News @ M-Media

Tag: Editorial

  • မစားဘဲစွန့်သူနဲ့  မစွန့်ဘဲစားသူ (Editorial)

    မစားဘဲစွန့်သူနဲ့ မစွန့်ဘဲစားသူ (Editorial)

    ဖေဖော်ဝါရီ ၂ ၊ ၂၀၁၅
    M-Media (Editorial)
    r
    အခုတလော အမျိုးသားပညာရေးဥပဒေကို ဆန့်ကျင်တဲ့ ကျောင်းသားသပိတ်စစ်ကြောင်းကိစ္စဟာ အတော်ရေပန်းစားတဲ့ သတင်းတစ်ပုဒ်ဖြစ်နေပါတယ်။ ဒီသပိတ်စစ်ကြောင်းရဲ့ အကျိုးရလဒ်အဖြစ်  လေးပွင့်ဆိုင်ဆွေးနွေးပွဲ ပေါ်ပေါက် လာတာကိုလည်း တွေ့ရပါတယ်။

    ကျောင်းသားတွေဘက်ကတော့ ဒီဆွေးနွေးပွဲရလဒ်အဖြေ ကောင်း၊ မကောင်းဆိုတာကို ဆက်ပြီးစောင့်ကြည့်နေဦးမယ့် အနေအထားပါပဲ။

    အမျိုးသားပညာရေးဥပဒေရဲ့ အသွင်ကူးပြောင်းရေးကာလသတ်မှတ်ချက်ဟာ ၅ နှစ်ဖြစ်ပါတယ်။ ဒီဥပဒေပြောင်းသွား၊ ကောင်းသွား၊ ပြည့်စုံသွား လို့ ပညာရေး စနစ်ကောင်းသွားလို့ အကျိုးခံစားရရင်လည်း နောက် ၅ နှစ်အကြာမှာ ကျောင်းဆက်တက်ကြမယ့် မျိုးဆက်သစ်တွေ သာ ခံစားကြရမှာပါ။ အခုသပိတ်မှောက် တိုက်ပွဲဝင်နေကြတဲ့ ကျောင်းသားတွေ ဟာ အဲဒီအချိန်မှာ ကျောင်းပြီးကုန်ကြပါပြီ။ အခန့်မသင့်ရင် ကျောင်း ထုတ်ခံရတာ၊ ထောင် ကျမှာတွေတောင် ရှိကောင်းရှိနိုင်ပါတယ်။ သူတို့ တိုက်ပွဲဝင်ပြီး ပြုပြင်ပြောင်းလဲယူဖို့ ကြိုးစားနေတဲ့ ပညာရေးဥပဒေဟာ သူတို့အတွက် မဟုတ်ဘူးဆိုတာ ထင်ရှားပါတယ်။

    ဒီလိုပဲ ၁၉၂၀၊ ဒီဇင်ဘာ ၅ ရက်မှာ နယ်ချဲ့အင်္ဂလိပ်ရဲ့ တက္ကသိုလ်၊ ကောလိပ်ပညာရေးဥပဒေကို ကျောင်းသားတွေ သပိတ်မှောက်ခဲ့ကြဖူးပါတယ်။ အဲဒီသပိတ်မှာ ကျောင်းသားတွေ ဘယ်လောက် စွန့်လွှတ် အနစ်နာခံခဲ့ကြသလဲဆိုတာ ဦးဖိုးကျားရေးတဲ့ အမျိုးသားနေ့ဆောင်းပါး(လက်ရှိ တက္ကသိုလ်ဝင်တန်း မြန်မာစာပြဋ္ဌာန်းစကားပြေ)မှာ လေ့လာကြည့်နိုင်ပါတယ်။ အစားဆင်းရဲ၊ အနေဆင်းရဲဘ၀ပါ။ ကျောင်းပြီးတာနဲ့ မြို့အုပ်၊ ဓနရှင်၊ အရာရှိအရာခံတွေဖြစ်လုဆဲဆဲမှာ သပိတ်ကြောင့် မျှော်လင့်ချက်အိပ်မက်တွေကို စွန့်လွှတ်ခဲ့ကြရပါတယ်။ မိဘတွေ ရင်ထုမနာ ဖြစ်ကြရပါတယ်။ အဲဒီအချိန်က ဒီကလေးတွေ အုတ်နံရံကို ခေါင်းနဲ့တိုက်နေကြတာပါကွာ။ ဘာမှမသိဘဲ အပျော်အပြက်လျှောက်လုပ်နေကြတာပါ။ သူများယောင်လို့ ယောင်နေကြတာပါ။ သူတို့ဆန့်ကျင်နေတဲ့ ဥပဒေကို သူတို့ကိုယ်တိုင်လည်း သိတဲ့ကောင်တွေ မဟုတ်ပါဘူးကွာ စသဖြင့် ကရော်ကမည်ပြောဆိုပြီး သေးသိမ်အောင် ရှုံ့ချကြတဲ့ မြန်မာပြည်သူထဲက ပြည်သူများလည်း ဒုနဲ့ဒေးရှိခဲ့ကြပါတယ်။

    ဒါပေမဲ့ အဲဒီသပိတ်ကြောင့် မြန်မာတွေနိုးကြားမှု စခဲ့တယ်။ အဲဒီသပိတ်ကြောင့် ပညာရေးကတစ်ဆင့် တိုင်းပြည်ဟာ (ဦးဖိုးကျားစကား ကိုးကားပြောရရင်) အနှစ် ၃၀ စာလောက် ခုန်ကျော် တိုးတက်သွားတယ်။ နောက်ဆုံး အမျိုးသားနေ့ဆိုတာ အဲဒီသပိတ်ကို အကြောင်းပြုပြီး ပေါ်လာတယ်။ အမျိုးသား ကျောင်းထွက်တွေက လွတ်လပ်ရေးတိုက်ပွဲဝင်တွေဖြစ်လာတယ်။ ခြုံပြောရရင် အဲဒီသပိတ်က စတဲ့ ခြေတစ်လှမ်းက လွတ်လပ်ရေးအောင်ပန်းဆွတ်နိုင်တဲ့အထိ ခရီးဆန့်နိုင်ခဲ့တယ်ဆိုတာ သမိုင်းက သက်သေပဲဖြစ်ပါတယ်။

    အဲဒီအချိန်က သပိတ်တိုက်ပွဲဝင်ခဲ့တဲ့ ကျောင်းသားတွေဟာ ဒုက္ခမျိုးစုံကြုံခဲ့ရသလို ကျောင်းဆက် မတက်နိုင်တော့တဲ့ ဘ၀လည်း ရောက်ခဲ့ရပါတယ်။ အလုပ်အကိုင် အခွင့်အလမ်းတွေလည်း ဆုံးရှုံးခဲ့ရတယ်။ ဒါကြောင့် သူတို့ဟာ စွန့်ရုံစွန့်ခဲ့ကြသူတွေဖြစ်ပြီး အသီးအပွင့်ကိုတော့ မစားခဲ့ရသူတွေပါ။ သူတို့ကို ဝေဖန်ပုတ်ခတ် အပြစ်တင်ရှုံ့ချကြသူတွေရဲ့ သားသမီးတွေ၊ နောင်လာနောက်သားတွေ ကတော့ ဘာမှ မစွန့်လိုက်ရဘဲ အသီး အပွင့်စားသုံးခဲ့ရပါတယ်။ ရှေးလူတွေ မစားရဘဲ စွန့်ခဲ့လို့ နှောင်းလူတွေ မစွန့်ရဘဲ စားနေကြရတာမဟုတ်ပါလား။

    အခုလည်း အမျိုးသားပညာရေးဥပဒေကို ကန့်ကွက် ဆန္ဒပြနေကြတဲ့ ကျောင်းသားတွေကို စာနာမှု၊ လေးစားဂုဏ်ယူမှုတွေနဲ့ အားပေးကြ၊ ဖေးမကြ၊ သူတို့ လုပ်မှားကိုင်မှား ဆုံးဖြတ်မှားဖြစ်မှာကို စိုးရိမ်ကြ၊ သူတို့ဆီ မမြင်နိုင်တဲ့ ဘေး အန္တရာယ်တွေ၊ ထောင်ချောက်တွေ ကျရောက်မှာကို ပူပန်ကြတဲ့ပြည်သူတွေ ရှိနေပေမဲ့ အမနာပ ဝေဖန်ရှုံ့ချနေသူတွေ၊ နာမည်ကြီးချင်လို့လား၊ အလှူခံကောင်းအောင်လို့လား၊ နိုင်ငံရေးအမြတ်ထုတ်တာလားလို့ အမြင်မကြည်မေးငေါ့ချင်ကြသူတွေ၊ ရှုပ်တယ်ကွာ ကိုယ့်ဘာသာကိုယ် စာကောင်းကောင်း မသင်ဘဲ တိုင်းပြည်ဆူပူအောင် လုပ်နေတယ်လို့ ပြစ်တင်ကဲ့ရဲ့နေသူတွေလည်း ရှိနေပါတယ်။

    တကယ်တော့ ကျောင်းသားတွေဟာ တိုင်းပြည်ဖွံ့ဖြိုးရေးရဲ့ အဓိကသော့ချက်ဖြစ်တဲ့ အမျိုးသားပညာရေးဥပဒေကို အကောင်းဆုံးဖြစ်အောင် ပြုပြင်ပြောင်းလဲနိုင်ခဲ့ပြီဆိုရင် သူတို့စွန့်ပြီး စိုက်ခဲ့တဲ့အသီးအပွင့်ကို သူတို့စားရမှာမဟုတ်ဘဲ ဝေဖန်၊ အထင်သေး၊ ပြစ်တင်ကဲ့ရဲ့၊ သားပုပ်လေလွင့်ပြောဆို၊ ဆဲရေးတိုင်းထွာနေကြသူတွေ၊ ခြိမ်းခြောက်ကြိမ်းမောင်းကြသူတွေ၊ ရန်သူလိုသဘောထားပြီး အသိအမှတ်ပြုဖို့ကို ရှက်ကြောက်နေသူတွေရဲ့ သားသမီးမြေးမြစ်တွေသာ ဘာမှ မစွန့်လိုက်ရဘဲ အချောင်စားရမှာ ဆိုတာကို  ထိုအသိခေါက်ခက်အ၀င်နက်သူများ သိမှသိကြပါလေစ။

    M-Media ပရိသတ်များ ပညာအလင်းနဲ့ ထင်းရှင်းနိုင်ကြပါစေ။

    Photo Credit =>ဒီမိုကရေစီပညာရေး လှုပ်ရှားမှု ဦးဆောင်ကော်မတီ FB

  • အလဲဗင်း ရဲ့ အမ်မီဒီယာကို ဒုတိယအကြိမ် အစွန်းရောက်လို့ သုံးထားတာနဲ့ ပတ်သက်ပြီး တုန့်ပြန်ချက်

    အလဲဗင်း ရဲ့ အမ်မီဒီယာကို ဒုတိယအကြိမ် အစွန်းရောက်လို့ သုံးထားတာနဲ့ ပတ်သက်ပြီး တုန့်ပြန်ချက်

    ဇန်နဝါရီ ၁၈ ၊ ၂၀၁၅
    M-Media
    Yellow-Journalism copy
    အလဲဗင်း မီဒီယာဂရုဟာ ယနေ့ ဇန်န၀ါရီလ ၁၈ ၊ ၂၀၁၅ မှာ “မစ္စရန် ဟီးလီနဲ့ မစ္စတာ ဘန်ကီမွန်တို့ သိထားဖို့က ဖြစ်နေတဲ့ပြဿနာဟာ ရခိုင်တိုင်းရင်းသား လူမျိုးများနဲ့ ဘင်္ဂါလီ ရိုဟင်ဂျာများကြားက ပြဿနာ  မဟုတ်ပါခင်ဗျာ” ဆိုတဲ့ခေါင်းစဉ်နဲ့  ဘင်္ဂါလီရှုတ်ချရေး ၊ ရခိုင်အစွန်းရောက် ၀ါဒ ပရိုမုတ်ရှင်း လုပ်ရင်းနဲ့ ကမ္ဘာ့ ကုလသမဂ္ဂ ဆန့်ကျင်ရေးတို့ကို အာသာပြင်းပြင်းနဲ့  ဇောင်းပေးရေးသား ထားတဲ့ ဆောင်းပါး ဆန်ဆန် စာတမ်း တစ်ခုကို တင်ပြခဲ့ပါတယ်။ ရေးသားသူက နေထွန်းနိုင်ဆိုသူဖြစ်ပါတယ်။  Link

    ဘာကြောင့်ရေးသား ရသလဲဆိုတာကို လေ့လာဆန်းစစ်တဲ့အခါ အောက်ပါ အတုိုင်း တွေ့ရပါတယ်။ အဲဒီစာတမ်းရှည်ရဲ့အမှတ်စဉ် ၄ မှာ နေထွန်းနိုင်ဆိုသူရေးသား ထားတာက

    “အာဆီယံ ထိပ်သီး ဆွေးနွေးပွဲ ကာလမှာ မစ္စတာ ဘန်ကီမွန်က သတင်းဌာန ဆယ်ခုနဲ့ သီးသန့် သတင်းစာ ရှင်းလင်းပွဲ လုပ်ပါတယ်။ Eleven Media Group ကို မခေါ်ပါဘူး။ သူ့အတိုင်းပဲ မစ္စရန်ဟီးက ပုဂ္ဂလိက မီဒီယာ သမားတွေနဲ့ တွေ့ပါတယ်။ Eleven Media Group မပါပါဘူး။” လို့ဖြစ်ပါတယ်။

    နိုင်ငံတကာမှာ မျက်နှာပန်း မလှ အရာပေးစာရင်း အသွင်းမခံရခြင်းကပင့် မြန်မာပြည်က နံပါတ် ၁ မီဒီယာကြီး ခံပြင်း အမျက် ထွက်စရာဖြစ်နေတယ်ဆိုတာ ၊ အဲဒါကြောင့် အခုလို အတင်းအဖျင်း စာတမ်းကို ရေးသားရတယ်ဆိုတာ ထင်သာမြင်သာလွန်းလှပါတယ်။

    အဲဒီကုလဆန့်ကျင်ရေး အပုတ်ချရေးစာတမ်းမှာ ရေးသားသူနေထွန်းနိုင် ဆိုသူက “သူတို့ ခြောက်ဦးထဲမှာ ပါတဲ့ ဦးစည်သူအောင်မြင့်က အထူး ပြောစရာ မလိုပါဘူး။ အစ္စလာမ်မစ် အစွန်းရောက်တွေ တည်ထောင်ထားတဲ့ မွတ်ဆလင် ဝါဒဖြန့်ချိရေး Mmedia က သူတို့ ဝက်ဘ် စာမျက်နှာမှာ နေရာပေး ဖော်ပြလောက်ရတဲ့ အထိ ဆောင်းပါးများစွာ ရေးခဲ့ပါတယ်။” လို့ ထည့်သွင်းရေးသားထားပါတယ်။

    ဒါဟာဆိုရင် အလဲဗင်းရဲ့ အမ်မီဒီယာကို ဒုတိယ အကြိမ်မြောက် အစ္စလာမ်မစ် အစွန်းရောက်လို့ အရမ်းကာရော အထောက်အထားမဲ့ ဆိုထားခြင်းဖြစ်ပါတယ်။

    အလဲဗင်းရဲ့ ဇွန်လ ၇ ရက်၊ ၂၀၁၃ ထုတ် သတင်းစာမျက်နှာဖုံး ဆောင်းပါးမှာလည်း အမ်မီဒီယာကို အစွန်းရောက် မီဒီယာလို့ အထောက်အထားမဲ့ သုံးနှုံးဖော်ပြခဲ့တာကြောင့် အမ်မီဒီယာက အဲဒီခုနှစ် ဇွန်လ ၂၉  ရက်နေ့မှာ အခုလို တုန့်ပြန်ခဲ့ဖူးပါတယ်။
    Link => http://www.m-mediagroup.com/news/15383

    ကျနော်များ အမ်မီဒီယာ ဂရုဟာ မိမိတို့ရဲ့ မူအတိုင်း ငြိမ်းချမ်းစွာ အတူယှဉ်တွဲနေထိုင်ရေးနဲ့ ဘာသာတရားများ အကြား နားလည်မှု ရှိရေးတို့ကို အလေးပေး အရေးထားပြီး ဆောင်းပါးသတင်း တွေကို တင်ဆက့်ခြင်း မျိုးသာရှိပါတယ်။ ဒါကြောင့် အလဲဗင်းဂရု အနေနဲ့ မိမိတို့  အမ်မီဒီယာကို အခြေအမြစ်မဲ့ စွပ်စွဲ အပုတ်ချ အမြတ်ထုတ်တာဟာ မေးခွန်းထုတ် ဖွယ်ရာပါပဲ။

    အမ်မီဒီယာဂရုဟာ မြန်မာပြည်မှာရှိတဲ့ လူများစု ဗုဒ္ဓဘာသာဝင်တွေကို ခုခံ တုိုက်ခိုက် အကြမ်းဖက်ဖို့ သွေးထိုးလှုံဆော်နေတဲ့ မီဒီယာ မဟုတ်သလို ၊ ဘာသာကွဲ လူမျိုးတမျိုးကိုိုတော့ဖြင့် ချောင်ပိတ်ပြီး လူများစုက ၀ိုင်းကြဉ်သွားရလေအောင် ရည်ရွယ်ချက် ရှိရှိ လုပ်ဆောင်နေတဲ့ မီဒီယာ မဟုတ်ဘူးဆိုတာ အမ်မီဒီယာရဲ့တရားဝင် ၀က်ဘ်ဆိုက်ဒ်ကို အကြမ်းဖျဉ်းကြည့်ရှုရုံနဲ့ သိသာပါတယ်။ ဒါကြောင့်လည်း ယခင်ပြန်ကြားရေး ဒုဝန်ကြီး ၊ ယခုပြန်ကြားရေး ၀န်ကြီး ဦးရဲထွဋ် အပါအ၀င် ဂုဏ်သရေရှိလူကြီးတွေက အမ်မီဒီယာရဲ့ အင်တာဖိတ်ဆိုင်ရာ သတင်းဆောင်းပါးတွေကို ပြန်လည် ဝေမျှလေ့ရှိခဲ့ကြပါတယ်။

    ကမ္ဘာကျော် AP သတင်းဌာန ဗျူရို တာဝန်ခံချုပ်ဖြစ်တဲ့ Todd Pitman ဟာ အမ်မီဒီယာ အင်္ဂလိပ်ပိုင်းကို Follow လုပ်ထား သူဖြစ်ပါတယ်။ မြန်မာပြည်က လူသိများလှတဲ့ ကမ္ဘာကျော် ဂျာနယ်လစ်နဲ့ လူ့အခွင့်အရေးသမား Benedict Rogers ကတော့ အမ်မီဒီယာကို အလေးထား စောင့်ကြည့်ဖတ်ရှု  သတင်းယူသူဖြစ်ပါတယ်။

    ကမ္ဘာ့အဆင့်ရှိ ဂျာနယ်လစ်တွေက အဲဒီလိုမျိုး အသိအမှတ်ပြုထားတဲ့ အမ်မီဒီယာကို အလဲဗင်းက ဘယ်လို အကြောင်း အချက်များကြောင့် အစ္စလာမ်မစ် အစွန်းရောက်လို့ သုံးစွဲရတာပါလဲ။ အကယ်၍ အမ်မီဒီယာမှာ အစွန်းရောက် သတင်းဆောင်းပါး တစ်ခုတစ်လေများရှိရင် သက်သေ သာဓက အဖြစ် ထောက်ပြဖို့ရာ အလဲဗင်းဂရုနဲ့ နေထွန်းနိုင်ဆိုသူကို ကျနော်များ အယ်ဒီတာ အဖွဲ့က တောင်းဆို လိုက်ပါတယ်။

    နေထွန်းနိုင်ဆိုသူ ရေးသား တင်ပြထားတဲ့ ကုလ အပုတ်ချရေး၊ ရခိုင် အစွန်းရောက် အမျိုးသားရေး ပရိုမုတ်ရှင်း စာတမ်းရှည်မှာ ဦးစည်သူအောင်မြင့်နဲ့  ဧရာဝတီကဲ့သို့ အခြား ဂုဏ်သရေရှိ ပြိုင်ဘက် ဂျာနယ်များကို မွတ်စလင် အရေး ဇောင်းပေးတင်ပြပါတယ်ဆိုပြီး စွပ်စွဲထားပြန် ပါသေးတယ်။ အဲဒီလို လုပ်လိုက်ခြင်းအားဖြင့် မွတ်စလင် မုန်းတီးရေး အခြေခံ စိတ်ဓါတ်အားကြီးမားလှတဲ့ သူတွေဟာ ဧရာဝတီ၊ မဇ္ဈိမနဲ့ ဦးစည်သူအောင်မြင့် စသူတို့ကို အလွန် လွယ်ကူစွာနဲ့ပဲ နှာခေါင်းရှုတ် ဆန့်ကျင် သွားကြမှာ ဖြစ်ပါတယ်။ ဒါဟာ အလဲဗင်းရဲ့ အ၀ါရောင် ဂျာနယ် လစ်ဇင်လုပ်ရပ်၊ ခြေထိုး အမြတ်ထုတ်တဲ့ လုပ်ရပ်ပဲဖြစ်တယ်လို့ သုံးသပ်ရပါတယ်။

    နေထွန်းနုိုင်ဆိုသူ ရေးသား တင်ပြထားတဲ့ ကုလ အပုတ်ချရေး စာတမ်းရှည်ဟာ တကယ်တမ်း ခြုံငုံ သုံးသပ်ရရင် နိုင်ငံတကာကို အပုတ်ချ ဆန့်ကျင်ရင်း အစွန်းရောက် ဘာသာရေး ၊ အစွန်းရောက် အမျိုးသားရေး ၀ါဒတွေ သွတ်သွင်းခဲ့တဲ့ နာဇီပါတီရဲ့လုပ်ရပ် နဲ့ ထပ်တူညီနေ တာကြောင့် အလွန် အန္တရာယ်ကြီးမားလှတဲ့ ၀ါဒဖြန့်ချိမှု ဖြစ်ပါတယ်။

    “ ရခုိုင် – ရိုဟင်ဂျာ” အရေးမှာ ရခိုင် အစွန်းရောက်ပြဿနာကို မဖြေရှင်းနိုင်တဲ့ မြန်မာ အစိုးရကသာ အဓိက ဝေဖန်ထိုက်ပါတယ်။ ရခုိုင်ပြည်နယ် အရေးနဲ့ပတ်သတ်ပြီး ဒါမျိုး ဝေဖန်ရေးဆောင်းပါးတွေကို အမ်မီဒီယာက အစဉ်အဆက် တင်ပြလာခဲ့တာပါ။ ကမ္ဘာကျော် မီဒီယာကြီးတွေဖြစ်ကြတဲ့ နယူးယောက်တိုင်းမ်စ် ၊ ၀ါရှင်တန်တိုင်းမ်စ် ၊ ဝေါလ်စထရိဂျာနယ် နဲ့ အေပီစတဲ့ သတင်းဌာန တွေကလည်း အမ်မီဒီယာရဲ့ လုပ်ဆောင်ပုံ အတိုင်း ရခုိုင်အစွန်းရောက်ကို ဝေဖန်ပြီး ပြဿနာကို ဒီအတိုင်း ထားထားတဲ့ မြန်မာအစိုးရကိုသာ ဖိအားပေးနေကြတာဖြစ်ပါတယ်။ ဒါကြောင့် အလဲဗင်းက အဲဒီကမ္ဘာကျော် မီဒီယာကြီးတွေကိုရော အစွန်းရောက် စာရင်းသွင်းထားလေ သလား သံသယ၀င်မိပါတယ်။

    အချုပ်ဆိုရရင်တော့ အလဲဗင်းရဲ့ အမ်မီဒီယာကို စွပ်စွဲချက်ဟာ အထောက်အထားမဲ့ဖြစ်ပါ တယ်။ နေထွန်းနုိုင်ဆိုသူရဲ့ စာတမ်းရှည်ဟာ ကုလ အပုတ်ချရေး ၊ ရခုိုင်အစွန်းရောက် ပရိုမုတ် လုပ်ရေးတွေကို အဓိက ဇောင်းပေးထားတာကြောင့် မြန်မာပြည်ကြီးလည်း အိုင်အက်စ်အို်င်အက်စ်ဆိုတဲ့ ကြောက်မက်ဖွယ် အစွန်းရောက်အစ္စလာမ်မစ်နိုင်ငံ အဖွဲ့လိုမျိုး ၀ိုင်းကြဉ်ခံရတဲ့ အထီးတည်းနုိုင်ငံကြီး ဖြစ်လာမယ့် အရေး ရှိနေတာကြောင့် အများပြည်သူ အတွက် မသင့်တော်တဲ့ အထူးစိုးရိမ်စရာ အန္တရာယ်ရှိ စာတမ်းအဖြစ် ရှုတ်ချ ကန့်ကွက်အပ်ပါတယ်။

    ဆက်စပ် သတင်းဆောင်းပါးများ ဖတ်လိုလျှင်
    ================
    အမ်မီဒီယာ မှ တင်ဆက်ခဲ့သည့် ငြိမ်းချမ်းစွာ အတူ ယှဉ်တွဲနေထိုင်ရေး အင်တာဖိတ်သတင်းနှင့် ဆောင်းပါးများ အပုဒ် ၆၀ နီးပါးရှိသည်။
    http://www.m-mediagroup.com/news/tag/interfaith

    အလဲဗင်းမှ အမ်-မီဒီယာအား အစွန်းရောက်ဟု အခြေအမြစ်မဲ့တိုက်ခိုက်မှုအပေါ် အမ်-မီဒီယာ၏ တုန့်ပြန်ချက်
     http://www.m-mediagroup.com/news/15383

  • “လွတ်လပ်မှုရဲ့စည်း” (Editorial)

    “လွတ်လပ်မှုရဲ့စည်း” (Editorial)

    ဇန်နဝါရီ ၁၅၊ ၂၀၁၅
    M-Media (အယ်ဒီတာ့ အာဘော်)
    letterbox
    ”လွတ်လပ်ရေးရပြီဆိုပြီး လမ်းမပေါ်မှာဆေးရိုးလှမ်းတယ်”လို့ ဗိုလ်ချုပ်အောင်ဆန်း ရှုံ့ချမိန့်ကြားခဲ့တာ ဟာ လွတ်လပ်မှုရဲ့စည်းကို မချိုးဖောက်ကြစေချင်တဲ့ ဆန္ဒလို့ နားလည်မိပါတယ်။

    ”စည်းကမ်းပြည့်ဝသော ပါတီစုံ ဒီမိုကရေစီ”လို့ ဖွဲ့စည်းပုံ အခြေခံဥပဒေမှာ မလိုအပ်ဘဲ ‘စည်းကမ်းပြည့်ဝ သော’ဆိုတဲ့ အထူးပြု ပုဒ်ပါနေရတာက ဒီမိုကရေစီတာ အလွှတ်မှာ လွတ်လပ်မှု အရှိန်လွန်မသွားဖို့ ‘စည်းကမ်း’နဲ့ slow down ခံပေးရတဲ့သဘောလို့ မှတ်ယူမိပါတယ်။

    ဟုတ်ပါတယ်။ တိုင်းတစ်ပါး ဖိနှိပ်အုပ်စိုးမှုအောက်မှာနေ လာရတော့ လွတ်လပ်မှုကို ဆာလောင် မွတ်သိပ်ခဲ့ကြတယ် မဟုတ်လား။ ရေဆာငတ်မွတ်သူက သောက်ရေလည်းရရော အငမ်းမရသောက်တော့ ရေသီးနိုင်တာပေါ့။ အာဏာရှင်ဖိနှိပ်မှုအောက်မှာ အချုပ်အနှောင်ဘ၀နဲ့ နေနေရတော့ ဒီမိုကရေစီဆိုတဲ့ အတုတ်အနှောင်ဖြည် လွှတ်ပေးခြင်း ခံရတဲ့အခါ ညောင်းညာနေတာတွေ ထုံကျဉ်အံသေနေတာတွေ ပြေလျော့ စေဖို့ ခြေလက်ဆန့်တန်း လှုပ်ခါခုန်ပေါက်ပြေးလွှားပြီး အညောင်းဖြေရင်း ဘေးလူကို ပုတ်ခတ် မိနိုင်တာလည်း သဘာဝပါပဲ။ အရှိန်လွန်တဲ့ကိစ္စဟာ ပျော်တာတောင် မကောင်းဘူး မဟုတ်လား။ ထီသိန်း တစ်ထောင်ဆု ပေါက်ပေမဲ့ အပျော်လွန်ပြီး နှလုံးရပ်သေသွားရင် ဘာမှသုံးလိုက်ရမှာ မဟုတ်ဘူးလေ။ ဒါကြောင့် လွတ်လပ်မှု၊ အခွင့်အရေးဆိုတာမျိုးတွေကို စည်းခတ်ထားဖို့တော့ လိုအပ်ပါတယ်။

    တကယ်တော့ ကိုယ်ချင်းစာတရားဆိုတာရှိနေရင် ”လွတ်လပ်မှုရဲ့စည်း”ဆိုတာကို အထူးတလည် ဋီကာချဲ့၊ အဋ္ဌကထာဖွဲ့နေဖို့ မလိုအပ်လောက်ဘူးထင်ပါတယ်။ မလွတ်လပ်တာကို ငါမကြိုက်သလို သူလည်း ကြိုက်မှာမဟုတ်ဘူး။ အခွင့်အရေးဆုံးရှုံးတာကို ငါမကြိုက်သလို သူလည်း ကြိုက်မှာမဟုတ်ဘူး။ ကိုယ်မကြိုက် တာကို သူများအတွက်လည်း မကြိုက်ပေးတာ၊ ကိုယ်ကြိုက်တာကို သူများအတွက်လည်း ကြိုက်ပေးတာ ကိုယ်ချင်းစာစိတ်ပဲမဟုတ်လား။

    ကိုယ့်ဘုရားကျောင်းကန် သူများဖျက်ဆီးတာ မကြိုက်ရင် သူများ ဘုရားကျောင်းကန်လည်း ငါတို့ မဖျက်ဆီးဘူး။ ကိုယ့်ဘုရားကို သူများလှောင်ပြောင် စော်ကားတာမကြိုက်ရင် သူများဘုရားလည်း ငါတို့ လှောင်ပြောင်မစော်ကားဘူး။ ငါတို့ဘာသာကို ကဲ့ရဲ့ပုတ်ခတ်တာ မကြိုက်ရင် သူများဘာသာကိုလည်း ကဲ့ရဲ့ ပုတ်ခတ်တာမျိုး မလုပ်ဘူး။ ငါတိ်ု့အမျိုးကို သူများဒုက္ခပေးတာမကြိုက်ရင် သူများအမျိုးကိုလည်း ငါတို့ ဒုက္ခမပေးဘူး။ ငါတို့ကို လူ့အခွင့်အရေးဆုံးရှုံးအောင် ဖိနှိပ်တာ မကြိုက်ရင် သူများကိုလည်း လူ့အခွင့်အရေး ဆုံးရှုံးအောင် မဖိနှိပ်ဘူး။ ငါတို့ကို စော်ကားလို့ ဒေါသထွက်ရင် သူများကို စော်ကားရင်လည်း ဒေါသထွက်မှာပဲ။ ငါတို့ကို သတင်းမှား၊ သတင်းလိမ် ရေးတာ နာမိရင် သူများကို သတင်းမှား၊ သတင်းလိမ်ရေးတာလည်း နာပေးတတ်ရမှာပဲ။ ဒါက ကိုယ်ချင်းစာစိတ်ပဲ မဟုတ်လား။

    ဘုရားတည်ကျောင်းဆောက်တာ ငါတို့အတွက် အင်မတန်ထူးကဲတဲ့ ကုသိုလ်လို့ မြင်ပေမဲ့ သူများ ဘုရား ကျောင်းကန်ပြုပြင်တာ မြင် ရရုံလေးနဲ့ မစ္ဆရိယ စိတ်ပွားနေရင် ကိုယ်ချင်းစာစိတ်ကင်းတာပဲ မဟုတ်လား။ ကိုယ့်ဘာသာတရားအထိမ်းအမှတ် တံဆိပ် လက္ခဏာကို မတော်တဆပဲဖြစ်ဖြစ် အရိုအသေတန်ပြုမူတာ လောက်ကို အလွန်အင်မတန် မကျေမချမ်းဖြစ်ရပေမဲ့ သူများဘာသာတရားအကြီးအကဲ၊ ကျမ်းစာ၊ အထိမ်းအမှတ်တွေကို မစားရ၀ခမန်း စော်ကားရတာကို စိတ်တွေ့နေရင်၊ ခုံမင်နေရင်၊ အကျေနပ်ကြီး ကျေနပ်နေရင် ကိုယ်ချင်းစာစိတ်ကင်းတာပဲ မဟုတ်လား။ ကိုယ့်ကိုဝေဖန်တာကို စော်ကားတယ်မြင်ပေမဲ့ သူများကိုစော်ကားတော့ ဒါ-ဝေဖန်တာပါ၊ ဒါ-လွတ်လပ်မှုပါလို့ဆိုရင် ကိုယ်ချင်းစာစိတ်ကင်းတာပဲ မဟုတ်လား။ လွတ်လပ်မှုနဲ့ လူ့အခွင့်အရေးဆိုတာ စော်ကားလိုသူတွေအတွက်၊ ဖိနှိပ်လိုသူတွေအတွက်ဖြစ်ပြီး အစော်ကားခံ၊ အဖိနှိပ်ခံတွေအတွက်တော့ လွတ်လပ်မှုမလိုဘူး၊ လူ့အခွင့်အရေးမလိုဘူးဆိုရင် ကိုယ်ချင်းစာစိတ်ကင်းတာပဲ မဟုတ်လား။ ကိုယ်ချင်းစာစိတ်ဟာ လွတ်လပ်မှုရဲ့ စည်းပါ။ စည်းကျိုးပျက်နေတဲ့ လူ့အသိုက်အမြုံဟာ မငြိမ်းချမ်းမှုတွေနဲ့ ပဋိပက္ခတွေရဲ့ စက်ရုံတစ်ခုပါ။

    လွတ်လပ်မှုရဲ့စည်း—–ဖြစ်တဲ့ ကိုယ်ချင်းစာစိတ် ကျွန်တော်တို့မှာ ရှိ၊မရှိသိရအောင် ဒီလိုလေး တွေးကြည့်ရအောင်ပါ။

     ချာလီဟာ ထင်လင်းဦး ဆိုပါစို့။
        ထင်လင်းဦးဟာ နေမျိုးဝေ ဆိုပါစို့။
        နေမျိုးဝေဟာ ဟန်နာဘိခ်ျ ဆိုပါစို့။
         ဟန်နာဘိခ်ျဟာ ချာလီ ဆိုပါစို့။
        ၇၈၆ ဟာ ၉၆၉ ဆိုပါစို့။
        ဦးဝီရသူဟာ ဘင်လာဒင် ဆိုပါစို့။
        Charlie Hebdo မဂ္ဂဇင်းဟာ V Gastro ဘားဆိုင် ဆိုပါစို့။
        မလေးရှားက အသတ်ခံဗမာတွေဟာ တောင်ကုတ်က အသတ်ခံမွတ်စလင် ၁၀ ဦး ဆိုပါစို့။

        ထိုင်းက လုယက်၊လူသတ်၊ မုဒိမ်းကျင့်မှု စွပ်စွဲခံ မြန်မာ ၂ ဦးဟာ တောင်ကြီးက အကြမ်းဖက် အဖွဲ့အစည်းနဲ့ ဆက်သွယ်တယ်လို့ စွပ်စွဲပြီး ထောင်ဒဏ်နှစ်ရှည်တွေ ချခံလိုက်ရတဲ့ မွတ်စလင် ၂၀ ဦးဆိုပါစို့။

        မြန်မာပြည်က အစိုးရ အဖျက်ဆီးခံ ရမည်းသင်း ကံကြီးဗလီဟာ အာဖဂန်က တာလီဘန်တွေရဲ့ အဖျက်ဆီးခံ ဗုဒ္ဓရုပ်ပွားတော်ဆိုပါစို့။

        မိတ္ထီလာ အသတ်အဖြတ်ပွဲမှာ ဓားဆွဲ ခုတ်ထစ်နေတဲ့ သံဃာ တစ်ချို့ဟာ အစ္စလာမ် ဘာသာတရား အမည်ခံပြီး သောင်းကျန်း ဆိုးဝါးနေတဲ့ IS အဖွဲ့နဲ့ ဘ်ိုကိုဟရမ် အဖွဲ့ဆိုပါစို့။

    အဲဒီလို ”ဆိုပါစို့”တွေမှာ မှန်တာမှားတာထက် သူ့ဘက်ကိုယ့်ဘက် ရှုထောင့်ပြောင်းမြင်တတ်တဲ့ စာနာခြင်းတရား၊ ကိုယ်ချင်းစာ စိတ်တွေ ထားကြည့်လိုက်ရင် ”လွတ်လပ်မှုရဲ့ စည်း”ကို ကျွန်တော်တို့ ထင်ထင် ရှားရှား မြင်လာနိုင်ပါလိမ့်မယ်။ ”ဆိုပါစို့”ဆိုတာ ကိုတောင် သည်းခံနိုင်စွမ်းမရှိဘူး၊ လက်မခံနိုင်ဘူးဆိုရင်တော့ ကျွန်တော်တို့ဟာ ကိုယ်ချင်းစာနိုင် စွမ်းကင်းမဲ့သူတွေ၊ ”လွတ်လပ်မှုရဲ့စည်း”ကျိုးပေါက်နေသူတွေဖြစ်တာ သေချာသလောက်ရှိပြီး ငြိမ်းချမ်းရေး ငတ်မွတ်ခေါင်းပါး ကျိန်စာသင့် ကပ်ဆိုက်နေ ရဦးမည့် သူများသာ ဖြစ်ကြောင်း ၀မ်းနည်းစရာအတိတ်ဆိုး နိမိတ်ဆိုးဖြစ်ပါတယ်။

    M-Media ပရိသတ်များ ပညာအလင်းနဲ့ ထင်းရှင်းနိုင်ကြပါစေ။

  • ၂၀၁၅ အလင်းအမှောင် မျှော်မှန်းချက် (Editorial)

    ၂၀၁၅ အလင်းအမှောင် မျှော်မှန်းချက် (Editorial)

    ဒီဇင်ဘာ ၃ ၊ ၂၀၁၅
    M-Media (အယ်ဒီတာ့ အာဘော်)

    နှစ်တစ်နှစ် သစ်ခဲ့ပြီပဲ။ ဒါပေမဲ့ စိတ်တွေ မသစ်နိုင်သေးဘူး။ ဘ၀တွေ မသစ်နိုင်သေးဘူး။ ခေတ်လည်း မသစ်နိုင်သေးဘူး။ ပန်းတိုင်လား။ ဟင့်အင်း မပြောင်းလဲဘူး။ အရင်ပန်းတိုင်တောင် ရောက်မှ မရောက်သေးဘဲကိုး။ ဘယ်မှာလာ ပန်းတိုင်အသစ်ရှေ့ရှုနိုင်ပါဦးမလဲ။ ဒီလိုနဲ့ မြန်မာပြည်သူပြည်သားတွေဟာ မသိုးမသံ့ စိတ်အဟောင်းတွေနဲ့ ဘ၀ဟောင်း၊ ခေတ်ဟောင်းထဲမှာ ပန်းတိုင်အဟောင်းဆီ လမ်းဟောင်းအတိုင်း လျှောက်မြဲလျှောက်နေရဆဲပါ။

    ကမ္ဘာက နေကို ပတ်တယ်။ နေ့နဲ့ည ဖြစ်တည်လာခဲ့။ နေ့နဲ့ညပေါင်းရင် တစ်ရက်တဲ့။ ၃၆၅ ရက်ကို တစ်နှစ်လို့ သတ်မှတ်ထားကြတယ်။ တစ်နှစ်ပြည့်ရင် နှစ်သစ်ပြောင်းသတဲ့။ ဒီလိုနဲ့ သူ့ဘာသာသူလည်နေရင်းက လူတွေကို အလုပ်ရှုပ်စေဖို့ အကြောင်း ဖန်လာတယ်။ မွေးနေ့တွေ၊ နှစ်ပတ်လည်တွေ၊ သက်တမ်းတွေ ကိန်းဂဏန်းတွေနဲ့ လုံးထွေးရစ်ပတ်လို့။ ဟုတ်တယ်။ လူတွေကို အလုပ်ရှုပ်ရအောင်လို့  ကမ္ဘာ ကနေကို ပတ်နေလေရဲ့။

    နေကို ကမ္ဘာက တစ်ပတ်ပတ်တယ်။ ပတ်လိုက်တိုင်း လူတွေ အသက်တစ်နှစ်ကြီးကုန်ရဲ့။ ဗိုလ်ချုပ်အောင်ဆန်း နှစ် ၁၀၀ ပြည့်တော့မယ်။ လွတ်လပ်ရေးက ၆၇ နှစ်ရှိပြီတဲ့။ လက်ရှိမြန်မာအစိုးရလည်း သက်တမ်းစေ့တော့မယ်။ ဒေါ်အောင်ဆန်းစုကြည် မီးစာကုန် ရေခမ်း လုပြီလား။ ရွှေပြည်တော် မျှော်တိုင်းဝေး ရပါဦးမယ်။

    နေကို ကမ္ဘာက တစ်ပတ်ပတ်တယ်။ အလင်းနဲ့ အမှောင်ကို တစ်လှည့်စီ အကွက်ဖော်ခဲ့လေရဲ့။ မစားဘဲ စွန့်ခဲ့ကြသူတွေနဲ့ မစွန့်ဘဲစားခဲ့ကြသူတွေကို မြင်လိုက်ရတယ်။ မြန်မာပြည်ဟာ အမှောင်ဘက်အခြမ်းမှာ ကာလကြာရှည်ခဲ့သလား။ ဒါမှမဟုတ် အမှောင်ကြိမ်နှုန်းများခဲ့တာလား။

    နေကို ကမ္ဘာက အကြိမ်ကြိမ်ပတ်ခဲ့ဖူးတယ်။ ၁၉၄၈ မှာ မြန်မာပြည်လွတ်လပ်ရေးရတယ်။ လွတ်လပ်ရေး မရခင် ၁၉၄၇ မှာ လွတ်လပ်ရေး ပိသုကာကြီး ဗိုလ်ချုပ်အောင်ဆန်းက ကျဆုံးနှင့်လေပြီ။ လွတ်လပ်ရေး သစ်ပင်ကို ဗိုလ်ချုပ်စိုက်ခဲ့တယ်။ အသီးအပွင့်ကိုတော့ မစားခဲ့ရရှာဘူး။ အသက်က ၃၃နှစ်။ ငယ်ရွယ်ပျိုမျစ်တုန်း ဆုံးရှာတယ်။ သက်တမ်းတိုတဲ့ ဗိုလ်ချုပ်က အခု ရာပြည့်မွေးနေ့ပွဲတွေ ဘာတွေဖြစ်လို့။ မစားဘဲ စွန့်ခဲ့ခြင်းဟာ သက်တမ်းရှည်ခြင်းအကျိုးကို ရစေတတ်သလားပဲ။ ဒီပုံအတိုင်းဆို အနှစ် တစ်ထောင်ပြည့် မွေးနေ့ပွဲလည်း ရှိလာဦးမှာ သေချာတယ်။ လူထုရင်ထဲမှာ သူဆက်လက် ရှင်သန်နေဆဲကိုး။

    မြန်မာအစိုးရကတော့ ၂၀၁၅ ဆိုတဲ့ ပန်းပဲဖိုမှာ နန်းဆွဲပြီး သက်တမ်းရှည်အောင် မီးကင် တူနှက်ဦး မယ်ထင်ပါရဲ့။ ရှေး လူတို့ကောင်းမှုကြောင့် ပြည်သူတွေရဲ့ ရင်ကွဲနာကလည်း အခုထိ အကုရခက်နေတုန်း။ လက်ပံတောင်းတောင်လို စီမံကိန်းတွေ၊ သိမ်းဆည်းခံလယ်ယာမြေတွေနဲ့ အဲဒီရင်ကွဲနာက တိုက်ရိုက် ပတ်သက်နေလေရဲ့။ လယ်မြေ၊ အိမ်ဂရံတွေကို ပေါင်နှံဖဲရိုက်ပစ်ခဲ့တဲ့ ပထွေးဆိုးရဲ့ အကြွေးမွေကို ဆက်ခံနေရတဲ့ သားသမီးတွေလိုအဖြစ်မျိုးနဲ့ မြန်မာပြည်သူတွေအဖြစ်က ရင်နင့်စရာပါ။ ရှယ်ယာပါခဲ့တဲ့ ငတေ အကိုကြီးတို့ကတော့ သူတို့ဘာမှမသိခဲ့သလို မှင်သေသေမျက်နှာပေးနဲ့ ဘောင်းဘီကိုအမြန်ချွတ်၊ တိုက်ပုံနဲ့ ပုဆိုးစွပ်ပြီး ရုပ်ပြောင်းရုပ်လွှဲ နှစ်ကိုယ်ခွဲစရိုက်နဲ့ မှင်သေသေ သရုပ်ဆောင်ကောင်းခဲ့ကြပြန်တယ်။ ဒီနှစ် အကယ်ဒမီဆုကို သူတို့ဆွတ်ခူးအံ့ဆဲဆဲမှာပဲ အကျင့်ဟောင်းတွေ ဘွားကနဲပေါ်ပြီး နှစ်ကိုယ်ခွဲပေမဲ့ တစ်ကိုယ်တည်းစရိုက်ပေါ်သွားတာကြောင့် အကယ်ဒမီဆုနဲ့ ကပ်လွဲသွားကြပုံရပါတယ်။ သူတို့ဟာ သူတို့ကြောင့်ရတဲ့ ပြည်သူတွေရဲ့ရင်ကွဲနာကို ဆေးမြီးတိုနဲ့ကြိတ် ကုဖို့ကြိုးစားနေတဲ့ ဒေါက်တာ ရမ်းကု တွေဖြစ်တယ်။ ဒီလိုနဲ့ အပ်နဲ့ ထွင်းရမယ့်ဟာက ပေါက်ဆိန်နဲ့ထွင်းရမယ့် အခြေအနေကို ရောက်လာ ခဲ့တယ်။ ကျေးဇူးကြီး လှပါပေတယ်။

    ၂၀၁၄ ဟာ အာဏာရှင်ခေတ်ကို အလွမ်းပြေ အလည်ရောက်ရသလိုမျိုး ခါးသက်သက် အရသာကို မြည်းစမ်းခွင့် ပြန်ရတဲ့ကာလလို့သာ ချီးမွှမ်းထောပနာ ပြုထိုက်ပါတယ်။ အခုတော့ သူလည်း လက်ပြနှုတ်ဆက်သွားပါပြီ။ တကယ်တော့ ၂၀၁၄ ဟာ သူ့အမှိုက်တွေကို သူသယ်မသွားခဲ့ပါဘူး။
    မြန်မာပြည်လွတ်လပ်ရေးက ၆၇ နှစ်ရှိပြီလို့ ရှေ့မှာ ဆိုခဲ့မိပါတယ်။ အဖိုးအဖွားတွေရဲ့ တီးတိုး အမှာစကားအရတော့ လွတ်လပ်ရေးဟာ ၁၄ နှစ်သားမှာပဲ ဆုံးပါး သွားရှာပါသတဲ့။ ဒါကြောင့် ဗိုလ်ချုပ်အောင်ဆန်းဟာ သူစိုက်တဲ့အပင် သေသွားရင် နောက်တစ်ပင်ထပ် စိုက်နိုင်ဖို့ မြန်မာပြည်သူတွေ အတွက် အမွေပေးခဲ့ပြန်ပါတယ်။ ဒေါ်အောင်ဆန်းစုကြည်ဟာ ဗိုလ်ချုပ်ချန်ထားခဲ့တဲ့ အမွေပါ။ သူက ဒီမိုကရေစီ သစ်ပင်ကို ပျိုးခဲ့သူပါ။ လွတ်လပ်ရေး ပိသုကာနည်းတူ ဒီမိုကရေစီပိသုကာ ခမြာလည်း မစားဘဲစွန့်မယ့် မျိုးဆက်ပေပဲလား။ ၀မ်းနည်းစရာပါ။ ဒီမိုကရေစီ သက်တမ်းကရော ဘယ်လောက်လဲ။ ၅နှစ်လား။ ၁၀ နှစ်လား။ စကို မစသေးတာလား။ ဘာမှ ရေရေရာရာ မရှိလှ။

    ဂန္ဒီဟာ ငြိမ်းချမ်းရေးရဲ့ သင်္ကေတပါ။ အိန္ဒိယနိုင်ငံရဲ့ လူထုခေါင်းဆောင်၊ အမျိုးသားခေါင်းဆောင်ပါ။ မြန်မာ့ လွတ်လပ်ရေးရပြီး လ မကူးခင်မှာပဲ သူ့ကို ဟိန္ဒူအမျိုးသားရေး အစွန်းရောက်ဝါဒီ စစ်သွေးကြွ တစ်ဦးဖြစ်တဲ့ နာသူရမ်ဂေါ့ဆေးက အဆုံးစီရင် လိုက်ပါတယ်။

    ဗိုလ်ချုပ်အောင်ဆန်းဟာ မြန်မာတို့ရဲ့လူထုခေါင်းဆောင်၊ အမျိုးသားခေါင်းဆောင်ပါ။ ဂန္ဒီထက်အရင် တစ်နှစ်စောပြီး သူ့ကို မျိုးချစ် ပါတီခေါင်းဆောင် ဂဠုန်ဦးစောက အသက်နဲ့ခန္ဓာ အိုးစားကွဲစေခဲ့ပါတယ်။

    အမျိုးသားရေး အစွန်းရောက်ဝါဒနဲ့ မျိုးချစ်ဆိုသူတွေဟာ လူထုခေါင်းဆောင်၊ အမျိုးသားခေါင်းဆောင် တွေအတွက် နိမိတ်ဆိုး တစ်ရပ်လို့တောင် ပြောရမလိုဖြစ်နေပါတယ်။ ဒါဟာ တိုက်ဆိုင်မှုလား။ သီအိုရီ တစ်ခုလား။

    ဒေါ်အောင်ဆန်းစုကြည်ဟာ လူထုခေါင်းဆောင်ပါ။ အခု သူ့ကို အမျိုးသားရေး အစွန်းရောက်ဝါဒီတွေ၊ မျိုးချစ်ဆိုသူတွေက ပစ်မှတ်ထား တိုက်ခိုက်နေပါပြီ။ တိမ်တွေညိုနေပြီလား။ တောင်စွယ်မှာ နေကွယ်လုပြီလား။ ၂၀၁၄ ကတော့ ကိုယ်လွတ်ရုန်းသွားခဲ့ပါပြီ။ ၂၀၁၅ ဟာ အနက်ရောင်ဝတ်စုံကို ၀တ်ပြီး ရောက်ရှိလာလေရဲ့။ သတိဆိုတာ ပိုတယ်မရှိ။

    တစ်ခုသာ ဆိုစရာ ရှိပါတယ်။ အိုးမဲသုတ်ပေးခံရတဲ့ အိမ်ကြက်တွေ အခွပ်ရပ်ပြီး တစ်ယောက်ကို တစ်ယောက် မှတ်မိကြဖို့ လိုပါတယ်။ ပြည်သူရဲ့ရင်ကွဲနာတွေ အတွက် အုပ်ချုပ်ရေးဒေါက်တာရမ်းကုတွေနဲ့ အလုပ်မဖြစ်တော့ကြောင်းကိုလည်း သိဖို့လိုပါတယ်။ အဲဒီဒေါက်တာရမ်းကုတွေကို ပြောင်းပစ်ကြမလား။ သင်္ချိုင်းတွေကိုပဲ နေရာချဲ့ကြမလား။ တစ်ခုခုတော့ ရွေးချယ် ရပါလိမ့်မယ်။ အနာဂတ်ဘက်အခြမ်းက မှောင်ကြီးမည်းကြီးမို့ မမြင်ရ။ အမှောင်ကို တော်လှန်ဖို့ အလင်းတိုင် ကိုယ်စီဆောင်ခဲ့ကြစေ လိုပါတယ်။ ၂၀၁၅ ကို အောင်မြင်ခြင်း မီးရှူးမီးပန်းတွေ လွှတ်တင်ပြီး ကြိုဆိုလိုက်ကြရအောင်ပါ။

    ဟုတ်ကဲ့။ ၂၀၁၅ မှာ အမှောင်နှင်ပွဲလည်း ရှိနိုင်တယ်။ အမှောင်နွံနစ်ပွဲလည်း ရှိနိုင်ပါတယ်။ ကျွန်တော် တို့လက်တွေနဲ့သာ ကျွန်တော်တို့ ကံကြမ္မာကို ရေးနိုင်ကြတာပါ။

    M-Media ပရိသတ်များ ပညာအလင်းနဲ့ ထင်းရှင်းနိုင်ကြပါစေ။

  • “ဘာသာတရားဆိုတာ ကစားစရာမဟုတ်” (Editorial)

    “ဘာသာတရားဆိုတာ ကစားစရာမဟုတ်” (Editorial)

    ဒီဇင်ဘာ ၁၃ ၊ ၂၀၁၄
    M-Media (အယ်ဒီတာ့ အာဘော်)

    ဗုဒ္ဓရုပ်ပုံတော်ကို ဒီဂျေအသုံးအဆောင် နားကြပ်တပ်ပေးထားပြီး ဘားဆိုင်ကြော်ငြာအဖြစ်သုံးခဲ့တဲ့ ဘာသာ သာသနာညှိုးနွမ်းစေမှုသတင်းတစ်ပုဒ်ဟာ ဒီရက်ပိုင်းမှာ ရေပန်းစား သတင်းတစ်ပုဒ်ဖြစ်ခဲ့ပါတယ်။ ဒီကြော်ငြာ ပြုလုပ်တဲ့ ရန်ကုန်မြို့ရွှေတောင်ကြားလမ်းက V Gastro ဘားဆိုင်ရဲ့ပိုင်ရှင်နဲ့ မန်နေဂျာနှစ်ဦးကိုလည်း ဖမ်းဆီး အရေးယူထားပါတယ်။ မန်နေဂျာတစ်ဦးက နယူးဇီလန်နိုင်ငံသားဖြစ်ပါတယ်။ သူတို့ဟာ မိရိုးဖလာ ဗုဒ္ဓဘာသာဝင်တွေ ဖြစ်ကြပါတယ်။

    ဘာသာတရားတွေဆိုတာ မွန်မြတ်သန့်စင်ပါတယ်။ သူ့ခေတ် သူ့အခါ သူ့ပတ်ဝန်းကျင်အပေါ် ကျေးဇူးကြီးမား ခဲ့လို့လည်း ဘာသာတရားအသီးသီးဟာ တည်တံ့ခိုင်မာပြီး ကမ္ဘာအနှံ့ပြန့်နှံ့ထွန်းလင်းနေတာဖြစ်ပါတယ်။ ကမ္ဘာ့လူဦးရေ သန်းခုနစ်ထောင်ကျော်ရှိပါတယ်။  ဗုဒ္ဓဘာသာဝင် ၃၇၆ သန်းရှိပါတယ်။ ကမ္ဘာ့လူဦးရေရဲ့ ၆ . ၇၇ ရာခိုင်နှုန်းပါ။ ဟိန္ဒူဘာသာဝင် သန်းတစ်ထောင်ရှိပါတယ်။ ကမ္ဘာ့လူဦးရေရဲ့ ၁၃.၈ ရာခိုင်နှုန်းပါ။ အစ္စလာမ် ဘာသာဝင် သန်းတစ်ထောင့်ရှစ်ရာရှိပါတယ်။ ကမ္ဘာ့လူဦးရေရဲ့ ၂၅.၇၄ ရာခိုင်နှုန်းပါ။ ခရစ်ယာန်ဘာသာဝင် သန်းနှစ်ထောင်ရှိပါတယ်။ ကမ္ဘာ့လူဦးရေရဲ့ ၃၀.၃၉ ရာခိုင်နှုန်းပါ။ ဒါက CIA World Factbook ရဲ့ ၂၀၁၀ ခုနှစ် ထုတ်ပြန်တဲ့ စာရင်းအချက်အလက်တွေပါ။

    ဆိုလိုချင်တာက ကမ္ဘာ့လူဦးရေ သန်းပေါင်းများစွာ လက်ခံယုံကြည် ကိုးကွယ်နေတဲ့ ဘာသာတရားတွေဟာ သာမာန်အဆင့်အတန်းမဟုတ်ပါ။ ကမ္ဘာပေါ်မှာ အုပ်ချုပ်ရေးဆိုင်ရာ ၀ါဒတွေအမျိုးမျိုးထွန်းကားခဲ့ပါတယ်။ အတွေးအခေါ်ဆိုင်ရာဝါဒတွေ အမျိုးမျိုးထွန်းကားခဲ့ပါတယ်။ အားလုံးဟာ တစ်ခုကို တစ်ခုက အစားထိုးရင်း အဟောင်းပျောက် အသစ်ပေါ်ချည်းပါပဲ။ ဘာသာတရားကတော့ ဒီလို မဟုတ်ပါဘူး။

    ဘာသာတရားတွေမကွယ်မပျောက်ဘဲ မြဲမြံနေတယ်ဆိုတာ သန့်စင်မွန်မြတ်တဲ့ တရားလမ်းညွှန်တွေကြောင့်ပါ။ အမှန်တရား၊ သစ္စာတရားဆိုတာ ကမ္ဘာတည်သရွေ့မြဲမှာပါ။ ပတ္တမြားမှန်ရင် နွံနစ်ရိုးထုံးစံမရှိပါ။ ဆင်စွယ်မှန်ရင် ပိုးမထိုးပါ။ အမှန်တရားကို ဘယ်အမှားတရားကမှ လွှမ်းမိုးဖြိုလှဲလို့ မရစကောင်းပါ။ သစ္စာတရားအတွက် အရိုး စည်းရိုးထိုးဖို့လည်း မလိုပါ။ သစ္စာသာမှန်ပါစေ တည်တံ့နေမှာ သေချာပါတယ်။ သို့သော်———။

    ဘာသာတရားဆိုတာ ပါတီလိုမဟုတ်ပါ။ ပါတီဝင် လူဦးရေများရေးလုပ်စရာ မလိုပါ။ ယုံကြည်စွဲမြဲ ကျင့်ကြံ လိုက်နာတဲ့ ဘာသာဝင်ကောင်းတွေသာ လိုပါတယ်။ နည်းချင်နည်းပါစေ။ အမှန်တော့ ဘာသာတရားနဲ့ ဘာသာဝင်ဟာ သီးခြားစီဖြစ်ပါတယ်။ ပါတီတစ်ခုကို မယုံကြည်ဘဲ အဖော်ကောင်းလို့ အဆွယ်ကောင်းလို့ ၀င်ပြီးမှ ပါတီမူဝါဒတွေနဲ့ ဆန့်ကျင်တာတွေလုပ်၊ ပါတီသိက္ခာကျစရာတွေပြော – ဆိုရင်မခက်လား။ ဒီလိုပဲ ဘာသာတရားတွေမှာလည်း မိရိုးဖလာ အမေအဖေ ဒီဘာသာဝင်မို့ ငါတို့လည်း ဒီဘာသာဝင် အလိုအလျောက် ဖြစ်ကရောဆိုရင် အန္တရာယ်ရှိပါတယ်။ ကိုယ့်ဘာသာတရားကို ကိုယ်ကိုယ်တိုင် မသိနားမလည်လို့ မလေးမစား သရော်လှောင်ပြောင်တတ်ကြ၊ စိန်တန်ဖိုးနားမလည်လို့ ဇယ်တောက်ကစားကြဆိုတာမျိုးတွေ ဖြစ်ကုန်ကြ ပါတယ်။ ရတနာစိန်ကျောက်ဆိုတာ ဇယ်တောက်တမ်းကစားအပ်တဲ့ အရာမဟုတ်ဘူးဆို စိန်တန်ဖိုးနားလည်မှ လည်း သိမှာပါ။

    ဒါကြောင့် ကိုယ့်ဘာသာတရားကို ကိုယ်တိုင်ခြေခြေမြစ်မြစ်သိအောင်လုပ်ပြီး ဘာသာတရားကိုယ်ခံအား ကောင်းအောင် လုပ်ကြရမှာပါ။ ကျွန်တော်တို့ အရိုးတွေက စည်းရိုးထိုးဖို့ မဟုတ်ဘူး။ အရိုးထဲစိမ့်အောင် ဘာသာတရား ချဉ်ဆီအားကောင်းဖို့ လုပ်ရမှာပါ။  ဘာသာတရားတွေက သစ္စာအမှန်ဆိုရင် လွယ်လွယ်နဲ့ ပျောက် မသွားပါဘူး။ ဘာသာတရားအရိပ်ကိုခိုပြီး အကျင့်ပျက် သီလကြောင် လုပ်စားဘာသာရေးသမားတွေနဲ့ ဘာသာတရားအမည်ကို အလွဲသုံးစားလုပ်သူတွေသာ ပျက်ဆီးဆုံးရှုံးရမှာပါ။

    အထက်က သတင်းမှာပါတဲ့ ဘုရားပုံတော်ကို စော်ကားမှုကိုကြည့်ရင် ဘာသာရေးကို စီးပွားရေးအတွက် အလွဲသုံးစားလုပ်ပြီး ကိုယ်တိုင် စော်ကားလို့ စော်ကားမိမှန်း မသိတဲ့ အခြေအနေမျိုးပါ။ ဒီလိုပဲ ဘာသာတရားကို နိုင်ငံရေးအတွက် အလွဲသုံးစားလုပ်ပြီး အသရေဖျက်နေတဲ့ ကိစ္စတွေလည်း ပြည်တွင်းမှာတင် ဒုနဲ့ဒေးပါ။ ဒါတွေဟာ ကိုယ့်ဘာသာတရားကို ကိုယ်တိုင်သိက္ခာချပြီးဖျက်ဆီးနေကြတာပါ။ ဒီလိုပဲ ကမ္ဘာပေါ်မှာ အိုင်အက်စ်တို့ ဘိုကိုဟရမ်တို့လို အဖွဲ့အစည်းတွေဟာ ကိုယ့်ဘာသာတရားကို ကိုယ်တိုင် နာမည်ဖျက်နေတဲ့ သူတွေဖြစ်ပါတယ်။ ဘာသာတရားရဲ့အဆုံးအမနဲ့ မညီညွတ်ဘဲ ဘာသာတရားအမည်ကို အလွဲသုံးစားပြုနေ သူတွေ ဖြစ်ပါတယ်။ ဒီလူတွေရဲ့တူညီတဲ့အချက်တစ်ခုကတော့ ကိုယ့်ဘာသာတရားကို ကိုယ်ချစ်သယောင် ကာကွယ်သယောင် ဟန်ပြစကားတွေပြောတတ်ကြတာပါပဲ။ အတွင်းစည်းက ဖျက်ဆီးတာက ပိုကြောက်ဖို့ကောင်းပါတယ်။
    ထပ်ပြောရရင် ဘာသာတရားတွေဟာ မွန်မြတ် သန့်စင်ကြပါတယ်။ လူတွေကို ယဉ်ကျေးအောင်၊ သိမ်မွေ့အောင်၊ ငြိမ်းချမ်းအောင် သွန်သင်နိုင်လို့ ကမ္ဘာပေါ်မှာ လူတွေသန်းချီကိုးကွယ်ယုံကြည်နေကြတာပါ။ ကိုယ့်ဘာသာတရားကိုဖြစ်စေ၊ သူတစ်ပါးဘာသာတရားကိုဖြစ်စေ မစော်ကားသင့်ပါ။ ဘာသာတရားဆိုတာ အများပိုင်ပါ။ ငါ့ဘာသာ သူ့ဘာသာလို့ ခွဲခြားရန်ဖြစ်နေရအောင် ငါကိုယ်တိုင် ငါ့ဘာသာတရားရဲ့ တရားစည်းဝိုင်းအတွင်းမှာ ရောက်နေ တာသေချာရဲ့လားဆိုတာ ပြန်ဆန်း စစ်ကြည့်ဖို့ ကောင်းပါတယ်။

    သန့်စင်တဲ့ဘာသာတရားတွေကို မသန့်စင်တဲ့ နှုတ်၊လက်၊စိတ်တွေနဲ့ သန့်စင်ဖို့မကြိုးစားစေလိုပါ။ ပိုညစ်သွားမှာ စိုးရပါတယ်။ မြင့်မြတ်တဲ့ ဘာသာတရားတွေကို လရောင်ကို ခွေးဟောင်သလိုမျိုးလည်း မစော်ကားစေလိုပါ။ လျှာထွက်ပြီး မောရုံသာအဖတ်တင်ပါမယ်။ အဖိုးမဖြတ်နိုင်တဲ့ ဘာသာတရားတွေကို အပုတ်ကောင်ရုပ်ဆောင် တွေက အသုံးချဆော့ ကစားခြင်းလည်း မပြုစေလိုပါ။ ရတနာစိန်ကျောက်ကို ဇယ်တောက် ကစားရင် ကိုယ်သာ လူ့ဗာလ လူ့အန္ဓ လူ့နလပိန်းတုံး အဖြစ် တန်ဖိုးမဲ့ယုတ်ညံ့သွားမှာဖြစ်ပြီး စိန်ကျောက်ကတော့ ထိန်တောက်မြဲ ထိန်တောက်လို့ တန်ဖိုးလည်း တစ်ပြားသားမှ လျော့သွားမှာ မဟုတ်ကြောင်းပါ။

    M-Media ပရိသတ်များ ပညာအလင်းနဲ့ ထင်းရှင်းနိုင်ကြပါစေ။