News @ M-Media

Tag: Halal

  • တောင်ကိုရီးယား အစားအသောက်လုပ်ငန်းများ ဟာလာလ်ဈေးကွက် ရှာဖွေလာကြ

    တောင်ကိုရီးယား အစားအသောက်လုပ်ငန်းများ ဟာလာလ်ဈေးကွက် ရှာဖွေလာကြ

    ဇန်န၀ါရီ ၅၊ ၂၀၁၅
    M-Media

    south halal

    – တောင်ကိုးရီးယားတွင် အစားအသောက်ကုမ္ပဏီများနှင့် လယ်သမားများမှာ ဈေးသက်သာသောပြိုင်ဘက်များနှင့် ယှဉ်ပြိုင်ရန် ခက်ခဲလာပြီး နိုင်ငံခြားငွေလဲလှယ်နှုန်းများ အခြေအနေမကောင်းသောကြောင့် ကမ္ဘာ့ဟလာလ်ဈေးကွက်ကို လျင်မြန်စွာ ထိုးဖောက်နိုင်ရန် အားစိုက်ကြိုးပမ်းမှုများ ပြုလုပ်လာကြသည်ဟု တောင်ကိုရီးယား စက်မှုထုတ်ကုန် စာင့်ကြည့်သူများက ပြောကြားခဲ့သည်။

    ဟာလာလ် အစားအသောက်ဆိုသည်မှာ ကျန်းမာရေးနှင့် ညီညွတ်မှုကို ဦးစားပေးသည့် အစ္စလာမ့်နည်းလမ်းများအတိုင်း ပြင်ဆင်ချက်ပြုထားသော အသားများ၊ သီးအနှံများ ဖြစ်သည်။ ကမ္ဘာ့ဟာလာလ် ဈေးကွက် တန်ဖိုးမှာ ကန်ဒေါ်လာ ၂.၃ ထရီလီယံ ၀န်းကျင်တွင် ရှိနေပြီး အကြမ်းဖျင်းအားဖြင့် ကမ္ဘာ့စားသောက်ကုန်ဈေးကွက်၏ ၁၈ ရာခိုင်နှုန်းခန့်ရှိသည်။

    ၂၀၁၀ ခုနှစ် တွင် လေ့လာမှုများအရ အစ္စလာမ်ဘာသာဝင်ဦးရေမှာ ကမ္ဘာ့လူဦးရေ၏ ၂၃.၄ ရာခိုင်နှုန်းရှိသောကြောင့် ဟာလာလ်ဈေးကွက်မှာလည်း ကြီးမားသည့် ဈေးကွက်တစ်ခု ဖြစ်နေသည်။

    ဟာလာလ်ဈေးကွက်မှာ ပိုမိုကျယ်ပြန့် ကြီးထွားလာမည်ဟု ခန့်မှန်းထားသောကြောင့် တောင်ကိုရီးယားရှိ စားသောက်ကုန်လုပ်ငန်းမျာက ဟာလာလ်ဈေးကွကို မျက်စိကျလာပြီး မွတ်စလင်နိုင်ငံမျာသို့ စားသောက်ကုန်နှင့် ပင်လယ်စာထွက်ကုန်များ တင်ပို့မှုမှာလည်း အလျင်အမြန်ပင် ကြီးထွားလာခဲ့သည်။

    တောင်ကိုရီးယား စားသောက်ကုန်၊ စိုက်ပျိုးမွေးမြူရေး၊ သစ်တောရေးရာ ၀န်ကြီးဌာန၏ စာရင်းအချက်အလက်များအရ ပင်လယ်ကွေ့အဖွဲ့ဝင်နိုင်ငံများ (GCC) သို့ ဟလာလ် စားသောက်ကုန်တင်ပို့မှုသည် ၂၀၁၅ ဇန်န၀ါရီလမှ နိုဝင်ဘာလအတွင်း ၅.၉ ရာခိုင်နှုန်းတက်လာပြီး ဒေါ်လာ ၃၃၉ သန်းထိ ရှိလာခဲ့သည်ဟု သိရသည်။ GCC နိုင်ငံများအပါအ၀င် ကမ္ဘာတစ်ဝှမ်းသို့ ဟလာလ်စားသောက်ကုန်တင်ပို့မှုမှာ ဒေါ်လာ သန်း ၈၆၀ အထိ ရောက်ရှိခဲ့သည်။

    ၂၀၁၀ မှ ၂၀၁၄ ခုနှစ်အတွင်း တောင်ကိုရီးယား၏ ဟာလာလ်ထုတ်ကုန်များ တင်ပို့မှုမှာ ၆၉.၃ ရာခိုင်နှုန်းအထိ တိုးတက်ခဲ့ပြီး မွေးမြူရေးနှင့် အစားအသောက်တင်ပို့မှုမှာ ၅၁.၅ ရာခိုင်နှုန်း တက်လာခဲ့သည်။ GCC နိုင်ငံများအပြင် အင်ဒိုနီးရှား၊ မလေးရှားနှင့် အီရန်နိုင်ငံများသို့ တင်ပို့မှုမှာလည်း သိသိသာသာ တက်လာခဲ့သည်။

    “အနေအထားအရ ဟာလာလ်ဈေးကွက်ဟာ အောင်မြင်မယ့်အလားအလာ ရှိနေပါတယ်။ တောင်ကိုရီးယား ကုမ္ပဏီတွေနဲ့ လယ်သမားတွေဟာ ဒီဈေးကွကို မထိသလောက်ပါပဲ။ မွတ်စလင်နိုင်ငံအတော်များများက ဈေးပေါပေါနဲ့ အရည်အသွေးနိမ့် ပစ္စည်းတွေအစား စိတ်ချလုံခြုံပြီး အရည်အသွေးမြင့်မားတဲ့ ထုတ်ကုန်တွေကိုပဲ သုံးစွဲလိုစိတ် ရှိကြပါတယ်” ဟု တောင်ကိုရီးယားအစိုးရ တာဝန်ရှိသူတစ်ဦးက ပြောကြားခဲ့သည်။

    ထို့ပြင် ၂၀၁၇ ခုနှစ် အရောက်တွင် ၎င်းတို့၏ ဟာလာလ်တင်ပို့မှုကို ကန်ဒေါ်လာ ၁.၅ ဘီလီယံ တန်ဖိုးအထိ မြှင့်တင်သွားမည်ဟု တောင်ကိုရီးယားက ၂၀၁၅ ခုနှစ်တွင် ကြေငြာခဲ့သည်။

    Ref: IINA

  • ဟလာလ် ထုတ်ကုန် လုပ်ငန်းများဖြင့် ဖိလစ်ပိုင်၏ ဘန်ဆာမိုရိုဒေသ စီးပွားရေးကို မြှင့်တင်မည်

    ဟလာလ် ထုတ်ကုန် လုပ်ငန်းများဖြင့် ဖိလစ်ပိုင်၏ ဘန်ဆာမိုရိုဒေသ စီးပွားရေးကို မြှင့်တင်မည်

    ဇွန် ၁၀ ၊ ၂၀၁၅
    M-Media

    bangsamoro
    ပြည်တွင်း ဟလာလ် လုပ်ငန်းစဉ်အား ဘန်ဆာမိုရို စီးပွားရေး၏မဏ္ဍိုင်များ အနက် အပါအ၀င် ဖြစ်လာရန် မျှော်လင့်ထားသည်ကြောင်း၊ ဘန်ကာဆာမိုရိုဒေသသည် မင်ဒါနောဒေသ၊ ဖိလစ်ပိုင်၏ ဟလာလ်လုပ်ငန်းစဉ်နှင့် အသိအမှတ်ပြုခြင်း၏ အခရာကျသည့် ဘူမိနက်သန်ဖြစ်လာနိုင်ကြောင်း ဟု အမျိုးသား စီးပွားရေးနှင့်ဖွံ့ဖြိုးရေးဋ္ဌာန – Neda က ဆိုသည်။

    မင်ဒါနောတွင် ယင်းလုပ်ငန်းစဉ်ကျယ်ပြန့်ရေးအတွက် အားအကောင်းဆုံးစေ့ဆော်ချက် ရှိနေပြီး၊ ယဉ်ကျေးမှုအရလည်း မလေးရှား၊ အင်ဒိုနီးရှား၊ ဘရူနိုင်း ဒရုစ္စလာမ်နှင့် အခြားအစ္စလာမ်နိုင်ငံတို့၏ ဟလာလ်နည်းစဉ်အခြေခံ စီးပွားရေးလုပ်ငန်းများနှင့် ချိတ်ဆက်လျက် ရှိနေသည်။

    သို့ဖြစ်၍ အရေးပါသော ဤကုန်သွယ်ရေး ချိတ်ဆက်မှုများအရ လက်ရှိဆိပ်ကမ်းများမှာ မြှင့်တင်ရေးနှင့် အရည်အသွေး တိုးမြှင့်ရေးလိုအပ်နေသဖြင့် ကုန်းလမ်း၊လေကြောင်း၊ ကုန်သွယ်လမ်းကြောင်းများကို ဖွင့်လှစ်ဖို့ လိုအပ်မည်ဖြစ်သည်။
    သို့အားဖြင့် ၂၀၁၆ နှစ်ကုန်ပိုင်းတွင် ဘန်ကာဆာမိုရို၏ စိုက်ပျိုးရေးကဏ္ဍစီမံချက်၌ ၃ ရာခိုင်နှုန်းမှ ၄ ရာခိုင်နှုန်းအထိ အထောက်အကူပြုသွားနိုင်သည်ဟု Neda မှ မျှော်လင့်ထားသည်။

    Halal products from Mindanao being displayed during the Philippine Halal Assembly held at the Marriott Hotel in Pasay City from June 3-5, 2015. Various halal stakeholders from all over the world joined the event. MindaNews photo by Ferdinandh Cabrera
    ဟလာလ်လုပ်ငန်းစဉ်သည် အတိုး၊ တရားမ၀င်ရောင်းဝယ်မှု၊ ၀က်သား – အရက် -လောင်းကစား စသည့် ဟရာမ်အရာများကို တားမြစ်ထားသော အစ္စလာမ့်ဘဏ်လုပ်ငန်းနှင့်ငွေကြေးစနစ်အား ချိတ်ဆက်နိုင်ခြင်းလည်း ဒေသတွင်းတိုးတက်မှုအလားအလာအတွက် အကြောင်းတစ်ရပ်ဖြစ်နေသည်ဟု ရှင်းပြထားသည်။

    Neda ၏ အထွေထွေအုပ်ချုပ်မှုဒါရိုက်တာနှင့် အာရှဖွံ့ဖြိုးရေးဘဏ် ADB ၏ ဖိလစ်ပိုင်နိုင်ငံဆိုင်ရာ ဒါရိုက်တာဖြစ်သူ ရစ်ချဒ်ဘို့လ် က ဖိလစ်ပိုင်စီးပွားရေးဖွံ့ဖြိုးမှုအတွက် အဓိကမောင်းနှင်အားမှာ မနီလာထက် မင်ဒါနောပြည်နယ်က ပိုမိုလျင်မြန်စွာ ဖြစ်ထွန်နိုင်ကြောင်း၊ ၎င်း၏တောင်ပိုင်း ဘန်ဆာမိုရိုဒေသသည် အစ္စလာမ်ကမ္ဘာမှ ရင်းနှီးမြုပ်နှံမှုများကို ဖိလစ်ပိုင်အတွက် အလွယ်တကူ ဆွဲဆောင်နိုင်ကြောင်း၊ ယင်းအစီအစဉ်ကို အကောင်အထည်ဖော်နိုင်ပါက အာဆီယံအရှေ့ခြမ်းဖွံ့ဖြိုးတိုးတက်မှု၏ အကျိုးအမြတ်အား ဖိလစ်ပိုင်နိုင်ငံမှ
    အပြည့်အ၀ရရှိခံစားသွားနိုင်မည်ဖြစ်ကြောင်း ပြောဆိုလိုက်သည်။

    images1

    ref: Business Mirror

  • ဟာလာလ် ကုန်စည်ပြပွဲနှင့် ဖိုရမ်ကို ဂျပန်တွင် ပထမဆုံး အကြိမ်ဖြစ် ကျင်းပမည်

    ဟာလာလ် ကုန်စည်ပြပွဲနှင့် ဖိုရမ်ကို ဂျပန်တွင် ပထမဆုံး အကြိမ်ဖြစ် ကျင်းပမည်

    စက်တင်ဘာ ၂၉ ၊ ၂၀၁၄
    M-Media
    26-09-14_Japan-Hosts-First-Intl-Halal-Expo
    – မွတ်စလင်ခရီးသွားလုပ်ငန်းကို တိုးချဲ့ရန်နှင့် နိုင်ငံအတွင်း စီးပွားရေးလုပ်ငန်းရှင်များအား ထိုလုပ်ငန်းအကြောင်း အသိပေးရန် ရည်ရွယ်၍ ဟာလာလ်ဖိုရမ်နှင့် ကုန်စည်ပြပွဲတစ်ခုကို ယခုနှစ်ကုန်ပိုင်းတွင် ဂျပန်နိုင်ငံ၌ ပြုလုပ်သွားမည်ဟု သိရသည်။

    “ဒီကုန်စည်ပြပွဲဟာ ပြည်တွင်းဟာလာလ်လုပ်ငန်း ဖွံ့ဖြိုးမှုနဲ့ ဂျပန်ကုမ္ပဏီတွေက အစ္စလာမ့်ဈေးကွက်ကို အကောင်အထည်ဖော်ရာမှာ အကူအညီဖြစ်စေဖို့ ရည်ရွယ်လုပ်ဆောင်တာ ဖြစ်ပါတယ်” ဟု ဂျပန်ဟာလာလ်ကုန်စည်ပြပွဲ ၀ဘ်ဆိုက်တွင် ရေးသားထားသည်

    အဆိုပါ “၂၀၁၄ ဂျပန်ဟာလာလ်ကုန်စည်ပြပွဲ” ၏ ဆောင်ပုဒ်မှာ “Global expansion of Made in Japan Halal and development of a domestic Halal environment” ဖြစ်ပြီး နိုဝင်ဘာ ၂၆ ရက်နှင့် ၂၇ ရက်နေ့များတွင် ပြုလုပ်သွားမည်ဖြစ်သည်။

    ကုန်စည်ပြပွဲတွင် ဂျပန်နိုင်ငံမှ ထုတ်လုပ်သော ဟာလာလ်ထုတ်ကုန်များကို ပြသသွားမည်ဖြစ်ပြီး၊ ဖိုရမ်တွင်လည်း ပြည်တွင်းနှင့် နိုင်ငံတကာမှာ ရှယ်ယာရှင်များ၊ ဟာလာလ်လုပ်ငန်းဆိုင်ရာကျွမ်းကျင်သူများနှင့် ဟာလာလ်အသိအမှတ်ပြုလက်မှတ် ထုတ်ပေးရေး အဖွဲ့အစည်းများမှ တာဝန်ရှိသူများ တက်ရောက်ကာ ဟောပြောပို့ချမှုများ ပြုလုပ်သွားမည်ဖြစ်သည်။

    ထို့ပြင် အဆိုပါကုန်စည်ပြပွဲမှာ ဂျပန်နိုင်ငံတွင် ဟာလာလ်စားသောက်ဆိုင်များ တိုးပွားလာရန်အတွက်လည်း ရည်ရွယ်ပြုလုပ်ခြင်းဖြစ်သည်။

    ၂၀၀၄ ခုနှစ်မှ ၂၀၁၃ ခုနှစ်အတွင်း မွတ်စလင်ခရီးသွားများ ဂျပန်နိုင်ငံသို့ လာရောက်လည်ပတ်မှုမှာ ၇.၂ ရာခိုင်နှုန်းအထိ တိုးတက်ခဲ့ပြီး၊ လာမည့် ၇ နှစ်အတွင်း ၁၈.၇ ရာခိုင်နှုန်းအထိ တိုးလာမည်ဟု ကျွမ်းကျင်သူများက ခန့်မှန်းထားသည်။

    ထို့ကြောင့် အစ္စလာမ့်ခရီးသွားလာရေးလုပ်ငန်းစာရင်းတွင် ဂျပန်နိုင်ငံမှာ အဆင့် ၅၀ မှ တစ်နှစ်အတွင်း အဆင့် ၄၀ အထိ ခုန်တက်သွားခဲ့သည်။

    မွတ်စလင်ခရီးသွားများ များပြားလာခြင်းနှင့်အတူ ဟာလာလ် ခရီးသွားလုပ်ငန်းကို ပိုမိုတိုးတက်စေရန် ဆောင်ရွက်သွားမည်ဟု ဂျပန်အစိုးရက ကြေညာခဲ့ပြီး ပြီးခဲ့သည့်နှစ် ဒီဇင်ဘာလက ဂျပန်ရှိ နိုင်ငံတကာလေဆိပ်များတွင် အစ္စလာမ်ဘာသာဝင်များ ၀တ်ပြုနိုင်ရန်အတွက် ၀တ်ပြုဆောင်များနှင့် ဟာလာလ်အစားအသောက်များ ရရှိရန် စီစဉ်ပေးခဲ့သည်။

    ref_ OnIslam & Newspapers

  • နိုင်ငံတကာ ဟာလာလ် ခရီးသွား လုပ်ငန်းဆိုင်ရာ ပထမဆုံး ညီလာခံတစ်ခု စပိန်တွင် ပြုလုပ်

    နိုင်ငံတကာ ဟာလာလ် ခရီးသွား လုပ်ငန်းဆိုင်ရာ ပထမဆုံး ညီလာခံတစ်ခု စပိန်တွင် ပြုလုပ်

    စက်တင်ဘာ ၂၃ ၊ ၂၀၁၄
    M-Media
    SpainHosts-First-Halal-Tourism-Confab_
    – ကမ္ဘာလုံးဆိုင်ရာ ခရီးသွားကဏ္ဍတွင် ဟာလာလ် ခရီးသွားလုပ်ငန်း၏ အောင်မြင်မှုကို သိရှိစေရန်နှင့် နောက်ဆုံးရ အချက်အလက်များကို မျှဝေရန်အတွက် ကမ္ဘာတစ်ဝှမ်းမှ ကျွမ်းကျင်းသူများ ပါဝင်သည့် ပထမဆုံးအကြိမ် နိုင်ငံတကာ ဟာလာလ် ခရီးသွားလုပ်ငန်း ညီလာခံကို စပိန်နိုင်ငံ ဂရာနာဒါတွင် ယမန်နေ့က စတင်ပြုလုပ်ခဲ့သည်ဟု သိရသည်။

    အဆိုပါညီလာခံကို စက်တင်ဘာ ၂၂ ရက်နှင့် ၂၃ ရက်၊ ၂ ရက်တိုင်တိုင် ကျင်းပပြုလုပ် သွားမည်ဖြစ်ပြီး ဟာလာလ် ခရီးသွားလုပ်ငန်းအား နားလည်မှု၊ ကိန်းဂဏန်း အချက်အလက်များအား တင်ပြခြင်း၊ စီးပွားရေးနှင့် အလားအလာများ၊ မွတ်စလင် ခရီးသွားများနှင့် စားသုံးသူများ လိုအပ်ချက် စသဖြင့် ခေါင်းစဉ်ငါးခု သတ်မှတ်ထားသည်။

    “ဒါဟာ ဟာလာလ်ခရီးသွားလုပ်ငန်းအတွက် ကြီးမားတဲ့ အခမ်းအနား တစ်ခုပါပဲ။ ဒီညီလာခံမှာ လက်ရှိဈေးကွက်ပုံစံကို တိုက်ရိုက်တုံ့ပြန်မှုတွေအကြောင်း ဆွေးနွေးပြီး ဒီကဏ္ဍအတွက် လိုအပ်ချက်တွေကိုလည်း အသေးစိတ် ဆန်းစစ်ဖြေရှင်းနေပါတယ်။ ဒီပွဲဟာ ဟာလာလ် ခရီးသွားလုပ်ငန်းအတွက် အသေးစိတ်အချက်အလက်တွေကို လေ့လာဆန်းစစ်ဖို့ ကျင်းပတဲ့ ပထမဆုံး နိုင်ငံတကာပွဲလည်းဖြစ်ပါတယ်” ဟု အဆိုပါ ညီလာခံကို စီစဉ်သူ CMM မှ တာဝန်ရှိသူ အမျိုးသမီး သတ်စ်နင်းမ် မဟ်မူးဒ်က သတင်းစာရှင်းလင်းပွဲတွင် ပြောကြားခဲ့သည်။

    ထိုညီလာခံတွင် ရင်းနှီးမြှုပ်နှံသူများအား ဈေးကွက်နှင့် ပတ်သက်သည့် ဗဟုသုတများ၊ ထိုကဏ္ဍအတွက် ရေရှည် ခန့်မှန်းချက်များ၊ ဈေးကွက်အတွင်း မည်ကဲ့သို့ ထိုးဖောက်ရမည်ကို နားလည်စေရန်အတွက် နည်းလမ်းများ စသည်တို့ကိုလည်း ပေးအပ်သွားမည်ဖြစ်သည်။

    “မွတ်စလင်တွေဟာ အားလပ်ရက်မှာ ခရီးသွားတာတွေ တိုးလားပြီး၊ ဒီဏ္ဍဟာ လျင်မြန်စွာ ကြီးထွားလာနေတာကြောင့် နိုင်ငံတိုင်းနဲ့ စီးပွားရေးလုပ်ငန်းတိုင်းဟာ ဟာလာလ်ခရီးသွားလုပ်ငန်းကို ဆန်းစစ်လေ့လာဖို့ လိုအပ်နေပါပြီ။ ခရီးသွားကဏ္ဍ အစိတ်အပိုင်းအားလုံးအတွက် ဒါဟာ ကြီးမားတဲ့အခွင့်အလမ်းကို ဖြစ်ပေါ်စေပါတယ်” ဟု သတ်စ်နင်းမ်က ထပ်လောင်းလောင်းပြောကြားခဲ့သည်။

    ဟာလာလ် ခရီးသွားလုပ်ငန်းအား ဆွဲဆောင်ခြင်း၊ မဟာဗျူဟာများ ချမှတ်ခြင်းနှင့် အဓိက ခရီးသွားကဏ္ဍအတွင်း အဆိုပါလုပ်ငန်း၏ အနာဂတ် စသည်တို့အတွက် နည်းလမ်းများကိုလည်း ဆွေးနွေးသွားမည်ဖြစ်ကာ ကျွမ်းကျင်သူများ၏ ဟောပြောပွဲများ၊ အလုပ်ရုံဆွေးနွေးပွဲများ၊ ကွန်ယက်ချိတ်ဆက်ဆောင်ရွက်မည့်ကဏ္ဍများနှင့် ဟာလာလ်ခရီးသွားလုပ်ငန်းနှင့် သက်ဆိုင်သည့် ပြပွဲများလည်း အဆိုပါ ညီလာခံတွင် ပါဝင်မည်ဖြစ်သည်။

    ဟာလာလ်ခရီးသွားလုပ်ငန်းအတွက် ရင်းနှီးမြှုပ်နှံမှုမှာ ၂၀၁၂ ခုနှစ်တွင် ကန်ဒေါ်လာ ၁ ထရီလီယံရှိခဲ့ပြီး ဆက်လက်မြင့်မားနေကာ ၂၀၁၈ ခုနှစ်တွင် ၁.၆ ထရီလီယံအထိ ရှိလာမည်ဟု မွတ်စလင်ဈေးကွက်သုသေသနပညာရှင် ဒီနာရ်စတန်းဒက်က ပြောကြားခဲ့သည်။

    ref_OnIslam

  • ဥရောပ၏ ပထမဆုံး ဟလာလ် ခရီးသွားလုပ်ငန်း ကွန်ဖရင့်ကို စပိန်တွင် ကျင်းပမည်

    ဥရောပ၏ ပထမဆုံး ဟလာလ် ခရီးသွားလုပ်ငန်း ကွန်ဖရင့်ကို စပိန်တွင် ကျင်းပမည်

    သြဂုတ် ၁၉ ၊ ၂၀၁၄
    M-Media
    spain-to-host-first-ever-conference-on-halal-tourism-in-europe-01
    ကမ္ဘာ့အလျင်မြန်ဆုံး ကြီးထွားလာသည့်ကဏ္ဍတစ်ခုဖြစ်သော ဟလာလ်ခရီးသွား လုပ်ငန်းစဉ်၌ ငွေကြေးအကျိုးအမြတ် မည်မျှရနိုင်ခြင်းအပေါ် သုံးသပ်မည့် ပထမဆုံး အပြည်ပြည်ဆိုင်ရာ ကွန်ဖရင့်တစ်ရပ်ကို စပိန်နိုင်ငံ၊ အန်ဒလူစီယာ၌ Adenya Beach Resort Europe မှ လာမည့် စက်တင်ဘာ ၂၂ နှင့် ၂၃ ရက်တွင် ဈေးကွက် ကိုယ်စားလှယ်များ၊ ကျွမ်းကျင်သူများနှင့် တစ်ကွ လက်ခံ ကျင်းပမည်ဖြစ်သည်။ ဤဈေးကွက် အတွင်း ကမ္ဘာ့ခရီးသွားလုပ်ငန်းနှင့် တွဲဖက်၍ ဆောင်ရွက်နိုင်မည့် နည်းလမ်းများကိုလည်း ဆွေးနွေးသွားမည်ဟုဆိုသည်။

    နောက်ဆုံးရအချက်အလက်များအရ (၂၀၁၃)ခုနှစ်တွင် ကမ္ဘာ့ခရီးသွားလုပ်ငန်း အသုံးပြုငွေ အားလုံး၏ ၁၃ % (တန်ကြေးအားဖြင့် ဒေါ်လာ ၁၄၀ ဘီလီယံ)မှာ ဟလာလ်ခရီးသွား လုပ်ငန်းကဏ္ဍမှဖြစ်ကာ၊ (၂၀၂၀) ခုနှစ်တွင် ဒေါ်လာ (၁၉၂)ဘီလီယံ အထိ ရောက်ရှိမည်ဟု ခန့်မှန်းထားကြသည်။

    “ဒီကွန်ဖရင့်က ဟလာလ်ခရီးသွားလုပ်ငန်းအတွက် အကြီးစားအပြောင်းအလဲ အသစ်တစ်ရပ် ဖြစ်ပါတယ်။ လက်ရှိဈေးကွက်လမ်းကြောင်းအပေါ် တိုက်ရိုက် အကျိုးသက်ရောက်မှု ရှိနေတဲ့ အပြင် ခရီးသွားလုပ်ငန်း ကဏ္ဍရဲ့ လိုအပ်ချက်များကိုလည်း ပြဆိုပေးသွားမှာဖြစ်ပါတယ်။

    ဟလာလ်ခရီးသွား လုပ်ငန်းကို နိုင်ငံတိုင်း၊ စီးပွားရေး လုပ်ငန်းရှင်တိုင်းက အာရုံစိုက်ဖို့လိုနေပါပြီ။ ဘာဖြစ်လို့လဲဆိုတော့ ဒီလုပ်ငန်းက တမဟုတ်ချင်း ကြီးထွားလာတယ်။ ပြီးတော့ အားလပ်ရက်များမှာ သွားလာသုံးဖြုန်းတဲ့ မွတ်စ်လင်မ်ခရီးသွားတွေ တိုးမြင့်နေလို့ဖြစ်ပါတယ်။ ဒီလုပ်ငန်းကို တက်ကြွထိရောက်စွာ ဆောင်ရွက် လုပ်ကိုင်နေတဲ့ နိုင်ငံများနဲ့ လုပ်ငန်းခွင် နယ်ပယ်များထဲက ကျွမ်းကျင်သူများ အကြား အတွေ့အကြုံဖလှယ်မှုအတွက် လက်တွေ့ကျကျ ပလက်ဖောင်းသာမက အလွန်ထူးခြားသော အသိအမြင်ဖိုရမ်တစ်ခုလည်း ဖြစ်လာပါလိမ့်မယ်။ အခွင့်အလမ်းသစ်၊ ကွန်ယက်သစ်တွေနဲ့ ပါတနာသစ်များကိုလည်း ဖော်ဆောင်ပေးပါလိမ့်မယ် ” ဟု CMM မှ ဦးဆောင်စီစဉ်သူ တက်စ်နင်းမ် မဟ်မူးဒ်က ပြောကြားသည်။

    ref_Eat Halal