News @ M-Media

Tag: General Aung San

  • အာဇာနည်ဗိုလ်ချုပ်ရဲ့ သမိုင်းဝင် ရှားရှားပါးပါး ရွှေစကား ရွှေအဆိုအမိန့်များ

    အာဇာနည်ဗိုလ်ချုပ်ရဲ့ သမိုင်းဝင် ရှားရှားပါးပါး ရွှေစကား ရွှေအဆိုအမိန့်များ

    ဇူလိုင် ၁၇ ၊ ၂၀၁၇
    M-Media

    မြန်မာနိုင်ငံ၏ လွတ်လပ်ရေးဗိသုကာကြီး၊ တပ်မတော်၏ဖခင်ကြီး ဗိုလ်ချုပ်အောင်ဆန်း အပါဝင် အာဇာနည်ခေါင်းဆောင်ကြီး ၉ ဦးတို့သည် နယ်ချဲ့လက်ပါးစေ အာဏာရူးတစ်စု၏ လက်ချက်ဖြင့် ကျဆုံးခဲ့ရသည်မှာ ၂၀၁၇ခု ဇူလိုင်လ ၁၉ရက်နေ့တွင် နှစ်(၇၀)တိုင်ခဲ့ပေပြီ။ ဗိုလ်ချုပ် လုပ်ကြံခံရစဉ် ဗိုလ်ချုပ်၏အသက်သည် ၃၂နှစ်သာရှိသေးသည်။ ဗိုလ်ချုပ်သည် “ မတစ်ထောင် တစ်ကောင်ဖွား ယောက်ျားအာဇာနည်ကောင်းတစ်ယောက်” ဖြစ်သလို တစ်ခေတ်မှာ တစ်ယောက် ဟု  မော်ကွန်းတင်ထိုက်လောက်အောင် အပြောမဟုတ် အလုပ်နှင့်သက်သေပြခဲ့သည့် ပုဂ္ဂိုလ်ထူး ဖြစ်သည်။

    ခေါင်းဆောင်ကောင်းတို့သည် မိမိတိုင်းပြည်နှင့်လူမျိုးအတွက် “ဘာပေးဆပ်ရမလဲ” ဆိုတာကိုပဲ အမြဲတွေးတောသည်။ ခေါင်းရှောင်တို့သည် တာဝန်သိမှု၊ တာဝန်ယူမှုမရှိသူဖြစ်သည်။ မိမိအတွက် ဘာအခွင့်အရေးရမလဲ ဆိုတာကိုပဲ တွေးတောတတ်သူဖြစ်သည်။ ဗိုလ်ချုပ်သည် ခေါင်းဆောင်ပီသလွန်း၍ ပြည်သူလူထုကြီး၏ အချစ်တော်ဖြစ်ခဲ့ရသည်။ ဗိုလ်ချုပ်လုပ်ကြံခံရ၍ သေ ဆုံးခဲ့သည်မှာ ဆယ်စုနှစ်ပေါင်းကြာခဲ့ပြီဖြစ်သော်လည်း ဗိုလ်ချုပ်ပြောခဲ့၊ ဟောခဲ့သည်များကို လေ့ လာကြည့်လျှင် ပွင့်လင်းမှု့၊ရိုးသားမှု အနာဂတ်ကို ကြိုတင်ဟောကိန်းထုတ်နိုင်မှုတို့ကို တွေ့ရှိရမည် ဖြစ်သည်။

    ဗိုလ်ချုပ်၏ ပညာရေးအားပေးပုံနှင့်ပတ်သက်၍ တင်ပြရလျှင် တစ်ချိန်က “ကျနော်စစ်ထဲဝင် ချင်တယ်” ဟုပြောခဲ့သော သတင်းစာဆရာကြီး ဦးဝင်းတင်အား “ ဘယ်နှစ်တန်းလဲ”ဟု ဗိုလ်ချုပ်က မေးခဲ့သည်။ “၇တန်း” ဟု ဖြေခဲ့သောအခါ “ ငယ်သေးတယ်။ ပညာတတ်အောင်ဆက် သင်။ စစ်ထဲမ၀င်နဲ့” ဟု ဗိုလ်ချုပ်တစ်ယောက်အနေနဲ့ အကြံပြုခဲ့ပေသည်။

    ရဲဘော်တွေနဲ့ ပတ်သက်၍ ဇနီးသည် ဒေါ်ခင်ကြည်အား “ကြည်– အိမ်ကရဲဘော်တွေကို ဈေးခြင်းတောင်း မဆွဲခိုင်းပါနဲ့။ သူတို့က နိုင်ငံတော်အတွက်ကွ” ဟု ကြိုတင်တားမြစ်ခဲ့ဖူးသည်ကို ကြည့်လျှင်၊ တစ်နေ့ ရှမ်းတိုင်းရင်းသား မိတ်ဆွေကြီးတစ်ဦးက “ ဝေ့– ဗိုလ်ချုပ် နင်လိုရာသုံးဖို့၊ ရွှေ ဒင်္ဂါးကိုငါလာလှူတာ” ဟုပြောသောအခါ ဗိုလ်ချုပ်က “ ထားခဲ့ပါ။ ရှမ်းကြီးရယ် မနက်ကျရင် ဖဆပလ ကိုကျုပ်ပို့ပေးပါမယ်”ဟု အတ္တစိတ်ကင်းမဲ့ပုံကိုကြည့်လျှင် “အငယ်ဆုံးသမီးလေးကို နားကပ်လေးတစ်ရံ ခမည်းပေးဖို့ နတ်မောက်က အမေဆီ ပိုက်ဆံလှမ်းမှာထားရတယ်”ဟု ရိုးသား ပွင့်လင်းစွာ ပြောဆိုခဲ့ပုံများကို လေ့လာမိသူတိုင်း ရင်ထဲနင့်အောင်ခံစားရပါသည်။ ယနေ့တိုင် မမေ့ နိုင် အံ့ဝင်ခွင်ကျ မှန်ကန်နေတာကတော့ ၁၉၄၅ ခုနှစ်သြဂုတ်လ ဖဆပလအဖွဲ့ချုပ်၌ ဒီမိုကရေစီ ၀ါ ဒနှင့်ပတ်သက်၍ “ဒီမိုကရေစီဝါဒကိုသာ ခေတ်စားအောင်လုပ်ရမယ်။ အဲဒီဝါဒမျိုး အရသာ လွတ်လပ်တဲ့ မြန်မာနိုင်ငံထူထောင်နိုင်အောင် ကြိုးစားရမယ်။ ဒီမိုကရေစီဝါဒသာ လွတ်လပ်ရေးနှင့် ဆီလျော်တယ်။ ဒီဝါဒသာ ငြိမ်းချမ်းရေးကိုအားပေးတယ်။ အဲ့ဒါကြောင့် ဒီဝါဒကို ကျွန်တော်တို့ ရည် ရွယ်ရမယ်” ဟု မိန့်ကြားခဲ့ပုံသည် ယနေ့ခေတ်စနစ်နှင့်တစ်ထပ်တည်းဖြစ်နေသည်။

    သူတည်ထောင်ခဲ့သော မြန်မာ့တပ်မတော်နှင့်ပတ်သက်၍ “ဒီတပ်မတော်ဟာ ဒီနိုင်ငံ ဒီလူမျိုးတွေရဲ့ကိုးကွယ်ရာ၊ လဲလျောင်းရာ၊ ဆည်းကပ်ရာဆိုတဲ့ အနေအထားမျိုးဖြစ်ရမယ်။ ဒီလိုမဟုတ်ဘဲ ဒီတပ်မတော်ဟာနိုင်ငံသားတွေရဲ့ စိတ်ထဲမှာအော့နှလုံး နာစရာဖြစ်မယ်ဆိုရင် ဒီတပ်မတော်ကို တည်ထောင်ထားတဲ့ ရည်ရွယ်ချက်ဟာ အလကားပဲဖြစ်မယ်။ တပ်မတော်ခေါင်း ဆောင်တွေရဲ့ အရည်အချင်းညံ့ရင် ဒီတပ်လည်းညံ့မှာပဲ။ ဒီတပ်ညံ့ရင် ဒီတိုင်းပြည်၊ ဒီနိုင်ငံလည်းညံ့ မှာပဲ။ ဒီနိုင်ငံညံ့ရင် ဒီလွတ်လပ်ရေးလည်း အလကားပဲ။ နိုင်ငံသူ၊ နိုင်ငံသားများနှင့် ဆက်ဆံတဲ့အခါ ယဉ်ယဉ်ကျေးကျေးဆက်ဆံပါ။ မှန်မှန်ကန်ကန်ဆက်ဆံပါ။ ရဲဘော်တို့ကို သူတို့အားကိုးချင်လာ အောင် အလုပ်လုပ်ပါ။ ငါတို့သာ နိုင်ငံချစ်တယ်ဆိုတဲ့ စိတ်ဓာတ်မထားကြဖို့ပဲ။ ဒီနိုင်ငံမှာဖြစ်ဖြစ်၊ဒီ ပြင်နိုင်ငံမှာဖြစ်ဖြစ် စစ်သားတွေချည်း နိုင်ငံချစ်ကြတာမဟုတ်ဖူး။ စစ်သားမဟုတ်ပေမယ့်လည်း နိုင်ငံအတွက် အမျိုးမျိုးအနစ်နာခံ စွန့်လွှတ်စွန့်စားလုပ်ခဲ့ကြတဲ့ သူတွေလည်းရှိတယ်။ ဒါကြောင့် စစ်သား မှစစ်သားဆိုတဲ့ စိတ်သဘောထားကို ပြောင်းကြရမယ်။ ငါတို့စစ်တပ်ဟာ နိုင်ငံသူ၊ နိုင်ငံသားတွေကို ညှင်းဆဲဖို့မဟုတ်။ စစ်တပ်ဟာ နိုင်ငံရဲ့အစေခံဖြစ်ရမယ်။ နိုင်ငံဟာစစ်တပ်ရဲ့အ စေခံ မဖြစ်စေရဘူး။ ဒါက စကားရိုင်းရိုင်းနဲ့ နားလည်အောင်ပြောပြတာပဲ။ ဒီစကားကို ကျုပ်ပြော တာ စစ်တပ်ကို ပြန်နှိမ်ချင်တဲ့သဘောနဲ့ပြောတာမဟုတ်ဘူး။ ငါတို့ဟာ လက်နက်ကိုင်သူတွေ ဖြစ်ကြသော်လည်း  မတရားတာမလုပ်။ နိုင်ငံရဲ့ ရန်သူတွေမဟုတ်။ နိုင်ငံရဲ့မိတ်ဆွေတွေ ဖြစ်တယ်ဆိုတာ အားလုံးသဘောပေါက်အောင် ပြောပြခြင်းပဲ” ဟု သူထူထောင်ခဲ့သော မြန်မာ့တပ် မတော်ကို “ဆောင်ရန်၊ ရှောင်ရန်” များကို မိန့်မှာခဲ့ဖူးခဲ့သည်မှာ မှတ်သားစရာကောင်းလှပါသည်။

    အချို့က နိုင်ငံရေးကိုငါတို့နှင့်မဆိုင်ဟု ယူဆကာ စိတ်ဝင်စားမှု့ မရှိကြ။ စိုးရိမ်ထိတ်လန့်ကြ သည်။ ကြောက်ရွံ့ကြသည်။ ထိုသူများကို ဗိုလ်ချုပ်က “ လူတိုင်းကတော့တိုင်းရေး ပြည်ရေးကိုသာ နိုင်ငံရေးလို့တွက်ထားကြတယ်။ အမှန်ကတော့ ကိုယ့်ဘဝ ရပ်တည်ရေးကစပြီး ကိုယ့်အိမ်၊ ကိုယ့်ရပ်ကွက်၊ကိုယ့်ကျေးရွာ၊မြို့နယ်၊ခရိုင်၊တိုင်းပြည်မကြီးတစ်ခုလုံးရဲ့ အလုံးစုံလူမှု့ရေးကိစ္စတွေ ဟာ နိုင်ငံရေးပါပဲ။ နိုင်ငံရေးစကားနဲ့ ပြောရင်တော့ လူတွေရဲ့စားမှု့၊သောက်မှု့၊နေမှု့၊ထိုင်မှု့အား လုံးဟာ နိုင်ငံရေးပါပဲ” ဟူ၍ လူထုနားလည်အောင်ရှင်းပြနိုင်ခဲ့သည်။

    ထို့အပြင် အမျိုးသားခေါင်းဆောင်ကြီး ဗိုလ်ချုပ်အောင်ဆန်းသည် သူပြုစုပျိုးထောင်ခဲ့သော တပ်မတော်ကို အခွင့်ထူးခံလူတန်းစားတစ်ရပ် မလုပ်ကြဖို့၊ လွှတ်တော်အပေါ် လက်ဝါးကြီးမအုပ်ဖို့  ၁၉၄၇ ခုနှစ် ဇွန်လ (၁၀)ရက်နေ့တွင် တိုင်းပြု၊ပြည်ပြုလွှတ်တော်၌ ရွှေအဆိုအမိန့်တစ်ရပ် မိန့်ကြား ခဲ့သည်မှာ “ တိုင်းရင်းသား အချင်းချင်းညီညွတ်ရေး၊ တိုင်းသူပြည်သားလူထုညီညွတ်ရေး၊ အဲဒီ ညီ ညွတ်ရေး နှစ်ခုမရှိသမျှကာလပတ်လုံး ဒီတိုင်းပြည်ဟာ လွတ်လပ်ပင် လွတ်လပ်သော်ငြားလည်း ဘယ်ပါတီတက်တက်၊ ဘယ်အစိုးရအုပ်ချုပ်၊အုပ်ချုပ် “ဖာသည်” တိုင်းပြည်ဖြစ်နေမှာပဲလို့ ကျွန် တော်ပြောချင်တယ်။ အဲဒီတော့ကာ ဒီနှစ်ခုကို မပျက်ပြားစေနဲ့။ ဘယ်သူက ဘာပဲလုပ်လုပ် မပျက် ပါစေနဲ့။အဲဒါ အင်မတန်အရေးကြီးတယ်။” ဟုလည်းကောင်း၊ သူ၏ တပ်မတော်နှင့် ပတ်သက်၍လည် “မှတ်ထားကြ။ ငါ့တပ်ထဲမှာ အခွင့်အရေးယူချင်တဲ့ကောင်၊ တစ်ကောင်မှ မရှိစေရဘူး။ မပါစေရဘူး။ လူထုငတ်ရင် အားလုံးငတ်မယ်။ လူထုဆင်းရဲရင် တို့ရဲဘော်အားလုံးဆင်းရဲမယ်။ ငါလည်းဆင်းရဲမယ်။ ငါတို့တွေတည်ထောင်ခဲ့တဲ့ ဒီ တပ်မတော်ကြီးဟာ ဒီဝါဒနဲ့ချီတက်ဖို့ အရေးကြီးတယ်” ဟူ၍လည်းကောင်း၊ လွှတ်တော်နှင့်ပတ်သက်၍ စစ်တပ်ကို မိန့်ကြားခဲ့သည်မှာ “စစ်တပ်က လက်ဝါးကြီးအုပ်ပြီး တိုင်းပြည်လွှတ်တော်က ဘာမျှအစိုးမရတဲ့ စစ်အာဏာရှင်စနစ်မျိုး မရှိရလေအောင် စစ်တပ်ကို တိုင်းပြည်လွှတ်တော်က အုပ်စိုးနိုင်ခွင့်ရှိရမယ်” ဟူ၍ တိုင်းပြည်လွှတ်တော်အထက် စစ်တပ်မရှိသင့်ကြောင်း၊ စစ်အာဏာရှင်စနစ်ကို တပ်မတော်ဖခင်ကြီး ကိုယ်တိုင် မလိုလားကြောင်း  ဒီမိန့်ခွန်းက မီးမောင်းထိုးပြနေပါသည်။

    မြန်မာနိုင်ငံကြီးတွင် မတူကွဲပြားသော ဘာသာဝင်များ၊ လူမျိုးနွယ်များ အတူတကွ ယှဉ်တွဲနေထိုင်နေကြောင်းကို သိနေသော၊ ဘာသာရေး လူမျိုးရေး မခွဲခြားတတ်သော ဗိုလ်ချုပ်ကို ဒီးဒုတ်ဦးဘချိုက ဗုဒ္ဓဘာသာကို နိုင်ငံတော်ဘာသာအဖြစ် ပြဌာန်းဖို့၊ တိုက်တွန်းပြောဆိုခဲ့သော အခါ ဗိုလ်ချုပ်က အနည်းငယ် စိတ်ဆိုးဒေါသဖြစ်ကာ ပြန်ပြောခဲ့သည်မှာ “ကျွန်တော်တို့တိုင်းပြည်မှာ အလောင်းဘုရား လက်ထက်ကတည်းက အစ္စလာမ်ဘာသာဝင်တွေ ရှိတယ်။ အစကတည်းက နတ်ကိုးကွယ်ကြတဲ့ တောင်တန်းသားတွေလည်း ရှိတယ်။ အဲဒီတောင်တန်းသားတွေဟာ မြန်မာပြည်ကြီး အင်္ဂလိပ်လက်အောက် ကျရောက်သွားတဲ့အခါ အချို့က ခရစ်ယာန်ဘာသာဝင်တွေ ဖြစ်သွားကြပြီး အရိုးစွဲနေကြတာ ရှိတယ်။ သူတို့တွေအားလုံးဟာ နိုင်ငံသားတွေပဲ။ တိုင်းပြည်ကို ကျွန်တွင်းက တိုက်ထုတ်ကြတုန်းက ကျွန်တော်တို့ချည်း  ပါခဲ့ကြတာမဟုတ်ဘူး။ သူတို့အားလုံးလည်း ပါခဲ့ကြတယ်။ အခု ကျွန်တွင်းက လွတ်မယ် မကြံသေးဘူး။ သူတို့တွေအပေါ်မှာ အနိုင်ကျင့်ပြီး ငါ့တို့ လူအများစုရဲ့ ဗုဒ္ဓဘာသာကို နိုင်င့တော်ဘာသာ ဖြစ်ရမယ်လို့ လုပ်လိုက်လျှင် ကျွန်တော်တို့ဟာ ခွေးလောက်တောင် သောက်သုံးမကျတဲ့ အကောင်တွေ ဖြစ်သွားကြမှာပါ ဆရာ။ တိုင်းပြည်ကို တိုင်းပြည်ရေးလို တွေးစမ်းပါ။ ဘာသာရေးတွေ၊ ဘာတွေ လုပ်မနေစမ်းပါနဲ့။ ကျွန်တော်တို့ တိုင်းပြည်တစ်ခုလုံးကို စည်းရုံးဖို့လိုတယ်” ဟု ဘာသာရေးနှင့် နိုင်ငံရေးကို မရောထွေးဖို့၊ အမြတ်မထုတ်ဖို့၊ တစ်ကန့်စီ ခွဲထုတ်ကာ နိုင်ငံရေးအမြော်အမြင် ပြည့်ဝစွာ ဝေဖန်ထောက်ပြ ပြောဆိုခဲ့ပေသည်။

    တိုင်းပြည်တစ်ပြည်တွင် ပြည်သူလူထု၏ ရွေးကောက်တင်မြှောက်ခြင်းကို ခံရသော အစိုးရအဖွဲ့သာလျှင် အကောင်းဆုံးဖြစ်ကြောင်းကို တပ်မတော်ဖခင်က “တိုင်းပြည်လူထုရဲ့ ထောက်ခံမှုနဲ့ ကျုပ်တို့ အစိုးရဖြစ်တာ။ တိုင်းပြည်က မကြည်ညိုဘူးဆိုတာကို ကျုပ်တို့သိလာတဲ့တစ်နေ့မှာ ကျုပ်တို့ တွယ်ကပ်မနေဘူး။ ဒါပေမယ့် တစ်နှစ်လောက် ကျုပ်တို့ကို စောင့်ကြည့်တဲ့အခါ ကျုပ်တို့ဟာ ဘယ်လိုလူစားမျိုးတွေလဲ။ ရာဇ၀င်သမိုင်းမှာ အရေးခံရမယ့် လူစားမျိုးတွေလား။ ရာဇ၀င်မှာ အဆဲခံရမယ့် လူစားမျိုးတွေလား ဆိုတာကို ခင်ဗျားတို့ကိုယ်တိုင် သိလာပါလိမ့်မယ်။” လူထုကြီးက မကြိုက်ရင် မိမိတို့ အစိုးရအဖွဲ့အနေဖြင့် ‘မျှော့’ သတ္တ၀ါလို တွယ်ကပ်နေမည် မဟုတ်ကြောင်း မိန့်ကြားပုံများသည် လူထုဆန္ဒကို တန်ဖိုးထား လေးစားကြောင်း ပေါ်လွင်လှပေသည်။

    ဘာသာရေးခုတုံးလုပ် နိုင်ငံရေးအမြတ်ထုတ် အစိုးရအုပ်ချုပ်ရေး ယန္တရားကြီး ပရမ်းပတာဖြစ်အောင် နောက်ကွယ်က ၀င်ရှုပ်နေသူများနှင့် ပတ်သက်၍ “နိုင်ငံရေးကို ဘာသာတရားဖြစ်သကဲ့သို့ ပြောဆိုနေကြသူများမှာ ယုတ်မာညစ်ထေးသူများသာလျှင် ဖြစ်တယ်။ ထိုသူတို့၏ ရည်ရွယ်ချက်မှာ ထိုကဲ့သို့ အကြီးအကျယ် လီဆယ်ပြောဆိုခြင်းအားဖြင့် ပြည်သူတို့၏စိတ်ကို ရှုပ်ထွေးစေ၍ အကြောင်းအကျိုး၊ အကောင်းအဆိုးကို ဝေဖန်နိုင်စွမ်း မရှိအောင် လုပ်ခြင်းမျှသာ ဖြစ်တယ်။ အမှန်မှာ ထိုသူတို့၏ ပြုလုပ်မှုသည် နိုင်ငံရေးမဟုတ်။ မိမိတို့ အကောက်ဥာဏ်ကိုသုံး၍ မိမိတို့ကြီးပွားရေးအတွက် တစ်နပ်စားနိုင်ငံရေးပင် ဖြစ်တယ်။ ကိုးကွယ်သည့် ဘာသာတရားများမှာ လူအသီးသီး၏ သက်ဝင်ယုံကြည်မှုပင်ဖြစ်သည်။ နိုင်ငံရေးမှာကား လူအသီးသီး ပေါင်းသင်းဆက်ဆံမှု၊ သိပ္ပံအတတ်ပညာသာလျှင်ဖြစ်တယ်” ဟု ဘာသာရေးနှင့် နိုင်ငံရေးကို ခွဲခြား သိမြင်ဖို့လိုကြောင်း သတိပေးထောက်ပြခဲ့ခြင်းသည် ယနေ့ခေတ် အခြေအနေနှင့် စပ်ဟပ်လျက် ရှိသည်ကို တွေ့မြင်နိုင်သည်။

    ၁၉၄၄ ခု၊ ဒီဇင်ဘာလ ၂၄ ရက်တွင် တပ်မတော်ဟူသည် ပြည်သူလူထုအတွက် ဖြစ်ရမည် ကို ဗိုလ်ချုပ်က “ ပြည်သူ့တပ်မတော်သည် ပြည်သူတို့နှင့် တသားတည်း ရှိရမည်။ ပြည်သူ့တပ်မ တော်သည် ပြည်သူတို့၏ လက်ရုံး၊လက်သီး၊ပြည်သူများ၏ ဓားသွားဖြစ်ရမည်။ ပြည်သူများ၏ အကျိုးကို ကာကွယ်ရမည်” ဟူ၍လည်းကောင်း၊ “ အခြားနိုင်ငံတွေက ခြေလှမ်း တစ်လှမ်း လှမ်းရင် ကျုပ်တို့က ခြေလှမ်း ၄-၅- ၁၀ လှမ်း လှမ်းလိုက်နိုင်မှ အဲဒီလိုလိုက်နိုင်တဲ့အခါကျမှ နောက် ၁၀နှစ်၊ အနှစ် ၂၀ တန်သည့်အားဖြင့် အဲဒိလိုတန်းတူ၊ညီတူ ဖြစ်သွားမယ်။ တန်းတူ၊ညီတူ မဖြစ်သမျှ ကာလပတ်လုံး ဒီတိုင်းပြည်ကြီးဟာ လွတ်လပ်တယ် ဆိုပေမယ့် ဟိုလူ့မြင်တဲ့အခါမှာ မျက်နှာချိုသွေးရ၊ ဒီလူ့မြင်တဲ့အခါမှာ မျက်နှာချိုသွေးရနဲ့ “ဖာသည်” လိုနိုင်ငံမျိုးဖြစ်နေမှာပဲဆိုတာ ခင်ဗျားတို့ အတိအလင်း နားလည်ထားစေချင်တယ်”ဟု ခပ်ပြတ်ပြတ်ပြောဆိုခဲ့သော ဗိုလ်ချုပ်ကို ပြည်သူလူထုက အပြစ်မမြင် အချစ်သာမြင်ခဲ့ပေသည်။ ဗိုလ်ချုပ်သည် အာဏာမရူးကြောင်း၊ အာ ဏာမမက်ကြောင်းကို “လွတ်လပ်ရေးရပြီးရင် ကျုပ်နိုင်ငံရေးလောကမှ ထွက်မယ်။ ခြံလေးစိုက်ပြီး၊ စာပဲရေးချင်တယ်ဗျာ။ မင်္ဂလာဒုံက ခြံလေးကို ကြိုက်သား ကျပ်ငါးထောင်ဆိုတော့ မတတ်နိုင် ဘူး။ ခြံမရှိရင်နေ ကလေးတွေကိုတော့ ကျောင်းကောင်းကောင်းထားချင်တယ်ဗျာ” လို့ ရိုးသားပွင့်လင်း ရင်တွင်းဖြစ်စကားများ အနာဂတ်ကြိုမြင်၊ကြိုတင်မိန့်ခဲ့သော ဗိုလ်ချုပ်ကို နယ်ချဲ့ကြိုးဆွဲရာကခဲ့ သည့် ဗမာလူမျိုး၊ဗုဒ္ဓဘာသာဝင် မျိုးချစ်ပါတီခေါင်းဆောင် ဦးစောနှင့်အပေါင်းအပါတစ်စုက ၁၉၄၇ ခု ဇူလိုင်လ ၁၉ရက်နေ့၊စနေနေ့ ၁၀နာရီ ၃၇ မိနစ်တွင် ရန်ကုန်မြို့ အတွင်းဝန်ရုံး၌ အစည်းအဝေး  လုပ်နေစဉ် လုပ်ကြံခဲ့မှု့ကြောင့် ဗိုလ်ချုပ်ရခဲ့သွားသည်မှာ ကျည်ဆံ ၁၃တောင့်ပင်ဖြစ်သည်။

    ဗိုလ်ချုပ်အောင်ဆန်းအပါဝင် အာဇာနည်ခေါင်းဆောင်ကြီး (၉) ဦးကျဆုံးခဲ့သော်လည်း “အာဇာနည်တို့သည် လူသာသေဆုံးပြီး နာမည်နှင့် သမိုင်း ဘယ်တော့မှမသေဆုံးကြောင်း၊မြန်မာ ပြည်သူလူထုသည် တိုင်းပြည်အတွက် ထိုက်ထိုက်တန်တန် စွန့်လွှတ်ပေးဆပ်သူတို့ကို ကမ္ဘာတည်သရွေ့ မြန်မာပြည်တွင် အမှတ်တရ ကျေးဇူးသိ ဂုဏ်ပြုနေမှာဖြစ်ကြောင်း” ဗိုလ်ချုပ် အောင်ဆန်း၏ သမိုင်းဝင်ရွှေစကား ရွှေအဆိုအမိန့်များကို လက်လှမ်းမှီသလောက် တင်ပြရင်း ကျေးဇူးရှင် ဗိုလ်ချုပ်နှင့်တကွ ကျဆုံးခဲ့လေပြီးသော အာဇာနည်ခေါင်းဆောင်ကြီးများအား ဂုဏ်ပြု မော်ကွန်းတင်အပ်ပါသည်။

    ဂျက်ဖရီတင်အုန်း (ရန်ကုန်တက္ကသိုလ် R.I.T)

     

     

     

  • “သူတို့ နှစ်ဦး” (အာဇာနည်နေ့ ဂုဏ်ပြုဆောင်းပါး)

    “သူတို့ နှစ်ဦး” (အာဇာနည်နေ့ ဂုဏ်ပြုဆောင်းပါး)

    ဇူလိုင် ၁၉ ၊ ၂၀၁၆
    M-Media
    သဲတပွင့် ရေးသည်။
    .U Razak with General Aung San တကယ်တမ်းတော့ သူတို့ နှစ်ဦးက
    .
    အသက်အရွယ်အရ တူဝရီးအရွယ် … အတော်ကွာသည်။
    .
    မွေးရာဇာတိအရ တစ်နေရာစီ။
    .
    နေထိုင်ခဲ့ကြရာ နေရာဌါနအားဖြင့်လည်း သပ်သပ်စီသာ။
    .
    အလုပ်အကိုင်အရ မဆက်စပ်။
    .
    လူနေမှုစရိုက် ပုံသဏ္ဍာန်အရလည်း မတူညီကြ။
    .
    တစ်နည်း ပြောရလျင် လာရာ မတူကြသူများ။
    .
    ဒါပေမယ့် လားရာတော့ တူခဲ့ကြသည်။
    .
    တိုင်းပြည်အရေး တတ်အားသရွေ့ နေ့ညမပြတ် ဆောင်ရွက်လိုစိတ် … လက်တွေ့ဆောင်ရွက်မှုတို့မှာ ဘုံ တူညီခဲ့ကြသည်။
    .
    ကံကြမ္မာ စေစားချက်အရ တမလွန်ခရီးအတွက်ထိတောင် နေရာတူ နေ့ရက်တူ အတူ လျှောက်ခဲ့ကြသည်အထိ။
    .
    သူတို့ နှစ်ဦးကား ကျွန်တော် အားကျအတုယူရသည့် မြန်မာ့ အာဇာနည် ခေါင်းဆောင်နှစ်ဦး … ဗိုလ်ချုပ်အောင်ဆန်း နှင့် ဆရာကြီး ဦးရာဇတ်တို့ပင်။
    ယခု ဤစာစုတွင် သူတို့နှစ်ဦး ဆက်နွယ်ဖူးသည်ကို မှတ်မိသမျှ မှတ်တမ်းတင်ကြည့်ပါမည်။
    .…
    သူတို့ နှစ်ဦးစလုံး အတူပါဝင်သည့်ဓာတ်ပုံဟူ၍လည်း ရှားရှားပါးပါး။ တစ်ပုံက ၁၂.၆.၁၉၄၇ရက်နေ့က တိုင်းပြုပြည်ပြုလွှတ်တော်အမတ်များနှင့် ဗိုလ်ချုပ်အောင်ဆန်းတို့ အမှတ်တရ အစည်းအဝေးကျင်းပရာ လွှတ်တော်ရင်ပြင်အရှေ့တွင် ရိုက်ထားသည့်ပုံ။ ဒုတိတန်း – ယာဘက်ဒုတိယမြောက် ဆရာကြီးဦးရာဇတ်၊ ဗိုလ်ချုပ်အောင်ဆန်း နှင့် သခင်နု တို့အား တစ်တန်းတည်း အတူထိုင်လျက် အမှတ်တရ တွေ့ရသည်။ နောက်တစ်ပုံကတော့ လွှတ်တော်တွင်းပုံ။ အညွှန်းစာစားများအရသာ အာဇာနည်ခေါင်းဆောင်ကြီးများ ပါကြောင်း သိရပြီး မည်သူမည်ဝါ သည်းသည်းကွဲကွဲ မမြင်ရသည့်ပုံ။ ထို့ကြောင့် အတူ သိသာထင်ရှားစွာ မှတ်တမ်းဝင်သည့်ပုံ တစ်ပုံသာ ရှိသည် ဆိုရမည်။

    ဗိုလ်ချုပ်က ၁၉၁၅ ဖေဖော်ဝါရီ၁၃တွင် မွေးဖွားသူ … ဆရာကြီးက ၁၈၉၈-ခု ဇန်န၀ါရီလ ၂၀တွင် မွေးဖွားသူဖြစ်ရာ ၁၇ နှစ် စွန်းစွန်း ကွာသည်။ ဗိုလ်ချုပ်က ဆရာကြီး၏ တူသားအရွယ်။
    ဆရာကြီးက ၁၉၂၀ ကျောင်းသားသပိတ် တိုက်ပွဲဝင်ကျောင်းသားခါင်းဆောင် … ကျောင်းအထုတ်ခံရသောကြောင့် အမျိုးသားကောလိပ်တွင် ပညာဆက်သင်ကာ BA ဘွဲ့ ပထမဆုံးရသည့်ကျောင်းသားတစ်ဦး။ နောင် အမျိုးသားကျောင်းဆရာ … ကျောင်းအုပ်ဆရာကြီးအဖြစ် တိုင်းပြည်အရေးတစ်တပ်တစ်အား ဆောင်ရွက်သူ။ သူများကျောင်းက ICS တစ်ယောက်ထါက်င် ငါ့ကျောင်းက အင်္ဂလိပ်အစိုးရကိုတော်လှန်မယ့် သူပုန် ၁၀ယောက် ထွက်ရမယ် ကြွေးကြော်သူ။ ဗိုလ်ချုပ်က ဒုတိယကျောင်းသားသပိတ်ကာလ ခေါင်းဆောင် … သူတို့နှစ်ဦး ခေတ်တစ်ခေတ် ကွာသည်။
    .
    ကျောင်းသားခေါင်းဆောင် ကိုအောင်ဆန်းတို့ အထက်မြန်မာပြည် စည်းရုံးရေးလာတော့ အထက်မြန်မာပြည်က ကျောင်းသားထုနှင့် တွေ့ဆုံဆွေးနွေးရာနေရာက ကျောင်းအုပ်ဆရာကြီး ဦးရာဇတ် ဦးစီးသော အမျိုးသားကျောင်း။ သူ့ကျောင်းက ကျောင်းသားခေါင်းဆောင်များ … သူကိုယတိုင်ဦးစီးသော ရဲညွန့်တပ်မှ တပ်သား ကျောင်းသားများ တက္ကသိုလ်ကျောင်းသားများ မြို့မိမြို့ဖများ အားလုံး တက်ကြသည့် ဟောပြောပွဲ။ သခင်ပေါက်စ ထောင်ခြောက်လ ဆိုသည့်စကား ပေါ်ရသည်အထိ သခင်လူငယ် ကျောင်းသားခေါင်းဆောင် များကို မျက်စိစပါးမွေး စူးနေချိန်တွင် ထိုကျောင်းသားခေါင်းဆောင် ဟောပြောစရာ တာဝန်ယူသည်က ကျောင်းအုပ်ဆရာကြီး ဦးရာဇတ်။ သခင်အောင်ဆန်းတို့ကျောင်းသားခေါင်းဆောင်များ ထိုကျောင်းမှာပင် တည်းခိုကြသည်။
    .
    ဗိုလ်ချုပ်က တစ်ချိန်မှာ အမှတ်တရ ပြန်ပြောဖူးတာက ထိုစဉ်တုန်းက ဆရာကြီး ရှေ့မှာ ကျောင်းသားထုကို အင်္ဂလိပ်လို မိန့်ခွန်းပြောရတာ … အဲဒီမိန့်ခွန်းကို အင်္ဂလိပ်ဘာသာစကား အထူးကျွမ်းကျင်သူ ဆရာကြီးက ရှေ့ဆုံးကထိုင်နားထောင်ကာ အထူးအားရလှတဲ့အရိပ်အယောင် တွေ့ရလိ်ု့ သူ အင်မတန် အားတက်ခဲ့ရသည် ဆိုသောအချက်။ ဆရာကြီးဆီက သူ့အတွက် အင်္ဂလိပ်ဘာသာစကားတိုးတက်စရာ ရှောင်ရန်ဆောင်ရန်များ ကြားသိခဲ့ရသည့်အတွက် … သူ့မိန့်ခွန်းအတွက် မှတ်ချက်ရခဲ့သည့်အတွက် ဝမ်းသာလှပါသည် ဆိုသည့်မှတ်ချက်က သူတို့နှစ်ဦးကြား ဆက်နွယ်မှုတစ်ရပ်ပါ။

    နောက်တော့ သခင်အောင်ဆန်း ဂျပန်တွင် စစ်ပညာသွားသင်ကာ ဂျပန်နှင့်အတူ ပြန်ဝင်လာသည့် ဂျပန်ခေတ်တွင် ဆရာကြီးက ဂျပန်တို့၏ ရွှေဘိုထောင်တွင် အဖမ်းခံရသည်။ ထောင်က လွတ်လျင်လွတ်ချင်း ဖတပလတွင် တာဝန်ယူသည်။ ထိုစဉ်က အနေအထားက ထူးခြားလှသည် ဆိုရပေမည်။ ကြမ်းတမ်းရက်စက်လှသော ဂျပန်ခေတ်တွင် ဖတပလ မန္တလေးခရိုင်အတွက် တာဝန်ယူရဲသူ မရှိကြ။ ဆရာကြီးထံချဉ်းကပ်ကာ ဥက္ကဋ္ဌအဖြစ် တာဝန်ယူပေးဖို့ တောင်းဆိုကြတော့ ဆရာကြီးက လက်ခံသည်။ အစြ်းအဝေးက မကြာမီစတော့မည်ဖြစ်ရာ ချက်ချင်းလိုက်ခဲ့ဖို့ ခေါ်ကြသည့်အတွက် ပုဆိုးဟောင်းတောင် လဲချိန်မရဘဲ ချက်ချင်းလိုက်သွားကာ ဥက္ကဋ္ဌအဖြစ် တာဝန်ယူခဲ့သည်။ ကျောင်းသားခေါင်းဆောင် သခင်အောင်ဆန်းမဟုတ်တော့သည့် စစ်သေနာပတိ ဗိုလ်ချုပ်အောင်ဆန်းနှင့် ထပ်မံ ဆုံတွေ့ကြခြင်း။

    ထို့နောက်တွင်တော့ ဂျပန်ကို ပြန် တော်လှန်ကာ ဖဆပလ အစိုးရ ဖြစ်လာသည်။ ဗိုလ်ချုပ်အောင်ဆန်းကိုယ်တိုင် မန္တလေးလာကာ ဖတပလ မှ ဖဆပလ ပြောင်းလဲဖွဲ့စည်းပြီး ရွေးကောက်ပွဲအသစ် ကျင်းပပေးတော့ အများက ဖတပလဥက္ကဋ္ဌ ဆရာကြီးဦးရာဇတ်ကိုပဲ ဥက္ကဋ္ဌအဖြစ် အဆိုပြုသည်။ ယခုတစ်ကြိမ်တွင်တော့ ယခင် ဖတပလ ဖွဲ့စဉ်ကလို မဟုတ်တော့ … ကန့်ကွက်မည့်သူ ပေါ်သည်။
    ဗမာမင်းနောက်ဆုံးစိုးစံရာ မင်းနေပြည်တော် မန္တလေးမြို့မှာ ဗမာစစ်စစ် မဟုတ်သူတစ်ဦး ခေါင်းဆောင် မဖြစ်သင့်ပါ ဟူသော အကြောင်းပြချက်။

    ဗိုလ်ချုပ်အောင်ဆန်းကိုယ်တိုင် အံ့အားသင့်စရာ မှတ်ချက် … ဗိုလ်ချုပ်က သူကိုယ်တိုင် ဖြေရှင်းသည်ထက် ပိုမိုသင့်တော်မည်ဖြစ်သည့် အစည်းအဝေးတက်ရောက်လာသော ရဟန်းပျိုများသမဂ္ဂမှ ဆရာတော်တို့ထံ သဘောထား ခံယူသည်။ ထိုအခါ ဆရာတော်တို့ လျှောက်ပုံက “ဘယ်သူမှ တာဝန်မယူရဲတဲ့ ကာလ ဖတပလ ဖွဲ့စဉ်က ပုဆိုးဟောင်းတောင် မလဲဘဲ မဆိုင်းမတွ တာဝန်ယူပေးစဉ် ကန့်ကွက်သူမရှိ … ခုလို ခေတ်ကောင်းမှ ကန့်ကွက်ခြင်းကို လက်မခံ … ကုလားကြီး ရာဇတ်သာ ဥက္ကဋ္ဌ ဆက်ဖြစ်ထိုက်သည်” ဆိုသဖြင့် ဗိုလ်ချုပ်က ဆရာကြီးအား ဥက္ကဋ္ဌအဖြစ် ဆက်လက် အတည်ပြုသည်။
    .
    ဒါက ဗိုလ်ချုပ်နှင့် ဆရာကြီးအကြားက နောက်ထပ် ဆက်နွယ်မှုတစ်ရပ်။

    နောက်ပိုင်းတွင် ဗိုလ်ချုပ်အောင်ဆန်း ဦးဆောင်သော ဖဆပလ တပ်ပေါင်းစုတွင် ဆရာကြီး ဦးရာဇတ် ဥက္ကဋ္ဌအဖြစ် တာဝန်ယူသော ဗမာမွတ်စလင်ကွန်ဂရက် (ဗမက) ကလည်း တစ်တပ်တစ်အား ပါဝင်ခဲ့ပြီး ဖဆလ၏ ရွှေတိဂုံအလယ်ပစ္စယံ ညီလာခံတွင် တိုင်းရင်းသားရေးရာ အဆိုများ တင်သွင်းခဲ့ပါသည်။
    .
    ထို့နောက် ၁၉၄၇ ခုနှစ် မတ်လတွင်မန္တလေးမြို့မှ ကျော်ကြားထင်ရှားပြီး မျိုးချစ်စိတ်ဓာတ်ရင့်သန်သည့် ကျောင်းထိုင်ဆရာတော်ကြီးများ ဦးဆောင်ကာ လက်မှတ်ရေးထိုးကြပြီး ဖဆပလအစိုးရအဖွဲ့တွင် ဆရာကြီးဦးရာဇတ်အား ၀န်ကြီးတစ်နေရာခန့်အပ်ပေးရန် ဗိုလ်ချုပ်အောင်ဆန်းထံသို့ တောင်းဆိုခဲ့ရာ ယင်းစာကို လက်ခံရရှိပြီးသည့်နေ့ နံနက်(၁၁)နာရီတွင် ကျင်းပသည့် ဖဆပလ အစည်းအဝေးမှာပင် ဆရာကြီးအား ပညာရေးဝန်ကြီးအဖြစ် ချက်ချင်း မဆိုင်းမတွ ခန့်အပ်ခဲ့သည်။
    ဤနေရာတွင် ဗိုလ်ချုပ် တာဝန်ပေးသော စနစ် ဗိုလ်ချုပ်၏ ခေါင်းဆောင် ရွေးချယ်ပုံမှာ အားကျ အတုယူဖွယ်တစ်ရပ်ပင် ဖြစ်ပါသည်။ ဗိုလ်ချုပ် ထားသော စံ အား ကောက်နုတ် ဖော်ပြပါရစေ။
    .
    “ကိုဖေခင်-ခင်ဗျားကို ကျွန်တော်ပြောစရာရှိတယ်။ တော်လှန်ရေးသမားဆိုတာ သုံးမျိုးသုံးစား ရှိတယ်။ ခင်ဗျား သိလား။ ပထမတစ်မျိုးက လက်နက်ကိုင်ပြီးတိုက်ရဲတယ်။ သတ်ရဲဖြတ်ရဲ အသေခံရဲတယ်။ ဒုတိယ အမျိုးအစားက မတိုက်ရဲမခိုက်ရဲ ၊ မသတ်ရဲမဖြတ်ရဲဘူး ၊ အသေလည်းမခံရဲဘူး ၊ ဒါပေမယ့် တစ်ရွာဝင် တစ်ရွာထွက်အပင်ပန်းခံ အဆင်းရဲခံပြီး စည်းရုံးရေးလုပ်နိုင်တယ်၊ စားစရာရရင်စား မရရင်မစားဘဲ ဇွဲနပဲနှင့်အငတ်ခံနှိင်တယ်။ တတိယအမျိုးအစားက တိုက်လည်းမတိုက်ရဲ အသေလည်းမခံရဲ အဆင်းရဲ အငတ်အပြတ်လည်းမခံနှိင်ဘူး၊ ခပ်ကြောကြောလေးဝတ်စားပြီး ဦးနှောက်သုံးပြီး တိုင်းပြည်အကျိုးအတွက် ဘာလုပ်ပေးရမလဲ လုပ်ပေးနိုင်တယ် ဆိုတဲ့လူစားမျိုးဖြစ်တယ်။ ခင်ဗျားက အဲဒီအမျိုးအစားထဲပါတယ်။ ခင်ဗျားကို ကျုပ်တာဝန်ပေးစရာရှိတယ်။”
    ( ကိုးကား – ဦးဖေခင်ကိုယ်တိုင် အင်္ဂလိပ်ဘာသာဖြင့် လုပ်သားပြည်သူ့နေ့စဉ်သတင်းစာ၌ ရေးသားခဲ့သော အခန်းဆက်ဆောင်းပါးကို ရဲခေါင်မောင်မောင် ဘာသာပြန်သည့် ကိုယ်တွေ့ပင်လုံ စာအုပ် ဆဋ္ဌမအကြိမ်၊ ၁၉၉၀ ပြည့်နှစ်ထုတ် )
    ဖဆပလ၀န်ကြီးအဖြစ် ဗိုလ်ချုပ်တို့နှင့်အတူ အနီးကပ်လက်တွဲလုပ်ဆောင်စဉ်အတွင်း ဗိုလ်ချုပ်သည် ဆရာကြီး၏ ခံယူချက်သဘောထား၊ မျိုးချစ်စိတ်နှင့် စွမ်းရည်တို့ကို လက်တွေ့ပိုမိုသိမြင်လာခဲ့ရာ မကြာမီပင် “အမျိုးသားစီမံကိန်း ” ၀န်ကြီးအဖြစ်ပါ ပူးတွဲခန့်ထား ယုံကြည်စွာတာဝန်ပေးခဲ့ပါသည်။
    .
    “အမျိုးသားစီမံကိန်းဆိုတာ အင်မတန်ကျယ်ဝန်းတယ်။ အရေးလည်းကြီးတယ်။ တိုင်းပြည်တစ်ခုလုံးရဲ့ တိုးတက်ရေးကို ရှေးရှုပြီး ကြီးပွားရေး၊ စီမံရေး၊ လူမှုရေး အကုန်လုံး ခြုံပြီး အုတ်မြစ်ချတဲ့ ဌာနကြီးတစ်ခု ဖြစ်တယ်။ ဒီဌာနမှ ကိုင်ရတာ ဆရာကြီးအဖို့ တာဝန်လည်းကြီး အပင်ပန်းလည်းအခံရဆုံးပဲ။ သူမပြောနဲ့ဗျာ ဒီဌာနကြောင့် ကျွန်တော်တောင် ထမင်းလွတ်၊ ဟင်းလွတ် ရုံးတက်ရတဲ့အခါလည်းရှိ၊ ည(၉)နာရီ (၁၀)နာရီမှ ရုံးဆင်းရတဲ့ အခါတွေလည်းရှိပုံတွေ စာရေးရင် မျက်လုံးထဲပေါ်နေတယ်။ ဗိုလ်ချုပ် အောင်ဆန်း ဟာ ဆရာကြီးအပေါ် ဘယ်လောက်အထင်ကြီးခဲ့တယ်၊ ဘယ်လောက်ယုံကြည်ကိုးစားခဲ့တယ်ဆိုတာ ဒီအမျိုးသားစီမံကိန်းဌာနကို လွှဲအပ် အကိုင်ခိုင်းတာသာ ကြည့်ပေတော့။ ဒါကြောင့် ဆရာကြီး ဦးရာဇတ် သည် ပညာရေးဝန်ကြီးဖြစ်တဲ့အပြင် အမျိုးသားစီမံကိန်းဝန်ကြီးဌာန ၀န်ကြီးဖြစ်ကြောင်းကို ကြေညာမောင်းခတ်ပေးပါဗျာ ”
    .
    (ဆရာကြီး ဦးရာဇတ် ၏ အတွင်းရေးအတွင်းဝန် အမျိုးသားကျောင်းသားဟောင်း တစ်ဦးဖြစ်သူ ဦးချစ်ဆွေ ၏ မျိုးချစ်စိတ်ဓာတ်အပြည့်ရှိတဲ့ အာဇာနည်ခေါင်းဆောင်ကြီး ဦးရာဇတ် ဆောင်းပါး၊ ဗဟိုစည်သတင်းစာ ၊ ၁၉ ဇူလိုင်၊ ၁၉၆၄ မှ)။
    .
    ၁၉၄၇ ဇူလိုင် ၁၉ … သူတို့နှစ်ဦး အတူရှိချိန်၏ နိဂုံးကား ဝမ်းနည်းစရာ ကောင်းလှသည်။ ဗိုလ်ချုပ်က သွေးအိုင်ထဲ လဲနေပြီ … ဆရာဘကီးက အသက် ယဲ့ယဲ့မျှ ရှိသေးသည်။ ထိုအချိန်တွင် ဆရာကြီး နောက်ဆုံး ပြောခဲ့သည်က ““ကျွန်တော်က အရေးမကြီးပါ။ ဗိုလ်ချုပ်နှင့် သခင်မြတို့က ပိုဆိုးပုံရတယ်။ သူတို့ကိုသာ ဂရုစိုက်ကြပါ။”ဟူ၍ပင်။ သေနတ်ဒဏ်ရာများဖြင့် ဝေဒနာခံစားနေရစဉ်တွင်ပင် ဗိုလ်ချုပ်အပေါ် သံယောဇဉ်ကြီးသော အနစ်နာခံသော ဆရာကြီး၏ နောက်ဆုံးစကား။
    .
    လာရာမတူသော်လည်း လားရာတူသူ … တိုင်းပြည်ကို ချစ်မြတ်နိုးကာ တိုင်းပြည်အကျိုး အသက်နဲ့ရင်း သယ်ပိုးခဲ့ကြသူ အာဇာနည်တို့သွေး မြေကျခဲ့သည်မှာ ၆၉ နှစ်တိုင်ခဲ့ပေပြီ။
    .
    .အာဇာနည်တို့ ကွယ်လွန်သွားသည်မှာ ကြာပြီဖြစ်သော်လည်း အာဇာနည်တို့၏စိတ်ဓာတ်ကား အဓွန့်ရှည်နေဆဲပါပင်။
    .
    အနာဂတ်၏ အောင်ဆန်းလောင်းများ ရာဇတ်လောင်းများ ဒီ့ထက်ဒီ ပိုထွန်းနိုင်စေရေး ကျွန်တော်တို့အားလုံးတွင် တာဝန် ရှိပါသည်။
    .

  • “မြန်မာ့လက်ရှိ အခြေအနေများကို မီးမောင်းထိုးပြလျက် ရှိသော ဗိုလ်ချုပ်အောင်ဆန်း၏ အဆိုအမိန့်များ”

    “မြန်မာ့လက်ရှိ အခြေအနေများကို မီးမောင်းထိုးပြလျက် ရှိသော ဗိုလ်ချုပ်အောင်ဆန်း၏ အဆိုအမိန့်များ”

    ဇူလိုင် ၁၇ ၊ ၂၀၁၆
    M-Media
    စုစည်းတင်ဆက်သူ- ဂျက်ဖရီတင်အုန်း (R.I.T ရန်ကုန်စက်မှု့တက္ကသိုလ်)
    e100c95b5a_art-3-7-6
    ၂၀၁၆ ခု ဇူလိုင်လ ၁၉ ရက်နေ့သည် မြန်မာနိုင်ငံ၏လွတ်လပ်ရေး ဗိသုကာ၊ တပ်မတော်ဖခင် ဗိုလ်ချုပ်အောင်ဆန်းအပါအ၀င် အာဇာနည်ခေါင်းဆောင်ကြီးကိုးဦးတို့သည် နယ်ချဲ့လက်ပါးစေ အာဏာရူးလူတစ်စု၏လက်ချက်ဖြင့် ကျဆုံးခဲ့သည်မှာ ၆၉ နှစ်တိုင်ခဲ့ပြီ ဖြစ်သည်။

    ဗိုလ်ချုပ်လုပ်ကြံခံရစဉ် ဗိုလ်ချုပ်၏အသက်သည် ၃၂ နှစ်သာရှိသေးသည်။ ဗိုလ်ချုပ်သည် “မတစ်ထောင်၊ တစ်ကောင်ဖွား၊ ယောကျာ်း အာဇာနည်ကောင်း တစ်ယောက်ဖြစ်သလို၊ တစ်ခေတ်မှာ၊ တစ်ယောက်”ဟု ဆိုရလောက်အောင်၊ မော်ကွန်းထိုးနိုင်လောက်အောင် အပြောမဟုတ်၊ အလုပ်နှင့် သက်သေပြခဲ့သူဖြစ်သည်။

    မြန်မာတစ်ပြည်လုံးကို ခေါင်းဆောင်၍ မငဲ့မကွက်၊ မယိမ်းမယိုင် ခိုင်မာသောခြေလှမ်းများဖြင့်  လွတ်လပ်ရေးသို့ ဦးတည်နေချိန်တွင်၊ အလျင်းသင့်သလို မြန်မာပြည်သူလူထုကြီးအား “ရွှေစကား၊ ရွှေအဆိုအမိန့်များ” ဖြင့် လမ်းညွန်ပြသခဲ့သူဖြစ်သည်။ ယခုအချိန်အထိ၊ ထိုမိန့်ခွန်းစကားများသည် ပြည်ထောင်စုမြန်မာနိုင်ငံတော်ကြီး၏ ထူးမြတ်လှသော ရတနာအစစ်၊ အမွေအနှစ်ကြီး ဖြစ်နေသည်။ ထို့ပြင်၊ ပြည်သူလူထု အချစ်တော်၊ အမျိုးသားခေါင်းဆောင်ကြီး၏ မိန့်ခွန်းများသည် မြန်မာနိုင်ငံ၏ လက်ရှိအခြေအနေများကိုလည်း၊ မီးမောင်းထိုးပြနေဟန်ရှိသည်။

    ၁၉၄၇ ခု ဖေဖော်ဝါရီလ ၁၁ ရက်ည၊ ပင်လုံညစာ စားပွဲတွင် “တစ်တိုင်းပြည်လုံးကြီးပွားစေချင်ရင် လူအား၊ ငွေအား၊ ပစ္စည်းအားနဲ့ စုပေါင်းပြီး၊ အင်တိုက်၊ အားတိုက်လုပ်နိုင်မှ၊ အကျိုးခံစားခွင့်ရရှိကြ မှာဖြစ်တယ်။ ဗမာက တစ်မျိုး၊ ကရင်က တစ်ဖုံ၊ ရှမ်း၊ ကချင်၊ ချင်းတို့က တစ်ခြား၊ အကွဲကွဲ၊ အပြား ပြား လုပ်နေကြရင်၊ အကျိုးရှိမှာ မဟုတ်ဘူး စုပေါင်းလုပ်ကြမှသာ အကျိုးရှိနိုင်မယ်။ လုပ်ကြည့်မှ လည်း၊ အကျိုးရှိကြောင်း၊ သိနိုင်တယ်” ဟူ၍လည်းကောင်း၊ ၁၉၄၇ ခု ဇူလိုင်လ ၁၃ ရက် မြို့တော် ခန်းမတွင် ဗိုလ်ချုပ်အောင်ဆန်းက

    “တိုင်းရင်းသား အချင်းချင်း ညီညွတ်ရေး၊ တိုင်းရင်းသားလူထု ညီညွတ်ရေးနှင့်ပတ်သက်၍ စားဖားသမားတွေ၊ ညီညွတ်တာ၊ ကျွန်တော်မလိုချင်ပါဘူး။ တိုင်းရင်း သားအချင်းချင်း ညီညွတ်ရေး၊ တိုင်းသူပြည်သား လူထုညီညွတ်ရေး၊ အဲဒီ ညီညွတ်ရေး နှစ်ခုမရှိ
    သမျှကာလပတ်လုံး၊ ဒီတိုင်းပြည်က၊ လွတ်လပ်ပင်၊ လွတ်လပ်သော်ငြားလည်း ဘယ်ပါတီတက်တက်၊ ဘယ်အစိုးရလုပ်လုပ်၊ ဖာသယ်တိုင်းပြည် ဖြစ်နေမှာပဲလို့ ကျွန်တော်ပြောချင်တယ်။ အဲဒီတော့ကာ၊ အဲဒီနှစ်ခုကို ခင်ဗျားတို့၊ မပျက်ပြားပါစေနဲ့။
    အဲဒါအင်မတန်အရေးကြီးတယ်” ဟူသော မိန့်ဆိုချက်သည်၊ တိုင်းရင်းသားလက်နက်ကိုင်အဖွဲ့များ၊မြန်မာအစိုးရနှင့် တပ်မတော်ခေါင်းဆောင်များအတွက်၊ အတုယူ၊ အကောင်အထည်ဖော်စရာအဖြစ် လမ်းညွှန်ပြလျက်ရှိသည်။

    တိုင်းပြည်၊ မငြိမ်မသက်ဖြစ်အောင်၊ ဆူပူအောင် လုပ်နေသူများကို၊ ဗိုလ်ချုပ်က “အစိုးရဟာ၊ ဘယ်သူ့ကိုမှ နိုင်ငံရေး အတိုက်အခံသမားတွေကို၊ နှိပ်စက်၊ ညှင်းပန်းတာ မလုပ်ဖူး” စည်းကမ်းမဲ့၊ တရားလွန်၊ တိုင်းပြည်အကျိုးမဲ့ဆူပူအောင်၊ လုပ်လာလျှင်တော့၊ လက်ပိုက်ကြည့်မနေနိုင်ဘူး၊ နှိပ်ကွပ်ရမှာပဲ။ ၀တ္တရားအတိုင်းလုပ်တာကို မကျေနပ်လို့ရှိရင်၊ တည့်တည့်လင်းလင်းပြောကြပါ။ ထွက်ပေးဖို့အဆင်သင့်ပါပဲ။ မထိတထိနဲ့ ဟိုကပွက်၊ ဒီကဆူတာနဲ့ဆိုလျှင်၊ အရေးမယူဘဲ၊ မနေနိုင်ဘူး” ဟု သတိ
    ပေးခဲ့ပါသည်။

    ၁၉၄၅ ခု ဩဂုတ်လ ဖဆပလအဖွဲ့ချုပ်၌ ဒီမိုကရေစီဝါဒနှင့် ပတ်သက်၍ “ဒီမိုကရေစီဝါဒကိုသာ၊ ခေတ်စားအောင် လုပ်ရမယ်။ အဲဒီဝါဒမျိုး အရသာ၊ လွတ်လပ်တဲ့မြန်မာနိုင်ငံ ထူထောင်နိုင်အောင်ကြိုးစားရမယ်။ ဒီမိုကရေစီဝါဒဟာ လွတ်လပ်ရေးနဲ့လည်း ဆီလျော်တယ်။ ဒီဝါဒသာ ငြိမ်းချမ်းရေးကို အားပေးတယ်။ အဲဒါကြောင့် ဒီဝါဒကို၊ ကျွန်တော်တို့ရည်ရွယ်ရမယ်” ဟုမိန့်ကြားခဲ့သည်ကိုကြည့်လျှင်၊ နိုင်ငံရေး အနာဂတ်ကြိုမြင်သော၊ ပညာရှင်တစ်ယောက်ဖြစ်သည်ကို သိနိုင်ပါသည်။

    သူတည်ထောင်ခဲ့သော မြန်မာ့တပ်မတော်နှင့်ပတ်သက်၍ လမ်းညွှန်ခဲ့သည်မှာ “ဒီတပ်မတော်ဟာ၊ဒီနိုင်ငံ၊ ဒီလူမျိုးအတွက် ဒီလူမျိုးတွေရဲ့၊ ကိုးကွယ်ရာ၊ အားထားရာ၊ ဆည်းကပ်ရာ ဆိုတဲ့အနေအထားမျိုး ဖြစ်ရမယ်။ ဒီလိုမဟုတ်ဘဲ၊ ဒီတပ်မတော်ဟာ နိုင်ငံသူ၊  နိုင်ငံသားတွေရဲ့ စိတ်ထဲမှာ၊ အော့နှလုံးနာစရာ ဖြစ်မယ်ဆိုရင်၊ ဒီတပ်မတော်ကို၊ တည်ထောင်ထားတဲ့ ရည်ရွယ်ချက်ဟာ အလကားပဲ ဖြစ်မယ်။ တပ်မတော်ခေါင်းဆောင်တွေရဲ့ အရည်အချင်းညံ့ရင်၊ ဒီတပ်လည်းညံ့မှာပဲ။ ဒီတပ်ညံ့ရင်၊ ဒီတိုင်းပြည်လည်းညံ့မှာပဲ။

    ဒီတိုင်းပြည်ညံ့ရင်၊ ဒီလွတ်လပ်ရေးဟာ၊ အလကားပဲ။ နိုင်ငံသူနိုင်ငံသားများနှင့် ဆက်ဆံတဲ့အခါ၊ ယဉ်ယဉ်ကျေးကျေး ဆက်ဆံပါ။ မှန်မှန်ကန်ကန် ဆက်ဆံပါ။ ရဲဘော်တို့ကို သူတို့အားကိုးချင်လာအောင်၊ အလုပ်လုပ်ပါ။ ငါတို့သာ၊ နိုင်ငံချစ်တယ်ဆိုတဲ့ စိတ်ဓာတ်မထားကြဖို့ပဲ။ ဒီနိုင်ငံမှာဖြစ်ဖြစ်၊ ဒီပြင်နိုင်ငံမှာပဲ ဖြစ်ဖြစ်၊ စစ်သားတွေချည်း၊ နိုင်ငံချစ်ကြတာ မဟုတ်ဘူး။ စစ်သား မဟုတ်ပေမယ့် နိုင်ငံအတွက်၊ အမျိုးမျိုး၊ အနစ်နာခံ၊ စွန့်လွှတ်၊ စွန့်စားအလုပ်လုပ်ကြတဲ့သူတွေ၊ ရှိတာပဲ။ ဒါကြောင့် စစ်သားမှ စစ်သားဆိုတဲ့ စိတ်သဘောထားကို ပြောင်းရမယ်။ ငါတို့စစ်တပ်ဟာ၊ နိုင်ငံသူ၊ နိုင်ငံသားတွေကို၊ ညှဉ်းဆဲဖို့မဟုတ်ဘူး။ စစ်တပ်ရဲ့ နိုင်ငံရဲ့ အစေခံဖြစ်ရမယ်။ နိုင်ငံဟာ စစ်တပ်ရဲ့ အစေခံ မဖြစ်စေရဘူး။ ဒါက စကားရိုင်းရိုင်းနဲ့ နားလည်အောင်၊
    ပြောပြတာပဲ။ ဒီစကား၊ ကျုပ်ပြောတာ၊ စစ်တပ်ကိုပြန်နှိမ်ချင်တဲ့ သဘောနဲ့ပြောတာမဟုတ်ဘူး။ ငါတို့ဟာ လက်နက်ကိုင်၊ လူတွေဖြစ်ကြသော်လည်း၊ မတရားတာ၊ မလုပ်။ နိုင်ငံရဲ့ ရန်သူတွေမဟုတ်။ နိုင်ငံရဲ့ မိတ်ဆွေတွေ ဖြစ်တယ်ဆိုတာအားလုံး၊ သဘောပေါက်အောင်၊ ပြောပြခြင်းဖြစ်တယ်လို့” တပ်မတော်ဖခင် ပီသစွာ၊ သတိပေး လမ်းညွှန်ခဲ့ပါသည်။

    နိုင်ငံရေးနှင့်ပတ်သက်၍ ဗိုလ်ချုပ်ရဲ့အဓိပ္ပါယ်ဖွင့်ဆိုချက်မှာလည်း၊ ရှင်းလင်းပြတ်သားလှပါသည်။ “လူတိုင်းကတော့ တိုင်းရေး၊ ပြည်ရေး လုပ်တာကို၊ နိုင်ငံရေးလို့ တွက်ထားကြတယ်။ အမှန်ကတော့၊ ကိုယ့်ဘ၀ ရပ်တည်ရေးကစပြီး၊ ကိုယ့်အိမ်၊ ကိုယ့်ရပ်ကွက်၊ ကိုယ့်ကျေးရွာ၊ မြို့နယ်၊ ခရိုင်၊ တိုင်း၊့ပြည်မကြီးတစ်ခုလုံးရဲ့၊ အလုံးစုံ၊ လူမှုရေးကိစ္စတွေဟာ၊ နိုင်ငံရေးပါပဲ။ နိုင်ငံရေးစကားနဲ့ပြောရင်တော့ လူတွေရဲ့ စားမှု၊ သောက်မှု၊ နေမှု၊ ထိုင်မှု အားလုံးဟာ၊ နိုင်ငံရေးပါပဲ” ဟူ၍ နိုင်ငံရေးအနှစ်သာရကိုအများနားလည်အောင် ရှင်းပြနိုင် ခဲ့ပါသည်။

    သူထူထောင်ခဲ့သော တပ်မတော်ကို အခွင့်ထူးခံ လူတန်းစားတစ်ရပ်မလုပ်ကြဖို့၊ လွှတ်တော်အပေါ် လက်ဝါးကြီးမအုပ်ဖို့ရန် ၁၉၄၇ ခု ဇွန်လ(၁၀)ရက်နေ့တွင် တိုင်းပြု၊ ပြည်ပြုလွှတ်တော်၌ ရွှေအဆိုအမိန့်တစ်ခုကိုလည်း မိန့်ကြားခဲ့ပါသေးသည်။ ယင်းမှာ “မှတ်ထားကြ။ ငါ့တပ်ထဲမှာ အခွင့်အရေးယူချင်တဲ့ကောင်၊ တစ်ကောင်မှ မရှိစေရဘူး။ မပါစေရဘူး။ လူထုငတ်ရင် အားလုံးငတ်ရမယ်။ လူထုဆင်းရဲရင် ဒို့ရဲဘော်တွေအားလုံး ဆင်းရဲရမယ်။ ငါလည်းဆင်းရဲရမယ်။ ငါတို့တွေ၊ တည်ထောင်ခဲ့တဲ့ တပ်မတော်ကြီးဟာ၊ ဒီဝါဒနဲ့ချီတက်ဖို့ အရေးကြီးတယ်။” ဟူ၍လည်းကောင်း၊ စစ်တပ်ကိုလွှတ်တော်နှင့် ပတ်သက်၍ “စစ်တပ်က လက်ဝါးကြီးအုပ်ပြီး၊ တိုင်းပြည်လွှတ်တော်က၊ ဘာမှ အစိုးမရတဲ့၊ စစ်အာဏာရှင်စနစ်မျိုး၊ မရှိရလေအောင်၊ စစ်ဘက်ကို တိုင်းပြည်လွှတ်တော်က အုပ်စိုးပိုင်ခွင့်ရှိရမယ်” ဟူ၍ အာဏာရှင်စနစ် အမြစ်မတွယ်ရလေအောင် နည်းပေးလမ်းပြပြုခဲ့ပါသည်။

    ဘာသာလူမျိုးမခွဲခြားသော၊ ပြည်ထောင်စုစိတ်ဓာတ်ပဲ့ကိုင်ရှင် ဗိုလ်ချုပ်က “တစ်ခြားနိုင်ငံများလို၊ ဗမာပြည်မှာလည်း တိုင်းရင်းသား၊ လူမျိုးတွေ၊ အများကြီးရှိတာကို တွေ့နိုင်ပါတယ်။ တရုတ်ပြည်၊ဂျပန်ပြည်နှင့် ရုရှားပြည်တို့မှာလည်း သည်အတိုင်းပဲ။ အမေရိကန်ပြည်မှာ အင်္ဂလိပ်စကားကို၊ အင်္ဂလိပ်၊ အီတလီစတဲ့၊ လူအမျိုးမျိုးတို့ စုပေါင်းပြီး၊ လူမျိုးတစ်မျိုးတည်းဖြစ်အောင် ထူထောင်ပြီးသူတို့ကိုယ်ကို အမေရိကန်လို့ ဆိုကြတာပဲ။ ဒါကြောင့် လူမျိုးရေးအားဖြင့်ကြည့်လျှင် တစ်မျိုးတည်းကို လိပ်ခဲတည်းလည်း စွဲပြီး၊ ယူလို့မဖြစ်ဘူး။ လူမျိုးရေးတရားဟောလည်း၊ ငါ့လူမျိုးမှငါ့လူမျိုး၊ တစ်ခြားလူမျိုးတွေဟာ၊ ငါ့လောက်မပြတ်၊ ငါ့လူမျိုးသာ ကမ္ဘာမှာကြီးစိုးရမယ်ဆိုတဲ့ ကျဉ်းမြောင်းသေးသိမ်တဲ့၊ လူမျိုးရေးတရားမဟုတ်ဘဲ၊ ကိုယ့်လူမျိုးကိုယ်ချစ်ခင်သော်လည်း၊ တစ်ခြားလူမျိုးများကို မုန်းတီးခြင်း၊ အထင်သေးခြင်းမဖြစ်စေဘဲ ကမ္ဘာမှာတိုင်းပြည်အချင်းချင်းသင့်မြတ်စွာ တစ်ဦးအကျိုးတစ်ဦး ဖြစ်ပွားစေအောင် ဆောင်ရွက်တဲ့ လူမျိုးရေးတရားမျိုးဖြစ်ရမယ်” ဟူ၍ လူမျိုး၊ ဘာသာ၊ သဟဇာတဖြစ်စေမည့်၊ စည်းလုံးညီညွတ်မှုဖြစ်စေမည့် ဓမ္မစကားကို မျှဝေခဲ့ပါသည်။

    ဘာသာရေး၊ လူမျိုးရေး ခွဲခြားမှုမရှိသော၊ လူသားဝါဒကျင့်သုံးသော လွတ်လပ်ရေးဖခင်ကြီးကို  ဒီးဒုတ်ဦးဘချိုက ဗုဒ္ဓဘာသာကိုနိုင်ငံတော် ဘာသာအဖြစ် ပြဌာန်းဖို့ တိုက်တွန်းပြောဆိုရာတွင်ဗိုလ်ချုပ်က “ဒီမယ် ကျွန်တော်တို့တိုင်းပြည်မှာ၊ အလောင်းဘုရား လက်ထက်ကတည်းက အစ္စလာမ် ဘာသာဝင်တွေရှိတယ်။ ဘရင်ဂျီဘာသာဝင်တွေရှိတယ်။ အစကတည်းက နတ်ကိုးကွယ်ကြတဲ့တောင်တန်းသားတွေရှိတယ်။ အဲဒီ တောင်တန်းသားတွေဟာ အင်္ဂလိပ်လက်အောက် မြန်မာပြည်
    ကျရောက်သွားတဲ့အခါ အချို့ခရစ်ယာန်ဘာသာဝင်တွေဖြစ်သွားကြပြီး၊ အရိုးစွဲနေကြတာတွေရှိတယ်။ သူတို့တစ်တွေ အားလုံးဟာ နိုင်ငံသားတွေပါပဲ။ တိုင်းပြည်ကို၊ ကျွန်တွင်းက တိုက်ထုတ်ကြတုန်းက ကျွန်တော်တို့ချည်းမဟုတ်ဘူး။ သူတို့အားလုံးပါဝင်ခဲ့ကြတယ်။ အခုကျွန်တွင်းက လွတ်မယ် မကြံသေးဘူး။ သူတို့တွေအပေါ်မှာ အနိုင်ကျင့်ပြီး ငါတို့လူများစုရဲ့(ဗုဒ္ဓ)ဘာသာကို နိုင်ငံတော်ဘာသာဖြစ်ရမယ်လို့၊ လုပ်လိုက်ရင် ကျွန်တော်တို့ဟာ ခွေးလောက်တောင် သောက်သုံး မကျတဲ့ အကောင်တွေ ဖြစ်သွားကြမှာပါ၊ ဆရာ တိုင်းပြည်ကို၊ တိုင်းပြည်ရေးလို တွေးစမ်းပါ။ ဘာသာရေးတွေ၊ ဘာတွေ၊ ညာတွေ လုပ်မနေစမ်းပါနဲ့။ ကျွန်တော်တို့တိုင်းပြည်တစ်ခုလုံးကို စည်းရုံးဖို့လိုတယ်” ဟုဘာသာရေးနှင့်နိုင်ငံရေးကို မရောထွေးဖို့၊ ဝေဖန်၊ ထောက်ပြခဲ့ခြင်းသည်၊ နိုင်ငံရေးအမြော်အမြင်မြင့်မားကြောင်း သက်သေသာဓကတစ်ခုပင်ဖြစ်သည်။

    ဘာသာရေးယောင်ယောင်၊ နိုင်ငံရေးယောင်ယောင် လူတစ်ပိုင်းဘုန်းကြီးတစ်ပိုင်းပုံစံကို အမျိုးသားခေါင်းဆောင်ကြီးက မနှစ်မြို့ခဲ့ကြောင်းကို ၁၉၄၇ ခု ဖေဖော်ဝါရီလ ၂၇ ရက်နေ့ ရန်ကုန်မြို့ မြို့တော်ခန်းမ မိန့်ခွန်းတွင် “ဗုဒ္ဓဘာသာထဲမှ လူတစ်ပိုင်း၊ ဘုန်းကြီးတစ်ပိုင်း ဖြစ်နေတာတွေကို တပည့်တော်တို့၊ မကြိုက်နှစ်သက်ပါဘူး” ဟု ပြည်သူလူထုအား၊ သတိပေးခဲ့ဖူးပါသည်။ ထို့အပြင် ဘာသာရေးခုတုံးလုပ်၊ နိုင်ငံရေးအမြတ်ထုတ် တစ်နပ်စား၊ လူ့အတ္တသမားများနှင့် ပတ်သက်၍ “နိုင်ငံရေးကို ဘာသာ တရားဖြစ်သကဲ့သို့ ပြောဆိုနေကြသူများမှာ ယုတ်မာညစ်ထေးသော နိုင်ငံရေးသမားများပင်ဖြစ်တယ်။ ထိုသူတို့ရဲ့ ရည်ရွယ်ချက်မှာ ဤကဲ့သို့ ကြီးကြီးကျယ်ကျယ် လီဆယ်ပြောဆိုခြင်းအားဖြင့် ပြည်သူတို့၏စိတ်ကို ရှုပ်ထွေးစေ၍ အကြောင်းအကျိုး အကောင်းအဆိုးကို ဝေဖန်နိုင်စွမ်းမရှိအောင် လုပ်ခြင်းမျှသာဖြစ်တယ်။ အမှန်မှာ ထိုသူတို့၏ပြုလုပ်မှု့သည် နိုင်ငံရေးမဟုတ်။ မိမိတို့အကောက် ဥာဏ်ကိုသုံး၍ မိမိတို့ကြီးပွားရေးအတွက် တစ်နပ်စား နိုင်ငံရေးပင်ဖြစ်သည်။ ကိုးကွယ်သည့်ဘာ သာတရားမှာ လူအသီးသီး၏သက်ဝင်ယုံကြည်မှုပင်ဖြစ်၏။ နိုင်ငံရေးမှာကား လူအသီးသီး၏ပေါင်းသင်းဆက်ဆံမှု သိပ္ပံအတက်သာလျှင်ဖြစ်၏။” ဟု နိုင်ငံရေးနှင့်ဘာသာရေးကို တစ်ကန့်စီထားရှိဖို့သတိပေးခဲ့သော၊ ရွှေစကား၊ ရွှေမိန့်ခွန်းများသည် ယနေ့မျက်မှောက်ခေတ်၊ အခြေအနေများနှင့် အံဝင်ခွင်ကျ၊ ဖြစ်နေကြောင်း အံ့ဩဖွယ်ရာ တွေ့မြင်နေရပါသည်။

    လူထုကို ယုံကြည်အားကိုးသော ပြည်ချစ်ဗိုလ်ချုပ်က “တိုင်းပြည်လူထုရဲ့ထောက်ခံမှုနဲ့ ကျုပ်တို့အစိုးရဖြစ်နေတာ။ တိုင်းပြည်က မကြည်ညိုဘူးဆိုတာကို ကျုပ်တို့သိလာတဲ့ တစ်နေ့မှာ ကျုပ်တို့လည်းတွယ်ကပ်မနေဘူး။ သို့သော်လည်း ကျုပ်တို့ကို တစ်နှစ်လောက်၊ စောင့်ကြည့်တဲ့အခါမှာ ကျုပ်တို့ဟာ ဘယ်လိုလူတန်းစားမျိုးတွေလဲ။ ရာဇ၀င် (သမိုင်း) မှာ အရေးခံမယ့် လူစားမျိုးတွေလား။ ရာဇ၀င်မှာ အဆဲခံရမယ့် လူစားမျိုးတွေလားဆိုတာ၊ ခင်ဗျားတို့ကိုယ်တိုင် သိလာပါလိမ့်မယ်။” ဟု မိမိတို့အစိုးရ
    အဖွဲ့ကို လူထုကြီးက မကြိုက်တော့လျှင် ကလိမ်ကကျစ်ဥာဏ်ဆင်ပြီး၊ “မျှော့သတ္တ၀ါ” လိုတွယ်ကပ် နေမည် မဟုတ်ကြောင်း မိန့်ကြားခဲ့သည်ကို ကြည့်လျှင်လူထုကို အစိုးရက တန်ဖိုးထားလေးစားကြောင်း သိသာထင်ရှားလှပါသည်။

    “လွတ်လပ်ရေးရပြီးလျှင် ကျုပ်နိုင်ငံရေးလောက ကထွက်မယ်။ ခြံစိုက်မယ်။ စာရေးပြီး အသက်မွေးဝမ်းကြောင်းမယ်” လို့ ပွင့်လင်းရိုးသားစွာ ရင်တွင်းဖြစ်စကားများပြောဆိုခဲ့သော ဗိုလ်ချုပ်ကို သူရိယသတင်းစာတိုက်ပိုင်ရှင် မျိုးချစ်ပါတီထူထောင်သူ ဗမာလူမျိုး ဗုဒ္ဓဘာသာဝင် နယ်ချဲ့လက်ပါးစေ ဦးစောနှင့်အပေါင်းပါတစ်စုက ၁၉၄၇ ခု ဇူလိုင်လ ၁၉ ရက် စနေနေ့ နံနက် ၁၀ နာရီ ၃၇ မိနစ် ရန်ကုန်မြို့ အတွင်းဝန်ရုံး၍ အစည်းအဝေးလုပ်နေစဉ် လုပ်ကြံခဲ့ကြသည်။ ဗိုလ်ချုပ်အောင်းဆန်းအပါ အာဇာနည်ခေါင်းဆောင်
    ကြီး ၉ ဦး ကျဆုံးခဲ့ရသော ဇူလိုင်လ ၁၉ ရက် အာဇာနည်နေ့သည် အမိမြန်မာပြည်ကြီး လွတ်လပ်ရေးအတွက် စွန့်လွှတ်ပေးဆပ်သူတို့၏ မဟာအောင်ပွဲအထိမ်းအမှတ်နေ့ ကမ္ဘာတည်သရွေ့၊ မြန်မာပြည်သူလူထု မေ့၍မရနိုင်သောနေ့တစ်နေ့အဖြစ် တည်ရှိနေမည်မှာ မြေကြီး၊ လက်ခတ်မလွဲပင် ဖြစ်ပေသည်။

    ဂျက်ဖရီတင်အုန်း (R.I.T ရန်ကုန်စက်မှု့တက္ကသိုလ်)

  • ဗိုလ်ချုပ်အောင်ဆန်း သူငယ်ချင်းတစ်ဦးဖြစ်သည့် တောင်ကြီးသားဦးခန်း အသက်၁၀၀ ပြည့်ပြီ

    ဗိုလ်ချုပ်အောင်ဆန်း သူငယ်ချင်းတစ်ဦးဖြစ်သည့် တောင်ကြီးသားဦးခန်း အသက်၁၀၀ ပြည့်ပြီ

    7 Days မှ ကူးယူဖော်ပြပါသည်။

    3(P) a_0
    ပင်လုံစာချုပ်ချုပ်ဆို မှုကို ကိုယ်တိုင်မျက်မြင် ကြုံတွေ့ ခဲ့သူ၊ စာချုပ်ချုပ်ဆိုရန် ဗိုလ်ချုပ် အောင်ဆန်းကို ကားမောင်းပို့ပေး ခဲ့သူ၊ ဗိုလ်ချုပ်၏ သူငယ်ချင်းတစ် ဦးဖြစ်သူ တောင်ကြီးသား ဦးခန်း သည် ပြီးခဲ့သည့် ဖေဖော်ဝါရီ ၁၆ ရက်က အသက် (၁၀၀) ပြည့်ခဲ့ ပြီဖြစ်ကြောင်း သတင်းရရှိသည်။

    ဦးခန်းသည် ဗိုလ်ချုပ်အောင် ဆန်း ပင်လုံစာချုပ် လက်မှတ်ထိုး ရန် တောင်ကြီးမှ ပင်လုံသို့အသွား ကိုယ်တိုင် ကားမောင်းကာ လိုက် လံပို့ဆောင်ပေးခဲ့သူတစ်ဦးဖြစ်ပြီး ပင်လုံစာချုပ်ချုပ်ဆိုမှုကို ကိုယ်တိုင် မျက်မြင်ကြုံခဲ့သူတစ်ဦး ဖြစ် သည်။

    IMG_20150203_045159aaa

    တောင်တန်း၊ ပြည်မ မခွဲဘဲ လွတ်လပ်ရေးရယူရန် အရေးပါ သည့် ပင်လုံစာချုပ်ချုပ်ဆိုခဲ့မှုနှင့် ပတ်သက်၍ ဦးခန်းက ‘‘ပင်လုံမှာ အစည်းအဝေးတွေ၊ ဆွေးနွေးပွဲ တွေ လုပ်တယ်။ အဲဒီမှာ နိုင်ငံရေး သမားပေါင်းစုံရယ်၊  ဗိုလ်ချုပ် အောင်ဆန်းတို့၊ ဦးနုတို့၊  ဦးစော တို့ပါတယ်။ နှစ်ပေါင်း ၆၀ ဆိုတော့အကုန်လုံးတော့ မမှတ်မိတော့ဘူး။ ဗိုလ်ချုပ်အောင်ဆန်းနဲ့ အတူတူ ရှမ်းစော်ဘွားတွေလည်း တက်တယ်။ ဗိုလ်ချုပ်အောင်ဆန်းကအတူ လက်တွဲပြီး လွတ်လပ်ရေး ယူဖို့ပဲ ပြောတယ်’’ ဟု ၎င်းတွေ့ကြုံခဲ့ရပုံကို ပြောပြသည်။

    လွတ်လပ်ရေးရမည်ဆို သည်မှာ   သေချာပြီဖြစ်သော ကြောင့် ပြည်နယ်များအနေဖြင့် လည်း နောက်မကျန်အောင်အတူ လက်တွဲပြီး လွတ်လပ်ရေးယူဟု ဗိုလ်ချုပ်အောင်ဆန်းက ပြောခဲ့ကြောင်း  ဦးခန်းက  ဆိုသည်။ ထိုအချိန်က  ဗိုလ်ချုပ်အောင်ဆန်းသည်   လွတ်လပ်ရေးရယူရန် အချိန်ဆွဲသည့်  ရှမ်းစော်ဘွားအချို့ကိုလည်း စည်းရုံးခဲ့ကြောင်း ၎င်းကပြောသည်။

    3(P) b_3

    ‘‘မြန်မာပြည်မှာ ဗိုလ်ချုပ် အောင်ဆန်းနဲ့ တန်းတူတဲ့သူတစ် ယောက်မှ မရှိဘူး’’ဟု ဦးခန်းက ၎င်း၏အမြင်ကို ပြောသည်။ ဗိုလ် ချုပ်အောင်ဆန်းသည် အမျိုးသား ခေါင်းဆောင်ကြီးတစ်ဦးဖြစ်သကဲ့ သို့ ဖြောင့်မတ်ခြင်း၊ သတ္တိရှိခြင်း နှင့် နိုင်ငံအတွက် မြင့်မြတ်သော အလုပ်လုပ်ဆောင်ခဲ့သူတစ်ဦး ဖြစ်သည်ဟုလည်း  ပြောကြား သည်။

    ဦးခန်းသည် အသက်(၁၀၀) ပြည့်ပြီးသည်အထိ ကျန်းမာရေး ကောင်းမွန်လျက်ရှိပြီး လက်ရှိအ ချိန်တွင် တောင်ကြီးမြို့ ရေအေး ကွင်း ရပ်ကွက်၌ သားသမီးများ နှင့်အတူ နေထိုင်၍ ကားကိုပင် ကိုယ်တိုင်   မောင်းနေဆဲဖြစ် သည်။

    ၂၀၁၅ သည် ဗိုလ်ချုပ် အောင်ဆန်း နှစ်(၁၀၀)ပြည့် မွေး နေ့နှစ်ဖြစ်ပြီး ဗိုလ်ချုပ်မွေးရပ်ဇာတိ နတ်မောက်မြို့ အပါအ၀င် တစ်နိုင်ငံလုံးရှိ မြို့များတွင် ဗိုလ် ချုပ်ရာပြည့် အထိမ်းအမှတ်ပွဲများ ကျင်းပခဲ့သည်။

    (ဓာတ်ပုံ – ဂျွန်ချစ်ငြိမ်း)
    http://www.7daydaily.com/story/34194

    ** ဖြည့်စွက်ဖော်ပြချက်- ဦးဖရွတ်ခန်းခေါ် ဦးခန်း သည် အစ္စလာမ်ဘာသာဝင်တစ်ဦးဖြစ်ပြီး   ၁၉၅၀ ပြည့်နှစ်မှ ၁၉၆၀ ပြည့်နှစ်အထိ ဆယ်နှစ်နှစ် တိုင်တိုင် နှစ်ကြိမ်ဆက် တောင်ကြီးမြို့ မြူနီစပယ်အဖွဲ့ ဥက္ကဋ္ဌမြို့တော်ဝန်အဖြစ် တာဝန်ယူဆောင်ရွက်ခဲ့ပြီး ၁၉၆၂ ခုနှစ် တော်လှန်ရေးအစိုးရ တက်လာချိန်တွင် ဦးခန်းအား ရှမ်းစော်ဘွားများနှင့် အတူ ဖက်ဒရယ်အရေး ဆောင်ရွက်သည်ဟုဆိုကာ ၎င်းကို ဆယ်နှစ်ခန့် ထိန်းသိမ်းခဲ့သည်။

    ဦးဖရွတ်ခန်းခေါ် ဦးခန်း (သို့) သက်ရှိပင်လုံမှတ်တမ်း ဖတ်လိုလျှင်
    http://www.m-mediagroup.com/news/32147

  • လူအောင်ဆန်း (၈)

    လူအောင်ဆန်း (၈)

    ၀င်းအောင်ကြီး ရေးသည်။
    bo goke aung san and BoMu BaTaw
    မေယု တိုက်ရေယာဉ်ကို စစ်ဆေးဖို့ ရောက်လာတဲ့ ဗိုလ်ချုပ်အောင်ဆန်းရဲ့ ဒီပုံကိုကြည့်ရင်၊ အသက်ငယ်သေးပေမယ့် ဘယ်လောက် ရင့်ကျက်တယ် ဆိုတာ မြင်နိုင်ပါလိမ့်မယ်။ ရဲဘော်သုံးကျိပ်၊ စစ်သေနာပတိ၊ ဖက်စစ်တော်လှန်ရေး၊ တပ်တွင်း ပုဂ္ဂိုလ်ရေးပြသနာများ ခေါင်းဆောင် ကိုင်တွယ်ခဲ့ပြီးပြီ။၊

    မဟာမိတ်တို့ဘက်က ဗိုလ်ချုပ်စလင်း၊ မောင့်ဘက်တန်တို့နဲ့ ဆွေးနွေးခဲ့ပြီးပြီ။ အင်္ဂလိပ်တို့ရဲ့ Royal Navy မှာအမှုထမ်းနေတဲ့သူတွေကို တပ်မတော်ရတပ် အတွက်၊ Royal Air Force ကသူတွေ လေတပ်မှာ နေရာချ စီစဉ်ခဲ့တယ်။ တပ်သားဦးရေ ကန့်သတ်ထားရလို့ ပိုနေသူတွေကို ပြည်သူ့ရဲဘော်တပ်ဖွဲ့ ထူထောင်ကာ ကိုယ်တိုင်ကွပ်ကဲပေးခဲ့သေးကြောင်း မှတ်တမ်းတွေရှိတယ်။

    တပ်မတော်ကို ဖဆပလ ကနှုတ်ထွက်စေပြီးနောက် ကိုယ်တိုင် စစ်ဦးစီးချုပ် အဖြစ်က ထွက်လိုက်တာဟာ လွတ်လပ်ရေးရတဲ့အခါ၊ တပ်မတော်ရဲ့ အခန်းကဏ္ဍကို ပီပီပြင်ပြင်သတ်မှတ် ပေးလိုက်တာမဟုတ်လား?

    ပြည်ထောင်စုနဲ့ ထိုက်တန်အောင် တိုင်းရင်းသားစုံ ပါဝင်တဲ့ တပ်မတော် ဖြစ်လာခဲ့ ပုံကို လေ့လာကြည့်ပါ။ လူတိုင်းစစ်ပညာ မသင်မနေရ ဆိုတဲ့ မိန့်ခွန်းက လူထုတရပ်လုံးပိုင်တဲ့ နိုင်ငံရဲ့ လူထုတရပ်လုံးကို ကိုယ်စားပြုတဲ့ တပ်မတော် အဖြစ်ထူထောင်ဖို့ညွှန်းတာ မဟုတ်လား? တပ်အင်အားကို လိုအပ်ချိန်ကျ မှ ချဲ့တဲ့ခုခေတ်စနစ်ကို လွန်ခဲ့တဲ့ နှစ် ၆၀ လောက်ကတည်း သူမြင်ခဲ့တယ်။ စစ်ယူနီဖောင်းလေး ၂ စုံ လောက်နဲ့ ဘာ့ကြောင့်နေသွားသလဲ?

    ဒုတိယကမ္ဘာစစ်ကြီးပြီးခါစ တိုင်း ၄ က၊ ဗိုလ်မှူးဘရှင်နဲ့ တပ်ကြပ်ကြီး တင်ဦးတို့ လာတွေ့တော့ အင်္ကျီကိုဘောင်းဘီပွထဲထည့်ဝတ်ပြီး၊ ခါးပတ်နေရာမှာ ကြိုးနဲ့ ချီထားတာကို သူကြည့်နေတယ်၊ သူတို့ ၂ ယောက်နည်းတူ ဗိုလ်ချုပ်ကိုလည်း ကိုးကိုးတခွက်နဲ့ ငှက်ပျောသီး ၂ လုံး ဒေါ်ခင်ကြည်က လာချပေးတယ် စသဖြင့် (၁၉၅၇ ခု၊ ဇူလိုင်လ မြ၀တီ မဂ္ဂဇင်း) မှာရှာကြည့်ပါ။

    ဖက်စစ်တော်လှန်း စစ်ထွက်မိန့်ခွန်းကိုကြည့်ပါ၊ “ ရဲဘော်တို့ ၊ခရီးကကြမ်းမယ်၊ ပင်ပန်းမယ်၊ ဆင်းရဲမယ်၊ အန္တရယ်များမယ်၊ရဲဘော်တို့နဲ့ငါလည်းအတူထွက်မှာ” တဲ့။ ဒီဆောင်းပါးရေးချိန် ကိုယ့်အဖြစ်ပြန်သတိရမိတယ်။ ၁၉၅၆ ခု၊ အောက်တိုဘာလ ကျောင်းပိတ်ရက် အတွင်း ကျနော်တို့ ရန်ကုန်တက္ကသိုလ် အရန်တပ်ရင်း ( UTC) မိတ္ထီလာမှာ စခန်းချ (Camp)နဲ့သင်တန်းတက်ရတော့ ခါတိုင်းညနေဘက် လေ့ကျင့်ပုံမျိုးမဟုတ်တော့၊ စစ်စည်းကမ်းအပြည့်နဲ့ တကယ့်စစ်သင်တန်း၊ ခုပြန်တွေးရင်းတောင် ပင်ပန်းလိုက်တာ သေလုမျောပါး။ ၁၄ ရက်အတွက် တပ်သားလစာ ရတာဟာ ကျနော့ဘ၀ရဲ့ ပထမဆုံး ၀င်ငွေ။ ရေဗူးပေါက်တာ မလိုချင်၊ ရေပါတာပဲလိုချင်တယ် ဆိုတဲ့စကားဟာ စောစောတုန်းက ရယ်စရာ၊ ဟားစရာ၊ ခုတော့ စစ်အမိန့်ဆိုတာ ကိုယ်တွေ့။ အောက်ခြေတပ်သားတွေနဲ့ တသားတည်းနေတတ်တဲ့ ဗိုလ်ချုပ်ကိုပိုပြီးနားလည်ခဲ့တာပေါ့။

    ၁၉၅၄ ခု၊ ကာလ မြန်မာပြည်တွင်းသို့ ကျူးကျော်ဝင်ရောက်နေတဲ့ တရုတ်ဖြူတပ်များကို တပ်မတော်က တိုက်ထုတ်နေစဉ် လူထုကလည်း ၀င်ကူဝင်အားပေးတယ်လေ။ ၀န်ကြီးချုပ်ဦးနုကိုယ်တိုင် ဗိုလ်မှူးချုပ်ကျော်ဇောတို့ရဲ့ ရှေ့တန်း ဌာနချုပ် ရုံးစိုက်ရာ မိုင်းဆတ်သို့ စစ်လေယာဉ်ငယ်နဲ့ သွားရောက်ပြီး၊ တပ်မတော်သားများအား စိတ်ဓာတ်မြှင့်တင်ပေးပုံ သတင်းစာတွေထဲ ဖတ်ရချိန်၊ ကျနော်တို့ ရန်ကုန်တက္ကသိုလ်က အဆောင်တွေကလည်း ထမင်းတနပ်မစားဘဲ အဲဒီအတွက်ငွေ ရှေ့တန်းကတပ်မတော်သားများ အတွက်ပေးပို့လှူဒါန်းတဲ့ထဲ ကျနော်နေတဲ့ သထုံဆောင်လည်း ပါတာပေါ့။ ဘယ်သူကမှ စည်းရုံးလှုံ့ဆော်တာမဟုတ်။ ကိုယ့်အသိနဲ့ကိုယ် ကိုယ့်စေတနာနဲ့ကိုယ် တပြည်လုံး လုပ်ကြတာပါ။

    ဗိုလ်ချုပ်အောင်ဆန်းရဲ့ ကြိုးပမ်းမှုကနေ ပေါက်ဖွားလာတဲ့ ပြည်ထောင်စု သားတွေနဲ့ ပြည်ထောင်စုတပ်မတော်သားတွေကြား ထားတဲ့အောင်ဆန်း စိတ်ဓာတ်လို့ ဆိုပါရစေ။ ယေဘုယျအားဖြင့် အဲဒီအနေအထားဟာ ၁၉၆၂ ခုနှစ်၊မတ်လ ၂ ရက်နေ့အထိလို့ ဆိုရပေလိမ့်မယ်။ နောက်ပိုင်း တိုင်းပြည်၊ တပ်မတော်၊ လူထု စသဖြင့် အကုန်လုံးပြောင်းလဲ သွားခဲ့တဲ့ထဲ ခေတ်ရော စနစ်ရော မကျန်။ စီးပွါးရေး၊ ပညာရေး၊ ကျန်းမာရေး၊ လူမှုရေး အဘက်ဘက်က နိမ့်ဆင်းသွားခဲ့တာ ယနေ့မြင်နေရ တဲ့ အခြေအထိ မဟုတ်လား?

    ဘယ်အချိန်မှာ တိုင်းပြည်ခြောက်ထဲကျဖို့ လက်တလုံးအလိုသို့ ရောက်ခဲ့ဖူးသလဲ? တပ်မတော်ကသာ ကယ်တင်ခဲ့ရိုးမှန်ရင် တပ်မတော်အပေါ် လူထုရဲု့ ယုံကြည် ကိုးစားမှု ပျောက်ပျက်နိုင်ပါ့မလား? ရှိခဲ့ဖူးတဲ့ ချောမွေ့တဲ့ အပြန်အလှန် ချစ်ကြည်မှုကော လျော့နည်းသွားပါ့မလား?

    ယနေ့လူထုရဲ့အခြေအနေဟာ လူထုခေါင်းဆောင်အစစ် ဗိုလ်ချုပ်အောင်ဆန်းရဲ့ မျှော်မှန်းချက်နဲ့ ကိုက်ညီပါသလား? တပ်မတော်ကကော ဗိုလ်ချုပ်အောင်ဆန်းလက်ထက်ဝေးလို့ ၁၉၆၂ ခု၊ မတ်လ ၂ ရက်နေ့ အထိနဲ့တောင် ရေးတေးတေးတူသေးရဲ့လား? စာဖတ်သူများ အချင်းချင်း မေးကြဖို့၊ ဆွေးနွေးကြဖို့၊ တွေးကြဖို့ လူအောင်ဆန်း (၈) ကိုရေးလိုက်ရကြောင်းပါ။

    ၂၀၁၅ ခု၊ဖေဖော်ဝါရီလ ၁၅ ရက်။

    ဓါတ်ပုံ အညွှန်း-မေလ ၂၅ ရက်၁၉၄၇ ခုနှစ်မြန်မာပြည် သိမ်းပိုက်ရေးတိုက်ပွဲများတွင် ဗြိတိသျှရေတပ်မှ အသုံးပြုခဲ့သော ‘မေယု’ စစ်ရေယာဉ်အား ကန္ဒီစာချုပ်အရ ဗမာ့တပ်မတော်ဖွဲ့စည်းပြီး ဗမာ့ရေတပ်မတော် အတွက် လွှဲပြောင်း ပေးအပ်ပွဲ အခမ်းအနားမှ ဗိုလ်ချုပ်၏ရှားပါးဓာတ်ပုံ။ ပုံတွင်ဗိုလ်ချုပ်၏ အနောက်တွင်ဗိုလ်မှူး ဘသော်ကိုပါတွေ့မြင်နိုင်သည်

    လူအောင်ဆန်း (၁ မှ ၆ ထိ) ဖတ်လိုလျှင် =>http://www.m-mediagroup.com/news/37705
    လူအောင်ဆန်း (၈) ဖတ်လိုလျှင် =>http://www.m-mediagroup.com/news/37852
    ဗိုလ်ချုပ် အောင်ဆန်း ဘဝမှတ်တမ်း ဓါတ်ပုံများ ကြည့်လိုလျှင် =>https://www.facebook.com/media/set/?set=a.501249889917486.100008.468226919886450&type=3