Tag: FA Cup

ယခုနှစ် FA ဖလားတွင် ၄ ဦး လူစားလဲသည့်စနစ် စမ်းသပ်မည်

ဇူလိုင် ၂၇၊ ၂၀၁၆
M-Media

– ၂၀၁၅-၁၇ ဘောလုံးရာသီ FA ဖလားပွဲများတွင် စတုတ္ထမြောက် လူစားလဲသည့်စနစ်ကို စမ်းသပ်အသုံးပြုသွားမည်ဟု အင်္ဂလန်ဘောလုံးအဖွဲ့ချုပ် FA က ပြောကြားလိုက်သည်။

အဆိုပါအစီအစဉ်ကို ကွာတားဖိုင်နယ်၊ ဆီမီးဖိုင်နယ်နှင့် ဖိုင်နယ်ပွဲစဉ်များ၏ အချိန်ပိုကစားသည့်အခါ အကောင်အထည်ဖော်မည်ဖြစ်သည်။

ဘောလုံးလောကတွင် စည်းမျဉ်းစည်းကမ်းများကို ရေးဆွဲပြဌာန်းနေသော နိုင်ငံတကာဘောလုံးအသင်းအဖွဲ့များဘုတ်အဖွဲ့ (IFAB) က ဘောလုံးပွဲတစ်ပွဲတွင် ကစားသမား ၃ ဦးသာ လူစားလဲခွင့်ပြုထားခြင်းမှာ သင့်လျော်မှု ရှိ၊ မရှိ ကမ္ဘာလုံးဆိုင်ရာ အတိုင်းအတာနှင့် လေ့လာမှု ပြုလုပ်နေသည်။

မကြာသေးမီက အမေရိကန်တွင် ကျင်းပပြုလုပ်ခဲ့သည့် ကိုပါအမေရိကန် ဘောလုံးပြိုင်ပွဲ နောက်ဆုံးဗိုလ်လုပွဲတွင်လည်း အဆိုပါ စတုတ္ထမြောက်ကစားသမား လူစားလဲမှုစနစ်ကို စမ်းသပ်အသုံးပြုခဲ့သည်။

Ref: Goal

July 27, 2016
အနာဂတ်အတွက် မဆွေးနွေးချင်သေးဟု ဗန်ဂါးလ်ပြော

မေ ၂၂၊ ၂၀၁၆
M-Media

– လာမည့်ရာသီတွင် မော်ရင်ဟိုမှာ မန်ယူ၏ နည်းပြဖြစ်လာမည်ဟု သတင်းများ ကျယ်ကျယ်ပြန့်ပြန့် ထွက်ပေါ်နေသော်လည်း လူးဝစ်ဗန်ဂါးလ်ကမူ ၎င်းအနေဖြင့် အနာဂတ်ကို မစဉ်းစားသေးဟု ပြောကြားခဲ့သည်။

မန်ယူဘုတ်အဖွဲ့မှာ ရာသီကုန်တွင် ဗန်ဂါးလ်နေရာအား အစားထိုးချင်နေသည်ဟု ရာသီအစကတည်းက သတင်းထွက်ပေါ်ခဲ့ပြီး ချယ်ဆီးမှ ထုတ်ပယ်ခံလိုက်ရသည့် မော်ရင်ဟိုမှာ မန်ယူနည်းပြနေရာအတွက် ရေပန်းစားခဲ့သည်။ ယမန်နေ့က ခရစ္စတယ်ပဲလေ့စ်အား ၂ ဂိုး ၁ ဂိုးဖြင့် အနိုင်ရကာ FA ဖလားကို ဆွတ်ခူးနိုင်ခဲ့သော်လည်း မန်ယူတာဝန်ရှိသူများ၏ ရပ်တည်ချက်မှာ မပြောင်းလဲဟု သိရသည်။

ဗန်ဂါးလ်ကမူ ထိုကိစ္စအတွက် မပြောချင်ဟု ဆိုသည်။

“ကျွန်တော် ဖလားတစ်လုံးယူပေးခဲ့ပြီးပါပြီ။ မီဒီယာသမားတွေက ကျွန်တော့်ကို လွန်ခဲ့တဲ့ ၆ လလောက်ကတည်းက အသင်းကနေ ထုတ်ထားတာကြောင့် ဒီကိစ္စကို ကျွန်တော် မီဒီယာမှာ မပြောချင်ပါဘူး။ ထွက်ခွာဖို့ကိစ္စအတွက်လည်း မပြောချင်ပါဘူး” ဟု ဗန်ဂါးလ်က ယမန်နေ့တွင် ပြောကြားခဲ့သည်။

ထို့ပြင် မိမိတို့မှာ အကူအပြောင်းကာလတစ်ခုကို ဖြတ်သန်းနေပြီး၊ ကစားသမားများကို အနားပေးရမည်ဖြစ်ကြောင်း၊ ဖာဂူဆန်နောက်ပိုင်း မန်ယူကို ဖလားရအောင် ပထမဆုံး စွမ်းဆောင်ပေးနိုင်ခဲ့သည့် နည်းပြဖြစ်လာသည့်အတွက် ဂုဏ်ယူမိကြောင်း ၎င်းက ထည့်သွင်းပြောကြားခဲ့သည်။

Ref : Goal

May 22, 2016
ပရိတ်သတ်များ၏ဆန္ဒကို ဖြည့်ဆည်းပေးရန်မလွယ်ဟု အာဆင်ဝင်းဂါးပြော

မတ် ၁၃၊ ၂၀၁၆
M-Media

– အာဆင်နယ်ပရိတ်သတ်များ၏ အတောမသတ်နိုင်သော အောင်မြင်မှု ဆာလောင်စိတ်အား ဖြည့်ဆည်းရန် ခက်ခဲပြီး၊ အသင်း၏ အောင်မြင်မှုများကလည်း မည်သည့်အခါမှ လုံလောက်မည်မဟုတ်ဟု အာဆင်ဝင်းဂါးက ပြောကြားလိုက်သည်။

အာဆင်နယ်မှာ ပရီးမီးယားလိဂ်၌ တတိယနေရာတွင် ရှိနေကာ၊ ချန်ပီယံလိဂ်တွင်လည်း ၁၆ သင်းအဆင့်ကို ရောက်ရှိနေသည်။ FA ဖလားတွင်မူ ကွာတားဖိုင်နယ်သို့ ရောက်ရှိနေပြီး ယနေ့တွင် ၀က်ဖို့ဒ်အသင်းနှင့် ကစားရမည်ဖြစ်သည်။ ထို့ကြောင့် FA ဖလားအား ၃ နှစ်ဆက်တိုက် ရရှိရန် အလားအလာကောင်းနေသည်။

သို့သော်လည်း ပရိတ်သတ်များကမူ အာဆင်နယ်၏ ပြည်တွင်းစွမ်းဆောင်ရည်ကို ကြိုက်နှစ်သက်ခြင်းမရှိဘဲ အာဆင်ဝင်းဂါးအား အသင်းမှ ထွက်ခွာစေချင်ကြသည်။

“(ပရိတ်သတ်တွေရဲ့ ဆန္ဒက) ဘယ်တော့မှဖြည့်ဆည်းလို့ လောက်မှာမဟုတ်ပါဘူး။ ဖလားအားလုံးကို မရသမျှ ဒီလိုပဲဖြစ်နေမှာပါ။ ကျွန်တော် ဘာဖလားမှမရတဲ့အခါ – ‘မင်းတို့ FA ဖလားလေးတောင် ရအောင်မယူနိုင်ဘူး’ လို့ ပြောကြပါတယ်။ လူတွေဟာ အမြဲတမ်း ပိုပိုလိုချင်နေကြတာပါ။ ဒါပေမယ့် အာဆင်နယ်သမိုင်းကိုကြည့်ရင် ကျွန်တော်တို့ဟာ အခြားအသင်းတွေထက် ပိုပြီး FA ဖလားကို ရခဲ့တာပါ။ ၁၂ ကြိမ်ရခဲ့ပြီး အဲဒီထဲက ၆ ကြိမ်ဟာ ကျွန်တော်ကိုင်တွယ်တဲ့အချိန်မှာ ရခဲ့တာပါ” ဟု ၀င်းဂါးက ပြောကြားခဲ့သည်။

ထို့ပြင် မိမိအနေဖြင့် ခေတ်သစ်ဘောလုံးလောက၏ မျှော်လင့်ချက်များကို နားလည်ကြောင်း၊ ပြိုင်ပွဲအားလုံးတွင် အနိုင်ရရန် ဆက်လက်ကြိုးပမ်းအားထုတ်သွားမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

Ref: Goal

March 13, 2016
ခြေစွမ်းပြခဲ့သည့် လူငယ်တိုက်စစ်မှူးကို မန်စီးတီးနည်းပြ ချီးကျူး

ဇန်န၀ါရီ ၃၁၊ ၂၀၁၆
M-Media

– FA ဖလား အက်စတွန်ဗီလာနှင့်ပွဲတွင် ခြေစွမ်းပြခဲ့သည့် လူငယ်ကစားသမား ကီလီချီ အိုင်ဟီယာနာချိုအား မန်စီးတီးနည်းပြ မန်နျူယဲလ် ပယ်လီဂရီနီက ချီးကျူးလိုက်ပြီး ဇက်ကိုနှင့် ယိုဗီတစ်တို့ကို ရောင်းချမှု မှန်ကန်ကြောင်း သက်သေပင်ဖြစ်သည်ဟု ပြောကြားခဲ့သည်။

FA ဖလား စတုတ္ထအဆင့်အဖြစ် ယမန်နေ့က ကစားခဲ့သည့် ထိုပွဲတွင် မန်စီးတီးမှာ ၄ ဂိုးပြတ်ဖြင့် အနိုင်ရခဲ့ပြီး အသက် ၁၉ နှစ်အရွယ် အိုင်ဟီယာနာချိုမှာ ဟက်ထရစ်သွင်းယူပေးခဲ့ကာ၊ စတာလင်က ၁ ဂိုး သွင်ယူပေးခဲ့သည်။ ပယ်လီဂရီနီကမူ အဓိကတိုက်စစ်မှူးများဖြစ်သည့် ဇက်ကိုနှင့် ယိုဗီတစ်တို့အား ယခုနှစ်အစတွင် ရိုးမားနှင့် အင်တာမီလန်သို့ ရောင်းချခဲ့ခြင်းမှာ မှန်ကန်သည်ဟု ဆိုသည်။

“ကီလီချီက တော်တော်ကောင်းတဲ့ လူငယ်လေးပါ။ သူ့ကို နေ့တိုင်းစောင့်ကြည့်နေပြီး သူ ဘာလုပ်နိုင်တယ်ဆိုတာ ကျွန်တော် သိတဲ့အတွက်ကြောင့် ယိုဗီတစ်နဲ့ ဇက်ကိုတို့ကို ထွက်ခွင့်ပြုလိုက်တာပါ။ ကျွန်တော် တော်တော်လေး ကျေနပ်မိပါတယ်” ဟု ပြောကြားခဲ့သည်။

ထို့ပြင် ပွဲအများကြီးကစားရန် ရှိနေသောကြောင့် ထိုပွဲတွင် အပြောင်းအလဲတစ်ချို့ လုပ်ဆောင်ခဲ့ကြောင်း ၎င်းက ထည့်သွင်းပြောကြားခဲ့သည်။ မန်စီးတီးမှာ လက်ရှိအချိန်တွင် ဖလား ၄ လုံးလမ်းကြောင်းပေါ်၌ ရှိနေဆဲဖြစ်သည်။

Ref: Goal

January 31, 2016
FA ဖလားတွင် ချန်ပီယံရှစ်အသင်းများအား အထင်သေးမှုကို စွန့်လွှတ်ရတော့မည်ဟု ၀င်းဂါးပြော

ဇန်န၀ါရီ ၃၀၊ ၂၀၁၆
M-Media

– FA ဖလားပြိုင်ပွဲ၌ ချန်ပီယံရှစ်အသင်းများနှင့် တွေ့ဆုံရာတွင် လူငယ်ကစားသမားဖြင့် ကျော်ဖြတ်နိုင်သည်ဟူသော အယူအဆကို ပရီးမီးယားလိဂ်အသင်းများက စွန့်လွှတ်ရတော့မည်ဟု အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။

အာဆင်နယ်မှာ စနေနေ့တွင် ချန်ပီယံရှစ်ကလပ် ဘန်လေနှင့် တွေ့ဆုံရမည်ဖြစ်ပြီး ၀င်းဂါးကမူ မိမိမှာ အတွေ့အကြုံရှိကစားသမားများကို ထည့်သွင်းအသုံးပြုသွားမည်ဟု ပြောကြားခဲ့သည်။ ပြီးခဲ့သည့် ၂ နှစ်ဆက်တိုက် FA ဖလားရရှိထားသည့် အာဆင်နယ်မှာ FA ဖလားနှင့် လိဂ်ဖလားပြိုင်ပွဲများတွင် လူငယ်များကိုသာ အဓိကအသုံးပြုခဲ့သော်လည်း ယခုတွင်မူ ၀င်းဂါးက ၎င်း၏ အယူအဆကို ပြောင်းလဲခဲ့သည်။

“တော်တော်လေး တောင့်တင်းတဲ့အသင်းနဲ့ ကျွန်တော် ယှဉ်ပြိုင်မှာပါ။ ပြီးခဲ့တဲ့ တနင်္ဂနွေနေ့မှာ ချယ်ဆီးကို ရှုံးနိမ့်ခဲ့တာကြောင့် ပထမဆုံးအနေနဲ့ ကျွန်တော်တို့ရဲ့ ယုံကြည်မှု မကျဆင်းသွားဖို့ အရေးကြီးပါတယ်။ ဒီရာသီမှာ ကျွန်တော်တို့ တစ်ခု သင်ယူခဲ့ရပါတယ်။ ဒါကတော့ လိဂ်ဖလားမှာ ရှက်ဖီးလ်ဝင်းစ်ဒေးနဲ့ ကစားပြီး ပက်ပက်စက်စက် ရှုံးနိမ့်ခဲ့တာပါ။ အဲဒီကနေ ကျွန်တော်တို့ သန်ခန်းစာရခဲ့တယ်ဆိုတာ ပြသရပါမယ်။ ဒုတိယတစ်ခုကတော့ FA ဖလားမှာ ကျွန်တော်တို့ အမှားမခံချင်တာပါပဲ။ အိမ်ကွင်းမှာ ချန်ပီယံရှစ်အသင်းနဲ့ ကစားရတဲ့အခါ အခွင့်အရေးကို လက်လွှတ်မခံချင်ပါဘူး။ ချ န်ပီယံရှစ်အသင်းတွေကို လူငယ်တွေသုံးပြီး ကြက်ကန်းတိုး အနိုင်ရဖို့ မရှိတော့ပါဘူး။ ဒါပါပဲ” ဟု ၀င်းဂါးက ပြောကြားခဲ့သည်။

Ref: Goal

January 30, 2016