Tag: Copa America

ဇွန် ၂၂၊ ၂၀၁၅
M-Media

– ကိုပါအမေရိက ကွာတားဖိုင်နယ်တွင် တွေ့ရမည့် ပါရာဂွေးအသင်းမှာ မိမိတို့အား ၂၀၁၁ ခုနှစ်ကကဲ့သို့ ဖြုတ်ချသွားနိုင်သည်ဟု ဘရာဇီးလ်နောက်ခံလူ သီယာဂိုဆေးလ်ဗားက ပြောကြားလိုက်သည်။

ယနေ့မနက်က ကစားခဲ့သည့် အုပ်စုနောက်ဆုံးပွဲတွင် ဗင်နီဇွဲလားအား ၂ ဂိုး ၁ ဂိုးဖြင့် အနိုင်ရခဲ့သည့် ဘရာဇီးလ်မှာ အုပ်စု C တွင် အုပ်စုဗိုလ်ဖြင့် ကွာတားဖိုင်နယ်သို့ တက်ရောက်သွားပြီး ပါရာဂွေးအသင်းနှင့် တွေ့ရမည်ဖြစ်သည်။

ပါရာဂွေးမှာ ၂၀၁၁ ခုနှစ်က အာဂျင်တီးနား၌ ကျင်းပသော ကိုပါအမေရိကဖလား ကွာတားဖိုင်နယ်တွင် ဘရာဇီးလ်အား ပင်နယ်တီဖြင့် ဖြုတ်ချနိုင်ခဲ့သည်။

ဆေးလ်ဗာကမူ မိမိတို့အနေဖြင့် မိမိကိုယ်ကို အားရကျေနပ်မှု အန္တရာယ်အား ယခုအချိန်တွင် အပြည့်အ၀ သတိပြုထားနေပြီး၊ လွန်ခဲ့သည့် ၄ နှစ် နာကျင်ဖွယ်အတိတ်က မိမိတို့၏ စိတ်တွင် လွှမ်းမိုးနေမည်ဟု ပြောကြားခဲ့သည်။

“သူတို့ဟာ ခက်ခဲတဲ့ပြိုင်ဘက် ဖြစ်မှာပါ။ ပြီးခဲ့တဲ့ ကိုပါအမေရိက ပြိုင်ပွဲကို ကြည့်ခဲ့ကြသူတိုင်းက ပါရာဂွေးဟာ လမ်းမှာ ကျွန်တော်တို့ကို ဖြုတ်ချပြီး နောက်ဆုံးဗိုလ်ပွဲကို အရည်အချင်းနဲ့ တက်သွားတယ်လို့ သတ်မှတ်ကြပါတယ်။ ဒီလိုပြန်ဖြစ်မယ်လို့ ပြောနေတာမဟုတ်ပေမယ့်
လော့ဂျစ်အရ ဒီလိုမျိုး ခံစားရဖို့လည်း ရှိပါတယ်” ဟု ဆေးလ်ဗားက Spor TV သို့ ပြောကြားခဲ့သည်။

ပါရာဂွေးမှာ အုပ်စု B တွင် အာဂျင်တီးနားအောက် ဒုတိယဖြင့် ကွာတားဖိုင်နယ် တက်လာခြင်းဖြစ်ပြီး ဆေးလ်ဗားကမူ မိမိတို့မှာ တိုက်စစ်အားပြု၍ ကစားသွားမည်ဟု ထည့်သွင်းပြောကြားခဲ့သည်။

Ref: Goal

ဇွန် ၂၀၊ ၂၀၁၅
M-Media

– ကိုပါအမေရိကဖလား အုပ်စုပွဲစဉ်အဖြစ် ဗုဒ္ဓဟူးနေ့က ကစားခဲ့သည့် ကိုလံဘီယာနှင့်ပွဲတွင် ပြုလုပ်ခဲ့သည့် အပြုအမူအတွက် ဘရာဇီးလ်တိုက်စစ်မှူး နေးမာအား တောင်အမေရိက ဘောလုံးအဖွဲ့ချုပ်က လေးပွဲပယ် ပြစ်ဒဏ်ကို ယမန်နေ့က ချမှတ်ခဲ့သည်ဟု သိရသည်။

၁ ဂိုး ဂိုးမရှိဖြင့် ဘရာဇီးလ်က ရှုံးနိမ့်ခဲ့သည့် အဆိုပါပွဲ အပြီးတွင် နေးမာမှာ ကိုလံဘီယာကစားသမား ပါဘလို အာမီရိုကို ဘောလုံးဖြင့် တည်ကန်ခဲ့ပြီး နောက်ပိုင်းတွင် ဘရာဇီးလ်ကစားသမားများနှင့် ကိုလံဘီယာကစားသမားများမှာ အချင်းများခဲ့ ကြသည်။

ထိုအဖြစ်အပျက်ကြောင့် ကွင်းလယ်ဒိုင်လူကြီး အန်းရစ်ခ်ျ အော့စ်ဆက်မှာ နေးမာကို တိုက်ရိုက်အနီကဒ် ပြခဲ့သည်။ နေးမာကမူ အ၀တ်လဲခန်းသို့ သွားရာလှိုဏ်ခေါင်းတွင် စောင့်နေကာ ဒိုင်လူကြီးအား နှုတ်ဖြင့် စော်ကားမှုများ ပြုလုပ်ခဲ့သည်ဟု ပြောကြားမှုများလည်း ရှိခဲ့သည်။

တောင်အမေရိက ဘောလုံးအဖွဲ့ချုပ် CONMEBOL မှာ စောစောပိုင်းက နေးမာအား တစ်ပွဲပယ်ပြစ်ဒဏ်သာ ချမှတ်ခဲ့သော်လည်း နောက်ပိုင်းတွင် ၄ ပွဲအထိ တိုးမြှင့်ခဲ့ခြင်းဖြစ်ပြီး ဒဏ်ငွေ ကန်ဒေါ်လာ ၁၀၀၀၀ ပေးဆောင်ရန်လည်း သတ်မှတ်ခဲ့သည်။

ထို့ကြောင့် နေးမာမှာ ကိုပါအမေရိကပြိုင်ပွဲဝင် ဘရာဇီးလ်အသင်း ဗိုလ်လုပွဲသို့ ရောက်ရှိပါကလည်း ပါဝင်ခွင့်ရတော့မည် မဟုတ်ချေ။

CONMEBOL မှာ နေးမာအား တွန်းထိုးခဲ့သည့် ကိုလံဘီယာကစားမား ကားလို့စ်ဘက်ကာကိုလည်း ၂ ပွဲပယ်နှင့် ဒဏ်ငွေ ဒေါ်လာ ၅၀၀၀ ချမှတ်ခဲ့သည်။ နေးမာ၏ ပြစ်ဒဏ်အတွက် ဘရာဇီးလ်မှာ ယနေ့နောက်ဆုံးထား၍ အယူခံဝင်နိုင်မည်ဖြစ်သည်။

လက်ရှိအချိန်တွင် ဘရာဇီးလ်မှာ အုပ်စု C ကို ဦးဆောင်ထားပြီး ယနေ့ညတွင် အုပ်စုနောက်ဆုံးပွဲစဉ်အဖြစ် ဗင်နီဇွဲလားအသင်းနှင့် ယှဉ်ပြိုင်ကစားရမည်ဖြစ်သည်။

Ref: Dailymail

ဇွန် ၁၈၊ ၂၀၁၅
M-Media

– ကိုလံဘီယာနှင့်ပွဲတွင် နေးမာအပေါ် ဒိုင်လူကြီးများ၏ ပြုမူပုံအတွက် ဘရာဇီးလ်နောက်ခံလူ ဒါနီ အဲလ်ဗက်စ်က ဝေဖန်ခဲ့ပြီး လူတိုင်းမှာ ဘရာဇီးလ်အသင်းအား ဆန့်ကျင်ကြသည်ဟု ပြောကြားလိုက်သည်။

ကိုပါအမေရိကဖလား အုပ်စုဒုတိယပွဲအဖြစ် ယနေ့မနက်က ကစားခဲ့သည့် အဆိုပါပွဲတွင် ဘရာဇီးလ်မှာ ၁ ဂိုး ဂိုးမရှိဖြင့် ရှုံးနိမ့်ခဲ့ပြီး ပွဲအပြီးတွင် နေးမာမှာ အနိုင်ဂိုးသွင်းယူသွားခဲ့သည့် ကိုလံဘီယာနောက်ခံလူ ဂျီဆန် မူရီလိုအား ခေါင်းဖြင့်တိုက်ခဲ့မှုအတွက် ကွင်းလယ်ဒိုင်က အနီကဒ်ဖြင့် နေးမာအား ထုတ်ပယ်ခဲ့သည်။

နေးမာမှာ ပွဲအတွင်းကလည်း ဘောလုံးအား လက်ဖြင့်ပုတ်ခဲ့သောကြောင့် အ၀ါကဒ်ပြသခြင်း ခံခဲ့ရပြီး ကိုလံဘီယာအသင်းသားများ ၎င်းအား ပြစ်ဒဏ်ကျူးလွန်မှုအတွက်လည်း ဒိုင်လူကြီးက မည်သည့် အရေးယူမှုကိုမှ ပြုလုပ်ခဲ့ခြင်း မရှိချေ။

အဲလ်ဗက်စ်ကမူ နေးမာအနေဖြင့် ထိုကဲ့သို့ ပြုမူရခြင်းက ဒိုင်လူကြီးများကြောင့်ဖြစ်သည်ဟု ပြောကြားခဲ့သည်။

“နေးမာဘာ့ကြောင့် မကျေမချမ်းဖြစ်ရတယ်ဆိုတာ ကျွန်တော်မသိပါဘူး။ အပြစ်တင်ရမှာကတော့ ဒိုင်လူကြီးတွေပါပဲ။ သူတို့က နေးမာဟာ ကျော်ကြားတယ်ဆိုတာ သိကြတယ်။ သူအ၀ါကဒ်ပြခံရတာလည်း မှားပါတယ်။ သူတို့ (ဒိုင်လူကြီးတွေ)ဟာ ရုပ်ရှင်ဇာတ်ကောင်လို့ ထင်နေတာကို ရပ်တန့်ရပါမယ်။ သူတို့ဟာ ပွဲကို ကြီးကြပ်ဖို့ ရှိနေတာပါ” ဟု ပွဲအပြီးတွင်
အဲလ်ဗက်စ်က ပြောကြားခဲ့သည်။

အဖွင့်ပွဲစဉ်တွင် ပီရူးအား နောက်ကျဂိုးဖြင့် အနိုင်ရခဲ့သည့် ဘရာဇီးလ်မှာ ယခုပွဲအရှုံးကြောင့် နောက်ဆင့်တက်ရေးအတွက် အုပ်စုနောက်ဆုံး ဗင်နီဇွဲလားနှင့်ပွဲကို မဖြစ်မနေ အနိုင်ကစားရမည်ဖြစ်ပြီး အဲလ်ဗက်စ်ကမူ အသင်းမှာ ထိုပြဿနာကို ကျော်ဖြတ်နိုင်မည်ဟု ထည့်သွင်းပြောကြားခဲ့သည်။

“ခက်ခဲတဲ့အချိန်တွေကို ကျော်ဖြတ်ဖို့အတွက် ခိုင်မာပြီး တည်တည်ငြိမ်ငြိမ်ရှိရပါမယ်။ အခုဆိုရင် အားလုံးကတစ်ဖက် ဘရာဇီးလ်က တစ်ဖက်ပါ။ ကျွန်တော်တို့ တည်ငြိမ်ဖို့ လိုပါတယ်”

Ref: Goal

ဇွန် ၁၆၊ ၂၀၁၅
M-Media

– ကိုပါအမေရိကဖလား အဖွင့်ပွဲတွင် သရေကျခဲ့သော်လည်း ယနေ့တွင်ကစားမည့် အရေးပါသည့်ပွဲအတွက် တိုက်စစ်အသားပေးပုံစံဖြင့်သာ ပွဲထွက်သွားမည်ဟု အာဂျင်တီးနားနည်းပြ မာတီနိုက ပြောကြားလိုက်သည်။

စနေနေ့က ကစားခဲ့သည့် ပါရာဂွေးနှင့်ပွဲတွင် အာဂျင်တီးနားမှာ ၂ ဂိုးပြတ်ဖြင့် ဦးဆောင်နိုင်ခဲ့သော်လည်း မထိန်းနိုင်ခဲ့ဘဲ ချေပဂိုးများ ပေးခဲ့ရကာ သရေတစ်မှတ်ဖြင့်သာ ကျေနပ်ခဲ့ရသည်။ ထိုပွဲတွင် တိုက်စစ်၌ တီဗက်ဇ်နှင့် ဟီဂူအင်တို့ကို အသုံးပြုမှုအတွက် မာတီနိုမှာ ဝေဖန်ခြင်း ခံခဲ့ရသည်။

ယနေ့တွင် အာဂျင်တီးနားမှာ ဥရုဂွေးအသင်းနှင့် ကစားရမည်ဖြစ်ပြီး ထိုပွဲမှာ နောက်တစ်ဆင့်တက်ရေးအတွက် အရေးပါသောပွဲဖြစ်ကာ မာတီနိုကမူ အသင်းအား တိုက်စစ်အသားပေးသွားမည်ဟု ပြောကြားခဲ့သည်။

“ကျွန်တော် ဒီပုံစံပဲထပ်လုပ်မှား? ဒီမေးခွန်းကို အခုဖြေဖို့ ခက်ပါတယ်။ ဆုံးဖြတ်ချက်ချဖို့ အချိန်ရှိပါတယ်။ အန္တရာယ်တွေအတွက် ကျွန်တော့်မှာ ရှင်းလင်းတဲ့ အယူအဆ ရှိပါတယ်။ ဘယ်တော့ သူတို့ကို ထုတ်သုံးရမယ်။ ဘယ်တော့ကျရင် သက်တောင့်သက်သာဖြစ်မယ်၊ မဖြစ်ဘူး ဆိုတာမျိုးပါ။ ပြီးတော့ တီဗက်ဇ်နဲ့ ဟီဂူအင်တို့ရဲ့ အရည်အသွေးက ပွဲကို ကျွန်တော်တို့သာအောင် အဆုံးအဖြတ်ပေးနိုင်မယ်လို့ ကျွန်တော် ဆုံးဖြတ်ထားပါတယ်။ သက်ရောက်မှုတိုင်းမှာ အမြဲတမ်း
စွန့်စားရတာမျိုးတွေတော့ ရှိပါလိမ့်မယ်” ဟု မာတီနိုက ယမန်နေ့က ပြုလုပ်ခဲ့သည့် ပွဲအကြို သတင်းစာရှင်းလင်းပွဲတွင် ပြောကြားခဲ့သည်။

မာတီနိုကမူ ပါရာဂွေးနှင့်ပွဲတွင် မိမိတို့အသင်းမှာ ဦးဆောင်ဂိုး ၂ ဂိုးအား ထိန်းထားခဲ့သင့်သည်ဟု ၀န်ခံခဲ့သော်လည်း ဒုတိယပိုင်းတွင် ကစားပုံဆိုးရွားခဲ့သည်ဟု ပြောကြားခဲ့သည်။ အာဂျင်တီးနားအသင်းမှာ ကိုပါအမေရိကဖလားတွင် ဘရာဇီးလ်အသင်းနှင့်အတူ ဗိုလ်စွဲရန ရေပန်းစားနေသည့် အသင်းလည်း ဖြစ်သည်။

Ref: Goal

ဇွန် ၁၅၊ ၂၀၁၅
M-Media

– ပီရူးအသင်းအား ၂ ဂိုး ၁ ဂိုးဖြင့် အနိုင်ရခဲ့သည့်ပွဲတွင် ခြေစွမ်းပြနိုင်ခဲ့သည့် တိုက်စစ်မှူး နေးမာအား ဘရာဇီးလ်နည်းပြ ဒွန်ဂါက ချီးကျူးလိုက်ပြီး ၎င်းမှာ ထူးခြားမှုများ ပြုလုပ်ပေးနိုင်သည့် ကစားသမားဖြစ်သည်ဟု ပြောကြားခဲ့သည်။

ယနေ့မနက်က ကစားခဲ့သည့် ကိုပါအမေရိက အုပ်စု C အဖွင့်ပွဲစဉ်တွင် ဘရာဇီးလ်အသင်းမှာ ပွဲအစ ၃ မိနစ်မှာပင် ဦးဆောင်ဂိုး ပေးလိုက်ရသော်လည်း တည်တည်ငြိမ်ငြိမ်ဖြင့် ထိန်းချုပ်ကစားနိုင်ခဲ့ကာ ၂ ဂိုး ၁ ဂိုးဖြင့် အနိုင်ရရှိအောင် စွမ်းဆောင်နိုင်ခဲ့သည်။

နေးမာကမူ အကောင်းဆုံးခြေစွမ်းကို ပြသခဲ့ပြီး ပထမပိုင်း ၅ မိနစ်တွင် ချေပဂိုးသွင်းယူပေးနိုင်ခဲ့ကာ ဒုတိယပိုင်း နောက်ဆုံးမိနစ်တွင် ဒေါက်ဂလက်စ်ကော်စတာ သွင်းယူခဲ့သည့် အနိုင်ဂိုးကိုလည်း နေးမာကပင် ဖန်တီးပေးခဲ့သည်။ နေးမာမှာ ထိုပွဲတွင် ဂိုးကန်သွင်းမှု ၆ ကြိမ်ရှိခဲ့ကာ၊ ဘောလုံးစွမ်းရည်များကိုလည်း ပြသနိုင်ခဲ့သည်။

ဒွန်ဂါကမူ နေးမာ၏ကစားပုံအား ကျေနပ်မိသည်ဟုဆိုသည်။

“နေးမာက အဆုံးအဖြတ်ပေးတဲ့ ကစားသမားပါ။ သူဟာ ဘာစီလိုနာနဲ့ ထူးခြားတဲ့ရာသီကို ရခဲ့ပါတယ်။ ဒါပေမယ့် တစ်သင်းလုံးက အရေးပါတာပါ။ ဒီပြိုင်ပွဲဟာ လုံးဝထူးခြားပါတယ်။ နေးမာ၊ ဒေါက်ဂလပ်စ် ကော်စတာ၊ မီရန်ဒါ သူတို့အားလုံးဟာ အဆုံးအဖြတ်ပေးတဲ့ ကစားသမားတွေပါ” ဟု ဒွန်ဂါက ပွဲအပြီး သတင်းစာရှင်းလင်းပွဲတွင် ပြောကြားခဲ့သည်။

ထို့ပြင် ပီရူးမှာ မိမိတို့အား အခက်အခဲဖြစ်စေခဲ့ပြီး အထူးသဖြင့် ဒုတိယပိုင်းတွင်ဖြစ်ကြောင်း၊ ကစားပုံမှာ အံ့သြစရာကောင်းပြီး ဘရာဇီးလ်နှင့်ကစားသည့် အသင်းတိုင်းမှာ အကောင်းဆုံး ကစားကြကြောင်း ထည့်သွင်းခဲ့ပြောကြားခဲ့သည်။ ဘရာဇီးလ်မှာ ဇွန်လ ၁၇ ရက်နေ့တွင် ကိုလံဘီယာနှင့် အုပ်စုဒုတိယပွဲ ကစားရမည်ဖြစ်သည်။

Ref: Goal