၂၀၁၆ ခုနှစ် သြဂုတ်လ ၈ ရက်နေ့က သြစတြေးလျ နိုင်ငံ ဆစ်ဒနီမြို့တွင် ပြုလုပ်ခဲ့သော မြန်မာမိသားစုများ တွေ့ဆုံပွဲ၌ တရားဥပဒေစိုးမိုးရေး၊ ငြိမ်းချမ်းစွာ အတူယှဉ်တွဲနေထိုင်ရေး နှင့် ပတ်သက်ပြီး မေးမြန်းချက်ကို တရားလွှတ်တော်ရှေ့နေ ဦးကိုနီမှ ပြန်လည်ဖြေကြားချက်ဖြစ်ပါတယ်။
ရိုက်ကူး- ကိုမြင့်မိုရ်မဏ္ဍိုင်
ကောင်းကင်ကို ရေးသည်။ (အတွေးအမြင်)
မြန်မာနိုင်ငံသည် ဗုဒ္ဓဘာသာဝင် အများစု နေထိုင်သည့် နိုင်ငံဖြစ်သော်လည်း ခရစ်ယာန်ဘုရားကျောင်း နှင့် ဗလီများ အများအပြား တည်ရှိသည့် နိုင်ငံလည်း ဖြစ်သည်။ သို့ရာတွင် ထိုအချက်ကိုသာကြည့်၍၊ မြန်မာနိုင်ငံတွင် ဘာသာမတူသူများ အမြဲ ငြိမ်းချမ်းစွာ အတူ ယှဉ်တွဲနေထိုင်နေကြသည် ဟူ၍တော့ မဆိုနိုင်တော့ပါ။ မြန်မာနိုင်ငံတွင် မကြာခဏ ဖြစ်ပွါးခဲ့သော ဘာသာရေး ပဋိပက္ခများကြောင့် ၂၀၁၂ ခုနှစ် ဇွန်လမှစ၍ အနည်းဆုံး လူ ၂၄၀ သေဆုံးခဲ့ရပြီ ဖြစ်ကြောင်း ရိုက်တာ သတင်းဌာနက ဖော်ပြခဲ့သည်။
ဘာသာမတူသူများကြား နားလည်မှု လွဲမှားခြင်းများသည် အမုန်းတရားကို မီးလောင်ရာ လေပင့်ပေးသလို ဖြစ်နိုင်ကာ၊ ထိုအမုန်းများသည် ဘာသာရေးအကြမ်းဖက်မှုများဆီသို့ ဦးတည်သွားစေနိုင်သည်။ ဘာသာမတူသူများကြား နားလည်မှုလွဲမှားခြင်းများကို လျော့ပါးစေမည့် နည်းလမ်းများအနက် တစ်ခုမှာ မေတ္တာတရားကို အခြေခံသည့် ဘာသာပေါင်းစုံ ငြိမ်းချမ်းရေး လှုပ်ရှားမှုများ ပြုလုပ်ခြင်းဖြစ်ကြောင်း ဗုဒ္ဓဘာသာရဟန်းတစ်ပါးဖြစ်သူ အရှင် ဇယဒိသ (ခေါ်) ဦးဇင်းသုညက မိန့်ကြားခဲ့သည်။
“၂၀၀၉ ခုနှစ်လောက်ကစပြီး မန္တလေး ပတ်ဝန်းကျင်က ဆင်းရဲသားရပ်ကွက်တွေမှာ လုပ်အားပေး ဆရာတွေစုပြီး အင်္ဂလိပ်စာ အခမဲ့သင်ပေးတယ်။ အဲဒီကနေ ၂၀၁၀ လောက်ကျတော့ ဖွံ့ဖြိုးရေးနဲ့ ပတ်သက်တဲ့သင်တန်းတွေ လိုက်တက်ရင်း တခြား အဖွဲ့အစည်းတွေနဲ့ ချိတ်ဆက်မိလာတယ်။ ၂၀၁၁ လောက်ကျတော့ ဘာသာပေါင်းစုံ ငြိမ်းချမ်းရေး အစည်းအဝေးတွေ၊ ဆွေးနွေးပွဲတွေ စတက်ဖြစ်ခဲ့တယ်” ဟု ဦးဇင်းသုညက မိန့်ကြားခဲ့သည်။ ဦးဇင်းသုညမှာ စာရေးဆရာ ဖေမြင့် ရေးသားထားသော “မဟာကရုဏာရှင်များ” စာအုပ်ထဲတွင် ပါဝင်သည့် ပုဂ္ဂိုလ်ကျော်များကို ငယ်စဉ်ကတည်းက အားကျခဲ့သူဖြစ်ပြီး ထိုစာအုပ်မှာ မာသာထရီဇာ၊ ဒေါက်တာအယ်လ်ဘတ်ရွှိုက်ဇာ၊ ဘွတ်ကာတီဝါရှင်တန် နှင့် အခြား ပုဂ္ဂိုလ်ကျော်များအကြောင်းကို ရေးသားထားသော စာအုပ်တစ်အုပ်ဖြစ်သည်။
ဦးဇင်းသုညသည် လူ့အခွင့်အရေး နှင့် ငြိမ်းချမ်းရေးလှုပ်ရှားသူ တစ်ဦးဖြစ်သည့် ကိုဟယ်ရီမျိုးလင်း နှင့် အတူ “The Seagull” (စင်ရော်) လူ့အခွင့်အရေးအဖွဲ့ကို ၂၀၁၄ ခုနှစ်က တည်ထောင်ခဲ့သည်။ အဖွဲ့၏ နာမည်ကို ကမ္ဘာကျော် ဝတ္ထုဖြစ်သည့် “Jonathan Livingston Seagull” (ယောနသံစင်ရော်) ဝတ္ထုမှနေ၍ စိတ်ကူးရခဲ့ခြင်း ဖြစ်ကြောင်း ကိုဟယ်ရီက ပြောပြခဲ့သည်။
“အရင်က ဘာသာပေါင်းစုံ(လှုပ်ရှားမှု) ဆိုရင်၊ မတူညီတဲ့ ဘာသာဝင်တွေရဲ့ ခေါင်းဆောင်တွေကိုဖိတ်ပြီး ဆွေးနွေးတာမျိုးတွေ၊ နောက်… ခေါင်းဆောင်တွေက နောက်လိုက်တွေကို တရားဟောတာတွေနဲ့ စလုပ်ခဲ့ကြတယ်။ အခုနောက်ပိုင်းမှာတော့ လူငယ်တွေကို ဘာသာရေးတွေအကြောင်း၊ ပညာရပ်ဆိုင်ရာ လေ့လာတာတွေ၊ လူ့အခွင့်အရေးနဲ့ conflict transformation အကြောင်းတွေကို ပညာပေးတာတွေ လုပ်လာကြတယ်” ဟု ကိုဟယ်ရီက ဆိုသည်။
လွန်ခဲ့သောနှစ်များအတွင်း ဘာသာရေး ပဋိပက္ခများ မကြာခဏ ဖြစ်ခဲ့သော မြန်မာနိုင်ငံတွင် ဘာသာပေါင်းစုံ ငြိမ်းချမ်းရေး လှုပ်ရှားမှုများ လိုအပ်ကြောင်းနှင့် ပတ်သတ်၍ မွတ်စလင်တစ်ဦးဖြစ်သူ ကိုမိုးကျော်က “ဘာသာရေးကို ဘ၀မှာ အရမ်းအရေးကြီးတဲ့ ကိစ္စတစ်ခုအဖြစ် လက်ခံယူဆထားကြတဲ့ မြန်မာပြည်ထဲမှာ ဘာသာရေးကို အကြောင်းပြုပြီး အမုန်းမီးတိုက်နေသူတွေ ရှိလာတဲ့အခါ၊ ဘာသာရေးကို အကြောင်းခံပြီး ချစ်ခင်မှုကို တည်ဆောက်တဲ့၊ ဖော်ဆောင်တဲ့ ဒီလှုပ်ရှားမှုတွေ လုပ်ဖို့လိုအပ်လာတယ်လို့ ယူဆပါတယ်” ဟု ဆိုခဲ့သည်။
သို့ရာတွင် အချို့က ဘာသာရေးပဋိပက္ခများမှာ နောက်ကွယ်မှ ကြိုးကိုင် ဖန်တီးသူ အနည်းငယ်၏ လက်ချက်သာ ဖြစ်ပြီး သာမန်လူများနှင့် မသက်ဆိုင်ကြောင်း၊ ထို့ကြောင့် သာမန်လူများအပေါ်သာ အကျိုးသက်ရောက်မှု ရှိနိုင်မည့် ဘာသာပေါင်းစုံချစ်ကြည်ရေး လှုပ်ရှားမှုများမှာ အပေါ်ယံဆန်သော လှုပ်ရှားမှုများသာ ဖြစ်ပြီး ထိရောက်လိမ့်မည် မဟုတ်ဟု ဆိုကြသည်။
သို့သော် မြန်မာနိုင်ငံအတွင်း၌ သာမန် ဗုဒ္ဓဘာသာဝင် အချို့ နှင့် သာမန် မွတ်စလင်များအကြား အပြန်အလှန် မုန်းတီးမှုများ၊ ထိတ်လန့်မှုများနှင့် သံသယများ ရှိနေသည် ဆိုခြင်းမှာလည်း တကယ့် အရှိတရား တစ်ခု ဖြစ်သည်။ ဗုဒ္ဓဘာသာဝင်များ နှင့် မွတ်စလင်များ အကြား အပြန်အလှန် ဆဲဆိုပုတ်ခတ်မှုများကို လူမှုကွန်ယက် စာမျက်နှာများပေါ်တွင် မကြာခဏ တွေ့မြင်နေကြရသည်။
ထို့ပြင် မြန်မာနိုင်ငံတွင် မွတ်စလင်ဆန့်ကျင်ရေး သဘောထားလည်း အရှိန်အဟုန် မြင့်တက်လာခဲ့သည်။ ထို မွတ်စလင်ဆန့်ကျင်ရေး သဘောထားမှာ မွတ်စလင်များအပေါ်သာမက အိန္ဒိယနွယ်ဖွားများ၊ မွတ်စလင်နှင့် ရုပ်သွင်တူသည်ဟု ထင်ခံရသူများ၊ မွတ်စလင်ဖြစ်သည်ဟု ကောလာဟလ ဖြန့်ခံရသူများအပေါ်ပါ ရိုက်ခတ်လာခဲ့သည်။ မြန်မာနိုင်ငံအတွင်းမှ မွတ်စလင်ဆန့်ကျင်ရေး သဘောထားမှာ ကမ္ဘောဒီးယားမှ စုံတွဲတစ်တွဲကိုပင် ရိုက်ခတ်ခဲ့သည်။ ထိုစုံတွဲမှာ ၂၀၁၅ ခုနှစ် အောက်တိုဘာလ ၁၀ ရက်နေ့တွင် ၎င်းတို့၏ မင်္ဂလာပွဲအကြို ဓာတ်ပုံများကို ဖေ့စ်ဘွတ်ခ်တွင် တင်ခဲ့ရာ အချို့မြန်မာများက ထိုစုံတွဲထဲမှ အမျိုးသမီးမှာ မြန်မာအမျိုးသမီးဖြစ်ကာ အမျိုးသားမှာ မွတ်စလင်တစ်ဦးဖြစ်ကြောင်း မှားယွင်းထင်မြင်ခဲ့ကြပြီး ထိုစုံတွဲကို မြန်မာစာဖြင့် ဝိုင်း၍ ဆဲဆိုခဲ့ကြခြင်း ဖြစ်သည်။
ထိုနည်းတူစွာပင် မွတ်စလင်ဟု အထင်ခံရသော မြန်မာနိုင်ငံမှ နာမည်ကျော် ပုဂ္ဂိုလ်အချို့ နှင့် သာမန်ပုဂ္ဂိုလ်အချို့မှာလည်း စော်ကားမှုများ၏ ပစ်မှတ်များ ဖြစ်ခဲ့ကြရကာ အချို့မှာ မွတ်စလင်မဟုတ်ကြောင်း ဖြေရှင်းခဲ့ကြရသည်။
၂၀၁၅ ခုနှစ် အောက်တိုဘာလ ၁၅ ရက်နေ့တွင် နာမည်ကျော် အဆိုတော်လင်းလင်းက သူ၏ ဖေ့စ်ဘွတ်ခ် စာမျက်နှာ၌၊ ရွေးကောက်ပွဲကိစ္စအတွက် “တောင်ကုတ်မြို့ အသွားလမ်းတွင် ဦးစိုးဝင်း နှင့် ကျွန်တော်လင်းလင်း အား အစ္စလာမ်ဘာသာဝင်ဟု သတင်းလွှင့်ထားသောကြောင့် လူအုပ်စုများ စောင့်ကာ အသက်အန္တရာယ် ရှိသောကြောင့် လှည့်ပြန်ရန် မြို့နယ်ထွေအုပ်က ပြောကာ၊ ရဲများ၊ အရပ်ဝတ်များ၊ ထွေအုပ်အဝတ်အစားများ နှင့် လူများမှ ပြောဆို၍ ပြန်လွှတ်ပါသည်” ဟု ရေးသားခဲ့သည်။ နောက်ပိုင်းတွင်မူ လင်းလင်းသည် ထိုမြို့ထဲသို့ ဘေးအန္တရာယ်ကင်းရှင်းစွာဖြင့် ဝင်ရောက်နိုင်ခဲ့သည်။
မြန်မာနိုင်ငံတွင် ကောလာဟလများကလည်း မွတ်စလင်ဆန့်ကျင်ရေး သဘောထားများကို ပိုမို အားကောင်းလာစေခဲ့သည်။ ဗလီများထဲသို့ မွတ်စလင်မဟုတ်သူများ ဝင်ရောက်ခွင့် မရှိကြောင်းနှင့် ဗလီများထဲတွင် လက်နက်များ ရှိကြောင်း အချို့သူများက စွပ်စွဲခဲ့ကြသည်။
ထိုကောလာဟလများနှင့် ပတ်သတ်၍ ငြိမ်းချမ်းရေး လှုပ်ရှားသူ ဦးဇင်းသုညက “ဘာသာပေါင်းစုံရဲ့ ဘာသာရေးကျောင်းတွေကို ကလေးတွေနဲ့ လေ့လာရေးခရီး ခဏခဏ ထွက်နေတာပဲ။တစ်ခါမှ သူတို့ပြောသလို မတွေ့ဖူးပါဘူး။ ဆွမ်းစားချိန်ရောက်လို့ ဦးဇင်းက ဗလီထဲရောက်နေရင် သူတို့က ဆွမ်းကပ်လိုက်တာပဲ။ ကျောင်းရောက်နေလို့ သူတို့ ဗိုက်ဆာရင်လည်း ကျောင်းမှာရှိတာ စားလိုက်တာပဲ။ အားလုံး အေးဆေးပဲ။ ဘာမှ မသင်္ကာ ဖြစ်မနေဘူး။တစ်ယောက်နဲ့တစ်ယောက် ယုံကြည်မှု အပြည့်ရှိကြပြီးသားပဲ” ဟု မိန့်ကြားခဲ့သည်။
ပြီးခဲ့သည့် ဒီဇင်ဘာလ ၂၅ ရက်နေ့က ရန်ကုန်တွင် “မေတ္တာနှင့် ခွင့်လွှတ်ချစ်ကြည်ကြစို့” ဘာသာပေါင်းစုံ ငြိမ်းချမ်းရေး အခမ်းအနားတစ်ခုကို ကျင်းပပြုလုပ်ခဲ့ကြောင်း ဦးဇင်းသုညက မိန့်ကြားခဲ့သည်။ ထိုအခမ်းအနားတွင် ဗုဒ္ဓဘာသာ ရဟန်းတော်များ ဖြစ်ကြသည့် မြဝတီဆရာတော် နှင့် ဦးဇင်းသုည၊ မွတ်စလင်ဘာသာရေး ခေါင်းဆောင်နှစ်ဦး၊ ခရစ်ယာန် ဘုန်းတော်ကြီး တစ်ဦးနှင့် ဟိန္ဒူဘာသာရေးခေါင်းဆောင် တစ်ဦးတို့ ပါဝင် ဟောပြောခဲ့ကြသည်။ ထိုအခမ်းအနားသို့ လူ ၃၀၀ ခန့် တက်ရောက်ခဲ့ကြကြောင်း ဦးဇင်းသုညက မိန့်ကြားခဲ့သည်။
ဦးဇင်းသုည နှင့် ကိုဟယ်ရီမှာ ပြည်တွင်း ဘာသာပေါင်းစုံ လှုပ်ရှားမှုများတွင် ပါဝင်လှုပ်ရှားရုံသာ မကဘဲ ပြည်ပမှ တက်ကြွလှုပ်ရှားသူများနှင့်လည်း ချိတ်ဆက်ကာ နိုင်ငံတကာ ဘာသာပေါင်းစုံ လှုပ်ရှားမှုများတွင်လည်း ပါဝင်ခဲ့သည်။
“၂၀၁၄ တုန်းက နီပေါမှာ တောင်အာရှနိုင်ငံက သင်တန်းသားတွေနဲ့ နှစ်ပတ်တိတိ သင်တန်းတက်၊ အမြင်တွေ ဖလှယ်ခဲ့ဖူးတယ်။ ၂၀၁၅ မှာ အင်ဒိုနီးရှားကို exchange programအနေနဲ့ ၁၀ ရက် သွားခဲ့ဖူးတယ်။ ၂၀၁၅ မှာပဲ ဘန်ကောက်မှာ ကျင်းပတဲ့ အရှေ့တောင်အာရှရဲ့ ပထမဦးဆုံးသော လွတ်လပ်စွာ ယုံကြည်ကိုးကွယ်ခွင့်ဆိုင်ရာ ကွန်ဖရင့် ကို တက်ရောက်ခဲ့ပါတယ်။အဲဒီ ကွန်ဖရင့် ကို လွတ်လပ်စွာ ယုံကြည်ကိုးကွယ်ခွင့်ဆိုင်ရာ ကုလသမဂ္ဂရဲ့ အထူးကိုယ်စားလှယ်လည်း တက်ရောက်ခဲ့ပါတယ်။အဲဒီ အထူးကိုယ်စားလှယ်နဲ့ မြန်မာနိုင်ငံ ကိုယ်စားလှယ်တွေ နှစ်နာရီ နီးပါးလောက် သီးသန့်တွေ့ဆုံခွင့်ရခဲ့ပါတယ်” ဟု ဦးဇင်းသုညက မိန့်ကြားခဲ့သည်။
ဘန်ကောက် ကွန်ဖရင့် အတွက် စီစဉ် ဖိတ်ကြားပေးခဲ့သူမှာ ဗြိတိန်နိုင်ငံသား လူ့အခွင့်အရေး လှုပ်ရှားသူ Benedict Rogers ဖြစ်ကြောင်း နှင့် အင်ဒိုနီးရှား ခရီးစဉ်ကိုလည်း Benedict Rogers ကပင် စီစဉ်ပေးခဲ့ခြင်း ဖြစ်ကြောင်း ဦးဇင်းသုညက မိန့်ကြားခဲ့သည်။ ယခုနှစ် မတ်လထဲတွင်လည်း exchange program တစ်ခု အဖြစ် အင်ဒိုနီးရှားမှ ငြိမ်းချမ်းရေး လှုပ်ရှားသူများအား မြန်မာနိုင်ငံသို့ စေလွှတ်ရန် Benedict Rogers က စီစဉ်နေကြောင်း သိရသည်။ Benedict Rogers မှာ”Than Shwe – Unmasking Burma’s Tyrant” (မြန်မာ့ အာဏာရှင်၏ မျက်နှာဖုံးကို ချွတ်ကြည့်ခြင်း) ဟူသည့် ခေါင်းစဉ်ဖြင့် ဗိုလ်ချုပ်မှူးကြီး သန်းရွှေအကြောင်း စာအုပ်ကို ရေးသားခဲ့သူလည်း ဖြစ်သည်။
နိုင်ငံတကာ ကွန်ဖရင့်များ နှင့် ဘာသာပေါင်းစုံ လှုပ်ရှားမှုများမှနေ၍ များစွာ သင်ယူနိုင်ခဲ့ကြောင်းလည်း ဦးဇင်းသုညက မိန့်ကြားခဲ့သည်။ “ကွန်ဖရင့် တွေကနေ ရခဲ့တာကတော့ အများကြီးပဲ။ အဓိကတော့ တောင်အာရှနဲ့ အရှေ့တောင် အာရှနိုင်ငံတွေမှာ ဖြစ်နေတဲ့ ဘာသာရေး၊ လူမျိုးရေး ပဋိပက္ခတွေအကြောင်း၊ သူတို့ရဲ့ အခက်အခဲတွေ၊ စိန်ခေါ်မှုတွေအကြောင်း စသဖြင့် အများကြီးပဲ။ ကိုယ့်ဘဝမှာ တစ်ခါမှ မကြားဖူးသေးတဲ့ ယုံကြည်မှု ပုံစံတွေ နဲ့ ဘာသာတွေအကြောင်းရယ်၊ဗုဒ္ဓဘာသာဆိုပေမယ့် တစ်နိုင်ငံရောက်သွားရင် ပုံစံတစ်မျိုးဖြစ်နေတာတွေကိုရယ် ထူးထူးခြားခြား ကြုံခဲ့ရပါတယ်။ ထူးခြားတာကတော့ ဘယ်ရောက်ရောက် မြန်မာနိုင်ငံအကြောင်း အားလုံးက စိတ်ဝင်တစား မေးခွန်းထုတ်ကြတာပဲ” ဟု ဦးဇင်းသုည က မိန့်ခဲ့သည်။
ဘာသာပေါင်းစုံ ငြိမ်းချမ်းရေး လှုပ်ရှားမှုများအား ထောက်ခံကြသူများထဲမှ အချို့ကမူ လှုပ်ရှားမှုများ၏ ထိရောက်မှုအတိုင်းအတာ နှင့် ပတ်သတ်၍မူ သံသယ ဝင်နေကြသည်။ ကိုမိုးကျော်က “ဘာသာပေါင်းစုံ ချစ်ကြည်ရေး လုပ်တဲ့သူတွေဟာ သူတို့အချင်းချင်းကြားမှာပဲ ပတ်လုပ်နေရသလို ဖြစ်ပြီး အဲဒီလို ဘာသာပေါင်းစုံ ပွဲတွေကို တကယ်တမ်း အမုန်းတရား ရှိနေသူတွေ၊ အမုန်းတရား လှုံ့ဆော်သူတွေက မလာကြဘူးဗျ” ဟု ဆိုခဲ့သည်။
သို့ရာတွင် ဘာသာပေါင်းစုံ ချစ်ကြည်ရေး လှုပ်ရှားမှုများကြောင့် အပေါင်းလက္ခဏာ ဆန်သော ရလဒ်များ ထွက်ပေါ်လာခဲ့သည်မှာလည်း ထင်ရှားပါသည်။ မတူသော ဘာသာများမှ ဘာသာဝင်များအကြား နားလည်မှု လွဲမှားခြင်းများသည် ပြဿနာ အများအပြားကို ဖြစ်ပေါ်လာစေနိုင်ရာ ဘာသာမတူသူများအကြား ချစ်ကြည်ရေး နှင့် အပြန်အလှန် နားလည်မှုကို မြှင့်တင်ပေးမည့် ဘာသာပေါင်းစုံလှုပ်ရှားမှုများ လိုအပ်နေပေသည်။
ဘာသာပေါင်းစုံ ငြိမ်းချမ်းရေး လှုပ်ရှားမှုများ၏ အကျိုးကျေးဇူးအချို့နှင့် ပတ်သတ်၍ ဦးဇင်းသုညက “ကိုယ့်ကြောင့် သူတို့တွေ …ဘာသာမတူသူတွေ… စိတ်သက်သာရာရခဲ့ကြတယ်။ တချို့ဘာသာခြား ကလေးတွေဆိုရင် ဦးဇင်းကို သူတို့ရဲ့ ဘာသာရေးခေါင်းဆောင်လိုပဲ သတ်မှတ်ထားသူတွေလည်း ရှိတယ်။တချို့ကိစ္စတွေမှာ ဘာသာတူချင်း ပြောတဲ့စကားထက် ဦးဇင်းရဲ့ စကားကို ပိုပြီး အလေးအနက်ထားတာမျိုးကိုလည်း မကြာခဏ ကြုံဖူးတယ်။ သူတို့ ဘာသာခြား အချင်းချင်း ဖြစ်နေတဲ့ ပြဿနာတွေကိုလည်း ကြားထဲကနေ အောင်အောင်မြင်မြင်နဲ့ ၀င်ရောက် ဖြေရှင်းပေးခဲ့ဖူးတယ်။ဗုဒ္ဓဘာသာအကြောင်းကိုလည်း သူတို့ ပိုနားလည်လာပြီး ပိုလေးစားလာကြတယ်” ဟု မိန့်ကြားခဲ့သည်။
ငြိမ်းချမ်းရေး လှုပ်ရှားနေစဉ်တွင် ဦးဇင်းသုညသည် အခက်အခဲများ နှင့်လည်း ကြုံတွေ့ခဲ့ရသည်။ “မက်ဆေ့ပို့ပြီး ခြိမ်းခြောက်တာတို့၊ နောက်ပြီး ဖေ့စ်ဘွတ်ခ်မှာဆိုရင် ခြိမ်းခြောက်တာတွေ ဘာတွေ ရှိတယ်” ဟု ဦးဇင်းသုညက မိန့််ခဲ့သည်။
ဘာသာပေါင်းစုံ အခမ်းအနားများ ကျင်းပကြပုံနှင့် ပတ်သတ်၍ ပြောကြရာတွင် ငြိမ်းချမ်းရေး၊ လူမှုရေး နှင့် နိုင်ငံရေး လှုပ်ရှားမှုများတွင် တက်ကြွစွာ ပါဝင်လေ့ရှိသူ ဦးညီညီကျော်က၊ ခမ်းနားလှသော ဟိုတယ်ကြီးများတွင် ကျင်းပကြသည့် ပွဲများထက် ရိုးရှင်းသောပွဲများကိုသာ ပိုမိုနှစ်သက်ကြောင်း ဆိုခဲ့သည်။ “ပွဲဆန်တဲ့ တင်ဆက်မှုကြီးတွေ၊ ဦးနေဝင်းခေတ်က အော်ပရာဆန်တဲ့ ပြည်ထောင်စုနေ့ အခမ်းအနားကြီးတွေလို မလုပ်ဘဲနဲ့ တကယ်ငြိမ်းချမ်း ချစ်ကြည်ချင်ရင် အတူတကွ အလုပ်လုပ်တာမျိုးတွေ၊ ခရီးသွားတာမျိုးတွေ၊ လူမှုသင်းဖွဲ့ ဖွဲ့ကြတာမျိုးတွေ ဒါမျိုးတွေကို ပိုပြီးတော့ ဖြစ်စေချင်ပါတယ်” ဟု ပြောခဲ့သည်။
မကြာမီတွင် မြန်မာနိုင်ငံ၌ အစိုးရသစ်တစ်ရပ် ပေါ်ထွက်လာတော့မည်ဖြစ်ပြီး ဘာသာရေး ပဋိပက္ခ ပြဿနာမှာ မြန်မာနိုင်ငံ၏ အနာဂတ် အတွက် ကြီးမားသော စိန်ခေါ်မှု တစ်ရပ် ဖြစ်လာနိုင်သည်။ လက်ရှိကာလတွင် မြန်မာနိုင်ငံ၌ အစွန်းရောက်အင်အားစုများ အတန်အသင့် အားကောင်းနေဆဲဖြစ်ရာ မြန်မာနိုင်ငံအတွက် အပြုသဘောဆောင်သော ပြောင်းလဲမှုများကို ဘာသာပေါင်းစုံ ချစ်ကြည်ရေး လှုပ်ရှားမှုများက ဘယ်လောက် ဆောင်ကြဉ်းပေးနိုင်လိမ့်မလဲ ဆိုသော မေးခွန်းနှင့်ပတ်သတ်၍ ခန့်မှန်းရ ခက်နေသေးသည်။
မည်သို့ပင်ဖြစ်စေကာမူ မြန်မာနိုင်ငံ အနေဖြင့် ငြိမ်းချမ်းရေး နှင့် ချစ်ကြည်ရေး လှုပ်ရှားမှုများကို လိုအပ်နေပါသည်။ တင်စား၍ ပြောရမည်ဆိုလျှင် ပဋိပက္ခများ မကြာခဏ ဖြစ်ပွါးခဲ့သော မြန်မာနိုင်ငံသည် ရေနစ်နေသူ တစ်ဦး ဆိုပါက ဘာသာပေါင်းစုံငြိမ်းချမ်းရေး လှုပ်ရှားမှုများမှာ ရေနစ်နေသူမြန်မာနိုင်ငံ အားကိုးတကြီး ဆွဲကိုင်ရမည့် ကောက်ရိုးမျှင် တစ်မျှင် ဖြစ်ပါသည်။
http://mizzimaburmese.com/article/10884 မှ ကူးယူဖော်ပြသည်။
ဒီဇင်ဘာ ၄၊ ၂၀၁၅
M-Media
မိုးစက်
ရန်ကုန်။ ။ မတူကွဲပြားသည့် ဘာသာတရားများရဲ့ အလှတရားများကို ဖော်ညွှန်းထားသည့် The Beauty of Religious Diversity ဆိုသည့် ခေါင်းစဉ်ဖြင့် အနုပညာ ပြပွဲတစ်ရပ်ကို ရန်ကုန်မြို့ရှိ ဘာသာရေး အဆောက်အအုံများတွင် ကျင်းပပြုလုပ်လျှက် ရှိနေပါတယ်။
ထိုပြပွဲကို Smile Education မှ ဦးဆောင်ကျင်းပပြီး ဘာသာရေး အဆောက်အအုံများမှ တာဝန်ရှိ ပုဂ္ဂိုလ်များက ပူးပေါင်းဆောင်ရွက်ကြောင်း သိရပါတယ်။
“မြန်မာနိုင်ငံမှာ ဖြစ်နေတဲ့ ဘာသာရေးပဋိပက္ခတွေ ချုပ်ငြိမ်းသွားဖို့ လူငယ်တွေရဲ့ ဖြစ်ချင်တဲ့ ဆန္ဒနဲ့ လူငယ်အနုပညာရှင်တွေက ကိုယ်ပိုင်ဖန်တီးပြီးတော့ ဘာသာပေါင်းစုံငြိမ်းချမ်းရေးကို ဆောင်ရွက်တာဖြစ်ပါတယ်” လို့ ယခုကဲ့သို့ ပွဲပြုလုပ်ရခြင်းနှင့် ပတ်သတ်ပြီး Smile Education မှ Project Co-coordinator ဖြစ်သူ မမြတ်ဖြိုးဖြိုးရှိန်က M-Media ကိုပြောပါတယ်။
ဘာသာပေါင်းစုံက မတူညီပေမယ့်လည်း အလှတရားပေါင်းစုံရှိတယ်ဆိုတာကို ဖော်ကျူးထားတဲ့ အနုပညာတွေဖြစ်ပြီး ဘာသာရေးလွတ်လပ်ခွင့်အနေနှင့် ပရောဂျက်တစ်ခု ပြုလုပ်ခြင်း ဖြစ်ကြောင်းကိုလည်း သူမက ထပ်လောင်းပြောကြားခဲ့ပါတယ်။
အဆိုပါအနုပညာပြပွဲတွင် ဘာသာပေါင်းစုံအလှတရားကို ဖော်ကျူးထားသည့် ပန်းချီကားများ၊ ကဗျာများ၊ ဓာတ်ပုံများ ပါဝင်ပါတယ်။
“ဒီပြပွဲလေးမှာ ဘာသာတရားတို့ရဲ့ ကွဲပြားစုံလင်မှုနဲ့ အလှတရားတွေ ပါဝင်ပါတယ်။ ကျွန်တော်တို့အနေနဲ့ ပူးပေါင်း ပါဝင်ရတာလည်း မြန်မာနိုင်ငံမှာရှိတဲ့ ဘာသာရေး အမုန်းတရားတွေကို ပျောက်ပျက်စေချင်လို့ပါ” ၅၉လမ်း ဆုတောင်းပြည့် ဗလီဝတ်ကျောင်းတော် ကုရ်အာန် အသိပညာပြန့်ပွားရေး အဖွဲ့ မှ ဦးဆန်းအောင်က သုံးသပ်ပြောဆိုခဲ့ပါတယ်။
ထိုအနုပညာပြပွဲကို ဒီဇင်ဘာလ ၃ ရက်နေ့မှ ၆ ရက်နေ့ထိ ဓမ္မပီယဘုန်းကြီးကျောင်း၊ ၅၉လမ်း ဆုတောင်းပြည့် ဗလီဝတ်ကျောင်းတော်၊ မဟာသျှီဝ ဟိန္ဒူဘုရားကျောင်း၊ စိန်မေရီကာဒီနယ် ချာလ်ဘိုကျောင်း တို့တွင် တစ်ရက်စီ ပြသသွားမှာ ဖြစ်ပါတယ်။
ဒီဇင်ဘာ ၃ ၊ ၂၀၁၅
ဂျက်ဖရီတင်အုန်း ( ရန်ကုန်စက်မှုတက္ကသိုလ် R.I.T)
လူနှင့်တိရစ္ဆာန်ကွဲပြားခြားနားခြင်းသည် အသိဥာဏ်ပညာ၊ ဆင်ခြင်တုံတရားဖြစ်သည်။ အကြောင်းနှင့်အ ကျိုး၊ အကောင်းနှင့်အဆိုး၊ အမှားနှင့်အမှန်ကို ဝေဖန်ပိုင်းခြားနိုင်သော စွမ်းအား၊ တိရစ္ဆာန်တွင် မရှိပါ။ လူတွင်ရှိသည်။
လူအချို့တွင် အယူအဆအမျိုးမျိုး၊ အတွေးအခေါ်အမျိုးမျိုး၊ ဘာသာအယူဝါဒ၊ ဓလေ့ထုံးစံ၊ ယဉ်ကျေးမှု၊ ဘာသာစကား အမျိုးမျိုးရှိသည်။ ထို့ကြောင့် လူရှိလျှင် ပြဿနာရှိကောင်းရှိနိုင်သည်။ ပြဿနာရှိလျှင်၊ ဆင်ခြင်ဥာဏ်နှင့် မဖြေရှင်းပဲ ဒေါသရှေ့ထား၊ စိတ်လိုက်မာန်ပါ၊ ပြုလုပ်မိပါက ရာဇ၀တ်မှုတစ်ခုခုကို ကျူးလွန်မိပေမည်။ ကျူးလွန်သူကို အရေးယူ အပြစ်ပေးနိုင်ရန်၊ တရားဥပဒေရှိသည်။ ကျူးလွန်သည့် အမှုပေါ် မူတည်၍ ငွေဒဏ်၊ ထောင်ဒဏ်၊ သေဒဏ် စသည်ဖြင့် တရားဥပဒေ စိုးမိုးရေးအတွက် ကျူးလွန်သူတိုင်းကို အရေးယူ အပြစ်ပေးနိုင်ရန်၊ နိုင်ငံတိုင်းမှာ တရားဥပဒေ ရှိပြီးဖြစ်သည်။
ဥပဒေသည် နိုင်ငံသားတို့၏ အသက်အိုးအိမ်၊ စည်းစိမ်ကို ကာကွယ်ရာတွင် “မဟာတံတိုင်းတစ်ခုသဖွယ်” ဖြစ်သည်။ အားကိုးရာ မိဘသဖွယ်ဖြစ်သည်။ ဥပဒေနှင့်ပတ်သက်၍ ပြည်သူ့လွှတ်တော်ဥက္ကဌ သူရရွှေမန်း က “ဥပဒေရဲ့အထက်မှာ ဘယ်သူမျှမရှိစေရ” ဟူ၍ မြန်မာနိုင်ငံ၏ တရားရေးဝန်ထမ်းများအား မှာကြားခဲ့ ဖူးသည်။
တရားဥပဒေသည် အုပ်ချုပ်သူအစိုးရနှင့် အုပ်ချုပ်ခံပြည်သူလူထုအပေါ် လွှမ်းမိုးမှုရှိရမည်။ ဩဇာသက် ရောက်မှုရှိရမည်။ အသက်ဝင်မှုရှိရမည်။ ကမ္ဘာပေါ်တွင် အင်အားအကြီးဆုံးနိုင်ငံတစ်ခုအနေဖြင့်၊ ကမ္ဘာ အလယ် နှစ်(၇၀)မျှ ဦးဆောင်နိုင်ခဲ့သော အမေရိကန်နိုင်ငံတွင် သမ္မတ ဘစ်လ်ကလင်တန်သည် အိမ်ဖြူတော် White House ၀န်ထမ်းမော်နီတာ လူဝစ်စကီးဆိုသူ အမျိုးသမီးနှင့် လိင်ကိစ္စတရားစွဲ ခံရ၍သမ္မတကိုယ်တိုင် အာဏာရှိစဉ်အတွင်း တရားရုံးကို သွားခဲ့သည်။ ကမ္ဘာ့အင်းအားအကြီးဆုံးနိုင်ငံ
အမေရိကန်သမ္မတကြီးလည်း တရားရုံးတော်ကို လေးစားသည်။ ဥပဒေကို လေးစားသည်ကို ကမ္ဘာ့တလွှားနိုင်ငံခေါင်းဆောင်များ အတုယူသင့်သည်။
ယဉ်ကျေးသောနိုင်ငံ၊ ယဉ်ကျေးသောလူ့အဖွဲ့အစည်းတိုင်းသည် တရားဥပဒေကို လေးစားသည်။ တရား ဥပဒေ၏အကာအကွယ်ကို ရယူသည်။ တရားရေးဝန်ထမ်းများသည်လည်း၊ တရားစီရင်ရာ၌ ဆင်းရဲချမ်းသာမကြည့် အာဏာ power ကိုမကြည့်၊ တရားမျှတမှု (Justice) ကိုသာကြည့်သည်။
အတိတ်ဟောင်း၊ စနစ်ဟောင်းမှ လူသားများသည် “အင်အားသည် အမှန်တရား” (Might is Right) ဟု လွှဲမှားစွာ လက်ခံယုံကြည်ခဲ့ကြသည်။ အင်အားရှိသူ၊ အာဏာရှိသူတို့က၊ အင်အားချို့တဲ့သူ အာဏာမဲ့သူ တို့အပေါ်၊ အနိုင်ကျင့်၊ ဗိုလ်ကျ၊ လုယက်တိုက်ခိုက်၊ သိမ်းပိုက်ရာမှ၊ အရသာတွေ့သွားကာ ပဒေသရာဇ်စ နစ်၊ အာဏာရှင်စနစ်တို့ ကမ္ဘာတလွှားပေါ်ပေါက်ခဲ့ကြသည်။
ယနေ့ကမ္ဘာပေါ်တွင် နိုင်ငံပေါင်း ၂၃၀ ကျော်ရှိသည်။ ကမ္ဘာ့ကုလသမဂ္ဂအဖွဲ့ဝင်နိုင်ငံပေါင်း ၂၀၀ နီးပါးရှိ သည်။ ဖွံ့ဖြိုးတိုးတက်သောနိုင်ငံများတွင် စစ်အာဏာရှင်များ အုပ်ချုပ်သော တိုင်းပြည်များ မပါသလောက် ဖြစ်သည်။ ဥပမာပြရလျှင် မြောက်ကိုရီးယားနိုင်ငံ၊ ကျူးဘားနိုင်ငံနှင့် ဇင်ဘာဘွေ၊ ဆူဒန် စသည့်နိုင်ငံများကို လေ့လာတွေ့ရှိနိုင်သည်။
ကမ္ဘာ့ Media များ၏ ကျေးဇူးကြောင့် ကမ္ဘာ့ပြည်သူလူထုသည် လူထုကိုအခြေခံသော လူထုကတင် မြှောက်ရွေးကောက်သော ဒီမိုကရေစီစနစ်အရသာကို မြည်းစမ်းမိကြသည်။ လိုလားတောင့်တ လာကြသည်။ ထို့ကြောင့်လည်း အဖိနှပ်ခံ ကမ္ဘာတ၀န်းမှ ပြည်သူလူထုသည် အသက်သွေး၊ ချွေးတို့ကို စွန့်လွှတ် အနစ်နာခံကာ၊ ဒီမိုကရေစီ ပန်းတိုင်အတွက် တိုက်ပွဲဝင်ခဲ့ကြသည်။
ဒီမိုကရေစီစနစ်တွင် “အမှန်တရားသည် အင်အား” (Right is Might) ဖြစ်သည်။ လူဖြူ၊ လူမဲ၊ ဘာသာအယူဝါဒ၊ ဆင်းရဲချမ်းသာ မည်မျှပင် ကွဲပြားခြားနားပါစေ လူထုရွေးကောက်ပွဲများတွင် “အသည်းကြားက မဲတစ်ပြား” သည် အရေးပါလာသည်။ သက်ဆိုင်ရာဒီမိုကရက်တစ် အစိုးရများသည်၊ ပြည်သူလူထု၏ဆန္ဒကို အလေးထားရသည်။ သို့သော်လည်း ဥာဏ်နီ၊ ဥာဏ်နက်၊ ကလိမ်ကကျစ်၊ ဥာဏ်ဆင်သုံးပြီး မဲလိမ်၊ မဲခိုး၊ ကြိုတင်မဲ စသည်ဖြင့် လူထု၏ဆန္ဒကို ဥပက္ခာပြုကာ၊ လူထု၏ခုံကို အချောင်လုထိုင်ချင်သူ၊ ထင်ရာစိုင်း ရာဇ၀င်ရိုင်းအောင် ပြုလုပ်နေသည့် အာဏာရှင်များလည်း၊ ကမ္ဘာတ၀န်းမှာ ကျန်နေသေးသည်။
၂၀၁၃ ခုနှစ်၊ ဇူလိုင်လတွင်၊ ဇင်ဘာဘွေ အာဏာရှင် ရောဘတ်မူဂါဘီ၏အတွင်းရေးများကို လူမှုရေးကွန်ရက် Facebook ပေါ်တွင် ဖော်ထုတ်တင်ပြမှုကြောင့်၊ ထိုအာဏာရှင်ကြီးသည် အကြီးအကျယ်ဒေါသအိုးပေါက်ကွဲကာ Post တင်သူအား ဖော်ထုတ်ပေးနိုင်သူအား ဆုငွေ အမေရိကန်ဒေါ်လာ ၃ သိန်းပေးမည်ဟု ဆုငွေထုတ်ခဲ့သည်။ ထို့ကြောင့် အာဏာရှင်များသည် Media ကိုကြောက်ကြသည်။ ဥာဏ်နီ၊ ဥာဏ်နက် မီးကုန်ယမ်းကုန်သုံး၍ Media ကိုထိန်းချုပ်ဖို့ ကြိုးစားကြသည်။
Media ကြောင့်လည်း ၎င်းတို့၏ အဓမ္မလုပ်ရပ်သည် “ဘူးပေါ်သလို” ပေါ်ခဲ့သည်။ ယနေ့လူထုသည် Media ကိုအားပေးသည်။ အားကိုးသည်။ Media သည်လူထုအတွက် နားမျက်စိ ဖြစ်လာသည်။ ထို့ကြောင့်လည်းMedia ကို နိုင်ငံ၏စတုတ္ထမဏ္ဍိုင် ဟုတင်စားပြောဆိုကြခြင်းဖြစ်သည်။ Media ကြောင့် ယနေ့ကမ္ဘာကြီး သည် ရွာပုံစံ (Globalization) မြင်လာရသည်။
ကမ္ဘာပေါ်ရှိ ဘာသာတရားများကို စေ့စေ့စပ်စပ်လေ့လာကြည့်လျှင် မည်သည့်ဘာသာတရားကမျှ အစွန်းရောက်သူများ (Extremists)၊ အကြမ်းဖက်သူများ (terrorists)ကို လုံးဝအားပေးခြင်း မရှိကြောင်း တွေ့ရသည်။ ဘာသာတရားတိုင်းသည် ယုံကြည်သူတိုင်းကို လိမ္မာယဉ်ကျေးအောင် အကျင့်စာရိတ္တကောင်းမွန်အောင် လောဘ၊ ဒေါသ၊ မောဟတို့ကို ထိန်းချုပ်နိုင်အောင် သင်ကြားပေးသည်။ မယုတ်၊ မလွန်၊ အလယ်၊ အလတ် လမ်းစဉ်သည် လောကလူအားလုံးအတွက် အကောင်းဆုံးဖြစ်ကြောင်းကို သင်ကြားပေးသည်။
လူမျိုးရေး၊ ဘာသာရေးမှာ အစွန်းရောက်လျှင် လူ့ဘောင်အဖွဲ့အစည်း၏ အပြင်ဖက်ကို ရောက်သွားတက်သည်။ လူမျိုးစွဲ ဘာသာစွဲ အစွန်းရောက်မှိုင်းမိနေသူများသည် “စိတ်ရောဂါဝေဒနာရှင်များနှင့် တူသည်”ဟု ကမ္ဘာကျော် အမေရိကန်စိတ်ပညာပါရဂူတစ်ဦးက မိန့်ဆိုခဲ့ဖူးသည်။ ထိုသူများကို ဘာသာရေး၊ နိုင်ငံရေး”အဆိပ်မှိုင်းများ” သွတ်သွင်းရန် အလွန်လွယ်ကူသည်။ ထိုသူများသည် ထိလွယ်၊ ရှလွယ်၊ ခံစားလွယ်တက်ပြီး၊ ငြိမ်းချမ်းရေးလမ်းစဉ်နှင့် ကင်းဝေးတတ်သည်ဟု ထိုပညာရှင်ကြီးက မှတ်ချက်ချ ပြောဆိုခဲ့ပါသည်။
ကမ္ဘာပေါ်တွင် စီးပွားရေး၊ လူမှုရေး၊ နိုင်ငံရေးဆိုင်ရာ အစည်းအဝေးများ၊ ဆွေးနွေးပွဲများ အမျိုးမျိုးရှိသည့်အနက်စေ့စပ်၊ ဆွေးနွေး၊ အဖြေရှာသည့် ငြိမ်းချမ်းရေး ဆွေးနွေးပွဲများသည် အချိန်အကြာဆုံးပွဲစဉ် ဖြစ်ကြောင်းတွေ့ရမည်။ နှစ်ဦးနှစ်ဘက် အလျော့၊ အတင်း၊ အပေး၊ အယူဖြင့်သာ “ငြိမ်းချမ်းရေးပန်းတိုင်” ကို ရောက်နိုင်သည်။ လောဘ၊ ဒေါသ၊ မောဟ၊ မာန်မာန၊ အတ္တစိတ်များ ပါဝင်လာပါက ငြိမ်းချမ်းရေးကို အဟန့်အတား ဖြစ်စေမည်။
ယနေ့ကမ္ဘာပေါ်တွင် လူဦးရေ သန်းပေါင်း ၇၀၀၀ ကျော်ရှိသည်။ လူမျိုးပေါင်း ၅၀၀၀ ကျော်ရှိသည်။ ဘာသာစကားပေါင်း ၆၀၀၀ ကျော်ရှိသည်။ အရှေ့တောင် အာရှတွင် လူဦးရေ အများဆုံး သန်း ၂၀၀ ကျော် ရှိသည့် အင်ဒိုနီးရှားနိုင်ငံတွင် ပြောဆိုသုံးစွဲသည့် ဘာသာစကား ၂၅၀ ကျော်ရှိသည်ကို ထောက်ရှုလျှင် တိုင်းရင်းသား မျိုးနွယ်ပေါင်း မြောက်မြားစွာ နေထိုင်လျက်ရှိသည် သိနိုင်သည်။
B.B.C အသံလွှင့်ဌာန၏ မှတ်တမ်းအရ ကမ္ဘာ့လူဦးရေ၏ သန်းပေါင်း ၂၀၀၀ ကျော်သည် ခရစ်ယာန်ဘာသာကို သက်ဝင်ယုံကြည်ကြသည်။ သန်းပေါင်း ၁၆၀၀ ကျော်သည် အစ္စလာမ်ဘာသာကို သက်ဝင်ယုံကြည်ကြသည်။ သန်းပေါင်း ၈၀၀ ကျော်သည် ဟိန္ဒူဘာသာကို သက်ဝင်ယုံကြည်သည်။ သန်းပေါင်း ၅၀၀ ကျော်သည် ဗုဒ္ဓဘာသာကို သက်ဝင်ယုံကြည်ကြသည်။ မည်သည့်ဘာသာကိုမျှ သက်ဝင်ယုံကြည်ခြင်းမရှိသည့်သူပေါင်း သန်း ၈၀၀ ကျော် ရှိသည်။ ဂျူးဘာသာ၊ ဆစ်ခ်ဘာသာ၊ ဂျိန်းဘာသာ၊ ကွန်ဖြူးရှပ်ဝါဒနှင့် နတ်ကိုးကွယ်သည့်သူများလည်း ဒုနဲ့ဒေးရှိသည်။
လူမျိုး၊ ဘာသာ၊ ရိုးရာအစဉ်အလာ ယဉ်ကျေးမှု မတူကွဲပြားခြင်း (Diversity) ကို “ငါနှင့်မတူ ငါ့ရန်သူ” ဟု မျက်မှန်စိမ်းတပ် ကြည့်နေမည့်အစား “မတူကွဲပြားခြားနားခြင်းကို” အင်အားတစ်ရပ် အလှအပတစ်ရပ်၊ ဂုဏ်ယူဖွယ်ရာတစ်ခုအနေနှင့် အသုံးချသင့်ပါတယ်ဟု ၂၀၁၂ခုနှစ်၊ နိုဝင်ဘာလ ၁၉ ရက်နေ့တွင် မြန်မာနိုင်ငံကို ချစ်ကြည်ရေးအလည်အပတ်ရောက်ရှိစဉ် အမေရိကန်သမ္မတ ဘာရက်အိုဘားမားက ရန်ကုန်တက္ကသိုလ်ဘွဲ့နှင်းသဘင်ခန်းမတွင် သမိုင်းဝင် မိန့်ခွန်းတစ်ခုမြွက်ကြားခဲ့ပါတယ်။ ထိုအခမ်းအနားကို ငြိမ်းချမ်းရေးနိုဘယ်ဆုရှင် လူထုခေါင်းဆောင် ဒေါ်အောင်ဆန်းစုကြည်၊ သီတဂူ ဆရာတော်ကြီး ဒေါက်တာ အရှင်ညာနိသရ၊ “၈၈” မျိုးဆက်ပွင့်လင်း လူ့အဖွဲ့အစည်းတို့ တက်ရောက်ခဲ့ကြသည်။
လူတစ်ယောက်တွင် လက်ချောင်းငါးမတူကွဲပြား၊ ပုံသဏ္ဍာန်ရှိနေခြင်းသည် လက်တွေ့တွင် အသုံးတည့်ခြင်းကိုဖြစ်စေသည်။ သဘာဝကျသည်။ အဓိပ္ပါယ်ရှိသည်။ “ငြိမ်းချမ်းရေး၊ စမ်းရေအေးအေးကို သောက်သုံးလိုလျှင် ကမ္ဘာပြည်သူလူထုသည် လူသားဝါဒ(Humanism) ကို ကျင့်သုံးဆောက်တည်ရမည်။ လူသားဝါဒဟူသည် လောကတွင် လူကို လူလိုမြင်၊ လူလူချင်း တန်ဖိုးထားဆက်ဆံသည့် လမ်းစဉ်ဖြစ်သည်။နိုဘယ်ဆုရှင် ကမ္ဘာကျော် ရူပဗေဒပညာရှင်ကြီး ပါမောက္ခ အိုင်းစတိုင်းက “အကြမ်းဖက်ခြင်းသည် အကြမ်းဖက်ခြင်းကို ဖြစ်စေသည်။” (Violence breeds Violence) ဟု ပြောခဲ့ဖူးသည်။
ထို့ကြောင့် နေရာဒေသတစ်ခုတွင် မတူကွဲပြားခြားနားသည့် လူများ ထာဝရအတူ ယှဉ်တွဲနေထိုင်လိုလျှင်တစ်ဦးနှင့်တစ်ဦးပြင်ပ ပရောဂများ၊ သွေးထိုးလှုံ့ဆော်မှုများ၊ သံသယများကို အသိနှင့်ယှဉ်ပြီး လက်ခံရမည်။ ဘာသာအယူဝါဒ၊ ဓလေ့ထုံးစံမတူကွဲပြားသူများ အချင်းချင်း ပွင့်လင်းမှုရှိရမည်။ နားလည်မှုရှိရမည်။ အပြန်အလှန် လေးစားချစ်ခင်မှုရှိရမည်။ ဘာသာပေါင်းစုံ ချစ်ကြည်ရေးပွဲများ၊ ဆွေးနွေးပွဲများ ကျင်းပခြင်း၊ဘာသာရေးခေါင်းဆောင်များ ဦးဆောင်၍ လူထုတရားပွဲများကို စုပေါင်းကျင်းပခြင်းသည် ပွင့်လင်းမြင်သာမှုကို ဖြစ်စေပြီး ဘာသာရေး ပဋိပက္ခများကို ဖြေရှင်းပေးနိုင်သည်။
“သည်းခံခွင့်လွှတ်ခြင်းသည် နိဗ္ဓာန်၏ သော့ကိုပိုင်ဆိုင်ခြင်း “(Patience is the key of paradise) ဖြစ် သည်။ အကောင်းဆုံးသော ကလဲ့စားချေခြင်းသည် သည်းခံခွင့်လွှတ်ခြင်း (The best revenge is forgiveness) ဖြစ်သည်ဟူသော ဘာသာရေး အဆုံးအမများသည် ကမ္ဘာကြီးကို ငြိမ်းချမ်းစေသောငြိမ်းချမ်းရေး တရားများ ဖြစ်ကြသည်။ ငြိမ်းချမ်းရေးတရားများကို လက်ကိုင်ထားပြီး၊ လူသားအချင်းချင်း၊လူသား ၀ါဒကို ကျင့်သုံးမည်။ လူပီသအောင် နေထိုင်ကြမည်။ “မိမိကြောင့် ကမ္ဘာကြီး၏ ရေ၊ မြေ၊ လေ၊တော၊ တောင်၊ သဘာဝအလှတရားများ (Natural Beauty) ဘယ်တော့မှ မပျက်စီးစေရ” ဟူသော စိတ်ဓာတ်မျိုး ကမ္ဘာချစ်စိတ်ဓာတ် (Global spirit) လူတိုင်းရင်မှာ ထားနိုင်လျှင်၊ ကမ္ဘာကြီးကို ခြိမ်းခြောက်နေသော အစွန်းရောက်ဝါဒ (Extremism) အကြမ်းဖက်ဝါဒ (Terrorism) များ အနှေးနှင့် အမြန်ပပျောက်သွားပြီး၊ သာယာဝပြောသော ငြိမ်းချမ်းသောကမ္ဘာကြီးတစ်ခုကို မုချဧကန် တည်ဆောက်နိုင်ပေမည်။
ဆောင်းပါးရှင် ဂျက်ဖရီတင်အုန်း ( ရန်ကုန်စက်မှုတက္ကသိုလ် R.I.T) ပေးပို့လာသည့် ဆောင်းပါးဖြစ်ပါသည်။
စက်တင်ဘာ ၂၅ ၊ ၂၀၁၅
တင်ဝင်း (ခေတ္တ-ဂျပန်) ရေးသည်။
ဒီနှစ်ဆန်းပိုင်းက အမေရိကန်ပြည်ထောင်စုမှာ ဂျူးဘာသာဝင်များရဲ့ ဝတ်ပြုပွဲမှာ အစ္စလာမ် ဘာသာဝင်များက အတူတကွ ပါဝင် ဝတ်ပြုခဲ့ကြသလို အစ္စလာမ် ဘာသာဝင်တွေရဲ့ဝတ်ပြုပွဲမှာ ဂျူးဘာသာဝင်တွေက အတူတကွ ပါဝင် ဝတ်ပြုခဲ့ကြပါတယ်။
ဂျူးဘာသာဝင်တွေရဲ့ နှစ်သစ်ကူးပွဲ Rosh Hashana မှာ အီရန် နိုင်ငံ သမ္မတ ဟာဆန် ရိုဟာနီ က ဂျူး ပြည်သူများ ထံ နှုတ်ခွန်းဆက် လွှာ ပေးပို့ခဲ့ပါတယ်။
တနင်္လာနေ့ နံနက်စောစော အီရန် နိုင်ငံ သမ္မတ ဟာဆန် ရိုဟာနီရဲ့ တွီတာ အကောင့်မှာ “ကျွန်တော်တို့ သာသနာတွေ(ဂျူးနှင့် အစ္စလာမ်) ရဲ့ အတူတကွ ဆင်းသက်ပေါက်ဖွားလာခဲ့တဲ့ ပင်မ ဖြစ်တဲ့ အီဗရာဟီမီ ရင်းမြစ်က ကျွန်တော်တို့ကို ပိုမိုနက်နက်ရှိုင်းရှိုင်း အပြန်အလှန် လေးစားကြဖို့နှင့် အပြန်အလှန် နားလည်မှု တွေတိုးပွားလာပြီး ငြိမ်းချမ်းရေးကို ရယူနိုင်ဖို့ ဆောင်ကျဉ်းပေးပါစေ” လို့ရေးသားခဲ့ပါတယ်။ သင့်အပေါ် ကောင်းသောနှစ်သစ် ကျရောက်ပါစေလို့ အဓိပ္ပါယ်ရတဲ့ ဂျူးဘာသာစကာဒအရ L’shanah tovah tikatev v’taihatem ကို အတိုကောက်ခေါ်ဝေါ်တဲ့ L’Shanah Tovah လို့ ရေးသားထားပါတယ်။
အီရန် နိုင်ငံရဲ့ အထွဋ်အထိပ် နိုင်ငံဦးသျှောင်လည်း ဖြစ်၊ ဘာသာရေး ခေါင်းဆောင် တဦးလည်း ဖြစ်သူက အခုလို အကြီးဆုံးရန်ဘက်လို့ အီရန်တွေက အမြဲ ယူဆလေ့ရှိတဲ့ ဂျူးတွေဆီကို နှစ်သစ်ကူး သဝဏ်လွှာ ပို့သခဲ့ခြင်းက မတူတဲ့ ဘာသာ၊ သာသနာများ အကြား အပြန်အလှန် လေးစား အသိအမှတ်ပြုရေး အတွက် နမိတ်ကောင်း တခုဖြစ်တာ သေချာပါတယ်။
“Koran And Holy Bible Are The Same” His holiness Pope Francis At White House
လွန်ခဲ့တဲ့ ဗုဒ္ဓဟူးနေ့ (၂၂/၉/၂၀၁၅) အမေရိကန် သမ္မတ အိမ်ဖြူတော်ရဲ့ မြက်ခင်းပြင်မှ တနာရီကြာ ပြောဆိုခဲ့တဲ့ သူရဲ့မိန်ခွန်းမှာ ပုပ်ရဟန်းမင်းကြီးက ကျမ်းမြတ်ကုရ်အာန်နှင့် ကျမ်းမြတ်ကုရ်အာန်ပါ တရား ဒေသနာများ သမ္မာကျမ်းတော်နှင့် တန်းတူ ခိုင်မာ မှန်ကန်တဲ့ ကျမ်းဖြစ်တာကြောင့် သမ္မာကျမ်းတော်နှင့် တန်းတူ ရိုသေမြတ်နှိးကြရမယ်လို့ မိန့်ကြားခဲ့ပါတယ်။ ယေရှုသခင်၊ (ဂျူးတို့၏) ဂျဟိုးဝါး ဘုရားသခင်နှင့် အလ္လာဟ် အရှင်မြတ်တို့ဟာ ကမ္ဘာအနှံ့ အမည်နာမ အမျိုးမျိုးနှင့် ခေါ်ဆိုနေကြပေမယ့် တဆူတည်းသော ဘုရားသခင်ကို ရည်ညွန်းတယ်ဆိုတာ ထင်ရှားပါတယ်။
ကျွန်တော်တို့ရဲ့ တူညီတဲ့ ယုံကြည် ကိုးကိုယ်ရာကို ခွဲခြားပစ်ဖို့ ရာစု နှစ်ပေါင်းများစွာကြာအောင် မလိုအပ်ပဲ သွေးချောင်း စီးခဲ့ကြရပါတယ်။
အမှန်မှာတော့ ဒီ တဆူတည်းသော ကိုးကွယ်ရာကို စည်းကပ် ကိုးကွယ်ခြင်းက ကျွန်ပ်တို့ကို လူထုကြီး အဖြစ်၊ အမျိုးသားတွေ နိုင်ငံတွေ အဖြစ် ကမ္ဘာ တဝှန်း ပေါင်းစည်း ပေးထားခြင်းပဲ ဖြစ်ပါတယ်။
သတ်မှတ် ခေါ်ဝေါ်တဲ့ အမည်နာမတွေ ဘယ်လိုပဲ ကွဲပြားနေပါစေ၊ ကျွန်တော်တို့ အားလုံးဟာ တဆူတည်း သော ဘုရားရှင်ရဲ့ သားသမီးများသာ ဖြစ်ကြပြီး၊ ကျွန်တော်တို့ကဟာ တဦးရဲ့ ယုံကြည်မှုကို တဦးက လေးစား အသိအမှတ်ပြုနိုင်တဲ့ အဖြစ်ကို ရောက်ပြီဆိုရင် ကျွန်တော်တို့က ကမ္ဘာပေါ်မှာ ဘယ်တုန်းကမှ ရယူအောင်မြင် နိုင်ခဲ့ခြင်း မရှိဘူးသေးတဲ့ ငြိမ်းချမ်းတဲ့ ခေတ်ကာလကြီးကို ဆောင်ကျဉ်း နိုင်မှာ ဖြစ်ပါတယ်။
ကျွန်တော်တို့ရဲ့ ယုံကြည်ကိုးကွယ်မှုတွေကို တစုတစည်းထည်း ဖြစ်အောင် ပေါင်းစည်းခြင်းဖြင့် အံ့ဘွယ်သရဲ အောင်မြင်မှု တရပ်ကို ရယူရမယ့် အချိန်ဟာ အခု အချိန်ဖြစ်ပါတယ်။
လွန်ခဲ့တဲ့ ဒီဇင်ဘာလက ခရစ်ယာန်များရဲ့ အဓိက ဘာသာရေး ဗဟိုဌာန ဖြစ်တဲ့ ဗာတီကန် နန်းတော်ကြီးမှာ ရှည်လျားလှတဲ့ အစ္စလာမ် ဘာသာရေး ဝတ်ပြု ဆုတောင်းမှုကို ပြုလုပ်အပြီး၊ အစ္စလာမ် ဘာသာဝင်များက ပေးအပ်ခဲ့တဲ့ ကျမ်းမြတ်ကုရ်အာန်ကို သက်တော် (၇၈)နှစ်ရှိပြီ ဖြစ်တဲ့ ပုပ်ရဟန်းမင်းကြီး ဖရန်စစ်က နမ်းရှုပ်ခဲ့ပါတယ်။
ဗာတိကန် နန်းတော်ကြီးက ပုပ်ရဟန်းမင်းကြီးက လာမည့် အောက်တိုဘာလ ကုန်လောက်မှာ အစ္စလာမ် ဘာသာဝင် အကြီးအကဲများနှင့် နောက်တချိန်တွေ့ဆုံပြီး အစ္စလာမ်သာသနာ အကြောင်း လူအများ ပိုမို သိရှိပြီး၊ ပိုမိုနားလည် လာအောင် ဘယ်ပုံဘယ်နည်း လုပ်ဆောင်ကြမှာလဲ ဆိုတာကို ပြောဆိုဆွေးနွေးကြဖို့ စီစဉ် ထားပါတယ်။
ခရစ်ယာန် သာသနာရဲ့ အထွဋ်အထိပ် ဖြစ်တဲ့ ပုပ်ရဟန်းမင်းကြီးရဲ့ အထက်ပါ အပြုအမူဟာ မတူတဲ့ ဘာသာ၊ သာသနာများ အကြား အပြန်အလှန် လေးစား အသိအမှတ်ပြုရေး အတွက် အလွန်အရေးပါတဲ့ ခြေလှမ်းသစ် တရပ် ဖြစ်တယ် ဆိုတာ ကတော့ အသေအချာပါပဲ။
ဒါ့ကြောင့် ကျွန်တော်တို့ မြန်မာ နိုင်ငံသား မွတ်စ်လင်မ်တွေက ကျွန်တော်တို့ နောင်တော်တွေနှင့် အပြန်အလှန် နားလည်မှုပြန်လည်ရရှိဖို့၊ အပြန်အလှန် ယုံကြည်မှု ပြန်လည်ရရှိဖို့ နှင့် ရှေးယခင်ကလို ပြန်လည်သင့်မြတ်ဖို့ လုပ်ဆောင်နိုင်မယ့် နည်းလမ်းတွေကို စဉ်းစားရှာဖွေကြပါစို့။
တင်ဝင်း (ခေတ္တ-ဂျပန်)
၂၀၁၅ခုနှစ်၊ စက်တင်ဘာလ (၂၅)ရက်။
** စာရေးသူ၏ ခွင့်ပြုချက်ဖြင့် M-Media တွင် ဖော်ပြပါသည်။