News @ M-Media

Tag: featured

  • ရမည်းသင်း ရွာတန်းရွာတွင် မီးရှို့ဖျက်ဆီးခံ ခဲ့ရသူ ဒုက္ခသည် တစ်ဦးနှင့် ဆက်သွယ်မေးမြန်းချက်

    ဧပြီလ ၂၂၊ ၂၀၁၃
    M-Media
    မေးမြန်းသူ- ကျောက်ခဲ

    ရမည်းသင်း ။      ။      ရမည်းသင်းမြို့နယ် ရွာတန်းကျေးရွာတွင် ဗလီနှင့် မွတ်စလင်မ်အိမ်များအား မီးရှို့ဖျက်ဆီးခံခဲ့ရမှု၏ ဒုက္ခသည်တစ်ဦးနှင့် ဆက်သွယ်မေးမြန်းခိုက် ရွာတန်းကျေးရွာ အဖြစ်အပျက်များရဲ့ ကိုယ်တိုင် အတွေ့အကြုံကို အဆိုပါ ဒုက္ခသည်မှ M-Media ကို ပြောပြလာပါတယ်။

    “ရမည်းသင်းမြို့နှင့် ၈-မိုင်ခန့်အကွာရှိရွာတန်းကျေးရွာအုပ်စု ရွာတန်းကျေးရွာရှိ ဈေးကုန်းဗလီ နှင့် မွတ်စလင်မ်အိမ်များအား ၂၃-၃-၂၀၁၂ ည ၇း၃၀ ကျော် ၈း၀၀ နာရီ ၀န်းကျင်ခန့်မှာ အစွန်းရောက် အကြမ်းဖက်သမားများမှဝင်ရောက် မီးရှို့ဖျက်ဆီး လုယက်ခြင်းခံခဲ့ရပါတယ်။”

    1

    “ရွာတန်းမှာ အရင်က ဘာပြဿနာမှကို မဖြစ်ခဲ့ဖူးဘူး။ ရွာထဲမှာနေတဲ့သူ အားလုံးက ဘာသာမတူပေမယ့် ချစ်ခင်စည်းလုံးကြတယ်။ ဟိုးအရင် ဘိုးဘွား လက်ထက်ကတည်းက အတူတူနေလာခဲ့တာ။ ဆွေမျိုးတွေလဲတော်စပ်နေကြတယ်။ ရွာကလူတွေအများစုက ခြံလုပ်တဲ့ စပျစ်ခြံ စိုက်သမားတွေ၊ မွေးမြူရေးလုပ်တာနည်းနည်းရှိတယ်။

    မိထ္ထီလာမှာဖြစ်တယ်ကြားတော့ အဲဒီ မတ်လ ၂၃ရက် မနက်မှာပဲ လူကြီးတွေက ရွာထဲမှာ ဘာမှမဖြစ်အောင် အားလုံးအတူတူ ၀ိုင်းဝန်းစောင့်ရှောက်ဖို့ ပြောဆိုဆွေးနွေးခဲ့ကျတယ်။ ညဘက်ရောက်တော့ အကြမ်းဖက်သမားတွေရောက်လာခဲ့တာ။”

    “အခုလို ဖြစ်သွားတာက တစ်ဖက်သတ် အကြမ်းဖက်ခံရခြင်း သက်သက်ပဲ။ လူများစုက လူနည်းစုကို မတရား ၀ိုင်းအနိုင်ကျင့်ပြီး ဖျက်ဆီး လုယက်ခဲ့တာ။ ရွာတန်းအုပ်စုမှာက (၂၄)ရွာလောက်ရှိတယ်ဆိုတော့ အကြမ်းဖက်သမားတွေက ဒီနားက ရွာတွေကပါတာများပါတယ်။ ဆိုင်ကယ်တွေ ကားတွေနဲ့လာကျတယ်။ ရွာထဲရောက်တော့ သူတို့အုပ်စုက ဈေးကုန်းမှာရှိတဲ့  မွတ်စလင်မ်အိမ်တွေကို အရင်ဝိုင်းလိုက်တယ်။ အိမ်ထဲမှာရှိတဲ့ လူတွေ အကုန်ကို ထွက်ပေးဖို့ အော်ဟစ်ပြောဆိုတယ်။ အဲဒီအချိန်မှာ ကျွှန်တော်တို့ကို အိမ်နီးချင်းတွေက ၀ိုင်းအော်ပြီး သတိပေးကြတယ် ‘လာပြီ … လာပြီ’ ဆိုပြီးတော့ပေါ့။ အဲဒါနဲ့ ကျွန်တော်လည်း အိမ်ထဲကနေ အပြင်ထွက်ကြည့်လိုက်တာ နည်းတဲ့လူအုပ်ကြီးမဟုတ်ဘူးဗျာ။ တုတ်တွေ ဓါးတွေ သံပိုက်လိုမျိုးတွေ ကိုင်ထားကျတယ်။   လူတစ်ထောင်လောက်တော့ရှိမလားမပြောတတ်ဘူး ။ ညဖြစ်နေတော့ အရမ်းများတယ်ဆိုတာတော့ သိလိုက်တယ်။ ဒီလောက်များတဲ့လူအုပ်ကြီးမျိုးကို ဒီရွာမှာနေလာတဲ့ သက်တမ်းတလျှောက် တခါမှမတွေ့ခဲ့ဖူးဘူး။

    4

    နောက် အဲဒီလူအုပ်တွေက ဈေးကုန်းမှာရှိတဲ့ အိမ်တွေဆီက ပစ္စည်းတွေယူပြီး အရင်ဆုံးဖျက်ဆီးတယ်။ နောက်တော့ ဓါတ်ဆီတွေလောင်းပြီး မီးရှို့ဖို့လုပ်တယ်။ အဲဒီမှာ ဈေးကုန်းမှာရှိတဲ့ မွတ်စလင်မ်အိမ်တွေက ဈေးနဲ့ကပ်လျက်ဖြစ်နေတော့ ပတ်ဝန်းကျင်မှာနေတဲ့ ဗုဒ္ဒဘာသာဝင်တွေက အဲဒီမွတ်စလင်မ်အိမ်တွေကို မီးမရှို့ဖို့ ဈေးကြီးတခုလုံး မီးကူးသွားမှာစိုးရိမ်လို့ အကြမ်းဖက်သမားတွေကို ၀ိုင်းဝန်းတောင်းပန်တော့မှ နောက်ဆုံး ပစ္စည်းတွေ စိတ်ကြိုက်ယူပြီး အိမ်တွေကိုပဲ ဖျက်ဆီးခဲ့ကျတာ။ ဒါပေမယ့် ဈေးနားကလွဲပြီး အောက်ဖက်မှာရှိတဲ့ ဗလီ၊ စာသင်ကျောင်းနဲ့ ကျန်တဲ့ မွတ်စလင်မ်အိမ်တွေအားလုံးကိုတော့ တစ်အိမ် မကျန် ပြာပုံဖြစ်တဲ့အထိ မီးရှို့ခဲ့တယ်။ ဗလီနဲ့စာသင်ကျောင်းက အထက်တန်းကျောင်းနဲ့ ကပ်လျက်ပဲ၊ ဗလီနဲ့ စာသင်ကျောင်းကတော့ မီးထဲပါသွားတယ်။ နောက် တချို့ဗုဒ္ဓဘာသာဝင်တွေအိမ်လဲ မီးထဲပါသွားတယ်။ မီးရှို့ အကြမ်းဖက်တဲ့အဖွဲ့က လုံးဝ စိတ်အေးလက်အေးပုံစံနဲ့ကို စိတ်ကြိုက် လုယက် ဖျက်ဆီး မီးရှို့ခဲ့တာဗျာ။ မွတ်စလင်မ်အိမ်တွေထဲက ပစ္စည်းတွေထုတ်ပြီး အရင်ဆုံးယူတယ်။

    နောက် တအိမ်ပြီး တအိမ်ကို အုပ်စုလိုက် ၀ိုင်းပြီးမီးရှို့ခဲ့တာအခုမြင်ရတဲ့အတိုင်း ပြာပုံနဲ့ မီးလောင်သွပ်ပုံပဲကျန်တော့တာ။ တားဆီးမယ့်သူလည်း လုံးလုံး မရှိဘူး။ အဲဒီ အကြမ်းဖက်အဖွဲ့ထဲမှာတော့ ရွာခံက(၁၀)ယောက်လောက်ပါတယ်။ အခုတော့ သူတို့ကို ဖမ်းထားတယ်ပေါ့ဗျာ။ အားလုံးကုန်ပြီး ပြာပုံဖြစ်၊ ဘာပစ္စည်းမှလည်း  မကျန်တော့မှ ဖမ်းတယ်ဆိုတော့လည်ှး ဘာလုပ်လို့ရတော့မှာလဲဗျာ။ အကြမ်းဖက်မှုကို ဦးဆောင်ခဲ့တဲ့လူတွေထဲက အခုထိ အဖမ်းမခံရပဲ လွတ်နေတာလဲ ရှိနေပါသေးတယ်။

    7

    ဘာကြောင့် မဖမ်းပဲ ဒီလို လွတ်ပေးထားလဲဆိုတာတော့ မသိဘူးဗျာ” လို့ပြောပြခဲ့ပါတယ်။

    အစွန်းရောက်  အကြမ်းဖက် သမားများမှ အကြမ်းဖက်မှုကျူးလွန်နေချိန်မှာတော့ အကြမ်းဖက်မှုအန္တရာယ်မှ ဘေးလွတ်ရာကို ရှောင်ရှားခဲ့ရပုံကိုလည်း ဆက်ပြီး ပြောပြလာပါတယ်။

    “အဲဒီအချိန်မှာ မွတ်စလင်မ် မိသားစုတွေ အားလုံးကတော့ ထွက်ပြေးကြရတာပေါ့။ ရွာတန်းရဲ့ အနောက်ဖက်မှာရှိတဲ့ စပျစ်ခြံတွေဖက် ပြေးသူကပြေး တခြားလွတ်ရာတွေပြေးကျရတယ်။ ပြေးရင်းနဲ့ အထုတ်အပိုး တစ်နိုင်လေးသယ်ပြေးတာမြင်ရင် လူ ၂၀-ကျော်လောက်က နောက်ကနေလိုက်ပြီး လုတယ်။ နောက်ဆုံး ဘာမှ မသယ်နိုင်ပဲ အထုတ်တွေပြစ်ချပြီး အ၀တ်အထည် ကိုယ်တခုနဲ့ကိုယ်လွတ်ရုန်းပြီးပြေးခဲ့ရတာ။ တချို့ကလေးငယ်လေးတွေနဲ့ အသက်ကြီးပိုင်းတွေတော့ ပြေးရင်းနဲ့ ညဖက်ဆိုတော့ ဘာမှ ကောင်းကောင်းလည်းမမြင်ရ၊ ဓါတ်မီးတောင်မယူနိုင်ပဲ ပြေးရတာဆိုတော့ ဆူးချုံတွေထဲ ၀င်တိုးမိတာ၊ ခလုတ်တိုက်လဲကျ လို့ ပွန်းပဲ့ဒဏ်ရာရတာတော့ရှိပါတယ်။ တချို့လည်း အခြားနေရာတွေမှာ တိမ်းရှောင်နေခဲ့လို့ လူတွေတော့ ဘာမှမဖြစ်သွားပါဘူး။ တစ်ချို့ကိုတော့ ရွာထဲက အိမ်နီးချင်း ဗုဒ္ဓဘာသာဝင်တွေက သူတို့အိမ်မှာခေါ်ပြီး လုံခြုံအောင် စောင့်ရှောက်ထားပေးပါတယ်။  မိသားစုတစ်ချို့ကို ကူညီစောင့်ရှောက်ပေးတဲ့ရွာထဲက ဗုဒ္ဓဘာသာဝင်တွေကို တကယ် ကျေးဇူးတင်ဖို့ကောင်းပါတယ်။

    ကျွန်တော်တို့ကတော့ သစ်ပင်တွေပေါ်တက်ပုန်းနေရတော့ သစ်ပင်ပေါ်ကနေမြင်ရလို့ ရွာထဲမှာ ည ၁၁-ကျော်မှာ အိမ်တွေအားလုံး မီးလောင်ကုန်ပြီဆိုတာ သိလိုက်တယ်။

    ရမည်းသင်းက မီးသတ်ကားလာတာတော့ရှိပေမယ့် မီးသတ်ရောက်တဲ့အချိန် အိမ်တွေက မီးလောင်ကုန်ပြီပေါ့။ မီးရှို့တဲ့သူတွေက အိမ်တွေမီးရှို့ပြီး ပုန်းနေတဲ့ လူတွေကို စပျစ်ခြံဖက်တွေမှာ ဆိုင်ကယ်တွေနဲ့ အုပ်စုဖွဲ့ပြီးလိုက်ရှာနေသေးတော့ ဘယ်သူမှ မအိပ်ရဲဘူး အိပ်လို့လဲမရဘူးလေ။ မနက် ၃နာရီလောက် စစ်တပ်ရောက်လာတော့မယ်ဆိုမှ အဲဒီအကြမ်းဖက်သမားတွေက ထွက်သွားကြတာ။ ကျွန်တော်တို့လည်း မနက်မိုးလင်းမှ စစ်တပ်ရောက်လာပြီးမှ လုံခြုံရေးရှိပြီဆိုမှ ပုန်းနေတဲ့နေရာကနေထွက်လာရဲတာ ”လို့ M-Media ကို ပြောပြပါတယ်။

    ရမည်းသင်း မြို့နယ် ရွာတန်းအုပ်စု ရွာတန်းကျေးရွာကို အစွန်းရောက်အကြမ်းဖက်သမားများ ၂၃-၃-၂၀၁၂ ရက်နေ့မှာ မီးရှို့ဖျက်ဆီးမှုကြောင့် ရွာတန်းကျေးရွာရှိ ဈေးကုန်းဗလီ၊ ဘာသာရေးစာသင်ကျောင်းနှင့် မွတ်စလင်မ်အိမ်ခြေ (၅၂)အိမ် ဗုဒ္ဒဘာသာ(၃)အိမ်ခန့် မီးလောင်ပျက်စီးဆုံးရှုံးသွားခဲ့ရပါတယ်။

    ယခုအခါမှာတော့ အကြမ်းဖက်မှုကြောင့် နေအိမ်များပျက်စီးဆုံးရှုံးသွားရတဲ့ ဒုက္ခသည်များကို ရွာတန်း အထက်တန်းကျောင်းမှာ ကယ်ဆယ်ရေးစခန်းဖွင့်ပြီး ယာယီနေထိုင်ဖို့ သက်ဆိုင်ရာက စီစဉ်ပေးထားပြီး ဒုက္ခသည်(၁၆၅)ဦးခန့်ရှိပါတယ်။ ရမည်းသင်းမြို့ပေါ်ရှိ အစ္စလာမ်ဘာသာရေးအဖွဲ့ဝင်များ၊ ရွာတန်းကျေးရွာရှိ အုပ်ချုပ်ရေးအဖွဲ့ဝင်များမှ ဦးဆောင်လျှက် ရွာတန်းရှိ ဒုက္ခသည်များ စားဝတ်နေရေး အဆင်ပြေစေရန် လိုအပ်ချက်များစီစဉ်ပေးလျှက်ရှိကြောင်း၊ ရန်ကုန်၊ မန္တလေး၊ ပျော်ဘွယ်၊ တောင်ကြီး နှင့် အခြားမြို့များမှ စေတနာရှင်များ အသင်းအဖွဲ့များမှလည်း စေတနာထက်သန်စွာ လာရောက်လှူဒါန်းလျှက်ရှိကြောင်းလည်း သိရှိရပါတယ်။

  • မန္တလေးတိုင်း ဝန်ကြီးချူပ်၏ ပြောဆို ဆောင်ရွက်မှုကို ဝါရင့် ရှေ့နေကြီး ဦးသန်းတင်ရဲ့ အမြင်

    မန္တလေးတိုင်း ဝန်ကြီးချူပ်၏ ပြောဆို ဆောင်ရွက်မှုကို ဝါရင့် ရှေ့နေကြီး ဦးသန်းတင်ရဲ့ အမြင်

    ဧပြီလ ၁၉၊၂၀၁၃
    M-Media
    ဆက်သွယ်မေးမြန်းသူ – ဆူးထက်

    မန္တလေးတိုင်း ဝန်ကြီးချူပ်၏ အစ္စလာမ်ဘာသာရေး ခေါင်းဆောင်များအား ကျိန်းမောင်း ပြောဆိုမှု့အပေါ် ဝါရင့် ရှေ့နေကြီး ဦးသန်းတင်ရဲ့ ပြောကြားချက်

    မန္တလေးတိုင်းဒေသကြီး ၀န်ကြီးချုပ် ဦးရဲမြင့်မှ မန္တလေးမြို့မှ အစ္စလာမ် ဘာသာရေးအဖွဲ့ ခေါင်းဆောင်များကို ၂၀၁၃ ခုနှစ်၊ ဧပြီ ၁၂ ရက်တွင်  တွေ့ဆုံစဉ် တဖက်သတ်ကျိန်းမောင်း ပြစ်တင်ပြောဆို မှုနှင့် ပတ်သက်ပြီး ဝါရင့် ရှေ့နေကြီး ဦးသန်းတင်၏ အမြင်ကို သိလိုသဖြင့် M-Media မှ သွားရောက်တွေ့ဆုံ မေးမြန်းခဲ့ပါသည်။
    ထိုသို့ တွေ့ဆုံရာတွင် ရှေ့နေ့ကြီး ဦးသန်းတင်မှ……

    ” မန္တလေးတိုင်း ၀န်ကြီးချုပ် တစ်ယောက် အနေနဲ့ ဘာသာပေါင်းစုံ ချစ်ကြည်ရေးအတွက် ရန်ကုန်ကနေ သွားတဲ့ သူတွေကိုရော၊ မန်းလေးက ဘာသာရေး ခေါင်းဆောင်တွေကိုပါ ရင်ဘတ်ကို ဖနောင့်နဲ့ ဆောင့်ကန်လိုက် သလို ကျိန်းဝါးသလို ကျိန်းဝါ၊ ချိန်းခြောက် သလို ချိန်းခြောက်တဲ့ သဘောမျိုး ဖြစ်နေတယ်။

    အဲဒီ ၀န်ကြီးချုပ် ခေါ်လို့ သွားတဲ့ သူတွေက အညတရတွေ မဟုတ်ပါဘူး၊ သက်ဆိုင်ရာ အဖွဲ့အစည်း အသီးသီးရဲ့ တာဝန်ရှိသူတွေ၊ စေတနာ့ ၀န်ထမ်း အဖြစ် ဆောင်ရွက်နေတဲ့သူတွေကို ဒီလို စော်ကားတာဟာ လူသတ်ဝါဒကို အားပေးတဲ့ သဘောဖြစ်သွားတယ်၊ ဒါဟာ အပြည်ပြည်ဆိုင်ရာ ဥပဒေကို ဆန့်ကျင်ရာ ရောက်တယ်၊ ဒုက္ခသည်တွေ အားလုံးကို လုံခြုံမူ အပြည့်အ၀ ပေးပြီး ကိုယ့်အိမ် ကိုယ့်ယာကို ပြန်သွားခွင့်၊ နေခွင့် ပေးသင့်ပါတယ်။

    အစ္စလာမ်ဘာသာဝင် လူမျိုးတွေနဲ့ အစ္စလာမ်ဘာသာဝင်တို့ ပိုင်ဆိုင်တဲ့ ပစ္စည်းတွေကို ပျက်ဆီးအောင် လုပ်တဲ့ ကိစ္စမှာ ဖြစ်သွားတာက သူတို့တိုင်းပြည် သူတို့လူမျိုးတွေက မတရား လုပ်တာတွေပဲ ကမ္ဘာမှာ ပေါ်သွားတယ်။

    ၉၆၉ အမည်ခံပြီး အစ္စလာမ်ဘာသာကို မတရားသဖြင့် ဟောကြားနေသူတွေဟာ ဥပဒေကြောင်းအရ ၄၉၀၊၄၉၉ နဲ့ငြိတယ်၊ ဘာသာ သာသနာကို စိတ်ငြိုငြင်အောင် လုပ်တယ်ဆိုတဲ့ ဥပဒေနဲ့ ဟောတဲ့သူ၊ ပြောတဲ့သူ ဘယ်ပုဂ္ဂိုလ်မဆို အရေးယူရမှာ ဖြစ်တယ်။

    ဒါပေမယ့် ဒီကနေ့ ဖြစ်နေတာတွေက အဲလိုလူမျိုးတွေကိုတော့ အရေးမယူဘဲ၊ မပြောဘဲ နိုင်ငံတော်အတွက်၊ စည်းလုံးညီညွှတ်ရေး အတွက်၊ ချစ်ကြည်ရေး အတွက် အလုပ်လုပ်နေတဲ့ သူတွေကြတော့ ၀န်ကြီးက စော်ကားတယ်။

    ရခိုင်ပြည်က ရိုဟင်ဂျာ တိုင်ရင်းသားတွေနဲ့ ပတ်သပ်ပြီး ကျွန်တော် ဖြတ်သန်းခဲ့တဲ့ သမိုင်းနဲ့ချီပြီး ပြောရရင် ဦးနေ၀င်းပြီးရင် ဗိုလ်ချုပ်အောင်ကြီးပဲ ရှိတော့တဲ့ အချိန်တုန်းက ဗိုလ်ချုပ် အောင်ကြီးက ဘာပြောခဲ့ သလဲဆိုရင် “ရိုဟင်ဂျာတွေက တိုင်းရင်းသားတွေပဲ” တဲ့။ ရိုဟင်ဂျာ တိုင်းရင်းသားတွေဟာ ဘိုးစဉ် ဘောင်ဆက် အကြာကြီး တိုင်းရင်းသားတွေ အဖြစ်နဲ့နေခဲ့တယ်၊ မဲတွေရွေးခဲ့တယ်၊ အခုကြမှ ရိုဟင်ဂျာ တိုင်းရင်းသားတွေကို စီမံကိန်းချပြီး မျိုးပြုတ်အောင် လုပ်နေတယ်၊ ဗုဒ္ဓဘာသာဝင်တွေက မွတ်စလင်ဘာသာဝင်တွေအပေါ် မုန်းတီးအောင် ပြုလုပ်နေတယ်။

    မိထ္တီလာမှာ စတင်ဖြစ်ပွားခဲ့တဲ့ ရွှေဆိုင် ပိုင်ရှင်တွေဟာ ဥပဒေကြောင်းအရ ဘာမှ အရေးယူ စရာမလိုတဲ့ သူတွေပါ၊ အမှန်တကယ် အရေးယူ ရမယ့်သူတွေ ဖြစ်တဲ့ အကြမ်းဖက်သူတွေကို အမြန်ဆုံး ဖော်ထုတ်ပြီး ဥပဒေ အရအရေးယူရမှာ ဖြစ်ပါတယ်။

    ကျွန်တော် အမျိုးသားရေး ကိစ္စများကို လွတ်လပ်ရေး ကြိုးပမ်းစဉ် ကာလ တစ်လျှောက် သရက်မြို့မှာ ဗိုလ်ချုပ်အောင်ဆန်းနဲ့ လုပ်ဖော်ကိုင်ဖက် အဖြစ် ပါဝင်ဆောင်ရွက်ခဲ့တဲ့ တော်လှန်ရေး သမားတစ်ယောက် ဖြစ်သည့် အားလျော်စွာ တိုင်းပြည်အတွက်  မြန်မာမွတ်စလင်ရေး အတွက် ဆောင်ရွက်စရာ ရှိသည့် ကိစ္စများကို ယခင်ကလည်း ဆောင်ရွက်ခဲ့သလို ယခု အသက်၉၀ ကျော်သည့်တိုင်အောင်လည်း ဆက်လက် လုပ်ဆောင်သွားမည်ဟု သန္နိဌါန်ချထားပါတယ် ခင်ဗျား ” ဟု M-Media သို့ ပြောသည်။

    ဆက်စပ်သတင်းဖတ်ရန်။

     

  • MMSY လူငယ်များ၏ Android Project #4: Daily Dua [နေ့စဉ်ဒိုအာ] ကို အခမဲ့ ဖြန့်ချီ

    ဧပြီ ၂၂-၂၀၁၃

    M-Media

    MMSY  မြန်မာမွတ်စလင် ကျောင်းသား လူငယ်များအဖွဲ့၏ Android Project #4: Daily Dua [နေ့စဉ်ဒိုအာ] ကို Google Play တွင် အခမဲ့ ဖြန့်ချီ

    ic_launcherMMSY မြန်မာမွတ်စလင် ကျောင်းသားလူငယ်များအဖွဲ့မှ ဝါသနာရှင်များ ဖွဲ့စည်းထားသော MMSY Android Group ၏ စတုတ္ထမြောက် ပရောဂျက် အဖြစ် “Daily Dua” Android application ကို Google Play Store မှာ အခမဲ့ ဖြန့်ချီလိုက်ကြောင်း သိရှိရပါသည်။  နေ့တဓူဝ လုပ်ငန်းဆောင်တာများအတွက် ဒိုအာအပုဒ် ၅၀ကို လက်လှမ်းမှီရာ ဟဒီးစ်နှင့် မြန်မာဘာသာပြန် ကျမ်းကိုးများမှ တဆင့် စုစည်း တင်ပြထားပါသည်။ ဖုန်းထဲတွင် မြန်မာစာ မသွင်းထားလျှင်လည်း အသုံးပြုလို့ရစေရန် app အတွင်း မြန်မာဖောင့်ကို ထည့်သွင်းထားကြောင်း တွေ့ရှိရသည်။

    ဤApplication အတွင်းတွင် ဒိုအာများကို
    ၁။ နေ့စဉ်လှုပ်ရှားမှုဆိုင်ရာ
    ၂။ စားသောက်ခြင်းဆိုင်ရာ
    ၃။ အဇာန်၊ ဝူဇူနှင့် ဗလီဝင်/ထွက်
    ၄။ စိတ်ခံစားချက် တစ်စုံတစ်ရာ
    ၅။ ဈေး၊ ခရီးသွား၊ ယာဉ်စီး
    ၆။ အထွေထွေ
    ဟူ၍ ကဏ္ဍခြောက်ခုခွဲ၍ ဖော်ပြထားပါသည်။ ဒိုအာများ၏ အာရဗီစာသား၊ အနီးစပ်ဆုံး မြန်မာအသံထွက်၊ မြန်မာဘာသာပြန် အဓိပ္ပါယ် နှင့် ရှင်းလင်းချက်များကို ကျမ်းကိုးများနှင့်တကွ ဖတ်ရှုနိုင်ပါသည်။ ၄င်းပြင် နှစ်သက်သော ဒိုအာများကိုလည်း “Favorites” အဖြစ် မှတ်ထားနိုင်သည့် လုပ်ဆောင်ချက်လည်း ပါဝင်ပါသည်။

    dailyDuaScreensho

    နေ့စဉ်ဒိုအာ app ကို ဒေါင်းလုတ်လုပ်ရန်
    .မြန်မာနိုင်ငံမှာ Google Play Store ဖွင့်ပေးလိုက်ပြီဆိုပေမယ့် ဝင်ရတာ နှေးတယ်လို့ ပြောကြတဲ့အတွက် mediafire နဲ့ dropbox များမှာပါ တင်ပေးလိုက်ပါသည်။

    **************
    MMSY မှ အခြား ဖြန့်ချီပြီး apps များ
    Project #1: Asma Ul Husna Burmese (အလ္လာ့ဟ် ဂုဏ်တော် ၉၉ပါးနှင့် ထွတ်မြတ်မှုများ)

    Project #2: Ramadhan Handbook (ရမဿွန် လက်စွဲ)

    Project #3: Holy Quran Burmese (ကျမ်းမြတ်ကုရ်အာန် မြန်မာပြန်)

  • ဇီးကုန်းမြို့နယ် ဖျက်ဆီးခံရမှု့ မှတ်တမ်းနှင့် ပျက်ဆီးဆုံးရှုံးမှု စာရင်းအချို့

    ဧပြီလ ၂၀၊ ၂၀၁၃
    M-Media
    သတင်း – ဆူးထက်

    ဇီးကုန်းသား တစ်ဦးရဲ့ ရင်တွင်းသံ

    P7150063

    ပဲခူးတိုင်း ဒေသကြီး အနောက်ပိုင်း ဇီးကုန်းမြို့နယ်တွင် အကြမ်းဖက်ဖျက်ဆီးသူများ၏ ၂၇.၃.၂၀၁၃ (တပ်မတော်နေ့) နံနက် ၂း၀၀ နာရီမှ ၅း၀၀ နာရီထိ တစ်ကြိမ်၊ နေ့လယ် ၂း၀၀နာရီမှ ညနေ ၄း၁၅ နာရီထိ တစ်ကြိမ် စုစုပေါင်း နှစ်ကြိမ် ဖျက်ဆီးခံရမှုတွင် အစ္စလာမ်ဘာသာဝင်များ၏ ဗလီကြီးနှင့် ဗလီကြီးရှိ အတွင်းပစ္စည်းများအားလုံး၊ စာသင်ကျောင်းနှင့် သာရေးနာရေးပစ္စည်းများ၊ အစ္စလာမ်ဘာသာဝင်များ၏ သုသာန်ရှိဇရပ်နှင့် လမ်းများ ကာလတန်ဖိုး ခန့်မှန်းခြေ သိန်းပေါင်း ၃၀၀ နီးပါးခန့်နှင့် အစ္စလာမ်ဘာသာဝင်များ၏ နေအိမ်၊ ဆိုင်ခန်း(၄၀)ကျော် ကာလတန်ဖိုး သိန်း ၇၀၀ နီးပါးခန့် ဖျက်ဆီးခြင်းခံခဲ့ရပါသည်။

    ထိုသို့ ဖျက်ဆီးခြင်းမခံရမီနှင့် ဖျက်ဆီးခံရပြီး အချက်အလက်များကို လေ့လာကြည့်သောအခါ-
    မဖြစ်မီ တစ်ပတ်ခန့်ကပင် ထိုကဲ့သို့ လုပ်ရပ်များ ပဲခူးတိုင်းအနောက်ခြမ်းတွင် ဖြစ်ပေါ်လာမည်ကို မြို့တိုင်းလိုလို ကြားသိနေရသဖြင့် စိတ်ပူပန်မှု၊ စိုးရိမ်မှုများ အစ္စလာမ်ဘာသာဝင်တွင်ဖြစ်ပေါ်လာခဲ့ရပြီး (၂၃)ရက်နေ့တွင် အိုးသည်ကုန်း နှင့် ရေကျော်ရွာအနီးတွင် စတင်ဖျက်ဆီးခြင်းကို ခံခဲ့ရပါသည်။ မဖြစ်မီ သုံးရက်အလိုခန့်တွင် ဇီးကုန်းမြို့ပေါ်တွင် (၉၆၉) တံဆိပ်ပါသော စတေကာများကို ဆိုင်ကယ်များ၊ ဆိုင်များတွင် လိုက်လံကပ်ပေးပြီး နောက်ကွယ်တွင် ဘာသာရေး တိုက်ခိုက်မှု တိပ်ခွေများ၊ စာရွက်များပါ ဝေငှနေကြောင်း ကြားသိလာရသောအခါ အစ္စလာမ်ဘာသာဝင်များ စိုးရိမ်စိတ် များ ပို၍ဖြစ်ပေါ်လာခဲ့ရပါသည်။ ထိုကဲ့သို့သောလုပ်ရပ်များ ပဲခူးတိုင်းအနောက်ခြမ်းရှိ မြို့တိုင်းလိုလို၌ ဖြစ်ပေါ်နေရာ သက်ဆိုင်ရာမှ သိရှိနေသော်လည်း ခေါ်ယူမေးမြန်း စစ်ဆေးခြင်းများ လုံးဝမရှိခဲ့ပါ။

    ထိုကဲ့သို့ အခြေအနေမျိုးတွင် မြို့နယ်အုပ်ချုပ်ရေးမှူးရုံးမှ ဂေါပကအဖွဲ့ဝင်(၃)ဦးအား ခေါ်ယူ၍ မြို့ပေါ် (၅)ရပ်ကွက်မှ အုပ်ချုပ်ရေးမှူးများ၊ မြို့နယ်ရဲတပ်ဖွဲ့မှူး၊သာသနာရေးဦးစီးမှူးတို့ ရှေ့မှောက်တွင် ယခုအခါ ကောလာဟလ အမျိုးမျိုး ထွက်ရှိ နေကြောင်း၊ မိမိတို့ဘက်မှလည်း ကောလာဟလသတင်းများကို အခြေပြု၍ ပြဿနာများ မဖြစ်ပေါ်စေ ရန် လုံခြုံရေး ဆောင်ရွက် နေကြောင်း၊ အစ္စလာမ်ဘာသာဝင်များမှလည်း မိမိတို့ဘာသာဝင်များအား သွားလာခြင်း၊ နေထိုင်ပြောဆိုမှုများ ဆင်ခြင်ရန် အတွက် ဂေါပကအဖွဲ့များမှ စီစဉ်ဆောင်ရွက်ရန် မှာကြားခဲ့သည်။ မဖြစ်မီ ၁ ရက်အလို တွင် တရားပွဲလိုက်လံ ဖိတ်ကြားနေသော ထော်လာဂျီသည် တရားပွဲဖိတ်ကြားရာတွင် ဒါတို့တိုင်းတို့ပြည် သီချင်းကို လော်စပီကာဖြင့် ဖွင့်ကာ လိုက်လံကြေညာနေပါသည်။

    IMG_20130326_193041

    ထိုအချိန်တွင် မြို့နယ်အုပ်ချုပ်ရေးမှူးရုံးမှလည်း နေ့စဉ်လိုလို နံနက် ည ဗလီရှေ့တွင် ရောက်လာပြီး အခြေ အနေများကို ဂေါပကအဖွဲ့ အတွင်းရေးမှူး ဦးသန်းဝင်းထံ မေးမြန်းသည်။ ယခုအခါ ကောလာဟလမျိုးစုံ ထွက်နေ ကြောင်း၊ မိမိတို့ ဘက်မှလည်း လုံခြုံရေးများ ပြုလုပ်ဆောင်ရွက်နေကြောင်း၊ မီးသတ်ကား ရေပိုက်ဖြင့် ထိုးလိုက်ပါက ဘယ်လောက် များသည့်လူပင်ဖြစ်ပါစေ ထွက်ပြေးသွားမည်ဖြစ်ကြောင်း ပြောပြသည်။ ၂၅.၄.၂၀၁၃ နေ့ ညနေတွင် ဈေးသူဈေးသားများသည် မိမိတို့ရောင်းဝယ်နေသော ပစ္စည်းများကို ဆိုက်ကား၊ ထော်လာဂျီများဖြင့် အိမ်များ သို့ ပြန်လည်သယ်ဆောင်နေသည်ကို ရုတ်ရုတ်သဲသဲတွေ့ရှိနေရပြီး ဘာကြောင့်မှန်း မသိရချေ။ ညနေ ၅း၀၀ နာရီခန့်တွင် အမှတ်(၄)ရပ်ကွက် အုပ်ချုပ်ရေးမှူး ဦးဇော်မင်းမှ ဗလီသို့လာရောက်၍ ဂေါပကအဖွဲ့အတွင်းရေးမှူး ဦးသန်းဝင်း(M.G.T)အား မိမိရုံးသို့ ခေတ္တလာရောက်ပါရန်ခေါ်သဖြင့် ၀တ်ပြုပြီးလိုက်သွားချိန်တွင် လမ်းထိပ်၌ မြို့နယ်အုပ်ချုပ်ရေးမှူးမှ လှမ်းခေါ်သဖြင့် သွားရောက်ရာ အုပ်ချုပ်ရေးမှူးက ‘ဘာထူးသေးလဲ၊ ခင်ဗျားဆီကို ဗလီမီးရှို့ မယ်လို့ ဖုန်းတွေ ဘာတွေ တစ်နေရာရာက ဆက်သေးလား’ဟု မေးသည်။ မိမိကလည်း မည်သူမျှမဆက်ကြောင်း ပြန်ပြောသည်။ ထိုအခါ အုပ်ချုပ်ရေးမှူးမှ ယခုအခါ ကောလာဟလ မျိုးစုံထွက်နေကြောင်း ဒါတွေကို မယုံရန်ပြောဆိုပြီး မိမိတို့ဘက်မှလည်း အထူးလုံခြုံရေးများ ဆောင်ရွက်လျက်ရှိကြောင်း၊ ထူးခြားချက်ရှိလျှင် သတင်းပေးပို့ရန် ပြောဆို သွားခဲ့သည်။

    ထို့နောက် မိမိသည် (၄)ရပ်ကွက် အုပ်ချုပ်ရေးမှူးအိမ်သို့ သွားရောက်ပြီး မိမိအား မည်သည့်ကိစ္စနှင့် ခေါ်သည် ကို မေးမြန်းရာ ၎င်းမှ ]ဈေးထဲတွင် ခင်ဗျား အရမ်းနာမည်ကြီးနေတယ်၊ အဲဒါအတွက် ခေါ်ဆွေးနွေးတာပါ’ ဟုပြောသည်။ ဦးသန်းဝင်း မှ ‘ကျွန်တော် အခု ဈေးကပင် ထွက်လာကြောင်း၊ ဘာအတွက်နာမည်ကြီးတာလဲ၊ မိမိပင် မသိရှိကြောင်း’ မေးရာ ၎င်းမှ ‘MGT မှ ဗလီမီးရှို့လျှင် ဈေးကိုပြန်မီးရှို့မယ်လို့ ပြောတဲ့သတင်းတွေ ထွက်နေလို့ ခေါ်မေးတာပါ’ လို့ ပြောပါသည်။ ထိုအခါ မိမိက ‘ခင်ဗျားကို ဘယ်သူပြောလဲ၊ ပြောတဲ့လူ ဖော်ထုတ်ပေးပါ’ ဟု ပြောသောအခါ ၎င်းမှ ‘ခင်ဗျား မပြောမှန်း သိတယ်၊ ဒါပေမဲ့ ဒီအချိန်မှာ တမင်ဝါဒဖြန့်တာတွေပါ။ ဒါပေမဲ့ ကျွန်တော်တို့ကလူတွေ ပြဿနာ မရှိဘူး၊ ထိန်းလို့ရတယ်၊ လိမ္မော်သီးတွေပါလာရင် ဘယ်လိုမှ ထိန်းလို့မရတော့ဘူး။ ဒါကြောင့် ခင်ဗျားကို ခေါ်တွေ့နေရတာပါ’ လို့ ၎င်းဘေးတွင်ရှိနေသူ သောင်းတင်(ရုံးအကူ တရားရေး)မှ ပြောဆိုသောအခါ မိမိသည် အိမ်ပြန်လာပြီး ၎င်းအခြေအနေ များကို မြို့နယ်အုပ်ချုပ်ရေးမှူး၊ စခန်းမှူး၊ စ.အ.ဖ များသို့ ဖုန်းဖြင့် ပြောပြခဲ့ပြီး ၎င်းကိစ္စကို ဖြေရှင်းပေးပါရန် တောင်းဆို ခဲ့သည်။

    ထို့နောက် ဈေးတွင် ဖြစ်ရပ်ကို စုံစမ်းကြည့်ရာ နေ့လယ်ပိုင်းတွင် စည်ပင်ဦးစီးမှ တစ်ဆိုင်တစ်ယောက် ရုံးတွင် ခေါ်ယူပြီး ‘၂ ရက်ဈေးပိတ်မယ်၊ ခင်ဗျားတို့ ပစ္စည်းတွေ လုံခြုံအောင်ထားကြ’ လို့ ပြောလိုက်သည်ကို ဈေးသူဈေးသားများ က မိမိတို့ပစ္စည်းများကို ရွှေ့နေကြခြင်းသာဖြစ်ပြီး ၎င်းကိစ္စကို အခွင့်ကောင်းယူကာ တစ်ဖက်အုပ်စုမှ ဗလီကိုမီးရှို့လျှင် M.G.T မှ ဈေးမီးရှို့မယ်ဆိုလို့ ရွှေ့နေကြတာဖြစ်မယ်လို့ ၀ါဒဖြန့်လိုက်ခြင်းသာ ဖြစ်သည်။ ထိုကဲ့သို့ အခြေအနေမျိုး အခြား မြို့နယ်များတွင်လည်း ဘာသာရေး နှင့်ဗလီတွင် ထက်မြက်သည့် ပုဂ္ဂိုလ်မျိုးကို အကြောင်းတစ်ခုပြ၍ ကောလ ဟာလ ၀ါဒဖြန့်ချိနေကြောင်းကိုလည်း သိရှိရပါသည်။

    ထိုနေ့ ညနေ ၆း၃၀ နာရီအချိန် သက်ဆိုင်ရာ အာဏာပိုင်အဖွဲ့အစည်းများ၊ အုပ်ချုပ်ရေးမှူးများ၊ မီးသတ်တပ်ဖွဲ့ ၀င်များ၊ မြို့မိမြို့ဖဆိုသူများ ဗလီရှေ့ ဈေးထောင့်တွင် လုံခြုံရေးထားရှိမည့်အကြောင်း အတွင်းရေးမှူးအား ပြောဆိုသည့် အတွက် ဗလီရှိ ခုံများ၊ စားပွဲများကို နေရာချထားပေးခဲ့ပါသည်။ မဖျက်ဆီးမီ အလျင် အစ္စလာမ်ဘာသာဝင်များအတွက် အထူးလုံခြုံရေး အစီအစဉ်ဖြစ်ပါသည်။ ထိုသို့နေရာချထားပေးပြီး ဦးသန်းဝင်း အတွင်းရေးမှူးမှ အိမ်ပြန်ထမင်းစားရင်း မိမိ မိသားစုမှ ထိုကဲ့သို့ တစ်ဖက် သတ်မဟုတ်မမှန် ကောလဟလ ၀ါဒဖြန့်မှုများကို စိတ်မချရသည့်အတွက် ၎င်း၏တူမ စာသင်ရာနေရာလည်း ဖြစ်ပြီး ရင်းနှီးကျွမ်းဝင်သူ မယင်ကျေးရွာ ဦးတင်အေးမိသားစုထံတွင် ၎င်းတို့ ညီအစ်ကို ၂ ဦး တူ ၁ ဦးတို့ ရွာသို့ သွားရောက် နေထိုင်ခဲ့ရကြောင်း သိရှိရပါသည်။

    ထိုနေ့ညတွင် ကြို့ပင်ကောက်မြို့တွင် အကြမ်းဖက်သူများက ညပိုင်းတစ်ကြိမ်၊ နေ့လယ်ပိုင်းတစ်ကြိမ် ဗလီနှင့် စာသင်ကျောင်းအပါအ၀င် အစ္စလာမ်ဘာသာဝင်များနေအိမ်၊ ဆိုင်ခန်းများကိုလည်း အဓမ္မ ၀င်ရောက်ဖျက်ဆီးနေကြောင်း သိရပါတယ်။ ဗလီကြီးကိုပင် ဂေါ်ကားဖြင့် ထိုးလှဲဖျက်ဆီးကြောင်း သိရှိခဲ့ရပါတယ်။ ၂၆-၄-၂၀၁၃ ညပိုင်းတွင် နတ္တလင်း မြို့ရှိ ဗလီစာသင်ကျောင်း အစ္စလာမ်ဘာသာဝင်များ၏ နေအိမ်၊ ဆိုင်ခန်းများကိုလည်း အကြမ်းဖက်သူများက ဖျက်ဆီးခဲ့ ကြောင်း ထပ်မံသိရှိရပါတယ်။

    ၂၇-၃-၂၀၁၃ နံနက် ၂း၀၀ နာရီခန့်တွင် အကြမ်းဖက်သူအုပ်စုများသည် ဇီးကုန်းမြို့ရှိ အစ္စလာမ်ဘာသာဝင်များ ၏ ဗလီနှင့် စာသင်ကျောင်း၊ အိမ်များ၊ ဆိုင်ခန်းများကို အင်အား ၃၀၀ ကျော်နှင့် ဖျက်ဆီးနေကြပါသည်။ ဖျက်ဆီးမှုတွင် မြို့ခံလူ ၉၀% ကျော်ပါဝင်နေသည်ကိုလည်း သိရှိရပါသည်။

    ထိုမှတစ်ဆင့် ဈေးကို နံနက်ပိုင်း ၁၀း၀၀ နာရီအချိန်တွင် ပိတ်လိုက်ပါသည်။ ထို့နောက် လူများသည် ဟိုတစ်စု ဒီတစ်စု စုဝေးလာပါသည်။ မြို့ပေါ်တွင် နံနက်ပိုင်းတစ်ချိန်လည်း လမ်းများပေါ်တွင် ပြည့်နှက်နေပြီး၊ ၎င်းကိစ္စရပ်ကို မည်သူကမျှ တားဆီးခြင်းမရှိခဲ့ပါ။ တဖြည်းဖြည်း လူများလာပြီး နေ့လယ် ၂း၀၀ နာရီ အချိန်တွင် ဗလီနှင့် ရှေ့ရှိ ဆိုင်ခန်း များ အိမ်များကို ဒုတိယ အကြိမ် ထပ်မံဖျက်ဆီးကြပါသည်။ ထိုအချိန်တွင် ဈေးအပြင်ဘက်တန်းရှိ ဆေးဆိုင်၊ ဆံပင်ညှပ် ဆိုင်၊ ကွမ်းယာဆိုင်တို့မပိတ်ဘဲ ဖွင့် ထားပြီး ထိုနေရာများတွင်လည်း လူများအပြည့်ဖြစ်နေသည်ကို တွေ့ရသည်။

    ဗလီကို ဖျက်ဆီးရာတွင် ခေါင်ပေါ်အထိတက်ပြီး ဧရာမတိုင်ကြီးများကို ဖျက်ဆီးနေသည်မှာ ဘယ်သူဘယ်ဝါ မှန်းသိသော်လည်း ဒီနေ့ထက်ထိ မည်သူမျှ မပြောရဲကြပါ။

    စစ်တပ်ဘက်မှ သေနတ်အပေါ်ထောင်ဖောက်လိုက်ပြီး လူစုခွဲသော်လည်း ဖျက်ဆီးနေသူများမှ ခေါင်းဆောင် လုပ်သူက မိုးပေါ်ထောင်ပစ်တာ ပြေးစရာမလိုဘူးဟုဆိုပါသည်။ တစ်နေရာဖျက်ဆီးရန် အချိန်ပြည့်ပြီး နောက်တစ်နေရာ သို့ ပြောင်းရွှေ့ဖျက်ဆီးရန် အချက်ပေးသကဲ့သို့ဖြစ်နေပါသည်။ ထိုသို့ဖြင့် အားလုံးပျက်စီးသွားပြီး ဘာမှ ရစရာမရှိတော့ သောအခါမှ ညနေ ၄း၁၅ နာရီလောက်တွင် သေနတ်ဖြင့် လိုက်လံပစ်ခတ်ပြီး ပွဲသိမ်းလိုက်ပါတော့သည်။

    ဤသည်ကို သုံးသပ်ကြည့်လျှင် ဖြစ်ရပ်တစ်ခုလုံးတွင် နယ်မြေဒေသခံ ၉၀% ကျော် ပါဝင်ပါသည်။ လက်လုပ် လက်စားသမားမှ ငွေကြေးချမ်းသာသူများ၊ စီးပွားရေးလုပ်ငန်းရှင်နှင့် မြို့မိမြို့ဖများအထိ ပါဝင်ပါသည်။ ဘာသာရေးအရ ရော၊ စီးပွားရေးအရပါ ချွတ်ခြုံကျစေလိုသည့် သဘောဆန္ဒများတွေ့နေရပါသည်။ ရေသန့်ဘူးဝေသူများ၊ အချိုရည်ဘူး ဝေသူများ၊ အရက်နှင့် စိတ်ကြွဆေးများ ထည့်သွင်းပြီး ဝေငှနေသည်ကိုလည်း တွေ့ရှိခဲ့ရသည်။

    ထိုအချိန်တွင် အစ္စလာမ်ဘာသာဝင် မိသားစုများသည် မိမိတို့ အသက်အန္တရာယ်ဘေးကင်းရာ မိမိတို့ရင်းနှီးရာ ရွာများသို့ တိမ်းရှောင်နေစဉ် ထိုသတင်းကို အကြမ်းဖက်သူများ သိသောအခါ ထိုရွာများသို့ လိုက်လာကြမည်ဖြစ်ကြောင်း ကြားသိရသဖြင့် ရွာခံများမှ ညတွင်းချင်း လယ်ကွင်းများထဲသို့ ထွက်ပြေးတိမ်းရှောင်နေခဲ့ရပါသည်။ ထိုသတင်းကို မယင်းရွာမှ ဦးတင်အေးမိသားစုမှ ကြားသိသောအခါ များစွာစိတ်မကောင်းဖြစ်ပြီး ထိုသူအားလုံး တိမ်းရှောင်နေသော နေရာများသို့ ကားများဖြင့် လိုက်လံခေါ်ယူပြီး ၎င်း၏နေအိမ်တွင် လုံခြုံစွာ ထားရှိခဲ့ပါသည်။ ထိုမှစ၍ အစ္စလာမ်ဘာသာဝင် စုစုပေါင်း လူဦးရေ ၂၆၀ ကျော်အား ဦးတင်အေး မိသားစုမှ မည်သူ့ထံကမှ ငွေကြေးတစ်စုံတစ်ရာမယူဘဲ မိမိကျွေးမွေး စရိတ်အားလုံး အကုန်အကျခံကာ ခုနစ်ရက်တိတိ မိမိရွာသားများဖြင့် လုံခြုံစွာ ဆယ်ဧကကျယ်ဝန်းသော မိမိ၏ခြံကြီးထဲ ရှိ အိမ်ကြီးများတွင် လွတ်လပ်စွာ ကျွေးမွေးပြုစုစောင့်ရှောက် ကယ်တင်ထားခဲ့ပါသည်။

    ထိုဗုဒ္ဓဘာသာဝင်မိသားစုကြီး၏ ကျေးဇူးတရားမှာ ဆယ်ကမ္ဘာမက ဆပ်၍မကုန်သော ကျေးဇူးများဖြင့် အထူးပင် ကျေးဇူးတင်ရှိကြောင်း ဂုဏ်ပြုမှတ်တမ်းတင်အပ်ပါသည်။

    ပုဒ်မ-၁၄၄ ထုတ်ပြန်ပြီး နှစ်ရက်အကြာတွင် လယ်မ ကျေးရွာအုပ်စု၊ ကျွဲခြံကျေးရွာတွင် အလယ်တန်းပြဆရာမ အဖြစ် ဗုဒ္ဓဘာသာဝင်ကလေးများအား စာသင်ကြားပေးနေသော နိုင်ငံ့ဝန်ထမ်း ဆရာမမိသားစု ၃-စု၏ ပစ္စည်းများကို မိမိနှင့်ရင်းနှီးသူ လက်သမားဆရာကြီးတစ်ဦး၏အိမ်တွင် မဖြစ်မီ ငါးရက်ခန့်က ထော်လာဂျီများဖြင့် ပို့ဆောင်ထားသော ပစ္စည်းများကို ကျွဲခြံကျေးရွာ အလှူမှတစ်ဆင့် အကြမ်းဖက်သူများသည် လယ်ကွင်းထဲသို့ထုတ်၍ ရက်စက်စွာ ဖျက်ဆီး ပစ်သည်မှာ အင်မတန်ဆိုးဝါးလှသော လုပ်ရပ်ဖြစ်ပါသည်။ နိုင်ငံ့ဝန်ထမ်းဆရာမလေး၏ ကျောင်းတက်ရာတွင် ၀တ်ဆင် ရသည့် ယူနီဖောင်း အဖြူနှင့်အစိမ်းမှအစ အ၀တ် အစားအားလုံး ဖျက်ဆီးပစ်သည်မှာ အင်မတန်ဆိုးဝါးသော လုပ်ရပ်တစ်ခုဖြစ်သည်။ အကြမ်းဖက်သမားများမှာ မည်သူများဟု သိနေ သော်လည်း ယခုထက်ထိ ဖမ်းဆီးခြင်းမရှိသေးပါ။

    ၃၁.၃.၂၀၁၃ နေ့လယ်ပိုင်းတွင် အစ္စလာမ်ဘာသာဝင်ပိုင် ကားများ၊ ဇီးကုန်းမြို့ နာရေးကူညီမှု အသင်းမှ ကားများဖြင့် အစ္စလာမ်ဘာသာဝင်များ၏နေအိမ်များသို့ အရောက် လိုက်လံပို့ဆောင်ပေးခဲ့ကြကြောင်းကိုလည်း သိရှိရ ပါတယ်။

    IMG_0026 IMG_0025 IMG_0024 IMG_0027

    ဇီးကုန်းမြို့ အကြမ်းဖက်ခံရမှု ဓါတ်ပုံများ ကြည့်ရန်။

  • ဘော်စတန် ဗုံးခွဲမှု သံသယတရားခံ ဖမ်းဆီးရမိ၊ ကျူးလွန်ရခြင်း၏ အ​ကြောင်းရင်းများကို စိစစ်သွားမည်ဖြစ်သော်လည်း ထုတ်ဖော်ပြောကြားလိမ့်မည် မဟုတ်ဟု အိုဘာမားဆို

    M-Media
    ဧပြီလ ၂၀ ရက်၊ ၂၀၁၃

     

    APTOPIX Boston Marathon Explosions Suspect
    ဘော်စတန်ဗုံးခွဲမှုမှ သံသယတရားခံ ညီအစ်ကိုနှစ်ဦး

     

    ဘော်စတန်ဗုံးခွဲမှု သံသယတရားခံ ညီအစ်ကိုနှစ်ဦးမှ အသက်ရှင်ကျန်ရစ်ပြီး ထွက်ပြေးလွတ်မြောက်နေသည့် ညီဖြစ်သူ ဂျော့ခါ ဆာနာအီဗ် (Dzhokhar Tsarnaev ) ကို ဖမ်းဆီးလိုက်နိုင်ပြီဖြစ်ကြောင်း သိရသည်။ ထိုသတင်းကို အမေရိကန် စံတော်ချိန် ဧပြီလ ၁၉ ရက်နေ့ ၊ ည ၉.၃၀ အချိန်တွင် မက်ဆာချူးဆက် ပြည်နယ် ရဲဌာနမှ ဗိုလ်မှူးကြီး တင်မသီ ပီ.အလ်ဘန်က အတည်ပြုပြောကြားခဲ့ခြင်းဖြစ်သည်။

    သံသယတရားခံအား လက်ရဖမ်းဆီးမိဖို့ ဒေသခံပြည်သူများက သတင်းပေးခဲ့ကြခြင်းဖြစ်ကြောင်း၊ ဖမ်းဆီးရမိချိန်တွင် သံသယတရားခံ မှာ လှေငယ် တစ်စင်း အတွင်း ပုန်းအောင်းနေခြင်းဖြစ်ကြောင်း သိရသည်။

    သံသယတရားခံ ညီအစ်ကို နှစ်ဦးစလုံးမှာ လွန်ခဲ့သည့် ၁၀ နှစ်ကျော်ကတည်းက အမေရိကန်နိုင်ငံတွင် ပြောင်းရွှေ့နေထိုင် လာသူများဖြစ်သည်။ နှစ်ဦး စလုံးမှာ ကော့ကေးဆပ်၊ ချေချင်းညာဇာတိများဖြစ်သည်။

    ညီဖြစ်သူ ဂျော့ခါ ဆာနာအီဗ်မှာ ၂၀၁၁ တွင် Cambridge Rindge နှင့် Latin School တို့မှ ကျောင်းဆင်းအောင်လက်မှတ်ရရှိထားသလို ကိန်းဗရစ်ခ်ျမြို့၊ ပညာသင်ဆုကိုလည်း ဆွတ်ခူးဖူးသူဖြစ်သည်။ အချို့သော သတင်းအချက်အလက်များအရမူ သူသည် အမေရိကန်နိုင်ငံတွင် သူ့ဘ၀ တ၀က်ကျော်ကို ဖြတ်သန်းကြီးပြင်းခဲ့သူဖြစ်သလို အမေရိကန်ပညာရေးစနစ်တွင် လေ့ကျင့်သင်ကြားပေးခြင်း ခံထားရသူဖြစ်သည်။

    အစ်ကိုဖြစ်သူမှာလည်း လက်ဝှေ့နှင့် နပန်းအကျော်အမော်တဦးဖြစ်ကာ အမေရိကန်နိုင်ငံကိုယ်စားပြု အိုလံပစ်ကစားသမားတစ်ဦးဖြစ်ဖို့ ရည်မှန်းထားသူ ဖြစ်ကြောင်း၊ ၄င်းအနေဖြင့် အမေရိကန်နှင့် ရုရှတို့ကို ရွေးချယ်ရမည်ဆိုပါက အမေရိကန်ကိုသာ ရွေးချယ်၍ ကိုယ်စားပြု ယှဉ်ပြိုင်ဖို့ ရည်မှန်းထားကြောင်း သတင်းအရင်းအမြစ် အချို့က တင်ပြသည်။

     

    နာမည်ကြီး Huffington Post သတင်းစဉ်၏ HuffPost Live အစီအစဉ်တာဝန်ခံတဦးဖြစ်သူ ဂျာနယ်လစ် အဟ်မဒ် ရှီဘတ်ကမူ ၄င်းတို့နှစ်ဦးစလုံးမှာ မည်သည့်အဆက်အနွယ် ဇာတိပင်ဖြစ်စေကာမူ အမေရိကန်နိုင်ငံသားများဖြစ်သလို အမေရိကန်လူနေမှုအသိုက်အ၀န်းအတွင်း ကြီးပြင်းလာသူများ ဖြစ်ကြောင်းကို ယမန်နေ့ညက တင်ဆက်သည့် ရုပ်သံအစီအစဉ်တစ်ခုတွင် အဓိကထား သုံးသပ်ပြောကြားခဲ့သည်။

    အမေရိကန်သမ္မတ အိုဘာမားက သံသယတရားခံကို ဖမ်းဆီးရမိအပြီး ယမန်နေ့ ညတွင်ပင် အိမ်ဖြူတော်၌ ရုပ်သံအစီအစဉ်ဖြင့် ပြည်သူများကို စကားပြောကြားခဲ့သည်။ ထိုသို့ စကားပြောကြားရာ၌ “ယနေ့ညမှာတော့၊ အဖြေမထုတ်ရသေးတဲ့ မေးခွန်းတွေ တသီကြီး စုပုံနေပါတယ်၊ အဲဒီထဲက ဒီနိုင်ငံမှာကြီးပြင်းလာတယ်၊ ဒီမှာပဲ ပညာသင်ပြီး ကျွန်တော်တို့အမေရိကန်အသိုက်အ၀န်းရဲ့ အစိတ်အပိုင်းဖြစ်တဲ့ လူငယ်တွေက ဘာလို့ ဒီလိုမျိုး အမှုကြီးကို ကျူးလွန်တာလဲ?” ဟု သမ္မတ အိုဘာမားက မေးခွန်းထုတ်ပြခဲ့သည်။

    barack-obama

    အိမ်ဖြူတော်တွင် မိန့်ခွန်းပြောကြားနေသည့် အမေရိကန်သမ္မတ အိုဘာမား

    သမ္မတအိုဘာမားက ဘော်စတန်ပြည်သူများအတွက်လည်းကောင်း၊ အသတ်ခံခဲ့ရသူ MIT ရဲအရာရှိ အတွက်လည်းကောင်း ၀မ်းနည်းရပါကြောင်း ကို ပြောကြားခဲ့သည်။

    ထို့ပြင် သမ္မတအိုဘာမားက “ကျွန်တော်တို့ သိထားတဲ့ အချက်တစ်ခုကတော့၊ ဒီလိုမျိုး ကြောက်မက်ဖွယ်အမှုမျိုးကို ကျူးလွန်ဖို့ ဘယ်လိုအခြေအနေ နောက်ခံဖြစ်စဉ်မျိုးက သူတို့နှစ်ဦးကို တွန်းပို့လိုက်လဲဆိုတာကိုတော့ လူသိရှင်ကြား ထုတ်ဖော်သွားလိမ့်မှာမဟုတ်ဘူး၊ ထုတ်ဖော် သွားနိုင်တဲ့အခြေအနေလည်း မရှိပါဘူး။” ဟု ပြောကြားသွားခဲ့သည်။