ်ဦးကလည်း ယခုလို ပဉ္စမ အကြိမ်မြောက် သင်တန်းကို အောင်အောင်မြင်စွာပြီးဆုံးသွားသည့်အတွက် အလွန်ဝမ်းမြောက်မိကြောင်း၊ ယခုအချိန်ထိ့ သင်တန်းသား သင်တန်းသူ ၁၅၀၀ ကျော်ကို အောင်မြင်စွာဖြင် မွေးထုတ်ပေးလိုက်ရသည့် အတွက် ပီတိဖြစ်မိကြောင်း၊ အောင်မြင်သွားသည့် ကျောင်းသား၊ ကျောင်းသူများအား ကွန်ပျူတာနှင့် ပတ်သက်သည့် လုပ်ငန်းများနှင့် အထည်ချုပ်ကုမ္ပဏီများဘက်မှ အလုပ်ခန့်ရန် ကမ်းလှမ်းထားသည်ဟု သိရကြောင်း၊ ယခုကဲ့သို့ သင်တန်းသားများ မိမိ၏ခြေထောက်ပေါ်သို့ ရပ်တည်နိုင်သည်ဟု သိရသည့်အတွက် အလွန်ဝမ်းမြောက်မိပါကြောင်း ပြောကြားခဲ့သည်။

    ၎င်းနောက်အဆိုပါ အခမ်းအနားကို နံနက် ၁၁ နာရီခန့်တွင် တောင်းဆုဒိုအာ ဖြင့်ရုပ်သိမ်းခဲ့ပြီး အခမ်းအနားသို့တက်ရောက်သူ ဦးရေမှာ ကျောင်းသားနှင့် မိဘများ စုစုပေါင်း ၄၀၀ ခန့်ရှိကြောင်းသိရှိရသည်။

    ဓါတ်ပုံများ Facebook တွင် ကြည့်ရန် Click Here

  • ကျိုလီယာ မွတ်စလင်မ် သာသနာ့ ရန်ပုံငွေအဖွဲ့၏ ပဉ္စမ အကြိမ်မြောက် ဘာသာပေါင်းစုံ ပညာဒါန ကွန်ပျူတာနှင့် စက်ချုပ်သင်တန်းဆင်းပွဲ အခမ်းအနား

    သြဂုတ်လ ၁၆၊ ၂၀၁၃
    M-Media
    ဆူးထက်

    P8160196

    ရန်ကုန် ။        ။ ကျိုလီယာ မွတ်စလင်မ် သာသနာ့ ရန်ပုံငွေအဖွဲ့၏ ပဉ္စမ အကြိမ်မြောက် ဘာသာပေါင်းစုံ ပညာဒါန ကွန်ပျူတာနှင့် စက်ချုပ်သင်တန်းဆင်းပွဲ အခမ်းအနားကို သင်္ဃန်းကျွန်းမြို့နယ်ရှိ အဘွားများရိပ်သာတွင် နံနက် ၉နာရီမှ ၁၂နာရီထိ ကျင်းပပြုလုပ်ခဲ့ကြောင်း သတင်းရရှိသည်။

    အဆိုပါ အခမ်းအနားတွင် ကျိုလီယာ ဗလီဥက္ကဌ ဟာဂျီ ဂျမားလ်(ခ) အက်စ်အမ် ဦးအောင်သိန်းမှ ” ငွေကြေးကို အဓိက မထားဘဲ စိတ်ရင်းစေတနာနဲ့ မြို့ထဲကနေ ဒီနေရာထိကို မငြီးမငြူ လာရောက်ပြီး စိတ်အားထက်သန်စွာ သင်ကြားပေးတဲ့ ဆရာမတွေကို  အထူးပဲကျေးဇူးတင်ရှိပါတယ်။ သင်ယူကြတဲ့ ကျောင်းသား ကျောင်းသူများနဲ့တကွ လိုအပ်သမျှကို ကူညီပေးကြတဲ့ ကျေးဇူးတင်ထိုက်သူ အားလုံးကို ကျေးဇူးတင်ရှိပါတယ်။ ဒီနေ့က သင်တန်းသား သင်တန်းသူတွေကို အောင်လက်မှတ်ချီးမြှင့်တဲ့ ပွဲပါ။ ကျွန်တော်တို့

    စိတ်ကောင်းစေတနာထားပြီး ကျယ်ကျယ်ပြန့်ပြန့် ဆောင်ရွက်တဲ့အပေါ်မှာ ဒီနေရာနဲ့ဝေးတဲ့ ရန်ကုန်မြို့ နေရာတော်တော်များများကနေ သင်တန်း လာရောက်တက်ကြတဲ့ အထိ ဖြစ်လာပါတယ်” ဟု ထည့်သွင်းပြောကြားခဲ့သည်။

    ဗုဒ္ဓဘာသာဝင် အသက်၂၄နှစ်အရွယ် မဆုရည်ဖြိုးက ” ကျွန်မနေတာကတော့ သင်္ဃန်းကျွန်း ဘုရားလမ်းကပါ။ ဒီမှာ စက်ချုပ်သတင်တန်းအောင်သွားပါပြီ။ ဆက်ပြီးတော့ မော်တာ သင်တန်းတက်ဖို့ ဖောင်တင်ထားပြီးပါပြီ။ အရင်တုန်းကတော့ ကျွန်မက ဒန်အိုးစက်မှာ အလုပ်လုပ်တာပါ။

    အလုပ်လုပ်ရင်းနဲ့ အချိန်ပိုင်း စက်ချုပ်သင်တန်းလာတက်တာပါ။ နောက်ပိုင်း ပညာစုံပြီဆိုရင် အိမ်မှာပဲ အပ်ချုပ်ဆိုင် ဖွင့်တာပဲ ဖြစ်ဖြစ်၊ အထည်ချုပ် စက်ရုံမှာ ၀င်အလုပ်လုပ်တာပဲ ဖြစ်ဖြစ် အဆင်ပြေမယ်ထင်တာကို ရွေးချယ်လုပ်သွားဖို့ အစီအစဉ်ရှိပါတယ်။ ကျွန်မအနေနဲ့ ခုဆိုရင် အသက်မွေးဝမ်းကြောင်း အနေနဲ့ ပညာတစ်ခု တတ်မြောက်တဲ့အေပါ် အရမ်းဝမ်းသာ ပီတီ ဖြစ်ရပါတယ်။ အဲဒီအတွက် ခုလို သင်တန်းစီစဉ်ဆောင်ရွက်ပေးတဲ့ လူကြီးတွေ၊ တာဝန်ရှိသူတွေ၊ ဆရာမတွေ အားလုံးကို အထူးကျေးဇူးတင်ရှိပါတယ်” ဟု M-Media သို့ပြောသည်။

    ဟိန္ဒူဗုဒ္ဓဘာသာဝင် အသက်၃၀ကျော်အရွယ်ရှိ မလှလှခိုင်ကလည်း ” ဒီမှာပဲ စက်ချုပ်သင်တန်းအောင်ထားလို့ မော်တာသင်တန်း လာတက်တာပါ။ ခုမော်တာသင်တန်း အောင်ပါတယ်။ အလုပ်အတွက်က ဒီသင်တန်းမှာ အလုပ်လုပ်ချင်တယ်လို့ ပြောထားပါတယ်။

    P8160250

    ဒီစက်ချုပ်ပညာနဲ့ပဲ စားဝတ်နေရေး အတွက် တစ်ဖက်က မိသားစုကို ၀င်ငွေရအောင် ရှာပေးချင်လို့ပါ။ အရင်တုန်းက ကျွန်မဘာအလုပ်မှ မလုပ်တတ်လို့ အိမ်မှာပဲ အိမ်အလုပ် နေတာပါ။ ကျွန်မ စက်ချုပ်သင်တန်းကို တက်ရောက်ရတဲ့ အတွက် သင်တန်းကာလ တစ်လျှောက်လုံး ၀မ်းသာ ပျော်ရွှင်နေတာပါ။ ကျွန်မ အိမ်မှာ နေရင်း စိတ်ကူး မျှော်လင့်ခဲ့တဲ့ မျှော်မှန်းချက်တွေဟာ ဒီကနေ့ ဘ၀မှာလက်တွေ့ အကောင်အထည် ပေါ်လာတာပါ။ ကျွန်မရင်ထဲမှာ စက်ချုပ် သင်တန်း တက်ချင်တဲ့ ဆန္ဒရှိခဲ့တာ တော်တော်ကြာပါပြီ။ အကြောင်းအမျိုးမျိုးကြောင့် အိမ်က အဆင်မပြေတဲ့ အတွက် မတက်ဖြစ်ခဲ့ဘူး။ ဆရာမတွေကလည်း ဆရာစားမချန် ကျွန်မတို့ကို တက်မြောက်စေချင်တဲ့ စေတနာအရင်းခံနဲ့ တစ်ခု မကျန်သင်ပေးပါတယ်။ ကျွန်မလေ လူကြီးတွေနဲ့ ဆရာမတွေ အားလုံးကို စိတ်ထဲမှာ ကျေးဇူးတင်တယ်။ ဘုရားဆီမှာလည်း ဆုတောင်းတယ် ” ဟုM-Media  သို့ပြောသည်။

    ” ကျွန်တော်က အခု ပထမနှစ် မြန်မာစာ အဝေးသင်တက်နေတာပါ။ ခု ကွန်ပျူတာ Level 1 သင်တန်းအောင်မြင်ပါတယ်။ ထပ်ပြီး Level 2 ထပ်တက်အုန်းမှာပါ။ ကျွန်တော် ကွန်ပျူတာပညာကို တတ်မြောက်ထားတော့ အလုပ်အကိုင် ကောင်းမယ်လို့ မျှော်လင့်ထားပါတယ်။ ကျွန်တော် ဒီအဖွဲ့အစည်းကို အရမ်းကျေးဇူးတင်ပါတယ်။ ကျွန်တော် ဒီသင်တန်း တက်ခဲ့တဲ့ သုံးလတာ ကာလမှာ ဘာသာပေါင်းစုံက ညီအကို မောင်နှမတွေနဲ့ ရင်းနှီး ခင်မင်မူ ရပါတယ်။ စည်းစည်းလုံးလုံးနဲ့ ပျော်ရွှင်စွာ တက်ခဲ့ရတာပါ ” ဟု သာကေတ မြို့နယ်မှ တက်ရောက်သော သင်တန်းသားတစ်ဦးဖြစ်သူ ကိုကျော်လင်းအောင်က  M-Media သို့ပြောသည်။

    ကျိုလီယာ မွတ်စလင်မ် သာသနာ့ ရန်ပုံငွေအဖွဲ့မှ တွဲဖက် အတွင်းရေးမှူး ဦးလှဌေး က ” ပိုက်ဆံ မတတ်နိုင်တဲ့ ကလေးတွေဟာ အခြားကလေးတွေလို ပညာမတတ်ပဲနဲ့ ကျန်ခဲ့တာကို ကျွန်တော်တို့ မလိုလားဘူး။ ပိုက်ဆံမရှိလို ဒီပညာကို မသင်လို့ရဘူး၊ မတတ်ဘူး ဆိုတာမျိုး မရှိအောင် ကျွန်တော်တို့ စတင် အကောင်အထည်ဖော် ဆောင်ရွက်ခဲ့တာပါ။ မည်သည့်လူမျိုး၊ မည်သည့် ဘာသာဝင် ဖြစ်စေ လူငယ်တိုင်းသည် ပညာတတ်ရမယ်။ ဒီခေတ်ကြီးမှာ ပညာမတတ်ရင် သူများနောက်ကောက်ကျန်ခဲ့မယ်။ လူညွှန့် တုံးမယ်လို့ ကျွန်တော်တို့ ယူဆတယ်။ ကွန်ပျူတာ သင်တန်းကို စာရွက်စာတမ်း၊ သင်ရိုးညွှန်းတမ်းက အစ ဘာမှ ကုန်ကျစရာ မလိုဘူး။ ပြီးသွားရင် အရည်အချင်း စစ်ပြီ ပြည့်မှီမှ အောင်လက်မှတ်ထုတ်ပေးတယ်။စက်ချုပ်သင်တန်းအောင်သွားတဲ့ သူတွေဆိုရင်လည်း အလုပ်လုပ်ဖို့ ကမ်းလှမ်းလာတဲ့ အလုပ်ရှင်တွေရောက်လာပါတယ်။

    ဒီသင်တန်းကို စခဲ့တာ တစ်နှစ်ပတ်လည် ဖြစ်နေပါပြီ။ ဒါက ငါးကြိမ်မြောက် သင်တန်းဆင်းပွဲပါ။ ဒီကလေးတွေရဲ့ ဘ၀လမ်းကြောင်း အမှန်ပေါ် ရပ်တည်ပြီး မိသားစုကို တစ်ဖက်က ၀င်ငွေရှာပေးတဲ့သူ၊ ကိုယ်ဘ၀ကို ကိုယ်ရပ်တည်နိုင်တဲ့သူတွေ ဖြစ်ဖို့က ကျွန်တော်တို့ ရည်ရွယ်ချက်ပါ။ ဒီထက်မက ဆက်လက် ကြိုးစားသွားရင် သူတို့ရဲ့ ဘ၀နောင်ရေးအေးချမ်းမယ်လို့ မျှော်လင့်ချက်ထားတယ်။ ခုသြဂုတ်လ ၁၉ရက်နေ့ကို နောက်တစ်ကြိမ် ထပ်ဖွင့်မှာ ဖြစ်တယ်။

    နောက် လူမျိုးမရွေး၊ ဘာသာမရွေး၊ အထွေထွေ ရောဂါကု အတွက် ဆေးခန်းဖွင့်ဖို့ ကြိုးစားဆောင်ရွက်နေပါတယ်။ အခု လက်ရှိ ဆောင်ရွက်ပြီးစီးခဲ့တာက သာကေတာမြို့နယ် တစ်ခုလုံးမှာရှိတဲ့ စာသင်ကျောင်း ၄၉လုံးကို ကလေးတွေရဲ့ ကျန်းမာရေးအတွက် ရေသန့်စက် တပ်ပေးခဲ့ပါတယ်။ သာကေတမြို့နယ်မှာပဲရှိတဲ့ ဘုန်းတော်ကြီးကျောင်း နှစ်ကျောင်းကို ရေသန့်စက် တပ်ပေးခဲ့ပါတယ်။ တွန်းလှည်းနဲ့ရေ ၀ယ်ရတဲ့ ဘုန်းကြီးကျောင်းကို အ၀ီစီ ပေ ၅၀၀အနက် တူးပေးပါတယ်။ ရေမော်တာ တပ်ဆင်ပေးပါတယ်။ နောက်ထပ်ပြီး  သင်္ဃန်းကျွန်းမြို့နယ်မှာလည်း လုပ်ပေးဖို့ ကြိုးပမ်းဆောင်ရွက်နေပါတယ်” ဟု M-Media သို့ပြောသည်။

    အဆိုပါ သင်တန်းကျောင်းတွင် သင်ကြားပေးနေသော ကွန်ပျူတာ ဆရာမများဖြစ်သည့် ဒေါ်သန္တာကြည်နှင့် ဒေါ်ဝင်းသူဇာတင် တို့က ”  ပညာဒါနကျောင်းဆိုတော့ ကိုယ်တတ်ထားတဲ့ ပညာကို ပြန်လည် မျှဝေရတဲ့ အတွက် ကုသိုလ်လည်းရတယ်။ ကလေးတွေကို လူမျိုး ဘာသာမရွေး တက်မြောက်စေချင်တယ်၊ ထူးချွန်စေချင်တဲ့ စေတနာကို အရင်းခံပြီး တင်ပေးတာပါ။ အီးမေးလ်၊ အင်တာနက်လည်း သင်ပေးပါတယ် ” ဟု M-Media သို့ပြောသည်။

    P8160277

    ” ဆရာမက ဒေါ်နီလာဝင်းပါ။ ဒီကျောင်းမှာ စက်ချုပ်သင်ကြားပေးပါတယ်။ သင်တန်းစဖွင့်ထဲက သင်ပေးနေတာဆိုတော့ ခုဆို တစ်နှစ်ခွဲလောက်ရှိပါပြီ။ ဆရာမအနေနဲ့ လူမျုိး ဘာသာမရွေး၊ ဆင်းရဲ ချမ်းသာမရွေး အားလုံးကို တန်းတူ ထားတယ်။ သူတို့လေးတွေကို ပညာကို အပြည့်အ၀ သင်ပေးပါတယ်။ မိန်းကလေးတွေကို အလုပ်လက်မဲ့ မဖြစ်စေချင်ဘူးလေ။ အဲဒီအတွက်ပါ။ ဒီကိုလာသင်တဲ့ ကလေးတွေ အားလုံးဟာလည်း တကယ်ပညာလိုချင်တဲ့ ကလေးတွေ ဖြစ်တော့ သင်ပေးရတာ အားရှိပါတယ် ” ဟု M-Media သို့ပြောသည်။

    အဆိုပါ ကျိုလီယာ မွတ်စလင်မ် သာသနာ့ ရန်ပုံငွေ အဖွဲ့သည် အမှတ် (၁၆၁)၊ မောင်ထော်လေးလမ်း၊ ပန်းပဲတန်းမြို့နယ်၊ ရန်ကုန်မြို့တွင် တည်ရှိပြီး သက်ကြီးရွယ်အို များအား ထောက်ပံ့ကူညီခြင်း၊ လူမျိုးဘာသာမရွေး ကျောင်းသား (၂၀၀)ကျော်အား ပညာသင် ထောက်ပံ့ကြေးပေးခြင်း၊ လူမျိုးဘာသာမရွေး စက်ချုပ်သင်တန်း၊ ကွန်ပျူတာ သင်တန်းများ ပြုလုပ်သင်ကြားပေးခြင်း၊ ဆင်းရဲနွမ်းပါး သူများ၏ ကျန်းမာရေးကြောင့် ဆေးရုံ တက်သည့် အခါတွင် ဆေးရုံစရိတ် မတတ်နိုင်သူများအား ဆေးရုံတက်သည်မှ ပြန်ဆင်းသည့် အချိန်ထိ ကုန်ကျစရိတ် ထောက်ပံ့ကူညီပေးခြင်း များကို နှစ်စဉ် နှစ်တိုင်း တစ်နှစ်ပတ်လုံး ပုံမှန် လည်ပတ် ဆောင်ရွက်လျက် ရှိကြောင်း သိရသည်။ ၎င်းအဖွဲ့ကို ၁၉၇၂ခုနှစ်တွင် တည်ထောင်ဖွဲ့စည်းခဲ့ခြင်း ဖြစ်ကြောင်း သိရသည်။

  • ကျိုလီယာ မွတ်စလင်မ် သာသနာ့ရံပုံငွေ အဖွဲ့ ပညာဒါန သင်တန်းများ ဖွင့်လှစ်နေ

    သြဂုတ် ၃၊ ၂၀၁၃
    M-Media
    လင်းဆက်

    03-08-2013
    ရန်ကုန် ။ ။ ရန်ကုန်တိုင်း ကျိူလီယာ မွတ်စလင်မ် သာသနာ့ ရံပုံငွေအဖွဲ့၏ ပညာဒါန အဖြစ် ကွန်ပျူတာ သင်တန်းနှင့် စက်ချူပ်သင်တန်းကို ၂၆.၃.၂၀၁၃ မှစတင်ပြီး(၃)လ တစ်ကြိမ် ဖွင့်လှစ်နေပြီဖြစ်ကြောင်း သိရသည်။

    အဆိုပါသင်တန်းသည် ၃-လ တစ်ကြိမ်နှုန်းဖြင့် ကွန်ပျူတာသင်တန်းအတွက် တန်းခွဲတစ်ခုတွင်(၂၄)ဦးဖြင့် နေ့စဉ်တန်းခွဲ(၅)ခုနှင့် စက်ချုပ်သင်တန်း အတွက် တန်းခွဲတစ်ခုလျှင် သင်တန်းသား(၅၀)ဦးဖြင့် နေ့စဉ်တန်းခွဲ(၄)ခု သင်ကြားပေးလျက် ရှိသည်။ ယခု ကွန်ပျူတာ သင်တန်း (အမှတ်စဉ်-၆)နှင့် စက်ချုပ်သင်တန်း(အမှတ်စဉ် -၅)ကို (၁၉.၈.၂၀၁၃) တွင်စတင် ဖွင့်လှစ်မည်ဖြစ်ကြောင်းနှင့် လူမျိုးမရွေး ဘာသာမရွေး တက်ရောက်နိုင်ကြောင်းလည်း ထပ်မံသိရသည်။

  • ကျူလီယာ မွတ်စလင်မ် ရန်ပုံငွေ အဖွဲမှ စံပြဆေးရုံသို့ ၃၇ သိန်းကျော်ဖိုး ဆေးပစ္စည်းများ လှူဒါန်း

    ဇူလိုင် ၂၈၊ ၂၀၁၃
    M-Media
    ဆူးထက်

    သင်္ဃန်းကျွန်းစံပြဆေးရုံသို့ ကျူလီယာ မွတ်စလင်မ်သာသနာ့ ရန်ပုံငွေအဖွဲ့မှ ကျောက်ကပ်ရောဂါဆိုင်ရာ ဆေးဝါးပစ္စည်းများအတွက်လှူဒါန်း

    DSC_0013

    ရန်ကုန် ။ ။ ကျောက်ကပ်ရောဂါများကို ကုသရာတွင် အသုံးပြုသော ကျောက်ကပ်ရောဂါဆိုင်ရာ ဆေးဝါးပစ္စည်းများအတွက် တန်ဖိုးငွေ – ၃၇၃၈၁၀၀ိ/ – ( ကျပ်သုံးဆယ့် ခုနှစ်သိန်း သုံးသောင်း ရှစ်ထောင့် တစ်ရာကျပ်) တန်ဖိုးငွေကို ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ စံပြဆေးရုံကြီးသို့ ရန်ကုန်မြို့ ကျိုလီယာ မွတ်စလင်မ် သာသနာ့ ရန်ပုံငွေ အဖွဲ့မှ ဇူလိုင်လ ၂၅-ရက်၊ နေ့လယ် (၂)နာရီက ပေးအပ်လှူဒါန်းခဲ့ကြောင်း သတင်းရရှိသည်။

    အဆိုပါ အခမ်းအနားသို့ ဆေးရုံအုပ်ကြီး ဒေါက်တာ ဇော်ထွန်း၊ လက်ထောက် ဆေးရုံအုပ် ဒေါက်တာ ဒေါ်လှမြင့်နှင့် တာဝန်ရှိ ပုဂ္ဂိုလ်များ၊ သာသနာ့ ရန်ပုံငွေ အဖွဲ့မှ ဥက္ကဌ ဦးလှရွှေ(JVC)၊ တွဲဖက် အတွင်းရေးမှူး (၁) ဦးမာမက်ဂျလားလ်၊ တွဲဖက် အတွင်းရေးမှူး (၂) ဦးလှဌေး၊ အလုပ်အမှုဆောင် အဖွဲ့ဝင် ဦးခင်မောင်၊ အဖွဲ့ဝင် ဦးသန်းဝင်းနှင့် တာဝန်ရှိသူများ တက်ရောက်ခဲ့ကြသည်။

    ၂၀၁၃-ခုနှစ် ဇူလိုင် (၁၆)ရက်နေ့ကလည်း ရန်ကုန်တိုင်းဒေသကြီး၊ အလုံမြို့နယ်ရှိ ကလေးဆေးရုံ၊ သွေးရောဂါနှင့် ကင်ဆာရောဂါ ကုသဆောင်သို့ အဆိုပါ အဖွဲ့မှ ကင်ဆာနှင့် ပတ်သက်သော ဆေးပစ္စည်း ၁၀မျိုး တန်ဖိုးငွေ ကျပ်(၁၅၁၁၅၀၀၀)အား ပေးအပ်လှူဒါန်းခဲ့ကြောင်း ဇူလိုင် ၂၅-ရက်နေ့ထုတ် ကြေးမုံ သတင်းစာတွင် ဖော်ပြပါရှိကြောင်း သိရသည်။

    အဆိုပါ ကျိုလီယာ မွတ်စလင်မ် သာသနာ့ ရန်ပုံငွေ အဖွဲ့သည် အမှတ် (၁၆၁)၊ မောင်ထော်လေးလမ်း၊ ပန်းပဲတန်းမြို့နယ်၊ ရန်ကုန်မြို့တွင် တည်ရှိပြီး သက်ကြီးရွယ်အို များအား ထောက်ပံ့ကူညီခြင်း၊ လူမျိုးဘာသာမရွေး ကျောင်းသား (၂၀၀)ကျော်အား ပညာသင် ထောက်ပံ့ကြေးပေးခြင်း၊ လူမျိုးဘာသာမရွေး စက်ချုပ်သင်တန်း၊ ကွန်ပျူတာ သင်တန်းများ ပြုလုပ်သင်ကြားပေးခြင်း၊ ဆင်းရဲနွမ်းပါး သူများ၏ ကျန်းမာရေးကြောင့် ဆေးရုံ တက်သည့် အခါတွင် ဆေးရုံစရိတ် မတတ်နိုင်သူများအား ဆေးရုံတက်သည်မှ ပြန်ဆင်းသည့် အချိန်ထိ ကုန်ကျစရိတ် ထောက်ပံ့ကူညီပေးခြင်း များကို နှစ်စဉ် နှစ်တိုင်း တစ်နှစ်ပတ်လုံး ပုံမှန် လည်ပတ် ဆောင်ရွက်လျက် ရှိကြောင်း သိရသည်။