Tag: Gambia

ဇန်န၀ါရီ ၂၀၊ ၂၀၁၇
M-Media

– ဂမ်ဘီယာ အာဏာရှင် ယဟ်ယာ ဂျာမေဟ်အနေဖြင့် သောကြာနေ့နေ့လည် နောက်ဆုံးထား၍ ရာထူးမှဆင်းပေးရန် ဒေသတွင်းနိုင်ငံများက နောက်ဆုံးရာဇသံပေးထားပြီး မလိုက်နာပါက စစ်ရေးအရ အရေးယူသွားမည်ဟု ထပ်မံသတိပေးလိုက်သည်။

ဒီဇင်ဘာ ၁ ရက်နေ့ ရွေးကောက်ပွဲတွင် အတိုက်အခံခေါင်းဆောင် အဒါမာ ဘာရိုးအား ရှုံးနိမ့်ခဲ့ပြီးနောက် ရာထူးမှ ဆင်းပေးရန် ငြင်းဆိုခဲ့သည့် ဂျာမေဟ်၏သက်တမ်းမှာ ဗုဒ္ဓဟူးနေ့ည သန်းခေါင်ယံအချိန်တွင် ကုန်ဆုံးသွားပြီဖြစ်ပြီး၊ ကြာသာပတေးနေ့က ဘာရိုးမှာ ဆီနီဂေါနိုင်ငံရှိ ဂမ်ဘီယာသံရုံးတွင် သမ္မတသစ်အဖြစ် ကျမ်းကျိန်ခဲ့သည်။

လက်ရှိတွင် အနောက်အာဖရိကနိုင်ငံများအဖွဲ့ဖြစ်သော ECOWAS မှ တပ်များမှာ ဂမ်ဘီယာနိုင်ငံအတွင်းသို့ ရောက်ရှိနေပြီး စစ်ရေးလှုပ်ရှားမှုများကို ရပ်တန့်ထားကာ နိုင်ငံရေးနည်းလမ်းဖြင့် ဖြေရှင်းရန် နောက်ဆုံး ရာဇသံပေလိုက်ခြင်းဖြစ်သည်။

“စစ်ဆင်ရေးတွေကို ကျွန်တော်တို့ ရပ်ထားပြီး သူ့ကို ရာဇသံပေးလိုက်တာပါ။ နေ့လည်ရောက်တာတောင်မှ ရာထူးကဆင်းပေးဖို့ သဘောမတူဘူးဆိုရင်တော့ စစ်ရေးနဲ့ ကြားဝင်ဆောင်ရွက်သွားမှာ ဖြစ်ပါတယ်” ဟု ECOWAS အကြီးအကဲ အလာအင် ဆူဇာက ပြောကြားခဲ့သည်။

နောက်ဆုံးဆွေးနွေးမှုပြုလုပ်ရန် ဂီနီသမ္မတ အလ်ဖာ ကွန်ဒီမှာ ဂမ်ဘီယာမြို့တော် ဘန်ဂျူလ်သို့ ရောက်ရှိနေသည်။

လက်ရှိတွင် ECOWAS မှ တပ်ဖွဲ့ဝင် ၇၀၀၀ မှာ တင့်ကားများဖြင့် ဆီနီဂေါမှတစ်ဆင့် ၀င်ရောက်လာပြီး ခုခံမှုကို မကြုံရသေးပေ။

အိမ်နီးချင်းနိုင်ငံတစ်ချို့ကလည်း ဂျာမေဟ်ကို အသိအမှတ်မပြုတော့ကြောင်း၊ စစ်ရေးဆောင်ရွက်မှုတွင် ပါဝင်သွားမည်ဖြစ်ကြောင်း ကြေငြာထားသည်။

Ref: Aljazeera

ဇန်န၀ါရီ ၂၀၊ ၂၀၁၇
M-Media

– ဂမ်ဘီယာအာဏာရှင် ယဟ်ယာ ဂျာမေဟ်မှာ ရာထူးမှဆင်းပေးရန် ငြင်းဆိုခဲ့ပြီနောက် အနောက်အာဖရိကနိုင်ငံများမှ တပ်ဖွဲ့များက ဂမ်ဘီယာနိုင်ငံအတွင်းသို့ ၀င်ရောက်လာခဲ့သည်ဟု သိရသည်။

ဒီဇင်ဘာ ၁ ရက်နေ့က ပြုလုပ်ခဲ့သည့် ရွေးကောက်ပွဲတွင် အတိုက်အခံခေါင်းဆောင် အဒါမာ ဘာရိုး အနိုင်ရခဲ့ပြီး ဂျာမေဟ်မှာ စောစောပိုင်းက ရွေးကောက်ပွဲရလဒ်ကို လက်ခံသည်ဟု ပြောကြားခဲ့သော်လည်း နောက်ပိုင်းတွင် ရာထူးမှ ဆင်းပေးရန် ငြင်းဆန်ခဲ့ခြင်းဖြစ်သည်။

၁၉၉၄ ခုနှစ် အာဏာသိမ်းပြီးကတည်းက နိုင်ငံကို အုပ်စိုးလာခဲ့သည့် ဂျာမေဟ်၏ သက်တမ်းမှာ ဒီဇင်ဘာ ၁၈ နေ့ည သန်းခေါင်ယံအချိန်တွင် ကုန်ဆုံးခဲ့ပြီး ဘာရိုးက အိမ်နီးချင်း ဆီနီဂေါနိုင်ငံရှိ ဂမ်ဘီယာသံရုံးတွင် သမ္မတသစ်အဖြစ် ကျမ်းသစ္စာ ကျိန်ဆိုခဲ့သည်။

ဆီနီဂေါစစ်တပ်မှ ယမန်နေ့တွင် ထုတ်ပြန်ခဲ့သည့် ကြေငြာချက်တွင် အနောက်အာဖရိကနိုင်ငံများအဖွဲ့ဖြစ်သော ECOWAS မှ တပ်များမှာ ရွေးကောက်ပွဲရလဒ်ကို ထိန်းသိမ်းရန်အတွက် စစ်ဆင်ရေး အစိတ်အပိုင်းအဖြစ် တိုက်ခိုက်မှုများ စတင်ဆောင်ရွက်နေပြီဟု ဖော်ပြထားသည်။

သမ္မတသစ်အဖြစ် ကျမ်းကျိန်ခဲ့သည့် ဘာရိုးကမူ မိမိ၏ အစိုးရအား နိုင်ငံတကာမှ ထောက်ခံအားပေးရန် တောင်းဆိုခဲ့ပြီး ဂမ်ဘီယာစစ်တပ်အနေဖြင့် ၎င်းတို့၏ တပ်တွင်း၌သာ ရှိနေကြရန်လည်း အမိန့်ပေးခဲ့သည်။

“ဒီနေ့ဟာ ဂမ်ဘီယာပြည်သူတွေ ဘ၀တစ်လျှောက်လုံးမှာ ဘယ်သူမှ မေ့လို့မရမယ့် နေ့တစ်နေ့ပါပဲ” ဟု ကျမ်းသစ္စာကျိန်ဆိုပြီးနောက် ဘာရိုးက ပြောကြားခဲ့သည်။

ကုသမဂ္ဂ လုံခြုံရေးကောင်စီကလည်း ဘာရိုးကို ထောက်ခံသည့် ဆုံးဖြတ်ချက်တစ်ခုကို တစ်ညီတစ်ညွတ်တည်း ချမှတ်ခဲ့ပြီး ငြိမ်းချမ်းစွာ အာဏာလွှဲပြောင်းရေး ဆောင်ရွက်ရန် တိုက်တွန်းခဲ့သည်။

Ref: Aljazeera

ဇန်န၀ါရီ ၁၉၊ ၂၀၁၇
M-Media

– ဒီဇင်ဘာ ၁ ရက်နေ့တွင် ရွေးကောက်ပွဲရှုံးနိမ့်ခဲ့သော်လည်း ရာထူးမှ မဆင်းပေးသည့် ဂမ်ဘီယာအာဏာရှင် ယဟ်ယာ ဂျာမေဟ်ကြောင့် နိုင်ငံအတွင်း မတည်ငြိမ်မှုများ ဖြစ်လာနေပြီး ပြည်သူများမှာ အိုးအိမ်စွန့်ခွာ ထွက်ပြေးနေကြသည်။

ရွေးကောက်ပွဲတွင် အနိုင်ရခဲ့သည့် အတိုက်အခံခေါင်းဆောင် အဒါမာ ဘာရိုးမှာ ဇန်န၀ါရီ ၁၉ ရက်နေ့တွင် ကျမ်းကျိန်အာ အာဏာလွှဲပြောင်းရယူမည်ဖြစ်သော်လည်း ဂျာမေဟ်ကမူ ရာထူးမှ ဆင်းပေးရန် ယခုအချိန်အထိ ငြင်းဆန်နေသည်။

ဂျာမေဟ်၏ ထိုလုပ်ရပ်အတွက် နိုင်ငံတကာ အသိုင်းအ၀ိုင်းက ရှုတ်ချမှုများရှိခဲ့ပြီး အနောက်အာဖရိက နိုင်ငံများကလည်း စစ်ရေးဖြင့် ကြားဝင်ဆောင်ရွက်သွားမည်ဟု သတိပေးထားသည်။

လက်ရှိတွင် အိမ်နီးချင်း ဆီနီဂေါလ်နိုင်ငံမှ စစ်တပ်မှာ နယ်စပ်တွင် နေရာယူထားပြီး ဂမ်ဘီယာနိုင်ငံအတွင်းသို့ ၀င်ရောက်ရန် အဆင်သင့် ရှိနေသည်။

“ကျွန်တော်တို့ အဆင်သင့်ဖြစ်နေပြီး သက်တမ်းကုန်မယ့် (၁၈ ရက်နေ့) သန်းခေါင်ယံအချိန်ကို စောင့်နေတာပါ။ နိုင်ငံရေးအဖြေတစ်ခုကို မတွေ့ရဘူးဆိုရင်တော့ ကျွန်တော် ကြားဝင်သွားမှာ ဖြစ်ပါတယ်” ဟု ဆီနီဂေါစစ်တပ်မှ ပြောရေးဆိုခွင့်ရှိသူ ကာနယ် အဘ်ဒူ အန်ဒီယာယီက ပြောကြားခဲ့သည်။

ထိုကဲ့သို့ နိုင်ငံရေး မတည်ငြိမ်မှုများကြောင့် ဂမ်ဘီယာနိုင်ငံအတွင်းရှိ ကမ္ဘာလှည့်ခရီးသွားများမှာ ထိုင်းပြည်မှ ထွက်ခွာနေကြပြီး၊ ပြည်သူများမှာလည်း အိမ်နီးချင်း ဆီနီဂေါနိုင်ငံတွင် သွားရောက်ခိုလှုံနေကြသည်ဟု UNHCR က ပြောကြားခဲ့သည်။

အတိုက်အခံခေါင်းဆောင် အဒါမာဘာရိုး၏ ပြောရေးဆိုခွင့်ရှိသူ ဟာလီဖာ ဆာလာကမူ ဘာရိုးမှာ ဇန်န၀ါရီ ၁၉ ရက်နေ့တွင် သမ္မတအဖြစ် ကျမ်းသစ္စာ ကျိန်ဆိုသွားမည်ဖြစ်ပြီး ဂျာမေဟ်အနေဖြင့် ရာထူးမှ ဆင်းမပေးပါက ဆီနီဂေါနိုင်ငံ မြို့တော်ဒါကာရှိ ဂမ်ဘီယာသံရုံးတွင် ကျမ်းကျိန်ပွဲ ပြုလုပ်သွားမည်ဟု ပြောကြားခဲ့သည်။

လက်ရှိတွင် ဂျာမေဟ်ကလည်း ၎င်း၏ စစ်တပ်ကို တပ်ဖြန့်ထားသည်ဟု သတင်းများက ဖော်ပြကြသည်။

Ref: Aljazeera

ဒီဇင်ဘာ ၂၄၊ ၂၀၁၆
M-Media

– ဂမ်ဘီယာအာဏာရှင် ယဟ်ယာ ဂျာမေဟ်အနေဖြင့် လာမည့်လတွင် သမ္မတသစ်ကို အာဏာမလွှဲပါက အနောက်အာဖရိကနိုင်ငံများမှာ စစ်တပ်များ စေလွှတ်သွားမည်ဟု အနောက်အာဖရိကနိုင်ငံများ စီးပွားရေးအဖွဲ့ ( ECOWAS) ၏ ဥက္ကဌ မာဆဲလ် ဒီ ဆူဇာက ယမန်နေ့တွင် ပြောကြားလိုက်သည်။

ဂျာမေဟ်မှာ ဒီဇင်ဘာ ၁ ရက်နေ့  ရွေးကောက်ပွဲတွင် ပြိုင်ဘက် အဒမ်ဘာရိုးကို ရှုံးနိမ့်ခဲ့ပြီး အစပိုင်းတွင် ရွေးကောက်ပွဲရလဒ်ကို လက်ခံသည်ဟု ကြေငြာခဲ့သော်လည်း နောက်ပိုင်း ရွေးကောက်ပွဲတွင် မသမာမှုရှိသည်ဟုဆိုကာ ရာထူးမှ ဆင်းပေးရန် ငြင်းဆန်ခဲ့သည်။

“ဂျာမေဟ်ရဲ့ သက်တမ်းက ဇန်န၀ါရီ ၁၉ ရက်နေ့မှာ ကုန်မှာပါ။ တကယ်လို့ သူမဆင်းဘူးဆိုရင် ကျွန်တော်တို့က တပ်တွေကို အဆင်သင့်လုပ်ထားပြီး တပ်လှန့်ထားပါတယ်။ (ဂမ်ဘီယာ) ပြည်သူတွေရဲ့ ဆန္ဒကို အကောင်အထည်ဖော်ရေး ကြားဝင်ဆောင်ရွက်ပေးနိုင်မယ့် တပ်တွေပါ” ဟု ဆူဇာက သတင်းထောက်များကို ပြောကြားခဲ့သည်။

ထိုသို့ဖြစ်လာပါက အနောက်အာဖရိကနိုင်ငံများမှာ ဒေသတွင်း ပြဿနာကို ပထမဆုံး အင်အားသုံး ဖြေရှင်းခြင်း ဖြစ်လာမည်။ ဆူဇာက မိမိတို့ ECOWAS အဖွဲ့မှာ ဒီဇင်ဘာ ၁ ရက်နေ့ ရွေးကောက်ပွဲရလဒ်အား ဂျာမေဟ်လက်ခံလာရန်အတွက် သံတမန်နည်းလမ်းဖြင့် ဆက်လက် လုပ်ဆောင်သွားမည်ဟုလည်း ပြောကြားခဲ့သည်။

Ref : Aljazeera

ဒီဇင်ဘာ ၂၁၊ ၂၀၁၆
M-Media

– ရွေးကောက်ပွဲပြန်လုပ်ရန် မိမိတောင်းဆိုမှုကို ဆောင်ရွက်မပေးပါက ရာထူးမှ ဆင်းပေးမည်မဟုတ်ဟု ဂမ်ဘီယာအာဏာရှင် ယဟ်ယာ ဂျာမေဟ်က ထပ်မံပြောကြားလိုက်သည်။

နိုင်ငံအား ၂၂ နှစ်ကြာ အုပ်စိုးခဲ့သည့် ယဟ်ယာမှာ ဒီဇင်ဘာ ၁ ရက်နေ့ ရွေးကောက်ပွဲတွင် ပြိုင်ဘက် အဒမ် ဘာရိုးကို ရှုံးနိမ့်ခဲ့ပြီး ၎င်းကိုယ်တိုင်ကလည်း ထိုနေ့တွင် ရှုံးနိမ့်ကြောင်း ၀န်ခံခဲ့သည်။ သို့သော်လည်း တစ်ပတ်ကြာပြီးနောက် မဲမသာမှုရှိသည်ဟုဆိုကာ ရွေးကောက်ပွဲ အသစ်ပြန်လုပ်ရန် ရွေးကောက်ပွဲ ကော်မရှင်ကို တောင်းဆိုခဲ့သည်။

ထို့ပြင် ၎င်း၏ပါတီမှာ ရွေးကောက်ပွဲရလဒ်ကို ပယ်ဖျက်ပေးရန်အတွက်လည်း တရားရုံးချုပ်ကို တိုင်ကြားထားသည်။

“တရားရုံးချုပ်က မဖြေရှင်းပေးသ၍ ဇန်နပါရီ ၁၉ ရက်နေ့မှာ သမ္မတအသစ်တက်ပွဲ ဖြစ်လာမှာ မဟုတ်ပါဘူး” ဟု ယဟ်ယာက ယမန်နေ့တွင် ပြောကြားခဲ့သည်။

ယာဟ်ယာမှာ စစ်တပ်ကို ကြိုးကိုင်ထားသူဖြစ်ပြီး ဂမ်ဘီယာစစ်တပ်မှာ ပြီးခဲ့သည့်တစ်ပတ်က မြို့တော် ဘန်ဂျူလ်ရှိ ရွေးကောက်ပွဲကော်မရှင်ရုံးခန်းကို ၀င်ရောက်စီးနင်းကာ ဥက္ကဌကို ရုံးခန်းမှ နှင်ထုတ်ခဲ့သည်။ ထို့ပြင် ၀န်ထမ်းများကိုလည်း ၀င်ရောက်ခွင့်မပေးခဲ့ပေ။

ရွေးကောက်ပွဲအနိုင်ရရှိခဲ့သူ အဒမ်ဘာရိုးက ၎င်းအနေဖြင့် ဇန်န၀ါရီ ၁၈ ရက်နေ့တွင် အာဏာလွှဲပြောင်းယူရန် အဆင့်သင့်ဖြစ်နေသည်ဟု တနင်္လာနေ့က ပြောကြားခဲ့ပြီးနောက် ယဟ်ယာက အင်္ဂါနေ့တွင် ရာထူးမှ ဆင်းပေးမည်မဟုတ်ကြောင်း တရားဝင်ပြောခဲ့ခြင်းဖြစ်သည်။

အာဖရိက ခေါင်းဆောင်များနှင့် အနောက်နိုင်ငံများက အဒမ်ဘာရိုးအား အာဏာလွှဲပြောင်းပေးရန် တောင်းဆိုမှုများရှိနေပြီး၊ ယဟ်ယာကမူ အာဖရိကနိုင်ငံများမှာ ဂမ်ဘီယာ၏ ပြည်တွင်းရေးကို ၀င်ရောက်စွက်ဖက်နေသည်ဟု ပြန်လည် တုန့်ပြန်ခဲ့သည်။

Ref : Aljazeera