News @ M-Media

Tag: Halal_Food

  • ဟလာလ် စားသောက်ဆိုင် ရှာဖွေရန် နှင့် အစားအသောက် ဝယ်ယူနိုင်သည့် Mobile App ဂျပန်တွင်ဖြန့်ချီ

    မေ ၂၄ ၊ ၂၀၁၄
    M-Media

    ဟာလာလ်အစားအသောက်များကို ရွေးချယ်ဝယ်ယူနိုင်ပြီး ဟာလာလ် စားသောက်ဆိုင်များကို ရှာဖွေနိုင်သော Mobile App တစ်ခု ဂျပန်တွင်ဖြန့်ချီ

    JapanMuslimsGet-Halal-App

    ဟာလာလ်အစားအသောက်များကို ရွေးချယ်ဝယ်ယူနိုင်ပြီး ဟာလာလ် စားသောက်ဆိုင်များကို ရှာဖွေနိုင်သော Mobile App တစ်ခု ဂျပန်တွင်ဖြန့်ချီ
    ======================
    မေ ၂၄ ၊ ၂၀၁၄
    M-Media

    ဂျပန်နိုင်ငံတွင် အစ္စလာမ်ဘာသာဝင်များ အတွက် ၀က်သားမရောင်းသည့် အစားအသောက်များကို ရွေးချယ်ဝယ်ယူနိုင်ရန်နှင့် ဟာလာလ် စားသောက်ဆိုင်င်များကို အလွယ်တကူရှာဖွေနိုင်ရန်အတွက် ဖုန်းဆော့ဖ်ဝဲတစ်ခုကို အင်ဒိုကျောင်းသားတစ်ဦးက တီထွင်ခဲ့သည်ဟု သိရသည်။

    HalalMinds ဟု မည်ရပြီး အင်္ဂလိပ်ဘာသာဖြင့်ဖန်တီးထားကာ Android ဖုန်းများအတွက် ဧပြီလ ၃ ရက်နေ့တွင် လည်းကောင်း၊ iOS ဖုန်းများအတွက် ဧပြီ ၂၈ ရက်နေ့တွင်လည်းကောင်း အခမဲ့ ဖြန့်ချီခဲ့သည်။

    ဂျပန်နိုင်ငံတစ်ဝှမ်း ဟာလာလ်စားသောက်ဆိုင်များ၏ လိပ်စာများအပါအ၀င် နိုင်ငံအတွင်းရောင်းချသည့် အစားအသောက်များမှ ဟာလာလ် အစားသောက်များကို ထိုဆော့ဖ်ဝဲဖြင့် ရွေးချယ်နိုင်မည်ဖြစ်သည်။ အစားအသောက်အမျိုးအစားပေါင်း ၅ သိန်းနီးပါး၏ အချက်အလက်များကို ထည့်သွင်းထားပြီး အသုံးပြုသူအနေဖြင့် ဘာကုတ်များကို ထိုဆော့ဖ်ဝဲဖြင့် ဖတ်ကာ ဟာလာလ်အစားအသောက်ဟုတ်မဟုတ် ရွေးချယ်ဝယ်ယူနိုင်သည်။

    “ကျွန်တော်တို့ဟာ စွန့်ဦးစီးပွားရေးသမားတွေ၊ အစိုးရ အရာရှိတွေနဲ့ ဂျပန်နိုင်ငံတစ်ဝှမ်းက လုပ်ငန်းရှင်တွေနဲ့ ဆက်သွယ်နေပါတယ်။ ဒီဆော့ဖ်ဝဲအကြောင်း ကြားပြီးတဲ့နောက်မှာ သူတို့ထဲက တစ်ချို့ဟာ ကျွန်တော်တို့ကို ဆိုရှယ်နက်ဝက်တွေကနေတစ်ဆင့် ဆက်သွယ်လာခဲ့ကြပါတယ်” ဟု အဆိုပါဆော့ဖ်ဝဲကို တီထွင်သူ အဂ်အွန် ပန်ဘူဒီက Tech In Asia သို့ ယမန်နေ့က ပြောကြားခဲ့သည်။

    အင်ဒိုနီးရှားနိုင်ငံသားတစ်ဦးဖြစ်သည့် ပန်ဘူဒီမှာ ဂျပန်နိုင်ငံ ကျူရှူတက္ကသိုလ်၌ သဘာဝအရင်းအမြစ် အင်ဂျင်နီယာဘာသာရပ်အထူးပြု PhD တက်ရောက် နေသူဖြစ်သည်။ ဂျပန်နိုင်ငံရှိ အစားအသောက်အများအပြားတွင် ၀က်သားကို ကျယ်ကျယ်ပြန့်ပြန့် အသုံးပြုကြောင်း တွေ့ရှိခဲ့ပြီးနောက် ပန်ဘူဒီက ထိုဆော့ဖ်ဝဲအား တီထွင်ခဲ့ခြင်းဖြစ်သည်။

    ထို့ပြင် အစ္စလာမ်ဘာသာဝင်တို့ ၀တ်ပြုရာတွင် မျက်နှာမူရာအရပ်ကို ဖော်ပြသည့် သံလိုက်အိမ်မြှောက်ကိုလည်း ထိုဆော့ဖ်ဝဲတွင် ထည့်သွင်းထားသည်။ ထိုဆော့ဖ်ဝဲအတွက် ပြင်ပမှအကူအညီမယူဘဲ ပန်ဘူဒီ၏ Kyushu.Lab ကသာ ငွေကြေးစိုက်ထုတ်သုံးစွဲခြင်းဖြစ်ပြီး တောင်ကိုရီးယားနှင့် ထိုင်ဝမ်နိုင်ငံများသို့ပါ ဖြန့်ကျက်သွားရန် စီစဉ်နေသည်။

    ဟာလာလ်ဟူသည်မှာ အာရဗီဝေါဟာရအရ ခွင့်ပြုထားခြင်းဟုအမည်ရပြီး အစ္စလာမ့်နည်းကျ နေထိုင်မှုဘ၀တွင် အရေးပါသော အချက်ဖြစ်သည်။ အစားသောက်၊ အလုပ်အကိုင်၊ သုံးစွဲမှု စသည်တို့တွက် ဟာလာလ်နည်းလမ်းများကို သတ်မှတ်ထားပြီး အစ္စလာမ်ဘာသာဝင်များမှာ ထိုဟာလာလ်နည်းလမ်းများဖြင့်သာ စားသောက်၊ လုပ်ကိုင်ရသည်။  အစ္စလာမ်တွင် ၀က်သားစားသုံးခြင်းကိုတားမြစ်ထားပြီး အခြားသော ရုပ်ပိုင်း၊ နာမ်ပိုင်း သန့်ရှင်းခြင်းမရှိသည့် အစားသောက်များကိုလည်း တားမြစ်ထားသည်။

    ယခုလက်ရှိတွင် ဂျပန်လူဦးရေ ၁၂၇ သန်းတွင် ၁ သိန်း ၂ သောင်းကျော်မှာ အစ္စလာမ်ဘာသာဝင်များဖြစ်ကာ အစ္စလာမ်ကို လက်ခံသူများမှာလည်း တိုးပွားလျက်ရှိနေသည်။

    OnIslam & News Agencies

     

  • အင်္ဂလန်တွင် ဟာလာလ် စံချိန် စံညွှန်း စည်းကမ်းဖောက်ဖျက်ပြီး လိမ်ရောင်းသည့် စားသောက်ဆိုင်အား တရားရုံးမှ ဒဏ်ရိုက်

    ဖေဖော်ဝါရီ ၂၃ ၊ ၂၀၁၄
    M-Media
    uk-restaurant-ordered-to-pay-out-£8900-over-false-halal-meat-claim-01
    ဟာလာလ် စားသောက်ဆိုင် စံချိန်မမှီဘဲ ရောင်းချသည်ပြီး လိမ်လည်ဖော်ပြမှုအတွက်  အင်္ဂလန်နိုင်ငံ ဘာမင်ဟမ်ရှိ စားသောက်ဆိုင်တစ်ဆိုင်အား ယူကေ တရားရုံးတစ်ခုက ဒဏ်ငွေရိုက်ခဲ့သည်ဟု သိရသည်။

    ဘာမင်ဟမ် Star City ရှိ The Real China အမည်ရ အဆိုပါစားသောက်ဆိုင်မှာ အစ္စလာမ်ဘာသာဝင်များ၏ ဥပုသ်လ ၀ါထွက်ချိန်နှင့် အီးဒ်နေ့များတွင် ရောင်းချရာ၌ ၎င်းတို့ဆိုင်မှ အစားအသောက်များမှာ ဟာလာဟ်ဖြစ်သည်ဟု ဖော်ပြခဲ့သည်။

    “The Real China Birmingham မှာ စားသုံးသူတွေအတွက် ဟာလာလ် အစားအသောက်လည်းရပါတယ်။ အသားတွေဟာ ဟာလာလ်ဖြစ်ပြီး၊ စနစ်ကျတဲ့ ပုံစံအောက်မှာ သီးသန့် ပြင်ဆင်ထားတာပါ။ ဟာလာလ် အစားအသောက်တွေရဲ့ လိုအပ်ချက်နဲ့အညီ ချက်ပြုတ်ဖို့အတွက် သီးသန့် စားဖိုမှူးတွေကိုလည်း ခန့်အပ်ထားပါတယ်” ဟု ဆိုင်မျက်နှာစာရှိ ပိုစတာတွင် ရေးသားထားသည်။

    သို့သော်လည်း ဗြိတိန်ရှိ လုပ်ငန်းများနှင့် အစားအသောက်များအား စံချိန်ပြည့်မီခြင်း ရှိ မရှိကို စစ်ဆေးသည့် Trading Standards အဖွဲ့မှ စစ်ဆေးရာ ကြော်ငြာထားသည့်အတိုင်း အစားအသောက်များကို သီးသန့် ချက်ပြုတ်ပေးခြင်း မရှိဘဲ၊ စားဖိုမှူးများလည်း သီးသန့် ခန့်ထားခြင်းမရှိသောကြောင့် ဘာမင်ဂမ်ရှိ တရားရုံးတွင် တရားဆွဲဆိုခြင်း ခံခဲ့ရသည်။

    ထိုဆိုင်မှာ ယခုအခါ The Real China အမည်အား အသုံးမပြုတော့ဘဲ Littleton Food  လိမိတက်အမည်ဖြင့် ယခင်နေရာတွင်ပင် ဆက်လက်ဖွင့်လှစ်ထားပြီး ယခင်က လိမ်လည်ဖော်ပြထားသော အဆိုပါ ပိုစတာနှင့် ဟာလာလ် လက်မှတ်တို့အတွက် The Real China ဒါရိုက်တာ Fan Zhang အား ဘာမင်ဂမ် တရားရုံးမှ ပေါင် ၂၀၀၀ ဒဏ်ရိုက်ခဲ့သည်။ ထို့ပြင် Littleton Food ကုမ္ပဏီကိုလည်း ပိုစတာနှင့် လက်မှတ်အတွက် ပေါင် ၂၅၀၀ ဒဏ်ရိုက်ခဲ့သည်။

    ဘာမင်ဂမ်မြို့တော်ကောင်စီ လိုင်စင်နှင့် ပြည်သူ့ကာကွယ်ရေးကော်မတီမှ ဥက္ကဌ Coun Barbara Dring က

    “အစားအသောက်လုပ်ငန်း လုပ်တဲ့အခါမှာ အစားအသောက်တွေဟာ ကြေငြာဖော်ပြထားတဲ့အတိုင်း ပြင်ဆင်ထားဖို့ အရေးကြီးပါတယ်။ ဒီဖြစ်ရပ်မှာဆိုရင် သူတို့ယူတဲ့အသားတွေဟာ ဟာလာလ်ပါဆိုပြီး စားသောက်ဆိုင်က စားသုံးသူတွေကို လှည့်ဖြားခဲ့ပါတယ်။ တကယ်တော့ အဲဒါတွေဟာ ဟာလာလ်မဟုတ်ပါဘူး”  ဟု ပြောကြားခဲ့သည်။

    ထိုကဲ့သို့ ဥပဒေချိုးဖောက်မှုများကို Trading Standards အဖွဲ့မှ ပြင်းပြင်းထန်ထန် အရေးယူပြီး၊ စားသုံးသူများ ထပ်မံ၍ အလိမ်မခံရစေရန် ဥပဒေနာခံရေး သင့်လျော်သော အစီအမံများကို ပြုလုပ်လိမ့်မည်ဟု သူမက ထည့်သွင်းပြောကြားခဲ့သည်။

    Ref: Eat Halal

  • ဂျပန်တွင် မွတ်စလင် ကျောင်းသားများအတွက် ဟာလာလ် အစားအသောက် စီစဉ်ပေးသည့် တက္ကသိုလ် ၁၉ ခုရှိလာ

    ဇန်နဝါရီ ၂၉၊ ၂၀၁၄
    M-Media

    Japans-Universities-Cater-to-Muslim-Needs

    ကိုင်ရို၊ ဇန်န၀ါရီ ၂၇။ ။ တက္ကသိုလ်များတွင် ပညာသင်ယူနေသော အစ္စလာမ်ဘာသာဝင် ကျောင်းသား၊ ကျောင်းသူများ အစားအသောက် စားသောက်ရာတွင် လွယ်ကူမှုရှိစေရန်အတွက် ဂျပန်တက္ကသိုလ်များရှိ ကန်တင်းများတွင် ဟာလာလ်အစားအသောက်များကို စီစဉ်ပေးမှုများ ရှိလာခဲ့သည်ဟု သိရသည်။

    Yamanashi ပြည်နယ်ရှိ Yamanashi တက္ကသိုလ်ရှိ ကန်တင်းတွင် ဟာလာလ်အစားအသောက် ၁၀ မျိုးကို ထည့်သွင်းပေးထားပြီး၊ ဟင်းလျာ စာရင်းများရှိ အဆိုပါ အစားအသောက်များအား အလွယ်တကူ ရွေးချယ်နိုင်ရန် ဟာလာလ် စတေကာ ကပ်ထားပေးသည်။

    “ဒီအစီအစဉ် ဖြစ်မလာခင်အချိန်အထိ ကျွန်တော်ဟာ ကိုယ့်အစားအသောက်ကို ကိုယ့်ဟာကိုယ် စီစဉ်ရတာပါ။ ဒီအစီအစဉ်ဟာ တကယ့်ကို အကျိုးရှိပါတယ်” ဟု မလေးရှားနိုင်ငံမှ လာရောက်ပညာသင်ယူနေသည့် အသက် ၂၁ နှစ်အရွယ် ကျောင်းသား တစ်ဦးက စားသုံးနေရင်း The Mainichi သတင်းစာသို့ ပြောကြားခဲ့သည်။

    Yamanashi တက္ကသိုလ်တွင် ပညာသင်ယူနေသော နိုင်ငံခြား ကျောင်းသား အရေအတွက်မှာ ၁၈၀ နီးပါးရှိပြီး အစ္စလာမ် ဘာသာဝင် ၅၀ ခန့်ရှိသည်။ ထိုတက္ကသိုလ် အပါအ၀င် ဂျပန်နိုင်ငံတွင်   ဟာလာလ်အစားအသောက် စီစဉ်ပေးသော တက္ကသိုလ်များမှာ ၁၉ ခုရှိသည်ဟု တက္ကသိုလ်များပူးပေါင်းဆောင်ရွက်ရေးအသင်း NFUCA ၏ စစ်တမ်းကောက်ယူမှုမှ တစ်ဆင့် သိရသည်။

    ဂျပန်တက္ကသိုလ်များအား အစားအသောက် ကုန်ကြမ်းများကို ထောက်ပံ့ပေးနေသည့် Tokyo Business Association of University Cooperatives က ၀ယ်ယူတင်သွင်းသော ကြက်သားနှင့် အမဲသားများမှာ မလေးရှားနိုင်ငံမှ ဟာလာလ် အသိအမှတ်ပြု လက်မှတ် ထုတ်ပေးထားသော အသားများဖြစ်ပြီး၊ တက္ကသိုလ် ကန်တင်းများတွင် ချက်ပြုတ်သည့် အိုးခွက်များ၊ ပန်းကန်များကိုလည်း သီးသန့်ထားရှိသည်ဟု သိရသည်။

    “နိုင်ငံတွေ၊ လူမျိုးတွေအလိုက် သင့်လျော်တဲ့ အစားအသောက်တွေဟာ ပြောင်းလဲနေပါတယ်။ ဒါ့ကြောင့် ကျွန်တော်တို့ နိုင်ငံသားကျောင်းသားတွေနဲ့ ဆွေးနွေးမှုတွေ အများကြီး လုပ်ခဲ့ရပါတယ်” ဟု Yamanashi တက္ကသိုလ် ကန်တင်းမှ မန်နေဂျာ တက်ဆုယ တာနာဟာရှီက ပြောကြားခဲ့သည်။

    အစ္စလာမ်ဘာသာဝင် ကျောင်းသားများ စားသုံးနိုင်ရန် ရည်ရွယ်၍ ဟာလာလ် အစားအသောက် စီစဉ်ပေးမှုကို ၂၀၁၀ ခုနှစ်တွင် တိုကျိုရှိ တက္ကသိုလ်တစ်ခုမှ စတင်ဆောင်ရွက်ခဲ့ခြင်းဖြစ်ပြီး၊ နောက်ပိုင်းတွင် အခြားသော တက္ကသိုလ်များကလည်း ဆောင်ရွက်လာခဲ့ခြင်းဖြစ်သည်။

    ဂျပန်နိုင်ငံရှိ တက္ကသိုလ်များတွင် ပညာသင်ယူနေသည့် အစ္စလာမ်ဘာသာဝင် ကျောင်းသားများမှာ ယခုအချိန်တွင် ၁ သိန်း ၄ သောင်းခန့်ရှိနေပြီး အများစုမှာ အင်ဒိုနီးရှားနှင့် မလေးရှားနိုင်ငံတို့မှ ဖြစ်ကြသည်။

  • ကမ္ဘာ့တဝှမ်း ဟလာလ် စားသောက်ကုန်ဈေးကွက် အဆမတန် ထိုးတက်လာ

    ဇန်နဝါရီ ၁၄၊ ၂၀၁၄
    M-Media
    Uncontrolled growth of halal food sector
    ကမ္ဘာ့ဟလာလ်ဈေးကွက်ကြီးထွားလာမှုကြောင့် တရားဝင် မဟုတ်တဲ့ ဟလာလ်စားသောက် ကုန်ထုတ်လုပ်မှုဟာ ဒေါ်လာ တစ် ထရီလီယံ တန်ဖိုးကျော်လွန်နေတဲ့ အထိ ထိုးတက်မြင့်မားလာပြီး ၂၀၃၀ ခုနှစ်မှာ ဒေါ်လာ ၂ ထရီလီယံတန်ဖိုးအထိ ဆိုက်ရောက်သွားဖို့ရှိနေပါတယ်။

    ဒီလိုဖြစ်ရတာက မွတ်စ်လင်မ် မဟုတ်သူများအနက် အစ္စလာမ့် စည်းမျဉ်းများနဲ့အညီ စီမံထားတဲ့ အစားအစာတွေအပေါ် နှစ်သက်မှုနှုန်းမြင့်မားလာတယ်။ ဒါကြောင့် ဟလာလ် စားသောက်ကုန်ဈေးကွက်ကို အဆမတန် ထိုးတက်သွားစေတာ ဖြစ်ပါတယ်။ Chulalongkorn တက္ကသိုလ်က ဟလာလ်သိပ္ပံဌာန Halal Science Center (HSC) ရဲ့ တည်ထောင် ညွှန်ကြားသူ တွဲဖက်ပါမောက္ခ Winai Dahlan မှ မကြာသေးခင် အင်တာဗျူး တစ်ခုမှာ Sunday’s Zaman သတင်းဌာနကို ပြောကြားလိုက်တာကတော့ – “ ဒီဈေးကွက် မြင့်မားကျယ်ပြန့်လာမှုမှာလည်း အန္တရာယ်တွေ ရှိလာတတ်ပါတယ်။ ဘာဖြစ်လို့လဲဆိုတော့ စားသုံးသူတွေဟာ ဟလာလ် တံဆိပ်ပေါ်က ပါဝင်ပစ္စည်းတွေကို ကျကျနန မဖတ်ရှုတာရယ်၊ ဟလာလ် တံဆိပ်တွေအပေါ် ယုံကြည်မှု လွန်ကဲလွန်းတာရယ်ကြောင့်ပါဘဲ ” တဲ့။

    ဒါ့အပြင် သူက “ တကယ်လို့ အသင်ဟာ လှည့်ကြည့်စရာမလိုအောင် စိတ်ချရတယ်လို့ ခံစားရရင် အသင့်အနေနဲ့ အန္တရာယ် ရှိပြီလို့ ဆိုလိုရာရောက်ပါတယ်။ မတော်တဆဖြစ်ရပ်အများစုက ယုံကြည်စိတ်ချမှုလွန်ကဲခြင်းကြောင့် ဖြစ်ရတယ်ဆိုတာ ခင်ဗျားတို့ သိကြမှာပါ။ ဟလာလ်စားသောက်ကုန် ကဏ္ဍတွေမှာလည်း ဒီလိုတူညီတဲ့ အခြေအနေမျိုး ရှိပါတယ်။ အသိအမှတ်ပြုချက်တွေက လောက်လောက်လားလား တင်းကြပ်မှု ရှိမနေတော့ စားသုံးသူများအနေနဲ့ ကုန်ပစ္စည်း အမှတ်တံဆိပ်နဲ့ ပါဝင်ပစ္စည်းတွေကို စေ့စပ်စွာ ဆန်းစစ်ပြီးမှ ၀ယ်ယူစားသုံးဖို့လိုပါတယ်။ ဟလာလ်တံဆိပ်တပ် ထုတ်ကုန်တစ်ချို့ဟာ ဟရာမ် (စားသောက်အသုံးပြုခွင့်မရှိတဲ့ပစ္စည်း)တွေ ပါနေတာကို တွေ့လာရလို့ပါပဲ ” ဆိုပြီး ဆက်လက်ပြောပြပါတယ်။ သူတို့ရဲ့လေ့လာမှုများ အရ ဟလာလ်ထုတ်ကုန်တွေရဲ့ ၁၃ ရာခိုင်နှုန်းမှာ ဟရာမ် တွေ့ခဲ့ရကြောင်း အထောက်အထား ရရှိခဲ့ကြတယ်။ ဒီကဏ္ဍမှာ ပိုမိုထိန်းချုပ် ကိုင်တွယ်ဖို့ နဲ့ မျက်ခြေမပြတ်စစ်ဆေးဖို့ လိုအပ်နေကြောင်းကို လေ့လာမှုက ထောက်ပြနေတယ်လို့ Dahlan က ဆိုပါတယ်။

    Dahlan ရဲ့ဖော်ပြချက်အရ ကမ္ဘာ့ဟလာလ် ဈေးကွက်ကြီးထွားလာမှုကြောင့် တရားဝင် မဟုတ်တဲ့ ဟလာလ် စားသောက်ကုန် ထုတ်လုပ်မှုဟာ ဒေါ်လာ တစ် ထရီလီယံ တန်ဖိုးကျော်လွန်နေတဲ့အထိ ထိုးတက်မြင့်မားလာပြီး ၂၀၃၀ ခုနှစ်မှာ ဒေါ်လာ ၂ ထရီလီယံ တန်ဖိုးအထိ ဆိုက်ရောက်သွားဖို့ ရှိနေပါတယ်လို့ သိရတယ်။ မွတ်စ်လင်မ် မဟုတ်သူများကလည်း ဟလာလ်စားကုန်နဲ့ ဈေးကွက်ပြိုင်ဆိုင်မှုအပေါ် မျက်စေ့ကျမှု မြင့်မားနေပါတယ်။ ထူးခြားနေတာကတော့ ဟလာလ် အစားအသောက်ကို ပြည်ပပို့ကုန်အဖြစ် အဓိက ထုတ်လုပ်သူနေသူတွေဟာ ဘရာဇီးလ်၊ အမေရိကန်၊ တရုတ်၊ အိန္ဒိယ နဲ့ ထိုင်း စတဲ့ မွတ်စ်လင်မ်မဟုတ်သော တိုင်းပြည်များ ဖြစ်နေတာပါပဲ။ ဒီကဏ္ဍထဲ ဈေးကွက်ဝေစု အတိုင်းအတာတစ်ခုအထိယူထားတဲ့နိုင်ငံများအနက် တူရကီလည်း ပါဝင်ပါတယ်။ ဒါပေမယ့် သူ့အနေနဲ့လည်း ဈေးကွက်လိုအပ်ချက်ပြည့်မီအောင်ထုတ်လုပ်နိုင်အောင် ကြီးမားလှတဲ့အခြေခံရင်းနှီးမြှုပ်နှံမှု၊ ကျွမ်းကျင်မှု နဲ့ ထဲထဲဝင်ဝင်လုပ်သားအင်အား ရရှိဖို့ မလွယ်လှပါဘူး။

    ၁၈ နှစ်တာသက်တမ်းရှိ HSC မှာ မွတ်စ်လင်မ် လုပ်သားအင်အား ၉၀ ရာခိုင်နှုန်းရှိပြီး၊ ဟလာလ် စားသောက်ကုန်ဆိုင်ရာ လေ့လာမှုနဲ့ အသိအမှတ်ပြု လက်မှတ်အတွက် ပထမဆုံး တည်ထောင်ထားတဲ့ အဖွဲ့အစည်း ဖြစ်ပါတယ်။ အဲ့ဒီမှာ ဂုဏ်ထူးဆောင် မွတ်စ်လင်မ်ပညာရှင်များ ပါဝင်ကြတဲ့ အတိုင်ပင်ခံဘုတ်အဖွဲ့ တစ်ရပ်ရှိပါတယ်။ ဒါတင်မကသေးပါဘူး။ အာဆီယံနိုင်ငံ အနေနဲ့ ဟလာလ်စားကုန် ဈေးကွက်ဝေစုထဲ တိုးမြှင့် ပါဝင်နိုင်ရေးအတွက် ထိုင်းနိုင်ငံမှာ ပုဂ္ဂလိက ကဏ္ဍအားဖြင့် ပရောဂျက်တွေကို စံနစ်တကျ အကောင်အထည်ဖော်နေပါတယ်။ ဟလာလ် ကုန်ထုတ်လုပ်ငန်း၊ ကုမ္ပဏီများကို စောင့်ကြပ်ကြည့်ရှု စစ်ဆေးရေး စတဲ့ ၀န်ဆောင်မှုတွေပေးနေသလို၊ ဒီကဏ္ဍနဲ့ ပတ်သက်ပြီး နားလည် တတ်ကျွမ်းအောင် လေ့လာသင်ကြားသူများကိုလည်း အသိအမှတ်ပြု လက်မှတ် ချီးမြှင့်နေပါတယ်။

    အလှကုန်ပစ္စည်းကနေ ဆေးဝါးများအထိ၊ အစားအသောက်ကနေ အထည်အလိပ်အထိ ကုန်ပစ္စည်းများစွာကို ဒီစင်တာက အနုစိပ် သုတေသနပြုလျက်ရှိတယ်။ ဒီသုတေသနပြုချက်တွေက အသားစ တစ်စပင်လျှင် ဟလာလ်နည်းနဲ့အညီ ထုတ်လုပ်ထွက်ရှိလာမှု ဟုတ်မဟုတ်ကို သက်သေပြနိုင်တယ်လို့ Dahlan က အလေးအနက်ထားပြောကြားပါတယ်။ အချို့သော ပင်လယ်စာများဟာ ဟလာလ်ဖြစ်ပေမယ့်လည်း ထုတ်လုပ်မှုနည်းစဉ်ထဲ ဖြည့်ထည့်လိုက်တဲ့ ပါဝင်ပစ္စည်းတွေကြောင့် ဟရာမ် ဖြစ်သွားနိုင်တယ်၊ အချို့သော ပင်လယ်စာ စည်သွပ်ဗူးတွေထဲမှာ (အစ္စလာမ်က တားမြစ်ပိတ်ပင်ထားတဲ့ ) ၀က်သားတွေ ပါဝင်နေတာကို HSC ရဲ့စစ်ဆေးမှုများထံက အဖြေထွက်လာပါတယ် ဆိုပြီး သူက ဆက်ရှင်းပြခဲ့ပါတယ်။

    “ အလှကုန်ပစ္စည်းတွေထဲ ၀က်ဆီပါဝင်နေမှုကို ထင်ထင်ရှားရှားတွေ့ရတယ်။ ဒီလိုပစ္စည်းမျိုးပါဝင်နေတဲ့ ထုတ်ကုန် အမျိုးအစားတွေကို ကျွန်တော်တို့ရဲ့ အသေးစိပ် လေ့လာချက်တစ်ခုကနေ စာရင်းပြုစုခဲ့တယ်။ ပြီးတော့ စားသုံးဝယ်ယူသူတွေ အလွယ်တကူ သိရှိနိုင်အောင် ဒီအချက်အလက်တွေ ထည့်သွင်းပေးထားတဲ့ iPhone application တစ်ခုကိုလည်း ဖန်တီးလိုက်ပါတယ်။ ဟလာလ်ကုန်ကြမ်းပစ္စည်းအချို့က အချောသတ် ထုပ်ပိုးဖြန့်ချိတဲ့အခါမှာ ဟရာမ်ဖြစ်လာနိုင်ပါတယ်။ ကုန်ပစ္စည်းရေရှည်အထားခံအောင် အသုံးပြုပစ္စည်းတွေမှာ (ဂျယ်လီတွေထဲမှာ သုံးတဲ့) ၀က်ရိုးအမှုန့်တွေ ထည့်သွင်းလေ့ရှိတဲ့ အတွက်ကြောင့် ဖြစ်ပါတယ် ” လို့ Dahlan က အတန်တန်သတိပေးလိုက်ပါတယ်။

    ထိုင်းနိုင်ငံရဲ့ ဟလာလ်စားသောက်ကုန်ကဏ္ဍက တစ်နှစ်ထက်တစ်နှစ် ၂၀ ရာခိုင်နှုန်း တိုးတက်လာတဲ့အတွက် တူရကီ အပါအ၀င် အရှေ့အလယ်ပိုင်း ဈေးကွက်တွေထဲ ခြေဆန့်ဖို့အထိ စီစဉ်ထားကြောင်း ထိုင်းအာဏာပိုင်များရဲ့အဆိုအရ သိရတယ်။

    “ ဟလာလ်စားသောက်ကုန်ကဏ္ဍကို ပြည်တွင်းမွတ်စ်လင်မ်တွေအတွက် ဖန်တီးခဲ့တာပါ။ ဒါပေမယ့် ဈေးကွက်တောင်းဆိုမှုအရ နိုင်ငံတကာ ကုန်သွယ်ရေးကဏ္ဍတစ်ရပ် ဖြစ်လာစေပါတယ်။ ဟလာလ်ထုတ်ကုန်တွေနဲ့ပတ်သက်ပြီး ပညာပေးခြင်း၊ သင်တန်းပေးခြင်း၊ ရင်းနှီးမြှုပ်နှံမှုများအားဖြင့် ရေရှည်ဆောင်ရွက်နိုင်အောင် စီမံထားပါတယ်။ ကျွန်တော်တို့ဆီမှာ အခြေခံအဆောက်အဦးနဲု့ ကုန်အမျိုးအစားတွေ ခိုင်ခိုင်မာမာ ရှိနေပါတယ်။ တူရကီမှာ ဟလာလ် စားသောက်ကုန်နဲ့ပတ်သက်ပြီး သတိပေးနှိုးဆော်မှု မြင့်မားနေတာကို ကျွန်တော်တို့ တွေ့မြင်ရပါတယ်။ HSC သင်တန်းတက်နေကြတဲ့ တူရကီနိုင်ငံကလူတွေ ကျွန်တော်တို့ဆီမှာ မနည်းမနောပါပဲ။ တူရကီနဲ့လုပ်တဲ့ ကျွန်တော်တို့ရဲ့ကုန်သွယ်ရေးထဲမှာ များမကြာမီ ဟလာလ်စားသောက်ကုန်တွေလည်း ပါဝင်လာနိုင်မယ်လို့ ကျွန်တော်တို့ မျှော်လင့်ပါတယ် ” လို့ အစိုးရအရာရှိတစ်ဦးက ပြောဆိုထားပါတယ်။

    Ref: Eat Halal.com

  • တရုတ်နိုင်ငံတွင် ၀က်သားများကို ဟာလာလ် အမဲသားအဖြစ် လိမ်လည်ရောင်းချသူများ ဖမ်းဆီး

    အောက်တိုဘာ၊ ၁၉
    M-Media

    fake-beef

    တရုတ်နိုင်ငံ ရှန်ဇီပြည်နယ် ဇီယန်မြို့တွင် ဟလာလ် အမဲသားများထုတ်လုပ်သည့် စက်ရုံတစ်ခုအတွင်း ၀က်သား ကီလို ၂သောင်းအား တွေ့ရှိခဲ့သည်ဟု တရုတ်ရဲတပ်ဖွဲ့မှ သတင်းထုတ်ပြန်ခဲ့သည်။

    ထိုဝက်သားများအား ဖယောင်း၊ စက်ရုံသုံးဆားများနှင့် ဓာတုဗေဒပစ္စည်းများ အသုံးပြုကာ အမဲသားနှင့်တူညီအောင်ပြုလုပ်ကြပြီး ဒေသအတွင်းတွင် ကီလို ၂၀၀ကျော်ခန့်ရောင်းချပြီးဖြစ်သည်ဟု ထိုင်ဝမ်နိုင်ငံထုတ် Want China Times သတင်းစာတွင် ရေးသားဖော်ပြခဲ့သည်။

    ရဲတပ်ဖွဲ့ကထုတ်ပြန်သော အစီရင်ခံစာတွင် ထိုစက်ရုံမှာ ညဘက်တွင် ၀က်သားများအားတင်သွင်းကာအမဲသားများကဲ့သို့ပြုပြင်ပြီး နောက်တစ်နေ့ နံနက်တွင်ရောင်းချကြသည်ဟု ဖော်ပြထားသည်။ ထိုသတင်းက ဟာလာလ် အမဲသားအမှတ်ဖြင့် ၀ယ်ယူစားသုံးခဲ့သည့် ဇီယန်ဒေသတွင် နေထိုင်ကြသော အစ္စလာမ်ဘာသာဝင်များ အတွက် စိတ်အနှောက်အယှက်ဖြစ်စေခဲ့သည်။

    အစ္စလာမ်သာသနာက ၀က်သားအပါအ၀င် အချို့သော အစားအသောက်အချို့ကို စားသုံးခြင်း မပြုရန် တားမြစ်ထားသည်။ ထိုကဲ့သို့သောလိမ်ညာဆောင်ရွက်မှုများမှာ တရုတ်နိုင်ငံတွင်အဖြစ်များပြီး ယခုနှစ်အစောပိုင်းက အစားအသောက်လိမ်လည်မှုများနှင့်ပက်သက်၍ လူ ၉၀၄ ဦးကို ဖမ်းဆီးခဲ့သည်ဟု Medical Daily သတင်းစာက ဖော်ပြခဲ့သည်။

    Ref: World Bulletin