Tag: football

သြဂုတ် ၆ ၊ ၂၀၁၄
M-Media

– ခရိုင်းမီးယားဒေသမှ ထိပ်သီးကလပ်သုံးသင်းအား ရုရှာလိဂ်ပြိုင်ပွဲများသို့ ထည့်သွင်းရေး ကြိုးပမ်းမှုကို ယူအီးအက်ဖ်အေနှင့် ဖီဖာတို့က မည်သည့် တုံ့ပြန်မှုမှ မလုပ်သောကြောင့် ရုရှားဘောလုံးအဖွဲ့ချုပ် RFU မှာ အခက်တွေ့နေရသည်ဟု သိရသည်။

RFU မှ ဇူလိုင်လအတွင်းက ထုတ်ပြန်ခဲ့သော ကြေညာချက်တွင် ဆီဗက်စ်စတိုပိုလ် ဘောလုံးအဖွဲ့ချုပ်နှင့် ခရိုင်းမီးယားဘောလုံးအဖွဲ့ချုပ်တို့အား RFU ၏ ထီးရပ်အောက်သို့ လာမည့် ညီလာခံတွင် ထည့်သွင်းရန် အဆို တင်သွင်းသည်ဟု ဖော်ပြခဲ့သည်။

သို့သော်လည်း ယူကရိန်းလိဂ်တွင် ပါဝင်နေသည့် ခရိုင်းမီးယားအခြေစိုက် TSK Simferopol၊ SKChF Sevastopol နှင့် Zhemchuzhina Yalta ဘောလုံးအသင်းတို့အား ရုရှားလိဂ်သို့ ၀င်ရောက်ယှဉ်ပြိုင်ရေးကို ဥရောပဘောလုံးအဖွဲ့ချုပ် ယူအီးအက်ဖ်အေနှင့် ကမ္ဘာ့ဘောလုံးအဖွဲ့ချုပ် ဖီဖာတို့က ခွင့်ပြုခြင်းမပြုသေးပေ။

ဖီဖာကမူ ၎င်းတို့ထံ တရားဝင်အကြောင်းကြားမှု မရှိသေးဟု ပြောကြားထားပြီး ယူအီးအက်ဖ်အေကမူ မိမိတို့အနေဖြင့် အခြေအနေများကို စောင့်ကြည့်နေကြောင်း ထိုကိစ္စအား ဆွေးနွေးရန်အတွက် နှစ်နိုင်ငံဘောလုံးအဖွဲ့ချုပ်များနှင့် ဆက်သွယ်ထားကြောင်း ပြောကြားခဲ့သည်။

သြဂုတ် ၅ ၊ ၂၀၁၄
M-Media

– ဘရာဇီးလ်အသင်း၏ ဘာစီလိုနာတိုက်စစ်မှူး နေးမာအား နံပါတ် ၉ ပေးထားမှုမှာ အမှားတစ်ခုဖြစ်နေပြီး ပီလီကဲ့သို့ အသုံးပြုသင့်သည်ဟု ဘရာဇီးလ်နည်းပြသစ် ဒွန်ဂါက ပြောကြားလိုက်သည်။

နေးမာအား နည်းပြစကိုလာရီက ကမ္ဘာ့ဖလားပြိုင်ပွဲတွင် ဘယ်တောင်ပံ၌ အသုံးပြုခဲ့သောကြောင့် အထောင်တိုက်စစ်မှူး ဖရဒ်မှာလည်း ဒုက္ခရောက်ခဲ့ရသည်။ နည်းပြသစ် ဒွန်ဂါကမူ အသက် ၂၂ နှစ်အရွယ် နေးမာအား ပီလီကဲ့သို့ ရှေ့တန်းအလယ်လူနေရာတွင် ထားသုံးပါက ပိုမိုတောက်ပလာမည်ဟု ပြောကြားခဲ့သည်။

“ကျွန်တော်တို့ အဖြေရှာရပါမယ်။ ယနေ့ခေတ်ဘောလုံးအားကစားဆိုတာ လှုပ်ရှားပြောင်းလဲနေပြီး အပြောင်းအလဲတွေအများကြီး လိုအပ်ပါတယ်။ နံပါတ် ၉ အသေ သတ်မှတ်ထားတာဟာ တစ်ချို့ပြိုင်ပွဲတွေမှာ ကောင်းကောင်းစွမ်းဆောင်နိုင်ပေမယ့် တစ်ချို့ပွဲတွေမှာတော့ မရပါဘူး။ တိုက်စစ်မှူးဟာ လှုပ်ရှားနေပြီး နေရာလွတ်တွေ ဖန်တီးပေးဖို့ လိုပါတယ်” ဟု ဒွန်ဂါက ပြောကြားခဲ့သည်။

ထို့ပြင် နေးမာအား အကောင်းဆုံး ကစားသမားအဖြစ် ယုံကြည်ပါက ပီလီ၏နေရာတွင် ထားသင့်ပြီး အခြားသူများမှာ နေးမာလက်ရှိကစားနေသည့် နေရာသို့ ပြောင်းလဲကစားသင့်ကြောင်း၊ လူငယ်ကစားသမားများမှာ အသင်းအတွက် မကစားပေးသောကြောင့် အခက်အခဲများဖြင့် ကြုံနေရကြောင်း ဒွန်ဂါက ထည့်သွင်းပြောကြားခဲ့သည်။

၂၀၁၄ ကမ္ဘာ့ဖလားပြိုင်ပွဲတွင် မျှော်မှန်းထားသည့်တိုင်း အောင်မြင်မှုမရရှိသောကြောင့် ပေါ်တူဂီလူမျိုးနည်းပြ စကိုလာရီအား ထုတ်ပယ်ကာ ယခင်နည်းပြဟောင်း ဒွန်ဂါအား ဘရာဇီးလ်ဘောလုံးအဖွဲ့ချုပ်က ခန့်အပ်ခဲ့သည်။

ဇူလိုင် ၂၉၊ ၂၀၁၄
M-Media

– ကမ္ဘာ့ဖလားအတွက် အောင်ပွဲခံရာတွင် ဒေါ့မွန်အသင်းအား ဆဲရေးခဲ့သည့်အတွက် ဂျာမန်ကွင်းလယ်လူ ရှဝိုင်းစတိုင်ဂါက ပြန်လည်တောင်းပန်လိုက်သည်ဟု သိရသည်။

အာဂျင်တီးနားအသင်းအား ၁ ဂိုး ဂိုးမရှိဖြင့်အနိုင်ရရှိကာ ကမ္ဘာ့ဖလားအား ကိုင်မြှောက်နိုင်ခဲ့ပြီး ၂ ရက်အကြာ မြူးနစ်မြို့ရှိ ဘားတစ်ခုတွင် ပြုလုပ်ခဲ့သော အောင်ပွဲခံအခမ်းအနားတွင် ရှဝိုင်းစတိုင်ဂါမှာ “BVB(ဒေါ့မွန်အသင်းအတိုကောက်နာအမည်)..ေ-ွးမသားများ” ဟု ဆဲရေးခဲ့သည်။ ထိုဆဲရေးမှုကို မှတ်တမ်းတင်ထားသည့် ဗီဒီယိုမှာ ပြီးခဲ့သည့် အင်္ဂါနေ့က အင်တာနက်စာမျက်နှာတွင် ပျံ့နှံ့ခဲ့ပြီးနောက် ရှဝိုင်းစတိုင်ဂါက ယခုကဲ့သို့ တောင်းပန်လိုက်ခြင်းဖြစ်သည်။

“ဒေါ့မွန် ပရိတ်သတ်၊ နည်းပြတွေနဲ့ ကစားသမားတွေအားလုံးကို ကျွန်တော် တောင်းပန်ချင်ပါတယ်။ ဒီစကားဟာ ဆဲရေးတိုင်းထွာတဲ့သဘောပါတဲ့ လူတွေသုံးကြတဲ့ ဟာသစကားလုံးတစ်ခုပါ။ ဘယ်သူ့ကိုမှ စိတ်မထိခိုက်စေချင်ပါဘူး။ ဒေါ့မွန်ကစားသမားအားလုံးနဲ့ ကျွန်တော် ကောင်းကောင်းရင်းနှီးပါတယ်” ဟု ရှဝိုင်းစတိုင်ဂါက ၎င်း၏ Facebook စာမျက်နှာတွင် ရေးသားကာ တောင်းပန်ခဲ့သည်။

ဂျာမနီအသင်းအတွင်း ရှဝိုင်းစတိုင်ဂါအပါအ၀င် ဘိုင်ယန်မြူးနစ်ကစားသမား အများအပြားပါဝင်ပြီး ဒေါ့မွန်မှ ကစာသမား ၄ ဦးပါဝင်သည်။