News @ M-Media

Tag: first myanmar muslim

  • မြန်မာနိုင်ငံတွင် TV ၌ လက်ဟန်ဖြင့် ပထမဆုံး သတင်း တင်ဆက်သူ မောင်လူငယ်(DVB)နှင့် မေးမြန်းခန်း

    ဇန်နဝါရီ ၁၀ ၊ ၂၀၁၄
    M-Media
    အမ်တူးအေ

    Mg Luu Nge
    မြန်မာယဉ်ကျေးမှုအရ အားလုံးကို လေးစားပါတယ်ဆိုသည့် Sign Language

    Sign Language presenter အဖြစ် ဆောင်ရွက်တာမှာ ကိုလူငယ်က မြန်မာမှာ ပထမဆုံးဖြစ်တယ်လို့ သိရှိရတာကြောင့် ကိုလူငယ်ကို M-Media မှ ဆက်သွယ်မေးမြန်းဖြစ်ခဲ့ပါတယ်။ ကိုလူငယ်ဟာ မြန်မာ့ဒီမိုကရေစီရေး ကြိုးပမ်းမှု သမိုင်းမှာ ထောင်ထဲတွင်ပင် သေဆုံးသွားခဲ့ရသည့် စာရေးဆရာမောင်သော်က (ဗိုလ်မှူးဘသော်)ရဲ့ မြေးတစ်ဦးလည်း ဖြစ်ပါတယ်။

    M-Media – ပထမဆုံးအနေနဲ့ ကိုလူငယ်ရဲ့ နာမည်လေးရယ်၊ မိဘရယ်ကို မိတ်ဆက်ပေးပါလား။

    ဖြေ –  ကျနော် နာမည်ရင်းက ဘိုဘိုကြိုင်ပါ။ ခင်မင်သူတွေက ကိုလူငယ်လို့ ခေါ်ကြပါတယ်။ မိဘက စကားမပြောတတ် နားမကြားတဲ့သူတွေပါ။ ကျနော်က အကြားအာရုံ မသန်စွမ်းသူပါ။

    M-Media – ဟုတ်ကဲ့ ကိုလူငယ်ရဲ့ မွေးသက္ကရာဇ်လေးနဲ့ မွေးဖွားရာ ဇာတိနဲ့ အခုနေထိုင်ရာ ကို ပြောပြပေးပါဦး။

    ဖြေ – ဟုတ်ကဲ့ ကျနော်ကို ၁၈ ရက် သြဂုတ် ၁၉၈၃ ရန်ကုန်မှာ မွေးတာပါ။ အခုတော့ ကျနော်အလုပ်ရှိရာ ဇင်းမယ်မှာ ရှိနေပါတယ်

    M-Media – ကိုလူငယ်က အကြားအာရုံ မသန်စွမ်းသူလို့ ဆိုပါတယ်။ ဒီလို ဖြစ်ရတာက မွေးရာပါလား။ ဒါမှမဟုတ် ဘေးအန္တရာယ် တစ်ခုခုကြောင့်များ ဖြစ်ခဲတာပါလား။

    ဖြေ – ကျနော် အသက် ၁၅ နှစ်မှာ ထိခိုက်မှု ဖြစ်ခဲ့တာပါ။ နားထဲကို ရေ၀င်လို့ နားတွင်း ကိုက်ခဲရာကနေ ပြည်တည့်ပြီးနောက် ပြန်ပျောက်တော့ လုံးဝ မကြားရတော့တာပါ။

    M-Media – ဟုတ်ကဲ့ပါ။ ဒါဖြင့် ကိုလူငယ်က ဒီအကြားအာရုံ ချို့တဲ့မှု မဖြစ်ခင်ထိတော့ တခြားကလေးတွေနည်းတူ သာမန်ကျောင်းမှာပဲ တက်ခဲ့တာလား။ ဒါမှမဟုတ် အကြားအာရုံမကောင်းသူတွေအတွက် သီးသန့်ကျောင်းမှာပဲ ပညာဆက်သင်ခဲ့တာလား။ ဘယ်အထိ ပညာသင်ကြားခဲ့ပါသလဲ။

    ဖြေ- ကျနော် ကလေးဘ၀ကတည်းက သာမန်ကျောင်းမှာ သင်ခဲ့တာပါ။ တက္ကသိုလ်မှာ ဘွဲ့ရတဲ့အထိပါဘဲ။ အကြားအာရုံ မသန်စွမ်းသူတွေ ကျောင်းမှာတော့ မနေခဲ့ပါဘူး။ သူတို့တွေနဲ့ ရင်းနှီးတဲ့ ဆက်ဆံမှုရှိတယ်။

    M-Media – ဟုတ်ကဲ့။ Sign Language နဲ့ presenter လုပ်တာမှာ မြန်မာကဆို ကိုလူငယ်က ပထမဦးဆုံးတစ်ယောက်ဖြစ်တယ်ပေါ့နော်။ ဒီလို Sign Language ကိုရော ဘယ်လိုများ သင်ကြား တတ်မြောက်ခဲ့ရပါသလဲ။

    ဖြေ – ဟုတ်ကဲ့။ သိပ်ကောင်းတဲ့ မေးခွန်းပါဘဲ။ ကျနော် မိဘက စကားမပြောတတ် နားမကြားသူတွေ ဆိုတော့ သူတို့ရဲ့ မိခင်ဘာသာစကားဖြစ်တဲ့ Sign Language ကို ကလေးဘ၀ကတည်းက ထိတွေ့မှုရှိခဲ့တယ်။ နောက်ပြီး အိမ်ကို လာလည်တဲ့ မိဘတွေရဲ့ မိတ်ဆွေ၊ ငယ်သူငယ်ချင်းတွေရဲ့ ဆက်သွယ်နေပုံတွေ အားလုံးကို ထိတွေ့နေရတာပါ။ နှစ်ပေါင်း ၂၀ ကျော် နားမကြားသူတွေနဲ့ နေလာခဲ့တော့ တက်မြောက်လာခဲ့တာပါ။

    M-Media – ဟုတ်ကဲ့ ထပ်ဖြည့်ပြောဖို့ ရှိသေးလားရှင့်။ မရှိရင် ကျွန်မ နောက်ထပ် မေးခွန်းတစ်ခုလောက် ထပ်မေးချင်လို့ပါ။

    ဖြေ – ရပါတယ်။ မေးနိုင်ပါတယ်

    M-Media – ထပ်ပြီး မေးကြည့်ချင်တာက ကိုလူငယ်အနေနဲ့ မြန်မာ ပြည်တွင်းမှာ ဘယ်အသက်အရွယ်ထိ နေခဲ့ပြီး။ ထိုင်းကို ဘယ်အချိန်မှာ ရောက်ရှိခဲ့တာပါလဲ။

    ဖြေ – ဟုတ်ကဲ့ ကျနော် အသက် ၂၉ မှာ ထိုင်းကို ရောက်တာပါ။ လွန်ခဲ့တဲ့ ၂၀၁၂ ကပါ။

    M-Media – မြန်မာပြည်တွင်းမှာ နေစဉ်ကရော Sign Language နဲ့ပတ်သက်ပြီး ဒါမှမဟုတ် မသန်စွမ်းသူတွေနဲ့ပတ်သက်ပြီး လုပ်ဆောင်မှုတွေ ရှိခဲ့ဖူးပါသလား။

    ဖြေ – မြန်မာနိုင်ငံက အခုမှာ ပွင့်လင်းစ ပြုလာတာပါ။  ပြောရရင် မသန်စွမ်းသူတွေက မြန်မာနိုင်ငံမှာ ၁.၃ သန်းလောက်ရှိတယ်လို့ လူမှုဝန်ထမ်းက ထုတ်ပြန်ထားပါတယ်။ နားမကြားတဲ့သူတွေက မြန်မာပြည်မှာ အများကြီး ရှိနေပါတယ်။ ဒါပေမဲ့ သူတို့ အသိပညာ ဗဟုသုတ မြင့်မားဖို့ သိနိုင်ဖို့အတွက် ရုပ်သံတွေမှာ သတင်းတွေကို လက်ဟန်ဘာသာစကားနဲ့ တင်ဆက်တာမျိုး မရှိတော့ သတင်းတွေ မရောက်တာ ငတ်နေတာ ကြာခဲ့ပါပြီး။ မသန်စွမ်းတွေနဲ့ ပတ်သက်လို့ မြန်မာပြည်မှာ အသိပညာ အားနည်း နေသေးပါတယ်။ အခုတောင် မသန်စွမ်းဥပဒေကြမ်းကို လွှတ်တော်တင်ဖို့ စီစဉ်နေကြပါတယ်။
    နောက်တခုက အာဆီယံနဲ့ အာရှနိုင်ငံတွေမှာ မသန်စွမ်းတွေ အတွက် လုပ်ဆောင်မှု တိုးတက်နေကြပြီး မြန်မာကတော့ အာဆီယံမှာ ဘိတ်ဆုံးရောက်နေတာ ၀မ်းနည်းစရာပါ။

    with mg taw ka
    အဘိုးဖြစ်သူ ဦးဘသော် (ခ) စာရေးဆရာမောင်သော်က နှင့် ကိုလူငယ် ငယ်စဉ်က မှတ်တမ်းဓါတ်ပုံ

    M-Media – ဟုတ်ကဲ့ ဒါဆိုရင် အခုလို Sign Language Presenter အဖြစ် ကိုလူငယ် ထိုင်းကိုရောက်မှ စလုပ်ဖြစ်ခဲ့တာပေါ့နော်။

    ဖြေ – ဟုတ်ပါတယ်။ ပြည်တွင်းမှာ အခြေအနေက အခွင့်အရေး မပေးပါဘူး။ ဒီဗွီဘီက ပထမဆုံး စတင်ခဲ့တာပါ။ နားမကြားတွေအတွက် ၀မ်းသာစရာ သတင်းဖြစ်ပါတယ်။

    M-Media – ဟုတ်ကဲ့ပါ။ DVB မှာ ပထမဆုံး စပြီး လုပ်ဖြစ်ခဲ့ပုံလေး ပြောပြပေးပါလား။

    ဖြေ – ဒီဗွီဘီမှာ စခဲ့တုန်းက ကျနော် စိတ်လှုပ်ရှားနေခဲ့တယ်။ လက်တွေ တုန်နေခဲ့တယ်။ ငါလုပ်မှ ဖြစ်တော့မယ်။ နားမကြားတွေအားလုံးအတွက်၊ ပြည်သူတွေအားလုံးအတွက် ငါ ကြိုးစားရမယ်။ နောက်ပြီး အလ္လာဟ်အရှင်ရဲ့ စောင့်မမှုကြောင့် လုပ်ဖြစ်သွားတာပါ။ ဖန်ဆင်းရှင်ကို အများကြီး ကျေးဇူးတင်သလို ဒီဗွီဘီဝိုင်းတော်သားတွေကို တကယ်ကျေးဇူးတင်တယ်။ သူတို့ တွန်းအားပေးမှုကြောင့် ကျနော် ဒီလို ဖြစ်လာခဲ့တာပါ။

    M-Media – ကိုလူငယ်က DVB မှာ ပထမဆုံး စလုပ်ခဲ့တယ်ဆိုတော့ နောက်ပိုင်း တခြား ဘယ်တွေမှာ လုပ်ဖြစ်ခဲ့ပါသလဲ။

    ဖြေ – ကျနော်ဘ၀မှာ ပထမဆုံး ရခဲ့တဲ့ အလုပ်ဖြစ်ပါတယ်။ တခြားဘယ်မှာ မလုပ်ခဲ့ပါဘူး။ အလုပ်နေရာ ပေးခဲ့တဲ့ ဒီဗွီဘီကို သံယောဇဉ် ဖြစ်နေတယ်။

    M-Media – ဟုတ်ကဲ့ ဒါဖြင့် အခုလက်ရှိထိလည်း ကိုလူငယ်က DVB မှာပဲနော်။ လုပ်သက် ဘယ်လောက် ကြာမြင့်ခဲ့ပါပြီလဲ။

    ဖြေ – အခုဆို ၂ နှစ် ပြည့်တော့မယ်။

    M-Media – ဟုတ်ကဲ့ ခုနက မေးခွန်းလေးကို ပြန်ကောက်ပါရစေ။ ကိုလူငယ်အနေနဲ့ DVB မှာ အလုပ်စ၀င်ဖြစ်ဖို့ ကြိုးစားခဲ့ရတာလေးတွေကို ပြောပြပေးပါလား။ ဘယ်လို အဆက်သွယ်လုပ်ခဲ့ရတယ်။ presenter ဖြစ်လာဖို့ အင်တာဗျူးဝင်ခဲ့ရပုံ၊ ကြိုတင် ပြင်ဆင်ခဲ့ရပုံလေးတွေပေါ့။

    ဖြေ – တကယ်တော့ ပြည်တွင်းမှာ ရှိစဉ်က ဘာအလုပ်မှာ မရခဲ့ပါဘူး။ မသန်စွမ်းတွေဘ၀ ခက်ခဲ့ပါတယ်။ မသန်စွမ်းတွေကို အလုပ်လုပ်ခွင့် အတားအဆီးတွေ အများရှိ ရှိနေပါတယ်။ ကျနော် အရင်ကတည်းက ဒီဗွီဘီကို စိတ်ဝင်စားခဲ့တာပါ။ ဒီဗွီဘီရဲ့ ဆန်းသစ်မှု၊ သတင်းဖော်ပြမှုတွေကို သဘောကျခဲ့သလို နားမကြားတွေလည်း သဘောကျခဲ့တယ်။ သူတို့က ဒီဗွီဘီမှာ လက်ဟန်သတင်းတင်ဆက်ရင် အားလုံးအတွက် အဆင်ပြေ နားလည်သဘောပေါက်မယ်ဆိုလို့ စတင်ဆက်သွယ်ခဲ့တာပါ။
    အယ်ဒီတာနဲ့ အယ်ဒီတာချုပ်ရဲ့ ကျေးဇူးတွေ ရှိပါတယ်။ သူတို့က စွမ်းဆောင်နိုင်မှု၊ အသုံးဝင်တဲ့နေရာကို ပေးလို့ ဖြစ်လာခဲ့ လုပ်ဖြစ်ခဲ့တာပါ။

    M-Media – ဟုတ်ကဲ့။ ကိုလူငယ်ပြောသွားတယ်။ မြန်မာပြည်တွင်းမှာက မသန်စွမ်းတွေအတွက် အလုပ်လုပ်ခွင့်အတားအဆီးတွေ အများကြီးရှိနေတယ်ပေါ့နော်။ ပြည်တွင်းမှာက မသန်စွမ်းသူတွေအတွက် အလုပ်အကိုင် အခွင့်အလမ်းသာမက သူတို့သွားလာနေထိုင်ရေး ချောမွေ့မှုတွေလည်း မရှိဘူးလေ။ ဒီတော့ ကိုလူငယ် အနေနဲ့ ပြည်တွင်းက မသန်စွမ်းသူတွေအတွက် အဲဒါတွေကို ဘာများ ပြောကြားလိုပါသလဲ။

    ဖြေ – ဟုတ်ကဲ့။ မသန်စွမ်းသူတွေအတွက် ပြောချင်တာက ဘယ်တော့မှာ စိတ်ဓာတ်မကျပါနဲ့။ ကိုယ်တို့တွေဟာ ဘ၀ကို စိန်ခေါ်နေတဲ့ စစ်သည်တော်တွေလို့ မှတ်ယူပြီး ကြံကြံခံ ရင်ဆိုင် တိုက်ပွဲဝင်ကြပါလို့ ပြောချင်ပါတယ်။

    M-Media – ဟုတ်ကဲ့။ ကိုလူငယ်က အစ္စလာမ်သာသနာဝင် တစ်ယောက်ဖြစ်တဲ့အပေါ်မှာရော အလုပ်လုပ်ရတာ အခက်အခဲရှိပါသလား။

    ဖြေ – အင်း။ တကယ်တော့ အစ္စလာမ်ဘာသာကို နားမလည်တဲ့သူတွေ ကြားထဲ ရောက်နေရင်
    အခက်အခဲတော့ ရှိမှာပဲ။ အစ္စလာမ်ဘာသာကို နားလည်ပြီး ဘာသာအချင်းချင်း လူမျိုးအချင်းချင်း အပြန်အလှန်လေးစားပြီး နားလည်တဲ့သူတွေကြားထဲ ရောက်နေရင် အခက်အခဲကတော့ မရှိပါဘူး။
    အလုပ်လုပ်ရတာတော့ အဆင်ပြေပါတယ်။ အားလုံးက ကူညီပေးကြပါတယ်။

    M-Media – ကိုလူငယ်က DVB ရဲ့ ဘယ်အပိုင်းမှာတာဝန်ထမ်းဆောင်ရပါသလဲ။

    ဖြေ – ကျနော် DVB မြန်မာပိုင်း ပြည်တွင်းသတင်းမှာ တာဝန်ထမ်းဆောင်ရတာပါ။

    M-Media – မြန်မာနိုင်ငံသား အစ္စလာမ်ဘာသာဝင်တစ်ယောက်ဖြစ်တဲ့ ကိုလူငယ်အနေနဲ့ Sign Language မှာ မြန်မာနိုင်ငံက ပထမဦးဆုံး Presenter အဖြစ် နိုင်ငံခြားအခြေစိုက် သတင်းမီဒီယာတစ်ခုမှာ ပထမဆုံး ဆောင်ရွက်ခဲ့ရတဲ့အပေါ် စိတ်ခံစားချက် ဘယ်လိုများ ရှိပါသလဲ။

    ဖြေ – အမှန်အတိုင်း ပြောရရင် ကျနော်စိတ်ထဲမှာ အကြားအာရုံ မသန်စွမ်းသူတွေ အားလုံးအတွက် လုပ်ပေးချင်တဲ့ စိတ်ကြောင့်ပါ။ မသန်စွမ်းသူတွေအပေါ် ပြည်သူတွေက နားလည်ပေးစေချင်တယ်။ ဒီလို သတင်းတွေ တင်ဆက်နိုင်တော့ မသန်ပေးမဲ့ စွမ်းဆောင်နိုင်တယ်။ လောကမှာ အသုံးမ၀င်တဲ့ အရာဆိုတာ မရှိဘူး အသုံးပြုဖို့၊ စွမ်းဆောင်ရည်တွေကို ဖော်ထုတ်တင်ပြပေးနိုင်တယ်ဆိုတဲ့ မက်ဆေ့ပေးချင်တာပါ။

    M-Media – ဟုတ်ကဲ့ပါ။ ကိုလူငယ်အနေနဲ့ ဖြေပေးတာလည်း တော်တော်များပါပြီ။ ကိုလူငယ်အနေနဲ့ ဘာများ ဖြည့်စွက်ပြောချင်တာ ရှိပါသလဲ။

    ဖြေ – ဟုတ်ကဲ့။ ပြည်သူပြည်သားတွေအနေနဲ့ မသန်စွမ်းသူတွေကို လက်တွဲခေါ်ပါ။ မသန်စွမ်းသူတွေ အတွက် အတားအဆီးဖြစ်နေတဲ့ အရာတွေကို တိုက်ဖျက်ပြီး မသန်စွမ်းသူတွေအတွက် ဘယ်လို ဆောင်ရွက်နိုင်မလဲဆိုတဲ့အရာတွေကို ကြံဆ လုပ်ဆောင်ရင်း All Inclusive Democratic Community ဖြစ်လာဖို့ အားလုံးကို တိုက်တွန်းပါတယ်။

    M-Media – ဟုတ်ကဲ့ ဖြေကြားပေးတဲ့ ကိုလူငယ်ကို ကျေးဇူးအများကြီးတင်ပါတယ်။
    ဖြေ – ဟုတ်ကဲ့ ကျေးဇူးပါ။

    ကိုလူငယ်၏ FaceBook စာမျက်နှာ =>https://www.facebook.com/maungluunge

    ကိုလူငယ်၏ သတင်းတင်ဆက်မှု ရုပ်သံဖိုင်

  • ရွှေရိုးအက တီထွင်ခဲ့သူ မြန်မာမွတ်စလင် ကာတွန်းပညာရှင် ဦးဘကလေး

    ရွှေရိုးအက တီထွင်ခဲ့သူ မြန်မာမွတ်စလင် ကာတွန်းပညာရှင် ဦးဘကလေး

    ၂၀၁၂ ခုနှစ်၊ နိုဝင်ဘာ ၂၇
    M-Media
    ဆောင်းပါးရှင်- ပသီဝိုင်းဝတ်ရည်မြင့်

    တိုင်းရင်းသား အစ္စလာမ်သာသနာဝင် ဦးရွှေရိုး ရွှေတလေး ကာတွန်းအနုပညာရှင် ဦးဘကလေး

    ကာတွန်းဦးဘကလေး

    ဦးဘကလေးဆိုတဲ့ ရွှေတလေး အကြောင်းကို သိရှိဖတ်ရှုခဲ့ရပြီးနောက် အခြားလူငယ်တွေကိုလည်း သူ့ အကြောင်းတွေ သိစေချင်ခဲ့ပါတယ်။ အခုနောက်ပိုင်း စာစောင်တွေ မဂ္ဂဇင်းတွေမှာ ဦးဘကလေးအကြောင်းကို ရေးသားတာ မတွေ့ရ တော့ တတ်နိုင်သလောက် လေ့လာဖတ်ရှု မေးမြန်းပြီး ဦးဘကေလေးအကြောင်း အနည်းငယ်ကိုရေးသားလိုက်ခြင်းပါ။
    ကာတွန်းဆရာကြီး ရွှေတလေး၊ ရုပ်ရှင်လူရွှင်တော်ကြီး ဦးရွှေရိုးဆိုတာ ဟိုလွန်ခဲ့တဲ့ နှစ်ပေါင်း(၈၀)ကျော် (၁၀၀) အတွင်းက မြန်မာစာနယ်ဇင်းတွေနဲ့ မြန်မာရုပ်ရှင်လောကမှာ လှုပ်ရှားခဲ့တဲ့ မြန်မာ(တိုင်းရင်းသားအစ္စလာမ်သာသနာဝင်) အနုပညာသည်ကြီးဖြစ်ပါတယ်။

    ဦးဘကလေး ကာတွန်းတွေ ဟာ နိုင်ငံရေးကာတွန်း၊ လူမှုရေး စီးပွားရေးကာတွန်း၊ ကြော်ငြာ ကာတွန်းဆိုပြီး အကြမ်းအားဖြင့် (၃)မျိုး (၃)စား တွေ့ရှိရပါ တယ်။ ဦးဘကလေးဟာ ကာတွန်း ဆရာကြီးအပြင် ရုပ်ရှင် နယ်မှာလဲ (၁၀)နှစ်ကျော် ကျင်လည်ကျက်စားပြီး ရုပ်ရှင်ဆိုင်ရာ သဘင်မှုအနုပညာမှာ တီထွင်ဖန်တီးမှုတွေ အများကြီးပြုလုပ် သွားခဲ့ပါတယ်။

    မြန်မာနိုင်ငံမှာ စာနယ်ဇင်းတွေ စတင်ပေါ်ပေါက်လာတာနဲ့ တစ်ပြိုင်တည်း ကာတွန်းဆိုတဲ့ အနုပညာတစ်ရပ်လဲ မြန်မာ စာနယ်ဇင်းလောကထဲမှာ ပေါက်ဖွားလာပါတယ်။

    ကာတွန်းကို မြန်မာစာပေ လောကအတွင်းရောက်အောင် ဦးဘကလေးက သွတ်သွင်းလာခြင်းဖြစ်ပါတယ်။ ကာတွန်းကို ရွှေတလေးအမည်ခံ ဦးဘကလေးက ၁၉၁၅-ခုနှစ်မှာ စတင်မွေးထုတ်ခဲ့ပါတယ်။

    ၁၉၂၀-ခုနှစ်မှာ ရုပ်ရှင်ဆိုတဲ့အနုပညာတစ်ရပ် မြန်မာ ပြည်မှာ ပေါက်ဖွားလာတဲ့အခါမှာလည်း ဦးရွှေရိုးကြီးဆိုတဲ့ ရုပ်ရှင်လူရွှင်တော်မင်းသားအဖြစ်နဲ့ မြန်မာရုပ်ရှင်ကြည့် ပရိသတ်ရဲ့ အသည်းစွဲဖြစ်ခဲ့ပြန်ပါတယ်။

    ဦးရွှေရိုးကြီးကို စတင်ဖန်တီးခဲ့တာလည်း ဦးကလေးပဲဖြစ်ပါတယ်။

    ဦးဘကလေးဟာ ၁၉၁၅-ခုနှစ်ကစပြီး ၁၉၃၉-ခုနှစ် အထိ နှစ်ပေါင်း(၂၀)ကျော် ကာလအတွင်း မြန်မာ့ လူမှုရေး၊ နိုင်ငံရေး တွေကို ကာတွန်းတွေနဲ့ မှတ်တမ်းတင် သွားသလို၊ ဦးရွှေရိုး ဆိုတဲ့ ပျော်ပျော်နေသေခဲ အဘိုးကြီး တစ်ယောက်ကိုလည်း မြန်မာရုပ်ရှင်နဲ့  သဘင်လောကထဲမှာ ဖန်ဆင်းထားခဲ့ပါတယ်။

    ဦးဘကလေးရဲ့ကြိုးပမ်းမှုတွေက သူ့တစ်သက်မှာ အောင်မြင်ပြီး၊ ကာတွန်းဘက်မှာလဲ ဘကြီးမေတ္တာတုံး၊ ရွှေတလေး၊ ဘကလေးဆိုတဲ့ နာမည်(၂)မျိုး(၃)မျိုးနဲ့ ကျော် ကြားခဲ့သလို၊ ရုပ်ရှင်မှာလဲ ဦးရွှေရိုးဆိုပြီး ဟိုးလေးတကျော် ကျော်ကြားခဲ့တယ်။ အနုပညာရည်အနေနဲ့ သူလှုပ်ရှား ကြိုးစား ရုန်းကန်သွားခဲ့တဲ့ကာလအတွင်းက တီထွင်ဆန်းသစ် မှုတွေဟာ အင်မတန်များပြားပြောင်မြောက်ပါတယ်။ ဒါတွေဟာ မတိမ်မြုပ် မပျောက်ပျက်စကောင်းပါဘူး။ ကာတွန်း ပေါ်စက မြန်မာ စာဖတ်ပရိသတ်ဟာ ကာတွန်းကို မကြည့်တတ်ကြပါဘူး။ ကာတွန်းဆိုတာ အစွမ်းသတ္တိကြီးတယ်။ ကာတွန်း တစ်ကွက်က ထိစရာမြင်စရာရှိလဲ ရှင်းရှင်းထိမြင်ရတယ်ဆိုတော့ မြန်မာ့ ပန်းချီနဲ့ စာပေလောကထဲကို ဦးဘကလေးရဲ့ ကြိုးပမ်းအားထုတ် မှုကြောင့် ၂၀-ရာစု နှစ်အစပိုင်းကတည်းကို ကာတွန်းပညာ ရောက်ရှိလာခဲ့ပါတယ်။

    ဦးဘကလေးရဲ့ကာတွန်းဟာ Caricature လို့ခေါ်တဲ့ ရုပ်ပြောင်ပုံတူကောင်းတယ်၊ စာလုံးတွေအားရှိတယ်၊ သူ့ဟာသက အရည်ရွှမ်းနေတဲ့ဟာသမျိုး၊ စိတ်ကူး စိတ်သန်းလည်း ကောင်းပါ တယ်။ Caricature လို့ခေါ်တဲ့ ရုပ်ပြောင် ပုံတူကောင်းတာနဲ့ ပတ်သက်လို့ မြန်မာနိုင်ငံမှာပေါ်ဘူးတဲ့ ကာတွန်းဆရာတွေ ဦးဘကလေးကို လိုက်မမှီဘူးလို့ပြောခဲ့ကြပါတယ်။ ဦးဘကလေး က ရုပ်ပြောင်ပုံတူမှာကောင်းရုံမက၊ လျှပ်တပြက်အတွင်း ဆွဲ နိုင်စွမ်းလောက်အောင်လဲမြန်တဲ့သူတစ်ယောက်ပါ။ ဒါကြောင့် သူကအပျင်းပြေ သူ့လက်စွမ်းပြ ရေးဆွဲတာမျိုးလုပ်တာတွေလဲ အကြိမ်ကြိမ်ရှိခဲ့ပါတယ်။ သူ့ခေတ်မှာ သူ့ပညာသာမက လူကို အပြင်မှာမြင်ဖူးချင်တဲ့လူတွေကလည်းအများကြီးပါ။ ဒါကြောင့်ပဲ မြို့မကျောင်းက ရံပုံငွေရှာတဲ့ပွဲမှာ ဦးဘကလေးကိုယ်တိုင် ထွက်ပြီး ဇာတ်ခုံပေါ်မှာ ကာတွန်းဆွဲပြတဲ့ အစီအစဉ်ကိုလည်း ပွဲစီစဉ်သူတွေက ပါအောင်ကြိုးစားခဲ့ကြတယ်။ ဦးဘကလေးက မြန်မာစာကို စာဆန်တာ သိပ်ကြိုက်ပုံမရဘူး။ သူကာတွန်းဆိုတဲ့ အခါ နစ်အပြားကြီးကိုင်ပြီး အားနဲ့မာန်နဲ့ တောင့်တောင့် တင်းတင်းရေးတယ်။ ဒါကြောင့် ဦးဘကလေးစာလုံးက မလှ ပေမယ့် အားရှိတယ်။ ဦးဘကလေးက မြန်မာစာလုံးပုံစံသစ် ကိုလဲထွင်ရေးပါတယ်။

    ဦးဘကလေးလက်ရာများ ကောင်းမှန်းသိတော့ မဂ္ဂဇင်း တော်တော်များများက သူတို့ကိုယ်ပိုင် ကာတွန်းဆရာအဖြစ်နဲ့ လုပ်ဖို့ကမ်းလှမ်းကြတယ်။ ဦးဘကလေးက အချုပ်အခြယ်ရှိမှာ စိုးလို့ လခစားမလုပ်ခဲ့ပါဘူး။ ဦးဘကလေးရဲ့ကာတွန်းကို အများဆုံး အသုံးပြုတဲ့ အင်္ဂလိပ်သတင်းစာကတော့ ရန်ကုန် Time သတင်းစာပါ။ Time အယ်ဒီတာတွေက ဦးဘကလေးကို Geniousတကယ့်ပါရမီရှင်လို့ မြင်ကြပါတယ်။

    ဦးဘကလေးက အင်္ဂလိပ်စာကို မြန်မာစာထက် နိုင်နင်း တတ်ကျွမ်းပါတယ်။ ဒါကြောင့် သူ့ကိုယ်ပိုင်ကုမ္ပဏီက ရိုက်ထုတ်တဲ့ အသံတိတ်ခေတ်က ဇာတ်ကားတွေမှာ စာတန်းကို မြန်မာလိုရော အင်္ဂလိပ်လိုပါ သူကိုယ်တိုင်ရေးပြီး စာတန်းထိုး ပါတယ်။ အင်္ဂလိပ်စာတန်းလဲထိုးပြမယ်လို့ ရုပ်ရှင်ကြော်ငြာမှာ တစ်ခါတည်းထည့်ပါတယ်။ သူ့ရုပ်ရှင်ကြည့်တဲ့ ပရိသတ်က မြန်မာပရိသတ်တင်မက တရုတ်၊ အင်္ဂလိပ်နဲ့ အခြားအစုံရှိနေပြီး ရန်ကုန် Time သတင်းစာကဆိုရင် သူ့ကားလာကြည့်ပြီး ဝေဖန်ချက်များ ကောင်းကောင်းရေးပေးခဲ့ပါတယ်။ ဦးဘကလေး ဟာ သူ့ရုပ်ရှင်ကြော်ငြာများမှာ သူ့ကာတွန်းများနဲ့ကြော်ငြာ ပါတယ်။ အဲဒီခေတ်က အဲဒီလိုလုပ်တာတွေမရှိခဲ့ပါဘူး။

    ရုပ်ရှင်တစ်ကားမှာဆို (၄)ကိုယ်ခွဲပြီး ခြားခြားနားနာ သရုပ်ဆောင်သွားရာမှာ တချို့က လွယ်တယ်လို့ထင်နိုင်ပေမယ့် လူတိုင်းလက်ဖျားခါခဲ့ကြပါတယ်။ ဦးဘကလေးဟာ သူတို့ခေတ် က ရုပ်ပြောင်းရုပ်လွှဲနဲ့စမ်းသပ်တာ အောင်မြင်လာတော့ အင်မတန် အားတက်လာတယ်။ သူ့ကိုယ်သူလဲ ယုံကြည်မှုရှိလာပြီး နောက် ကားတွေမှာ အမျိုးမျိုးတိုးတက်တီထွင်လာပါတယ်။

    ဦးဘကလေးနဲ့အတူ တွဲဖက်ပြီး အလုပ်လုပ်ခဲ့တဲ့ ပုဂ္ဂိုလ်တွေက “ဒီလိုလူ မမွေးသေးဘူး၊ တကယ်ထူးတဲ့ ပါရမီရှင်ပဲ”လို့ ပြောကြရတဲ့ အနုပညာသည်တစ်ယောက်ပါ။ ဦးဘကလေးဟာ မြန်မာပြည်မှာ ပေါ်ပေါက်ခဲ အနုပညာသည် ကြီးဖြစ်ပါတယ်။

    တကယ်တော့ ဦးဘကလေးက သူလိုက်စားထားတဲ့ ပညာမှာ ၀ါစာကမာအပေါ်ယံသဘောမဟုတ်ပါဘူး။ အနုပညာ အနေနဲ့ လေးလေးနက်နက် လိုက်စားခဲ့တာပါ။ ဦးဘကလေးမှာ တို့မြန်မာလူမျိုးလွတ်လပ်ရမယ်၊ ကမ္ဘာ့လူမျိုးကြီးတွေနဲ့ ရင်ဘောင်တန်းနိုင်ရမယ်။ ကိုလိုနီနယ်ချဲ့သမားကို ပြည်သူ့အားနဲ့ တိုက်ပွဲဝင်ရမယ်ဆိုတဲ့အမြင် ခိုင်ခိုင်မာမာရှိပါတယ်။ ဒီလို တိုက်ပွဲဝင်ရင် တစ်နေ့အောင်ပွဲခံမှာဘဲဆိုတာကို သူကယုံကြည် တယ်။ ဒါကြောင့် သူ့လက်ရာတွေက ပြတ်သားပြောင်မြောက် နေပါတယ်။

    ဦးဘကလေးကို အလယ်တန်းပြဆရာ ဦးဘိုးသင်းနဲ့ ဒေါ်သဲမှုန်တို့က ပုသိမ်မြို့ ထောင်ကုန်းရပ် အရက်ဖိုလမ်း အိမ် အမှတ်(၃)တွင် ၁၈၉၃-ခုနှစ်မှာ မွေးဖွားခဲ့ပါတယ်။ ငယ်စဉ် ကတည်းက ဥာဏ်ထက်မြက်ပြီး ပျော်စရာ ရီစရာလုပ်တတ်၊ တယ်။ ပုံဆွဲဝါသနာပါခဲ့ပါတယ်။ (၁၆)နှစ်မပြည့်ခင် အင်္ဂလိပ် မြန်မာ (၂)ဘာသာသင်ပုသိမ် အထက်တန်းကျောင်းက (၁၀)တန်း ကို အင်္ဂလိပ်စာနဲ့ ဂဏန်းသင်္ချာမှာ ဂုဏ်ထူးနဲ့ အောင်မြင်ခဲ့ပါ တယ်။ သူတို့ခေတ်က ကောလိပ်တက်ဖို့ Scholarshipရပေမယ့် အသက်မပြည့်လို့ တစ်နှစ်စောင့်နေရပါတယ်။  ကောလိပ်ရောက်တော့ ဥပစာတန်းအောင်ပြီး ဘီအေရောက်တဲ့ အခါ စာကျက်တာထက် အရုပ်ဆွဲနေတာကများတာကြောင့် စာမေးပွဲလဲက Scholarshipလည်း ပြုတ်ခဲ့ရပါတယ်။ မြို့အုပ်ဖြစ်ချင်တဲ့ ကောလိပ်ကျောင်းသားအိပ်မက်ဆိုတဲ့ သူ့ရဲ့ ပထမဆုံးကာတွန်းကို ၁၉၁၅-ခုနှစ်ထုတ်တဲ့ ကောလိပ်မဂ္ဂဇင်း မှာပါပြီး အဲဒီမဂ္ဂဇင်းအဖုံးကိုလည်း သူပဲဆွဲပေးခဲ့တယ်။ သူကောလိပ် တက်နေစဉ် ပုသိမ်မှာ ပလိပ်ရောဂါအကြီးအကျယ် ဖြစ်တဲ့နှစ် သူ့ဖခင်ဟာ ပလိပ်ရောဂါဖြစ်လို့ ကွယ်လွန်ခဲ့ရတယ်။ ဦးဘကလေးမှာ အစ်ကိုဦးဘကြီး တစ်ယောက်ပဲရှိတာကြောင့် အဖေဆုံးတော့ အမေကို လုပ်ကျွေးဖို့လိုလာလို့ ကောလိပ်က ထွက်ပြီး ကျောင်းဆရာဝင်လုပ်တယ်။ ဒါပေမယ့် ဒီအလုပ်မှာ မမြဲပါဘူး။ ကိုလိုနီခေတ်ဆိုတော့ ဘုရားမထူးချင်တာနဲ့ အစိုးရ လခစားဘ၀ကိုစွန့်ခဲ့ပါတယ်။

    ဦးရွှေရိုးအက

    နောက်တော့ သူဝါသနာပါတဲ့ကာတွန်းများဆွဲပြီး အသက်မွေးဖို့ ရန်ကုန်ရောက်လာတယ်။ အင်္ဂလိပ်သတင်းစာ ရန်ကုန်Time က ကောလိပ်မဂ္ဂဇင်းထဲမှာပါတဲ့ မြို့အုပ်အိပ်မက် ကာတွန်းကို မြင်ကတည်းက အလားအလာရှိတဲ့ လူငယ်အနေနဲ့ မျက်စိကျနေတာကြောင့် ရန်ကုန်ရောက်လာတဲ့ အခါ ကာတွန်းနဲ့ အသက်မွေးဘို့ မခဲယဉ်းတော့ပါဘူး။ အဲဒီအချိန်က ကုန်ပစ္စည်း ကြော်ငြာများမှာ ပန်းချီ၊ ကာတွန်းများနဲ့ ကြော်ငြာကြပါတယ်။ ဦးဘကလေးဟာ ၁၉၁၇-ခုနှစ်က သူရိယမဂ္ဂဇင်းမှာဆွဲတဲ့ ကာတွန်းများအပြင် ကုန်ပစ္စည်းကြော်ငြာများလဲ ရေးဆွဲပေးလာရ ပါတယ်။ အဲဒီနှစ်မှာပဲ မြန်မာအဆွေ သူဋ္ဌေးဦးဘညွန့်က သူလုပ်ချင်တဲ့ သဘောကိုပြောပြရင် ဦးဘကလေးက အင်မတန် ကြိုက်နှစ်သက် စရာကောင်းတဲ့ စိတ်ကူးစိတ်သန်းများနဲ့ အကောင်အထည်ဖော် ပေးတတ်လို့ သဘောကျတာကြောင့် ဦးဘကလေးကို ကြော်ငြာ မန်နေဂျာခန့်ခဲ့ပါတယ်။ အဲဒီမှာလုပ်နေရင်း ၁၉၁၉-ခုနှစ် ဇွန်လမှာ သူဋ္ဌေးဦးဘညွန့်ရဲ့ သမီး ဒေါ်ခင်ခင်နဲ့ အိမ်ထောင်ကျခဲ့ ပါတယ်။ သူတို့အိမ်ထောင်ရေးဟာ ချောချော မွေ့မွေ့နဲ့ အကြင် လင်မယားအဖြစ် ရောက်ရတာမဟုတ်ပါဘူး။ ဦးဘကလေးက မွတ်စလင်၊ ဒေါ်ခင်ခင်က ဗုဒ္ဓဘာသာဆိုတော့ အခက်အခဲတွေ အများကြီး ကျော်လွှားခဲ့ရပါတယ်။ (၇)နှစ်လောက်ပေါင်းကြရပြီး နောက် ကွဲသွားကြပါတယ်။ နှစ်ယောက်စလုံး အသီးသီး အိမ်ထောင်ပြုခဲ့ကြပါတယ်။ ဦးဘလေးက ဒေါ်ခင်ထားနဲ့ဒုတိယ အိမ်ထောင်ပြုပါတယ်။ ဦးဘကလေးဟာ ဒေါ်ခင်ထားနဲ့ အသက်ထက်ဆုံးပေါင်းသင်းသွားပြီး ဒေါ်ခင်ထား လက်ပေါ်မှာပဲ ကွယ်လွန်ခဲ့ပါတယ်။

    ဒေါ်ခင်ထားနဲ့လက်ထက်တဲ့ အချိန်ရောက်တော့ ဦးဘကလေးက အရက်သောက်တတ်လာတယ်။ ပထမ နဲနဲ သောက်ရာက များများသောက်လာပြီး အရက်ထဲနစ်နေတဲ့ ဘ၀ ဆိုက်သွားပါတယ်။ ဦးဘကလေးဟာ စိတ်နေစိတ်ထားက ချစ်စရာကောင်းပြီး သဘောကောင်းတယ်၊ ပျော်တတ်တယ်၊ ရီစရာမောစရာလေးတွေလုပ်မယ်၊ ပုံတိုပတ်စကလေးတွေ ပြောမယ်၊ စိတ်ဆိုးတယ်ရယ်လို့ရှိခဲပါတယ်။ လူတစ်ဖက်သား ကို သနားတတ်တယ်၊ ကြင်နာတတ်တဲ့စိတ်ရှိတယ်။ အားနာ တယ် စိတ်နေစိတ်ထားလဲ မြင့်မြတ်ပါတယ်။ သူအရက် မသောက်ခင်က ကာတွန်းတွေဆွဲပြီး အရက်သောက်တာကို ပြစ်တင် သတိပေးခဲ့တာ အများကြီးရှိပါတယ်။ သူ့ဘ၀မှာ လူမှုရေး မကျေနပ်မှုတွေ များလာတဲ့အခါ နည်းမှန်လမ်းမှန် မဖြေရှင်း တတ်ဘဲ အရက်ကိုအဖော်လုပ်မိရာက အရက်က လူကိုဝါးမျိုပစ် လိုက်လို့ နှမျောစရာကောင်းလှတဲ့ လူတစ် ယောက်ဟာ အရက် ထဲမှာပဲ နစ်မြုပ်ပျက်စီးသွားရ ပါတယ်။ ၁၉၃၈-ခုနှစ် (၆)လပိုင်းလောက်မှာ သူတို့နေတဲ့ တိုက်ရဲ့ နောက်ဖေးဆောင် ပြိုကျလို့ ဦးဘကလေး ခါးနဲ့ခေါင်းမှာ ထိခိုက် မိပြီး ဒဏ်ရာအကြီးအကျယ်ရသွားတယ်။ ဆေးရုံပေါ်မှာ (၃)လနဲ့ (၈)ရက်နေပြီးဆင်းခဲ့တယ်။ ဆရာဝန်တွေက (၆)လလောက် အနားယူဖို့ပြောပေမယ့် (၃)လလောက်ပဲနေပါတယ်။ နောက် ၁၉၃၉-ခုနှစ်မှာ ပုသိမ်ကိုပြောင်းသွားကြပြီး အစ်ကိုဝမ်းကွဲ တော်တဲ့ ဦးအီစာတို့အိမ်မှာနေခဲ့ကြတယ်။ ပုသိမ်ရောက်လို့ (၃)လောက်လဲနေရော ဦးဘကလေး စိတ်နောက်သွားရှာ ပါတယ်။ စိတ်ဝေဒနာဖြစ်တယ်ဆိုပေမယ့် ကြမ်းကြမ်းတမ်းတမ်း မဟုတ်ပါဘူး။ ယဉ်ယဉ်ကလေးပဲ။ မသိတဲ့ လူမြင်ရင် နေကောင်းတယ်ပဲထင်ရတယ်။ စိတ်ဝေဒနာဖြစ်နေပေမယ့် နမားဇ်ဖတ်တယ် (ဝတ်ပြုသည်) ၊ တစ်ခါတစ်ရံသီချင်းဆိုတယ်။ သီချင်းဆိုရင် သူများရေးထားတဲ့ သီချင်းမဟုတ်ဘဲ သူ့ရှေးဟောင်းနှောင်းဖြစ် တွေကို သူ့ဖာသာ လက်တမ်းစပ်ဆိုတာ။ စာရေးချင်ရေးနေ တယ်။ ဆေးပေါ့လိပ်ကြီး လက်ကြားညှပ် လက်ကိုနောက်ပစ်ပြီး လမ်းထွက်ပြီး လျှောက်ချင်လျှောက်နေတယ်။ ဒုတိယကမ္ဘာ စစ်ကြီးဖြစ်လာတော့ ဟင်္သာတကိုပြောင်းရွေှ့ကြရပါတယ်။ ဟင်္သာတက တဆင့် ဒမ္ဘီကိုရွေှ့ကြရတယ်။ ဒမ္ဘီမှာပဲ ဦးဘကလေး ကွယ်လွန်သွားခဲ့ပါတယ်။

    လူကြီးအများစုက ဦးဘကလေးအကြောင်းကို ကြားဖူး ပြီးသားဖြစ်နိုင်ပါတယ်။ မြန်မာ့နယ်ပယ်မှာ အောင်မြင်ထင်ရှား ကျော်ကြားခဲ့သော ဦးဘကလေးဆိုတဲ့ တိုင်းရင်းသားအစ္စလာမ် သာသနာဝင် တစ်ဦးရဲ့ သူမတူတဲ့အောင်မြင်မှုတွေ၊ ကြေကွဲဖွယ် ကျဆုံးမှုတွေ ရောထွေးနေတဲ့သူ့ဘ၀ဟာ ကျွန်မတို့ လူငယ်များ အတွက် ဂုဏ်ယူဖွယ် အတုယူဖွယ်၊ သင်ခန်းစာယူဖွယ်ရာများ ဖြစ်ပါတယ်။

    ဦးဘကလေးအကြောင်းကို ပြည့်ပြည့်စုံစုံသိရှိစေဖို့ လူထုဒေါ်အမာရေးသားပြုစုခဲ့သော “ရွှေရိုး ဘကလေး”ဆိုတဲ့ စာအုပ်ကို ညွှန်းဆိုချင်ပါတယ်။ ဒီစာမူကို ရေးသားခွင့်ပြုတဲ့ ဘွားဘွားလူထု ဒေါ်အမာကိုလည်း ကျေးဇူးအထူးတင်ပါတယ်။

     

    စာရေးဆရာကြီးမင်းယုဝေရေးသားခဲ့သော ပထမမြန်မာများစာအုပ်မှ မြန်မာမွတ်စလင်မ် ဦးဘကလေး(ရွှေကလေး)အကြောင်းဖတ်လိုလျှင်

    firstmyanmar_ubakalay

  • ဇေယျကျော်ထင် ဗိုလ်မှူးဘရှင် (၂၇ ဒီဇင်ဘာ ၁၉၁၅ – ၇ ဇန်န၀ါရီ ၁၉၇၀)

    မြန်မာရာဇ၀င်ဟူသော ဝေါဟာရအစား မြန်မာသမိုင်းဟူသော စကားကို ပထမဆုံးအသုံးပြုသည့် သမိုင်းပညာရပ်စာအုပ် ပြုစုသူ
    လောကထိပ်ပန်မင်စာကို ရှာဖွေဖော်ထုတ် သုတေသနပြုတင်ပြသူ

    ဇေယျကျော်ထင် ဗိုလ်မှူးဘရှင်
    (၂၇ ဒီဇင်ဘာ ၁၉၁၅ – ၇ ဇန်န၀ါရီ ၁၉၇၀)


    ပျဉ်းမနာမြို့နေ၊ ရွာကောက်ရပ်ဇာတိဖြစ်သည်။ ၁၉၁၅ ခု ဒီဇင်ဘာ ၂၇ ရက် တနင်္လာနေ့တွင် ဖွားမြင်သည်။ အဖ ကျောင်းဆရာ ဦးဟိန်၊ အမိ ဒေါ်စောရင်ဖြစ်သည်။ အမည်ရင်းမှာ ဘရှင်ဖြစ်သည်။ အရဗီအမည်မှာ မုဟမ္မဒ်ဒါဝူဒ်ဖြစ်သည်။ ၁၉၃၃-၃၈ တွင် ရန်ကုန်တက္ကသိုလ် ယုဒသန်ကောလိပ်၌ ပညာသင်ကြားသည်။ ၁၉၃၈ ခုနှစ်တွင် အရှေ့တိုင်းရာဇ၀င် ဂုဏ်ထူးတန်းအောင်မြင်ပြီး ၀ိဇ္ဇာဂုဏ်ထူးဘွဲ့ရသည်။ ရန်ကုန်တက္ကသိုလ် အရှေ့တိုင်းရာဇ၀င်ဌာနတွင် နည်းပြအဖြစ် စတင်အမှုထမ်းသည်။ ၁၉၄၀ ပြည့်နှစ်တွင် လက်ထောက်ကထိကရာထူး တိုးမြှင့်ခံရသည်။

    ၁၉၄၂-၄၃ တွင် ဂျပန်ခေတ် အာရှလူငယ်အစည်းအရုံး၊ ဥာဏဗလတာဝန်ခံ၊ ၁၉၃၄ ခုနှစ်တွင်ဗမာ့ကာကွယ်ရေးတပ်မတော်၌ ဗိုလ်ကြီး၊ တပ်မတော်ပညာရေးအရာရှိ၊ ပဲခူးစံပြတပ်မတော်သမိုင်းနည်းပြနှင့် ဂျပန်တော်လှန်ရေးတွင် တိုင်း(၄) မှပါဝင်ခဲ့သည်။ ၁၉၄၅-၅၆ တွင် မြန်မာ့တပ်မတော်၌ ဗိုလ်မှူး၊ အင်္ဂလန်တွင် စစ်သံမှူး၊ ဒုတိယဗိုလ်မှူးကြီးအဖြစ် တာဝန်ထမ်းဆောင်ခဲ့သည်။ ၁၉၆၀ မှ ၇၀ တွင် မြန်မာနိုင်ငံသမိုင်းကော်မရှင် ဆပ်ကော်မရှင်(ခ)အလယ်ခေတ်(အေဒီ၁၃၆-၁၇၅၂) ကျမ်းပြုအရာရှိအဖြစ် ဆောင်ရွက်ခဲ့သည်။ ဗိုလ်မှူးဘရှင်သည် မြန်မာနိုင်ငံသုတေသနအသင်း အမှုဆောင်ကော်မတီ (၁၉၆၅-၆၉)၊ မြန်မာစာ ကော်မရှင်အဖွဲ့ဝင်၊ ရန်ကုန် တက္ကသိုလ် ဘွဲ့လွန်သင်တန်းများတွင် အထူးကထိက တာဝန်များကို ထမ်းဆောင်ခဲ့သည်။ အစ္စလာမ်သာသနာရေးရာကောင်စီဌာနချုပ် အထွေထွေ အတွင်းရေးမှူးချုပ်(၁၉၅၆-၁၉၇၀)အဖြစ် ဆောင်ရွက်ခဲ့သည်။ (more…)