ဧပြီ ၂၂၊ ၂၀၁၇
M-Media
– ပြင်သစ်နိုင်ငံရဲ့ အကြီးဆုံးဝတ်ပြုရာနေရာတွေထဲ တစ်ခုဖြစ်တဲ့ ပဲရစ်က ဂျာမေဗလီဝတ်ကျောင်းတော်ကြီးဟာ တစ်ကြိမ်မှာ လူပေါင်း ၅၀၀၀ လောက် တစ်ပြိုင်နက် ၀တ်ပြုနိုင်ပါတယ်။
မနေ့က သောကြာနေ့ဝတ်ပြုမှုမှာ ရှေ့ဆောင်အီမာမ်က တရားဒေသနာကို အဆုံးသတ်ပြီးတဲ့နောက် ၀တ်ပြုသူတွေဟာ သင့်တော်တဲ့နေရာတွေမှာ ၀င်ရောက်ပြီး ၀တ်ပြုဆုတောင်းဖို့ နေရာယူကြပါတယ်။
ဒီဝတ်ပြုဆုတောင်းမှုမှာ နောက်ဆက်တွဲ ကြေငြာချက်တစ်ခုလည်း ပါဝင်ခဲ့ပြီး ဒါကတော့ IS အကြမ်းဖက်အဖွဲ့က ကြာသာပတေးနေ့မှာ ထပ်ပြီး ကျူးလွန်လိုက်တဲ့ အကြမ်းဖက်တိုက်ခိုက်မှုကို ရှုတ်ချခြင်းပါ။
“တစ်ချို့လူတွေက ဒီလုပ်ရပ်တွေနဲ့ အစ္စလာမ်သာသနာကို ဆက်စပ်ချင်ကြပါတယ်။ ဒါပေမယ့် ဒီဖြစ်ပျက်ခဲ့တာတွေနဲ့ အစ္စလာမ်သာသနာက ဘာမှမပတ်သက်ပါဘူး” လို့ ရှေ့ဆောင်အီမာမ်က အာရဘီဘာသာစကားနဲ့ ပြောကြားခဲ့ပါတယ်။
အဲဒီနောက်ပိုင်းမှာ ဗလီဝတ်ကျောင်းတော်ကြီးရဲ့ ဂေါပကအဖွဲ့ဝင်တစ်ယောက်က မြို့ရဲ့ ထင်ရှားတဲ့ Champs Elysees နေရာမှာ ဖြစ်ပွားခဲ့တဲ့ တိုက်ခိုက်မှုပြုလုပ်သူကို ရှုတ်ချပြီး၊ အခင်းဖြစ်ပွားမှုမှာ သေဆုံးခဲ့တဲ့ ရဲတပ်ဖွဲ့ဝင်ကို ဂုဏ်ပြုတဲ့ ကြေငြာချက်တစ်စောင်ကို ဖတ်ပြခဲ့ပါတယ်။
“ဒီလုပ်ရပ်ဟာ ပြင်သစ်မွတ်စလင်တွေကို တော်တော်လေး တုန်လှုပ်သွားစေပါတယ်။ ကျွန်တော်တို့ကို အသက်ပေးပြီး ကာကွယ်ပေးတဲ့ ရဲတပ်ဖွဲ့ကိုလည်း ချီးကျူးဂုဏ်ပြုပါတယ်” လို့ ကြေငြာချက်က ဆိုပါတယ်။
ဒီ ပဲရစ် ဗလီဝတ်ကျောင်းတော်ကြီးကို ၁၉၂၆ ခုနှစ်မှာ ဆောက်လုပ်ခဲ့ပြီး ပထမကမ္ဘာစစ်မှာ ပြင်သစ်နိုင်ငံအတွက် အသက်သွေးချွေးပေးဆပ်ခဲ့ကြတဲ့ ထောင်သောင်းချီတဲ့ မွတ်စလင်စစ်သားတွေကို ပြင်သစ်နိုင်ငံက လက်ဆောင်အဖြစ် ပေးအပ်ခဲ့တာ ဖြစ်ပါတယ်။
ဒုတိယကမ္ဘာစစ် နာဇီဂျာမနီက ပြင်သစ်ကို သိမ်းပိုက်ခဲ့တဲ့အခါမှာလည်း ဒီဗလီဝတ်ကျောင်းတော်က ဂေါပကအဖွဲ့ဟာ ပြင်သစ်ဂျူးအချို့ကို မွတ်စလင်အဖြစ် မွေးဖွားခဲ့တယ်ဆိုတဲ့ မွေးစာရင်းအတုတွေလုပ်ပေးကာ နာဇီတို့ရဲ့ အစုလိုက်အပြုံလိုက် သတ်ဖြတ်မှုကနေ ကယ်တင်ခဲ့ပါတယ်။
ဗလီဝတ်ကျောင်းတော်ရဲ့ ပြောရေးဆိုခွင့်ရှိသူ ဆလီမာနီ နာဒူရ်က အခုနောက်ပိုင်းမှာ ပုံမှန်လိုလိုဖြစ်လာတဲ့ IS အကြမ်းဖက်အဖွဲ့ရဲ့ တိုက်ခိုက်မှုတွေကြောင့် စိတ်ထိခိုက်ရပြီး ဒါတွေက နိုင်ငံအတွင်း လူမှုဆက်ဆံရေးနယ်ပယ်မှာ ထိခိုက်စေတယ်လို့ ပြောကြားခဲ့ပါတယ်။
“ဒီတိုက်ခိုက်မှုတွေ ဆက်လက်ဖြစ်ပွားနေတယ်ဆိုတာ ကြောက်စရာပါ” လို့ နာဒူရ်ကဆိုပြီး ပြီးခဲ့တဲ့နှစ် ဇူလိုင်လမှာ နော်မန်ဒီအနောက်ပိုင်းက ခရစ်ယာန်ဘုန်းတော်ကြီး အသတ်ခံရမှု၊ အဲဒီလမှာပဲ လူဒါဇင်နဲ့ချီ သေဆုံးခဲ့တဲ့ နိုက်စ်မြို့က တိုက်ခိုက်မှုတွေကို ပြန်ပြောင်း ပြောကြားခဲ့ပါတယ်။
နောက်ပြီး ဒီလိုတိုက်ခိုက်မှုဟာ အကျင့်စာရိတ္တဆိုးရွားမှုကြောင့် ဖြစ်လာတဲ့ လုပ်ရပ်တွေသာမကဘဲ ပြင်သစ်မွတ်စလင်တွေနဲ့ အခြား လူ့အဖွဲ့အစည်းတွေအကြားမှာ သွေးကွဲအောင် တမင်သက်သက် ဖန်တီးနေတာဖြစ်တယ်လို့ ဆိုပါတယ်။
“ဒီအကြမ်းဖက်သမားတွေရဲ့ ရည်ရွယ်ချက်က လူ့အဖွဲ့အစည်းအတွင်းမှာ သွေးကွဲစေဖို့ဖြစ်ပြီး မွတ်စလင်တွေနဲ့ မွတ်စလင်မဟုတ်သူတွေ မတည့်အောင် လုပ်ဖို့ပါ။ သူတို့ မအောင်မြင်ပါဘူး။ နောက်ထပ်လည်း အောင်မြင်မှာ မဟုတ်ပါဘူး။ ဒီလူတွေဟာ အစ္စလာမ်သာသနာကို ကိုယ်စားမပြုဘူးဆိုတာ ပြင်သစ်ပြည်သူတွေက သိနေကြပါပြီး၊ မွတ်စလင်တွေထဲက ဒီလိုအလုပ်တွေလုပ်နေတဲ့သူတွေဟာ လူနည်းစုလေးပါ”
စိတ်မနှံသူများ
ဝတ်ပြုဆုတောင်းမှုအပြီး ဗလီဝတ်ကျောင်းတော်က ထွက်လာခဲ့တဲ့ ပြင်သစ်မွတ်စလင်တွေကလည်း ဒီလို အကြမ်းဖက်တိုက်ခိုက်မှုတွေကို ရှုတ်ချခဲ့ကြပါတယ်။
ကမာလ်ဆိုသူ မွတ်စလင်တစ်ဦးကတော့ လူတွေဟာ လွယ်လွယ်ကူကူပဲ IS ရဲ့ ဖျားယောင်းမှုခံရတာကို မကျေမနပ် ဖြစ်နေပါတယ်။
“ဒီလူတွေက အရူးတွေဗျ။ အိမ်ရှေ့ကို ထွက်ပြီး လက်နက်မရှိရင်တောင် တွေ့ကရာနဲ့ အခြားသူတွေကို တိုက်ခိုက်မယ့်သူတွေ’ လို့ ကမာလ်က ပြောကြားခဲ့ပါတယ်။
ကလေးတွေ၊ အသက်အရွယ်ကြီးရင့်တဲ့ ဆွေမျိုးတွေနဲ့အတူ ၀တ်ပြုဆုတောင်းဖို့ ဗလီဝတ်ကျောင်းတော်ကို လာရောက်ခဲ့တဲ့ ဆာလေဟာကလည်း ဒီအကြမ်းဖက်တိုက်ခိုက်မှုကြောင့် တုန်လှုပ်ရတယ်လို့ ဖွင့်ဟခဲ့ပါတယ်။
“ဖြစ်ရပ်ဆိုးရှင့်၊ ဒီလိုသတ်ဖြတ်မှုမျိုးက ကျွန်မတို့ရဲ့ ယုံကြည်ချက်နဲ့ဆန့်ကျင်တယ် .. ဖြစ်ခဲ့တာတွေအားလုံးကလည်း ကျွန်မတို့ရဲ့ တန်ဖိုးနဲ့ တစ်ခြားစီပါပဲ”
သမ္မတရွေးကောက်ပွဲလုပ်ဖို့ ရက်အနည်းငယ်သာ ကြာမြင့်တဲ့အချိန်မှာ ဒီလိုဖြစ်ရပ်မျိုး ဖြစ်ပွားခဲ့တာက နိုင်ငံအတွင်းက မွတ်စလင်လူနည်းစုတွေအပေါ် ပစ်မှတ်ထားတဲ့ တင်းကြပ်တဲ့ဥပဒေတွေပြဌာန်းချင်တဲ့ ကိုယ်စားလှယ်တွေကို တွန်းအားပေးလိုက်တာမျိုး ဖြစ်နိုင်တယ်ဆိုတဲ့ စိုးရိမ်မှုတွေလည်း ရှိနေပါတယ်။
အသက် ၂၃ နှစ်အရွယ် အက်စ်မားကတော့ ဖြစ်ပြီးခဲ့တဲ့ တိုက်ခိုက်မှုတွေကြောင့် မွတ်စလင်တွေဟာ ခြိမ်းခြောက်မှုတစ်ခုအဖြစ် အထင်ခံရတယ်ဆိုတာကို ပြသနေတယ်လို့ ပြောကြားခဲ့ပါတယ်။
“မွတ်စလင်တွေအပေါ်မှာ မကောင်းမြင်တာတွေက တော်တော်များများရှိနေတယ်။ ဒါ့ကြောင့် ဒီဖြစ်ရပ်က ဆိုးနေတဲ့အခြေအနေကို ထပ်ပြီး ဆိုးရွားစေမှာပါ”
Ref: Aljazeera
