ဇူလိုင် ၂၃၊ ၂၀၁၈
M-Media
– လူမျိုးရေးခွဲခြားစော်ကားမှုတွေ မလေးစားမှုတွေကြောင့် နိုင်ငံလက်ရွေးစင်ကစားသမားဘ၀ကနေ အနားယူလိုက်ပြီလို့ ဂျာမနီကွင်းလယ်ကစားသမား မီဆုအိုဇေးလ်က မနေ့မှာ Twitter စာမျက်နှာကနေတစ်ဆင့် ကြေငြာလိုက်ပါတယ်။
အသက် ၂၉ နှစ်အရွယ် အိုဇေးလ်ဟာ တူရကီနွယ်ဖွားဖြစ်ပြီး ဂျာမနီမှာ မွေးဖွားကြီးပြင်းခဲ့သူဖြစ်ပါတယ်။
၂၀၁၄ ခုနှစ် ကမ္ဘာ့ဖလားချန်ပီယံ ဂျာမနီအသင်းဟာ အခုနှစ်ကမ္ဘာ့ဖလားမှာ အုပ်စုအဆင့်က ထွက်ခွာခဲ့ရပါတယ်။ အိုဇေးလ်က သူ့ရဲ့လူမျိုး၊ မေလအတွင်းက တူရကီသမ္မတ အာဒိုဂန်နဲ့ တွေ့ဆုံမှုတွေကြောင့် ဂျာမနီအသင်း ကျရှုံးမှုမှာ သူ့ကို ဓားစားခံအဖြစ် ၀ိုင်းပြီးအပြစ်တင်နေကြတယ်လို့ ခံစားနေရပါတယ်။
“လတ်တလောအဖြစ်အပျက်တွေနဲ့ပတ်သက်ပြီး သေသေချာချာ စဉ်းစားသုံးသပ်ပြီး ဂျာမနီလက်ရွေးစင်အသင်းမှာ ဆက်မကစားတော့ဘူးလို့ ရင်နာနာနဲ့ ဆုံးဖြတ်လိုက်ပါတယ်။ လူမျိုးရေးခွဲခြားမှု၊ မလေးစားမှုတွေကြောင့် ဒီလို ဆုံးဖြတ်ခဲ့တာ ဖြစ်ပါတယ်။ DFB (ဂျာမနီဘောလုံးအဖွဲ့ချုပ်)နဲ့ အခြားသူတွေက ကျွန်တော့်ကို ဂျာမနီအသင်းဂျာဆီ နောက်ထပ်မ၀တ်တော့အောင် လုပ်လိုက်ကြတာပါ”
“လူမျိုးရေးခွဲခြားစိတ်ရှိတဲ့သူတွေကို ကပြားကစားသမားတွေရှိတဲ့ ကမ္ဘာ့အကြီးဆုံး ဘောလုံးအဖွဲ့ချုပ်မှာ အလုပ်လုပ်ခွင့် မပြုသင့်ပါဘူး။ သူတို့ရဲ့ လုပ်ရပ်တွေက သူတို့ကိုယ်စားပြုရမယ့် ကစားသမားတွေကို ရောင်ပြန်မဟပ်ပါဘူး”
ဂျာမနီအသင်းရဲ့ ကမ္ဘာ့ဖလားကျရှုံးမှုအတွက် တစ်သင်းလုံးထက် ဂျာမန်မီဒီယာတွေက သူ့ကိုပဲ အကြိမ်ကြိမ် ပြစ်တင်ပြောဆိုတာကို လက်မခံနိုင်ဘူးလို့လည်း အိုဇေးလ်က ပြောကြားခဲ့ပါတယ်။
“အသင်းနိုင်ရင် ကျွန်တော့်ကို ဂျာမန်လို့ ပြောကြတယ်။ အသင်းရှုံးရင်တော့ ကျွန်တော်ဟာ ခိုးဝင်ဖြစ်သွားပါတယ်။ ဂျာမနီနိုင်ငံသားတစ်ယောက်ဖြစ်ဖို့အတွက် ကျွန်တော့်မှာ စံချိန်မမှီတာ ဘာများရှိလို့လဲ။ ဂျွန်တော့်သူငယ်ချင်းတွေဖြစ်တဲ့ ပိုဒေါစကီးနဲ့ ကလိုဆေးတို့ဟာ ဂျာမနီ-ပိုလန်တွေလို့ ခွဲခြားမခံရဘူး။ ဒါဆို့ ဘာ့ကြောင့် ကျွန်တော်ကျတော့ ဂျာမနီ-တူရကီဆိုပြီး ခွဲခြားတာလဲ။ တူရကီဖြစ်နေလို့လား၊ ဒါမှမဟုတ် မွတ်စလင်ဖြစ်နေလို့လား”
အိုဇေးလ်ဟာ ၂၀၀၉ ခုနှစ်ကတည်းကစလို့ ဂျာမနီအသင်းအတွက် ၉၂ ပွဲ ပါဝင်ကစားပေးခဲ့ပြီး ၂၀၁၄ ခုနှစ် ကမ္ဘာ့ဖလားရ ဂျာမနီအသင်းရဲ့ အဓိကကစားသမားလည်း ဖြစ်ခဲ့ပါတယ်။
“အသင်းအတွက် အမြဲတမ်း အစွန်းကုန် ပေးဆပ်ခဲ့တာကြောင့် ဒီလိုဆုံးဖြတ်ချက်မျိုးချရတာ တော်တော် မလွယ်ကူပါဘူး။ ဒါပေမယ့် DFB က ထိပ်တန်းတာဝန်ရှိသူတွေကတောင် ကျွန်တော့်ရဲ့ တူရကီသွေးပါမှုကို မလေးမစားလုပ်ကြတာ၊ နိုင်ငံရေးကစားပွဲမှာ ကျွန်တော့်ကို ကြားညပ်အောင်လုပ်တာတွေ ရှိပါတယ်”
“ကျွန်တော်ဘောလုံးကစားတာ နိုင်ငံရေးကြောင့်မဟုတ်ပါဘူး။ ကျွန်တော် ဘာမှမတုန့်ပြန်ဘဲနေမှာ မဟုတ်ပါဘူး။ လူမျိုးရေးခွဲခြားမှုကို ဘယ်တော့မှ ကျွန်တော် လက်မခံပါဘူး”
မေလအတွင်းက အိုဇေးလ်နဲ့ အသင်းဖော် အီလ်ကေ ဂန်ဒိုဂန်တို့ဟာ တူရကီသမ္မတ အာဒိုဂန်နဲ့ တွေ့ဆုံမှုအတွက် ဝေဖန်ခံခဲ့ရပြီး ကမ္ဘာ့ဖလားမတိုင်ခင် ခြေစမ်းပွဲမှာ ပရိတ်သတ်တွေရဲ့ လှောင်ပြောင်မှုကို ခံခဲ့ရပါတယ်။
အိုဇေးလ်ကတော့ သူ့အနေနဲ့ အာဒိုဂန်နဲ့ မတွေ့ရင်တောင်မှ တူရကီသွေးပါမှုအတွက် မလေးမစား အလုပ်ခံရမှာဖြစ်တယ်လို့ ပြောကြားခဲ့ပါတယ်။
“အာဒိုဂန်နဲ့ ဓာတ်ပုံရိုက်တာဟာ နိုင်ငံရေးအတွက်လည်းမဟုတ်သလို၊ ရွေးကောက်ပွဲအတွက်လည်း မဟုတ်ပါဘူး။ ကျွန်တော့်မိသားစုနဲ့နွယ်နေတဲ့ တိုင်းပြည်ခေါင်းဆောင်ကို လေးစားသမှုပြုရုံ သက်သက်ပါ”
သူ့အနေနဲ့ တူရကီ၊ ဂျာမနီ မျိုးရိုးနှစ်ခုစလုံးအပေါ်မှာ သစ္စာစောင့်သိတယ်လို့လည်း ဆိုပါတယ်။
“တစ်ခြားလူတော်တော်များများလိုပဲ ကျွန်တော့်မျိုးရိုးဟာ နိုင်ငံတစ်ခုထက် ပိုနေတယ်။ ဂျာမနီမှာ မွေးဖွားကြီးပြင်းခဲ့ပေမယ့် မိသားစုက တူရကီအနွယ်ဖြစ်တယ်။ ကျွန်တော့်နှလုံးသားကို နှစ်ပိုင်းခွဲထားပြီး တစ်ခုက ဂျာမနီ၊ တစ်ခုက တူရကီအတွက်ပါ”
၂၀၁၆ ခုနှစ် ဇူလိုင်လမှာ ဖြစ်ခဲ့တဲ့ မအောင်မြင်တဲ့ အာဏာသိမ်းမှုနောက်ပိုင်း အာဒိုဂန်အစိုးရရဲ့ သံသယရှိသူတွေကို နှိမ်နှင်းမှုကြောင့် ဂျာမနီနဲ့ တူရကီအကြားမှာ တင်းမာမှုတွေ မြင့်တက်လာခဲ့ပြီး တူရကီနွယ်ဖွား တော်တော်များများရှိတဲ့ ဂျာမနီနိုင်ငံမှာလည်း တူရကီဆန့်ကျင်ရေးသဘောထားတွေ မြင့်တက်လာပါတယ်။
Ref: Aljazeera
