News @ M-Media

Tag: Coexistance

  • မေတ္တာတရားကို ကိန်းသေ ထားသောအခါ

    မေတ္တာတရားကို ကိန်းသေ ထားသောအခါ

    ကာတွန်းဖန်တီးသူ-လဂွန်းအိမ်

     

    “သူငယ်ချင်း”

    ဝေမိုး၏ ခေါ်သံကြောင့် ဇော်မြင့်သည် သူ့မျက်လုံးကို တီဗီဖန်သားပြင်ပေါ်မှ ခွာယူလိုက်၍ ဝေမိုးဖက်သို့ အာရုံပြုလိုက်ရင်း ထူးလိုက်သည်။

    “အင်း …ပြောလေ… သူငယ်ချင်း”

    “လောကကြီးမှာ နှစ်မျိုးသော အရာရှိတယ်…
    တူညီမှု နဲ့ မတူညီမှု ”

    “အင်း”

    ” အဲ့ဒီအရာ နှစ်မျိုးက…ငါနဲ့ မင်းထဲမှာလည်း…မွေးရာပါ အမွေအဖြစ် ခိုင်ခိုင်မာမာ နေရာယူထားတယ်”

    “အင်း”

    “တိတိကျကျပြောရရင်…ငါနဲ့ မင်းကြားမှာ…မတူညီမှုတွေ အများကြီးရှိသလို…တူညီမှုတွေလည်း အများကြီး ရှိတယ်ပေါ့လေ”

    “အင်း”

    ဝေမိုးက စကားကို ဖြတ်ရပ်လိုက်၍ ကော်ဖီတစ်ငုံ သောက်လိုက်သည်။ ဇော်မြင့်ကတော့ ဝေမိုး၏ စကားကို “အင်း” လိုက်၍ နားစွင့်နေလေ၏။ ဝေမိုး ဆက်ပြောလာမည့် စကားကို ဇော်မြင့်က စိတ်ဝင်တစား စောင့်မျှော်နေလေသည်။

    “ဒီတော့… ငါတို့တွေ မတူတာတွေကို ရောင်စုံပန်းလို ကွဲပြားမှုရဲ့ အလှတရားအသွင်နဲ့ ကြည့်မယ်ဆိုရင်…တူတာတွေကို ရောင်တူပန်းလို တူညီမှုရဲ့ အလှတရားအသွင်နဲ့ ကြည့်မယ်ဆိုရင်…ငါတို့ကမ္ဘာကြီးလည်း…အလှတရားတွေနဲ့ပဲ ပြည့်နှက်နေမှာပေါ့နော်”

    ဝေမိုးက စဉ်းစဉ်းစားစား ပြောခဲ့ပြီး ကော်ဖီကို ဆက်သောက်နေတော့၏။

    သူတို့ ငယ်သူငယ်ချင်း နှစ်ယောက်သည် မွန်းလွဲပိုင်း အလုပ်ကိုယ်စီ အားချိန်၌ တိတ်တိတ်ဆိတ်ဆိတ် ရှိလှသော ပိတောက်ရိပ်အောက်က ကော်ဖီဆိုင်တွင် နေ့စဉ်နီးပါး လာထိုင်တတ်ပြီး တစ်နေ့တစ်မျိုး ခေါင်းစဉ်တစ်ခုစီအောက်တွင် အပြန်အလှန် ဆွေးနွေးပြောဆိုတတ်သည်။ ပညာတတ်သူများပီပီ သူတို့ ဆွေးနွေးမှုသည် ပြေပစ်သည်။ တစ်ယောက်ကို တစ်ယောက် အလေးလည်း ထားသည်မို့ ဆွေးနွေးမှုက ထိထိမိမိလည်း ရှိရှိတတ်၏။

    ” အေးပေါ့ သူငယ်ချင်းရာ … အဓိကက အမြင်ပါပဲ… ကိုယ်က အရာတစ်ခုကို အကောင်းမြင်စိတ်နဲ့ ကြည့်ရင် အကောင်းမြင်မယ်… အဆိုးမြင်စိတ်နဲ့ ကြည့်ရင် အဆိုးမြင်မယ်… ဒီလိုပဲပေါ့… အရာတစ်ခုကို အလှတရား အမြင်နဲ့ကြည့်ရင် လှပခြင်းပဲ မြင်မယ်ပေါ့လေ….အမြင်နဲ့ ခံယူချက်က အဓိက စကားပြောတယ် သူငယ်ချင်းရာ”

    ဇော်မြင့်က သူ့သူငယ်ချင်းကို ထောက်ခံ ဆွေးနွေးလိုက်သည်။

    ” ဒါပေမယ့် သူငယ်ချင်းရာ… တစ်ချို့လူတွေက မတူတာတွေကို တံတိုင်းလုပ်ပစ်ပြီး တူရာတွေကိုတောင် ကူးလူးပေါင်းစပ်ခွင့် မပေးကြဘူး … ရှင်းရှင်းပြောရရင် အခုဏက ပြောသလိုပဲ … အဲ့ဒီလူတွေက မတူတာတွေကို ရောင်စုံပန်းလို ကွဲပြားမှုရဲ့ အလှတရားအသွင်နဲ့ မကြည့်တတ်လို့ …  လူကမွေးပြီး လူနေတဲ့ အရပ်မှာ ကြီးပြင်းလာတာတောင် အဲ့ဒီလူတွေမှာ လူ့စိတ်က ကြာကြာလေလေအထိ အရွယ်မရောက်တတ်ဘူး”

    ဝေမိုးက စကားကို ရပ်တန့်လိုက်ပြီး ဆေးလိပ်တစ်လိပ် မီးညှိလိုက်သည်။ ဖန်ခွက်ထဲ ရေးနွေးကြမ်း ငှဲ့နေရင်း ဇော်မင်း ပြောအလာကို စောင့်မျှော်နေ၏။

    ” မှန်တယ် … တစ်ချို့လူတွေက မတူတာတွေနဲ့ တံတိုင်ဆောက်ပြီး တူရာတွေကို ကူးလူးပေါင်းစပ်ခွင့်မပေးဘူး ဆိုတဲ့ မင်းစကားကို သိပ်သဘောကျတယ် …ဒီနေ့လို အခြေအနေနဲ့လည်း ကွထိပဲ … သိပ်ထိမိတယ်… ဒါတွေက အာဏာရှင်တွေရဲ့ လက်ချက်ပါကွာ …လူတွေကို ခြားနားချက် လှည့်ကွက်နဲ့ ကစားပစ်ခဲ့တာလေ … ဘာသာရေးခြားနားချက်…လူမျိုးရေးခြားနားချက်… နေရာဒေသခြားနားချက်…ပညာတတ် ပညာမဲ့ ခြားနားချက် … အစုံပေါ့… “ပြည်သူ စည်းရုံးရင် အာဏာရှင်ပြေးရ” ဆိုတဲ့ စကားကို အလေးထားပုံရတယ် … ကြာလာတော့ လူတွေကလည်း အဲ့လို လှည့်ကွက်ထဲ မိသွားပြီး ခြားနားချက်ကို ရန်ဖက်လို့ မြင်လာကြတာ တကယ်စိတ်မကောင်းစရာပဲ… တကယ်တော့ကွာ… ဒါက တို့နိုင်ငံရဲ့ အနာဂတ်အတွက်လည်း  အင်မတန် ရင်လေးဖို့ ကောင်းတယ်… ”

    ဇော်မြင့်က စိတ်ပါလက်ပါ ဝင်ဆွေးနွေးလိုက်သည်ကို ဝေမိုးက ဆေးလိပ်ဖွနေရင်း နားထောင်နေသည်။
    ဇော်မြင့်က ကွမ်းထုပ်ထဲက ကွမ်းတစ်ယာ ထုတ်ပြီး ဝါးနေ၏။ စကားပွဲသည် ဘာရယ်မဟုတ် တစ်ခဏလောက် ဆိတ်ငြိမ်သွားသည်။ ဆောင်းရာသီ၏ လေညင်းအေးအေး တစ်ချက်ကလည်း လာတိုက်သွားသေ၏။ မွန်းလွဲချိန်ပေမယ့် နေရောင်၏ အစွမ်းထက် လေညင်းက ပိုစွမ်းသည်။ ခဏအကြာ-

    ” အေးပါကွာ… ငါတို့နိုင်ငံရဲ့ လှပတဲ့ အနာဂတ်ကို ဖျက်ဆီးပစ်လိုက်တာ ဒီအာဏာရှင်တွေပဲ … အချင်းချင်း ချစ်ချစ်ခင်ခင် နေလာကြတဲ့ဟာကို အမုန်းတရားတွေ … မနာလိုမှုတွေ …ရိုက်သွင်းပေးပြီး ဖြိုဖျက်လိုက်တယ်… ဒီလိုနဲ့ အချင်းချင်းကြားမှာ ရန်ငြိုးတွေ ပေါ်လာတော့တာပဲ … “မုန်းပင်” ဆိုပြီး ပြောစမှတ် ရှိသလိုပေါ့… အမုန်းတရားဆိုတာ တစ်စတစ် ရှင်သန်ကြီးထွားတတ်တယ် … ရန်ငြိုးဆိုတာကလည်း လောင်စာလိုပါပဲ … ထစ်ခနဲဆို ထလောင်တတ်တယ်… စာရေးဆရာကြီးတွေက ရန်ငြိုးကို လောင်စာနဲ့ နှိုင်းပြောတတ်တာလေ … လောင်စာရန်ငြိုးတဲ့ …”

    ဇော်မြင့်ကလည်း ထိမိသော စကားလုံးများဖြင့် ပြန်ဆွေးနွေးလိုက်သည်။

    ” အခုဆို အစိုးရလည်း အသစ်တက်လာပြီ … ငါတို့တွေ အကောင်းဆုံးကို မျှော်လင့်ကြတာပေါ့ဟ … ”

    မျှော်လင့်ချက်စကားကို သက်ပြင်းတစ်ချက် ချမိပြီးနောက် ဝေမိုး ဆိုသည်။

    ” ဒီလိုမျိုး အာဏာရှင်ရဲ့ သက်ရှည်ကြာ မှိုင်းမိခံခဲ့ရတဲ့ လူတွေကို ချက်ချင်းကြီးတော့ ပြောင်းလဲလာဖို့ မမျှော်လင့်နိုင်သေးဘူး သူငယ်ချင်းရာ… အခု အစိုးရက ဒီမိုကရေစီ ခေါင်းစဉ်နဲ့ တက်လာတဲ့ အစိုးရ ဆိုတော့ အစိုးရ ကိုယ်တိုင်က မတူညီိမှုက ပြဿနာမဟုတ်ဘူးဆိုတဲ့ အကြောင်းအရာနဲ့ ပြည်သူကို အသိပညာပေးမှ… အမုန်းတရားတွေ ထွင်ထွင်ဟောနေတာတွေကို ရပ်တန့်အောင်လုပ်မှ တော်ကာကျမယ် … ပြည်သူထဲက အသိပညာကြွယ်ဝတဲ့ ပုဂ္ဂိုလ်တွေမှာလည်း ချစ်ခြင်း မေတ္တာတရားရဲ့ ကောင်းကျိုးတွေ၊ မတူညီမှုရဲ့ အလှတရားတွေကို ပြည်သူကို ချပြဖို့ တာဝန်မကင်းဘူးလို့ ထင်တယ်လေ… ဒီလိုမှသာ သူငယ်ချင်း ထင်သလို မြန်မြန် ဖြစ်လာမှာ”

    ဇော်မြင့်က လုပ်သင့်လုပ်ထိုက်သည်ဟု သူတွေးမိနေသည်ကို ချပြဆွေးနွေးသည်။ ဝေမိုးကလည်း “ဟုတ်တယ်နော်” ဆို၍ အလိုက်သင့် မောင်ပေါက် လုပ်လိုက်၏။

    ထို့နောက် ဝေမိုးက ဆေးလိပ်ကို မီးသတ်လိုက်ပြီး ကွမ်းတစ်ယာ ပါးစပ်ထဲ ထည့်သွင်းလိုက်သည်နှင့် –

    ” ဟေ့ကောင် … ငါအတန်တန် တားမြစ်ရက်သားနဲ့ကွာ … ဆေးလိပ်သောက်ရင် ဆေးလိပ်ပဲသောက် … ကွမ်းစားရင် ကွမ်းပဲစားပေါ့ … အခု မင်းက ရောဂါကို ဒွန်တွဲပြီး လက်ယပ်ခေါ်နေတဲ့တာပဲ …ပြောမရဆိုမရနဲ့ …”

    ဇော်မြင့်က သူ့သူငယ်ချင်း ဝေမိုးကို အော်ငေါက်လိုက်သည်။ သို့သော် ဝေမိုးက အိနြေ္ဒမပျက်။ ဓာတ်ပြားဟောင်း ဖွင့်မိပြန်သည်ကို ဓာတ်သိမို့ ရိပ်မိလိုက်သည်။

    ” မင်းလည်းကွာ … သမားတော်ကြီး ကျနေတာပဲ… ကွမ်းက တစ်ခါတလေပဲ စားတာပါဆို …ဟဲဟဲ…”

    ဝေမိုးက သူ့အချစ်ဆုံး သူငယ်ချင်း၏ ဂရုဏာဒေါသဖြင့် ငေါက်ခဲ့မှုကို ရယ်ရယ်မောမော  ပြောပြီး ခါတိုင်းလို အယူခံဝင် ဖြေရှင်းချက်ပေးနေခဲ့၏။ ဇော်မြင့်၏ မျက်နှာပေါ်တွင် ဂရုဏာ ဒေါသအရိပ်အယောင်က မပျောက်သေးသမို့ ဝေမိုးက သူ့ပါးစပ်ထဲက ဝါးကာစ ကွမ်းကို ထုတ်ပစ်လိုက်သည်။ ပြီးလျှင် တပည့်တစ်ယောက် အသွင်ဖြင့် –

    ” သမားတော်ကြီး … ကျေနပ်ပြီလား ခင်ဗျား” ဆိုပြီး ပြောလိုက်သောအခါ ဇော်မြင့်က “မကျေနပ်ဘူးကွာ… အပြီးဖြတ်မှလည်း မဟုတ်ဘဲနဲ့..ဟွန့် …” ဆိုပြီး အလိုမကျသံပြုလိုက်သည်။

    “ဟာကွာ… မင်းသိပါတယ်… မင်းက အချစ်ဦးကို စွန့်မရသလိုမျိုး ငါလည်း အကျင့်ဟောင်းကို ပြင်ရခက်နေတာ… ဆိုးရိုးစကားတောင်ရှိတာပဲ… အချစ်ဦးမေ့ဖို့ခက်…. အကျင့်ဟောင်း ပြင်ဖို့ခက်တဲ့…”

    ဝေမိုးက ပြေပြပြစ်ပြစ် စကားထိုး စလာသောအခါ ဇော်မြင့်က “မင်းကို ဘယ်တုန်းက နိုင်လို့လဲ” ဆိုပြီး ညည်းတွားလိုက်သည်။

    ဘာသာ မတူ လူမျိုးမတူ သော်လည်း သူတို့သူငယ်ချင်း နှစ်ယောက်သည် တစ်ယောက်အပေါ် တစ်ယောက် စေတနာပိုမိသည်။ သံယောဇဉ် နက်ရှိုင်းသည်။ မေတ္တာအား ကြီးမားသည်။ နားလည်မှုနှင့် သဘောထားမှုလည်း ကြီးမားသည်။ ဂရုစိုက်မှု စေ့စပ်၏။

    စကားပြောကောင်းနေသည်မို့ ၁ နာရီခွဲဆိုသော အချိန်ကလည်း မည်သို့ကုန်ဆုံး သွားမှန်းမသိ။ ဝေမိုးပြောမှပဲ ဇော်မြင့် သတိပြုမိလိုက်သည်။

    ” ဟိတ် … သူငယ်ချင်း … ၄ နာရီကျော်ပြီ … မင်း ဗလီတက်ရမယ်လေ … ငါလည်း အမေကို ဘုရား သွားလိုက်ပို့ရမယ်ကွာ …”

    ဝေမိုးက သတိပေးစကားပြောလိုက်ပြီးနောက် ဇော်မြင့်ကို ကျသင့်ငွေလည်း ရှင်းခိုင်းနေသည်။

    ” မင်းရည်းစား စိတ်ကောက်တာ ငါဝင်ကူညီပေးခဲ့တဲ့ အခကြေး အနေနဲ့ပေါ့ကွာ”

    ” ဟုတ်ကဲ့ပါ ဦးအောင်သွယ်ရှေ့နေကြီး ခင်ဗျား”

    ဇော်မြင့်က ခခနဲနဲ ပြန်ပြောရင်း ကျသင့်ငွေကို ရှင်းပြီးနောက် ပိတောက်ရိပ်အောက်မှ နှစ်ယောက်သား ပြန်လာလိုက်သည်။

    တစ်ယောက်၏ ဦးတည်ရာသည် ဗလီသို့ ……။

    တစ်ယောက်၏ ဦးတည်ရာသည် စေတီပုထိုးသို့ ….။

    “မတူကွဲပြားသော်လည်း ငါတို့ဟာ သူငယ်ချင်း ဖြစ်နိုင်တယ်” ဆိုသော သူတို့သူငယ်ချင်း နှစ်ယောက်၏ အသိတရား၊ စိတ်ဓာတ်၊ ခံယူချက်တို့သည် သံမဏိထက် မာချောလှပါလားဟူ၍ နှစ်ဦးသား မကြာခဏ အပြန်အလှန် ပြောဖြစ်သည်ကို ဇော်မြင့်က ဖျတ်ခနဲ သတိရ၍ တစ်ချက်ပြုံးမိလိုက်သည်။ အားရကျေနပ်သည့် အပြုံး။ ဝတ်ပြုပြီးသောအခါ အသျှင်ထံပါးက တောင်းသောဆုတွင်လည်း အချစ်ဆုံး သူငယ်ချင်း စိတ်ချမ်းသာမှု ကိုယ်ကျန်းမာမှုနှင့် ကုံလုံပြည့်စုံပါစေကြောင်း ပါသည်။

    မတူညီမှုကို တံတိုင်းအစား တံတား လုပ်ပြီး တူညီမှုကို တံတား၏ အခင်းအဖြစ် အသုံးချ၍ ချစ်ခင်မှုကို ကူးလူးဆက်ဆံစေသော သူတို့၏ သူငယ်ချင်းကောင်း စိတ်ဓာတ်လှလှလေးက တိုတောင်းလှသည့် လူ့ဘဝကို အဓိပ္ပါယ်ရှိစေ၍ မနာလိုမှုမီး၏ ပူလောင်ခြင်းမှ လွှတ်မြောက်ခွင့်ရစေပါလား ဆိုသော အတွေးကြောင့် ဝေမိုးတစ်ယောက်လည်း တစ်ကိုယ်တည်း ပြုံးမိလိုက်သည်။ သူ့အပြုံးမှ ကြွေကျနေသော အလှတရားပန်းပွင့်များသည် ကမ္ဘာတစ်ခွင်ကို တန်ဆာဆောင်နေ၏။

    တူညီမှု နှင့် မတူညီမှု သီအိုရီမှာ မေတ္တာတရားကို ကိန်းသေ အဖြစ်ထားသောအခါ ဘာသာမတူ လူမျိုးမတူသော ဝေမိုးနှင့် ဇော်မြင့်တို့သည် တစ်ဦးအပေါ် တစ်ဦး နားလည်မှုရှိရှိ၊ သဘောထားကြီးကြီး မိတ်ဖွဲ့၍ လူသားပီသစွာ အေးအတူ ပူအမျှ နေလာ၏။ သူတို့၏ ဘဝနေ့ရက်များသည် သာယာအေးချမ်းသည်။ ပျော်ရွှင်စရာများနှင့်သာ ပြည့်နှက်နေလေသတည်း။

    ရေးသားသူ- ယျာတင်(ရိုဟင်းသား)

    * M-Media သို့ စာမူများ ပေးပို့လိုလျင် [email protected] သို့ အီးမေးလ်ပေးပို့နိုင်ပါသည်။

  • မြန်​မာတန်​ဖိုး (သို့မဟုတ်)​ Multiculturalism

    မြန်​မာတန်​ဖိုး (သို့မဟုတ်)​ Multiculturalism

    ဇန်နဝါရီ ၈ ၊ ၂၀၁၇
    ရေးသူ-ကိုသက် (ရွေးလက်ယာ)

    15826863_10206588371108521_788427669623883645_n
    အမရပူရရှိ အစ္စလာမ်ဘာသာရေးအဆောက်အအုံ (ညာ)၊ ဗုဒ္ဓဘာသာအဆောက်အအုံ (ဘယ်) မြင်ကွင်းကျယ်ပုံ Photo Source Wikipedia

    မြန်မာဘုရင်တွေဟာ ဗုဒ္ဓသာသနာတော်ကိုလည်း အစွမ်းကုန် ချီးမြှင့်မြောက်စားကြသလို ခရစ်ယာန်၊ အစ္စလာမ်စတဲ့ ဘာသာဝင်တွေကိုလည်း ပြစ်မထားဘဲ ချီးမြှင့်ပေးတာ ကာကွယ်စောင့်ရှောက်ပေးတာတွေ သမိုင်းမှာအထင်အရှားရှိပါတယ်။.

    ခေတ်သစ်နိူင်ငံရေး သီအိုရီတွေမှာ ပြောနေ ရေးနေတဲ့ Multiculturalism ဆိုတာ ၁၉၇၀ ၀န်းကျင် မှ အနောက်တိုင်းအစိုးရတွေက တရားဝင်ပေါ်လစီ အဖြစ် စကျင့်ခဲ့တာပါ။ ဒါပေမယ် မြန်မာတွေကတော့ ဟိုးနှစ်ပေါင်းရာချီကတည်းကကျင့် သုံးခဲ့တာပါ..

    ကွဲပြားခြားနားတဲ့ လူမျိုး ဘာသာရေး ဓလေ့ထုံစံတွေကို ထိန်းသိမ်းရှင်သန်ခွင့်ပေးတဲ့ Multiculturalism ဆိုတာ မြန်မာ့တန်ဖိုးလို့ ပြောရင်မှားမယ်မထင်ပါဘူး…

    ဆဌသံဃာယနာ တင်တော်မူခဲ့တဲ့ မင်းတုန်းမင်းတရားကြီးရဲ့ လူနည်းစုရေးရာတွေ အပေါ်အလေးထားပုံကိုက တူမတူအောင် စံပြုထိုက်ပါတယ်။

    .သူအုပ်ချုပ်ရာနယ်ပယ်တွင်းမှာ ခရစ်ယာန်ဘုရားရှိခိုးကျောင်း၊ တရုတ်ဘုရားကျောင်း ၊ အစ္စလာမ်ဝတ်ပြုဗလီတွေကို ဆောက်လုပ်ခွင့်ပေးရုံတင် မဟုတ်ဘဲ ငွေကြေးများပင် လိုအပ်တဲ့ ဆပ်ကပ် လှူဒါန်းခဲ့ ပါတယ်။ ဒီလိုဘာသာရေး အဆောက်အအုံများတင်မက ဒီဘာသာတရားတွေကို ကိုးကွယ်ကြတဲ့ပြည်သူတွေကို ၀န်ဆောင်နိုင်ဖို့ အုပ်ချုပ်ရေးဆိုင်ရာ သီးခြား အရာရှိတွေခန့်ထားပေးခဲ့တာအထင်အရှားပါ..

    ကုလားဝန် ပုဏ္ဏားဝန် တရုတ်ဝန် တွေကို ခန့်ထားပြီး လူနည်းစုတွေရဲ့အသံထုတ်နိုင်အောင် လိုအပ်ချက်တွေဖြည့်ဆည်းပေးနိုင်အောင် ခန့်ထားခဲ့ပါတယ် ။

    ကုလားဝန်ဆိုရင်လည်း အစ္စလာမ်ဘာသာဝင်ပသီ ကုလား တို့ လူဦးရေ ကုန်သည် မင်းမှုထမ်း စတဲ့စာရင်းထိန်းသိမ်းရပါတယ် ကုန်စည်ကူးသန်းရောင်းဝယ်မှုတွေ အခွန်တော်ကိစ္စတွေ ကိုလုပ်ကိုင်ပေးရပါတယ်  ဘာသာရေးပွဲလမ်းသဘင်တွေ ကျင့်သုံး ကျင်းပနိုင်ဖို့ကိုလည်း စီမံရပါတယ် ဥပမာ အားဖြင့် နိုင်ငံတွင်းလှည့်လည် အန္တရယ်ကင်းဆုတောင်းတာ တမန်တော်နေ့အခါသမယ မှာ စုရုံးဟောပြောတာ တွေကို ကြီးကြပ် စီမံပေးရပါတယ်။ ဒါတွေက မြနိမာမင်းတွေရဲ့ လူနည်းစုတွေအပေါ်ထားရှိတဲ့ စံပြမြန်မာတန်ဖိုးတွေထဲက အနည်းငယ်မျှဖြစိပါတယ်

    ဒီလိုအစဉ်အလာကြီးတဲ့မြန်မာတန်ဖိုးတွေ ပိုင်ဆိုင်ထားတဲ့ပေမယ့်လည်း လူနည်းစုဘာသာဝင်တွေ အပေါ် သဘောထား ကျဉ်းမြောင်း အုပ်စုဖွဲ့ မာန်ဖီတက်တဲ့ အုပ်စုတွေ ၂၀၁၂ ကစပြီး ပေါ်လာခဲ့ပါတယ်။ ၂၀၁၇ ဇန်နဝါရီ ၆ ရက် ၈ ရက်နေ့တွေမှာ သာကေတ၊ ဗိုလ်တထောင်မြို့နယ်တွေကရှေးမူ မပျက် ကျင်းပနေတဲ့ တမန်တော်နေ့တွေကို လူအုပ်စုတစု ၀င်ရောက်နှောက်ယှက်ကြတယ်။ ဘာသာသာသနာစောင့်ရှောက် ချစ်မြတ်နိုးတာ ဘာညာကြွေးကြော်ကြပေမယ့် သူတို့ရဲ့ လုပ်ရပ်က မြန်မာ ဘုရင်တွေ ရဲ့ဘာသာမတူတွေအပေါ်ထားတဲ့ သဘောထားနဲ့ယှဉ်ကြည့်တဲ့ အခါ တကယ့်ကိုအစွန်းရောက်နေတာ ပေါ်လွင်ပါတယ်။ သူတို့လုပ်ရပ်က အတော့်ကို ရုပ်ဆိုအကျဉ်းတန်လှသလို အစဉ်အလာကြီးတဲ့မြန်မာ့တန်ဖိုးကို ပြယ်ရယ်ပြုနေတာပါ။

    ပြည်သူတွေအနေနဲ့ကလည်း အစဉ်အလာကြီးမားတဲ့ မြနိမာတန်ဖိုးတွေကို ပြန်လည်ဖော်ထုတ်ပြီး ဘာသာရေးအစွန်းရောက်အုပ်စုတွေကို ၀ိုင်းကြဉ်သင့်ချိန်တန်ပါပြီ။

    နိုင်ငံတော် အတိုင်ပင်ခံ ဒေါ်အောင်ဆန်းစုကြည် နိုငိငံတော်သမ္မတ ဦးထင်ကျော် ပြည်ထောင်စုကြီး သူရဦးအောင်ကိုအနေနဲ့လည်း ဒီလိုမငိးတုန်းမင်းတရားကြီးရဲ့  လူနညိးစုဘာသာဝင်တွေအပေါ် ထားရှိတဲ့ စံပြအပြူအမူတွေကို ပြန်လည်ကျင့်သုံးပြပြီးကျွန်တော်တို့ ရဲ့ မြန်မာ့တန်ဖိုးတခုကို ကို ပြန်ထိန်းသိမ်းစေချင်ပါတယ်။

    ကိုးကား မြကေတု နန်းဓလေ့မှတ်တမ်းများ

  • လူမျိုးဘာသာမခွဲ မေတ္တာထားဖို့ အရေးကြီးကြောင်း ယောဆရာတော်မိန့်ကြား

    လူမျိုးဘာသာမခွဲ မေတ္တာထားဖို့ အရေးကြီးကြောင်း ယောဆရာတော်မိန့်ကြား

    yan

    ရန်ကုန်၊ ဇန်န၀ါရီ ၄ ။          ။ လူမျိုးဘာသာမခွဲ လူတိုင်းအပေါ်မေတ္တာထားဖို့ အရေးကြီးကြောင်း ယောဆရာတော် အရှင် သိရိန္ဒာဘိဝံသက  ယမန်နေ့က ပြည်သူ့ရင်ပြင်မှာပြုလုပ်တဲ့ နှစ်သစ်ကူးဓမ္မသဘင် ဒုတိယညမှာ တိုက်တွန်းဟောကြားခဲ့သည်။

    “ မေတ္တာကို လက်မခံသော လူမျိုး၊ဘာသာ မရှိကြောင်း၊ လူမျိုးဘာသာအားလုံးပေါင်းဆုံရာ အလှတရားဟာ မေတ္တာတရားဖြစ်ကြောင်း၊ အများပတ်ဝန်းကျင်နှင့် လိုက်လျောညီထွေဖြစ်အောင်   နေထိုင်ရာတွင်လည်း မေတ္တာတရားလိုအပ်ကြောင်း ဆရာတော်က မိန့်သည်။

    ညစဉ် ၇နာရီတွင် စတင်ကျင်းပသွားမည့် အဆိုပါ ဓမ္မသဘင်၏ တတိယနေ့တွင် ပါမောက္ခချုပ်ဆရာတော် ဒေါက်တာ အရှင် နန္ဒမာလာဘိဝံသ၊ စတုတ္ထနေ့တွင် ရွှေပါရမီတောရဆရာတော် အရှင်ဆန္ဒာဓိကနှင့် နောက်ဆုံးနေ့တွင် ရဝေနွယ်အင်းမ ဆရာတော် အရှင်ရာဇိန္ဒ တို့က တရားတော်များ အသီးသီးဟောကြားသွားမှာ ဖြစ်ပြီး ပထမနေ့တွင် သီတဂူဆရာတော် ဒေါက်တာအရှင်ဥာဏိဿရက တရားဟောကြားခဲ့ပြီးဖြစ်သည်။

    ရန်ကုန်တိုင်းဒေသကြီး အစိုးရအဖွဲ့က ကြီးမှူးကျင်းပသည့် နှစ်သစ်ကူးဓမ္မသဘင်ကို ရွှေတိဂုံစေတီတော်၏ အနောက်ဘက်မုခ် ပြည်သူ့ရင်ပြင်၌ ဇန်န၀ါရီလ ၂ရက်နေ့ မှ ၆ရက်နေ့ထိ ငါးညတိုင်တိုင် ကျင်းပ ပြုလုပ်သွားမည်ဖြစ်သည်။

    မဇ္ဈိမ မှ ကူးယူဖော်ပြပါသည်။

  • ဘာသာပေါင်းစုံ စည်းလုံးညီညွတ်ခြင်း ဖော်ညွှန်းနေသည့် နိဗ္ဗာန်ဈေးပွဲတော်လေး

    ဘာသာပေါင်းစုံ စည်းလုံးညီညွတ်ခြင်း ဖော်ညွှန်းနေသည့် နိဗ္ဗာန်ဈေးပွဲတော်လေး

    နိုဝင်ဘာ ၁၅ ၊ ၂၀၁၆
    M-Media
    ဂျက်ဖရီတင်အုန်း(ရန်ကုန်စက်မှု့တက္ကသိုလ်R.I.T) ရေးသည်။
    2222

    “စည်းလုံးခြင်းသည် ခွန်အား၊ ညီညွတ်ခြင်းသည် အင်အား”ဆိုသည့် ပြယုဂ်ကို မတူကွဲပြားဘာသာဝင်တို့ စုပေါင်းပြုလုပ်ကြသည့် စတုထ္တအကြိမ်မြောက် ကျင်းပပြုလုပ်ခဲ့တဲ့ နိဗ္ဗာန်ဈေးပွဲလေးကြောင်း စာရေးသူတင်ပြချင်ပါတယ်။

    နိဗ္ဗာန်ဈေးပွဲကို နိုဝင်ဘာလ ၁၅ရက် အင်္ဂါနေ့က  (ခ)ရပ်ကွက် သင်္ကန်းကျွန်းမြို့နယ် ရန်ကုန်တိုင်းဒေသကြီးတွင် ကျင်းပပြုလုပ် ခဲ့ခြင်းဖြစ်သည်။

    ထိုရပ်ကွက်လေးကို လွတ်လပ်ရေး ရပြီးချိန်မှ စ၍ ဖဆပလ အစိုးရခေတ်အထိ “မြို့မ “ရပ်ကွက်လေး ဟု လူသိများခဲ့ကြပါသည်။

    သင်္ဃန်းကျွန်းဘူတာ နံဘေးတွင် တည်ရှိပါသည်။  မြန်မာ့ဆိုရှယ်လစ်လမ်းစဉ်ပါတီခေတ်(မဆလ)ခေတ်နောက်ပိုင်းကျမှ  (ခ) ရပ်ကွက်ဟူ၍ ဖြစ်လာပါသည်။

    ထိုရပ်ကွက်တွင် ဗုဒ္ဓဘာသာဦးရေ၊ ဟိန္ဒူဘာသာဦးရေ နှင့် ခရစ်ယာန်ဘာသာဦးရေမှာ ၃၀ ရာခိုင်နှုန်းလောက်ရှိပြီး အစ္စလာမ်ဘာသာဝင်ဦးရေမှာ ၇၀ ရာခိုင်နှုန်းခန့်ရှိပါသည်။

    ပို၍ ထူးခြားသည်မှာ ထိုရပ်ကွက်လေးတစ်ခုတွင်ပင် ဗုဒ္ဓဘာသာ ဓမ္မာရုံတစ်ခု၊   ဟိန္ဒူဘုရားကျောင်း Temple တစ်ခု၊ ခရစ်ယာန်ဘာသာဝင်တို့၏ Roman Catholic Saint. Josep Church နှင့်Baptist Church တစ်ခုစီ အပြင်၊ ၁၉၃၆ ခုနှစ်က တည်ဆောက်ခဲ့သော အစ္စလာမ်ဘာသာဝင်တို့၏  ဗလီတစ်လုံးလည်း ရှိနေပါသည်။

    ထိုရပ်ကွက်သည်  ဗြိတိသျှကိုလိုနီခေတ်ကတည်းက တည်ရှိခဲ့ပါသည်။ သင်္ဃန်းကျွန်းမြို့စတည်ကတည်းက မူလတည်ရှိခဲ့သော ရပ်ကွက်ဖြစ်ပြီး သင်္ဃန်းကျွန်းဘူတာရုံ နှင့် အလွန်နီးကပ်၍ ရပ်ကွက်နေပြည်သူများ ရန်ကုန်မြို့သို့ရထားဖြင့်သွားရာတွင် အလွန် လွယ်ကူလှပါသည် အဆင်ပြေလှပါသည်။

    ဘာသာလူမျိုးမခွဲခြားဘဲ ငြိမ်းချမ်းစွာအတူယှဉ်တွဲနေထိုင်ရေးမူကို အဓွန့်ရှည်တည်တံ့စေလိုတဲ့အတွက် အခုလို   နိဗ္ဗာန်ဈေးပွဲတော်ကို စည်ကားသိုက်မြိုက်စွာ နှစ်စဉ် ကျင်းပနေပုံကို သွားရောက်လေ့လာခဲ့ပါသည်။

    (ခ)ရပ်ကွက်ရှိ ဓမ္မာရုံလူငယ်များ အဖွဲ့  (ခ) ရပ်ကွက် အုပ်ချုပ်ရေးမှူးနှင့်အဖွဲ့တို့ဦးစီးကာ ရပ်ကွက်အတွင်းရှိ မတူကွဲပြား ဘာသာဝင်များပူးပေါင်းပါဝင်အားဖြည့်စုစည်းကာ ရပ်ကွက် နိဗ္ဗာန်ဈေးပွဲတော်ကို ကျင်းပါနေတာကို တွေ့ရှိခဲ့ရသည်။

    နိဗ္ဗာန်ဈေးပွဲတော် ဟု ဆိုသော်လည်း  မည်သည့် စားစရာ သောက်စရာ များ စတီးခွက်စသည့် အိမ်သုံးပစ္စည်း စသည်တို့ကို ငွေပေးစရာ မလိုဘဲ  ရပ်ကွက်နေ ပြည်သူလူထုအား  အခမဲ့ ဝေငှထားသော ကတ်ပြားလေးများအား ပြ၍ ရယူနိုင်ပါသည်။

    ထိုကတ်ပြားလေးများအား ရပ်ကွက် အုပ်ချုပ်ရေးမှူးးရုံးတာဝန်ရှိသူများနှင့် ရပ်ကွက် ဓမ္မာရုံတာဝန်ခံများမှ ရပ်ကွက်နေပြည်သူများအား အဓိကဦးစားပေးကာ တစ်အိမ်ထောင်လျှင် ကပ်ပြား ၃ ခုခန့်ကို  ဝေငှထားတာကို တွေ့ရှိရသည်။

    ညနေ ၄နာရီခွဲခန့်အချိန်တွင် နိဗ္ဗာန်ဈေးပွဲတော်ကို ဖွင့်လှစ်ပြီး လူမျိုးဘာသာမရွေး စာသုံးနိုင်ရန် ကြက်ဥ ဘဲဥ ငါးခြောက် ဟင်းများနှင့် ညစာ ထမင်းဟင်းများကိုလည်း   ဓမ္မာရုံမဏ္ဍပ်တွင်ကျွေးမွေးနေကြောင်း တွေ့ခဲ့ရပါသည်။

    စာရေးသူအနေဖြင့် ထိုရပ်ကွက် နိဗ္ဗာန်ဈေးပွဲတော်လေးကို မြင်တွေ့ရသည်မှာ  အတိုင်းမသိဝမ်းသာပီတိဖြစ်ခဲ့ရပါသည်။

    အကြောင်းမှာ ရပ်ကွက်နေ လူဦးရေ အများစုမှာ အစ္စလမ်ဘာသာဝင်များသည် ဘာသာရေးအယူမသည်း၊ အမြင်မကျဉ်းဘဲ ထိုနိဗ္ဗာန်ဈေး ပွဲတော်လေးတွင် ပါဝင် ဆင်နွှဲနေကြသည်ကို တွေ့မြင်ရ၍ အထူး မှတ်တမ်းတင်မိပါသည်။

    ဂျက်ဖရီတင်အုန်း(ရန်ကုန်စက်မှု့တက္ကသိုလ်R.I.T)

  • ” ဆရာကြီး “

    ” ဆရာကြီး “

    အောက်တိုဘာ ၂၅ ၊ ၂၀၁၆
    M-Media
    သဲတပွင့် ရေးသည်။

    1383881_3438480897530_682888451_n
    Credit- လဂွန်းအိမ်

    အဲဒီ မြို့လေးက ဗလီဝတ်ကျောင်းတော်ရဲ့ အိမာမ်ရှေ့ဆောင် ဆရာကြီး ကို မွတ်စလင်မ်တွေထဲက မော်လဝီဆပ်ကြီး ရယ်လို့ ခေါ်သူက ခေါ်ကြတယ်။

    အများစုသော မွတ်စလင်မ်တွေနဲ့ ကျန်ဘာသာဝင်များက တညီတညွတ်ထဲ ခေါ်ကြတာကတော့ “ဆရာကြီး”တဲ့။ (ကွယ်ရာမှာတော့ ဘယ်ဆရာကြီးကို ဆိုလိုတယ်ဆိုတာ ကွဲပြားဖို့လိုတဲ့ အခါမျိုးကျရင်တော့ ကုလားဆရာကြီး … ဗလီဆရာကြီး စသည်ဖြင့် ညွှန်းဆိုမှာပေါ့လေ။)

    ဆရာကြီးက ပါကစ္စတန် ဇာတိပါ။ မုတ်ဆိတ်ဖားဖားနဲ့ … အိမ်မှာနေရင် စွပ်ကျယ် လက်စက ဝတ်ပြီး အပြင်သွားရင် ကုရ်တာ အင်္ကျီရှည် ဝတ်တတ်သူပေါ့။

    မနက်စောစော ဆရာကြီး လမ်းလျှောက်ထွက်ရင် လမ်းသွားလမ်းလာ ဗုဒ္ဓဘာသာဝင်တွေက (ရဟန်း သံဃာများလိုပဲ) အရိပ်မနင်းမိအောင် လမ်းဘေးကပ် ရှောင်ကွင်းတတ်ကြပါတယ်။

    သစ်သီးဝလံ တစ်ခုခု ပေါ်ဦးပေါ်ဖျား အချိန်ရောက်ရင် သူတို့က ဆွမ်းတော်ကပ်၊ ဘုန်းကြီးကျောင်းလှူရင်းနဲ့ တစ်ဆက်တည်း ဆရာကြီးစားဖို့ဆိုကာ လက်ဆောင် လာပေးကြပါတယ်။

    ဆရာကြီးများ ခရီးသွားပြီဆို ကားပေါ်မှာ၊ သင်္ဘောပေါ်မှာ “သံဃာတော်များသာ” ဆိုတဲ့ နေရာမှာ ရဟန်းသံဃာတော်တွေနဲ့အတူ စကားလက်ဆုံကျရင်း အတူ ထိုင်ရပါတယ်တဲ့။

    ဒီလိုတွေပြောလို့ ဒဏ္ဍာရီ ယုံတမ်းစကားတွေ … လက်တွေ့မကျတဲ့ စိတ်ကူးယဉ်ကမ္ဘာထဲက ဇာတ်လမ်းကောင်း Utopia လို့ ထင်သူက ထင်မယ်။ လွန်ခဲ့တဲ့ နှစ်ငါးဆယ်ကျော် ဖဆပလခေတ်က မြန်မာနိုင်ငံ မြစ်ဝကျွန်းပေါ်ဒေသရှိ ညောင်တုန်းမြို့ရဲ့ ဖြစ်ရပ်မှန်ပါ။ တခြားလည်း အလားတူဖြစ်ရပ်တွေ အများကြီး ရှိနိုင်ပါတယ်။

    ဘာသာခြားတွေက ဒီလို သဘောထားတယ်ဆိုတော့ အံ့သြကောင်း အံ့သြမယ်။ ကျွန်တော်တောင် ဒီအကြောင်း စကြားရတော့ မယုံချင့်ယုံချင်။

    ဒါပေမယ့် ဆရာကြီးကရော ပတ်ဝန်းကျင်ကို ဘယ်လိုသဘောထားလဲဆိုတာ သိရတော့ ဒါက ထူးဆန်းအံ့ဖွယ် မဟုတ်တော့တာ။

    ဆရာကြီးကို ဒီလို ကြည်ညိုကြတာရဲ့ အကြောင်ရင်းတွေထဲမှာ မိုးဆုပန်ခြင်းက အရေးကြီးတဲ့ တစ်ချက်ပေါ့။ မိုးရွာသင့်တဲ့ကာလ မိုးခေါင်နေတယ်ဆို ဆရာကြီးက ဦးဆောင်ပြီး သောကြာနေ့ ဗလီမှာ ဆွလားသ် ဝတ်ပြုအပြီးမှာ မြို့ရဲ့ မြစ်ဆိပ် ကွင်းပြင်ကျယ်ကို အားလုံးအတူသွားပြီး မိုးဆုပန် ဆွလားသ် ဝတ်ပြုဆောက်တည်ကြတယ်တဲ့။ ဆွလားသ်အပြီး အိမ်ပြန်မရောက်ခင် မိုးသားတက်လာပြီး မကြာခင် မိုးရွာတာက အားလုံး ပြောစမှတ် ပြုကြရတယ်ဆိုပဲ။ (မန္တလေးမှာလည်း မင်းတုန်းမင်းလက်ထက်က မင်းချီးမြှောက်ခံမော်လဝီဆပ်ကြီးတစ်ပါးဆိုလည်း မိုးဆုပန် ဆရာကြီးရယ်လို့တောင် အမည်တွင်ခဲ့ပါတယ်။)

    နောက်အချက်ကတော့ ဆရာကြီးတာဝန်ယူတဲ့ ဗလီနဲ့ တွဲရက်ရှိတဲ့ ကျောင်းအတွက်ကြောင့်ပါ။ အဲဒီကျောင်းက ကျောင်းအမည်ကိုက Muslim School ပါတဲ့။ ဒါပေမယ့် ပြည်သူပိုင်တွေ မသိမ်းခင် ပညာရေး လွတ်လပ်တဲ့ကာလဖြစ်လို့ ဒီကျောင်းလေးဟာ ဘာသာရေး စာသင်ကျောင်းသက်သက်မဟုတ်ဘဲ လူမျိုးဘာသာမရွေး မည်သူမဆို တက်ရောက်လို့ရတဲ့ အတန်းကျောင်း (သို့မဟုတ်) ခေတ်ပညာသင်ကျောင်းအဖြစ် တစ်နေကုန် ဖွင့်ပြီး ညနေဘက်ကျမှ မွတ်စလင်မ်တို့အတွက် သီးသန့် ဘာသာရေး ဒီနီယာသ် သင်ခန်းစာတွေ သင်တဲ့ကျောင်းလေးပါ။ ဆိုတော့ကာ နိစ္စဓူဝ ကျောင်းကို လာသွားနေကြတဲ့ ဘာသာခြား မိဘတွေ ကျောင်းသားတွေနဲ့ တရင်းတနှီး ရှိလေသပေါ့။ ဆရာကြီးကလည်း တသီးတခြား ခပ်တည်တည် မနေဘဲ အားလုံးကို ဖော်ဖော်ရွေရွေ ပြုံးရွှင်ချိုသာစွာ တလေးတစားနဲ့ ဧည့်ဝတ်ပြုတတ်တော့ ဆရာကြီးကိုလည်း အများက လေးစားကြတာပေါ့။

    တစ်ခါကများဆို နေ့ဘက် သိပ္ပံသင်တဲ့ဆရာက ဝက်အကြောင်း သင်ခန်းစာသင်ထားပြီး သင်ပုန်းပေါ်မှာ ဝက်ပုံကြီးဆွဲထား … စာတွေရေးထား … ညနေရောက်တော့ ဆရာကြီးက သူ့ရဲ့ မွတ်စလင်မ်ကျောင်းသားတွေကို ဘာသာရေးသင်ခန်းစာသင်ဖို့ စာသင်ခန်းထဲဝင်တဲ့အထိ အဲဒါတွေက မဖျက်ရသေးတော့ ဟက်ဟက်ပက်ပက် ရယ်ပါသတဲ့။ တစ်ဆက်တည်းမှာပဲ ဝက်သားကို အစ္စလာမ်က ဘာကြောင့် မစားခိုင်းတယ် ထင်သလဲဆိုတဲ့အကြောင်း ကျောင်းသားတွေနဲ့ ဆွေးနွေးပါတယ်တဲ့။

    ဆရာကြီးက လူကြီးလူငယ် ဘယ်သူနဲ့မဆို ဖော်ဖော်ရွေရွေ လေးစားသမှုနဲ့ “ခင်ဗျား … ကျွန်တော်” နဲ့ပဲ ပြောပါတယ်။ သူ့ရဲ့ကျောင်းသား မွတ်စလင်မ်လူငယ်တွေကို ခင်ဗျားတို့က ဗမာနိုင်ငံသား … ကျွန်တော်နဲ့ မတူဘူး … ဒီတော့ ဗမာစာ ဗမာစကား ကောင်းကောင်းတတ်အောင် သင်ကြပါ။ ဒီမြေကို ချစ်ကြပါလို့ သွန်သင်တတ်သူ။

    အဲဒီခေတ်က ခုနစ်တန်းအောင်ရင် ဆရာဖြစ်သင်တန်းတက်ပြီး ကျောင်းဆရာ ဆရာမအဖြစ် အလုပ်လုပ်နိုင်တဲ့ခေတ်ပါ။ ဆရာကြီးက သူ့ကျောင်းသားတွေကို တက္ကသိုလ်ထိ ဆက်တက်ကြဖို့ ကြိုးစားကြဖို့ အမြဲ တိုက်တွန်းတတ်ပါတယ်။ ဒါ့အပြင် ငွေကြေးအရ အခက်ခဲရှိသူတွေကိုလည်း တတ်နိုင်သူတို့ထံ အပ်နှံပြီး ကျောင်းဆက်တက်နိုင်ဖို့ ကူညီ ပံ့ပိုးပေးတတ်ပါတယ်။

    ကျွန်တော့်ဖခင်နဲ့ အဒေါ်တွေဟာ ဆရာကြီးရဲ့ တိုက်တွန်းမှု၊ သွန်သင်မှုကြောင့် ဘွဲ့ရကြတာပါ။

    နောက်တစ်ချက်က နွေရာသီ အားလပ်ရက်တွေမှာ ဗလီကနေ ကြေညာပြီး လုပ်အားပေး အစီအစဉ် ဆွဲတတ်ပါတယ်တဲ့။ မိုးရာသီရောက်ရင် ရေစီးရေလာ ကောင်းစေဖို့ ဗလီဝန်းကျင် ပတ်ပတ်လည် လမ်းတွေကို (မှတ်ချက် … ဗလီရှေ့တည့်တည့် တစ်ကွက်စာ မဟုတ်ပါ။) မြောင်းတွေ ပြန်လည် တူးဖော်ဖို့ သူ့ရဲ့ မွတ်စလင်မ် ကျောင်းသားကြီးတွေနဲ့ စီစဉ်တတ်ပါတယ်။ ဒီအခါမျိုးမှာ ပတ်ဝန်းကျင် လူမျိုးဘာသာမရွေးကလည်း အတူတကွ လုပ်အားကုသိုလ် ယူကြပါတယ်တဲ့။

    ဘာသာရေးဆောက်တည်မှုအရ ကျင့်ရန်ကျဉ်ရန်တွေ ဆောင်ရန် ရှောင်ရန်တွေ သင်ကြားပေးရင်းနဲ့ “ပြုံးရွှင်ချိုသာစွာ ဆက်ဆံတယ်ဆိုတာ ဆွဒကဟ် အလှူဒါန ပြုရာရောက်ကြောင်း၊ လမ်းပေါ်က ဆူးညှောင့်ခလုတ် ဖယ်တယ်ဆိုတာက အီမာန် – သာသနာ့ယုံကြည်မှုရဲ့ အစိတ်အပိုင်းဖြစ်ကြောင်း” ဒါတွေကိုလည်း တဖွဖွ သွန်သင်တတ်ပါတယ်တဲ့။
    တစ်ဦးမေတ္တာ တစ်ဦးမှာပါ။ လေးစားအတုယူကြစရာပါ။

    Once upon a time တစ်ခါတုန်းကပေါ့လေ။ ခေတ်တွေလည်း ပြောင်းခဲ့ပြီကိုး။