Tag: FranceMuslim

ဇွန် ၁၈၊ ၂၀၁၅
M-Media

– မွတ်စလင်လူ့အဖွဲ့အစည်းနှင့် တွေ့ဆုံဆွေးနွေးမှု တိုးတက်လာရေး ဆောင်ရွက်မှုအဖြစ် ပြစ်သစ်အစိုးရက အစ္စလာမ်မှာ ပြင်သစ်နိုင်ငံလူ့အဖွဲ့အစည်း၏ တစ်စိတ်တစ်ပိုင်းဖြစ်သည်ကို ပြသသည့် ညီလာခံတစ်ခုကို ကျင်းပပြုလုပ်ပေးခဲ့ပြီး နိုင်ငံအတွင်းရှိ ဒုတိယအကြီးဆုံး ဘာသာရေးအဖွဲ့အစည်းဖြစ်သော မွတ်စလင်လူ့အဖွဲ့အစည်းနှင့် ဆက်ဆံရေး တည်ဆောက်ခဲ့သည်။

“အစ္စလာမ်ကို နားလည်မှုလွဲမှားတာတွေ၊ တင်ကူးမှန်းဆတာတွေ ရှိနေတုန်းဖြစ်ပြီး တစ်ချို့နိုင်ငံသားတွေက အစ္စလာမ်ကို ငြင်းဆန်ကြပါတယ်။ ဒါပေမယ့် အစ္စလာမ်ဟာ ပြင်သစ်မှာ ရှိရမှာပါ။ ဒါဟာ ကျွန်တော်တို့တိုင်းပြည်မှာ ဒုတိယအကြီးဆုံး ဘာသာရေးအုပ်စုလည်း ဖြစ်ပါတယ်” ဟု ပြင်သစ်ဝန်ကြီးချုပ် မန်နျူယဲလ် ဗားလက်စ်က အဆိုပါညီလာခံတွင် ပြောကြားခဲ့သည်ဟု AFP သတင်းဌာနက အင်္ဂါနေ့တွင် ဖော်ပြခဲ့သည်။

အခမ်းအနားကို ဇွန်လ ၁၅ ရက် တနင်္လာနေ့က ပြည်ထဲရေးဝန်ကြီးဌာနတွင် ကျင်းပပြုလုပ်ခဲ့ခြင်းဖြစ်ပြီး မွတ်စလင်လူ့အဖွဲ့အစည်းမှ ခေါင်းဆောင်များ၊ အစိုးရထိပ်တန်းအရာရှိများ အပါအ၀င် လူပေါင်း ၁၂၀ ခန့် တက်ရောက်ခဲ့ကြသည်။

အစိုးရတာဝန်ရှိသူများနှင့် မွတ်စလင်ခေါင်းဆောင်များ တွေ့ဆုံမှုတွင် အဆိုပါညီလာခံမှာ ပထမဆုံးအကြိမ်ဖြစ်ပြီး ၀န်ကြီးချုပ်ဗားလက်စ်က အဖွင့်မိန့်ခွန်းတွင် အစ္စလာမ်နှင့် အစွန်းရောက်ဝါဒတို့အကြား ချိတ်ဆက်မှု မရှိဟု ဆိုသည်။

“ဒါတွေ(အစွန်းရောက်မှု) အားလုံးဟာ အစ္စလာမ်မဟုတ်ဘူးဆိုတာ ကျွန်တော်တို့ ပြောကိုပြောရပါမယ်။ အမုန်းစကားတွေ၊ ဇီယွန်ဝါဒ ဆန့်ကျင်ရေးနောက်ကွယ်မှာ ပုန်းကွယ်နေတဲ့ ဂျူးဆန့်ကျင်ရေးဝါဒတွေ၊ အစ္စရေးကိုမုန်းတာတွေ၊ ကျွန်တော်တို့ပတ်ဝန်းကျင်၊အကျဉ်းထောင်တွေထဲမှာ ကိုယ့်ဟာကိုယ် အီမာမ်လို့ ကြွေးကြော်ထားကြသူတွေဟာ အကြမ်းဖက်တိုက်ခိုက်မှုနဲ့ အကြမ်းဖက်ဝါဒကို လှုံ့ဆော်ပေးနေကြပါတယ်” ဟု ဗားလက်စ်က ပြောကြားခဲ့သည်။

ပြီးခဲ့သည့်ဇန်န၀ါရီက ပဲရစ်မြို့ရှိ မဂ္ဂဇင်းတိုက် တိုက်ခိုက်မှုဖြစ်ပွားပြီးနောက်ပိုင်း နိုင်ငံအတွင်းရှိ ၆ သန်းသော အစ္စလာမ်ဘာသာဝင်များမှာ အမုန်းတရားများနှင့် တိုးမြှင့်ရင်ဆိုင်လာရချိန်တွင် ယခုကဲ့သို့ အခမ်းအနားမျိုး ဖြစ်လာခဲ့ခြင်း ဖြစ်သည်။

အဆိုပါတိုက်ခိုက်မှုနောက်ပိုင်း တစ်လအတွင်း ပြင်သစ်နိုင်ငံတစ်ဝှမ်းတွင် အစ္စလာမ်ဆန့်ကျင်ရေး လှုပ်ရှားမှုများ ၂၂၀ ကျော်ခန့် ဖြစ်ပွားခဲ့ပြီး မွတ်စလင်များအား ပစ်မှတ်ထားသည့် တိုက်ခိုက်မှုများမှာလည်း ၁၀၀ ကျော် ဖြစ်ပွားခဲ့သည်။

အရေးယူဖို့လိုပြီ

နိုင်ငံအတွင်းရှိ အစ္စလာမ်ဘာသာဝင်များ၏ ဘာသာရေးလှုပ်ရှာမှုများကို ရပ်တန့်ရန် ပြင်သစ် လက်ယာစွန်းရောက်ခေါင်းဆောင်များ၏ ဆော်သြမှုကို ထောက်ပြ၍ အစိုးရအနေဖြင့် ထိုကဲ့သို့သော ကိစ္စများကို အရေးယူရန် မွတ်စလင်ခေါင်းဆောင်များက အဆိုပါညီလာခံတွင် တိုက်တွန်းခဲ့သည်။

“အစွန်းရောက်တွေ၊ ရောကြိတ်ခံရတာတွေကို ကျွန်တော်တို့ မနှစ်မြို့ဘူးဆိုတာပြသဖို့ ဒီလိုညီလာခံက အခွင့်အလမ်းတစ်ခု ဖြစ်ပါတယ်။ အကြမ်းဖက်တိုက်ခိုက်မှုအတွက် တာဝန်ရှိသူတွေဟာ အခြားနေရာကဖြစ်ပြီး ကျွန်တော်တို့ မဟုတ်ပါဘူး” ဟု ပြင်သစ်မွတ်စလင်ကောင်စီမှ ဥက္ကဌဖြစ်သူ ဒါလီလ် ဘောက်ဘက်ကွာက ပြောကြားခဲ့သည်ဟု AFP သတင်းဌာနက ဖော်ပြခဲ့သည်။

ပြင်သစ်ပြည်ထဲရေးဝန်ကြီး ဘားနက် ကာဇီနျူဗီကမူ မွတ်စလင်များ၏ ဘေးအန္တရာယ်ကင်းရှင်းရေးနှင့် ပတ်သက်၍ အာမခံခဲ့ပြီး ဗလီဝတ်ကျောင်းတော်များ လုံခြုံရေးကိုလည်း ဆက်လက်လုပ်ဆောင်သွားမည်ဟု ကတိပြုခဲ့သည်။

“ခြိမ်းခြောက်မှုတွေ ရှိနေသမျှ ကာလပတ်လုံး ခင်ဗျားတို့ရဲ့ ၀တ်ပြုရာနေရာတွေကို ကာကွယ်ပေးမယ်လို့ ကျွန်တော်ရဲ့ အလုံးစုံသော ကတိက၀တ်ကို ခင်ဗျားတို့ကို ပေးချင်ပါတယ်” ဟု ၀န်ကြီးက ပြောကြားခဲ့သည်။

ယခုအချိန်တွင် ပြင်သစ်နိုင်ငံအတွင်းရှိ ဗလီဝတ်ကျောင်းတော်များ၏ ၄၀ ရာခိုင်နှုန်းမှာ ရဲတပ်ဖွဲ့၏ ကာကွယ်စောင့်ရှောက်မှုအောက်တွင် ရှိနေသည်။ ပြည်ထဲရေးဝန်ကြီးကမူ အစ္စလာမ်ကြောက်ရောဂါမှ ဖြစ်လာသည့် တိုက်ခိုက်မှုများမှာ မြင့်တက်လာသည်ဟု ခန့်မှန်းခဲ့ပြီး တိုက်ခိုက်ခံရသူအများစုမှာ ရဲတပ်ဖွဲ့သို့ လာရောက်တိုင်ကြားခြင်းမပြုရန် ရွေးချယ်ကြသည်ဟု ထည့်သွင်းပြောကြားခဲ့သည်။

ထိုကဲ့သို့ တိုင်ကြားမှု မပြုခြင်းမှာ နိုင်ငံအတွင်း ယေဘူယျအားဖြင့် မွတ်စလင်ဆန့်ကျင်ရေး အကြမ်းဖက်တိုက်ခိုက်မှုများကို လျော့တွက်ခြင်းကြောင့်ဖြစ်သည်ဟု ဆိုသည်။

“ဒီလိုကြိတ်မှိတ်သည်းခံတာမျိုးကို ကျွန်တော်တို့ အတူတကွ တိုက်ထုတ်ချင်ပါတယ်။ တိုက်ခိုက်ခံရသူတွေဟာ တိုက်ခိုက်မှုတွေကို မဖြစ်မနေတိုင်ကြားရမှာပါ” ဟု ကာဇီနျူဗီက ထည့်သွင်းပြောကြားခဲ့သည်။

ပြင်သစ်နိုင်ငံတွင် အစ္စလာမ်ဘာသာကို သက်ဝင်ယုံကြည်သူဦးရေမှာ ၆ သန်းနီးပါးရှိပြီး ဥရောပတွင် အများဆုံး ပမာဏလည်းဖြစ်သည်။

Ref: Onislam

မေ ၁၇၊ ၂၀၁၅
M-Media

– အစ္စလာမ်သာသနာအား ၂၀၂၇ ခုနှစ်တွင် ပိတ်ပင်ရမည်ဟု ပြောကြားခဲ့သော ပြင်သစ်နိုင်ငံမှ အုပ်ချုပ်ရေးမှူးတစ်ဦးကို လူ့အခွင့်အရေးအဖွဲ့များက ရှုတ်ချလိုက်ပြီး ၎င်းကိုယ်စားပြုသော ပါတီ၏ အဖွဲ့ဝင်များကပင် ၎င်းအား ထုတ်ပယ်ရန် တိုက်တွန်းနေကြသည်။

“Union for a Popular Movement (UMP) ပါတီရဲ့ တန်ဖိုးနဲ့ အစီအစဉ်တွေကို ဘယ်လိုနည်းနဲ့မှ ရောင်ပြန်မဟပ်တဲ့ အဓိပ္ပါယ်မရှိတဲ့ ဒီပြောကြားချက်တွေအတွက် သူ့ကို ထုတ်ပယ်ရေး လုပ်ငန်းစဉ်ကိုဆောင်ရွက်ဖို့ ကျွန်တော် တိုက်တွန်းပါတယ်” ဟု အဆိုပါ ကွန်ဆာဗေးတစ်ပါတီ၏ ဒုတိယဥက္ကဌ နာသာလီ ကော့စဇ်ကို မိုရီဇတ်က AFP သတင်းဌာနသို မေလ ၁၅ ရက်နေ့တွင် ပြောကြားခဲ့သည်။

နိုင်ငံတောင်ပိုင်း ဗီနဲလက်စ်မြို့မှ အုပ်ချုပ်ရေးမှူးတစ်ဦးဖြစ်သူ ရောဘတ် ချာဒန်မှာ “အစ္စလာမ်သာသနာကို ၂၀၂၇ အောက်တိုဘာ ၁၈ ရက်နေ့ ပြင်သစ်မှာ ပိတ်ပင်ရမယ်” ဆိုသည့် မှတ်ချက်ကို Twitter တွင် မေလ ၁၄ ရက်နေ့က အကြိမ်ကြိမ် ပြန်လည်မျှဝေခဲ့သည်။

ထို့ပြင် အစ္စလာမ်သာသနာအား လိုက်နာသူ မည်သူ့ကိုမဆို အစောင့်အရှောက်ဖြင့် နယ်စပ်သို့ ချက်ချင်းပို့ရမည်ဟု ထည့်သွင်း ပြောကြားခဲ့သည်။

ချာဒန်၏ အဆိုပါ စော်ကားသည့် ပြောကြားချက်များကို သမ္မတဟောင်း နီကိုလက်စ် ဆာကိုဇီအပါအ၀င် ကွန်ဆာဗေးတစ်များက ကျယ်ကျယ်ပြန့်ပြန့် ဆန့်ကျင် ရှုတ်ချခဲ့ကြသည်။

UMP ၏ ပြောရေးဆိုခွင့်ရှိသူကလည်း အစ္စလာမ်ဆန့်ကျင်ရေးလုပ်သည့် အဆိုပါ အုပ်ချုပ်ရေးမှူးကို မောင်းထုတ်ရန် စီစဉ်နေသည်ဟုဆိုသည်။

“ကျွန်တော်တို့ ဒါကို ရှုတ်ချပါတယ်။ ဒါပေမယ့် ဒီပြဿနာနဲ့ပတ်သက်လို့ တရားဝင်မှတ်ချက်တော့ မထုတ်ရသေးပါဘူး။ (ချာဒန်ကို ပါတီက) ထုတ်ပယ်ဖို့နဲ့ပတ်သက်လို့ လုပ်ငန်းစဉ်တွေကို ကျွန်တော်တို့ စတင်နေပါပြီ” ဟု UMP မှ ပြောရေးဆိုခွင့်ရှိသူ ပီယာရီ အဲလ်ဘတ် မာဇာရ်စ်က အလ်ဂျာဇီးရား သတင်းဌာနသို့ ပြောကြားခဲ့သည်။

ပြင်သစ်နိုင်ငံ၏ ဒုတိယ ကိုးကွယ်မှုအများဆုံးဖြစ်သော အစ္စလာမ်အား ပိတ်ပင်ရန် ပြောကြားမှုအပြင် ချာဒန်က ပြင်သစ်၏ လောကီဦးစားပေး ဥပဒေကို ဖျက်သိမ်းရန်နှင့် ခရစ်ယာန်သာသနာ ကျင့်သုံးသူများကို ဦးစားပေးရန် သတ်မှတ်ထားသော ဖွဲ့စည်းပုံ ပြင်ဆင်ရေးတို့ကို ဆောင်ရွက်ရန် တိုက်တွန်းခဲ့သည်။

ပြင်သစ်နိုင်ငံတွင် အစ္စလာမ်ကို သက်ဝင်ယုံကြည်သူမှာ ၇ သန်းခန့်ရှိပြီး ဥရောပတွင် အကြီးဆုံး ပမာဏဖြစ်သည်။

အဓိပ္ပါယ်မရှိ

မွတ်စလင်များအရေးကို ကိုယ်စားပြုဆောင်ရွက်သော Parti des Indigènes de la République (PIR) ပါတီက အစ္စလာမ်သာသနာအား ပိတ်ပင်ရန် ထိုပြောကြားမှုကို ရှုတ်ချခဲ့ပြီး ထိုပြောကြားမှုမှာ အဓိပ္ပါယ်မရှိသော ပြောကြားမှုသာဖြစ်သည်ဟု ဆိုသည်။

အမျိုးသား အစ္စလာမ်ကြောက်ရောဂါ စောင့်ကြည့်လေ့လာရေးအဖွဲ့က ပြီးခဲ့သည့် ဧပြီလတွင် ၂၀၁၅ ခုနှစ် ပထမ ၃ လ အတွင်း အစ္စလာမ်ကြောက်ရောဂါကြောင့် တိုက်ခိုက်မှုများမှာ ၂၀၁၄ ခုနှစ်ကနှစ်စာလျှင် ၆ ဆခန့် မကြုံစဖူး မြင့်တက်လာသည်ဟု သတိပေးခဲ့သည်။

၂၀၁၁ ခုနှစ် ပထမ ၃ လနှင့် ယှဉ်လျှင် အစ္စလာမ်ကြောက် လှုပ်ရှားမှုများမှာ ၅၀၀ ရာခိုင်နှုန်း မြင့်တက်လာခဲ့သည်ဟု အဆိုပါအဖွဲ့က ထည့်သွင်းဖော်ပြခဲ့သည်။

ပဲရစ်ရှိ မဂ္ဂဇင်းတိုက် တိုက်ခိုက်ခံရမှုနောက်ပိုင်း ပြင်သစ်မွတ်စလင်များ၏ အခြေအနေမှာ ဆိုးရွားလာခဲ့ပြီး ရဲတပ်ဖွဲ့သို့ တိုင်ကြားခဲ့သော မွတ်စလင်များအား ပစ်မှတ်ထားသည့် တိုက်ခိုက်မှုပင် ၁၀၀ ကျော်ရှိခဲ့သည်။

စောင့်ကြည့်ရေးအဖွဲ့မူ မွတ်စလင်ဆန့်ကျင်ရေး ဆောင်ရွက်မှုများမှာ ဇန်န၀ါရီလက မဂ္ဂဇင်းတိုက် တိုက်ခိုက်မှုအပြီး ပထမလမှာပင် ၂၂၂ ခုကျော်ရှိခဲ့သည်ဟု ပြောကြားခဲ့သည်။

Ref: Onislam

ဧပြီ ၃၀၊ ၂၀၁၅
M-Media

– မွတ်စလင်အမျိုးသမီးများ စကတ်အရှည်ဝတ်ဆင်မှုမှာ ဘာသာရေးဆန်သည်ဟုဆိုကာ ပြင်သစ်ရှိ ကျောင်းတစ်ကျောင်းက ပိတ်ပင်ခဲ့မှုနှင့်ပတ်သက်၍ ပြစ်သစ် မွတ်စလင်လူ့အဖွဲ့အစည်းအတွင်း မကျေလည်မှုများ ဖြစ်ပေါ်ခဲ့ရသည်။

“စကတ်ဆိုတာက ဘာမှ ထွေထွေထူးထူးမဟုတ်ပါဘူး။ အရမ်းကို ရိုးရှင်းပြီး ဆန်းပြားတာမျိုးလည်း မဟုတ်ပါဘူး” ဟု အဆိုပါ ကျောင်းမှ ကျောင်းသူတစ်ဦးဖြစ်သူ ဆာရာက AFP သတင်းဌာနသို့ ဧပြီ ၂၈ ရက်နေ့တွင် ပြောကြားခဲ့သည်။

နိုင်ငံအရှေ့မြောက်ပိုင်း Charleville-Mezieres မြို့တွင် ကျောင်းတက်နေသည့် ဆာရာမှာ စကတ်အရှည်ဝတ်သောကြောင့် ယခုလအတွင်း အတန်းထဲသို့ဝင်ရောက်ခြင်းကို ၂ ကြိမ်တိုင်တိုင် ပိတ်ပင်ခြင်းခံခဲ့ရပြီး ကျောင်းအုပ်ကြီးက သူမ၏ စကတ်အရှည်မှာ သိသိသာသာ ဘာသာရေးဆန်နေသည်ဟု ပြောကြားခဲ့သည်။

“ဒီကောင်မလေးကို ပေးမ၀င်တာမဟုတ်ပါဘူး။ ရိုးရိုးဝတ်စုံဝတ်ပြီး ပြန်လာခိုင်းလိုက်တာပါ။ သူ့အဖေက သူ့သမီးကို ကျောင်းပြန်မပို့ချင်ပုံ ရပါတယ်” ဟု ဒေသတွင်း ပညာရေးဆိုင်ရာ တာဝန်ရှိသူ ပက်ထရစ် ဒူတော့က ပြောကြားခဲ့သည်။

ကျောင်းတာဝန်ရှိသူများ၏ ပြောကြားချက်အရ ဆာရာမှာ ၎င်း၏ ဟီဂျဘ်ကို ကျောင်းအဆောက်အဦးအတွင်းသို့ မ၀င်ခင် ချွတ်လေ့ရှိသည်ဟု သိရသည်။

အဆိုပါကျောင်း၏ ဆုံးဖြတ်ချက်က နိုင်ငံသားများအကြားတွင် မကျေလည်မှုကို ဖြစ်စေပြီး ဆိုရှယ်မီဒီယာတွင် #JePorteMaJupeCommeJeVeux (ကိုယ်နှစ်သက်၍ စကတ်ဝတ်သည်) ဟူသော ခေါင်းစဉ်ဖြင့် လှုပ်ရှားမှု ပြုလုပ်ခဲ့ပြီး စတင်ပြီး သိပ်မကြာခင်မှာပင် လူသိများလာခဲ့သည်။

“လူဖြူတစ်ယောက် ဒါကိုဝတ်ရင် ခေတ်မှီတာပါပဲ။ တကယ်လို့ မွတ်စလင်တစ်ယောက်က ၀တ်ရင်တော့ အဲဒါဟာ မျက်စိစပါးမွှေးစူးစရာ ဖြစ်လာပါတယ်” ဟု Twitter အသုံးပြုသူတစ်ဦးက ရေးသားခဲ့သည်။

သို့သော်လည်း ဒေသတွင် ပညာရေးရုံးက အဆိုပါကျောင်း၏ စကတ်အရှည် ပိတ်ပင်မှုအား ထောက်ခံခဲ့ပြီး ထိုဝတ်စုံက ရန်စမှုအစိတ်အပိုင်းဖြစ်သည်ဟု ပြောကြားခဲ့သည်။

“ကျောင်းသားတွေက စုပေါင်းပြီး ဆန့်ကျင်လာတဲ့အခါ ဥပမာအားဖြင့် မျက်နှာကို ဖုံးအုပ်တာမျိုးလို ထင်သာမြင်သာရှိတဲ့ ကိစ္စရပ်မျိုးတွေလည်း ပိုပြီး ပါလာမှာပါ။ ပညာရေးအတွက် လောကီသီးသန့်မူဘောင်ကို အသေအချာ သတိထားရမှာဖြစ်ပြီး အာမခံပေးရပါမယ်” ဟု ဒေသတွင်း ပညာရေးရုံးမှထုတ်ပြန်သော ကြေညာချက်တွင် ဖော်ပြထားသည်။

ဆာရာ၏ ထိုပြဿနာမှာ ပြင်သစ်နိုင်ငံတွင် ပထမဆုံးမဟုတ်ချေ။ ပြီခဲ့သည့်နှစ်က နိုင်ငံတစ်ဝှမ်းရှိ ကျောင်းသား ၁၃၀ ခန့်မှာ ဘာသာရေးနွယ်သည့် ၀တ်စားဆင်ယင်မှုများကြောင့် စာသင်ခန်းအတွင်းသို့ ၀င်ရောက်မှုအား တားဆီးခြင်းခံခဲ့ရသည်ဟု CCIF အစ္စလာမ်ကြောက်ရောဂါ စောင့်ကြည့်ရေးအဖွဲ့က ဆိုသည်။

“စကတ်အရှည်ဝတ်တာက ဘာမှ နေမထိထိုင်မသာ ဖြစ်စရာကိစ္စ မဟုတ်ပါဘူး။ စိတ်ကစဥ့်ကလျားရောဂါ ကြီးနေလို့သာ ဒါမျိုးဖြစ်နေတာပါ” ဟု နိုင်ငံလုံးဆိုင်ရာ အစ္စလာမ်ကြောက်ရောဂါ စောင့်ကြည့်ရေးအဖွဲ့မှ ဥက္ကဌဖြစ်သူ အဗ္ဗဒူလာ ဇက်ရီက ပြောကြားခဲ့သည်။

ပြင်သစ်နိုင်ငံတွင် အစ္စလာမ်ဘာသာဝင်ဦးရေမှာ ၆ သန်းခန့်ရှိပြီး ဥရောပ၌ အများဆုံးဖြစ်သည်။ ပြင်သစ်မွတ်စလင်များမှာ မကြာသေးမီကာလအတွင်း ၎င်းတို့၏ ဘာသာရေးဆိုင်ရာ ကျင့်သုံးမှုများအား ကန့်သတ်ခြင်းခံရမှုနှင့် ပတ်သက်၍ စောဒကတက်မှုများ ရှိနေသည်။

၂၀၀၄ ခုနှစ်က ပြင်သစ်မှာ အများပြည်သူနှင့် သက်ဆိုင်သည့်နေရာများတွင် ဟီဂျဘ်ဝတ်ဆင်ခြင်းကို တားမြစ်ခဲ့ပြီး အခြားဥရောပနိုင်ငံများကလည်း ထိုကဲ့သို့ လိုက်လံ လုပ်ဆောင်ခဲ့ကြသည်။

Ref: Onislam