News @ M-Media

Tag: featured

  • ဘားအံမြို့တွင် ပြုလုပ်ခဲ့သည့် တရားပွဲ၌ ဘာသာရေး မုန်းတီးမှု တရားများဟောကြားခဲ့

    ဧပြီ ၂၃၊ ၂၀၁၃
    M-Media
    ဇွဲကပင်သား

    5
    ဓါတ်ပုံ- FB ( ၉၆၉ အဖွဲ့ဝင်များ ဦးဝီရသူနဲ့ တွေ့ဆုံစဉ်)

    ဘားအံ ။         ။   ဘားအံမြို့ပေါ်ရှိ မဲဘောင်ကျောင်းတွင် ဦးဝီရသူ၏ တရားဟောပွဲပြုလုပ်ခဲ့သော်လည်း တရားပွဲတွင် ဘာသာရေးမုန်းတီးမှု တရားများသာ ဟောကြားခဲ့ပြီး ယင်းတရားပွဲအား ဧပြီလ ၂၀-ရက်နေ့မှ ၂၂-ရက်နေ့အထိ ည(၇)နာရီ (၉)နာရီထိ ၃-ရက်တိုင် ပြုလုပ်ခဲ့တယ်လို့သိရပါတယ်။ တရားပွဲ လော်စပီကာဖြင့် ထုတ်လွှင့်ခဲသောကြောင့် တရားပွဲကျင်းပရာ အနီးနား ရပ်ကွက်ရှိ နေထိုင်သူများအားလုံး ကြားခဲ့ရကြောင်း သိရပါသည်။

    အဆိုပါပွဲတွင် တရားတော်များကို ဟောကြားခြင်းထက် သူတစ်ပါးရဲ့ ဘာသာ သာသနာကို စော်ကားပြီး ပြောကြားသွားခဲ့သည်။ တရားပွဲတွင်  ဦးဝီရသူမှ ပြောကြားခဲ့သည်များထဲမှ ကြားသိခဲ့ရသည့် ဘားအံမြို့ခံများက ဦးဝီရသူပြောကြားခဲ့သည့်အတိုင်း ပြန်လည်ပြောပြလာပါတယ်။

    ဦးဝီရသူပြောကြားခဲ့သည့် မုန်းတီးရေးတရားများမှာ –

    (၁)  ဗလီဆိုတာ ရန်သူ့အဆောက်အအုံဖြစ်တယ်။ ဒါကြောင့် ဗလီကိုဖြိုတာဟာ ရန်သူ့အဆောက်အအုံကို ဖြိုချခြင်းဖြစ်လို့ ငရဲမကြီးပါဘူး။

    (၂)  မွတ်စလင်မ်ကုလားတစ်ယောက်ဟာ ဗမာမိန်းကလေးတစ်ယောက်ကို မုဒိန်းကျင့်နိုင်ရင် မြင့်မြတ်ခြင်းကို ရတယ်။

    (၃)  ရိုဟင်ဂျာတွေကိစ္စမှာ သမ္မတကြီးဟာ ပြတ်သားစွာရပ်တည်ပေးခဲ့အတွက် အလွန်လေးစားဖို့ကောင်းတဲ့ပုဂ္ဂိုလ်ပါပဲ။ အများက ခေါ်ခေါ်နေတဲ့ အမေစုဟာ ဘာများလုပ်ပေးနိုင်ခဲ့လို့လဲ။ ဒါကြောင့် သမ္မတကြီးအတွက် ဆုတောင်းပွဲတွေကို မန္တလေးတစ်ခွင်မှာ ကျင်းပခဲ့ကြတယ်။

    (၄)  မဆီမဆိုင် ပဲခူးမှာ ဗလီတွေလိုက်ဖျက်ကြတဲ့ ဗမာတွေကို ဦးဇင်းရှက်မိတယ်။ မဆီမဆိုင် လိုက်လုပ်ကြတဲ့အတွက် မတရားမှုပါပဲ။ ဦးဇင်း အလွန်ပဲရှက်မိတယ်။

    (၅)  မြန်မာနိုင်ငံမှာလည်းနေသေးတယ်။ ဝက်သားလည်း မစားကြဘူး။ မြန်မာနိုင်ငံမှာ ဝက်သားပဲရတာလေ။ ကုလားတွေ ဝက်သားစားကြပေါ့။ ဝက်သားတော့ဖြင့် မစားကြဘူး။ ဝက်သားစားတဲ့ ပါးစပ်တွေရှိတဲ့ ဗမာမိန်းကလေးတွေကိုတော့ ငမ်းငမ်းတက်ဖြစ်နေကြတယ်။ ဦးဇင်းတို့က သူတို့ကို ဘယ်လိုနားလည်ပေးရမတုန်း။

    (၆)  မွတ်စလင်မ်ကုလားမတွေကဆိုရင် တကိုယ်လုံးကိုခြုံပြီးနေကြတာ။ တချို့ဆို မျက်နှာတွေမျက်လုံးတွေကိုပါ ပိတ်နေရတာ။ ရာသီဥတုပူတဲ့အချိန်ဆို ငရဲကျသလိုပါပဲ။ ဦးဇင်းတို့ မြန်မာအမျိုးသမီးတွေကိုများ သူတို့က မယဉ်ကျေးဘူးပြောသေးတယ်။ လွတ်လပ်ခွင့်ရှိတဲ့ တို့သာသနာကို တို့ပိုင်ဆိုင်ထားတာ ကံမကောင်းပေဘူးလားဟေ့။

    (၇)  NLD မှာ ကြည့်လိုက်ရင်လည်း မုတ်ဆိတ်တကားကားနဲ့ တိုက်ပုံဝတ်တဲ့ကုလားတွေကလည်း ရှိသေး။ ကြည့်လိုက်ရင် ဆိတ်သိုးတွေလိုပဲ သိပ်ရွံစရာကောင်းတယ်။ မဝတ်တတ်တော့ အကျီင်္ကို ဟိုဆွဲချ ဒီဆွဲချနဲ့ လုံးဝပုံမကျလှဘူး။

    (၈)  မြန်မာအမျိုးသမီးတစ်ယောက်ဆိုရင် ကုလားတစ်ယောက်ကို ကြိုက်လွန်းလို့ သဘောမတူတဲ့ ကိုယ့်မိဘကိုတောင် အဆိပ်ခပ်သတ်ပြီး ဘုရားပုံတော်ကို ခြေနဲ့နင်းလို့ ကုလားတွေက သူတို့ဘာသာထဲ ပြောင်းခိုင်းခဲ့တာကို ခံခဲ့ရတယ်။

    (၉)  မိတ္ထီလာလို လူညီဖို့လိုတယ်နော။ ကရင်ပြည်နယ်ကို ကုလားပြည်နယ် ဖြစ်ချင်သလားဟေ့။

    (၁၀)  ဦးဇင်းကို Facebook မှာ တိုက်ခိုက်သူတွေအများကြီးပဲ။ ဦးဇင်းက သောက်ဂရုမစိုက်ပါဘူး။ ဦးဇင်းက သာသနာ့အာဇာနည်တစ်ယောက်ပါ။

    (၁၁)  ငမဲတွေကိုကြောက်စရာမလိုဘူး။ ကုလားတွေအကုန်လုံးက မြန်မာတွေကိုမြင်ရင် ခေါင်းငုံ့သွားစေရမယ်။

    (၁၂)  ကုလားတွေက နောက်ဆုံးမရတော့မှ ဦးဇင်းဆီ လာဆွေးနွေးကြတယ်။ ကုလားတွေနဲ့ သွားမပတ်သက်မိစေနဲ့။ ကိုယ်ပါ အလိုလိုရိုင်းသွားလိမ့်မယ်။

    ယင်းတရားပွဲ၌ ယခုကဲ့သို့သော စကားလုံးများသုံးနှုန်း၍ ဦးဝီရသူပြောကြားသွားသည်မှာ သာမန် ဘုန်းတော်ကြီးများ တရားဟောကြားသည့်ပုံစံ မဟုတ်ကြောင်း၊ စကားပြောသည့် ပုံစံလည်း မူမမှန်ကြောင်း၊ ၃-ညတိုင်တိုင်ပြောသည့် စကားများဟာလည်း တစ်ခုနှင့်တစ်ခု အဆက်အစပ်မဲ့ပြီး တရားပွဲဟု အမည်ခံထားသော်လည်း ဘာသာရေးမုန်းတီးမှုလှုံ့ဆော်ပွဲသက်သက်သာဖြစ်ကြောင်း၊ စကားပြောရာတွင်လည်း လျှာလိပ်နေတဲ့အ သံတွေဟာလည်း တားမြစ်ဆေးဝါး တစ်ခုခုသုံးစွဲထားပြီး စကားပြောသည့် လူတစ်ဦးကဲ့သို့သာဖြစ်နေကြောင်းကိုလည်း ဘားအံမြို့ခံတစ်ဦးမှလည်း ပြောပြလာပါတယ်။

  • အဓိကရုဏ်း ဗီဒီယိုမှတ်တမ်း ထွက်လာ(BBC)

    အဓိကရုဏ်း ဗီဒီယိုမှတ်တမ်း ထွက်လာ(BBC)

    ဧပြီလ-၂၁- ၂၀၁၃
    BBC

    မကြာခင်က ဖြစ်ပွားခဲ့တဲ့ မိတ္ထီလာ အဓိကရုဏ်း အတွင်း ဗုဒ္ဓဘာသာဝင် တွေက လူအုပ်နဲ့ မွတ်ဆလင် တွေကို တိုက်ခိုက်သတ်ဖြတ် နေတာကို ရဲတွေက ရပ်ကြည့်နေတဲ့ ပုံတွေ ပါတဲ့ ဗီဒီယို မှတ်တမ်းတွေကို ဘီဘီစီက ရရှိထားပါတယ်။

    မိတ္ထီလာ ရဲက ရိုက်ကူးခဲ့တဲ့ မှတ်တမ်းတွေ ဖြစ်ပြီး မတ်လ နှောင်းပိုင်းက ရက်တွေနဲ့ချီပြီး ဖြစ်ပွားခဲ့တဲ့ ဘာသာရေး အဓိကရုဏ်းကြောင့် အနည်းဆုံး လူ ၄၃ ယောက် သေဆုံးခဲ့ရပါတယ်။
    ရဲက ရိုက်ယူထားတဲ့ မှတ်တမ်းကား ဖြစ်လို့ အထောက်အထား ရယူပုံ စနစ်ကျ ပြည့်စုံပြီး နှိပ်စက် လုယက် ခံရသူတွေကို ရဲက မကာကွယ် ခဲ့တာ ပေါ်လွင်နေပါတယ်။

    ဒီမှတ်တမ်းကားကို ဥရောပ သမဂ္ဂက မြန်မာပေါ် ပိတ်ဆို့ အရေးယူမှု တွေ ရုပ်သိမ်းသင့် မသင့် မဆုံးဖြတ်ခင် တရက် အလိုမှာ ဘီဘီစီက ထုတ်လွှင့် လိုက်တာ ဖြစ်ပြီး မြန်မာပြည်က လူနည်းစု တွေကို ဖိနှိပ် ပြုမူနေပုံ အပေါ် မေးခွန်း ထုတ်စရာ ရှိနေ ပေမယ့် ပိတ်ဆို့မှု တွေကို ဥရောပ သမဂ္ဂက ရုပ်သိမ်းမယ့်ပုံ ပေါ်တယ်လို့ ဘီဘီစီ သတင်းထောက် ဂျိုနာ ဖစ်ရှာက ဆိုပါတယ်။

    ဗီဒီယို ထဲမှာ လူနေအိမ်တွေနဲ့ ဈေးဆိုင်တွေကို လူအုပ်နဲ့ လုယက် ဖျက်ဆီးတာတွေ အပြင် ရဲအရာရှိတွေ မျက်စိ ရှေ့မှာတင် အရှင်လတ်လတ် မီးလောင်နေသူ လူးလှိမ့် နေတာကို ရပ်ကြည့်နေတဲ့ လူအုပ်က ‘ရေမဖျန်းနဲ့၊ သေပေ့စေ’လို့ ပြောဆိုတာတွေ ပါရှိပါတယ်။

    နောက် ထွက်ပြေးသူ လူငယ် တယောက်ကို ဘုန်းကြီး တပါးအပါအဝင် လူအုပ်နဲ့ ဝိုင်းဖမ်းပြီး ရိုက်တာ တွေ့ရတဲ့ အပြင် ဓားနဲ့ပါ ခုတ်လို့ မြေကြီးပေါ် ပုံလဲကျသွားပြီး သေဆုံးခဲ့တယ်လို့ ယူဆရပါတယ်။

    ဒီမှတ်တမ်းကားနဲ့ မျက်မြင်တွေ ထွက်ဆိုချက်တွေ ကိုက်ညီနေပါတယ်။

    တနေရာ မှာတော့ မွတ်ဆလင် အမျိုးသမီးနဲ့ ကလေးတွေကို ရဲက မီးလောင်ပြင် ရပ်ကွက်ထဲက ခေါ်ထုတ် သွားတဲ့ ပုံပါပါတယ်။

    ဒီအဓိကရုဏ်း အတွင်း ပါဝင်ခဲ့တဲ့ မွတ်ဆလင် ၃ ယောက်ကို ဒီလ ထဲမှာ ထောင် ၁၄ နှစ် ချလိုက်ပြီး ကျန်တဲ့ မွတ်ဆလင်နဲ့ ဗုဒ္ဓ ဘာသာဝင်တွေ အတော်များများကို ထိန်းသိမ်း စစ်ဆေးနေဆဲလို့ ဆိုပါတယ်။

    တနင်္လ࿿ာနေ့ မှာပဲ နယူးယော့ က လူ့အခွင့်အရေး စောင့်ကြည့် အဖွဲ့ ကနေပြီး ရခိုင် ပြည်နယ်က မွတ်ဆလင်တွေ အပေါ် ကျူးလွန်ခဲ့တဲ့ လူမျိုးတုံး သတ်ဖြတ်မှုတွေနဲ့ လူမဆန်တဲ့ ရာဇဝတ်မှု တွေမှာ မြန်မာ အစိုးရ ပတ်သက်နေမှုတွေကို ဖွင့်ချမယ့် အစီရင်ခံစာ ထုတ်ဝေမယ်လို့ သိရပါတယ်။

    ရခိုင် ပြည်နယ်က လူ တရာကျော်ကို မေးမြန်းပြီး တွေ့ရှိချက်တွေ အပေါ် အခြေပြုရေးသားတဲ့ အစီရင်ခံစာ ဖြစ်ပါတယ်။

    http://www.bbc.co.uk/burmese/burma/2013/04/130421_bbcburmavideo.shtml

  • နာဇီလက်သစ် ခေါင်းဆောင်များ လွတ်လပ်ခွင့်ရနေ (Analysis By မောင်ဇာနည် )

    ဧပြီ-၉-၂၀၁၃
    ဘာသာပြန်ဆောင်းပါး
    ဆောင်းပါးရှင်-မောင်ဇာနည်

    Wirathu-7

    မကြာသေးခင်က ဖြစ်ပွားခဲ့သည့် လူနည်းစုမွတ်စလင်များအား လူမဆန်စွာ ပစ်မှတ်ထားတိုက်ခိုက်မှုတွင် မြန်မာနိုင်ငံမှ အစွန်းရောက် ၉၆၉ လှုပ်ရှားမှုသည် အဓိကအခန်းကဏ္ဍမှ ပါဝင်ခဲ့သည်။ ထိုအကြမ်းဖက်တိုက်ခိုက်မှုကြောင့် အနည်းဆုံး လူ ၄၀ သေဆုံးခဲ့ရပြီး ၁၂၀၀၀ ခန့် အိုးမဲ့အိမ်မဲ့ ဖြစ်ခဲ့ရသည်။ သမ္မတဦးသိန်းစိန်အစိုးရနှင့် နိုင်ငံတစ်ဝှန်းရှိ ကြီးမားသည့်လူမျိုးရေးခွဲခြားသူများအကြားက ဘုန်းတော်ကြီးများဦးဆောင်သည့် အဆိုပါအဖွဲ့ကို အပြင်ပန်းမှ အပေါ်ယံအားဖြင့်နားလည်နိုင်ရန် ခက်ခဲလှသည်။ ၄င်းနှင့်စပ်လျဉ်း၍ အောက်ပါအချက်အလက်များကို စူးစမ်းလေ့လာမှု မပြုဘဲနှင့် နားလည်အောင်ရှင်းပြ၍ မရနိုင်ပေ။

    (၁) ဗုဒ္ဓဘာသာနာဇီလက်သစ် အုပ်စုကို အရေးမယူဘဲ နိုင်ငံတော်မှ မျက်နှာသာ ပေးထားခြင်း။
    (၂) လူနည်းစုမွတ်စလင်များအား မျိုးဖြုတ်သုတ်သင်ရန် လက္ခဏာများ မြင်တွေ့နေရသော်လည်း သမ္မတ ဦးသိန်းစိန်မှာ အရေးယူဆောင်ရွက်မှု မရှိခြင်း။
    (၃) ပြဿနာများဖြစ်ပေါ်နေစဉ်တစ်လျှောက်တွင် ဒေါ်အောင်ဆန်းစုကြည်ဦးဆောင်သည့် အတိုက်အခံများ(အများစု)က လစ်လျူရှုထားခြင်း တိြု့ဖစ်သည်။

    ထိုကဲ့သို့ အကြမ်းဖက်မှုများက နိုင်ငံပြုပြင်ပြောင်းလဲရေး၏ အနာဂတ်အလားအလာ၊ မျှော်လင့်ချက်များနှင့်ပက်သက်ပြီး အရေးပါသော မေးခွန်းမြောက်များစွာကို ပေါ်ထွက်လာစေသည်။

    **  ၉၆၉ လှုပ်ရှားမှုသည် မည်မျှအတိုင်းအတာအထိ လူကြိုက်များ၍ ပျံ့နှံ့နေပြီနည်း ?  နိုင်ငံတစ်ဝှန်းလုံး ပြန့်နှံ့သွားဖို့ အလားအလာ မည်မျှ ရှိနေပါသနည်း ?

    အမျိုး၊ ဘာသာ သန့်ရှင်းရေး ဟူသည့် ကြွေးကြော်သံနှင့် သစ်လွင်သော အမျိုးသားရေးလှုပ်ရှားမှု၊ အတွေးမှားအမြင်မှားများ စိမ့်ဝင်နေသည့်ှဗုဒ္ဓဘာသာဝင်လူစု၊ ယဉ်ကျေးမှုနှင့်စီးပွားရေးကို အခြေပြုထားသည့် အမျိုးသားရေးဝါဒ စသည်တို့မှာ ၁၉၃၀ ခုနှစ်က ဂျာမဏီ၌ ခေါင်းထောင်လာခဲ့သည့် နာဇီဝါဒနှင့် ကွဲပြားမှုမရှိ ထပ်တူထပ်မျှဖြစ်နေသည်ကို တွေ့ရသည်။  ၉၆၉ လှုပ်ရှားမှုမှာ အောက်ပါအချက်သုံးချက်ကြောင့် လူကြိုက်များလာခြင်းဖြစ်ကြောင်း သုံးသပ်ရပေသည်။

    ပထမအချက် – နိုင်ငံတစ်ဝှန်း အချိတ်အဆက်ကောင်းသည့် ဗုဒ္ဓဘာသာကောလိပ်များမှ (၉၆၉ ခေါင်းဆောင် ဦးဝီရသူကဲ့သို့ ) အစွန်းရောက်ဘုန်းကြီးများက နိုင်ငံအတွင်းရှိ စီးပွားရေးအကြပ်အတည်း၊ ယဉ်ကျေးမှုယိုယွင်းပျက်စီးခြင်းနှင့်ပက်သက်၍  “ မြန်မာလူမျိုးများမှာ မွတ်စလင်တို့၏ စီးပွားရေးအရ ဂုတ်သွေးစုတ် အမြတ်ထုတ်ခြင်းကိုခံနေရသော သားကောင်များ ” အဖြစ်ပုံဖော်ကာ နိုင်ငံတွင်းရှိ မွတ်စလင်များအား တရားခံအဖြစ် စွပ်စွဲပြောဆိုနေခြင်း။

    ဒုတိယအချက် – ဗုဒ္ဓဘာသာဝင်လူများစုအတွင်း ခေတ်ကာလကြာရှည်စွာရှိနေသော (လူပြိန်းကြိုက် မွတ်စလင်ဆန့်ကျင်ရေး) လူမျိုးရေးခွဲခြားမှုဝါဒကို ဆွဲယူအသုံးချခြင်း။

    တတိယအချက် –  ရဲတပ်ဖွဲ့၊ ထောက်လှမ်းရေး၊ စစ်တပ်၊ အရပ်ဖက်အဖွဲ့အစည်းများ၊ မီးသတ်တပ်ဖွဲ့ အပါအ၀င် နိုင်ငံအတွင်း နယ်ပယ်စုံမှ ဦးသိန်းစိန်အစိုးရအဖွဲ့လက်အောက်ရှိ အသင်းအဖွဲ့အားလုံးနီးပါးက အဆိုပါ  နာဇီလက်သစ်ဗုဒ္ဓဘာသာဝင်တို့၏ အကြမ်းဖက်လှုပ်ရှားမှုကို အရေးမယူသည်သာမက သွယ်ဝိုက်စွာ ပူးပေါင်းဆောင်ရွက်နေခြင်း တို့ဖြစ်သည်။

    **  အစွန်းရောက်လှုပ်ရှားမှုကို ပြည့်ပြည့်၀၀ ထိန်းချုပ်ရန် နေပြည်တော်အစိုးရအနေဖြင့် မည်ကဲ့သို့ ဆောင်ရွက်နေသနည်း ?

    ပြီးခဲ့သည့်နှစ်က မြန်မာပြည်အနောက်ပိုင်း ရခိုင်ပြည်နယ်အတွင်းရှိ ရိုဟင်ဂျာများအပေါ် ပတ်မှတ်ထားသော မွတ်စလင်ဆန့်ကျင်ရေး အကြမ်းဖက်တိုက်ခိုက်မှုနှင့်စပ်လျဉ်း၍ ဦးသိန်းစိန်မှ လွှတ်တော်သို့ တင်သွင်းသည့် အစီရင်ခံစာတွင် လူမျိုးရေးမုန်းတီးမှုများ ပြန့်ပွားနေမှုအတွက် ဘုန်းကြီးများနှင့်နိုင်ငံရေးပါတီများကို ပြစ်တင်ပြောဆိုထားသည်။ သို့သော် သူ၏အုပ်ချုပ်ရေးအဖွဲ့မှ ရိုဟင်ဂျာတို့အားဦးတည်သည့် လူမျိုးရေးမုန်းတီးမှုများ သို့မဟုတ် မွတ်စလင်ဆန့်ကျင်ရေးများကို ပေါ်ပေါ်ထင်ထင် လူသိရှင်ကြား လှုံ့ဆော်ခဲ့သော မည်သူတစ်ဦးတစ်ယောက်ကိုမှ အရေးယူခဲ့ခြင်းဟူ၍ မရှိချေ။ ထိုမျှမက နိုင်ငံအတွင်း မွတ်စလင်ဆန့်ကျင်ရေးလုပ်ရပ်များကို လုပ်ဆောင်လျက်၊ မွတ်စလင်များနှင့်  နိုင်ငံရေးရာအတွင်း ၎င်းတို့၏ပါဝင်ပက်သက်နေမှုများကို တစ်ဆင့်ပြီးတစ်ဆင့် ဖယ်ထုတ်ရှင်းလင်းရန် ဆော်သြောလှုံ့ဆော်နေကြသည့်  ဘုန်းကြီး တစ်ဦးတစ်လေသော်မှ ထိန်းသိမ်း ဟန့်တားနိုင်ခြင်း မရှိခဲ့ချေ။

    “ နိုင်ငံရေးပါတီများ၊ ဘုန်းတော်ကြီးအချို့နှင့် အခြား တသီးပုဂ္ဂလ ပုဂ္ဂိုလ်များက လူမျိုးရေးမုန်းတီးမှုများကို မြင့်မားအောင် လုပ်ဆောင်နေသည်။ နိုင်ငံ အတွင်း နှင့် နိုင်ငံပြင်ပရှိ (ရခိုင်) လူ့အဖွဲ့အစည်းများအား ချဉ်းကပ် ၍လည်း လှုံ့ဆော်နေကြသည် ” ဟု ယမန်နှစ် သြဂုတ်လက လွှတ်တော်သို့ တင်သွင်းသည့် သမ္မတ ဦးသိန်းစိန်၏ အစီရင်ခံစာတွင် ဖေါ်ပြထားသည်။ လူအုပ်စုကြီး၏အကြမ်းဖက်တိုက်ခိုက်နေမှုကို ရဲဝန်ထမ်းများက မည်သို့မျှ အရေးမယူဘဲ ရပ်ကြည့်နေမှုအား သိမြင်ရပြီးနောက်  အနောက်နိုင်ငံရှိ မီဒီယာများက ကျယ်ကျယ်ပြန့်ပြန်ဖော်ပြခဲ့ကြသော ဦးသိန်းစိန်၏ သည်းခံခြင်းတရားထားရှိ၍ ငြိမ်းချမ်းစွာ အတူယှဉ်တွဲနေထိုင်ရန် အားပေးသောစကား (နှင့်) အနောက်မီဒီယာများကပင် တင်ပြရန်ပျက်ကွက်ခဲ့သော အစိုးရ၏ မထိန်းသိမ်းခဲ့မှု တို့ကြားတွင် ဆက်စပ်၍မရသည့် ကွာဟမှုတစ်ခုရှိနေသည်။

    မွတ်စလင်ဆန့်ကျင်ရေး ဒီဗီဒီများ၊ စီဒီခွေများနှင့် အခြား ၀ါဒဖြန့်ချိသည့်အရာများအားလုံးကို မြန်မာတစ်နိုင်ငံလုံးတွင် အလွယ်တကူ တွေ့မြင်နိုင်သည်။ ပို၍ပွင့်လင်းလာသည့်တိုင်းပြည်ရှိ လူမှုအသိုင်းအ၀ိုင်းတွင် မွတ်စလင်ဆန့်ကျင်ရေး အချက်အလက်များ၊ အမုန်းတရားများကို ဖြစ်ပွားစေနိုင်သည့် ရှုထောင့်များမှပြောဆိုမှုတို့မှာ တရားဝင် ပုံစံမျိုး ဖြစ်နေသည်။  သတ္ထုတွင်းဝန်ကြီးဌာန၏ အကျင့်ပျက်ခြစားမှုနှင့်ပက်သက်၍ သတင်းဆောင်းပါး တစ်ပုဒ်ကို ဖော်ပြခဲ့သော the Voice Weekly ဂျာနယ်ကို အစိုးရမှ တရားစွဲခဲ့သော်လည်း တိုင်းပြည်အတွင်းရှိ မွတ်စလင်များအား အသရေဖျက်မှုများ၊ မွတ်စလင်များနှင့် ပက်သက်သည့် ကောလဟလများ၊ တလွဲတချော်အချက်အလက်များအား ပုံစံအမျိုးမျိုးဖြင့် ရိုက်နှိပ်ဖြန့်ဝေနေမှုများကိုမူ မည်သို့မျှ ကိုင်တွယ်ဆောင်ရွက်ခြင်း မရှိသေးပေ။ သို့ဖြစ်၍ တိုင်းပြည်ကို “ မွတ်စလင်များ၏သင်္ချိုင်း ” အသွင်သို့ ပြောင်းလဲရန် မီဒီယာအမျိုးမျိုးမှလှုံ့ဆော်မှုများကို ရပ်တန့်စေခြင်းအစား – ၀န်ကြီးဌာနများ၏ စာရိတ္တပျက်ပြားမှုအား မှန်မှန်ကန်ကန်ဖော်ထုတ်မှုနှင့် ပက်သက်သောကိစ္စ၌ ဦးသိန်းစိန်အစိုးရမှ ပိုမို စိုးရိမ်နေသည်ကိုသာ ထင်ထင်ရှားရှားတွေ့နိုင်သည်။

    ဦးသိန်းစိန်အစိုးရသည် အစ္စလာမ်ဘာသာဝင်များကိုဦးတည်သော အကြမ်းဖက်မှုများဖြစ်ပွားအောင် စီစဉ်နေသူများ၊ အမုန်းတရား ဖြန့်ဝေနေသူများအား စံနစ်တကျ ဟန့်တားမှု မရှိလျှင်၊ မွတ်စလင်များနှင့်အတူ အခြား တိုင်းရင်းသားလူနည်းစုများအပေါ်  ကာလကြာရှည်စွာ ရာဇ၀တ်မှု ကျူးလွန်နေသူများအား  လစ်လျူရှုထားမှုကို အဆုံးမသတ်နိုင်ပါလျှင် –  ၉၆၉ ပြန့်ပွားမှု အန္တရာယ်မှသည် လူမျိုးတုံးသတ်ဖြတ်မှုများထံသို့ ရောက်ရှိသွားပေလိမ့်မည်။ ဒီမိုကရေစီပြုပြင်ပြောင်းလဲရေးဆီသို့ ဟန်ရေးပြ လျှောက်လှမ်းနေသော်လည်း အာဏာရှင်ဟောင်း အများစုပါဝင်သည့် စစ်တပ်က ကျားကန်ပေးထားသော ဦးသိန်းစိန်အစိုးရမှာ အတိုက်အခံအဖွဲ့များကို နှိမ်နှင်းရာတွင် စနစ်တကျ ဖွဲ့စည်းထားသည့်  နှစ်ပေါင်းငါးဆယ်ကျော် အတွေ့ကြုံကောင်းရှိခဲ့ကြသည်။ လူထုကြားထဲတွင် ၎င်းတို့မှ မပျံ့နှံ့စေချင်သော သတင်းများ၊ လှုံ့ဆော်မှုများကို စစ်တပ်မှ ဆယ်စုနှစ်ပေါင်းများစွာ ထိထိရောက်ရောက် ထောက်လှမ်း ဟန့်တားနိုင်ခဲ့ကြပေသည်။

    ဟောင်ကောင်တက္ကသိုလ်မှ ဆရာတစ်ဦးဖြစ်ပြီး၊ ယခုတွင်မူ ဦးသိန်းစိန်၏ ထိပ်တန်းအကြံပေးတစ်ယောက်ဖြစ်ကာ အစိုးရက ဖွဲ့စည်းပေးထားသော မြန်မာငြိမ်းချမ်းရေး စင်တာ Myanmar Peace Center (MPC) တွင် ပါဝင်ညွှန်ကြားနေသူ တစ်ဦးလည်း ဖြစ်သော ကျော်ရင်လှိုင်သည် ၂၀၀၈ ခုနှစ် Fletcher Forum of World Affairs ထုတ်  “ Challenging the Authoritarian State: Buddhist Monks and Peaceful Protests in Burma Issues and Policy ” ဆောင်းပါးတွင် မွတ်စလင် ဆန့်ကျင်ရေး အဓိကရုဏ်းများ၌ စစ်တပ်၏  အဓိကအခန်း ကဏ္ဍကို အောက်ပါကဲ့သို့ ရေးသားဖော်ပြထားခဲ့သည်။

    “ ၁၉၉၇ ခုနှစ်က မန္တလေးရှိ ထင်ရှားသော ဗုဒ္ဓရုပ်ပွားတော် တစ်ဆူအား ဒေသတွင်းရှိ ဗိုလ်ချုပ်များ၏ သံသယဖြစ်ဖွယ်ပြင်ဆင်မှုကို  သံဃာတော်များမှ ဆန့်ကျင်ဆန္ဒပြမည့် အစီအစဉ်အား စစ်အစိုးရမှ သတိပြုမိခဲ့သည်။ သံဃာတော်များ ဆန္ဒမပြနိုင်မီ မွတ်စလင်စီးပွားရေးသမားတစ်ဦးက ဗုဒ္ဓဘာသာအမျိုးသမီး တစ်ဦးကို မုဒိန်းကျင့်သည် ဟု ကောလဟလတစ်ခု ထွက်ပေါ်လာသည်။  သံဃာတော်များမှ ဗိုလ်ချုပ်များအပေါ်ရည်ရွယ်ထားမှုအား အစိုးရက မွတ်စလင်ဘက်သို့ ပြောင်းပေးလိုက်ခြင်းဖြစ်ပြီး နောက်ဆုံးတွင် မွတ်စလင် ဆန့်ကျင်ရေး အဓိကရုဏ်းတစ်ခု ဖြစ်လာစေခဲ့သည်။ သံဃာတော်များ၏ အစိုးဆန့်ကျင်ရေး လှုပ်ရှားမှုများအား တားဆီးရန်အလို့ငှာ မွတ်စလင်ဆန့်ကျင်ရေး အဓိကရုဏ်များကို ထောက်လှမ်းရေးများက ရံဖန်ရံခါ သွေးထိုးလှုံ့ဆော်ပေးလေ့ရှိသည် ဟု လေ့လာသူအချို့က ယူဆကြသည်။”  (စာမျက်နှာ ၁၃၇-၁၃၈)

    ပြီးခဲ့သည့် မတ်လ ၃၀ရက်နေ့တွင် “ The Disorder in Order: the Army-State in Burma since 1962 ”, စာအုပ်ကို ရေးသားသူ ပရော်ဖက်ဆာ Donald Seekin က မတ်လ ၂၉ ရက်နေ့ထုတ် နယူးယောက်တိုင်မ်းသတင်းစာတွင် ပါလာသည့် ‘ Kristallnacht in Myanmar ’ ဆောင်းပါးကို ထောက်ခံ၍ ဤကဲ့သို့ မှတ်ချက်ပေးခဲ့သည်။

    “ မွတ်စလင်မုန်းတီးမှုဟာ မြန်မာလူထုထဲမှာ နက်နက်ရှိုင်းရှိုင်းကို အမြစ်တွယ်နေပါပြီ။ ပြီးတော့ ဒီမုန်းတီးမှုကို ၁၉၆၂ ခုနှစ်ကနေ ၂၀၁၀ ခုနှစ်အတွင်း ဦးနေ၀င်းနဲ့ စစ်အစိုးရလက်ထက် တစ်လျှောက်လုံး အားပေးအားမြှောက်လုပ်ခဲ့ပါတယ်။ သူတို့အကြိုက်ဆုံး လှုံ့ဆော်မှုနည်းလမ်းကတော့ မွတ်စလင်က ဗုဒ္ဓဘာသာ ဗမာအမျိုးသမီးကို မုဒိမ်းကျင့်တယ် ဆိုပြီး ကောလဟလသတင်း ဖြန့်မယ်၊ ပြီးတော့ ဗုဒ္ဓဘာသာဝင်အားလုံးကို မွတ်စလင်တွေ ဘက် မြှားဦးလှည့်သွားအောင် အကွက်ဆင်တာပါပဲ။ အရင်အစိုးရက သုံးခဲ့တဲ့ သွေးခွဲအုပ်ချုပ်ရေးစနစ်ဟာ တစ်ခါတုန်းက ဗြိတိသျှအစိုးရရဲ့ပေါ်လစီဖြစ်ပြီး လူအဖွဲ့အစည်းအများအပြားထဲမှာ စည်းလုံးမှုအနည်းဆုံး ဖြစ်သွားစေတဲ့ပုံစံပါ ”။

    မြန်မာစစ်အာဏာရှင်များသည် ၎င်းတို့၏ နိုင်ငံရေးအကျိုးအမြတ် နှင့် မဟာဗျူဟာအတွက် လူမျိုးပေါင်းစုံရှိသော မြန်မာ့လူ့အဖွဲ့အစည်းတွင် ဘာသာရေး၊ လူမျိုးရေးကို အသုံးချ၍ အမြတ်ထုတ်ခဲ့သည့် သမိုင်းကြောင်းများ ထင်ထင်ရှားရှားရှိခဲ့သည်။ နိုင်ငံရေးတွင် စစ်တပ် နှင့် ထိပ်တန်းဗိုလ်ချုပ်ကြီးများ၏ အာဏာရှင်စံနစ် အုပ်ချုပ်မှုမျိုး မရှိတော့ပါက ပြည်သူလူထုထံ၌ လုံခြုံမှု မရှိနိုင် ဟူသည့် အယူအဆအပါအ၀င်၊ ထိုကဲ့သို့ မွတ်စလင်ဆန့်ကျင်ရေး အမုန်းတရားများ မြန်မာ့လူ့အဖွဲ့အစည်းအတွင်း ပျံနှံ့စေမှုကို  ဦးသိန်းစိန်အစိုးရအနေဖြင့် ၎င်းတို့၏ နိုင်ငံရေးအကျိုးအမြတ်အတွက် လိုချင်ကောင်းလိုချင်လိမ့်မည်ဟု ရှင်းပြရန်ပင် မလိုအပ်ပေ။

    တိုင်းပြည်အတွင်း ဘာသာရေးအရ သဟဇာတဖြစ်ရေး နှင့် အတူယှဉ်တွဲနေထိုင်ရေး စကားတစ်ချို့ကို ပျော့ပြောင်းစွာထုတ်ဖော်ပြောကြားသော်လည်း သမ္မတဦးသိန်းစိန်မှာ နာဇီလက်သစ် ၉၆၉ လှုပ်ရှားမှုကို ထိန်းသိမ်းရန် ယခုအချိန်အထိ မည်သည်ကိုမျှ ပြုလုပ်ဆောင်ရွက်ခြင်း မရှိသေးပေ။ တိတိကျကျ ဆိုရလျှင် နေပြည်တော်အစိုးရ၏ မဟာဗျူဟာမြောက် တွက်ချက်လုပ်ဆောင်မှုအတွင်း၌ တိုင်းပြည်အုပ်ချုပ်ရေးနှင့် စီးပွားရေးတွင် ပြိုင်ဘက်မရှိ ထိန်းချုပ်မှုနှင့်လွှမ်းမိုးမှုများ ရရှိလာရန်အတွက် အစဉ်အမြဲအသုံးပြုလေ့ရှိခဲ့သော သွေးခွဲအုပ်ချုပ်ရေးနည်းလမ်းအပါအ၀င် -ကြောက်ရွံမှု၊ မသေချာမှုများ ကိန်းအောင်းနေသောအခြေအနေကို ဖန်တီးရန်  ထိုအကြမ်းဖက်လှုပ်ရှားမှုတို့အား အရေးမယူဘဲ ပိုမိုလစ်လျူရှုထားမည့် ပုံသဏ္ဍာန် ရှိနေလေသည်။

    **  ငြိမ်းချမ်းရေး၏ ပြယုဂ်ဖြစ်သော ဒေါ်အောင်ဆန်းစုကြည်သည် သူမကိုထောက်ခံသူ ဗုဒ္ဓဘာသာဝင်များအကြားရှိ အကြမ်းဖက်လူမျိုးရေးခွဲခြားမှုအရှိန်ကို ရပ်တန့်စေရန် မည်ကဲ့သို့ဆောင်ရွက်နေသနည်း ?

    မွတ်စလင်များကို အဆက်မပြတ် အကြမ်းဖက်မှုများ၊ မွတ်စလင်နှင့်ဗုဒ္ဓဘာသာ လူ့အဖွဲ့အစည်းနှစ်ရပ်အကြား သေကြေပျက်စီးမှုများအတွက် သူမ၏ နှုတ်ဆိတ်နေမှုက အစ္စလာမ်ကြောက်ရောဂါနှင့် အမုန်းတရားများ ပျံ့နှံ့နေမှုတွင် သူမကိုပါ ကြံရာပါဖြစ်စေသလားဟု နားမလည်နိုင်အောင်ဖြစ်ရသည်။ မည်သို့ပင်ဖြစ်စေကာမူ
    ၁။ အကြမ်းဖက်မှုများနှင့် အမုန်းတရားဖြန့်ဝေမှုများက မွတ်စလင်များကိုသာလျှင် တိုက်ရိုက် ပစ်မှတ်ထားနေခြင်းဖြစ်ပြီး၊ ထိုလုပ်ရပ်များကို အခင်းဖြစ်ပွားရာမြို့တွင်းရှိ လူများ နှင့် မြို့ပြင်ရှိလူများက အစီအစဉ်ရှိရှိပူပေါင်းဆောင်ရွက်ကြခြင်း။
    ၂။ မွတ်စလင်များ(အပါအ၀င် ကချင် ကဲ့သို့ အခြားလူနည်းစုများ) က အကြမ်းဖက်မှုများ၊ သေကြေမှုများ၊ ပျက်စီးဆုံးရှုံးမှုများကို ခါးစည်းခံနေရခြင်း။
    ၃။ စစ်တပ်နှင့်လုံခြုံရေးတပ်ဖွဲ့တို့အနေနှင့် လူအုပ်စုများကို ထိန်းသိမ်းရာ၌ နှစ်ပေါင်း ၅၀ အတွေ့အကြုံရှိခြင်း
    စသည်တို့ အပါအ၀င် ရှင်းလင်း ထင်ရှားသည့် အချက်အလက်များကို သူမက လျစ်လျူရှုခဲ့သည်။

    စင်စစ်၌မူ ဒေါ်အောင်ဆန်းစုကြည်မှာ မွတ်စလင်များအား အကြမ်းဖက်မှုအပေါ် လုံးဝ နှုတ်ဆိတ်နေခဲ့သည်တော့ မဟုတ်။ မိတ္ထီလာမြို့တွင် ဖြစ်ပွားခဲ့သော သုံးရက်တာ ကြာမြင့်သည့် မွတ်စလင်များအပေါ် အကြမ်းဖက်တိုက်ခိုက်မှုများ ပြီးဆုံးသွားပြီးနောက်၊ အကြမ်းဖက်လူအုပ်စုကြီးမှ ထင်တိုင်းကြဲ သတ်ဖြတ်မှုများ၊ မီးရှို့မှုများ ပြုလုပ်နေစဉ်တွင် လုံခြုံရေးတပ်ဖွဲ့ဝင်များမှာ ထိန်းသိမ်း အရေးမယူဘဲ ရပ်ကြည့်နေသည့် ခိုင်လုံသော အထောက်အထား အများအပြား ရှိသော်လည်း၊   လုံခြုံရေး တပ်ဖွဲ့ဝင်များ၏ အကြမ်းဖက်မှု အခြေအနေကိုင်တွယ် ထိန်းသိမ်းပုံများအပေါ် သူမက ကာကွယ်ပြောဆိုသွားခဲ့သည်။ သုံးရက်အတွင်း လက်နက်များ ကိုင်ဆောင်ထားသည့် ဗုဒ္ဓဘာသာဝင် အုပ်စုက ဗလီများ၊ မွတ်စလင်များ၏အိမ်များ၊ စီးပွားရေးလုပ်ငန်းများ အပါအ၀င် အဆောက်အဦးပေါင်း ၁၀၀၀ နီးပါး ဖျက်ဆီးခဲ့ခြင်းကို လုံခြုံရေးတပ်ဖွဲ့ဝင်များက လွှတ်ပေးထားခဲ့သည်။ အင်တာဗျူးတစ်ခုတွင် ဒေါ်စုကြည်က လုံခြုံရေးတပ်ဖွဲ့ဝင်များ၏ တမင်သက်သက် အရေးမယူခြင်းကို “ လုံခြုံရေး တပ်ဖွဲ့ဝင်များမှာ တိုင်းပြည်၏ ဒီမိုကရေစီ အပြောင်းအလဲတွင် အဓိကရုဏ်များကို ထိန်းသိမ်းသော အတွေ့အကြုံ မရှိသေး ” ဟု ဆင်ခြေပေး၍ ကာကွယ်ပြောဆိုသွားခဲ့ပါသည်။

    တရုတ်နိုင်ငံနှင့် မြန်မာစစ်တပ်တို့ ပူပေါင်း၍ ရင်းနှီးမြှုပ်နှံထားသော မြန်မာနိုင်ငံ အလယ်ပိုင်းရှိ သတ္ထုတွင်းတစ်ခုတွင် ဖြစ်ပွားခဲ့သည့် ဆန္ဒပြမှုများ၊ ဆန္ဒပြသူတို့ကို အကြမ်းဖက်ဖြိုခွင်းမှုများနှင့် ပတ်သက်၍ ဖွဲ့စည်းထားသော စုံးစမ်းစစ်ဆေးရေး ကော်မရှင်၏ ဥက္ကဌအဖြစ် တာဝန် ထမ်းဆောင်ခဲ့သူဖြစ်သော သူမ၏ အဆိုပါ မှတ်ချက်က လယ်ယာမြေ ဆုံးရှုံးသူများ နှင့် ၄င်းတို့ကို အားပေးထောက်ခံကြသော သံဃာတော်များအား လူစုခွဲရန် ဖော့စ်ဖော့ရပ်စ် ထည့်ထားသော မီးလောင်ဗုံးများကို အသုံးပြုခဲ့ကြသည့် လုံခြုံရေးတပ်ဖွဲ့ဝင်များ၏လုပ်ရပ်အား လျစ်လျူရှုထားသကဲ့သို့ ဖြစ်နေလေသည်။ ၄င်းအပြင် မကြာသေးမီက ဖြစ်ပွားခဲ့သည့် မိတ္ထီလာအကြမ်းဖက်မှု၌ ဒုက္ခရောက်ခဲ့ကြသော မွတ်စလင်များ(နှင့်အခြားဒုက္ခသည်များ)ထံ သွားရောက်အားပေးရမည့် အစား ဒေါ်စုကြည်မှာ မတ်လ ၂၇ ရက်နေ့က ကျင်းပပြုလုပ်ခဲ့သော တပ်မတော်နေ့အခမ်းအနားသို့ တက်ရောက်ခဲ့ပြီး စစ်ဗိုလ်ချုပ်ကြီးများနှင့် တရင်းတနှီး တွေ့ဆုံခဲ့သည်။

    ** မကြာသေးမီက ဖြစ်ပေါ်သွားခဲ့သည့် အကြမ်းဖက်မှုများ နှင့် ကောလဟလများက  မွတ်စလင်ဆန့်ကျင်ရေး၌ ပါဝင်စေဖို့ လူအများကို ဆွဲဆောင်တော့မည်လော ?  ၄င်းပြင် မြန်မာနိုင်ငံတွင် တွေ့ရသည့် အစ္စလာမ်သာသနာနှင့် ပက်သက်၍ ချဲ့ကားပြောဆိုထားသော ကောလဟလများက မည်သည့်နေရာမှ အစပြုခဲ့ပါသနည်း ?

    လွတ်လပ်သော၊ ပရိုဆန်သော သတင်းထုတ်ပြန်မှုများ နှင့် ရွေးကောက်ပွဲများ မရှိဘဲနှင့် ဗိုလ်ချုပ်ကြီးများမှ အုပ်ချုပ်မှုအာဏာကို ရယူခဲ့စဉ်ကတည်းက မြန်မာ့ယဉ်ကျေးမှုနှင့် နိုင်ငံရေးလောကတို့တွင်  ကောလဟလများက ရာစုနှစ်ဝက်ကြာအောင် အသက်သွေးကြော ဖြစ်ခဲ့သည်။ စစ်တပ်မှ ၀ါဒဖြန့်သော လူမျိုးရေးခွဲခြားမှုဇာတ်လမ်းများ၊ အသရေဖျက်မှုများနှင့် ကောလဟလများကြားတွင် မြန်မာလူထုမှာ နစ်မြုပ်နေခဲ့သည်။ ပြုပြင်ပြောင်းလဲရေးခေတ်တွင်ပင် လွတ်လပ်သော မီဒီယာများက အစွန်းရောက်မျိုးချစ်စိတ်များဖြင့် အမျိုးသားရေးဆိုင်ရာကြောက်ရွံ့မှုများ၊ မွတ်စလင်ဆန့်ကျင်ရေးများအတွက် လှုံ့ဆော်ရာတွင် အဓိကအခန်းကဏ္ဍမှ  ရံဖန်ရံခါ ပါဝင်နေပေသည်။

    မြန်မာနိုင်ငံ လူဦးရေ သန်း ၆၀ ၏ လေးရာခိုင်နှုန်းမျှသာရှိသော မွတ်စလင်များမှာ ကြောက်ရွံ့ ထိတ်လန့်လျက်ရှိနေကြပေသည်။ သမ္မတဦးသိန်းစိန်၏ ပြောရေးဆိုခွင့် ရှိသူထဲမှ တစ်ဦးဖြစ်သူ ဗိုလ်ချုပ်ဟောင်း ဇော်ဌေး(မှူးဇော်)ကိုယ်တိုင်ကပင် ပြီးခဲ့သည့်နှစ် ဇွန်လက ဖြစ်ပွားခဲ့သည့် ရိုဟင်ဂျာများအား အကြမ်းဖက်တိုက်ခိုက်မှု ပထမလှိုင်း စတင်ကတည်းက မွတ်စလင်ဆန့်ကျင်ရေး ကောလဟလများ၊ မဟုတ်မမှန် လုပ်ကြံမှုများ၏ အရင်းအမြစ်ဖြစ်နေခဲ့သည်။ သူ၏ ဖေ့စ်ဘုတ်စာမျက်နှာမှ မွတ်စလင် ဆန့်ကျင်ရေးနှင့် အမုန်တရားများကို မီးထိုးပေးသည့် တဖက်သတ်အမြင်များစွာကို လွှင့်တင်ခဲ့သည်။ ဥပမာအားဖြင့် “ လက်နက်ကိုင်မွတ်စလင် အကြမ်းဖက်အုပ်စုတစ်စု မြန်မာ – ဘင်္ဂလားနယ်စပ်ကို ဖြတ်ကျော်လာနေတယ်လို့ ကျွန်တော်တို့သတင်းရပါတယ်။ ဆက်လက် စောင့်မျှော်နေပါရန် ” ဟူသည့် သတင်းကို လွှင့်တင်ခဲ့လေသည်။

    ထိုစဉ်က နိုင်ငံပိုင်မီဒီယာများကလည်း ‘ ကုလား ’ ဟူသည့် အသုံးအနှုန်းကို အသုံးပြု၍ မွတ်စလင် ဆန့်ကျင်ရေး ရှုထောင့်မှ ဆောင်းပါးမြောက် များစွာကို ရေးထား ထုတ်ဝေခဲ့သည်။ ထို ‘ ကုလား ’ ဟူသည့် အသုံးအနှုန်းမှာ မွတ်စလင်များနှင့် အိန္ဒိယတိုက်သားများကို ရည်ညွှန်းသည့် အသုံးအနှုန်းဖြစ်ပြီး၊ အင်္ဂလိပ်စကားလုံး  niger (ငမဲကောင်) နှင့် အဓိပ္ပါယ်အားဖြင့် အတူတူပင်ဖြစ်သည်။ လုံခြုံရေးတပ်ဖွဲ့များ နှင့် ၀ါဒဖြန့်အေဂျင်စီများ၊ ရိုးရာဓလေ့ ထုံးတမ်းအရ သြဇာရှိသူများ၊ နိုင်ငံရေးအရ သြဇာရှိသူများက မွတ်စလင် ဆန့်ကျင်ရေးလှုပ်ရှားမှုများကို ချိန်သားကိုက်မီးထိုးပေးခဲ့ကြပြီး၊ လူထု၏ ထင်မြင်ချက်မှာလည်း ၎င်းတို့နောက်သို့ လိုက်သွားကြသည်။ ရိုးရာယဉ်ကျေးမှုအရ သံဃာတော်များမှာ စစ်ဗိုလ်ချုပ်ကြီးများ၊ အတိုက်အခံများထက် ဗမာ့လူ့အဖွဲ့အစည်းတွင်း ပို၍သြဇာညောင်းသည်။ နိုင်ငံရေးသဘောတရားအရကြည့်လျှင် လူမျိုးရေးခွဲခြားတတ်လေ့ရှိသော လူထုမှာ အစိုးရဘက်မှလာသော အခြား အကြောင်းအရာများနှင့် ပက်သက်သော သတင်းများကို သံသယဖြစ်ကြသည့်တိုင် အစိုးရ၏ မွတ်စလင်ဆန့်ကျင်ရေး ကောလဟလသတင်းများ၊ လုပ်ကြံဇာတ်လမ်းများကိုမူ ယုံကြည်ဟန်ရှိသည်။

    အစိုးရ၏ မွတ်စလင်ဆန့်ကျင်ရေးလှုပ်ရှားမှုများ၊ ၀ါဒဖြန့်ချီမှုများ နှင့် ထိုလုပ်ငန်းများကို ပင်တိုင်ဆောင်ရွက်နေကြသော သြဇာညောင်းသည့် သံဃာများအကြားမှ ပတ်သက်ဆက်ဆံရေးကို ဆန်းစစ်ရန် အလွန်ပင် ခက်ခဲလှသည်။ မိတ္ထီလာတွင်ဖြစ်ပွားခဲ့သည့် သေကြေပျက်စီးမှုများအပါအ၀င် ဖေ့စ်ဘုတ် စာမျက်နှာပေါ်၌ လွှင့်တင်ထားသော မွတ်စလင် ဆန့်ကျင်ရေးလှုပ်ရှားမှုများကို လူထောင်ပေါင်းများစွာက ‘ like ’ လုပ်ထားပြီး၊ မြန်မာလူမျိုးများ၏ အားပေးအားမြှောက်ပြုသံများ၊ နာဇီလက်သစ်အမြင်များကို တွေ့မြင်နေရသည်။

    with Khin Nyunt
    ၉၆၉ လှုပ်ရှားမှုခေါင်းဆောင်ဖြစ်သည့် ဆရာတော်ဝီရသူနှင့် မကြားသေးခင်က ပြုလုပ်သည့် အင်တာဗျူးတစ်ခုတွင် သူက မွတ်စလင်ဆန့်ကျင်ရေး လှုပ်ရှားသူများ၏ အကြမ်းဖက်မှုများကို တားမြစ်ခဲ့သည် ဟု အကြမ်းဖက်လုပ်ရပ်များကို ရှုတ်ချသယောင် ထုတ်ဖော်ပြောကြားခဲ့သည်။

    **  ဦးဝီရသူ၏ အပြောတစ်မျုိုးအလုပ်တစ်မျိုး နှုတ်ပိုင်းဆိုင်ရာ စည်းမစောင့်ထိန်းမှုများက  မြန်မာနိုင်ငံတွင်းရှိ မွတ်စလင်တို့အား ရှင်းလင်းရန်အတွက် ၉၆၉ လှုပ်ရှားမှုဆက်လက်ဖြစ်ပွားစေရန် လှုံ့ဆော်နေဦးမည်လော ?

    မြန်မာဘာသာဖြင့်လွှင့်တင်ထားသော သူ၏ ဖေ့စ်ဘုတ်စာမျက်နှာတွင် အခဲမကြေနိုင်သော ဇာတ်လမ်းများစွာကိုရေးသားထားသည်။ တစ်ခါတစ်ရံ နံနက်ပိုင်းတွင် မေတ္တာတရား၊ ဘာသာရေးအရ သည်းခံနိုင်မှုနှင့်ပက်သက်သည့် ဆောင်းပါးများကိုရေးသားထားပြီး၊ ထိုနေ့ ညနေပိုင်းတွင်မူ မွတ်စလင်မိသားစုမှ ဗမာအမျိုးသမီးကို လက်ထပ်၍ အတင်းအကြပ်ဘာသာပြောင်းခိုင်းခြင်း၊ ဗမာအမည်မှ မွတ်စလင် အမည် သို့မဟုတ် အိန္ဒိယအမည်သို့ ပြောင်းခိုင်းခြင်းကို သတိပေးခြင်း အပါအ၀င် အန္တရာယ်ရှိသည့် မွတ်စလင်ဆန့်ကျင်ရေး ဆောင်းပါးများကို ရေးသားဖော်ပြထားပြန်သည်။

    ၂၀၀၃ ခုနှစ် ကျောက်ဆည်မြို့တွင် မွတ်စလင်မိသားစုအား နေအိမ်ထဲ မီးလောက်တိုက်သွင်း သတ်ဖြတ်ခဲ့သောအကြမ်းဖက်မှုကို လှုံ့ဆော်ခဲ့မှုကြောင့် အကျဉ်းကျခဲ့ရသူ  ဦးဝီရသူကဲ့သို့ ဘုန်းကြီးအနေနှင့်  ဤကဲ့သို့သောလုပ်ရပ်များကိုထောက်၍ သူ၏အကြမ်းဖက်မှု လှုံ့ဆော်တရားများအတွက် နောင်တရခဲ့သည့် အသွင်သဏ္ဍာန်မျိုး မရှိပေ။ မကြာသေးခင်ကဖြစ်ပွားခဲ့သည့် မွတ်စလင်ဆန့်ကျင်ရေးအကြမ်းဖက်မှုတွင် ပါဝင်ခဲ့သော သူ၏အခန်းကဏ္ဍနှင့်ပက်သက်၍ ယနေ့အချိန်အထိ နောင်တရသည့်လက္ခဏာကိုလည်း မပြသသေးချေ။

    wiratu and aung toung
    လွန်ခဲ့သည့် ၁၀ နှစ်ခန့်က ၀ီရသူမှာ မွတ်စလင်ဆန့်ကျင်ရေးအမြင်များကို ဟိုတစ်စ ဒီတစ်စ ဖြန့်ဝေသူဖြစ်ပြီး လူသိနည်းသည်။ ယခုတွင်မူ နိုင်ငံတော်မှ ပစားပေးထားသော နာဇီလက်သစ်လှုပ်ရှားမှု ထွက်ပေါ်လာခြင်းနှင့်အတူ ဘာသာရေးအခြေပြု အမုန်းတရားများကို ဖြန့်ဖြူးသူဖြစ်လာခဲ့ပြီး၊ နိုင်ငံတကာ မီဒီယာများမှ တွေ့ဆုံရမည့် လူတစ်ယောက်ဖြစ်လာခဲ့သည်။ ထိုကဲ့သို့ နာဇီလက်သစ် ဘုန်းတော်ကြီးတစ်ပါးအား လူကြိုက်များလာမှုမှာ တိုင်းပြည်၏ အနာဂတ် ဒီမိုကရေစီ အပြောင်းအလဲအတွက် အတိတ်နိမိတ် မကောင်းတော့သလို  မွတ်စလင်များနှင့်ရိုဟင်ဂျာများကဲ့သို့ အခြားလူနည်းစုများ အတွက် လည်း ကောင်းမွန်သော အနာဂတ် မဖြစ်နိုင်ချေ။

    ဦးဝီရသူသည် စစ်ထောက်လှမ်းအရေး အကြီးကဲဟောင်း ဦးခင်ညွန့်၊ စစ်တပ်နှင့်ချိတ်ဆက်ထားသည့် အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အတိုင်ပင်ခံ ဗိုလ်မှူးချုပ်ဟောင်း ဦးအောင်သောင်း အပါအ၀င် ယခင်အာဏာရှင် လက်ထက်က အစိုးရအရာရှိများ အချို့နှင့် အနီးကပ် ဆက်ဆံရေး ရှိနေသည်ဟု ပြည်တွင်းရှိ ဝေဖန်ဆန်းစစ်သူများမှ အချိန်အတော်ကြာကပင် သံသယ၀င်နေခဲ့ကြသည်။ ထိုကဲ့သို့ ပုဂ္ဂိုလ်ရေးအရ ပါဝင်ပတ်သက်နေမှု အနေအထားများကြောင့် – “  ဗုဒ္ဓဘာသာဝင်များက နိုင်ငံအတွင်းရှိ လူနည်းစုမွတ်စလင်များအား တိုက်ခိုက်နေသည်ကို ဦးသိန်းစိန်အစိုးရမှ အဘယ့်ကြောင့် အရေးမယူဘဲ ရှိနေသနည်း ” ဆိုသည့်မေးခွန်းအတွက် အလွန်ပင်ရှည်လျားစွာ ဖြေကြားရှင်းပြရပေဦးတော့မည်။

    မောင်ဇာနည်ရေးသားသော Myanmar’s neo-Nazi Buddhists get free rein ဆောင်းပါးကို ဇင်ဝေ မှ  ဆီလျော်အောင် ဘာသာပြန်ဆိုပါသည်။

     

  • မြန်မာပြည်တိုးတက်မှု တည်မြဲပါစေ (TheStraitsTimes- ဘာသာပြန်)

    ဧပြီ-၁၉ ၂၀၁၃
    M-Media

    ST_20130419_NYTMYANMAR1_3619906e

    လွန်ခဲ့သည့် နှစ်နှစ်အတွင်း မြန်မာနိုင်ငံအရေးနှင့်ပတ်သက်လျင် အကောင်းမြင် မဆုံးနိုင်အောင်ပါပင်။

    ယုံကြည်ချက်ကြောင့် အချုပ်အနှောင်ခံနေခဲ့ကြရသည့် နိုင်ငံရေးအကျဉ်းသားများ ပြန်လွှတ်ပေးခဲ့သည်။ ခရီးသွားလာရေး ကန့်သတ် ပိတ်ပင်မှုများ ဖြေလျှော့ခဲ့သည်။ တိုင်းပြည်စီးပွားရေး တိုးတက်စရာ လမ်းစများစတင်ခဲ့သည်။ သတင်းလွတ်လပ်ခွင့်ရကာ စာပေစိစစ်ရေး ဆင်ဆာ လျှော့ချခဲ့သည်။ (ပုဂ္ဂလိက) သတင်းစာများ ထွက်ပေါ်ခွင့်ရလာသည်။ သမ္မတကြီး ဦးသိန်းစိန် အစိုးရအဖွဲ့အနေဖြင့် တိုင်းရင်းသားလူနည်းစု လက်နက်ကိုင်များနှင့် ကျွန်တော် အပါအဝင် တိုင်းပြည်မှ စွန့်ခွာခဲ့ကြရသူများအထိပင် အရောက်လှမ်း ဆက်သွယ်နိုင်ခဲ့ပေသည်။ သယံဇာတ ပေါကြွယ်ဝရာ ကျွန်တော်တို့နိုင်ငံသို့ နိုင်ငံခြားသား ခရီးသွားများနှင့် စီးပွားရေးလုပ်ငန်းရှင်များ အဆက်မပြတ် ဝင်ရောက်လာတော့မည့်အရေးပြင်ဆင်ကြလျက် ဗမာပြည်သူပြည်သားတို့ လှုပ်လှုပ်ရှားရှား နိုးကြား တက်ကြွခဲ့ကြရသည်။

    ထိုသို့သောပြုပြင်ပြောင်းလဲမှုများ ကြုံတွေ့ရပ်လျက် အစိုးရနှင့်ပတ်သက်လျင် မယုံရဲသေးကြသူများလည်းရှိသည်။ ကျွန်တော် အပါအဝင်ပါပင်။ စီးပွားနှင့်သြဇာအာဏာ အများစုသည် စစ်တပ်၏  ထိန်းချုပ်ချယ်လှယ်မှုအောက်တွင်သာ ရှိနေသေးသည်။  ယခင်က သူတို့ မည်ရွေ့ မည်မျှ အလွဲသုံးစား လုပ်ခဲ့ကြသည်ကိုလည်း မသိရသေး။ လွန်ခဲ့သော၂၄နှစ်အတွင်း ကျွန်တော် မြန်မာပြည်ကို ပထမဆုံးပြန်လည် သွားရောက်ခဲ့စဉ်က ဆုံတွေ့ခဲ့သည့် ဗမလူမျိုးအများအပြားကတော့ အပြောင်းအလဲများ ပြုလုပ်ပေးနေခြင်းသည် အနောက်နိုင်ငံအစိုးရများက စီးပွားရေး ပိတ်ဆို့မှုများ ရုတ်သိမ်းပေးစေရေး အတွက်သာ ရည်ရွယ်ကြောင်းနှင့် စစ်တပ်အနေဖြင့် အချန်မရွေး အာဏာပြန်သိမ်းနိုင်ကြောင်း ယူဆကြသည်။

    သို့ရာတွင် မြန်မာပြည်အလယ်ပိုင်းတွင် ဗုဒ္ဓဘာသာဝင်တို့နှင့် မွတ်စလင်မ်များအကြား မကြာသေးမီက ဖြစ်ပွားခဲ့သော မလိုလားအပ်ဖွယ် အဓိကရုဏ်းများသည် ကျွန်တော်တို့၏ ပွန်းပဲ့ပျက်စီးထိခိုက်လွယ်သော နိုင်ငံတော်အနာဂတ်အတွက် အကောင်းမြင်တတ်သူတို့အတွက်သည်ပင်လျင် ဆက်မမြင်နိုင်ကြရလောက်စရာ ရတက်မအေးဖွယ်ပါပင်။ ဆူပူအကြမ်းဖက်မှု လူမျိုးရေးပဋိပက္ခများအား အစိုးရက ထိရောက်စွာနှိမ်နင်းဖြေရှင်းခြင်းမရှိပါက တိုးတက်စ မြန်မာနိုင်ငံသည် ကမ္ဘာ့အလယ်တွင် နောက်ထပ်ယူဂိုဆလားဗီးယားနိုင်ငံတစ်နိုင်ငံအဖြစ်ရောက်ရှိကာ လူမျိုးရေးစစ်ပွဲများ ကြုံရပေတော့မည်။

    ပြီးခဲ့သည့်မတ်လက မွတ်စလင်မ်ရွှေဆိုင်ရှင် တစ်ဦးနှင့် ဗုဒ္ဓဘာသာဝင် ဈေးဝယ်သူတစ်ဦးကြား မြို့လယ်ခေါင်တွင်ဈေးအရောင်းအဝယ်တစ်ခုမှ အစပြုကာ မွတ်စလင်မ်တို့အပေါ်သို့ ဗုဒ္ဓဘာသာဝင်တို့မှ အဓမ္မ အကြမ်းဖက်မှု ဖြစ်ပေါ်ခဲ့သည်။ ဗုဒ္ဓဘာသာဝင် လူအုပ်များမှ မွတ်စလင်မ်တို့အား လိုက်လံတိုက်ခတ် သတ်ဖြတ်ခဲ့ကြသည်။ မွတ်စလင်မ် အမြောက်အမြား ရိုက်နှက်ညှင်းပမ်းခံခဲ့ရပြီး ၃၀ကျော် သေကြေခဲ့ရသည်။ အချို့သည်ကား လမ်းမထက်သို့ တရွတ်တိုက်ဆွဲကာ ဓာတ်ဆီလောင်း မီးရှို့ခံခဲ့ကြရသည်။ အလွန်ဆိုးရွားလှသည့်အချက်ကတော့ ရဲသားတို့က ဘေးကရပ်ကာ ကြည့်နေခဲ့ကြသည်လေ။

    ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ် မစ္စတာ ဗီဂျေ နမ်ဗီးယားက မြန်မာပြည်သို့ သွားရောက်လေ့လာခဲ့ပြီး ပြောခဲ့သည်က မွတ်စလင်မ်များသည် ပစ်မှတ်ထားခံရကာ ဦးတည်ချက်ရှိရှိ  တိုက်ခိုက် ခံနေကြရသည်ဟူ၍ပင်။
    ”အကြင်နာကင်းမဲ့၍  ရက်စက်ကြမ်းကြုတ်သော အကွက်ကျကျ၊ စနစ်တကျ စွမ်းအားမြင့် အစွမ်းကုန်တိုက်ခိုက်မှု” ”brutal efficiency” ဟူသော စကားလုံးကိုရွေးချယ် အသုံးပြု၍ဖော်ပြသွားခဲ့သည်။ အလွန်ပင် ထိရောက်လှသော စကားလုံးရွေးချယ်မှု ဖြစ်ပါသည်။

    ဤသို့သော လူ့အဖွဲ့အစည်းနှစ်ရပ်ကြားရှိပဋိပက္ခများသည် မြန်မာပြည်အတွင်းအမြစ်တွယ်လျက်ရှိလေသည်။ တိုင်းရင်းသားလူမျိုးစုပေါင်း ၁၃၅မျိုး ရှိသော မြန်မာနိုင်ငံသည် လွတ်လပ်ရေးရခဲ့သည့် ၁၉၄၈ခုနှစ် ကတည်းကစတင်ကာ ပြည်တွင်းစစ်ဒဏ် ခံနေရသည်။ အများစုက ဗမာ လူမျိုးများဖြစ်ကြသည့် စစ်အာဏာရှင် အဆက်ဆက်သည် နှစ်ပေါင်းများစွာပင် လူနည်းစုတိုင်းရင်းသားတို့အား လူ့အဖွဲ့အစည်းအသိုင်းအဝိုင်းမှ နှိမ်ချကာ တစ်ဆင့်နိမ့်နိုင်ငံသား အဖြစ်သတ်မှတ်လျက် “တိုင်းရင်းသား သန့်စင်ရေး” လုပ်ရန် ကြိုးပမ်းခဲ့ကြသည်။

    တိုင်းပြည်လူဦးရေ သန်းပေါင်း၆၀နက် ၄ရာခိုင်နှုန်းခန့်ရှိသော မွတ်စလင်မ်တို့သည် အာဏာပိုင်တို့၏ ပစ်မှတ်ကောင်းတစ်ခု ဖြစ်လေသည်။ အနိမ့်ဆုံးအဆင့်အားဖြင့် ဗမာလူမျိုးများအနေနှင့် မွတ်စလင်မ်တို့အား သံသယဖြင့် ရှုမြင်ကာ ဒုတိယတန်းစား နိုင်ငံသားအဖြစ်သာ သဘောထားကြပေတော့သည်။ အဆိုးရွားဆုံးအနေအထားအားဖြင့်မူ မွတ်စလင်မ်တို့သည် ယခု မိတ္ထီလာဖြစ်စဉ်ကဲ့သို့ အကြမ်းဖက်မှုစီမံကိန်းများ၏ သားကောင် ဓားစာခံပင် ဖြစ်ကြရသည်အထိပင်။

    မြန်မာပြည်အနောက်ပိုင်း ရခိုင်ပြည်နယ်ရှိ ရိုဟင်ဂျာ မွတ်စလင်မ်လူစုကတော့ မွတ်စလင်မ်ဆန့်ကျင်ရေး အမုန်းမီးကို ပြင်းပြင်းထန်ထန် ခံစားခဲ့ကြရဖူးပါပြီ။ ပြီးခဲ့သည့်နှစ်အတွင်း ဗုဒ္ဓဘာသာအစွန်းရောက်များ လက်ချက်ကြောင့် ရိုဟင်ဂျာလူမျိုး ၁၅၀ကျော် အသတ်ခံခဲ့ရပြီး ၁၀၀၀၀၀ကျော် အိုးမဲ့အိမ်မဲ့ဖြစ်ကာ ကယ်ဆယ်ရေးစခန်းသို့ ရောက်ခဲ့ကြရသည်။

    မြန်မာပြည်အနောက်ပိုင်းတွင် ထိုပဋိပက္ခ ဖြစ်ခဲ့စဉ်မှစကာ မွတ်စလင်မ်ဆန့်ကျင်သူ အစွန်းရောက်များက နိုင်ငံတစ်ဝန်း သွားကာ မွတ်စလင်မ်မကောင်းကြောင်း လှည့်လည်ဟောပြောခြင်း၊ “တိုင်းပြည်နှင့်လူမျိုး ကာကွယ်ရမည့်အကြောင်း” တရားဟော အသံသွင်း ရိုက်ကူးဖြန့်ဝေခြင်း၊ မွတ်စလင်မ်ပိုင် စီးပွားရေး လုပ်ငန်းများအား သပိတ်မှောက် ဆန့်ကျင်သည့်အနေဖြင့် အားမပေးရန် စတစ်ကာများ ဝေငှခြင်း စသည်တို့ကို လုပ်ဆောင်လာကြသည်။ လွတ်လပ်စွာပြောဆိုခွင့် လောလောလတ်လတ်ပြုထားသည်ကို အခွင့်ကောင်းယူကာ “မွတ်စင်မ်များက စီးပွားရေး လက်ဝါးကြီးအုပ်ကြသည်၊ မွတ်စလင်မ်များက အမျိုးသမီးတို့အား အစ္စလာမ်ဘာသာသို့ သွတ်သွင်းနေကြသည်” စသည်ဖြင့် ဝါဒဖြန့်ကြသည်။

    အုပ်ချုပ်သူတို့ကလည်း အခြေအနေ ပိုဆိုးစေရန်ဖန်တီးနေကြယုံမျှသာ။ ယခင်က စစ်အစိုးရအရာရှိဖြစ်ခဲ့ကာ လက်ရှိအစိုးရအဖွဲ့တွင်ပါဝင်သူ (အနည်းဆုံး) တစ်ဦးကလည်း ဆိုရှယ်မီဒီယာတွင် မွတ်စလင်မ်မုန်းတီးရေးများ တက်တက်ကြွကြွ ဖြန့်ချိနေသည်။ အစိုးရအနေဖြင့် ရခိုင်ပြည်နယ်တွင် လူသတ်မှု ကျူးလွန်ခဲ့ကြသူများအား ဖမ်းဆီး အရေးယူခြင်း မရှိသေးချေ။

    မိတ္ထီလာတွင်တော့ ဗုဒ္ဓဘာသာဝင်လူအုပ်စုက မွတ်စလင်မ်တို့အား တိုက်ခိုက်သတ်ဖြတ်နေသည်ကို ရဲများက လက်ပိုက်ကြည့်နေကြကြောင်း သတင်းများ ကြားသိတွေ့မြင်ခဲ့ရသည်။ ရဲအချို့က ဂျာနယ်များတွင် ပြောကြားဖော်ပြခဲ့သည်က “သူတို့အားရှောင်နေကြရန်၊ ဝင်မပါကြရန် အမိန့်ပေးထားသည်” တဲ့။

    နောက်ဆုံးတွင်တော့ မိတ္ထီလာသို့ စစ်တပ် စေလွှတ်ခဲ့သည်။ သို့သော် ဤသည်ကြောင့်ပင် တရားဥပဒေ ပြန်လည်စိုးမိုးစေရေးအတွက် အကြောင်းပြချက်ဖြင့် စစ်အာဏာပြန်သိမ်းမည်ကို စိုးရိမ်ကြစရာ ပိုဖြစ်ခဲ့ရသည်။

    ဤအနေအထားအရ မြန်မာတို့အတွက်ရွေးချယ်စရာက ဒွိဟ အတွေးပွားဖွယ် အခြေအနေပင် …. လုံခြုံမှုနည်းလွန်းသည့် လက်ရှိအခြေအနေလား၊ သို့တည်းမဟုတ် ယခင်ကကဲ့သို့ အလွန်တည်းကြပ်သည့် လုံခြုံရေးကပင် ပိုကောင်းလေသည်လား။

    မိတ္ထီလာ ပဋိပက္ခ အပြီးတွင် သမ္မတကြီး ဦးသိန်းစိန်က တီဗီရုပ်မြင်သံကြားမှ မိန့်ခွန်းပြောကြားရာတွင် နိုင်ငံရေး အမြတ်ထုတ်လိုသူများနှင့် ဘာသာရေးအစွန်းရောက်များအား၏ အမုန်းမီးတိုက်မှုကို လက်သင့်ခံမည်မဟုတ်ကြောင်း ထိုသူတို့ကို သတိပေးလိုက်သည်။ ထို့ပြင်
    သူ့အနေဖြင့် လိုအပ်ပါက အင်အားသုံးကာပင် ဖြေရှင်းရန် အသင့်ရှိကြောင်း ကြေညာခဲ့သည်။

    ဤသည်က အစကောင်းပါပင်။ သို့သော် မလုံလောက်သေးပါ။ အစိုးရသည် ယခုထက်ပို၍ လုပ်ရန် ရှိနေပါသေးသည်။ ပြစ်မှု ကျူးလွန်ခဲ့သူတို့အားဖမ်းဆီးကာ တရားဥပဒေအရ ပြစ်ဒဏ်ချ စီရင်ခြင်းအားဖြင့် နိုင်ငံတော်သည် တရားဥပဒေစိုးမိုးမှုရှိကြောင်း ပြသရာရောက်ပါမည်။
    ရေရှည် တည်ငြိမ်အေးချမ်းရေး အတွက်လည်း အစိုးရအနေဖြင့် သမာသမတ်တရားနည်းလမ်းကျသော၊ ကျိုးကြောင်းဆီလျော်သော ဆွေးနွေးပြောဆိုမှုများနှင့် လူမျိုးပေါင်းစုံ၊ဘာသာပေါင်းစုံ ချစ်ကြည်ရင်းနှီးစွာ အတူတကွနေထိုင်နိုင်ကြစေရေးတို့အတွက် အားပေးကူညီပံ့ပိုးပေးရပါမည်။

    မတော်မတရား အကြမ်းဖက်လှုံ့ဆော်မှုလုပ်သူများ အောင်မြင်မည်မဟုတ်ဘဲ လွတ်လပ်စွာကွဲလွဲကြပိုင်ခွင့်ကို အသိအမှတ်ပြုကြသူများ၊ ငြိမ်းချမ်းစွာ အတူယှဉ်တွဲနေထိုင် လိုသူများသာလျင် အောင်ပွဲခံနိုင်မည်ဖြစ်ကြောင်းကိုလည်း ကျယ်ကျယ်ပြန့်ပြန့်သိကြစေရန် ရှင်းလင်းပြတ်သားစွာဖြင့် ကြေညာရန် လိုအပ်ပါသည်။

    ဒီမိုကရေစီအတိုက်အခံများအင်အားစုများ၊ လူမှုရေးအသင်းအဖွဲ့များနှင့် ဘာသာအသီးသီးမှ ခေါင်းဆောင်များအနေဖြင့်အားလုံး မကြာမီက ပဋိပက္ခများကို ပေါ်ပေါ်တင်တင် ဆန့်ကျင် ရှုတ်ချကြသင့်ပေသည်။ လေးစားရပါသော အတိုက်အခံခေါင်းဆောင် ဒေါ်ါ်အောင်ဆန်းစုကြည် အနေဖြင့်လည်း နိုင်ငံသား လူနည်းစုများအပေါ် မတရား ဆက်ဆံနေကြခြင်းများနှင့်စပ်လျဉ်း၍ နှုတ်ဆိတ်နေခြင်း အဆုံးသတ်ကာ မွတ်စလင်မုန်းတီးရေး အကြမ်းဖက်မှုများနှင့် အခြား မည်သို့သော လူမျိုးရေး အကြမ်းဖက်မှုများကိုမဆို လက်မခံဆန့်ကျင်ကြောင်း ပွင့်ပွင့်လင်းလင်း ပြောကြားသင့်ပါပြီ။

    အမေရိကန်သမ္မတကြီး ဘာရက်အိုဘားမား ပြီးခဲ့သည့်နိုဝင်ဘာလက လာရောက်ခဲ့ခြင်းအပါအဝင် နိုင်ငံခြားခေါင်းဆောင်များ နှင့် နိုင်ငံခြား ခရီးသွားများ ခြေခြင်းလိမ် မတတ် မြန်မာပြည်သို့ လာရောက်လေ့လာနေစဉ် ကာလတွင် နိုင်ငံ့ကောင်းကျိုးကိုမျှော်ကိုးလျက် “အုပ်စုမတူသူကို မနှစ်သက်၍ ဖယ်ကြဉ်” တတ်သည့် အကျင့်ဆိုးကို ဖယ်ရှားသင့်ပါပြီ။ ၂၀၁၅တွင် ရွေးကောက်ပွဲ ကျင်းပဦးမည်ဖြစ်ရာ နောက်ကြောင်းပြန်လိုသူ အပြောင်းအလဲ မလိုလားသူ ခေါင်းမာသူများနှင့် ယခင်စစ်အာဏာရှင်များက ရွေးကောက်ပွဲ မတိုင်မီ ဤကာလအတွင်း ပဋိပက္ခများ စိုးရိမ်ပူပန်ကြောင့် ကျရမှုများ ဖန်တီးကာ စစ်အာဏာ နောက်တစ်ကြိမ်ပြန် သိမ်းရန် အသုံးချနိုင်ပါသည်။ မြန်မာပြည်ကြီး အမိုက်မှောင်ခေတ် နောက်တစ်ခါ ပြန်အရောက် မခံနိုင်တော့ပါ။

    INTERNATIONAL HERALD TRIBUNE
    (စာရေးသူသည် ဧရာဝတီ သတင်းမဂ္ဂဇင်း တည်ထောင်သူနှင့် (ယခင်က) ထိုမဂ္ဂဇင်း အယ်ဒီတာဟောင်း ဖြစ်ပါသည်။ ၈၈ ကျောင်းသားတစ်ဦးဖြစ်ပြီး ၁၉၈၈တွင် တိုင်းပြည်မှ ထွက်ခွာခဲ့ရကာ ထိုစဉ်မှစ၍ ပြီးခဲ့သည့်နှစ်က မြန်မာပြည်သို့ ပထမဆုံးအကြိမ် ပြန်လည် အလည်သွားရောက်ခဲ့ပါသည်။)

    The Straits Times  တွင် Keep Myanmar on track ဖြင့် Aung Zaw ရေးသားသည့် ဆောင်းပါးကို ဆီလျော်အောင် ပြန်ဆိုပါသည်။

  • ရိုဟင်ဂျာများအပေါ် လူသားဖြစ်မှုကို ဆန့် ကျင်ကျူးလွန်မှုနှင့် လူမျိုးတုံး သုတ်သင်မှု အစီရင်ခံစာ Human Rights Watch ထုတ်ပြန်

    ဧပြီလ-၂၂၊၂၀၁၃
    M-Media

    လူမဆန်သည့် ဒုစရိုက်ပြစ်မှုများကို   မြန်မာအစိုးရမှ အရေးမယူဘဲ မျက်ကွယ်ပြုနေကြောင်း HRW မှ ထုတ်ပြန်ပြောကြား

    201304ASIA_Burma_Arakan_01

    ၂၀၁၂ ခုနှစ်၊ ဇွန်လမှစ၍ ရခိုင်ပြည်နယ်ရှိ ရိုဟင်ဂျာမွတ်စ်လင်မ်များအား လူမျိုးစုရှင်းလင်းဖယ်ရှားရေး လှုပ်ရှားမှု၌ မြန်မာ အာဏာပိုင်များနှင့် ရခိုင်လူမျိုး အုပ်စုများက ကရုဏာ တရားကင်းမဲ့စွာ ကျုးလွန်ပြုလုပ်နေခဲ့ကြောင်း လူ့အခွင့်အရေးစောင့်ကြည့်ရေး အဖွဲ့ HRW  မှ အစီရင်ခံချက် အသစ်တစ်ရပ်ကို ယနေ့ထုတ်ပြန်လိုက်သည်။

    All You Can Do is Pray : Crimes Against Humanity and Ethnic Cleansing of Rohingya Muslims in Burma’s Arakan State  ဟု ခေါင်းစဉ် တပ်ထားသော စာမျက်နှာ ၁၅၃ မျက်နှာရှိ ယင်းအစီရင်ခံစာ၌် ရိုဟင်ဂျာနှင့် အခြား မွတ်စ်လင်မ်ပေါင်း ၁၂၅,၀၀၀ ကျော်အား အဓမ္မ အင်အားသုံး ဖယ်ရှားခြင်း ၊  လူသားချင်း အကူအညီပေးရေး၌ ဆက်လက်ပြဿနာ ရှာနေခြင်းတွင်  မြန်မာအစိုးရ နှင့် ဒေသခံ အာဏာပိုင်များ၏ အခန်းကဏ္ဍကို ဖော်ပြထားသည်။

    HRW ၏ အာရှရေးရာတာဝန်ခံ ဒါရိုက်တာ Phil Robertson က “ ရိုဟင်ဂျာလူမျိုးစု ဖယ်ရှားရေး လှုပ်ရှားမှုထဲမှာ မြန်မာအစိုးရ ပါဝင်ပတ်သက်နေပါတယ်။ ဒီနေ့ထက်ထိ ထောက်ပံ့ ကူညီမှုကို ငြင်းဆိုနေဆဲ၊ သွားလာလှုပ်ရှားမှုကို ကန့်သတ် ချုပ်ခြယ်နေဆဲ ဖြစ်ပါတယ်။ အစိုးရအနေနဲ့ ဒီလို စော်ကားမှုတွေကို ချက်ခြင်းရပ်တန့်ဖို့ လိုပါတယ်။ ပြီးတော့ ဒီအမှု ကျူးလွန်သူတွေကို အရေးယူဖို့ လိုအပ်နေပါတယ်။ ဒီလိုမှမဟုတ်ယင် တိုင်းပြည်ထဲရှိနေတဲ့ လူမျိုးရေး ဘာသာရေးဆိုင်ရာ လူနည်းစုတွေဆီမှာ ထပ်မံဖြစ်ပွားတဲ့ အကြမ်းဖက်မှုတွေ အပေါ် တာဝန်ယူရပါလိမ့်မယ် ”  ဟု ပြောကြားလိုက်သည်။

    ၂၀၁၂ ခုနှစ်၊ ဇွန်လတွင် ရခိုင်နှင့်ရိုဟင်ဂျာတို့အကြား မျက်ကန်း အကြမ်းဖက်မှု ဖြစ်ပွားခဲ့သည့်နောက်ပိုင်း အစိုးရ အာဏာပိုင်များသည် ဗလီဝတ်ကျောင်းတော်များအား ဖျက်ဆီးခြင်း၊ လူတို့ကို အစုလိုက်အပြုံလိုက် ဖမ်းဆီးခြင်း၊ မောင်းထုတ်ခံရသည့် မွတ်စ်လင်မ်တို့အား အထောက်အပံ့ အကူအညီမရနိုင်အောင် တားဆီး ပိတ်ဆို့ခြင်းများ ပြုလုပ်ခဲ့ကြသည်ဟု HRW မှ ဆိုသည်။ လူမျိုးစုရှင်းလင်းဖယ်ရှားရေးဆွေးနွေးပွဲများ၊ ဟောပြောမှုများကို ၃ လတာမျှ အရှိန်မြှင့်တင်ပြီးနောက်ဝယ် အောက်တိုဘာ ၂၃ ရက်တွင် ရခိုင်လူရမ်းကားအုပ်စုများသည် မြို့နယ် ၉ ခု၌ မွတ်စ်လင်မ်လူ့အဖွဲ့အစည်းများကို တိုက်ခိုက်ခြင်း၊ ကျေးရွာများကို မီးတင်ရှို့ခြင်း၊ ရပ်ကြည့်နေသော လုံခြုံရေးတပ်ဖွဲ့ဝင်များ ရှေ့မှောက်မှာပင် ဒေသခံများအား သတ်ဖြတ်ခြင်း (၀ါ) နှိပ်စက်စော်ကားခြင်း စသည်တို့ ကျူးလွန်ခဲ့ကြသည်။ သေဆုံးသူအများအပြားအနက် အချို့သာ မြှုပ်နှံခွင့်ရခဲ့သည်။

    ဇွန်လနှင့်အောက်တိုဘာလအတွင်း အကြမ်းဖက်မှုဖြစ်ပွားပြီးနောက်  ရခိုင်ပြည်နယ်ရှိ အတိုက်ခိုက်ခံရသည့်နေရာများ၊ တရားမ၀င် အရွှေ့ပြောင်းခံနေရာများ၊ မောင်းထုတ်ဖယ်ရှားခံရသည့် ဒုက္ခသည်စခန်းများ မှန်သမျှထံ HRW မှ သွားရောက်ကြည့်ရှုလေ့လာခဲ့သည်။ ရိုဟင်ဂျာများ၊ ရိုဟင်ဂျာ မဟုတ်သည့် မွတ်စ်လင်မ်များ၊ စော်ကားနှိပ်စက်ခံရသည့် ရခိုင်လူမျိုးများ၊ အကြမ်းဖက်မှုဖြစ်အောင်လှုံ့ဆော်သူနှင့်ကျူးလွန်သူ အချို့ အပါအ၀င် လူအယောက်တစ်ရာကျော်အား တွေ့ဆုံမေးမြန်းခဲ့မှုမှ အစီရင်ခံစာ ရေးသားထားခြင်း ဖြစ်သည်။

    ဒေသတွင်း ရဲတပ်ဖွဲ့၊ အဓိကရုဏ်းနှိမ်နှင်းသည့် လုံထိန်းတပ်ဖွဲ့၊ နစက လက်နက်ကိုင်အဖွဲ့၊ ကြည်း/ရေတပ်မတော်သားများ အပါအ၀င် ရခိုင်ပြည်နယ်ရှိ နိုင်ငံတော် လုံခြုံရေးတပ်ဖွဲ့ဝင်အားလုံးတို့သည် ယင်းရက်စက်မှုများအား တားဆီးရန် ပျက်ကွက်ကြောင်း  သို့တည်းမဟုတ် ၄င်းကိစ္စများ၌ တိုက်ရိုက် ပါဝင် ပတ်သက်နေကြောင်း တွေ့ခဲ့ရသည်။် မိမိ၏ရွာအား မီးတင်ရှို့နေကြချိန်  မွတ်စ်လင်မ် အမျိုးသားတစ်ဦးမှ လုံခြုံမှုပေးရန် တောင်းဆိုပန်ကြားသည်ကို တပ်မတော်သားတစ်ဦးက “ မင်းတို့အသက်ရှင်ဖို့ကိုဘဲ ဆုတောင်းနေကြပါ (အသက်နဲ့ကိုယ် အိုးစားမကွဲဖို့ဘဲ ဘုရားတရား တ,ထားကြတော့) ” ဟူ၍ ပြောဆိုခဲ့သည်။

    အောက်တိုဘာလှိုင်း၌ လုံခြုံရေးတပ်ဖွဲ့များ၏ ရပ်တည်ပုံ (တစ်နည်း) မီးဒုတ်များ၊ ဓားလွယ်များ၊ လက်လုပ်သေနတ်များ ကိုင်ဆောင်ထားသည့် ရခိုင်လူအုပ်စုကြီးများနှင့် ပူးပေါင်းခဲ့ပြီး မိမိတို့ ကျေးရွာများအား တိုက်ခိုက် ဖျက်ဆီးပုံတို့ကို မောင်းထုတ်ခံရသည့် ရိုဟင်ဂျာများက HRW သို့ ပြောပြခဲ့သည်။

    ဇွန်လမှစ၍ ဖျက်ဆီးခံရသော မြို့နယ် ၁၃ ခုမှ ၅ ခု၏ ဂြိုလ်တုမှတ်တမ်းတင်ပုံများကို HRW မှ ရရှိခဲ့သည်။  နေရာ ၂၇ ခုသည် လုံးလုံးလျားလျား ဖျက်ဆီးခံလိုက်ရကြောင်း၊ နေအိမ်ပေါင်း ၄၈၆၂ လုံး နှင့် မြေ ၃၄၈ ဧက အထိ ပါဝင်ကြောင်း၊ ၄င်းတို့မှာ ဒေသခံ မွတ်စ်လင်မ်အများစု၏ ပိုင်ဆိုင်မှုများဖြစ်ကြောင်း ၄င်း၌ ဖော်ပြလျက်ရှိသည်။

    အောက်တိုဘာ ၂၃ ရက်တွင်ဖြစ်ပွားခဲ့သော ဖြစ်ရပ်ဆိုးကြီး၌ မြောက်ဦးမြို့နယ်၊ ရန်သေရွာတွင် တစ်နေ့တည်းအတွင်း ရိုဟင်ဂျာ ၇၀ ဦး အနည်းဆုံး သတ်ဖြတ်ခံရသည်။ တိုက်ခိုက်မှုအရှိန်အဟုန် ကြီးမားလာသည့်တိုင်အောင် လုံခြုံရေးတာဝန်ပေးထားသော လုံထိန်း၊ ရဲ နှင့် စစ်သားတို့၏ဦးရေမှာ မဆိုစလောက်မျှသာ ရှိခဲ့သည်။ သို့သော် ၄င်းသူတို့သည် အကြမ်းဖက်မှုကို ကာကွယ်ထိန်းသိမ်းပေးမည့်အစား မိမိတို့ကိုင်ဆောင်ထားသော (နံပါတ်)တုတ်များ၊ ကာကွယ်ရေး လက်နက်ပစ္စည်းများကို အသုံးပြုလျက် လက်နက်မဲ့ ရိုဟင်ဂျာတို့အား သတ်ဖြတ်ရာ၌ ပူးပေါင်းပါဝင်ခဲ့ကြသည်။ သေဆုံးသွားသော ရုပ်အလောင်းများ၌ ကလေးငယ် ၂၈ ဦးကို တွေ့ရပြီး ၄င်းတို့အနက် အသက် ၅ နှစ်အောက်ကလေး ၁၃ ဦး ပါဝင်သည်။ အသက် ၂၅ နှစ်အရွယ် သေဘေးမှ လွတ်မြောက်လာသူ တစ်ဦးက “ ပထမတုန်းကတော့ စစ်သားတွေက ပြောပါတယ်။ ဘာမှပြန်မလုပ်နဲ့တဲ့။ ငါတို့က မင်းတို့ကို ကာကွယ်ကယ်တင်ပေးမယ်တဲ့။ ဒါကြောင့် ကျွန်တော်တို့က သူတို့ကို ယုံကြည် အားထားခဲ့ကြတယ်။ နောက်ပိုင်းကျတော့ သူတို့ ကတိ မတည်တော့ဘူး။ ရခိုင်(လူရမ်းကား)တွေက ကျွန်တော်တို့ကို အလွယ်တကူ ရိုက်နှက် သတ်ဖြတ်သွားကြတယ်။ အဲ့ဒီအကြမ်းဖက်မှု အပေါ် လုံခြုံရေးအရ ဘာအကာအကွယ်မှ မပေးခဲ့ပါဘူး ” ဟု HRW သို့ ပြန်လည်ရှင်းပြခဲ့သည်။

    “ အောက်တိုဘာလတုန်းက လုံခြုံရေးတပ်ဖွဲ့ဝင် တစ်ချို့ ဒေသခံမွတ်စ်လင်မ်တွေအပေါ် ရခိုင်လူရမ်းကားတွေတိုက်ခိုက်နေတာကို လက်ပိုက်ကြည့်နေကြတယ်၊ တစ်ချို့ကတော့ သွေးချောင်းစီးသတ်ဖြတ်မှုနဲ့ မီးတင်ရှို့မှုမှာ ပါဝင်ခဲ့ကြတယ်။ ဒီသေကြေပျက်စီးမှုတွေနဲ့ ပတ်သက်ပြီး အပြန်အလှန် အကြမ်းဖက်တိုက်ခိုက်မှု (အဓိကရုဏ်း)ကြောင့် ဖြစ်ပွားရတာပါ လို့ အစိုးရက ခြောက်လကျော်ကြာအောင် လိမ်ညာနေတုန်းပါဘဲ။ အမှန်ကိုဆိုရယင် ဘာတွေဖြစ်ပျက်နေခဲ့တာလဲ၊ ဘယ်လိုရပ်တန့်အောင်လုပ်ရမလဲ ဆိုတာကို အစိုးရဖက်က သိရှိထားခဲ့ပါတယ် ” ဟူ၍ Robertson မှ ပြောကြားသည်။

    အောက်တိုဘာတိုက်ခိုက်မှု မတိုင်မီနှင့် တိုက်ခိုက်မှုနောက်ပိုင်း ဒေသတွင်းရှိ လှုံ့ဆော်ချက်များ နှင့်ပတ်သက်၍ HRW မှ ဤသို့ တင်ပြသည်။ ရိုဟင်ဂျာဆန့်ကျင်ရေးလုပ်ရပ်များတွင်  သြဇာအသက်ရောက်ဆုံးအုပ်စု ၂ စုမှာ ပြည်တွင်းရှိ ဗုဒ္ဓဘာသာသံဃာများ နှင့် ဒေသဆိုင်ရာနိုင်ငံရေးပါတီ RNDP – Rakhine Nationalities Development Party ဖြစ်ကြ၏။ RNDP ပါတီကို ရခိုင်အမျိုးသားရေးဝါဒီများမှ ၂၀၁၀ ခုနှစ်တွင် ဖွဲ့စည်းတည်ထောင်ခဲ့ကြသည်။ ဤအုပ်စုများနှင့်အခြားသူတို့သည် ဇွန်လမှအောက်တိုဘာလတစ်လျှောက် ရိုဟင်ဂျာဆန့်ကျင်ရေး လက်ကမ်းစာစောင်များ မြောက်များစွာ ထုတ်ဝေဖြန့်ချိခြင်း၊ လူထုအတွင်း ၀ါဒဖြန့်ဟောပြောခြင်း၊ တိုက်ရိုက်တစ်ဖုံ သွယ်ဝိုက်တစ်မျိုးဖြင့် ရိုဟင်ဂျာလူမျိုးစု မရှိဟု ငြင်းပယ်ခြင်း၊ ၄င်းတို့အား အသရေဖျက်ခြင်း နှင့် တိုင်းပြည်တွင်းမှထွက်ခွာအောင် လှုံ့ဆော်ခြင်း၊ အမျိုးသားရေး ဟူသည့် အသုံးအနှုန်းကို မပြတ် အသုံးပြုခြင်း ပြုလုပ်ခဲ့ကြသည်။ ဒေသတွင်း၊ ပြည်နယ် နှင့် နိုင်ငံတော်အာဏာပိုင်များကို အလျဉ်း အရေးမစိုက်ဘဲ အစည်းအဝေးများပြုလုပ်၍ ကြေငြာချက်များကိုလည်း  မကြာခဏ ထုတ်ပြန်ကြသည်။ ဒေသဆိုင်ရာ အာဏာပိုင်များ၊ နိုင်ငံရေးသမားများ၊ ဘုန်းကြီးများကလည်း လူထုသဘောထားနှင့် တွန်းအားပေးမှု ဟု တွင်တွင်ဆိုကာ – မွတ်စ်လင်မ်တို့၏ လွတ်လပ်စွာ သွားလာခွင့်၊ ဘ၀ရပ်တည်မှုအတွက် သက်မွေးဝမ်းကြောင်းခွင့်၊ ဈေးရောင်းဈေးဝယ်ခွင့် နှင့် လူသားချင်းစာနာထောက်ထားရေး ရပိုင်ခွင့် အစရှိသည့် အခွင့်အရေးတို့ကို ပယ်ချခဲ့ကြသည်။  မိမိတို့ နေအိမ်၊ ရပ်ရွာဒေသများ စွန့်ခွာထွက်သွားစေရန် ၄င်းတို့အပေါ် အဓမ္မကျင့်ဆောင်နေခြင်းကို ထင်သာမြင်သာသည့် ရည်ရွယ်ချက်အဖြစ် တွေ့လာရသည်။

    “ ဒေသတွင်း အာဏာပိုင်များ၊ လူ့အဖွဲ့အစည်းခေါင်းဆောင်များက မွတ်စ်လင်မ်လူထုကို သီးခြား ဖယ်ထုတ်ဖို့ နဲ့ သေးသိမ်တဲ့အမြင်ဖြစ်လာဖို့ ပူးပေါင်းလှုံ့ဆော်ခဲ့ကြတယ်။ ဒါတင်မကပါဘူး။ သွေးမြေကျကိစ္စ ဖြစ်ချိန်ကတည်းက ဗဟိုအစိုးရကလည်း အဲ့ဒီတာဝန်ရှိသူတွေကို တစ်စုံတစ်ရာ အရေးယူမှု မရှိသေးဘူး။ မွတ်စ်လင်မ်တွေကို အဓမ္မအင်အားသုံး ဖယ်ထုတ်စေတဲ့ လူမျိုးစုရှင်းလင်းဖယ်ရှားရေးအပေါ် ဆန့်ကျင်တုန့်ပြန်တာမျိုးလည်း မရှိသေးပါဘူး ” ဟု ရောဘတ်ဆင်က ပြောဆိုလိုက်သည်။

    လူ့အခွင့်အရေးစောင့်ကြည့်လေ့လာမှုအဖွဲ့ HRW မှ သူသေများကို အစုလိုက်အပြုံလိုက် မြှုပ်နှံထားသည့် နေရာလေးခုအား အထောက်အထားအဖြစ် ရှာဖွေတွေ့ရှိခဲ့သည်။ ဇွန်လအကြမ်းဖက်မှုအပြီး မရှေးမနှောင်းမှာပင် ပြုလုပ်ထားသည့် နေရာ ၃ ခု နှင့် အောက်တိုဘာအကြမ်းဖက်မှုအပြီး ပြုလုပ်ထားသည့်နေရာ ၁ ခု ဖြစ်သည်။ လုံခြုံရေးတပ်ဖွဲ့ဝင်တို့သည် အင်တိုက်အားတိုက် ကျင်းကြီးများတူး၍ ပြစ်မှုဆိုင်ရာသက်သေများကို လက်စဖျောက်ရန် ကြံစည်ဆောင်ရွက်ခဲ့မှု၌ တာဝန်ရှိကြောင်း HRW မှ ပြောကြားသည်။

    ဥပမာအားဖြင့် ဇွန်လ ၁၃ ရက်တွင် စစ်တွေမြို့ပြင်ဖက် ရိုဟင်ဂျာဒုက္ခသည်စခန်းတစ်ခုအနီး အစိုးရပိုင်ထရပ်ကားတစ်စီးပေါ်မှ အ၀တ်မဲ့နှင့်လည်းကောင်း၊ အ၀တ်စတစ်ပိုင်းတစ်စနှင့်လည်းကောင်း ရုပ်အလောင်း ၁၃ ခုကို သယ်ယူပုံချခဲ့သည်။ ၄င်းတို့အနက် အချို့မှာ ကွပ်မျက်သတ်ဖြတ်ခြင်းမခံရမှီ ကြိုးများ၊ ပလပ်စတစ်ပိုက်မျှင်များဖြင့် တုပ်နှောင်ထားခြင်းခံထားရသည်ကို တွေ့ကြရသည်။ အလောင်းများကို လာရောက်ပုံချခဲ့သည့် စစ်သားများက အနီးအနားစခန်းရှိ ရိုဟင်ဂျာဒုက္ခသည်များအား ပြန်မလာတော့ဘဲ အပြီးတိုင် ထွက်ခွာသွားကြရန် အကြောင်းကြားပြောဆိုနေခဲ့ကြသည်။

    “ ရုပ်အလောင်းတွေကို သူတို့ ဒီနေရာမှာ ပစ်ချခဲ့တာပါ။ ရုပ်အလောင်းသုံးခုမှာ ကျည်သင့်ဒ ဏ်ရာတွေတွေ့ရတယ်။ သေနတ်ဒဏ်ရာ တစ်ခုက နဖူးမှာ၊ နောက်တစ်ခုက ရင်ဘတ်မှာ ဖြစ်ပါတယ်။ တစ်ချို့သူတွေကို မီးရှို့ထားပြီး၊ တစ်ချို့ဆီမှာ ဓားနဲ့ ထိုးထားတာ တွေ့ရပါတယ် ” ဟု မျက်မြင်သက်သေ ရိုဟင်ဂျာတစ်ဦးက ပြောပြခဲ့သည်။

    ဖယ်ရှားခံရသော ရိုဟင်ဂျာများထံ ပေးပို့သော လူသားချင်းစာနာရေးအထောက်အပံ့များအပေါ် မြန်မာအစိုးရမှ အစီအစဉ်ရှိရှိ ကန့်သတ် ပိတ်ပင်မှုကြောင့် ရခိုင်ပြည်နယ်အတွင်း ကူညီထောက်ပံ့ရေးပြဿနာများ အဓိကကြုံတွေ့နေရသည်။

    ရိုဟင်ဂျာများ၊ ရိုဟင်ဂျာ မဟုတ်သော မွတ်စ်လင်မ်များ နှင့် ရခိုင်တိုင်းရင်းသားအနည်းငယ် အပါအ၀င် လူပေါင်း ၁၂၅,၀၀၀ တို့မှာ ရခိုင်ပြည်နယ်ဒုက္ခသည် စခန်းများသို့ ဇွန်လကတည်းက ရောက်ရှိနေခဲ့ကြသည်။ သမ္မတဦးသိန်းစိန်၏ အစိုးရအဖွဲ့မှ ရွှေ့ပြောင်းနေရာများသို့ သွားရောက်ကြည့်ရှုခဲ့ပြီးဖြစ်သော်လည်း ထိရောက်သည့်ကူညီထောက်ပံ့ပေးဝေမှုအား ပိတ်ပင် တားဆီးလျက်ရှိနေသည်။ ဖယ်ရှားခံရသည့် မွတ်စ်လင်မ် များစွာတို့မှာ ဒုက္ခသည်စခန်းများအတွင်း ကျဉ်းကြပ်စွာ နေထိုင်ကြရပြီး အစာရေစာ၊ နေရာထိုင်ခင်း၊ သန့်ရှင်းမှု၊ ကျန်းမာရေးစောင့်ရှောက်မှု၊ ပညာသင်ကြားခွင့် အပြည့်အ၀ မရနိုင်ကြပေ။ အချို့ဒေသများတွင် လုံခြုံရေး တပ်ဖွဲ့ဝင်တို့သည် ဒုက္ခသည်မွတ်စ်လင်မ်တို့အား အကာအကွယ်ပေးထားကြ၏။ သို့သော် ဈေးသို့သွားလာခြင်း၊ အလုပ်အကိုင်၊ အရေးပေါ်လိုအပ်နေသူများအား အကူအညီပေးရေးတို့ကို ကန့်သတ်တားဆီး၍ ထောင်သားများ သဖွယ် ပြုမူဆက်ဆံလျက်ရှိသည်။

    သောင်းနှင့်ချီသော ရိုဟင်ဂျာများမှာ မေလတွင်စတင်မည့် မိုးရာသီမတိုင်မီ ရေလွတ်ရာ ကုန်းမြင့်ပိုင်းသို့ မပြောင်းရွှေ့နိုင်ပါက ရေညစ်ရေဆိုးမှဖြစ်ပွားလာမည့် ရောဂါဘယများနှင့် ဆိုးဆိုးဝါးဝါး ရင်ဆိုင်ရဖွယ်ရှိကြောင်း HRW မှ သုံးသပ်သည်။

    “ ရခိုင်ပြည်နယ်အတွင်း ကူညီထောက်ပံ့ရေးပစ္စည်း ပေးကမ်းဖြန့်ဝေမှုမှာ မပူးပေါင်းမဆောင်ရွက်တာက ပြဿနာ မဟုတ်ပါဘူး။ ပြဿနာက ဒုက္ခသည်မွတ်စ်လင်မ်တွေ လက်ထဲ ထောက်ပံ့ရေးပစ္စည်းတွေ ရောက်ရှိဖို့ နဲ့ လွတ်လပ်စွာသွားလာနိုင်ဖို့ အစိုးရပိုင်းက ဦးဆောင်လမ်းပြမလုပ်ပေးတာပါဘဲ။ မိုးကျလို့ စခန်းရေလွှမ်းလာပြီး ရောဂါကူးစက်မှုတွေ ဖြစ်လာနိုင်ပါတယ်။ လူသားချင်းစာနာရေးလုပ်ငန်းတွေကို ကြိုတင်တွက်ဆ ကာကွယ်ဆောင်ရွက်ထားနိုင်ဖို့ ရက်သတ္တပတ် အနည်းငယ်သာ ကျန်ပါတော့တယ် ” ဟုလည်း ရောဘတ်ဆင်က ပြောကြားသည်။

    HRW ၏အဆိုအရ အဖယ်ရှားခံရသော ရိုဟင်ဂျာတို့သည် မိမိတို့၏ နေရင်းဒေသ မြို့ရွာများထံ ပြန်လည်သွားရောက်အခြေချရေး၊ လူထုအကြားမှ ရေရှည် ခွဲထုတ်ခံရခြင်းတို့ပတ်သက်၍  ပြောဆိုဆွေးနွေးခွင့် မရသေးချေ။

    အထောက်အပံ့၊ အကာအကွယ် မရရှိခြင်း နှင့် အကြမ်းဖက်မှု၊ စော်ကားမှုခံရခြင်းတို့ကြောင့် ထောင်နှင့်ချီသော ရိုဟင်ဂျာတို့သည် နိုင်ငံကို စွန့်ခွာ၍  ဘင်္ဂလားဒေ့ရှ်၊ မလေးရှား၊ ထိုင်းနိုင်ငံသို့ ရေကြောင်းဖြင့် ပင်လယ်ဖြတ်ကာ ထွက်ပြေးခဲ့ကြသည်။ ကျန်သူများစွာတို့ကလည်း ယင်းသို့ပင်ပြုရန် အလားအလာရှိနေသည်။ ပင်လယ်ပြင်၌ ရာနှင့်ချီ၍ အသက်ဆုံးရှုံးခဲ့ကြပြီးလည်း ဖြစ်သည်။

    အစိုးရတစ်ရပ်မှဖြစ်စေ အဖွဲ့အစည်းတစ်ခုမှဖြစ်စေ ပြည်သူလူထုလူ့အဖွဲ့အစည်းတစ်ရပ်အပေါ် ရည်ရွယ်ချက်ရှိရှိ စံနစ်တကျစီမံတိုက်ခိုက်ခြင်း၊ သို့တည်းမဟုတ် ၄င်း၌ တစ်စိတ်တစ်ဒေသအားဖြင့်ပါဝင်ခြင်းသည် အပြည်ပြည်ဆိုင်ရာဥပဒေအရ လူမဆန်သောရာဇ၀တ်မှု အပြစ်ထိုက်နေသည်။ ယမန်နှစ်ဇွန်လမှ ရိုဟင်ဂျာတို့အပေါ် ကျူးလွန်ခဲ့မှုများအနက် လုပ်ကြံသတ်ဖြတ်ခြင်း၊ နယ်နှင်ခြင်း၊ လူဦးရေ အပြောင်းအလဲဖြစ်အောင် အဓမ္မဆောင်ရွက်ခြင်း နှင့် ညှင်းပန်းနှိပ်စက်ခြင်းတို့မှာ ရာဇ၀တ်မှုများ ဖြစ်သည်။

    “ လူမျိုးစု သန့်စင်ဖယ်ရှားရေး ” ဟူသည် ဥပဒေဝေါဟာရ မဟုတ်သော်လည်း လူ့အုပ်စုတစ်စုမှလည်းကောင်း၊ ဘာသာရေးအုပ်စုတစ်စုမှလည်းကောင်း မိမိတို့ပထ၀ီဝင်ပိုင်နက်များရှိ အခြား လူမျိုးတစ်စုကို ဖြစ်စေ၊ ဘာသာရေးအုပ်စု တစ်စုကိုဖြစ်စေ ပြင်းပြင်း ထန်ထန် အကြမ်းဖက်နည်းလမ်းများဖြင့် ဖယ်ထုတ်ရန်အလို့ငှာ ရည်ရွယ်ချက်ရှိရှိ မူစံနစ်ချ ဆောင်ရွက်ခြင်း ဟု အဓိပ္ပာယ်ဖွင့် သတ်မှတ်ထားပေသည်။

    ရိုဟင်ဂျာများကို နှိပ်စက်ညှင်းပန်းမှု၏ အဓိကအူတိုင်မှာ ၁၉၈၂ နိုင်ငံသားဥပဒေ ဖြစ်ကြောင်း၊ ၄င်းမှာ လူမျိုးခွဲခြားနှိမ့်ချရေးအမြင်ဖြင့် ရိုဟင်ဂျာ (အပါအ၀င် အချို့ လူမျိုးစု)တို့ကို မြန်မာနိုင်ငံသား မဟုတ်သည့်အဖြစ်သို့ သက်ရောက်အောင် ရေးဆွဲ ထားခဲ့ခြင်းဖြစ်ကြောင်း HRW က ဆိုသည်။ ၄င်းဥပဒေတွင် အသိအမှတ်ပြုထားသော တိုင်းရင်းနွယ် ရှစ်မျိုး (ကချင်၊ ကယား၊ ကရင်၊ ချင်း၊ မွန်၊ မြန်မာ(ဗမာ)၊ ရခိုင်၊ ရှမ်း) အနက် အပါအ၀င် မဟုတ်သဖြင့် ၄င်းတို့မှာ တင်းပြည့် ကျပ်ပြည့်နိုင်ငံသားအဖြစ် ထည့်သွင်း စဉ်းစားခြင်း မခံရချေ။ မိမိတို့၏ဘိုးဘေးစဉ်ဆက်တို့သည် သက္ကရာဇ်ကာလတစ်ခု မတိုင်မီ မြန်မာနိုင်ငံ၌  အခြေချနေထိုင်လာကြောင်း ထင်ရှားပြတ်သားသည့် အထောက်အထား တင်ပြနိုင်မှသာ နိုင်ငံသားအဖြစ် စဉ်းစားပေးသည်။ ထိုအချက်မှာ ရိုဟင်ဂျာ အများစုအဖို့ အခက်အခဲကြီး တစ်ရပ်ဖြစ်နေသည်။

    အစိုးရ နှင့် ဗမာလူမျိုး အသိုင်းအ၀ိုင်းတို့က ရိုဟင်ဂျာတို့ကို (ယခု) ဘင်္ဂလားဒေ့ရ်ှဖက်မှ တရားမ၀င်လာရောက် အခြေချနေထိုင်သူများ အဖြစ် ပြောင်ပြောင်တင်းတင်း သတ်မှတ်ကြသည်။ ၄င်းတို့သတ်မှတ်သော တိုင်းရင်းသားမျိုးနွယ်များထဲ မပါဝင်သောကြောင့် နိုင်ငံသား အဖြစ် အသိအမှတ်ပြုရန် ငြင်းဆိုကြသည်။ ရိုဟင်ဂျာ ဟုအမည်တွင်သူများကို အစိုးရကလည်း ဘင်္ဂါလီ (ဘင်္ဂလားဒေ့ရ်ှနိုင်ငံသား)ဟု တရားဝင် သုံးနှုန်းဖော်ပြကြပြီး၊ သေးသိမ်အောင်ချိုးနှိမ်သည့်အားဖြင့် “ ကုလား ” ဟုလည်း ခေါ်ဆိုကြသည်။

    ချိုးနှိမ်ခွဲခြားမှုများ အဆုံးသတ်စေရေးအလို့ငှာ ၁၉၈၂ နိုင်ငံသားဥပဒေအား အရေးပေါ်ပြင်ဆင်အပ်ကြောင်း၊ ရိုဟင်ဂျာ ကလေးငယ်များမှာ နိုင်ငံသားဖြစ်ခွင့်ရှိကြောင်း၊ သို့မဟုတ်ပါက ၄င်းတို့အဖို့ ခိုလှုံနေထိုင်ရာနိုင်ငံမရှိကြောင်း HRW  မှ မြန်မာနိုင်ငံအစိုးရကို ပြောဆိုတိုက်တွန်းခဲ့သည်။

    “ ရခိုင်ပြည်နယ်က လူသားမဆန်စွာကျူးလွန်တဲ့ ရာဇ၀တ်မှုတွေကို စုံစမ်းစစ်ဆေးဖို့၊ ဒုက္ခသည်တွေကို ပြန်လည်နေရာချ စီစဉ်ပေးနိုင်ဖို့ မြန်မာနိုင်ငံအနေနဲ့ လွတ်လပ်သော နိုင်ငံတကာကော်မရှင်တစ်ရပ်ကို လက်ခံသင့်ပါတယ်။  မြန်မာနိုင်ငံအတွက် လှူဒါန်းသူများကလည်း ရိုဟင်ဂျာတွေရဲ့ အဖြစ်ဆိုးအပေါ် သဘောပေါက်ထားဖို့ လိုအပ်ပါတယ်။ ထို့အတူ မြန်မာအစိုးရအနေနဲ့ ရှုတ်ချစော်ကားမှုတွေကို ချက်ခြင်းရပ်တန့်လိုက်ဖို့၊ ဖယ်ရှားခံရတဲ့ မွတ်စ်လင်မ်တွေကို ဘေးကင်းစွာ ပြန်လည်ပို့ဆောင်ပေးဖို့၊ ရခိုင်ပြည်နယ်အတွင်းက အကြမ်းဖက်လုပ်ရပ်ဆိုးများကို အဆုံးသတ်လိုက်ဖို့ တောင်းဆိုရမှာဖြစ်တယ် ” ဟု ရောဘတ်ဆင် ကပြောကြားလိုက်ပါသည်။

    http://www.hrw.org/news/2013/04/22/burma-end-ethnic-cleansing-rohingya-muslims တွင် ဖော်ပြထားသည့် ကြေငြာချက်ကို ဆီလျော်အောင် ဘာသာပြန်ဆိုပါသည်။