Tag: Halal

ဟာလာလ် ကာကွယ်ဆေး ထုတ်လုပ်ရန် မလေးရှား ဆောင်ရွက်နေ၊ ၂၀၁၇ ခုနှစ်တွင် စတင် အသုံးပြုနိုင်မည်

ဧပြီ ၁၃၊ ၂၀၁၄
M-Media

– ကမ္ဘာပေါ်ရှိ သန်းပေါင်းများစွာသော အစ္စလာမ်ဘာသာဝင်များ၏ ရှောင်ရှားရမည့် တာဝန်ကို ဖြည့်ဆည်းရန်အတွက် ဟလာလ် ကာကွယ်ဆေးကို ထုတ်လုပ်နိုင်ရန် မလေးရှားရှိ ကော်ပိုရေးရှင်းတစ်ခုက ဆောင်ရွက်နေသည်ဟု သိရသည်။

ဦးနှောက်အမှေးရောင်ရောဂါ၊ အသည်းရောင်ရောဂါနှင့် meningococcal ရောဂါတို့အတွက် ကာကွယ်ဆေးများဖြစ်ပြီး မလေးရှားအခြေစိုက် ဟာလာလ်ထုတ်ကုန်များ ဖွံ့ဖြိုးတိုးတက်ရေးကော်ပိုရေးရှင်း HDC မှ ထုတ်လုပ်ရန် ဆောင်ရွက်နေခြင်းဖြစ်ကာ ၂၀၁၇ ခုနှစ်တွင် စတင်အသုံးပြုနိုင်ရန် မျှော်မှန်းထားသည်။

“ကာကွယ်ဆေးတွေကို ဟာလာလ်ဖြစ်အောင်လုပ်နိုင်တဲ့ နည်းလမ်းတွေကို ကျွန်တော်တို့ ရှာဖွေနေပါတယ်။ မြန်နိုင်သလောက်မြန်မြန်ပြီးဖို့ ကျွန်တော်တို့ မျှော်လင့်ထားပါတယ်။ အဲဒီ ကာကွယ်ဆေးတွေကို ဒေသတွင်းနဲ့ နိုင်ငံတကာက သိပ္ပံပညာရှင်တွေ၊ ရှရီအာကျွမ်းကျင်သူတွေနဲ့ အတူ အာရုံစိုက်လုပ်ဆောင်နေတာပါ” ဟု DHC မှ အမှုဆောင်အရာရှိချုပ် ဂျာမီလ်ဘိုင်ဒင်က ပြောကြားခဲ့သည်။

ထိုရောဂါများအတွက် ဟာလာလ်ကာကွယ်ဆေးထုတ်ရန် ကန်ဒေါ်လာ သန်း ၁၀၀ နီးပါးကုန်ကျမည်ဖြစ်ပြီး HDC နှင့် ဆော်ဒီ ကုမ္ပဏီတစ်ခုတို့က ပူးပေါင်းဆောင်ရွက်နေခြင်းဖြစ်ဖြစ်သည်။ ထိုကာကွယ်ဆေး အသစ်များကို အစ္စလာမ့်နည်းကျ လှီးဖြတ်ထားသော သားကောင်များမှ ရယူမည်ဖြစ်ပြီး၊ ၀က်မှထုတ်လုပ်ခြင်းပြုမည် မဟုတ်ပေ။

လက်ရှိ ဦးနှောက်အမှေးရောင် ကာကွယ်ဆေးကို အနောက်နိုင်ငံများက ၀က်မှထုတ်လုပ်ခြင်းဖြစ်ပြီး အစ္စလာမ်ဘာသာဝင်များနှင့် သင့်တော်ခြင်းမရှိချေ။

ဟဂ်ျဘုရားဖူးများအတွက် ၀န်ဆောင်မှု

လက်ရှိ ဦးနှောက်အမှေးရောင် ကာကွယ်ဆေးကို အနောက်နိုင်ငံများက ၀က်မှထုတ်လုပ်ခြင်းဖြစ်ပြီး အစ္စလာမ်ဘာသာဝင်များနှင့် သင့်တော်ခြင်းမရှိချေ။ ကမ္ဘာ့ပထမဆုံး ဟလာလ် ဦးနှောက်အမှေးရောင် ကာကွယ်ဆေးကို မက္ကာဟ်မြို့သို့ ဟဂ်ျဘုရားဖူးလာရောက်ကြသူများအား ထိုးပေးသွားမည်ဟု ဆိုသည်။

“ဟဂ်ျဘုရားဖူးလာရောက်ကြမယ့် ခရီးသည်တွေ အတွက် လိုအပ်တဲ့ ဦးနှောက်အမှေးရောင် ကာကွယ်ဆေး ထုတ်နိုင်အောင် ကျွန်တော်တို့ ပစ်မှတ်ထားလုပ်ဆောင်နေပါတယ်။ အခုသုံးနေတဲ့ဆေးတွေက ၀က်ကို အခြေခံပြီး ထုတ်ထားတာပါ” ဟု ဘိုင်ဒင်က ဆိုသည်။

ထို့ပြင် ၀က်မဟုတ်ဘဲ အခြားသော သတ္တ၀ါများကို အခြေခံကာ ထုတ်လုပ်ထားသည့် အဆိုပါကာကွယ်ဆေးများမှာ မွတ်စလင်နှင့် မွတ်စလင် မဟုတ်သူများ အကြားတွင်ပါ ဈေးကွက်လိုအပ်ချက် မြင့်မားလာမည်ဖြစ်ကြောင်း၊ ယခုလုပ်ဆောင်နေသည့် ကာကွယ်ဆေးသုံးမျိုး ထုတ်လုပ်ပြီးပါက အခြားသော ကာကွယ်ဆေးများကိုလည်း ဆက်လက်ထုတ်လုပ်သွားမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

ဦးနှောက်အမှေးရောင်ရောဂါမှာ ဦးနှောက်နှင့် စပိုင်နယ်ကော့ဒ်ရှိ ပါးလွှာသော အမှေးပါးရောင်ရမ်းသည့် ရောဂါဖြစ်ပြီး၊ ဦးနှောက်ပျက်ဆီးခြင်း၊ နားထိုင်းခြင်းနှင့် ဥာဏ်မမှီခြင်း စသည့် အကျိုးဆက်များကိုဖြစ်ပေါ်စေနိုင်သည်။ ထိုရောဂါဖြစ်ပွားသည့် လူနာများ၏ ၅ ရာခိုင်နှုန်းမှ ၁၀ ရာခိုင်နှုန်းမှာ သေဆုံးကြသည်ဟု ကမ္ဘာ့ကျန်းမာရေးအဖွဲ့ WHO ၏ စစ်တမ်းများအရ သိရသည်။

OnIslam & Newspapers

April 13, 2014
J-Me ပြောတဲ့ ဟာလာလ်ဆိုတာ

မတ် ၆၊ ၂၀၁၄
M-Media

ဟာလာလ်ဆိုတဲ့ စကားလုံးရဲ့ အဓိပ္ပာယ်ကို သိကြပါသလား၊ ကြားတော့ ကြားဖူးကြမှာပါ။ ဟာလာလ် “Halal” ကို ကျိန်းသေတယ်။ Ignorant ဖြစ်တဲ့လူတွေက အဓိပ္ပါယ် သေချာမသိဘူး၊ ဟုတ်တယ် ဟုတ်၊ သိရင်လည်း လည်လှီးတယ်ဆိုတာပဲ သိမှာ၊ ဘာကြောင့် လည်လှီးလဲ ဆိုတာရော သိကြပါသလား၊ ကိုယ်စားမယ့် အသားရဲ့ လည်မျိုမှာ သွေးကြောအစုံရှိတယ်။ သွေးထဲမှာ ရောဂါပိုး မြောက်မြားစွာ ကိန်းအောင်းတယ်။ သွေးဟာ မစားထိုက် မစားအံ့သော အရာဖြစ်ကြောင်း ကမ္ဘာဦးနဲ့ သမိုင်းကာလထဲ ဆေးကျမ်း၊ ဘာသာရေးကျမ်း၊ ပြုစုသူ တွေ ဖော်ပြမှတ်သားခဲ့ကြောင်း တွေ့ရှိတယ်။

အမှန်တော့ ဟာလာလ်ဆိုတာ သန့်ရှင်းသော (ညစ်ညမ်းမှု ကင်းရှင်းသော ) အစားအသောက် ကို Arabic စကားနဲ့ ခေါ်ဝေါ်သမုတ်ချင်းပင်၊ ဒီတော့ Food Products တွေနဲ့ စားသောက်ဆိုင်တွေမှာ Halal( ဟာလာလ်) ဟူသော အင်္ဂလိပ် Arabic စကားလုံးနဲ့ ရေးသားဖော်ပြထားပါရင် အစ္စလာမ်ဘာသာဝင်တွေအပြင် ကျန်ရှိတဲ့ ဘာသာခြား ညီအစ်ကိုမောင်နှမတွေ အတွက် စိတ်ချ လက်ချ စားသုံးနိုင်တဲ့ “သန့်ရှင်းသော အစားအစာ” ဟူသော အဓိပ္ပါယ်ရတယ်။

မြန်မာတိုင်း(မ်) ဂျာနယ် မှ ကောက်နှုတ်ဖော်ပြပါသည်။

March 6, 2014
ဟာလာလ်အသား ပိတ်သည့် သတင်း ဒိန်းမတ်ငြင်းဆို၊ အဆိုပါ သတင်းကြောင့် ဒိန်းမတ်အား သပိတ်မှောက်ရန် ကမ္ဘာ မွတ်စလင်များ ဆော်သြ

ဖေဖော်ဝါရီ ၂၅၊ ၂၀၁၄
M-Media

– အစ္စလာမ် သာသနာက သတ်မှတ်ပြဌာန်းထားသည့် ဟာလာလ် နည်းကျ သားသတ်မှုအား ပိတ်ပင် လိုက်သည်ဆိုသော သတင်းထွက်ပေါ်လာပြီး၊ ကမ္ဘာတစ်ဝှမ်းမှ မွတ်စလင်များက သပိတ်မှောက်ရန် ဆော်သြလာခဲ့သောကြောင့် အစ္စလာမ့်နည်းကျ သားသတ်နည်းအား ပိတ်ပင်ခြင်း မရှိဟု ဒိန်းမတ်နိုင်ငံက ပြောကြားခဲ့သည်။

“အစ္စလာမ့်နည်းကျ သားသတ်မှုကို ဒိန်းမတ်မှာ ပိတ်ထားခြင်းမရှိပါဘူး။ သားကောင်တွေကို အစ္စလာမ့်က သွန်သင်တဲ့ စည်းမျဉ်းစည်းကမ်း အတိုင်း လှီးဖြတ်မှုကို ဒီမှာ ခွင့်ပြုထားတုန်းပါပဲ” ဟု ဆော်ဒီအာရေဗျနိုင်ငံ ရီယာ့ဒ်မြို့ရှိ ဒိန်းမတ်သံရုံးက Arab News သတင်းဌာနသို့ ဖေဖော်ဝါရီ ၂၄ ရက် ယမန်နေ့တွင် ပြောကြားခဲ့သည်။

ဂျူးများနှင့် မွတ်စလင်တို့၏ သားသတ်နည်း ကျင့်ဝတ်များမှာ ဒိန်းမတ်နိုင်ငံတွင် တရားမ၀င်ဖြစ်တော့မည်ဟု ယခုလ အစောပိုင်းက ဒိန်းမတ် စိုက်ပျိုးရေးနှင့် စားသောက်ကုန် ၀န်ကြီး ဒန်ဂျော်ဂန်ဆန်က ပြောကြားခဲ့ပြီးနောက် အငြင်းပွားမှုများ ဖြစ်ပေါ်လာခဲ့သည်။

ကမ္ဘာတစ်ဝှမ်းရှိ မွတ်စလင်များကလည်း ထိုကဲ့သို့ တားမြစ် ပိတ်ပင်မှုကို ဆန့်ကျင်ခဲ့ကြပြီး၊ ၎င်းတို့၏ ဘာသာရေးဆိုင်ရာ သွန်သင်မှုကို လေးစားရန် ငြင်းပယ်နေသည့် ကာလ တစ်လျှောက်လုံး ဒိန်းမတ်မှ အသားများအား တင်သွင်းခြင်းမပြုရန် အစ္စလာမ်ဘသာဝင် အများစုရှိရာ နိုင်ငံများမှ ပြည်သူများက အစိုးရများကို တောင်းဆိုခဲ့ကြသည်။

ထို့ပြင် ထိုကိစ္စနှင့်ပတ်သက်၍ ဆွေးနွေး ငြင်းခုံမှုများလည်း ဖြစ်ပေါ်ခဲ့ပြီး အစ္စလာမ့်နည်းကျ သားကောင်လှီးဖြတ်မှုမှာ လူအများအပြား အသုံးပြုနေကြသည့် လျှစ်စစ်ရှော့ရိုက်ကာ သားသတ်မှုထက် ပို၍ကောင်းမွန်ကြောင်း သိပ္ပံနည်းကျ သက်သေပြထားသည်ဟု မွတ်စလင်များက အခိုင်အမာ ပြောဆိုသည်။

သာသနာပြုလုပ်ငန်းများကို လုပ်ဆောင်နေသည့် အိန္ဒိယမှ အစ္စလာမ့် ဓမ္မပညာရှင် ဒေါက်တာ ဇာကီရ်နိုက်ကမူ သားကောင်၏ ခန္ဓာကိုယ် အတွင်းမှ သွေးများကို လုံးဝ ကုန်စင်အောင် ပြုလုပ်ပေးသောကြောင့် အစ္စလာမ့်နည်းကျ သားကောင်လှီးဖြတ်ခြင်းမှာ ကျန်းမာရေးနှင့် ညီညွတ်သည်ဟု ပြောကြားခဲ့သည်။

“သွေးဆိုတာ ရောဂါအမျိုးမျိုးကို ဖြစ်ပွားစေတဲ့ ဘက်တီးရီးယား ပိုးမွှားတွေ၊ အဆိပ်အတောက်တွေ အတွက် အကောင်းဆုံး ကြားခံနယ်မြေပါပဲ” ဟု ဒေါက်တာ ဇာကီရ်နိုက်က ထောက်ပြပြောကြားခဲ့သည်။

အစ္စလာမ်ဘာသာဝင်များမှာ အလ္လာဟ်အရှင်မြတ်၏ နာမတော်ကို တိုင်တည်၍ သားကောင်များ၏ လည်ပင်းသွေးကြောအား လှီးဖြတ်ပြီးမှ ရရှိသော အသားများကိုသာ စားသုံးရသည်။ အစ္စလာမ်က သတ်မှတ်ထားသည့် ရှရီအာ ဥပဒေမှာ တိရိစ္ဆာန်များ အပါအ၀င် အလ္လာဟ်အရှင်မြတ် ဖန်ဆင်းထားသော အဖန်းဆင်းခံ အားလုံးအပေါ် သက်ရောက်သည့် ညှာတာမှုရှိသော ဥပဒေဖြစ်သည်ဟု မွတ်စလင် ဓမ္မပညာရှင်များက သဘောတူကြသည်။

ထို့ပြင် သားကောင်များအား မလိုအပ်သော နာကျင်မှုဖြစ်စေခြင်းမှ ရှောင်ရှားရန်နှင့် ပတ်သက်၍ အသေးစိတ်အချက်အလက်များကို အစ္စလာမ်တွင် သတ်မှတ်ပြဌာန်းထားသည်။

ဖြေရှင်းခြင်း

အစ္စလာမ်ဘာသာဝင်များ၏ ဝေဖန်မှုကို ဖြေသိမ့်သောအနေဖြင့် ရီယာ့ဒ်ရှိ ဒိန်းမတ်သံရုံးက ထိုကိစ္စအား ကာကွယ်ပြောဆိုခဲ့သည်။

“ကံမကောင်းစွာပဲ ဒိန်းမတ်အစိုးရရဲ့ အမိန့်ဟာ ဟာလာလ်ပုံစံနဲ့ သားသတ်မှုကို တိုက်ရိုက် ဆန့်ကျင်နေသလို မီဒီယာတွေက လွဲမှားစွာ ဖော်ပြ၊ ဘာသာပြန်ခဲ့ကြပါတယ်။ မွတ်စလင်တွေ ဒိန်းမတ်မှာ ဟာလာလ်အသားကို ၀ယ်ယူနိုင်ဖို့ဟာ ဒိန်းမတ်အစိုးရအတွက် အရမ်းကို အရေးကြီးပါတယ်” ဟု ဒိန်းမတ်သံအဖွဲ့မှ ဒုတိယ အကြီးအကဲ Fikre El-Gourfti က ပြောကြားခဲ့သည်။

ထို့ပြင် ယခုလက်ရှိ ဒိန်းမတ်တွင် ကျင့်သုံးနေသော သားကောင်မလှီးခင် မူးမေ့သွားအောင် ပြုလုပ်သည့် နည်းလမ်းမှာ မက္ကာမြို့အခြေစိုက် ကမ္ဘာ့မွတ်စလင်လိဂ် MWL ၏ အစ္စလာမ့်ဖီကာဟ်ကောင်စီ၏ သဘောတူညီမှုဖြင့် ပြုလုပ်ခြင်းဖြစ်သည်ဟု El-Gourfti က ထည့်သွင်းပြောကြားခဲ့သည်။

သို့သော်လည်း သံရုံးမှ ထုတ်ပြန်သော အဆိုပါကြေညာချက်အား မွတ်စလင် ဓမ္မပညာရှင် တစ်ဦးဖြစ်သူ Tawfik က ကန့်ကွက်ခဲ့ပြီး သားကောင်အား မလှီးဖြတ်ခင် မူးမေ့အောင်လုပ်ခြင်းမှာ အစ္စလာမ်နည်းကျမဟုတ်ဘဲ ထိုကဲ့သို့သော ဘာသာရေးသွန်သင်ချက် ပြင်ဆင်မှုကို MWL က လက်ခံမည်မဟုတ်ဟု ပြန်လည်တုံ့ပြန်ခဲ့သည်။

“ဟာလာလ်အစားအသောက် ရရှိဖို့ဟာ ဒိန်းမတ်မွတ်စလင်တွေရဲ့ အခွင့်အရေးပါ” ဟု ၄င်း ပြောကြားခဲ့ပြီး၊ ဟလာလ် အစားအသောက်များ ရသည့် တိုင်အောင် ငါးနှင့် ကြက်သားများကိုသာ ပြောင်းလဲစားသုံးရန် အကြံပြုခဲ့သည်။

ဒိန်းမတ်နိုင်ငံတွင် အစ္စလာမ်ဘာသာဝင်ဦးရေမှာ ၂ သိန်းခန့်ရှိပြီး နိုင်ငံ လူဦးရေ ၅.၄ သန်း၏ ၃ ရာခိုင်နှုန်းရှိသည်။

Ref: OnIslam & Newspapers

February 25, 2014
ကမ္ဘာ့တဝှမ်း ဟလာလ် စားသောက်ကုန်ဈေးကွက် အဆမတန် ထိုးတက်လာ

ဇန်နဝါရီ ၁၄၊ ၂၀၁၄
M-Media

ကမ္ဘာ့ဟလာလ်ဈေးကွက်ကြီးထွားလာမှုကြောင့် တရားဝင် မဟုတ်တဲ့ ဟလာလ်စားသောက် ကုန်ထုတ်လုပ်မှုဟာ ဒေါ်လာ တစ် ထရီလီယံ တန်ဖိုးကျော်လွန်နေတဲ့ အထိ ထိုးတက်မြင့်မားလာပြီး ၂၀၃၀ ခုနှစ်မှာ ဒေါ်လာ ၂ ထရီလီယံတန်ဖိုးအထိ ဆိုက်ရောက်သွားဖို့ရှိနေပါတယ်။

ဒီလိုဖြစ်ရတာက မွတ်စ်လင်မ် မဟုတ်သူများအနက် အစ္စလာမ့် စည်းမျဉ်းများနဲ့အညီ စီမံထားတဲ့ အစားအစာတွေအပေါ် နှစ်သက်မှုနှုန်းမြင့်မားလာတယ်။ ဒါကြောင့် ဟလာလ် စားသောက်ကုန်ဈေးကွက်ကို အဆမတန် ထိုးတက်သွားစေတာ ဖြစ်ပါတယ်။ Chulalongkorn တက္ကသိုလ်က ဟလာလ်သိပ္ပံဌာန Halal Science Center (HSC) ရဲ့ တည်ထောင် ညွှန်ကြားသူ တွဲဖက်ပါမောက္ခ Winai Dahlan မှ မကြာသေးခင် အင်တာဗျူး တစ်ခုမှာ Sunday’s Zaman သတင်းဌာနကို ပြောကြားလိုက်တာကတော့ – “ ဒီဈေးကွက် မြင့်မားကျယ်ပြန့်လာမှုမှာလည်း အန္တရာယ်တွေ ရှိလာတတ်ပါတယ်။ ဘာဖြစ်လို့လဲဆိုတော့ စားသုံးသူတွေဟာ ဟလာလ် တံဆိပ်ပေါ်က ပါဝင်ပစ္စည်းတွေကို ကျကျနန မဖတ်ရှုတာရယ်၊ ဟလာလ် တံဆိပ်တွေအပေါ် ယုံကြည်မှု လွန်ကဲလွန်းတာရယ်ကြောင့်ပါဘဲ ” တဲ့။

ဒါ့အပြင် သူက “ တကယ်လို့ အသင်ဟာ လှည့်ကြည့်စရာမလိုအောင် စိတ်ချရတယ်လို့ ခံစားရရင် အသင့်အနေနဲ့ အန္တရာယ် ရှိပြီလို့ ဆိုလိုရာရောက်ပါတယ်။ မတော်တဆဖြစ်ရပ်အများစုက ယုံကြည်စိတ်ချမှုလွန်ကဲခြင်းကြောင့် ဖြစ်ရတယ်ဆိုတာ ခင်ဗျားတို့ သိကြမှာပါ။ ဟလာလ်စားသောက်ကုန် ကဏ္ဍတွေမှာလည်း ဒီလိုတူညီတဲ့ အခြေအနေမျိုး ရှိပါတယ်။ အသိအမှတ်ပြုချက်တွေက လောက်လောက်လားလား တင်းကြပ်မှု ရှိမနေတော့ စားသုံးသူများအနေနဲ့ ကုန်ပစ္စည်း အမှတ်တံဆိပ်နဲ့ ပါဝင်ပစ္စည်းတွေကို စေ့စပ်စွာ ဆန်းစစ်ပြီးမှ ၀ယ်ယူစားသုံးဖို့လိုပါတယ်။ ဟလာလ်တံဆိပ်တပ် ထုတ်ကုန်တစ်ချို့ဟာ ဟရာမ် (စားသောက်အသုံးပြုခွင့်မရှိတဲ့ပစ္စည်း)တွေ ပါနေတာကို တွေ့လာရလို့ပါပဲ ” ဆိုပြီး ဆက်လက်ပြောပြပါတယ်။ သူတို့ရဲ့လေ့လာမှုများ အရ ဟလာလ်ထုတ်ကုန်တွေရဲ့ ၁၃ ရာခိုင်နှုန်းမှာ ဟရာမ် တွေ့ခဲ့ရကြောင်း အထောက်အထား ရရှိခဲ့ကြတယ်။ ဒီကဏ္ဍမှာ ပိုမိုထိန်းချုပ် ကိုင်တွယ်ဖို့ နဲ့ မျက်ခြေမပြတ်စစ်ဆေးဖို့ လိုအပ်နေကြောင်းကို လေ့လာမှုက ထောက်ပြနေတယ်လို့ Dahlan က ဆိုပါတယ်။

Dahlan ရဲ့ဖော်ပြချက်အရ ကမ္ဘာ့ဟလာလ် ဈေးကွက်ကြီးထွားလာမှုကြောင့် တရားဝင် မဟုတ်တဲ့ ဟလာလ် စားသောက်ကုန် ထုတ်လုပ်မှုဟာ ဒေါ်လာ တစ် ထရီလီယံ တန်ဖိုးကျော်လွန်နေတဲ့အထိ ထိုးတက်မြင့်မားလာပြီး ၂၀၃၀ ခုနှစ်မှာ ဒေါ်လာ ၂ ထရီလီယံ တန်ဖိုးအထိ ဆိုက်ရောက်သွားဖို့ ရှိနေပါတယ်လို့ သိရတယ်။ မွတ်စ်လင်မ် မဟုတ်သူများကလည်း ဟလာလ်စားကုန်နဲ့ ဈေးကွက်ပြိုင်ဆိုင်မှုအပေါ် မျက်စေ့ကျမှု မြင့်မားနေပါတယ်။ ထူးခြားနေတာကတော့ ဟလာလ် အစားအသောက်ကို ပြည်ပပို့ကုန်အဖြစ် အဓိက ထုတ်လုပ်သူနေသူတွေဟာ ဘရာဇီးလ်၊ အမေရိကန်၊ တရုတ်၊ အိန္ဒိယ နဲ့ ထိုင်း စတဲ့ မွတ်စ်လင်မ်မဟုတ်သော တိုင်းပြည်များ ဖြစ်နေတာပါပဲ။ ဒီကဏ္ဍထဲ ဈေးကွက်ဝေစု အတိုင်းအတာတစ်ခုအထိယူထားတဲ့နိုင်ငံများအနက် တူရကီလည်း ပါဝင်ပါတယ်။ ဒါပေမယ့် သူ့အနေနဲ့လည်း ဈေးကွက်လိုအပ်ချက်ပြည့်မီအောင်ထုတ်လုပ်နိုင်အောင် ကြီးမားလှတဲ့အခြေခံရင်းနှီးမြှုပ်နှံမှု၊ ကျွမ်းကျင်မှု နဲ့ ထဲထဲဝင်ဝင်လုပ်သားအင်အား ရရှိဖို့ မလွယ်လှပါဘူး။

၁၈ နှစ်တာသက်တမ်းရှိ HSC မှာ မွတ်စ်လင်မ် လုပ်သားအင်အား ၉၀ ရာခိုင်နှုန်းရှိပြီး၊ ဟလာလ် စားသောက်ကုန်ဆိုင်ရာ လေ့လာမှုနဲ့ အသိအမှတ်ပြု လက်မှတ်အတွက် ပထမဆုံး တည်ထောင်ထားတဲ့ အဖွဲ့အစည်း ဖြစ်ပါတယ်။ အဲ့ဒီမှာ ဂုဏ်ထူးဆောင် မွတ်စ်လင်မ်ပညာရှင်များ ပါဝင်ကြတဲ့ အတိုင်ပင်ခံဘုတ်အဖွဲ့ တစ်ရပ်ရှိပါတယ်။ ဒါတင်မကသေးပါဘူး။ အာဆီယံနိုင်ငံ အနေနဲ့ ဟလာလ်စားကုန် ဈေးကွက်ဝေစုထဲ တိုးမြှင့် ပါဝင်နိုင်ရေးအတွက် ထိုင်းနိုင်ငံမှာ ပုဂ္ဂလိက ကဏ္ဍအားဖြင့် ပရောဂျက်တွေကို စံနစ်တကျ အကောင်အထည်ဖော်နေပါတယ်။ ဟလာလ် ကုန်ထုတ်လုပ်ငန်း၊ ကုမ္ပဏီများကို စောင့်ကြပ်ကြည့်ရှု စစ်ဆေးရေး စတဲ့ ၀န်ဆောင်မှုတွေပေးနေသလို၊ ဒီကဏ္ဍနဲ့ ပတ်သက်ပြီး နားလည် တတ်ကျွမ်းအောင် လေ့လာသင်ကြားသူများကိုလည်း အသိအမှတ်ပြု လက်မှတ် ချီးမြှင့်နေပါတယ်။

အလှကုန်ပစ္စည်းကနေ ဆေးဝါးများအထိ၊ အစားအသောက်ကနေ အထည်အလိပ်အထိ ကုန်ပစ္စည်းများစွာကို ဒီစင်တာက အနုစိပ် သုတေသနပြုလျက်ရှိတယ်။ ဒီသုတေသနပြုချက်တွေက အသားစ တစ်စပင်လျှင် ဟလာလ်နည်းနဲ့အညီ ထုတ်လုပ်ထွက်ရှိလာမှု ဟုတ်မဟုတ်ကို သက်သေပြနိုင်တယ်လို့ Dahlan က အလေးအနက်ထားပြောကြားပါတယ်။ အချို့သော ပင်လယ်စာများဟာ ဟလာလ်ဖြစ်ပေမယ့်လည်း ထုတ်လုပ်မှုနည်းစဉ်ထဲ ဖြည့်ထည့်လိုက်တဲ့ ပါဝင်ပစ္စည်းတွေကြောင့် ဟရာမ် ဖြစ်သွားနိုင်တယ်၊ အချို့သော ပင်လယ်စာ စည်သွပ်ဗူးတွေထဲမှာ (အစ္စလာမ်က တားမြစ်ပိတ်ပင်ထားတဲ့ ) ၀က်သားတွေ ပါဝင်နေတာကို HSC ရဲ့စစ်ဆေးမှုများထံက အဖြေထွက်လာပါတယ် ဆိုပြီး သူက ဆက်ရှင်းပြခဲ့ပါတယ်။

“ အလှကုန်ပစ္စည်းတွေထဲ ၀က်ဆီပါဝင်နေမှုကို ထင်ထင်ရှားရှားတွေ့ရတယ်။ ဒီလိုပစ္စည်းမျိုးပါဝင်နေတဲ့ ထုတ်ကုန် အမျိုးအစားတွေကို ကျွန်တော်တို့ရဲ့ အသေးစိပ် လေ့လာချက်တစ်ခုကနေ စာရင်းပြုစုခဲ့တယ်။ ပြီးတော့ စားသုံးဝယ်ယူသူတွေ အလွယ်တကူ သိရှိနိုင်အောင် ဒီအချက်အလက်တွေ ထည့်သွင်းပေးထားတဲ့ iPhone application တစ်ခုကိုလည်း ဖန်တီးလိုက်ပါတယ်။ ဟလာလ်ကုန်ကြမ်းပစ္စည်းအချို့က အချောသတ် ထုပ်ပိုးဖြန့်ချိတဲ့အခါမှာ ဟရာမ်ဖြစ်လာနိုင်ပါတယ်။ ကုန်ပစ္စည်းရေရှည်အထားခံအောင် အသုံးပြုပစ္စည်းတွေမှာ (ဂျယ်လီတွေထဲမှာ သုံးတဲ့) ၀က်ရိုးအမှုန့်တွေ ထည့်သွင်းလေ့ရှိတဲ့ အတွက်ကြောင့် ဖြစ်ပါတယ် ” လို့ Dahlan က အတန်တန်သတိပေးလိုက်ပါတယ်။

ထိုင်းနိုင်ငံရဲ့ ဟလာလ်စားသောက်ကုန်ကဏ္ဍက တစ်နှစ်ထက်တစ်နှစ် ၂၀ ရာခိုင်နှုန်း တိုးတက်လာတဲ့အတွက် တူရကီ အပါအ၀င် အရှေ့အလယ်ပိုင်း ဈေးကွက်တွေထဲ ခြေဆန့်ဖို့အထိ စီစဉ်ထားကြောင်း ထိုင်းအာဏာပိုင်များရဲ့အဆိုအရ သိရတယ်။

“ ဟလာလ်စားသောက်ကုန်ကဏ္ဍကို ပြည်တွင်းမွတ်စ်လင်မ်တွေအတွက် ဖန်တီးခဲ့တာပါ။ ဒါပေမယ့် ဈေးကွက်တောင်းဆိုမှုအရ နိုင်ငံတကာ ကုန်သွယ်ရေးကဏ္ဍတစ်ရပ် ဖြစ်လာစေပါတယ်။ ဟလာလ်ထုတ်ကုန်တွေနဲ့ပတ်သက်ပြီး ပညာပေးခြင်း၊ သင်တန်းပေးခြင်း၊ ရင်းနှီးမြှုပ်နှံမှုများအားဖြင့် ရေရှည်ဆောင်ရွက်နိုင်အောင် စီမံထားပါတယ်။ ကျွန်တော်တို့ဆီမှာ အခြေခံအဆောက်အဦးနဲု့ ကုန်အမျိုးအစားတွေ ခိုင်ခိုင်မာမာ ရှိနေပါတယ်။ တူရကီမှာ ဟလာလ် စားသောက်ကုန်နဲ့ပတ်သက်ပြီး သတိပေးနှိုးဆော်မှု မြင့်မားနေတာကို ကျွန်တော်တို့ တွေ့မြင်ရပါတယ်။ HSC သင်တန်းတက်နေကြတဲ့ တူရကီနိုင်ငံကလူတွေ ကျွန်တော်တို့ဆီမှာ မနည်းမနောပါပဲ။ တူရကီနဲ့လုပ်တဲ့ ကျွန်တော်တို့ရဲ့ကုန်သွယ်ရေးထဲမှာ များမကြာမီ ဟလာလ်စားသောက်ကုန်တွေလည်း ပါဝင်လာနိုင်မယ်လို့ ကျွန်တော်တို့ မျှော်လင့်ပါတယ် ” လို့ အစိုးရအရာရှိတစ်ဦးက ပြောဆိုထားပါတယ်။

Ref: Eat Halal.com

January 14, 2014
မွတ်စ်လင်များအတွက် ကမ္ဘာ့ပထမဆုံးကဏ္ဍစုံပါ ခရီးသွား ၀ဘ်ဆိုဒ်

ဒီဇင်ဘာ ၂၂၊ ၂၀၁၃
M-Media

မွတ်စ်လင်ခရီးသွားများအတွက် သူတို့၏ ခရီးစဉ်ချောမွေ့ရေး နှင့် ကြိုတင်စာရင်းပေးသွင်းနိုင် HalalTrip.com ဆောင်ရွက်ပေးတော့မည်ဟု သိရသည်။ အသုံးပြုသူများအားနွေးထွေးစေသည့် ဤ၀က်ဘ်ဆိုဒ်သည် သူတို့၏ဘ၀နေဟန်နှင့်ကိုက်ညီသော ဟိုတယ်များ၊ လေကြောင်းလိုင်းများ နှင့် ခရီးသွားအစီအစဉ်များကို တွဲဖက်ပေးနိုင်သဖြင့် မွတ်စ်လင်မ်ခရီးသွားများအဖို့ အဆင်ပြေချောမွေ့စေသည်။

မွတ်စ်လင်များ၏လိုအပ်ချက်များကို သီးသန့်ဖြည့်ဆည်းပေးနိုင်သည့် ကြိုတင်စီမံနိုင်ရာ ခရီးသွားဝန်ဆောင်မှုလုပ်ငန်းစဉ်မှာ လိုအပ်နေဆဲဖြစ်သည်။ ကမ္ဘာ့ထိပ်တန်းဝင် ဟလာလ် ခရီးသွားလုပ်ငန်း Crescentrating မှ HalaTrip.com အား မိတ်ဆက်ပေးလိုက်သောအခါ အရာရာပြောင်းလဲ သွားလေသည်။ ယခုအခါ HalalTrip.com အား မွတ်စ်လင်ခရီးသွားများအတွက် အထူးကဏ္ဍအစုံပါ ခရီးသွားဝန်ဆောင်မှုဆိုဒ်တစ်ခုအဖြစ် ထပ်မံပြောင်းလဲလွှင့်တင်လိုက်ပြီဖြစ်သည်။

HalalTrip.com အတွင်း ဟိုတယ်များ ၃၈၀,၀၀၀ ကျော် နှင့် အခြားတည်းခိုနေရာများကို ကြိုတင်စာရင်းပေးနိုင်သော Booking.com ပါဝင် ထည့်သွင်းထားသည်။ ကမ္ဘာအနှံ့ရှိ ဟလာလ် စားသောက်ဆိုင်များ၊ ဗလီဝတ်ကျောင်းတော်များ နှင့် ဟိုတယ်နှင့်အနီးဝန်းကျင်ရှိ ဟလာလ်ဝန်ဆောင်မှုများကို ဖော်ပြပေးထားသည့် လမ်းညွှန်မှ တဆင့် ခရီးသွားများအဖို့ အဆင်အပြေဆုံးကို ရွေးချယ်နိုင်မည်ဖြစ်သည်။ Crescentrated Hotels များကလည်း သူတို့၏ အခိုင်အမာအသိအမှတ်ပြု လက်မှတ်ရ ဟလာလ်ဆိုင်ရာ ၀န်ဆောင်မှုများကိုတွဲ၍ ဖော်ပြပေးဦးမည်ဖြစ်သည်။ HalalTrip.com သည် ၄င်း၏ဖောက်သည်များအတွက် တစ်ခေတ်ဆန်းဟိုတယ်များ နှင့် အားလပ်ရက် ခရီးသွားဝန်ဆောင်ချက်များကိုဖော်ပြပေးမည့် ကမ္ဘာ့အကြီးဆုံးဝက်ဘ်ဆိုဒ်တစ်ခုဖြစ်လာရန် Booking.com နှင့်အတူ လက်တွဲပူးပေါင်းထားကြောင်းသိရသည်။

လေကြောင်းလိုင်းကြိုတင်စာရင်းပေးသွင်းရေးကဏ္ဍတွင် ကြိုတင်မှာကြားစီစဉ်ရာ၌ အကောင်းဆုံးနှုန်းထားရရှိစေရန်အတွက် Wego.com ၏ meta-search engine ကို အားဖြည့်အသုံးပြုထားသည်။ မကြာသေးမီက Wego တည်ထောင်သူအပြင် CEO ဖြစ်သော ရော့စ် ဗိတ်ခ်ျ (Ross Veitch) နှင့်ပြုလုပ်ခဲ့သည့် တွေ့ဆုံမေးမြန်းခန်း၌ သူက “ Wego ဟာ HalalTrip.com အတွက် လေကြောင်းလိုင်းရှာဖွေမှုနည်းပညာကို ပံ့ပိုးခွင့်ရရှိခြင်းကို ၀မ်းမြောက်မိပါတယ်။ အစ္စလာမ့်ခရီးသွားများအဖို့ အကောင်းဆုံးနေထိုင်ရေး နဲ့ ဆုံးဖြတ်ရွေးချယ်မှုဈေးကွက်ဖော်ဆောင်ခြင်းဆိုသော ဆန်းသစ်တဲ့နည်းစဉ် လုပ်ဆောင်နိုင်ခဲ့တဲ့အပေါ် Crescentrating ကို ဂုဏ်ပြုချီးကျူးပါတယ် ” ဟု ပြောကြားခဲ့သည်။

မွတ်စ်လင်များအတွက် အဓိကဦးတည်ထားသည့် ခရီးသွားအစီအစဉ်များကို HalalTrip.com နှင့် ၄င်း၏ခရီးသွား ကိုယ်စားလှယ်များမှ များမကြာခင် ဆောင်ရွက်ပေးတော့မည်ဖြစ်၏။ ဤခရီးသွားအစီစဉ်များအား ကမ္ဘာ့အကြီးဆုံး ခရီးသွားလုပ်ငန်းအုပ်စု Kuoni Group Travel Experts နှင့် အတူ တိုးမြှင့်ပူးပေါင်းဆောင်ရွက်ထားသည်။ အာရှပစိဖိတ် နှင့် အမေရိကအတွင်း ဈေးကွက်လေ့လာရေးနှင့်အရောင်းဌာနဆိုင်ရာ Kuoni Group Travel Experts ၏ဒုဥက္ကဌ (Senior Vice President for Sales and Marketing Asia Pacific & the Americas) မှ “ ၁.၆ ကုဋေ ကျော်တဲ့အထိ တဖြည်းဖြည်းတိုးပွားလာတဲ့ လူဦးရေပမာဏနဲ့အတူ ခရီးသွားမွတ်စ်လင်မ်တွေလည်း မျာပြားလာနေတယ်။ တဆက်တည်းမှာပဲ ရမဿွာန်လ အတွင်း ဟလာလ်အ စားအစာရရှိဖို့၊ ၀တ်ပြုနိုင်ရေး လိုမျိုး ခရီးစဉ်အထူးလိုအပ်ချက်များ ၀န်ဆောင်ပေးနိုင် တာကိုလည်း ရွေးချယ် လာကြတယ်။ Crescentrating ၊ HalalTrip.com နဲ့ ကျွန်တော်တို့ရဲ့ဖက်စပ်ပူးပေါင်းမှုဟာ ဟလာလ်နဲ့ညီညွတ်တဲ့ခရီးစဉ်၊ နေရာ၊ အတွေ့အကြုံများကို ထပ်မံကျယ်ပြန်အောင် တိုးချဲ့ခြင်းနဲ့အတူ ခရီးသွားများရဲ့လိုအပ်ချက်များကို အတိုင်းထက်အလွန်ဖြည့်ဆည်းပေးနိုင်မှာပါ ” ဟူ၍ ရှင်းပြခဲ့သည်။

Crescentrating ၏ လုပ်ငန်းလည်ပတ်ရေး ဌာနမှူး ဒဲန်နီ ဘိုလ်ဒျုက်(Dany Bolduc) မှ “ HalalTrip.com ၀က်ဘ်ဆိုဒ်ဖြစ်ပေါ်လာခြင်းအတွက် ကျွန်တော်တို့ အထူးဝမ်းမြောက် ဂုဏ်ယူပါတယ်။ ဒါ့အပြင် အဲ့ဒီဆိုဒ်ကို ဟလာလ်ခရီးစဉ်အတွက် ကြိုတင်မှာယူမှုအွန်လိုင်းဈေးကွက်နယ်ပယ်မှာ ဦးဆောင်အဆင့်ရောက်နိုင်အောင် ရည်ရွယ်နေပါတယ်။ မွတ်စ်လင် ခရီးသွားများအတွက် အခက်အခဲမရှိသော ခရီးစဉ်များ ဖန်တီးနိုင်ရေး အပိုဆောင်း လိုအပ်ချက် နဲ့ မပြတ်တိုးပွားလာတဲ့ အချက်အလက်တွေအတွက် ကျွန်တော်တို့ဆီမှာ ရေရှည်အစီအစဉ်တွေ ရှိပါတယ် ” ဟု ဆိုသည်။ ၄င်း၌ အာရဗီ နှင့် အခြားဘာသာစကားများဖြင့်ဖော်ပြမှု စသည်များလည်း ပါဝင်မည်ဖြစ်ကြောင်းသိရသည်။

မွတ်စ်လင် ခရီးသွားများ၏ ခရီးစဉ်သုံးငွေသည် ၂၀၂၀ ခုနှစ်တွင် အမေရိကန်ဒေါ်လာ ကုဋေ ၂၀၀ သို့ရောက်ရှိမည်ဟု ခန့်မှန်းကြသည်။ အရှေ့အလယ်ပိုင်း နှင့် အခြားသော မွတ်စ်လင်မ် လူများစုရှိရာဈေးကွက်များတွင် ကြိုတင်မှာကြား စီစဉ်နိုင်သည့် အွန်လိုင်းခရီးသွားလုပ်ငန်းသည်လည်း ထိုဒေသများအတွင်း အင်တာနက် နှင့် smart phones များမှတဆင့် ထိုးဖောက်ခေတ်စားလာလေသည်။

မွတ်စ်လင် ခရီးသွားများအတွက် ၄င်းဝက်ဘ်ဆိုဒ်အသစ်၌ ကမ္ဘာလှည့်မွတ်စ်လင် ခရီးသွားဦးရေ တိုးပွားမြင့်တက်မှု မူတည်၍ ကမ္ဘာတစ်ဝှန်းရှိ ဟလာလ် စားသောက်ဆိုင် လမ်းညွှန် နှင့် သက်ဆိုင်ရာပြည်တွင်းလမ်းပြများ အကြောင်းတို့ကိုလည်း တွေ့နိုင်ကြောင်း သိရသည်။

HalalTrip.com အမည်ရှိဆိုဒ်သည် အစ္စလာမ့်စည်းမျဉ်းများနှင့်အညီ ခရီးသွားလိုသူများအတွက် ကျယ်ပြန့်သောဝန်ဆောင်မှု အမြောက် အများပေးအပ်နိုင်ကြောင်း စင်္ကာပူအခြေစိုက် အထူး ခရီးသွားလုပ်ငန်း Crescentrating ကဆိုသည်။“ မွတ်စ်လင် ခရီးသွားများအတွက် ကမ္ဘာ့ပထမဆုံး ကဏ္ဍအစုံပါ ခရီးသွားဝဘ်ဆိုဒ် ဖြစ်တယ်” ဟု AFP သို့ Crescentrating မှ အမှုဆောင်ချုပ် ဖာဇဲလ် ဘဟာဒီးန် (FazalBahardeen) က ပြောကြားခဲ့သည်။ တစ်ချိန်က အစ္စလာမ် ခရီးသွားများအတွက် ကြိုတင်ခရီးစဉ်ဝန်ဆောင်မှုကို သီးသန့်ဖြည့်ဆည်းပေးနိုင်သည့် ခရီးသွားဆိုဒ် လိုအပ်နေခဲ့ကြောင်းကိုလည်း ၄င်းက ဖြည့်စွက်တင်ပြသည်။ Crescentrating ၏ လုပ်ငန်းလည်ပတ်ရေးဌာနမှူး ဒဲန်နီ ဘိုလ်ဒျုက်(Dany Bolduc)၏အဆိုအရ မွတ်စ်လင် တို့၏ ခရီးသွားအသုံးစရိတ်သည် ၂၀၁၁ ခုနှစ်တွင် ဒေါ်လာ ၁၂၆ ကုဋေ ရှိခဲ့ရာမှ ၂၀၂၀ ခုနှစ်တွင် ဒေါ်လာကုဋေ ၂၀၀ အထိရောက်ရှိမည်ဟု ခန့်မှန်းထားကြောင်း သိရသည်။

Crescentratingသည် HalalTrip.com အား ဇွန်လက သြစတြီးယန်း(Austrian) ပိုင်ရှင်ထံမှ ၀ယ်ယူခဲ့ပြီး၊ကဏ္ဍအသစ်များဖြင့် အသစ်တစ်ဖန် လွှင့်တင်လိုက်ခြင်းဖြစ်သည်။

အချက်အလက်များအား အတိအကျသိရှိရန် HalalTrip.com သို့ ၀င်ရောက် ဖတ်ရှုနိုင်ပြီဖြစ်၏။

CrescentratingPte Ltd အကြောင်း
————————————-
CrescentratingPte Ltd သည် စင်္ကာပူအခြေစိုက်ကုမ္ပဏီတစ်ခုဖြစ်ပြီး၊ ဟလာလ် အခြေပြုခရီးသွားလုပ်ငန်း၌ စဦးဆောင်ရွက်သူ နှင့် ကမ္ဘာ့ဦးဆောင်သူ ဖြစ်သည်။ “Halal Travel” ကဏ္ဍသစ်တိုးမြှင့်ခြင်းအားဖြင့် မွတ်စ်လင် ခရီးသွားများအား ကမ္ဘာအနှံ့ခရီးစဉ်များ၌ စိတ်လက်အေးချမ်းစွာ သွားလာနိုင်ရန် နှင့် ခရီးသွားများ၊ ခရီးသွားလုပ်ငန်း ၀န်ဆောင်မှုများသာကမ လူ့အဖွဲ့အစည်းအားလုံး အတွက်ပါ ကောင်းကျိုးဖြစ် ထွန်းလာရန် ၄င်းမှ ရည်ရွယ်သည်။

အပျော်တမ်းခရီးဖြစ်စေ၊ လုပ်ငန်းစဉ်ခရီးဖြစ်စေ Crescentrating.com၊ HalalTrip.com နှင့် Crescent Trips ၏ mobile application သည် ကမ္ဘာ့အကောင်းဆုံး ၀န်ဆောင်မှုများဖြင့် “Halal Travel” အစီအစဉ်အား အခက်အခဲမရှိ ပြုလုပ်နိုင်ရန် လုပ်ဆောင်ပေး သွားမည်ဟု မျှော်လင့် ရပေသည်။

Ref: eat-halal

December 22, 2013