Tag: fifa

ဇန်န၀ါရီ ၁၀၊ ၂၀၁၇
M-Media

– ၂၀၂၆ ကမ္ဘာဖလားပြိုင်ပွဲ နောက်ဆုံးအဆင့်ပွဲစဉ်များကို ၄၈ သင်းဖြင့် ကျင်းပသွားမည်ဟု ကမ္ဘာ့ဘောလုံးအဖွဲ့ချုပ် ဖီဖာက ကြေငြာလိုက်ပြီး လက်ရှိ ၃၂ သင်းတွင် ၁၆ သင်း ပေါင်းထည့်ခဲ့ခြင်းဖြစ်သည်။

၃ သင်း ၁၆ အုပ်စုပါဝင်မည့် အဆိုပါ အစီအစဉ်မှာ ဥက္ကဌ ဂီယန်နီ အင်ဖန်တီနို နှစ်သက်သည့် အစီအစဉ်ဖြစ်ပြီး ယနေ့ ဖီဖာကောင်စီတွင် တစ်ညီတစ်ညွတ်တည်း အတည်ပြုခဲ့သည်။ အန်ဖန်တီနိုမှာ ဖီဖာဥက္ကဌအဖြစ် ရွေးကောက်ပွဲ ၀င်စဉ်က ၎င်းအနေဖြင့် ကမ္ဘာ့ဖလား အသင်းအရေအတွက်ကို တိုးချဲ့သွားမည်ဟု ကတိပေးခဲ့သည်။

၂၀၂၆ ခုနှစ် ကမ္ဘာဖလားပြိုင်ပွဲမှာ မြောက်အမေရိကတွင် ပြုလုပ်ရန်ရှိနေပြီး ယခုကဲ့သို့ အသင်းတိုးချဲ့သည့် အစီအစဉ်ကြောင့် ယခင် ၆၄ ပွဲနေရာတွင် ပွဲ ၈၀ ဖြစ်လာမည်ဖြစ်သည်။

၂၀၁၈ ခုနှစ် ရုရှားတွင် ကျင်းပပြုလုပ်မည့် ကမ္ဘာဖလားပြိုင်ပွဲအတွက် မျှော်မှန်းဝင်ငွေမှာ ၅.၅ ဘီလီယံရှိပြီး ယခု အစီအစဉ်သစ်ကြောင့် ထုတ်လွှင့်ခွင့်နှင့် စပွန်ဆာကြေးမှ အပိုဝင်ငွေ ကန်ဒေါ်လာ ၁ ဘီလီယံ၊ လက်မှတ် ပိုမိုရောင်းချရမှုဝင်ငွေများ တိုးလာမည်ဟု မျှော်မှန်းထားသည်။

တိုက်ကြီး ၆ တိုက်မှာ တိုးချဲ့လိုက်သည့် အသင်းအရေတွက်ထဲမှ နေရာမည်မျှ ရမည်ဆိုသည်ကို မေလတွင်မှ သိရမည်ဖြစ်သည်။ ဥရောပကမူ ၀င်ရောင်ယှဉ်ပြိုင်ခွင့်ရမည့် အရေအတွက်ကို ၁၆ သင်းအထိ လိုချင်နေသည်။

၁၉၉၄ ခုနှစ် အမေရိကန်ကမ္ဘာဖလားနောက်ပိုင်း မြောက်အမေရိကတွင် ကမ္ဘာ့ဖလားပြိုင်ပွဲ ထပ်မံ ကျင်းပခွင့် မရသေးသောကြောင့် ၂၀၂၆ ခုနှစ် ကမ္ဘာဖလားပြိုင်ပွဲကို မြောက်အမေရိကတိုက်တွင် ကျင်းပရန် အလားအလာ ပိုများနေသည်။

Ref: Aljazeera

နိုဝင်ဘာ ၂၊ ၂၀၁၆
M-Media

– ကမ္ဘာ့ဘောလုံးအဖွဲ့ချုပ် ဖီဖာက တစ်နှစ်တာ အကောင်းဆုံး နည်းပြဆုအတွက် ဇကာတင် ၁၀ ဦးစာရင်းကို ထုတ်ပြန်ခဲ့ရာ ရာနီယေးရီ၊ ဂွါဒီယိုလာနှင့် လူးဝစ်အန်းရစ်တို့ ပါဝင်လာသည်ဟု သိရသည်။

Ballon d’Or ဆုအတွက် ပြင်သစ်ဘောလုံးအဖွဲ့ချုပ်နှင့် ပူးပေါင်းဆောင်ရွက်မှုကို အဆုံးသတ်ခဲ့ပြီး The Best FIFA Football Awards အမည်ဖြင့် ယခုနှစ်တွင် ပထမဆုံးပေးအပ်မည့် ဘောလုံးလောက အကောင်းဆုံးဆုများအတွက် နည်းပြများစာရင်းကို ယနေ့တွင် ထုတ်ပြန်ခဲ့ခြင်းဖြစ်သည်။

ရာနီယေးရီမှာ လက်စတာစီးတီးအတွက် သမိုင်းဝင် ပရီးမီးယားလိဂ်ဖလားကို ရယူပေးခဲ့ပြီး၊ ဂွါဒီယိုလာကမူ ဘိုင်ယန်မြူးနစ်အသင်းအတွက် ဘွန်ဒစ်လီဂါနှင့် ဂျာမနီ ရှုံးထွက်ဖလားတို့ကို ရယူပေးခဲ့သည်။

၂၀၁၅ ခုနှစ်က တစ်နှစ်တာ အကောင်းဆုံးနည်းပြဆုကို ရရှိခဲ့သည့် လူးဝစ်အန်းရစ်မှာမူ ဘာစီလိုနာအသင်းအား ပြီးခဲ့သည့် ဘောလုံးရာသီတွင် ပြည်တွင်းဖလား ၂ လုံးနှင့် ကမ္ဘာ့ကလပ်ချန်ပီယံ၊ စပိန်စူပါဖလားတို့ကို ရရှိအောင် စွမ်းဆောင်ပေးနိုင်ခဲ့သည်။

၎င်းတို့ ၃ ဦးအပြင် ရီးယဲလ်နှင့် ချန်ပီယံလိဂ်၊ ယူအီးအက်ဖ်အေ စူပါဖလားတို့ ရယူနိုင်ခဲ့သည့် နည်းပြ ဇီဒိန်း၊ အက်သလက်တီကို ကို ချန်ပီယံလိဂ် ဖိုင်နယ်သို့ ပို့ဆောင်ပေးနိုင်ခဲ့သည့် နည်းပြ ဒီယေဂို ဆီမြွန်နီတို့လည်း အဆိုပါ ၁၀ ဦးစာရင်းတွင် ပါဝင်ခဲ့သည်။

နိုင်ငံအသင်းမှ နည်းပြများတွင် ပေါ်တူဂီအသင်းအား ယူရိုဖလား ရရှိအောင်စွမ်းဆောင်ပေးခဲ့သည့် နည်းပြ ဖာနန်ဒို ဆန်းတို့စ်၊ ဒုတိယရခဲ့သည့် ပြင်သစ်နည်းပြ ဒက်စ်ချမ့်၊ ဝေးလ်အသင်းအား သမိုင်းဝင်ခြေစစ်ပွဲအောင်စေကာ ဆီမီးဖိုင်နယ်အထိ ပို့ဆောင်ပေးနိုင်ခဲ့သည့် နည်းပြ ခရစ် ကိုးလ်မန်းတို့လည်း ဖီဖာ၏ တစ်နှစ်တာ အကောင်းဆုံး နည်းပြဆု ဇကာတင်စာရင်းတွင် ပါဝင်နေသည်။

အင်္ဂလန် EFL ဖလား (လိဂ်ဖလားနှင့်) ယူရိုပါ ဖိုင်နယ်တွင် ကစားခွင့်ရခဲ့သော်လည်း ရှုံးနိမ့်ခဲ့သည့် လီဗာပူးလ်အသင်း၏ နည်းပြ ယန်ဂန်ကလော့နှင့် စပါးနည်းပြ ပိုချက်တီနိုတို့မှာလည်း ထိုစာရင်းတွင် ပါဝင်ခဲ့သည်။

၂၀၁၆ ခုနှစ်အတွက် အကောင်းဆုံးနည်းပြဆု၊ အကောင်းဆုံးကစားသမား ဆုများအပါအ၀င် အမျိုးသားနှင့် အမျိုးသမီးဘောလုံးလောကအတွက် ဆုပေါင်း ၈ ခုပေးအပ်မည့် The Best FIFA Football Awards ဆုပေပွဲအခမ်းအနားကို လာမည့် ဇန်န၀ါရီ ၉ ရက်နေ့တွင် ဇူးရစ်မြို့ရှိ ဖီဖာရုံးချုပ်တွင် ပြုလုပ်သွားမည်ဖြစ်သည်။

Ref: Goal, fifa.com