သြဂုတ် ၂၆၊ ၂၀၁၆
M-Media
– ယခုနှစ်အစောပိုင်းက လှုပ်ခတ်ခဲ့သည့် ငလျင်ကြောင့် ပျက်ဆီးသွားသည့် ဒေသများအား ပြန်လည်တည်ဆောက်ပြုပြင်ရန်အတွက် အီရန်နိုင်ငံက အီကွေဒေါ်အား ကန်ဒေါ်လာ သန်း ၁၀၀ ချေးရန် သဘောတူညီခဲ့သည်ဟု သိရသည်။
ထိုသဘောတူညီချက်ကို အီကွေဒေါနိုင်ငံသို့ ရောက်ရှိသည့် အီရန်နိုင်ငံခြားရေးဝန်ကြီး မိုဟာမက် ဇာရစ်ဖ်နှင့် အီကွေဒေါ နိုင်ငံခြားရေ၀န်ကြီး ဂူလာယူမီ လောင်းတို့ ယမန်နေ့က ပူးတွဲပြုလုပ်သော သတင်းစာရှင်းလင်းပွဲတွင် ကြေငြာခဲ့ခြင်းဖြစ်သည်။
အီကွေဒေါနိုင်ငံတွင် ဧပြီလက ရစ်ခ်ျတာစကေး ၇.၈ ပြင်းအားရှိသည့် အင်အားကြီးငလျင်တစ်ခုလှုပ်ခတ်သွားပြီး လူ ၃၀၀ နီးပါး သေဆုံးခဲ့သည်။
ဇာရစ်ဖ်ကမူ အဆိုပါချေးငွေကို သိပ္ပံ၊ နည်းပညာနှင့် သုတေသနနယ်ပယ်များတွင် အသုံးပြုနိုင်ကြောင်း ပြောကြားခဲ့ပြီး အီကွေဒေါနိုင်ငံခြားရေးဝန်ကြီးကလည်း အီရန်နိုင်ငံ၏ နည်းပညာ၊ သိပ္ပံနှင့် ဇီဝနည်းပညာနယ်ပယ်များတွင် တိုးတက်မှုများကို လေးစားအားကျမိသည်ဟု ဖွင့်ဟခဲ့သည်။
အီကွေဒေါနှင့် အီရန်တို့မှာ ဘဏ်လုပ်ငန်းနှင့် စိုက်ပျိုးရေးလုပ်ငန်းများတွင်လည်း ပူးပေါင်းဆောင်ရွက်ရေး သဘောတူညီချက် ၂ ခု ရရှိခဲ့သည်။
“ကျွန်တော်တို့အနေနဲ့ ပြည်သူ့ရေးရာနဲ့ ပြည်သူ့ဝန်ဆောင်မှု အပိုင်းတွေနဲ့အတူ နှစ်နိုင်ငံ အပြန်အလှန်ကုန်သွယ်ရေးကဏ္ဍတွေနဲ့ပက်သက်လို့ အင်မတန် အကျိုးရှိတဲ့ ဆွေးနွေးမှုတွေ ရှိခဲ့ပါတယ်” ဟု ဇာရစ်ဖ်က ပြောကြားခဲ့သည်။
Ref : IINA
