News @ M-Media

Tag: Eainwaaythu(KZ)

  • ” စောင့်ကြသူများ” (ကဗျာ)

    ” စောင့်ကြသူများ” (ကဗျာ)

    ဒီဇင်ဘာ ၂၀၊ ၂၀၁၄
    M-Media
    .ရေးသူ-အိမ်ဝေးသူ(KZ)

    10425095_607026392736851_7121517094900951877_n

    ငါတို့စောင့်ခဲ့ကြတယ်
    မျှော်လင့်ချက်တို့ ပျောက်ရှခဲ့တဲ့အထိ။

    ငါတို့စောင့်ခဲ့ကြတယ်
    ယုံကြည်ချက်တို့ မှေးမှိန်ခဲ့တဲ့အထိ။

    ငါတို့စောင့်ခဲ့ကြတယ်
    လူမမည်ရှိုက်သံတို့ တိမ်ဝင်ခဲ့တဲ့အထိ။

    ငါတို့စောင့်ခဲ့ကြတယ်
    သမီးပျိုတို့ အခါမလင့်ခင် အပျိုရည်လွင့်ခဲ့တဲ့အထိ။

    ငါတို့စောင့်ခဲ့ကြတယ်
    အသိုက်အမြုံတို့ ကြေမွပျက်ဆီးခဲ့တဲ့အထိ။

    ငါတို့စောင့်ခဲ့ကြတယ်
    သက်ဝင်ယုံကြည်မှုတို့ ချနင်းခံခဲ့တဲ့အထိ။

    ငါတို့စောင့်ခဲ့ကြတယ်
    သူရဲကောင်းတို့သွေး မြေခခဲ့တဲ့အထိ။

    ငါတို့စောင့်ခဲ့ကြတယ်
    စောင့်ခဲ့ကြတာ…အနှစ် နှစ်ဆယ်ကျော်တဲ့အထိ။

    ငါတို့စောင့်နေကြစဲ
    ဖုန်းဆိုးမြေမှာ ဖြစ်တည်လာမယ့်
    ပန်းခင်းကြီးကို မျှော်မှန်းရင်း။

    ငါတို့စောင့်နေကြစဲ
    မုန်တိုင်းနောက်က တိုက်ခတ်လာမယ့်
    လေပြည်အေးကို တောင့်တရင်း။

    ငါတို့စောင့်နေကြစဲ
    အလင်းထဲမှာ (မှောင်မိုက်စွာ) နေထိုင်ရင်း
    အမှောင်ထဲမှာ (လင်းလက်စွာ) ရှင်သန်ရင်း
    ငါတို့တတွေ..
    စောင့်ရင်းနဲ့ စောင့်ခဲ့ကြတယ်။
    စောင့်လက်စနဲ့ စောင့်နေကြစဲ။

    ——————–
    အိမ်ဝေးသူ(KZ)
    ——————–

  • ကျွန်တော် (လုံးဝ) ဦးမညွတ်ခဲ့ပါဘူး…မေမေ

    ကျွန်တော် (လုံးဝ) ဦးမညွတ်ခဲ့ပါဘူး…မေမေ

    နိုဝင်ဘာ ၁၁ ၊ ၂၀၁၄
    M-Media
    .ရေးသူ- အိမ်ဝေးသူ(KZ)
    1517380_588703294569161_3194738796444905502_n
    (၁)
    .မေမေ
    ကံကြမ္မာကိုသာ ကြိုသိခွင့်ရကြေးဆိုရင်
    ဒီနေ့ဆိုတာကြီးကို ကျွန်တော် မကြုံချင်ဘူး။
    ဒါပေမယ့်
    “လူကိုခွေးသတ်လေခြင်း” ဆိုတဲ့
    ကရုဏာသံတွေနဲ့အတူ
    .မြင့်မြတ်စွာ သေဆုံးခွင့်ရခဲ့တဲ့အတွက်
    ကျွန်တော် ကျေနပ်နေတတ်ပါပြီ မေမေ။

    (၂)
    ကျွန်တော့်ကို
    ဝန်ထုပ်ဝန်ပိုးတစ်ခုလို မသတ်မှတ်ခဲ့တဲ့ မေမေဟာ
    “သာသနာ့ပညာရှင်ကြီးဖြစ်စေချင်စမ်းပါဘိ” ဆိုတဲ့
    အိပ်မက်တစ်ပွေ့တပိုက်နဲ့အတူ
    မေမေ့ရင်ခွင်က အတင်းရုန်းထွက်စေခဲ့တယ်။
    (ကျွန်တော် မေမေ့ကို အပြစ်မတင်ရက်ခဲ့ပါဘူး)

    (၃)
    .မေမေ
    .ခြင်ကောင်တွေနဲ့ နပန်းလုံးရတာ
    ကျွန်တော့် သွေးတွေ ခမ်းခြောက်မတတ်ပဲ။
    ပဲဟင်းစားပြီး ပညာသင်ရတဲ့ အရသာဟာ
    .မေမေ့အိမ်က ထမင်းဆီဆမ်းထက်
    အမြင်အားဖြင့်တော့ သာတယ်ဆိုရမှာပေါ့။
    (တော်ရာမှာပဲ ပျော်အောင် ကျွန်တော် ကြိုးစားခဲ့ပါတယ်)

    (၄)
    ဆရာတွေရဲ့  ကြိမ်လုံးအရသာ
    မနက်စောစော ဝတ်ပြု ပြီးစာအံရတဲ့ အရသာတွေဟာ
    ကျွန်တော့်အကြိုက်တွေတော့ မဟုတ်ခဲ့ပါဘူး။
    ဒါပေမယ့်…
    ဘွဲ့ယူမယ့်နေ့မှာ ပြုံးပျော်နေမယ့်
    .မေမေ့မျက်နှာကိုမြင်ယောင်တိုင်း
    အသားအနာခံရတာကို ကျေနပ်သလို၊
    စာတွေကိုလည်း ကျွန်တော် ကြိုးစားသင်ယူမိပြန်တယ်။
    (သားလိမ္မာလေးပါလားလို့ ကိုယ့်ကိုယ်ကို အားပေးခဲ့ပါသေးတယ်)

    (၅)
    ၂၁•၃•၂၀၁၃
    လူ့တိရိစ္ဆာန်တစ်စုက
    သက်မဲ့ပစ္စည်းရှေ့မှာ ကျွန်တော့်ကို
    အတင်းအကြပ် ဦးညွတ်ခိုင်းတယ် မေမေ။
    “တစ်ခါသာသေရတဲ့ လူ့ဘဝမှာ
    အကြောက်တရားတွေနဲ့ နှလုံးသား မဖောက်ပြားလေနဲ့” ဆိုတဲ့
    .မေမေ့ဆုံးမစကားလေး ရယ်ဝယ်ပိုက်ခဲ့တဲ့ ကျွန်တော့်အတွက်
    ရလာဒ်ကတော့ မေမေနဲ့ ကျွန်တော် သေကွဲခဲ့ရတာပဲပေါ့။
    (မေမေ…မျက်ရည်မိုးသည်းပေမယ့် ကျွန်တော့်အတွက်တော့ ဂုဏ်ယူပေးပါ)

    (၆)
    “လူနဲ့တူအောင်
    မကျင့်ကြံတဲ့လူတစ်ယောက်ဟာ
    တိရိစ္ဆာန်တစ်ကောင်လို ရက်စက်ကြမ်းကြုတ်တတ်”မှန်း
    သိခွင့်ရတဲ့နေ့က ကျွန်တော် ခရီးသစ်တစ်ခုကို ဦးတည်နေရပြီ။
    ကျွန်တော့်ခန္ဓာကိုယ်ပေါ်ကို အဆတ်မပြတ်ကျလာတဲ့
    အင်အားပြင်း အမုန်းတရားတွေအတွက် မနာကျင်မိပေမယ့်
    ကျွန်တော့်ညီနောင်တွေအတွက်တော့ စိတ်ပူမိတယ်မေမေ။
    (သူတို့တတွေ ဘေးမသီရန်မခ,ကြပါစေနဲ့)

    (၇)
    “အလှည့်ကျရင် မနွဲ့စတမ်း”လို့
    ကျွန်တော့်အရိုးတွေက တွန်ချင်ကြပေမယ့်
    “ချစ်စကိုရှည်စေ၊ မုန်းစကိုတော့တိုစေ”ဆိုပြီး
    ကျွန်တော့်နှလုံးသားက တောင်းဆိုနေမှတော့
    .မေမေရေ…
    “မျက်လုံးတစ်လုံးအတွက် မျက်လုံးတစ်လုံး” ဆိုတဲ့
    အတုံ့အလှည့်ဥပဒေကိုသာ ပြန်ရုပ်သိမ်းလိုက်ပါတော့…။
    (မေတ္တာဟာ အရာရာကိုအောင်မြင်စေနိုင်တယ်ဆိုရင် ကျွန်တော် အောင်မြင်ခဲ့ပြီ)

    ——————–
    အိမ်ဝေးသူ(KZ)
    ——————–

    မေမေ။
    ကဗျာရေးသူရဲ့ ရင်ထဲကို ကျွန်တော် ခဏလေး အလည်သွားမိတာပါ။
    ဒါပေမယ့်
    သူ့နှလုံးသားက ပူလောင်လွန်းလို့ ကျွန်တော် အရှုံးပေးပြီး ပြန်ထွက်ခဲ့ရတယ်။

    ————————————–

    ဓါတ်ပုံ ရှင်းလင်းချက်- ၂၀၁၃ ခုနှစ် မတ်လနှောင်းပိုင်းတွင် မိတ္ထီလာမြို့၌ ဖြစ်ပွားခဲ့သည့် အကြမ်းဖက်မှုများတွင် မင်္ဂလာဇေယုံ ဘာသာရေး စာသင်ကျောင်းမှ ကျောင်းသားငယ်လေးများ ကို ရက်စက်စွာ သတ်ဖြတ်ခဲ့သည့် ဖြစ်စဉ်အား ဓါတ်ပုံရိုက်ကူးပုံကို  ပြစ်မှုကျူးလွန်သူများမှ အွန်လိုင်း စာမျက်နှာဖြန့်ဝေနေသည့် ဓါတ်ပုံဖြစ်ပါသည်။

    http://goo.gl/BUPVNM

  • ကမ္ဘာကျော်ကော်တရာ(၂) ၏ အလွဲများ

    ကမ္ဘာကျော်ကော်တရာ(၂) ၏ အလွဲများ

    အောက်တိုဘာ ၁၅ ၊ ၂၀၁၄
    M-Media
    .အိမ်ဝေးသူ(KZ) ရေးသည်။

    1800432_575412392564918_5200495940047183643_n

    မြန်မာဟာသဇာတ်ကား- ကမ္ဘာကျော်ကော်တရာ(၂)
    ဒါရိုက်တာအမည်———ဗန်းကြီး (Ban Gyi)
    အဓိကသရုပ်ဆောင်—–ခန့်စည်သူ၊ စိုးမြတ်သူဇာ

    နိုင်ငံရပ်ခြား ရောက်နေသူအများစု အဓိကတမ်းတတတ်ကြတာက မြန်မာ့ရေမြေရဲ့ အငွေ့အသက်တွေဆိုရင် ငြင်းကြမယ် မထင်ပါဘူး။

    ကျွန်တော့်အတွက်တော့ အဲ့ဒီ့အငွေ့အသက်ကို ပြန်လည်ရနိုင်တာတွေထဲမှာ မြန်မာဟာသကား ကြည့်တာလည်း တစ်ခုအပါအဝင်ပါ။ အားလပ်ရပ်မှာကျွန်တော်ကြိုက်တတ်တဲ့ ဟာသကားများဆိုရင် ကြည့်တတ်ပါတယ်။

    အဲ့ဒါနဲ့ ကမ္ဘာကျော်ကော်တရာ (၂) ကို ကြည့်ဖြစ်တယ်ဆိုပါတော့ဗျာ။

    အဲ့ဒီ့ဇာတ်ကားက (၁) လည်း ထွက်ပြီးသားပါ။

    ကျွန်တော် ပေးထားတဲ့ ခေါင်းစဉ်လိုပဲ တကယ်ကို လွဲပါတယ်။ စိတ်ပျက်စရာ ကောင်းလောက်အောင်ကို လွဲတယ်လို့ပဲ ဆိုပါရစေ။ မြန်မာပြည်မှာ (အစွန်းရောက်ဘာသာရေးသမားတွေကလွဲပြီး) အများစုက ငြိမ်းချမ်းရေးဆိုတဲ့ ခေါင်းစဉ်အောက်ကို အလုအယက် တိုးဝင်နေကြရတဲ့
    ခေတ်ကာလ အချိန်ပါ။

    ရိုးရိုးသားသား ဝန်ခံရရင် အနုပညာရှင်တွေဟာ ( ဘာသာရေး အစွန်းရောက်မှု မှ) ကင်းဝေးရလိမ့်မယ်။ တနည်းအားဖြင့် အနုပညာမှာ ဘာသာစွဲမရှိဘူး၊ ပုဂ္ဂိုလ်စွဲ မဖြစ်သင့်ဘူးလို့ ယူဆပါတယ်။ ညှိနှိုင်းစေ့စပ်ရေးတွေ၊ သင့်မြတ်စွာ နေထိုင်ရေးတွေ လုပ်နေတဲ့အချိန်မှာမှ (ဘာသာရေးထိခိုက်စော်ကားမှုတွေ) ပိုများလာနေသလိုပါပဲ။ ရုပ်အဆိုးဆုံးကတော့ အနုပညာသမားအချို့  အဲ့လို (အောက်တန်းစား) အသုံးအနှုန်းတွေ သုံးနေကြတာပါပဲ။

    ဇာတ်လမ်း၊ ဇာတ်ညွှန်း၊ ဒါရိုက်တာ (ဗန်းကြီး) က ရိုက်ကူးထားတဲ့ ကားမှာ….။

    (၁) ဆာရီဝတ်ထားတဲ့ ကုလားမ(ဂွမ်းပုံ)ကို ပေးထားတဲ့ နာမည်က ( ဖာသမာ) တဲ့။

    (၂) ဟိန္ဒူ နာမည်နဲ့ အစ္စလာမ်နာမည်ကို ကွဲကွဲပြားပြား မသိရှာတာလား။ ?

    (၃) ဇာတ်ဆောင်တွေရဲ့  (ဖာသမာ) ဆိုတဲ့ နာမည်ကို ခေါ်တဲ့အခါတိုင်း ဆိုလိုရင်းက အခြားလှောင်ပြောင်မှု  တစ်မျိုးကို ဦးတည်သလို ခံစားရစေတယ်။

    (၄) ဒီနာမည်ဟာ အစ္စလာမ်ဘာသာဝင်တို့ရဲ့ နောက်ဆုံးတမန်တော်မြတ်ကြီးရဲ့ သမီး တော်အမည် ဖြစ်ပါတယ်။ အမျိုးသမီးထုရဲ့ ခေါင်းဆောင်ဖြစ်တဲ့ သူမရဲ့  နာမည်က ( Fatima ) သခင်မ ဖြစ်ပြီး (Fitam) ဆိုတဲ့ ဝေါဟာက ဆင်းသက်တဲ့ အမည်ဖြစ်ပါတယ်။ အမည်ရဲ့  ဆိုလိုရင်းကိုက နတ်ဆိုးနဲ့ မကောင်းမှုများနဲ့ ဝေးရာမှာ နေခွင့်ရသူ ဖြစ်ပါတယ်။ အဲ့ဒီ့လို မွန်မြတ်တဲ့ အမည်နာမ တစ်ခုကို အခုလို တစ်နိုင်ငံလုံး အတိုင်းအတာ ပြသတဲ့ ဟာသကားတစ်ကားမှာ ပစ်စလက်ခတ် သုံးစွဲထားခြင်းဟာ လုံးဝ မဖြစ်သင့်တဲ့ ကိစ္စတစ်ခုပါ။

    (၅) ဇာတ်လမ်းတစ်နေရာမှာလည်း ဝက်အူချောင်း၊ ဝက်ဆီဖတ် ဆိုတာတွေနဲ့ တမင် ဟာသလုပ်တာမျိုး တွေ့ရတယ်။

    (၆) ဟိန္ဒူ ဆိုရင်တော့ ဝက်သားစားတာတွေ အများကြီးပါ။ (မစားတာလည်း ရှိ) မွတ်စလင်မ်ဆိုရင်တော့ ဝက်သားဆိုတာ မထိ၊ မကိုင်၊ မစားရဘူးလို့ ဘာသာတရားက သတ်မှတ်တားမြစ်ချက်ပါ။ ( ဟာသမဟုတ်ပါ )

    (၇) အနုပညာသမားတွေက အခုလို ဘာသာရေးဆန်ဆန် ခွဲခြားဆက်ဆံ စော်ကားတာမျိုး လုပ်တာဟာ အလွန် အကျည်းတန် ရုပ်ဆိုး လွန်းပါတယ်။(မလိုအပ်ဘူးထင်တဲ့အတွက် ခါးအောက်ပိုင်း ညစ်ညမ်းပြက်လုံးတွေ အကြောင်းကိုတော့ တကူးတက ထည့်မပြောတော့ပါဘူး)

    ဒါရိုက်တာနဲ့ သရုပ်ဆောင်တွေကို အသိပေးချင်တာ တစ်ချိ့ ရှိပါတယ်။

    (က) သန့်ရှင်းတဲ့ အနုပညာကို တန်ဖိုးထား ဖန်တီးစေချင်ပါတယ်။

    (ခ) ဘာသာရေးဆန်တဲ့ ထိပါးပုတ်ခတ်မှု မပါဘဲလည်း ဟာသကား ရိုက်လို့ ရပါတယ်။

    (ဂ) ဇာတ်လမ်းအရ ဘာသာခြားအမည်တစ်ခုခုကို သုံးစွဲရမယ်ဆိုရင်လည်း သေသေချာချာ အရင်လေ့လာစေချင်ပါတယ်။

    (ဃ) နဖူးမှာ အစက်ရှိပြီး ဆာရီဝတ်ထားတဲ့ ကုလားမဆိုတိုင်း အစ္စလာမ်ဘာသာဝင် မဟုတ်ကြောင်းနဲ့ အစ္စလာမ့် အမည်နာမကို ရမ်းသမ်းမသုံးသင့်ကြောင်း သတိထားသင့်ပါတယ်။

    (င) သရုပ်ဆောင်တွေအနေနဲ့လည်း ဇာတ်ညွှန်းအရ အဲ့ဒီလို ပြောရတယ်ဆိုပေမယ့် တကယ်တမ်း အခြားဘာသာတရားတစ်ခုခုကို စော်ကားတဲ့ပုံစံမျိုး ဖြစ်နေတဲ့ ဇာတ်ဝင်ခန်းမျိုးဆိုရင် ရှောင်ရှားသင့်ပါတယ်။

    သန်ရှင်းသော အနုပညာရပ်ဝန်းကိုသာ အစဉ်မပျက်ခိုကွန်းချင်သည့်
    ——————–
    အိမ်ဝေးသူ(KZ)

    Online တွင် အောက်ပါလင်ခ်တွင် ကြည့်ရှုနိုင်ပါသည်။

    Click Here

    ဆက်စပ် ပိုစ်ဖတ်လိုလျှင်

    ” ပါးစပ် porn သမားတို့ ဆင်ခြင်နိုင်ပါစေ”
    http://www.m-mediagroup.com/news/29073

  • အစွန်း / အထင်း

    အစွန်း / အထင်း

    သြဂုတ် ၂၁၊ ၂၀၁၄
    M-Media
    အိမ်ဝေးသူ(KZ)
    10629367_550389565067201_1812935903258270389_o
    ကျွန်တော်သည် အပြစ်အနာအဆာ ကင်းစင်လွန်းသော လူသားတစ်ဦး မဟုတ်ပါ။ သို့သော်…ကျွန်တော်သည် အစွန်းအထင်း များကို ကြောက်ပါသည်။ သေးငယ် ပမွှားလွန်းသော အစွန်းအထင်းတစ်ခုခုကို ကျွန်တော် ကြောက်ပါသည်။ မြင်သာထင်သာလွန်းသော အစွန်းအထင်းတစ်ခုခုကိုလည်း ကျွန်တော် ကြောက်ပါသည်။

    ကျွန်တော့် ဘဝနှင့်ချီသော အတွေ့အကြုံတစ်ခုကို စာဖတ်သူတို့အား မျှဝေပါမည်။

    ကျွန်တော့်ဘဝ သက်တမ်းတစ်လျှောက် အရက်သေစာ သောက်စားမူးယစ်ခဲ့ခြင်း လုံးဝမရှိပါ။

    ဘာသာတရား အဆုံးအမကြောင့် အရက်သည် တားမြစ်ကုန်စည်ဖြစ်ကြောင်း ကျွန်တော် နားလည်ထားပါသည်။ အရက်သောက်လျှင် မူးတတ်ကြောင်း ကျွန်တော်သိထားသည်။

    အရက်သောက်လျှင် မကောင်းမှုများ ကျူးလွန်တတ်ကြောင်း ကျွန်တော် မှတ်သားထားသည်။ ထို့ကြောင့် ထိုအရက်နှင့် အဝေးဆုံးမှာ ကျွန်တော် နေဖြစ်သည်။

    လုပ်ငန်းသဘောအရကြောင့် ဖြစ်စေ၊ မိတ်ရင်းဆွေရင်းများက တိုက်တွန်း၍ ဖြစ်စေ၊ ကျွန်တော့်ထံပါးတွင် သတိနှင့် အသိ ရှိနေသရွေ့  ကျွန်တော် အရက်ခွက်ကို မကိုင်ခဲ့။ အရက်ကို လုံးဝမသောက်ခဲ့။

    အရက်သောက်သည်ဆိုသော ကိစ္စတစ်ခုကြောင့် ကျွန်တော့်ဘဝကို ဘယ်တော့မှ အစွန်းအထင်းမခံ။ အရက်သောက်ခြင်း၊ အရက်ကို ထိတွေ့ ကိုင်တွယ်ခြင်းများကို ရှောင်ကြဉ်သည့် အတွက် ကျွန်တော့်ဘက်က နစ်နာမှုအချို့ ရင်ဆိုင်ရသည်။

    ဥပမာ။။ အလုပ်အကိုင် အခွင့်အရေးနှင့် ပတ်သက်၍ နစ်နာရသည်။ နိုင်ငံခြား ရောက်ခါစက ဟိုတယ်အချို့ နှင့် စားသောက်ဆိုင် အချို့တွင် လုပ်ခငွေကောင်းမွန်သော အခြေအနေများစွာကို ကြုံတွေ့ခဲ့ရသည်။ အခွင့်အရေးကောင်းဟု ဆိုနိုင်သော်လည်း မိမိဆွဲကိုင်ထားသော အယူအဆကြောင့် ထိုငွေကြေး၊ ရာထူးဆိုင်ရာ အခွင့်အရေးများကို ကျေကျေနပ်နပ် လက်လွှတ်ခဲ့သည်။

    “သေးငယ်လွန်းသော အစွန်းအထင်းတစ်ခုသည် ကြီးကျယ်ခမ်းနားလွန်းသော သင့်ဘဝတစ်ခုလုံးကို ထိခိုက် နစ်နာမှုများဖြင့် ပြည့်လျှံ သွားအောင်…  နှစ်မြှုပ် ပစ်နိုင်စွမ်းရှိသည်။”

    ဤနေရာတွင် “သင်၏ ကုလားအုတ်ကိုလည်း ကြိုးဖြင့် တိုင်တွင်မြဲမြံစွာ ချည်နှောင်ပါလေ။ ထိုကုလားအုတ် မပျောက်မပျက် ရှိစေရန် ဘုရားသခင်ထံပါးတွင်လည်း ဆုပန်ပါလေ”  ဟူသော ဘာသာတရား အဆုံးအမတစ်ခုကို လေ့လာမှတ်သားဖူးခဲ့ပါသည်။

    ကုလားအုတ်ကို ကြိုးဖြင့် တိုင်တွင် ချည်နှောင်ခြင်း မပြုဘဲ ဆုတောင်းရုံသက်သက်သည် အချည်းအနှီးဖြစ်သည်။ ထို့အတူ ကုလားအုတ်ကို ချည်နှောင်ထားသော်လည်း ဆုတောင်းခြင်း လုံးဝ ပြုစရမလိုဟု သတ်မှတ်ခြင်းသည်လည်း မပြည့်စုံဟု ဆိုလိုခြင်း ဖြစ်ပေသည်။

    ကျွန်တော့်အနေဖြင့်…

    “ငါ အရက်သောက်တာမှ မဟုတ်တာ၊ အရက်လာသောက်မယ့် Customers ကို ဧည့်ခံတာပဲ၊ ဘာဖြစ်မှာလဲ” ဟူသော အတွေးမျိုး မရှိစေရ။ ကျွန်တော်သည် ထိုအစွန်းအထင်း တစ်ခုကို မကျူးလွန်ချင်သူ အမှန်တကယ် ဖြစ်ပါက ကျွန်တော် ပထမဆုံး လုပ်ရမည့် အလုပ်မှာ “ အရက်များနှင့် ဝေးရာမှာ နေခြင်း၊ အရက်ရှိသည့် နေရများနှင့် ဝေးရာမှာ နေခြင်း” မဟုတ်ပါလား။ အရက် အလွယ်တကူ ရရှိနိုင်သည့် နေရာတွင် နေထိုင်ပြီး “ငါ လုံးဝ အရက်မသောက်ဘူး”ဟု စိတ်ပိုင်းဖြတ် ထားသော်လည်း ထိုဆုံးဖြတ်ချက်သည် မည်မျှ ခိုင်မာတည်တံ့နိုင်ပါမည်နည်း။ ပတ်ဝန်းကျင်က ကျွန်တော့်ကို တွန်းအားပေးလွန်းသည့် တစ်နေ့တွင် ထိုအစွန်းအထင်းကို ကျွန်တော်ကိုယ်တိုင် ကျူးလွန်မိပေလိမ့်မည်။

    အစွန်းအထင်းများသည် တစ်ခုနှင့်တစ်ခု ဆက်စပ်လျက်ရှိသည်။ အရက်သောက်ခြင်း ဟူသော အစွန်းအထင်း တစ်ခုသည် သူတစ်ပါး သားပျိုသမီးပျိုများကို ဖျက်ဆီးခြင်း၊ သူတစ်ပါးအသက်အန္တရာယ်ကို ထိပါးရန်စခြင်း၊ မိမိကိုယ်ကိုယ် မထိန်းသိမ်းနိုင်ဘဲ အသက်ဘေးဖြင့် ကြုံစေနိုင်ခြင်း စသည့် ဆင့်ကဲအစွန်းအထင်းများစွာနှင့် ဆက်စပ်လျက်ရှိသည်။

    ကျွန်တော် အရက်မသောက်သော်လည်း အရက်ဆိုင်မှာ အလုပ်လုပ်မည်ဆိုပါက အချိန်ကာလ ကြာမြင့်သောအခါ ပတ်ဝန်းကျင်၏ တွန်းပို့မှုကြောင့် ကျွန်တော် အရက်သောက်တတ်လာမည်။

    တစ်လမှာ အရက်တစ်ခွက်၊ တစ်ပတ်မှာ အရက်တစ်ခွက်၊ နေ့စဉ် အရက်တစ်ခွက် အစရှိသဖြင့် တစ်ဖြည်းဖြည်း မိမိကိုယ်ကို တစ်ဆင့်စီ လျှော့ချပစ်လိုက်မိမည်။

    အရက်ကိုပါ တွဲရောင်းသည့် စားသောက်ဆိုင်တွင်ပင် အလုပ်မလုပ်နိုင်ဟု သတ်မှတ်ထားခဲ့သည့်အတွက် ထိုခိုင်မာသော စိတ်ဓာတ်က ကျွန်တော့်ကို အရက်မှ ကင်းဝေးအောင် ထိန်းသိမ်းသည်။ အကယ်၍ ကျွန်တော်သာအလွယ်လမ်းကိုလိုက်၍ အရက်ဆိုင်တွင် တစ်လမျှ အလုပ်လုပ်ခဲ့ဖူးသူဖြစ်လျှင် အလုပ်အကိုင် အကျပ်အတည်းဖြင့် ကြုံတွေ့လာပါက “ အရင်တုန်းက ငါ… ဒီအလုပ်ကို လုပ်ခဲ့သေးတာပဲ၊ ဒီတစ်ခါလေး လုပ်တော့လည်း ဘာဖြစ်သွားမှာလဲ” ဟူသော စိတ်က အနိုင်ယူပေလိမ့်မည်။

    မိမိဘဝတွင် အစွန်းအထင်း တစ်ခုမျှ မရှိစေလိုလျှင် မိမိကိုယ်တိုင် ထိုအရာကို ရွံရှာတတ်ရမည်။ ထိုအစွန်းအထင်းမျိုးနှင့် ဝေးကွာစွာနေရမည်။ “တစ်ခါလောက်တော့ စမ်းကြည့်တာပေါ့” ဟူသော စူးစမ်းစိတ်မျိုးကို ရှောင်ကြဉ်ရမည်။ အစွန်းအထင်းတစ်ခု ရှိနေပြီဆိုပါက နောက်ထပ်အစွန်းအထင်းတစ်ခု မိမိဘဝထဲသို့ ဝင်ရောက်ဖို့ လွယ်ကူသည်။ အစွန်းအထင်းများစွာဖြင့် ပြည့်နှက်လာပြီဆိုပါက မိမိဘဝ လူလုံးမလှ ဖြစ်ရပေလိမ့်မည်။

    နိဂုံးချုပ်ပါမည်။

    အစွန်းတစ်ခုသည် သေးငယ်သည် ဖြစ်စေ၊ ကြီးမားသည် ဖြစ်စေ အများအမြင်၌ မတင့်တယ်ဘဲ အထင်းသား ဖြစ်နေပေလိမ့်မည်။

    အိမ်ဝေးသူ(KZ)

    ဝန်ခံချက်။

    {အရက်သောက်ခြင်းဟူသော အစွန်းအထင်း} ကို ဖော်ပြခြင်းမှာ မြင်လွယ်သော ဥပမာတစ်ခု ပေးခဲ့ခြင်းသာ ဖြစ်ပါသည်။ အကြောင်းအမျိုးမျိုးကြောင့် ယမကာကို သုံးစွဲနေရသူများကို နစ်နာစေလိုသောစိတ်ဖြင့် တင်ပြခဲ့ခြင်း အလျဉ်းမဟုတ်ပါကြောင်း။

  • မငိုပါနဲ့ ဂါဇာ (ကဗျာ)

    မငိုပါနဲ့ ဂါဇာ (ကဗျာ)

    ဇူလိုင် ၁၆ ၊ ၂၀၁၄
    M-Media
    ရေးသူ- အိမ်ဝေးသူ (KZ)
    1969251_536845289754962_811406001836792092_n
    ရာဇဝင်ချီခမ်းနားခဲ့တဲ့ မင်းတို့ရဲ့ မြေ
    ရာဇဝင်မရိုင်းရလေအောင်
    ရန်စွယ်မှန်သမျှ စိန်ခေါ်ရင်ဆိုင်လိုက်ပါ ဂါဇာ။

    ခွန်အားနဲ့ သိက္ခာတရားဆိုတာ
    အသျှင်ကလွဲပြီး ဘယ်သူ့မှ မပိုင်ဆိုင်ကြောင်း
    ကမ္ဘာကို သက်သေပြပါ ဂါဇာ။

    တိုင်းပြည်ရဲ့ ဂုဏ်သိက္ခာ၊ လူမျိုးရဲ့ ယုံကြည်ရာဟာ
    အကောင်းဆုံး တန်ပြန်တွန်းအားဖြစ်ကြောင်း
    ကမ္ဘာကို မြင်အောင်ပြပါ ဂါဇာ။

    ကြောက်ရွံ့မှုကို ကျော်လွှား၊
    ဖိနှိပ်မှုထဲက ရုန်းထွက်ပြီး ရလာမယ့် အောင်မြင်ကို
    ကမ္ဘာသူ၊ကမ္ဘာသားတွေ မြင်ပါစေ ဂါဇာ။

    ဂါဇာ
    ဖြတ်သန်းရာ လမ်းတစ်လျှောက်မှာ
    နှုတ်ဆိတ်သူတွေလည်း ရှိမယ်။
    အသက်ပေးကူညီသူတွေလည်း ရှိမယ်။
    သစ္စာဖောက်တတ်တဲ့ သူတွေလည်း ရှိမယ်။
    သစ္စာစောင့်သိတဲ့ သူတွေလည်း ရှိမယ်။
    ပွဲလန့်တုန်း ဖျာခင်းမယ့်သူတွေလည်း ရှိမယ်။
    ပျားတွေလို စုစည်းမယ့် သူတွေလည်း ရှိတယ်။

    မငိုပါနဲ့ ဂါဇာ
    မင်းအပေါ်မှာ ဒုံးပျံတွေ ရှိပေမယ့်
    ဒုံးပျံတွေအပေါ်မှာ မင်းအသျှင် ရှိနေတယ်။
    မင်းဘက်မှာ…မင့်အသျှင် ရှိနေတဲ့နောက်
    မငိုနဲ့တော့…ဂါဇာ။

    အိမ်ဝေးသူ (KZ)