Tag: football

ဒီဇင်ဘာ ၃ ၊ ၂၀၁၄
M-Media

– မိမိတို့အသင်း၏ ပြင်သစ်တိုက်စစ်မှူး ဟင်နရီမှာ စာချုပ်သက်တမ်းကုန်ဆုံးပါက အသင်းမှ ထွက်ခွာတော့မည်ဟု အမေရိကန် မေဂျာလိဂ်ကလပ် ရက်ဒ်ဘူးလ်က ပြောကြားလိုက်သည်။

အသက် ၃၇ နှစ် ရှိပြီဖြစ်ပြီး ၄ နှစ်ခွဲစာချုပ်ချုပ်ဆိုထားသည့် ဟင်နရီမှာ ယခုနှစ်ဘောလုံးရာသီပြီးလျှင် အသင်းနှင့် စာချုပ်သက်တမ်း ကုန်တော့မည်ဖြစ်ပြီး ရက်ဒ်ဘူးလ်မှ ထွက်ခွာပြီးနောက် ဘောလုံးသမားဘ၀မှ အနားယူတော့မည်ဟု သတင်းများလည်း ထွက်ပေါ်နေသည်။

အသင်း၏ တရားဝင်ဝဘ်ဆိုက်မှ ထုတ်ပြန်သောကြေညာချက်တွင် ဟင်နရီက မိမိအတွက်ပျော်ရွှင်မှုများကို ဖန်းတီးပေးခဲ့ကြသူများအားလုံးကို ကျေးဇူးတင်ကြောင်း၊ အသင်း၏ မည်သည့်အချိန်၌မဆို အားပေးခဲ့ကြသည့် ပရိတ်သတ်များအားလုံးကိုလည်း ကျေးဇူးတင်ပြီး မိမိအတွက် အဓိပ္ပါယ်ရှိသော အားပေးမှုများအတွက်လည်း ကျေးဇူးတင်ကြောင်း ပြောကြားခဲ့သည်။

ရက်ဒ်ဘူးလ်အသင်း၏ ရာသီနောက်ဆုံးပွဲမှာ ပြီးခဲ့သည့် တနင်္ဂနွေနေ့က ပြီးဆုံးသွားပြီဖြစ်ပြီး၊ အာဆင်နယ်နည်းပြ ၀င်းဂါးက ၎င်း၏ တပည့်ဟောင်းဖြစ်သူ ဟင်နရီအား ခေါ်ယူရန် စိတ်ဝင်စားနေသည်ဟုလည်း သတင်းများ ထွက်ပေါ်နေသည်။

နိုဝင်ဘာ ၂၉ ၊ ၂၀၁၄
M-Media

– ကမ္ဘာ့အကောင်းဆုံးဘောလုံးသမားဆု Ballon d’Or ဆုမှာ ဘောလုံးလောကကို ပျက်ဆီးစေပြီး ထိုဆုက အသင်းလိုက်ကစားချင်းထက် တစ်ဦးချင်းအစွမ်းပြမှုကို ပိုမိုဖြစ်ပေါ်စေကာ မိမိအသင်း၌ လိုချင်သော အရာမဟုတ်ဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

ထိုဆုအား ရရှိရန် ရီးယဲလ်တိုက်စစ်မှူး ရော်နယ်ဒိုက ရေပန်းစားနေပြီး ယူအီးအက်ဖ်အေ ဥက္ကဌပလာတီနီမှာ ပြီးခဲ့သည့် ရက်ပိုင်းကပင် အဆိုပါဆုအား ဂျာမနီအသင်းမှ ကစားသမား တစ်ဦး ရရှိသင့်သည်ဟု ပြောကြားခဲ့သည်။ ထိုကိစ္စနှင့်ပတ်သက်၍ ရီးယဲလ်က ကြေညာချက်ထုတ်ကာ ဝေဖန်ခဲ့ပြီး နည်းပြ အန်ဆယ်လော့တီကလည်း ဝေဖန်ခဲ့သည်။

မော်ရင်ဟိုကမူ ထိုကဲ့သို့ ကတောက်ကဆတ်ဖြစ်မှုမျာကို မိမိတို့အသင်းမှ ရှောင်ရှားလိုပြီး Ballon d’Or ဆုမှာလည်း ဘောလုံးလောကအတွက် အကျိုးမရှိဟု ယုံကြည်ကြောင်း ပြောကြားခဲ့သည်။

`Ballon d’Or လိုမျိုး ဆုဖလားဟာ ဘောလုံးလောကအတွက် မကောင်းပါဘူး။ ဒါ့ကြောင့် ကျွန်တော် အဲဒါကို စိတ်မ၀င်စားတာပါ။ တစ်ခါတစ်လေမှာ ဒီဆုက ကျွန်တော်တို့ စူပါစတားတွေကို ရှာသလိုပါပဲ။ အခြားသူတွေထက်သာတဲ့ လူအချို့ကို ရှာတာပါ။ ဒါက ကျွန်တော်တို့အသင်းမှာ မရှိစေချင်တဲ့ ယဉ်ကျေးမှုမျိုးပါ´ ဟု မော်ရင်ဟိုက သတင်းထောက်များအား ပြောကြားခဲ့သည်။

လက်ရှိထုတ်ပြန်ထားသော စကာတင်စာရင်းတွင် ချယ်ဆီးမှ ဖာဘရီဂက်စ်နှင့် ဟဇာ့ဒ်တို့ ပါဝင်နေပြီး မော်ရင်ဟိုကမူ ၎င်း၏ကစားသမားများမှာ ထိုဆုအတွက် စိတ်မ၀င်စားဘဲ အသင်းအတွက်သာ စိတ်ဝင်စားကြကြောင်း၊ ပွဲများ အနိုင်ရရှိရန်အတွက် ကြိုးစားကြကြောင်း ထည့်သွင်းပြောကြားခဲ့သည်။

အင်တာမီလန်အသင်းအား ဖလားသုံးလုံးရရှိအောင် စွမ်းဆောင်ပေးနိုင်ခဲ့သော မော်ရင်ဟိုမှာ ၂၀၁၀ ခုနှစ်က Ballon d’Or ဆု ချီးမြှင့်ပွဲအခမ်းအနားအနားတွင် အကောင်းဆုံး နည်းပြဆုကို ရရှိခဲ့သူဖြစ်သည်။

နိုဝင်ဘာ ၁၅ ၊ ၂၀၁၄
M-Media

– ကမ္ဘာ့ဖလားချန်ပီယံ ဂျာမနီအသင်းတွင် အရေးပါသော အခန်းကဏ္ဍမှ ပါဝင်ခဲ့သည့် ကွင်းလယ်လူ မီဆုအိုဇေးလ်မှာ နွမ်းပါးသူများအား ကူညီမှုအတွက် အားကစားသမားများကို ပေးအပ်ချီးမြှင့်သည့် Laureus Sport For Good ဆုအား ဆွတ်ခူးရရှိခဲ့သည်ဟု သိရသည်။

အိုဇေးလ်မှာ ကမ္ဘာ့ဖလားပြိုင်ပွဲတွင် ရရှိသည့် ဘောနပ်စ်များကို ခွဲစိတ်ကုသရန် လိုအနေသည့် ဘရာဇီးကလေးငယ် ၂၃ ဦးအတွက် လှူဒါန်းခဲ့သောကြောင့် အဆိုပါဆုအား ရရှိခဲ့ခြင်းဖြစ်သည်။ အဆိုပါ ခွဲစိတ်ကုသမှု အားလုံးမှာလည်း အောင်မြင်စွာ ပြီးဆုံးခဲ့သည်။

ဆုပေးပွဲအခမ်းအနားကို ဘာလင်တွင် နိုဝင်ဘာ ၁၂ ရက်နေ့က ကျင်းပပြုလုပ်ခဲ့ခြင်း ဖြစ်ပြီး အိုဇေးလ်ကမူ အဆိုပါဆုအား မိမိ၏အိမ်တွင် အထူးနေရာ ချထားမည်ဟု ပြောကြားခဲ့သည်။

“ကျွန်တော်တို့အသင်းမှာ ကစားသမား ၂၃ ယောက်ရှိတာမို့ ကလေး ၂၃ ယောက်အတွက် လှူဒါန်းဖို့ စိတ်ကူးရခဲ့တာပါ။ ခွဲစိတ်မှု အောင်မြင်စွာပြီးဆုံးသွားခဲ့ပြီး ဆရာဝန်တွေကိုလည်း ကျေးဇူးတင်ပါတယ်။ ကလေးတွေအားလုံး အဆင်ပြေသွားတဲ့အတွက် ကျွန်တော် အရမ်းပျော်ပါတယ်။ ဒီဆုကို ကျွန်တော့်ရဲ့အိမ်မှာ အထူးနေရာ ပေးထားမှာပါ။ ဒီဆုအတွက် ကျေးဇူးတင်ပါတယ်” ဟု ဆုပေးပွဲအခမ်းအနားတွင် အိုဇေးလ်က ပြောကြားခဲ့သည်။

အိုဇေးလ်နှင့်အတူ ယခင်အာဆင်နယ်ကစားသမားဟောင်း လေးမန်းကလည်း ၎င်း၏ ကျော်ကြားမှုအတွက် Laureus Media ဆုကို ရရှိခဲ့သည်။

အိုဇေးလ်ကမူ မိမိအနေဖြင့် မသန်စွမ်းသော ကလေးများအတွက် အကူအညီပေးရေး စီမံကိန်းများကိုလည်း စတင်ဆောင်သွားမည်ဖြစ်ကြောင်း ကတိပြုပြောဆိုခဲ့သည်။

ref_ Daily Mail

နိုဝင်ဘာ ၁၅ ၊ ၂၀၁၄
M-Media

– ကမ္ဘာတစ်ဝှမ်း ကျော်ကြားသည့် ပြည်တွင်းအမှတ်ပေး ဘောလုံးပြိုင်ပွဲများတွင် ပရီးမီးယားလိဂ် ကစားသမားများ၏ လုပ်ခလစာမှာ အမြင့်ဆုံးဖြစ်နေပြီး ကစားသမားတစ်ယောက်၏ တစ်နှစ်ပျမ်းမျှ လစာမှာ ပေါင် ၂.၃ သန်း သို့မဟုတ် တစ်ပတ်လုပ်ခ ပေါင် ၄၃၇၁၄ ရှိသည်ဟု လေ့လာမှုများအရ သိရသည်။

ထိုပမာဏမှာ ကစားသမားတစ်ယောက်၏ တစ်နှစ် ပျမ်းမျှလုပ်ခ ပေါင် ၁.၄၆ သန်းရှိသည့် ဂျာမန် ဘွန်ဒစ်လီဂါထက် ၆၀ ရာခိုင်နှုန်း ပိုမိုများပြားနေသည်။ ၎င်းတို့နောက်တွင် စီးရီးအေက ပျမ်းမျှ ပေါင် ၁.၃ သန်းဖြင့် တတိယနေရာရှိနေကာ လာလီဂါက ၁.၂ သန်းဖြင့် စတုတ္ထနေရာတွင် ရှိနေသည်။

အဆိုပါ စာရင်းကို Sportmail က ကမ္ဘာတစ်ဝှမ်း လိဂ်အသီးသီးရှိ ၀င်ငွေ၊ ထွက်ငွေတို့ကို အခြေခံကာ ကစားသမားများ၏ လုပ်ခလစာများနှင့် ပတ်သက်၍ ကျယ်ကျယ်ပြန့်ပြန့် လေ့လာခဲ့ပြီးနောက် ထုတ်ပြန်ခဲ့ခြင်းဖြစ်သည်။

ထိုလေ့လာမှုအရ ၀င်ငွေပိုကောင်းသည့် လိဂ်များက လုပ်ခလစာအတွက် ပိုမိုသုံးစွဲနိုင်ကာ ပရီးမီးယားလိဂ်မှာ ကမ္ဘာပေါ်တွင် ၀င်ငွေအကောင်းဆုံး လိဂ်ဖြစ်သည်ကို တွေ့ရှိခဲ့ရပြီး တစ်နှစ်ဝင်ငွေမှာ ပေါင် ၁၅၅ သန်း ရှိနေသည်။

ပရီးမီးယားလိဂ်တွင် မန်စီးတီး၊ မန်ယူ၊ ချယ်ဆီးနှင့် အာဆင်နယ်တို့မှာ ကစားသမားများကို လုပ်ခလစာအများဆုံး ပေးသည့်အသင်းများဖြစ်ပြီး ကစားသမားတစ်ဦးအတွက် အမြင့်ဆုံးလုပ်ခအဖြစ် တစ်နှစ်လျှင် ပေါင် ၄ သန်းမှ ငါးသန်းကြား ပေးချေကြသည်။

ref_ Daily Mail