Tag: DailySportsNews

စက်တင်ဘာ ၁၇၊ ၂၀၁၃
M-Media

ရာနှုန်းပြည့်နိုင်ပွဲ စံချိန်ရပ်တန့်သွားသော်လည်း ဇယားထိပ်တွင် ဦးဆောင်နေတဲ့ လီဗာပူးလ်

ပရီးမီးယားလိဂ်ပွဲစဉ် ၄ ၏ နောက်ဆုံးပွဲစဉ်အဖြစ် လီဗာပူးလ်အသင်းနှင့် ဆွမ်ဆီးအသင်းတို့ ယနေ့နံနက်ပိုင်းက ယှဉ်ပြိုင်ကစားခဲ့ရာ ၂-ဂိုးစီ သရေချခဲ့သည်ဟုသိရသည်။

ပွဲအစ ၂-မိနစ်တွင်ပင် ဆွမ်ဆီးအသင်း၏ ကွင်းလယ်လူ ရှယ်လ်ဗီက ဆွမ်းဆီးအတွက် ဦးဆောင်ဂိုးကိုသွင်းယူပေးခဲ့သည်။ သို့သော်လည်း ၄-မိနစ် တွင် လီဗာပူးလ်အသင်းကချေပဂိုးရခဲ့သည်။ ရှယ်လ်ဗီ၏ လူပေးမှားမှုမှ တစ်ဆင့် ဂိုးမြူးနေသည့် လီဗာပူးတိုက်စစ်မှူး ဒန်နီယဲလ် စတားရစ်ဂ်ျက သွင်းယူပေးခဲ့သည်။ ထိုကဲ့သို့ဂိုးသွင်းယူနိုင်မှုကြောင့် လီဗာပူးလ်အတွက် လေးပွဲဆက်ဂိုးသွင်းယူနိုင်သည့် ပမဆုံးကစားသမားဖြစ်လာခဲ့သည်။ ၃၆-မိနစ် တွင် လီဗာပူးလ်အသင်း ဦးဆောင်ဂိုးရခဲ့သည်။

ထိုဂိုးမှာလည်း ရှယ်လ်ဗီ၏ အမှားကြောင့် ပေးခဲ့ရခြင်းဖြစ်ပြီး ဗစ်တာမိုးစက်က သွင်းယူပေးခဲ့သည်။ ဆွမ်းဆီးအသင်းအတွက်ချေပဂိုးကို ၆၄ မိနစ်တွင် ရှယ်လ်ဗီ၏ ဖန်တီးမှုမှ တဆင့် မီချူးက သွင်းယူခဲ့သည်။ ထိုဂိုးမှာ မီချူး၏ ယခုနှစ်ပရီးမီးယားလိဂ် ပထမဆုံး ဂိုးလည်းဖြစ်ခဲ့သည်။ ယခုပွဲသရေကျမှုကြောင့် လီဗာပူးလ် အသင်းမှာ ရာနှုန်းပြည့်နိုင်ပွဲစံချိန်ရပ်တန့်သွားခဲ့သော်လည်း ၄-ပွဲကစား ၁၀-မှတ်ဖြင့် ပရီးမီးယားလိဂ်ဇယားအား ဦးဆောင်နေသည်။ ပွဲအပြီးတွင် ဆွမ်ဆီးကွင်း လယ်လူ ရှယ်လ်ဗီက ၎င်း၏အမှားများကြောင့် ဂိုးပေး လိုက်ရသည့် အတွက် ဆွမ်ဆီးပရိတ်သတ်အား တောင်းပန်သွားခဲ့သည်။
goal
…………………………………………….
ချန်ပီယံလိဂ်တွင် ဗိုလ်စွဲနိုင်ခြင်းမှာ ဂျူဗင်တပ်စ်အတွက်ထူးခြားလိမ့်မည်ဟု ဘူဖွန်ဆို

ချန်ပီယံလိဂ်ဖလားကို တစ်ခါမျှ မရရှိခဲ့ဖူးသည့် ဂျူဗင်တပ်စ်အသင်း၏ ၀ါရင့်ဂိုးသမား ဘူဖွန်က ဂျူဗစ်တပ်စ်အသင်းမှာ ယခုနှစ်ချန်ပီယံလိဂ်တွင်အောင်မြင်မှုရန် အရည်အချင်းရှိနေသည်ဟု ယုံကြည်ကြောင်းနှင့် ချန်ပီယံလိဂ်တွင်ဗိုလ်စွဲနိုင်ခဲ့ပါက ဂျူဗင်တပ်စ်အသင်းအတွက် ထူးခြားသော အောင်မြင်မှုဖြစ်မည်ဟု ပြောဆိုလိုက်သည်။ ဂျူဗင်တပ်စ်အသင်းမှာ ချန်ပီယံလိဂ် အုပ်စုအဖွင့်ပွဲစဉ်အဖြစ် ကိုပင်ဟေဂင်အသင်းနှင့် ယနေ့ညတွင်ယှဉ်ပြိုင်ရမည်ဖြစ်ပြီး ဘူဖွန်က “အရေးကြီးတဲ့နှစ်၂နှစ်ကို ကျွန်တော်တို့ဖြတ်သန်းခဲ့ပြီး အပြောင်းအရွှေ့ဈေးကွက်တွေကနေ အသင်းကိုတောင့်တင်းအောင် လုပ်ခဲ့ပြီးပါပြီ။ ဒါပေမယ့် ဒီအတွက်သက်သေက အသင်းဘာဖြစ်လာမလဲဆိုတာပါ” ဟု သတင်းထောက်များအား ပြောကြားခဲ့သည်။
…………………………………………….
ချန်ပီယံလိဂ်ပြိုင်ပွဲတိုင်းကို ဗိုလ်လုပွဲကဲ့သို့ ကစားရမည်ဟု အာဆင်နယ်အား မာဆေးလ်ဂိုးသမားသတိပေး

ချန်ပီယံလိဂ်အုပ်စုကျပ်အတွင်းကျရောက်နေသည့် အာဆင်နယ်အသင်းအနေဖြင့် ပွဲတိုင်းအား ဗိုလ်လုပွဲကဲ့သို့ကစားရမည်ဟု မာဆေးလ်ဂိုးသမား စတီဗ် မန်ဒန်ဒါက သတိပေးပြောဆိုလိုက်သည်။ အဆင်နယ်အသင်းမှာ ဗုဒ္ဓဟူးနေ့တွင် ချန်ပီယံလိဂ် အုပ်စုအဖွင့်ပွဲအဖြစ် မာဆေးလ်အသင်းနှင့် အဝေးကွင်းတွင် သွားရောက်ကစားရမည်ဖြစ်သည်။ “ဒီချန်ပီယံလိဂ်အုပ်စုက တော်တော်ကျပ်ပါတယ်။ နောက်တဆင့်တက်ချင်တဲ့ကလပ်တွေအတွက် ပွဲတိုင်းဟာ ဖိုင်နယ်ပွဲပါပဲ။ ပြီးတော့ အိမ်ကွင်းပွဲတွေမှာ အနိုင်ရရပါမယ်။ ဒီလိုသာမလုပ်နိုင်ဘူးဆိုရင်တော့ (အုပ်စုကလွတ်ဖို့) အခွင့်အရေးရမှာမဟုတ်ပါဘူး” ဟု မန်ဒန်ဒါက ပြောကြားခဲ့သည်။ အာဆင်နယ်အသင်းမှာ အုပ်စု F တွင် ဒေါ့မွန်၊ မာဆေးလ်၊ နာပိုလီတို့နှင့် တစ်အုပ်စုတည်းကျရောက်နေပြီး နောက်တစ်ဆင့်တက်ရန်အတွက် ကြိုးစားရဖွယ်ရှိနေသည်။

……………………………………………………
အဲဗာတန်သို့ ဘယ်ရီပြောင်းရွှေ့ခဲ့ခြင်းအား အံအားသင့်မိသည်ဟု ဘိန်းဆို

မန်စီးတီးကစားသမားများက ကွင်းလယ်လူဘယ်ရီအား အသင်းမှထွက်ခွာခွင့်ပေးခဲ့ခြင်းအား မယုံကြည်နိုင်အောင်ဖြစ်ရသည်ဟု အဲဗာတန်နောက်ခံလူ ဘေတန်ဘိန်း ကပြောကြားခဲ့သည်။ လေတန်ဘိန်းမှာ ဘယ်ရီးအားနှစ်ခြိုက်အားပေးသူဖြစ်ပြီး ဘယ်ရီအနေဖြင့် အဲဗာန်တန်သို့ပြောင်းရွှေ့လာခြင်းမှာ ကောင်းမွန်သည်ဟု ခံစားနေရသည်။ ဘယ်ရီမှာ အဲဗာတန်သို့ အပြောင်းအရွှေ့နောက်ဆုံးနေ့မှ တစ်နှစ်အငှားစာချုပ်ဖြင့်ရောက်ရှိလာခြင်းဖြစ်ပြီး ချယ်ဆီးအသင်းအား ၁ ဂိုး ဂိုးမရှိဖြင့် အနိုင်ရရှိသောပွဲတွင် ပါဝင်ခြေစွမ်းပြခဲ့သည်။

…………………………………………………..
အိုဇေးလ်နှင့်နှိုင်းယှဉ်ရန် မသင့်သေးဟု အဲရစ်ဆန်ဆို

အာဆင်နယ်သို့ရောက်ရှိလာသည့် မီဆုအိုဇေးလ်နှင့်ခိုင်းနှိုင်းပြောဆိုမှုများအား မခံယူဝံဘဲ အိုဇေးလ်မှာ မိမိစံနမူနာယူရသည့် ကစားသမားကောင်းတစ်ဦးဖြစ်သည်ဟု စပါးအသင်း၏ ကွင်းလယ်လူ ခရစ်ရှန် အဲရစ်ဆန်ကပြောကြားလိုက်သည်။ အဲရစ်ဆန်မှာ အပြောင်းအရွှေ့ဈေးကွက်နောက်ဆုံးနေ့တွင် ပေါင် ၁၁.၅သန်းဖြင့် အေဂျက် အသင်းမှ စပါးအသင်းသို့ ပြောင်းရွှေ့လာခဲ့ဖြင်းဖြစ်ပြီး စနေနေ့က ကစားခဲ့သည့် နော်ဝစ်ခ်ျအသင်းအား ၂ ဂိုး ဂိုးမရှိဖြင့်အနိုင်ရရှိသောပွဲတွင် အနိုင်ဂိုးနှစ်ဂိုးစလုံးအား သွင်းယူပေးခဲ့သည်။ အိုဇေးလ်မှာလည်း အာဆင်နယ်အသင်းနှင့်ပွဲဦးထွက်တွင် ခြေစွမ်းပြခဲ့သည်။ “အိုဇေးလ်ဟာ ကျွန်တော့်ထက်အနည်းငယ်ပိုအောင်မြင်ပါတယ်။ ပြီးတော့ ကျွန်တော်ဟာ သူ့ထက်လည်းငယ်ပါတယ်။ သင်ယူစရာတွေအများကြီးရှိနေပြီး အိုဇေးလ်နဲ့ နှိုင်းယှဉ်ခံရတာ ကျေနပ်စရာပါပဲ။ တစ်ချို့ကစားသမားတွေဟာ ပွဲဦးထွက်မှာ အငြိုငြင်ခံရတတ်ပြီး နောက်ပိုင်းတွေမှာ ကောင်းလာတတ်ကြပါတယ်။ ပရိတ်သတ်တွေက ကျနော့်ကို ဒါမျိုးမလုပ်ဘူးလို့ ကျနော်မျှော်လင့်ပါတယ်။ ဒါပေမယ့် အမှားတွေတော့ရှိမှာပါ။ ကျွန်တော့် ၂၁ နှစ်ပဲရှိပါသေးတယ်။ အမှားအနည်းငယ်လုပ်ကောင်းလုပ်မိလိမ့်မယ်ကို ကျွန်တော်ထင်ပါတယ်” ဟု ၎င်းအား အိုဇေးလ်နှင့် နှိုင်ယှဉ်ဖော်ပြမှုအတွက် မှတ်ချက်ပေးပြောဆိုခဲ့သည်။

…………………………………………
ချန်ပီယံလိဂ်ပွဲတွင် ကွန်ပနီ ပြန်ပါမည်

ပရီးမီးယားလိဂ်အဖွင့်ပွဲစဉ်တွင်ရရှိခဲ့သည့် ပေါက်ခြံဒဏ်ရာကြောင့် အနားယူနေခဲ့ရသည့် မန်ချက်စတာစီးတီးအသင်းခေါင်းဆောင် ဗင်ဆင့် ကွန်ပနီမှာ ယနေ့ညတွင်ကစားမည့် ချန်ပီယံလိဂ်ပြိုင်ပွဲတွင် ပြန်လည်ပါဝင်လာမည်ဟုသိရသည်။ “ဗင်ဆင့်(ကွန်ပနီ)ဟာ လွန်ခဲ့တဲ့နှစ်ရက်လောက်ကတည်းက အသင်းနဲ့ ပုံမှန်အတိုင်းလေ့ကျင့်ခဲ့ပါတယ်။ သူဟာရာနှုန်းပြည့်ကောင်းမွန်လားဆိုတာကို ကြည့်ရပါမယ်။ တကယ်လို့ ကောင်းမွန်တယ်ဆိုရင် ချန်ပီယံလိဂ်ပွဲမှာ သူပါဝင်မှာပါ။ ဆရာဝန်နဲ့တွေ့ပြီးတော့ ဆုံးဖြတ်ရမှာပါ။ ရာနှုန်းပြည့်မကောင်းဘူးဆိုရင်တော့ သူပါမှာမဟုတ်ပါဘူး။ ဒီပွဲဟာကျနော်တို့အတွက် အရေးကြီးပါတယ်။ တကယ်လို့ သူမပါနိုင်ဘူးဆိုရင် ကျွန်တော်တို့မှာ တခြားကစားသမားတွေရှိပါသေးတယ်” ဟု မန်စီးတီးနည်းပြ ပယ်လီဂရီနီက ပြောကြားခဲ့သည်။ မန်စီးတီးအသင်းမှာ ချန်ပီယံလိဂ်အုပ်စု D တွင် ဘိုင်ယန်မြူးနစ်၊ စီအက်စ်ကေအေမော်စကို၊ ဗစ်တိုးရိးယား ပါဇန်အသင်းတို့နှင့်အတူကျရောက်နေပြီး ပထမဦးဆုံးပွဲအဖြစ် အဝေးကွင်းတွင် ဗစ်တိုးရီးယားပါဇန်အသင်းနှင့် ယနေ့ညတွင်ကစားရမည်ဖြစ်သည်။

…………………………………………
ဂါလာတာစာရေးမှာ ရီးယဲလ်အားယှဉ်နိုင်မည်ဟု နည်းပြဖြစ်သူဆို

တူရကီကလပ် ဂါလာတာစာရေး၏ နည်းပြဖြစ်သူ ဖာတီတီရင်မ်က ယနေ့ည အိမ်ကွင်းတွင်ယှဉ်ပြိုင်ကစားမည့် ရီးယဲလ်မက်ဒရစ်နှင့် ချန်ပီယံလိဂ်ပွဲတွင် ဂါလာတာစာရေးအသင်းမှာ ရီးယဲလ်အား အခက်တွေ့အောင်လုပ်နိုင်မည်ဟု ပြောဆိုလိုက်သည်။ ဂါလာတာစာရေးမှာ ပြီးခဲ့သည့်နှစ် ချန်ပီယံလိဂ်တွင် ကွာတားဖိုင်နယ်အထိတက်ရောက်နိုင်ခဲ့ပြီး ရီးယဲလ်နှင့်တွေ့ဆုံခဲ့ကာ အိမ်ကွင်းတွင် ၃ ဂိုး ၂ ဂိုးဖြင့် အနိုင်ရရှိခဲ့သော်လည်း နှစ်ကျော့ပေါင်းရလဒ် ၅-၃ ဂိုးဖြင့် ရှုံးနိမ့်ခဲ့ရသည်။ “ဒီအုပ်စုမှာ ရီးယဲလ်ဟာ ရေပန်းအစားဆုံးပါ။ ရော်နယ်ဒို၊ ဘေးလ်တို့ကို ကမ္ဘာ့အကောင်းဆုံးဘောလုံးသမားနှစ်ဦးရှိနေပြီး၊ ဒီမာရီယာ၊ ဘန်ဇီမာ၊ ရာမို့စ်၊ ကာဆီးလက်တို့လို ကမ္ဘာ့အကောင်းဆုံးတွေလည်း အများကြီးရှိပါတယ်။ သူတို့ဟာသိပ်တောင့်တင်းပါတယ်။ ဒါပေမယ့် အလီဆာမီယန်(ဂါလာတာစာရေး၏အိမ်ကွင်း)မှာ ကျွန်တော်တို့အနိုင်ရချင်တယ်လို့ ပြောပါရစေ” ဟု တီရင်က ပြောကြားခဲ့သည်။ ဂါလာတာစာရေးမှာ ချန်ပီယံလိဂ်အုပ်စု B တွင် ဂျူဗင်တပ်စ်၊ ရီးယဲလ်မက်ဒရစ်၊ ကိုပင်ဟေဂင်တို့နှင့် အတူကျရောက်နေသည်။
…………………………………………..
တားမြစ်ဆေးပြဿနာကြောင့် ခရိုအေးရှား တင်းနစ်သမား ၉ လ ပွဲပယ်ပြစ်ဒဏ်ချမှတ်ခံရ

ခရိုအေးရှားတင်းနစ်သမား မာရန် စီလစ်မှာ တားမြစ်ဆေးသုံးစွဲကြောင်းတွေ့ရှိရ၍ ကမ္ဘာ့တင်းနစ်အဖွဲ့ချုပ်မှ ၉ လ ပွဲပယ်ပြစ်ဒဏ်ချမှတ်ခဲ့သည်။ ကမ္ဘာ့အဆင့် ၂၄ ရှိ စီလစ်မှာ စိတ်ကိုတက်ကြွစေသည့် နိုက်သမိုက် တားမြစ်ဆေးသုံးစွဲကြောင်း တွေရှိခဲ့ရပြီး သူ၏ ပြစ်ဒဏ်အတွက် အယူခံဝင်သွားမည်ပြောဆိုလိုက်သည်။ ပွဲပယ်ပြစ်ဒဏ်မှာ ယခုနှစ် မေလ ၁ ရက်နေ့က စတင်သက်ရောက်မည်ဖြစ်သောကြောင့် လာမည့်နှစ် ဇန်န၀ါရီ ၃၁ နေ့ရောက်မှသာ တင်းနစ်ပြန်လည်ကစားနိုင်မည်ဖြစ်သည်။ စီလစ်မှာ ကိုရာမင်း ဂလူးကို့စ်အဖြစ် နိုက်သမိုက်ဆေးပြားအား အမှတ်တမဲ့သုံးခဲ့ခြင်းဖြစ်ပြီး သူ၏စွမ်းဆောင်ရည်ပိုမိုကောင်းမွန်စေရန် ရည်ရွယ်ခဲ့ခြင်းမရှိဟု စုံစမ်းရေးခုံအဖွဲ့က ထုတ်ပြန်ခဲ့သည့် အစီရင်ခံစားတွင်ရေသားထားသည်ဟု ကမ္ဘာ့တင်းနစ်အဖွဲ့ချုပ်က ပြောဆိုခဲ့သည်။

………………………………………………
ဂွမ်ဇူအိုးပင်းတင်းနစ်ပြိုင်ပွဲတွင် ဂျိုဟန်နာ ကွန်တာ ဒုတိယအဆင့်သို့တက်ရောက်

တရုတ်နိုင်ငံဂွမ်ဇူတွင်ကျင်းပနေသည့် WTA Guangzhou Open အမျိုးသမီးတင်းနစ်ပြိုင်ပွဲ ပထမအဆင့်တွင် ဗြိတိန် နံပါတ် ၃ တင်းနစ်မယ် ဂျိုဟာနာကွန်တာက ဟော်လန်တင်းနစ်မယ် ရေချယ် ဟာဂျင်ကမ့်အား အနိုင်ရရှိခဲ့သည်ဟု သိရသည်။ ၇၁ မိနစ်သာကြာမြင့်သည့် အဆိုပါပွဲစဉ်တွင် ကွန်တာက ဟာဂျင်ကမ့်အား ၆-၃၊ ၆-၂ ဖြင့် နှစ်ပွဲပြတ်အနိုင်ရရှိခဲ့ခြင်းဖြစ်သည်။

စက်တင်ဘာ ၁၆

M-Media

ရော်နယ်ဒို ရီးယဲလ်နှင့် သက်တမ်းတိုးစာချုပ်ချုပ်ဆို

ရီးယဲလ်မက်ဒရစ်အသင်း၏တိုက်စစ်မှူး ခရစ္စတီယာနိုရော်နယ်ဒိုမှာ အသင်းနှင့် ၅ နှစ်သက်တမ်းတိုးစာချုပ် ချုပ်ဆိုလိုက်ပြီဟု သိရသည်။ အဆိုပါစာချုပ်အရ ရော်နယ်ဒိုမှာ တစ်ပတ်လုပ်ခ ပေါင် ၂၈၈၀၀၀ ဖြင့် တနှစ်ပါင် ၁၅ သန်းရရှိမည်ဖြစ်သည်။

ထိုပမာဏမှာ ကမ္ဘာ့စံချိန်တင်ပြောင်းရွှေ့ကြေးဖြင့် ခေါ်ယူထားသည့် ဂါရက်ဘေးလ်၏ လုပ်ခ ၈.၃ သန်းထက် နှစ်ဆနီးပါးရှိနေသည်။ ရော်နယ်ဒိုအား အသင်းဟောင်း မန်ယူမှခေါ်ယူရန်စိတ်ဝင်စားခဲ့ပြီး ရော်နယ်ဒိုကိုယ်တိုင်ကလည်း ရီးယဲလ်တွင်မပျော်ရွှင်ကြောင်း ယမန်နှစ်ကပြောဆိုထားသော်လည်း နောက်ဆုံးတွင် အသင်းနှင့် သက်တမ်းတိုးခဲ့ခြင်းဖြစ်သည်။

ထို့ကြောင့်ရော်နယ်ဒိုမှာ ကမ္ဘာ့လစာအများဆုံးရသည့် ကစားမားဖြစ်လာမည်ဟု ယုံကြည်ရပြီး။ သူ၏ စာချုပ်က ပီအက်စ်ဂျီမှ ဇလာတန် အီဗရာဟီမိုဗစ်ထက် ပေါင် ၈၅၀၀၀၀ ပိုမို၍ များပြားသည်။

“ဒီမှာရှိနေတာကို ကျွန်တော်ပျော်ပါတယ်။ အသင်းအတွက် ဆုဖလားတွေရရယူပေးချင်ပါတယ်။ မန်ယူကတော့ အတိတ်ကကျွန်တော့်အသင်းပါ။ ဒီမှာကျွန်တော်နောက်ထပ် ငါးနှစ်ဆက်ရှိနေမှာပါ” ဟု စာချုပ်ချုပ်ဆိုအပြီးတွင် ရော်နယ်ဒိုက ပြောကြားခဲ့သည်။
……………………………………………….
မန်ယူ၏ ချန်ပီယံလိဂ်အုပ်စုမှာ သမိုင်းတစ်လျှောက် အခက်ခဲဆုံးထဲမှတစ်ခုဟု ဖာဂူဆန်ပြော

ချန်ပီယံလိဂ်တွင် မန်ချက်စတာယူနိုက်တက်အသင်းကျရောက်နေသည့်အုပ်စုမှာ သမိုင်းတစ်လျှောက် အခက်ခဲဆုံးထဲမှ တစ်ခုဖြစ်သည်ဟု ဖာဂူဆန်ကပြေဆိုသည်ဟု မိုယက်စ်က ဖွင့်ဟခဲ့သည်။

မန်ယူမှာ ချန်ပီယံလိဂ်အုပ်စု A တွင် ရှက်တာဒိုးနက်၊ ရီးယဲလ်ဆိုစီဒက်တို့နှင့်အတူ ကျရောက်နသည်။ “ချန်ပီယံလိဂ်မဲခွဲပြီးချင်း ကျွန်တော် ဆာအဲလက်စ်ကို ဖုန်းခေါ်ပြီးပြောပြခဲ့ပါတယ်။

သူက မန်ယူရဲ့ချန်ပီယံလိဂ်သမိုင်းတစ်လျှောက် အခက်ခဲဆုံးအုပ်စုတွေထဲကတစ်ခုကိုပြောခဲ့ပါတယ်” ဟု မိုယက်စ်က ပြောကြားခဲ့သည်။

………………………………………………
လီဗာပူးလ်အသင်းအာရုံစူးစိုက်မှုရှိရန် တိုးရေးတိုက်တွန်း

လီဗာပူးလ်အသင်း၏ ကွင်းလယ်လူကိုလိုတိုးရေးက ဆွမ်ဆီးအသင်းနှင့်ကစားမည့်ပရီးမီးယားလိဂ်ပွဲစဉ်တွင် အာရုံစူးစိုက်မှုရှိရန်နှင့် ပရီးမီးယားလိဂ်လေးပွဲဆက်တိုက်နိုင်ပွဲရရှိအောင် နည်းပြရော်ဂျာက လမ်းညွှန်မှုပေးရန် အလိုရှိနေသည်ဟုသိရသည်။

“ကောင်းမွန်တဲ့ရာသီအစရလဒ်တွေဟာ တကယ့်ကိုအရေးပါပါတယ်။ တစ်ပွဲပြီး တစ်ပွဲအဲဒီလိုသွားမယ်ဆိုရင်ပိုကောင်းပါတယ်။ ပွဲတိုင်းပွဲတိုင်းကို နောက်ဆုံးဗိုလ်လုပွဲလိုကျွန်တော်တို့ကစားနေပြီး ပွဲတွေကိုနိုင်ချင်ပါတယ်” ဟု လီဗာပူးလ်အသင်း ၀က်ဆိုက်သို့ပြောကြားသွားသည်။

…………………………………………………..
ဗန်ပါစီမန်ယူအသင်းနှင့် သက်တမ်းတိုးရန်ဆန္ဒရှိ

မန်ချက်စတာယူနိုက်တက်အသင်းနှင့် စာချုပ်သက်တမ်း ၃ နှစ်ကျန်သေးသော်လည်း ထိုသက်တမ်းကုန်ဆုံးသွားပါက ဗန်ပါစီမှာ မန်ယူတွင်တွာ ဆက်လက်ရှိနေရန် စိတ်အားထက်သန်နေသည်ဟုသိရသည်။

အသက် ၃၀ အရွယ်ရှိ ဗန်ပါစီမှာ အာဆင်နယ်အသင်းတွင် ရှစ်နှစ်ကြာကစားခဲ့ပြီး မန်ယူအသင်းသို့ ယမန်နှစ်ကပြောင်းရွှေ့လာခဲ့ခြင်းဖြစ်ပြီး မန်ယူနှင့် ပရီးမီးယားလိဂ်ဖလားအားဆွတ်ခူးနိုင်ခဲ့သည်။

“ကျွန်တော့်မှာ လက်ကျန်စာချုပ်သက်တမ်း ၃ နှစ်ရှိနေပြီး ဒီမှာ ပိုကြာကြာနေချင်ပါတယ်။ အမြင့်ဆုံးအခြေအနေမှာ ကျွန်တော် တတ်နိုင်သလောက်ကစားချင်ပါတယ်။ ဆုဖလားတွေရရယူနိုင်ဖိုပေါ့” ဟု မန်ယူအသင်း၏ရုပ်သံဖြစ်သည့် MUTV သို့ပြောကြားခဲ့သည်။

……………………………………………………..
KLM Open ဂေါက်သီးရိုက်ပြိုင်ပွဲတွင် ဂျူစ် လူတန်ဗိုလ်စွဲ

ဟော်လန်နိုင်ငံတွင်ကျင်းပပြုလုပ်ခဲ့သည့် KLM Open ဂေါက်သီးရိုက်ပြိုင်ပွဲတွင် အိမ်ရှင်ဂေါက်သီးကစားသမား ဂျူစ် လူတန်က အနိုင်ရဗိုလ်စွဲသွားသည်ဟုသိရသည်။

ပြိုင်ပွဲပြီးဆုံးခဲ့ပြီးနောက် လူတန်နှင့် စပိန်ဂေါက်သီးသမား အမ်အေ ဂျီမီနက်ဇ်တို့မှာ လျှော့ရိုက်ချက် ၁၂ ချက်ဖြင့်တူညီနေသောကြောင့် ပလေးအောဖ့်အဖြစ် ကျင်းပိုဆက်ကစားရာ လူတန်က အနိုင်ရရှိခဲ့ခြင်းဖြစ်သည်။ အဆိုပါပြိုင်ပွဲကို န၀မအကြိမ်မြောက် ၀င်ရောက်ကစားခဲ့သည့် လူတန် အနေဖြင့် ၂၀၀၃ ခုနှစ်တွင် ဟော်လန်ဂေါက်သီးသမား မာတန်လဖီဘာဗိုလ်စွဲပြီးနောက်ပိုင်း ပထမဦးဆုံးပြန်လည်ဗိုလ်စွဲခဲ့သည့် ဟော်လန်နိုင်ငံသားဖြစ်လာခဲ့သည်။