သြဂုတ်လ- ၁၂၊ ၂၀၁၃
M-Media
ဘေကျင်း(ပီကင်း)။ ။ ကန်တုံ (ကွမ်းတုံ)တောင်ပိုင်းဒေသ (Southern Gaungdong province) တွင် တရုတ်ကြက်မွေးမြူရေးသမားတစ်ဦးထံ H7N9 ကြက်ငှက်တုပ်ကွေးရောဂါပိုး တွေ့ရှိခဲ့ရသည်ဟု ကျန်းမာရေးတာဝန်ရှိသူများက အတည်ပြုပြောဆိုသည်။
၎င်းသည် တောင်ပိုင်းကန်တုံပြည်နယ်၌ ပထမဆုံးဖြစ်ပွားခြင်းဖြစ်သည်။
အသက် ၅၁ နှစ်အရွယ် အမျိုးသမီးတစ်ဦးသည် ဖျားနာမှုကြောင့် သြဂုတ်လ ၃ ရက်နေ့တွင် ဆေးရုံသို့ရောက်ရှိလာခဲ့ပြီး ယခုအခါ စိုးရိမ်ဖွယ် အခြေအနေသို့ရောက်ရှိနေကြောင်း ကန်တုံပြည်နယ်ကျန်းမာရေးဌာနမှ ပြီးခဲ့သည့်စနေနေ့က ပြောကြားခဲ့သည်။
“ သူမဟာ မွေးမြူရေးခြံက သားသတ်လုပ်သားဖြစ်တယ် ” ဟု ဒေသဆိုင်ရာကျန်းမာရေးဌာနက ၄င်း၏၀က်ဘ်ဆိုဒ်တွင် ထုတ်ပြန်ချက်တင်ထားခဲ့သည်။
၎င်း ကန်တုံ အပါအ၀င် တရုတ်နိုင်ငံအတွင်း၌ အလားတူ အဖြစ်အပျက် ၁၃၄ ခုဖြစ်ပွားလာကြောင်း သိရ၏။
လွန်ခဲ့သောလထိ တရားဝင်ထုတ်ပြန်ထားချက်အရ ထိုရောဂါဖြင့်သေဆုံးသူဦးရေ ၄၄ ယောက် ရှိသွားပြီဟု နိုင်ငံတော်သတင်းဌာန Xinhua (စင်ဟွာ)မှ စနေနေ့က ထုတ်ပြန်ကြေငြာခဲ့သည်။
ရောဂါပိုးတွေ့ရှိကြောင်းကို မတ်လနှောင်းပိုင်းက စတင်သတင်းရရှိခဲ့ပြီး၊ ရောဂါဖြစ်ပွားမှုအများစုသည် တရုတ်နိုင်ငံ အရှေ့ပိုင်းတွင်ဖြစ်ပြီး တရုတ်ပြည်ပြင်ပ ထိုင်ဝမ်၌ တစ်ကြိမ်သာ ဖြစ်ခဲ့သည်ဟု သိရသည်။
ယင်းရောဂါသည် လူလူချင်းထံမှလည်း ကူးစက်ပြန့်ပွားနိုင်သည် ကစစ်ဆေးတွေ့ရှိ ရကြောင်း ယခင်အပတ်က သိပ္ပံပညာရှင်များ တင်ပြခဲ့ကြသည်။
သို့သော်လည်း ရောဂါပိုး၏ ပြန့်ပွားမှုမှာ အကန့်အသတ်ရှိပြီး ရေရှည်ဖြစ်ပွားဖွယ် မရှိသည့်အတွက်ကြောင့် လူတို့မှ တုန်လှုပ်ကြောက်လှန့်ခြင်းမရှိကြရန် ၄င်းတို့က ဆိုသည်။
ဒေသဆိုင်ရာကျန်းမာရေးတာဝန်ရှိသူများသည် ပြီးခဲ့သည့်စနေနေ့က ကန်တုံဒေသ၏လူနာနှင့် အနီးကပ်ပတ်သက်ခဲ့သူ ၉၆ ဦးအား စောင့်ကြည့်နေရာမှ ၅၄ ဦးကို ဆေးစစ်စမ်းသပ်မှုများမှ ရုပ်သိမ်းလိုက်သည် ဟု Xinhua မှ ဆိုသည်။
ထိုလူနာသည် ဘိုလောင် (Boluo) ရှိ ဈေးများတွင် အလုပ်လုပ်သူဖြစ်ပြီး၊ ထိုဒေသသည် ပြည်နယ်မြို့တော် ကန်စု (Guangzhou)၏ အရေ့ဘက် ၁၂၉ ကီလိုမီတာ (၈၀ မိုင်) ဝေးသောနေရာတွင်ရှိသည်။
ရောဂါပိုးကူးစက်ခံရသူများစွာသည် ကြက်ငှက်များနှင့် တိုက်ရိုက်ထိတွေ့နေသူများဖြစ်ပြီး၊ အထူးသဖြင့် မွေးမြူရေးခြံအလုပ်သမားများ ဖြစ်သည်။ ယခုအခါ တရုတ်ပြည်နယ်အတွင်းရှိ ခြံများ၊ ကြက်ဈေးများအား ရောဂါပြန့်ပွားမှုမရှိစေရန် သက်ဆိုင်ရာမှ ပိတ်ခိုင်းထားကြောင်း သိရသည်။
လက်ရှိသီတင်းပတ်များအတွင်း H7N9 နှင့်ပတ်သက်သော တွေ့ရှိချက်များက သိသိသာသာ ကျဆင်းသွားခဲ့ပြီဖြစ်၏။
ကန်တုံဒေသ၏ နယ်နမိတ်နှင့် ကပ်လျက်ရှိသော တရုတ်နိုင်ငံတောင်ပိုင်းရှိ ဟောင်ကောင်မြို့တွင် အစိုးရ ပြောရေးဆိုခွင့်ရှိသူတစ်ဦးက ဒေသတွင်းတစ်ဝိုက် ရောဂါပိုးပြန့်ပွားလာမှုရှိမရှိကို စေ့စေ့စပ်စပ်စောင့်ကြပ်ကြည့်ရှုလျက် ရှိကြောင်း တနင်္ဂနွေနေ့၌ ပြောကြားခဲ့သည်။
– AFP/al
