Tag: ethnic cleansing

ဇူလိုင်-၂၁၊၂၀၁၃
M-Media
မူရင်းဆောင်းပါးရှင်- ဒေါက်တာ မောင်ဇာနည်
ဘာသာပြန်- သြရသ ရေချမ်း

အကြီးမားဆုံးအလှူရှင်နိုင်ငံလည်းဖြစ်၊ မြန်မာပြည်အား တစ်ချိန်က ကျုးကျော်သိမ်းပိုက် ကိုလိုနီ လက်အောက်ခံပြုခဲ့သောနိုင်ငံလည်းဖြစ်သည့်  ဗြိတိန်နိုင်ငံသည် ၂၀၁၄ခုနှစ် အငြင်းပွါးဖွယ်ရာ မြန်မာနိုင်ငံ သန်းခေါင်စာရင်းကောက်ယူပြုစုရေးအတွက် ငွေကြေးထောက်ပံ့ခြင်းဖြင့် ရိုဟင်ဂျာမွတ်စ်လင်မ်တို့အပေါ် လူမျိုးစုသန့်စင်ဖယ်ရှားရေး၌ လူမိုက် အားပေး အဆိပ်ပင်ရေလောင်းနေ၏။

စစ်တပ်တစ်ပိုင်းအရပ်သားတစ်ပိုင်းအစိုးရခေါင်းဆောင် ဗိုလ်ချုပ်ဟောင်း ဦးသိန်းစိန်မှ ယခုအပတ်အတွင်း ဗြိတိန်သို့ တရားဝင်အလည်အပတ်သွားရောက်ခဲ့ပြီး၊ ယင်းခရီးစဉ်အတွင်း ဖွံ့ဖြိုးရေးလုပ်ငန်း နှင့် လက်နက်ရောင်းချမှု ပြန်လည်ဆောင်ရွက်ရန် အလို့ငှါ  ပေါင်စတာလင် သန်း ၃၀ (အမေရိကန်ဒေါ်လာ ၄၅.၆ သန်း) ကူညီမည်ဟု ဗြိတိန်မှ ကြေငြာခဲ့သည်။ ထိုပမာဏ၏သုံးပုံတစ်ပုံမှာ ကိုလိုနီခေတ်ဟောင်း၏သန်းခေါင်စာရင်းကိစ္စအား ပံ့ပိုးထောက်ပံ့ရန် ဖြစ်သည်။ ဗြိတိသျှအာဏာပိုင်တစ်ဦးက “ အမှန်တကယ်လိုအပ်နေသူများအား ထိရောက်စွာ ထောက်ပံ့ကူညီရန် ပိုမိုအရေးကြီးသည် ” ဟု ဆိုခဲ့သည်။

အကြောင်းမှာ ဦးသိန်းစိန်အစိုးရသည် ရိုဟင်ဂျာလူမျိုးစုကို ဆယ်စုနှစ်တစ်ခုအတွင်း ထိုသူတို့၏နိုင်ငံသားဖြစ်မှု နှင့် လူမျိုးရပ်တည်မှုအား ပယ်ဖျောက်ရေးမူဝါဒအားဖြင့် “ဘင်္ဂါလီ ” များအဖြစ် သတ်မှတ်ရန် အစဉ်တစိုက် အဓမ္မဆောင်ရွက်နေသောကြောင့် ဤလမ်းကြောင်းအပေါ်ဗြိတိန်၏ငွေကြေးပံ့ပိုးမှုသည် မဖွယ်မရာ ဖြစ်သွားစေသည်။ လာလတ္တံ့သော သန်းခေါင်စာရင်းကောက်ယူမှုလုပ်ငန်း၌ ဤလူမျိုးကြီးဝါဒကို အားဖြည့်အသုံးပြုဦးမည်မှာ ယုံမှားသံသယဖြစ်ဖွယ်ရာ မရှိချေ။ မိမိကိုယ်ကို ရိုဟင်ဂျာဟု ရည်ညွှန်းသော လူမျိုးစုအပေါ် အဓမ္မပြုမူကြဦးမည်၊ ရိုဟင်ဂျာသည် မြန်မာနိုင်ငံ၏တိုင်းရင်းသားအဖြစ် တည်ရှိခဲ့ဖူးကြောင်းကိုလည်း ပယ်ဖျက်ကြပေဦးမည်ဖြစ်၏။

နိုင်ငံတကာရေးရာ တော်ဝင်တက္ကသိုလ် Royal Institute of International Affairs ၏ Chatham House ၌ လှပစွာဖွဲ့သီရေးသားထားသည့် မိန့်ခွန်းကို ဦးသိန်းစိန်မှ ပြေပြစ်စွာ ပြောဆိုခဲ့သည်။ ၄င်း၏နောက် အမေးအဖြေအစီအစဉ်တွင်မူ သူက – ရှေးခေတ်ရခိုင်ဒေသ နှင့် အရှေ့ဘင်္ဂလားဒေ့ရှ် နှစ်ဖက်စလုံးတွင် ယဉ်ကျေးမှု၊ စီးပွားရေး၊ သမိုင်းကြောင်း အမြစ်တွယ်ခဲ့သော ၈ သိန်းနီးပါးရှိ ရိုဟင်ဂျာတို့အပေါ်ထားရှိသည့် မိမိအစိုးရ၏မူဝါဒအကြောင်းကို ခိုင်ခိုင်မာမာအတိအလင်း ပြောဆိုသွားခဲ့သည်။

“ ကျွန်တော်တို့ တိုင်းရင်းသားသမိုင်းထဲမှာ ရိုဟင်ဂျာ ဆိုတဲ့ အသုံးအနှုန်းမျိုး မရှိပါဘူး ” ဟု သူက ဆိုခဲ့သည်။ ဤသည်မှာ တရားဝင်ငြင်းပယ်လိုက်ခြင်း နှင့် မြန်မာနိုင်ငံရှိ ရိုဟင်ဂျာတို့အား ဆက်လက်ခွဲခြားဆက်ဆံဦးမည့် လူမျိုးကြီးဝါဒကို ပြဆိုနေပေသည်။ ယင်းဝါဒသည် လူမျိုးစုတစ်ခု၏ရှင်းလင်းစွာ တည်ရှိနေမှုအပေါ် အစွမ်းကုန်သော လူမှုဖိအားတို့ဖြင့် ပြောင်ပြောင်တင်းတင်း ပယ်ဖျက်သည့် မျိုးဖြုတ်သုတ်သင်မှုနှင့် သဘောသဘာဝချင်း မခြားနားပေ။

မျိုးဖြုတ်သုတ်သင်မှုဆိုင်ရာ ကမ္ဘာသိပညာရှင် နှင့် မျိုးဖြုတ်သုတ်သင်မှုစောင့်ကြည့်လေ့လာရေးအဖွဲ့၏ဥက္ကဌဖြစ်သူ ဂျော့ဂ်ျမေဆင်တက္ကသိုလ်(George Mason University)မှ ဂရီဂိုရီ စတင်တန်(Gregory Stanton) က ရိုဟင်ဂျာများအပေါ် မြန်မာနိုင်ငံ၏ တစ်ဖက်စောင်းနင်းပြုမူဆက်ဆံပုံ မှာ နာဇီဝါဒ၏ “ သူတို့နှင့်ငါတို့ ” ဟူသော သတ်မှတ်ချက်နှင့် အလား သဏ္ဍာန်တူကြောင်း၊ ၄င်း၌ သြဇာလွှမ်းမိုးနေသောအုပ်စုနှင့် ၄င်း၏နိုင်ငံ အာဏာပိုင်တို့ထံတွင် စာနာမှုမဲ့ ပရမ်းပတာ ချိုးနှိမ်ခွဲခြားခြင်း၊ တင်စီး ဆက်ဆံခြင်း စသည်တို့အား တွေ့ရလေ့ရှိကြောင်း ဟု ဆိုသည်။

စတင်တန်၏ ကျော်ကြားသော “ မျိုးဖြုတ်သုတ်သင်ခြင်း အဆင့် ၈ ဆင့် ”  ခေါင်းစဉ်တပ် စာတမ်း၌ “ ကျွန်ုပ်တို့သည် လူစားအမျိုးမျိုးကို ပုံဟန် အသွယ်သွယ်ဖြင့် ဆက်ဆံမှုရှိကြသည်။ လူမျိုး နှင့် မျိုးနွယ်တို့အား အဆင့်ခွဲခြားသတ်မှတ်ခြင်းကို နာဇီတို့၏ နူရင်ဘတ်ဥပဒေ၊ အမေရိက၏ (အာဖရိကသွေးတစ်စက်ပါသူကို) နှိမ့်ချဖယ်ထုတ်ရေးဥပဒေ၊ တောင်အာဖရိက၏ လူမျိုးခြားဖယ်ကြဉ်ရေးဥပဒေတို့မှ လူမဆန်သောအချက် အလက်များအားဖြင့် သတ်မှတ်နိုင်သည်ဟု ဆိုထားသည်။

အဆင့်ခွဲခြားသတ်မှတ်ချက်သည် ယဉ်ကျေးမှုနှင့်နိုင်ငံရေးစံနစ်အားလုံး၌ ရှိကြသည်။ သို့သော် စစ်အစိုးရတိုင်းပြည်ဖြစ်သော မြန်မာနိုင်ငံ၏ လက်ရှိအခြေအနေအလား  (ဗုဒ္ဓဘာသာ)လူ့အဖွဲ့အစည်းအတွင်း အစ္စလာမ့်ရွံ့ကြောက်မှုဖြစ်အောင်ဖော်ဆောင်ခြင်း၊ ၄င်းမှတစ်ဆင့်တက်ကာ ရိုဟင်ဂျာတို့ကို တရားမ၀င်ကျူးကျော်လာသော ဘင်္ဂလားဒေ့ရ်ှနိုင်ငံသားများ သို့မဟုတ် ဘင်္ဂါလီများ ဟု တမင်သက်သက် တလွဲတချော် သတ်မှတ်ခြင်း၊ သေးသိမ်စေသောအားဖြင့် ဗိုင်းရပ်စ်များ သို့မဟုတ် လူရိုင်းလူယုတ်များဟု ခေါ်ဝေါ်သမုတ်ခြင်း ၊ “niggers” ဟူသည့် အဓိပ္ပာယ်နှင့် ဆင်တူသော မြန်မာဘာသာစကား အားအသုံးပြု ရည်ညွှန်းခေါ်ဝေါ နှိမ့်ချခြင်းတို့၏ ရှေ့အဆင့်တွင်  နိုင်ငံတော်မှ အရေးမယူ မျက်နှာလွှဲထားသော တစ်အုံတစ်ကျင်း အကြမ်းဖက်ခြင်း စသည်တို့မှာ အချိန်တိုအတွင်း ဖြစ်ပေါ်
လာလေ့ရှိပေသည်။

မြန်မာနိုင်ငံအနောက်ပိုင်းဒေသရှိ ရိုဟင်ဂျာလူမျိုးတို့နှင့် ၁၉၇၈ ခုနှစ် ကတည်းက ထိုအတိုင်းပင် အတိအကျ ဖြစ်ပျက်ခဲ့သည်။ ထိုနှစ် ဖေဖော်ဝါရီလတွင် တစ်ပါတီ စံနစ်ရှင်နှင့်ပြိုင်ဖက်မရှိ အာဏာရှင် ဗိုလ်ချုပ်နေ၀င်း၏  မြန်မာ့ဆိုရှယ်လစ်လမ်းစဉ်ပါတီသည် မြန်မာနိုင်ငံ၏ပထမဆုံး လူမျိုးသန့်စင်ရှင်းလင်းမှုစစ်ဆင်ရေးကို ရိုဟင်ဂျာလူမျိုးတို့အပေါ် စတင်ပြုလုပ်ခဲ့၏။  ၄င်းကို နဂါးမင်း စစ်ဆင်ရေးဟု ခေါ်ကြသည်။ ၄င်း၌ ရဲ၊ အခွန်၊ လူဝင်မှုကြီးကြပ်ရေး၊ စစ်တပ်၊ ရေတပ်၊ ထောက်လှမ်းရေး၊ အစိုးရရုံးဌာန၊ သာသနာရေးဝန်ကြီးဌာန စသည့် အစိုးရအာဏာပိုင်အဆင့်ဆင့် ပါဝင်ပတ်သက်ခဲ့ကြသည်။

(ယခု) ဘင်္ဂလားဒေ့ရ်ှနိုင်ငံသစ်သို့ အလွတ်ရုန်းသွားခဲ့သော ရိုဟင်ဂျာဦးရေမှာ တစ်သိန်းခွဲခန့်ရှိသည်ဟု အစိုးရဖက်မှ အခိုင်အမာဆိုနေသော်လည်း အခြားလွတ်လပ်သော သတင်းဌာနများကမူ ထိုအရေအတွက်ထက် အဆမတန် ပိုများခဲ့ကြောင်း ဆိုကြသည်။ ထိုအချိန်မှစ၍ ရိုဟင်ဂျာတို့၏ဘ၀ရေးရာအားလုံးနီးပါးကို အနီးကပ်စောင့်ကြည့်ထိန်းချုပ်သော မူဝါဒတစ်ရပ်အား ကျင့်သုံးခဲ့၏။

ဆိုးဆိုးဝါးဝါးဖိနှိပ်ထားသည့်မူဝါဒအောက်၌ ရခိုင်ပြည်နယ်မြောက်ဖက်တွင် ရှင်သန်နေရသည့် ရိုဟင်ဂျာတို့အတွင်းမှ ဆရာဝန်နှင့်လူနာအချိုး၊ အရွယ်ရောက်ပြီး သူများ၏ စာမတတ်မြောက်မှုနှုန်း၊ ငါးနှစ်အောက် ကလေးငယ်များ၏ သေဆုံးပျက်စီးမှုနှုန်း အခြေအနေအား တစ်ချက်မျှ စောင်းငဲ့ကြည့်ရှုလိုက်သော် – လူနာ ရှစ်သောင်းသုံးထောင်လျှင် ဆရာဝန်တစ်ဦး၊ အရွယ်ရောက်ပြီးသူများ၏ စာမတတ်မြောက်မှုမှာ ၉၀ % အထက်၊ အသက်ငါးနှစ်အောက် ကလေးငယ်တို့၏သေဆုံး ပျက်စီးမှုမှာ မြန်မာနိုင်ငံ၏ အမြင့်ဆုံးသတ်မှတ်နှုန်းထက် နှစ်ဆ ဖြစ်နေသည်ကို တွေ့ရလေ၏။

လိင်ပိုင်းဆိုင်ရာ အကြမ်းဖက်ခံရမှုများ၊ နှုတ်ပိတ်ကွပ်မျက်မှုများ၊ အဓမ္မစေခိုင်းမှုများ၊ ခြိမ်းချောက်ဒုက္ခပေးမှုများ၊ နည်းအမျိုးမျိုးသုံး၍ စော်ကားနှိပ်စက်မှုများကို ဆယ်စုနှစ်များစွာ ခါးစည်းခံခဲ့ရသောကြောင့် အမျိုးသမီးများ၊ ကလေးသူငယ်များ နှင့် သက်ကြီးရွယ်အိုများအပါအ၀င် ရိုဟင်ဂျာမိသားစု အများအပြားမှာ နိုင်ငံစွန့်ထွက်ပြေးရန် ကြိုးပမ်းကြတော့သည်။ ကနေဒါ၊ သြစတေးလျ၊ ထိုင်း၊ မလေးရှား နှင့် အိမ်နီးချင်း ဘင်္ဂလားဒေ့ရ်ှနိုင်ငံများသို့ ဌာနီမဲ့သူများအဖြစ် ၀င်ရောက်နိုင်ရန် မသေချာသောအနာဂတ်အား ရင်ဆိုင်၍ ခနော်နီခနော်နဲ့လှေငယ်လေးများဖြင့် အပြောကျယ် ပင်လယ်ပြင်သို့ အသက်စွန့်ထွက်ခွာကြကုန်သည်။

အသိတရားကင်းမဲ့သည့် မူဝါဒ

မျိုးဖြုတ်သုတ်သင်မှုဟူသောဝေါဟာရသည် နားလည်ရန်ခက်ခဲသော ပညာရပ်ဆိုင်ရာအသုံးအနှုန်းဖြစ်နိုင်သော်ငြား၊ ၄င်း၏အကျိုးဆက်များမှာ ဆိုးဝါးလှပြီး နိုင်ငံတကာနှင့် ချီ၍အာရုံစိုက်ခံရသော အမှု ဖြစ်သည်။ ငြိမ်းချမ်းစွာရှိနေသောအခြားလူ့အဖွဲ့အစည်းတို့အား လူမျိုးတစ်မျိုး၏ အန္တရာယ် သက်ရောက် လာသကဲ့သို့ အတွေးဝင်စေပြီး ယင်းလူမျိုးစုလေး အပေါ် မပြောရက်လောက်အောင် ၄င်းတို့မှ အသိမဲ့ကြမ်းကြုတ်ရက်စက်မှုများ ပြုလုပ်ပေါ်ထွက်လာစေရန်အတွက် အယူဝါဒ နှင့် လူမှုစိတ္တဆိုင် ရာစင်မြင့်တစ်ခုဖြင့်  မျိုးဖြုတ်သုတ်သင်ရေးမူဝါဒကို ပုံစံချဖော်ဆောင်လေ့ရှိသည်။

ဗိုလ်ချုပ်ဟောင်းဦးသိန်းစိန် နှင့် နေပြည်တော်ရှိ သူ၏အရပ်သားတစ်ပိုင်းအစိုးရမှ ဦးဆောင်လျက်ရှိသော စစ်တပ်လက်အောက်ခံ မြန်မာနိုင်ငံသည် ရိုဟင်ဂျာမျိုးဖြုတ်သုတ်သင်ရေးအား လမ်းဖွင့်ဖော်ဆောင်ထားပြီဖြစ်သည်။ ယင်းသုတ်သင်ရေးစီမံကိန်း၌ ရိုဟင်ဂျာတို့အား တတ်နိုင်သမျှ လူမဆန်စွာဆက်ဆံရန် ဒေသခံရခိုင်ဗုဒ္ဓဘာသာဝင်များအနက် လူမျိုးကြီးဝါဒီ နှင့် အစွန်းရောက်မျက်ကန်းမျိုးချစ်များ၊ လူမျိုးစုခေါင်းဆောင်များ မှသည် ဗုဒ္ဓဘာသာဝင်လူ့အဖွဲ့အစည်းအထိ လုပ်ပိုင်ခွင့်ပေးထားခဲ့ကြသည်။

ချက်သမ် ဂုဏ်ထူးဆောင်အိမ်တော် (The Prestigious Chatham House)တွင် ရိုဟင်ဂျာတို့အပေါ်ထားရှိသော လူမျိုးရေးဆိုင်ရာ အစိုးရ၏သဘောထားရပ်တည်ချက်ကို ဦးသိန်းစိန်မှ အထစ်အငေါ့မရှိပြောဆိုသွားမှုအား ဗြိတိန်ပြည်သူများမှ နိုးကြားသတိဝင်အပ်သည်။  လူ့အခွင့်အရေးများနှင့် ပတ်သက်၍ စိုးရိမ်သည်ဟု လန်ဒန်မှ ဖော်ပြနေလင့်ကစား ဦးသိန်းစိန်၏ပြောဆိုမှုသည် မြန်မာ့လက်ဦးကိုလိုနီကြီးမှာ ရိုဟင်ဂျာတို့အပေါ် ညှင်းပန်းနှိပ်စက်မှု၌ တရားဝင်ပါဝင်ပတ်သက်လာအောင် ဆွဲထည့်လိုက်သည့်နှယ် ဖြစ်သွားစေသည်။

ဗြိတိန်၏ တစ်ချိန်တုန်းကကျူးကျော်ခဲ့မှုအား ထိုးနှက်ရန် – ရိုဟင်ဂျာအရေးမှာ အိန္ဒိယတိုက်သည် ဗြိတိသျှကိုလိုနီလက်အောက်ခံရောက်ခဲ့သည့်ကာလမှစ၍ ၁၉၄၈ ခုနှစ် လွတ်လပ်ရေး ရချိန်အထိ ဗြိတိသျှတို့မှ ဖန်တီးချန်ရစ်မှုဆိုးမွေအဖြစ် ဦးသိန်းစိန်မှ အကွက်ချပြောဆိုသွားကြောင်း ထင်ရှားနေသည်။ “ ကိုလိုနီအုပ်ချုပ်ရေးကာလ အတွင်း ယခင်က အာရကန် ဟု အမည်တွင်သည့် ရခိုင်ပြည်နယ်တွင်းသို့အခြားနိုင်ငံသားများက ပြောင်းရွှေ့ဝင်ရောက်လာကာ လုပ်ကိုင်စီးပွားရှာခဲ့ကြသည်။  သို့အားဖြင့် သူတို့သည် သူတို့ကိုယ်ပိုင်သီးနှံများ စိုက်ပျိုး ရိတ်သိမ်းပြီးနောက် ပြည်တော်ပြန်သွားကြသည်။ သို့သော် နောင်သောအခါ ၄င်းတို့က ယင်းဒေသ၌ အခြေချနေထိုင်ရန်ဆုံးဖြတ်ခဲ့ကြသည်။ ထိုခေတ်က ယင်းဒေသ၌ မွတ်စ်လင်မ်ဦးရေ ငါးသောင်း မျှသာရှိခဲ့ရာမှ ယခုအခါ ၈ သိန်းကျော်ရှိလာသည့်အတွက်ကြောင့် တင်းမာမှုများစွာ ဖြစ်ပေါ်ရခြင်းဖြစ်သည် ” ဟု ဦးသိန်းစိန်၏စကားများ၌ တွေ့ရပေမည်။

လူမျိုးစွဲနှင့်ခွဲခြားသတ်မှတ်ခြင်းအပေါ် တည်ဆောက်ထားသော ဤအချက်အလက်များတွင် လူမျိုးကြီးဝါဒနှင့်လုပ်ကြံချက်ဆိုင်ရာ နည်းလမ်းများကို အပြည့်အ၀ အသုံးပြုထားကြောင်းတွေ့ ရလေသဖြင့် ကိုလိုနီခေတ်ကာလ စာရင်းဇယားလောက်မျှပင် ယုံကြည်စိတ်ချစရာ မရှိချေ။ ကိုလိုနီအလောင်း အလျာဗြိတိသျှတို့မှ ၁၈၂၄ ခုနှစ် ရခိုင်ပြည်သို့ ကျူးကျော် ၀င်ရောက်စဉ် ဗုဒ္ဓဘာသာဝင်နှင့် မွတ်စ်လင်မ်နှစ်ဖက်စလုံးကို လူဦးရေလျှော့ချရန် စစ်အုပ်ချုပ်ရေးဖြင့် ဖိနှိပ်ခဲ့သည်။ ၄င်းကိုလိုနီခေတ်ဦးမှတ်တမ်းများ
မှာပင်လျှင် ရခိုင်ပြည်နယ်၏ လူဦးရေ သုံးပုံတစ်ပုံခန့်မှာ မွတ်စ်လင်မ်များဖြစ်နေကြောင်း ဖော်ပြထား၏။

ယနေ့တွင်လည်း ရခိုင်ပြည်နယ်ရှိ ခန့်မှန်းလူဦးရေပမာဏ ၃ သန်းအနက် မွတ်စ်လင်မ်ဦးရေမှာ သုံးပုံတစ်ပုံဝန်းကျင်သာ ရှိကြောင်း ဆိုကြသည်။ သို့ဖြစ်၍ ဤသည်မှာ ဒေသခံ ရခိုင်များ အတွက် လူဦးရေဆိုင်ရာအန္တရာယ်တစ်ရပ် မဟုတ်သလို၊ ဗုဒ္ဓဘာသာကြီးစိုးသည့် လူဦးရေသန်း ၅၀ အထက်နိုင်ငံတစ်ခုအတွက်လည်း အမျိုးသားရေးဆိုင်ရာ အန္တရာယ်တစ်ရပ် အလျဉ်း မဖြစ်နိုင်ပါလေ။ ကိန်းဂဏန်းကစားပွဲကိုအသာထား၍ ဦးသိန်းစိန်၏သံသယဖြစ်ဖွယ် ရှင်းလင်းချက်မှာ လိုရာဆွဲ ဖြစ်ပြီး ရခိုင်သမိုင်းအမှန်နှင့် မနီးစပ်သဖြင့် လက်ခံစရာမရှိကြောင်း သုံးသပ်သူများစွာ ရှိနေသည်။

ယမန်နှစ်၊ စက်တင်ဘာလ၊ ကိုလံဘီယာတက္ကသိုလ်တွင်ကျင်းပသော ရိုဟင်ဂျာအရေး လူထုဆွေးနွေးပွဲ၌ ဘင်္ဂါလီလူမျိုး ကမ္ဘာကျော်ဒဿနပညာရှင်၊ ဘောဂဗေဒပညာရှင် နှင့် ဟားဗတ် တက္ကသိုလ်ပါမောက္ခ တစ်ဦးဖြစ်သူ Amartya Sen က “ ရိုဟင်ဂျာများသည် မြန်မာပြည်သို့ ၀င်လာခြင်းမဟုတ်၊ မြန်မာပြည်က ရိုဟင်ဂျာတို့ထံ သွားရောက်ခဲ့ခြင်းဖြစ်သည် ” ဟု ပြတ်သားစွာ ထောက်ပြဝေဖန်ခဲ့သည်။

အခြားနိုင်ငံများရှိ နယ်စပ်နေ တိုင်းရင်းသားများအတိုင်း –  ၁၉၈၉ ခုနှစ်မှ မြန်မာဟု အမည်တွင်လာသော ဗမာနိုင်ငံ နှင့် ၁၉၇၁ ခုနှစ်မှ ဘင်္ဂလားဒေ့ရ်ှဟု သိလာကြသော အရှေ့ပါကစ္စတန်နယ်ဟောင်းတို့၏ နှစ်ဖက်နှစ်ဝ နယ်စပ်များတွင်လည်း ရိုဟင်ဂျာလူမျိုးစုကို တွေ့မြင်နိုင်ပေသည်။ ကိုလိုနီခေတ်ကာလများတွင် နယ်နမိတ် သတ်မှတ်ချက်မရှိခဲ့သော နယ်စပ်ဒေသအများအပြားကို ပိုင်နက်ချဲ့ထွင်ခြင်း နှင့် အာဏာပိုင်တို့၏သြဇာအားဖြင့် ကန့်သတ်ပိုင်းခြားလိုက်ကြရာမှ ကိုလိုနီခေတ်လွန်နိုင်ငံဒေသများ ဖြစ်ထွန်းလာကြသည်။

စင်စစ်မှာမူ ဤသို့အသစ်ဖြစ်ထွန်းလာသည့်နယ်စပ်ဒေသများတစ်လျှောက် ပျံနှံ့နေထိုင်လျက်ရှိသော ကိုယ်ပိုင်ယဉ်ကျေးမှုနှင့်ဘာသာစကားရှိ လူ့အဖွဲ့အစည်းများ အပေါ် ညှင်းပန်းနှိပ်စက်ရန် သို့မဟုတ် ဒေသခံမဟုတ် ဟု သတ်မှတ်ရန် – ၄င်းတို့နှင့်စပ်လျဉ်း၍ စစ်ပွဲများ၊ ပဋိပက္ခများ၊ အခြားကိုယ်ကျိုးရှာမှုများ ထွက်ပေါ်လာရန် အကြောင်းမရှိပါ။ မြန်မာနိုင်ငံ၏ နယ်နမိတ်အတွင်းရှိ ချင်း၊ ကချင်၊ ကရင်နီ၊ မွန်၊ ရှမ်း စသည်တို့သာမက ဗုဒ္ဓဘာသာရခိုင်လူမျိုးတို့သည်ပင်လျှင် အိမ်နီးချင်းနိုင်ငံအသီးသီးဝယ် တိုင်းရင်းသားအဖြစ် တည်ရှိနေကြ၏။ သို့တစေ အထူးကရုပြုအပ်သည်မှာ ၄င်းလူ့အဖွဲ့အစည်းများသည် ထိုင်း၊ လော(လာအို)၊ ဘင်္ဂလားဒေ့ရှ်၊ အိန္ဒိယ နှင့် တရုတ်နိုင်ငံများ၏ မျိုးဖြုတ်သုတ်သင်ရှင်းလင်းခြင်း ခံရသည်ဟူ၍ မကြားစဖူးချေ။

သမိုင်းကို ကုလားဖန်ထိုးခြင်း

အမှန်ကိုဆိုရလျှင် ရိုဟင်ဂျာတို့၏တည်ရှိခြင်းကို မြန်မာနိုင်ငံမှ ငြင်းဆိုထားမှု ဟူ၍ ယခင်က မရှိခဲ့။ ဦးသိန်းစိန်၏ လူမျိုးရေးအမြင် နှင့် “ ရိုဟင်ဂျာသည် တိုင်းရင်းသားလော၊ နောက်မှ ၀င်ရောက်လာသူတို့၏မျိုးဆက်လော ” ဟူသည့် လတ်တလောအချေအတင်အဆိုများက ထိုအချက်နှင့် ဆန့်ကျင်နေ၏။ ဤအစိုးရမတိုင်မှီ မြန်မာအစိုးရ အစဉ်အဆက် လေးဆက်ဖြစ်သော – ဦးနု၏ပါလီမန်ဒီမိုကရေစီအစိုးရ(၁၉၄၈-၅၈)၊ ဗိုလ်ချုပ်နေ၀င်း၏အိမ်စောင့် အစိုးရ(၁၉၅၈-၆၀)၊ ၀န်ကြီးချုပ် ဦးနု၏ပြည်ထောင်စု အစိုးရ(၁၉၆၀-၆၂)၊ ဗိုလ်ချုပ်နေ၀င်း၏ တော်လှန်ရေးကောင်စီ စစ်အစိုးရ(၁၉၆၂-၁၉၇၄) တို့သည် ရိုဟင်ဂျာကို ဒေသခံတိုင်းရင်းသားလူမျိုးစုအဖြစ် တရားဝင် အသိအမှတ်ပြုခဲ့ကြပြီးဖြစ်သည်။

မြန်မာနိုင်ငံ၏တစ်ခုတည်းသော အသံလွှင့်ဌာန(Burma Broadcasting Service, BBS)၌ ရိုဟင်ဂျာတို့၏ကိုယ်ပိုင်ဘာသာသာစကားဖြင့် အသံလွှင့်အစီအစဉ်သည် ရှမ်း၊ လားဟူ၊ ဗမာ စသော အခြားတိုင်းရင်းသားဘာသာ စကားအသံလွှင့်အစီအစဉ်တို့နှင့်အတူ ရှိခဲ့သည်။ လူမှုဗေဒသင်ရိုးများတွင်လည်း ရိုဟင်ဂျာတို့သည် မြန်မာနိုင်ငံ၏ တိုင်းရင်းသားလူမျိုး တစ်စုအဖြစ် တရားဝင် ထည့်သွင်းဖော်ပြခဲ့၏။

အိမ်ထောင်စုစာရင်းနှင့်မှတ်ပုံတင်ကဒ်ပြားတို့တွင်လည်း ၄င်းတို့၏ ကိုယ်ပိုင်လူမျိုးအမည် ရိုဟင်ဂျာ ဟု သုံးနှုန်းထားခဲ့၏။ အစိုးရရုံးဌာနများ အားလုံးရှိ တရားဝင်မှတ်တမ်းနှင့် တွဲစာတို့၌ ဤဝေါဟာရကိုပင် သုံးစွဲခဲ့၏။ ကာကွယ်ရေးဝန်ကြီးဌာန၏ ယခင်စစ်ဗိုလ်ချုပ်ဟောင်းတို့မှ ရိုဟင်ဂျာလူ့အဖွဲ့အစည်းနှင့်၎င်းတို့၏ဘာသာရေးခေါင်းဆောင်များအား အလေးထား အသိအမှတ်ပြုခဲ့ကြောင်း လူထုမှတ်တမ်းနှင့်ဟောပြောချက်များတွင် တွေ့ရသည်။ စစ်တပ်မှအာဏာသိမ်းယူပြီး ၂ နှစ် အကြာ ၁၉၆၄ ခုနှစ်တွင် အစိုးရမှ တရားဝင်ပုံနှိပ်ထုတ်ဝေထားသော မြန်မာ့စွယ်စုံကျမ်း၌ မြောက်ပိုင်းခရိုင်ရှိ ရိုဟင်ဂျာများ အကြောင်းကို အထူးကဏ္ဍတစ်ရပ်အနေနှင့် ထည့်သွင်းဖော်ပြခဲ့သည်။

၁၉၇၈ ခုနှစ်၊ ဖေဖော်ဝါရီလ၌ ရိုဟင်ဂျာတို့အပေါ် ပထမဆုံး မျိုးဖြုတ် သုတ်သင်သည့်အချိန်မှစပြီး အစဉ်အဆက် စစ်ခေါင်းဆောင်များက ထိုအစီအမံ အတိုင်း ဒေသတွင်းနှင့်နိုင်ငံတွင်းမှ ဖယ်ရှားရန် မရပ်မနားဆောင်ရွက်နေခဲ့ပြီး ယခုအခါ ၄င်းတို့ကို ဘင်္ဂလီများဟု ရည်ရွယ်ချက်ရှိရှိ ဗြောင်ကျကျပင် ခေါ်ဆိုသမုတ်လာကြသည်။ ရိုဟင်ဂျာတို့ကို ပြင်းထန်စွာနှိပ်ကွပ် ဦးတည်သော မျိုးဖြုတ်သုတ်သင်မှုမူဝါဒသည် ဦးနေ၀င်း၏ တစ်ကိုယ်ကောင်းဆန်လှသည့်အာဏာရှင်စံနစ်အောက်မှ စတင်ခဲ့သည်။ ယင်းမူဝါဒ၌ တစ်ဖက်စောင်းနင်းအမျိုးသားရေး နှင့် ကိုလိုနီဆန့်ကျင်ရေးအယူအဆများကို သွတ်သွင်းထားခဲ့သည်။ အကျိုးအားဖြင့် ၁၉၇၈ ခုနှစ်၊ လူမျိုးစုဖယ်ရှားသန့်စင်ရေးလှိုင်းလုံး အမျိုးမျိုးအောက်ဝယ် ဆက်လက်ရှင်သန် ကျန်ရစ်နေသည့် ရိုဟင်ဂျာ များအတွက် မြန်မာနိုင်ငံ၌ လူမျိုးခွဲခြားမှုစံနစ်တစ်ရပ် ဖြစ်တည်လာသည်။

ဗြိတိသျှအစိုးရသည် ရိုဟင်ဂျာတို့အပေါ် ယခင်နှင့်ယခု မျိုးဖြုတ် သုတ်သင်ခြင်း၊ လူမျိုးစုဖယ်ရှားသန့်စင်ရေးနှင့် စပ်လျဉ်း၍ ဦးသိန်းစိန်အား အတိုက်အခံပြုရမည့်အစား အစိုးရ၏ ၂၀၁၄ သန်းခေါင် စာရင်းကောက်ယူမှုအတွက် ပေါင် စတာလင် ၁၀ သန်းပေးကမ်းလိုက်ခြင်းမှာ မြန်မာနိုင်ငံရှိ ရိုဟင်ဂျာတည်ရှိခြင်းအား ခေါင်းတလားအတွင်း သွင်းပြီး နောက်ခေါင်းတလားအဖုံးပိတ် နောက်ဆုံး ရိုက်သွင်းလိုက်သည့် သံချောင်းအလားပင်။

ဤသည်မှာ မြန်မာနိင်ငံရှိ လူ့အခွင့်အရေးချိုးဖောက်ခံဒေသများရှိ လက်နက်ကိုင်တပ်ဖွဲ့များ နှင့် ပြည်သူ့စစ်များအား စစ်ရေးလေ့ကျင့်ပေးရာတွင် ဗြိတိသျှကာကွယ်ရေးဌာနမှ ပါဝင်ပတ်သက်စေမည့် ဗြိတိန်၏တစ်ကျော့ပြန်အစီအမံ သစ်တစ်ရပ်လည်း ဖြစ်၏။ စစ်တပ်စာသင်ခန်းများအတွင်း ဗြိတိသျှအရာရှိများမှ လူ့အခွင့်အရေးနှင့် တာဝန်အကြောင်းပြောဆိုလျှက်ရှိပြီး တစ်ချိန်ထဲမှာပင် လူမျိုးစုဖယ်ရှား သန့်စင်မည့် လူဦးရေစစ်တမ်းကောက်ယူသောအစီအစဉ် တစ်ရပ်ကို ဗြိတိန်သားတို့၏အခွန်ငွေဖြင့် အထောက်အပံ့ပေးလျှက်ရှိပေသည်။

ဗြိတိန်၏နိုင်ငံတကာအပေါ်စိုးမိုးလိုမှုအကြောင်းနှင့် မစိမ်းသူများအဖို့ အံ့သြစရာကိစ္စ မဟုတ်ကြချေ။ မြန်မာနိုင်ငံ၏ လူမျိုးစုဖယ်ရှားရေးလူဦးရေ စစ်တမ်းကောက်ယူမှုအား ငွေကြေး ပံ့ပိုးကူညီသည့် ဆုံးဖြတ်ချက်ကြောင့် အပြန်အလှန်အားဖြင့် ကမ္ဘာ့ကုလသမဂ္ဂလူဦးရေရံပုံငွေအဖွဲ့ထံမှ လုပ်ထုံး လုပ်နည်းအရ ပြန်လည်အကျိုးခံစားရမည် ဖြစ်သောကြောင့်ပင်။ ယင်းသို့မဟုတ်လျှင်လည်း ဗြိတိသျှအစိုးရ၏ဆုံးဖြတ်ချက်မှာ ဒေါ်လာ ၅ သန်းခန့်တန်သည့် အင်္ဂလန်ပြည်တွင်းဖြစ်လက်နက်များကို ပို့ကုန်ပြုခြင်းဖြင့် ဦးသိန်းစိန်အား ဆုချပေးခြင်းသာဖြစ်၏။ ယင်းသို့ အငြင်းဝင်စရာ ပေးကမ်းမှုမှာ နိုင်ငံတစ်ခု၏လူမျိုးစုဆိုင်ရာပဋိပက္ခအား ချုပ်ငြိမ်းအောင် ကူညီခြင်းမှ ဟုတ်ပါ၏လောဟု ပြည်ပရေးရာ ကျွမ်းကျင်နှံ့စပ်သူ တစ်ဦးဦးမှ များမကြာမီ သုံးသပ်လာပါလိမ့်မည်။

၁၉၄၇ ခုနှစ်၊ ဇူလိုင်လ ၁၉ ရက်တွင် လွတ်လပ်ရေးသူရဲကောင်း ဦးအောင်ဆန်းနှင့်တစ်ကွ တိုင်းပြည်ထူထောင်သူပုဂ္ဂိုလ် တစ်စုအား အင်္ဂလန်ပြည်တွင်းဖြစ်ကျည်တောင့်များက သတ်ဖြတ်ခဲ့သည်။  ထိုလုပ်ကြံမှုမှာ ပြည်တွင်းမှလူများ လုပ်ဆောင်သော်လည်း ဗြိတိသျှတို့၏လက်သိပ်ထိုးကူညီမှု  မကင်းခဲ့။ နေမ၀င်အင်ပါယာဆန့်ကျင်ရေး၌ ရပ်တည်ချက် ခိုင်မာလှသူ မျိုးချစ်ပုဂ္ဂိုလ် ဦးအောင်ဆန်းအား ဒုတိယကမ္ဘာစစ် အပြီး ကိုလိုနီခေတ်လွန် မြန်မာနိုင်ငံအပေါ် ရှိသော ဗြိတိသျှတို့၏ စီးပွားရေးနှင့် အမြတ်ထုတ်ရေးကဏ္ဍအတွက် အကြီးမားဆုံး အတားအဆီးအဖြစ် အမြင်ရှိခဲ့ကြ၏။

နှစ်ပေါင်း ၆၀ ကြာမြင့်ပြီးမှ ဦးသိန်းစိန်၏ စစ်တပ်နောက်ခံ မျိုးဖြုတ်အုပ်ချုပ်ရေးစနစ်ထံ အင်္ဂလန်ပြည်တွင်းဖြစ် လက်နက်ပို့ကုန်အားအသက်သွင်းပေးအပ်ပြန်ရာ လူနည်းစုဝင် တိုင်းရင်းသားနှင့်ဘာသာရေး အုပ်စုများအဖို့ အန္တရာယ်အချက်ပေးသံတစ်ခု ဖြစ်လာလေသည်။  ၄င်းလူနည်းစုဝင်များသည် ဗမာလူမျိုးစစ်ဗိုလ်ချုပ်များနှင့်၎င်းတို့၏ ခရိုနီများလောက် ဗြိတိသျှ၏အကျိုးစီးပွားကို လမ်းခင်းမပေးနိုင်၍ ဖြစ်ပေလိမ့်မည်။

ဖုံးတစ်ဝက်ဖော်တစ်ဝက် ကိုယ်ပိုင်ဗျူဟာ နှင့် အကျိုးတူပူးပေါင်းဆောင်ရွက်မှု နည်းစဉ်ဖြင့် ရှေ့ဆက်လာပါက ဗြိတိန်သည် ကိုလိုနီခေတ်ဟောင်းမှ တစ်ဖက်စောင်းနင်း လူမျိုးခွဲခြားရေး မူဝါဒအား ပြန်လည်အသက်သွင်းခြင်း ဟုသာ ဆိုရပေမည်။ ၁၉ ရာစု နှင့် ၂၀ ရာစု စဦးပိုင်း အိန္ဒိယတိုက်သည် ဗြိတိသျှ လက်အောက်၌ရှိစဉ်ကာလများအတွင်း နယ်စပ်ဒေသ တစ်လျှောက်ရှိ ဗုဒ္ဓဘာသာဝင်မဟုတ်သော လူနည်းစု ၀င်များအား အသုံးချကာ ဗြိတိသျှတို့မှ မိမိတို့၏ အင်ပါယာချဲ့ထွင်ရေးနှင့်ကိုယ်ကျိုးစီးပွားကို အရယူခဲ့ကြသည်။ ၄င်းနောက်တွင်တော့ ထိုသူတို့ကို နှစ်နိုင်ငံ အကြား ခွနေသူများကဲ့သို့ ပုံဖော်ခဲ့ကြသည်။

မြန်မာနိုင်ငံအပေါ်ဆင်ယင်လိုက်သည့် ဗြိတိန်၏ ၂၀၁၃ ပုံဟန်သစ်မှာ သြဇာလွှမ်းနေသော ဗုဒ္ဓဘာသာဝင်ဗိုလ်ချုပ်များ နှင့် ၄င်းတို့သြဇာခံအာဏာပိုင်များအားဖြင့် ဗြိတိသျှတို့၏ အကျိုးစီးပွားများကို အမိအရဖော်ဆောင်လိုက်ခြင်း ဖြစ်သည်။ တစ်ချိန်တည်းမှာပင် အခြားတစ်ဖက်၌ ၄င်းတို့၏ ကိုလိုနီခေတ်က အသုံးချခံဖြစ်ခဲ့သော – နှစ်ဖက်ခွနေသူများအဖြစ် ပုံဖော်ခံရသော ရိုဟင်ဂျာ၊ ကချင်၊ ကရင် နှင့် အခြားတိုင်းရင်းသားတို့မှာ ဆင့်ကာဆက်ကာ ခွဲခြားခံရပေတော့မည်၊ စစ်ရေးလွှမ်းမိုးမှုကို ခံရပေတော့မည်၊ လူမျိုးစု သန့်စင်ဖယ်ရှားခံကြရတော့မည် ဖြစ်ပါ၏။

ဆောင်းပါးရှင် (ဒေါက်တာ)မောင်ဇာနည်သည် စစ်အုပ်ချုပ်ရေးဆန့်ကျင်သူ မြန်မာလူမျိုး ပညာရှင် တစ်ဦးဖြစ်သည်။ ၄င်းပြင် London School of Economics ၏  Civil Society and Human Security Research Unit မှ ဧည့်သည်တော်အဖွဲ့ဝင်တစ်ဦးလည်းဖြစ်သည်။

Asia Times တွင် ဖော်ပြသော ဆောင်းပါးရှင် မောင်ဇာနည်၏  British aid for Myanmar ethnic cleansing ဆောင်းပါးကို  “သြရသရေချမ်း” မှ မြန်မာလို ဆီလျော်အောင် ပြန်ဆိုပါသည်။