News @ M-Media

Tag: discrimination

  • ကုလား ကုလား ကုလား

    ကုလား ကုလား ကုလား

    နိုဝင်ဘာ ၂၉ ၊ ၂၀၁၂
    M-Media
    မောင်လူငယ်


    “ကုလား” ဆိုတဲ့အသုံးအနှုန်းကိုသတင်းအချက်အလက် ဆက်သွယ်ရေးနဲ့ လူမှုကွန်ယက် စာမျက်နှာတွေမှာ တွေ့နေ၊မြင်နေ၊ ပြောနေကြသည်မှာ အတော်ပင် နေရာယူထားသည်မှာ အထင်အရှားပင်ဖြစ်သည်။

    တောင်ကုတ်လူသတ်မှု အဖြစ်အပျက်ပြီးနောက် နိုင်ငံပိုင် သတင်းစာတွင် ဖော်ပြပါ အချက်အလက်များသည် မြန်မာပြည်ဖွား အခြားဘာသာဝင်များကို အတိအလင်း စော်ကားလိုက်သလို ဖြစ်သွားစေခဲ့သည်။ အသုံးအနှုန်းကတော့ “မွတ်ဆလင်ကုလား” တဲ့။ ထို့အသုံးအနှုန်းသည် ၀မ်းနည်းစရာပင်ဖြစ်သည်။ နောက်ပိုင်းတွင် ခရစ်ယာန်ကုလား၊ အစ္စလာမ့်ကုလား၊ ဟိန္ဒူကုလား၊ ဗုဒ္ဓ ကုလားနဲ့ နတ်ကုလား စသည် အသုံးအနှုန်းများ မွေးဖွားလာမည်ကိုလည်း စိုးရိမ်မိပါသည်။

    နောက်ပိုင်း အစိုးရမှာ ထည့်သွင်းဖော်ပြထားသော အကြောင်းအရာ မှားယွင်းကြောင့် ပြင်ဆင် ဖော်ပြထားလေသည်။ ပြင်ဆင်လိုက်တဲ့ အသုံးအနှုန်းကတော့ “ပြည်တွင်းနေ အစ္စလာမ့်ဘာသာဝင်” တဲ့။ ဒါဟာ သဘာထားမမှန်တာဘဲ။ ကြည်လိုက်ရင်တော့ မသိသာပေးမဲ့ နက်နက်ရှိုင်းရှိုင်း တွေးကြည်ဖတ်ကြည့်တော့မှ ပြည်တွင်းမှာ အစ္စလာမ့်ဘာသာကို ကိုးကွယ်ကြတဲ့ မြန်မာတိုင်းရင်းသားတွေကို ဒီနိုင်ငံ၊ ဒီမြေမှာ ပေါက်ဖွားလာတဲ့ နိုင်ငံသားများအဖြစ် အသိအမှတ်ပြုလိုက်တာ မဟုတ်ဘဲ တရားဝင် နိုင်ငံခြားသားများဖြစ်ကြောင့် အတိအလင်း ကြေငြာလိုက်တာဖြစ်သလို့ တချို့ တိုင်းပြည်ခေါင်းဆောင် ၊၀န်ကြီးနဲ့ လူလေးစားရတဲ့ ပုဂိုလ်တွေမှာ အစ္စလာမ် ဆန့်ကျင်ရေး စိတ်ဓာတ်ကိန်းအောင်း နေတယ်ဆိုတာ သူတို့ပါးစပ်က မပြောပေးမဲ့ စိတ်ထဲမှာ ရှိနေမှန်း ၀မ်းနည်းစရာပါဘဲ။

    သို့သော် ကုလား ဟူသော အသုံးအနှုန်းနှင့် ပတ်သက်ပြီး အတိတ်ခေတ်နှင့် ယနေ့ခေတ် အခေါ်အဝေါ် အသုံးအနှုန်း ပြောင်းလဲ ရွေလျားလာသည်ကို ရှင်းပြလို့ပါသည်။

    ဥပမာ – သူငယ်တော်။ မင်းညီမင်းသားများနှင့် ကစားဖော်၊ ကစားဖက်ကို သူငယ်တော်ဟု ခေါ်ဝေါ်ခဲ့ရာမှာ အချိန်ကာလ ကြာမြင့်ပြီး စကားလုံး အသုံးအနှုန်း ခေတ်အလိုက်ပြောင်းလဲလာရာ ကုန်းဘောင်ခေတ်တွင် နန်းတွင်းရှိ အညစ်အကြေးများကို သိမ်းကျူံး ရှင်းလင်းရသူလို့ အဓိပ္ပာယ်ဖြစ်သွားခဲ့ပါသည်။

    အတိတ်ခေတ် ကာလတုန်းက ကုလားဆိုတာ လာခြင်းကောင်းသောသူ ကုလအမျိုးလို့ အဓိပ္ပာယ်ပေါ်တယ်။ မြန်မာရာဇ၀င် သမိုင်းမှာလည်း ဟံသာဝတီ ပဲခူး ပါးစပ်ရာဇ၀င်အရ အသားမင်းသားနှင့် ကုလားတို့ အငြင်းအခုံပြုရာမှာ သိကြားမင်း အဆုံးအဖြတ်ပေး။ ပုဂံခေတ်တွင် ဗျက်ဝိ၊ ဗျတ္တ၊ ကုလားကျမင်းမှ အစ ဦးကုလား မဟာရာဇ၀င်၊ ကုလားဝန်၊ မြန်မာတို့ နေ့စဉ်သုံးစွဲနေသော စားဝတ်နေရေးတွင်လည်း ကုလား အသုံးအနှုန်းပါသည်ကို သိရှိသူ နည်းပါးလှသည်။

    ဒူးရင်းသီး (မလေး)၊ အရက်(အာရေဗျ)၊ ရေဒီယို (အင်္ဂလိပ်)၊ လောက၊ဘ၀နဲ့ မေတ္တာ (ပါဠိ) တို့သည်လည်း မြန်မာဘာသာ စကားတွင် တင့်တယ်နေသည်မှာ နှစ်များစွာ ကြာခဲ့ပြီး ဖြစ်လေသည်။ မာလာ၊ သီတာ၊ သူဇာ၊ သီဟ၊ သူရ စသည် မြန်မာတို့မှည့်ခေါ်နေသော နာမည်များသည်လည်း ကုလားနာမည်ပင်ဖြစ်သည်။  မြန်မာဘာသာစကားသည် အိန္ဒိယတောင်ပိုင်း ကုလား အက္ခရာကို အတုယူပြီး မြန်မာတို့ ကိုယ်ပိုင် အက္ခရာကို တီထွင်ဖော်ထုတ်ထားခြင်းဖြစ်သည်။ မြန်မာဘာသာစကား ရာစုနှစ်များစွာအတွင်း မွန်ဘာသာစကား၊ ပျူဘာသာစကား၊ ပါဠိဘာသာစကားနဲ့ အိန္ဒိယတောင်ပိုင်းသုံး ကုလား ဘာသာစကားတို့ ပေါင်းစပ် ရောထွေးသွားရာမှာ ယနေ့တွင် မြန်မာဘာသာ စကားအဖြစ် စကားလုံးကြွယ်ဝပြီး ဂုဏ်ယူဝင့်ကြွားစွာ ရှိနေပေသည်။

    ယနေ့ခေတ်တွင် ကုလားဆိုတဲ့ အသုံးအနှုန်းဟာ နိုင်ငံခြားသားတွေလို့ ခေါ်ဝေါ်နေတယ်လို့ ဒီနိုင်ငံရဲ့ တိုင်းရင်းသားတွေ မဟုတ်ဘူး။ ကိုးကွယ်ရာ ဘာသာတရားကို အကြောင်းပြုပြီး လူမျိုးခြား၊ ဘာသာခြားနဲ့ မျိုးမတူ ဇာတ်ခြားလို့ အပြောခံရ၊ အနှိမ့်ခံရတယ်လို့ ပြည်တွင်းမှာရှိတဲ့ မြန်မာမူဆလင် တယောက်က ကျနော်မောင်လူငယ်ကို ရင်ဖွင့်သွားတယ်။ ကျနော်တွင် စဉ်းစားစရာ ပေါ်လာလေသည်။

    ကျနော်မောင်လူငယ်ရဲ့ အဘိုးကလည်း တပ်မတော်မှာ တာဝန်ထမ်းဆောင်ခဲ့ဖူးသလို၊ စာရေးဆရာနဲ့  နိုင်ငံရေးသမားအဖြစ် ထင်ရှားခဲ့သလို  န၀တ၊ နအဖအစိုးရလက်ထက်  ၁၉၅၀ အရေးပေါ် အက်ဥပဒေ ပုဒ်မ ၅နဲ့ အဖမ်းခံရပြီး သေဆုံး ကွယ်လွန်ပြီးနောက်  အစိုးရအာဘော် သတင်းစာ အပတ်စဉ်ဆောင်းပါးတွင်လည်း ကုလားဒိန်ကြီး မောင်သော်က၊ ကုလားဒိန် တကောင်ကြောင့် တိုင်းပြည် ငါးပါးမှောက်၊ မောင်သော်ကဆိုတဲ့ ကုလားဒိန်ကြီး အင်းစိန်ထောင်ထဲမှာ ချီးပန်းပြီး သေသွားလေရဲ့ ဆိုတဲ့ အသုံးအနှုန်းနဲ့ အစော်ကားခံခဲ့ရပါတယ်။

    အခု ရခိုင်ပြသာနာ အရင်းခံကြောင့် ဘာအပြစ်မှမရှိတဲ့၊ ဘာမှမဆိုင်တဲ့ သူတွေကို နိုင်ငံခြားသားလို့ သတ်မှတ်ပြီး ဆဲနည်းပေါင်းစုံနဲ့ အဘက်ဘက်ကနေ အပြန်အလှန် တိုက်ခိုက်နေတာကို လူမှုကွန်ယက် စာမျက်နှာမှာ နေရာမလပ်အောင် တွေ့လိုက်ရပါတယ်။ တွေ့လိုက်ရတဲ့ ဆဲနည်းတွေက များမှ များလှတာ ဘုရားဟောကျမ်းထက် တောင် ပိုပြီးထူတယ်။ ပိုပြီး ပြည်စုံနေသလိုဘဲ။

    စောက်ကုလား အစ ကိုးကွယ်ရာ ဘာသာရဲ့ ဘုရားတွေကို ထည့်ဆွဲသွင်း ဆဲနေတာက တဖက်နဲ့ တဖက် ရှိသလို ကြားထဲက ချွန်တွန်းလုပ် မီးလောင်အောင် လုပ်ချင်တဲ့ တခြားဘာသာဝင် တွေလည်း ရှိသေးတာ အားလုံး သတိမမူ ဂူမမြင်ပါဘဲ။    ရှင်ကြီ ဂေါတမ မြတ်စွာဘုရားလည်း  သံသရာ မှ လွတ်မြောက်အောင် ငြိမ်းချမ်းစွာ တရားကျင့်ဖို့ လမ်းညွှန်ခဲ့တာဘဲ၊ တမန်တော် မိုဟမ္မဒ်သခင်လည်း အလ္လာဟ်အသျှင်ကို ယုံကြည်ပြီး အမိန့်နာခံဖို့ မိန့်မှာခဲ့တာဘဲ။  ဘာမဆိုင် ညာမဆိုင် ဆွဲထည့်နေတာက မဟုတ်တော့ဘူး။ ထားပါတော့ အတွေးအခေါ်နဲ့ အမြင်မကျယ်သေးတဲ့ အများစုကို ကျွန်ုပ်သည် ဘာများပြောနိုင်မည်နည်း။

    ကုလားဆိုတဲ့ အသုံးအနှုန်းကို ညစ်ညမ်းတဲ့စကားလုံးနဲ့ တွဲထည့်နေခြင်းကို ကျနော် တော်တော် အမြင်ကတ်လာသည်။ ဥပမာအနေဖြင့် လူကြီးတယောက်က “ဟဲ ကုလားလေး မင်းယာတဲ့ ကွမ်းယာက ကောင်းမှကောင်း။ ငါတောင် ငယ်မူပြန်သွားသလိုဘဲ”၊ ငယ်သူငယ်ချင်း နှစ်ယောက်ဆုံတွေ့တဲ့အခါ “ဟယ်တော့ မကုလားမရေ ဘယ်များပျောက်နေတာတုန်း၊ မတွေ့တာကြာပါ။ ၀လို့ လှလို့ ချောလို့ပါလား။ နင်နဲ့ ငါ စကားတောင်ကောင်းကောင်း မပြောရသေးဘူး။ ဟိုဘက်က မဘုတ်ကို ခေါ်ပြီး ငါအိမ်မှာ အေးအေးဆေးဆေးပြောကြရအောင်။” ဒီလိုသာ ပြောကြဆိုကြဆိုရင် ကုလားဆိုတဲ့ အသုံးအနှုန်းဟာ မရိုင်းဘူး။ ပြောသူက စိတ်သဘောထား ရိုးရိုးနဲ့ ခင်မင် လေးစားသမူဖြင့် ပြောဆိုသုံးစွဲတာဘဲ။ ဒါက အပြစ်မဟုတ်ဘူး။ အခုတော့ အပြစ်ဖြစ်ခဲ့ရပြီး အရှက်ခွဲ အိုးမည်းသုတ်လိုက်တယ်ဆိုတာ နည်းနည်းလေးမှ မစဉ်းစားမိဘူးလားလူကြီးမင်းတို့။

    ကုလားဆိုတဲ့ အဓိပ္ပာယ် အသုံးအနှုန်းဟာ အလွန်ကျယ်ပြန့်ပြီး သြဇာအာဏာလည်း ကြီးမားလှတယ်တဲ့အပြင် ကျေးဇူးပြုတာတွေက များမှ များတယ်ဆိုတာ ကျနော်မောင်လူငယ် ပြောပြလိုပါတယ်။

    မြန်မာအများစု ယုံကြည်သက်ဝင်စွာ ကိုးကွယ်နေတဲ့ ရှင်တော်ဂေါတမ မြတ်စွာဘုရားကလည်း အိန္ဒိယပြည်က မင်းမျိုးမင်းနွယ်ကုလားဘဲလေ။

    ဟိန္ဒူဘာသာဝင်တို့ရဲ့ ဘုရား ရာမ၊ ကရစ်သျှနား တို့ကလည်း မင်းမျိုးမင်းနွယ်ကုလားဘဲ။

    ခရစ်ယာန်ဘာသာဝင်တို့ ချစ်ကြတဲ့ ယေရှုကလည်း ဂျူးကုလားဘဲလေ။

    အစ္စလာမ်ဘာသာဝင်တို့ရဲ့ နောက်ဆုံးတမန်တော် မိုဟမ္မဒ် သခင်ကလည်း အာရပ်ကုလားဘဲ။

    မြန်မာပြည်သမိုင်းမှာ ဝေသာလီ၊ သရေခေတရာ၊ ဗီသာနိုး အစရှိတဲ့ မြို့တွေနာမည်က ကုလားနာမည်ဘဲ။ ရှင်တော်ဂေါတမမြတ်စွာ ဘုရားကလည်း ကုလားစကားနဲ့ တရားဟောခဲ့ပြီး ပါဠိ ဘာသာကလည်း ကုလားဘာသာစကားဘဲ။ ကောင်းတာလုပ်လုပ်၊ မကောင်းတာလုပ်လုပ် သွားရမယ်ခရီးမှာလည်း ဘုံနာမည်တွေက ကုလားနာမည် ရှိ/မရှိ  ရှာကြည်ပေါ့။

    နိုင်ငံရေး အစရှိတဲ့ တီတွင်မှု အကုန်လုံးက ကုလားတွေရဲ့ တီတွင်မှုရလဒ်ဘဲ။ အခုတောင် အင်တာနက်သုံးနေတာ ကုလားကျေးဇူးကြောင့် သုံးနေတာနော်။ နိုင်ငံတကာမှာ ကုလားစကား (အင်္ဂလိပ်) မသုံးရင် မရတော့တာ အထင်အရှားသက်သေဘဲ။

    အနောက်ပြည်က ကုလားပညာရေး အားကျလို့ သွားသင်နေတာ မသိဘူး မှတ်နေလား။ ကုလားတက္ကသိုလ်က ပေးတဲ့ဘွဲ့က နိုင်ငံတကာမှာ လူတွင်ကျယ် လုပ်လိုရတယ်ဆိုတာ ဇွတ်တရွတ်တော့ မငြင်းပါနဲ့။

    နောက်ဆုံးပိတ် ပြောရရင် မြန်မာပြည်မှာ ကုလားတွေ ကျေးဇူးပြုခဲ့တာ အများကြီးထဲက တခုလောက် ပြောပြလိုက်ချင်တယ်။ ပြည်တွင်းရောင်စုံ သူပုန်ထမှုကြောင့် ရန်ကုန်အစိုးရလို့ ခေါ်တဲ့ခေတ်ကာလမှာ အစိုးရအဖွဲ့ဝင်တွေ တယောက်ပြီး တယောက် ပြေးနေကြတာ တိုင်းပြည်အတွက် မြန်မာတပ်မတော်အတွက် လိုအပ်တဲ့ လက်နက်ခဲယမ်း မီးကျောက်တွေကို အိန္ဒိယနိုင်ငံကို သွားပြီး ၀န်ကြီးချုပ် ဂျဝါဟာလာ နေရူးကို အာပေါက်အောင် ပြောပြီး ခက်ခက်ခဲခဲရအောင်၊ ရောင်းရင်းရဲဘော် ကိုကြီးနုကို စိတ်မပျက်အောင် ယူဆောင်လာပေးခဲ့တာ ကုလားရာရှစ်လေ။ သူဘာသာ အေးအေးနေလို့ ရရဲ့သားနဲ့ ဒီလိုမလုပ်ဘဲ ကိုယ်ချစ်တဲ့ မြတ်နိုးတဲ့ တိုင်းပြည်အတွက် ကြိုးစားဆောင်ရွက်ပေးတာနော် ကျေးဇူးလေး ဘာလေး မတင်တော့ဘူးလား။ သူကြောင့် မြန်မာနိုင်ငံ ကမ္ဘာ့မြေပုံပေါ်ကနေ မပျောက်ကွယ်သွားတာ အသိတရားလေး ရှိကြစမ်းပါဦး။

    ကုန်ကုန်ပြောရမယ်ဆိုရင် ကုလား (ဖြူ၊နီ၊၀ါ၊မဲ၊ညို)တွေ ကမ္ဘာ့ကြီးကို အကျိုးပြုနေတာ အများကြီးဘဲဆိုတာ ထင်ရှားတဲ့အထောက်အထားဖြစ်သလို ကျေးဇူးလေး ဘာလေးတင်လိုက်ပါဦး။

    အခုတောင် ဒီမိုကရေစီ လမ်းလျှောက်နေတာ ကုလားဆီက အထောက်အပံ့၊ အကူအညီနဲ့ နည်းပညာတွေ တောင်းနေတာ မျက်ဝါးထင်ထင်မြင်နေရတာ ပြောကို မပြောချင်တော့ဘူး။

    ပြောမဆုံးပေါင်း တော ၃ ထောင်…… ကုလား ကုလား ကုလား    အိုး………… ကျွတ်…………..ကျွတ်

    ကျန်းမာရွှင်လန်းကြပါစေ။
    မောင်လူငယ်

  • သံတွဲ-ရန်ကုန် ကားများပေါ်တွင် မွတ်စလင်များမပါရေး ကြပ်မတ်ရန် ညွှန်ကြားချက်ထုတ်

    သံတွဲ-ရန်ကုန် ကားများပေါ်တွင် မွတ်စလင်များမပါရေး ကြပ်မတ်ရန် ညွှန်ကြားချက်ထုတ်

    နိုဝင်ဘာ ၂၃၊၂၀၁၂၊

    Source: YPI

    သံတွဲမြို့မှ  ရန်ကုန်သို့သွားသောအဝေးပြေးခရီးသည်တင်ယာဉ်များတွင် အစ္စလာမ်ဘာသာဝင်များ မပါရှိစေရေးကြပ်မတ်ရန် ခရိုင်အထွေထွေအုပ်ချုပ်ရေးဦးစီးဌာနနှင့် မြို့နယ် မ.ထ.သ မှ ညွှန်ကြားချက်ထုတ်ပြန်လိုက်သည်။

    ခရိုင်အုပ်ချုပ်ရေးမှူးမှ အောက်တိုဘာ ၂၄ ရက်စွဲဖြင့် ထုတ်ပြန်လိုက်သောယင်း ညွှန်ကြားချက်အား  မြို့နယ် မ.ထ.သ က နိုဝင်ဘာ ၁၆ ရက်စွဲဖြင့် အဝေးပြေးကားလိုင်းများထံ ဆက်လက်အကြောင်းကြားခဲ့သည်။

    ခရိုင်အုပ်ချုပ်ရေးမှူး၏ ညွှန်ကြားစာ

    ဒေသခံတစ်ဦးက“ လေယာဉ်နဲ့သွားမယ်ဆိုရင် ကားခထက် လေးငါးဆမက ကုန်တာပေါ့၊ တော်ရုံနဲ့ ခရီးသွားဖို့ မလွယ်တော့ဘူး” ဟုပြောသည်။

    သံတွဲ- ရန်ကုန်ကားခမှာ ၁၂၀၀၀ ကျပ်မှ ၁၅၀၀၀ ကျပ် အထိဖြစ်ပြီး လေယာဉ်ခများမှာ မြန်မာ့လေကြောင်း  ၄၈၀၀၀ ကျပ်နှင့် ကျန်ပုဂ္ဂလိက လေကြောင်းလိုင်းများမှာ ၇၅၀၀၀ ကျပ်ဖြစ်သည်။

    “တစ်ကယ်ဆိုရင် ကားလမ်းမှာ လုံခြုံမှု မရှိဘူးဆိုရင် အာဏာပိုင်တွေက လုံခြုံရေးစီစဉ်ပေးသင့်တယ်” ဟုလည်း အခြားဒေသခံတစ်ယောက်က ပြောသည်။

    အဆိုပါ ညွှန်ကြားစာများတွင် မည်သည့် အကြောင်းကြောင့်ဟုမပါရှိပဲ နောက်ထပ်ညွှန်ကြားချက်မရမီ အချိန်ထိ လိုက်နာရန်ဟုသာ ဖော်ပြထားသည်။       ။

  • လက်တို့ပြီးတော့ မေးလိုက်ချင်ပါသည်

    လက်တို့ပြီးတော့ မေးလိုက်ချင်ပါသည်

    နိုဝင်ဘာ ၂၂ ၊ ၂၀၁၂
    M-Media
    မောင်လူငယ်

    မပြောမပြီး၊ မတီးမမြည်ဆိုရိုးရှိသည်အတိုင်း ကျနော်သည် ပြောရတော့မည်၊ ဆိုရတော့မည်၊ တီးရပါတော့မည်။ ကုန်လွန်ခဲ့တဲ့ လတွေအတွင်းက ကျောက်နီမော် ပြဿနာအစ အမှိုက်ကစ ပြသာဒ် မီးလောင်ဆိုတဲ့အတိုင်း တောင်ကုတ် သတ်ဖြတ်မှုအလယ် ရခိုင်အဓိကရုဏ်းအဆုံး တဖက်နှင့် တဖက် အကြမ်းဖက် သတ်ဖြတ်ကြ၊ မီးရှို့ကြ လူပေါင်းများစွာရဲ့ မျက်ရည်ဖြင့် ပေးဆပ်လိုက်ရသည့်  ပြဿနာပေါင်း သောင်းခြောက်ထောင်ဖြင့် မြန်မာနိုင်ငံသည် နာမည်ပျက်ခဲ့ရသည်။

    အုပ်ချုပ်သူအစိုးရအဆက်ဆက်သည် ရခိုင်ပြည်နယ်ကို ချောင်ထိုးထားခဲ့သည်မှာ နှစ်များစွာ ကြာခဲ့ပြီး အပြင် အမြင်ကျဉ်းမြောင်းသော၊ နိမ့်ကျနေသော အတွေးအခေါ် နက်ရှိုင်းစွာ အမြစ်တွယ်နေသော လူ့အဖွဲ့အစည်းကို ပြုပြင်ပြောင်းလဲရန် အချိန်ကာလများစွာ ယူရမည်ကို ကျနော်ကောင်းကောင်းကြီး သဘောပေါက်ပါသည်။ အခု ထားပါတော့ ဆက်ပြောလျင်ပြီးဆုံးနိုင်မည်မဟုတ်ပေ။

    သို့သော် ခံစားခဲ့ရပြီး သည်းခံခဲ့သော ကျနော်သည် ပြည်ထောင်စုအစိုးရအဖွဲ့ဝင် တာဝန်ရှိသူများနှင့် လွှတ်တော်အမတ်တချို့၏ စကားကို ကျနော်သည်းမခံနိုင်တော့ပါ။

    သည်းမခံနိုင်သောအကြောင်းရင်းကို ကျနော် ရှင်းပြလိုသည်အပြင် လက်တို့ပြီးတော့ မေးလိုက်ချင်ပါသည်။ လ၀က၀န်ကြီး ဦးခင်ရီရဲ့ ပြောစကားသည် အမျိုးသားမှတ်ပုံတင်တွင် ကူလီကူမာနှင့် မတရားညစ်ပတ်ခံလိုက်ရသော ကျနော်နှင့် ဘ၀တူများကို စော်ကားလိုက်ချင် ဖြစ်ပေသည်။
    ကျနော်သည် အသက် ၁၂ နှစ် မှတ်ပုံတင်ကို ၁၇ နှစ်သားတွင် လုပ်ခဲ့ရပါသည်။ ၁၈ နှစ်ပြည့် မှတ်ပုံတင်ကို ၁၉ နှစ်သား အရွယ်တွင်လုပ်ခဲ့ရပါသည်။ သည်အကြောင်းကို ကျနော် ရှင်းပြလိုပါသည်။ ကျနော် မိဘနှစ်ပါးသည် စကားမပြောတတ် နားမကြားသူများ ဖြစ်သည်အပြင် ဘာသာဗေဒ ဆက်သွယ်မှုအခက်အခဲကြောင့် မှတ်ပုံတင်၊ သန်းခေါင်စာရင်း လုပ်ဆောင်မှုတွေကို နားမလည်ပါ။ သိလည်းမသိတော့ကြောင့် ၁၇နှစ်သားအရွယ်တွင် အကိုဝမ်းကွဲနှင့် အိမ်နီးချင်းရဲ့ အကူအညီဖြင့် မှတ်ပုံတင် စတင်လုပ်ခဲ့ပါသည်။ ငယ်စဉ်က ဖခင်၏ ဆွေမျိုးသားချင်းရှိရာ လှိုင်မြို့နယ် ဘူတာရုံလမ်းတွင် အတူနေခဲ့သဖြင့် သန်းခေါင်စာရင်းအရ လှိုင် လ၀ကရုံးတွင် စတင်လျှောက်ထားခဲ့သည်။ လှိုင်မြို့နယ် လ၀ကရုံးရဲ့ တည်နေရာနဲ့ ဖွဲ့စည်းပုံကတော့ ဘူတာရုံလမ်းထဲမှာ ရှိပါတယ်။ ဘုရင်နောင့်လမ်းကနေ သွားရင်တော့ နီးနီးလေးပါဘဲ။ ရန်ကုန်အင်းစိန်လမ်းမကြီးကနေသွားရင် ဆိုက်ကားနဲ့ သွားမှာ ခရီးတွင်မယ်။ ရုံးက ၃ ထပ် လောက်ရှိတယ်။ မြေညီထပ်မှာကတော့ လက်ယာဘက်အထပ်တိုင်းမှာ မြို့နယ်အခွန်ရုံးကို ဖွင့်ထားပါတယ်။ ပုံစံ ၁၇ လုပ်မယ်ဆိုရင် ဒီရုံးမှာ လုပ်ရပါတယ်။ လက်ဝဲဘက်မှာက လ၀ကရုံးပါ။ မြေညီထပ်မှာက မှတ်တမ်းထိန်းသိမ်းရေးဌာန၊ ပထမထပ်မှာ လျှောက်လွှာနဲ့ စီစစ်ရေးဌာန၊ လက်ခံဌာန၊ မြို့နယ်ဦးစီးမှူးရုံးခန်း၊ ဒုတိယထပ်မှာတော့ ခရိုင်ဦးစီးမှူးရုံးပေါ့။

    ရုံးထဲကို ၀င်လိုက်တာနဲ့ ဆိုင်းဘုတ်ကြီး ၂ ခုရဲ့ အရှိန်အ၀ါက လူကို သံသရာမှာ ကပ်ငြိနေအောင် လုပ်နေသလိုဘဲ။ “မြေမျိုလို့ လူမျိုးမပျာက်၊ လူမျိုလို လူမျိုး ပျောက်မည်” ၊ “ကမ္ဘာ့တည်သရွေ့ မြန်မာနိုင်ငံ တည်ရှိရမည်။ ကမ္ဘာ့တည်သရွေ့ မြန်မာလူမျိုး တည်ရှိရမည်။” တဲ့။
    အဖြူအမဲ ဓာတ်ပုံ၊ မိဘမှတ်ပုံတင် မူရင်းနဲ့ မိတ္တူ၊ မွေးစာရင်းစာရွက် မူရင်းနဲ့ မိတ္တူ၊ သန်းခေါင်စာရင်း မူရင်းနဲ့ မိတ္တူ အစရှိတဲ့ စာရွက်စာတမ်းအပြည်အစုံနဲ့ မှတ်ပုံတင်လုပ်ဖို့ ပြင်ဆင်ကြပါတယ်။ ထူးဆန်းနေတာက ကျနော်အမေရဲ့ စလင်းဘတ်အိတ်ထဲမှာ လေယာဉ်တံဆိပ် စာအိတ်အဖြူ ၁၀ အိတ်ယူလာတယ်ဗျာ။ အထဲမှာ ဘာပါမှန်း အစက ကျနော်မသိဘူး။ နောက်တော့မှ သိရတယ်ဗျာ။ လူသိရှင်းကြား အရှက်မရှိ ဓားပြတိုက်နေတာမှန်း ရေရေလည်လည် နားလည်သွားတယ်။ လာဘ်ပေးရန်မလို တွေ့ရှိက တိုင်ကြားရန်ဆိုတဲ့ စာသားက အိမ်သာသုံး တသျှူးလောက်ပါဘဲ။

    မှတ်ပုံတင်အတွက် ဖြည့်ရမယ် လျှောက်လွှာအတွက် လ၀က က တပ်ကြပ်ကြီးအဆင့်လောက်ရှိတဲ့ လက်ထောက်အရာရှိမမဆီကို သွားတောင်းပါတဲ့အခါမှာ ကျနော် လန့်သွားမိတာက မမအရာရှိရဲ့ မျက်နှာကြီးက တလောကလုံးက လူတွေ သူလုပ်စားထိုင်စားနေသလိုပုံစံနဲ့ “ဘာ ကိစ္စလဲ” မေးတော့ ကျနော်အကိုဝမ်းကွဲက “ဟုတ်ကဲ့ ကျနော်ညီလေး မှတ်ပုံတင်စလုပ်မလို့ပါ။ လျှောက်လွှာစာရွက်လေး တဆိတ်လောက် ခင်ဗျား”လို့ ပြန်ဖြေတယ်။ အရာရှိမမကတော့ “ဒါဆို စာအိတ်ပါလားတဲ့။ ငါးနော်။ လေးလုံအတိဘဲ သုံးလုံးထက် မလျော့စေနဲ့နော်” လို့ မေးတယ်။ အကိုက “ဟုတ်၊ မလျော့ပါဘူး။ ကျနော်တို့က ပြင်ဆင်ပေးထားပါတယ်။” လို့ ဆိုပြီး စာအိတ်အဖြူလေးကို တရိုတသေနဲ့ အကိုက ပေးလိုက်ပါတယ်။ ဖြည့်ရမယ်စာရွက်ကလေး ရလာတော့ ဖတ်ကြည်တယ်။ ကိုယ်ရေးရာဇ၀င် ဆွေစဉ်မျိုးဆက်ပေါ့။ ဖြည့်သင့်တာတွေ ဖြည့်ဖို့ မိဘတွေရဲ့ မှတ်တမ်းကို ဖွင့်ပြီး အဖေဘက်က ဘိုးဘေးဘီဘင်၊ အမေဘက်က ဘိုးဘေးဘီဘင်တွေ၊ ကျနော်ရဲ့ မောင်နှမ ၃ ယောက် အကြောင်း အပြည်အစုံကို တိတိကျကျ ကျနော်ဖြည့်ထားပါတယ်။ ဖြည့်ပြီးတော့ စီစစ်လက်ခံတဲ့ဌာနဘက်မှာ သွားတင်တော့ အချိန်ကြာစောင့်ပြီးမှ နာမည်ခေါ်တော့ အခန်းထဲဝင်ပြီး မျှော်လင့်ချက်လေး ကိုယ်စီနဲ့ပေါ့ ပုခုံးထက်က ၁ ပွင့် ပါတဲ့ အရာရှိတယောက်ကတော့ မျက်နှာတွေကို စူးစူးစိုက်စိုက်ကြည်ပြီး သံသယမျက်လုံးတွေနဲ့ ပြောလိုက်ပုံက “ခင်ဗျားတို့ ဖောင်ဖြည့်ထားတာ တကယ်အမှန်လား ဒါမှမဟုတ် လိမ်ရေးနေတာလားတဲ့” ကျနော် ဒေါသကို ထွက်သွားတာဘဲ။ ကျနော်အမေတောင် မျက်နှာငယ်လေးမို့လို သည်းခံထားလိုက်တယ်။ ကျနော်အကိုက “ဟုတ်ကဲ့ ကျနော်တို့ အတိအကျ အမှန်အတိုင်းရေးတာပါ။

    သူအဖေနဲ့ အမေ မှတ်ပုံတင် ကြည်ရင် သဘောပေါက်မှာပါ။” လို့ ပြန်ဖြေတယ်။ အရာရှိကတော့ “ဒါဆို ကောင်းပြီး ကျုပ်အခု ခေါင်းနည်းနည်းကိုက်နေလို့ ပြီးမှာ လက်မှတ်ထိုးပေးမယ်။”လို့ လူကြမ်းမင်းသား အိုက်တင်နဲ့ အချိန်ဆွဲနေတာကို အကင်းပါတဲ့ အိမ်နီးချင်းအကိုက ချက်ချင်း အောက်ဘက်ဆင်းပြီး 555 စီးကရက် တဗူး အပြေးအလွှားဝယ်ပြီး စာအိတ်အဖြူနဲ့ တွဲပေးလိုက်တာ စီစစ်ပြီးကြောင်း ချက်ချင်းကို လက်မှတ်ထိုးပေးတာဘဲ။ အံ့သြလောက်ပါပေတယ်။ ပြည်သူဝန်ကို ထမ်းဆောင်ပုံများ သွားလေသူ အမျိုးသား ခေါင်းဆောင်ကြီး ကိုအောင်ဆန်းသာ ထလာလို့ကတော့ “တယ်လေ ငါနားရင်းပိတ်တီးလိုက်ရ” လို့ ပယ်ပယ်နယ်နယ်တွယ်မှာတော့ သေချာတာဘဲ။ သူထက်တောင် ပိုဆိုးတာကတော့ မြို့နယ်ဦးစီးမှူးပါဘဲခင်ဗျား။ ဦးစီးမှူးကို စောင့်ရတာ ရထားလာမယ်အချိန်ကို စောင့်ရတာထက်တောင် ကြာပါဗျာ။ မေးတော့ မြို့နယ်မှူး ထမင်းစားနေလို့တဲ့။ ရုံးတက်တော့ မနက် ၁၀ နာရီ ထမင်းစားတော့ နေလည် ၁၂ နာရီပေါ့ ၂ နာရီလောက်မှ အတွင်းကို ၀င်နိုင်ပါပြီးတဲ့။

    ကျနော်လာတွေ့နေတာ မြို့စားများလား အောက်မေ့ရတယ်။ ရုံးခန်းက အဲကွန်းလေးနဲ့ ဟင်း ၅မျိုး ၆ မျိုး ပြာတာလာသိမ်းတာကြည့်လိုက်တော့ အော် သူက ဒီလောက်စည်းစိမ်ခံနိုင်ရင် သူအထက် အချုပ်က ရာဇ၀င်ထဲက ဟင်းခွက် ၃၀၀ ပွဲတော်တည်တဲ့ နရသီဟပတေ့ လို့ခေါ်တဲ့ တရုတ်ပြေးမင်းထက်တောင် သာမယ်ထင်တယ်။ ရုံးခန်းမှာ မြို့နယ်မှူးက ကျနော်ဖိုင်ကို ဖွင့်ပြီး စေ့စေ့စပ်စပ်ကို ကြည်နေတာ ၁၀ မိနစ်တောင်ကြာပါ။

    ပြီးတော့ ကျနော်ကို မေးတယ်။ “ကျောက်တံတားမြို့နယ်က ဦးဘသော်က တပ်မတော်ရေတပ်က ဗိုလ်မှူးဘသော် (ခ) စာရေးဆရာ မောင်သော်ကလားတဲ့။” ကျနော်အကိုက “ဟုတ်ပါတယ်။ ဆရာမောင်သော်ကပါ။ သူအမေရဲ့ အဖေပါ။ ကွယ်လွန်သွားတာ ကြာပါပြီး။ ကျနော်ဦးလေးလင်မယားက စကားမပြောတတ် နားမကြားတဲ့သူတွေမို့လို ကျနော် ကူညီလုပ်ဆောင်ပေးနေတာပါ။ ဦးစီးမှူးခင်ဗျား”လို့ ပြန်ဖြေတယ်။ မြို့နယ်ဦးစီးမှူးမျက်နှာက တင်းမာခက်ထန်သွားပြီး ပြာတာကို စီစစ်ရေးက ဟိုကောင်ကို အခုချက်ချင်း ရုံးခန်းကို လာခဲ့ပါလို့ ပြောလိုက်စမ်း။ ပြာတာက တဟုန်ထိုးသွားပြီး လှမ်းအကြောင်းကြားလိုက်တော့ စီစစ်ရေးက အရာရှိက ဦးစီးမှူးခင်ဗျား ဘာများညွန်ကြားစရာရှိလဲလို့ မေးတော့ ဦးစီးမှူးက “ဟေ့ကောင် မင်းအလုပ်ကို ကောင်းကောင်းမလုပ်ဘူးလား။ သေသေချာချာ မစီစစ်ဘူးလား။ လုံခြုံရေးအခြေအနေအရ အစိုးရကို ပုန်ကန်သူတွေရဲ့ ဆွေစဉ်မျိုးဆက်ကို သေချာ လုပ်ရမယ်ဆိုတာ မင်းနားလည်တာလား နားမလည်တာလား။ ထွက်သွားစမ်းကွာ။”လို့ ပယ်ပယ်နယ်နယ် ဖရုသ၀ါစာ ဆဲနေတာဘဲ။ ကျနော်တို့တောင် ကြောင်ပြီး ရပ်ကြည်နေရတယ်။ ၁ပွင့် အရာရှိကတော့ မျက်နှာငယ်လေးနဲ့ ထွက်သွားတော့ ဦးစီးမှူးက ကျနော်တို့ဘက်ကို လှည့်လာပြီး “ကဲ လာထိုင်ကြပါဦး။ အခုနက ကျနော်ပြောသမျှတွေကို နားလည်ပေးပါ။ အထက်အမိန့်အတိုင်း ကျနော်တို့က ဆောင်ရွက်ရတာ။ မိဘက စကားမပြောတတ်နားမကြားဘူးဆိုတော့ ကျနော်တို့ စာနာပါတယ်။ နားလည်ပါတယ်။

    ခက်တာက ဗိုလ်မှူးဘသော်နာမည်ပါနေတာက ကျနော်အတွက် အကျပ်တွေ့တယ်။ သူက သာမန်တော့မဟုတ်ဘူး။ ကျနော်လက်မှတ်ထိုးပိုင်ခွင့်မရှိဘူး။ ညွန်ချုပ်လက်မှတ်ထိုးမှာ ဒီကောင်လေး မှတ်ပုံတင်ရမယ်။ ကျနော် ဒီထက်ပိုမပြောတတ်ဘူး။ ပြီးတော့ လူမျိုးမှာ ဗမာ၊ ကိုးကွယ်တဲ့ဘာသာမှာ အစ္စလာမ့် လို့ ထည့်လို့မရပါဘူး။ တခုခုတော့ ပေါင်းထည့်ရမယ်။ အဖေဘက်လိုက်ရမယ်။ ဘယ်လိုလဲခင်ဗျားတို့ စဉ်းစားပါ။”လို့ ပြောတယ်။ ကျနော်အိမ်နီးချင်းအကိုက “ကျနော်တို့ ထမင်းမစားရသေးလို့ သွားစားရင်နဲ့ စဉ်းစားပြီးမှာ အဖြေပေးပါမယ်။ ရမလား ဦးစီးမှူးခင်ဗျား”လို့ ပြန်ဖြေတော့ “အချိန်တွေအများကြီး ရှိပါသေးတယ်။ ဒီမှာ ကျနော် ဖုန်းနံပါတ်မှတ်သွားပါ။ ဆက်သွယ်လိုက်ပေါ့။”တဲ့။ ကျနော်တို့ တပ်ခေါက်ပြီး ပြန်လာခဲ့ပါတယ်။

    လက်ဖက်ရည်ဆိုင်မှာ ထိုင်သောက်ပြီး ဆွေးနွေးကြတော့ ကျနော်အမေက မှတ်ပုံတင်နဲ့ ပတ်သက်သမျှ ဘာမှမသိတော့ သားရဲ့သဘောထားကို မေးကြည်ပါတဲ့။ ကျနော်အိမ်နီးချင်းအကိုက “ညီလေး အခုချိန်က ဘီလူးတွေ ဝေသာလီပြည်မှာ ၀င်စီးနေတာ မထွက်သေးဘူး။ သူတော်စင်ကို ပြောရင် ရနိုင်တယ်။ ဘီလူးကို ဘာမှ သွားပြောလို့ရမှာ မဟုတ်ဘူး။ ညီလေးအဖေက နိုင်ငံဝန်ထမ်းဆိုတော့ မိသားစု ပြိုကွဲပျက်စီးသွားရင်လည်း ဘာနဲ့ လုပ်စားနိုင်မလဲ။ သေချာစဉ်းစားရမယ်။ မိဘမျက်နှာကို ထောက်ပြီး ဗုဒ္ဓဘာသာလို့ ထည့်ရေးလိုက်ပေါ့။ နောက်မှ အခြေအနေကြည်ပြီး လုပ်ကြတာပေါ့။” လို့ အကြံပေးတယ်။ ကျနော်လည်း အခြေအနေကို စဉ်းစားပြီးတော့ စိတ်ကိုလျော့ပြီး သည်းခံရမယ်ဆိုပြီး သဘောတူခဲ့ပါတယ်။

    နောက်ဆုံး အိမ်ကို ပြန်ပြီး ညဘက်မှာ ဦးစီးမှူးဆီ ဖုန်းဆက်ကြည်တော့ ဦးစီးမှူးက “ကျနော်လိပ်စာပေးမယ် ရက်ချိန်းပြီးရင် ကျနော်အိမ်ကို လာခဲ့ပါ အဲဒီကျမှ အေးအေးဆေးဆေး ပြောကြတာပေါ့။ အိမ်မှာ လိုအပ်နေတာ အများကြီးဘဲ ခင်ဗျားတို့ လာခဲ့ရင် အားနာစရာကြီးဘဲ” လို့ ပြန်ဖြေတာပေါ့။ အိမ်နီးချင်းအကိုကြီးက ဒီအဖြေကို ကောင်းကောင်းသဘောပေါက်တယ်။ ကျနော်တောင် သူဆီက သင်ယူလေ့လာနေရတာဘဲ။ လေ့လာတာ အနည်းငယ်ဘဲ ရသေးတယ်။ အကြံပေးတဲ့သူက ကွယ်လွန်သွားပြီးဆိုတော့ စိတ်မကောင်းစရာဘဲ။ နောက် ၁ ပတ် လောက်ကြာတော့ ကျနော်ရယ်၊ အမေရယ်၊ အိမ်နီးချင်းအကိုကြီးရယ် ည ၇ နာရီမှာ ဦးစီးမှူး အိမ်ကို သွားပါတယ်။ လက်ချင်းဗလာသက်သက်တော့မဟုတ်ပါဘူး။ အကောင်းစား ဘလက်လေဘယ်လ် ၀ီစကီနဲ့ 555 စီးကရက် ၁ တောင့်အပါအ၀င် ပစ္စည်းမျိုးစုံပါဝင်တဲ့ ခြင်းတောင်းကလေးနဲ့ပေါ့။ အမေရဲ့ ချွေးနည်းစာပိုက်ဆံလေး ၈၅၀၀၀ လောက် ပျံထွက်သွားပါတယ်။

    ဦးစီးမှူး အိမ်က ၂ ထပ်တိုက်အိမ်ကလေးအပါအ၀င် ကားကလေးနဲ့ တင့်တယ်နေတာဘဲ။ ဦးစီးမှူးက “ကြွပါ ကြွပါ။ ဟ ဒါတွေ အားနာစရာကြီး မလိုပါဘူး။ ဘာလိုယူလာရတာလဲတဲ့”။ သူမိန်းမလက်ကတော့ ခြင်းတောင်းကို ကိုင်ပြီးသား ထမင်းစားခန်းဖက်ကို ၀င်သွားတာ သွက်ကို သွက်လွန်းလို့။ ဦးစီးမှူးက မေးတယ် “သား ဘယ်နှတန်းရောက်နေပြီးလဲ။ အခု အသက်ဘယ်လောက်တုန်း”တဲ့ ကျနော်က”၁၇ နှစ်ပါ ဦး။ ၁၀တန်းဖြေထားတယ်။ အောင်စာရင်းတော့ မထွက်သေးဘူး။”လို့ ပြန်ဖြေလိုက်တယ်။ ဒီထဲမှာ အိမ်နီးချင်းအကိုက “ဒီကောင်လေးအတွက် မှတ်ပုံတင်ကိစ္စ ဘယ်လိုများလုပ်ရမလဲ” လို့ မေးပါတယ်။ ဦးစီးမှူး ဖြေတာက “လုပ်ရမှာက သူအဘိုးရဲ့ မှတ်ပုံတင်နဲ့ ကိုယ်ရေးရာဇ၀င်ဖိုင်ကို မိတ္တူကူးပြီး ပူးတွဲတင်ရမှာပါ။ နောက်ပြီး နိုင်ငံရေးကင်းရှင်းကြောင်းရယ်၊ မှတ်ပုံတင်အတွက် လုပ်ထားတဲ့ ကိုယ်ရေးရာဇ၀င်အထောက်အထား မှန်ကန်ကြောင့် ရီပို့စ်ရေးပြီး ခံဝန်ချက်ထိုးပြီးရင် ညွန်ချုပ်ဆီ တင်ပြီး အတည်ပြုချက်ရရင် မှတ်ပုံတင်ရပါပြီး” ဆိုတဲ့ အဖြေစကားကို သိရပါတယ်။

    နောက် ကျနော်အဘိုးရဲ့မှတ်ပုံတင်လုပ်ရာ ကျောက်တံတားမြို့နယ် လ၀က ရုံးချုပ်မှာ သွားရှာပါတယ်။ မှတ်တမ်းထိန်းသိမ်းရေးဌာနက အရာရှိမမကတော့ ကူညီပေးမယ်လို့ ပြောပြီး ရှာလိုက်ရတာ ဘယ်အချိန်ကတည်းက ခြစားနေမှန်းမသိ နှစ် ၃၀ ပင်ကူမျှင်တွေ၊ ဖုန်းအလိမ်းလိမ်းနဲ့ ကျန်းမာရေးဌာနက ရောဂါပိုးမွှား ကင်းရှင်းဇုန် သက်မှတ်ပေးထားသလား အောက်မေ့ရတယ်။ တွေ့တော့လည်း စာရွက်တွေက ၀ါကျင်ကျင်နဲ့ပေါ့ မိတ္တူကူးပြီးနောက် သူကို လက်ဘက်ရည်ဖိုး ၅၀၀၀ လောက်ပေးလိုက်ရတယ်။ လက်ဘက်ရည် ၁ခွက် ၅၀ ကျပ်လောက်ရှိတာ သူက ၅၀၀၀ တောင်းတာ အတော်ကို အဆင့်မြင့်တယ်။

    မှတ်ပုံတင်အတွက် လိုအပ်တာကို ရပြီးဆိုမှတော့ လှိုင် လ၀ကရုံးကို သွားပြီး ဦးစီးမှူးဆီကို တင်ပြရာမှာ ပြောတာကတော့ “အဖေက ဗုဒ္ဓဘာသာဆိုတော့ အဖေဘက်လိုက်ပြီးလုပ်ရမယ်။ သဘောတူတယ်ဆိုရင် ဒုလ၀ကမှူးက ရီပို့စ်ရေးမယ်။ လက်မှတ်ထိုးလိုက်ရင် အိုကေပြီး ခဏတော့စောင့်”လို့ ပြောတယ်။ ကျနော်လည်း စောင့်နေတာ ၃ နာရီလောက်တောင် ကြာတယ်။ ပြီးတော့ ဒါတွေကို ဖတ်တောင် မဖတ်ရဘဲ လက်မှတ်ထိုးခိုင်းတယ်။ ကျနော်လည်း ထောက်ထားစရာမျက်နှာတွေရှိလို့ လက်မှတ်ထိုးပေးခဲ့တယ်။ ဒါမျိုး ဖတ်တောင် ဖတ်ခွင့်သိခွင့်မရဘဲ လက်မှတ်ထိုးခိုင်းတာ ကမ္ဘာမှာ မြန်မာနိုင်ငံဘဲ ရှိတယ်လို့ ကျနော်ထင်မိတယ်။ နောက် ၁ လလောက်အကြာမှာ ဦးစီးမှူး ဖုန်းဆက်လာတယ်။ မှတ်ပုံတင်ရပြီးတဲ့ မနက်ဖြန် ရုံးကိုလာခဲ့ပါတဲ့။ ကျနော် အဖေနဲ့ အမေက မှတ်ပုံတင်ရလို့ ဒီလောက်ပျော်နေကြတယ်။ သူတို့ ပျော်နေတာကို ကျနော်လည်း နားမလည်နိုင်တော့ဘူး။ လ၀ကရုံးကို သွားတော့ ကျောင်းနေဘက် သူငယ်ချင်းနဲ့ တွေ့တယ်။ ကျနော်က “ဟေး သူငယ်ချင်း မှတ်ပုံတင်လာလုပ်နေတာလား။ ရနေပြီးလား။ မင်းကော ဘယ်လောက်ကုန်သွားတာလဲ၊ ငါတောင် လုပ်လိုက်ရတာ ၁ သိန်းခွဲတောင် ကုန်သွားတယ်။ မတွေ့တာကြာပါ။” မေးလိုက်တယ်။ သူပြန်ဖြေပုံက ကျနော်ကိုယ် ကျနော် မယုံကြည်နိုင်လောက်အောင် ဖြစ်သွားမိတယ်။ ဖြေတာက “၁ပတ်အတွင်း ရလိုက်တာဘဲ။ ပိုက်ဆံတော့ မပေးရပါဘူး။ အလှူငွေလေး ၁ ထောင်လောက် ထည့်လိုက်ရုံဘဲ။”ဖြေတယ်။ ကျနော်က “လုပ်တာချင်း အတူတူဘဲလေ။ ငါက ၁ လကြာမှ ရတယ်။”လို့ ပြောတော့ သူက ရယ်မောပြီး “ငါအဖေက ကာနယ်လေ။ လ၀က၀န်ကြီးက အဖေရဲ့ ဆရာပေါ့။ လ၀က၀န်ထမ်းအားလုံးရဲ့ အသက်က ငါအဖေ ပါးစပ်ထဲမှာဘဲ။ သူငယ်ချင်းသိအောင်ပြောပြမယ်။ တောမှာ ဘုရင်က ခြင်္သေ့ပေါ့။ သူအောက်မှာ အဆင့်ဆင့်ရှိတာပေါ့။ အထက်ကိုတက်လေ အောက်က မော်ကြည်ဝံ့တာမဟုတ်ဘူး။ မင်းအဖေက ဘာမှမဟုတ်တော့ သူတို့က ဘယ်ဂရုစိုက်ပါမလဲ။ အခု မှတ်ပုံတင်ရပြီးဆိုတော့ အဖေ တာဝန်ကျနေတဲ့ လားရှိုးကိုသွားရမယ်။ သူငယ်ချင်း နောက်မှတွေ့မယ်။ အဆင်ပြေပါစေ။” တဲ့ ကျနော်တောင် ဘာမှမပြောနိုင်တော့ဘူး။

    ရုံးခန်းကို ရောက်တဲ့အချိန်မှာ ဖိုင်မှာ လက်ဗွေနှိပ်ဖို့ လက်ဆယ်ချောင်းအတွက် မင်သုတ် နှိပ်ပြီးမှ မှတ်ပုံတင်မှာ လက်ဝဲလက်မလက်ဗွေ နှိပ်ရပါတယ်။ ရပြီးတဲ့အခါ အလှူငွေအတွက် စာအိတ်အဖြူလေးကို ရုံးခန်းမှာ တင်ထားလိုက်ရပါတယ်။ အတော်ကို ခြစားနေတာကလည်း မလွယ်ပါလား။ ကျနော်ရဲ့ အသစ်စက်စက် မှတ်ပုံတင်ကို ကြည်လိုက်တော့ အံ့သြမိသွားတယ်။ လူမျိုးမှာ ဗမာ + ဗမာစွန်နီ၊ ကိုးကွယ်ရာဘာသာမှာ ဗုဒ္ဓဘာသာတဲ့။ ကျနော်က လ၀ကအရာရှိကို မေးမြန်းပါတယ်။ ရေးထားတာ မှားနေတယ်။ မဟုတ်ဘူးလို့ ပြောတော့ အထက်ကအမိန့်အတိုင်းလုပ်ရတာဘဲလို့ အကြောင်းပြပါတယ်။ စွန်နီဆိုတာ လူမျိုးမဟုတ်ဘူးဆိုတာ လ၀ကက ဖင်မှန်း ခေါင်းမှန်း မသိတာလား ဒါမှမဟုတ် မသိချင်ယောင်ဆောင်နေတာလား မေးလိုက်ချင်ပါတယ်။ အစ္စလာမ့်ဘာသာမှာ ရှီးယားနဲ့ စွန်နီဆိုတဲ့ ဂိုဏ်း ၂ ခုရှိသလို ဗုဒ္ဓဘာသာမှာလည်း မဟာယန၊ ထေရ၀ါဒနဲ့ ဇင်ဗုဒ္ဓဘာသာဆိုတာ ရှိတာဘဲ။ ဒါလေးတောင် မသိတဲ့နိုင်ငံဝန်ထမ်းတွေရှိတာ အံ့သြပါရဲ့။

    ကျနော်အဖေဘက်က ဘိုးဘွားတွေက ဗမာလူမျိုး ဗုဒ္ဓဘာသာဝင်တွေပါ။ အခုထက်ထိ အဖေရဲ့ ဆွေမျိုးသားချင်းတွေ ရန်ကုန်၊ ထားဝယ်နဲ့ ကမ္ဘာ့အေး ရေကူးရွာ မှာ သက်ရှိထင်ရှားတောင် ရှိနေပါသေးတယ်။ အမေဘက်က ဘိုးဘွားတွေက ကုန်းဘောင်မင်းဆက်ကို တည်ထောင်ခဲ့တဲ့ အလောင်းဘုရား ဦးအောင်ဇေယျရဲ့ ဇာတိချက်ကြွေ ရွှေဘိုမြို့သား ဗမာလူမျိုး အစ္စလာမ့်ဘာသာဝင်တွေပါ။

    လ၀က၀န်ကြီး ဦးခင်ရီကို လက်တို့ပြီးတော့ မေးလိုက်ချင်ပါတယ်။ ဦးခင်ရီက အရင်က ရဲချုပ်ဆိုတော့ အခု လ၀က၀န်ကြီးဖြစ်တော့ ဒါလေးတွေအတွက် ရှင်းလင်းစမ်းပါဦး။ ကြည်ရင် သူရှင်းနိုင်မှ မဟုတ်ပါဘူး။ အာလူးဘဲ ကျွေးနိုင်မှာပါ။ နောက်ပြီး လွှတ်တော်အမတ်တချို့က ၁၉၈၂ နိုင်ငံသားဥပဒေကို မပယ်ဖျက်သင့်ပါ။ လိုအပ်နေတယ်ဆိုတော့ သူတို့ကို လက်တို့ပြီးတော့ မေးလိုက်ချင်ပါသည်။ ဒီဥပဒေကို ရေးဆွဲတုန်းက ဘယ်သူတွေက ရေးဆွဲခဲ့တာလဲ။ တိုင်းရင်းသားများက လေးစားရတဲ့သူတွေ၊ ဘာသာရေးနယ်ပယ်က ဂုဏ်သိကာ သမာဓိရှိတဲ့သူတွေ အပါအ၀င် တိုင်ပင်ပြီးပြီးလား။ ဒီမိုကရေစီခေတ်မှာ တိုင်ပင်ရင်တော့ ရမှာပေါ့။ မဆလ သိုးရေခြုံအာဏာရှင်စနစ်မှာဆိုတော့ ဘာမဆို အတည်ဖြစ်တာပါဘဲလေ။ ဒေါက်တာမောင်မောင် သေသွားပြီးဆိုတော့ မေးလိုလည်းမရတော့ပါဘူး။ အခုတော့ သူတို့ လုပ်ပုံတွေက ကျနော်တို့မိဘလက်ထက်မှာ ပထမနိုင်ငံသား၊ ကျနော်တို့လက်ထက်မှာ ဒုတိယနိုင်ငံသား၊ ကျနော်သား လက်ထက်မှာ တတိယနိုင်ငံသား၊ ကျနော်မြေးလက်ထက်မှာ နိုင်ငံခြားသားဖြစ်သွားသလို့ လုပ်ဆောင်နေတယ်ဆိုတာ တင်ပြလိုက်ရပါတယ်။
    ကျန်းမာရွှင်လန်းကြပါစေ။

    မှတ်ချက်။ ။ စာရေးသူမောင်လူငယ်မှာ DVB သတင်းအစီအစဉ်များတွင် လက်သင်္ကေတ တင်ဆက်ပေးသူအဖြစ် တာဝန်ယူနေကာ ဒေါ် အောင်ဆန်းစုကြည်ကို နိုင်ငံရေးစင်မြင့်ပေါ်သို့ တင်ပေးခဲ့သော ဗိုလ်မှူးဘသော်ခေါ် စာရေးဆရာမောင်သော်က၏ မြေးတစ်ဦးဖြစ်ပါသည်။

     

    မှတ်ပုံတင်ကိစ္စနှင့်သက်ဆိုင်သော M-Media မှ ထုတ်ပြီးသော ဆောင်းပါးများ

    ဒီလိုနဲ့ ပဲ အိန္ဒိယတောင်ပိုင်းသားလို့ နာမည်တပ်ဦးမှာလား (ပသီဝိုင်းဝတ်ရည်မြင့်)
    လ၀ကသွား တောလား (ကျော်မိုးအောင်)
    ဘယ်မှာလဲ ဗမာမွတ်စလင်မ် (ဌေးလွင်ဦး)
    ကျနော်တို့ က ဘာတွေလဲ (ကျော်မိုးအောင်)
    ဘုရားမစင်ရှာပုံတော်ဖွင့် ဥပဒေကြီးပြင်လိုက်စမ်းပါ ကိုခင်ရီ (ခါလစ် ၀ဟစ်)
    မှတ်ပုံတင်၊ လ၀က တို့ နှင့် သက်ဆိုင်သတင်းများ 

  • ဝေလည်းကုလား ကြွေလည်းကုလား

    ဝေလည်းကုလား ကြွေလည်းကုလား

    နိုဝင်ဘာ ၁၇ ၊ ၂၀၁၂
    M-Media
    ကိုရွှေကုလား

    ကုလား ကုလား ကုလား

    ဤကုလား၊ ထိုကုလား၊ အနှီကုလား၊ ယင်းကုလားကား……………….. (မှတ်ချက်။ ။ အိန္ဒိယရုပ်ရှင်ကိုပြောခြင်းမဟုတ်။ ဤကားစကားချပ်။) နိုင်ငံတော်ကြီးချောက်ထဲသို့ကျခါနီး လက်တစ်လုံးအလိုတွင် ၀င်ရောက်ကယ်တင်ခဲ့ရသော တပ်မတော်အစိုးရ၏ ဦးဆောင်မှုဖြင့် ရေးဆွဲအ တည်ပြုခဲ့သော နာဂစ်အခြေခံဥပဒေသစ်ကြီးဖြင့် ဒီမိုကရေစီနိုင်ငံတော်ကြီးသို့ကူးပြောင်းပြီးစ ယနေ့ခေတ်ကာလတွင် သူမပါလျှင်မပြီးသကဲ့ သို့ မြန်မာမှုနယ်ပယ်တွင် အထူးရေပန်းစားလျက်ရှိချေသည်။ ၂၁ရာစု၏ ဒုတိယဆယ်စုနှစ်အစပိုင်းအတွင် အထူးသဖြင့် အမေရိကန်နိုင်ငံ သား၊  ဂျူးနွယ်ဖွား ဘာသာမဲ့ကြီး မက်ဇူကာဘတ်၏ လူသတ္တ၀ါများအတွက် ကုသိုလ်ပြုထားသော ဖေ့ဘုတ်အမည်ရှိ ကမ္ဘာကျော်သာလာယံဇ ရပ်ကြီးတွင် မြန်မာဘာသာစကားသုံးစွဲကြသူတိုင်းလိုလို၏ စာမျက်နှာများတွင် ယင်းကုလား (မှတ်ချက်။ ။ ယင်းထနေသောကုလားမဟုတ်။ ဤကားစကားချပ်။) ဟူသောစကားလုံးသည် တစ်နည်းမဟုတ် တစ်နည်းဖြင့် ပါတ်သက်ဆက်နွှယ်နေကြရပေသည်။ နောင်တစ်ခေတ်တွင် တစ်စုံတစ်ယောက်မှ တစ်ကျော့ပြန်မြန်မာ့ ဒီမိုကရေစီခေတ်ဦး၌ ပေါ်ပြူလာအဖြစ်ဆုံး စကားလုံးအဖြစ် သုတေသနပြုတွေ့ရှိပြီး ဂုဏ်ယူဖွယ် မှတ်တမ်းတင်ခံလာရမည်လားဟုလည်း ကြံဖန်တွေးပြီးမျှော်လင့်မိချေသည်။

    အနှီ ကုလား ဟူသော ဝေါဟာရသည် ယခုမှမဟားတရားရေပန်းစားလာသော်လည်း မြန်မာလူမှုနယ်ပယ်တွင်ကား စိမ်းနေသော စကားလုံးမ ဟုတ်ပေ။ ထို ကုလား ဟူသည့် ဝေါဟာရစကားလုံးပါသော မြန်မာအခေါ်အဝေါ်များ၊ စာပေများမှာလည်း ရှေးယခင့် ယခင်ကတည်းကလည်း ရှိပြီး ဖြစ်ချေသည်ကိုလည်း ကျွန်ုပ်အထူးပြောစရာ လိုမည်မထင်ပေ။

    ရာဇ၀င်၌ ဘုရင်ဖြစ်ချင်လွန်း၍ အေးချမ်းမွန်မြတ်လှသောဘုရားရိပ်ထဲတွင်ပင် ဘုရားနှင့် တစ်ဂိုဏ်းတည်း ထားအပ်သော မွေးသဖခင်ကျေး ဇူးရှင် အရင်အား ခေါင်းအုံးနှင့်ရက်ရက်စက်စက် ဖိသတ်၊ ထပ်မံ၍အစ်ကိုအရင်းအား အဆိပ်ခတ်သတ်ပြီး ရဟန်းရှင်လူအပေါင်း ရွံရှာစက်ဆုပ် ခဲ့သည့် မြန်မာ့သမိုင်း၏ အရိုင်းစိုင်း အယုတ်မာဆုံးဘုရင်တစ်ပါးဖြစ်ခဲ့လေသော နရသူ ဘုရင်သည် ဝေသာလီပြည်မှဆက်သသော ကုလား မင်းသမီးကို သတ်ပြန်လေသည်။ ဤသည်ကို မကျေနပ်သောကြောင့် ဝေသာလီပြည်မှ ဟူးရားကုလားဆရာ ရှစ်ယောက်လာ၍သတ်ခြင်းကိုခံ ရသောကြောင့်လည်း သမိုင်းတွင် ကုလားကျမင်း ဟု အထင်အရှားရှိနေပြန်ချေသည်မဟုတ်ပါလား။

    ၄င်းအပြင် မြန်မာမဟာရာဇ၀င်ကြီးကို သီကုံးရေးသားခဲ့သော မြန်မာလူမျိုး၊ ဗုဒ္ဓဘာသာ၊ စာပေကျမ်းတတ်ပုဂ္ဂိုလ်ကြီး၏ အမည်မှာလည်း ဦးကုလား ပင်ဖြစ်နေသည်မှာလည်း အများသိပင်။

    ဤကား ရာဇ၀င်အခိုင်အခန့်၊ သမိုင်းအခိုင်အခန့်ရှိသော သမိုင်းဝင်မဟာအသုံးအနှုန်း ကုလားစကားလုံးနှင့်ပတ်သက်သမျှ အမြွက်မျှသာလို ရင်းဖော်ပြပြီးသကာလ ကုလားပါသော စကားလုံးတို့ကို ပြုစုရသည်ရှိသော် စာတစ်စောင်ပေတစ်ဖွဲ့ဖြစ်ပြီး လိုရာမရောက် အကြင်စာရှုသူ လည်း သိပြီးကြောင်းအရာများကြောင့် ငြီးငွေ့မည်ကိုထောက်၍ မထည့်လိုတော့ပြီ။ ကျွန်ုပ်သည် ကျမ်းပြုသူတစ်ဦးမဟုတ်မူ၍ ကုလားစကား၊ ယဉ်ကျေးမှု၊ သမိုင်းတို့မှ မြန်မာမှုပြုထားသည်များကိုလည်း ထည့်သွင်းဖော်ပြခြင်း မပြုတော့ပေ။

    ယင်းကဲ့သို့ ခေတ်အဆက်ဆက်ကို ဂုဏ်မြောက်စွာဖြင့်ဖြတ်သန်း၍ မျက်မှောက် နှစ်ဆယ့်တစ်ရာစုတိုင်အောင် အနှီ ကုလား ဟူသောဝေါဟာ ရသည် ၂၁ရာစု၏ သာလာယံဖေ့ဘွတ် ဇရပ်ကြီး၌ မျိုးချစ်ဟူသောစကား၏ အတိမ်အနက်ကို တိုင်းတာရာ ဂုဏ်ယူဖွယ်သောမှတ်ကျောက်ကြီး လည်း ဖြစ်နေပေသည်။

    အထက်ပါအတိုင်းကုလားကို ကုလားဟု ခေါ်ဝေါ်ခြင်းအား အကြင်ကုလားများမှလည်း မနှစ်မြို့နိုင်ဟုဆိုလာသဖြင့် မဟာပညာရှိများမှ ကုလား ၏အနက်ကို သန်ရာသန်ရာအမြင်အသီးသီးဖြင့် ဖွင့်ဆိုပေး၍ ကုလားဟုကျေနပ်စွာအခေါ်ခံစေခြင်းငှာ ဖျောင်းဖြကြ၏။ ကုလားဟု မြိန်ယှက် စွာခေါ်ဝေနေသူအချို့ကလည်း ဤသည်မှာ ခေတ်အဆက်ဆက် အခိုင်အခန့်တည်ရှိခဲ့သော မဟာစကားလုံးကို ငြင်းပယ်ခြင်းကြောင့် ဘိုးစဉ် ဘောင်ဆက်မိမိတို့၏ကုလားဘိုးဘွားများကို ယခုကုလားများက ပြန်လည်၍စော်ကားခြင်းဖြစ်သည်၊ ဤသို့မပြုအပ်ပေ။ ကုလား ဟုသ မုတ်ခြင်းအား ကြည်ဖြူစွာ လက်ခံသင့်သည်ဟု ဖွင့်ဆိုတိုက်တွန်းကြပြန်လေသည်။

    ထိုမှတဖန် ခေတ်အဆက်ဆက်ကုလားကို ကုလားဟုပင်ခေါ်ဝေါ်ခဲ့သကဲ့သို့ပင် တရုတ်ကိုလည်း တရုတ်ဟု ယခုခေတ်အထိ နိုင်ငံပိုင်သတင်းစာကြီးများမှပင် တရုတ်ပြည်သူ့သမ္မတနိုင်ငံ၊ တရုတ်လူမျိုး၊ တရုတ်(ဟောင်ကောင်)၊ တရုတ်(ထိုင်ဝမ်)ဟု တရားဝင်ခေါ်ဝေါ်သုံးနေသေးရာ တရုတ်ဟုအခေါ်ခံရသူများမှ မည်သို့မှကွန်ပလိန်းမတက်၊ ယင်းကုလားများက ကုလားဟုခေါ်ဝေါ်ခြင်းကို အဘယ်ကြောင့် ကွန်ပလိန်းတက်သနည်းဟု စေ့ငုကြပြန်၏။ ဤသည်မှာလည်း မှန်ကန်သောမေးခွန်းပင်ဖြစ်သော ကြောင့် ကျွန်ုပ်ထောက်ခံပါ၏။

    အချို့ပညာကျော်ပုဂ္ဂိုလ်များကလည်း ကျမ်းဂန်အခိုင်အလုံဖြင့်ပင် ပုဂံဝန်ထောက်မင်း ဦးတင်၏ မြန်မာမင်းအုပ်ချုပ်ပုံ စစ်တမ်းနှင့်အခြား ရှေးဟောင်းကျမ်းများတွင်ပါသော ကမ္ဘာ့လူမျိုး ၁၀၁ ပါးထဲတွင်လည်း ကုလားမျိုး ၆၀ ပါဝင်သည်ဟု ဆိုပြန်လေသည်။

    ၁၀၁ မျိုးတွင် ၆၀ မျိုးဆိုသည်မှာ ထက်ဝက်ပင်ကျော်နေသော အရေအတွက်ပင်ဖြစ်သည်။

    ၁ ။ ဘင်္ဂလား ၂ ။ အောင်လံဘော ၃။ အောင်လံတစ် ၄။ ပြင်သစ် ၅။ ပသျှူး ၆။ ဗောဓိ။ ၇။ အာရမနီ ၈။ ဂေါ်ယာ ၉။ ဂေါယာ ၁၀။ ဂေါ်ရခါး ၁၁။ လင်း ၁၂။ ဒီတာ ၁၃။ မောပါ ၁၄။ သီဟိုဠ် ၁၅။ ဘရင်ဂျီ ၁၆။ ပသီ ၁၇။ ကတဲ ၁၈။ ကျကဲ ၁၉။ ကဲလံ ၂၀။ သုတ်သံ ၂၁။ အင်တွဲ ၂၂။ ဦးဗြဲ ၂၃။ ဟေတာရပတ် ၂၄။ ဥသာဗရား ၂၅။ ပုရတေ ၂၆။ မဒရပ် ၂၇။ ထေရာကဘီ ၂၈။ မင်္ဂလီ ၂၉။ မဂ်ဂတီ ၃၀။ ဇာဂီ ၃၁။ တူရကီ ၃၂။ ပဋိက္ခရား ၃၃။ ကျေးသား ၃၄။ ရုရှား ၃၅။ စန်းဒါး ၃၆။ ပထမ်း ၃၇။ ဟေမာ ၃၈။ ဟောပါ ၃၉။ အင်ချယ် ၄၀။ ကလယ် ၄၁။ သက်ကတံ ၄၂။ ဇင်းကျံ ၄၃။ ယာမံ ၄၄။ ကုဟတ် ၄၅။ ဟော်လံ ၄၆။ အင်ရင်ကျပ်။ ၄၇။ ပွတ်တကစ် ၄၈။ သိန်းခွံ ၄၉။ မရမံ ၅၀။ ဟိန္ဒူ ၅၁။ ဂျာမဏီ ၅၂။ ရေသူ ၅၃။ ကခို ၅၄။ အိပ်မက် ၅၄။ ခြေချုပ် ၅၆။ ပန်းသေး ၅၇။ နတို ၅၈။ ကပ္ပလီ ၅၉။ စူလျား ၆၀။ စူလတန် ဟူ၍လည်းကောင်း

    တဖန်

    ဇမ္ဗူတံဆိပ်ကျမ်းပါ ကမ္ဘာ့လူမျိုး ၁၀၁ ပါးထဲတွင်ပါသော ကုလားမျိုး ၆၀ မှာလည်း

    ၁။ သူတယ် ၂။ ပူရန္တေ ၃။ အာသံ ၄။ ရေသူ ၅။ ပန်းသေး ၆။ ပဋိက္ခယား ၇။ နောင်လာ ၈။ ကုလားဖြူ ၉။ ဘုရင်ဂျီ ၁၀။ ဘာလီ ၁၁။ လ၀ီ ၁၂။ သီဟိုဠ် ၁၃။ သိန်း ၁၄။ စန္ဒာ ၁၅။ မောပါ ၁၆။ ဒေးကိုး ၁၇။ နာထိုး ၁၈။ စောရာ ၁၉။ ပစ္ဆိဟ ၂၀။ ဘောဓ ၂၁။ သုတ္တံ ၂၂။ မင်းကျံ ၂၃။ ဥမြဲ ၂၄။ ဇိနပတ္တ ၂၅။ ပုရံ ၂၆။ သင်းတွဲ ၂၇။ စေတုတ္တရာ ၂၈။ သက္ကတံ ၂၉။ ဝိန်ရိုး ၃၀။ မက္ကတိ ၃၁။ သူလီ ၃၂။ မန္တရာဇ် ၃၃။ အော်လံတေ ၃၄။ အော်လံတစ် ၃၅။ ယစ်ပလစ် ၃၆။ ဟော်ရတော် ၃၇။ ဇဝီ ၃၈။ ပသီ ၃၉။ ဟိန္ဒူ ၄၀။ ကလယ် ၄၁။ အင်္ဂလိပ် ၄၂။ ပြင်သစ် ၄၃။ ရုရှား ၄၄။ ကျေးကုလား ၄၅။ ဒုံးကုလား ၄၆။ ဇော်ဂီ ၄၇။ မာလီ ၄၈။ ဘောရီ ၄၉။ သောယုတ် ၅၀။ လဟုတ် ၅၁။ ဒေါရော ၅၂။ ခန္တီ ၅၃။ ပသျှူး ၅၄။ ပတသီ ၅၅။ ဟာရီ ၅၆။ လာကာ ၅၇။ ဝိစ္ဆဒေါလာ ၅၈။ ဒေါရဏ ၅၉။ ဘင်္ဂလီ ၆၀။ ဗာရာဏသီ

    ဟူ၍ ခိုင်လုံသော ရှေးထုံးကျမ်းဂန်တို့ဖြင့် ထပ်မံညွှန်းဆိုကိုးကားကြပြန်လေသည်။

    ဤမျှခိုင်ခန့်သော ကုလား ဟူသောအမည်မှာ မြန်မာတို့က ယခုမှ လုပ်ကြံခေါ်ဝေါ်ခြင်းမဟုတ်ပေ။ ခေတ်အဆက်ဆက် သမိုင်း အဆက်ဆက်ကပင် ခေါ်ဝါလာခြင်းဖြစ်ကြောင်း ငြင်းပယ်၍ မရနိုင်ပေ။ ထိုမှတဖန် ယင်းကဲ့သို့ စိတ်ကောင်းစေတနာ ကောင်းစွာဖြင့် ကုလားဟူသောဝေါဟာရကို ခေတ်အဆက်ဆက် တမြတ်တနိုးသယ်ဆောင်လာ၍ ဖွင့်ဆိုချက်အဖုံဖုံ၊ သာဓကအစုံစုံတို့ဖြင့်တင်ပြ၍ ထိုကုလားအမည်ကို လိုလားနှစ်ခြိုက်စွာခံယူပါရန် သဘောမျိုးဖြင့် လည်းကောင်း တိုက်တွန်းနေသော ၄င်းပုဂ္ဂိုလ်ကျော်များကိုလည်း စိတ်ထဲမှနေ၍ အထူးလေးစားကြည်ညိုမိလေသည်။ စေတနာကြီးမားလွန်း၍ စိတ်ဓာတ်ဖြူစင်ဖြောင့်မတ်သော ပုဂ္ဂိုလ်ကြီးများပင် ဖြစ်ချေသည်တကား။

    ဤသို့သောခေတ်တွင်လူလာဖြစ်ရသော အကျွန်ုပ်သည် ယင်းကုလားဆိုသူများအား များစွာ အံ့သြမိလေသည်။ အချို့သူတို့သည်ပင် ဤမျှ နှစ်ပေါင်းထောင်ချီ မတည်တံ့နိုင်သော စကားလုံး၊ သမိုင်းများ ရှိချင်ရှာလွန်းသောကြောင့် ပုံတိုပတ်စများ၊ ဟုတ်လိမ့်နိုးနိုးသော ပါးစပ်စကားများကို ချဲ့ကားတန်ဆာဆင်လျက် သမိုင်းဟု သတ်မှတ်ပြောဆိုနေကြရရှာသည် မဟုတ်ပါလား။ ယခုမူကား ယင်းသို့မဟုတ် ဤမျှသမိုင်းအဓွန့်ရှည်လာသော အခေါ်အဝေါ်ကို မနှစ်သက်နိုင်၊ မိမိတို့သည်ကုလားများမဟုတ်၊ ကုလားဟုမခေါ်ပါနှင့် ဟူသည်ကား အကျွန်ုပ်အတွက် အလွန်အမင်း ထူးဆန်းအံ့သြဖွယ်ရာပင်ဖြစ်နေတော့သည်။ ထို့ကြောင့် ကျွန်ုပ်၏ဖြုတ်ဦးနှောက် အတွင်းမှ မှုံမွှားသောအသိဥာဏ်ဖြင့် စိတ်ဝင်စားစွာ စူးစမ်းမိလေသည်။ ပေးသူကားပေး၏။ ယူသူကားမယူ။ အဘယ့်ကြောင့်နည်း။ ခေါ်နေသောသူများနှင့် မခေါ်ရန်ပြောနေသူများအကြားတွင် ၄င်းတို့ကိုယ်တိုင် သာသိနိုင်သော မြှုပ်ထားသောအနက် အဓိပ္ပါယ်များ၊ ခံစားချက်များ ရှိလေသလားဟုလည်း စေ့ငုမိလေသည်။

    ထို့အပြင် မကြာသေးမီကဖြစ်ခဲ့သောရခိုင်ပြသနာမီးပွားများ၏အစဦးပိုင်းကာလတွင် နိုင်ငံပိုင်သတင်းစာကြီးများမှ “သံတွဲမှ ရန်ကုန်သို့ မောင်းနှင်လာသော ရိုးမသစ္စာ ခရီးသည်တင် မှန်လုံယာဉ်ပေါ်မှ မူဆလင်ကုလား ၁၀ ဦး အသတ်ခံရ” ဟူ၍ တရားဝင်ကမ္ဘာသိ ထင်ထင်ရှားရှားဖော်ပြခဲ့ပြီးနောက်

    “သတင်းစာများပါ ရခိုင်ပြည်နယ်သတင်းများရဲ့ အရေးအသားအချို့နဲ့ ပတ်သက်ပြီး သတင်းနဲ့ စာနယ်ဇင်းလုပ်ငန်းက မနက်ဖြန်ထုတ် သတင်းစာများမှာ ပြင်ဆင်ဖော်ပြပေးဖို့ စီစဉ်နေကြောင်း အသိပေးအပ်ပါတယ်။ ဘယ်သူကိုမှ ထိခိုက်နစ်နာစေလိုတဲ့ စိတ်ဆန္ဒမရှိဘဲ အရေးအသား မှားယွင်းမှု သက်သက်သာဖြစ်တဲ့အတွက် ကျွန်တော့်ရဲ့ လုပ်ဖော်ကိုင်ဘက်များကို ခွင့်လွှတ်နားလည်ပေးဖို့ သူတို့ကိုယ်စား တောင်းပန်ပါတယ်” ဟုပြန်ကြားရေး ညွှန်ကြားရေးမှူးချုပ် ဦးရဲထွဋ်က (ယခု ပြန်ဆက် ဒုဝန်ကြီး)  ပြန်လည်တောင်းပန်သကဲ့သို့ စာနယ်ဇင်းသမားများမှလည်း ယင်းသို့သုံးစွဲခြင်းအပေါ် ဝေဖန်ပြောဆိုသည်များကိုလည်း အောက်ပါအတိုင်း ရှုစားနိုင်ကြပါသည်။

    http://moemaka.blogspot.com/2012/06/tu-maung-nyo-insulting-usage-from.html

    ဇွန်လ ၃ ရက်နေ့က သံတွဲ – တောင်ကုတ် ကားလမ်းဆုံတွင် ရိုးမသစ္စာခရီးသည်တင်မှန်လုံယာဉ်ပေါ်မှာ လူ ၁၀ ဦး သတ်ဖြတ်ခံရ အထူးသဖြင့် မြန်မာဘာသာနဲ့ ထုမှုဟာလည်း အလွန်ဆိုးပါတယ်။

    ဇွန် ၅ ရက်နေ့၊ အစိုးရပိုင် နေ့စဉ်ထုတ် သတင်းစာများ ( ကြေးမုံ၊မြန်မာ့အလင်း၊ NLM) တို့တွင်ဖေါ်ပြခဲ့သော စကားလုံး သုံးစွဲမှုက  ပိုပြီးတော့ဆိုးလွန်းပါတယ်။ ပြဿနာကို ပိုမိုကြီးထွားလာအောင် မီးလောင်ရာ လေပင့်ပေးတဲ့သဘော၊ “ဆွ”ပေးတဲ့ သဘှောဖြစ်ပါ တယ်။ ဒီစကားလုံးအတိုင်းပဲ ရေဒီယိုနဲ့ ရုပ်သံမီဒီယာတွေကနေလည်းလွှင့်ထုတ်ခဲ့ကြပါတယ်။ အစိုးရက ထုတ်ဝေတဲ့ သတင်းစာ ( ကြေးမုံ၊ မြန်မာ့အလင်း) မှာ သတင်းခေါင်းစဉ်တပ်ပုံ၊ သတင်းရေးသား ဖေါ်ပြပုံ (စကားလုံးအသုံးအနှုန်းနဲ့ အရေးအသား) က အစ ပြဿနာကို ပိုမိုကြီးထွားစေလိုတဲ့ ရည်ရွယ်ချက်ကို အထင်အရှားတွေ့နိုင် ပါတယ်။“မွတ်ဆလင်ကုလား” ဆိုတဲ့ စကားလုံးကတော့ဖြင့် ချိုးနှိမ်တဲ့၊ ခွဲခြားတဲ့၊ စော်ကားတဲ့ အသုံးအနှုန်းဖြစ်ပါတယ်။ ဒါ့အပြင် ဆင်ခြင်တုံတရား ကင်းမဲ့တဲ့ပြုမူ လုပ်ဆောင်ချက်လည်းဖြစ်ပါတယ်။

    အောက်ပါလင့်တွင် http://www.mizzimaburmese.com/news/inside-burma/9445-2012-06-05-13-26-12.html

    ပြည်သူ့ခေတ် ဂျာနယ် အတိုင်ပင်ခံ အယ်ဒီတာ မောင်ဝံသက ပြောသည်။

    “အရင်ကတော့ အဲလိုသုံးနှုန်းတာ မတွေ့ဘူးဘူး။ ဒီနေ့မှာ ထူးထူးခြားခြား သုံးထားပါတယ်။ အခုလို ရခိုင်ပြည်နယ်မှာ အခြေအနေတင်းမာချိန်မှာ သူများ မကျေနပ်တဲ့ စကားလုံးကို မသုံးသင့်ပါဘူး။ အခုလို ထူးထူးခြားခြား သုံးထားလို့ ကျနော်ကိုယ်တိုင် နားမလည် ဖြစ်ရပါတယ်။ အရင် စာပေစီစစ်ရေး လက်ထက်တုန်းက ‘ကုလား’ဆိုတဲ့ နေရာမှာ ‘အိန္ဒိယ’လို့ ပြင်သုံးခိုင်းတာ တွေ့ဖူးပါတယ်” ဟု မဇ္ဈိမကို ပြောသည်။

    ထို့အပြင်

    အစ္စလာမ်ဘာသာ ကိုးကွယ်သူတိုင်းကို ကုလားဟု ပြောလို့မရသလို ဗမာပြည်တွင် နေထိုင်ပြီး အစ္စလာမ်ဘာသာ ကိုးကွယ်သူဆိုပါက မြန်မာမူဆလင် ဖြစ်ကြောင်း လူဝင်မှုကြီးကြပ်ရေး ဌာနပင် ခွဲခြားနိုင်ခြင်း မရှိပုံကို ရွှေအမြုတေ မဂ္ဂဇင်း အယ်ဒီတာချုပ် ဦးဝင်းငြိမ်းက ရှင်းပြသည်။

    “မန္တလေးဘက်က ကျနော်တို့ ညီအကို ဝမ်းကွဲတွေရဲ့ မှတ်ပုံတင်မှာ မြန်မာ/မူဆလင် လို့ ရေးထားတယ်။ ကျနော်တို့ ရန်ကုန်မှာ ရှိတဲ့ ကျနော့်ကိုကျတော့ မြန်မာ-အိန္ဒိယ လို့ ရေးထားတယ်။ အဲလို အစိုးရဌာနဖြစ်တဲ့ လူဝင်မှု ကြီးကြပ်ရေး ကတောင်မှ လူမျိုးနဲ့ ဘာသာကို မခွဲခြားနိုင်တဲ့အတွက် ဒီလို နိုင်ငံပိုင် မီဒီယာရဲ့ ဒီလိုရေးသားမှုဟာ သိပ်မဆန်းဘူးလို့ ထင်တယ်။ ဒါပေမယ့် ဒီလိုရေးသားမှုဟာ မဖြစ်သင့် မဖြစ်ထိုက်တဲ့ကိစ္စ။ ဒီလိုရေးသားမှုကြောင့် ဒေါသတွေပဲ ပေါက် ကွဲလာတာ ရှိ်လာလိမ့်မယ်လို့ ကျနော် မြင်ပါတယ်” ဟု ဦးဝင်းငြိမ်း က ပြောသည်။

    ရှေးအထက်စာပိုဒ်များတွင် ကျွန်ုပ်ဖော်ပြခဲ့သော ဖေ့ဘုတ်သာလာယံဇရပ်မှမဟာပညာကျော်များ မိန့်ကြားသကဲ့သို့ ရှေးအတီအတာကပင် ရည်ညွှန်းခေါ်ဝေါ်သုံးစွဲလာသော စကားလုံးများကိုနိုင်ငံပိုင်သတင်းစာမှ သုံးနှုန်းဖော်ပြလိုက်ခြင်းအား ယခုကဲ့သို့ ဂုဏ်သရေရှိ၍ ဥာဏ်ပညာကြီးမားသော နိုင်ငံကျော် လူကြီးလူကောင်းများမှ အဘယ့်ကြောင့် မှားယွင်းသုံးနှုန်းမှုဟု ပြောလေသနည်း။ အဘယ်ကြောင့် ယခင့်ယခင်များက အိန္ဒိယဟုပြောင်းသုံးခိုင်းခဲ့၍ မတွေ့ဖူးခဲ့ရလေသနည်း။ အဘယ့်ကြောင့် ဗမာလူမျိုးမိဘမှ  ပေါက်ဖွားဆင်းသက်လာရာတူညီသော တစ်မိတည်းဖွား သွေးသား ရင်းချာများပင်ဖြစ်ပါလျက် ဗုဒ္ဓဘာသာကိုးကွယ်သောအခါ ဗမာ/ဗုဒ္ဓဟု ရေးပြီး အစ္စလာမ်ဘာသာကိုးကွယ်သောအခါ ဗမာ+အိန္ဒိယ /အစ္စလာမ် သို့မဟုတ် ဗမာ နှင့်ကြိုက်ရာ ကုလားတစ်မျိုးမျိုး ဇွတ် တွဲရေးလေသည်။ အဘယ့်ကြောင့် ထိုသို့စံနှစ်မျိုး ဖြစ်ရလေသနည်း။ ဘာသာကို စံထားလျက် လူမျိုးခွဲခြားပင် မဟုတ်ပါလား? (ရည်ညွှန်း ဆောင်းပါး ၁  ဆောင်းပါး ၂)

    ထို့နောက် သတင်းစာမှ ပြည်တွင်းနေအစ္စလာမ်ဘာသာဝင် ဟူသော မည်သို့နားလည်ရမည်မှန်းမသိသည့် စကားစုဖြင့် အစားထိုး တရားဝင်ဖြေရှင်းတောင်းပန်ပြီးနောက် သာလာယံဇရပ်ကြီးတွင်ကား ကုလားသိုက်ကျားဝင်ကိုက်သကဲ့သို့ ကြွက်ကြွက်ညံ့သွားလေတော့သည်။ ကုလားကို ကုလားလို့ခေါ်တာ ဘာဖြစ်လို့လဲ၊ ကုလားကို ကုလားလို့မခေါ်ရင် ဘယ်လိုခေါ်ရမှာလဲ၊ တရုတ်ကိုလည်း တရုတ်လို့ခေါ်နေတာပဲ၊ ကုလားက ကုလားလို့မခေါ်စေချင်ဘူးတဲ့လား စသဖြင့် အလွန်လက်တွေ့ကျ၍ ဖြေရှင်းရခက်လှသော သမိုင်းဝင်စကားလုံးကြီး၏ ပေါ်ပြူလာဖြစ်မှုကား အထွဋ်အထိပ်ကာလသို့ပင် ရောက်နေပြီဟု ဆိုနိုင်လေသည်။ ထိုသို့ မေးခွန်းထုတ်သောပုဂ္ဂိုလ်များအားလုံး မှန်သည်ဟု ကျွန်ုပ်ထင်မိပါသည်။ သို့သော် ကျွန်ုပ်နားမလည်နိုင်သည်ကား မဟာပညာကျော်ကြီးများ ကိုးကားဖွင့်ဆိုပြဆိုသကဲ့သို့လည်းကောင်း ကုလားဟူသည် ရှေးဟောင်းခေတ်အမီဆုံး စကားလုံးကြီးကို နိုင်ငံတော်၏တရားဝင် သတင်းစာကြီးမှ အဘယ်ကြောင့် အမှားပြင်ဆင်ချက်အဖြစ် တောင်းပန်လေသနည်း။ ဤကား ကျွန်ုပ် ရှင်းရှင်းလင်းလင်း သဘောမပေါက်နိုင်သေးပေ။

    ကိုမြတ်သိန်းထွန်းဆိုသော လေးစားလောက်ဖွယ်ကောင်းသည် ပုဂ္ဂိုလ်မှရေးသေားသော ကုလားဟူသည် ဤသို့တည် ဟူသောဆောင်းပါးတွင်

    ကုလားဟူသည့် အခေါ်အဝေါ်နှင့် စပ်လျဉ်း၍ အထောက်အထားမရှိသည့် အယူအဆတစ်ရပ်အနေဖြင့် ကုလားဟူသောစကားသည် ကုလဟူသော ပါဠိစကားမှ ဆင်းသက်လာကြောင်း သိရပြီး မြင့်မြတ်သော အမျိုးအနွယ်ဟု အဓိပ္ပါယ်ရသည်။(ကုလပုတ္တ-မြင့်မြတ်သောအမျိုးအနွယ်မှ ဆင်းသက်လာသော သား) အဆိုပါအခေါ်အဝေါ်အား မြန်မာနိုင်ငံမှ ရှေးဦး ဗုဒ္ဓဘာသာဝင် မွန်၊ဗမာ၊ရခိုင်၊ရှမ်း၊ကရင် စသည့်မျိုးနွယ်စုများမှ အိန္ဒိယတိုက်ငယ်မှ မျိုးနွယ်စုများအား ခေါ်ဝေါ်ကြသည်။ အဘယ်ကြောင့်ဆိုသော် ဗုဒ္ဓကိုယ်တော်တိုင် အိန္ဒိယတိုင်းသားတစ်ဦးဖြစ်သောကြောင့် ဖြစ်သည်။

    ဟူ၍လည်းကောင်း

    တဖန် ၄င်းဆောင်းပါးတွင်ပင်

    ရှေးခေတ်အခါက ရခိုင်၊ဗမာ၊မွန် ဘုရင်များသည် ၎င်းတို့ကိုယ်၎င်းတို့ ဗုဒ္ဓ၏မျိုးနွယ်ဖြစ်သည့် သကျသာကီဝင်မျိုးရိုးမှ ဆင်းသက်လာသည်ဟု ထုံးတမ်းစဉ်လာအရ ယုံကြည်ခဲ့ကြသည်။အထက်ပါအချက်အရ ထိုဘုရင်များသည် ၎င်းတို့ကိုယ်၎င်းတို့ အိန္ဒိယတိုင်းသားမျိုးဆက်များအဖြစ် ယုံကြည်ခဲ့ကြောင်း သိရှိနိုင်သည်။ အဆိုပါအချင်းအရာများကို ကြည့်ခြင်းဖြင့်  အိန္ဒိယတိုက်ငယ်မှ မျိုးနွယ်စုများနှင့်ပတ်သက်၍ နှိမ့်ချဆက်ဆံခြင်း(သို့) လူမျိုးရေးခွဲခြားခြင်းစသည့် အချက်များနှင့်ပတ်သက်သော ဖြစ်နိုင်ခြေရှိသည့် အကြောင်းပြချက် တစ်စုံတစ်ရာရှိပါသလားဟု မေးလိုပါသည်။

    ဟူ၍တနည်း ၄င်း၏ကြွယ်ဝသောပညာဥာဏ်ဖြင့် အထောက်အထားအကိုးအကားခိုင်လုံစွာ ဘာသာပြန်ဆို တင်ပြသွားပေသည်။ (အလွန်ဗဟုသုတများသော ဆောင်းပါးကောင်း တစ်ပုဒ်ဖြစ်သောကြောင့် သွားရောက်ဖတ်ရှုကြပါရန် မေတ္တာရှေ့ထားလျက် တိုက်တွန်းပါသည်။)

    ပညာကျော်ဦးမြတ်သိန်းထွန်း၏ဆောင်းပါးအရ ဗုဒ္ဓကိုယ်တော်တိုင် အိန္ဒိယတိုင်းသား (မြန်မာတို့နားလည်သော ကုလား)ဖြစ်နေခြင်း၊ မြန်မာဘုရင်၊ ရခိုင်ဘုရင်၊ မွန်ဘုရင်များ ကိုယ်တိုင် သာကီနွယ်(ကုလားနွယ်) ဟု ယုံကြည်ခဲ့ကြခြင်းများ ရှိပါလျက် ယနေ့ အထူးသဖြင့် ဗုဒ္ဓဘာသာဝင်အချို့မှ အစ္စလာမ်ဘာသာဝင် (မြန်မာ၊ အိန္ဒိယ၊ ကပြား) များကို ကုလားဟု ခေါ်ဝေါ်ခြင်းခံရသူများမှ ဗုဒ္ဓဘုရားသည်လည်း အိန္ဒိယတိုက်သား ကုလားနွယ်ဖွားပင်ဖြစ်သည် ပြန်ဆိုသောအခါ အဘယ်ကြောင့် မကျေမနပ်ဖြစ်နေပါနည်း။

    နိုင်ငံတော်သတင်းစာကြီးမှ အဘယ်ကြောင့် တရားဝင် တောင်းပန်ရလေသနည်း။

    အလွန်ထူးဆန်း အံ့သြဖွယ်ရာပင် ဖြစ်နေပါသည်။ မိမိတို့ အသက်ထက်မက ယုံကြည်ကိုးစားသော ပုဂ္ဂိုလ်နှင့်အနွယ်တူဟု မိမိတို့ကိုယ်တိုင်(နှုတ်စကားအရပင်ဖြစ် စာပေများတွင် ရေးဖွဲ့) ၀န်ခံထားသကဲ့သို့ ထိုပုဂ္ဂိုလ်နှင့်အနွယ်တူ သာကီနွယ်(ကုလားနွယ်) ဟု ပြန်ခေါ်ခြင်းကို အဘယ်အတွက်ကြောင့် ဆတ်ဆတ်ခါ နာကျည်းဖွယ်အဖြစ် ယူဆလျက်ဗုဒ္ဓသည်ကုလားမဟုတ် ဟူသောစာများ ရေးသားလျက် ပြန်လည်ချေပကြကုန်သနည်း။

    ထို့အတူ ကုလားဟု ရည်ညွှန်းခံရသော အစ္စလာမ်ဘာသာဝင်များနှင့်ဟိန္ဒူဘာသာဝင်များသည်လည်း အဘယ်ကြောင့် မနှစ်မြို့ဖြစ်ရသနည်း။

    ရှေးမြန်မာမင်းများလက်ထက်ကပင် ကုလားဝန်၊ ကုလားပျိုတပ် ဟူ၍ တရားဝင်သတ်မှတ်ခေါ်ဆိုခဲ့သည်။ အမျိးသားခေါင်းဆောင်ကြီး ဗိုလ်ချုပ်အောင်ဆန်း၏မိန့်ခွန်းတွင်လည်း ကုလားပြည် ဟူ၍တရားဝင် ပေါ်ပေါ်တင်တင် သုံးနှုန်းခဲ့သည်ကို ဦးမြတ်သိန်းထွန်းဆောင်းပါးတွင်ပင် အလွယ်တကူတွေ့နိုင်လေသည်။ ၄င်းစာတမ်းပါအတိုင်း ကိုလိုနီခေတ် သတင်းစာများတွင်ပင် တရားဝင်သုံးနှုန်းခဲ့ပြီးနောက် လွတ်လပ်ရေးရပြီးနောက်ပိုင်းခေတ် စာပေစီစစ်ရေးရှိလာသောခေတ်တွင် မှအဘယ်ကြောင့် အိန္ဒိယဟု အသုံးအနှုန်းပြောင်းစေခဲ့ပါသနည်း။

    ထိုသို့ရည်ညွှန်းခံရခြင်းသည် ဘာများနစ်နာသွားစရာရှိ၍ မနှစ်သက်ကြလေသနည်း။ အမှန်တကယ်ဆိုလျှင် ကောင်းမြတ်သောအနက်အဓိပ္ပါယ်များနှင့် ထုံမွှန်းနေသော၊ ထိခိုက်နစ်နာစေခြင်းမရှိသော ထိုအခေါ်အဝေါ်အတွက် ဗုဒ္ဓဘာသာကိုးကွယ်သည့် သာကီနွယ်များဟု ညွှန်းဆိုသူများသည်လည်းကောင်း၊ အစ္စလာမ်ဘာသာကိုးကွယ်သည့်အိန္ဒိယနွယ်ဖွားများ၊ မြန်မာများ၊ ကပြားများ သည် သူမှကုလားစစ်တယ်၊ ငါမှကုလားစစ်တယ်ဟူ၍ပင် ငြင်းခုံနေသင့်သည် မဟုတ်ပါလား။

    မြှုပ်ထားသောအနက်အဓိပ္ပာယ်များ

    ရှေးယခင်က ရည်ညွှန်းခဲ့သော ကုလားဟူသောဝေါဟာရသည် ခေါ်သူနှင့်အခေါ်ခံရသူများအကြားတွင် အထူးမြှုပ်ထားသောအနက်အဓိပ္ပာယ်မျိုးမရှိနိုင်ဘဲ အားလုံးကြည်ဖြူကျေနပ်ခဲ့သည်ဟု ထင်ပါသည်။ သို့သော် မြန်မာနိုင်ငံသို့ အင်္ဂလိပ်များဝင်ရောက်သိမ်းပိုက်၍ တစ်မျိုးသားလုံး ကျွန်ဇာတ်သွင်းခြင်းကို ခံခဲ့ရသည့် နောက်ပိုင်းခေတ်များတွင် မျိုးချစ်ပုဂ္ဂိုလ်ကြီးများ၊ စာပေများတွင် ကုလားဟူသည် အင်္ဂလိပ်မျက်နှာဖြူများနှင့် ၄င်းတို့နှင့်အတူ အိန္ဒိယမှခေါ်ယူလာသော စစ်ဗာရီများကို အဓိက ရည်ညွှန်းသုံးစွဲကြလေသည်။ ထို့အပြင် အိန္ဒိယ = ကုလားပြည်၊ အိန္ဒိယနိုင်ငံသား = ကုလား ဟူ၍ တရားဝင် သတင်းစားများတွင်လည်း သုံးနှုန်းကြောင်း ဦးမြတ်သိန်းထွန်းဆောင်းပါး ဒုတိယပိုင်းတွင်ပင် အလွယ်တကူတွေ့နိုင်ပါသည်။ အင်္ဂလိပ်ကို ကုလားဖြူ အသုံးအနှုန်း၊ အညွှန်းခံပုဂ္ဂိုလ် အားလုံးမှန်ကန်ပါသည်။ မည်သူမျှလည်း အထူးတလည် ကန့်ကွက်မည် မထင်ပါ။

    ဤသည်မှာလည်းမဆန်းပါ။ အထက်တွင် ကျွန်ုပ်တင်ပြခဲ့သော ရှေးယခင်ကတည်းက မြန်မာတို့၏အယူအဆ၌

    တစ်ရာ့တစ်ပါးသောကမ္ဘာ့လူမျိုးများတွင် အိန္ဒိယတိုက်သားများအပါအ၀င်

    ၅၁။ ဂျာမဏီ

    ၈။ ကုလားဖြူ

    ၄၁။ အင်္ဂလိပ်

    ၄၂။ ပြင်သစ်

    ၄၃။ ရုရှား

    ဟူ၍ ပါပြီး ဖြစ်သည်မဟုတ်ပါလား။

    ထို့အပြင် ဆရာကြီးသခင်ကိုယ်တောင်မှိုင်းကလည်း

    ‘မြန်နယ်မှာ နံမယ်မှ မထွားခင်က၊ သူ့ရန်ခုခံတဲ့ အမှားတွေကြောင့်

    (အမယ်မင်း) တရားပျက်ကွယ်သမို့၊ ပြုတ်ဖို့ ဓမ္မတာကိန်းပေတင့်

    သိကြားလက်နက်ကဲ့သို့ အဟုတ်ကိုအာကာ အဟိန်းတွေနှင့်၊

    (၀န်မင်းရယ် ) ကုလားတတ်လို့

    ကျုပ်တို့အညာကိုသိမ်း’

     

    ကုလားတက်သိမ်း (အင်္ဂလိပ်တပ်များရဲ့သိမ်းပိုက်မှု) ကို ရည်ညွှန်းပြီး ရေးဖွဲ့ခဲ့ပြန်တယ်။ အင်္ဂလိပ်ကို ရည်ညွှန်းခြင်းမဟုတ် အိန္ဒိယတိုက်သားစစ်ဗာရီများသက်သက်ကို ရည်ညွှန်းခြင်းဖြစ်တယ်လို့ ဖွင့်ဆိုချင်သေးရင်ဖြင့်

    ဓမ္မာစရိ-ဦးထွန်းရွှေသို့
    သခင်ကိုယ်တော်မှိုင်း၏ သ၀ဏ်လွှာ ပေးစာမှာ ကြည့်နိုင်ပါသေးတယ်
    အို … နန္ဒမာလိနီခေါ် ကဗျာစွယ်စုံကျမ်းပြုဆရာ ဓမ္မာစရိ ဦးထွန်းရွှေ …
    အတီတေကာလ ရှေးမဆွအခါ “မြန်မာအစ-တကောင်းက” ဟူသည်နှင့်အညီ ဤမည် ထိုမည်သော သကျသာကီဝင် ဘုရင်မင်းမျိုး သတိုးဓမ္မ သတ္တိဓရတို့ မဆွတည်ဟောင်း တကောင်းပြည်ကြီးမှ စကာ
    (၁) သရေခေတ္တရာပြည်၌ မင်းပေါင်း ၂၅-ဆက်၊
    (၂) အရိမဒ္ဒန မည်သော ပုဂံပြည်တွင် မင်းပေါင်း ၅၅-ဆက်၊
    (၃) ၀ိဇယပူရ မည်သော ပင်းယပြည်တွင် မင်းပေါင်း ၆-ဆက်၊
    (၄) ဇေယာပူရ မည်သော စကိုင်းပြည်၌ မင်းပေါင်း ၇-ဆက်၊
    (၅) ရတနာပူရ မည်သော အင်းဝပြည် အတွင်းဝယ် မင်းပေါင်း ၃-ကျိပ်၊
    (၆) ရတနာသိင်္ဃ ပြည်မျာ့တန်ဆောင် ရန်ကြီးအောင်ခဲ့သော ကုန်းဘောင်မင်း ၁၁-ဆက်တို့အတွင်း “အင်း-အာ-ရိုက်-အော်-ဘကြီးတော်” တည်းဟူသော သကရာဇ် ၁၁၈၁-ခုနှစ်အတွင်း မင်းအဖြစ်သို့ ရောက်တော်မူခဲ့သည့် ဘကြီးတော်မင်းတရား လက်ထက် အင်္ဂလိပ်နယ်ချဲ့သမားတို့ စော်ကားရန်စ၍ ပဌမအကြိမ် စစ်မက်ဖြစ်ပွား ခဲ့ရာ မြန်မာတို့က အရေးရှုံးနိမ့်သဖြင့် မဏိပူရပြည် အာသံပြည် ရခိုင်ပြည် တနင်္သာရီပြည်များကို ကုလားမျိုး ၆၀-အ၀င် အကြင်သို့သော အင်္ဂလိပ်တို့ လက်တွင်းသို့ အပ်နှင်းခဲ့ရလေသည်။

    ဟူ၍ အင်္ဂလိပ်=ကုလား တိတိကျကျ ရေးဖွဲ့ထားသေးသည် မဟုတ်ပါလား။

    မန္တလေးမြို့၊ အချုပ်တန်းဆရာဖေ ရေး “နေပြည်တော် အလွမ်းဖွဲ့ စာထောင့်လေးချိုးကြီး”မှာလည်း

    [ဘုံတပြည်စံ မှောက်လှန်မည်ပ၊ မိုးထက်ကြယ်များ၊ ကုန်အညီပြန် တောက်လျှံချီပ အမတ်တွေ မြင်းထက်ဖျင်း၊ ငကင်းခေါင်ဖျာ့ သိုက်မြညှာအပ် မဘွေရှစ်ရက်တွင်း …၊ အတင်းဆောင်သွား၍ လိုက်ရရှာ၊ ဆက်ဆက်ယူမတဲ့ ဆိုတ’ကာ၊ ကြွက်ကြွက်ဆူသနဲ့ ငိုကြရှာ၊ ရက်စက်သူမကွဲ့ ချိုလှစွာ၊ ထိုခါ-ငိုရှာ ဗိုလ်ပါ လူတလွှားငယ်တို့၊ ရိုင်းလေ-မှိုင်းဝေ-တိုင်းပြေ ပစ်ခွါသွားရှာရတယ်၊ (အမယ်မင်း) အ၀ါးမ၀ငြား၊ တရားဓမ္မ မမှားရှာဘု၊ (သခင့်ကိုကွယ်) သိကြားကလဲ မ၊ မယားလှရယ်ကြောင့်၊ ကုလားက သဘောင်္နှင့် တင်ယူပါပြီ တကား။]

    မှတ်ချက်။ ။ [ … ] ဤကွင်း အတွင်း စာသားမှာ လေးချိုးကဗျာမဟုတ်၊ အဓိပ္ပါယ်စုံလင်ရန် သံဆန်းဆက်ထားခြင်း ဖြစ်သည်။

    ဆိုပြီး ပါပြန်သေးသည်မဟုတ်ပါလား။ ဤသည်မှာ အမှန်တရား၏ အမှန်တရားများသာဖြစ်၍ ကုလားရှိခြင်း၊ မြန်မာနိုင်ငံသားမွတ်စလင်ကိုသာမက ကုလားနွယ်ဝင် ၆၀ထဲမှ ကုလားများကိုပါ ရည်ရွယ်ခေါ်ဝေါ်ခြင်းဖြစ်ကြောင်း သက်သေပြချက်များပင် မဟုတ်ပါလား

    ဗမာပြည်အတွင်းရှိ လူမျိုးတိုင်း၊ ဘာသာတိုင်းကိုင် ကိုယ်စားပြု၍တည်ထောင်ခဲ့သော တို့ဗမာအစည်းအရုံးကြီးမှ အစ္စလာမ်ဘာသာဝင် သခင်ဘသောင်း၏ စိတ်ကူးအကြံအစည်ပေါင်းစပ်ပံ့ပိုးမှုမှထွက်လာခဲ့သည့် တို့ဗမာသီချင်းတွင်

    တကောင်းအဘိရာဇာ၊ တို့ဗမာသာကီမျိုးဟာမို့၊ မညှိုးဂုဏ်တေဇာ၊

    ယိုးဒယားနဲ့ကုလားကိုပါ တိုက်ထုတ်ခါ…..အောင်ခဲ့တာ တို့ဗမာ

    သခင်ဘသောင်း၏ ပြောပြချက်အရ “တို့ဗမာ” သီချင်း၏ တီးလုံး တီးကွက်ကို သခင်တင်က ဘာဂျာဖြင့် အသံရှာ၍ တီထွင်ပေးခဲ့သည်။ သီချင်းထဲတွင် ပါသော အမျိုးသား ချစ်ခင်ရေးသဘော၊ နိုင်ငံရေးသဘော၊ တစ်မျိုးသားလုံး ကျင့်ကြံရေးသဘော စသော အယူအဆများကို သခင်ဘသောင်းက ကြံစည် စိတ်ကူးပေးခဲ့သည်။ သီချင်းရေးစပ်ပြီးသော် သခင်လှဘော်နှင့် သခင်သိန်းမောင်တို့ပါ စုပေါင်းဝေဖန်၍ ပိုမိုကောင်းမွန်အောင် ပြုပြင်ပေးခဲ့ကြသည်။ သီချင်းကို သခင်တင်၏ သီချင်းရေးနေကျမူအတိုင်း ရေးသူ၏ အမည်ကို မထည့်ပဲထားခဲ့ရာ “တို့ဗမာ” သီချင်းကို ပုံနှိပ်ထုတ်ဝေသောအခါတွင်မှ “တို့ဗမာ အစည်းအရုံး၏ အစီအရင်ကိုခံ၍ ၀ိုင်အမ်ဘီ သခင်တင် စပ်ဆိုသည်” ဟု ခေါင်းစဉ် တပ်ပေးခဲ့ရသည်။ ဟု ဆိုထားပါသည်။ မြန်မာနိုင်ငံအတွင်း ရှေးအစဉ်အဆက်ကနေထိုင်လာကြသော မိဘအဆက်နွယ်မှပေါက်ဖွားလာသော အစ္စလာမ်ဘာသာဝင် သခင်ဘသောင်းသည် ကုလားမျိုး၆၀စာရင်းဝင် ကုလားများကို မြန်မာနိုင်ငံသားမျိုးချစ်တစ်ဦးအနေဖြင့် ရည်ညွှန်း၍ဖွဲ့ဆိုခဲ့ခြင်းမှာ ထင်ရှားနေသော အမှန်တရားတစ်ခုဟု နားလည်မိပေသည်။ ဤသည်လည်း ကုလားများကို ကုလားဟု ခေါ်ဝေါ်ခြင်းပင်ဖြစ်သည်မဟုတ်ပါလော။

    သို့ဆိုလျင် အမောင်ကုလားတို့က ဘာကိုပြောချင်ပါသနည်း။ ဘာကို မကျေလည်ပါသနည်း။

    အင်္ဂလိပ်တို့မြန်မာနိုင်ငံကို အုပ်စိုးချိန်မှစပြီး လွတ်လပ်ရေးရပြီးယခုအချိန်ထိ ကုလားဟူသောဝေါဟာရသည် ရှေးရှေးမင်းများလက်ထက်တွင် သုံးလာသောအဓိပ္ပာယ်ကဲ့သို့ ဖြူစင်သော၊ ရင်းနှီးပွင့်လင်းသော၊ သစ္စာရှိသော သဘောများကိုဆောင်ခြင်းထက် နယ်ချဲ့၊ မိစ္ဆာ၊ ဒိဌိ၊ ဖိနှိပ်၊ ဂုတ်သွေးစုပ်၊ ချစ်တီးကုလား၊ ခေါ်တောကုလား၊ တိုင်းတပါးသား၊ နိုင်ငံခြားသား၊ ရန်သူ၊ အမျိုးဖျက်၊ သာသနာဖျက်၊ ကုလားဗမာအဓိကရုဏ်း စသည်တို့ကိုသာရည်ညွှန်း၍ အထူးပြုသလို မြန်မာတို့စိတ်ထဲတွင် စွဲမြဲနေခဲ့ပြီမဟုတ်ပါလား။

    ထိုအထဲတွင် မြန်မာပြည်၌ အစဉ်အဆက်နေထိုင်ခဲ့သော မြန်မာမွတ်စလင်၊ ကပြားမွတ်စလင်၊ အိန္ဒိယနွယ်ဖွား မြန်မာနိုင်ငံသားမွတ်စလင်တို့သည်လည်း ရောနှော၍ ပါသွားလေသည်။ ထို့ကြောင့် ကုလားဟူသောဝေါဟာရကို သုံးလိုက်သည်နှင့် ခေါ်ဝေါ်သုံးစွဲသူ၏လေသံ၊ ဟန်ပန်အနေအထား၊ အဓိပ္ပာယ်ဆိုလိုရင်းများပေါ် မူတည်၍ ထုတ်ဖော်မပြောရဘဲနှင့် အထက်ပါ ခံစားချက်များဖြစ်ပေါ်လာစေသည် မဟုတ်ပါလား။ ဤအမှန်တရားကိုလည်း အင်္ဂလိပ်ကုလားဖြူများနှင့် အိန္ဒိယကုလားများထွက်ခွါသွားပြီးနောက် မြန်မာနိုင်ငံအတွင်း ဆက်လက်နေထိုင်ကြသော မြန်မာဆန်သော၊ မြန်မာတပိုင်းဖြစ်သော၊ မြန်မာများဖြစ်သော၊ မြန်မာရည်ဝနေသော အစ္စလာမ်ဘာသာဝင်များကလည်း နားလည်ကြလေသည်။ ရွယ်တူငယ်ပေါင်းကြီးဖော် သူငယ်ချင်းပင်လျင် စိတ်ကြည်နေသောအချိန်ခေါ်လိုက်သော ကုလားဟူသည့် အခေါ်အဝေါ်နှင့် နားလည်သဘောပေါက်မှု၊ တစ်ယောက်နှင့်တစ်ယောက် အချင်းများခိုက်ရန်ဖြစ်သော အချိန်ခေါ်သည် ကုလားဟူသည့်အခေါ်အဝေါ်နှင့် နားလည်သဘောပေါက်မှု၊ ထုတ်ပြောစရာမလိုသည့် မိစ္ဆာ၊ ဒိဌိ၊ ဘာသာခြား၊ လူမျိုးခြား ဟူသော အဓိပ္ပါယ်သက်ရောက်မှုများကို ကာယကံရှင်များနှင့် မြန်မာစကားပြောနေသူများ အားလုံးအလိုလိုသိကြလေသည်။

    ထို့ကြောင့်လည်း နိုင်ငံပိုင်သတင်းစာများတွင် သုံးစွဲခြင်းကို မတွေ့ခဲ့ရဖူး ဟူ၍လည်းကောင်း၊ မှားယွင်း ရေးသားချက်ဖြစ်သောကြောင့် ပြန်လည်ပြင်ဆင် တောင်းပန်ချက်ဟူ၍လည်းကောင်း၊ ဂေါတမဗုဒ္ဓသည် ကုလားမဟုတ်ဟူ၍လည်းကောင်း၊ သာကီနွယ်သည် ကုလားနွယ် မဟုတ်ဟူ၍လည်းကောင်း ဆတ်ဆတ်ထိမခံသော ဖွင့်ဆိုချက်များအဖြစ်သို့ ရောက်ခဲ့ရပြီ မဟုတ်ပါလား။

    ထို့ကြောင့် ယနေ့ခေတ်မြန်မာနိုင်ငံအတွင်းတွင်နေထိုင်ကြသော မြန်မာနိုင်ငံသားအစ္စလာမ်ဘာသာဝင်(မြန်မာအစ္စလာမ်၊ ကပြားအစ္စလာမ်၊ အိန္ဒိယနွယ်ဖွားအစ္စလာမ်) များသည် ကုလားဟုခေါ်ဝေါ်ခံရခြင်းကို မနှစ်သက်ခြင်းမှာ ကုလားမျိုး၆၀ = မြန်မာနိုင်ငံသားအစ္စလာမ် ဟူ၍ မပြောရုံတမည် ကျန်နေသောဘ၀သို့ ရောက်ရှိနေသည်ဟု ခံစားရခြင်းကြောင့် မသုံးကြစေလိုခြင်းဖြစ်သည်။ ကုလားဟုခေါ်လိုက်သည်နှင့် မြန်မာနိုင်ငံကို ကျွန်ဇာတ်သွင်းခဲ့သောအင်္ဂလိပ်ကုလားဖြူကို မမြင်ပါ၊ အင်္ဂလိပ်စစ်တပ်နှင့်အတူပါလာသော အိန္ဒိယစစ်သားများကို မမြင်ပါ၊ အင်္ဂလိပ်တင်သွင်းခေါ်ယူလာသော အမြတ်ကြီးစားအတိုးယူသည့် အိန္ဒိယနိုင်ငံသားချစ်တီးများကို မမြင်ပါ။ အနီးစပ်ဆုံးရှိသည့်မြန်မာမွတ်စလင် ကိုသာ ကုလားအဖြစ်မြင်ကြလေသည်။ မြင်အောင်လည်း ပုံဖော်ကြသည်။ ငါးတကာယိုသမျှ ပုဇွန့်ခေါင်း ဆိုသကဲ့သို့ ကုလားသုံးသမျှ မြန်မာ မွတ်စလင်များသာ ခေါင်းခံရသောဘ၀သို့ ရောက်အောင် ပုံဖော်ကြလေသည်။

    အသလိုပြောရင်ဖြင့် ဟာ မင့်ဟာ လွန်သွားပြီလို့ စာရှုသူ ထင်သွားနိုင်ပါသည်။ မကြာသေးခင်ကဖြစ်ခဲ့သော ပြသနာတစ်ခုကို အနီးစပ်ဆုံး တင်ပြချင်ပါသည်။ အင်တာနက်သုံးနေသူများ မှတ်မိကြပါလိမ့်ဦးမည်။ ဘုန်းကြီးတစ်ပါး စိတ်ဓာတ်မြှင့်တင်ရေးသင်တန်းခေါင်းဆောင်၊ သာဓုမခေါ်ခိုင်းဘဲ လက်ခုပ်တီးရန်၊ တရားပွဲတွေမှာ ကခိုင်းတယ်ဆိုတဲ့ ဘုန်းကြီးကို မှတ်မိကြပါလိမ့်ဦးမယ်။ ထိုဘုန်းကြီး၏သတင်းကို တက်လာသည်က ဗုဒ္ဓဘာသာကိုဖျက်ဆီးမဲ့ကုလားဘုန်းကြီး ဟူသော သတင်းခေါင်းစဉ်ဖြင့် အွန်လိုင်းမြန်မာ အသိုင်းဝိုင်းမှာ အလွန်ပျံ့နှံ့သွားခဲ့ပါသည်။

    ထေရ၀ါဒအယူအဆအရ ကခိုင်းတာ၊ လက်ခုပ်တီးခိုင်းတာတွေဟာ တရားတော်နဲ့မကိုက်ညီလို့ ထေရ၀ါဒ ဗုဒ္ဓဘာသာဝင်အဖြစ်မသတ်မှတ်နိုင်ကြတာကို ကျွန်ုပ် အပြစ်မတင်လိုပါ။ သို့သော် ကုလား ဟူသော အသုံးအနှုန်းက အဘယ်အတွက်ကြောင့် သုံးရလေသနည်း။ အစ္စလာမ်ဘာသာမှ ကူးပြောင်းလာသောကြောင့် ဖြစ်သည်ဟု ဆိုလေသည်။

    ထိုသို့သုံးလိုက်သောအခါ ကုလားဟူသည် မြန်မာပြည်တွင်ရှိသော မွတ်စလင်ဟူသည့် ကျဉ်းမြောင်းသည့် အတွေးအခေါ်ဖြင့် တံဆိပ်ကပ်ခြင်းခံထားရသော မွတ်စလင်ဟူ၍ပင် တထစ်ချမှတ်ယူကြ၍ အစ္စလာမ်ဘာသာနှင့် မွတ်စလင်များကို မျိုးစုံအောင် ဆဲဆိုခြင်း ခံရလေသည်။ မွတ်စလင်ဘုန်းကြီး၊ ကုလားဘုန်းကြီး မည်သို့ဖြစ်နိုင်မည်လဲဟု ပြန်လည်မေးခွန်းများထုတ်ကြသောအခါ စိတ်ထဲတွင်လာသော ဇာတ်လမ်းများ၊ ဇာတ်ထုပ်များကို အထောက်အထားကင်းမဲ့စွာ၊ အရှက်သိက္ခာ ကင်းမဲ့စွာဖြင့် ထင်တိုင်းဖြီးဖြန်းလိမ်ညာပြောဆို၍ အထင်အမြင်လွဲမှားအောင် လုပ်ပြန်လေသည်။ ကျွန်ုပ်၏အမြင်တွင် ၄င်းဘာသာပြောင်းလာသည့်ဘုန်းကြီးဟူသောပုဂ္ဂိုလ်နှင့် ထေရ၀ါဗုဒ္ဓဘာသာ၏ အယူအဆကွဲလွဲမှု ပြသနာသာ ဖြစ်လေသည်။ ဤသည်မှာ အစ္စလာမ်ဘာသာကို ကိုယ်စားမပြုသကဲ့သို့ ထေရ၀ါဒကို ကိုယ်စားပြုခြင်းလည်း မဟုတ်ပေ။ လူတစ်ယောက် ၄င်း၏အယူအဆအတွေးအခေါ်သည် မူလကပင် စံနှုန်းများနှင့်သတ်မှားထားရှိပြီးသော ဘာသာနှင့် အံမ၀င်သော အပြုအမူသာဖြစ်သည်။ ထိုအပြုအမူအတွက် ၄င်းကိုယ်တိုင်နှင့်ပင် ဆိုင်ပါသည်။ ထို့ကြောင့် ၄င်းသည် ထေရ၀ါဒ အယူအဆမှ ကွဲလွဲနေသော၊ လက်မခံသောပြင်ပပုံသဏ္ဍာန်ဖြစ်ကြောင်းပြော၍ ဥပဒေကြောင်းအရ အရေးယူနိုင်လျှင် အရေးယူရုံသာရှိပါသည်။ အဘယ်အတွက်ကြောင့် ကိုယ့်ပြသနာကိုယ် မဖြေရှင်းဘဲ တရားမဲ့စွာ၊ အောက်လမ်းနည်းကျစွာသော ကလိန်ကကျစ်နည်းဖြင့် ဤကဲ့သို့ မဟုတ်ကို အဟုတ်လုပ်၍ နာမည်ဆိုးတပ်ရန် ကုလားတံဆိပ်= အစ္စလာမ်ဘာသာ ကပ်ထားလေသနည်း။

    အကယ်၍ ၄င်းဘုန်းကြီးသည် အမှန်တကယ်ပင် အစ္စလာမ်ဘာသာမှ ဗုဒ္ဓဘာသာသို့ကူးပြောင်းလာသော ဘုန်းကြီးဖြစ်သည်ဟု ဆိုသည့်တိုင် ဤသည်မှာ အစ္စလာမ်ဘာသာနှင့်သော်လည်းကောင်း၊ မြန်မာပြည်တွင်းရှိ မွတ်စလင်များနှင့်သော်လည်းကောင်း မည်သို့မျှ သက်ဆိုင်ခြင်းမရှိတော့ပေ။ ၄င်း၏အယူအဆ၊ အတွေးအခေါ်နှင့် လုပ်ရပ်အတွက် ထိုဘုန်းကြီးကိုယ်တိုင်ပင်တာဝန်ခံ၍ သူနှင့်ရှင်းရန်သာရှိပေသည်။ ဤအတိုင်းလည်း ဖြစ်သင့်ပေသည်။ သို့မဟုတ်ဘဲ အစ္စလာမ်ဘာသာမှ ပြောင်းလဲလာသည်ဟု တံဆိပ်ကပ်၍ အစ္စလာမ်ဘာသာကြောင့်ဟု စွပ်စွဲချင်သောပုဂ္ဂိုလ်များ၊ စွပ်စွဲခဲ့သောပုဂ္ဂိုလ်များ၊ စွပ်စွဲဦးမည့်ပုဂ္ဂိုလ်များအတွက် တစ်ခုမေးချင်ပါသည်။

    မကောင်းပြောခြင်းမဟုတ်သလို ကာယကံရှင်ကိုယ်တိုင် ပြန်လည်ဖြေရှင်းရန်မလိုအပ်သော မေးခွန်းမျိုးမို့ အလွန်အားနာစွာဖြင့်ပင် ကွယ်လွန်သူနှင့် ဥပမာပြု၍ ရှင်နေသောသူများကို မေးလိုပေသည်။

    အထက်ပါဘုန်းကြီးသည် အစ္စလာမ်ဘာသာမှ ကူးပြောင်းလာသောဘုန်းကြီးဖြစ်ခြင်းကြောင့် ကုလားဘုန်းကြီးဟု ခေါင်းစဉ်တပ်ယိုးစွပ်ချင်သူများအတွက် ချင့်ချိန်စဉ်းစားရန်မှာ ရတနာသုံးပါးကို ယုံကြည်ကိုးကွယ်သွားသူ တစ်ယောက်ဖြစ်သော ဦးစန်းလွင်(ခ) ရှင်အာဒိစ္စရံသီ သည် ဗုဒ္ဓဘာသာအား အတော်များများ အကျိုးပြုခဲ့လေသည်။ ထိုပုဂ္ဂိုလ်၏ရေးသားခဲ့သော စာပေများကို ကြည့်ခြင်းအားဖြင့် သူစေတနာ၊ ယုံကြည်ချက်ကို သိနိုင်ပါသည်။ သို့ဆိုလျှင် သင်တို့ညီမျှခြင်းချသကဲ့သို့ ပြန်ချရသည်ရှိသော် ဦးစန်းလွင်(ခ) ရှင်အာဒိစ္စရံသီ တော်ခြင်း၊ တတ်ခြင်း၊ ကောင်းကျိုးပြုခြင်းများသည် အစ္စလာမ်ဘာသာကြောင့်၊ အစ္စလာမ်ဘာသာမှ ကူးပြောင်းလာခြင်းကြောင့် ဖြစ်သည်ဟု ဆိုလျှင် သင်တို့ လက်ခံနိုင်မည်လား၊ ငြင်းမည်လား။ ကုလားဘုန်းကြီးဟု ခေါ်ဝေါ်ကြပါသလား။

    ထို့အတူ ကျွန်ုပ်နှစ်သက်သော၊ စိတ်ကိုငြိမ်းအေးသွားသော စာပေများကို ရေးသား၍ လူတစ်ဖက်သားကိုငြိမ့်ငြိမ့်လေးနှင့် ဆွဲဆောင်သွားတတ်သော ဆရာတော်ဦးဇောတိက သည် အစ္စလာမ်ဘာသာမှ ပြောင်းလာခြင်းဖြစ်သောကြောင့် ဤကဲ့သို့ ပြုမူနိုင်ခြင်းဖြစ်သည်၊ တွေးခေါ်နိုင်ခြင်းဖြစ်သည်၊ ရေးသားနိုင်ခြင်းဖြစ်သည်ဟု ဆိုလျှင်ကော လက်ခံပါမည်လား။

    ၄င်းကိုယ်တော်နှစ်ပါးအား ကုလားဘုန်းကြီးဟူ၍ တံဆိပ်ကပ်ပါသလား။ ၄င်းသည် ဘာသာပြောင်းသွားသည့်တိုင်၊ အစ္စလာမ် = ကုလား(နိုင်ငံခြားသား) ဟူ၍ သတ်မှတ်ထားသော မြန်မာအသိုင်းအ၀ိုင်း၏ အယူအဆအရ အစ္စလာမ်မိဘများမှ ပေါက်ဖွားလာသောကြောင့် လူမျိုးမှာ ပြောင်းလဲ၍မရနိုင်ပါ။ မြန်မာများသမုတ်သည့် ကုလားဟူသောအခေါ်အဝေါ်နှင့်သက်ဆိုင်သူများထဲတွင် အကြုံးဝင်နေပါသေးသည်။ မည်သည့်အဓိပ္ပါယ်ဆိုးမျှ မဆောင်သော ကုလားဟူသည် မွန်မြတ်သည့် အဓိပ္ပါယ်နှင့် ထိုက်တန်သော ဘုန်းကြီးစစ်စစ်ကြီးများ ဖြစ်ပါသည်။ မည်သူများ ထိုကဲ့သို့ ခေါ်ဆိုပါနည်း။

    မည်သူမျှ လက်ခံမည်မဟုတ်ပေ။ သို့ဆိုလျှင် အထောက်ထားမဲ့စွာ၊ အကျိုးကြောင်းကင်းမဲ့စွာဖြင့် ဥာဏ်နုံနဲ့ခြင်းကို ပြသော ကုလား = နယ်ချဲ့၊ ဘာသာခြား၊ မိစ္ဆာ၊ မျိုးမစစ် ဟူသော အမြင်ကို မြန်မာပြည်တွင်ရှိနေသော မွတ်စလင်များအပေါ်တွင် သိသိသာသာဖြင့်လည်းကောင်း၊ မသိမသာဖြင့်လည်းကောင်း တံဆိပ်ကပ်ရန်ကြိုးစားနေခြင်းသာဖြစ်သည်ဟုဆိုလျှင် လွန်အံ့မထင်။

    ရှေးအစဉ်အဆက် မည်သည့်နစ်နာစေသောအဓိပ္ပါယ်ကိုမျှ မဆောင်ခဲ့သော ယင်းစကားလုံးသည် ယခုခေတ်တွင် ကုလား(အင်္ဂလိပ်)၊ ကုလား(ပြင်သစ်)၊ ကုလား(အိန္ဒိယ) တို့အား ကုလားဟု တရားဝင် ရည်ညွှန်းခြင်းမရှိသလောက် နည်းပါးသွား၍ မွတ်စ်စလင် = ကုလား ဟူ၍ တံဆိပ်ကပ်ဖို့ ကြိုးစားနေသောကြောင့်ဖြစ်ပါသည်။ ထိုသို့ နစ်နာစေခြင်းမရှိသော၊ ရှေ့နောက်ညီညွှတ်သော အခေါ်အဝေါ် ကြောင့်လည်း အင်္ဂလိပ်အား ကုလားဖြူ၊ အိန္ဒိယနိုင်ငံသားများအား ကုလားမဲ၊ ကုလားအဖြစ် သတင်းစာများမှ ပြောင်ပြောင်တင်းတင်း ခေါ်ဆိုရဲကြသည် မဟုတ်လော။

    ထိုကဲ့သို့ မဟုတ်သည်များကို အဟုတ်လုပ်၍ အဆိုးမြင်အောင် လုပ်ထားသည်သာမက အဟုတ်များကိုလည်း မဟုတ်သလိုလုပ်၍ မသိချင်ယောင်ဆောင်ထားသော ကိစ္စများလည်း ရှိနေသေးသည်။ မြန်မာစစ်မစစ် ဗုဒ္ဓဘာသာဖြင့် တိုင်းတာတတ်သော၊ အစ္စလာမ်မဟုတ်ခြင်းဖြင့် တိုင်းတာတတ်သော ယနေ့ခေတ် ကုလားတံဆိပ်ကပ်ရန် အစ္စလာမ်ဘာသာဖြင့် သတ်မှတ်တတ်သော အတွေးအခေါ်ဝင်နေသည့် ၀မ်းနည်းဖွယ်ရာ အခြေအနေဆိုးတွင် မျိုးမစစ်ကုလား ဟူသော ဆဲနည်းမျိုးဖြင့် ဆဲဆိုနေတတ်သော ထိုပုဂ္ဂိုလ်များ အလွန်ဂုဏ်ယူသည့် ဗုဒ်ဓဘာသာဝင် ကုလသမဂ္ဂအထွေထွေ အတွင်းရေးမှူး ဦးသန့် သည်လည်း ကုလားမျိုးနွယ်၊ အစ္စလာမ်ဘာသာဝင်ဘိုးဘွားများမှ ဆင်းသက်လာခြင်းဖြစ်ပေသည်။ (ဦးသန့်၏မိသားစုဝင်များကို နစ်နာစေလိုသော မည်သည့်စော်ကားလိုစိတ်မျှ မရှိပါ။ စိတ်မရှိကြပါရန်လည်း ဤနေရာမှ တောင်းပန်ပါ၏)။

    ဤကဲ့သို့ မထင်မရှားမြှုပ်ထားသော အချက်များကြောင့် အထက်ပါပုဂ္ဂိုလ်များ၏ ဘာသာတရားဖြင့်ခြားနားထား၍ မျိုးစစ်မစစ်တိုင်းတာသော ဆဲနည်းများအရ ဤပုဂ္ဂိုလ်ကြီးများသည်လည်း အဆဲခံရပေပြီကို ၀မ်းနည်းစွာ၊ စိတ်မကောင်းစွာဖြင့် တွေးမိပြန်ပါသည်။ ထို့ကြောင့် ဦးသန့်သည် အစ္စလာမ်ဘာသာမှ ပြောင်းလာသော ကုလားမျိုးနွယ်ဖြစ်သောကြောင့်သာ တော်နေ၏၊ တတ်နေ၏ ဟု မျက်စိမှိတ်၍ လိုရာဇွတ်ဆွဲပြောလျှင်ရော ကုလားဘုန်းကြီး ဟု ခေါင်းစဉ်တပ် စွပ်စွဲသူများ လက်ခံနိုင်ကြပါမည်လော။ ဦးသန့်နည်းတူ အခြား မြန်မာလူမျိုး၊ မြန်မာကပြား အစ္စလာမ်ဘာသာဝင်များစွာ ကျန်ရှိပါသေးသည်။ ထိုနည်းတူ မြန်မာအိန္ဒိယ နွယ်ဖွား ဗုဒ္ဓဘာသာများလည်း ရှိနေပါသည်။

    ထို့အတူ တို့ဗမာအစည်းအရုံးကြီးကို စတင်တည်ထောင်သူများတွင် ပါဝင်သော သခင်ဘသောင်း သည်လည်း အစ္စလာမ်ဘာသာဝင်မွတ်စလင် ဖြစ်သည်ဟု သိရသော်လည်း ထင်ထင်ရှားရှား ဖော်ပြထားခြင်းမျိုး ကျွန်ုပ်မတွေ့ဖူးပါ။ ယနေ့ခေတ်လူငယ်များဆိုလျှင် သာ၍ဆိုးပေမည်။ သူ မည်သို့ကွယ်လွန်သွားသည်၊ မည်သည့်ဘာသာဝင်အဖြစ် ကွယ်လွန်သွားသည်ကိုလည်း မသိရပါ။ ဤသို့သော သမိုင်းဝင်ပုဂ္ဂိုလ်ကြီး၏ မိဘ၊ ကိုးကွယ်ရာဘာသာ မသိ၊ မှတ်တမ်းမရှိ၊ မထင်မရှား ဆိုသည်မှာ ဖြစ်သင့်ပါသလား၊ ဖြစ်နိုင်ပါသလား။ အဘယ်အတွက်ကြောင့် မှန်မှန်ကန်ကန်မဖော်ပြရဲပါသနည်း။

    ကုလားဟူသော အမည်သက်သက်ကိုသာ ကိုယ်စားပြုရန်အတွက် ထိုခေါင်းစဉ်အောက်ကို မြန်မာအစ္စလာမ်များ အားလုံးကို သွတ်သွင်းပြီး ထိုကုလားဆိုသည်မှာ ကုလားမျိုးခြောက်ဆယ်ကို ကိုယ်စားပြုသော၊ အင်္ဂလိပ်၊ ဂျာမန်၊ ပြင်သစ်၊ ရုရှား  စသောကုလားဖြူများကို ကိုယ်စားပြုသော၊ မိစ္ဆာဒိဌိအယူရှိသော၊ နိုင်ငံခြားသားဖြစ်သော၊ မတရား ၀င်ရောက်လာသူများဖြစ်သော စသည် အမည်ဆိုး အမျိုးမျိုးကပ်ပေးရန်နှင့် ထိုသို့မြင်လာစေရန်ကြိုးပမ်းခြင်းသာ ဖြစ်သည်ဟု ကျွန်ုပ် ခံစားရပါသည်။ မြန်မာအိန္ဒိယနွယ်ဖွား ကပြားတစ်ယောက် ဗုဒ္ဓဘာသာကိုးကွယ်လျှင် မြန်မာလူမျိုးစစ်စစ်ဟု တံဆိပ်ကပ်ကြသော်လည်း မြန်မာအိန္ဒိယနွယ်ဖွားကပြားတစ်ယောက် အစ္စလာမ်ဘာသာ ကိုးကွယ်လျှင်မူ ကုလားမျိုးထဲသို့ တွန်းပို့၍ ကိုလိုနီခေတ်မှစ၍ မြန်မာတို့ စိတ်နာခဲ့ရသော ကုလားဖြူ၊ ကုလားမဲသရုပ်ကို ပုံဖော်ဖို့ ထိုကုလားများက ခေါင်းခံရလေသည်။

    ဤအကြောင်းများကိုပြောနေ၊ ရေးနေရခြင်းမှာ ၄င်းပုဂ္ဂိုလ်များကို စော်ကားလို၍ လုံးဝမဟုတ်ပါ။ ထိုပုဂ္ဂိုလ်များသည် ယခင်အတိုင်းပင် လေးစားမြဲ၊ နှစ်သက်မြဲပင် ဖြစ်နေပါသည်။ သို့သော် ဗုဒ္ဓဘာသာဝင်ဟူသည် မြန်မာ၊ မြန်မာဟူသည် ဗုဒ္ဓဘာသာဝင်၊ ကုလားသည် အစ္စလာမ်၊ အစ္စလာမ်သည် ကုလား ဟူ၍ လူမျိုးဘာသာကို ရောမွှေ တံဆိပ်ကပ်ရန်ကြိုးစားသော မဟာပညာကျော်များ သိစေရန်အတွက်သာ ရည်ရွယ်ပြီး ဋီကာချဲ့မိခြင်းဖြစ်ပါသည်။ ဗုဒ္ဓဘာသာဝင်ယောကျာ်းနှင့် အိမ်ထောင်ကျပြီးနောက် သျှောင်နောက်ဆံထုံးပါသွားသော ကျွန်ုပ်အဒေါ်၏သားသမီးများ ကျွန်ုပ်ညီအစ်ကိုဝမ်းကွဲများ၏ မှတ်ပုံတင်တွင် မြန်မာလူမျိုး၊ ဗုဒ္ဓဘာသာဟု ရေးသားထားပြီး ကပြားချင်းအတူတူ အစ္စလာမ်ဘာသာကိုးကွယ်၍ တစ်ဝမ်းသာကွဲသော ကျွန်ုပ်မှာ အဘယ်အတွက်ကြောင့် ကုလားဖြစ်ရလေသနည်း။ ထိုနည်းတူစွာပင် အခြားအခြားသော ဗုဒ္ဓဘာသာဝင်များ အားလုံးသည် မြန်မာစစ်စစ်များသည်ဖြစ်သည်၊ အခြားသွေးနှောခြင်းမရှိ ဟု တရားသေပြောရဲပါသလော။ တရားမျှတစွာ ဆင်ခြင်စဉ်းစားကြပါကုန်။

    မြန်မာနိုင်ငံသား…ကမ္ဘာ့ဝိပဿနာတရားပြဆရာကြီး..ဦးဂိုအင်ကာ…

    ဟူသောခေါင်းစဉ်အောက်တွင်

    – သူသည်အိန္ဒိယအမျိုးသား တစ်ဦးဖြစ်သော်လည်း မြန်မာပြည်သူတို့ကမြန်မာပြည်ဖွားကမ္ဘာ့ဝိပဿနာတရားပြဆရာကြီးအဖြစ်သူ့အတွက်ဂုဏ်ယူကြသလို သူကလည်းမြန်မာပြည်တွင်ဖွားသောကြောင့်ဓမ္မ၏သား ကောင်းရတနာတစ်ဦးဖြစ်လာရသည့်အတွက် ဂုဏ်ယူလေ့ရှိပါသည်။

    မစ္စတာရှရီဆကျနာရယဏာဂျီ ဂိုအင်ကာ ကို(၁၉၂၄)ခုနှစ်တွင်မန္တလေးမြို့၌“ဦးဂိုပိရမ်ဂိုအင်ကာ”

    (Mr.GOPIRAM GOENKA )“ဒေါ်ကမလာဒေ၀ီဂိုအင်ကာ”(Mrs.KAMALA DEVIGOENKA) တို့မှမွေးဖွားခဲ့သည်။

    – (၁၉၄၂)ခုနှစ်“ရှရီမတီဣလာ ယကျီဒေ၀ီ”နှင့်လက်ထပ်ခဲ့သည်။

    – “ဒီဝိပဿနာပွားများနည်းနိဿရည်းမှာနှစ်ပေါင်း၂၃၀၀ကျော်ကအိန္ဒိယနိုင်ငံမှဆောင်

    ကြဉ်းလာခဲ့တဲ့နည်းနိဿရည်းဖြစ်ပြီးအခုအချိန်အထိမြန်မာနိုင်ငံမှာရှေးမူမပျက်ထိန်းသိမ်းထားခဲ့တယ်၊ဒါပေမယ့်ကံမကောင်းအကြောင်းမသင့်တဲ့အတွက် အိန္ဒိယနိုင်ငံ၏အလွန်တရာမြင့်မြတ်တဲ့အဲဒီ နည်းပညာဟာအိန္ဒိယမှာ အစအနတောင်မကျန်ခဲ့တော့ဘူး၊ယခု အိန္ဒိယနိုင်ငံ၏ကြွေးမြီကိုပြန်ဆပ်ဖို့ အချိန်ရောက်လာပြီ”

    – (၁၉၆၆)ခုနှစ်တွင်ဆရာကြီးဦးဘခင်ကဦးဂိုအင်ကာအားအစဉ်အလာအရဆင်းသက်လာသော

    တရားဝင်ကမ္မဋ္ဌာနာစရိယတရားပြဆရာအဆင့်တိုးမြှင့်ခန့်အပ်ပြီးလျှင်မြန်မာနိုင်ငံမှအဖိုးအန ဂ္ဃထိုက်တန်သည့်

    ၀ိပဿနာဝါသနာကိုအိန္ဒိယနိုင်ငံပြန်ယူသွားပြီးအိန္ဒိယနိုင်ငံအပေါ်တင်ရှိသောကြွေးမြီကိုပြန်ဆပ်ရန် မဟာတာဝန်ကြီးလွဲအပ်ခဲ့သည်။

    – (၁၉၆၉)ခုနှစ်တွင်ဦးဂိုအင်ကာသည်မိခင်ကြီဲးပြင်းစွာနာမကျန်းဖြစ်နေကြောင်းကြေးနန်းရသဖြင့်အိန္ဒိယ

    ပြည်၊မွန်ဘိုင်း(ဘုံဘေ)မြို့သို့ရုတ်တရက်ထွက်ခွာသွားရသည်။

    နောက်ထပ်တစ်ဖန် ကမ္ဘာကျော် ကမ္မဋ္ဌာန်းဆရာကြီး ဦးဂိုအင်ကာ 

    ယနေ့ကမ္ဘာတွင် ၀ိပဿနာတရားကို အထူးပြန့်ပွားအောင် ဆောင်ရွက်နေနိုင်သူမှာ ကမ္မဋ္ဌာန်း ဆရာကြီး ဦးဂိုအင်ကာ ဖြစ်သည်။ ဦးဂိုအင်ကာသည် အိန္ဒိယအမျိုးသား၊ မာရာဝါရီလူမျိုးဖြစ်သည်။ မြန်မာနိုင်ငံဖွား၊ မန္တလေးသား ဖြစ်သည်။ အမည်အပြည့်အစုံမှာ ဆတျနာရာယန်း ဂိုအင်ကာ ဖြစ်သည်။ သူ၏ ဘိုးဘွားများသည် မင်းတုန်းမင်းနှင့် သီပေါမင်း လက်ထက်ကပင် အိန္ဒိယပြည်မှ မန္တလေးမြို့ သို့ ပြောင်းရွေှ့နေထိုင်ကြပြီး ကုန်သည်လုပ်ငန်းကို လုပ်ကိုင်ကြသူများ ဖြစ်သည်။

    (ဤသည်မှာ ဆရာကြီးဦးဂိုအင်ကာကို စော်ကားခြင်း၊ နစ်နာစေလိုခြင်းမဟုတ်ကြောင်း အနူးညွှတ်တောင်းပန်အပ်ပါသည်။)

    မင်းတုန်းမင်းနှင့်သီပေါမင်းလက်ထက်မှစတင်ဝင်ရောက်လာသော ဦးဂိုအင်ကာ အမိအဖ အိန္ဒိယသွေးစစ်စစ် ဤပုဂ္ဂိုလ်ကြီးသည် ၄င်းထက်အရင်စော၍ နည်းလမ်းအမျိုးမျိုးဖြင့်ရောက်ရှိလာသော မွတ်စလင်များ၊ အခြားကုလားဟု ညွှန်းဆိုခေါ်ဝေါ်ခံရသော လူမျိုးများထက်ပို၍ ကုလား ဟုခေါ်ဝေါ်ရန် မထိုက်သလော။ ကုလားမျိုး ၆၀တွင် ၄င်း၏မျိုးရိုးနာမည်မပါသောကြောင့်ဟု အကြောင်းပြချင်သည်တိုင် အိန္ဒိယတိုက်ငယ်မှလာသေသူ အားလုံးကို ရည်ညွှန်းခေါ်ဝေါ်သော ထို ကုလားဟူသော အမည်နှင့် ထိုက်တန်ပေသည်။ ထို့ကြောင့် ၄င်းပေါက်ဖွားရာနိုင်ငံ၊ အဆက်အနွယ်၊ အရပ်ဒေသကြောင့် ဤမွန်မြတ်လှသော၊ ကောင်းခြင်းတို့ဖြင့် ပြည့်စုံလှသော ကုလားဟူသောဝေါဟာရကို အဘယ့်ကြောင့် ချန်ထားကြလေသနည်း။ ၄င်း အပြင် အန္ဒိယဟူသော တိုင်းနိုင်ငံနေရာတွင် အဘယ်ကြောင့် ကုလားပြည်ဟု ဖလှယ်၍ခေါ်ဆိုခြင်းဖြင့် မချီးမြှောက်ကြလေသနည်း။ ကုလားဟု ခေါ်ဆိုရန် ထို့ထက်ထိုက်တန်သောပုဂ္ဂိုလ် ယခုခေတ်တွင် ကျွန်ုပ်မမြင်မိသေးပေ။ အဘယ်အတွက်ကြောင့် မခေါ်ကြပါသနည်း။ ကျွန်ုပ်တွင်ပင် ထိုပုဂ္ဂိုလ်ထက် ဗမာသွေး များလွန်းနေသေးသည်။

    ပုံနှိပ်စာအုပ်များတွင်လည်း ၄င်းအတိုင်းပင် မြန်မာနိုင်ငံသားဦးဂိုအင်ကာဟု ရေးသားထားပေလိမ့်မည်။ မြန်မာနိုင်ငံအတွင်းရှိ အစ္စလာမ်ဘာသာဝင်များတွင် မြန်မာ စစ်စစ်များ(ဗုဒ္ဓဘာသာမှ အစ္စလာမ်ဘာသာသို့ ကူးပြောင်းလာသူ)၊ ရှေးယခင်ကတည်းက ကိုးကွယ်ရာမှလွဲ၍ မြန်မာယဉ်ကျေးမှုအတိုင်းမြန်မာဟုခံယူ၍ နေထိုင်လာခဲ့သည့် အစ္စလာမ်ဘာသာဝင်များ၊ မြန်မာနှင့်စပ်သော ကပြားများ၊ အိန္ဒိယနှင့်စပ်သောကပြားများ၊ အခြားနိုင်ငံသားလူမျိုးများနှင့် စပ်သောကပြား အစ္စလာမ်ဘာသာဝင် မြန်မာနိုင်ငံသားစစ်စစ်များ ရှိလေသည်။ တောင်ကုတ်ကားပေါ်တွင် တရားမဲ့စွာ ရက်ရက်စက်စက်အသက်ခံလိုက်ရသော ပုဂ္ဂိုလ်ဆယ်ဦးသည်လည်း အထက်ပါနည်းလမ်းတစ်ခုခုမှ ပေါက်ဖွားလာသော မြန်မာနိုင်ငံသားစစ်စစ်များပင် ဖြစ်ပေလိမ့်မည်။ သို့သော် ၄င်းတို့အကြောင်း သတင်းစာအသုံးအနှုန်း မှားယွင်းဖော်ပြခဲ့သည်ဟုဆိုပြီး ပြန်လည်ပြင်ဆင်ဖော်ပြလိုက်သည့် အသုံးအနှုန်းက ပြည်တွင်းနေ အစ္စလာမ်ဘာသာဝင်များ ဟူ၍သာဖြစ်သည်။

     မြန်မာနိုင်ငံသားအစ္စလာမ်ဘာသာဝင်များဟု သုံးနှုန်းခြင်းမှ ဂရုတစိုက်ရှောင်ရှားသွားခြင်းမှာ အလွန်ထင်ရှားပေသည်။ ၄င်းတို့နှင့် ဦးဂိုအင်ကာ ဘာများ ကွာခြားပါသနည်း။ ထိုထဲတွင် ဦးဂိုအင်ကာကဲ့သို့ အိန္ဒိယသွေးစစ်စစ်မပါနိုင်တော့သော ကပြားမြန်မာများလည်း ပါဝင်နိုင်ပေသည်။ အိန္ဒိယသွေးစစ်စစ်ပါသော ဦးဂိုအင်ကာအား မြန်မာနိုင်ငံသားဟု ရက်ရက်ရောရာသုံးနှုန်းနိုင်ပြီး အစ္စလာမ်ဘာသာကိုးကွယ်သော ၄င်းပုဂ္ဂိုလ်များသည် မည်သည့်အနွယ်မှ ဆင်းသက်လာသည်ပင်ဖြစ်စေ မြန်မာနိုင်ငံသားများ ဖြစ်သောကြောင့် မြန်မာနိုင်ငံသား အစ္စလာမ်ဟူ၍ မသုံးနှုန်းထိုက်သလော။ ထို့ကြောင့် အစိုးရသတင်းစာကိုယ်တိုင်ကပင် မရိုးသားသောသဘော၊ ခွဲခြားသဘောများဆောင်နေကြောင်း ပေါ်လွင်ထင်ရှားပေသည်။

    အစိုးရထဲတွင် ထိုကဲ့သို့ခွဲခြားလွန်းသည့်ပုဂ္ဂိုလ်များ သိသိသာသာတစ်နည်း၊ မသိမသာတစ်နည်း ပါဝင်နေခြင်းကြောင် အကယ်၍ ၄င်းတို့သည် ဗိုလ်ချုပ်အောင်ဆန်းနှင့် ခေတ်ပြိုင်မွေးဖွားသူများဖြစ်ကာ ဗိုလ်ချုပ်နှင့် နိုင်ငံရေးယှဉ်တွဲ လုပ်နေသူများဖြစ်ကြလျင် ၁၉၄၇၊ မေလ မြန်မာနိုင်ငံ၏ ဖွဲ့စည်းအုပ်ချုပ်ပုံ အခြေခံဥပဒေရေးဆွဲအတွက် ဖဆပလပဏာမညီလာခံတွင် ဒီးဒုတ်ဦးဘချို၏ ဗုဒ္ဓဘာသာကို နိုင်ငံတော်ဘာသာအဖြစ် ပြဋ္ဌာန်းရန် အဆိုကိုချေပပြောဆိုခဲ့သည့်

    သည်မှာ ဆရာ ၊ ကျွန်တော်တို့က လူကြိုက်အောင် လုပ်နေတာမဟုတ်ဘူး။ သည်လို မဟုတ်မဟတ်ကိုယ်ထင်ရာတွေ လျှောက်လုပ်နေကြမည်ဆိုလျှင် ကျွန်တော်တို့တိုင်းပြည်ဟာ မကြာမီ ပျက်စီးပြိုကွဲပြီး ကျွန်သားပေါက်ဖြစ်သွားမှာဘဲ။ ကျွန်တော်တို့တိုင်းပြည်မှာ အလောင်းဘုရား လက်ထက်ကတည်းက မူဆလင်တွေရှိတယ်။ ဘရင်ဂျီတွေရှိတယ်။ အစတုန်းက ရှိလာကြတဲ့ နတ်ကိုးကွယ်တဲ့ တောင်းတန်းသားတွေရှိတယ်။ အဲသည်တောင်တန်းသားတွေဟာ အင်္ဂလိပ်လက်အောက်တုန်းက တချို့ ခရစ်ယာန်တွေဖြစ်ပြီး အရိုးစွဲနေကြတာရှိတယ်။ သူတို့တစ်တွေဟာ အားလုံးနိုင်ငံသားတွေပဲ၊ တိုင်းပြည်ကို ကျွန်တွင်းက လွတ်အောင် တိုက်ထုတ်ကြတုန်းက ကျွန်တော်တို့ချည်းမဟုတ်ဘူး။ သူတို့တတွေ ပါကြတယ်။ ယခု ကျွန်တွင်းက လွတ်မည်မကြံသေးဘူး သူတို့တွေအပေါ်မှာ အနိုင်ကျင့်ပြီး ငါတို့လူများစုရဲ့ဘာသာကို နိုင်ငံတော်ဘာသာဖြစ်ရမည်လို့လုပ်လိုက်လျှင် ကျွန်တော်တို့ဟာ ခွေးလောက်တောင် သောက်သုံးမကျတဲ့ အကောင်တွေ ဖြစ်သွားကြမှာပေါ့ဆရာ။ တိုင်းပြည်ကို တိုင်းပြည်ရေးလို တွေးစမ်းပါ။ ဘာသာရေးတွေ ဘာတွေညာတွေ လုပ်မနေစမ်းပါနှင့်။ ကျွန်တော်တို့ဟာ တိုင်းပြည်တစ်ခုလုံး စည်းလုံးကြဖို့လိုတယ်၊ … ယခုအချိန်မှာလိုချင်တာက ပြည်ထောင်စုထဲမှာရှိနေကြတဲ့ လူမျိုးအားလုံး ဘာသာအားလုံး ဘယ်တော့မှ မပြိုကွဲဘဲ ခွဲထွက်သွားမည့်လူတွေ ပေါ်မလာစေဘဲ နိုင်ငံရေးစိတ်ဓာတ် တစ်ခုတည်းရှိအောင်သွင်းပြီး စည်းလုံးဖို့လိုတယ်။ နိုင်ငံတော်ဘာသာကို ဗုဒ္ဓဘာသာလုပ်ချင်ရင် ဗုဒ္ဓဘာသာနိုင်ငံတော်လို့ ဆရာဘာသာ ဆရာကြေညာ၊ ကျွန်တော် မပါဘူး။”

    ( ပြည်ထောင်စုမြန်မာနိုင်ငံတော် (ပါလီမန်)တတိယပြည်သူလွှတ်တော်ညီလာခံမှတ်တမ်း၊ စာတွဲ ၅၊ အစည်းအဝေးအမှတ်-၃၊ ရန်ကုန်၊ အစိုးရပုံနှိပ်တိုက်၊၁၉၆၂၊ စာ ၃၇၀- ၃၇၁ ။)

    ဟူသည့်စကားရပ်အတွက်ဗိုလ်ချုပ်အောင်ဆန်းသည် ဘာသာရေးကိုခုတုံးလုပ်၍ ပြင်းပြင်းထန်ထန် ဝေဖန်အပုပ်ချခြင်းခံရနိုင်ပါသည်။ ဗုဒ္ဓဘာသာကိုခုတုံးလုပ်၍ ဂဠုန်ဦးစောထက်ပင် ဆိုးရွားသည့်နည်းလမ်းများ၊ ယုတ်မာပက်စက်သည့်နည်းများဖြင့် တုန့်ပြန်ကြမည်ဟု ထင်ပါသည်။ သို့သော် ဗိုလ်ချုပ်၏နိုင်ငံရေးပြိုင်ဘက်များသည်ပင် အမှန်တရားကို လက်ခံ၍ ဤသည်ကို အစကောက်၊ အကျယ်ချဲ့၍ နိုင်ငံရေးသတ်ကွက်အဖြစ် အောက်လမ်းနည်းကို အသုံးမပြုခဲ့ပေ။ ယနေ့ခေတ်တွင် မြန်မာ့နိုင်ငံရေးခေါင်းဆောင်တစ်ယောက် ဤကဲ့သို့ပြောမည်ဆိုပါက အမျိုးဖျက်၊ သာသနာဖျက်၊ မိစ္ဆာဒိဋ္ဌိအားပေး၊ ကုလားနွယ်ဖွားဟူ၍ အောက်တန်းကျစွာ ပြောဆိုတိုက်ခိုက်ကြမည်မှာ ယခုအလွယ်တကူတွေ့နိုင်သော မြန်မာဖေ့ဘွတ်လောကကိုကြည့်၍ပင် သုံးသပ်နိုင်ပါသည်။

    ဗိုလ်ချုပ်အောင်ဆန်းကဲ့သို့ ပြတ်ပြတ်သားသားပြင်းပြင်းထန်ထန်ပြောခြင်းမျိုးမဟုတ်ဘဲ ယခုဒေါ်အောင်ဆန်းစုကြည်မှ ပြောသောကုလားဟုဘယ်တော့မှမခေါ်ဆိုသည်မှာ အထက်တွင် ကျွန်ုပ်တင်ပြခဲ့သည်များကို ကျွန်ုပ်ထက်မက အဆပေါင်းများစွာ နားလည်နိုင်သောအမှန်တရားပေါ်တွင် အခြေခံလျက် စာနာသော၊ အမြော်အမြင်ရှိသောစိတ်ဖြင့်ပြောခြင်းအား အချိန်ကိုက်နီးပါးထွက်ပေါ်လာသည့် စေတနာကြီးစွာဖြင့် ဘာသာပြန်ပေးရှာသော ဦးမြတ်သိန်းထွန်း၏ဆောင်းပါးကို ကိုးကားကြလျှက် ကုလားဆိုတာ မရှိဘူးဆိုတဲ့ဒေါ်စု သမိုင်းပြန်သင်ဦး၊ ကုလားဘက်ကကာကွယ်တာ ဘာညာ အစရှိသဖြင့် အမှန်တရားများကို လစ်လျူရှုမျက်ကွယ်ပြုပြီး လိုရာဆွဲ ချဲ့ကားလျက် အမျိုးမျိုးပုတ်ခတ်ပြောဆိုနေကြသည်မှာ အများအမြင်ပင်ဖြစ်ပါသည်။

    အကယ်၍ မြန်မာပြည်၏ပထမဦးဆုံးဝန်ကြီးချုပ်ဦးနုကဲ့သို့ ကုလားဗမာအဓိကရုဏ်းခေတ်ကို ကိုယ်တိုင်ဖြတ်ခဲ့ရသူပင်လျင် တခါသူ့မျက်စိရှေ့၌ ကုလားတစ်ယောက်ကို ဗမာနှစ်ယောက်မှ ၀ိုင်းဝန်းထိုးကြိတ်နေသည်ကို ရှေ့ကြောင်းနောက်ကြောင်းများကိုမသိ၊ ယခုတွေ့မြင်နေသည်ကို မတရားဟုထင်မိပြီး ကုလားဘက်မှနေ၍ ဗမာများကို ပြန်လည်ထိုးကြိတ်လွှတ်သည်ဟု ရဲရဲဝံ့ဝံ့ရေးမိလိုက်လျင် ထိုနိုင်ငံရေးသမားသည် ၄င်း၏နိုင်ငံရေးဘ၀၊ သာမန်အရပ်သားဘ၀သာမကဘဲ သားစဉ်မြေးဆက်အထိပါ လူတောမတိုးနိုင်သည်အထိ တိုက်ခိုင်ခြင်းခံရနိုင်ပေသည်ဟု ကျွန်ုပ်ကပြောမည်ဆိုလျှင် သင်စာရှုသူများ လွန်သည်ဟု ထင်မိပါမည်လား။

    ဘ၀၊ အသက်ကိုစတေးပြီး လွတ်လပ်ရေးကိုပင် ရယူပေးခဲ့သည့် ဗိုလ်ချုပ်အောင်ဆန်းအပါအ၀င် ဗိုလ်ချုပ်၏ဘေးတွင်ဝန်းရံနေကြသောပုဂ္ဂိုလ်များ၊ ဆန့်ကျင်ဘက် အတိုက်အခံပုဂ္ဂိုလ်များသည် ထိုသို့ လူနည်းစုများအပေါ်တွင် ခိုင်ခိုင်မာမာရပ်တည်၍ ပြင်းပြင်းထန်ထန်ကန့်ကွက်ကာပေးခဲ့သော ဗိုလ်ချုပ်အောင်ဆန်း၏အယူအဆ၊ အတွေးအခေါ်အား မရှုံ့ချကြသည်မှာ အဘယ်ကြောင့်ပါနည်း။ သာမန်မြန်နိုင်ငံသား၊ အစ္စလာမ်ဘာသာဝင်ဟုပင် မခေါ်နိုင်လောက်အောင်၊ မသုံးနိုင်လောက်အောင်အထိ အစွန်းရောက်နေသောသူများသည် အထက်ပါပုဂ္ဂိုလ်ကြီးများထက် မျိုးချစ်စိတ်၊ နိုင်ငံချစ်စိတ်၊ အမြော်အမြင်၊ အသိဥာဏ်များ ပြည့်စုံကျော်လွန်နေကြပါပြီလား။

    ကုလားဟူသည် မည်သည့် ယုတ်ညံ့သည့် အဓိပ္ပါယ်ဖွင့်ဆိုချက်မျှ မဆောင်သော၊ ကောင်းသောအနက်ဖြစ်သောကြောင့် ကျွန်ုပ်တို့အနေဖြင့် အခေါ်တစ်မျိုး အရေးတစ်မျိုး မဖြစ်သင့်ပေ။ ရှေးစာပေကျမ်းဂန်အထောက်အထားများအရ ယခင်က တိုင်းသိပြည်သိတရားဝင်သုံးစွဲသကဲ့သို့ တရားဝင်သုံးစွဲလိုလျင်လည်း သုံးစွဲနိုင်ပါသည်။ သို့သော် ကန့်၍၊ ကွက်၍ မသုံးစွဲပဲ အောက်ပါအတိုင်းပြည့်ပြည်စုံစုံသုံးစွဲ၍ မြန်မာ့ယဉ်ကျေးမှုစစ်စစ်၊ မြန်မာ့အခေါ်အဝေါ် စစ်စစ်ကို ထိန်းသိမ်းသင့်ပါသည်။

    သတင်းများတွင်လည်း

    သမ္မတကြီး ကုလားပြည်(အိန္ဒိယ)သို့သွားသည်။

    ဒေါ်အောင်ဆန်းစုကြည် ကုလားပြည်သို့သွားသည်။

    ကုလားပြည်(အိန္ဒိယ)မှ လာရောက်ရင်းနှီးမြှုပ်နှံမည်

    စသည်ဖြင့် ခေါ်ဝေါ် သုံးနှုန်းသင့်ပေသည်။

    ထို့အတူ ကုလားမျိုး၆၀ စာရင်းဝင် ကုလားမျိုးများဖြစ်ကြသော အခြားကုလားများအားလည်း

    သမ္မတကြီး ကုလား(အင်္ဂလန်)၀န်ကြီးချုပ်နှင့်သဘောတူလက်မှတ်ရေးထိုး

    မြန်မာနိုင်ငံ၌ ကုလားဖြူစာ(အင်္ဂလိပ်စာ)သင်တန်းများတိုးချဲ့ဖွင့်လှစ်

    တပ်မတော်သားများအား ကုလား(ရုရှား)နိုင်ငံတွင် ခေတ်မီပညာရပ်များသင်ကြားရန်စေလွှတ်

    ကမ္ဘာ့သြဇာအရှိဆုံး အမျိုးသမီးစာရင်းတွင် ကုလားပြည်(ဂျာမန်)၀န်ကြီးချုပ်ကုလားမပါဝင်။

    ဂေါတမမြတ်စွာဘုရား၏ အဘိုးဖြစ်သော မင်းကြီးအဘိရာဇာ သည် ကုလားပြည်(အိန္ဒိယ)မှ မြန်မာနိုင်ငံသို့ ၀င်ရောက်လာကာ တကောင်းမြို့ကြီးကို တည်ထောင်စိုးစံခဲ့သည် ဟူ၍လည်း စာပေများတွင် သုံးနှုန်းရေးသားသင့်ပါသည်။

    အထက်ပါအသုံးအနှုန်းများအပြင်

    ရှေးက ကုလားဝန် ဟု နိုင်ငံခြားသားများနှင့်ဆက်ဆံရန် ၀န် ခန့်ခဲ့သောကြောင့် ယခုခေတ်တွင် နိုင်ငံခြားရေးဝန်ကြီးဌာန၊ နိုင်ငံခြားရေးဝန်ကြီးများနှင့်တန်းတူမည်ဟု ထင်ပါသည်။ ထို့ကြောင့် နိုင်ငံခြားရေးဝန်ကြီးဌာနအား ရှေးယခင်က မြန်မာတို့ခေါ်ဝေါ်ခဲ့သည့်အတိုင်းတူညီစေရန် ကုလားရေးဝန်ကြီးဌာန၊ ကုလားရေးဝန်ကြီး အဖြစ် ရှေးအစဉ်အလာစာဆိုများနှင့်လည်းအညီ မြန်မာဆန်စွာ ပြောင်းလဲခေါ်ဝေါ်သင့်ပါသည်။

    ယခုဆောင်းပါးကိုရေးစဉ်ကတော့ ၀ိရောဓိများဖြစ်နေစဉ် အခြားဘာသာဝင်များအတွက် စိတ်နှလုံးထိခိုက်စရာများအား ရှောင်ရှား၍ ကုလားမခေါ်စေချင်သောအဓိက အကြောင်းအရာနှင့် စိတ်ခံစားချက်များကိုသာ ရေးမည်ဟု စိတ်ကူးထားသော်လည်း ဦးမြတ်သိန်းထွန်း၏ ကုလားဟူသည်ဤသို့တည် ဘာသာပြန်ဆောင်းပါးကို ဖတ်မိပြီးနောက် ကုလားဟူသော အသုံးအနှုန်းသည် မည်သည့်နစ်နာထိခိုက်စေသော အဓိပ္ပါယ်မျှမပါဝင်၊  ဗုဒ္ဓကိုယ်တော်တိုင်ဟာလည်း အိန္ဒိယတိုက်သား(ကုလား)ပင်ဖြစ်သောကြောင့် ဟုနားလည်လိုက်သည့်အတွက် ဘာသာရေးနဲ့တိုက်ရိုက်သက်ဆိုင်တာလေးပါ ထည့်လိုက်ပါရစေ။

    သုံးလူ့ထွဋ်ထားမြတ်ဘုရား(ကုလား)အနွယ်တော်ဖွား ကုလားတော်အနွယ်ဖွားဟု သုံးလျှင်ပိုသင့်လျော်မည်လားမသိ)

    ကုလားပြည်ရှိဗုဒ္ဓဂါယာသို့ဘုရားဖူးသွားခြင်း

    ကုလားပြည်ရှိမဟာဗောဓိညောင်ပင်

    ဟူသော ခေါင်းစဉ်မျိုးဖြင့် တရားဝင်သုံးနှုန်းမည်ဆိုလျှင်ဖြင့် မြန်မာနိုင်ငံအတွင်းမှာ အစဉ်အဆက်နေထိုင်လာခဲ့ကြသော အစ္စလာမ်ဘာသာဝင်များ အနေနဲ့လည်း ရှေးယခင်က သတ်မှတ်ခေါ်ဆိုခဲ့သော ကုလားမျိုးများသည် မြန်မာနိုင်ငံအတွင်း မှီတင်းနေထိုင်ကြသော အစ္စလာမ်ဘာသာဝင်တစ်ခုတည်းကို နှိမ်ချ၍၊ ခွဲခြား၍၊ ဖိနှိပ်လို၍ ရည်ညွှန်းခေါ်ဝေါ်သည်ဟု မပြောနိုင်တော့ပေ။ ရှေးကဲ့သို့ပင် ကျောင်းစာအုပ်များ၊ သတင်းစာများတွင်လည်း တညီတညွှတ်တည်း တရားဝင်ပြန်လည် သုံးနှုန်းခြင်းဖြင့် မြန်မာ့ဟန်၊ မြန်မာ့စာပေ ယဉ်ကျေးမှုကို ပြန်လည်ဖော်ထုတ်ရာပင်ရောက်သည် မဟုတ်ပါလား။

    တရုတ်ပြည်သူ့သမ္မတနိုင်ငံ၊ တရုတ်လူမျိုးဟု ခေါ်ဝေါ်လိုက်သကဲ့သို့ပင်၊ ကုလားနိုင်ငံ၊ ကုလားပြည်၊ ကုလားလူမျိုး ဟု ခေါ်ဝေါ်လိုက်ခြင်းဖြင့်လည်း တူညီသွားမည်ဖြစ်၍ ကုလားများမှ ကွန်ပလိန်းတက်ခြင်း ကင်းဝေးမည် မဟုတ်ပါလော။ ထိုင်ဝမ်တရုတ်၊ ဟောင်ကောင်တရုတ်၊ စင်္ကာပူတရုတ်၊ မလေးတရုတ်၊ အမေရိကန်တရုတ် ဟူ၍ ပြည်မကြီးတရုတ်နှင့်ခွဲခြား၍ တရားဝင် ခေါ်ဆိုရေးသားသည့်အတိုင်းပင် ကုလားမျိုး၆၀တွင် ပါဝင်သောအင်္ဂလိပ်၊ ပြင်သစ်၊ ဂျာမန်၊ ရုရှား စသည့်နိုင်ငံကြီးများသည်လည်း ၄င်းတို့အား ရှေးယခင်ကတည်းက သတ်မှတ်ခေါ်ဆိုခဲ့သည့် စာပေကျမ်းဂန်လာ ကုလား(ဖြူ) ဟုလည်းကောင်း ကုလား(အင်္ဂလိပ်)၊ ကုလား(ပြင်သစ်)၊ ကုလား(ဂျာမန်)၊ ကုလား(ရုရှား) ၊ ကုလား(အိန္ဒိယ) ဟုတရားဝင်ခေါ်ဆိုသင့်ပါသည်။ ဤသို့ အမှန်အတိုင်း ကျောသားရင်သား ခွဲခြားခြင်းမရှိဘဲ ခေါ်ဆိုခြင်း၊ ကုလားဟူသည် မြင့်မြတ်သော၊ ကောင်းမွန်သောအဓိပ္ပါယ်များကို ဆောင်ခြင်း၊ မကောင်းသည့်အနက်အဓိပ္ပာယ်တစုံတရာမရှိခြင်း ဟူသော တရားဝင်ဖွင့်ဆိုချက်ကိုပါ ထပ်မံပေးလိုက်လျင် မြန်မာနိုင်ငံတွင် သူမှ ကုလားစစ်သည်၊ ငါမှ ကုလားစစ်သည်ဟူ၍ပင် ကုလားဂုဏ်ပုဒ်၊ ကုလားမျိုးနွယ်အဖြစ်ကို လုယူစရာအကြောင်းများပင် ဖြစ်လာနိုင်သောကြောင့် မည်သူများသည် ကုလားမျိုးကုလားနွယ်ဖြစ်သည်ကို ကြိုတင်၍ ဂရုတစိုက် မှတ်တမ်းတင်ထားသင့်ပေသည်။

    ကောင်းမွန်မြင့်မြတ်သည့် အဓိပ္ပါယ်ရှိသော၊ မည်သည့်ဆိုးရွားသောအဓိပ္ပါယ်မှ မသက်ရောက်သောကြောင့် ၄င်းတို့လည်း နှစ်ခြိုက်ကျေနပ်ကြမည့် အပြင် ရှေးနှစ်ပေါင်းထောင်ချီတည်တံ့ခဲ့သော မြန်မာအသုံးအနှုန်းစစ်စစ်ဖြင့်ဖလှယ်၍ ပြန်လည်ဖော်ထုတ်နိုင်ခြင်းကြောင့် ၄င်းတို့၏ တိမ်မြုပ်နေနိုင်သော သမိုင်းများနှင့် ဆက်စပ်နေသည်များပင် သွယ်ဝိုက်၍ ပြန်ပေါ်လာနိုင်သဖြင့် အထူးကျေးဇူးတင်နေကြပေလိမ့်မည်ဟု မြန်မာနိုင်ငံကြီး၏အကျိုးကိုမျှော်ကိုး၍ ဤနေရာမှ နှိုးဆော်လိုက်ရပါသည်။

    အကယ်၍ ၄င်းကုလား၆၀မျိုးပါ အင်္ဂလိပ်၊ ပြင်သစ်၊ ဂျာမဏီ၊ ရုရှား နှင့် အိန္ဒိယပြည်တို့အား ကုလားပြည်ဟု တရားဝင်ပြောင်းဖို့ရန်မသင့်လျှင်၊ မြတ်စွာဘုရားအား အိန္ဒိယတိုက်သားကုလားနွယ်ဖွား၊ ကုလားဟု ခေါ်ဆိုရန်မသင့်လျှင်၊ ဗုဒ္ဓဂါယာအား ကုလားပြည်အတွင်း၌ရှိသည်ဟု တရားဝင်သုံးနှုန်းပြောဆိုရန် မတင့်တယ်ပါလျှင် မြန်မာနိုင်ငံအတွင်း ခေတ်အဆက်ဆက်ကနေထိုင်ခဲပြီး သွေးနှောနေသော၊ သွေးရောနေသော၊ အချို့ သွေးစစ်စစ်(မြန်မာ၊ အိန္ဒိယ) များကို တရားဝင် ကုလားဟု ခေါ်ဆိုလိုက်ခြင်းမှာ မည်သည့်အကြောင်းကြောင့် တင့်တယ်နေရပါသနည်း။ ခင်မင်ခြင်းအားဖြင့်၊ သာမန်ခေါ်ဆိုခြင်းများကို လုံးဝမဆိုလိုပါ။ အစိုးရပိုင်သတင်းစာများကဲ့သို့၊ တိုင်းပြည်၏ စတုတ္ထမဏ္ဍိုင်များဟု တင်စားခေါ်ဝေါ်နေသော မီဒီယာအမျိုးမျိုးမှ တရားဝင်သတ်မှတ်ခေါ်ဆိုနေကြခြင်း၊ ကုလားဟူသည် မြန်မာမွတ်စလင်များကိုသာ ရည်ညွှန်းခေါ်ဝေါ်သလိုဖြစ်စေ၍ မြန်မာနိုင်ငံသားအစ္စလာမ်ဘာသာကိုးကွယ်သူများအားလုံးကို နိုင်ငံခြားသားများဟု အထင်ရောက်စေရန် တမင်သက်သက် နှိမ်ချ(ခွဲခြား) လို၍ ခေါ်ဝေါ်နေခြင်း အားလုံးကိုသာ လုံးဝ ဆိုလိုပါသည်။

    ယခုခေတ်တွင် ပြောနေသူများကိုယ်တိုင် မွန်မြတ်သယောင်၊ မည်သည့်ဆိုးရွားသောအဓိပ္ပါယ်မျှ မရှိသယောင် ညာသံပေး၍ ဖွင့်ဆိုနေကြသော်လည်း တကယ့်အနှစ်သာရမှာမူ မည်သူမျှ မနှစ်သက်ကြတော့ပေ။ ဤကဲ့သို့သောအခြေအနေများကို မြင်သော၊ နားလည်သော၊ စာနာသော ဒေါ်အောင်ဆန်းစုကြည်က လူသားဆန်စွာ နားလည်မှုအပြည့်ဖြင့် အမြှော်အမြင်ကြီးစွာ ပြောဆိုခြင်းကို ဟားတိုက်ရယ်မောချင်သော၊ ယခင်အသုံးအနှုန်းယခုအဓိပ္ပါယ်ကို လက်ခံကြသည်ဆိုလျှင် ကျွန်ုပ်ပြောဆိုခဲ့သည်များကိုလည်း တရားဝင်လက်ခံသုံးစွဲပေးနိုင်ဖို့ တိုက်တွန်းလိုပါသည်။

    ထို့သို့ တရားနည်းကျ ကုလား မဟုတ်ပါဘဲနှင့် ကုလားအပေါ် သံယောဇဉ် လွန်းတင်သည့်ကြိုးနဲ့ အချစ်ရယ်ခိုင်မြဲအောင်ကွယ် ရစ်တွယ်ကာထားမိပါရဲ့ ဆိုကာ ရာဇ၀င်ထဲမှာ ကုလားကို မထားခဲ့နိုင်ပဲ ကုလားမလို့ပဲဆက်၍ခေါ်မည်အမီနာ ဟုဆိုလျှင်တော့ ကုလားမျိုး ၆၀တွင် ကံကွက်ကျား၍ မြန်မာပြည်သား မွတ်စလင်ကုလားချည်း မဖြစ်စေပဲ ဝေလည်းကုလား ကြွေလည်းကုလား ဖြစ်နေမှသာ တင့်တယ်နေမည် မဟုတ်ပါလား ချစ်စွာသော စာရှုသောသူ…

    (ဆောင်းပါးရှင်၏ အမြင်နှင့် အာဘော်ဖြစ်ပါသည်။)

  • မသွားဖြစ်တော့မယ့် ပွဲဈေးတန်းရယ် လွမ်းမိပါတယ်ကွယ်

    မသွားဖြစ်တော့မယ့် ပွဲဈေးတန်းရယ် လွမ်းမိပါတယ်ကွယ်

    နိုဝင်ဘာ၊ ၇  ၊ ၂၁၀၂
    M-Media
    ဇေယျာသူ

    ကျွန်မတို့ မြန်မာနိုင်ငံဟာ တစ်နှစ်ပတ်လုံး ၁၂-လရာသီ ပွဲတော်များနဲ့ ပြည့်နေတဲ့ တိုင်းပြည်တစ်ခုပါ။ အဲလို ပွဲတော်တွေရှိတဲ့အနက် ဘုရားပွဲတော်လို့ နာမည်တပ်တဲ့ ပွဲတော်တွေက ပိုလို့တောင်များနေပါတယ်။ ကျွန်မသိမြင်ရသလောက် ဘုရားပွဲတော်ရှိလာပြီဆိုရင် ဇာတ်ပွဲတွေ၊ အငြိမ့်တွေ၊ စားသောက်ဖွယ်ရာဆိုင်တွေ အများအပြားပါဝင်တယ်။

    ပွဲဈေးတန်း တခု ( Photo HotNews Journal )

    ဘုရားပွဲတော်ရှိပြီဆိုရင် တစ်ခြားသူတွေတော့ ဘယ်လိုကြောင့် ပျော်ရွှင်ကြလဲ ကျွန်မ မသိဘူး။ ကျွန်မကတော့ ပွဲဈေးတန်းသွားပြီး မုန့်တွေစားရတာ အလွန်သဘောကျတယ်။ ပွဲဈေးတန်းသွားတယ်။ စားစရာတွေဝယ်တယ်။ ကောက်ညင်းကျည်ထောက် (တချို့ဒေသတွေက ခဲတံချောင်းလို့လည်းခေါ်တယ်လို့ပြောတယ်။)၊ မုန့်မောင်နှမ (မုန့်လင်မယားလို့လည်း ခေါ်ကြသေးတယ်။)၊ မုန့်ရေပါး၊ မုန့်သိုင်းချုံ၊ မုန့်လုံးကြီး အဲဒါတွေကို ကျွန်မ အလွန်ကြိုက်တယ်။ ပြီးတော့ မုန့်လေပွေလို့ခေါ်သလား ဘယ်လိုခေါ်သလဲမသိဘူး။ မီးကင်လိုက်ရင် မုန့်က အကြီးကြီးဖြစ်သွားပြီး စားလို့သိပ်ကောင်းတာပဲ အဲဒါကိုလည်းကြိုက်တယ်။

    ပွဲဈေးတန်းထဲ လျှောက်ရင်း မုန့်တွေဝယ်ရင်း ဗိုက်ဆာလာတဲ့အခါဖြစ်ဖြစ် ကြာဇံချက် သောက်ချင်လာတဲ့ အခါမှာဖြစ်ဖြစ် ကြာဇံချက်ရောင်းတဲ့ မွတ်စလင်မ် ဆိုင်ကို အပြေးအလွှားရှာဖွေပြီး ၀င်သောက်တာပေါ့။ ဘာဖြစ်လို့ မွတ်စလင်မ်ဆိုင်က ကြာဇံချက်မှ သောက်ရသလဲဆိုရင်တော့ ကျွန်မက မွတ်စလင်မ် တစ်ယောက်ဖြစ်နေတဲ့ အတွက် တခြားဘာသာတွေ ရောင်းတဲ့ဆိုင်က ကြာဇံချက်ကို ကျွန်မတို့ စားလို့မရလို့ပါ။ ကြာဇံချက်က အများအားဖြင့် ကြက်သားနဲ့ချက်ကြတယ်။ မွတ်စလင်မ်ရောင်းတဲ့ဆိုင်ကသာ ဟလာလ်ကြက်သားဖြစ်လို့ ကျွန်မတို့အနေနဲ့ စိတ်သန့်သန့်နဲ့ စားလို့ ပိုဝင်တာကြောင့် မွတ်စလင်မ်ရောင်းတဲ့ဆိုင်ကို ရှာပြီး စားရတာပေါ့။

    အခုရက်ပိုင်း ပွဲဈေးတချို့ကို ရောက်တော့ တစ်ခြားမုန့်တွေ စားရပေမယ့် ကြာဇံချက်သောက်ချင်လို့ ဆိုင်လိုက်ရှာရင် မွတ်စလင်မ်ဆိုင် မတွေ့ရဘူး။ ဒါနဲ့ ကျွန်မစိတ်ထဲမှာ တစ်မျိုးဖြစ်သွားတယ်။ ပွဲဈေးတစ်ခု တစ်လေဆို ကျွန်မသတိထားမိမှာ မဟုတ်ပါဘူး။ တော်တော်များများမှာ အဲလိုဖြစ်နေတာတွေ့ရတော့ ဘယ်လိုဖြစ်လို့လဲဆိုတာ ကျွန်မသိချင်လာတယ်။ ဒါနဲ့ပဲ ကျွန်မစုံစမ်းကြည့်မိတော့ ပွဲတော်ဈေးတန်းတွေမှာ မွတ်စလင်မ်တွေကို ဈေးရောင်းချခွင့် မပေးဘူးလို့ သိလာရတယ်။ ကျွန်မတော်တော်အံ့သြသွားတယ်။

    တစ်နေ့ကတော့ ကျွန်မသူငယ်ချင်း တစ်ယောက်ရဲ့ စကားစပ်မိရင်း သူတို့မြို့က နာမည်ကြီး ဘုရားပွဲတစ်ခုကျင်းပမယ့်ရက် ရောက်တော့မယ့်အကြောင်းပြောဖြစ်ကြရင်း သူက ပြောပြလာတယ်။ ဒီနှစ်မှာ ပြုလုပ်မယ့် ရမည်းသင်းမြို့ ရန်အောင်မြင်ဘုရားပွဲ (ကထိန်ပွဲ)မှာ နှစ်စဉ်နှစ်တိုင်း မွတ်စလင်မ်တွေလည်း ဆိုင်ခန်းငှားပြီး ဈေးဆိုင်တွေဖွင့်ကြတယ်။ ဒီနှစ်တော့ မွတ်စလင်မ်တွေကို ဆိုင်ခန်းငှားရမ်းခွင့်ရော ဈေးရောင်းချခွင့်ပါ မပေးဘူးလို့ ဘုန်းကြီးတွေနဲ့ ဂေါပကအဖွဲ့က ပြောတယ်။ ရှေ့နေဦးအောင်စိုးဆိုတဲ့
    ဂေါပကအဖွဲ့ဝင်က ဒါမျိုးမလုပ်သင့်ဘူး မဖြစ်သင့်ဘူးလို ပြောကြရင်း ဂေါပက အဖွဲ့ကနေ သူနှုတ်ထွက်သွားတယ်။ အခုမှ သိလာရတာက ပွဲဈေးတန်းမှာ ရဲက လုံခြုံရေးတာဝန်မယူလို့ ဂေါပက မွတ်စလင်မ် ဈေးရောင်းသူတွေကို ခွင့်မပြုဘူးလို့ပြောတယ်တဲ့။ ကျွန်မ အဲဒါကို ကြားလိုက်ရတော့ တော်တော်လေး စိတ်မကောင်းဖြစ်မိတယ်။ ကျွန်မငယ်ငယ်ကတည်းက ဒီလို ပွဲဈေးတွေမှာ ဘာသာပေါင်းစုံ ပါဝင်နေကြတာ။ အခုမှ ဒီလို ခွဲခြားမှုတွေလုပ်လာတာ စိတ်မကောင်းဖြစ်မိတယ်။

    ဒီလိုလုပ်ခြင်းအားဖြင့် အခု လတ်တလောမှာ ဘယ်သူတွေ အခက်အခဲသွားဖြစ်ပြီး နောင်ရေရှည်မှာ ဘယ်သူတွေမှာ ပိုမိုထိခိုက်နစ်သွားမလဲဆိုတာလည်း မြင်ယောင်မိလာတယ်။

    ပွဲဈေးတွေမှာ မွတ်စလင်မ်ဈေးသည်များ ဈေးရောင်းခွင့် ပိတ်ပင်ခံရတာဟာ ဘာသာရေးဖိနှိပ်ခွဲခြားမှု မဟုတ်ဘူးလား။

    မသွားဖြစ်တော့မယ့် ပွဲဈေးတန်းရယ် လွမ်းမိပါတယ်ကွယ်။